Kyzylorda-news.kz. Қазақстанда 463 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: Нұр-Сұлтан қаласында – 9, Алматы қаласында – 32, Шымкент қаласында – 0, Ақмола облысында – 3, Ақтөбе облысында – 0, Алматы облысында – 41, Атырау облысында – 0, Шығыс Қазақстан облысында – 3, Жамбыл облысында – 94, Батыс Қазақстан облысында – 167, Қарағанды облысында – 26, Қостанай облысында – 7, Қызылорда облысында – 1, Маңғыстау облысында – 1, Павлодар облысында – 12, Солтүстік Қазақстан облысында – 67, Түркістан облысында – 0.
Елімізде барлығы 1 285 159 адам COVID-19-дан емделіп, сауығып шықты.

Қызылордада 1 адам коронавирустан жазылды

Kyzylorda-news.kz. Сырдария өзеніндегі су тапшылығы басты мәселенің бірі. Қазіргі таңда вегетация жұмыстарына дайындық жүргізілуде.
7 наурызда 3 мемлекеттің министрлігі бас қосып, Тоқтағұл су қоймасына вегетациялық кезеңде суды көбірек беру туралы мәмілеге келген болатын. Өзбекстан, Қазақстан қосымша электр энергиясын беруге келісім берген. Бұл туралы Өңірлік коммуникациялар қызметінде өткен брифингте ҚР экология, геология және табиғи ресурстар вице-министрі Серік Қожаниязов хабарлады.
<blockquote>
 “Үкімет тарапынан ұсынастар жинақталып, әр облысқа көмек шаралары берілетін болады. Мәселен, Қызылорда облысына су тапшылығын болдырмау және жеңілдету мақсатында Үкімет резервінен 3 млрд. 600 млн теңге көлемінде қаржы бөлінеді. Оған 67 насос қондырғысы және қосымша трансформатор алу көзделуде. Жақсы жаңалық, 11 наурыздан бастап жауын-шашын мол түсуіне байланысты судың мөлшері көбейді. 12 наурыз күні секундына 567 текше метр су түссе, бүгінде 1100 текше метр су келуде. Қазіргі уақытта Шардарада 5 млрд. текше метр су бар. Қызылордаға 800 текше су келіп жатыр. Бұл табиғаттың бізге берген үлкен көмегі. Сонымен қатар, алдағы уақытта ауыл шаруашылығы мамандарына күріш көлемін азайтып егуге байланысты түсіндірме жұмыстары жүргізілетін болады”, – деді Серік Салауатұлы.
</blockquote>

Серік Қожаниязов: Қызылордаға 800 текше метр су келіп жатыр

Kyzylorda-news.kz. Қызылорда облысында екпе қабылдауға қабілетті 426 мыңнан астам адам коронавирусқа қарсы вакцина салдырды.
Қызылорда облысында ұжымдық иммунитететті қалыптастыруда 452 мыңнан астам адамның коронавирусқа қарсы екпе қабылдауы жоспарланған. Бұл – облыс тұрғындарының 60 пайызы. Қазір өңірде коронавирусқа қарсы вакцинаның I компонентін 427 004 адам (94,3%) салдырды. Ал II компонентті 419 561 адам (92,7%) адам алған.
<blockquote>
 «Вакцина салдырғандардың басым көпшілігі – облыс орталығының тұрғындары. Ал аудандар бойынша жоғары көрсеткіш – Арал, Қазалы, Жаңақорғанға тиесілі. Кәсіп түрлері бойынша медицина қызметкерлері, мұғалімдер мен күштік құрылымдар қызметкерлері көш бастап тұр. Облыс көлемінде иммундаудан кейін асқыну жағдайлары тіркелген жоқ», – деп мәлімделі облыстық Санитариялық-эпидемиологиялық бақылау департаменті.
</blockquote>

