<a href="https://kyzylorda-news.kz/">Kyzylorda-news.kz.</a> Қазақстан Республикасы Президенттінің «Әкімдердің халықпен кездесулерін өткізу туралы» Жарлығын орындау мақсатында бүгін Жалағаш ауданы әкімі Асқарбек Есжанов тұрғындарды жеке мәселелері бойынша қабылдады. Жеке қабылдауға келген тұрғындар аудан әкіміне өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.Жеке қабылдауда кезектілік ретімен жазылған жалпы саны 7 азаматтың өтініші қаралды. Азаматтар тұрғын үйге газ кіргізу, кәсіпкерлік мақсатта жер учаскесін алу, жұмысқа орналастыру секілді мәселелер көтерді.Ауданның әрбір тұрғындары тарапынан айтылған мәселелерді мұқият тыңдаған аудан басшысы заңдылыққа сәйкес түсініктеме берді. Сонымен қатар, тиісті сала мамандарымен бірге зерделеп, заңдылығына қарай шешім қабылданатынын жеткізді. Сондай-ақ, осы мәселелер бойынша ауданның жауапты бөлім, мекеме басшыларына, кент, ауыл әкімдеріне нақты тапсырма берді.Аудан әкімі Асқарбек Есжанов тұрғындар тарапынан айтылған мәселелердің барлығы өзінің тікелей бақылауында болатындығын және жақын уақыт аралығында заңдылығы бойынша шешімін табатынын жеткізді. &nbsp;<img src="https://knadmin.beoblood.kz/uploads/13_1f87fa6107.jpg" alt="13.jpg"><img src="https://knadmin.beoblood.kz/uploads/14_5e7f550658.jpg" alt="14.jpg">

Жалағаш ауданы әкімі жеке қабылдау өткізді

<a href="https://kyzylorda-news.kz/">Kyzylorda-news.kz.</a> Бүгін облыстық «Жастар ресурстық орталығы» КММ-нің ұйымдастыруымен қаладағы жоғары техникалық және кәсіптік білім беру ұйымдарының Жастар ісі жөніндегі комитет жетекшілерімен арнайы кездесу өтіп, ұйым жетекшілерінің клубын құру мәселесі талқыланды.&nbsp;Кездесуді Жастар ресурстық орталығының директоры Талғат Оспанұлы ашып, Жастар ісі жөніндегі комитет жетекшілерінің клубын құрудың маңыздылығына тоқталып өтті.Білім ордаларындағы Жастар комитеті – мемлекеттік жастар саясатын жүзеге асыруға бағытталған іс-шараларды, студент жастардың әлеуметтік және құқықтық қорғалуын қамтамасыз ететін бірден-бір ұйым. Өзін-өзі басқару мен қоғамдық жұмыстардың жұмысын үйлестіруде де жастар комитетіне артылатын жауапкершілік жоғары. Сондықтан жастар комитеті жетекшілерінің басын біріктіре отырып жұмыс жасау, облыс көлемінде жастардың басын бір орталықта қосып, жұмысын үйлестірудің маңызы жоғары.Бүгінгі жиында жастар көшбасшылары арнайы клуб құруға бірауыздан қолдау білдіріп, бірлесе бірнеше жобаларды қолға алу жөнінде өз ұсыныстарын айтты. Алдағы уақытта арнайы жоспар бекітіліп, жоспар аясында жұмыстар жүргізілетін болады.&nbsp;<figure class="image"><img src="https://knadmin.beoblood.kz/uploads/318090048_1402850277156294_8005213968017485592_n_df47b572c5.jpg" alt="318090048_1402850277156294_8005213968017485592_n.jpg"></figure>

