<a href="https://kyzylorda-news.kz/">Kyzylorda-news.kz</a> &nbsp;«AMANAT»партиясының облыстық филиалының атқарушы хатшысы Ләйлә Төрешова, республикалық кеңес мүшесі Айткүл Шалғынбаева, облыстық филиал жанындағы азаматтық қоғам мен мәдениетті дамыту жөніндегі «Miras» аймақтық кеңесі төрағасының орынбасары Сәрсенкүл Бихожа бейнебайланыс режимінде «AMANAT» партиясының жанындағы «Miras» республикалық кеңесінің отырысына қатысты.Жиында Мемлекет басшысы Қасым-Жомарт Тоқаевтың биылғы халыққа Жолдауында көтерген жасанды интеллекті дәуіріндегі мәдениет пен өнерді дамыту жолдары және мәдени объектілерді салу мен жөндеу мәселелері қаралып, талқыланды.Кеңес отырысында Алматы қаласы, Алматы, Түркістан және Ұлытау облыстарында осы бағытта атқарылып жатқан жұмыстардың есебі тыңдалды.Кеңес төрағасы Амажол Әлтай жалпы кеңестің бұған дейін бірқатар өңірлерде көшпелі отырысы өтіп, атқарылған жұмыстарды көзбен көріп, кеңес мүшелері, өңірлердегі зиялы қауым болып талқыланғандығын, орамды ойлар мен ауқымды ұсыныстар жинақталып, тиісті министрліктер мен органдарға жолданғандығын тілге тиек етті.Кеңес төрағасы өз сөзінде Сыр өңірінде партияның сайлауалды бағдарламасы аясында мәдениет пен өнерді қолдау бағытында жасалып жатқан жұмыстарды өзге өңірлерге үлгі ретінде атап өтті.

