<a href="https://kyzylorda-news.kz/">Kyzylorda-news.kz.</a>&nbsp; Үй алу үшін ең алдымен, не істеу керек? Ақша жинау қажет, кейін үй таңдау қажет. Оңай жолмен айтсақ осылай.&nbsp;
Қаржы жоспарын құрамыз. Қанша ақша жинау керек?&nbsp;
"Крыша" порталындағы кеңеске сүйенсек, бірінші кезекте үйді сатып алу жоспарын құрып қоймасаңыз, ешқашан пәтер ала алмайтыныңызды біліп алу керек.&nbsp;
Бастапқыда ақша қайда жұмсалатынын және оны қалай жұмсау, сондай-ақ, ақшаны қалай жинау керегін үйреніп алған абзал.
Қазір сіздің алдыңызда тұрған бірінші жоспар - ақша қайда кеткенін анықтау. Шығысты әрдайым бақылауда ұстап отыру қиын, алайда арнайы әдістері бар екенін бірі білсе, бірі білмейді.&nbsp;
Әр түскен жалақыдан 30 000 теңге жинап отырса, 6 жыл ішінде бастапқы жарнаны, яғни мемлекеттік бағдарлама бойынша 20 пайыз ақшаны жинай аласыз. Кейін жалдау төлемдері шамамен ипотека бойынша төлемдерге тең болады.
Жинай алатын ақшаңыз 50 000 теңгеге жетсе, онда жарнаның ақшасы 4 жылда жиналады. 100 000 теңге мөлшерлемесін алып тастағанда, бұл мерзім 2,2 жылға дейін қысқартылады. Ипотекаға алғыңыз келмесе, пәтерге қажет 15 миллионды кем дегенде сегіз жылда жинауға болады екен.
"Басты қате - асығу"
Баспана алу бойынша кеңес беріп жүрген блогер Дәулет Төлеутайұлының айтуынша, баспана алуда қазақстандықтардың басты қатесі - асығыстық.&nbsp;
<blockquote>"Біз барлығы тез болғанын қалаймыз. Қызбалықпен үй аламын деп бірден жарна салып, үй беремін деп жоқ болып кететін небір компанияларға жолығамыз. Кейде арты бір желі маркетингі немесе пирамида болып шығады. Алаяқтар адамның жанды жерін пайдаланады, "тезірек үйлі боласың" деп алдайды. Қаншама адам сан соғып қалды. Сондықтан үй аларда асықпай, барлығын саралап, нарықты зерттеп, жинаған ақшаңызға сай нұсқаларды қарастыру қажет", - дейді ол.&nbsp;</blockquote>
Оның айтуынша, қазіргі уақытта ең ыңғайлысы - артық төлем аз шығуы үшін баспананың 50 пайызын жинау.
<blockquote>"Отбасы банкте"&nbsp;үш жыл бойы бағалау көрсеткішін 16-дан асырса, артық төлем аз болады. Бірақ үш жыл бойы ешкім жинамайды, ол кезге дейін кім бар, кім жоқ деп жүреді. Сөйтіп, он жыл бойы пәтер жалдап жүретіндер бар. Мұнда ақша жинап, үй аламын деген мақсат болуы керек", - дейді ол.</blockquote>"Қаржы сауатын арттыру маңызды"Блогер үй іздеп, банк аралап жүрген тұрғындарға кеңесін берді. Қазіргі жағдайда халық қаржы сауатын арттыруы маңызды екенін айтады.&nbsp;<blockquote>"Банкке барғанда бір нәрсе біліп бару керек" деп айтамын. Әр адам қаржы сауатын арттырса екен деймін. Одан кейін келісімшарт дегенге жіті мән беру керек. Өйткені қол қойғаннан кейін әр адам жауапкершілікті өз мойнына алады. Біз оны оқымаймыз, үй берсе, келісім келсе болды дейміз де, бірнеше бет қағазға қол қоя береміз. Кейін бір кілтипаны шықса, келісімшартты сол кезде ғана оқи бастаймыз", - деп қорытындылады ол.&nbsp;</blockquote>Баспана алуда қандай заңды қулықтар немесе лайфхактар бар?Блогердің айтуынша, риэлтор, нотариустан ақша үнемдеуге болады. Сонымен қатар, комиссияларды да қарау керек екен.<blockquote>"Бүгінде сақтандыру, жылжымайтын мүлікті бағалау компаниялары көп. Мысалы, үйімнің&nbsp;құнын&nbsp;анықтау үшін бағалаушыларға хабарласқанымда, бірі он мың, екіншісі тоғыз мың сұрады. Сайып келгенде&nbsp;6 мың теңгеге таптым.&nbsp;Сондықтан әрдайым іздену керек", - дейді ол.&nbsp;</blockquote>Дәулет Төлеутайұлының айтуынша, Салық кодексінде&nbsp;ипотекаға берілетін үйлерге нотариуста 4 АЕК қана төлеу керек деген заң бар.<blockquote>"Үйді ипотекаға алғыңыз келсе, сатып алу-сату басталғанда нотариусқа міндетті түрде АЕК төлейсіз. ТҮҚЖБ-мен екі үй алдым, бірінде&nbsp;сатып алу-сатуға 30 300 теңгедей, ал екіншісінде 10 100 ғана төледім. Біріншісінде ондай заңның бар екенін білмедім", - дейді блогер.&nbsp;</blockquote>Үйді сақтандырудың да жолдарын дұрыстап қарау керек. Оның пайдасы мен зиянын жан-жақты зерттеген дұрыс, дейді Дәулет Төлеутайұлы. Баспана сатып аларда риэлторларға да жүгініп жатамыз. Бірақ мұнда да өзің ізденіп, ақша үнемдеуге болады.Massaget.kz