Қызылордада 426 мыңнан астам адам вакцина салдырды

<a href="https://kyzylorda-news.kz/">Kyzylorda-news.kz</a>. Президент өз жолдауында «БАҚ туралы» заңды қайта қарау керектігін айтты, деп хабарлайды «<a href="https://24.kz/kz/zha-aly-tar/joldau-2022/item/534143-ba-turaly-za-dy-andaj-zgerister-k-tip-t-r">Хабар 24</a>».
Әрине, құжатта қазіргі заманда айшықтығын жойған бап көп. Тілшілер де заңның түбегейлі өзгергенін қалайды. Алайда құзырлы министр нақты қандай өзгерістер енетінін топшылауға асықпады. Асқар Омаров қазір журналистер қауымдастығы мен басқа да сарапшылардан ұсыныс қабылданып жатқанын айтты. Бастысы, қоғамдық бақылаудағы БАҚ-тың рөлі айқындалып, қолжетімді ақпаратқа мүмкіндік берілетіні белгілі. Жалпы бұқаралық ақпарат құралдары өкілдері ең алдымен мемлекеттік мүддені қорғауы керек. Бұл ретте сырттан қаржыландырылатын басылымдардың ертеңі қандай болатыны беймәлім. Бірақ ақпарат және қоғамдық даму министрі заңға енетін өзгерістер жағдайды түзеуге негізделіп отырғанын жеткізді. Премьер-министр Әлихан Смайылов та Үкімет мүшелері журналистермен тығыз байланыста жұмыс істеуін міндеттеді. Өйткені мұндай ашықтық қоғамның Үкіметке деген сенімін қалыптастырады.
<blockquote>
 «Нұртөре Жүсіп ағамыз ұсынды. Оны әрине, біз талқылаймыз. Себебі ол тек қана ақпарат және қоғамдық даму министрлігінің мәселесі емес. Заңнаманы дайындау үшін бекітілген процестері бар. Оны бірінші қоғаммен талқылаймыз, сосын сарапшылармен. Енді қысқа мерзімде дайындауға тырысамыз», – дейді ҚР Ақпарат және қоғамдық даму министрі Асқар Омаров.
</blockquote>

БАҚ туралы заңды қандай өзгерістер күтіп тұр?

Kyzylorda-news.kz. ҚР солтүстік жартысында, оңтүстік-батысында, оңтүстік-шығысында, шығысында циклон жырасының және, фронталды бөліктердің әсерінен жауын-шашын болады, деп хабарлайды Қазгидромет.
Еліміздің батысында, оңтүстігінде және орталығында антициклон жотасының ықпалымен күн жауын-шашынсыз болады. Қазақстан бойынша тұман түсіп, жел күшейеді, оңтүстік жартысында көктайғақ болып, солтүстік пен шығысында жаяу бұрқасын соғады.
Қызылорда облысының орталығы мен шығысында тұман түседі.

20 наурызға арналған ауа райы болжамы

Kyzylorda-news.kz. Жаңару айын жақсылыққа балаған сырбойылықтар сенбіде “Денсаулық және демалыс” саябағында көшет отырғызып, экологиялық акцияға үн қосты. Наурыз мерекесі аясында өткен шарада зиялы қауым, түрлі сала қызметкерлері мен белсенді жастар және еріктілер аллея алаңын көшетпен көмкерді.
Саябақ ішінде қызылордалықтар терек, қарағаш, үйеңкі ағаштары сынды 700 түп ағаш екті. 
Игі бастамаға қолдау білдірген облыс әкімі Гүлшара Әбдіқалықова көппен бірге көшет егіп, әрбір тұрғын тазалықты өз ауласынан бастап, қала аумағын жасыл-желекпен көмкеруге үлес қосуы тиіс екенін айтып, сырбойылықтарға жаңару айында бақ-берек тіледі. Мұнан соң аймақ басшысы аллея ішінде экоакцияға үлес қосқан жастармен пікірлесіп, ақжарма тілегін арнады.
Тазалыққа үндейтін сенбілік сәтте қызылордалықтардың басын қосқан “Бірге Таза Қазақстан” экологиялық акциясы әрі қарай жалғасын тауып, өңірді жасыл желекке айналдыру үшін түрлі деңгейдегі сенбіліктерге ұласады.
<img src="https://kyzylorda-news.kz/wp-content/uploads/2022/03/fb_img_1647675252056.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647675263849.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647675254730.jpg" alt="" />

