<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен мәжілісте футболдан Қазақстан Кубогының финалдық ойынын және 11 мың орындық жаңа стадионның ашылу салтанатын ұйымдастыру мәселелері талқыланды.Оған облыстық басқарма мен жауапты мекеме басшылары, Қазақстан футбол федерациясы кәсіби клубтар арасында жарыстар өткізу дирекциясының басшысы Бакытжан Пазылхайыр қатысты.Аймақ басшысы жауапты сала жетекшілеріне бірқатар тапсырма жүктеді.«Жаңа стадионның ашылу салтанаты кезінде электр энергиясын үздіксіз, тұрақты беру, төтенше жағдай туындаса, жедел әрекет ету үшін желілерді алдын ала тексеріп, резервтік қуат көздерін даярлау керек.Жедел жәрдем қызметінің кезекшілігі ұйымдастырылсын. Қоғамдық тәртіп пен қауіпсіздікті қамтамасыз ету, патрульдік қызметті күшейту, көлік қозғалысын реттеу және жедел әрекет етуге әзірлік қолға алынсын.Жанкүйерлер арасында қоғамдық тәртіптің бұзылмауын қадағалау үшін шара өтетін маңдағы полиция қызметкерлерінің санын арттыру керек.Қоғамдық саяси ахуалдың тұрақтылығы біз үшін өте маңызды. Облыстық төтенше жағдайлар департаменті стадион аумағын толық зерделеп, оқыс оқиға мен төтенше жағдайдың алдын алыңыздар. Өрт сөндіру техникалары сақадай сай тұруы тиіс.Сондай-ақ, финалдық ойын өтетін аумақта санитарлық-эпидемиологиялық талаптар сақталуы керек. Әсіресе, қоғамдық тамақтану орындары мен сауда нүктелерінің тазалығы қатаң бақылауға алынсын»,– деді Нұрлыбек Машбекұлы.Фото: Қызылорда облысы әкімінің баспасөз қызметі

Жаңа стадиондағы Қазақстан кубогының финалына дайындық пысықталды 

<a href="https://kyzylorda-news.kz/">Kyzylorda-news.kz</a>&nbsp; Биылғы жыл облыстың егін шаруашылығы үшін оңайға түскен жоқ. Су тапшылығы мен вегетациялық кезеңнің күрделілігі шаруалардың жұмысын айтарлықтай қиындатты. Дегенмен, қабылданған кешенді шаралардың нәтижесінде егілген егін сумен қамтамасыз етіліп, қазіргі таңда өнім жинау жұмыстары жоспарға сәйкес жүргізілуде. Бұл туралы бүгін Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев баяндады.<blockquote>- Биылғы жыл облыс егіншілері үшін оңай болған жоқ. Вегетациялық кезеңде судың тапшылығы айқын сезілді. Соған қарамастан, Үкіметтің қолдауы мен жергілікті атқарушы органдардың жедел шараларының нәтижесінде егілген егін сумен қамтамасыз етіліп, науқан тұрақты жүргізілді. Егістікті тұрақты суаруға 3,9 млрд м³ су лимиті белгіленіп, осы көлемге сәйкес облыста 189,6 мың гектарға ауыл шаруашылығы дақылдары орналастырылды. Оның ішінде негізгі дақыл - күріш 80,9 мың гектарға егілді. Мемлекет басшысының тапсырмасына сәйкес, суды көп қажет ететін күріштің көлемі жылдан жылға оңтайландырылып келеді. Мемлекет басшысының тапсырмасына сәйкес, биылғы жылы суды аз қажет ететін дақылдардың көлемі 2242 гектарға артты. Су үнемдеу технологиялары да кеңінен қолданылып, өткен жылмен салыстырғанда 3,7 мың гектарға көбейіп, жалпы көлемі 8,1 мың гектарға жетті. Бұл агросектордың жаңа талаптарға бейімделіп келе жатқанын көрсетеді. Қазіргі таңда ерте егілген дәнді дақылдарды жинау аяқталды. Күріш, мал азықтық, майлы дақылдар, көкөніс пен бақша өнімдерін жинау жұмыстары қарқынды жүріп жатыр. Негізгі дақыл күріштің 63 мың гектардан астамы орылып, 277 мың тоннадан астам өнім жиналды. Орташа өнім гектарына 51,4 центнерден келеді. Күрішті ору жұмыстарын қазан айының екінші онкүндігінен кешіктірмей аяқтау жоспарлануда. Күзгі науқанға 4117 бірлік ауыл шаруашылығы техникасы жұмылдырылды. Биылғы науқанның ерекшелігі - барлық қиындықтарға қарамастан, кешенді қолдау шараларының уақытылы қабылдануының арқасында егінді шығынсыз жинап алу мүмкін болып отыр. Шаруалардың еңбегін бағалаймыз және алдағы уақытта да ауыл шаруашылығы саласын әртараптандыру, жаңа технологияларды енгізу, су үнемдеу әдістерін кеңінен пайдалану бағытында жүйелі жұмыстар жалғасын табады. Бұл - біздің өңірдің аграрлық әлеуетін арттырып, тұрақты дамуына негіз болады, - деді Талғат Тұрсынұлы.</blockquote>

