Kyzylorda-news.kz. Еліміздің Ата заңына түзетулер топтамасын енгізуге қатысты жалпыхалықтық референдум өтеді. Осы тарихи бастаманы қолдау мақсатында «AMANAT» партиясы жанынан арнайы қоғамдық штабтар құрылып ел арасында насихат жұмыстарын жүргізіде.
Бүгін Қазалы аудандық партия филиалы жанындағы штаб төрағасы Нұрғиса Жалғасбаев және штаб мүшесі Нұрлан Имандосов референдум маңыздылығын түсіндіру бойынша «РЗА-Агро» ЖШС қызметкерлерімен кездесті.
Жиын барысында штаб өкілдері референдум өткізу – демокартиялық дамудың жаңа көрінісі екендігін, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтті. Сондай-ақ, елге оң өзгеріс әкелуге септігін тигізетін, еліміздің Ата заңы – Конституцияға енгізіліп жатқан түзетулерді қолдап, маңызды күні науқанға белсенді қатысуға шақырды.
Кездесу барысында серіктестік қызметкерлері мемлекет басшысының Конституцияға ұсынылатын түзетулерді референдум шеңберінде бүкілхалықтық дауыс беруге шығару туралы шешімін азаматтардың болашаққа және әділ қоғамға деген сенімін ақтайтын, арттыратын дұрыс қадам екенін жақсы қабылдап қолдайтындықтарын және Қазақстан азаматы ретінде белсенді қатысатындықтарын жеткізді.

Референдумды қолдау мақсатында кездесу өтті

Kyzylorda-news.kz. Мемлекет басшысы Қасым-Жомарт Тоқаевтың бастамасымен Ата заңға өзгерістер мен толықтырулар енгізу жөніндегі республикалық референдум өткізудің маңыздылығын қолдау мақсатында ҚР Парламент Мәжілісінің төрағасының орынбасары, «AMANAT» партиясы республикалық штабының мүшесі Балайым Кесебаева өңіріміздегі ғалымдар және заңгерлермен кездесу өткізді.
Жиынға облыстық партия филиалының Атқарушы хатшысы, облыстық штаб төрағасы Ләйлә Төрешова мен бірқатар штаб белсенділері қатысып, жалпыхалықтық референдум туралы, дауыс берудің ережелері мен шарттары жайлы айтып, қабылданатын әр өзгеріске жеке-жеке түсініктеме берді.
<blockquote>
 «Басты мақсат – нақты саяси бәсекелестік үшін жағдай жасау, халықтың елді басқаруға қатысуын арттыру, қазақстандықтардың құқықтарын қорғаудың конституциялық тетіктерін күшейту. Ел тағдырына бей-жай қарамайтын әрбір адам өз таңдауын жасап, осы науқанға атсалысуы керек», – деді Мәжіліс депутаты Балайым Кесебаева.
</blockquote>
Сондай-ақ отырыста қатысушылар еліміздің Ата заңына енгізілетін нақты нормалардың маңыздылығына тоқталды.
Атап айтқанда, олар суперпрезиденттік модельден президенттік республикаға түпкілікті көшу, бірқатар билік өкілеттіктерін қайта бөлу, Парламенттің рөлі мен мәртебесін күшейтуді қамтамасыз ету, сайлау жүйесін реформалау мен жаңа саяси партиялардың құрылуы.
<blockquote>
 «Бұл референдум әр қазақстандыққа өз пікірін білдіруге мүмкіндік береді. Ел тұрғындары мемлекетті басқару процесіне араласа алады. Референдумға қатысып, ой-пікірлеріңізді ашық айту, қоғамға үн қосу еліміздің жарқын болашағына, жаңа өміріне қадам жасайтын маңызды күн болмақ», – деді облыстық штаб төрағасы Ләйлә Төрешова.
</blockquote>
Республикалық штаб өкілдерімен жоспарланған жұмыстар алдағы күндері де жалғасады.
<img src="https://kyzylorda-news.kz/wp-content/uploads/2022/05/img-20220513-wa0096.jpg" alt="" />

