Kyzylorda-news.kz. Бүгін аймаққа жұмыс сапарымен келген ҚР Парламенті Сенатының депутаты Ақмарал Әлназарова облыстың үкіметтік емес ұйымдары өкілдерімен жүздесіп, азаматтық қоғамды дамыту бағытындағы мақсат-міндеттер тұрғысында пікірлесті.
«Азаматтық қоғамды дамыту – басым бағыттардың бірі» тақырыбында өткен кездесудің модераторлары «Қызылорда облысының үкіметтік емес ұйымдарының Альянсы Ассоциациясы» ЗТБ-нің төрайымы Анар Ізден және «Самұрық» инновациялық идеяларды дамыту орталығы» қоғамдық қорының директоры Жандос Тұсмағамбетов секция жұмысын жүргізсе, спикерлер ҚР Парламенті Сенатының депутаты Ақмарал Әлназарова мен облыстық Қоғамдық даму басқармасының басшысы Мира Қазбекова азаматтық қоғамды дамытудың тұжырымдамасын жетілдіру механизмдері, мемлекеттік әлеуметтік тапсырысты қалыптастыру, нәтижелерін бағалау қағидалары бойынша ой бөлісті.
Сонымен қатар, ҮЕҰ өкілдері тарапынан секция жұмыстары барысында азаматтық қоғамды дамытудың жаңа Тұжырымдамасының негізгі бағыттары, азаматтардың шешім қабылдауға қатысуы, қоғамдық бақылаудың тетіктері мен мүмкіндіктері, ҮЕҰ бәсекеге қабілеттілігі, даму переспективалары сияқты мәселелер қозғалды.
<img src="https://kyzylorda-news.kz/wp-content/uploads/2022/08/screenshot_20220824-234927_facebook.jpg" alt="" />
<img src="https://kyzylorda-news.kz/wp-content/uploads/2022/08/screenshot_20220824-234905_facebook.jpg" alt="" />

Азаматтық қоғамды дамыту – басты міндет

<a href="https://kyzylorda-news.kz/">Kyzylorda-news.kz.</a>&nbsp;Биылғы жылы «Жалпыға міндетті білім беру» қоры есебінен көмекке мұқтаж отбасы ретінде облыста 31 322 бала есепке алынған болатын. Бүгінде 23 888 оқушы аталмыш қор арқылы қаржылай көмекті алып үлгерді.
Айта кетейік, биылдан бастап Оқу-ағарту министрлігі қаржылай көмек көрсету ережелеріне өзгерістер енгізді. Егер бұрын өңірлерде бөлінген сома 17 мыңнан 40 мыңға дейін болса, биыл бұл сома ұлғайтылып, кемінде 37 389 теңгені құрайды.
Көмек беру тетігіне де өзгерістер енгізілді. Енді ата-аналарға қаржы балаларымен бірге мектеп формасын, аяқ киімін, кеңсе тауарларын және т.б. өз бетінше таңдай алуы үшін банктегі шотына аударылады. Бұған дейін мұның барлығын әкімдіктер сатып алатын және тауардың өлшеміне, сапасына, т.б. қатысты мәселелер туындайтын.
<blockquote>
 «Бұл көмек арқылы ата-аналар өздерінің банктегі шотына ақшаны тікелей алып, балаларына мектеп формасын, кеңсе тауарларын және аяқ киімін өз бетінше таңдай алады. Мұның артықшылығы – бала ата-анасымен бірге таңдаған киіммен мектепке бара алуында. Қазіргі таңда 23 мыңның үстінде балаға 37 389 теңгеден қаржылай көмекті аудардық. Алдағы күндерде қалған тізімдегі оқушыларды толық қамтитын боламыз», – деді облыстық білім басқармасы басшысының орынбасары Бағдат Бердаулетов.
</blockquote>
Естеріңізге сала кетейік, «Жалпыға міндетті білім беру» қорынан атаулы әлеуметтік көмек алатын отбасылардың балаларына, сондай-ақ АӘК алмайтын, бірақ жан басына шаққандағы орташа табысы ең төменгі күнкөріс деңгейінен төмен отбасылардың балаларына, жетім балаларға және ата-анасының қамқорлығынсыз қалған балалар, төтенше жағдайға тап болған оқушылар алады. Ал бұл қор арқылы қаржы алмайтын балаларға демеушілер есебінен материалдық көмек көрсетілуде.
<img src="https://kyzylorda-news.kz/wp-content/uploads/2022/08/301283810_1424731311363403_7234990750249465082_n.jpg" alt="" />

«Жалпыға міндетті білім беру»: Қызылордада 23 мыңнан астам оқушы қаржылай көмек алды

