<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Астанада өтіп жатқан Digital Bridge форумының ашылуында сөйлеген сөзінде оның маңызы туралы сөз қозғады, деп хабарлайды <a href="https://baq.kz/toqaev-qazaqstan-euraziyadagy-negizgi-tsifrlyq-habqa-aynaldy-200022534/">BAQ.KZ</a> тілшісі.Сөз басында Тоқаев Мажарстан елінің президентіне форумға қатысқаны үшін арнайы алғыс айтты.<blockquote>Бүгінде Digital Bridge – өте маңызды пікір алмасу алаңына айналды. Бұл жерде жаһандық өзгерістер мен цифрлық экономиканың болашағы туралы өзекті ойлар айтылып, маңызды бастамалар көтеріледі. Қазақстан Еуразиядағы негізгі цифрлық хаб ретінде алдағы уақытта да осы бағыттағы жұмысты жалғасьтырады деп сенемін, – деді Мемлекет басшысы.</blockquote>Сонымен қатар Президент озық технологияның қоғамға әсеріне тоқталды.<blockquote>Жасанды интеллект дәуіріне қадам бастық. Озық технологияның жоғары қарқынмен дамуы саясатқа, экономикаға және миллиардтаған адамның өміріне тікелей әсер етеді, – деп атап өтті Қасым-Жомарт Тоқаев.</blockquote>Айта кетерлігі, форум аясында басталған пленарлық отырысқа Мемлекет басшысы Қасым-Жомарт Тоқаев, Венгрия президенті Тамаш Шуйок қатысып отыр. Жиынның арнайық қонақтарының қатарында G42 International бас директоры (CEO) Мансур Ибрагим Әл Мансури, Telegram негізін қалаушы және бас директоры Павел Дуров, Стэнфорд университетінің ғылыми қызметкері, Google зерттеу директоры Питер Норвиг, Sinovation Ventures, 01.AI бас директоры (CEO) Кай-Фу Ли, Стэнфорд университетінің профессоры Илья Стребулаев, Solana Foundation президенті Лили Лю бар.Еске салсақ, Бүгін, 2 қазанда Астанада Орталық Еуразиядағы ең ірі халықаралық технологиялық форум – Digital Bridge басталды.Фото: Ақорданың баспасөз қызметі

Тоқаев: Қазақстан – Еуразиядағы негізгі цифрлық хабқа айналды

<a href="https://kyzylorda-news.kz/">Kyzylorda-news.kz</a> Қызылорда қаласының тұрғындары мен қонақтарының назарына!2025 жылғы 3 қазан күні сағат 16:00-де Қызылорда қаласындағы «Қаламгерлер аллеясында» Қызылорда облысы Полиция департаментінің ұйымдастыруымен «Заң мен тәртіп» тақырыбындағы суреттер көрмесі өтеді.Ел қауіпсіздігін қамтамасыз етіп, халықтың тыныштығын күзеткен тәртіп сақшыларының ерен еңбегін көрсету мақсатында ұйымдастырылған көрмеде ел амандығының аманатын арқалаған қызметкерлердің қиын да күрделі тынымсыз еңбегі, бейбіт күннің батырларының ерлігі, жұмыс барысынан түсірілген ерекше суреттер жұртшылық назарына ұсынылады.