Референдумға қатысты ғалымдар мен заңгерлер пікірі тыңдалды

Kyzylorda-news.kz. Облыс әкімі Нұрлыбек Нәлібаев Қазақстанның үстел теннисі федерациясының бас хатшысы Данил Пакпен кездесті.
Басқосуда облыс орталығында халықаралық стандартқа сай үстел теннисі орталығын салу мәселесі талқыланды.
Өңір басшысы аймақта бұқаралық спортты дамытудың маңыздылығына тоқталып, спорттық нысандар мен дене шынықтыру секцияларын көбейту керектігін айтты. Жиын соңында тараптар үстел теннисі орталығы құрылысын жүргізу бойынша пікірлесіп, жұмыс жоспарын нақтылады.
Айта кету керек, спорттық нысан құрылысына қажетті қаражат бюджеттен тыс, демеушілер есебінен жүзеге аспақ. Қазір құрылыс орны Сол жағалаудан нақтыланып, жобалық-сметалық құжаттары әзірленуде.

Аймақ басшысы үстел теннисі федерациясының бас хатшысымен кездесті

Kyzylorda-news.kz. Қызылорда қаласы әкімінің өкімімен Қызылорда қаласы әкімінің орынбасары лауазымына Қасымова Ақзира Бақтыбайқызы тағайындалды.
Ақзира Бақтыбайқызы 1979 жылы дүниеге келген. 2000 жылы Қорқыт Ата атындағы Қызылорда мемлекеттік университетін физика, қосымша математика пәндерінің мұғалімі, 2018 жылы Қаржы академиясын Экономика және бизнес магистрі мамандығы бойынша бітірген.
Еңбек жолын 2000 жылы №15 Қызылорда қалалық гимназияның физика пәнінің мұғалімі ретінде бастаған.
2008-2012 ж.ж Қармақшы ауданындағы №185 орта мектептің директоры;
2012-2015 ж.ж Қармақшы ауданындағы №250 мектеп-лицейдің директоры;
2015-2017 ж.ж Қазалы ауданы білім бөлімінің басшысы;
2017-2020 ж.ж Қызылорда облысының білім басқармасы басшысының орынбасары, басқарма басшысының уақытша міндетін атқарушы, Қызылорда қалалық білім бөлімінің басшысы;
2020 жылдың тамыз айынан бастап осы кезге дейін Қызылорда облысы білім басқармасының басшысы қызметін атқарып келді.
Ақзира Бақтыбайқызы қаланың әлеуметтік, ішкі саясат, мәдениет және спорт салаларына жетекшілік ететін болады.

Ақзира Қасымова жаңа қызметке тағайындалды

Kyzylorda-news.kz. Биыл Қызылорда облысында 8-ші мәрте дәстүрлі түрде «Мерейлі отбасы» ұлттық байқауы өткізіледі. Конкурсқа іріктеу 15 мамырда басталып, республикалық деңгейде қорытындыланады. Ұлттық құндылықты үлгі етер отбасылық сайысқа 200-ден астам жанұя қатысады деп күтілуде. Бұл туралы Өңірлік коммуникациялар қызметінде өткен баспасөз конференциясында облыстық әйелдер істері және отбасылық демографиялық саясат жөніндегі комиссия хатшысы Қаламқас Каримова хабарлады.
<blockquote>
 «Мерейлі отбасы» ұлттық конкурсының негізгі мақсаты – өнегелі құндылықтарды жаңғырту мен отбасы мәртебесін кеңінен насихаттауға бағытталған. «Мерейлі отбасы» ұлттық конкурсы басталғалы бері 1500-ден астам жанұя қатысуға өтініш білдірді. Ал былтыр облыстан 182 отбасы қатысты. Үш жыл қатарынан Шиелі ауданының тұрғындары жеңімпаз атанып келді. Жалпы байқау 3 кезеңнен тұрады. Бірінші кезең 15 мамырдан 15 маусымға дейін жүргізіледі. Онда қалалық және аудандық іріктеу жүргізіледі. Екінші кезеңде іріктеуден өткен бір отбасы айқындалып, республикалық ұйымдастыру комитетіне жолданады», – деді Қаламқас Арыстанқызы.
</blockquote>
Айта кетейік, қорытынды шара қыркүйектің екінші жексенбісі еліміздің ресми мерекесі отбасы күні қарсаңында анықталатын болады. Жеңімпаздарға диплом мен арнайы белгі табысталады.

