<a href="https://kyzylorda-news.kz/">Kyzylorda-news.kz.</a> Аудан әкімдігі жанындағы кәсіпкерлер кеңесінің кезекті отырысы өткізілді. Жиынға төрағалық еткен аудан әкімі С. Сермағамбетов шағын және орта бизнесті дамыту – бүгінгі күннің басты талабы екенін айтты.
Алдымен аудандық кәсіпкерлік, өнеркәсіп және туризм бөлімінің басшысы Р. Жанаев аталған саланың даму барысы жөнінде хабарлама жасады.
Аудан бойынша жұмыс жасап тұрған шағын және орта кәсіпкерлік субъектілері 4270 бірлікті құрайды. Бұл өткен жылғы сәйкес кезеңмен салыстырғанда 16,9 пайызға өсім алған. Дегенмен, аудан бойынша тіркелген кәсіпкерлік субъектілер халық санындағы үлесі бойынша аудандар арасында төменгі көрсеткішті көрсетуде. Жыл басынан бері ауданда мемлекеттік бағдарламалар мен жалпы қаржы институттары арқылы 24 жоба несиелендірілсе, 16 жоба қаржы ұйымдары арқылы мақұлданған.
Бөлім басшысы баяндама барысында кәсіпкерлік нысандардың уақытша тоқтамға қойылған жағдайларын да айтып өтті.
Мұнан кейін аудандық кәсіпкерлік палатасының директоры Н. Ембергенова кәсіпкерлердің құқықтарын қорғау және оларды қолдау бағытында атқарылып жатқан жұмыстарға тоқталды. 
Бұдан бөлек Сазды, Бекбауыл, Жетес би ауылдық округтерінің әкімдерінің кәсіпкерлікті дамыту бағытында жүргізіліп жатқан жұмыстар жөніндегі хабарламасы тыңдалды.
Хабарламашылардан кейін аудан әкімі қала,кент және ауылдық округ әкімдеріне кәсіп жасауға ниетті тұрғындарға мемлекеттік бағдарламалар жөнінде түсіндіріп, қажетті ақыл-кеңес беріп, микро қаржы ұйымдары құжаттарын рәсімдеу үшін сүйемелдеу қажеттігін тапсырды. Сонымен бірге белсенді халық ішінен кәсіпкерлікпен айналысатындардың үлесін нақты айқындау үшін тиісті жұмыс жүргізуді тапсырды.
Сонымен бірге аудан әкімінің жауапты орынбасары мен бөлім басшыларына өз мақсатына пайдаланылмай келе жатқан жер телімдерін заңды түрде қайтару жөнінде және мемлекеттік грант қаражаттарының уақытылы және нысаналы мақсатына сәйкес үйлестірілуін бақылауға алу жүктелді.
<img src="https://kyzylorda-news.kz/wp-content/uploads/2022/06/291239528_3302108543450842_4292559423676819234_n.jpg" alt="" />
<img src="https://kyzylorda-news.kz/wp-content/uploads/2022/06/291318265_3302108506784179_855110502899709179_n.jpg" alt="" />

