<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облысында әлеуметтік маңызы бар азық-түлік тауарларын нарық бағасынан төмен бағада ұсынып отырған сауда орындарын қала тұрғындарының назарына жеткізу үшін бұқаралық ақпарат құралдарымен баспасөз-тур ұйымдастырылды.
Баспасөз-туры барысында «Алтын қамба» АӨК» ЖШС-нің көкөніс сақтау қоймасына, әлеуметтік дүкендерге шолу жасалды. Бүгінгі күні өңірдің тұрақтандыру қорында 800 тоннаға жуық өнім қоры бар.
Барлық әлеуметтік дүкендерде 19 әлеуметтік маңызы бар азық-түлік тауарлары белгіленген бағада сатылуда. Атап айтқанда, нан – 55 теңгеден, қант – 444 теңгеден, өсімдік майы 630 – теңгеден, картоп – 130 теңгеден, сәбіз 130 – теңгеден, басты пияз – 100 теңгеден, қырыққабат – 95 теңгеден, 1 сортты ұн – 135 теңгеден, қарақұмық жармасы – 514 теңгеден, күріш – 175 теңгеден, макарон – 200 теңгеден, сиыр еті – 1700 теңгеден, тауық еті (окорочка) – 785 теңгеден, жұмыртқа – 29 теңгеден, сүт – 280 теңгеден, айран – 225 теңгеден, сүзбе – 1283 теңгеден, сары май – 2504 теңгеден және тұз – 40 теңгеден сатылуда.
Сондай-ақ, облысқа ұн өндіруші кәсіпорнымен 4 699,4 тонна ұн босатылып, оның ішінде 4383,7 тоннасы облыстағы 51 ірі наубайханаларға бөлке нанды төмендетілген бағада сату үшін мақсатты түрде берілген.<a href="https://t.me/baq_kz"></a>
<img src="https://kyzylorda-news.kz/wp-content/uploads/2022/08/300520766_3234390316834197_8673223378322136658_n.jpg" alt="" />
<img src="https://kyzylorda-news.kz/wp-content/uploads/2022/08/300523314_3234390363500859_6582951126279047328_n.jpg" alt="" />

Қызылорда облысының тұрақтандыру қорында 800 тоннаға жуық өнім бар

<a href="https://kyzylorda-news.kz/">Kyzylorda-news.kz.</a>&nbsp;Бүгін «ДИНАМО» Дене шынықтыру-спорттық қоғамы» қоғамдық бірлестігінің Қызылорда облыстық филиалының футбол алаңында шағын футболдан турнир өтті.
Аталған турнир 30 тамыз – Конституция күніне арналды, «Мектепке жол» акциясы аясындағы қайырымдылық іс-шарасын жалғастыруға және қызметкерлер арасында салауатты өмір салтын насихаттауға бағытталды.
Жалпы турнирге 10 команда қатысты. Атап айтар болсақ, Қызылорда облыстық Төтенше жағдайлар департаментінен екі команда, департаментке қарасты «ӨСжАҚЖҚ» мекемесінен бір команда, №1, 2, 4, 5, 6, 7 өрт сөндіру бөлімдерінің командалары және Қызылорда облыстық Полиция департаментінің ардагерлер командасы бар.
Турнирдің ашылу салтанатында алдымен елдің Гимні шырқалды. Онан соң Қызылорда облысы Төтенше жағдайлар департаменті бастығының міндетін атқарушы подполковник Бекболат Әбдіқадыров салтанатты түрде турнирді ашып, жарысқа қатысушыларға сәттілік тіледі.
Аталған турнирдің әрбір командасында 5 ойыншы және 1 қақпашыдан бар. Барлық командалар шағын футболға жоғары дене дайындығымен келді және «матч» тартысты өтті.
Шағын футболдан өткен турнир барысын өңірлік телеарналардың өкілдері де тамашалап, ұйымдастырушы мен қатысушылардан сұхбат алды.
Жарыс жеңімпаздары 27 тамызда болатын Ата заң күніне арналған салтанатты іс-шара кезінде арнайы дипломдармен және бағалы сыйлықтармен марапатталатын болады.
<img src="https://kyzylorda-news.kz/wp-content/uploads/2022/08/301491070_2098213953720778_2111271146904127998_n.jpg" alt="" />

Қызылордада шағын футболдан турнир өтті

<a href="https://kyzylorda-news.kz/">Kyzylorda-news.kz.</a> Жаңақорған ауданында кезекті Аналар форумы өтті. Ұлттық дәстүрлеріміз көрініс тапқан бұл шараға Қызылорда облыстық ҚХА жанындағы Аналар кеңесінің төрайымы Рахима Ахметова, Жаңақорған ауданы әкімінің орынбасары Бектас Нұриддинов, Аналар кеңесінің мүшелері Аида Абибуллаева, Қуаныш Мырзабаевамен қатар ауданның ақ жаулықты аналары қатысты.
Ел аналары мерекелік ақ лебіздерімен, «Асыл әжелер» ансамблі әсем әнмен қонақтарды күтіп алды.
Алтыбақан аясында қызықты думан жалғасын тапты. Қазан жаппай жасалып, самаурыннан шәй ішіп, жиналған қауым мерекелік шараның берекелі дәмінен ауыз тиді. Қараша үй қанатындағы енелер мен келіндер және бір шаңырақ астындағы ұлттар достығының көрінісі, қолөнер бұйымдарынан ерекше көрмелер форумның көркін қыздырды.
Аудан аналарының өмірінен бейнеролик көрсетілді.
Аналар шеруі өңір бірлігін сақтап, ұлт тәрбиесіне жанашырлық танытып жүрген көпбалалы ел аналары марапатына ұласты.
Форум спикерлері балаларды тәрбиелеудегі әкелердің рөлі, атап айтқанда, қыздар тәрбиесінің осалдығы, отбасындағы зорлық-зомбылықтың алдын алу, ана мен бала денсаулығы, нәзік жандылардың саяси белсенділігін арттыру сияқты тақырыптарды қозғады.
Қазіргі таңда отбасы беделі жоғалуда. Отбасы құндылықтарының ықпалы азая түсуде. Оған дәлел жастардың арасында ажырасудың көбеюі, жастардың батыс тәжірибесімен тіркелмеген некеде тұруы, отбасы жасын құрудың ұлғаюы.
Жалғызбасты ана мен әкенің көбеюі, осының барлығы ұлт тағдырына әсері зор деді Аналар кеңесінің төрайымы Рахима Ахметова.
Ұлттық құндылықтар ұлықталған Жаңақорғандағы форум соңы концертке ұласты.
<img src="https://kyzylorda-news.kz/wp-content/uploads/2022/08/301575369_1603999596662213_4621924347799942914_n.jpg" alt="" />
<img src="https://kyzylorda-news.kz/wp-content/uploads/2022/08/301391563_1603999439995562_8536299305116565327_n.jpg" alt="" />

