<a href="https://kyzylorda-news.kz/">Kyzylorda-news.kz.</a>&nbsp;Бүгін Қазалы ауданы Әйтеке би кентінде Мұстафа Матаев атындағы №170 қазақ орта мектебінде профессор Мұстафа Матаевтың ескерткіш бюстының ашылу салтанаты өтті.
Аудан әкімі Мұхтар Оразбаев мектеп ұжымын құттықтап, Мұстафа Матаевтың саналы ғұмырындағы ғылымға қосқан үлесі мен адамгершілік болмысының өскелең ұрпақ үшін маңызы зор екендігін тілге тиек етті.
<blockquote>
 «Қай заманда да, қай қоғамда да дара тұлғаның жөні бөлек. Солай болған, солай бола да береді. Елім деген, жерім деген ерлердің тарихтың тар тұстарында қандай іргелі істер атқара алатынына қоғамымыздағы жетістіктерге қарап көзіміз жетіп отыр. Ғасырға жуық тарихы бар Қорқыт ата атындағы Қызылорда мемлекеттік университетінің қазіргі биігіне көтерілуіне өзіндік үлесін қосқан, ел көшін алға сүйреген Мұстафа Матаев – қабырғалы қайраткер. Бар өмірін Сыр бойының өркендеуіне арнап, адалдық пен қажырлықты ғұмырының туы еткен үлкен өнеге иесі», – деп атап өтті аудан басшысы.
</blockquote>
Мұнан соң Мұхтар Әуесұлы бүгінгі тарихи сәтке байланысты облыс әкімі Нұрлыбек Нәлібаев пен мемлекет және қоғам қайраткері Қырымбек Көшербаевтың «Құттықтау хатын» оқып беріп, мектепке табыс етті.
Салтанатты шараға қатысқан Қызылорда облысының құрметті азаматы, «РЗА» АҚ президенті Самұрат Имандосов, Қорқыт Ата атындағы Қызылорда мемлекеттік университетінің ардагері, профессорБағдат Кәрібозов, Мұстафа Матайұлының баласы Ғабит Матаев пен немересі Оңталап Көшербаев ескерткіш бюстының ашылуымен құттықтап, өнегелі өмірі, жарқын істері, өшпес іздері туралы айтып берді.
Сыр бойының тұңғыш философия ғылымдарының кандидаты Мұстафа Матаев көп жыл Қызылорда облысындағы іргелі оқу орнында еңбек етіп, көптеген шәкірттерге білім берді. Республика көлеміндегі ғылыми-педагогикалық жұмыстары ескеріліп, «ҚР білім беру ісінің құрметті қызметкері», «Әлеуметтік ғылымдар» академиясының Құрметті академигі атанды. Қызылорда қаласы мен Қазалы ауданының құрметті азаматы атақтары да берілді.
Сондай-ақ, «Ерен еңбегі үшін», «Ыбырай Алтынсарин» төсбелгілерімен марапатталды. 
Ардақты азаматтың өмірі өскелең ұрпақ үшін үлгі-өнеге болары анық. Осыған байланысты мектептен ҚР Білім беру ісінің құрметті қызметкері, өз заманының өршіл тұлғасы Мұстафа Матайұлының музейі де ашылды. Мұнда белгілі тұлғаның пайдаланған заттары, кітаптары қойылды. 
Ескерткіш бюст ашылған соң білім ордасына жиналған құрметті қонақтар музей ішін аралап, мұндағы жәдігерлермен танысты.
<img src="https://kyzylorda-news.kz/wp-content/uploads/2022/09/10.jpg" alt="" />
<img src="https://kyzylorda-news.kz/wp-content/uploads/2022/09/11.jpg" alt="" />
<img src="https://kyzylorda-news.kz/wp-content/uploads/2022/09/13.jpg" alt="" />
<img src="https://kyzylorda-news.kz/wp-content/uploads/2022/09/16.jpg" alt="" />