Ертең «Заң мен тәртіп» тақырыбында сурет көрмесі өтеді

<h2 style="text-align:center;">Дағдарыстан - дамуға: Қызылорда облысының экологиясын жақсартудағы ең үздік қолжетімді технологиялардың рөлі</h2><a href="https://kyzylorda-news.kz/">Kyzylorda-news.kz</a> Қызылорда облысы экологиялық тұрғыдан Қазақстанның ең осал өңірлерінің бірі. Суы сарқылған Арал теңізінің зардабы және қазіргі заманғы тазарту технологияларының жоқтығы халық денсаулығына да, өңір экономикасына да әсерін тигізіп, жағдайды ушықтырып тұр.Экологиялық жүктеменің ең негізгі көзі - энергетика мен өнеркәсіп. Ұлттық статистика бюросының мәліметі бойынша 2024 жылы облыс атмосферасына 25 мың тоннаға жуық ластағыш зат шығарылған, оның 23 мың тоннасы тазартылмаған.Шығарындылар құрамындағы ең қауіпті заттар - көміртек тотығы (9129 тонна), азот тотығы (8304 тонна), көмірсутек (3371 тонна), күкірт ангидриді (1570 тонна) және ұшпа органикалық қосылыстар (1860 тонна).Мұндағы тазарту құрылыстары іс жүзінде жұмыс істемейді: олардың ауқымы тек 6,5 тонна ластағыш затты ғана қамтиды.Тағы бір күрделі мәселе - сапалы тұщы су тапшы. Экологиялық дағдарыс аймақтары ретінде ресми танылған Арал және Қазалы аудандарында ескірген су тазарту құрылыстарының жүктемеге шамасы жетпейді. Халық шарасыздан сапасы төмен суды пайдаланып отыр, ал бұл сырқаттану деңгейіне тікелей әсер етеді.&nbsp;Сарапшылар бұл дағдарыстан шығудың жолы - өңірдің ең үздік қолжетімді технологияларды (ЕҚТ) енгізе отырып, кешенді экологиялық рұқсатқа көшуі деп санайды.Бұл шаралар жаңа экологиялық кодексте бекітілген: I санаттағы кәсіпорындар 2030 жылға дейін заманауи экологиялық қауіпсіз технологияларды енгізуі немесе жоғары экологиялық алымдарды төлеуі тиіс.&nbsp;Халықаралық жасыл технологиялар және инвестициялық жобалар орталығының ЕҚТ бюросының деректері бойынша Қызылорда облысы үшін басым бағыттар: заманауи су тазарту станцияларын салу, өнеркәсіп пен ауыл шаруашылығында су үнемдеу технологияларын енгізу, энергетика мен қалдықтарды қайта өңдеуді жаңғырту, пайдалы қазбаларды экологиялық қауіпсіз өндіру. Кешенді технологиялық аудиттер газ тазарту жүйелерін енгізу, шығарындыларды бақылау және өнеркәсіптік қалдықтарды қайта өңдеу қажеттілігін растайды.Қызылорда облысының экологиялық жағдайы - аса ауыр күйде. Бірақ сарапшылар: ЕҚТ енгізе отырып, кешенді экологиялық рұқсатқа көшу, тазарту жүйелерін жаңғырту және су ресурстарын қалпына келтіру өңірдің орнықты дамуына негіз бола алады деп отыр. Қызылорда облысы тіпті ауыр экологиялық жағдайдың өзінде жаңару жолдарын қарастырып, халықтың өмір сапасын жақсарту тәсілдерін қолдану арқылы басқа өңірлерге үлгі бола алады. &nbsp;Г.А.Медиева, э.ғ.д., академик, ХЖТИЖО ғылыми кеңесшісі

Қызылорда облысының экологиялық проблемалары және ең үздік қолжетімді технологияларды енгізу

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың бастамасымен жүзеге асырылып жатқан «Таза Қазақстан» жалпыұлттық экологиялық акциясы аясында «AMANAT» партиясының ұйымдастыруымен өтетін «Таза бейсенбі» акциясы еліміздің түкпір-түкпірінде жалғасып, қоршаған ортаны қорғауға және экологиялық мәдениетті қалыптастыруға айрықша үлес қосуда.&nbsp;Осы орайда бүгін Сырдария ауданында өткен акцияға аманаттықтармен бірге тұрғындар да қатысып, Оспан Мәлібаев шағын ауданындағы «Тағзым» алаңы тазаланды.Тазалық іс-шарасына аудан әкімінің орынбасары Роллан Еспенбетов, «AMANAT» партиясының Сырдария аудандық филиалының Атқарушы хатшысы Ақтөре Ибрагимұлы, аудандық мәслихат депутаты Болатбек Ұлтанбекұлы, Тереңөзек кентінің әкімі Ержан Бахтияров арнайы қатысты.<blockquote>«Тазалық өзіміз үшін қажет. «AMANAT» партиясы тарапынан жергілікті әкімдікке қарасты барлық ұйым, мекемелермен бірге тазалық жұмыстары апта сайын жүргізіліп келеді. Тазалыққа үндейтін, ұрандар да азаматтар көп шоғырланған жерлерге жазылуда. Бұл жұмыстардың барлығы табиғатқа жанашырлықпен қарау, туған өлкеміздің экологиялық ахуалын сақтауға бағытталуда. Тазалық, жақсы тазартылған емес, оны сақтай білген жерде болады»,- демей ме? Осы мүмкіндікті пайдаланып, барлық жерлестерді акцияның тазалық мәдениетін сақтау сынды негізгі мақсатына жетуіне үлес қосуға шақырамын», – деді партияның Сырдария аудандық филиалының атқарушы хатшысы Ақтөре Ибрагимұлы.&nbsp;</blockquote>Экологиялық мәдениетті қалыптастыруға бағытталған акцияға 30-дан астам адам қатысып, екі арнайы техника тартылды. Нәтижесінде «Тағзым» алаңындағы шөптер шабылып, жиналып, көше бойындағы ағаш түптері әктеліп, аялдамалар мен көрнекі белгілер жуылды.