<a href="https://kyzylorda-news.kz/">Kyzylorda-news.kz.</a> Қызылорда облысының жолдарында малды қағып кетудің 5 фактісі тіркелді. Бұл туралы Қызылорда облыстық Полиция департаментінің баспасөз қызметі хабарлады.
Оқыс оқиғалар кезінде жол апатынан 2 адам қаза тапқан. Сонымен қатар 11 адам әртүрлі дене жарақатын алған. Жалпы, Қызылорда облысында мал жаю қағидасы бұзылған 1300-ден астам дерегі тіркелген.
<blockquote>
 «Қызылорда облысында жыл басынан бері ауыл шаруашылығы жануарларын жаю қағидаларын бұзудың 1312 дерегі анықталды. Әкімшілік құқық бұзушылық туралы кодекстің 408-бабына сәйкес айыппұл салынды. Онда ауыл шаруашылығы жануарларын жаю қағидаларын, иттер мен мысықтарды асырау және серуендету қағидаларын, қаңғыбас иттер мен мысықтарды аулау және жою қағидаларын бұзу жағдайы көрсетілген», – делінген Қызылорда облыстық Полиция департаментінің хабарламасында.
</blockquote>
Облыстық Полиция департаменті жол-көлік оқиғаларының алдын алу мақсатында малы бар тұрғындарға ескерту жасады.
<blockquote>
 «Құрметті облыс тұрғындары, орын алған жол-көлік оқиғаларын ескере отырып, жергілікті өкілді органдары белгілеген ауыл шаруашылығы жануарларын жаю қағидаларын қатаң сақтауға шақырамыз», – деп мәлімдеді департамент қызметкерлері.
</blockquote>
<img src="https://kyzylorda-news.kz/wp-content/uploads/2022/09/mal.jpg" alt="" />

Қызылорда жолдарында малды қағып кетудің 5 фактісі тіркелді

<a href="https://kyzylorda-news.kz/">Kyzylorda-news.kz.</a> Қызылорда гарнизонындағы Әуе шабуылына қарсы қорғаныс әскерлерінің бөлімінде кезекті жауынгерлік атыс өтті.
Жеке құраммен арнайы жауынгерлік тапсырмаларды орындамас бұрын, әдістемелік-нұсқаулық сабақтар өткізіліп, барлық қауіпсіздік шаралары жеткізілді. Сондай-ақ іс-қимылдар кезінде жеке қаруды шебер әрі тиімді пайдалануға айрықша назар аударылды. Жауынгерлік атыстар әскери бөлім жеке құрамының теориялық білімдерінің жетілуіне, қатарға жаңа қосылған жауынгерлердің тәжірибе алмасуына, қызметтік міндеттерін сапалы орындауына оң әсерін тигізеді.
Жауынгерлік атыстың мақсаты – әскери бөлім жеке құрамының жауынгерлік дайындық дәрежесі мен үйлесімділігін көтеру және жеке қару-жарақтарының жауынгерлік мүмкіндіктерін зерттеу.
<blockquote>
 «Жоспарға сай өтетін осындай жауынгерлік атыс дайындықтары жеке құрамның тәжірибелерін арттырып, нәтижелерін жақсартуға мүмкіндік береді. Атысқа барлық санаттағы әскери қызметшілер тартылды. Бүгінгі атыстар кезінде бөлім офицерлері мен сержанттары жақсы даярлықтарын көрсете білді», – дейді әскери бөлім командирі капитан Жанболат Әкенов.
</blockquote>
Жауынгерлік жоспарға сай өтетін осындай жауынгерлік атыстар бөлім жеке құрамының тәжірибелік білімдерінің дамуына көмегін берері анық.
<img src="https://kyzylorda-news.kz/wp-content/uploads/2022/08/whatsapp-image-2022-08-24-at-17.12.00.jpeg" alt="" />