Қызылордада «Мерейлі отбасы» ұлттық байқауы басталды

<a href="https://kyzylorda-news.kz/">Kyzylorda-news.kz.</a>&nbsp;Бүгіннен бастап Мырзағалиева Нұржамал Жұмағалиқызы Қызылорда облыстық онкология орталығының бас дәрігері қызметіне тағайындалды.
Нұржамал Жұмағалиқызы 1968 жылы 7 сәуірде Қызылорда облысында дүниеге келген. Ұлты – қазақ. 
Жоғары білімді. 1993 жылы Қарағанды мемлекеттік медицина институтын «Емдеу ісі» мамандығы бойынша бітірген.
Еңбек жолын, 1993 жылы Қызылорда қалалық ауруханасында дәрігер-интертич болып бастаған.
04.01.1994-03.10.1994 жылдары Қызылорда қалалық №2 емханада аймақтық дәрігер;
03.10.1994-16.03.1998 жылдары қалалық №2 емханада алдын алу бөлімінің меңгерушісі;
16.03.1998-25.05.1999 жылдары Қызылорда облысының денсаулық сақтау басқармасында бас маман;
25.05.1999-15.04.2002 жылдары Қызылорда қалалық №4 емхана бас дәрігерінің емдеу алдын алу жұмыстары жөніндегі орынбасары;
15.04.2002-20.02.2003 жылдары «Денсаулық» РМҚК Қызылорда облыстық филиалында дәрігер эксперт; 
20.02.2003-15.06.2005 жылдары «Денсаулық» РМҚК Қызылорда облыстық филиалында бөлім басшысы; 
20.02.2003-15.03.2014 жылдары Қызылорда қалалық №2 емхана бас дәрігерінің емдеу алдын алу жұмыстары жөніндегі орынбасары;
16.03.2014-11.06.2014 жылдары Қазақстан Республикасы денсаулық сақтау министрлігінде сарапшы;
11.06.2014-25.12.2015 жылдары Қазақстан Республикасы денсаулық сақтау жүйесі әлеуметтік даму министрлігінде бас сарапшы;
25.12.2015-04.09.2017 жылдары Қызылорда облысының денсаулық сақтау басқармасы басшысының емдеу, алдын алу жұмыстары жөніндегі орынбасары;
04.09.2017 жылдан күні бүгінге дейін Сырдария аудандық ауруханасының бас дәрігері қызметін абыроймен атқарып келді.

Қызылорда облыстық онкология орталығының бас дәрігері тағайындалды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен өткен актив отырысында консультативтік-кеңесші органдардың саны қысқарғаны айтылды.
Президент Жарлығымен бюрократиядан арылтудың қағидаттары айқындалып, оның ішінде нақты басшының құзыреті аясында кіретін шешімдерді қабылдау және мәселелерді келісуді алқалы органдарға беруге жол бермеу мәселесі белгіленді.
Аталған тапсырмаға сәйкес облыс әкімдігі жанында құрылған консультативтік-кеңесші органдарға (кеңес, комиссия, жұмысшы топ, штаб және т.б.) мониторинг жүргізілді.
Нәтижесімен мерзімі өткен, өз маңыздылығын жоғалтқан және жұмыс жасау тәртібі нақты белгіленбеген 108 консультативтік-кеңесші органдар анықталып, оларды тарату ұсынылды.
<blockquote>
 «Облыстық деңгейде құрылған 185 консультативтік-кеңесші органдардың 108-ін тарату туралы өкім мен қаулыға қол қойдым. Бұдан былай біз комиссиялар құруда сан қуалап емес, нақты жұмыс істейтін, сындарлы шешім қабылдайтын комиссияларға басымдық береміз. Болашақта мұндай шешімдерді мемлекеттік органның басшылары өздері жауапкершілікке алып, тікелей қабылдауы тиіс деп есептеймін», – деді Н.Нәлібаев.
</blockquote>
Сонымен қатар облыс әкімі жұмысты тиімді жолға қою мақсатында басқармалардың атқаратын функцияларының өзара ұқсастығын ескеріп біріктіру туралы шешім қабылданғанын жеткізді.
Жүргізілген оңтайландыру реформасы ықшамды мемлекеттік аппаратты құруға бағытталған және бұл былтырғы жүргізілген қысқартудың логикалық жалғасы.
Бұл уақыт қажеттілігіне қарай икемді аппарат құру арқылы мемлекеттік қызметтің сапасын артыруға жасалған қадамның бірі.