Күзгі егін жинау науқаны қарқынды жүргізіліп жатыр

<a href="https://kyzylorda-news.kz/">Kyzylorda-news.kz</a>&nbsp; Күрең күздің күнтізбесіндегі Қарттар күні мерекесінің мәні зор. Осыған орай, ҚАЖ департаментіне қарасты №68 мекемесінің қызметкерлері еңбек жолында із қалдырған полковник Болат Бисенбинді іздеп барып, құрмет көрсетті.Мекеме &nbsp;бастығының тәрбие жұмыстары жөніндегі орынбасары әділет майоры Мирамбек Тұрымбетов ардагерге жүрекжарды лебізін білдіріп, мерекесімен құттықтады. Шаңырағына сәлем беруге келген қызметкерлер де жолынан жаңылмай, әкелген азық-түлікті табыстады.Ардагер де өзінің сан жылдық тәжірибесі мен ғибратты ғұмырынан сыр шертіп, еңбек жолындағы естеліктерімен бөлісті. Қызметкерлерге ақ батасын беріп, адалдық пен жауапкершілік жолынан таймау керегін жеткізді.Қарттарға көрсетілген ізет пен ілтипат – ұрпақ сабақтастығының алтын арқауына айналып, жас буынға өнеге болады деп білеміз.

Мекеме қызметкерлері сала ардагерін құттықтады

<a href="https://kyzylorda-news.kz/">Kyzylorda-news.kz</a> Қызылордада сотталған азамат темекі қорабына жасырып есірткі өткізбек болды, - деп хабарлайды <a href="https://polisia.kz/qyzylordada-sottalghan-azamat-temeki-qorabyna-zhasyryp-esirtki-otkizbek-boldy/">Polisia.kz.&nbsp;</a>Қызылорда облысы бойынша ҚАЖ департаментінің №37 мекемесінде қала ішіндегі жұмыс орнынан оралған сотталған азаматты тексеру барысында тыйым салынған затты алып кіруге әрекет жасалғаны анықталды.&nbsp;Тексеру кезінде оның қалтасындағы темекі қорабы қаралды. Нәтижесінде үш дана темекінің ішінен өткір иісі бар жасыл түсті белгісіз зат табылып, жедел түрде тәркіленді.&nbsp;Арнайы жедел-тергеу тобы шақырылып, алынған зат сот-химиялық сараптамаға жолданды. Зерттеу қорытындысына сәйкес, оның кептірілген марихуана екені анықталды. Аталған дерек бойынша сотталған азаматқа қатысты ҚР Қылмыстық кодексінің 296-бабы 2-бөлігіне (Есірткі заттарын заңсыз сақтау және тасымалдау) сәйкес сотқа дейінгі тергеп-тексеру амалдары басталды.