Арал ауданында кәсіпкерлік саласы 16,9 пайызға өсті

<a href="https://kyzylorda-news.kz/">Kyzylorda-news.kz.</a> Партияның сайлауалды бағдарламасында «Қайырымды қоғам – таза экология» бағытында табиғатты қорғау бойынша кешенді шаралар белгіленген. Олардың қатарында елімізде 2 миллиард, оның ішінде қалаларда 15 млн. ағаш отырғызып, орман алаңдарын 500 мың гектарға дейін ұлғайту көзделсе, аймақтық деңгейде бағдарламаны жүзеге асырудың Жол картасында ағымдағы жылы облыс бойынша 99,5 мың ағаш-бұта екпелерін отырғызу, жасыл аймақтарда 152,3 мың дана екпелер отырғызу,оның ішінде ағаш-бұта екпелерінің шығымдылығын 65% жеткізу, жасыл желектер санын 5,4%-ға арттыру мақсатында Қызылорда қаласындағы қолданыстағы ирригациялық жүйелерді қалпына келтіру жоспарланды.
«AMANAT» партиясы облыстық филиалы жанындағы экологиялық мәселелер жөніндегі қоғамдық кеңестің кезекті отырысы өтіп, осы бағыттағы жұмыстардың орындаласы талқыланды.
Кеңес отырысына кеңес мүшелері, облыстың табиғи ресурстар және табиғатты пайдалануды реттеу басқармасы, басқа да құзырлы органдар және облыстық мәслихат депутаттары, осы салаға жауапты аудан әкімдерінің орынбасарлары ZOOM бағдарламасы арқылы қатысты.
Жоғарыда аталған шаралардың орындалуы жөнінде сөз алған облыстық табиғи ресурстар және табиғатты пайдалануды реттеу басқармасы басшысының орынбасары Қайрат Жансұлтанұлның айтуынша Қызылорда қаласы және Арал, Қазалы ауданы әкімдіктері тарапынан ағаш көшеттері толығымен отырғызылмаған.
Сонымен қатар, жасыл аймақ құру бойынша 152,3 мың дана көлемнің 34,6 мың дана ағаш көшеттері егілген. Бөлінісіне келсек, Қызылорда қаласы және Арал, Сырдария, Жаңақорған аудан әкімдіктері әлі күнге дейін бұл жұмыстарды орындамады. Ал, Қазалы, Жалағаш аудан әкімдіктері тарапынан белгіленген жоспар толығымен орындамай отыр. Биыл егілген көшеттердің шығымдылығы күз айларында белгілі боламақ. Осы орайда басқарма басшысының орынбасары қала және аудандар тарапынан жасыл аймақ құру бойынша жобалық сметалық құжаттардың әзірленбеуіне байланысты 2022 жылғы 251,8 мың дана ағаш егу жұмыстарының көлемін 122,6 мың данаға түсіруді ұсынды. Жиын барысында мәселеге қатысты жоспарды орындамай отырған аудан әкімдері орынбасарларының жауаптары тыңдалып, тиісті ұсынымдар берілді.
Екінші Қызылорда қаласындағы қолданыстағы ирригациялық жүйелерді қалпына келтіру мәселесі бойынша қалалық тұрғын үй-коммуналдық шаруашылығы, автомобиль жолдары, жолаушылар көлігі және тұрғын үй инспекциясы бөлімінің басшысы Ғалымжан Қайназаров хабарлама жасады.
Өңірдің экологиялық ахуалы Сырдария өзені бассейінінің кепілді сумен қамтамасыз етілуіне тікелей тәуелді.
Алайда облыс орталығынан Сырдария өзені мен Оңжаға магистралдық каналы өтіп жатқанына қарамастан аяқ сумен қамтылу көрсетікіші 30-35 пайызды құрайды. Осы мәселе бүгінгі күнге дейін шешімін таппай отыр.
Бөлім басшысының айтуынша күрделі болып отырған Қызылорда қаласындағы су тапшылығының алдын алу мақсатында барлығы 458 млн теңгені құрайтын 31 дана техникалық ұңғымалар орнату бойынша республикалық бюджетке өтінім жолданып, Үкімет резервінен қолдау тауып отыр.Оның ішінде қалаға 12 және қалаға қарасты кент, ауылдық округтерге 19 дана техникалық ұңғымалар орнатылмақ.
Жиын барысында Кеңес төрағасы Нұрбол Аппазов экологиялық аухал біздің өңірде күрделі болғандықтан, туындаған мәселелерге құзырлы органдармен жедел әрекет етіп, олардың шешілуіне мұрындық болу керектігін тілге тиек етіп, қала, аудан әкімдеріне ұсыныстар жолдады.