Үй алудағы маңызды кеңестер  

<a href="https://kyzylorda-news.kz/">Kyzylorda-news.kz.</a> 15 қазан – Халықаралық ауыл әйелдері күні.
Болмысы мен тілегі, арманы мен мақсаты ортақ арнада тоғыса алатын жандар – әлемді мейірімге, отбасын бақытқа, адамзатты игілікке бастайтын аналар қауымы. Бейбітшілік бесігін тербетіп, жас өскінге өміршеңдігі мол ұлағатты тәрбие сіңіріп, ерен еңбек үлгісін көрсетіп жүрген аналар Алаштың анасы атанған Сырдың төріндегі «Этноауыл» кешенінде бас қосты.&nbsp;
Шынайы ілтипатқа ие, адалдық пен еңбекқорлықты жанына серік еткен жаны әзиз, жүрегі ықыласқа толы асыл аналардың қатарында еңбекші ауыл әйелдері бар. Атап айтқанда, аймаққа қарасты барлық ауданнан күрішші, тазалықшы, хат тасушы, күзетші, комбайншы аналар марапат төрінен көрініп, ұлттығымызды ұлықтайтын ән айтты.&nbsp;
15 қазан – Халықаралық ауыл әйелдері күні мен 25 қазан – Республика күні қарсаңында ұйымдастырылған шара барысында ерекше еңбек әйелдеріне құрмет көрсетіліп, фотосессия ұйымдастырылды. Облыс әкімі жанындағы әйелдер істері және отбасылық-демографиялық саясат жөніндегі облыстық комиссияның ұйымдастыруымен өткен қарапайым еңбекші ауыл әйелдерінің кездесуі аясында «Сыр аналары» қоғамдық бірлестігінің төрайымы Нұрсәуле Мұсаева «Тұлғалық даму тренингін» өткізді.
<blockquote>«Жалпы облыс тұрғындарының 49,8 пайызы әйелдер болса, оның 54,5 пайызы ауылдық &nbsp;жерлерде тұрады. Облысымызда 141 мыңнан аса отбасы бар. Оның ішінде 48 мыңнан астамы – көпбалалы аналар. Алтын құрсақты аналарымыздың 17 мыңға жуығы – «Алтын алқа» мен «Күміс алқа» иегері», - деді Облыс әкімі жанындағы әйелдер істері және отбасылық-демографиялық саясат жөніндегі облыстық комиссияның хатшысы Қаламқас Каримова.&nbsp;</blockquote>
Қаланың қауырт жұмысы мен даланың дамылсыз тірлігінен қуат алатын ардақты аналар қауымына облыс әкімінің орынбасары Нұрымбет Сақтағановтың Алғыс хаты табысталды. Сондай-ақ, бағалы сыйлықтар және сертификаттар берілді.
<figure class="image"><img src="https://knadmin.beoblood.kz/uploads/auyl_8187c6d5ce.jpg" alt="ауыл.jpg"></figure>

15 қазан – Халықаралық ауыл әйелдері күні

<a href="https://kyzylorda-news.kz/">Kyzylorda-news.kz.</a> Қызылорда қалалық қоғамдық кеңес төрағасы Серік Дүйсенбаев қыркүйектің алғашқы күнінде ел Президенті Қасым-Жомарт Тоқаевтың Қазақстан халқына жолдаған Жолдауы еліміздің болашақ дамуы мен ертеңгі күнге бетбұрысын айқындап бергенін айтады.&nbsp;
«Мемлекет басшысы Қасым-Жомарт Кемелұлы Тоқаев Парламенттің бірлескен отырысына қатысып, Қазақстан халқына Жолдау жасады. Бұл Жолдау еліміздің болашақ дамуы мен ертеңгі күнге бетбұрысын айқындап берді. Барлық бағыттардың дамуы, ел тағдыры үшін аса маңызды. Қазақ халқының әрбір азаматының көкейінде жүрген мәселені шешу жолына арналған жаңа Жолдау, ел дамуы мен халқымыздың өмірінде біршама жаңашылдықтың болатынын көрсетіп бергендей.
Қандай заман, қай қоғам болмасын білім алуды ешқашан шетке ысырып қойған емес. Қазіргі қоғам - білімді жастардың қоғамы. Басты назарды жасөспірімдердің спорт пен шығармашылық тұрғыда білім алуына жағдай жасауға жұмсауды тапсырды. Сонымен қатар Президентіміз «Жайлы мектеп» ұлттық жобасын жүзеге асыруды тапсырып, мектепке дейінгі білім беретін ұстаздардың еңбекақысын көтеру қажеттігін атап өтті.
Бұл Жолдаудың мән-маңызы айрықша. Оның арқалайтын жүгі бір күн немесе бір жылмен шектелмейді, ауқымы кең, мазмұны да бөлек. Мемлекет басшысы алдағы уақытта Қазақстан жаңа реформалы мемлекетке айналатынын, Парламент пен мәслихаттар жұмысы жүйеленетінін атап өтті. Сондай-ақ, Президент сот жүйесін жаңартып, реформалау қажеттігін қадап айтты. Және де құқық саласында адал, әділетті әрі жемқорлықтан ада мамандарды тартып, халықтың сеніміне ие болу тұсын басты назарға алу керектігін тілге тиек етті.
Қасым-Жомарт Тоқаевтың негізгі саяси ұстанымдарының бірі – ашықтық және қоғаммен тығыз қарым-қатынас орнату. Ел азаматтарын, отанымыздың алдында адал қызмет етуге, абыройлы іс жасауға, терең білім алып, ерінбей еңбек етуге шақырады. Жолдауда айқындалған бағыттар өңіріміздің экономикалық өсімін жеделдетіп, халықтың әл-ауқатын жақсартуда маңызды рөл атқаратыны сөзсіз. Ең бастысы – еліміздің егемендігі. Шын мәнінде, біз үшін Қазақстанның тәуелсіздігі бәрінен қымбат. Сондықтан да қоғамның әлеуметтік бірлігін нығайту үшін жігерімізді жанып, зор ынтамен іске кірісуіміз қажет.
Ендеше елдің ертеңіне алаңдаған ел президентінің жаңа бастамаларына қолдау білдіріп, жүктеген міндеттерге жауапкершілікпен қарап және оның орындалуына біз де бірлесе атсалысайық!
Жаңа Қазақстанға, Әділетті Қазақстанға нық қадаммен аяқ басайық!», - дейді Серік Дүйсенбаев.
<figure class="image"><img src="https://knadmin.beoblood.kz/uploads/Dujsenbaev_b36e95e253.jpg" alt="Дуйсенбаев.jpg"></figure>