Қызылордалықтар 700 түп ағаш екті

Kyzylorda-news.kz. «Birge taza Qazaqtan» экологиялық акциясы аясында Қызылорда қаласындағы денсаулық және демалыс саябағында өткізілген ағаш отырғызу акциясына басқарма мен Қызылорда орман шаруашылығы мекемесінің қызметкерлері қатысып, белгіленген аумақта туя, терек және сыр талы ағаштарын екті.
Бұл экологиялық акция 19 мамырынан бастау алып 2 ай жалғасын табатын болады. Акцияға 6 000 ға жуық мекеме қызметкерлері, түрлі кәсіпорындардың еңбек ұжымдары, еріктілер мен тұрғындары қатысты.
Бұдан әрі бұл акция облыстың барлық елді мекендерінде әр аптаның сенбі күні бүкілхалықтық сенбіліктермен, тазалық акцияларымен және өзге де көркейту-көгалдандыру шараларымен жалғасын табатын болады.
<img src="https://kyzylorda-news.kz/wp-content/uploads/2022/03/fb_img_1647670779848.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647670784787.jpg" alt="" />

Қызылордада «Birge taza Qazaqtan» экологиялық акциясы өтіп жатыр

Kyzylorda-news.kz. Қорқыт ата атындағы Қызылорда университетінде қауымдастырылған профессор, ұстаз, ғалым Айман Айтбаеваның 60 жасқа толуына арналған «Алаш әдебиетін орта мектепте және ЖОО-да оқытудың өзекті мәселелері» атты республикалық ғылыми-әдістемелік конференциясы өтті.
Жиынға Нұр-Сұлтан, Алматы қалаларының ғалымдары, университеттің оқытушы-профессорлар, білім алушылары мен БАҚ өкілдері қатысты. Белгілі ғалымның мерейтойына орай ұйымдастырылған шарада оның еңбектері сараланып, ғылымға қосқан үлесі айтылды.
Конференция барысында Қорқыт ата атындағы Қызылорда университетінің профессоры Ұлжан Жанбершиева, филология ғылымдарының кандидаты Болат Боранбай, М.Әуезов атындағы Әдебиет және өнер институтының бас ғылыми қызметкері Гүлжаһан Орда, Қазақ ұлттық қыздар педагогикалық университетінің қауымдастырылған профессоры Гаухар Балтабаева, филология ғылымдарының кандидаты Бекзада Қожакеева, Әл-Фараби атындағы ҚазҰУ-дың доценті Райхан Имаханбет, Абай атындағы Қазақ ұлттық педагогикалық университетінің аға оқытушысы Гауһар Асқарова баяндама оқыды.
Айман Ералықызы – Қорқыт ата атындағы университетінде 1993 жылдан бастап қызмет етеді. Қазіргі таңда Қазақ тілі мен әдебиеті және журналистика кафедрасының аға оқытушысы. Саналы ғұмырында ҚР Білім беру саласында шығармашыл, тәжірибелі ұстаздық қызметі үшін «Білім беру ісіне қосқан үлесі үшін» төсбелгісімен, облыс әкімінің Алғыс хатымен, Қармақшы аудандық кәсіподақ комитетінің Құрмет грамотасымен, «Болашаққа бағдар: рухани жаңғыру» бағдарламасын жүзеге асыруға зор үлес қасқаны үшін облыстық Білім басқармасының Құрмет грамотасымен, Тәуелсіздігіміздің 30 жылдығына орай «Қызылорда біліктілікті арттыру Ұлттық орталығы» АҚ филиалы Құрмет грамотасымен марапатталды.
Әдебиеттану ғылымының өзекті мәселелері бойынша «Қазақ прозасындағы тарих романдардағы ұлттық қаһарман бейнесі», «Мәңгілік ел идеясы», «Қазақ прозасындағы антропология», «Қазіргі қазақ драматургиясының жаңалықтары жайлы» зерттеу жұмыстарының авторы. Ғалымның 140-тан аса ғылыми мақаласы, оқу-әдістемелік мазмұндағы еңбектері мен 1 монографиясы бар. Сонымен қатар, 4 ғылым магистріне жетекшілік еткен.
Айта кетейік, республикалық ғылыми-әдістемелік конференция Гуманитарлық-педагогикалық институты Кеңесінің салтанатты мәжілісіне жалғасып, «Жаралған көрмек үшін дүние сарай…» кітабының тұсаукесері өтті. Университет басшысы Бейбіткүл Кәрімова мерейтой иесіне қазақы дәстүр бойынша құрмет көрсетті. Сонымен қатар, Айман Ералықызына облыс әкімінің Құрмет грамотасы, «Ахмет Байтұрсынов» атындағы алтын медалі табысталды. Салтанатты жиын барысында сөз алған қонақтар мен ғалымның шәкірттері, әріптестері ақжарма ізгі тілегін білдіріп, естелік суретке түсті.
<img src="https://kyzylorda-news.kz/wp-content/uploads/2022/03/fb_img_1647664336778.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647664340176.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647664343143.jpg" alt="" />