«Miras» республикалық кеңесінің отырысы өтті

<a href="https://kyzylorda-news.kz/">Kyzylorda-news.kz</a> Көптеген қазақстандықтар бос уақыттарын сауда және ойын-сауық орталықтарында өткізеді: киноға барады, сауда жасайды, достарымен кездеседі немесе бүкіл отбасымен келеді. Мұндай нысандар тек сауда орны ғана емес қала инфрақұрылымының маңызды бөлігіне айналды: бұл мыңдаған адамдардың күнделікті келетін орны. Осыған байланысты мұнда қауіпсіздік мәселесі бірінші орынға шығады.Fingramota.kz сауда және ойын-сауық орталықтары үшін өрттен міндетті сақтандыру ережелерін еске салады.2025 жылғы 24 маусымда осындай нысандардың иелері үшін жаңа ереже енгізетін маңызды заңға қол қойылды: ендігі жерде олар үшін өрттен азаматтық-құқықтық жауапкершілікті сақтандыру міндетті болып табылады. Бұл шешім сауда орталығына келушілердің, жалға алушылар мен қызметкерлердің өмірін, денсаулығы мен мүлкін қорғауға арналған.Заңға сәйкес, ауданы 2000 шаршы метрден асатын сауда және ойын-сауық орталықтарының, сондай-ақ тізбесін Төтенше жағдайлар министрлігі айқындайтын басқа да нысандардың иелері сақтандыру шартын жасасуға міндетті.Егер бұрын бұл ерікті түрде жасалатын болса, енді келісімшарт болмаса мұндай нысанның қызметіне рұқсат берілмейді.Бұл не үшін қажет?Бұл ережелер адамдар жаппай келетін ғимараттардағы адамдардың өмірін, денсаулығы мен мүлкін қорғауға бағытталған. Өрт шыққан жағдайда зиянның ауқымы бизнес үшін, сондай-ақ қарапайым келушілер үшін де өте үлкен болуы мүмкін. &nbsp;Бұдан былай сақтандыру компаниясы зардап шеккендерге зиянды өтеу бойынша міндеттеме алады. Бұл:• &nbsp; &nbsp;сауда орталықтары мен кинотеатрларға келушілерге;• &nbsp; &nbsp;үй-жайларды жалға алушыларға;• &nbsp; &nbsp;ғимаратта орналасқан ұйымдардың қызметкерлеріне қатысты.Сақтандыру қандай сомаларды қамтиды?Заң сақтандыру сомасы мен төлемнің ең төмен мөлшерін белгілейді.• &nbsp; &nbsp;Шарт бойынша жалпы сақтандыру сомасы - кемінде 75 000 АЕК (шамамен 295 млн теңге).• &nbsp; &nbsp;Бір жәбірленушінің мүлкіне келтірілген залал — 1 500 АЕК-ке дейін (шамамен 5,9 млн теңге).• &nbsp; &nbsp;Өмірі мен денсаулығына келтірілген зиян:қайтыс болған жағдайда - 5 000 АЕК (19,7 млн теңге);I топтағы мүгедектік - 4 000 АЕК (15,7 млн теңге);II топтағы мүгедектік - 3 000 АЕК (11,8 млн теңге);III топтағы мүгедектік - 1 500 АЕК (5,9 млн теңге);балаға мүгедектік белгіленген кезде - 3 000 АЕК (11,8 млн теңге); &nbsp; &nbsp; мүгедектіксіз жарақат алу немесе мертігу &nbsp;- емдеуге жұмсалатын нақты шығыстар, бірақ 750 АЕК (2,9 млн теңге) аспайды.Мынадай жағдайды елестетіп көрейікші: ірі сауда орталығында электр сымдарының тұйықталуына байланысты өрт шықты. Келушілердің бір бөлігі жарақат алды, ал жалға алушылардың дүкендері тауардың зақымдануынан зардап шекті.Бұрын зардап шеккендер ғимарат иесімен соттасуға мәжбүр болатын және процесс бірнеше жылға созылуы мүмкін еді. Енді сақтандыру шарты болған жағдайда, зардап шеккендерге төлемді сақтандыру компаниясы өтейді және заңда белгіленген мерзімде жүргізеді.Шартты қалай жасауға болады?Сақтандыру шартын Қаржы нарығын реттеу және дамыту агенттігінің лицензиясы бар жалпы сақтандыру бойынша 15 сақтандыру компаниясының кез келгенінде ресімдеуге болады. ҚР Төтенше жағдайлар министрлігімен бекіткен үлгі шарт негізге алынады. Сақтандыру сыйлықақысының сомасын (яғни сақтандыру құнын) сақтандыру компаниясының өзі айқындайды және шартта көрсетіледі.Бизнес үшін бұл қосымша шығысқа әкеледі, бірақ сонымен бірге үлкен қаржылық тәуекелдерден де қорғайды. Өрт болған жағдайда кәсіпкер зардап шеккендермен және олар қоятын шағым-талаптармен бетпе-бет қалып кетпейді.Қазақстандықтар үшін бұл – кепілдік: адамдар төтенше жағдайда өтемақы алатынын, ал олардың құқықтары заңмен қорғалатынын білетін болады.Келушілерге арналған кеңестер: өзіңізді қалай қорғауға болады?Сақтандыру мүлік иелерінің міндеті болғанымен, келушілердің де мұқият болуы маңызды:• &nbsp; &nbsp;ғимаратқа кірген кезде эвакуация жоспары мен апаттық шығу жолдарын қараңыз;• &nbsp; &nbsp;егер сіз іс-шараларға қатыссаңыз, билеттер мен чектерді сақтаңыз — бұл сол жерде болу фактісін растайды;• &nbsp; &nbsp; тұтынушының қауіпсіздік бұрыштарындағы ақпаратты тексеріңіз немесе тікелей әкімшіліктен сұраңыз;• &nbsp; &nbsp;өз құқықтарыңызды біліңіз: өрт немесе басқа төтенше жағдай кезінде сіздің өтемақы алуға құқығыңыз бар.Өрттен міндетті сақтандыру – бұл бизнестің жауапкершілігін және азаматтардың қауіпсіздігін арттыруға бағытталған қадам. Сауда орталықтары мен ірі нысандардың иелері төтенше жағдайдың алдын алуға ғана емес, оның салдарын өтеуге де дайын болуы керек.Келушілер үшін бұл бір нәрсені білдіреді: күтпеген жағдай туындаған жағдайда мемлекет сақтандыру тетіктері арқылы қолдауға кепілдік беретінін біле отырып, өзіңізді қауіпсіз сезінуге болады.<img src="https://knadmin.beoblood.kz/uploads/infographics_12_11_12_ec8350365b.png" alt="infographics 12.11-12.png">Өзіңізге, жақындарыңызға қамқорлық жасаңыз және Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Қауіпсіз шопинг: сауда орталықтары үшін сақтандырудың жаңа қағидалары 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жаңа жылу-электр орталығында және Тәуелсіздік даңғылын жаңғыртудың екінші кезеңінде атқарылған жұмыстармен танысты.Қызылорда қаласында электр және жылу энергиясын өндіретін жаңа орталық құрылысы қарқынды жүргізілуде.Инвестор «Aksa Energy» түрік компаниясы қолға алған жобаның жалпы құны 215 млрд.теңге, осы уақытқа дейін 178 млрд.теңгеден астам инвестиция салынды.Негізгі 2 газ турбиналық қондырғы (General Electric, АҚШ), бу турбинасы (Doosan Skoda, Чехия), 2 бу қазандығы (AC BOILERS, Италия) мен 4 жылу қазандығы (Mimsan, Түркия) салынуда. Құрылысқа қажетті өзге де материалдар жергілікті өндірушілерден алынған.Бюджет есебінен 15 млрд. теңгеге жаңа орталыққа дейін 45 шақырым газ құбырының, автоматтандырылған газ тарату станциясының құрылысы жүргізілді.Тәуелсіздік даңғылын жаңғыртудың екінші кезеңінің құрылысы қарқынды жүргізілуде. Ұзындығы 2,867 шақырым, ені 14 метрлік төрт жолақты автожолмен қатар, ені 6 метрлік жаяу жүргіншілер және велосипед жолдары салынды.Биыл жол инфрақұрылымын дамытуға республикалық, облыстық, аудандық бюджеттен қаржы бөлініп, 329 шақырым автомобиль жолдары, көшелер мен көпір өткелдері жөндеуден өтті. Осы жұмыстардың нәтижесінде жақсы және қанағаттанарлық жағдайдағы жолдардың үлесі 95 пайызға жетті.<img src="https://knadmin.beoblood.kz/uploads/1_Ajma_basshysy_T_uelsizdik_da_ylyn_zha_yrtudy_ekinshi_keze_indegi_zh_mystarmen_tanysty_6b902fa7d6.jpg" alt="1 Аймақ басшысы Тәуелсіздік даңғылын жаңғыртудың екінші кезеңіндегі жұмыстармен танысты.jpg"><img src="https://knadmin.beoblood.kz/uploads/2_Ajma_basshysy_T_uelsizdik_da_ylyn_zha_yrtudy_ekinshi_keze_indegi_zh_mystarmen_tanysty_d6bff40ecd.jpg" alt="2Аймақ басшысы Тәуелсіздік даңғылын жаңғыртудың екінші кезеңіндегі жұмыстармен танысты.jpg"><img src="https://knadmin.beoblood.kz/uploads/3_Ajma_basshysy_T_uelsizdik_da_ylyn_zha_yrtudy_ekinshi_keze_indegi_zh_mystarmen_tanysty_bb025f8f83.jpg" alt="3 Аймақ басшысы Тәуелсіздік даңғылын жаңғыртудың екінші кезеңіндегі жұмыстармен танысты.jpg">Фото: Қызылорда облысы әкімінің баспасөз қызметі