Жастар ісі жөніндегі комитет жетекшілерінің клубы құрылмақ

<a href="https://kyzylorda-news.kz/">Kyzylorda-news.kz.</a> Бүгін Қ.Қазантаев атындағы аудандық мәдениет үйінде Қазақстан Журналистер Одағының мүшесі, Қазақстан Республикасының мәдениет қайраткері, Жалағаш ауданының Құрметті азаматы Бейбітбек Бүркітбайұлының 70 жас мерейтойына арналған «Жүрегім туған жерге ғашық әлі» атты шығармашылық кеш өтті.Аудан әкімі Асқарбек Есжанов мерейтой иесін құттықтап, құрмет көрсетті.<blockquote>«Бейбітбек Бүркітбайұлының қарапайым ауыл жұмысшысынан басталған ізденісі оны жазуға таласы бар көп қаламгердің бірегейіне айналдырды. Журналистикадағы алғашқы қадамынан туған шығармалары мен баспасөз бетіндегі мәнді мақалалары бүгінде Жалағаш аудандық «Жаңадария» газетінің мұрағатында білікті маман еңбегін айшықтап тұр. Бейбітбек аға журналистика төріне өзінің адал еңбек, маңдай терімен, үздіксіз ізденіс, тоқтаусыз жұмысымен озды.&nbsp; Қалың бұқараның мұң-мұқтажы мен аймақ халқының ауыр тұрмыс-тіршілігін ашық айтып, талай өзекті жайлардың оң шешімін табуына атсалысу кәсіби ғана емес, азаматтық өлшем де. Бейбітбек Бүркітбайұлы журналистикадағы бұл белесті де абыроймен жүріп өтті. Республикалық құқықтық, қоғамдық-саяси «Заң газетінде» ардагер қаламгердің құқық мәселелерді қаузаған көптеген мақалалары жарық көрді. Еңбек дауларын зерттеді, қысым көргенге қарымды қаламымен қалқан болды. Сыр бойы мәдениеті мен әдебиетінің дамуында Бейбітбек ағамыздың өзіндік айшықты қолтаңбасы бар. Аймақ журналистикасының алдыңғы буын өкілі, ардагер журналист Бейбітбек Бүркітбайұлы ағамызды аудан халқының атынан жетпіс жасқа толған мерейлі мерекесімен құттықтаймын», - деді Асқарбек Темірбекұлы.&nbsp;</blockquote>Салтанатты шарада кент ардагерлер кеңесінің төрағасы Қожатай Құлмахан, Бейбітбек Бүркітбайұлымен бірге қызметтес болған Жалағаш ауданының құрметті азаматы Қоғажай Ерғалиева құттықтау сөз сөйледі.&nbsp;Шығармашылық кеште автордың «Зәнжілді зар», «Алаңжар» кітаптарының тұсауы кесіліп, өз оқырмандарына жол тартты. &nbsp;<img src="https://knadmin.beoblood.kz/uploads/12_52bacf23e5.jpg" alt="12.jpg"><img src="https://knadmin.beoblood.kz/uploads/10_5cb702c89b.jpg" alt="10.jpg">

Қазақстан жазушылар одағының мүшесі Бейбітбек Бүркітбайұлының шығармашылық кеші өтті

<a href="https://kyzylorda-news.kz/">Kyzylorda-news.kz.</a> Биылғы жылдың 2 қарашасында Мемлекет басшысы Қасым-Жомарт Тоқаев Қаңтар оқиғасына қатысқандарға бір реттік рақымшылық жасау туралы заңға қол қойған болатын. «Рақымшылық туралы» Заңға сәйкес, Қармақшы аудандық пробация қызметі, пробация есебіндегі Ш. есімді азаматқа қатысты рақымшылық қолдану туралы сотқа ұсыныс жолдаған.&nbsp;Ол қаңтар оқиғасы кезінде Алматы қаласындағы дүкендердің бірінен тұрмыстық техникалық заттарды ұрлаған. &nbsp;Алматы қаласы, Алатау аудандық сотының үкімімен ҚР ҚК-нің 188-бабының 2-бөлігі 1-тармағымен кінәлі деп танылып, 10 ай бас бостандығын шектеу жазасына сотталып, ол тұрғылықты жері бойынша Қармақшы аудандық пробация есебіне алынады.&nbsp;Сотталғанның іс-құжаттары сотпен қаралып, сотталғанның жаза мерзімінен босату жөнінде сотшешімімен қаулы шығарылды. Қаулы заңды күшіне енген жоқ.&nbsp;<blockquote>«Қаңтар оқиғасы кезінде осындай қадамға барғаныма өкінемін. Мемлекет басшысы Қаңтар оқиғасына қатысушыларға бірреттік рақымшылық жариялау туралы Заңға қол қойғанын естіп қатты қуандым. Міне бүгін сот қаулысымен жазамнан босатылдым. Ендігі арманым отбасын құрып, қоғамға қажетті іспен айналыссам дейді», - есептегі сотталған.</blockquote><figure class="image"><img src="https://knadmin.beoblood.kz/uploads/sot_d82af620e2.jpg" alt="сот.jpg"></figure>

Қызылордада жаппай тәртіпсіздік кезінде ұрлық жасаған сотталған рақымшылыққа ілінді