«Алаш әдебиетін орта мектепте және ЖОО-да оқытудың өзекті мәселелері» атты республикалық ғылыми-әдістемелік конференциясы өтті

Kyzylorda-news.kz. Қазалы ауданы Тасарық елді мекенінде «Тасарығым – тал бесігім» тақырыбымен ауыл күні кең көлемде аталып өтілді. Мерекелік шараға осы қасиетті жерде туып-өскен азаматтар көптеп жиналды.
Ауылдық клубта өткен салтанатты шарада аудан әкімі Мұхтар Оразбаев бір ауылда өмір сүріп жатқан тұрғындардың достығы мен өзара түсіністігі одан әрі жалғасып, қашан да ынтымақ, бірлік мәңгі жасай берсін деген тілегін жеткізді.
<blockquote>
 Аудан орталығынан шалғай орналасқан Тасарық ауылы қазақы қаймағы бұзылмаған, бір-бірімен тату-тәтті, ынтымағы мен берекесі жарасқан мекеннің бірі. Сондықтан болар ауыл тұрғындарының бірлігі бекем, тірлігі тиянақты. Бүгін біз Сіздермен бірге ауыл күнін атап өтіп жатқан керемет шараның куәсі болып отырмыз. Ауыл күнін атап өту барысында көптеген игілікті істерді көзбен көріп жатырмыз. Әрине, мұндай салтанатты шараны ұйымдастыра білу екінің бірінің қолынан келе бермейді. Тек берекесі тасып, ынтымағы артқан, жастары жалындап тұрған ауылдар ғана қолға алып, абыроймен өткізе алады, – деді Мұхтар Әуесұлы.
</blockquote>
Мұнан соң туған жердің өсіп-өркендеуіне белсене атсалысып, ауыл мәдениетін көтеруге өлшеусіз үлес қосқан бірқатар азаматтарға «Алғыс хат» тапсырып, ризашылығын білдірді.
Бұл күні аудан әкімі Мұхтар Оразбаев елді мекендегі №238 мектептің оқушыларымен кездесіп, шәкірттермен бірге жас көшеттерді отырғызды. Тал егу жұмыстарына ауыл күніне арнайы келген қонақтар да өз үлестерін қосты. 
Ауыл күні аясында жаңа мешіт пайдалануға берілді. Осы елден шыққан азаматтар мен ауыл тұрғындарының күшімен салынған имандылық үйінің ашылу салтанатында Қазалы ауданының құрметті азаматы Сержан қожа Берденұлы, аудандық Жанқожа батыр мешітінің бас имамы Берік Сүлейменов, ардагер ұстаз Алмат Сұлтамұратов құттықтау сөз сөйлеп, игі тілектерін жеткізді.
Спорттың сан түрінен сайыстар ұйымдастырылды. Оған ауданымыздың әр түкпірінен келген спортшылар бақ сынады. Ұйымдастырушылар жарыс жеңімпаздарына ақшалай сыйлықтарды табыстады.
<img src="https://kyzylorda-news.kz/wp-content/uploads/2022/03/01-1.jpg" alt="" />
<img src="https://kyzylorda-news.kz/wp-content/uploads/2022/03/05.jpg" alt="" />
<img src="https://kyzylorda-news.kz/wp-content/uploads/2022/03/12.jpg" alt="" />