Қазалыда Мұстафа Матаевқа ескерткіш бюст орнатылды

<a href="https://kyzylorda-news.kz/">Kyzylorda-news.kz.</a> Бүгін мемлекет басшысы Қасым-Жомарт Тоқаевтың Қазақстан халқына арналған кезекті Жолдауы өзінің өзектілігін айқындады. Ел тағдырында басым салалардың дамуына көп көңіл бөлінді. Әсіресе, медицина қызметкерлерін қуантатын жағымда жаңалықтар көп болды деп ойлаймын.
Қасым-Жомарт Кемелұлы аудандық деңгейдегі 32 аурухана толықтай модернизациялаудан өтетінін хабарлады. Бұл ауыл халқына сапалы медициналық көмек қолжетімді болады деген сөз. Жас мамандарға да қажетті жағдайлар жасалынып жатыр. Елімізде оқу орнын енді тәмамдаған түлектерді әлеуметтік тұрғыда қамсыздандыруға баса назар аударылып келе жатыр. Бұл көп жылдардан бері жүзеге асырылып келе жатқан бағдарламалардың нақты нәтижесі. Алдағы уақытта да жас мамандарға білімін жетілдіруге қолдау көрсетілмек. Яғни, резидентура гранты 70 пайызға артпақ. Бұл зор мүмкіндік деп сенемін.
Президент Жолдауы әрбір қазақстандыққа жүктелетін зор жауапкершілік. Алға қойған бағытымыздан таймай, Жаңа Қазақстанды бірге құруға атсалысуымыз керек.
Жанерке АСЫЛБЕКОВА, 
дәрігер-психиатр

Жанерке Асылбекова: Жолдауға қолдау көрсетуге әзірміз

<a href="https://kyzylorda-news.kz/">Kyzylorda-news.kz.</a>&nbsp;Қызылордада Қорқыт ата атындағы әуежайдың жаңа терминалы замануи үлгіде салынады.
Сыртқы қабаты табиғи таспен және қасбет панельдермен әрлендіріледі. Шатырын құлама, фальц жабыны бар болаттан, ауасы ауысып тұратындай етіп орнатамыз.
Ең маңыздысы, мұндағы әрбір бөлме мүмкіндігі шектеулі жандарға қолжетімді етіп жобаланған. Бұл жерде пандустар да, арнайы лифттер де, тұрақ аймақтары да бар. Осының барлығы барынша жайлылық үшін жасалған.
Терминал алғашқы жолаушыларын 2024 жылдың қыркүйегінде қабылдай алады – оның қандай болатынын суреттерден көре аласыздар.
Қасбетінің мөлдір учаскелеріне аспалы витраж жүйесін орнатады. Сондай-ақ әрқайсысы жеке жақтауға салынып бекітілген қатты селективті жабындысымен қоскамералы әйнек пакеттерін пайдаланылады. Алюминийден жасалған терезелер де қоскамералы әйнек пакеттерімен толтырылады. 
⠀ 
Болат Өтемұратов Қоры осы жобаны қаржыландыруға 25 миллион доллар бөлді. Құрылыс аяқталған соң бұл нысан мемлекет меншігіне беріледі.
<img src="https://kyzylorda-news.kz/wp-content/uploads/2022/09/157920ee-fe0f-44e9-b853-115fab2c0f10.jpg" alt="" />
<img src="https://kyzylorda-news.kz/wp-content/uploads/2022/09/fc88e73a-ecb0-40f9-8d69-b1044dd2f225.jpg" alt="" />
⠀

Қорқыт ата атындағы әуежайдың жаңа терминалы заманауи үлгіде салынады

Қазақстанның құрметті журналисі, фототілші Болат Омарәлиевтің "Қас қағым сәт - бір өмір” деп аталатын фотокөрмесі өтті

