Kyzylorda-news.kz. Арал ауданындағы «Ақбұлақ» балабақшасы «Аққұм» округіндегі беделді ұжымдардың бірі. Мекеме әрдайым ауылдың &nbsp;қоғамдық өміріне белсенді араласып, алға қойған мақ­саттарды бірге еңсеруге атса­лы­сып келеді. Әр сайлауда ұжым сайлау учаскесіне бір кісідей баруды дәстүрге айналдырған. Бүгінгі Президент сайлауында да «Ақбұлақ» балабақшасының &nbsp;қызметкерлері &nbsp;ұжымның ішкі бір­лігі мен азаматтық борышын өтеуді сезініп, сай­лауға белсенді қатысып, ел үшін маңызды таңдауға үлкен үлес қос­ты. &nbsp;<blockquote>«Президент сайлауы - біздің еліміздің бірлігі мен тұтастығын, ынтымағын, болашаққа деген сенімін, азаматтық қоғамның айнасын айшықтайтын күн. Бұл сайлау елімізге жаңа серпін әкеліп ғана қоймай, болашаққа нық қадам жасауға үлкен мүмкіндік берері айқын. Осындай күрделі шақта ел тағдырына бейжай қарамай, саяси науқанға белсене қатысу – барлығымыздың азаматтық борышымыз деп білеміз. &nbsp;Ең бастысы, біз дұрыс таңдау жасауымыз қажет. Себебі, Президентті таңдау арқылы, біз елдің болашағын таңдаймыз. Сол себепті сайлауға белсенділікпен қатысып, әр адам өз жарқын болашағына дауыс беруі қажет», - дейді ұжым қызметкерлері.</blockquote><img src="https://knadmin.beoblood.kz/uploads/316120440_3419477531713942_8822371889960224839_n_758996f26b.jpg" alt="316120440_3419477531713942_8822371889960224839_n.jpg">

Арал ауданында балабақша қызметкерлері ұжым болып дауыс берді

Kyzylorda-news. kz. &nbsp;Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2022 жылғы 20 қараша сағат 16.05-тегі (Астана уақыты) жағдай бойынша тізімге енгізілген азаматтардың жалпы санының 62,34 % бюллетень алды.Оның ішінде: 1. &nbsp;Абай облысы бойынша – 73,57 % 2. &nbsp;Ақмола облысы бойынша – 71,38 % 3. &nbsp;Ақтөбе облысы бойынша – 68,81 % 4. &nbsp;Алматы облысы бойынша – 55,11% 5. &nbsp;Атырау облысы бойынша – 60,87 % 6. &nbsp;Батыс Қазақстан облысы бойынша – 54,62 % 7. &nbsp;Жамбыл облысы бойынша – 68,74 % 8. &nbsp;Жетісу облысы бойынша – 68,88 % 9. &nbsp;Қарағанды облысы бойынша – 71,89 % 10. &nbsp;Қостанай облысы бойынша – 71,38 % 11. &nbsp;Қызылорда облысы бойынша – 72,88 % 12. &nbsp;Маңғыстау облысы бойынша – 59,61 % 13. &nbsp;Павлодар облысы бойынша – 72,73 % 14. &nbsp;Солтүстік Қазақстан облысы бойынша – 72,21 % 15. &nbsp;Түркістан облысы бойынша – 80,09 % 16. &nbsp;Ұлытау облысы бойынша 72,75 % 17. &nbsp;Шығыс Қазақстан облысы бойынша – 68,42 % 18. &nbsp;Астана қаласы бойынша – 44,39 % 19. &nbsp;Алматы қаласы бойынша – 26,19 % 20. &nbsp;Шымкент қаласы бойынша – 56,28 %<img src="https://knadmin.beoblood.kz/uploads/FB_IMG_1668932453366_0134cc9b03.jpg" alt="FB_IMG_1668932453366.jpg">