<a href="https://kyzylorda-news.kz/">Kyzylorda-news.kz.</a> Жалағаш ауданында жеке кәсіпкерлік нысандарының артуы, өңір әлеуетінің өсуіне ықпал ететіні рас. Әсіресе, кәсіпорындар қатарының ауылдық елді мекендерде көптеп шоғырланғаны кімге болса да тиімді. Себебі ондағы халықтың әлеуетін арттырып, тұрмыс сапасын жақсартуда бұл – таптырмас мүмкіндік. Бір жағынан ондағы жұмыссыздық мәселесінің алдын алуға да кәсіпкерлік саласының алға басуы үлкен сеп болары анық.<blockquote>Соңғы жылдары Жалағаш ауданына қарасты Бұқарбай батыр ауылының тұрғындары кәсіпкерлік саласында бұған дейін қолға алынбаған жарқын жобаларды жүзеге асыруды дәстүрге айналдырып келеді. Кәсіпкерлік саласына серпін беретін мемлекеттік бағдарламаларды батыр атындағы ауылдың халқы тиімді пайдаланып отыр. Бұл сөзімізге соңғы жылдары мемлекеттік бағдарламалар мүмкіндігімен іс бастаған бұқарбайлықтардың жарқын жобасы дәлел болары анық. Солардың бірі – ауыл тұрғыны Самұрат Шайхыслам.</blockquote>Ол бұған дейін Алматы қаласындағы кондитерлік өнімдер өндіретін алып цехта жұмыс жасаған. Кәсіптің бұл түрінде үлкен пайда барын жете түсінген кәсіпкер кейін елге қайтып, салада бақ сынауға бел буады. Осылайша, өзінің туған жері Бұқарбай батыр ауылында кондитерлік өнім өндіретін кәсіпорын ашуды жоспарлайды. Алайда кейіпкерімізге бұл жобаны жүзеге асыруға қаржы тапшылығы айтарлықтай қолбайлау болған. Мақсатын жүзеге асыру үшін мемлекеттік бағдарлама көмегіне жүгінгені де сондықтан.«Бизнестің жол картасы – 2025» мемлекеттік бағдарламасымен Самұраттың бұл жобасы қолдау тапты. Комиссия мүшелерінің «Кондитерлік өнім өндіру» жобасын бірауыздан қолдайтындай реті бар. Себебі оны автор үлкен ізденіспен жасаған. Тіпті ол үшін тәжірибе жинау мақсатында Түркия мемлекетінде арнайы оқудан өткен. Осылайша кейіпкеріміз қайтарымсыз грантқа қол жеткізді.<blockquote>«Бастапқыда менде «Ауылдық жерде өнімнің бұл түріне сұраныс қалай болады?» деген сауал туындады. Десе де тәуекелге бел буып, жұмысты бастап кеттім. Қазір соның жемісін көріп отырмын. Алғашында цехта өндірілген өнімді ауыл тұрғындары таласып алды. Кейін аудан және облыс орталығындағы ірі сауда орындарынан сұраныс түсе бастады. Қазір оларды да өз өніміммен қамтамасыз етіп отырмын. Әзірге печеньенің 7-8 түрін шығарып жатырмын. Ал мерекелер қарсаңында кондитерлік өнімнің басқа да түрлерін өндіреміз. Себебі ол күндері сұраныс көп болады. Кейде өзіміздің аудан орталығындағы сауда орындары иелерінде «ертең өз өнімімен бізді қамтамасыз ете алмайды» деген біржақты көзқарас та қалыптасып жатады. Алайда менің толық мүмкіндігім бар», – дейді жас кәсіпкер.</blockquote>Кәсіпорын жұмысымен танысу барысында бұл сөзді кейіпкеріміздің жай ғана тұтынушы тарту мақсатында айтпағанына көз жеткіздік. Расында, қандай көлемде болсын тапсырысты қамтамасыз етуге шағын цехтың қауһары жетеді. Себебі кәсіпорын заманауи үлгідегі кондитерлік өнімнің кез келген түрін өндіруге арналған арнайы аппараттармен жарақталған. Оған Самұрат Бектасұлы мемлекеттік бағдарлама шеңберінде алған 4 млн 900 мың теңге қайтарымсыз қаражат арқылы қол жеткізген.Жас кәсіпкер қазіргі таңда 2 азаматты жұмыспен қамтып отыр. Алдағы уақытта мұндағы өнімге тұтынушылар тарапынан сұраныс артса, кәсіпорын көкжиегін кеңейту де жоспарда бар екен. Цехта қазір өндіріліп жатқан печеньенің бағасы 1000-1500 теңгеден аспайды. Ал торттардың көлемі мен түріне қарай бағасы да әрқалай.Былтыр желтоқсан айының ортасында жұмысын бастаған жобаның болашағы жарқын. Себебі «Сыр Дәмінде» өндірілген өнімге уақыт өткен сайын сұраныс та артып келеді.&nbsp; &nbsp;<figure class="image"><img src="https://knadmin.beoblood.kz/uploads/7_72a06b4e7c.jpg" alt="7.jpg"></figure><figure class="image"><img src="https://knadmin.beoblood.kz/uploads/8_d8b9e60d0f.jpg" alt="8.jpg"></figure>