<a href="https://kyzylorda-news.kz/">Kyzylorda-news.kz.</a>&nbsp;Жыл басынан бері аймағымызда коронавирус инфекциясын 6321 науқас жұқтырған. Соңғы тәулікте аурудың жаңа ошағы ретінде бір жағдай анықталған. Бұл туралы Өңірлік коммуникациялар қызметінде облыстағы эпидемиологиялық ахуал туралы өткен баспасөз конференциясында айтылды.
<blockquote>
 «Қазіргі таңда облыс бойынша 545 инфекциялық төсек орын бар. Инфекциялық стационарда 3 науқас ем қабылдап жатса, амбулаториялық жағдайда 33 науқас бақылауға алынған. Реанимациялық төсек-орында 1 науқас ем қабылдап жатыр», – деді облыстық денсаулық сақтау басқармасы басшысының орынбасары Жангелді Мырзагелдіұлы.
</blockquote>
Ал білім беру ұйымдарындағы эпидемиологиялық ахуал қалай болады? Оқушылар карантиндік режимге көше ме?
Бұл сауалдарға Қызылорда қалалық санитариялық-эпидемиологиялық бақылау басқармасының басшысы Ерлан Ұзақбаев жауап берді.
<blockquote>
 «Бүгінгі таңда Қызылорда қаласы бойынша «COVID-19» коронавирус инфекциясының 25 белсенді ошағы бар. Емдеу-сауықтыру мекемесінде 4 науқас ем қабылдап жатса, 20 науқас үй карантинінде оқшаулануда. Алайда аймағымыз жасыл аймақта болғандықтан, ешқандай қауіп-қатер жоқ», – деді Е.Амантайұлы.
</blockquote>
<img src="https://kyzylorda-news.kz/wp-content/uploads/2022/09/304002942_1608828076179365_998152499097816652_n.jpg" alt="" />

Қызылордада эпидахуал тұрақты

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінің 85 жылдық мерейтойы аясында, 30 тамыз – ҚР Конституциясы күні және 1 қыркүйек – Білім күніне орай салтанатты жиын өтті. Мерекелік шарада Басқарма Төрағасы-Ректор еліміздің басты құжаты саналатын Конституцияның мемлекет пен қоғам үшін және әр адам үшін маңызы зор екенін айтты. Сонымен қатар, оқытушы-профессорлар мен білім алушыларды жаңа оқу жылының басталуымен құттықтады.
<blockquote>
 «Жоғары білім жүйесінің дамуы – өркениеттің өлшемі, қоғам дамуының басты көрсеткіші. Ғылым және жоғары білім саласында жаңа реформалар, тың идеялар, қарышты қадамдар мен креативті көзқарас – біздің дамуымызға тың серпіліс әкелері сөзсіз. Еліміздің білім-ғылым тарихында Қорқыт ата атындағы Қызылорда университетінің есімі алтын әріптермен жазылуы үшін барлығымыз бір кісідей атсалысайық»,-деді Бейбіткүл Сәрсемханқызы.
</blockquote>
Жаңа оқу жылында өз саласының кәсіби шебері саналатын университеттің бірқатар қызметкерлері марапат төрінен көрінді. Жоғары білікті мамандар даярлауда еңбек етіп жүрген оқытушы-профессорлар Қызылорда облысы әкімінің, «AMANAT» партиясы Қызылорда облыстық филиалының Алғыс хатымен марапатталса, оқу орнының стратегиялық дамуына үлес қосқан қызметкерлерге Басқарма Төрағасы-ректордың арнайы марапаттары табысталды.
Жиынға Қызылорда облысы әкімінің орынбасары Нұрымбет Сақтағанов, зиялы қауым өкілдері, университет ардагерлері, оқытушы-профессорлар және білім алушылар қатысты. Салтанатты шара университет түлектері мен білім алушылары, «Дидар» халықтық би ансамблінің мерекелік концертімен қорытындыланды.
Айта кетейік, қазіргі таңда Қорқыт ата атындағы Қызылорда университетінде 22 ғылым докторы, 12 профессор, 34 Phd докторы, 45 доцент, 176 ғылым кандидаты және 500-ден аса оқытушы мен магистр сапалы білім береді. Жаңа оқу жылында 3152 білім алушы қабылданып, жалпы контингент саны 9 мыңнан асты.
<img src="https://kyzylorda-news.kz/wp-content/uploads/2022/09/1f7b00c0-a7e7-4c48-b4a8-41c5f205059f.jpg" alt="" />
<img src="https://kyzylorda-news.kz/wp-content/uploads/2022/09/9e751c51-a7f7-423e-820b-17ded904d25e.jpg" alt="" />
<img src="https://kyzylorda-news.kz/wp-content/uploads/2022/09/04b2d7c4-5670-4af0-add7-4f3ad2e7319b.jpg" alt="" />