Аналар форумы: Ұлттық құндылықтар ұлықталған күн

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық Қазақстан халқы ассамблеясының бастамасымен өңірлік этномәдени бірлестіктердің мүшелері жаңа оқу жылы қарсаңында республикалық «Мектепке жол» акциясына өз үлестерін қосты.
Тамыздың алғашқы күнінен бастап қыркүйек айының соңына дейін жалғасатын шара «Мектепке жол-Шекарасыз жақсылық!» ұранымен өтуде.
Қызылорда қаласы және барлық аудандарда 100-ге жуық көпбалалы, әлеуметтік аз қамтылған отбасы оқушыларына оқуға қажетті құрал-жабдықтары толықтай қамтылған сөмкелерді табыстады.
Жыл сайын тамылжыған тамыздан бастап, қыркүйек айының соңына дейін жалғасатын биылғы науқанға облыстық ассамблея және этномәдени бірлестік өкілдері бір кісідей жұмыла кірісіп, елдік пен кеңдіктің үлгісін көрсетті. Ата-аналардың алғысын алып, ризашылығына бөленді.
Айта кетейік, бүгінгі күні «Мектепке жол» акциясы республика көлемінде кең тараған. Жыл өткен сайын акцияға атсалысушы мемлекеттік мекемелер мен жеке кәсіпкерлерде көбейіп келеді.
Айта кетейік, акция басталған 15 жылдың ішінде облыс бойынша демеушілер есебінен 200 мыңнан астам балаға жалпы сомасы 3,5 млрд. теңгеге материалдық көмек көрсетілген. Оның ішінде, былтыр «Мектепке жол» акциясы шеңберінде 5 мыңға жуық балаға материалдық көмек берілген.
<img src="https://kyzylorda-news.kz/wp-content/uploads/2022/08/whatsapp-image-2022-08-25-at-16.33.40.jpeg" alt="" />

Өңірлік ҚХА және этномәдени бірлестік мүшелері «Мектепке жол» акциясына өз үлестерін қосты