“Таза бейсенбі”: «Тағзым» алаңы тазартылды

<a href="https://kyzylorda-news.kz/">Kyzylorda-news.k</a> Мемлекет басшысы Қасым-Жомарт Тоқаев форумның пленарлық отырысында cөз сөйлейді. Жиынға Қазақстанға ресми сапармен келген Мажарстан Президенті Тамаш Шуйок қатысып отыр. Бұл туралы Ақорда мәлім етті, – деп хабарлайды <a href="https://kaz.inform.kz/news/astanada-digital-bridge-2025-halikaralik-tehnologiyalik-forumi-bastaldi-1095ca/">ҚазАқпарат.</a><blockquote>—&nbsp;Спикерлердің қатарында Telegram негізін қалаушы және бас атқарушы директоры Павел Дуров, Sinovation Ventures және 01ai бас директоры Ли&nbsp;Кай Фу, Стэнфорд университетінің ғылыми қызметкері, Google сарапшысы Питер Норвиг, G42 International компаниясының бас директоры Мансур Ибрагим Әл Мансури, Стэнфорд университетінің профессоры Илья Стербулаев және high-tech индустриясының басқа да&nbsp;өкілдері бар,&nbsp;— делінген хабарламада.</blockquote>

Астанада Digital Bridge 2025 халықаралық технологиялық форумы басталды

<a href="https://kyzylorda-news.kz/">Kyzylorda-news.kz</a> Тоқаев&nbsp;жасанды интеллектіні (ЖИ) дамыту жөніндегі кеңесте білім беру саласына жасанды интеллектіні кеңінен енгізу барысында оның қауіп-қатерлерін қаперден шығармауды ескертті. Бұл туралы <a href="https://stan.kz/tokaev-bilim-beru-salasindagi-zhasandi-intellektininin-424167/">Stan.kz</a> ақпарат агенттігі хабарлайды.Президент ЖИ-дің қаупі туралы айтып, үкіметке тапсырма берді.<blockquote>"Ең алдымен, бұл жерде жасанды интеллектіні теріс пиғылда пайдалану секілді этикалық мәселелер сөз болып отыр. Нейрожелі берген жауапқа сеніп, оқушылар сыни пайымдау, іздену және сараптау қабілетінен айырылып қалуы мүмкін. ЖИ білім беру үдерісін жетілдіруге тиіс, бірақ оның іргелі негізін алмастырмауы керек. Сондықтан үкімет академиялық адалдықты қамтамасыз ету бағытында кешенді шаралар қабылдауы қажет", – деді президент.</blockquote>Сондай-ақ Тоқаев ЖИ-дің дамуы ел арасында жұмыссыздар санынның артуына да ықпал ететітінін айтты.<blockquote>"Көптеген кәсіп иелерінің жұмысын енді автоматты жүйе атқаратын болады. Мұндай үрдіс қазірдің өзінде жүріп жатыр. Бұл бірқатар мамандықтың ескіруіне, яғни көптеген адамның жұмыссыз қалуына әкеп соқтырады. Бұл – аса өзекті мәселе. Осы жұмысты қазірден бастап қолға алмасақ, мұндай үрдістің әлеуметтік салдары ауыр болады. Жұмыссыздық белең алып, тұрмыс сапасы төмендеп, әлеуметтік теңсіздік күшеюі мүмкін. Мамандарды қайта даярлауға және біліктілігін арттыруға кең мүмкіндік жасап, күні бұрын әрекет етуге тиіспіз", – деді Тоқаев.</blockquote>Мемлекет басшысы Қазақстанның&nbsp;цифрлық стратегиясында&nbsp;ұлт мүддесі басты орында тұруы керек екенін атап өтті.<blockquote>"Шын мәнінде, негізгі мәселе жасанды интеллект қана емес. Ең бастысы – елдің егемендігі, ұрпақтың болашағы. Үкімет бүгін айтылған ұсыныстың бәрін мұқият қарастырады. Сөз соңында бір мәселені атап өткім келеді. Жасанды интеллект – цифрлық экономиканың негізгі қозғаушы күші. Сондықтан Кеңестің келесі отырысын осы тақырыпқа арнауды ұсынамын", – деді мемлекет басшысы.</blockquote>