Экологиялық мәселелер жөніндегі қоғамдық кеңестің кезекті отырысы өтті

<a href="https://kyzylorda-news.kz/">Kyzylorda-news.kz.</a> Бұдан былай Жер қойнауын өз бетінше пайдаланғандар 3 жылға дейін бас бостандығынан айырылуы мүмкін. Мәжілісте Экология, геология және табиғи ресурстар министрі Серікқали Брекешев Қылмыстық кодекске осындай түзету енгізуді ұсынды, деп хабарлайды <a href="https://lenta.inform.kz/kz/zher-koynauyn-oz-betinshe-paydalangandar-3-zhylga-deyin-bas-bostandygynan-ayyryluy-mumkin_a3949366">ҚазАқпарат.</a>
<blockquote>
 «Қылмыстық кодекстің «Жер қойнауын өз бетінше пайдалану», яғни, 334-бабында жазаның бұлтартпастығын қамтамасыз ету және жер қойнауын заңсыз өндіруге жол бермеу мақсатында 334-баптың 1-бөлігі «қылмыстық теріс қылық» санатынан «қылмысқа» ауыстырылып, 3 жылға дейін бас бостандығынан айыру түріндегі жазаны енгізу арқылы санкция күшейтіледі. Осы баптың 2-бөлігінің санкциясы да 3 жылдан 4 жылға бас бостандығынан айыру түріндегі жазаны қатаңдату арқылы өзгертілді. Осы баптың 1-бөлігінің диспозициясына өзгерістер енгізілді. Атап айтқанда, қылмыстық құқық бұзушылықтың құрамын қалыптастыру үшін келтірілген залал мөлшерінің шегі, яғни ірі мөлшерден елеулі залалға дейін төмендетілді. 3-бөлімде ерекше қорғалатын табиғи аумақта аса ірі залал келтіргені үшін жазаның неғұрлым қатаң түрін қарастыру ұсынылады», – деді министр.
</blockquote>
Оның айтуынша, «Ағаштар мен бұталарды заңсыз кесу, жою немесе зақымдау» кодекстің 340-бабында «теріс қылық» санатынан «қылмыс» санатына ауыстыру туралы өзгерістер енгізілген.
<blockquote>
 «Ерекше қорғалатын табиғи аумақтар режимін бұзу» 342-бабының 1-бөлігі күшейтіледі және біліктілік белгілері бөліне отырып, 3 және 4-бөліктермен толықтырылады, сондай-ақ аса ірі залал келтірген әрекеттер үшін жауапкершілік көзделеді», – деді Серікқали Брекешев.
</blockquote>

Жер қойнауын өз бетінше пайдаланғандар 3 жылға дейін бас бостандығынан айырылуы мүмкін

<a href="https://kyzylorda-news.kz/">Kyzylorda-news.kz.</a> Қазақстан аумағында атмосфералық ауа ағындарының өтуіне байланысты күн күркіреп, жаңбыр жауады, деп хабарлайды Қазгидромет.
<blockquote>
 «1 шілде республиканың шығысында, 2 шілде батысында нөсер жауын, бұршақ жауады. Дауыл соғып, жел күшейеді. Солтүстік-батыс антициклонының көшуіне байланысты ауа температурасы төмендеп, күн суытады», – делінген хабарламада.
</blockquote>