Серік Дүйсенбаев: Жолдау - жарқын болашаққа батыл қадам

<a href="https://kyzylorda-news.kz/">Kyzylorda-news.kz.</a>&nbsp;Сырдария ауданында поэзия кеші ұйымдастырылды.
Тағылымды іс-шараға қатысқан сырбойылық ақындар мен сырдариялық жастар ақиық ақын Асқар Тоқмағамбетовтің есімі берілген ауылға бағыт алды. Ақындарды ауыл әкімі Ғабдолла Алданазаров пен ауылдағы №135 орта мектебінің директоры Нұрлан Құрманалиев күтіп алды. Білім ордасында арнайы әдеби сабақ ұйымдастырылды.
Мектептегі іс-шарадан кейін ауданға ат басын бұрған сырбойылық жас ақындар А.Тоқмағамбетов атындағы мұражаймен танысты. Мұражай жұмысымен өлкетанушы, «Сырдария ауданының Құрметті азаматы» Жәнібек Маханбет таныстырып, тарихи тұлғаның өмірі мен шығармашылығынан сыр шертетін кең көлемді мағлұматтармен бөлісті.
Мұнан соң Қаңлы Жүсіп, Асқар Тоқмағамбетов, Оразбек Бесбаев, Сейтмұрат Ембергенов секілді ақындар шыққан ауылдағы мәдениетін үйінде еліміздің ұлттық мерекесі - Республика күніне арналған поэзия кеші ұйымдастырылды.&nbsp;
Поэзия кешін жергілікті ақын, Қазақстан Жазушылар және Журналистер одағының мүшесі Ақтөре Ибрагимұлы өлеңмен ашып, жырға шөліркеген халыққа жырдан шуақ шашты.
Алдымен жергілікті ақын Б.Есназар бірқатар өлеңдерін оқыса, кейін Ақжол Түменбай, Айдар Сайлауов, Жанар Бимұратқызы, Гүлзада Есмаханова, Ақгүл Абдрасул жырдан шашу шашты. Өз кезегінде әнші-сазгер Әл-Фараби Бекарыстанұлы әсем әндерді әуелете шырқады. Поэзия кешін жүргізген жергілікті ақын А.Ибрагимұлы ауданнан шыққан тарихи тұлғалар туралы әңгімелеп, ауданның жетістіктерін тілге тиек етті.
Сонымен қатар поэзия кешін тамашалаған жұртшылық ақындарға алғыстарын білдірді. Атап айтқанда, ауыл әкімі Ғ.Алданазаров, аудандық ішкі саясат бөлімінің басшысы Б.Смайлов, аудандық жастар ресурстық орталығының директоры Н.Абдрасилов ақындарға алғыс айтып, аудан әкімінің атынан «Арнасын жыр кернеген – Сырдария» атты аудиоантологияны табыстады.
<figure class="image"><img src="https://knadmin.beoblood.kz/uploads/syrdariya1_cb3afd6619.jpg" alt="сырдария1.jpg"></figure>