<a href="https://kyzylorda-news.kz/">Kyzylorda-news.kz.</a>&nbsp;Биылғы жыл – балалар жылы. Ел тұрғындарының шамамен 34%-ы 17 жасқа толмаған балалар. Қызылорда облысында 316 мыңнан астам балалар тұрады. Әлеуметтік медициналық сақтандыру қорының филиалына балаларға медициналық көмек көрсету тәртібі бойынша көптеген сұрақтар келіп түсуде. Жиі қойылатын сұрақтарға ӘМСҚ Қызылорда облысы бойынша филиалының директоры Бақыт Исмаханбетов жауап берді.
<ul>
<li>Балаларға міндетті әлеуметтік медициналық сақтандыру жарналарын төлеуім керек пе?</li>
<li>Жоқ, 18 жасқа дейінгі балалар жеңілдікті санатқа жатады, олар үшін мемлекет МӘМС үшін аударымдар жасайды. Сондықтан медициналық сақтандыру пакетіндегі медициналық көмек балаларға толық көлемде қолжетімді.</li>
<li>Балаларға арналған стоматологиялық қызметтер МӘМС пакетіне кіреді ме және қандай қызметтерді тегін алуға болатындығын көрсете аласыз ба?</li>
<li>18 жасқа дейінгі балаларға стоматологиялық көмек шұғыл және жоспарлы түрде тегін көрсетіледі. Медициналық сақтандырудың стоматологиялық қызметтер пакетіне мыналар кіреді:</li>
<li>тісті жансыздандыру және жұлу;</li>
<li>пломба салу;</li>
<li>абсцесстерді ашу;</li>
<li>пульпит, периодонтитті емдеу;</li>
<li>гипоплазия, флюороз кезінде тістің анатомиялық пішінін толық функционалдық қалпына келтіру;</li>
<li>еріндер мен тілдердің пластикасы;</li>
<li>рентгенография;</li>
<li>ортодонтиялық қызметтер: жақ-бет аймағының туа біткен патологиялары және таңдайдың бөлінуі (қасқырдың аузы) болған кезде. 
Стоматологиялық көмек алу үшін емханаға да, стоматологиялық клиникаға да жүгіне аласыз. Бұл ретте, стоматологиялық қызмет көрсететін клиника Қордың әлеуетті жеткізушісі болуы тиіс және әлеуетті жеткізушісі тізімінде болуы маңызды. 
Стоматологиялық қызметтерді жеткізушілердің тізімін қордың сайтынан көруге болады https://fms.kz/kz/zakupki/postavshchiki-kdu-uslug/.</li>
<li>Қандай жағдайларда балалар құрғақ сүт қоспаларымен тегін қамтамасыз етіледі? 
Бір жасқа дейінгі балалар үшін бейімделгіш құрғақ қоспалар тіркелген жеріндегі емханаларда мынадай жағдайларда беріледі:</li>
<li>емшектегі нәрестені асырап алу; 
-анасында АИТВ инфекциясының немесе туберкулездің белсенді түрінің, жіті психикалық аурулардың, туа біткен және пайда болған жүрек ақауларының, жүрек-қантамыр жүйесінің декомпенсациясымен ілесе жүретін аурулардың, эндокриндік және аллергиялық аурулардың ауыр түрлерінің болуы;</li>
<li>балада туа біткен лактаза жеткіліксіздігінің, галактоземияның, фенилкетонурияның, “үйеңкі шәрбаты” ауруының болуы;</li>
<li>ананың цитостатикалық, радиоактивті, тиреоидты, психотроптық және есірткі дәрілік препараттарды қабылдауы;</li>
<li>бірнеше баланың дүниеге келуі және емшек сүтінің жетіспеушілігі;</li>
<li>әйелдің күндізгі оқу нысанында оқуы;</li>
<li>әйелдің стационарда емделуде болуы. 
Ананың жағдайына байланысты оған тек жасанды және аралас тамақтандыру тағайындалуы мүмкін. Дәрі-дәрмекпен қамтамасыз ету тізбесімен толығырақ мына сілтеме бойынша танысуға болады: Денсаулық сақтау министрінің 2020 жылғы 09 қаңтардағы № ҚР ДСМ-1/2020 бұйрығы.</li>
<li>Созылмалы аурулары бар балаларға қандай оңалту шаралары қарастырылған?</li>
<li>Созылмалы аурулары бар балалар мен жасөспірімдер жылына екі-үш рет тұрақты медициналық оңалтудан өте алады. Бұл асқынулардың алдын алу үшін емханаларда динамикалық бақылау кезінде жасалады. 
Үшінші кезеңді оңалтуды пациенттің ауруына байланысты емхананың медицина қызметкерлерінің жолдамасы бойынша емханаларда, күндізгі және тәулік бойы жұмыс істейтін стационарларда, оңалту орталықтарында және үйдегі стационарларда жүргізеді.</li>
<li>Спорттық секцияларға жазылмас бұрын ЭКГ, жүрек ультрадыбысын тегін алуға және балаға кардиологтың қорытындысын алуға бола ма?</li>
<li>Әрине. Ол үшін тіркелген жері бойынша учаскелік дәрігердің/педиатрдың қабылдауына жазылу, консультация кезінде жүгіну себебін көрсету қажет. Дәрігер кардиологқа жолдама береді және ол спортқа қарсы көрсеткіштерді болдырмау үшін қажетті шараларды тағайындайды.</li>
<li>Қандай жағдайларда балалар дәрігерін үйге шақыруға болады?</li>
<li>5 жасқа дейінгі балаларға денсаулық жағдайының кез келген нашарлауы кезінде учаскелік дәрігер үйде қызмет көрсетеді. 
5 жастан асқан балаларға үйге шақырған кезде оның шақыру себебіне және баланың жағдайына байланысты алғашқы медициналық – санитариялық көмек маманы-дәрігер, орта медицина қызметкері көмек көрсетеді.</li>
<li>Жеке клиникаларда жоспарлы егуді тегін алуға бола ма, ол үшін не істеу керек?</li>
<li>ҚР Үкіметінің 2020 жылғы 24 қыркүйектегі № 612 қаулысына сәйкес, инфекциялық ауруларға (туберкулез, гепатит, полиомиелит, көкжөтел, дифтерия және сіреспе, B типті гемофильді инфекция, пневмококкты инфекция, қызылша, қызамық және паротит (свинка) қарсы жоспарлы профилактикалық екпелер – балаларға меншік нысанына қарамастан, тіркелген жеріндегі медициналық ұйымда тегін жүргізіледі. 
Естеріңізге сала кетейік, Қазақстанда вакцинация жүргізу мерзімі жасына сәйкес Ұлттық егу күнтізбесімен белгіленген.</li>
<li>Балаға туа біткен жүрек аномалиясы диагнозы қойылды, оған қандай көмек қажет?</li>
<li>Туа біткен жүрек кемістігі бар балаларға медициналық көмек диагностикалау мен емдеудің барлық кезеңдерінде тегін көрсетіледі</li>
<li>Балабақшаға немесе мектепке ресімдеу кезінде медициналық анықтама сатып алу керек пе</li>
<li>Жоқ, сатып алудың қажеті жоқ. Балабақшаға немесе мектепке қабылдау үшін медициналық анықтаманы тіркелген жері бойынша емханадан сұратуға болады. Анықтамаға баланың физиологиялық параметрлері, бар аллергиялық реакциялар, созылмалы және бұрын болған инфекциялық аурулар, алынған екпелер, профилактикалық тексерулердің және зертханалық талдаулардың нәтижелері және т. б. енгізіледі. 
Бала балабақшаға түскеннен кейін картаны балабақшаның медицина қызметкері толтыруды жалғастырады.</li>
<li>Балаларға профилактикалық тексерулерді қаншалықты жиі өткізуі керек?</li>
<li>Балаларды профилактикалық тексеру жыл сайын – туғаннан бастап кәмелетке толғанға дейін жүргізіледі. Мектепке дейінгі мекемелердің тәрбиеленушілерін, мектеп оқушыларын, орта арнаулы оқу орындарының оқушыларын және 18 жасқа дейінгі студенттерді білім беру ұйымдарындағы көшпелі бригада тексереді. Мектепке дейінгі мекемелерге бармайтын балаларды тексеру емханада немесе отбасылық денсаулық орталығында жүргізіледі. 
Профилактикалық қарап-тексерулердің жиілігі мен кезеңділігі Қазақстан Республикасы Министрінің 2020 жылғы 15 желтоқсандағы № ҚР ДМС-264/2020 “Мектепке дейінгі, мектеп жасындағы балаларды, сондай-ақ техникалық және кәсіптік, орта білімнен кейінгі және жоғары білім беру ұйымдарының оқушыларын қоса алғанда, халықтың нысаналы топтарына профилактикалық медициналық қарап-тексерулерді жүргізу қағидаларын, көлемі мен кезеңділігін бекіту туралы” бұйрығымен белгіленген.</li>
</ul>
<img src="https://kyzylorda-news.kz/wp-content/uploads/2020/01/balalardy-emdewge-boelinetin-tegin-daeri.jpg" alt="" />

МӘМС пакетіндегі балаларға көрсетілетін медициналық көмек туралы білесіз бе?