Нұрлыбек Нәлібаев: Облыстық деңгейде құрылған 108 консультативтік-кеңесші орган таратылды

<a href="https://kyzylorda-news.kz/">Kyzylorda-news.kz.</a> Елордада 3 жасар баланы құтқарып, шұғыл әрекет пен батыл қадамға барған Сыр елінің тумасы Сәбит Шонтақбаевқа ілтипат білдірушілер қатарында Сыр елінің жанашыр азаматтары да бар.
Бүгін Аққұм ауылында тұратын Сәбиттің әкесі Серік Шонтақбаев пен анасы Гүлбаршын Пірімбетоваға Қызылорда облысы әкімінің атынан сый-сияпат көрсетіп, теледидар табыстады.
Аудан әкімі Асқарбек Есжанов осындай ержүрек азаматты дүниеге әкеліп, өнегелі тәрбие берген ата-анасына Сыр халқы атынан ризашылығын білдіріп, облыс әкімінің құрметін жеткізді.
Құттықтау хатта «оқыс оқиғаның алдын алып, 3 жасар бүлдіршінді аман сақтап қалуы нағыз батырлық пен батылдықтың шынайы үлгісі. Сәбиттің бұл әрекеті Сыр жұртшылығының ғана емес еліміздің барлық азаматтарының жүрегіне әсер етті. Осындай ержүрек, елжанды ұл өсіріп, тәлім-тәрбие бергендеріңізге Алғысымды жеткіземін»,- делінген.

Қызылорда облысының әкімі Сәбит Шонтақбаевтың ата-анасына ілтипат көрсетті

<a href="https://kyzylorda-news.kz/">Kyzylorda-news.kz.</a>&nbsp;«Тенгиз мұнай компаниясына жұмысқа тұрғызып береміз» деп 16 адамды алдаған қызылордалық алаяқтар ұсталды.
7 мамыр күні 2022 жылы бірнеше облыстың 16 тұрғыны алаяқтың құрбаны болғаны туралы Байқоңыр қаласындағы ҚР ІІМ өкілдігіне арызданған.
Биылғы жылдың наурыз-сәуір айларында екі адам «WhatsApp» месенджері арқылы топ құрамында, ақшалай сыйақымен «Атырау қаласындағы мұнай Тенгиз компаниясына жұмысқа тұрғызып береміз» деп сенімдеріне кіру жолмен ар қайсысынан 150-200 мың теңге көлеміндегі ақшаларын «Каспи» банктегі есеп шоттарына аудартып алған. Бірақ осы күнге дейін уәделерін орындамай ақшаларын қайтармаған.
Жедел-іздестіру шаралары барысында алаяқтық қылмысына күдікті екі әйел анықталып, ұсталды. Олар Қызылорда облысының тумасы болып шықты.
Қазіргі таңда аталған дерек бойынша Қазақстан Республикасы Қылмыстық кодексінің 190- бабының 3-бөлігі 4-тармағымен (Ақпараттық жүйені пайдаланушыны алдау немесе сенімін теріс пайдалану жолымен жасалған алаяқтық) сотқа дейінгі тергеп-тексеру әрекеттері жүргізілуде.