Аймақ басшысы Тәуелсіздік даңғылын жаңғыртудың екінші кезеңіндегі жұмыстармен танысты

<a href="https://kyzylorda-news.kz/">Kyzylorda-news.kz</a> Бұл туралы Мемлекет басшысы Қасым-Жомарт Тоқаев Астанада өтіп жатқан Digital Bridge форумының ашылуында сөйлеген сөзінде мәлімдеді, деп хабарлайды <a href="https://baq.kz/prezident-zhi-paydaly-ari-tiimdi-biraq-syn-qateri-de-az-emes-200022541/">BAQ.KZ</a> тілшісі.<blockquote>Еліміздегі ұлттық компаниялар, отандық кәсіпорындар осындай инновациялық жобаларды белсенді түрде қолдануы керек, өйткені озық технология дәуірінде түбегейлі өзгеріске дайын болу өте маңызды. Онсыз даму болмайтыны анық. Тағы бір мәселе. Озық технологияларды қолдану, бір жағынан, пайдалы және тиімді болғанымен, екінші жағынан, сын-қатері де аз емес. Сондықтан Жасанды интеллектіні пайдалану үшін тиісті заңнамалық негіз қалыптастыру – аса өзекті міндет. Бұл бағытта біраз жұмыс істелді, әлі де істеліп жатыр, – деп атап өтті Мемлекет басшысы.</blockquote>Сондай-ақ Президент осы саладағы заңға тоқталды.<blockquote>Осы саладағы негізгі құжат – Цифрлық кодексті жедел қабылдау үшін нақты шаралар жасалуда. Кодексте экономика, білім беру, денсаулық сақтау және мемлекеттік басқару салаларын жаппай цифрландыру жүйесі айқындалады. Жалпы, Цифрлық Кодексті асығыс қабылдай салуға болмайды, бұл – шын мәнінде жауапты, күрделі жұмыс, – деді Тоқаев.</blockquote>Айтуынша, сол себепті Парламентте сарапшылардың, құзырлы мекеме өкілдерінің қатысуымен жасанды интеллектіні дамыту мәселесі бойынша арнайы тыңдаулар өткізілді.<blockquote>Бір апта бұрын Мәжіліс «Жасанды интеллект туралы» Заңды екінші оқылымда қабылдады. Расында, бұл уақтылы қабылданған заң болды. Шетел мамандары да мұны еліміздің тұрақты цифрлық экожүйесін құру жолындағы маңызды қадам деп бағалап, жақсы пікір айтуда, – деді Мемлекет басшысы.</blockquote>Фото: Ақорда