Қызылордада сотталған азамат темекі қорабына жасырып есірткі өткізбек болды 

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде&nbsp;мүгедектігі бар балаларға&nbsp;қуыршақ театрына саяхат жасалды.&nbsp; Мақсат – Мүгедектігі бар адамдар мен мүгедектігі бар балаларға әлеуметтік көмек көрсетуден бөлек оларды түрлі шараларға қатыстырып, қоғамдық ортаға бейімдеу, белсенділіктерін арттыру, мәдени, қоғамдық іс-шараларға қатыстыру. Мүгедектігі бар 30 балаға қуыршақ театрын көрсету мақсатында «Қуыршақ театрына саяхат» ұйымдастырылды.Бұл шара&nbsp;Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде «Қызылорда облыстық мүгедектер қоғамы» ҚБ ұйымдастырумен өтті. &nbsp;Балалар &nbsp;«Ер Төстік» атты қойылымды тамашалады.&nbsp; &nbsp;Халық ертегісінің негізінде сахналанған қойылым жас ұрпақты адал достыққа, отансүйгіштікке, қайырымдылық пен адамгершілікке тәрбиелейді және қойылымды көру балалардың эмоциялық әлеміне үлкен әсер етті.Шараға &nbsp;30 мүгедектігі бар &nbsp;балалар және ата-аналары қатысты және балаларға арнайы бағалы сыйлықтар мен тәттілер таратылды.<img src="https://knadmin.beoblood.kz/uploads/uyrsha_teatryna_sayahat_jymdastyryldy_60487b0743.jpg" alt="«Қуыршақ театрына саяхат» ұйымдастырылды.jpg"><img src="https://knadmin.beoblood.kz/uploads/uyrsha_teatryna_sayahat_jymdastyryldy_1_e489842fcc.jpg" alt="«Қуыршақ театрына саяхат» ұйымдастырылды 1.jpg">

«Қуыршақ театрына саяхат» ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы мұғалімдердің кәсіби мерекесі елімізде ерекше аталып өтетінін жеткізіп, ұстаздар қауымына зор құрмет көрсетілетінін айтты.<blockquote>– Міржақып Дулатұлы «Халыққа ең пайдалы адам – мұғалім» деген. Мұғалім – әр азамат үшін өте қадірлі тұлға. Басқа сөзбен айтқанда, мұғалім – әрбір балаға өмір жолын көрсетеді. Ұстаз – тәлім-тәрбие мен білімнің қайнар көзі. Кез келген қоғамның кемелдігі, өркениеттілігі ұстазға деген қатынасымен өлшенеді. Ұстазын ұлықтаған елдің ұрпағы саналы, болашағы жарқын болары хақ. Себебі әр мұғалімнің еңбегі – ерен, еліміздің дамуына қосқан үлесі – орасан. Сондықтан бүгін мен білім беру саласында еңбек етіп жүрген барша азаматқа шынайы ризашылығымды білдіремін, – деді Қасым-Жомарт Тоқаев.</blockquote>Мемлекет басшысы озық ойлы ұлт болу үшін ең алдымен, білім-ғылымның дамуына баса мән беруіміз керек деп санайды.– Соңғы бес жылда елімізде осы бағытта көп жұмыс істелді. Білім саласына бөлінетін қаржы үш есе артты. 1200 жаңа мектеп ашылды. «Келешек мектептері» ұлттық жобасы жүзеге асырылып жатыр. Осы жоба бойынша заман талабына сай 150 білім ошағы салынды. Сондай-ақ осындай 67 мектептің құрылысы жүріп жатыр. Балалардың сапалы білім алуына қажетті барлық жағдай жасалуда. Бұл деректі халық білуі керек, себебі мемлекет жас ұрпақтың біліміне және ұстаздардың жағдайына баса назар аударып жатыр. Біз педагогтердің мәртебесін көтеріп, әлеуметтік жағдайын жақсарту үшін нақты шараларды қолға алдық. Арнайы заң қабылдадық. Бүгінде ұстаздардың жалақысы 2 есе өсті, – деді Президент.<a href="http://t.me/aqorda_resmi">t.me/aqorda_resmi</a>