Қазақстанда алдағы үш күнде күн суытады

<a href="https://kyzylorda-news.kz/">Kyzylorda-news.kz.</a> Мемлекет басшысының Жарлығы аясында Қыхзылорда облысының әкімі Нұрлыбек Нәлібаев Шиелі ауданының халқымен кездесті.
Аймақ басшысы ауданның әлеуметтік-экономикалық даму көрсеткіштеріне тоқталып, алдағы уақытта атқарылуы тиіс міндеттерді атап өтті. Сондай-ақ, инфрақұрылым тарту, мал шаруашылығындағы өзекті мәселелерге тоқталды.
<blockquote>
 «Мемлекет ауыл шаруашылығын дамытуға жыл сайын облысқа 15 млрд. теңге көлемінде қаржы бөліп келеді. Бұл өз кезегінде аз қаржы емес, оны тиімді және мақсатты пайдалансақ, өрісімізді кеңейтуге мүмкіндік бар. Қолдау шараларының арқасында мал басы санында өсім бар. Мәселен, Шиелі ауданында ет 101,7%, сүт 100,9%, мал басы 105%-дан 119%-ға дейін өсті. Ендігі кезекте мал өнімдерін өндірумен қатар оны қалдықсыз өңдеуге мән береміз», – деді Нұрлыбек Нәлібаев.
</blockquote>
Шиелі ауданында «Қазсушар» кәсіпорны теңгеріміндегі жалпы ұзындығы 83 шақырым болатын 6 каналға механикалық тазалау жұмыстары жүргізіліп, 15 дана насос қондырғысы сатып алынған. Сондай-ақ, «Сайфурхан» каналына тазалау жұмыстары жүргізілуде.
Ауданда «Шиелі-Жеміс-жидек» автожолында орналасқан көпір және «Шиелі-Қарғалы-Байкенже-Жаңақорған» автожолы бойындағы көпірдің күрделі жөндеу жұмыстары биыл аяқталады. Мұнымен қоса, «Ауыл – Ел бесігі» бағдарламасы аясында аудан елді-мекендерінің 23 көшесін орташа жөндеу жұмыстары жыл аяғына дейін орындалады.
Кездесуде білім беру саласы мен бұқаралық спортты дамытудың перспективалары айтылды. «Ауыл – Ел бесігі» жобасы аясында биыл Гигант ауылындағы №148, Жақаев ауылындағы №149, Шиелі кентіндегі №45 мектептердің жылу қазандықтары қайта жаңғыртылады. Сондай-ақ, Байсын ауылында 250 орындық мектеп құрылысы басталмақ.
Аймақ басшысы Бала би ауылындағы балалар-жасөспірімдер спорт мектебінің ғимараты, Көкшоқы ықшам ауданындағы спорт кешенінің ғимараты күрделі жөндеуден өтетінін айтты.
Басқосу соңында облыс әкімі аудан тұрғындарының сауалдарына жауап беріп, кезектілік тәртібімен азаматтарға жеке қабылдау өткізді.
<img src="https://kyzylorda-news.kz/wp-content/uploads/2022/06/291089043_332229299098321_6466876463756997048_n.jpg" alt="" />
<img src="https://kyzylorda-news.kz/wp-content/uploads/2022/06/290988335_332229342431650_4493691629165940700_n.jpg" alt="" />

Нұрлыбек Нәлібаев: Мал өнімдерін өндірумен қатар оны қалдықсыз өңдеуге мән береміз

<a href="https://kyzylorda-news.kz/">Kyzylorda-news.kz.</a> Табиғи монополиялар туралы заңнамасына сәйкес, табиғи монополия субъектісі сырттағы ауаның нақты температурасын ескере отырып, жылу энергиясымен жабдықтау бойынша реттеліп көрсетілетін қызметтің құнын тұтынушыларға тікелей не тұтынушының тұрған жерін анықтау мүмкін болмаған жағдайда жылу энергиясымен жабдықтау бойынша реттеліп көрсетілетін қызметке ақы төлеу кезінде тарифті төмендету арқылы қайта есептеуді жүргізуге міндетті.
Осылайша, жылумен жабдықтау саласындағы субъект-монополистердің ұсынған деректері бойынша, бірақ ҚР ҰЭМ Табиғи монополияларды реттеу комитетінің Қызылорда облысы бойынша департаменті енгізген түзетулерді ескере отырып, қайта есептеу сомасы келесідей қалыптасқан.
1. «Қызылордажылуэлектрорталығы» МКК – 38 004,74 ҚҚС-мен мың теңге, оның ішіінде:
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – ЖҮЕА-сыз – 36 535,63 ҚҚС-мен мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – тозығы жеткен – 1 445,51 ҚҚС-мен мың теңге;
&nbsp;&nbsp;&nbsp;&nbsp;&nbsp;&nbsp;&nbsp; – өзгелер – 24,23 ҚҚС-мен мың теңге.
2. «Қызылордажылуэлектрорталығы» МКК-ның «Қазалы-Теміржолжылу» филиалы – 794,205 ҚҚС-мен мың теңге.
3. «Теміржолсу-Қзыл-Орда» ЖШС – 10,10 ҚҚС-мен мың теңге.
4. «Сырдария-Нұрдаулет» ЖШС – 15,08 ҚҚС-мен мың теңге.
Тұтынушыларға қайтарылуға жататын жалпы сома ҚҚС-мен 38 824,76 ҚҚС-мен мың теңгені құрады.
Қазақстан Республикасы Ұлттық экономика министрінің 2019 жылғы 19 қарашадағы №90 бұйрығымен бекітілген Тарифтерді қалыптастыру қағидаларының 529 және 530-тармақтарына сәйкес, өткен жылыту кезеңі ішінде жылумен жабдықтау бойынша көрсетілетін қызметтерге ақы төлеу кезінде тарифті төмендету берілген шоттардағы төлем сомасын қайта есептеу шамасына төмендету жолымен жүргізіледі.
Субъект тұтынушылардың назарына коммуналдық қызметтерге ақы төлеу туралы төлем құжатында қаражатты қайтару сомасы туралы ақпаратты аванс (сальдо) түрінде оған ескертпемен қоса жеткізеді.
Авансқа (сальдо) ескертпеде осы сома сыртқы ауаның нақты температурасын ескере отырып, жылу энергиясымен жабдықтау жөніндегі реттеліп көрсетілетін қызметтің құнын қайта есептеу нәтижесі болып табылатыны туралы ақпарат көрсетіледі.
Қайта есептеу жалпы үйлік және жеке жылу энергиясын есептеу аспаптары жоқ тұтынушыларға жүргізілетінін атап өту қажет.