Президент: ЖИ пайдалы әрі тиімді, бірақ сын-қатері де аз емес

<a href="https://kyzylorda-news.kz/">Kyzylorda-news.kz</a> Бұл туралы Мемлекет басшысы Қасым-Жомарт Тоқаев Астанада өтіп жатқан Digital Bridge форумының ашылуында сөйлеген сөзінде мәлімдеді, деп хабарлайды <a href="https://baq.kz/toqaev-qazaqstanda-ekinshi-superkompyuter-klasteri-iske-qosylady-200022539/">BAQ.KZ</a> тілшісі.<blockquote>Кеше Астанада Жасанды интеллектіні дамыту жөніндегі кеңестің бірінші отырысы өтті. Жиында білім беру мәселелері қаралды. Әлемге танымал сарапшылармен бірге адам капиталын дамыту мәселесі талқыланды, нақты міндеттер айқындалды. Ең бастысы, жасанды интеллект саласындағы тұңғыш зерттеу университетін құру туралы өте маңызды шешім қабылданды, – деп атап өтті Қасым-Жомарт Тоқаев.</blockquote>Президент сонымен қатар елордада ашылатын халықаралық жасанды интеллект орталығына тоқталды.<blockquote>Сондай-ақ бүгін «Alem.ai» халықаралық жасанды интеллект орталығы өз жұмысын бастайды. Бұл орталықты инновациялар мен тың идеялардың мекені деуге болады. Жалпы, Қазақстан осы саладағы кез келген ынтымақтастыққа ашық. Сондай-ақ біз елімізде екінші суперкомпьютер кластерін іске қосуды жоспарлап отырмыз. Жасанды интеллект тек игі мақсатқа қызмет етуі керек. Адам игілігі басты орында тұрады. «Alem.ai» жасанды интеллектіні барынша тиімді әрі этикалық нормаларға сай қолданатын жаһандық орталық болуға тиіс. Жасанды интеллект технологиясын жауапкершілікпен қолдану өте маңызды. Сондықтан жаңа университет және «Alem.ai» орталығы біртұтас экожүйенің негізгі өзегі ретінде қызмет етуі керек, – деді Мемлекет басшысы.</blockquote>Фото: Ақорда

Тоқаев: Қазақстанда екінші суперкомпьютер кластері іске қосылады

<a href="https://kyzylorda-news.kz/">Kyzylorda-news.kz</a> &nbsp;Облыс әкімінің бірінші орынбасары Данияр Жаналинов №1 Қызылорда арнаулы әлеуметтік қызмет көрсету орталығына барып, ондағы ардагерлердің жағдайын білді.Кездесуде қызмет алушылар қатарындағы тыл ардагері Е.Исабаевпен, ақын, сазгер, «Мәдениет майталманы» төсбелгісінің иегері К. Маханбетовамен пікірлесті.Мерекеге орай ұйымдастырылған концерттік шарада Данияр Еренғалиұлы қарияларды құттықтап, игі тілегін білдірді.Бүгінде орталықта 150-ге жуық ардагер және мүгедектігі бар азаматтар қызмет алады. Заман талабына сай жабдықталған ғимаратта қызмет алушыларға ерекше көңіл бөлінген. Облыс әкімінің қолдауымен орталықты күтіп ұстауға биыл 834,8 млн. теңге қаржы бөлінді.Ардагерлерді әлеуметтік қолдау алдағы уақытта да жалғасын таба бермек.

Облыс әкімінің орынбасары арнаулы әлеуметтік қызмет көрсету орталығына барды 

<a href="https://kyzylorda-news.kz/">Kyzylorda-news.kz</a> Бұл туралы Мемлекет басшысы Қасым-Жомарт Тоқаев Астанада өтіп жатқан Digital Bridge форумының ашылуында сөйлеген сөзінде мәлімдеді, деп хабарлайды <a href="https://baq.kz/prezident-zhasandy-intellekt-beybit-maqsatta-gana-qoldanyluga-tiis-200022536/">BAQ.KZ</a> тілшісі.<blockquote>Отыз жылдан астам уақыт бұрын Қазақстан бейбітшілік пен қауіпсіздік жолын таңдап, ядролық қарудан өз еркімен бас тартты. Бүгінде еліміз жасанды интеллект бейбіт мақсатта ғана қолданылуға тиіс деп батыл түрде мәлімдейді. Оның әскери салада, кибершабуылдарға және халықаралық тұрақтылыққа қатер төндіретін жобаларда пайдаланылуына жол беруге болмайды, – деп атап өтті Мемлекет басшысы.</blockquote>Сондай-ақ Президент цифрландыру және жасанды интеллект мәселесіне тоқталды.<blockquote>БҰҰ Бас Ассамблеясының таяуда өткен сессиясында мен Қазақстанның Ұйым аясында Жасанды интеллектіні басқару жөніндегі жаһандық диалог жұмысына атсалысуға дайын екенін растадым. Біз серіктестеріміздің бастамаларын, соның ішінде Қытайдың ЖИ саласындағы жаһандық ынтымақтастық ұйымын құру туралы ұсынысын қолдаймыз. Мен биыл халыққа Жолдауымды цифрландыру және жасанды интеллект мәселесіне арнадым. Біз алдымызға нақты мақсат қойдық: Қазақстан үш жыл ішінде нағыз цифрлық ел болуы керек. Бұл – өте ауқымды міндет. Сондықтан біз қазір еліміздің біртұтас цифрлық экожүйесін құру ісімен белсенді түрде айналысып жатырмыз, – деді Қасым-Жомарт Тоқаев.</blockquote>Фото: Ақорда