Тоқаев жасанды интеллектінің білім беру саласындағы қаупі туралы айтты

<a href="https://kyzylorda-news.kz/">Kyzylorda-news.kz</a> Арал аудандық мәдениет үйінде Еңбек күніне арналған «Адал азамат – еңбектің елшісі» атты салтанатты шара шымылдық түрді.Өздеріңіз білетіндей, елімізде еңбекке деген құрметті жандандыру, жас ұрпақты еңбекқорлыққа, еңбек мәдениетін үйретуге бейімдеу мақсатында 2013 жылдан бері «Еңбек күні» мерекесі атап өтіліп келеді. Бүгінгі шара соның айқын дәлелі.Жарқын өмірге жол ашып, бақыт пен табысқа жетелейтін маңызды күннің құрметіне ұйымдастырылған мерекелік шараға аудан әкімі Аманжол Оңғарбаев қатысып, еңбек адамдарына өзінің ізгі лебізін жеткізді.<blockquote>– Қадірлі ағайын, құрметті жерлестер! Сіздерді жарқын өмірдің басты құралына айналған Еңбек күнімен құттықтаймын! Еңбек – адам өміріне мағына беріп, болашақ ұрпаққа жол сілтейтін қасиетті ұғым. Еңбектің арқасында ғана қоғам өсіп-өркендеп, мәдениет пен руханият гүлдене түседі. Сол еңбектің бүгінгі екпіндісі де, салаға дем берген табанды қызметшісі де Өздеріңіз. Осы мерекеде барша еңбек адамдарына деген ерекше алғыс пен құрметімізді білдіреміз. Қай салада болмасын тер төгіп жүрген әр азаматтың үлесі ел игілігіне қосылған үлкен еңбек екенін атап өту – біздің парызымыз. Еңбекті майдан деп алсақ сол майданда жүрген барлығыңыз да құрметке лайықсыздар. Мықты маман, білікті кадр немесе бұл майданға енді кіріскен екпінді жан болсын, бастысы еңбекке адалдықтарыңыз маңызды. Біз қай маман болсын еңбек адамының таза әрі адал жұмысына құрметпен қараймыз. Әркез биік болмыстарыңыз аласармай, халық сенім артқан білікті маман ретінде биіктерден көріне беріңіздер! Баршаңызға зор денсаулық, еңбекте жаңа табыстар және амандық тілеймін, – деді аудан әкімі Аманжол Сақыпұлы.</blockquote>Көп көңілін марқайтқан салтанатты шарада адал еңбектің екпіндісіне айналып жүрген бір топ түрлі саланың мамандары марапат төрінен көрінді.Сала үздіктері сараланған шарада «Еңбек жолы» аудандық конкурсының жеңімпаздары түрлі аталым бойынша арнайы марапатталып, қаржылай қомақты сыйақыға ие болды. Сонымен қатар бір топ қарапайым еңбек адамдарына аудан әкімінің Алғыс хаты және қаржылай сыйлық табысталды.Әрбір жетістікті маңдай тердің, табанды еңбектің жемісі деп бағалайтын жандардың құрметіне арналған мерекелік шара одан әрі аудан өнерпаздарының концерттік бағдарламасына ұласты.<img src="https://knadmin.beoblood.kz/uploads/E_bek_adamdaryna_rmet_k_rsetti_00ca7f6b02.jpg" alt="Еңбек адамдарына құрмет көрсетті.jpg">