<a href="https://kyzylorda-news.kz/">Kyzylorda-news.kz.</a> «Назарбаев Зияткерлік мектептері» дербес білім беру ұйымында «Жас ұстаз: Табысқа апарар жол» атты бірінші республикалық жас мұғалімдер форумы өз жұмысын тәмамдады.
«Назарбаев Зияткерлік мектептері» дербес білім беру ұйымының Басқарма төрайымы Күләш Шәмшидинова форум қатысушыларын өзінің табысты және шығармашыл әріптестері ретінде атай алатынын мақтанышпен жеткізді.
<blockquote>
 «Біз, ұстаздар, болашақ премьер-министрлер мен президенттерді, ұлт қаһармандары мен әлем жұлдыздарын, ең бастысы, нағыз патриоттар мен бақытты адамдарды кездестіріп, оқытамыз. Бүгінде еңбек жолын бастаған әрбір жас маман өз өмірін мектепке, балаларға арнайды», – деді Күләш Шәмшидинова.
</blockquote>
Республикалық форум жас мұғалімдердің біліктілігін арттыруға арналған NIS-тің ауқымды жобасын жалғастырды. Идеяның өзі жас ұстаздардың «Назарбаев Зияткерлік мектептері» дербес білім беру ұйымының Басқарма төрайымы Күләш Шәмшидиновамен кездесуден кейін туған. Елордада, Өскеменде, Қарағандыда, Алматыда, Павлодарда, Қостанайда бірқатар кейс-сессиялар өтті.
<blockquote>
 «Технология мен экономиканың қарқынды дамуы білім саласына қуатты серпін береді. Бүгінгі таңда мұғалімдердің заман талабына сай болуы бұрынғыдан да маңызды. Мұғалім – қашанда сұранысқа ие мамандық, сондықтан оның даму траекториясы жеке, бірақ әрқашан әлемдік білім беру тенденцияларына сай болуы керек», – деп педагогтердің кәсіби дамуы мен мамандықтың логикалық эволюциясының ерекше маңыздылығын Күләш Шәмшидинова атап өтті.
</blockquote>
TEDTalk-те форумға қатысушылар мотивациялық спикерлерді ыстық ықыласпен қарсы алды, жас ұстаздар алдында өз кәсібінде табысқа жеткен беделді қазақстандықтар сөйледі.
«WikiBilim» қоғамдық қорының негізін қалаушы және басшысы, сұранысқа ие Bilim Media Group электронды білім беру компаниясының директоры, интернеттің қазақтілді сегментін өзгерткен Рауан Кенжеханұлы тәуелсіз Қазақстанның қалыптасуына үлес қосуды армандағанын айтады.
<blockquote>
 «Әкемнің ұлттық валютаны алғаш рет үйге әкелгені есімде, біз еліміздің бірінші Конституциясын жетік білдік, тәуелсіз Қазақстанның қалыптасуына үлес қосуды армандадық. Мен бір кездері дипломатиялық мансап, журналистика, кәсіпкерлікті армандадым, осы армандарым орындалды. Бүгінде елімізде жастардың табысты болуына барлық жағдай жасалған. Мен диплом бойынша мұғалім емеспін, алайда білім беру жүйесінде жұмыс істеу – менің өмірлік таңдауым. Мұғалім әрбір адам үшін ата-анадан кейін өте маңызды тұлға, ал мектеп – әр елдегі ең маңызды институт. «Астана» телеарнасының жұлдызды хабарларында танылған журналист, «Ретро FM», «Европа плюс», «Орда FM» радиосының жүргізушісі, актриса Майра Төлепберген білімі мен мамандығы бойынша екі ұстаздың қызы ретінде ұстаздық мамандықтың тек жүрек қалауымен таңдалатынына сенімді. Танымал актер, отандық және шетелдік блок бастерлердің басты кейіпкері, «Параолимпиец» және «Нулевой пациент» фильмдеріндегі рөлдері мен танылған Асқар Ілиясов та ұстаздың ұлы. Баланы жақсы көргенде ғана кәсіпте жетістікке жететініне сенімді Асқар ұстаздарды оқушыдан алшақ тұратын қатал ересек емес, баламен әркез бала болуға шықырды. «Ассамблея жастары» республикалық жастар ұйымының төрағасы Тимур Жұмырбаев NIS күшімен құрылатын жас педагогтердің қауымдастығы олардың әлеуетін кеңейту үшін үлкен кәсіби алаң екенін атап өтті. Өкінішке орай, бүгінгі таңда елімізде жас педагогтермен тікелей жұмыс істейтін, ең алдымен, озық тәжірибелермен алмасуға көмектесетін ұйым жоқ. «Мен жастар – бұл еліміздің болашағы да, бүгіні де деп айтар едім», – деді Рауан Кенжеханұлы.
</blockquote>
Ұлыбританиядан NIS-пен ұзақ уақыттан бері табысты ынтымақтастық орнатқан Кембридж университетінің білім беру факультеті өкілі Элейн Уилсон жас оқытушылар қатарына қосылды.
<blockquote>
 «Қазақстанда Педагогикалық шеберлік орталығы тарапынан әзірленген мұғалімдерді кәсіби даярлаудың көптеген жақсы бағдарламалары бар. Ұстаздар үнемі білімдерін жетілдіріп отырады, бұл сіздің елдің біліктілікті арттыруда жетекші екенін дәлелдеп отыр. Бәрін білемін деп ойламаңыз, оқи беріңіз, оқи беріңіз», – деген Элейн Уилсон форум қатысушыларына сәттілік тіледі.
</blockquote>
Екі күн шығармашылық талпынысқа, жаңа таныстықтарға, кәсіби жаңалықтарға, өршіл жобаларға, шабыттандыратын тренингтер мен шеберлік сағаттарына толы болды.
Форум қатысушыларымен «галстуксыз кездесуге» Оқу-ағарту министрі Асхат Аймағамбетов, «Назарбаев Зияткерлік мектептерін» Дамыту қорының директоры, «SHARE орта білім берудегі ғылым» жобасының жетекшісі Назипа Аюбаева, Қазақстан Республикасы цифрлық даму, инновациялар және аэроғарыш өнеркәсібі министрінің кеңесшісі Әсел Молдабекова келіп, қатысушылардың сауалдарына жауап берді.