Президент: Жасанды интеллект бейбіт мақсатта ғана қолданылуға тиіс

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясы Қызылорда облыстық филиалының атқарушы хатшысы Ләйлә Төрешовабұқаралық ақпарат құралдарының өкілдеріне ағымдағы жылдың 9 айында партия филиалымен атқарылған жұмыстар мен алдағы жоспарлар бойынша баспасөз конференциясын өткізді.Жалпы, партияның халық алдындағы ең басты міндеті – сайлауалды бағдарламасының мүлтіксіз орындалуы.&nbsp;Есепті мерзімде өңірде сайлауалды бағдарламада жоспарланған жұмыстадың 32 пайызға жүзеге асқан. &nbsp;Яғни, Жол картада жоспарланған 110 іс-шараның &nbsp;35 орындалып, &nbsp;75-і жұмыс барысында.Атқарылған жұмыстардың бірқатарына тоқталып өтсек, Қармақшы ауданының ІІІ-Интернационал және Дүр Оңғар ауылдарында спорт кешендері ашылды. «Келешек мектептері» ұлттық жобасы аясында 3300 орындық 5 мектеп пайдалануға берілді. &nbsp;2 елді мекен газбен қамтамасыз етіліп, 3,7 мың адамның көгілдір отын игілігін көруіне жағдай жасалды. Мұнан бөлек те әрбір бағыт бойынша жасалып жатқан жұмыстар бар. Бұл жұмыстар жоспарға сәйкес кезең-кезеңімен іске асырыла беретін болады», -деді Ләйлә Төрешова.Сондай-ақ, есепті мерзімде өңірде 1 аудан, 52 ауылда әкімдер сайлауы өтіп, барлығында «AMANAT» партиясынан ұсынылған үміткерлер жеңіске жеткен.Партиялық бақылау комиссияларының аймақтық және аумақтық деңгейлерде 73 отырысы өтіп, оларда көтерілген 466 ұсыныстың 329-ы орындалған. Сайлауалды бағдарламаны өңірде іске асыру басталған кезеңнен бастап 84 нысанға партиялық бақылау бекеттері орнатылса, бүгінгі күнге &nbsp;77 нысан &nbsp;пайдалануға берілген. 7 нысан құрылысы партиялық бақылауда.<img src="https://knadmin.beoblood.kz/uploads/9_ajda_at_aryl_an_zh_mystardy_orytyndylandy_14d37b92f1.jpg" alt="9 айда атқарылған жұмыстарды қорытындыланды.jpg">Партиялық бақылау комиссияларынан бөлек барлық деңгейдегі мәслихаттардағы фракциялардың жұмысы жаңа жолға қойылған.&nbsp;Есепті кезеңде мәслихаттардағы фракциялардың 45 отырысы өткізіліп, фракция мүшелерімен тиісті органдарға 630 депутаттық сауал жолданған. Сонымен бірге түрлі мәселелер бойынша нақты практикалық шешімдерді әзірлейтін диалог алаңдарына айналған партия жанындағы Кеңестердің 45 отырысы өтіп, оларда қаралған 135 мәселе бойынша 197 ұсыныс тиісті органдарға жолданған.Қоғамдық қабылдау бөлмелеріне 6092&nbsp;арыз-өтініш түсіп, 62,8 пайызы оң шешілген. 2170 өтініш бойынша заңнамалық түсіндірмелер мен құқықтық кеңестер берілген. Жалпы тіркелген өтініштердің саны республика бойынша 4-ші, ал олардың оң шешімдердің үлесі бойынша &nbsp;20 аумақтық филиалдың ішінде 6-шы орында.Брифинг барасында партия филиалының төрағасы Мобильді қабылдау жұмыстары бойынша да атап өтті.«Партия үшін әрбір азаматтың өтініші маңызды. Осы орайда шалғай елді мекендер тұрғындарының өзекті мәселелерін оңтайлы шешу үшін жыл басынан 94 елді мекенде мобильді қабылдау ұйымдастырылып, оларда &nbsp;876 мәселе қаралды. 499 мәселе оң шешіліп, (56,9%)&nbsp;364 өтініш бойынша қолданыстағы заңнамалар аясында нақты түсіндірме жұмыстары жүргізілді. Қазіргі уақытта қалған 13&nbsp;мәселе бойынша жұмыс жасалып жатыр. Қоғамдық қабылдау жұмыстары ірі бастауыш партия ұйымдарында да өткізілуде. Ең бастысы, қабылдауларға түскен бірде-бір өтініш қараусыз қалмай жұмыс істелуде», - деді партияның облыстық филиалының атқарушы хатшысы.<img src="https://knadmin.beoblood.kz/uploads/2_9_ajda_at_aryl_an_zh_mystardy_orytyndylandy_5c36500325.jpg" alt="2 9 айда атқарылған жұмыстарды қорытындыланды.jpg">Атап өтейік, өңірде әрбір стратаны қамтитын партияның 11 жобасы бар. Жобалар аясында есепті мерзімде 35 485 азаматтың қатысуымен 1013 шара өткізілген. Атап айтар болсақ, «Ардагерлерді ардақтайық» жобасы аясында 322 іс-шара ұйымдастырылып, жалғызбасты ардагерлерге түрлі бағыттағы көмектер көрсетілген. «Кедергісіз келешек» жобасы аясында 208 шара. Соның ішінде 21 бос жұмыс орындары жәрмеңкесі өткізіліп, 14 тұрақты, 69 мүмкіндігі шектеулі азаматты уақытша жұмысқа тұруына қолдау жасалған. «Бақытты отбасы» жобасы аясында әлеуметтік аз қамтылған 124 отбасыға демеушілер есебінен қайырымдылық көмектер көрсетілген. Осы жоба аясында партияның бастамасымен жыл сайын дәстүрлі түрде өтетін «Баланы мектепке дайындайық!» акциясы өтіп,1914 бала мектепке қажетті жабдықтармен қамтамасыз етілген.<img src="https://knadmin.beoblood.kz/uploads/1_9_ajda_at_aryl_an_zh_mystardy_orytyndylandy_2aa4a41a61.jpg" alt="1 9 айда атқарылған жұмыстарды қорытындыланды.jpg">«Жер аманаты» жобасы бойынша биылға жоспарланған 60,0 мың гектардың бүгінге 51 мың гектары қайтарылған.Атқарылған жұмыстардың насихатталуына келсек,&nbsp;есепті кезеңде бұқаралық ақпарат құралдарында 1092, әлеуметтік желілерде 8346 &nbsp;материал жарияланған.