Қызылордалықтардың жылуға төлеген 38 млн теңгесі қайтарылады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың мемлекеттік сатып алу және квазимемлекеттік сектор саласында бір көзден сатып алуларды барынша азайтып, бәскелестік ортаны жетілдіру тапсырмасы бар екені белгілі.
Осыған байланысты, мемлекеттік сатып алу Заңына өзгерістер енгізіліп, тауарларды, жұмыстар мен қызметтерді бір көзден сатып алу нормалары 52-ден 48-ге азайтылған.
Облыс әкімінің тапсырмасына сәйкес, Заңның осы нормаларының орындалу барысы бүгін облыс әкімінің орынбасары Мархабат Жайымбетовтың төрағалығымен өткен мәжілісте талқыланды.
Мәжіліске Қызылорда қаласы мен барлық аудан әкімдерінің орынбасарлары, білім, денсаулық, құрылыс, энергетика және мемлекеттік сатып алу басқармаларының басшылары, бірқатар мектептердің директорлары мен тапсырыс беруші мекемелердің өкілдері қатысты.
Мемлекеттік сатып алулардың бір қатар өзекті мәселелері талқыланған мәжілісте бірінші басшыларға орын алған кемшіліктер мен бұзушылықтарды жою, оларды алдағы уақытта болдырмау туралы нақты тапсырмалар берілді.
Сонымен қатар, уәкілетті органдармен бірлесіп қолданыстағы заңнамадағы өзгерістер мен толықтыруларды семинар-кеңестерде талқылау ұсынылды.

Мемлекеттік сатып алудың мәселелері талқыланды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Нұрлыбек Нәлібаев Шиелі ауданына жасаған жұмыс сапары аясында Ақмая, Алғабас ауылын көгілдір отынға қосу салтанатты шарасына қатысты.
Аймақ басшысы алдымен Ақмая елді мекені тұрғындарын құттықтап, халықтың тұрмысына қажетті ауыз су, газ тарту, жол салу мәселелерінің кезең-кезеңімен шешілетінін тілге тиек етті.
<blockquote>
 «Елді мекендерді көгілдір отынмен қамтамасыз ету қарқынды жүзеге асып, ауданның жаңа тынысы ашылып келеді. Соның дәлелі – биыл Шиелі кенті 100 пайыз газбен қамтылды. Жақаев, Бидайкөл, Байсын, Н.Бекежанов, Қодаманов елді мекенінің тұрғындары көгілдір отын игілігін көруге мүмкіндік алды. Осындай нәтижелі жұмыстың арқасында аудан халқының әлеуметтік жағдайы жақсарып, тұрмысы түзелуде. Табиғи газ – тіршілікті жеңілдетіп қана қоймай, қоршаған ортаны қорғауға, орман қорын сақтауға зор мүмкіндік береді. Сондықтан игілікті істің адамзат үшін пайдасы зор», – деді Нұрлыбек Нәлібаев.
</blockquote>
Бұған дейін ауыл халқы жыл сайынғы есепті кездесуде елді мекенге көгілдір отын жүргізуді жиі көтеріп келген. Бүгін Ақмая ауылындағы 500-ге жуық тұрғын үй табиғи газбен қамтамасыз етілді. Айта кетейік, бұл мақсатқа республикалық, жергілікті бюджеттерден 460 млн. теңге қаралған. 
Ал, Алғабас ауылындағы 600-ге жуық үйді табиғи газбен қамтуға республикалық және жергілікті бюджеттен 488 млн. теңге бөлінген.
Салтанатты шараға қатысқан өңір басшысы ауыл халқының өмір сүру деңгейі қалалықтармен теңескенін жеткізіп, қуаныштарына ортақтасып, ақжарма тілегін жеткізді.
Айта кетейік, алдағы уақытта Шиелі ауданына қарасты Бестам, Досбол датқа, Еңбекші, Жиделіарық елді мекендеріне газ құбырын жүргізуге қажетті бюджеттік өтінім тапсырылса, Алмалы, Тәжібаев елді мекендеріне газ құбырын жүргізудің жоба-сметалық құжаттамалары әзірленіп, сараптамаға ұсынылды.
Биыл ауылдық елді мекендерді газдандыру бойынша 13 жобаны іске асыру басталса, оның 7-уі осы жылы аяқталады. Нәтижесінде, 15 мыңнан астам халқы бар 7 елді мекен табиғи газға қол жеткізіп, оны тұтынатын халық санының үлесі 68 пайызға жетпек. Бүгінде Шиелі ауданын табиғи газбен қамту үлесі 56,4% құрайды.
<img src="https://kyzylorda-news.kz/wp-content/uploads/2022/06/291116825_332230939098157_114194195158687792_n.jpg" alt="" />
<img src="https://kyzylorda-news.kz/wp-content/uploads/2022/06/291091446_332231162431468_6883363150134934053_n.jpg" alt="" />