Қорқыт ата атындағы Қызылорда университеті 85-ші жаңа оқу жылына қадам басты

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына Жолдауы аясында ҚР Парламенті Сенатының депутаты Ақмарал Әлназарова өз пікірін білдірді.
Депутат өз сөзінде «Еліміздің басты құндылығы – адам» – Президент Жолдауының негізі өзегі» деп атап өтті.
<blockquote>
 «Қоғамның өсіп-өркендеуі Президент саясатының басты бағыты болып қалып отыр. Бүгінгі Жолдауда, мақсаты халықтың әл-ауқатының өсуі мен балаларымыздың болашағына инвестиция болып табылатын жаңа экономикалық саясаттың нақты негізгі бағыттары атап өтілді. «Ұлттық қор – балаларға» жаңа бағдарламасы, ауылдық денсаулық сақтау объектілерінің құрылысы, жеке білім беру ваучерлерін енгізу, жоғары оқу орындарында оқуға жеңілдетілген несие беру, 2023 жылғы қаңтар айынан бастап 1,5 жасқа дейінгі бала күтімі үшін төлемақыларды арттыру көптеген жас аналарға болашаққа зор үмітпен қарауға мүмкіндік береді», – деді Ақмарал Әлназарова.
</blockquote>

Ақмарал Әлназарова: «Еліміздің басты құндылығы &#8211; адам» &#8211; Президент Жолдауының негізгі өзегі

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының санитариялық-эпидемиологиялық бақылау департаментінің басшысы Динара Жаңабергенова Президенттің Қазақстан халқына Жолдауын ертеңгі күнге деген сенімнен туғанын атап өтті.
Бүгін Қазақстан Республикасы Конституциясының 59-шы бабына сәйкес VII шақырылымдағы Парламенттің үшінші сессиясында Қазақстан Республикасының Президенті Қасым-Жомарт Кемелұлы «Әділетті мемлекет. Біртұтас ұлт. Берекелі қоғам» атты Қазақстан халқына жаңа Жолдауын жариялады.
Маңызды құжатта айтылған елдің әлеуметтік-экономикалық ахуалын әлдендіруге, тұрғындардың өмір сапасын арттыруға бағытталған жаңа шешімдерді естіп қуандық. Президент біраз игі бастамалар туралы айтты. Әсіресе, денсаулық сақтау жүйесінің тиімділігін арттыруға бағытталған бағдарламалар, жоспар-жобалар белгіленді.
Мемлекет басшысы Үкіметке денсаулық сақтау саласын және жалпы әлеуметтік саланы қаржыландыру жүйесін қайта қарауды тапсырды.
Сонымен қатар медициналық инфрақұрылымды кешенді түрде жақсартуға баса назар аударылатындығын жеткізді. Бүгінде еліміздегі 650 елді мекенде емдеу мекемесі жоқ. Алдағы екі жылда бұл ауылдарда медициналық және фельдшерлік-акушерлік бөлімшелер салынып, қажетті құрал-жабдықпен толық қамтамасыз етіледі.Осылайша, мемлекет бір миллионнан астам адамның алғашқы медициналық-санитарлық көмек алуына мүмкіндік жасайтындығы жақсы жаңалық болды. 
Жолдауда Президент келесі жылдан бастап ұлттық жобаны жүзеге асыруды тапсырды. Бұл жоба аясында 32 аудандық аурухана заманға сай жаңарып, енді ауданаралық көпбейінді мекемеге айналады. Онда инсульттен емдеу орталықтары, хирургия, жансақтау және оңалту бөлімдері ашылады. Бұл төрт миллионнан астам адамға көрсетілетін медициналық қызметтің сапасын арттырады. Сонымен қатар, телемедицина бағыт дамып, сол арқылы шалғайда тұратын халыққа сапалы медициналық қызмет көрсетілетін болады.
Қасым-Жомарт Тоқаев денсаулық сақтау саласы бәсекеге қабілетті болуы үшін дәрігерлер дайындау жүйесін жетілдіру қажеттігін атап өтті. Медициналық жоғары оқу орындарының жанынан көпбейінді ауруханалар және клиникалар ашылады деді. Алдағы үш жылда резидентураға бөлінетін грант саны 70 пайызға көбейетін болды.
Міне, Жолдауда осындай көкейге үміт ұялатып, құлшынысты арттырарлықтай маңызды басымдықтар айтылды, жаңа міндеттер жүктелді. Ендігі жерде Жолдауда айтылған әр тапсырманың жүйелі жүзеге асуына атасылысып, ұлт саулығы жолында сапалы қызмет етпек керек.
<img src="https://kyzylorda-news.kz/wp-content/uploads/2022/09/photo1662016221.jpeg" alt="" />