Қызылордалық жауынгерлер дайындықты шыңдауда

<a href="https://kyzylorda-news.kz/">Kyzylorda-news.kz.</a> «Бақытты отбасы» партиялық жоба аясында «AMANAT» партиясы Теміржол филиалының атқарушы хатшысы Базара Танбаева, Қызылорда станциясының ЖПб қызметкерлері Азамат Абасилов, Серікбол Мүбарак, Жол дистанциясының жол шебері Мақсат Абдрамановпен болат жолдың екі жағында қоныстанған халықтың ары-бері қатынауына қиындық туғызып тұрған теміржолдың 2824 шақырымына кезекті рейдке шықты.
Тексеру жұмыстарының мақсаты қауіптілігі жоғары аймақтың бірі саналатын КБИ-Шұғыла мөлтек ауданының тұсында тұратын тұрғындарына, жасөспірім балаларға қызметтік жұмысқа арналған жолдан абайлап өтуін сұрау, жазайтайым оқиғалардан жарақат алуын алдын алу, түнгі мезгілде балалар үлкендердің ілесіп жүруінсіз болмауын түсіндіру болатын.
Иә, жылма-жыл адам санының көбейе түсуі, балалардың мектепке бару уақыты жақындауы жағдайды тіпті қиындатуда. Бүгінде бұл жолдан күніне 600 адам, дәл осы өткел арқылы бір жақтан екінші жаққа қарай әр түрлі тіршілікті себептермен ары-бері қатынауда. Сондықтан теміржолдың осы тұсына жаяу жүргіншілерге арналған көпір салу ісі өздігінен сұранып тұр. Сонымен қатар тұрғындар тарапынан да бұл сан қайталап айтылуда.
КБИ-Шұғыла мөлтек ауданның тұсындағы теміржол бойына көпір салынатын орынды Қазақстан Теміржол Қызылорда бөлімшесі өкілдерінің қатысуымен белгіленіп, тиісті мекемелермен техникалық шарт әзірленген. Алайда аталған жоба ілгері баспай және қай кезде жүзеге асырылатынын дөп басып айту қиын болып тұр. Қалай дегенде де осы өткел адам өміріне қауіп төндіріп тұр. Аса қауіпті аймақтан өткен жүргіншілерге түсіндіру жұмыстары барысында байқағанмыз жұртшылықтың сабыры таусылған, түсіндірме жұмыстарына қарамастан өткелден өтулерін тоқтатар емес. Партия мүшелері теміржол өткеліндегі осы жүйесіздіктің тез арада шешілуін қалайды.
<img src="https://kyzylorda-news.kz/wp-content/uploads/2022/08/a7d992ff-6bff-4cf9-9e49-4bc634a13e61.jpg" alt="" />

Шойын жолдағы қауіпті аймақ партия назарында

<a href="https://kyzylorda-news.kz/">Kyzylorda-news.kz.</a> Шиелі ауданы әкімдігінің мәжіліс залында Қазақстан Республикасы Парламенті Сенатының депутаттары Ақмарал Әлназарова мен Мұрат Бақтиярұлының қатысуымен жиын өтті.
Жиында алғаш болып сөз алған Ақмарал Шәріпбайқызы аудандық мәслихат өкілдері мен өзге де қатысушыларды көкейде жүрген сауалдарын қойып, оның шешімін бірге іздеуге шақырды.
<blockquote>
 «Сыр елінің үмітін арқалап, депутат атанғалы талай мәселенің түйінін тарқатуға өз үлесімізді қостық. Тіпті өз атымыздан 140 депутаттық сауал жолдаған болатынбыз. Оның ішінде Қызылорда облысы бойынша Арал теңізінің ішінде фитомелоративтік жұмыстар жүргізу, Байқоңыр қаласының әлеуметтік жағдайы, Арал теңізі суының тартылуы, санитарлық авиация мәселелеріне назар аудартып, бірнешеуінің шешімін табуға атсалыстық. Алдағы қараша айында үкімет сағаты денсаулық саласына арналатын болады. Соған байланысты өз ұсыныстарыңыз болса тыңдауға дайынбыз», – деді Ақмарал Әлназарова.
</blockquote>
Келесі кезекте сөз алған Мұрат Бақтиярұлы аудандық мәслихат депутаттарының жаңарып-жасарғанына қуанатынын айтып, олардың жұмыстарына сәттілік тіледі. Сондай-ақ төртінші деңгейлі бюджеттің жұмысын сынға алып, өзі туып-өскен Бала би ауылын мысалға келтірді. Себебі аталған ауылдың бюджеті бар болғаны 1,5 млн теңгені құрап отыр. Сенатордың айтуынша, бұл өте төмен көрсеткіш.
<blockquote>
 «Бір жарым миллион теңгемен ауылдың бір жылдық мәселесін шешуге бола ма? Әрине болмайды. Сондықтан төртінші деңгейлі бюджет жұмыс істеп жатқан жоқ деген сөз. Бұл сіздердің кінәләріңіз емес. Үкіметтің, министрліктің жіберген қателігі», – деді Мұрат Бақтиярұлы.
</blockquote>
Сенатор аяқ су тапшылығы мәселесінің жыл өткен сайын өзекті болатынын да айтып өтті.
<blockquote>
 «Шиелі ауданы қауын мен қарбыздың, өзге де суды аз қажет ететін баубақша өнімдерінің отанына айналу керек», – деді ол.
</blockquote>
Сенатор көтерген үшінші мәселе мал өсірушілерге берілетін субсидия мәселесі болды. Мұрат Бақтиярұлының айтуынша, субсидия беру мәселесінде үлкен қателіктер жіберілген.
<blockquote>
 «Ірі шаруашылықтарға субсидия жыл сайын беріліп, ұсақ шаруашылықтар бұл көмек түрінен қағылып отыр. Осы себепті жүйені қайта қарап, субсидияны жаңадан ашылған шаруашылқтарға 3 немесе 5 жыл көлемінде аяқтанып кеткенше ғана беру керек», – деді сенатор.
</blockquote>
Мысал ретінде 2016 жылы аймақта теңдесі жоқ жоба ретінде ашылып, биыл қаражат жеткіліксіздігіне байланысты жұмысын тоқтатқан Насыр Мырзабековтың «Шиелі құс» фермасы келтірілді. Ферма министрлік бекіткен мөлшерге жете алмағандықтан құс шаруашылығына берілетін субсидиядан қағылып, ақыр аяғы жабылып қалған. Осы мәселені ескере отырып, сенатор субсидия беру мәселесінде айтарлықтай өзгерістер енгізу қажет дейді.
Мұрат Бақтиярұлы назар аударған төртінші мәселе дене шынықтыру пәні мұғалімдерін қысқарту мәселесіне қатысты айтылды. Себебі биылғы оқу маусымынан бастап министрлік тарапынан дене шынықтыру сабағынан қыздар мен ұлдарды біріктіріп оқыту шешімі қабылдаған. Осыған сәйкес республика бойынша 29 мыңнан астам дене шынықтыру пәні мұғалімдері қысқартуға ұшырамақ. Сенатор бұл мәселенің үлкен әлеуметтік төңкеріс алып келуі мүмкін екендігін айтып, «жоғарғы оқу орындарына берілетін білім гранттарының санын көбейтпестен бұрын түлектерді жұмысқа орналастырудың мүмкіндіктерін ойлаған дұрыс» деді. Сол себепті педагогикалық мамандықтарға емес, техникалық мамандықтарға арналған гранттар санын көбейту ұсынылды.
Жиын соңында аудандық мәслихат депутаттар тарапынан ауданда тазалыққа жауапты коммуналдық мекеме ашу, ана мен балаға төленетін жәрдемақыны бала кәмелетке толғанға дейін төлеу мәселесі көтерілді.