Шиелі ауданындағы екі елді мекен көгілдір отынға қосылды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қазақстанның еңбек сіңірген қайраткері Ержан Уәйіспен кездесіп, мерейлі 70 жасқа толған мерейтойымен құттықтап, ілтипатын көрсетті.
Аймақ басшысы қайраткердің ел мүддесі жолындағы қызметін ерекше атап өтіп, Дүниежүзі қазақтары қауымдастығының Түркия еліндегі өкілдігінің жетекшісі ретіндегі қызметіне сәттілік тіледі.
<blockquote>
 «Сізді еліміз Тәуелсіздік алғаннан кейін шетелде аккредитацияға тіркелген тұңғыш қазақ журналисі ретінде барша жұрт жақсы біледі. 2007 жылы Өзіңіздің туған топырағыңыз – Сыр еліне келіп, туған жерге деген перзенттік парызыңызды өтеп келесіз. Осы жылдар ішінде Қызылорда облысы әкімінің кеңесшісі, облыстық тілдерді дамыту басқармасының басшысы қызметтерін абыроймен атқарып, қазірдің өзінде аймақтағы қоғамдық келісім мен этносаралық бірлікті нығайту бағытында жемісті еңбек етіп келесіз. Сізді тағы да Өз атымнан және облыс тұрғындары атынан мерейлі жасыңызбен құттықтай отырып, Өзіңізге ұзақ ғұмыр, мықты денсаулық, отбасыңызға амандық тілеймін. Ел мүддесі жолындағы еселі еңбегіңіздің жемісін көре беріңіз» – деді Нұрлыбек Нәлібаев.
</blockquote>
Жиында өңір басшысы Ержан Үбайдаұлына ҚР Парламенті Сенатының және Мәжіліс төрағаларының арнайы құттықтау хатын табыстады.
<img src="https://kyzylorda-news.kz/wp-content/uploads/2022/06/290993993_332472022407382_6262982866521293553_n.jpg" alt="" />

Нұрлыбек Нәлібаев мерейтой иесі Ержан Уәйіске құрмет көрсетті

<a href="https://kyzylorda-news.kz/">Kyzylorda-news.kz.</a> Атмосфералық фронталды бөліктердің әсерінен Қазақстан аумағының басым бөлігінде құбылмалы күн райы сақталады. Найзағай ойнап, жаңбыр жауады, деп хабарлайды Қазгидромет.
Солтүстікте, солтүстік-батыста, оңтүстікте, оңтүстік-шығыста – бұршақ, солтүстікте, солтүстік-батыста, оңтүстікте – дауыл, оңтүстік-батыста, оңтүстікте – шаңды дауыл күтіледі. Республика бойынша екпінді жел болжанады.
Қызылорда облысының оңтүстігінде қатты ыстық болады. Ауа температурасы +36 +38 градусты көрсетеді.