Жеке шеберлік сабақтар өткізген Дамир Сұлтанов, Гүлдана Бұхарбаева, Темірбек Сағындықов және өзге де жас мамандар форумның нағыз каһармандарына айналды. Олар өз әріптестерін сабақты ұйымдастырудағы және жеке кәсіби дамудағы атауының өзі маңыздылығын айқындайтын – цифрлы мұғалім, сабақ форсайты, педагогикалық ангажемент, дифференция және оқытудағы лайфхактар креативті кейстермен таң қалдырды.
Рудный қаласының №1 орта мектебінің қазақ тілі мен әдебиеті пәні мұғалімі Гүлдана Бұхарбаева педагогикалық ангажемент шеберлік сабағында білім ордасында құрылған театр жайында баяндап берді. Гүлдана креативті тәсілдердің қазақ тілінде сөйлеу дағдыларын дамытып, пәнге деген қызығушылықты арттыратынына сенімді.
Алматылық математика пәні мұғалімі Темірбек Сағындықовтың сөзінше, бүгінгі таңда әр мұғалім цифрлы болуы керек, бұл – сән емес, қажеттілік. Темірбек өзінің шеберлік сабағында әріптестермен пікір алмасты.
<blockquote>
 «Әлемде табысты мұғалімге қойылатын басты жеті талап бар, олардың үшіншісі – цифрлы сауаттылық және оқу процесіне жаңа технологияларды енгізу», – деп атап өтті Темірбек Сағындықов.
</blockquote>
Тik-Тоk-та 14 мың жазылушыны есептерді тез шешуге үйреткен және балалардың математикаға деген қызығушылығын қолдаған Темірбектің үлгісі барлық жас мұғалімдерді шабыттандырды.
Қызылордадағы Абай атындағы дарынды балаларға арналған мектеп мұғалімі Жамиля Сайлауова тарих пәніне оқушылардың қызығушылығын арттыруда жеке лайфхакпен бөлісті. Ол сабақ барысында «Tarihi battle» әдісін қолдану арқылы оқушылардың тақырыпты толыққанды меңгеруіне мүмкіндік беріп, сыни ойлау мен шешендік дағдыларын дамытады.
Өскемендік Алена Рахимованың бүгінгі мектептегі ең өзекті басымдығы – бағалауға арналған шеберлік сабағы форум қатысушыларының үлкен қызығушылығын тудырды. Ол топтық жұмыста оқушыны бағалау әрдайым қиын екенін, объективтілік баланың оқуға деген қызығушылығын сақтайтынын ерекше атап өтті.
<blockquote>
 «Форум еліміздің түпкір-түпкірінен жас педагогтарды біріктіріп, оқытуды дамыту мен жақсарту бағытында үлкен тәжірибелік алаңға айналды. Үздік педагогтармен сөйлесу арқылы білім беру үдерісінде туындаған сауалдарыма жауап алдым. Және де әріптестерімнің берген кеңестеріалдағы жұмысымда үлкен көмек құралы болатыны сөзсіз», – деді Қызылордадағы NIS мұғалімі Әділжан Науан.
</blockquote>
Мексикадан жас педагогтер форумына қосылған Дэвид Марш арадағы мыңдаған шақырымға қарамастан қатысушылармен достасып үлгерді. Ол кез келген елінде мұғалімнің табысының басты критерийі оның мамандығына деген адалдығы деген жеке сенімімен бөлісті.
Семей қаласындағы Зияткерлік мектептің физика пәні мұғалімі, Қазақстаннан алғаш болып Global Teacher Prize жаһандық сыйлығының топ 50 иегері қатарына кіріп, амбассадоры атанған Асхат Жұмабеков жаңа буын ұстаздарының мерекелік көңіл күйіне ерекше үн қосты. Асхат өз мамандығын саналы түрде таңдағанын айтып, нағыз мұғалім ретінде форум қатысушыларына олардың әрқайсысы өзінің ең үздік нұсқасы бола алатынын нық сеніммен жеткізді.
Жаһандық білім беру комиссиясының Азия хаб комиссары, «Назарбаев Зияткерлік мектептері» ДББҰ Басқарма төрайымы Күләш Шәмшидинова әрбір делегатқа үміт артатынын және отандық білімнің бәсекеге қабілетті және табысты болатынына сенімін білдірді, сондай-ақ барлық жас мұғалімге NIS-тің үлкен отбасына қабылданғанын ерекше атап өтті. Республикалық форумның негізін қалаушы ретінде Күләш Ноғатайқызы алдағы уақытта барлық облыста өңірлік кездесулер өткізуді жоспарлап отырғанын айтты.
Форумның жабылу салтанатында ақтаулық Сымбат Амалова, Ақтөбе облысы Темір ауданынан Әйгерім Болатбекқызы, жамбылдық жас маман Шолпан Ақшалова, Қостанайдың Рудный қаласынан келген Гүлдана Бұхарбаева және Маңғыстау облысы Жаңаөзен қаласының ұстазы Мағжан Жұмабай жиынның басты кейіпкерлеріне айналды. Олар Instagram-да үздік пост жазып, тақырыптық конкурстың жеңімпаздары атанды. Күләш Ноғатайқызы оларға «Lesson Study box» әдістемелік материалдар мен ресурстар кешенін табыстады.
Бүгінде «Табысқа апарар жол» бірінші форумы тарих бетіне жазылды, педагогтердің кәсіби дамуы мен байланысы үшін бірегей платформа құрылды және еліміздің үздік жас мұғалімдері NIS-пен бірге табысқа жету жолын жалғастырады.
<img src="https://kyzylorda-news.kz/wp-content/uploads/2022/08/93297084-cfc9-4290-bf59-e2b7147d795f.jpg" alt="" />
<img src="https://kyzylorda-news.kz/wp-content/uploads/2022/08/6f0a39e4-cb72-4159-98b3-a79b363789b7.jpg" alt="" />
<img src="https://kyzylorda-news.kz/wp-content/uploads/2022/08/2782540d-bb6e-4359-8922-9d474aad98c7.jpg" alt="" />
<img src="https://kyzylorda-news.kz/wp-content/uploads/2022/08/43c66e1e-d369-4334-bd06-de1fe74698ca.jpg" alt="" />