Ауыл жастары кәсіп ашып, нәсібін ұлғайтуда

<a href="https://kyzylorda-news.kz/">Kyzylorda-news.kz.</a> №3 қалалық емханада&nbsp;мүмкіндігі шектеулі балаларға арналған шара өтті.Биыл – Балалар жылы деп жарияланғаны белгілі. Осы орайда ҚР Президенті Қасым-Жомарт Тоқаев «Балаларға ерекше назар аудару керек. Себебі, олардың амандығы – мемлекетіміздің жарқын болашағының сенімді кепілі» деп атап өткен болатын.&nbsp;№3 қалалық емханада Балалар жылы аясында өткен шара мүмкіндігі шектеулі балғындарға арналды. Емхананың психолог мамандары мен әлеуметтік қызметкерлері жеткіншектерге қуаныш сыйлау мақсатында мерекелік кеш ұйымдастырды. Шара барысында ата-аналармен психологиялық тренингтік ойындар өткізілді. Ал балаларға тәттілерге толы қораптар сыйға тартылды. Ән мен жырдан шашу шашылып, көпшілікке ерекше көңіл-күй сыйлаған кештен жиналғандар жақсы әсер алды. Бағдарлама шығармашыл өрендерге шабыт сыйлады. Сурет салуға құмар балақайлар өз өнерлерін ортаға салды.&nbsp;Мейірімділік - адам бойындағы игі қасиеттердің бірі. Mейірімділік – адам бойындағы шынайылық пен сүйіспеншіліктен туындайтын жүрек мейірбандығы. Бұл күні емхана психологтары мен әлеуметтік қызметкерлері балалаларға жүрек жылылығы мен ізгі ниетін, лебізін сыйлады.<figure class="image"><img src="https://knadmin.beoblood.kz/uploads/316669793_1322095915293418_4589969486704246322_n_008400ab24.jpg" alt="316669793_1322095915293418_4589969486704246322_n.jpg"></figure>

Емханада мүмкіндігі шектеулі балаларға арналған шара өтті

<a href="https://kyzylorda-news.kz/">Kyzylorda-news.kz.</a> Ғасыр жасаған қызылордалық Күлхатша Байболатова төлқұжатын жаңалады. «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының Халыққа қызмет көрсету орталығының №1 бөлім мамандары тыл ардагерінің үйіне барып қызмет көрсетті. Мамандар тапсырыс түскен бойда қарт ананың үйіне барып, төлқұжатқа суретке түсіріп, құжатын рәсімдеді. Құжаты дайын болғанда үйіне апарып табыстады.Ғасыр ғұмырлы әже 1922 жылдың 1 мамырында дүниеге келген. Бүгінде шөпшек сүйіп отыр. Мамандар төлқұжатын табыстауға барғанда Абдумалик атты шөпшегін алдына алып отыр екен. Кішкентай балақай мен әжесінің жас айырмашылығы тура 100 жыл. Қарт ана төлқұжатын жаңалауға қол ұшын созған ХҚО мамандарына алғысын білдіріп, ақ батасын берді.Жыл басынан бері филиал мамандары тұрғындар үйіне барып, 1882 қызмет көрсеткен. Олардың ішінде электронда цифрлық қолтаңба алу, төлқұжат ауыстыру және мүгедектерді техникалық-көмекші құралдармен қамтамасыз етуге құжаттарды ресімдеу қызметтеріне көп тапсырыс түскен.&nbsp;Мемлекеттік қызметтерді үйден алуға барлық санаттағы мүмкіндігі шектеулі жандар, ҰОС ардагерлері мен оларға теңестірілгендер және денсаулығына байланысты жүріп-тұруы шектелген 65 жастан асқандар (медициналық анықтамасы болған жағдайда)1414 бірыңғай байланыс орталығына тапсырыс бере алады.<figure class="image"><img src="https://knadmin.beoblood.kz/uploads/Bezymyannyj_2f6ff6076c.jpg" alt="Безымянный.jpg"></figure>

Ғасыр жасаған қызылордалық әже төлқұжатын жаңалады

<a href="https://kyzylorda-news.kz/">Kyzylorda-news.kz.</a>&nbsp; Партия алаңында Қызылорда облысы бойынша ветеринарлық бақылау және қадағалау аумақтық инспекциясы басшысының орынбасары Есенгелді Сыздықов пен Қызылорда облысы бойынша Мемлекеттік кірістер департаменті басшысының орынбасары Әділбек Бекішев кестеге сай қабылдау жасады.&nbsp;Есенгелді Серікұлының қабылдауына келген тұрғындар ауласында мал ұстап, кәсіппен айналысу, үй жануарларын (ит, мысық) ұстау талаптары, ветеринарлық дәріхана ашу алғышарттары мен басқа мемлекетке мал тасымалы заңдылықтары туралы сұраса, Әділбек Бекішевтің қабылдауына келушілер кәсіптік нысан (ЖШС, ЖК) жабу үшін қандай амалдар жасау қажеттілігі, қосымша құн салығын төлеуші ретінде тіркелу үшін атқарылатын шаралар және өзге де тақырыптар бойынша кеңестер алды.Сонымен қатар облыстық партия филиалының қоғамдық қабылдау бөлмесінде Түркістан Қызылорда облыстары бойынша өңіраралық заң консультанттары палатасының заң кеңесшісі Қайырбекова Балжан Қожабекқызы тұрғындарға арналған заңгерлік тақырыптық қабылдау өткізді.&nbsp;"Заңгерлік көмек" жобасы аясында кеңес беруге арналған қабылдауда қала тұрғындары тарапынан онлайн несие мәселесі, алимент өндіру және мұрагерлік жайында туындаған қиындықтар бойынша сұрақтар болды.&nbsp;Тұрғындар тарапынан айтылған талап-тілектер бойынша қолданыстағы заңнамаларға сәйкес құқықтық кеңестер берілд.<figure class="image"><img src="https://knadmin.beoblood.kz/uploads/317428358_520852746747033_8051544091657340843_n_c26dc1ee89.jpg" alt="317428358_520852746747033_8051544091657340843_n.jpg"></figure>