16 адамды алдаған екі қызылордалық әйел ұсталды

<a href="https://kyzylorda-news.kz/">Kyzylorda-news.kz.</a> Астанада Төтенше жағдайлар департаментінде досы Сәбит Шонтақбаевпен бірге қызды 8-қабаттың терезесінен құлап кетуден құтқаруға көмектескен батыр Сағи Жылқышиевті марапаттау рәсімі өтті.
Сағи Жылқышиев көрсеткен ерлігі үшін ҚР ТЖМ бұйрығымен «Төтенше жағдайдағы ерлігі үшін» төсбелгісі және алғысхатпен марапатталды. Қолсағат сыйға берілді.
Астанада 11 мамыр күні Сәбит досымен бірге таңертең жұмысқа бара жатқан кезде 8-қабатта тұрған баланың айқайын естіп, құтқаруға ұмтылған. 7-қабаттағы көршінің балконына шығып&nbsp; Сәбит досымен бірге қызды құтқарды. Сәбит балконның сыртына шығып, терезеге ілініп тұрған қызды құтқарған кезде Сағи бір қолымен досының аяғын, екінші қолымен терезені ұстап тұрды.
<blockquote>
 «Біз айқай-шуды естіп, ілініп тұрған баланы көрдік. Ойымыз тек баланы құтқару болды, ойланбастан жүгірдік», – деді Сағи Жылқышиев.
</blockquote>
Екі дос санаулы минуттарда қызды құтқарып қалды.
<img src="https://kyzylorda-news.kz/wp-content/uploads/2022/05/sagi-1.jpg.webp" alt="" />

Балконға ілініп қалған қызды құтқаруға көмектескен Сағи Жылқышиев марапатталды￼

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаевтың халықпен кездесулері Сарыкөл ауылдық округінен басталды.
Абай ауылдық клубында өткен басқосуда Мұхтар Әуесұлы өткен жылы және биылғы жылдың басынан бері ауданда атқарылған жұмыстарды тілге тиек етті.
Аудан басшысы биыл Қазалыда «Қарлаң» көпірінің құрылысы басталғанын қуанышпен жеткізді. Сондай-ақ, Сарыкөл ауылдық округіне қарасты Жұбан елді мекеніне медициналық бекет салынып, пайдалануға берілгенін айтты.
Алдағы уақытта Абай ауылына көгілдір отын тарту үшін жоба-сметалық құжаттарын дайындауға жұмыс жасалатынын да жеткізді.
Аудан басшысынан соң ауыл тұрғындары сөз кезегін алып, өздерінің ұсыныс-пікірлерін айтты. 
Абайлық ағайындарды негізінен көшелерді асфальттап, жарықтандыру, округке қарасты жайылымдылық жерлерді суландыру сияқты мәселелер толғандырады.
Сондай-ақ, газдандыру мәселесін жеделдету жөнінде ұсыныс айтылды.
Аудан әкімі Мұхтар Оразбаев тұрғындар тарапынан айтылған әрбір ұсыныс-пікір назардан тыс қалмайтынын айтып, сұрақтарға жеке-жеке жауап берді.
<img src="https://kyzylorda-news.kz/wp-content/uploads/2022/05/280387084_3351937515027172_5805820843458405587_n.jpg" alt="" />

