<a href="https://kyzylorda-news.kz/">Kyzylorda-news.kz.</a>&nbsp;Бүгінге дейін қызылордалықтар электр энергиясы мәселесіне алаңдап келді. Себебі қаладағы электр жылу орталығы 50-60 жылдан бері үздіксіз жұмыс жасағандықтан, электр желілерінің де әбден тозығы жеткен. Бұл сөзсіз электр жүктемесіне салмақ салады. Өзекті мәселелерді өз уақытында назарға алған аймақ басшысы Нұрлыбек Нәлібаев Энергетика министрлігімен тиісті жұмыстарды атқарып, бірлескен түрде оңтайлы шешім қабылдады. Нәтижесінде Сыр елінде бұрын-соңды болмаған заманауи үлгідегі қуаттылығы 240 мегаватқа жететін электр орталығы салынбақ.
Мамыр айындағы Сыр еліне сапары барысында министр Болат Ақшолақов мұндай мүмкіндік алғаш болып Қызылорда өңірінде бастау алғанын тілге тиек еткен еді. Таяуда ғана нысан құрылысын жүргізетін инвестор компания анықталып, алғашқы жұмыстар басталса, бүгін арнайы жиында Нұрлыбек Нәлібаев инвестор түрік компаниясының өкілдерімен кездесіп, жобаның жүзеге асыру мәселелерін қарады.
Отырысқа жаңа жылу орталығының инвесторы «Акса Энерджи» түрік компаниясының Қазақстандағы басшысы Мустафа Кемаль мен ҚР Энергетика министрлігінің Жаңартылатын энергия көздерін қолдау жөніндегі қаржы-есеп айырысу орталығының директоры Гүлжан Қалижанқызы қатысып, тараптар арасында екіжақты келісім-шарт жасалды.
<blockquote>
 «Мемлекет басшысы Қасым-Жомарт Кемелұлы Тоқаев Үкіметтің кеңейтілген отырысында оңтүстік өңірлерді үздіксіз электр энергиясымен қамтамасыз ету мақсатында 3 жылда қуаттылығы 1000 мегаватт манервлік станциялар салуды тапсырған болатын. Жаңа нысанды салу жерлестерім үшін айтулы жаңалық десе де болады. Игілікті іске қолдау білдірген министр Болат Ақшолақовқа және шетелдік «Акса Энерджи» компаниясының басшылығына Сыр жұртының атынан алғысымды білдіремін. Аймақ тарихындағы маңызды жобаның сапалы және уақытында жүзеге асырылуы үшін бар күш-жігеріміз бен мүмкіндіктерімізді жұмсайтын боламыз», – деді Нұрлыбек Нәлібаев.
</blockquote>
Жиында түрік компаниясының Қазақстандағы басшысы Мустафа Кемаль жаңа нысан 2025 жылы ел игілігіне берілетінін жеткізді.
<blockquote>
 «Бұл жобаның Қызылорда үшін ғана емес, Қазақстанға да берері мол болады деп сенемін. Келешекте осы нысан энергикалық қауіпсіздікті сақтауға айрықша мүмкіндік береді», – деді Мустафа Кемаль.
</blockquote>
Басқосуда ел ағалары мен энергетика саласының ардагерлері игілікті істің алғашқы қадамына куә болып, ғасырда бір салынатын нысанды елдің несібесіне балады.
«Акса Энерджи» түрік компаниясы мазут, табиғи газ, жел генераторлары мен су электр станцияларында электр энергиясын өндіру саласындағы әлемдік тәжірибесі мол, жетекші компаниялардың бірі.
Айту керек, жалпы құны 215 млрд. теңгеден асатын жаңа нысан энергия жетіспеушілігін едәуір төмендетеді. Бұл Тәуелсіздік алған жылдары елімізде бюджеттен тыс қаржы көздерінен, яғни шетелдік инвесторлардың қаржысына іске асырылатын ең ауқымды теңдессіз жоба.
Еске салайық, биыл облыс бойынша 23 әлеуметтік нысанның жылу қазандығы қайта жаңғыртылады. Осы жұмыстарға республикалық және облыстық бюджеттен 676 млн. теңге бөлінді.
<img src="https://kyzylorda-news.kz/wp-content/uploads/2022/08/fb_img_1661413855036.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413851590.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413860302.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413857802.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413864896.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413867488.jpg" alt="" />