Сенат депутаттары Шиелі ауданына барды

<a href="https://kyzylorda-news.kz/">Kyzylorda-news.kz.</a> Биылғы жылы Шиелі ауданының Алғабас ауылына 175 млн. теңге бөлініп отыр.
Оның ішінде 2 көшені орташа жөндеуге 40 млн. теңге, газ құбыры және кварталішілік газ тарату желілерінің құрылысына 118 млн. теңге, газ тарату желілерін салу жерге орналастыру актісін алуға 8 млн. теңге қаралып отыр. Сонымен бірге, тұрғындарды тұрақты электр энергиясымен қамтамасыз ету үшін 1 дана трансформатор алуға 2 млн. 700 мың теңге бөлінді. Ауылдық округтің 40 тұрғыны тұрақты жұмыспен қамтылды.
Сондай-ақ, әлеуметтік жұмыс орындарына 2 адам, жастар тәжірибесімен 13 адам, ақылы қоғамдық жұмыстарға 44 адам тартылды. Биылғы жылы Алғабас ауылы көгілдір отынға қосылып, ел игілігін көруде.
Бестам ауылдық округі бойынша биылғы жылы 116 млн.теңге бөлінді. «Ауыл ел бесігі» бағдарламасымен 7 көшені орташа жөндеуге 113 млн. теңге және бір дана трансформатор алуға 2 млн. 700 мың теңге қаржы қаралып отыр.
2022-2023 жылдарға Бестам елді мекенін газдандыру жұмыстарының құрылысына құны 340,4 млн. теңгеге жобалық-сметалық құжаттама әзірленіп, мемлекеттік сараптаманың оң қорытындысы алынды. 2023 жылы республикалық бюджеттен қаржыландыру үшін өтінім ұсынылды.
Телікөл ауылдық округі бойынша биылғы жылы бірқатар жобалар жүзеге асырылуда. Ауылдың әлеуметтік-экономикалық әлеуетін көтеру бағытында 321 млн. теңге қаржы бөлінді.
Ауылға кіре-беріс көпірді күрделі жөндеу жұмыстарына 305 млн. теңге, 3 көшені ағымдағы жөндеуден өткізуге 11,5 млн. теңге қаралып тиісті жұмыстар жүргізілуде. Елді мекенді тұрақты электр энергиямен қамтамасыз ету үшін 1 дана трансформатор алуға 2 млн. 700 мың теңге қаржы бөлінді. 
Тәжібаев елді мекенін газдандыру жұмыстарының құрылысына жалпы құны 818,1 млн. теңгеге жобалық-сметалық құжаттама әзірленіп, мемлекеттік сараптаманың қарауына ұсынылды. Сараптаманың оң қорытындысы алынған жағдайда, жобаны қаржыландыру бойынша жұмыс атқарылатын болады.
<img src="https://kyzylorda-news.kz/wp-content/uploads/2022/08/shieli.jpg" alt="" />