AMANAT: 9 айда атқарылған жұмыстар қорытындыланды

<a href="https://kyzylorda-news.kz/">Kyzylorda-news.kz</a> Қазақстан үш жыл ішінде нағыз цифрлық мемлекетке айналуға тиіс, деп хабарлайды <a href="https://baq.kz/2028-zhylga-deyin-tsifrlyq-el-martebesine-zhetui-kerek-toqaev-200022535/">BAQ.KZ</a> тілшісі.Бұл туралы Мемлекет басшысы Қасым-Жомарт Тоқаев Астанада өтіп жатқан Digital Bridge форумының ашылуында сөйлеген сөзінде мәлімдеді.<blockquote>Форум өткізіліп келе жатқан жылдар ішінде Digital Bridge алаңына 67 мыңнан астам қатысушы, 500-ден астам IT-компания және 100-ден аса елдің өкілдері қатысты. Қазақстан Еуразияның негізгі цифрлық хабы ретінде бұл маңызды істі жалғастыра береді, – деп атап өтті Мемлекет басшысы.</blockquote>Президент Қасым-Жомарт Тоқаев адамзаттың жасанды интеллект дәуіріне қадам басқанын, ал оның дамуы саясатқа, экономикаға және миллиардтаған адамның өміріне тікелей әсер ететінін ерекше атап өтті.<blockquote>Сарапшылардың айтуынша, соңғы жылдары жасанды интеллектіні дамытуға бағытталған жаһандық инвестициялар 1 триллион доллардан асты. Алдағы ондаған жылда оның әлемдік экономикаға қосатын үлесі 7 триллион долларға жетуі мүмкін. Алайда бұл тек осы технологияны жауапты пайдалану арқылы жүзеге аспақ, – деді Президент.</blockquote>Мемлекет басшысы жаһандық нормативтік шеңберлерді қалыптастыру және барлық елдер үшін заманауи технологияларға тең қолжетімділікті қамтамасыз ету мәселелеріне айрықша назар аударды.Сонымен қатар ол жасанды интеллектіні әскери мақсатта немесе кибершабуылдарда қолдануға жол берілмеуі тиіс екенін қадап айтты.<blockquote>Бүгінгі таңда еліміз жасанды интеллект тек бейбіт мақсатта қолданылуы тиіс деген ортақ ұстанымын айқын білдіреді», – деді Қасым-Жомарт Тоқаев.</blockquote>Президент еске салғандай, Қазақстан 30 жылдан астам уақыт бұрын ядролық қарудан бас тартып, тарихтағы ең маңызды таңдауын – бейбітшілік пен қауіпсіздік жолын таңдады.<blockquote>Жақында БҰҰ Бас Ассамблеясының сессиясында мен Қазақстанның цифрлық орта мен жасанды интеллектіні дамыту жөніндегі жаһандық диалогқа үлес қосуға дайын екенін растадым», – деп атап өтті ол.</blockquote>Біз алдымызға нақты міндет қойдық – үш жылдың ішінде Қазақстан шынайы цифрлық мемлекетке айналуы тиіс, – деді Мемлекет басшысы.Фото: Ақорда