Қызылордада жаңа жылу электр станцияны салу туралы келісім шартқа қол қойылды

<a href="https://kyzylorda-news.kz/">Kyzylorda-news.kz.</a>&nbsp;Қармақшы ауданынан шыққан Қазақстанның еңбек сіңірген қайраткері, жыршы Ұлжан Байбосынова Берлин қаласында өнер көрсетті. Қазақтың талантты өнер иесіне жергілікті халық алғысын білдірді.
Сыр бойының тумасы, Қазақстанның еңбек сіңірген қайраткері, Құрмет Орденінің иегері, Франция мемлекеттік өнері мен әдебиетінің кавалері орденінің иегері, Қармақшы ауданының құрметті азаматы, филология ғылымдарының кандидаты, жыршы – Ұлжан Байбосынова тамыз айының 19-20 жұлдызында Берлин сарайының алаңында және «Пантопия» Халықаралық музыка фестивалінде екі күн бойы жеке концертін өткізді.
Екі күнде төрт жеке концертін өткізіп, Сыр бойы жыраулық-жыршылық өнерінің мұрасын тағы бір әлем жұртшылығына паш етті.
«Пантопия» – грек тілінен аударғанда – «Всемогушество» яғни «Құдіреттілік» деген ұғымды береді екен. 
Шын мәнінде Сыр бойының жыраулық өнерінің құдіреттілігін Ұлжан әлем сахнасында тағы бір дәлелдеді.
Ұлжанның Сыр бойы жыраулық өнерін дәріптеп, әлем сахналарында кеңінен насихаттау жолында атқарып жүрген еңбегі ұшан-теңіз.
Ұлжанға ел халқының атынан өнердің өресін өсіріп, әлем жұртшылығына ұлттық мұрамызды ұлықтай бер деген тілек білдіреміз!
<img src="https://kyzylorda-news.kz/wp-content/uploads/2022/08/whatsapp-image-2022-08-23-at-18.34.56-1.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-23-at-18.34.56-2.jpeg" alt="" />

Берлин сахнасын жырға бөлеген Сырдың &#8211; Ұлжаны

<a href="https://kyzylorda-news.kz/">Kyzylorda-news.kz.</a>&nbsp;«AMANAT» партиясы Қызылорда облыстық филиалы жанындағы партиялық бақылау комиссиясы мен мониторингтік топ мүшелері дәрі-дәрмек пен азық-түлік бағасына бақылау жасады. Сонымен қатар мектеп оқушыларын мектепке дайындауға ата-аналарға қолжетімділікті қамтамасыз ету мақсатында ұйымдастырылған оқу-құралдары мен мектеп формасының жәрмеңке жұмысымен танысты.
Бақылау кезінде дәріханаларда дәрі-дәрмектердің бағасы қалыпты екені, алайда кейбір дәрілерге тапшылық байқалатыны анықталды. Бұл бағытта дәріхана иелері мен жауапты орындарға арнайы ұсыныстар берілетін болды.
Азық-түлік бағасы әзірге тұрақты сақталуда. Ал, оқушыларға қажетті керек оқу-құралдары базар маңында «Қорқыт» сауда үйі жанына арнайы қойылған жәрмеңкелерде қолжетімді және тұрақты бағада сатылып жатыр.
Атап өту керек, аталған жәрмеңкелер көпбалалы және аз қамтылған отбасыларға балаларын жаңа оқу жылына даярлауға көмектесу мақсатында партия бастамасымен қолға алынған «Балаларды мектепке даярлайық!» акциясы аясында жергілікті әкімшілік және кәсіпкерлермен болған келісім аясында ұйымдастырылуда. Бүгінде сатушы кәсіпкерлерге де, сатып алушыларға тиімді болып отыр.
<img src="https://kyzylorda-news.kz/wp-content/uploads/2022/08/aa9efc86-4b03-44d4-aae2-1f6c1e6325d4.jpg" alt="" />