Қызылордада бүгін де аптап ыстық болады

Kyzylorda-news.kz. Сыр елінде бұқаралық ақпарат құралдары қызметкерлері күніне арналған «Қанатты қалам-2022» мерекелік салтанатты шарасы өтіп, аймақ басшысы Нұрлыбек Нәлібаев журналистерді төл мерекемен құттықтап, ақжарма тілегін арнады.
Аймақ басшысы ақпарат ағынынан қалмай, өз көрермендері мен оқырмандарына адал қызмет етіп, мамандығын қадір тұтқан журналистердің қоғамда алар орнына тоқталды.
<blockquote>
 Ақпарат тасқыны алапат дәуірде таңдаған мамандығына адал болып, ұстанымын өзгертпеген, қалам қасиетін ардақ тұтқан журналистер қауымына жақсы тілектерімізді айту үшін жиналып отырмыз. 
 Өздеріңіздей туған жердің тарихын қадір тұтып, бүгінгісіне марқайып, ертеңіне алаңдайтын қауыммен жүздесу біз үшін үлкен қуаныш. 
 Тәуелсіздіктің алғашқы күндерінен бастап ел дамуының барлық кезеңдерінде бүгінімізді бекем, болашағымызды жарқын ету жолында Сіздер де зор үлес қосып, ең қиын сәттерде жүректерге сенім ұялататын шынайы ақпарат тараттыңыздар, халықтың ертеңге деген сенімін арттырдыңыздар. 
 Ұлт болып ұйысуға, мемлекет болып ілгерілеуге бағытталған елдік шаруаларға, Мемлекет басшысының тапсырмаларын жүзеге асыруға қосқан өлшеусіз үлестеріңіз үшін өздеріңізге риясыз алғысымызды айтамыз,-деді Нұрлыбек Нәлібаев.
</blockquote>
Аймақтың ақпарат саласының дамуына елеулі үлес қосқан бірқатар БАҚ өкілі облыс әкімінің арнайы марапатына ие болып, құрмет төрінен көрінді. 20 БАҚ өкіліне арнайы номинация, 10 сала ардагеріне шипажайға жолдама берілді. Сондай-ақ, С.Бермағанбетов атындағы жас журналистер 
байқауының жеңімпаздары марапатталды.
Салтанатты жиында журналистер мерекелік думанды әнге бөледі. Сондай-ақ, Сырдың өнерпаздары қалам ұстаған қауымға құрмет көрсетті.
Айта кетейік, бүгінде облыстың медиа кеңістігінде 130-дан аса БАҚ жұмыс істейді.
<img src="https://kyzylorda-news.kz/wp-content/uploads/2022/06/fb_img_1656435353982.jpg" alt="" />
<img src="https://kyzylorda-news.kz/wp-content/uploads/2022/06/fb_img_1656435350856.jpg" alt="" />
<img src="https://kyzylorda-news.kz/wp-content/uploads/2022/06/fb_img_1656435348105.jpg" alt="" />