Партия алаңында қызылордалық тұрғындарға құқықтық кеңес берілді

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Жалағаш аудандық филиалы жанындағы «Өңірді дамыту» және «Жастарды қолдау» жөніндегі қоғамдық кеңес отырысы өткізілді. Аталған қоғамдық кеңестің күн тәртібінде 3 мәселе қаралды.«Өзгерістер жолы: әр азаматқа лайықты өмір» атты «AMANAT» партиясының сайлауалды бағдарламасын іске асыру жөніндегі Жалағаш ауданы бойынша Жол картасының 25, 26, 27, 28 тармақтары мен қоғамдық кеңес тарамынан берілген хаттамалық ұсыныстардың орындалуы туралы, аудан жастарын жұмыспен қамту, оқыту және кәсіпкерлік бағдарламалардың орындалуы және «Әлеуметтік маңызы бар азық-түлік тауарларына бағаны тұрақтандыру» жұмыстары туралы туралы тиісті сала өкілдерінің хабарламалары тыңдалды.Жастарды жұмыспен қамту, оқыту және кәсіпкерлік бағдарламалардың орындалуы бойынша бірқатар ұсыныстар айтылды. Жастарды жаңа бизнес идеялармен кеңес беруге, жаңа бастамаларды ашуға бірлескен түсіндірме жұмыстарын жүргізу ұсынысы жеткізілді. Жастардың жұмыссыздық деңгейін түсіруге байланысты тиісті іс-шараларды қолға алу керектігі айтылды.Аталған кеңеске арнайы «AMANAT» партиясы Жалағаш аудандық филиалы жанындағы партиялық бақылау комиссиясының мүшелері қатысып, сайлауалды бағдарламасын іске асыру жөніндегі Жалағаш ауданы бойынша Жол картасының тармақтары бойынша бірқатар сауалдар қойып, орындалуы бойынша өз ұсыныстарын жеткізді.Партияның сайлауалды бағдарламасың тармақтарында көрсетілген іс-шаралар бойынша хабарламашыларға кеңес мүшелері тарапынан сұрақтар қойылып, ұсыныстар айтылды. Айтылған ұсыныстар хаттамаға түсіріліп, тиісті жұмыстардың орындалуы кеңес мүшелері назарында болады. &nbsp;<img src="https://knadmin.beoblood.kz/uploads/4_3c55d37054.jpg" alt="4.jpg">

Сайлауалды бағдарламаның орындалуы бойынша қоғамдық кеңес отырысы өткізілді

<a href="https://kyzylorda-news.kz/">Kyzylorda-news.kz.</a> Рас, екі қолға бір күрек тауып, өз ісінен береке тапқандар ғана еңбегінің жемісін көреді. Бүгінде Жер-Анадан несібесін тауып жүргендер жайлы аз-кем айтылып жүрген жоқ. Соның ішінде жылына бірнеше мәрте өнім алатын жылыжайлар туралы талай айттық та. Қармақшы Ауданы бойынша жылыжай ісін дамытуға құлшыныс білдіріп отырғандар күн санап артуда. Соның бірі – Төребай би ауылының тұрғыны Руслан Қошантаев.Оның айтуынша, жылыжай ісін биыл бірінші рет қолға алған. Алайда кез келген істе қиыншылық қатар жүреді демекші, алғашқы еккені нәтиже бермепті.<blockquote>«Бұл бірінші бастамам болғасын, аздаған қателіктер орын алды. Яғни дайындаған топырағымның құрамы дұрыс болмады. Қарашірікті көп қосып жіберіппін. Еккен қияр мен қызанақтың шығымы ұзаққа бармай өліп қалды. Қайтадан топырақ ауыстыруыма тура келді. Одан бөлек қаладан алдырған F1 маркалы гибрит тұқымның сапасы болмай шықты. Шымкент, Түркістан облысындағы мамандармен байланысқа шығып кеңес сұрағанымда, олар тұқымның дұрыс таңдалмағанын және сапасыздығын алға тартты. Осыдан кейін жылыжай ісін қайтадан бастадым. Қазір шүкір шығым жақсы. Минералды тыңайтқыштардың көмегімен қияр жақсы шығып жатыр. Қызанақтарым да көтеріліп қалды. Сұрағандарға 500 көшет сатсам, одан бөлек қораға 100 көшет отырғыздым. Нәтиже жаман емес», – дейді жылыжай иесі.</blockquote>Төребай би ауылының тұрғындары үшін бақша өнімін өсіру жылдағы үйреншікті іс болса, Русланның бұл жеке хоббиі. Оның мұндай қадамға келуіне ауыл әкімінің септігі тиіпті. Ақай ауылының тұрғыны, белгілі кәсіпкер Ерлан Жаппасбаевтың жұмысын көріп, тәжірибе алмасуға барғанда-ақ қызығушылығы ояныпты. Осыдан кейін дереу білек сыбана кірісіп, есік алдына шағын етіп жылыжай жасап, алғашқы жұмысын бастаса керек. Алайда жылыжай салудың да өзіндік қыр-сыры барын жасырмады.Русланның сөзінше, жылыжайда өсетін кез келген өнім үшін ең бірінші ішіндегі ауа температурасы бір қалыпты болуы керек. Ең басты ескеретін жайт осы. Өйткені топырақты жарып шыққан әр жас өскін бала секілді нәзік келеді. Мәселен, түннің салқынында, жаздың аптап ыстығында олар шыдамауы мүмкін. Осындайда ішкі температураны реттеп отыратын құрылғы міндетті түрде болуы керек екен.Руслан Қошантаев алдағы уақытта бастаған ісін тоқтатпай, жылыжай аумағын кеңейтіп, өнім түрін ұлғайтсам деп жоспар да құрып қойыпты. &nbsp;<figure class="image"><img src="https://knadmin.beoblood.kz/uploads/1655354977_zhylyzhay_0a5e7afe8d.jpg" alt="1655354977_zhylyzhay.jpg"></figure>