Шиелі ауданының әкімі Жуантөбе, Бестам, Телікөл ауылдарының тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp;Кәсіпкерлер палатасы дуальды оқыту жүйесі бойынша құрылыс саласына бөлінетін мемлекеттік білім беру тапсырысында оқушылардың жас ерекшелігін ескеруді сұрайды.
Қызылорда облысында өткен тамыз конференциясының секциялық отырысында Қызылорда облысы кәсіпкерлер палатасының директоры Пірмұхаммед Сыздықов дуальды оқыту жүйесінде кәсіпкерлер кездесетін проблемаларды ортаға салды.
Шараға облыстық білім басқармасының өкілдері, колледж басшылары мен кәсіпкерлер қатысты.
Палата басшысы Қызылорда облысында дуальды оқытудың жол картасына сәйкес 19 колледждің 2243 студенті 156 кәсіпорын базасында өңір экономикасының 12 саласының 53 біліктілігі бойынша білім алып жатқанын жеткізді.
<blockquote>
 «Әр студент кәсіпорынмен 3 жақты келісім шартқа отырады және аталған келісім шарт Палата Реестріне тіркеледі. Дуальды оқыту бойынша білім алып шыққан мамандардың 85%-ы жұмысқа орналасты. Осы жүйе аясында жұмыс жасайтын 231 өндіріс шебері «Атамекен» ұйымдастырған «Тәлімгерлер мектебінен» біліктіліктерін арттырып, арнайы сертификаттарға ие болды», – деді тамыз мәслихатының шарасында Пірмұхаммед Сыздықов.
</blockquote>
Палата басшысы шарада кәсіпкерлік саласындағы кадр тапшылығы мәселесін көтерді.
<blockquote>
 «Шетелдік жұмыс күшін тартуға квотаның енгізілуіне байланысты құрылыс саласында кадр мәселесі туындап отыр. Жыл сайын Қызылорда облысының құрылысшылар қауымдастығы 1500-ге жуық білікті жұмысшыға сұраныс береді. Қауымдастық колледждермен жұмыс істеу кезінде оларға 9-сыныптан кейін оқуға түскен студенттер үшін тәжірибеден өту ұсынылатынын айтып отыр. Студенттердің кәмелеттік жасқа толмаған балалар екенін ескерсек, кәсіпкерлердің бұл сұранысы дер кезінде орындалмайтыны анық», – деді кездесуде Пірмұхаммед Сыздықов.
</blockquote>
Ақпарат үшін айтатын болсақ, 2022-2023 оқу жылының «Техникалық және кәсіптік, орта білімнен кейінгі білімі бар кадрларды даярлауға арналған мемлекеттік білім беру тапсырысына» сәйкес, 9-сыныптан кейін 400 орын, 11 сыныптан кейін 35 орын бөлінген.
Осы ақпараттарды алға тартқан Палата директоры облыстық білім басқармасынан «Құрылыс» саласына арналған «Техникалық және кәсіптік, орта білімнен кейінгі білімі бар кадрларды даярлауға арналған мемлекеттік білім беру тапсырысын» 11 сынып бітіріп, колледжге түскен студенттерге бөлуді ұсынды.
Мұнымен қоса, Кәсіпкерлер палатасының директоры Пірмұхаммед Сыздықов облыстық білім басқармасы мен кәсіпкерлер, колледж, Палата қолға алған эксперименттік жоба нәтижелі жүзеге асырылып жатқанын да жеткізді.
Эксперименттік жобаның мәні мынада. «Білім беру қызметіне қойылатын біліктілік талаптары және оларға сәйкестікті растайтын құжаттар тізбесіне» сәйкес кәсіпкерлердің сұранысы бойынша кәсіптік және техникалық білім беру ұйымдары негізгі мамандыққа қосымша модуль енгізу арқылы жаңа біліктілікті игеруге мүмкіндік бере алады. Мәселен, дәнекерлеуші мамандығының білім бағдарламасы оқу жоспарына қосымша токарь модулін қосу арқылы студентке екі біліктілікті қатар алуға немесе соңғысын таңдауға болады.
Биыл И.Әбдікәрімов атындағы Қызылорда аграрлық техникалық жоғары колледжі эксперименттік жоба аясында 6 студентін қосымша «токарь» біліктілігі бойынша «Квант» ЖШС базасында оқытты. Ол үшін кәсіпкерге мемлекеттен тәлімгерлерлік еңбекақы төленді. Біліктілік алған студенттерге сертификаттар табысталды.
Палата басшысы бұл тәжірибе кәсіпкерлердің сұранысы бойынша, нарыққа қажет маман даярлауға жақсы мүмкіндік беретінін айта келе, тәжірибенің проблемасын да жеткізді.
<blockquote>
 «Тәлімгерлік үшін кәсіпкерге төленіп отырған еңбекақы көлемі аз. Еңбекақы практикаға бөлінген сағат көлеміне сәйкес беріліп жатыр. Бұл бір топ үшін күніне шамамен 700 теңге. Аталған қаржы жұмыс берушінің студенттерді жұмыс орнында оқытуға жұмсаған шығындарымен салыстырғанда өте аз. Осыған орай, «Мектепке дейінгі тәрбие мен оқытудың, орта білім берудің, сондай-ақ кредиттік оқыту технологиясын есепке алғандағы техникалық және кәсіптік, орта білімнен кейінгі, жоғары және жоғары оқу орнынан кейінгі білім берудің жан басына шаққандағы нормативтік қаржыландыру әдістемесінде» тәлімгерлердің қаражатын есептеу формуласына өзгеріс енгізу қажет деп санаймыз. Кәсіпкерлер палатасы әдістемелік қолдау көрсетуге әзір», – деді Палата директоры.
</blockquote>
Қызылорда облысында кәсіптік және техникалық білім беру саласында барлығы 30 колледж қызмет атқарады. Оның 17-сі мемлекеттік, 13-і жеке колледж. Бұл колледждерде барлығы 19 692 оқушы қамтылған.
<img src="https://kyzylorda-news.kz/wp-content/uploads/2022/08/1c81b195-5e1e-4cdb-8675-d7b49f32a088.jpg" alt="" />
<img src="https://kyzylorda-news.kz/wp-content/uploads/2022/08/d8a38ce1-0830-40e8-81f3-aeca6f06950c.jpg" alt="" />