«Табысқа апарар жол» NIS-тен басталады

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісінің депутаты Ғалым Әміреев Шиелі ауданындағы ауылшаруашылығы саласының жайын бақылап, білім саласындағы өзекті мәселелерді талқылады. Сонымен қатар депутат ауданға сапары барысында денсаулық сақтау саласының қызметкерлерімен кездесті.
Ауданда ауылшаруашылығы саласы қарқынды дамуда
ҚР Парламенті Мәжілісінің депутаты, «AMANAT» партиясының фракция мүшесі Әміреев Ғалым Махмұтбайұлы ең алдымен Шиелі ауданындағы ауылшаруашылығы саласының өкілдерімен кездесті. 
Кездесуге «AMANAT» партиясы Шиелі аудандық филиалының атқарушы хатшысы Сыздық Болат Мүбаракұлы, аудан әкімінің орынбасары Есмаханов Алмасбек Әбілқасымұлы қатысты. 
Кездесу барысында Ақмая шаруақожалығының төрағасы, аудандық мәслихаттаға фракция мүшесі Дәулет Жұмбеков ауылшаруашылық саласындағы бірқатар мәселелерді көтеріп, жасап жатқан жұмысымен таныстырды. 
Сонымен қатар Ақмаядағы ең өзекті мәселе «Батыс – Еуропа Батыс Қытай» жолының үстінен айналмалы өткел ашу мәселесі де айтылды. 
Халық қалаулысы бұл өзекті мәселені назарға алып, шешілу жолдарын қарастыратынын жеткізді.
Білім саласындағы өзекті мәселелер талқыланды
Мұнан соң Мәжіліс депутаты аудандағы білім саласының қызметкерлерімен кездесті. 
Кездесу барысында білім саласының қызметкерлері мәжіліс депутатын жылы шыраймен қарсы алды. Мұғалімдер тарапынан орыс тілі мен орыс әдебиеті пәнінің мәселесі, дене шынықтыру пәнінің мәселесі, ұлдар мен қыздарға 20-30 балаға бір мұғалім сабақ беру, Көркем еңбек пәнінің мәселесі тағы да басқа мәселелерді ашық айтылды. 
Халық қалаулысы өзекті мәселелерді назарға алып, Шешілу жолдарын қарастыратындарын жеткізді. 
Сонымен қатар мәжіліс депутаты Ғалым Әміреев, Шиелі ауданының әкімі Нұржан Ахатов, «AMANAT» партиясы Шиелі аудандық филиалының атқарушы хатшысы Болат Сыздық, аудан әкімінің орынбасары Алмасбек Есмахановпен бірге №127 Ш.Уәлиханов атындағы орта мектеп-лицейінің оқу жылына дайындығын бақылады.
Денсаулық сақтау саласының мамандары күрделі мәселені көтерді
«AMANAT» партиясының фракция мүшесі Ғалым Әміреев келесі кезекте Шиелі аудандық емханада денсаулық сақтау саласының қызметкерлерімен жүздесті. 
Кездесуге «AMANAT» партиясы Шиелі аудандық филиалының атқарушы хатшысы Сыздық Болат Мүбаракұлы, аудан әкімінің орынбасары Есмаханов Алмасбек Әбілқасымұлы, денсаулық сақтау саласының қызметкерлері және БАҚ өкілдері қатысты. 
Кездесу барысында сала мамандары ұсыныс-пікірлерін айтып, күрделі бір мәселені көтерді. Ол Шиелі ауданаралық ауруханасын және емхана ғимаратындағы кәріз жүйесін орталықтандырылған кәріз жүйесіне қосу мәселесі. 
Мәжіліс депутаты айтылған мәселе бойынша жергілікті жауапты мамандарға тапсырма беріп, өзінің қатаң бақылауына алатынын жеткізді.
<img src="https://kyzylorda-news.kz/wp-content/uploads/2022/08/301357275_1380321479164974_8853787270627973852_n.jpg" alt="" />
<img src="https://kyzylorda-news.kz/wp-content/uploads/2022/08/301411110_1380321892498266_6440061944737085520_n.jpg" alt="" />
<img src="https://kyzylorda-news.kz/wp-content/uploads/2022/08/301480419_1380326805831108_8254094046232788683_n.jpg" alt="" />
<img src="https://kyzylorda-news.kz/wp-content/uploads/2022/08/301599929_1380326845831104_8221838282261997683_n.jpg" alt="" />
<img src="https://kyzylorda-news.kz/wp-content/uploads/2022/08/301592659_1380324792497976_4560430411555502784_n.jpg" alt="" />

ҚР Парламенті Мәжілісінің депутаты Ғалым Әміреев Шиелі ауданында болды

<a href="https://kyzylorda-news.kz/">Kyzylorda-news.kz.</a> Қызылорда облысында Балалар жылы аясында жасөспірімдер арасында шағын футболдан республикалық турнир өтті.
Турнирді Қазақстан Республикасы Конституциясының 30 жылдығына орай облыстық Қазақстан халқы ассамблеясы және «NAMAN» ата спорт кешені ұйымдастырды.
Республикалық турнирге Орал қаласының «Орал қамқор», Шымкент қаласының «Шымкент сити», Қызылорда қаласының «NAMAN 1», «NAMAN 2», «Шіркейлі», «Сармақ» командалары қатысып, өзара бақ сынасты.
Жасөспірімдердің арасында тартысты өткен сайыста қызылордалық өрендер тартысты ойын өрнегін көрсетті. Спортшылар намысты қолдан бермей, үздік ойын арқылы көрермендердің ықыласына бөленді. Нәтижесінде, жүлделі І орын «NAMAN 1» командасы иеленсе, ІІ орын мінберінен «Шіркейлі» жасөспірімдер командасы көрінді. Ал ІІІ орынды «Сармақ» командасы қанжығасына байлады. Сондай-ақ Батыс Қазақстан облысынан келген «Орал қамқор» командасына «Достық кубогы» бұйырды.
Турнир соңында жеңімпаздарға дипломдар, кубоктар мен медальдар және естелік кәдесыйлар табысталды.
Айта кетейік, биыл Балалар жылы аясында аймақта атқарылып жатқан жұмыстар жетерлік. Балаларды бұқаралық спортқа баулу бағытында биыл 80 спорт және балалар ойын алаңдары салынады. Ойын және спорт алаңдарының 50-і облыс орталығында, қалған 30-ы аудандарда салынуда.
<img src="https://kyzylorda-news.kz/wp-content/uploads/2022/08/sport-1.jpg" alt="" />

Қызылордада Конституцияның 30 жылдығына арналған турнир өтті

*<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық денсаулық сақтау басқармасының ұйымдастыруымен көпбейінді облыстық ауруханасында «Қазіргі таңдағы хирургия саласының өзекті мәселелері» тақырыбындағы ғылыми-тәжірибелік конференция өтті.*
Іс-шара А.Н.Сызғанов атындағы Ұлттық ғылыми хирургия орталығы АҚ-ның басқарма төрағасы, академик Болатбек Бимендіұлы Баймахановтың 60 жасқа толуына мерейтойына арналған. Конференцияға облыстық мәслихатының хатшысы Наурызбай Байқадамов, ҚР Денсаулық сақтау ісінің үздігі, ардагер Тұрғанбай Маханов, Түркістан облысының Денсаулық сақтау басқармасының басшысы Марат Пашимов құттықтау сөз сөйледі. Марат Пашимов Түркістан облысы әкімінің құттықтау хатын табыс етіп, мерейтой иесіне шапан жауып, ұлттық нақышта безендірілген ертоқым мен қамшы сыйға берді.
Басқосуда Болатбек Баймахановқа арналған «Дәремет» кітабының тұсауы кесілді, «Бекзат болмыс» бейне ролигі көрермен назарына ұсынылды. Ғылыми-практикалық конференцияда А.Н.Сызғанов атындағы ұлттық ғылыми орталығы гепатопанкреатобилиарлы хирургиясы және бауыр трансплантациясы бөлім меңгерушісі PhD Мақсат Досханов «Гепатопанкреатобилиарлы хирургияның заманауи даму тенденциялары» тақырыбында баяндама жасады.
Түркістан облыстық клиникалық ауруханасы №1 хирургия бөлімінің меңгерушісі, медицина ғылымдарының кандидаты Жеңіс Сергазин «Гастроэзофагеальді рефлюкс және морбидті семіздік кезіндегі симультантты лапароскопиялық емі», А.Яссауи атындағы ХҚТУ хирургия, анестезиология-реанимация кафедрасының оқу бөлімінің меңгерушісі PhD Ылхам Аннаоразов өз тәжірибесін ортаға салды. Қызылорда облысы штаттан тыс бас хирургы Бауыржан Қуанышбаев «Қызылорда облысы хирургия саласының жағдайы» туралы баяндады.
<img src="https://kyzylorda-news.kz/wp-content/uploads/2022/08/fb_img_1661414738809.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661414743472.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661414740705.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661414757509.jpg" alt="" />

