<a href="https://kyzylorda-news.kz/">Kyzylorda-news.kz.</a> 2022 жылдың 20 қарашасында Қазақстан Республикасы Президентінің сайлауы өтеді.&nbsp;

Сайлау учаскесіне келе алмаған азаматтар учаскеден тыс дауыс бере алады

Кандидатты қолдауға қол жинау қалай жүргізіледі?

Есептен шығару куәлігін қай уақыт аралығында алуға болады?

Сайлаушылар тізіміндегі өзіңіз туралы деректі қалай тексеруге болады?

Сайлаушылар тізіміне енгізу жолы

<a href="https://kyzylorda-news.kz/">Kyzylorda-news.kz.</a> Бүгінде өңірде түрлі технологиялардың көмегімен тың дүниелерді ойлап шығаратын жастардың қатары артқан. Солардың бірі – қызылордалық Марат Палмахов «Мәңгілік қозғалтқыш» деп аталатын өздігінен жарықтандыру құрылғысын ойлап тапқан. &nbsp;Өнертапқыштың айтуынша, бұл жоба ерекше шығынды қажет етпейді әрі экологиялық тұрғыда тиімді болып табылады. Бүгін Өңірлік коммуникациялар қызметінде өткен баспасөз конференциясында Марат Палмахов БАҚ &nbsp;өкілдеріне аталған жобаның жұмысын баяндады.&nbsp;<blockquote>«Былтыр мен өздігінен электр және сумен қамтамасыз ете алатын автономды генератор жасадым. Бұл құрылғыны қолдану оңай және үлкен шығынды қажет етпейді. Сондықтан жобаны өнеркәсіптік өндірісте пайдалануға болады. Генератор экологиялық материалдардан жиналғандықтан қоршаған ортаға зиянды қалдық шығармайды. Сондай-ақ аталған генератор толығымен автономды, яғни оның жұмысы сыртқы факторларға тікелей байланысты емес. Қуат көзі ретінде желді де, суды да, электр энергиясы немесе отынды қажет етпейді. Тиімділігі де сол, бұл құрылғыны алыс елді мекендерде, фазендаларда, омарталарда, фермерлік шаруашылықтарда қолдануға өте ыңғайлы», - деді өнертапқыш Марат Палмахов.</blockquote>Марат Ерғазыұлының &nbsp;ойлап тапқан идеясына елдегі беделді жоғары оқу орны Nazarbaev университеті қызығушылық танытуда. Жақында ол ерекше туындысына патент алды. Алдағы уақытта басқа да тың идеяларды жүзеге асыруға кіріспек.<figure class="image"><img src="https://knadmin.beoblood.kz/uploads/bc027918cf9b2f6c16581652b38b31a3_1280x720_71e0be572b.jpeg" alt="bc027918cf9b2f6c16581652b38b31a3_1280x720.jpeg"></figure>

Марат Палмахов: «Мәңгілік қозғалтқыш» идеясына беделді университеттер қызығушылық танытуда

<a href="https://kyzylorda-news.kz/">Kyzylorda-news.kz.</a> Сыр елінің тұңғыш «гроссмейстері» атанған Әсел Серікбай жақында Италия елі, Сардиния қаласында өткен Әлем чемпионатында күміс жүлдегер атанды.&nbsp;Ол осы уақытқа дейін 3 дүркін Әлем, 7 дүркін Азия, 17 дүркін Қазақстан чемпионы атанды. Одан бөлек, республика бойынша 9-шы, ал облыс бойынша ең алғашқы «гроссмейстер» атағын &nbsp;иемденді. Бүгін Өңірлік коммуникациялар қызметінде өткен брифингте Сыр мақтанышы Әсел Серікбай алдағы жоспарларымен бөлісті.<blockquote>«Мен 6 жасымнан бастап шахмат ойнауға әуес болдым. Содан бері әлемдік және республикалық жарыстарға қатысып, жүлдегер атанып келемін. Менің өмірімде шахматтың алатын орны ерекше. Осы спорт түрі арқылы білімім артып, көптеген жақын дос таптым. Ең бастысы – өзімнің елім Қазақстан, оның ішінде туған жерім Қызылорданың атын барша әлемге таныту мен үшін үлкен мәртебе. Алдағы уақытта жеке үйірме ашып, шәкірт тәрбиелеуді қолға алмақшымын. Оқушыларыма бар білген білімім мен тәжірбиемді үйрету арқылы Сыр елінің спортшыларын даярлаймын. Сондай-ақ әлемдік жарыстарда мұнан да биік белестерді бағындыру үшін үздіксіз дайындалатын боламын», - деді Әсел Серікбай.</blockquote><figure class="image"><img src="https://knadmin.beoblood.kz/uploads/311461202_201818708952022_5242763701884873753_n_a982dc00c1.jpg" alt="311461202_201818708952022_5242763701884873753_n.jpg"></figure>