Еңбек адамдарына құрмет көрсетті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен Халықаралық қарттар күні мерекесіне орай мерекелік іс-шара өтті.&nbsp;Салтанатты іс-шараға Ұлы Отан соғысының ардагері Яхия Тасыров, аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, аудандық ардагерлер кеңесінің төрағасы Мұса Келдібаев, аудандық қоғамдық кеңес төрағасы Марат Еспенбетов, ауданның еңбек ардагерлері, қазыналы қариялар, ақ жаулықты аналар мен тұрғындар қатысты.Аудан басшысы қарияларды мерекемен құттықтап, аға буын өкілдерінің ел дамуы жолындағы қажырлы еңбегі үлгі екенін атап өтті.<blockquote>Мемлекет басшысы Қасым-Жомарт Кемелұлы Тоқаев «Халқымыз үнемі үлкенге құрмет, кішіге ізет көрсете білген. Осы құндылықтарды дәріптеп, бүгінге жеткізу арқылы қарияларымыз ұлт ретінде сақталуымыз үшін барын салған» деп қазыналы қарттарымыздың қоғамдағы рөлін айқындап берді. &nbsp;Бүгінде қарттарға, зейнеткерлер мен ардагерлерге қолдау көрсету – мемлекетіміздің басты басымдықтарының бірі. Аймақ басшысы Нұрлыбек Машбекұлы Нәлібаевтың қолдуымен ардагерлердің өмір сүру сапасын жақсарту, әлеуметтік қолдау, медициналық қызмет көрсету мақсатында жүйелі жұмыстар жүргізілуде. Биыл аймақта 1700-ге жуық ардагерге барлығы 322 млн. теңге көлемінде бір реттік әлеуметтік көмек көрсетілді. Елімізге, өңірімізге танымал меценат, жанашыр азаматтардың демеушілігімен ардагерлеріміз Мерке, Сарыағаш, Манкент, Жаңақорған шипажайларында кешенді сауықтыру қызметтерін алды. Өткен жылы өңірімізде жарияланған «Руханият жылы» аясында барлық аудандарда салынған «Руханият» орталықтарында ардагерлерге, ардақты аналарымызға, қоғамдық кеңестерге толық жабдықталған жұмыс кабинеттері берілді. Бұл – қарияларымызға көрсетілген үлкен құрмет. Бүгінде облысымызда Ұлы Отан соғысының ардагері, Сырдария ауданының Құрметті азаматы, 103 жастағы батагөй ақсақал Яхия Тасыров атамыз ортамызда жүр. Бізге бейбіт өмір сыйлаған қарт майдангерге әрқашан құрмет көрсетіле береді. Қарияларымыз «Мерейлі отбасы» ұлттық байқауының аудандық және облыстық кезеңдеріне қатысып, өнегелі әулет ретінде үлгі болуда. Биыл ауданнан қатысқан Әбсадықовтар отбасы облыстық кезеңнен жеңімпаз атанып, ұлттық байқаудың республикалық кезеңінде облыс намысын қорғайтын болады. Сондай-ақ, Қызылорда қаласының астана болғанына 100 жыл толуына орай ұйымдастырылған өнер байқауында «Ұлағат» әкелер ансаблі, «Алтын қазына» және елді мекендердегі әжелер ансамбльдері мерейімізді асырып, бірінші орынды жеңіп алдық. Осындай жетістіктеріңізбен Сіздер кейінгі толқынға жол көрсетіп, үлгі болудасыздар. Қарияларымызға үлгі болар өнегелі істеріңіз үшін шынайы алғысымды білдіремін, – деді Берік Әбдіғаппарұлы.</blockquote>Мерекелік іс-шарада облыстық және ауданның көркемөнерпаздары концерттік бағдарлама ұсынып, мерекелік көңіл-күй сыйлады. Мұнан соң қазыналы қариялар мерекелік дастарханда бас қосып, сый-құрметке бөленді.<img src="https://knadmin.beoblood.kz/uploads/arttar_k_ni_konczert_ebea8a866b.jpg" alt="Қарттар күні концерт.jpg">