«AMANAT»: Бақылау комиссиясы мен мониторингтік топ мүшелері дәрі-дәрмек пен азық-түлік бағасына бақылау жасады

**<a href="https://kyzylorda-news.kz/">Kyzylorda-news.kz.</a> Кәсіпкерлікті дамыту жөніндегі ұлттық жобаға *325 мыңнан астам адам*** *қатысты.*
Биылғы 1 тамыздағы жағдай бойынша 2021 – 2025 жылдарға арналған кәсіпкерлікті дамыту жөніндегі ұлттық жобаға 325,1 мың адам қатысты. 259,4 мың адам жұмысқа орналасты. Оның 155,3 мыңы тұрақты жұмысқа орналасты.
Жұмыс берушілердің өтінімдері бойынша кәсіптік оқытуға 8,7 мың адам жіберілді. Өз кәсібін бастау үшін 1,5 мың адам мемлекеттік грант алды.
Субсидияланатын жұмыс орындарына 122,9 мың адам орналастырылды. Оның ішінде әлеуметтік жұмыс орындарымен 12,6 мың, жастар практикасымен 14,6 мың, қоғамдық жұмыстармен 91,7 мың адам, «Алғашқы жұмыс орны» жобасы аясында 2,4 мың, «Ұрпақтар келісімшарты» жобасы аясында 249 адам, «Күміс жас» жобасы аясында 1,3 мың адам жұмыспен қамтылды.
Сондай-ақ қызмет саласын таңдау мақсатында 61,4 мың адам әлеуметтік кәсіптік бағдарлаудан өтті.
Еске салайық, бұған дейін халықты жұмыспен қамтуға арналған шаралар Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында жүзеге асырылды. 2021 жылы бағдарламаға 651,8 мың адам қатысты.
Мемлекеттік бағдарламаға қатысушылар тұрақты және субсидияланатын жұмыс орындарымен қамтылды. Сондай-ақ оларға кәсіпкерлікті дамыту үшін микронесие мен қайтарымсыз мемлекеттік грант беріліп, қолдау көрсетілді. Қысқа мерзімді курстарда және кәсіптік-техникалық ұйымдарда оқытылды.
Бұдан бөлек, «Еңбек» бағдарламасындағы бағыттардың бірі аясында жұмыс күші көп аймақтардан жұмыс күші жетіспейтін аймақтарға көшірілді.
<img src="https://kyzylorda-news.kz/wp-content/uploads/2022/08/zhoba.jpg" alt="" />

Кәсіпкерлікті дамыту жөніндегі ұлттық жобаға 325 мыңнан астам адам қатысты

<a href="https://kyzylorda-news.kz/">Kyzylorda-news.kz.</a> Жалағаш ауданында Қоғамдық кеңесі отырысы болып өтті.
Кеңес отырысына Қоғамдық кеңес мүшелері, аудан әкімінің орынбасары Ж.Еспенбет, арнайы шақырылған сала басшылары және аудандағы мектеп директорлары қатысты. Отырысты кеңес төрағасы О.Ахметов ашып жүргізді.
Күн тәртібіне 3 мәселе ұсынылып қаралды.
Бірінші – Жаңа оқу жылына аудандағы білім ошақтарының дайындығын зерделеу туралы аудан бойынша білім бөлімінің басшысы Т.Садықов хабарлама жасап қойылған сұрақтарға жауап берді. Кеңес мүшелері білім ұйымдарының жаңа оқу жылына дайындығын зерделеу бағытында аудандағы барлық мектептерді аралап, дайындық жұмыстарымен танысқан болатын. Жұмыс барысында анықталған мәселелер мен ой-пікірлерін ортаға салды.
Екінші – Жалағаш ауданы бойынша шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану құқығын беру жөніндегі конкурсқа шығарылатын жер учаскелерінің тізбесі мен орналасу схемалары туралы аудандық жер қатынастар бөлімінің басшысы Б.Байболов хабарлама жасап, кеңес мүшелері тарапынан ұсыным берілді.
Күн тәртібіндегі үшінші мәселе – Жалағаш индустриалды-аграрлық колледжінде аудан экономикасына қажетті ауыл шаруашылығы мамандарын даярлаудың барысы және олардың жұмысқа орналасуы туралы колледж директоры Ғ.Серікбаевтың есебі тыңдалып, атқарылып жатқан жұмыстарға оң баға берілді.
Кеңес мүшелерінің ұсынысымен отырысқа арнайы шақырылған аудандық фитосанитария мекемесінің маманы О.Оспанбаев пен кент әкімі М.Жамалатовқа кенттегі талдардың қурап, жапырақтарына құрт түсуіне байланысты қандай зерттеулер жасалып және оларды жоюға қандай шаралар қолданылып жатқандығы туралы сұрақтар қойылып, әлеуметтік желіде, аудандық баспасөзде осы мәселе жөнінде мақалалар жариялап халыққа түсіндіру жөнінде ұсыныс айтылды.
<img src="https://kyzylorda-news.kz/wp-content/uploads/2022/08/300691285_606982414226521_6151266042579824700_n.jpg" alt="" />
<img src="https://kyzylorda-news.kz/wp-content/uploads/2022/08/300687299_606982680893161_7550258759228221741_n.jpg" alt="" />