Сырдария ауданында поэзия кеші өтті

<a href="https://kyzylorda-news.kz/">Kyzylorda-news.kz.</a>&nbsp; Киберқауіпсіздік институтының сарапшысы Шамиль Магомедов мессенджерлерде, атап айтқанда WhatsApp-та қандай хабарламаларды ашуға болмайтынын түсіндірді, деп хабарлайды <a href="https://1prime.ru/">1prime</a> порталы.
Ең үлкен қауіп – GIF анимациялары, сілтемелері мен мәтіндік файлдары бар бейтаныс нөмірлерлерден келетін хабарламалар, дейді ол.
<blockquote>"Осындай әлеуметтік инженерия әдістерінің көмегімен хакерлер смартфонға зиянды бағдарламаны “орнатып", құпия ақпаратқа қол жеткізе алады", - дейді маман.</blockquote>
Бейтаныс нөмірден келген хабарламаны алдын-ала қарау кезінде оның құрамында осындай мазмұн бар екенін көрсеңіз, Магомедов хабарламаны ашпай-ақ жоюға кеңес береді.
Сондай-ақ, ол белгілі бір әрекетті орындауға шақыратын немесе қызықты тіркестері бар хабарламаларға сенбеуге шақырды. Мысалы, "сайтқа өтіңіз", "жүлдені ұтып алыңыз", "қызық фото тауып алдым" және т.б.
<blockquote>"Егер сіз шынымен де елеулі, алаяқтықтыққа қатысы жоқ акцияның жеңімпазы болсаңыз, ұйымдастырушылар сізбен басқа жолмен байланысудың жолын табады", – дейді сарапшы.</blockquote>Сондай-ақ қылмыскерлерді ықтимал жәбірленушімен байланыстырудың әлі де танымал тәсілі – SMS хабарламалар. Көбінесе егде жастағы адамдар мұндай қулықтарға сеніп қалады."Егер SMS жалпыланған info, Information, Site және т.б. атауымен келетін болса, онда мұндай хабарламаларды ашпай, тіпті ішіндегі сілтемелерге өтпей-ақ жойған дұрыс", - деп ескертеді маман.Хакерлік шабуылдың ықтималдығын азайту үшін смартфонды антивирустық қосымшаның көмегімен үнемі сканерлеуді ұмытпаңыз. Өзіңіз дұрыс білмейтін қолданбаларды орнатпаңыз.<blockquote>“Балаларға және қарт туыстарына “цифрлық гигиена ережелерін” түсіндіріңіз және күдікті хабарламалар келетін бейтаныс нөмірлерді бұғаттауды ұмытпаңыз”, деп түйіндеді маман.&nbsp;</blockquote>

WhatsApp желісінде қандай хабарламаларды ашуға болмайды?

<a href="https://kyzylorda-news.kz/">Kyzylorda-news.kz.</a> Қызылорда облысында білім саласы бойынша кездесу ұйымдастырылды.&nbsp;
Облыс орталығындағы үкіметтік емес ұйымдардың ресурстық орталығында Қызылорда облысының білім басқармасының басшысы Мейрамбек Шермағанбетпен кездесу болып өтті.&nbsp;
Кездесуге аймақтағы үкіметтік емес ұйымдардың жетекшілері мен мүшелері қатысып, білім беру саласындағы түрлі мәселелерге қатысты сұрақтарын қойды. Олар мектеп жасындағы балаларға қатысты барлық мәселелерді егжей-тегжейлі атап өтті.
Азаматтық қоғам өкілдері ерекше күтімді қажет ететін балалардың білім алу процесінің ұйымдастырылуы туралы айтты. Сонымен қатар ұйым мүшелері үйден немесе қашықтан оқыту мәселесіне де тоқталып өтті. Сондай-ақ мектеп-интернаттардың материалдық-техникалық базаларының мәселесі назардан тыс қалмады.&nbsp;
Кездесу барысында «Дінтану» пәні және ата-аналармен көбірек байланыс орнату мәселесі көтеріліп, осы бағыттарда атқарылуы тиіс шараларды талқылады. &nbsp;
Тиісінше басқарма басшысы Мейрамбек Зинабдинұлы кездесуде айтылған ұсыныстар мен сауалдар бойынша жауап берді. Көтерілген мәселелер негізінде басқарма тарапынан жұмыс жасалатындығын жеткізді.
<figure class="image"><img src="https://knadmin.beoblood.kz/uploads/bilim1_cc2600bcb4.jpg" alt="билим1.jpg"></figure>

Қызылордада білім саласы бойынша кездесу өтті

<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігі әлі де ауқымды антициклонның ықпалында болады. Сонымен жауын-шашынсыз ауа райы сақталады, деп хабарлайды Қазгидромет.
Тек елдің батысында, солтүстік-батысында Қара теңіз аумағынан келетін циклонның әсерінен жаңбыр жауады.
Республиканың оңтүстік-шығысында жел күшейеді, батысында, солтүстік-батысында, солтүстігінде тұман күтіледі.