Пірмұхаммед Сыздықов: Дуальды оқыту бойынша білім алып шыққан мамандардың 85 пайызы жұмысқа орналасты

<a href="https://kyzylorda-news.kz/">Kyzylorda-news.kz.</a>&nbsp;Қармақшы ауданы, Дүр Оңғар ауылында «Мәдениетті ана – мәдениетті ұлт» жобасы аясындағы «Сыны мен сыры бөлек Сыр аналары» атты Қазақстан Халқы Ассамблеясы жанындағы Аналар кеңесінің Қызылорда облысы бойынша төрайымы Ахметова Рахима Қаржаубайқызының басшылық етуімен ерекше облыстық форум өтті.
Облыстан келген қонақтарды күтіп алып, форумды Қармақшы аудандық мәдениет бөлімінің басшысы Даурен Ержанов мырза ашып, облыстық мəслихат депутаты, аналар кеңесі төрайымының орынбасары Dilfura Bayraktar мəнерлеп жүргізіп, спикерлерді хабарлап отырды.
Форумға ауданымыздың Аналар кеңесінің төрайымы Raeva Gulzhaukhar апайымыз бастаған кеңес мүшелері мен аудан, ауыл аналар кеңесінің төрайымдары, медицина, білім саласының белсенді аналары қатысты.
Мәні мен мағынасы келіскен, қоғамдағы аналар мәртебесі мен рөлін, ұлттық қазақи тәрбиені, қазақтың бойына біткен асыл қасиеттерді жас ұрпақтың бойына дарытуды насихаттайтын үлкен дәрежелі бұл жиыннан алған əсеріміз, сезіміміз ерекше. Əрбір ана бүгінгі форумнан өзіне қажеттісін ұғынып, керегін алды деп ойлаймын.
Өңірлік ҚХА жанындағы Аналар кеңесінің мүшелері Айгүл Мұсабаева және Гүлнар Жұмашева уақыт талабына сай өмір сүреміз деп, ұлттық сана сезімге сіңіп, тегімізден келе жатқан адами қасиеттерді жойып алмау маңыздылығына тоқталды.
Мәдениет сарайының фойесінде ұйымдастырылған елдегі өнерлі аналар қолынан шыққан бұйымдар, қалдық заттардан əдемі гүл шоқтарын жасап, дəмді тоқаштар көздің жауын алып,еріксіз мойын бұрғызды.
Форумда спикерлер бас дəрігердің ана мен бала жөніндегі орынбасары Парида Сарыбаева, аудандық аурухана, Қармақшы жастар денсаулығы орталығының психологы Әмина Кетебаева, өзекті тақырыптар шеңберінде баяндамаларын жасап, залдағы қатысушылармен пікірталастар өрбіді.
Қатысушылар көкейде жүрген сұрақтарымен, ойларымен бөлісіп, ұсыныстарын жеткізді. 
Қармақшы Ауданында елелі істерімен көзге түсіп жүрген аналарға түрлі номинациялар бойынша марапаттар жасалды.
Форумды Дүр Оңғар ауылындағы мектеп өнерпаздары қазақтың қасиетті домбырасымен поппури əн айтып, сахнаны қазақша биімен көркемдеді.
Рахима Қаржаубайқызы аудан, ауыл əкімдеріне, орынбасарларына, мəдениет бөліміне, ішкі саясат бөліміне, осы іс-шараға өз үлестерін қосып, атсалысқан барша аналарға өз алғысын білдіріп, 
алдағы уақыттағы жоспарлар мен жасалатын игілікті шаралармен қорытындылады.
Ал, ақ жаулықты, қазақи нақышта киінген ардақты аналарымыз өркениетті қоғамдағы мәдениетті Аналар бейнесінің эталоны еді.
<img src="https://kyzylorda-news.kz/wp-content/uploads/2022/08/299865288_601469071427958_4207410693419693688_n.jpg" alt="" />
<img src="https://kyzylorda-news.kz/wp-content/uploads/2022/08/300667955_601468424761356_220975697041737736_n.jpg" alt="" />
<img src="https://kyzylorda-news.kz/wp-content/uploads/2022/08/301109297_601468461428019_433600901881646598_n.jpg" alt="" />