Әсел Серікбай: Алдағы уақытта шәкірт тәрбиелеуді жоспарлаудамын

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясының қолдауымен корей этномәдени бірлестігінің ұйымдастыруымен корей этносының мәдени күні өтті.Достық үйінің фойесінде көрме ұйымдастырылды. Келген қонақтар корей этносының асханасынан дәм татты.Шараға облыс әкімінің орынбасары Нұрымбет Сақтағанов, Корей Республикасынан келген делегация, этномәдени бірлестіктің жетекшілері және белсенді мүшелері, жоғары және орта арнаулы оқу орындарының жастары және БАҚ өкілдері қатысты.Мерекелік шара өңірлік корей бірлестігінің атқарған ауқымды жұмыстары көрініс тапқан бейнероликпен басталды.<blockquote>«Сыр өңірі - атам заманнан сан ұлт өкілі бас қосқан, бақыт тапқан мекен. Бүгінгі күні біздің өңірде 35 түрлі этнос өкілдері бар. Соның ішінде, корей халқы 85 жылдан астам осынау қазақ өлкесінде өмір сүруде. Бұл жай ғана оқиғалардың, күндердің тізбегі емес, ол - өзара бірлесіп өткізілген өмір, ортақ тарих»,-деді облыс әкімінің орынбасары Нұрымбет Сақтағанов.</blockquote><figure class="image"><img src="https://knadmin.beoblood.kz/uploads/312803552_3344165735902583_1104629153875225702_n_b8264af1cd.jpg" alt="312803552_3344165735902583_1104629153875225702_n.jpg"></figure>Кореядан келген мәртебелі меймандар сөз сөйлеп, корей бірлестігінің игілікке толы жемісті жұмыстарын атап, ризашылықтарын білдірді.Корея Республикасы Парламентінің депутаты, Хон Бом До қорының директоры У Вон Сик қызылордалық корейлердің ұлттық құндылықтарды дәріптеудегі ерекшелігі, мәдениет пен дәстүрге деген құрметін айрықша атап өтті.Сондай-ақ корей халқының әртүрлі жанрдағы би, әнін, жергілікті корей этномәдени бірлестігі өнерпаздарының өнерін тамашалады.Айта кету керек, «Қазақстан корейлер қауымдастығы» Қызылорда облыстық қоғамдық бірлестігі 1989 жылы 28 қазанда құрылды. Бүгінгі күні елімізде 100 мыңнан астам корейлер өмір сүруде. Ал Сыр өңірінде 8 мыңға жуық корей өкілдері тату тәтті, бірлік пен ынтымақта ғұмыр кешіп келеді.<figure class="image"><img src="https://knadmin.beoblood.kz/uploads/313196933_3344166422569181_4596345322253454007_n_d697f421ec.jpg" alt="313196933_3344166422569181_4596345322253454007_n.jpg"></figure><figure class="image"><img src="https://knadmin.beoblood.kz/uploads/313420911_3344166152569208_6155085290357440130_n_32ac968b19.jpg" alt="313420911_3344166152569208_6155085290357440130_n.jpg"></figure><figure class="image image_resized" style="width:99.25%;"><img src="https://knadmin.beoblood.kz/uploads/312432929_3344165795902577_6563405591568891568_n_72ccdae22f.jpg" alt="312432929_3344165795902577_6563405591568891568_n.jpg"></figure>