Қызылорда облысында 72,88 пайыз сайлаушы дауыс берді 

<a href="https://kyzylorda-news.kz/ru/">Kyzylorda-news.kz</a>. Жалағаш ауданы орталығынан шалғай орналасқан елді мекендердің бірі Аламесек ауылдық округінде де сайлау учаскесіне келген халықтың қарасы көп. Елді мекендегі мәдениет үйінде орналасқан №151 сайлау учаскесіне таң атысымен өз таңдауын жасауға асыққан елдің санынан белсенділік байқалады. Сайлау учаскесінің төрағасы Әбдіқайыр Әйтімов бүгінгі саяси науқанда жергілікті халықтың белсенділігін жоғары бағалап отыр.&nbsp;<blockquote>«Таңғы сағат 7.00-ді күтіп кезекте тұрған ауыл халқын көріп қуанып қалдым. Бұл аламесектіктердің ел болашағына бейжай қарамайтынын аңғартса керек. Бағалы сыйлықтарға ие болған сайлаушыларымыз да жоқ емес. Мәселен, бірінші келген сайлаушы, ең жас сайлаушы, ең үлкен сайлаушы және әрбір жүзінші келген сайлаушыларға бағалы сыйлықтар табыстадық, – дейді төраға Әбдіқайыр Әйтімов.</blockquote>Айта кетейік, Аламесек ауылдық округінде барлығы 964 сайлаушы бар. Сағат 10.00-ге дейін сайлаушылардың 40 пайызы өз таңдауын жасап үлгеріпті. Осыдан-ақ шалғай ауылда саяси науқан жоғары деңгейде өтіп жатқанын аңғарамыз.&nbsp;Аламесекте ең қарт сайлаушы 93 жаста екен. Ауыл тұрғыны, ардақты әже Рахима Абызбаева өз үйінен дауыс береді. Оған сайлау учаскесі тарапынан барлық жағдай жасалған.&nbsp; &nbsp;<img src="https://knadmin.beoblood.kz/uploads/Whats_App_Image_2022_11_20_at_13_31_24_548b9bdc4f.jpeg" alt="WhatsApp Image 2022-11-20 at 13.31.24.jpeg"><img src="https://knadmin.beoblood.kz/uploads/Whats_App_Image_2022_11_20_at_13_31_29_2b6ca29569.jpeg" alt="WhatsApp Image 2022-11-20 at 13.31.29.jpeg">

Жалағаш ауданы: Аламесек ауылдық округінің тұрғындары сайлауда белсенді

Kyzylorda-news.kz. Әйтеке би кентіндегі Қазалы көлік-техникалық жоғары колледжінде орналасқан №92 сайлау учаскесінде таңғы сағат 7:00 ден бастап дауыс беру қарқынды жүргізілуде.Дәл қазіргі уақытта мұнда 500 ге жуық адам дауыс беріп үлгерді.Таң азанмен елдің ертеңі жолында өз дауыстарын беру үшін "Қазалы локомотив жөндеу зауытының" қызметкерлері ұжыммен бірге келіп өз таңдауларын жасады.<img src="https://knadmin.beoblood.kz/uploads/FB_IMG_1668917302432_cb23ff8e87.jpg" alt="FB_IMG_1668917302432.jpg">#Қазалыауданы #Сайлау

Қазалыда теміржолшылар дауыс берді

Kyzylorda-news.kz. Қазақ КСР халық ағарту ісінің озық қызметкері, КСРО Ағарту ісінің үздігі, Қызылорда қаласының құрметті азаматы Подольский Марк Захарович - №200 сайлау учаскесінде алғашқы болып дауыс берді.90-ның төріне шыққан сала ардагеріне алғашқы дауыс беруші ретінде құрметпен сый-сияпат көрсетілді.<blockquote>«Бүгін алдағы 7 жылымызды айқындайтын Президент сайлауы өтуде. Бізді алдымызда оң өзгерістер күтіп тұр. Оны халық болып, қоғам болып бірге жасауымыз қажет. Сондықтан еліміздің дамуы, тұрақтылығы мен болашағы үшін өз таңдауымды жасадым», - деді М. Подольский.</blockquote><img src="https://knadmin.beoblood.kz/uploads/FB_IMG_1668915451007_8385e2f384.jpg" alt="FB_IMG_1668915451007.jpg"><img src="https://knadmin.beoblood.kz/uploads/FB_IMG_1668915454312_e67a411bca.jpg" alt="FB_IMG_1668915454312.jpg">&nbsp;&nbsp;