Жылыжайды табыс көзі қылған кәсіпкер

<a href="https://kyzylorda-news.kz/">Kyzylorda-news.kz.</a> Қазақстандық қызметкерлер заң бойынша салықтық шегерімдер ала алады, яғни мемлекеттік бюджетке төленетін төлемдерді қысқарту есебінен ақшаларын үнемдей алады.&nbsp;Одан салық төлеушілердің қалай ұтатыны туралы Fingramota.kz айтып береді.&nbsp;Салықтық шегерім – бұл одан салық төленетін кіріс мөлшерінің азаятын сомасы. Оны мемлекеттен жеңілдік не қолдау деуге де болады, ол бұрын бір жылдың ішінде төленген салықты қайтаруға немесе салықты азырақ төлеуге мүмкіндік береді.Қазақстанда салықтық шегерімдер:барлық кірістің 10%-ы мөлшеріндегі жеке табыс салығын есептеу кезінде; қызметкердің кірісі есептелетін әрбір айға, кейбір жағдайларда уәкілетті орган және сізге тізімі кадр қызметінде ұсынылуға тиіс құжаттарда белгілеген нысан бойынша салықтық төлемдерді қолдану туралы қызметкердің өтініші негізінде қолданылады. Салықтық шегерімдердің қандай түрлері бар?Заң бойынша кірістердің мынадай түрлеріне салық салынады: қызметкердің, оның ішінде резидент-еңбек иммигранты мен үй қызметкерінің кірісі; тауарлар, көрсетілетін қызметтер, жұмыстарды өткізуден түсетін кіріс; үшінші адамның орындалған жұмыстар, көрсетілген қызметтер, тауарлардың құны үшін жасаған төлемі түріндегі кірісі; берешекті өтеу есебіне орындалатын жұмыстар не қызметтер түріндегі кіріс; ақысыз алынған мүлік, кешірілген борыш немесе борышкерге қойылатын талаптарды азайтудан болатын кіріс; зейнетақы төлемдері мен шәкіртақы; жинақтаушы сақтандыру бойынша кіріс; дивидендтер, сыйақылар, ұтыстар, репо операциялары бойынша сыйақылар; ДК немесе жеке практикамен айналысатын адамның кірісі; қосалқы шаруашылықтан түсетін кіріс.Қызметкерге ЖТС бойынша шегерімдердің төмендегі түрлері берілуі мүмкін:міндетті зейнетақы жарналары (МЗЖ) түріндегі шегерім – «Зейнетақымен қамсыздандыру туралы» ҚР заңнамасында белгіленген мөлшерде; міндетті әлеуметтік медициналық сақтандыруға (МӘМС) төленетін жарналар бойынша шегерім&nbsp;– Міндетті әлеуметтік медициналық сақтандыру туралы ҚР заңнамасында белгіленген мөлшерде; зейнетақы төлемдері мен жинақтаушы сақтандыру шарттары бойынша шегерім; Бұдан басқа, стандартты салықтық шегерімдер, оның ішінде 14 АЕК мөлшеріндегі ай сайынғы шегерімдер болады.Стандартты шегерім әрбір күнтізбелік айға қолданылады. Бұл ретте, бір күнтізбелік жылға стандартты шегерімнің жалпы сомасы республикалық бюджет туралы заңда белгіленген және тиісті қаржы жылының 1 қаңтарына қолданыста болатын 168 еселік айлық есептік көрсеткіштен аспауға тиіс (2022 жылы: 168 АЕК *3063=514 584 теңге).АЕК – бұл айлық есептік көрсеткіш. 2022 жылы оның мөлшері 3 063 теңгені құрады. Тиісінше стандартты салықтық шегерімнің мөлшері (14АЕК*3063) 2022 жылы&nbsp;42 882 теңгені құрайды.Мысалмен қарастырып көрелік&nbsp;Егер Сіздің жалақыңыз 200 мың теңге болса, 14 АЕК мөлшерінде шегерімге өтініш берген кезде ЖТС-ны есептеу мынадай түрде жүзеге асырылады:Міндетті зейнетақы жарналары (МЗЖ) жалақы мөлшерінің 10%-ын құрайды, бұл 20 мың теңге. Міндетті әлеуметтік медициналық сақтандыру жарналары (МӘМСЖ) жалақы мөлшерінің 2%-ын құрайды, бұл 4 мың теңге. Жеке табыс салығы (ЖТС) мынадай формула бойынша есептеледі: (Жалақы – МЗЖ – МӘМСЖ – 14 АЕК) * 10% = (200 000 – 20 000 – 4 000 – 42 882) * 10% = 13 312 теңге. Осылайша, ЖТС 13 312 теңгеге тең. Яғни, Сіз қолыңызға алатын жалақыңыз 200 000 – 20 000 – 4 000 – 13 312 = 162 688 теңге – бұл зейнетақы жарналарын, МӘМС-қа жарналарды және табыс салығын алып тастағанда жалақыңыздың сомасы.