Жалағашта Қоғамдық кеңесі отырысы болып өтті

<a href="https://kyzylorda-news.kz/">Kyzylorda-news.kz.</a> Қызылорда облысы әкімі Нұрлыбек Нәлібаевтың тапсырмасына сәйкес облыс әкімінің орынбасары Мархабат Жайымбетов жұмыс сапарымен Шиелі ауданында болды.
Аудан әкімі Нұржан Ахатовпен бірге Жақаев ауылында орналасқан №149 мектептің, Шиелі кентіндегі №45 мектептің және Бидайкөл елді мекенінде орналасқан №148 мектептің бу қазандықтарын газды отынға ауыстыра отырып реконструкциялау жұмыстарымен танысты.
Осыған дейін Шиелі ауданында 6 мектеп пен 6 балабақша газды отынға ауыстырылса, биылғы жылы тағы 2 мектеп ауыстырылды, жылу маусымына дейін тағы бір мектеп газға қосылады деп жоспарлануда.
Сонымен қатар, Байсын елді мекенінде жаңадан салынып жатқан №207 мектеп құрылысының басына барып, мердігермен жолығып, құрылыс жұмыстарын сапалы әрі уақытылы аяқтау керектігін ескертті.
Бидайкөл елді мекенінің кіре берісіндегі «Шиелі-Қарғалы-Байкенже- Жаңақорған» автомобиль жолының 0 км-де орналасқан көпірді күрделі жөндеу жұмыстарын бақылап, жұмысшылармен пікірлесті.
«Шиелі – Жеміс-жидек» автожолының 14,2 шақырымды орналасқан көпірді күрделі жөндеу және Жуантөбе ауылына кіре берістегі 6 км автомобиль жолын күрделі жөндеу жұмыстарына да көңіл бөліп, сала мамандарына нақты тапсырмалар берді.
<img src="https://kyzylorda-news.kz/wp-content/uploads/2022/08/300528509_1603811100014396_8726044919814572747_n.jpg" alt="" />
<img src="https://kyzylorda-news.kz/wp-content/uploads/2022/08/300816748_1603810926681080_3676668908991643624_n.jpg" alt="" />
<img src="https://kyzylorda-news.kz/wp-content/uploads/2022/08/301005647_1603810980014408_7675594304001312810_n.jpg" alt="" />
<img src="https://kyzylorda-news.kz/wp-content/uploads/2022/08/301130549_1603811223347717_3529191588616902254_n.jpg" alt="" />
<img src="https://kyzylorda-news.kz/wp-content/uploads/2022/08/301139046_1603811056681067_2490997942167345259_n.jpg" alt="" />

Қызылорда облысы әкімінің орынбасары Мархабат Жайымбетов жұмыс сапарымен Шиелі ауданына барды