Динара Жаңабергенова: Ертеңгі күнге сенімнен туған Жолдау

<a href="https://kyzylorda-news.kz/">Kyzylorda-news.kz.</a>&nbsp;18 жасқа толғанша әр баланың есепшотында 3 мың доллардан астам қаражат жиналады. Бұл туралы Президент баспасөз хатшысы Facebook парақшасында жазды.
<blockquote>
 «Балалар жылы аясында «Ұлттық қор – балаларға» атты жаңа бағдарлама іске қосылады. 2024 жылдан бастап Ұлттық қордың жыл сайынғы инвестициялық табысының 50%-ы балалардың арнаулы жинақтаушы есепшотына аударылады. Жинақталған қаржы олардың баспана немесе білім алуына жұмсалады. Үкімет пен Ұлттық банктің есебі бойынша елімізде жыл сайын 400 мың сәби дүниеге келеді. Әр бала 18 жасқа толғанша олардың есепшотында кемі 3 мың АҚШ долларына тең қаражат жиналады»,-деді Руслан Желдібай.
</blockquote>

Әр баланың есепшотында 3 мың доллардан астам қаражат жиналады

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Назарбаев Зияткерлік мектебінде жаңа оқу жылында NIS Engineering технологиялық алаңы ашылады. Бұл жоба оқушылардың робототехника, ғарыштық модельдеу, ұшу аппараттарын жобалау, 3D дизайн, қолданбалы өнер бағытында заманауи технологияларды меңгеруге септігін тигізеді. Білім күніне орай өткен шарада Зияткерлік мектеп директоры Жаңбыржан Бекболатов жаңа оқу жылында жоспарланған істермен бөлісті:
<blockquote>
 «Оқушыларымыз – мемлекетіміздің табысты болашағының кепілі. Биылғы оқу жылында біз сандық азаматтықты қалыптастыру, мектеп қауымдастығының әл-ауқатын арттыру, ғылым мен білім олимпиаларында жетістіктерге қол жеткізу және оқушыларымыздың қолданбалы дағдыларын дамыту жұмыстарына ерекше назар аударамыз. Бүгінде мектебімізде NIS Engineering алаңының құрылысы қарқын алып, болашақта шәкірттеріміз STEAM және стартап жобаларымен айналысуға мүмкіндік алады. Бүгінгі Білім күнімен құттықтай отырып, барлық игі бастамаларыңызға жаңа серпін, шығармашылық табыс тілеймін», – деді Жаңбыржан Бекболатов.
</blockquote>
Мерекелік жиында «Жаңа Қазақстанның негізі – білімді ұрпақ» ұранымен жас зияткерлер әртүрлі қойылымдарда мектеп өмірін сипаттап, ұстаздарға деген құрметтерін тақырыптық әндермен жеткізді. Сонымен қатар жаңадан келген 7-сынып өрендерін салтанатты қарсы алып, сәттілік тіледі.