Енді ипотека бойынша салықтық шегерімді есепке ала отырып, есептеу жүргізелік. Мысалы, Сіз 15 жылға ипотека ресімдедіңіз, ай сайын 80 мың теңге төлеп отырсыз, оның ішінде банктің сыйақысы 50 мың теңгені құрайды. Шегерімді есепке алғанда, ЖТС-ті есептеуге арналған формула мынадай болады: (Жалақы – МЗЖ – МӘМСЖ – 14 АЕК – ипотека бойынша ай сайынғы төлемдердегі сыйақы сомасы (кредит бойынша %). Осылайша, шегерімді есепке алғанда, ЖТС 8 312 теңгені құрайды. Сіз МЗЖ, МӘМСЖ және ЖТС алып тастағанда – 167 688 теңге аласыз.Сыйақы бойынша салықтық шегерімнен кейінгі және оған дейінгі айырманың қанша болатынын салыстырып көрелік: 162 688 теңге – 167 688 теңге = 5 мың теңге.Сіздің ай сайынғы пайдаңыз дәл осылай болады, яғни ай сайын сіз салық бюджетіне есептен шығарылмайтын, бірақ сізде қалатын бұл соманы «үнемдейсіз».<blockquote>Сонымен қатар, стандартты салықтық шегерімдерге азаматтардың белгілі бір санаттарына, оның ішінде мүгедек адамдарға, ҰОС қатысушыларына, мүгедек балалардың ата-аналарына немесе қамқоршыларына белгіленген 882 АЕК мөлшерінде шегерімдер жатады.</blockquote>Осылайша, 882 АЕК мөлшеріндегі салықтық шегерім азаматқа Салық кодексінің осындай тармақтарын қолдану күніне төмендегідей тұлға болып табылатындығы негізінде беріледі:<ul><li>бірінші, екінші немесе үшінші топтағы мүгедектігі бар адам;</li><li>мүгедектігі бар бала.</li><li>мүгедек баланың ата-анасының, қорғаншыларының, қамқоршыларының бірі - ол 18 жасқа толғанға дейін әрбір осындай мүгедек бала үшін;</li><li>«бала кезінен мүгедек» деген себеппен мүгедек деп танылған адамның өмір бойына әрбір осындай адам үшін – оның ата-анасының, қорғаншыларының, қамқоршыларының бірі;</li><li>асырап алынған бала 18 жасқа толғанға дейін әрбір осындай адам үшін –бала асырап алушылардың бірі;</li><li>жетім балаларды және ата-анасының қамқорлығынсыз қалған балаларды баланы қабылдайтын отбасыға беру туралы шарттың қолданылу мерзімі кезеңінде әрбір осындай адам үшін – жетім балаларды, ата-анасының қамқорлығынсыз қалған балаларды қабылдайтын отбасыға.</li></ul>Осы тармақшаның ережелері:<ul><li>қорғаншылыққа және қамқоршылыққа мұқтаж адамдардың қорғаншылары және қамқоршылары болып табылатын тиісті білім беру ұйымдары, медициналық ұйымдар, халықты әлеуметтік қорғау ұйымдары әкімшіліктерінің қызметкерлеріне қатысты олардың осындай ұйымдармен еңбек қатынастарында болуына байланысты;</li><li>Қазақстан Республикасының неке-отбасы заңнамасына сәйкес асырап алынатын баланың (балалардың) анасымен немесе әкесімен некеге тұратын (ерлі-зайыптылықта болатын) адамдарға қатысты қолданылмайды.</li></ul>Салық кодексінің 346-бабының 2-тармағында осы баптың 1-тармағының 2) және 3) тармақшаларында көзделген стандартты шегерімдердің осы салықтық шегерімдерді қолдану үшін негіз туындаған, бар немесе болған күнтізбелік жылда қолданылатыны белгіленген.