Президент алдағы Ұстаздар күнімен құттықтады

<a href="https://kyzylorda-news.kz/">Kyzylorda-news.kz</a>&nbsp; Қыркүйектің соңғы күнінде Kyzylorda Hub алаңында ерекше атмосфера орнады: мұнда дәстүрлі Pizza Pitch шарасы өтті. Жас кәсіпкерлер, студенттер мен IT-ға қызығушы жастар бас қосып, сегіз бірдей жаңа жобаны көпшілік пен сарапшылар назарына ұсынды. Шараға шамамен елуге жуық көрермен қатысып, кеш бойы қызу пікірталас пен достық рух сезілді.Pizza Pitch – жастарға өз идеяларын бейресми әрі еркін ортада таныстыруға мүмкіндік беретін шара. Бір жағынан, бұл кәсіби дағдыларды шыңдау алаңы болса, екінші жағынан – жаңа таныстықтар орнатып, болашақ серіктестер табуға тамаша мүмкіндік. Бұл жолғы жиын да дәл сондай бағытта өрбіді.<img src="https://knadmin.beoblood.kz/uploads/Pizza_Pitch_37dd60dc03.jpg" alt="Pizza Pitch.jpg">Жобалар түрлі салаларды қамтыды. Бөлебай Бекболат пен Нуғуман Нұрдәулет стартап командаларына арналған бірыңғай экожүйе – Team Pass жобасын таныстырып, командалық жұмысты жеңілдетудің жаңа жолдарын көрсетті. Күнтуған Ұлан Telegram негізінде жұмыс пен жұмысшыны жылдам табуға көмектесетін Job Baraholka bot шешімін ұсынды. Мурзатай Тамирис күнделікті ас мәзірін әртараптандыруға бағытталған Mystery Meal Maker қосымшасын көрсетіп, пайдалы кеңестер мен рецепттерді бір жерге топтастырған. Ал Әміров Нұрсайыдтың Test Arena жобасы жасанды интеллект көмегімен оқу процесін ойын түрінде ұйымдастырып, тест тапсыруды қолжетімді етуге бағытталды.Білім беру саласын қолдаған тағы бір жоба – Жәріш Жанболаттың YqylasEdu платформасы. Бұл жүйе шет тілдерін үйренуді, университет курстарын шағын форматта меңгеруді жеңілдетеді. Құқық саласында Молдабек Ерасыл әзірлеген LawLay қосымшасы заңгерлерге кәсіби процестерін жылдам әрі тиімді атқаруға жәрдемдеседі. Ал Қанат Ернұр мен Әбдіқадыр Ильяс ұсынған IAI API Platform – Қазақстандағы алғашқы локальды жасанды интеллект платформасы. Оның басты мақсаты – студенттер мен әзірлеушілерге озық үлгідегі ЖИ модельдеріне қолжетімділік беру. Шара соңында Серікбаев Дархан құрылыс материалдарын өндірушілер мен сатып алушыларды біріктіретін Bmarket маркетплейсін таныстырды.<img src="https://knadmin.beoblood.kz/uploads/zhas_startapshylar_zha_a_ideyalarymen_b_listi_ee042199b6.jpg" alt="жас стартапшылар жаңа идеяларымен бөлісті.jpg">Кеш бойы қазылар алқасы жас кәсіпкерлердің ұсыныстарын мұқият тыңдап, пайдалы кеңестерін айтты. Қазылар құрамында маркетинг маманы Әбдіраззақ Асхат, кәсіпкер әрі қаржыгер Нуржан Оналбаев, бэкенд-әзірлеуші Нұрхан Кенжебеков, IT-саласының маманы Оразбахов Айбек және продакт-маркетинг менеджері Амина Султанбекова болды. Олар стартапшыларға жобаларын жетілдіру жолдарын ұсынып, болашақта қандай қадамдар жасау керегіне назар аудартты.Шара бейресми әрі еркін форматта өткендіктен, жас стартапшылар тек өз жобаларын таныстырып қана қоймай, пицца үстінде еркін әңгімелесіп, жаңа таныстар тапты. Кеш соңында қатысушылардың барлығына арнайы сертификаттар табысталды.Pizza Pitch Қызылордада жастарды қолдаудың маңызды бастамасына айналып келеді. Бұл шара тек жаңа идеялар алаңы ғана емес, болашақ кәсіпкерлер үшін үлкен тәжірибе мектебі екенін тағы бір мәрте дәлелдеді.&nbsp;Салтанат СЕЙТЖАН,&nbsp;Kyzylorda&nbsp;Hub бизнес-инкубаторының менеджері