Осы жылы «Өркен» білім грантын жеңіп алған 125 оқушы білім жолын Зияткерлік мектепте жалғастырады. Іріктеу конкурсында Қызылорда облысы бойынша ең жоғары ұпай жинаған Әділет Ахмет NIS-те сапалы ілім алып, олимпиада мен байқауларда жақсы жетістіктерге қол жеткізуді мақсат етуде.
<blockquote>
 «Биылғы білім күні мен үшін ерекше. Жаңа білім ордасында, жаңа ұстаздармен, сыныптастармен қауышып, жаңа өмір парағы ашылды. Барлық оқушыларға осы оқу жылы сәтті өтуіне тілектеспін және түрлі іс-шараларда жеңіске жетіп, мақсаттары орындалсын деп тілеймін», – деді Әділет Ахмет.
</blockquote>
Ұстаз бен шәкірт табысатын шаттыққа толы шарада дәстүр бойынша алғашқы қоңырау соғылып, оқушылар тәрбиелік сабақтарға бет алды.
<img src="https://kyzylorda-news.kz/wp-content/uploads/2022/09/whatsapp-image-2022-09-01-at-16.18.10-1.jpeg" alt="" />
<img src="https://kyzylorda-news.kz/wp-content/uploads/2022/09/whatsapp-image-2022-09-01-at-16.18.12-1.jpeg" alt="" />
<img src="https://kyzylorda-news.kz/wp-content/uploads/2022/09/304771002_3177075285955717_722181148276814799_n.jpg" alt="" />
<img src="https://kyzylorda-news.kz/wp-content/uploads/2022/09/whatsapp-image-2022-09-01-at-16.18.10.jpeg" alt="" />
<img src="https://kyzylorda-news.kz/wp-content/uploads/2022/09/whatsapp-image-2022-09-01-at-16.18.18.jpeg" alt="" />
<img src="https://kyzylorda-news.kz/wp-content/uploads/2022/09/whatsapp-image-2022-09-01-at-16.18.13.jpeg" alt="" />

Қызылордадағы NIS мерейтойлық оныншы оқу жылын бастайды

<a href="https://kyzylorda-news.kz/">Kyzylorda-news.kz.</a>&nbsp;Бүгінгі Президент Жолдауын ұжымдастарыммен бірге бір деммен тамашаладым. Еліміз үшін тарихи шешімдер қабылданған күн болды. Ең бастысы қарапайым халықтың әлеуметтік жағдайын жақсарту үшін нақты шаралар жүзеге асырылып жатыр. Жаңа туылған нәрестелер жәрдемақысы бір жарым жасқа дейін берілетін болды. Бұл декреттік демалыстағы аналар үшін үлкен қолдау болары анық.
Қазақстан үлкен өзгерістердің алдында тұр. Уақыт өткен сайын демократиялық қоғам құрылып, адам құқықтарының қорғалуына баса назар аударылып келеді. Соңғы жылдары көпшілік арасында әйелдердің зейнет демалысына шығу тақырыбы да қатты талқыланған болатын. Бұл мәселеге де нүкте қойылды.
Алдымызда Президент сайлауы тұр. Қасым-Жомарт Кемелұлы саяси науқанға дайындық бүгіннен басталатынын жеткізді. Әлем жұртшылығы жоғары бағалап, ел сенімі ақталатын сайлау болатынына үлкен сенім білдіремін.
Гүлайым СЕЙІЛХАНОВА, 
дәрігер-нарколог