<a href="https://kyzylorda-news.kz/">Kyzylorda-news.kz.</a> Бүгінде өз кәсібін тауып, басқа азаматтарды жұмыспен қамтамасыз ететін көптеген адамдар бар. Солардың бірі – Қызылорда қаласы Қызылжарма ауылдық округінің тұрғыны Перизат Бақытжанқызы.
Кәсіпкер бизнеспен айналысқанға дейін ол дүкенде 15 жылдан астам уақыт сатушы болып жұмыс істеді. Осы салада жиған тәжірибесін 2021 жылы «Нұрбек» жеке кәсіпкер тіркеп, азық-түлік дүкенін ашуға түрткі болды.
Қазір мұнда азық-түлік пен халық тұтынатын тауарлар сатылады. Дүкен толық жабдықталған, сондай-ақ кәсіпкер ауылдастарын жұмыспен қамтып отыр.
<blockquote>
 «Өз клиенттеріңізді тыңдап, олармен жақсы қарым-қатынаста болу маңызды. Жаңа піскен нанның ерте әкелінуі, қосымша касса болуы немесе жиі акциялар ұсыну түрінде де болуы мүмкін. Кейде тіпті тегін пакеттің өзі тұтынушылар үшін маңызды рөл атқарады. Олар әрқашан жайлы қызмет көрсетілетін жерге ұмтылады», – деді Перизат Бахытжанқызы.
</blockquote>
Өткен жылы кәсіпкер тауар түрін арттыру үшін «Даму» кәсіпкерлікті дамыту қорының өңірлік филиалына кеңес алу үшін жүгінді. Одан кейін «СберБанкке» несие алу үшін өтінім беріп, 2021 жылы айналым қаражатын толықтыруға қаржы алды. Жобаны «Бизнестің жол картасы 2025» мемлекеттік бағдарламасы аясында «Даму» Қоры қолдап, несие мөлшерлемесін 6%-ға түсіріп, субсидиялады.
Бұл дүкеннің артықшылығы – айналасында бәсекелестер жоқ, күре жолдың бойында орналасқан. Әрі осы ауылдық округтегі ең қолжетімді бағадағы сауда орны.
<img src="https://kyzylorda-news.kz/wp-content/uploads/2022/08/whatsapp-image-2022-08-24-at-15.28.49.jpeg" alt="" />

Қызылордалық кәсіпкер жерлестерін жұмыспен қамтып отыр

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында «Сырдария өзені» күніне орай халықаралық конференция өтті.
Шараны АҚШ-тың «USAID» халықаралық даму жөніндегі агенттігі Қызылорда облысының әкімдігімен және Арал-Сырдария бассейндік инспекциясымен бірлесіп өткізді. Ауқымды жиын кеше «Сырдария — достық өзені» тақырыбы аясында ұйымдастырылған бірқатар мерекелік шарамен бастау алды.
Шараға «USAID» халықаралық даму жөніндегі агенттігінің өкілдері, ҚР Экология, геология және табиғи ресурстар министрлігінің Су ресурстары комитеті төрағасының орынбасары Досбол Бекмамбетов, Қызылорда облысы әкімінің бірінші орынбасары Серік Қожаниязов, зиялы қауым және БАҚ өкілдері қатысты.