Тасарық елді мекенінде ауыл күні кең көлемде аталып өтілді

<a href="https://kyzylorda-news.kz/">Kyzylorda-news.kz</a>. Медициналық ғылымдар кандидаты Александра Гусева тамақ ауырған кезде қалай емдеуге болмайтынын айтты.
Оның айтуынша, аязда суық ауамен тыныс алу, балмұздақ жеу және мұзды су ішу қауіпті. Өйткені бұл иммундық жүйені әлсіретеді.
Алайда суықтың пайдасы болатын жағдайлар да бар, дейді дәрігер.
<blockquote>
 “Егер ауырсыну көмейдің шырышты қабығының жарақатынан кейінгі ісінуінен немесе соққы, тұншығудан кейінгі мойын тініндегі гематомадан туындаса, жарақаттанған жерге суық компресс жасауға болады”, – деп түсіндірді ол&nbsp;<a href="https://aif.ru/health/life/goryacho-holodno_chem_lechit_bolnoe_gorlo">АИФ-ке</a>&nbsp;берген сұхбатында.
</blockquote>
<a href="https://sputnik.kz/20220317/tamaq-auyrganda-emdeu-23583522.html#"></a>Маман мойынды қыздырмау керектігін ескертті.
<blockquote>
 “Егер инфекция өршіп кетсе, тін температурасының жоғары болуы патологиялық процесті тездетеді. Бұл ірің және хирургиялық жолмен алып тастауға тура келетін абсцестердің пайда болуына әкеледі”, — деп атап өтті Гусева.Ол тамақты орташа температурадағы арнайы дәрілік ерітінділермен шаюға кеңес берді.
</blockquote>

Тамақ ауырғанда қалай емделуге болмайды?