15 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Биыл Қызылорда қаласын мерекелеудің мәні ерекше. Түрлі форматтағы акциялар мен қайырымдылық істер, басқосулар бір айы бойы жалғасты. Қала көшелерін дүбірге бастаған «Жастар карнавалы», этно-ауыл форматындағы «Сырдың қырық қазаны» жобасы тұрғындарды ерекше думанға бөледі.
Кітап фестивалі, поэзия кеші қызылордалықтарға рухани серпіліс әкелсе, «Жастық шағымның куәсі Қызылорда» ретро әндер фестивалі мерекенің көркін қыздыра түсті. Ал, тұңғыш рет ұлттық спортты ұлықтаған «Бала барысы - 2022» ауқымды шарасы көрермен көңілінен шықты.
Бүгін мерейтой ауқымды гала-концертпен қорытындыланды. "Бірлік пен бақыт арнасы, қазақтың Қызылордасы" атауында өткен іс-шараға облыс әкімі Нұрлыбек Нәлібаев қатысып, қала тұрғындарын айтулы мерекемен құттықтады.
<blockquote>«Баршаңызды қыдыр қонып, құт дарыған, ізгілік пен мейірімнің ордасы болған Қызылорда қаласының төл мерекесімен шын жүректен құттықтаймын! Жылнамасында талай тарих қатталып, қос ғасырды өткерген Алаштың алғашқы астанасы Қызылорда руханият алыптарының ізі қалған, түрлі ізгіліктерді топтастырған қасиетті мекен, шырайлы шаһар. Балалар жылына тарту ретінде демеушілердің қолдауымен құны 1,6 млрд.теңгені құрайтын 80 ойын алаңы салынуда. Мерейтой мезіретінде бір мезетте 17 ойын алаңы пайдалануға беріледі. Осы кезге дейін жерлестерімді алаңдатқан қоғамдық көлік проблемасына қатысты өңірге жаңа 150 автобус алу туралы шешімге келіп, қаражат бөлдік. Соның нәтижесінде қыркүйек, қазан айларында жаңа 21 автобус келсе, Республика күнінде қоғамдық көліктер қатарын тағы да 40 автобусқа толықтырамыз», – деді Н.Нәлібаев. &nbsp;</blockquote>
12 мыңға жуық көрермен жиылған мерекелік шарада қазақ эстрадасының жарқын жұлдыздары қызылордалықтарға ерекше көңіл-күй сыйлады. &nbsp;
<img src="https://knadmin.beoblood.kz/uploads/311770888_407283098259607_4772052402102427949_n_728e9ca2b1.jpg" alt="311770888_407283098259607_4772052402102427949_n.jpg"><img src="https://knadmin.beoblood.kz/uploads/311874148_407284311592819_3312360793540759134_n_49b2707f7c.jpg" alt="311874148_407284311592819_3312360793540759134_n.jpg"><img src="https://knadmin.beoblood.kz/uploads/311633087_407283011592949_8172188413736665894_n_4bd2289a6c.jpg" alt="311633087_407283011592949_8172188413736665894_n.jpg"><img src="https://knadmin.beoblood.kz/uploads/311841693_407282978259619_1122738117655471438_n_30b99473bf.jpg" alt="311841693_407282978259619_1122738117655471438_n.jpg"><img src="https://knadmin.beoblood.kz/uploads/311830347_407283091592941_80823486886416747_n_6f0f730b0d.jpg" alt="311830347_407283091592941_80823486886416747_n.jpg">