Сондай-ақ, ҚР Экология, геология және табиғи ресурстар министрлігінің Трансшекаралық өзендер департаментінің директоры Арсен Жақанбаев «Сырдария өзенінің трансшекаралық реттелуі. Су серіктестігінің мәселелері және оларды шешу жолдары», «Арал-Сырдария» бассейндік инспекциясы қорының суды қорғау және бақылау мемлекеттік бөлімінің басшысы Зейнулла Қазтоғанов «Сырдария өзені бассейнінің су шаруашылығындағы жағдайы», Аралды құтқару қорының Қазақстандағы атқарушы дирекциясының қызметкері, Су шаруашылығы саласының ардагері Әмірхан Кеншімов «Сырдария өзенінің ластануы», «Қазсушар» РМК Қызылорда облыстық филиалы директорының орынбасары Жорабек Ерназаров «Сырдария өзеніндегі су тапшылығы және су ресурстарын тиімді пайдаланудағы іс-шаралар», Қызылорда облыстық ауыл шаруашылығы басқармасының басшысы Талғат Дүйсебаев «Облыстың ауыл шаруашылығы тауар өндірушілерінің су үнемдеу технологияларын қолдануы» тақырыптарында баяндама жасады.
Айта кетейік, Өзен күнін атап өту – Орталық Азиядағы су ресурстарын басқару бойынша әлеуетті және өңірлік ынтымақтастықты нығайту бойынша жұмыс істейтін USAID жобасының бір бөлігі. 
Конференцияға қатысушылар өз ой-пікірлері мен ұсыныстарын жеткізіп, сұрақ-жауап алмасты. Жиын соңында Арал-Сырдария бассейндік инспекциясының басшысы Сейілбек Нұрымбетов, Аралды құтқару қорының Қазақстандағы атқарушы дирекциясының қызметкері, Су шаруашылығы саласының ардагері Әмірхан Қадырбекұлы, «Қазсушар» РМК Қызылорда облыстық филиалы директорының орынбасары Жорабек Ерназаров, «Аралды құтқару» халықаралық қорының Қазақстандағы атқарушы дирекциясы экология департаментінің басшысы Мария Заднепровская, «Казгипроводхоз» жобалау институты» ЖШС-нің бас директоры Анатолий Рябцев БАҚ өкілдері үшін арнайы баспасөз конференциясын өткізді.
<img src="https://kyzylorda-news.kz/wp-content/uploads/2022/08/300949945_1189785674912834_6416914748738323736_n.jpg" alt="" />
<img src="https://kyzylorda-news.kz/wp-content/uploads/2022/08/301143078_1189785714912830_6815776341054742174_n.jpg" alt="" />
<img src="https://kyzylorda-news.kz/wp-content/uploads/2022/08/300082818_1189785721579496_1971250908604022517_n.jpg" alt="" />
<img src="https://kyzylorda-news.kz/wp-content/uploads/2022/08/300286939_1189785701579498_7338873808608603213_n.jpg" alt="" />