2028 жылға дейін цифрлық ел мәртебесіне жетуі керек – Тоқаев

<a href="https://kyzylorda-news.kz/">Kyzylorda-news.kz</a> Бүгін аймақ басшысының тапсырмасымен облыс әкімінің орынбасары Бахыт Жаханов қаладағы жылу беру маусымына дайындық барысымен танысты.Алдағы жауапты науқанға дайындық бекітілген іс-шара жоспарына сәйкес жүргізілуде.Қызылорда жылу-электр орталығында 1 генератор мен 4 күштік трансформаторды жаңғырту жұмыстары аяқталды. Сондай-ақ, 10 бу қазандығы мен 20 автономды қазандық жөндеуден өтті.<img src="https://knadmin.beoblood.kz/uploads/1_yzylorda_alasyny_zhylu_zh_jesi_zha_yrtyluda_f444c77cf5.jpg" alt="1 Қызылорда қаласының жылу жүйесі жаңғыртылуда.jpg">Желілерді жаңғырту мақсатында Қызылорда қаласында 6 жоба іске асырылуда. Жұмыс жылу беру маусымына дейін толық аяқталып, 81 мыңнан астам қала тұрғыны жылу энергиясымен тұрақты қамтылатын болады.Бүгінде орталықтандырылған жылу жүйесіне қосылған 909 көпқабатты тұрғын үй мен 1079 әлеуметтік нысан толық дайын.<img src="https://knadmin.beoblood.kz/uploads/2_yzylorda_alasyny_zhylu_zh_jesi_zha_yrtyluda_1b82444461.jpg" alt="2 Қызылорда қаласының жылу жүйесі жаңғыртылуда.jpg">Алдағы маусымға 139 мың тонна көмір керек, оның 117 мың тоннасы халықтың, 22 мың тоннасы әлеуметтік нысандардың қажеттілігі. Өңірлік операторлар көмір қорын жасақтау жұмыстарын бекітілген кестеге сәйкес жүргізіп келеді.Жалпы, жылу беру маусымына дайындық облыс әкімдігінің тұрақты бақылауында.Фото: Қызылорда облысы әкімінің баспасөз қызметі