90 жастағы білім саласының корифейі дауыс берді

Kyzylorda-news.kz. Астана уақытымен сағат 12.00-тегі жағдай бойынша, республика азаматтарының 38,55 пайызы дауыс берді. Бұл туралы Орталық сайлау комиссиясының мүшесі Асылбек Смағұлов айтты, деп хабарлайды ҚазАқпарат.«Облыстардың, республикалық маңызы бар қалалардың және Астананың аумақтық комиссиялары ұсынған деректерге сәйкес, астана уақытымен сағат 12.00-дегі жағдай бойынша өңірлерде азаматтардың келуі мынадай: Абай облысы бойынша – 43,67,Ақмола облысы бойынша – 40,13,Ақтөбе облысы бойынша – 44,48,Алматы облысы бойынша – 25,83,Атырау облысы бойынша – 40,42,Батыс Қазақстан облысы бойынша – 27,55,Жамбыл облысы бойынша – 44,29,Жетісу облысы бойынша – 42,18,Қарағанды облысы бойынша – 44,9,Қостанай облысы бойынша – 42,87,Қызылорда облысы бойынша – 43,46,Маңғыстау облысы бойынша – 41,19,Павлодар облысы бойынша – 44,23,Солтүстік Қазақстан облысы бойынша – 43,64,Түркістан облысы бойынша – 64,21,Ұлытау облысы бойынша – 52,22,Шығыс Қазақстан облысы бойынша – 41,86,Астана қаласы бойынша – 19,33,Алматы қаласы бойынша – 16,89,Шымкент қаласы бойынша – 34,41 пайыз», - деді ол.Оның дерегінше, жалпы таңғы сағат 12.00-дегі жағдай бойынша республиканың 4 606 596 азаматы бюллетень алды. Ол тізімге енгізілен азаматтардың 38,55 пайызын құрайды.Азаматтардың учаскелерге келуі туралы келесі ақпарат елорда уақыты бойынша сағат 14.05, 16.05, 18.05 және 20.05-те берілетін болады. Алдын ала жасалатын жалпы қорытынды ақпаратты ҚР ОСК сағат 22.05-те ұсынады.

Қызылорда облысында сайлаушылардың 43,46 пайызы дауыс берді

Kyzylorda-news.kz. Арал қаласындағы №47 сайлау учаскесінде 100-ші сайлаушы өз таңдауын жасады.<blockquote>«Біз жаңарған қазақ елінде жаңаша өмір сүріп жатырмыз. Қазақстанның жаңаруы осында тұратын барлық халықтың, азаматтарымыздың бірлікке деген жаңаша ұстаным қалыптастыруынан көрінеді. Осы ретте Отанымызға деген ерекше көзқарас, сүйіспеншілігімізді, ел алдындағы жауапкершілігімізді терең түсініп бүгінгі сайлауға дауыс беру арқылы көрсетіп, өз таңдауымды жасадым», - №4 кітапхана меңгерушісі Лиза Дәрменова. &nbsp;</blockquote>

Аралдық тұрғын 100-ші болып өз таңдауын жасады 

<a href="https://kyzylorda-news.kz/ru/">Kyzylorda-news.kz</a>. ҚР Президенттігіне сайлау науқаны Жалағаш ауданына қарасты Аламесек ауылдық округіндегі №151 сайлау учаскесінде таңғы сағат 7:00-де Мемлекеттік Әнұранмен басталды.Сайлау учаскесі сайлау комиссиялары мүшелерінің, БАҚ өкілдерінің, байқаушылардың және сенім білдірген адамдардың қатысуымен сайлау туралы заңның талаптарына сай, барлық процедураларды орындай отырып, Мемлекеттік Әнұранмен ашылды.Ауылдық округте таң атысымен өз таңдауымды жасаймын деп келген тұрғындардың белсенділігі жоғары. Алғашқылардың бірі болып Нұржан Әбдәлиев күндегі тіршілігін бір сәтке ысырып қойып, сайлау учаскесіне келіп, азаматтық борышын орындады.<blockquote>«Бүгін еліміз үшін саяси маңызды күн десем болады. Барлық кандидаттармен және олардың сайлауалды бағдарламаларымен етене таныспыз. Менде ауыл халқымен бірге өз таңдауымды жасап, азамматтық белсенділігімді көрсеттім. Елімізге тыныштық, бірлік, береке тілеймін Дауысымды қай үміткерге бергенім жасырын болсын», – дейді ауыл тұрғыны.</blockquote>Айта кетейік, ауылдағы білім ошағында жұмыс жасайтын Нұржан Әбдәлиев көпбалалы әке. Ол бұған дейінгі саяси науқандардан да шет қалмапты.<img src="https://knadmin.beoblood.kz/uploads/Whats_App_Image_2022_11_20_at_10_31_51_42cd240ce7.jpeg" alt="WhatsApp Image 2022-11-20 at 10.31.51.jpeg"> &nbsp;

Жалағаш ауданы: Көпбалалы әке өз таңдауын жасады

Kyzylorda-news.kz. Бүгін облыс әкімі Нұрлыбек Нәлібаев Президент сайлауында №263 учаскеге барып, дауыс беріп, өз таңдауын жасады.&nbsp;<blockquote>«Бүгін еліміз үшін ерекше күн. Мемлекетіміздің жарқын болашағын айқындайтын бұл күнде әрбір азаматтың дауысы маңызды. Жерлестеріміз ел келешегі үшін бірлік танытып, өз таңдауын жасайтынына сенімдімін»,- деді Н.Нәлібаев.</blockquote>Айта кетейік, аймақта 373 сайлау учаскесі және 482934 сайлаушы бар. &nbsp;<img src="https://knadmin.beoblood.kz/uploads/FB_IMG_1668915773815_6778d2697b.jpg" alt="FB_IMG_1668915773815.jpg"><img src="https://knadmin.beoblood.kz/uploads/FB_IMG_1668915776151_1bd5240325.jpg" alt="FB_IMG_1668915776151.jpg">