Қызылордада алғаш рет «Сырдария өзені» күні аталып өтті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев білікті дәрігер, қоғам қайраткері Болатбек Баймахановты 60 жасқа толуына орай мерейлі мерекесімен құттықтады.
Аймақ басшысы облысқа белгілі азамат, ғалым, медицина ғылымының докторы, профессор, жоғары санатты хирург Болатбек Баймахановтың өңіріміздің өркендеуі мен дамуы жолындағы қосқан елеулі үлесі мен ел игілігі жолындағы еселі еңбегін атап өтіп, құрмет көрсетті.
<blockquote>
 «Адам өмір жолының асқар биігі саналатын алпыстың шыңына шығып отырған Болатбек Бимендіұлын ел-қауым алтын қолды дәрiгер ретінде құрметтейді. Сiзді асқаралы 60 жасқа толған мерейлі тойыңызбен барша Сыр жұртының атынан шын жүректен құттықтаймын! 
 Болатбек Бимендіұлы тек дәрігер ғана емес, ғаламат ғалым. Көптеген шет елдерде өзінің баяндамаларын жасады. Оның жетекшілігімен ондаған кандидаттық және докторлық диссертациялар қорғалды. 300-ден астам ғылыми-тәжірибелік мақаланың авторы, өнертабыс бойынша 45 патентке ие. Нәрестелерге де күрделі оталар жасап, шақалақтардың жақсы өмір сүруге жәрдем берді. Өмір мен өлім арасында арпалысқан қаншама науқас азаматтар шет елдерге сабылмай, дертіне дауа тапты», – деді Нұрлыбек Нәлібаев.
</blockquote>
Болатбек Бимендіұлының бастамасымен Қызылорда облысының хирургия саласына жаңа технологияларды енгізді. Оның ішінде жүрекке түрлі дәрежедегі оталар жасалынып, науқастарға дем берілді. Қарапайым халыққа компьютерлік томография қолжетімді бола бастады. Ол аудан тұрғындарының да сапалы медициналық көмекпен қамтамасыз етілуіне жоғары деңгейде көңіл бөлді.
Басқосуда медицина саласының ардагері Тұрғанбай Маханов мерейтой иесінің еңбек жолындағы елеулі сәттерді атап айтып, ыстық ілтипатын білдірді.
<blockquote>
 «Адам көп, азамат аз. Болатбек Баймаханов хирургия саласында қолтаңбасы бар, дара дәрігер. Мақтауды сүймейтін, нағыз істің адамы ретінде жақсы білемін. Болатбекті тек Қазақстан ғана емес, әлем мойындаған. Күрделі оталарды жасау, ғылыммен айналысу үлкен іс. Сондықтан Болатбектің бергенінен, берері көп әлі», – деді Тұрғанбай Маханов.
</blockquote>
Мерейтой иесіне арналған кездесуде ҚР Парламенті Сенатының депутаты Мұрат Бақтиярұлы білікті дәрігердің елге еңбегінің оразан зор екенін жеткізді.
<blockquote>
 «Өз уақытында Болатбек Бимендіұлы 3 жылдың ішінде 10-15 жылға татитын жұмысты атқарды. Еңбекқорлығының және салаға адалдығының нәтижесінде күн, түн демей жаны қысылған жандарға операция жасап, демеу көрсетті. Ол – нағыз ұстаз, ізінен шәкірт ерте білетін, адамгершілік қасиеті мол, еңбекқор азамат», – деді Мұрат Бақтиярұлы.
</blockquote>
Қазіргі күні Болатбек Баймаханов өзі оқыған, ғылымға алғашқы қадамдарын жасаған, хирургияның қара шаңырағы болып табылатын А.Н.Сызғанов атындағы Ұлттық ғылыми хирургия орталығында абыройлы қызмет атқаруда. Соңғы кездері Болатбек Бимендіұлы адам ағзасын ауыстыру, соның ішінде бүйрек пен бауыртрансплантациясын жасап, халыққа сапалы медициналық көмек берді.
Аймақ басшысы мерейтой иесін құттықтап, жылы лебізін жеткізіп, қазақы дәстүрмен иығына шапан жапты.
Өз кезегінде Болатбек Баймаханов құрмет көрсетіп, еңбегін елеген аймақ басшысына алғысын білдірді.
Айта кетейік, аймақ басшысы Конституция күнінде Болатбек Бимендіұлына «Қызылорда облысының Құрметті азаматын» атағын салтанатты түрде табыстайтын жеткізді.
<img src="https://kyzylorda-news.kz/wp-content/uploads/2022/08/300501068_369877478666836_1041906470945752612_n.jpg" alt="" />
<img src="https://kyzylorda-news.kz/wp-content/uploads/2022/08/300398278_369877582000159_2228048629348509672_n.jpg" alt="" />
<img src="https://kyzylorda-news.kz/wp-content/uploads/2022/08/300410153_369877628666821_5432068146682414974_n.jpg" alt="" />
<img src="https://kyzylorda-news.kz/wp-content/uploads/2022/08/bajmahanov.jpg" alt="" />