Нұрлыбек Нәлібаев журналистерді төл мерекемен құттықтады

Kyzylorda-news.kz. «Бақытты отбасы» бағдарламасы бойынша атқарылған жұмыстар, «Өмірлік қиын жағдайға қалған отбасыларға көмек көрсету мәселесі бүгін партияның облыстық филиалы жанындағы Отбасы және халықты әлеуметтік қорғау мәселелері бойынша қоғамдық кеңестің Арал ауданында өткен көшпелі отырысында қаралды.
Жалпы Ара ауданы бойынша қала, 2 кент және 21 ауылдық округте «Бақытты отбасы» партиялық жобасы жүзеге асыру мақсатында қиын отбасыларды, отбасында әйелдер мен балаларға қатысты зорлық-зомбылықты, қатыгез қарым-қатынасты және басқада құқық бұзушылық фактілер мен мекемелерде емделіп, тәрбиеленіп жатқан балаларға қатысты құқыққа қарсы әрекеттерді анықтау үшін, сондай ақ барлық анықталған жағдайлар бойынша атаулы, адрестік көмек көрсету мақсатында жедел әрекет ету топтары құрылып жұмыс жасауда. Топ құрамына аудандық ішкі істер, білім бөлімдері мен аудандық аурухана мамандары қамтылған.
Жиын барысында аталмыш топтың атқарған жұмыс жөнінде Аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі басшысының міндетін атқарушы. Әнуар Әзбергенов баяндап өтті. Оның айтынша өткен жылы аталмыш топтар 28 отбасымен нақты жұмыс жүргізілген. Қызылорда қаласындағы «Самұрық» инновациялық идеяларды дамыту орталығы» қоғамдық қоры жанындағы «Қамқорлық» дағдарыс орталығына 2021 жылы 2 отбасы есепке алынып, «Тұрмыстық зорлық-зомбылық құрбандарына арнаулы әлеуметтік қызметтер көрсету» стандартына сәйкес арнаулы әлеуметтік көмектер алған.Болат Өтемұратов» қорынан 3 отбасы және «Қарекет» қорынан 1 отбасы тегін жеке баспанамен қамтылған.
7 бала балабақшаға орналастырылып, ерекше күтімді қажет ететін отбасылардағы азаматтарға қамқоршылық және мүгедектік тағайындалуына құқықтық кеңес берілсе, 6 азамат жұмысқа орналастырылып, 5 адам қайтарымсыз несие алған.
<blockquote>
 2022 жылдың 5 айында атқарылған жұмыстарға келер болсақ жыл басынан бері 40 отбасының әлеуметтік жағдайына зерделеу жұмыстары жүргізіліп, осы отбасылардың ішінен тұрмыс жағдайы төмен жан-жақты көмек түрлерін қажет ететін 12 отбасымен жұмыс жасалып жатыр. 
 Атап айтар болсақ: 3 отбасы жер телімін алуға кезекке қойылды, 4 отбасы мүшесі жеке кәсіпкерге тұрақты жұмысқа орналастырылды, 2 отбасының балалары бала мүгедектігіне шығарылды, – дейді Әлімжан Сейітов.
</blockquote>
Аудандық білім бөлімінің бас маманы Ғалия Сейітова қолайсыз отбасы ретінде тіркелген отбасы балаларымен мектеп инспекторлары, әлеуметтік педагогтар, мектеп психологтары бірлесіп балаларға әлеуметтік, психологиялық көмек көрсетілуде. 
Нақты кезеңде қолайсыз отбасы есебіне тіркелген 5 отбасында 13 бала бар, олардың екеуінің әлеуметтік жағдайы жақсы, қалған 3 отбасы аз қамтылған отбасылар.Аз қамтылған отбасы балалары жалпыға бірдей міндетті оқу қоры есебінен киіммен, ыстық тамақпен қамтамасыз етіліп отыр. Осы аталған отбасылардың балаларына әлеуметтік жағдайына қарай балалардың құқықтары мен мүдделерінің бұзылуының алдын алу, көмек көрсету жұмыстары жүргізілуде.
Өз кезегінде сөз алған аудандық аурухананың бас дәрігері Марат Ршымбетов суицид, зорлық зомбылық, құқықбұзушылық және қыздар арасындағы ерте жүктіліктің алдын алу мақсатында ауданның барлық ауылдық емханалары мен дәрігерлік амбулаториялары, кеңес беру диагностикалық емханасы психологтармен және әлеуметтік қызметкерлермен толық қамтамасыз етілгендігін атап өтті. 
Отырыста жұмысты жетілдіруге қатысты түрлі ұсыныстар ортаға салынып, хаттамаға енгізілді. Жиын соңында кеңес мүшелері Арал аудандық халықты жұмыспен қамту орталығының жұмысымен танысып, тиімді тұстарын өзге аудандарда енгізуге жұмыс жасау қажеттігін атап өтті.
Тәжірибе алмасу мақсатында ұйымдастырылған көшпелі қоғамдық кеңес отырысына облыстық, аудандық қоғамдық кеңес мүшелері, аудандық партия филиалдарының Атқарушы хатшылары да қатысты.

Қазақстан және Қызылорда облысының жаңалықтары