Pizza Pitch: жас стартапшылар жаңа идеяларымен бөлісті

<a href="https://kyzylorda-news.kz/">Kyzylorda-news.kz</a>&nbsp; 1 маусым күні республика көлемінде «Қарасора-2025» жедел-профилактикалық іс-шарасы басталған болатын. 4 айдың түйіні бойынша барлығы 141 есірткі құқық бұзушылықтары анықталды. Оның ішінде 58 дерегі есірткі өсіру, 7 дерегі есірткі өткізу, 1 дерегі есірткі психотроптық заттарды тұтынуға көндіру, 2 дерегі есірткі жарнамалау және 73 дерегі есірткіге байланысты қылмыстық теріс қылықтар. Бұл туралы облыстық ПД есірткі қылмысына қарсы күрес басқармасының бастығы Біржан Багисов айтты.<blockquote>- Іс-шараға барлығы 93 қызметкер, 7 қызметтік іздестіру иті, 28 автокөлік техникасы жұмылдырылды. Облыс аумағында 6 мобильді бекет қызмет атқаруда. Заңсыз айналымнан 1 т. 540 кг есірткі заты, оның ішінде 1 т. 382 кг сора өсімдігі, 146 кг. 364 гр марихуана, 3 гр гашиш, 8 кг. 618 гр көкнәр өсімдігі, 2 кг. 663гр синтетикалық есірткі тәркіленді. Есірткі өсірумен айналысқан 47 адам ұсталып, оның 22 қамаққа алынды. Әскери тік ұшақ техникасымен 26 мәрте әуеден шолу жүргізіліп есірткі өсірудің 20 дерегі анықталды. Мобильді бекеттерде қызметтік іздестіру иттерінің көмегімен есірткіге қатысты теріс қылықтардың 25 дерегі анықталды,- деді Біржан Бабырұлы.</blockquote>Айта кетейік, «Қарасора-2025» жедел-профилактикалық іс-шарасы 31 қазанға дейін жалғасады.

Қарасора-2025: есірткіге қарсы күрес қатаң бақылауда

<a href="https://kyzylorda-news.kz/">Kyzylorda-news.kz</a> Қармақшы ауданының әкімдігі, аудандық прокуратура, аудандық полиция бөлімі, аудандық білім бөлімі және мекеме басшылары «Заң мен тәртіп» аясында бірлескен жасөспірімдер арасында жиі орын алатын құқық бұзушылықты болдырмау мақсатында түнгі рейд жұмыстары жүргізілді.Рейд барысында саябақтар, дүкендер, компьютерлік клубтар, аллеялар және басқа да жастар көп шоғырланатын орындар араланып кәмелетке толмаған жасөспірімдерге түсіндірмелік жұмыстар жүргізілді.&nbsp;Сондай-ақ, Қазақстан Республикасының Заңына сәйкес кәмелеттік жасқа толмаған жастардың түнгі 23.00-ден кейін заңды өкілінсіз көшеде немесе ойын-сауық орталықтарында жүруге &nbsp;тыйым салынатындығы жайлы ескертілді.Жасөспірімдер арасындағы құқық бұзушылықтың алдын алу мақсатындағы түнгі рейдтік іс-шаралар алдағы уақытта да тұрақты түрде жалғасын табатын болады.

Түнгі рейд жұмыстары тұрақты жүргізілуде

<a href="https://kyzylorda-news.kz/">Kyzylorda-news.kz</a> 4 қазан күні болатын Қызылорда қаласындағы жаңа стадионның ашылу рәсімі Қазақстан Кубогының финалдық матчымен тұспа-тұс келіп отыр. Бұл тарихи матчта «Ордабасы» мен «Тобыл» командалары еліміздің басты кубогы үшін бақ сынайды.&nbsp;Бұл кездесудің мәні зор:<ul><li style="text-align:justify;">Жаңа стадион ел игілігіне беріледі;</li><li style="text-align:justify;">Жүзден жүйрік шыққан екі команда арасындағы финал жанкүйерлерге тартысты ойын сыйлайды;</li></ul>Қызылорда қаласы республикалық ауқымды іс-шараны өткізу мәртебесіне ие болып отыр.Кеш қонақтары Садраддин, 6ELLUCCIУақыты:18:00<div class="raw-html-embed"><iframe src="https://www.facebook.com/plugins/video.php?height=476&amp;href=https%3A%2F%2Fwww.facebook.com%2Freel%2F1316352736557796%2F&amp;show_text=false&amp;width=267&amp;t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe></div>