Kyzylorda-news.kz. Өткен аптада облыстың солтүстік аудандарын аралаған облыс әкімі Шиелідегі бірнеше елді мекен тұрғындарымен кездесті.
Аймақ басшысы алдымен Еңбекші ауылында тұратын ақсақалдар мен шаруа иелерімен тілдесті. Тұрғындар елді мекенге газ тарту, канал арналарын тазарту мәселелеріне жете мән беруді сұрады. Сондай-ақ, бірқатар шаруа қожалығының иелері пай алу жолдары, жем-шөп жеткізу, егін егу ісіне қатысты өзекті деген проблемаларын жеткізді.
Гүлшара Әбдіқалықова өңірдегі газбен қамту көрсеткіші 67 пайызға жеткенін, бұған дейін аудандағы Керделі, Шеген Қодаманов, Шиелі кенті мен Байтерек, Жаңатұрмыс, Бидайкөл, Байсың ауылдары табиғи газға қосылғанын тілге тиек етіп, кезең-кезеңімен өзге де ауылдарға баратынын айтты. Сондай-ақ, биыл Алғабас пен Ақмая ауылдарына газ жүргізу жұмыстары аяқталмақ. 
Ал, көктемгі егіс кезеңінде су тапшылығы жағдайын ескере келе Шиелі ауданына 15 насос қондырғысы алынып, 32 ұңғыма қазу ісі жүргізілетінін жеткізді.
Әрі қарай аймақ басшысы Телікөл ауылдық округіне барып, күрделі жөндеуден өтіп жатқан көпір тұсында ауыл тұрғындарымен тілдесіп, алаңдатқан сұрақтарына жауап берді. 1500-нан аса тұрғыны бар ауылда азаматтарды көпір құрылысы, жол сапасы, аяқ су мәселесі алаңдатады.
Елді мекен үстімен өтетін көпірге күрделі жөндеу жұмыстары өткен жылы басталып, жыл соңына дейін аяқталады. 2 жолақты жолдың ұзындығы 42 метрді құрайды.
Өңір басшысы жоғарыдан түсетін су деңгейіне байланысты егін жұмыстарын мерзімінде бастап, судың аз келуіне байланысты қарекетті қадамдарға бірлесіп көшу қажет екенін тілге тиек етті.
Айта кетейік, Үкімет резервінен барлығы 22 каналды тазалау, 41 ұңғыманы жөндеу және бұрғылау, 133 дана насос қондырғысын алуды жоспарланып отыр.
<img src="https://kyzylorda-news.kz/wp-content/uploads/2022/03/fb_img_1647663224830.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647663233293.jpg" alt="" />

Гүлшара Әбдіқалықова өңірдегі газбен қамту көрсеткіші 67 пайызға жеткенін айтты

<a href="https://kyzylorda-news.kz/">Kyzylorda-news.kz</a>. Есте сақтау қабілетінің бұзылуы мидың қартаюының табиғи жанама әсері болып табылады. Дегенмен мамандар диетаға бірқатар өзгерістер енгізу бұл процесті баяулататынын айтты және оған қажетті ең пайдалы өнімдерді атады, деп хабарлайды&nbsp;<a href="https://stan.kz/">Stan.kz</a>.
Сарапшылардың пікірінше, есте сақтау қабілетінің бұзылуының алдын алатын бірінші тағам&nbsp;ақсерке, скумбрия, тунец және майшабақ сияқты майлы балықтар. Мұның бәрі сіздің миыңызды саулығын жақсартатын ең тиімді&nbsp;қоректік заттардың бірі болып саналатын омега-3 май қышқылдарына бай.&nbsp;
Адамның ми бөлігі көп май қабаттарынан тұрады. Олар омега-3 арқылы өндіріледі.&nbsp;Бұл май қышқылдары&nbsp;жадтың есте сақтау функциясы мен&nbsp;жалпы ми денсаулығын сақтауда маңызды рөл атқаратын жаңа жасушаларды шығаруға көмектеседі.&nbsp;
Бұл май қышқылдары тек миға ғана емес сонымен қатар жүрек ауруының қаупін азайтады.&nbsp;Триглицеридтер деңгейін реттеуге көмектеседі және артриттің алдын алады”, – дейді мамандар.&nbsp;
Омега-3-ті тағамдық қоспалармен де толықтыруға болады. Дегенмен, Ұлттық денсаулық институттарының мәліметтері бойынша, майлы балықты жеудің қосымша тағамдарды қабылдаудан гөрі әлдеқайда пайдасы көп.
Ғалымдардың болжамы бойынша балық пен теңіз өнімдері миға пайдалы басқа да қоректік заттарға бай.&nbsp;Балық өнімдерін тұтыну арқылы&nbsp;қызыл етте кездесетін зиянды ақуыздар мен майларды алмастыруға болады.

Қазақстан және Қызылорда облысының жаңалықтары