«Сыны мен сыры бөлек Сыр аналары» атты облыстық форум өтті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық ардагерлер ұйымының жүйелік құрылымдарын жетілдіру бойынша жұмыстар жалғасып жатыр.
Бүгін Қызылорда облыстық ардагерлер кеңесінің кезекті алқа мәжілісі өтті. Жиынға Алқа мүшелері, тұрақты комиссия төрағалары және бұқаралық ақпарат құралдарының өкілдері қатысты.
Жиында Қызылорда облыстық ардагерлер кеңесінің төрағасы Серік Дүйсенбаев модераторлық етіп, күн тәртібіндегі мәселелерді ортаға салды.
Алқа мәжілісінің күн тәртібінде ардагерлер ұйымдарының әртүрлі бағыттар бойынша атқарған жұмыстары мен алдағы міндеттері таныстырылып өтті. Сондай-ақ тұрақты комиссия мүшелері ардагерлерді әлеуметтік-құқықтық қорғау, медициналық көмек көрсету, сауықтыру және мәдени-көпшілік шараларды ұйымдастыру жөнінде ұсыныстар айтылды.
Сонымен қатар Жаңақорған аудандық ардагерлер кеңесінің төрағасы Өмірсерік Тақырбасов аудандық деңгейде атқарылған жұмыстар туралы баяндама, жасап, алдағы жоспарлармен де бөлісті.
Сондай-ақ алқа мәжілісінде ішкі құрылымды жетілдіру мақсатында ұйымдастырылатын облыстық форумды өткізу уақыты келісілді.
Жиын соңында белсенді ардагерлерге қолдау көрсету мәселесі қаралып, тиісті қаулылар қабылданды.
<img src="https://kyzylorda-news.kz/wp-content/uploads/2022/08/301301153_1603278173401022_6526952297148536211_n.jpg" alt="" />