Қызылорда: Қала күніне арналған гала-концерт өтті

<a href="https://kyzylorda-news.kz/">Kyzylorda-news.kz.</a> Күріштің күтіміне қанық қызылордалық диқандар биыл да күзгі жиым-терімнің уақытында межелеген өнімге қол жеткізіп, саланы оң нәтижемен қорытындылады. Көктем түскеннен сала мамандары биыл аяқ судың қат болатынын қатты ескерткен, бұл бір жағынан біздің сушыларға жауапкершілік жүгін еселеген болуы керек, әйтеуір науқан соңында қамбамыз астыққа толып, диқандар мерейі үстем, төрағалардың да көңілі тоқ болды. Әрине мұның түбінде үлкен еңбектің негіз болғанын біз жақсы білеміз. Бастысы алажаздай төккен тер, еткен еңбек ақталып отыр. &nbsp;&nbsp;
Күні кеше аймақтағы егін жинау науқанының аяқталуына орай Н.Бекежанов атындағы облыстық қазақ академиялық музыкалық драма театрында «Алтын дән» салтанатты шарасы өтті. Облыс әкімі Нұрлыбек Нәлібаев дала дарабоздарын марапаттап, олардың еселі еңбегіне ерекше тоқталды. Әуелден еткен еңбек пен төккен тердің қадірін білетін Сыр диқандары тағы бір белесті нәтижелі аяқтағанын атап өтті.&nbsp;
<blockquote>«Жыл сайын «Алтын дән» мерекесін тойлаудың игі дәстүрін жалғап, еңбегімен төрге озған озаттарды марапаттаудың алтын арқауын үзбей келеміз. Ақ күріштің атасы, дала академигі Ыбырай Жақаевтың, оның шәкірттері Цай Ден Хак, Шырынкүл Қазанбаева, Салима Жұмабекова, Балдырған Мұстафаева, Айнаш Балғабаева, Амангелді Ахметов сынды тағы басқа тұлғалардың ізбасарлары биыл да кездескен қиындыққа қарамастан ерен еңбектің үлгісін көрсетті. Ырысты аймақта комбайн айдап, трактор жүргізген 70-тен аса әйелдің ерлермен бірге иық теңестіріп, қырман басындағы қызу тірлікке араласқанын ерекше екпін беріп айтуға тиіспіз. &nbsp;Сыр диқандары биыл 188 500 гектар жерге егін ексе, оның ішінде негізгі дақыл күріштің көлемі 78 592 гектарды құрап, әр гектардан 56,7 центнерден өнім алды», – деді облыс басшысы.</blockquote>
Айта кетейік, соңғы жылдардағы Сырдария өзені бассейніндегі су тапшылығы жергілікті диқандар мен малшы қауымына оңай болмай тұр. Мемлекет басшысының қолдауымен Сырдария өзенінің жоғары ағысында орналасқан мемлекеттер арасындағы келіссөздер нәтижесінде су көлемі былтырғы деңгейден көбейген. Өңірдің су саласы мамандарының болжамына сәйкес жыл басында күріш көлемін өткен жылғы мөлшерден 20 000 гектарға қысқартып, 64 000 гектарға межеленген болатын. Алайда диқан қауымның талап-тілегі ескеріліп, Президенттің пәрменімен күріш егісі 78 600 гектар көлемінде бекітілген. Аймақ басшысы бүгінде бұл жұмыста нәтиже барын айтады.&nbsp;
<blockquote>«Өздеріңіз білесіздер, облыс еліміздің күрішке деген қажеттілігінің 90 пайызын өтеп келеді. Жыл сайын экспортқа 100 мың тонна көлемінде күріш шығарылуда. Демек, облыста күріш көлемін азайтуға негіз жоқ. Алайда әлемдегі су ресурстары тапшылығы біздің суға деген көзқарасымызды өзгертуі керек. Су үнемдеу технологиясын енгізу, әсіресе ауыл шаруашылығында күріштен басқа дақылдарды тамшылатып, жаңбырлатып суару көлемін ұлғайту – бүгінгі күннің басты талабы», – деді облыс әкімі. &nbsp;</blockquote>Айта кетейік, биыл өңірде тамшылатып, жаңбырлатып суару әдісімен күріштен басқа 793 гектар ауыл шаруашылығы дақылдары егілген. Оның ішінде 212 гектар көкөніс, 90 гектар бақша, 32 гектар картоп, 370 гектар жаңа жоңышқа, 87 гектар сүрлем жүгері, 1,6 гектар қант қызылшасы бар.Салтанатты шарада облыстың ауыл шаруашылығы саласын дамытуға айрықша еңбек сіңірген бірқатар азаматтарға «Қызылорда облысының құрметті азаматы» атағы табысталды. Аймақтың өсіп-өркендеуіне елеулі үлес қосып, салада серпін қалыптастыруда өзіндік қолтаңбасын қалдырған атпал азаматтар қатарында жерлесіміз, «Таң ЛТД» ЖШС директоры Имамзада Шағыртаев та бар. &nbsp;Сондай-ақ, осы салада жемісті еңбек еткен ардагерлер және қызметкерлерге облыстың «Құрмет» грамотасы табысталды. Бір топ еңбек майталмандары ҚР Ауыл шаруашылығы министрлігінің «Еңбек ардагері» медалі мен «Ауыл шаруашылығы саласының үздігі» төсбелгісін иеленді.&nbsp;Жыл қорытындысымен топ жарған озаттар түрлі номинация алды. Мерекелік марапатта облыс әкімі «Мағжан және К» ЖШС үздік қызметкерлеріне «Lada Vesta», «Жаңажол», «Ақжарма және К» шаруашылығы мамандарына «Lada Granta» жеңіл автокөліктерін сыйға берді. Ал, «Таң ЛТД» ЖШС мен «Ақжар» шаруа қожалығының озат жұмысшылары «Chevrolet» автокөлігіне ие болды.Шарада аудандар арасында түрлі салалар бойынша жеңімпаздар анықталды. Қазалы ауданы «Ауыл шаруашылығы өнімдерін өңдеу саласы» бойынша марапатталса, «Мал шаруашылығы» бойынша Арал ауданы үздік атанды. Сондай-ақ «Егін шаруашылығы» номинациясы Шиеліге, «Агроөнеркәсіп кешенін дамытуда ең жоғарғы көрсеткіштерге қол жеткізген үздік аудан» атағы Сырдарияға бұйырды.Мерекелік кеш концерттік бағдарламаға ұласты. Сыр өңірінің сахна жұлдыздары дала еңбеккерлерінің құрметіне әуезді ән айтып, мерекені думанға бөледі. Белгілі өнерпаз Бақтияр Тайлақбаев жерлестеріне жылы лебізін білдіріп, әннен шашу шашты.Күрішпен кірісін еселеген халық қалаулысы Имамзада Шағыртаев аймақтың құрметті азаматы деген атқа әбден лайық. Біз жерлесімізбен мақтанамыз. Қазір атпал азаматтың туған жерінде жүзеге асқан әрбір жарқын жобаның түбін түртсең, оның бастауына «елге болсын» деген ердің қолдауы негіз болғанын аңғарасыз. Бүгінде тәуелсіздік жылдары түлеген Таңда таңды таңға ұрып жазатын дүние көп. Әлеуметтің әлеуеті де Имамзада ағамыздың әркез қаперінде. Міне, әр ауылда осындай жомарт жандар көп болса, ел өркендейді, мемлекет дамудың даңғыл жолына түсері анық. &nbsp;&nbsp; &nbsp;<figure class="image"><img src="https://knadmin.beoblood.kz/uploads/311813691_1560144547770951_4290693146779906825_n_bbc5a71b3a.jpg" alt="311813691_1560144547770951_4290693146779906825_n.jpg"></figure>