Қызылордада республикалық ғылыми-тәжірибелік конференция өтті

<a href="https://kyzylorda-news.kz/">Kyzylorda-news.kz.</a> Аймақ басшысының тапсырмасына сәйкес облыс әкімінің орынбасары Мархабат Жайымбетов Жаңақорған ауданында болып, бірқатар құрылыс жұмыстарының барысымен танысты.
Жаңақорған кентінің С.Сұлтанмұратов көшесіндегі 300 орындық мектептің құрылысын «Авангард» ЖШС жыл соңына дейін бітіруді жоспарласа, МАИ бекетіндегі 600 орындық мектеп құрылысы аяқталғанымен, анықталған кейбір кемшіліктерді шешу өте баяу жүруде. Осыған байланысты мердігер мекемелердің басшыларына кеткен кемшіліктерді тез арада жойып, қысқа мерзімде пайдалануға беруді қатаң ескертті.
Өзгент, Жайылма елді мекендеріндегі клуб құрылыстарының құрылысы да осы жылдың соңына дейін аяқталмақ.
Сонымен бірге, Мархабат Жайымбетұлы Жаңақорған кентінде «Ауыл – ел бесігі» жобасы аясында 898,9 млн теңге бөлініп, құрылысы жүргізіліп жатқан 10/0,4 кВ электржелілік жүйесін жаңғырту және тұрғын үйлерге су құбырын жеткізу сервистік желісін салу жұмыстарын белгіленген кестеге сәйкес сапалы әрі тиянақты жүргізу қажеттігін ескертіп өтті.
Бірлік елді мекені Жаңақорған ауданындағы газдандырылып жатқан екінші елді мекен, құрылыс жұмыстары қазан айында аяқталуы тиіс.
Сондай-ақ, «Ауыл – ел бесігі» жобасы аясында жүріп жатқан №55 орта мектебінің күрделі жөндеу жұмыстарын аймақ басшысының өзі бақылауға алған. Мұнда қазіргі таңда 45 адам еңбек етсе, тағы 16 адам қосылуы тиіс. Облыс әкімінің орынбасары Мархабат Жайымбетов тиісті салалық басқарма басшылары мен мердігер компанияға жаңа оқу жылының басталуына санаулы күн қалғанын, сол себепті күрделі жөндеу жұмыстарын барынша сапалы жүргізіп, қысқа мерзімде аяқтауды тапсырды. Осы елді мекендегі 90 орындық балабақша жақын арада іске қосылатын болады. Облыс әкімінің орынбасары кездесу қорытындысымен аудан көлеміндегі құрылысы жүріп жатқан барлық объектілер бойынша тапсырыс беруші облыстық басқарма басшыларына, аудан әкімдігіне, мердігер мекемелердің басшыларына құрылыстарды сапалы жүргізіп, мерзімінде аяқтау жөнінде тапсырмалар берді.
<img src="https://kyzylorda-news.kz/wp-content/uploads/2022/08/fb_img_1661414481660.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661414475074.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661414478501.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661414484786.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661414490751.jpg" alt="" />