Қызылорда қаласының жылу жүйесі жаңғыртылуда

<a href="https://kyzylorda-news.kz/">Kyzylorda-news.kz</a> &nbsp;Бұл туралы Мемлекет басшысы Қасым-Жомарт Тоқаев Астанада өтіп жатқан Digital Bridge форумында сөйлеген сөзінде мәлімдеді, деп хабарлайды <a href="https://baq.kz/toqaev-tehnologiya-aleumettik-tensizdikti-kusheytpeui-kerek-200022547/">BAQ.KZ</a> тілшісі.Айтуынша, технология таңдаулыларға ғана емес, баршаға қызмет етуге тиіс. Ал форумның жаңа бағдары халықаралық ынтымақтастыққа тың серпін беріп, жасанды интеллектіні халқымыздың игілігі жолында тиімді пайдалануға септігін тигізеді.<blockquote>Жаһандық өркениеттің келбетін өзгертетін басты күш ретінде жасанды интеллект бүгінде адамзат өмірінің мәнін қайта саралауға мәжбүрлеп отыр. Бұл – баршамызға үлкен сынақ. Сондықтан біз инженерлер мен басқа да кәсіп иелерін, сондай-ақ осы технологияның мәні мен даму беталысын пайымдай алатын гуманитарлық сала мамандарының жаңа буынын тәрбиелеп шығаруымыз керек, – деді Мемлекет басшысы.</blockquote>Сонымен қатар ол жасанды интеллектіде түрлі қоғамның болмыс-бітімі, дәстүрі, құқықтық нормалары мен адамгершілік қағидалары көрініс табуға тиістігін алға тартты.<blockquote>Сондықтан оны дамытуға философтар, әлеуметтанушылар және заңгерлердің атсалысатынына сенімдімін. Технология әлеуметтік теңсіздікті ушықтырмауы, азаматтардың мінез-құлқы мен таңдауына манипуляция жасамауы керек. Ол үшін тиімді шаралар қабылдауымыз қажет. Артықшылыққа ие топтар алгоритмдерді пайдаланып, әлдебір құндылықтар мен ойлау моделін қоғамға таңуы ықтимал. Оған жол беруге болмайды. Бұл әлемнің мәдени әралуандығына қиянат жасау болып саналады. Технология таңдаулыларға ғана емес, баршаға қызмет етуге тиіс. Әділ шешімі осы, – дейді Президент.</blockquote>Айтуынша, он-жиырма жылдан кейін мұндай ахуалдың өзі түбегейлі өзгеруі мүмкін.<blockquote>Біз мына маңызды мәселені де назарда ұстауымыз керек: жасанды интеллектінің бойында сана бар, бірақ сезім жоқ. Жасанды интеллект талдау және болжам жасауға қабілетті болғанымен, адам сияқты армандап, қиялдай алмайды. Кім біледі, бәлкім, он-жиырма жылдан кейін мұндай ахуалдың өзі түбегейлі өзгеруі мүмкін, бірақ қазіргі таңда Жасанды интеллектінің «жаны» (эмпатия) әзірше жоқ, – деді Қасым-Жомарт Тоқаев.</blockquote>Президенттің мәлімдеуінше, адамзат жасанды интеллектінің игілігін көруі керек.<blockquote>Заманауи технологиялар қаншалықты озық болса да, адамның ой-санасы одан да жүйрік болуы қажет, яғни адам бұл тұрғыдан машинаның артында қалмауы керек. Осы мәселе бойынша көптеген тұжырым пайда болуда, тіпті, қызу пікірталастар жүріп жатыр. Бұл істе философия, мәдениет және білім айрықша рөл атқарады. Басқа сөзбен айтқанда, адамның шексіз әлеуеті және озық технологиялардың бірегей мүмкіндігі ұштасқанда ғана жарқын болашаққа даңғыл жол ашылады, – деді Мемлекет басшысы.</blockquote>Фото: Ақорда

Тоқаев: Технология әлеуметтік теңсіздікті күшейтпеуі керек

<a href="https://kyzylorda-news.kz/">Kyzylorda-news.kz</a> Азаматтарға арналған үкімет» мемлекеттік корпорациясының қызылордалық Супер халыққа қызмет көрсету орталығының жұмысымен ҚР Мемлекеттік қызмет істері агенттігінің төрағасы Дархан Жазықбай танысты.Жыл басынан бері аталмыш аймақ арқылы 18 мыңнан астам қызмет көрсетілген. Жобаның ерекшелігі – тұрғындар мұнда мемлекеттік қызметтермен қатар 15 түрлі мекеменің қызметін де бір жерден ала алады. Бұл өз кезегінде халықтың уақытын үнемдеуге және қажетті құжаттарын жылдам рәсімдеуге мүмкіндік береді.«Бұл орталықтың жұмысын көріп, халыққа қаншалықты қолайлы жағдай жасалғанына көз жеткіздім. Мұнда қызмет сапасы мен қолжетімділік басты назарда екені байқалады. Алдағы уақытта осындай орталықтарды еліміздің басқа өңірлерінде де дамыту – біздің басты міндетіміз», – деді Дархан Жазықбай.Сонымен қатар, мемлекеттік корпорацияның Қызылорда облысы бойынша филалының директоры да орталық жұмысының тиімділігіне тоқталды.«Супер ХҚКО осыдан бір жыл бұрын жұмысын бастаған болатын. Сол уақыттан бері орталық халық арасында үлкен сұранысқа ие болып отыр. Оның басты артықшылығы – азаматтарға барынша қолайлы жағдай жасау. Біз үшін ең маңыздысы – қызмет алушылардың көңілінен шығу және олардың мемлекеттік қызметтерді барынша оңай әрі жылдам алуына мүмкіндік жасау», - деді облыстық филиалдың директоры Аида Абибуллаева.Қазіргі таңда халыққа қызмет көрсету орталықтарына күніне 3 мыңға жуық қызылордалық жүгінеді. Бұл аймақтағы тұрғындардың мұндай форматтағы қызметке жоғары сұранысын көрсетеді.

Қазақстан және Қызылорда облысының жаңалықтары