Жалағаштық диқандар маусымды жақсы нәтижемен аяқтады

<a href="https://kyzylorda-news.kz/">Kyzylorda-news.kz.</a> Астықты өлкедегі Сыр елінің шаруалары биыл су тапшылығының қиындықтарына қарамастан мол өнім алды. Диханшылар 188 500 гектар жерге егін егіп, оның ішінде негізгі дақыл күріштің әр гектарынан 56,7 центнерден өнім алды.&nbsp;
Бүгін аймақта егін жинау науқаны қорытындыланып, «Алтын дән» салтанатты шарасы өткізілді. Облыс әкімі Нұрлыбек Нәлібаев дала еңбеккерлерін марапаттап, Сыр өңірінің қамбасын молайтып, ала жаздай еңбек еткен шаруалардың адал еңбегін жоғары бағалады.
<blockquote>«Біздің облыс еліміздің күрішке деген қажеттілігінің 90 пайызын өтеп келеді. Жыл сайын экспортқа 100 мың тонна көлемінде күріш шығарылуда. Мемлекет басшысының қолдауымен Сырдария өзенінің жоғары ағысында орналасқан мемлекеттер арасындағы келіссөздер нәтижесінде су көлемі былтырғы деңгейден көбейді. Бұл ретте диқан қауымның ұсыныс-тілектерін ескере келе, Президентіміздің пәрменімен күріш егісі көлемін 78 600 гектар көлемінде қалдырдық. Даланың дана диханы Ыбырай Жақаев "егініне қарап - қырманы, күтіміне қарап - түсімі" деген. Күрделі жағдайға қарамастан күріштің әр гектарынан 70 центнерден аса өнім алған «Ақтөбе и к», «Жаңажол», «Абзал и К», «Мағжан и К», «Ақжарма и К», «Ақжарма - 1» жауапкершілігі шектеулі серіктестіктерін ерекше атап өтуге болады. Сондай-ақ, күріштің әр гектарынан 90-100 центнерден өнім алған күрішші-звеноводтарымызды мақтан тұтамыз. Қамбамыз дәнге, қорамыз малға толып, халқымыздың құт-берекесі арта берсін», - деді облыс әкімі. &nbsp;</blockquote>
Сыр дихандары осы жылы күріш егуді жылдағыдан ерте 15 сәуірде бастап, 10 қазанға дейін аяқтады. Өңірде суды үнемдеу мақсатында Қазалы ауданында жаңбырлатып суару тәсілімен 87 гектар жерге жүгері егілсе, алғаш рет түрік компаниясымен бірлескен құны 13,8 млрд.теңге болатын қызанақ пастасын өндіретін зауыт салынады. Өндіріс жылына 24 мың тонна қызанақ пастасын шығарады.
Тағы бір атап өтерлігі, биыл аймақта бақша өнімдерін егуге басымдық берілді. Облыс әкімінің тапсырмасы аясында ірі шаруашылықтар егіс егуге ынталы ауыл халқына 10-15 гектардан жер дайындап, 6802 отбасы 1833 гектарға өнім еккен.
Салтанатты шарада ауыл шаруашылығы саласына елеулі үлес қосқан қос қайраткер Жарылқасын Шәрiпов пен Имамзада Шағыртаев«Қызылорда облысының Құрметтi азаматы» атанды. Сондай-ақ, "Алтын дән" шарасында бірқатар сала қызметкері облыс әкімінің «Құрмет» грамотасы, ҚР Ауыл шаруашылығы министрлігінің «Еңбек ардагері» медалі мен «Ауыл шаруашылығы саласының үздігі» төсбелгісімен марапатталды. Ал, жыл қорытындысымен топ жарған озаттар түрлі номинация иеленді.
Салтанатты шарада облыс әкімі «Мағжан и К» ЖШС үздік қызметкерлеріне «Lada Vesta» жеңіл автокөлікін сыйға тартса, «Жаңажол», «Ақжарма и К» қожалықтарына «Lada Granta» тұлпарын табыстады. Ал, «Таң ЛТД» ЖШС мен «Ақжар» шаруа қожалығы озат жұмысшылары «Chevrolet» автокөлігін мінді.
Аудандар арасында «Ауыл шаруашылығы өнімдерін өңдеу саласы» номинациясы бойынша Қазалы ауданы марапатталса, «Мал шаруашылығы» саласында Арал ауданы үздік болды. Сондай-ақ, «Егін шаруашылығы» номинациясында Шиелі ауданы жеңімпаз атанды, ал «Агроөнеркәсіп кешенін дамытуда ең жоғарғы көрсеткіштерге қол жеткізген үздік аудан» атағы Сырдария ауданына бұйырды.
Құрмет төрінен орын алған еңбккерлер арасында озат шопан, бақша өсіруші, күріш өсіруші, комбайншы, агроном, бригадир арнайы алғысқа кенелді.&nbsp;
Мерекелік кеш концерттік бағдарламаға ұласты. Сыр елінің сахна жұлдыздары дала еңбеккерлерінің құрметіне әуезді ән айтып, мерекені думанға бөледі.
Айта кетейік, ертең диқаншылар жиған өнімдерін тоқшылық мерекесі жәрмеңкеге апарады. Сырбойылықтар 1000 тонна өнімді базар бағамынан 15-20 пайыз төмен бағада ала алады. &nbsp;
<img src="https://knadmin.beoblood.kz/uploads/311586058_407217044932879_4606225963962915055_n_b0db73ac5e.jpg" alt="311586058_407217044932879_4606225963962915055_n.jpg"><img src="https://knadmin.beoblood.kz/uploads/311624517_407220178265899_5756547363876564762_n_9ec303325c.jpg" alt="311624517_407220178265899_5756547363876564762_n.jpg"><img src="https://knadmin.beoblood.kz/uploads/311603541_407220154932568_6964862013336097145_n_2cff827e2c.jpg" alt="311603541_407220154932568_6964862013336097145_n.jpg"><img src="https://knadmin.beoblood.kz/uploads/311572046_407217314932852_5466879463477682806_n_4402b62b6c.jpg" alt="311572046_407217314932852_5466879463477682806_n.jpg"><img src="https://knadmin.beoblood.kz/uploads/311316273_407220801599170_2737500559869197606_n_6716f4c6d4.jpg" alt="311316273_407220801599170_2737500559869197606_n.jpg">