Мархабат Жайымбетов Жаңақорған ауданындағы құрылыс жұмыстарымен танысты

<a href="https://kyzylorda-news.kz/">Kyzylorda-news.kz.</a>&nbsp;Бүгінге дейін қызылордалықтар электр энергиясы мәселесіне алаңдап келді. Себебі қаладағы электр жылу орталығы 50-60 жылдан бері үздіксіз жұмыс жасағандықтан, электр желілерінің де әбден тозығы жеткен. Бұл сөзсіз электр жүктемесіне салмақ салады. Өзекті мәселелерді өз уақытында назарға алған аймақ басшысы Нұрлыбек Нәлібаев Энергетика министрлігімен тиісті жұмыстарды атқарып, бірлескен түрде оңтайлы шешім қабылдады. Нәтижесінде Сыр елінде бұрын-соңды болмаған заманауи үлгідегі қуаттылығы 240 мегаватқа жететін электр орталығы салынбақ.
Мамыр айындағы Сыр еліне сапары барысында министр Болат Ақшолақов мұндай мүмкіндік алғаш болып Қызылорда өңірінде бастау алғанын тілге тиек еткен еді. Таяуда ғана нысан құрылысын жүргізетін инвестор компания анықталып, алғашқы жұмыстар басталса, бүгін арнайы жиында Нұрлыбек Нәлібаев инвестор түрік компаниясының өкілдерімен кездесіп, жобаның жүзеге асыру мәселелерін қарады.
Отырысқа жаңа жылу орталығының инвесторы «Акса Энерджи» түрік компаниясының Қазақстандағы басшысы Мустафа Кемаль мен ҚР Энергетика министрлігінің Жаңартылатын энергия көздерін қолдау жөніндегі қаржы-есеп айырысу орталығының директоры Гүлжан Қалижанқызы қатысып, тараптар арасында екіжақты келісім-шарт жасалды.
<blockquote>
 «Мемлекет басшысы Қасым-Жомарт Кемелұлы Тоқаев Үкіметтің кеңейтілген отырысында оңтүстік өңірлерді үздіксіз электр энергиясымен қамтамасыз ету мақсатында 3 жылда қуаттылығы 1000 мегаватт манервлік станциялар салуды тапсырған болатын. Жаңа нысанды салу жерлестерім үшін айтулы жаңалық десе де болады. Игілікті іске қолдау білдірген министр Болат Ақшолақовқа және шетелдік «Акса Энерджи» компаниясының басшылығына Сыр жұртының атынан алғысымды білдіремін. Аймақ тарихындағы маңызды жобаның сапалы және уақытында жүзеге асырылуы үшін бар күш-жігеріміз бен мүмкіндіктерімізді жұмсайтын боламыз», – деді Нұрлыбек Нәлібаев.
</blockquote>
Жиында түрік компаниясының Қазақстандағы басшысы Мустафа Кемаль жаңа нысан 2025 жылы ел игілігіне берілетінін жеткізді.
<blockquote>
 «Бұл жобаның Қызылорда үшін ғана емес, Қазақстанға да берері мол болады деп сенемін. Келешекте осы нысан энергикалық қауіпсіздікті сақтауға айрықша мүмкіндік береді», – деді Мустафа Кемаль.
</blockquote>
Басқосуда ел ағалары мен энергетика саласының ардагерлері игілікті істің алғашқы қадамына куә болып, ғасырда бір салынатын нысанды елдің несібесіне балады.
«Акса Энерджи» түрік компаниясы мазут, табиғи газ, жел генераторлары мен су электр станцияларында электр энергиясын өндіру саласындағы әлемдік тәжірибесі мол, жетекші компаниялардың бірі.
Айту керек, жалпы құны 215 млрд. теңгеден асатын жаңа нысан энергия жетіспеушілігін едәуір төмендетеді. Бұл Тәуелсіздік алған жылдары елімізде бюджеттен тыс қаржы көздерінен, яғни шетелдік инвесторлардың қаржысына іске асырылатын ең ауқымды теңдессіз жоба.
Еске салайық, биыл облыс бойынша 23 әлеуметтік нысанның жылу қазандығы қайта жаңғыртылады. Осы жұмыстарға республикалық және облыстық бюджеттен 676 млн. теңге бөлінді.
<img src="https://kyzylorda-news.kz/wp-content/uploads/2022/08/fb_img_1661413855036.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413851590.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413860302.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413857802.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413864896.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661413867488.jpg" alt="" />

Қызылордада жаңа жылу электр станцияны салу туралы келісім шартқа қол қойылды

<a href="https://kyzylorda-news.kz/">Kyzylorda-news.kz.</a>&nbsp;Қармақшы ауданынан шыққан Қазақстанның еңбек сіңірген қайраткері, жыршы Ұлжан Байбосынова Берлин қаласында өнер көрсетті. Қазақтың талантты өнер иесіне жергілікті халық алғысын білдірді.
Сыр бойының тумасы, Қазақстанның еңбек сіңірген қайраткері, Құрмет Орденінің иегері, Франция мемлекеттік өнері мен әдебиетінің кавалері орденінің иегері, Қармақшы ауданының құрметті азаматы, филология ғылымдарының кандидаты, жыршы – Ұлжан Байбосынова тамыз айының 19-20 жұлдызында Берлин сарайының алаңында және «Пантопия» Халықаралық музыка фестивалінде екі күн бойы жеке концертін өткізді.
Екі күнде төрт жеке концертін өткізіп, Сыр бойы жыраулық-жыршылық өнерінің мұрасын тағы бір әлем жұртшылығына паш етті.
«Пантопия» – грек тілінен аударғанда – «Всемогушество» яғни «Құдіреттілік» деген ұғымды береді екен. 
Шын мәнінде Сыр бойының жыраулық өнерінің құдіреттілігін Ұлжан әлем сахнасында тағы бір дәлелдеді.
Ұлжанның Сыр бойы жыраулық өнерін дәріптеп, әлем сахналарында кеңінен насихаттау жолында атқарып жүрген еңбегі ұшан-теңіз.
Ұлжанға ел халқының атынан өнердің өресін өсіріп, әлем жұртшылығына ұлттық мұрамызды ұлықтай бер деген тілек білдіреміз!
<img src="https://kyzylorda-news.kz/wp-content/uploads/2022/08/whatsapp-image-2022-08-23-at-18.34.56-1.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-23-at-18.34.56-2.jpeg" alt="" />

Қазақстан және Қызылорда облысының жаңалықтары

Қызылорда облысының тұрақтандыру қорында 800 тоннаға жуық өнім бар

Қызылордада шағын футболдан турнир өтті

Аналар форумы: Ұлттық құндылықтар ұлықталған күн

Өңірлік ҚХА және этномәдени бірлестік мүшелері «Мектепке жол» акциясына өз үлестерін қосты

МӘМС пакетіндегі балаларға көрсетілетін медициналық көмек туралы білесіз бе?

«Табысқа апарар жол» NIS-тен басталады

ҚР Парламенті Мәжілісінің депутаты Ғалым Әміреев Шиелі ауданында болды

Қызылордада Конституцияның 30 жылдығына арналған турнир өтті

Қызылордада республикалық ғылыми-тәжірибелік конференция өтті

Мархабат Жайымбетов Жаңақорған ауданындағы құрылыс жұмыстарымен танысты

Қызылордада жаңа жылу электр станцияны салу туралы келісім шартқа қол қойылды

Берлин сахнасын жырға бөлеген Сырдың – Ұлжаны

Қазақстан және Қызылорда облысының жаңалықтары

Қызылорда облысының тұрақтандыру қорында 800 тоннаға жуық өнім бар

Қызылордада шағын футболдан турнир өтті

Аналар форумы: Ұлттық құндылықтар ұлықталған күн

Өңірлік ҚХА және этномәдени бірлестік мүшелері «Мектепке жол» акциясына өз үлестерін қосты

МӘМС пакетіндегі балаларға көрсетілетін медициналық көмек туралы білесіз бе?

«Табысқа апарар жол» NIS-тен басталады

ҚР Парламенті Мәжілісінің депутаты Ғалым Әміреев Шиелі ауданында болды

Қызылордада Конституцияның 30 жылдығына арналған турнир өтті

Қызылордада республикалық ғылыми-тәжірибелік конференция өтті

Мархабат Жайымбетов Жаңақорған ауданындағы құрылыс жұмыстарымен танысты

Қызылордада жаңа жылу электр станцияны салу туралы келісім шартқа қол қойылды

Берлин сахнасын жырға бөлеген Сырдың &#8211; Ұлжаны

Берлин сахнасын жырға бөлеген Сырдың – Ұлжаны