Қызылорда облысының әкімі Болатбек Баймахановты мерейтоймен құттықтады

<a href="https://kyzylorda-news.kz/">Kyzylorda-news.kz.</a>&nbsp;Өткен тәулікте Қазақстанда 1481 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ведомствоаралық комиссия.
Өңірлер бойынша:
Нұр-Сұлтан қаласында – 194,
Алматы қаласында – 150,
Шымкент қаласында – 673,
Ақмола облысында – 0,
Ақтөбе облысында – 54,
Алматы облысында – 52,
Жетісу облысында – 18,
Атырау облысында – 0,
Шығыс Қазақстан облысында – 31,
Абай облысында – 16,
Жамбыл облысында – 0,
Батыс Қазақстан облысында – 27,
Қарағанды облысында – 173,
Ұлытау облысында – 8,
Қостанай облысында – 0,
Қызылорда облысында – 23,
Маңғыстау облысында – 18,
Павлодар облысында – 44,
Солтүстік Қазақстан облысында – 0,
Түркістан облысында – 0.
Жалпы пандемия басталғалы елімізде 1 385 748 адам коронавирус жұқтырса, соның ішінде 1 352 736 адам сауығып шықты.

Коронавирус: 23 қызылордалық індеттен айықты

<a href="https://kyzylorda-news.kz/">Kyzylorda-news.kz.</a>&nbsp;Өткен тәулікте елімізде коронавирус инфекциясын жұқтырудың 725 жағдайы тіркелді. Бұл туралы COVID-19 таралуына жол бермеу жөніндегі ведомствоаралық комиссияның баспасөз қызметі хабарлады.
Өңірлер бойынша:
Нұр-Сұлтан қаласында – 137,
Алматы қаласында – 35,
Шымкент қаласында – 10,
Ақмола облысында – 83,
Ақтөбе облысында – 27,
Алматы облысында – 4,
Жетісу облысында – 3,
Атырау облысында – 28,
Шығыс Қазақстан облысында – 24,
Абай облысында – 12,
Жамбыл облысында – 8,
Батыс Қазақстан облысында – 78,
Қарағанды облысында – 93,
Ұлытау облысында – 10,
Қостанай облысында – 61,
Қызылорда облысында – 9,
Маңғыстау облысында – 24,
Павлодар облысында – 41,
Солтүстік Қазақстан облысында – 34,
Түркістан облысында – 4.
Жалпы пандемия басталғалы елімізде коронавирус 1 385 748 адамнан анықталды.

Қызылордада 9 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Солтүстік батыс антициклонының әсерінен бүгін Қазақстанның басым бөлігінде жауын-шашынсыз ауа райы сақталады, деп хабарлайды Қазгидромет.
Тек еліміздің оңтүстік-шығысында, шығысында, солтүстігінде атмосфералық фронттарға байланысты жаңбыр жауып, найзағай ойнайды.
Республика бойынша кей жерлерде жел күшейеді, түнгі және таңғы уақытта еліміздің шығысында тұман түседі.
Қызылорда облысында, Түркістан облысының басым бөлігінде, Батыс Қазақстан облысының оңтүстік-батысында, Атырау облысының батысында, шығысында, Абай облысының оңтүстігінде төтенше өрт қаупі сақталады.
Күндіз Атырау облысының басым бөлігінде, Батыс Қазақстан облысының оңтүстік-батысында қатты ыстық сақталады.

Қазақстан және Қызылорда облысының жаңалықтары

Қызылордада жаңа жылу электр станцияны салу туралы келісім шартқа қол қойылды

Берлин сахнасын жырға бөлеген Сырдың – Ұлжаны

«AMANAT»: Бақылау комиссиясы мен мониторингтік топ мүшелері дәрі-дәрмек пен азық-түлік бағасына бақылау жасады

Кәсіпкерлікті дамыту жөніндегі ұлттық жобаға 325 мыңнан астам адам қатысты

Жалағашта Қоғамдық кеңесі отырысы болып өтті

Қызылорда облысы әкімінің орынбасары Мархабат Жайымбетов жұмыс сапарымен Шиелі ауданына барды

Қызылордалық кәсіпкер жерлестерін жұмыспен қамтып отыр

Қызылордада алғаш рет «Сырдария өзені» күні аталып өтті

Қызылорда облысының әкімі Болатбек Баймахановты мерейтоймен құттықтады

Коронавирус: 23 қызылордалық індеттен айықты

Қызылордада 9 адамнан коронавирус анықталды

25 тамызға арналған ауа райы болжамы

Қазақстан және Қызылорда облысының жаңалықтары

Қызылордада жаңа жылу электр станцияны салу туралы келісім шартқа қол қойылды

Берлин сахнасын жырға бөлеген Сырдың &#8211; Ұлжаны

«AMANAT»: Бақылау комиссиясы мен мониторингтік топ мүшелері дәрі-дәрмек пен азық-түлік бағасына бақылау жасады

Кәсіпкерлікті дамыту жөніндегі ұлттық жобаға 325 мыңнан астам адам қатысты

Жалағашта Қоғамдық кеңесі отырысы болып өтті

Қызылорда облысы әкімінің орынбасары Мархабат Жайымбетов жұмыс сапарымен Шиелі ауданына барды

Қызылордалық кәсіпкер жерлестерін жұмыспен қамтып отыр

Қызылордада алғаш рет «Сырдария өзені» күні аталып өтті

Қызылорда облысының әкімі Болатбек Баймахановты мерейтоймен құттықтады

Коронавирус: 23 қызылордалық індеттен айықты

Қызылордада 9 адамнан коронавирус анықталды

25 тамызға арналған ауа райы болжамы

Берлин сахнасын жырға бөлеген Сырдың – Ұлжаны