Қызылордада жаңа стадионның ашылу салтанаты өтеді

<a href="https://kyzylorda-news.kz/">Kyzylorda-news.kz</a> “AMANAT” партиясының облыстық филиалының атқарушы хатшысы Ләйлә Төрешованың қатысуымен партия филиалы жанындағы экология жөніндегі аймақтық кеңестің отырысы өтті.Жиында алдымен кеңес мүшелері Мемлекет басшысының Қазақстан халқына Жолдауын жүзеге асырудағы міндеттерді талқылады. &nbsp;Мұнан соң партияның «Халықпен бірге!» сайлауалды бағдарламасында қамтылған экологияның жақсарту, тұрмыстық қалдықтарды &nbsp;жинау және тасымалдау &nbsp;мәселелері, сонымен қатар осы бағытта сайлау уақытында сайлаушылардан түскен ұсыныстардың орындалу барысын талқылады.&nbsp;Жиында Президент Жолдауының маңыздылығы, онан туындайтын міндеттер жөнінде партия белсендісі, философия ғылымдарының докторы &nbsp;Баймырза Қожамберлиев кеңінен түсіндіріп өтті.&nbsp;Өңірде партияның сайлауалды бағдарламасы аясында қалдықтарды өңдеу және кәдеге жарату үлесін 33,6%-ға дейін жеткізу жоспарланған.Ағымдағы жылдың 2-ші тоқсаны нәтижесімен облыс бойынша жиналған 153,8 мың тонна қатты қалдықтар жинақталып, оның 48,5 мың тоннасы өңделген, пайыздық үлесі 31,5 %-ды құрайды.Облыс бойынша қалдықтарды жинау, тасымалдау, сұрыптау және өңдеу саласында 17 кәсіпкерлік субъектілері жұмыс жасайды. Олармен макулатура, қартон, пластмасса, пластик қалдықтары, тамақ қалдықтары мен шыны өнімдері сұрыпталып, автокөлік шиналарынан ұнтақталған гранула, макулартурадан қағаз өнімдері шығарылуда.Облыстық бюджеттен тиісті қаржы бөлініп, қатты қалдықтарға арналған полигондар кезең-кезеңмен салынуда. Атап айтқанда, 2015 жылы облыстық бюджеттен 22,9 млн. теңге бөлініп Қазалы ауданы, Әйтеке би кентінде қатты қалдықтар полигоны салынған. 2020 жылы 176,9 млн.теңгеге Арал қаласынан 4 шақырым қашықтықта орналасқан полигон құрылысы аяқталып, іске қосылды. Полигонның қуаттылығы жылына 37,8 мың тонна. Жер учаскесінің көлемі: 6,2 гектар. 2024 жылы Сырдария ауданы, Тереңөзек кентінде облыстық бюджет қаражаты есебінен 475,5 млн. теңгеге қуаттылығы 3500 тонна сұрыптау кешені бар жаңа полигон салынып, пайдалануға берілді.&nbsp;Жаңақорған ауданы, Жаңақорған кентінде құны 968 млн. теңгеге полигон құрылысының жоба-сметалық құжаттамасы әзірленіп, мемлекеттік сараптамадан өткізілді. Қазіргі уақытта құрылыс жұмыстарын қаржыландыру мүмкіндігі қарастырылуда,- дейді облыстық табиғи ресурстар және табиғат пайдалануды реттеу басқармасының &nbsp;басшысы Ғалымжан Еркебай.Өңірде бюджет есебінен бөлек, облыс бойынша тұрмыстық қатты қалдықтарды сұрыптау, өңдеу бағытында 96 млрд. 178 млн. теңгеге 10 жоба жүзеге асырылуда. Оның ішінде, 95 млрд. 619 млн. теңгені құрайтын 9 жоба «Жасыл Даму» акционерлік қоғамы қаржыландыруы арқылы іске асырылуда. Ағымдағы жылдың 8 шілдесінде облыс әкімі, Парламент Мәжілісінің депутаттары және Экология және табиғи ресурстар министрінің қатысуымен жалпы құны 34,5 млрд.теңгені құрайтын Қызылорда қаласында қатты тұрмыстық қалдықтарды сұрыптау, өңдеу және кәдеге жарату зауытының капсуласы салынды. Бүгінгі күні қуаттылығы жылына 300 мың тонна қалдық сұрыптау қарастырылған Оңтүстік Корея технологиясы бойынша жұмыс жасайтын зауытының құрылыс жұмыстары жүргізілуде.Жиын барысында партияның облыстық филиалы қоғамдық қабылдау бөлімінің меңгеруші Нұрлан Әбдікәрімов хабарлама жасап, сайлауалды науқанда жинақталған халықтың ұсыныс-тілектерінің орындалуы бойынша айтып өтті.&nbsp;<blockquote>«ҚР Парламенті Мәжілісі және мәслихаттар депутаттарын сайлау науқанының үгіт кезеңінде кандидаттармен «Халық айтсын» акциялары мен тұрғындарды жеке мәселелеріне сәйкес облыс бойынша өткізілген 213 қабылдауға 935 адам келіп, 1223 ұсыныс жинақталды. Оның 91 ұсынысы ҚР Парламент Мәжілісіне ұсыну үшін Республикалық қоғамдық қабылдау кабинетіне ұсынылса, 1132 ұсыныс облыстық, қалалық және аудандық деңгейдегі мәслихат депутаттарына бөлінді. Көтерілген ұсыныстардың 97,4 пайызы оң шешілді. 29 мәселе бойынша жұмыс жасалып жатыр» деді Нұрлан Әбдікәрімов.</blockquote>Кеңес мүшелері күн тәртібінде көтерілген мәселелерге жауапты өкілдерге &nbsp;сауалдарын қойып, жұмысты жетілдіруге қатысты ұсыныс – пікірлерін білдірді. Негізгі ұсыныстар тұрмыстық қатты қалдықтарды жинау, тасымалдау, сұрыптау және өңдеу мәселесіне қатысты болды. Барлық атылған ұсыныстар хаттамаланып назарға алынды.&nbsp;