Нұрлыбек Нәлібаев Президент сайлауында өз таңдауын жасап, дауыс берді

Сайлау күнінде Қызылорда облысында 11 ұл, 6 қыз дүниеге келді.&nbsp;

Сайлау күнінде Қызылорда облысында 11 ұл, 6 қыз дүниеге келді

<a href="https://kyzylorda-news.kz/ru/">Kyzylorda-news.kz</a>. Жалағаш ауданында сайлау күні Қорғанбаевтар отбасы үшін жағымды жаңалықпен басталды. Яғни бүгін бұл отбасында ұл дүниеге келді. Саяси науқан күні дүниеге келген сәбиге ата-анасы Қасым-Жомарт деп есім беріпті.Бұл – әкесі Қанат Қорғанбаевтың төртінші перзенті. Немересінің есімін атасы, Жалағаш ауданына белігі суретші, оқушылар үйінде 40 жылдан астам бәсекеге қабілетті ұрпақ қалыптастыруға қызмет еткен Жұматай Қорғанбаев қойыпты. Ал әжесі кітапқанада ұзақ жылдар еңбек етіп, зейнетке шықса, баланың анасы аудан орталығындағы №201 мектеп-лицейінің мұғалімі. Қанаттың өзі – ішкі істер саласында қажырлы еңбек етіп келе жатқан тәжірибелі тәртіп сақшысы. Бүгінде ол Жалағаш кентінде учаскелік полиция инспекторы болып жұмыс жасайды.<blockquote>«Отбасымызбен сайлауға қатысамыз. Бұл біз үшін дәстүрге айналған. Себебі елдің болашағы – біздің отбасымыздың болашағы. Сондықтан Тәуелсіз қазақстанның болашағы үшін дұрыс шешім қабылдағанды жөн деп санаймын. Бүгін де сайлауда өз таңдауымызды жасадық. Осыған отбасымызбен баратын едік, бүгінгі саяси науқанда келінім перзентхана болып, түгел қатыса алмадық. Барлығы жақсылық қой. Елдің қамын ойлайтын, Қазақстанның жарқын болашағына жұмыс жасайтын азамат болсын деп есімін Қасым-Жомарт қойдым. Ал бүгінгі сайлауда кімге дауыс бергенім құпия болсын», – дейді Қасым-Жомарттың атасы Жұматай Қорғанбаев.</blockquote>Айта кетейік, аудан әкімінің орынбасары Арнұр Нұрмағанбетов перзентханаға барып, бүгін дүние есігін ашқан сәбидің анасын құттықтады. Аудан әкімінің ықылас гүлін, сый-сыяпатын табыстады.Бүгінде 4 келі 400 грамм, бойы 55 см болып туған кішкентайдың да, анасының да жағдайы жақсы.

Жалағаш ауданы: Сайлау күні дүниеге келген сәбиге Қасым-Жомарт есімі қойылды

<a href="https://kyzylorda-news.kz/ru/">Kyzylorda-news.kz</a>. Жалағаш ауданына қарасты Жаңадария ауылындағы №152 сайлау учаскесінің жұмысы таңғы сағат 7:00-де басталды.&nbsp;Шалғай ауылдағы №152 участікке қарасты 314 сайлаушы болса, қазіргі таңда оның 50-ге жуығы өз таңдауын жасаған. Ертемен басталған сайлау науқанына алғашқы болып келген ауыл азаматы Н.Желдербаевтың белсенділігі ауыл жастарына үлгі болуда. Ал ауыл ақсақалы, ең қарт сайлаушымыз – С.Тұрмаханов. Саналы ғұмырын білім саласына арнаған азамат бұған дейінгі барлық саяси науқаннан қалып көрген емес. Бүгінгі науқанда да келіп, өз таңдауын жасайды деп күтудеміз» дейді елді мекендегі №152 сайлау учаскесі комиссиясының төрағасы Е.Жүсіпбеков. &nbsp;<img src="https://knadmin.beoblood.kz/uploads/Whats_App_Image_2022_11_20_at_10_13_32_46cf150f4b.jpeg" alt="WhatsApp Image 2022-11-20 at 10.13.32.jpeg">

Қазақстан және Қызылорда облысының жаңалықтары