Алтын дән-2022: Қызылордада үздік шаруалар автокөлік мінді

<a href="https://kyzylorda-news.kz/">Kyzylorda-news.kz.</a> 12 қазанда Испания мемлекетіндегі Понтеведра қаласында ерлер, әйелдер, кадеттер мен жасөспірімдер арасында грэпплингтен әлем чемпионаты басталды. Жарысқа әлемнің 24 елінен 300-ден астам спортшы қатысуда.
 Чемпионат бағдарламасын кадеттер (16-17 жас) мен жасөспірімдер (18-20) ашты. Жарыс қорытындысы бойынша біздің құрама жалпыкомандалық есепте бірінші орынды иеленді. Қазақ спортшылары Испания, Украина, Израиль, Қырғызстан және Франция құрамаларын артта қалдырып, 26 алтын, 21 күміс және 13 қола медаль жеңіп алды.&nbsp;
 Айта кету керек, біздің команда екі жас санатында (кадеттер мен жасөспірімдер) екі бөлімде (No Gi және Gi) бірінші орын алып, жетістікке жетті. Өткен жылы тек кадеттер 16-17 жас аралығында бірінші орынды қанағат тұтқан. &nbsp;
Айта кетейік, 14-15 қазанда ерлер мен әйелдер жарысады. Еліміздің намысын қорғап жүрген нәзікжандыларға алдағы сайыста сәттілік тілейміз. &nbsp;
<img src="https://knadmin.beoblood.kz/uploads/39_9e0b46a649.JPG" alt="39.JPG">

Грэпплингтен Қазақстан жастар құрамасы бірінші орынға ие болды

<a href="https://kyzylorda-news.kz/">Kyzylorda-news.kz.</a> Өрт сөндіру-құтқару спорты турнирінің соңғы күні қатысушылар «Жауынгерлік қанат жаю» кезеңі бойынша сынға түсті. Кезең шартына сәйкес команда қатысушылары старт берілгеннен кейін мотопомпа мен өрт-техникалық жарақ орналасқан қалқан алаңына жүгіріп келеді. Өзара бірлесіп магистральды желіні мотопомпамен, тармақпен біріктіріп, әрбірінде бір түтікқұбыры бар екі жұмыс желісін жаяды. Оқпаншылар позицияға тұрады, осы мезетте сорғыш түтікқұбыр су алу торы мен мотопомпаға қосылады. Одан әрі жабдық іске қосылып, резервуардан су алынады. Түтікқұбыр бойымен берілген су екі нысананы көздейді. Екі нысанада да жарықшамдар жанғанда ғана жаттығу орындалған болып есептеледі. Бұл жарысқа барлық команда тыңғылықты дайындықпен келгені байқалды. &nbsp; &nbsp;
Бүгінгі шарада командаларға жанкүйер ретінде &nbsp;қала тұрғындары да өрт сөндіру бөлім ауласына жиналды. Қызықты әрі тартысты өткен кәсіби спорттың бұл кезеңінде 1 орынды №5 өрт сөндіру бөлімі, 2 орынды Жаңақорған ауданының №14 өрт сөндіру бөлімі жеңіп алса, 3 орын №1 мамандандырылған өрт сөндіру бөліміне бұйырды. Екі күн бойы команданың ұжымдық бірлігі мен кәсіби біліктілігі, ептілік пен шапшаңдығы сынға түскен Өрт сөндіру-құтқару спортында жалпы командалық есеппен жүлделі 1 орынға №1 мамандандырылған өрт сөндіру бөлімі, 2 орынға №5 &nbsp;өрт сөндіру бөлімі мен 3 орынға Жаңақорған ауданының №14 өрт сөндіру бөлімі лайық деп танылды.&nbsp;
Осылайша қарсыластарын щаң қаптырған шын жүйріктерге демеушілік танытқан «Тұлпар и К» ЖШС-нің директоры Ғ.Төрешовтың қаржылай сыйлығын Қызмет бастығы азаматтық қорғау полковнигі Ә.Баякеев жеңімпаздарға арнайы Кубокпен бірге табыстады. &nbsp;<img src="https://knadmin.beoblood.kz/uploads/Whats_App_Image_2022_10_14_at_18_46_05_1_666b5f0793.jpeg" alt="WhatsApp Image 2022-10-14 at 18.46.05 (1).jpeg"><img src="https://knadmin.beoblood.kz/uploads/Whats_App_Image_2022_10_14_at_18_46_05_2_3856ee7381.jpeg" alt="WhatsApp Image 2022-10-14 at 18.46.05 (2).jpeg"><img src="https://knadmin.beoblood.kz/uploads/Whats_App_Image_2022_10_14_at_18_46_04_0158e7fdb7.jpeg" alt="WhatsApp Image 2022-10-14 at 18.46.04.jpeg"><img src="https://knadmin.beoblood.kz/uploads/Whats_App_Image_2022_10_14_at_18_46_03_1_4272d76387.jpeg" alt="WhatsApp Image 2022-10-14 at 18.46.03 (1).jpeg">

Қазақстан және Қызылорда облысының жаңалықтары