Тұрмыстық қалдықтарды жинау және тасмалдау  жұмыстары экологиялық кеңес отырысында талқыланды

<a href="https://kyzylorda-news.kz/">Kyzylorda-news.kz</a> Қазан айының алғашқы күні – қарттарымыздың мерейлі мерекесі. Осыған орай “Азаматтарға арналған үкімет” мемлекеттік корпорациясы Қызылорда облыстық филиалы корпорацияның егде жастағы қызметкерлері мен қызмет алушы ардагерлерді құттықтады.Филиал директоры орынбасарының міндетін атқарушы Айгерім Көпжасарова ардагерлерді шын жүректен құттықтап, филиал директоры Аида Ибрагимқызының ізгі тілегін жеткізді.<blockquote>“Құрметті ардагерлер! Сіздердің өмір жолдарыңыз – кейінгі ұрпаққа өнеге, бай тәжірибелеріңіз – қоғамымыздың баға жетпес қазынасы. Біз де өз тарапымыздан қызметтерді сіздерге барынша қолайлы әрі қолжетімді етуге күш саламыз. Бүгінде халыққа қызмет көрсету орталықтарында мемлекеттік қызметтерді алу бұрынғыдан жеңілдеді. Сонымен қатар жасы ұлғайған азаматтарымыз үшін ХҚКО қызметін үйге шақырту мүмкіндігі қарастырылған. Сіздерге мықты денсаулық, отбасы амандығын, ұзақ ғұмыр тілейміз! – деді Айгерім Көпжасарова.</blockquote>Құттықтау барысында ардагерлерге арнайы сый-сияпат табысталып, жылы лебіздер айтылды. Қарттарды қадірлеу – қоғамның ең асыл дәстүрлерінің бірі.

Қазақстан және Қызылорда облысының жаңалықтары