Қазалы ауданының әкімі тұрғындардың ұсыныс-пікірін тыңдады

<a href="https://kyzylorda-news.kz/">Kyzylorda-news.kz.</a> Республика бойынша өткізілетін референдум төңірегіндегі маңызды сұрақтарға жан-жақты жауап беру үшін, қоғамдық ой-пікірді талқылап-таразылау мақсатында ҚР Парламенті Мәжілісі төрағасының орынбасары, «AMANAT» партиясы респбуликалық штабының мүшесі Балайым Кесебаева кәсіпкерлермен кездесті.
<blockquote>
 «Президент Қ.Тоқаев халық өз тағдырын өзі шешетіндей болуы үшін, мемлекеттің ісін барлық өлшем бойынша халықтың өзі айқындайтын жағдай жасау үшін референдум өткізгелі отыр. Бірнеше рет конституция өзгерді, бірақ барлығы парламент арқылы шешіліп келген еді. Енді үлкен өзгерістер болуына байланысты референдум қажет болып отыр. Өйткені конституцияның 33 бабына яғни үштен бір бөлігіне өзгеріс енгізілмекші. Әсіресе, ең қағидатты мәселелер жер, оның қойнауы, оның қазыналары халықтың меншігі деген концептуалды тың тұжырым жасалып отыр. Басқа да үлкен-үлкен мәселелер бар. Бастысы «суперпрезиденттік» басқару үлгісінен мықты парламентке сүйенетін президенттік басқару үлгісі енгізілгелі отыр», – деді кездесудің маңызыдылығына тоқталған республикалық штаб мүшесі Балайым Кесебеаева.
</blockquote>
Жиында жергілікті кәсіпкерлер пайымды пікір, орамды ойларын ортаға салып, алдағы конституциялық референдум тек бір қала немесе облыс тағдырына байланысты емес, ол тұтас мемлекеттің болашағына әсер ететін, бұдан да жарқын келешектің іргетасын қалайтын аса маңызды күн болғандықтан заңнамалық өзгерістерде қарапайым халықтың ұсыныс пікірі ескерілсе дейді. 
Барлық ұсыныстар штаб өкілдері тарапынан назарға алынып, референдумға қатысу – барлығымызға ортақ борыш екендігі түсіндірілді.

Қазақстан және Қызылорда облысының жаңалықтары

Референдумды қолдау мақсатында кездесу өтті

Референдумға қатысты ғалымдар мен заңгерлер пікірі тыңдалды

Аймақ басшысы үстел теннисі федерациясының бас хатшысымен кездесті

Ақзира Қасымова жаңа қызметке тағайындалды

Қызылордада «Мерейлі отбасы» ұлттық байқауы басталды

Қызылорда облыстық онкология орталығының бас дәрігері тағайындалды

Нұрлыбек Нәлібаев: Облыстық деңгейде құрылған 108 консультативтік-кеңесші орган таратылды

Қызылорда облысының әкімі Сәбит Шонтақбаевтың ата-анасына ілтипат көрсетті

16 адамды алдаған екі қызылордалық әйел ұсталды

Балконға ілініп қалған қызды құтқаруға көмектескен Сағи Жылқышиев марапатталды

Қазалы ауданының әкімі тұрғындардың ұсыныс-пікірін тыңдады

Қызылордада кәсіпкерлермен референдум маңызыдылығы талқыланды

Қазақстан және Қызылорда облысының жаңалықтары

Референдумды қолдау мақсатында кездесу өтті

Референдумға қатысты ғалымдар мен заңгерлер пікірі тыңдалды

Аймақ басшысы үстел теннисі федерациясының бас хатшысымен кездесті

Ақзира Қасымова жаңа қызметке тағайындалды

Қызылордада «Мерейлі отбасы» ұлттық байқауы басталды

Қызылорда облыстық онкология орталығының бас дәрігері тағайындалды

Нұрлыбек Нәлібаев: Облыстық деңгейде құрылған 108 консультативтік-кеңесші орган таратылды

Қызылорда облысының әкімі Сәбит Шонтақбаевтың ата-анасына ілтипат көрсетті

16 адамды алдаған екі қызылордалық әйел ұсталды

Балконға ілініп қалған қызды құтқаруға көмектескен Сағи Жылқышиев марапатталды￼

Қазалы ауданының әкімі тұрғындардың ұсыныс-пікірін тыңдады

Қызылордада кәсіпкерлермен референдум маңызыдылығы талқыланды

Балконға ілініп қалған қызды құтқаруға көмектескен Сағи Жылқышиев марапатталды