Қазыналы қариялар әркез құрмет төрінде

<a href="https://kyzylorda-news.kz/">Kyzylorda-news.kz</a> Қызылорда қаласының сол жағалауында бой көтерген жаңа стадионның футбол алаңы ФИФА тестілеуінен өтіп, QUALITY PRO сертификатын алды.Бұл туралы FIFA сайтында ресми түрде хабарланды. Демек, шаһарымыздағы бірегей стадионда жоғары деңгейдегі футбол матчтарын қабылдауға толық дайын.Стадион туралы толық мәлімет төмендегідей:1. 11 мың орындық жаңа стадион УЕФА талаптарына сай соңғы үлгіде салынған;2. Жарықтандыру жүйесі «Philips arenavision» компаниясының 2 000-нан астам люксті шамдарымен қамтамасыз етілген;3. 4K форматында хабар таратуға мүмкіндік беретін заманауи LED экрандары қойылған;4. Соңғы үлгідегі автоматтандырылған қуат көзі және қосымша трансфармотормен қамтылған;5. Стадионның жасыл алаңы ФИФА стандартына сай сәйкестендірілген. Алаңда қолайсыз ауа райында ыңғайсыздық тудырмау үшін автоматты суару және дренаж жүйесі қойылған;6. Жасыл алаңда «Fieldturf» жабыны, «REHAU» жылыту жүйесі, еуропалық стадиондардың стандарттарына сәйкес келетін Perrot суару технологиясы, 6 cм қалыңдығы бар көпқабатты кварц құмы, ағылшын резеңке үгіндісінен жасалған және 2 см болатын «Shockpad» амортизациялық төсеммен жабдықталған;7. &nbsp;VAR және goal-line технологиясы орнатылған;8. Командаларға арналған киім ауыстыру бөлмелері, дәрігерлік бөлме, футболшыларға арналған арнайы бөлме, фудкорд, дәмхана қарастырылған;9. БАҚ өкілдеріне, комментаторларға арналған пресс-орталық, техникалық аймақ, конференция залдары бар;10. Мүмкіндігі шектеулі жандарға арналған орындар және келушілерге арналған бес VIP бөлмесі, қауіпсіздікті қамтамасыз ету мақсатында Skidata электронды турникет жүйелері қойылған;11. Ғимаратта 1000 орынға арналған автотұрақ орны және ыңғайлы көлік айрығы бар;

Қызылордадағы жаңа стадион алаңы QUALITY PRO сертификатына ие болды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жаңа стадионның ашылуына дайындық барысы пысықталған жиналыстан кейін Қазақстан футбол федерациясының жарыстарды ұйымдастыру директоры Бақытжан Пазылхайырмен бірге Орталық стадиондаға барып, жауапты басшыларға тапсырмалар жүктеді.Қызылордадағы 11 мың орындық Орталық стадион жақын күндері ашылады деп күтілуде. Жаңа нысан &nbsp;халықаралық стандарттарға, &nbsp;УЕФА талаптарына сай, соңғы үлгідегі заманауи құралдармен жабдықталған.Спорт ғимаратының жалпы аумағы 20 мың шаршы метр, жасыл алаңнан бөлек, бокс, күрестің үш түрінің, атап айтқанда, дзюдо, грек-рим, еркін күрес, фитнес, спорттық гимнастика, таеквондо және ауыр атлетика залдарынан тұрады. &nbsp;Келушілерге жыл он екі ай сапалы қызмет көрсету үшін барлық мүмкіндік бар.Үш қабатты ғимараттың бірінші қабатында жаттығу залдары, екінші қабатында әкімшілік бөлмелер, үшінші қабатында спортшылар үшін және ауқымды жиындар өткізуге арналған бөлмелер қарастырылған.Халықаралық дәрежедегі ауқымды ойындарға дайын. Ашылу салтанаты қарсаңында жаңа стадионның футбол &nbsp;алаңы ФИФА-ның тестілеуінен өтіп, жоғары деңгейлі QUALITY PRO сертификатына ие болды.Бүгін “Арай сити мол” сауда орталығында финалдың бас кубогы &nbsp;Сыр жұртшылығына таныстырылды. Облыс тұрғындары кубокты қазанның 4-не дейін сауда орталығына барып көре алады.&nbsp;Облыс орталығында &nbsp;«Қызылорда Арена» көпбейінді спорт кешені де салынуда. Онда олимпиадалық стандарттарға сай 50 метрлік бассейн, Әлем және Азия чемпионаттарын өткізуге арналған 2500 орындық зал, олимпиадалық спорт түрлеріне арналған жаттығу залдары болады.Құрылысы 2026 жылдың екінші жартыжылдығында аяқталады.Өңір спортын дамытуда атқарылған ауқымды жұмыстарға тоқталсақ, &nbsp;соңғы үш жылда 20 спорт кешені ашылды. «Ауыл – ел бесігі» бағдарламасымен тағы 6 спорт кешені пайдалануға беріледі. «Қазақстан халқына» қорының демеушілігімен 2 млрд. 900 млн. теңгеге мүмкіндігі шектеулі жандарға арналған дене шынықтыру-сауықтыру кешені бой көтеріп келеді. Биыл қордың қолдауымен Шиелі, Жалағаш аудандарындағы жаңа спорт кешендері келушілерге қызмет көрсете бастады.<img src="https://knadmin.beoblood.kz/uploads/Kubok_2_373a21547b.jpg" alt="Кубок 2.jpg">