Корей этносының мәдени күні өтті

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданында ҚР Мәдениет қайраткері, режиссер Тынымбай Мәдиевті еске алуға арналған “Өшпес тұлға жолымен” атты халық театрларының облыстық байқауы бастау алды.Аймақта осыдан алпыс жыл бұрын халық театрларының арасында 1962 жылы Қазалы, 1967 жылы Жаңақорған, 1972 жылы Арал, 1973 жылы Қармақшы аудандарының театрлары алғашқылардың бірі болып «Халықтық» атағын қорғаған.Ал, 2016 жылы Арал, Қазалы, Қармақшы, Жалағаш, Сырдария, Шиелі, Жаңақорған аудандары бойынша 12 халық театры халықтық атағын қайта қорғаса, сол жылы Қазалы қалалық драма үйірмесі мен Ақай ауылдық драма үйірмелері аттестациялық байқауға қатысып «халықтық» атаққа ие болды.2020 жылы «Театр көктемі» облыстық онлайн байқауында Арал ауданы бойынша Аманөткел, Қызылжар ауылдық және Жалағаш, Сырдария, Жаңақорған аудандық мәдениет үйлері жанындағы халық театрлары отандық драматургтердің шығармаларын жоғарғы деңгейде сахналап, жүлделі орындарға ие болды.Бүгін Жалағаш аудандық әкімдігінің қолдауымен, режиссер, Қазақстан Республикасының Мәдениет қайраткері Тынымбай Сауранбайұлы Мәдиевті еске алуға арналған «Өшпес тұлға жолымен» атты халық театрларының облыстық байқауы бастау алды.Байқауға клуб кәсіпорындары мен мәдениет үйлерінен 13 халық театрлары қатысып, Мұхтар Әуезов, Шерхан Мұртаза, Несіпбек Дәутайұлы, Иран Ғайып, Тахауи Ахтанов, Шыңғыс Айтматов сынды дрматургтердің шығармаларын сахналап, көрермен назарына ұсынбақ.<img src="https://knadmin.beoblood.kz/uploads/d1c89f67_b8fe_4f6e_b76b_8143e7930066_a1acdf1eb9.jpg" alt="d1c89f67-b8fe-4f6e-b76b-8143e7930066.jpg"><img src="https://knadmin.beoblood.kz/uploads/a8117452_ec74_44e4_8577_6f295a4ca72c_079f86bd64.jpg" alt="a8117452-ec74-44e4-8577-6f295a4ca72c.jpg"><img src="https://knadmin.beoblood.kz/uploads/823a0819_f91b_4600_b455_d58ddce82436_f426a79d7d.jpg" alt="823a0819-f91b-4600-b455-d58ddce82436.jpg"><img src="https://knadmin.beoblood.kz/uploads/fd3da848_a9de_4520_8f92_eba68d799c1d_f364359c29.jpg" alt="fd3da848-a9de-4520-8f92-eba68d799c1d.jpg"><img src="https://knadmin.beoblood.kz/uploads/7be1b45b_d56d_4b6c_962e_effedcf6fc67_c58d762c9a.jpg" alt="7be1b45b-d56d-4b6c-962e-effedcf6fc67.jpg"><img src="https://knadmin.beoblood.kz/uploads/313084245_2074203729633791_8672669120155194003_n_4a7174b967.jpg" alt="313084245_2074203729633791_8672669120155194003_n.jpg">