Жолдау &#8211; жарқын болашаққа батыл қадам

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасының Президенті Қасым-Жомарт Тоқаевтың бүгінгі Жолдауы еліміздегі саяси реформалардың жаңа кезеңіне жол ашты. Осы Жолдаудағы ең басты саяси жаңалық, бұл Мемлекет басшысының еліміздің саяси жүйесінің тұрақтылығын сақтаумен қатар, ішкі саяси сұраныстарға жедел әрі тиімді жауап беру мақсатында осы жылдың күзінде Президент сайлауын өткізу туралы жоғары деңгейдегі саяси шешім қабылдауы.
Қазіргі әлемде саяси өзгерістер көз ілеспес шапшаңдықпен өтіп жатыр. Сыртқы әлемде немесе ел ішінде болған кез – келген саяси өзгерістер оларға жедел әрі тиімді жауап беруді талап етеді. Сондықтан, Президент өзі атап өткендей, келесі жылдың ортасына дейін еліміздің жоғары саяси басқару жүйесі толықтай жаңартылуы тиіс. Сол себепті, осы жылы күзде Президент сайлауы өтетін болса, келесі жылдың көктемінде Парламент Мәжілісі мен барлық деңгейлердегі мәслихаттар сайлауы өтетін болады. Содан кейін барып, жаңа Үкімет құрамы жасақталатын болады.
Әрине, Президент сайлауы өткен соң, Үкімет өз өкілеттігін тоқтатады. Сондықтан, Үкіметтің жаңа құрамы неліктен Парламент Мәжілісі сайлауынан кейін жасақталатындығына да, Президент өз Жолдауында нақты жауап беріп өтті. Болашақта, Үкімет құрамында Парламент Мәжілісі сайлауында жеңіске жеткен барлық саяси партиялар өкілдерінің де болуы көзделуде. Әлемнің барлық өте дамыған демократиялық елдерінде Үкімет құрамы осылай жасақталады.
Қорыта айытқанда, Президент Жолдауы демократиялық әрі әділетті «Жаңа Қазақстанның» ауқымды саяси жоспары және еліміздегі саяси реформалардың жаңа кезеңге жол ашқан саяси құжат болды.
Алдаберген ЖОЛАНОВ, 
Арал аудандық қоғамдық кеңес төрағасы

Қазақстан және Қызылорда облысының жаңалықтары

Қазалыда Мұстафа Матаевқа ескерткіш бюст орнатылды

Жанерке Асылбекова: Жолдауға қолдау көрсетуге әзірміз

Қорқыт ата атындағы әуежайдың жаңа терминалы заманауи үлгіде салынады

Қазақстанның құрметті журналисі, фототілші Болат Омарәлиевтің "Қас қағым сәт - бір өмір” деп аталатын фотокөрмесі өтті

Қызылордада эпидахуал тұрақты

Қорқыт ата атындағы Қызылорда университеті 85-ші жаңа оқу жылына қадам басты

Ақмарал Әлназарова: «Еліміздің басты құндылығы – адам» – Президент Жолдауының негізгі өзегі

Динара Жаңабергенова: Ертеңгі күнге сенімнен туған Жолдау

Әр баланың есепшотында 3 мың доллардан астам қаражат жиналады

Қызылордадағы NIS мерейтойлық оныншы оқу жылын бастайды

Жолдау – жарқын болашаққа батыл қадам

Президент Жолдауы – саяси реформалардың жаңа кезеңі

Қазақстан және Қызылорда облысының жаңалықтары

Қазалыда Мұстафа Матаевқа ескерткіш бюст орнатылды

Жанерке Асылбекова: Жолдауға қолдау көрсетуге әзірміз

Қорқыт ата атындағы әуежайдың жаңа терминалы заманауи үлгіде салынады

Қазақстанның құрметті журналисі, фототілші Болат Омарәлиевтің "Қас қағым сәт - бір өмір” деп аталатын фотокөрмесі өтті

Қызылордада эпидахуал тұрақты

Қорқыт ата атындағы Қызылорда университеті 85-ші жаңа оқу жылына қадам басты

Ақмарал Әлназарова: «Еліміздің басты құндылығы &#8211; адам» &#8211; Президент Жолдауының негізгі өзегі

Динара Жаңабергенова: Ертеңгі күнге сенімнен туған Жолдау

Әр баланың есепшотында 3 мың доллардан астам қаражат жиналады

Қызылордадағы NIS мерейтойлық оныншы оқу жылын бастайды

Жолдау &#8211; жарқын болашаққа батыл қадам

Президент Жолдауы – саяси реформалардың жаңа кезеңі

Ақмарал Әлназарова: «Еліміздің басты құндылығы – адам» – Президент Жолдауының негізгі өзегі

Жолдау – жарқын болашаққа батыл қадам