Финалдың бас кубогын таныстырды

<a href="https://kyzylorda-news.kz/">Kyzylorda-news.kz</a>&nbsp; «Shoqan» ерлер костюмдері брендінің негізін қалаушы, кәсіпкер Ұлықбек Шәріпов жас қақпашы Шерхан Қалмұрзаға көлік сыйлады, деп хабарлайды «<a href="https://adyrna.kz/kk/post/1237662">Адырна» </a>тілшісі.«Саған арналған шағын сыйлығым бар. Бұл – сенің көлігің. Бізге шексіз эмоция сыйладың. Бастысы тоқтап қалма!»– деді ол.Спортшы бұндай сыйлықты күтпегенін жеткізіп, алғысын жаудырды.Айта кетейік, «Қайраттың» 18 жастағы қақпашысы Шерхан Қалмұрза тарихи матчтан кейін желі жұлдызына айналды. Ол бірінші таймда қақпасын Килиан Мбаппенің соққыларынан дәл қорғап үлгерді. Жас голкипер суыққанды ойынымен жанкүйерлердің қошеметіне бөленді.Бұған дейін желі қолданушыларға жас спортшыға көлік сыйлау бастамасын көтерген еді.

Белгілі кәсіпкер Шерхан Қалмұрзаға көлік сыйлады

<a href="https://kyzylorda-news.kz/">Kyzylorda-news.kz</a>&nbsp; Қызылордада сыбайлас жемқорлыққа қарсы бағытталған кездесу өтті. Оған Қызылорда облыстық қоғамдық даму басқармасының «Қоғамдық келісім» КММ қызметкерлері қатысты.Шара барысында Қорқыт Ата атындағы Қызылорда университетінің комплаенс-офицері, дінтану магистрі Әлібек Жаппасбаев бас спикер ретінде сөз сөйлеп, сыбайлас жемқорлықтың қоғамға тигізер зардабы мен оның алдын алу тетіктері жөнінде мазмұнды ой бөлісті. Ол адалдық қағидаттарын ұстанудың мемлекеттік қызмет пен еңбек ұжымдары үшін маңызын ерекше атап өтті.Кездесудің модераторы – «Қоғамдық келісім» КММ директоры Бақытжан Камалов сыбайлас жемқорлықтың алдын алуға бағытталған түсіндірме жұмыстардың ұжымдық мәдениетті қалыптастыруға, әділдік пен адалдық құндылықтарын орнықтыруға ықпал ететінін жеткізді.Жиын соңында қатысушылар пікір алмасып, өзекті сауалдарына жауап алды.

Қазақстан және Қызылорда облысының жаңалықтары