Қызылорда облыстық ардагерлер ұйымының алқа мәжілісі өтті

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданының әкімі Ахатов Нұржан Байсын, Ыбырай Жақаев, Бидайкөл ауылдарының халқымен кездесіп, ауданымыздың әлеуметтік-экономикалық жетістіктері мен алдағы міндеттері туралы қысқаша ақпараттандырды. Тұрғындардың мәселелерін тыңдап, шешімін табу бағытында тиісті шаралар қабылданатындығын жеткізді.
Аудан әкімінің бүгінгі кездесуі Жаңатұрмыс ауылдық округінде басталды. Ауыл тұрғындары жерге қатынастарына қатысты және білікті дәрігер бөлінсе деген мәселелерін айтты.
Атап өтсек, бүгінде Байсын ауылы толық көгілдір отынның игілігін көріп отырған елді-мекендердің бірі. Өткен жылы Жаңатұрмыс ауылдық округіне 35 млн 121 мың теңге бөлінсе, биылғы жылы 965 млн 809 мың теңге бөлінді.
Облыс әкімінің қолдауымен 250 орындық №207 мектеп құрылысына 942 млн теңге қаржы бөлінсе, жергілікті бюджеттен 2 көшесін ағымдағы жөндеу жұмыстарына 20,5 млн. теңге, 1 дана трансформатор алуға 2 млн. 700 мың теңге қаралып отыр.
Жыл басынан бері 19 тұрғын тұрақты жұмыспен қамтылды. Сондай-ақ, жаңа бизнес-идеяларға мемлекеттік гранттын 1 адам алды, ақылы қоғамдық жұмыстармен 16 адам қамтылды. Елді мекендегі әлеуметтік нысандарға табиғи көгілдір отын кіргізу үшін қажетті жобалық сметалық құжаттары дайындалуда.
Келелі кездесу Ыбырай Жақаев ауылында жалғасты. Ауыл тұрғындары аудан әкіміне Жансейіт ауылы жанындағы қашыртқыларды қазып, тазалау жұмыстарын жүргізуді және жаңадан мектеп салу жөнінде, интернет байланысының төмендігі мен жайылымдық жер мәселелерін көтерді. Аудан әкімі Нұржан Сәбитұлы әрбір мәселе жан-жақты қаралып, кезең-кезеңімен шешімін табатындығын жеткізді.
Биылғы жылы Иіркөл ауылдық округіне 56 млн 944 мың теңге бөлініп отыр. №149 орта мектебінің буқазандығын қайта жабдықтап, газға ауыстыру жұмыстарына 35 млн.теңге, Жансейіт елді мекенінен 2 көшені орташа жөндеуге 12 млн 626 мың теңге қаралды. Мұнан басқа, ауылдық округ тұрғындарын тұрақты электр энергиямен қамтамасыз ету үшін 1 дана трансформатор алуға 2 млн 700 мың теңге бөлінді. Жыл басынан бері 38 тұрғын тұрақты жұмыспен қамтылды. Сондай-ақ, жастар тәжірибесімен 11 адам, ақылы қоғамдық жұмыстармен 30 адам қамтылды.
Жансейіт елді мекенінен жаңадан 100 орындық мектеп салу бойынша жоба-сметалық құжаттары әзірленген. Қазіргі таңда жобалаушы мекеме «Сартөбе» ЖШС жоба-сметалық құжаттамаға қайта түзету жұмыстары жүргізілуде, қорытындысымен сараптаманың қарауына ұсыналатын болады.
Аудан әкімінің ауылдардағы кездесуі Бәйтерек ауылдық округінде қорытындыланды. Бидайкөл ауылының тұрғындары әкімдік ғимаратын салып беру, спорт кешенінің құрылысын салу, ауылға кіреберіс төлқұжат орнату, жаңадан қоныстанған көшелердің электр энергиясының қуатын арттыру ұсыныстарын көтерді.
Аудан басшысы өткен жылы Бәйтерек ауылдық округіне 78 млн 661 мың теңге бөлінсе, биылғы 258 млн 164 мың теңге қаржы қаралғандығын, бұл қаражатқа ауылға кіре беріс көпірдің жаңадан салынып жатырған құрылысы, 3 көшенің орташа жөндеу және 6 көшеге жарық шамдарын орнату жұмыстарының жүргізіліп жатырғандығын айтып өтті.
Мұнан басқа «Ауыл Ел бесігі» бағдарламасы аясында №148 мектептің қазандығын газды отынға ауыстыра отырып реконструкциялауға 34 млн 204 мың теңге, 1 дана трансформатор алуға 2 млн 700 мың теңге бөлінді. Қосымша елді мекендегі халық санының көп болуына байланысты балалар ойын алаңы мен ашық спорт алаңын салуға 13 млн. теңгеге жоба сметалық құжаттары әзірленіп, аудандық экономикалық, бюджеттік жоспарлау бөліміне ұсынылды.
Сонымен қатар, «Бидайкөл» шаруа қожалығы демеушілігімен 600 шаршы метрге баларлар ойын алаңын салу бойынша жұмыстар жүргізіліп жатыр. Ақтам ауылын ауыз сумен қамтамасыз етуге жоба-сметалық құжаттары әзірленіп, сараптамадан өтуде.
Бүгінде Жаңатұрмыс, Иіркөл, Бәйтерек ауылдық округтері ішкі газ құбырлары толығымен жүргізіліп, көгілдір отынға қосылған елді мекендердің қатарында.
Аудан әкімі Нұржан Ахатов үстіміздегі жылдың 16-23 тамыз аралығында ауданға қарасты барлық 22 ауылдық округ тұрғындарымен кездесу өткізіп, жерлестеріміздің ұсыныстары мен пікірлерін тыңдады.
<img src="https://kyzylorda-news.kz/wp-content/uploads/2022/08/301288792_1379302085933580_4761712170012525782_n.jpg" alt="" />
<img src="https://kyzylorda-news.kz/wp-content/uploads/2022/08/301177731_1379302075933581_6533748249900098244_n.jpg" alt="" />

Нұржан Ахатов: Тұрғындардың ұсыныстары шешімін табуда

Қазақстан және Қызылорда облысының жаңалықтары