Жалағашта халық театрларының облыстық байқауы басталды

<a href="https://kyzylorda-news.kz/">Kyzylorda-news.kz.</a> Шиелі ауданына бірқатар Парламент сенатының депутаттары Д.Әділбеков, Е.Сұлтанов, С.Алдашев, Б.Қаниев, Ә.Құртаев, С.Лұқпанов, З.Уашова, А.Ахметов, М.Бақтиярұлы арнайы іс-сапармен келді. Ондағы мақсат – өңірдің экономикалық саясат, инновациялық даму және өңдеу өнеркәсібін дамыту мәселелерімен танысу.Шиеліде облыс басшысының қолдауы арқасында бірқатар нәтижелі жұмыс жүйелі жүргізіліп келеді. Cоңғы жылдары өңірдің барлық саладағы дамуы айқын байқалады.Сенаторларды аудан әкімі Н.Ахатов күтіп алып, өңірдегі бірқатар кәсіпорын мен мекемені аралады. Халық қалаулылары алдымен құны 64 млрд теңгені құрайтын «Гежуба Шиелі цемент» зауытына ат басын бұрды. Мұнда сенат депутаттарын ¬зауыт директорының орынбасары Фу Минг күтіп алып, зауыттың мүмкіндігімен таныстырды. ¬«Гежуба» іске қосылған күннен бастап 1 млн тоннаға жуық цемент өнімін өндірген. Оның 30 проценті Өзбекстан республикасына экспортталған. Сондай-ақ, зауытта 95 пайызы жергілікті азаматтар жұмыс істейді. Сондай-ақ өткен жылы әлемді әбігерге салған індет өршіп, елде карантиндік режим жарияланған сәтте зауыт басшылығы қызметкерлерге 50 пайыздық жалақы тағайындап отырғанын тілге тиек етті.Жалпы, «Гежуба Шиелі цемент» зауыты еліміздегі бірегей ірі өндіріс орны. Зауыттың жобалық құны – 64 млрд теңгені құрайды. Жылына 1 млн тонна цемент өндіретін қуаты бар. Оның 300 мың тоннасы тампонажды цемент болса, 700 мың тоннасы кәдімгі портланд цементі. Зауытта 260 адам жұмыс істейді. Оның 48-і Қытай елінде арнайы оқудан өтті.Депутаттық топ одан кейін 2016 жылы іске қосылған жеке кәсіпкер С.Ермахановтың «Ару Ана» шұбат өңдеу цехына барды. Мұнда депутаттар өнім өндіру барысындағы жаңа технологиялармен, жұмыс барысымен танысты. Тәулігіне 1 тонна шұбат және сиыр сүтінен қаймақ, йогурт, айран, сүзбе, құрт және балмұздақ өнімдерін нарыққа шығарып отырған кәсіпорын өңірлік индустриалды картаға енгізілген болатын. Өндіріс орнының бас технологі Баян Сабырқызы депутаттарға өндіріс жайлы толық мәлімет берді. &nbsp;

Сенат депутаттары зауыт жұмысшыларымен кездесті

<a href="https://kyzylorda-news.kz/">Kyzylorda-news.kz.</a> Қазақстан Республикасы Президентінің 2022 жылғы 3 наурыздағы №826 «Әкімдердің халықпен кездесулерін өткізу туралы» Жарлығын іске асыру аясында Қызылорда облысының әкімі Нұрлыбек Машбекұлы Нәлібаев құқық қорғау органдарының бірінші басшыларымен бірге Қазалы ауданында 3 қараша күні, сағат 15.30-18.00 аралығында аудан әкімдігінің ғимаратында жеке қабылдау өткізеді.Сондай-ақ, 15.00-да Қазалы қаласындағы “Өрімтал” балабақшасының алдында халықпен кездесу өткізеді.Жеке қабылдауға алдын-ала жазылу «E-gov», «E-otinish» бірыңғай порталы, Халыққа қызмет көрсету орталықтары арқылы «e-Нәтиже» және аудан әкімдігіне тікелей барып, жазбаша нысанда өтініш беру арқылы жүргізіледі.Кері байланыс орнату мақсатында өтініш берушінің аты-тегі, сұрақтың мәні, мекен-жайы, байланыс телефоны және электронды почта нақты көрсетілуі қажет.Қабылдау бойынша сұрақтарды 8(7242)40-11-91 (ішкі 7046), (ішкі 7051), (ішкі 7049) телефондары арқылы білуге болады.<figure class="image image_resized" style="width:94.36%;"><img src="https://knadmin.beoblood.kz/uploads/312311968_419427287045188_7832932655569860046_n_e5b013e779.jpg" alt="312311968_419427287045188_7832932655569860046_n.jpg"></figure>

Қазақстан және Қызылорда облысының жаңалықтары