Сондай-ақ Қазақстанның салық заңнамасында мыналар жататын басқа да салықтық шегерімдер де көзделген:<ul><li>ерікті зейнетақы жарналары бойынша шегерім;</li><li>медицинаға шегерім;</li><li>сыйақылар бойынша шегерім.</li></ul>Мысалы, медицинаға салықтық шегерімді Қазақстанның резидент жеке тұлғасы өз пайдасына (косметологиялықтан басқа) жүргізілген медициналық қызметтерге ақы төлеуге арналған шығыстар бойынша қолданады.Сыйақылар бойынша салықтық шегерімді Қазақстан Республикасының резидент жеке тұлғасы Қазақстан Республикасының Тұрғын үй құрылыс жинақтары туралы заңнамасына сәйкес республика аумағында тұрғын үй жағдайларын жақсарту жөніндегі іс-шараларды жүргізуге тұрғын үй құрылыс жинақ банктерінен алған ипотекалық тұрғын үй қарыздары бойынша сыйақы төлеуге арналған өз пайдасына жүргізілген шығыстар бойынша қолданады.Салықтық шегерімдерді қалай алуға болады?ҚР Салық кодексіне сәйкес салықтық шегерімдер қатаң белгіленген ретпен беріледі. Оларды алу үшін азаматтар тұрғылықты жері бойынша мемлекеттік кірістер басқармасына өтініш және растайтын құжаттардың көшірмелерін ұсынуы қажет.Мысалы, ерікті зейнетақы жарналары бойынша салықтық шегерімін алу үшін дәлел ретінде тиісті шартты және ерікті зейнетақы жарналарының төленгенін растайтын құжатты ұсыну қажет.Шегерімдердің мөлшері неге байланысты?2022 жылдан бері ҚР Президентінің тапсырмасы бойынша салықтық шегерімдер ең төменгі жалақы (ЕТЖ) сияқты есептік көрсеткіштен басқа көрсеткішке – АЕК-ке ауыстырылды. Сондай-ақ ЕТЖ-ны тек салықтық емес, әлеуметтік және басқа да салаларда есептік көрсеткіш ретінде қолдануды алып тастау тапсырылды. Осылайша, жыл сайын шегерім мөлшері АЕК-ке байланысты өзгеріп отырады.Мысалы мөлшері 25 АЕК-тен аспайтын (2022 жылы – 76 575 теңге) кірістер бойынша салық салынатын кірісті 90%-ға азайту көзделген. Яғни, ЖТС нақты мөлшерлемесі 1%-ды құрайды. Сондықтан жалақы бұл сомадан төмен болған кезде, мысалы 60 мың теңгеге:10% немесе 6 мың теңге МЗЖ, осы соманың 2%-ы немесе 1200 теңге МӘМСЖ; 14 АЕК немесе 42 882 теңге мөлшерінде стандартты салықтық шегерім; қалған соманың 90% (9 918 теңге). Нәтижесінде ЖТС 1%-ды немесе 99 теңгені (991,8 теңге *10%) құрайды.Ал, мысалы жалақы сомасы 25 АЕК-тен жоғары, яғни 76 575 мың теңгеден астам болса, ЖТС есептеулері сәл өзгеше болады. Сонымен, жаақы 100 мың теңге мөлшеріндегі жалақыны алсақ, одан сол салықтар шегеріледі:МЗЖ – 10 мың теңге МӘМС – 2 мың теңге стандартты салықтық шегерім – 14 АЕК – 42 882 теңге. Салық салуға алынған сома 45 118 теңге.Нәтижесінде ЖТС сомасы 4 512 теңгені (45 118*10%) құрайды.Толығырақ ақпарат алу үшін сіз ҚР Мемлекеттік кірістер комитетіне жүгіне аласыз.Fingramota.kz-пен бірге қаржылық сауаттылығыңызды арттырыңыз!&nbsp;&nbsp;

Салықтық шегерімдер дегеніміз не және оның көмегімен қалай үнемдеуге болады? 

<a href="https://kyzylorda-news.kz/">Kyzylorda-news.kz.</a> Аққыр ауылы – Жалағаш ауданынан ең шалғай орналасқан елді мекен. Өткен ғасырдың бел ортасында Қаракөл қой совхозы болып құрылған Аққырда сол кезеңде қырық мыңға жуық қой болған. Ет және қаракөл бағытында өсірілген қойдың өнімі елімізді етпен қамтамасыз еткен. Ал алтынның құнымен шамалас бағаланған қаракөл елтірісі өңделіп, бүкілодақтық нарыққа шығарылған. Қойдан бөлек, түйе, жылқы, сиыр сияқты төрт түліктің түрлері де өсірілді. Егін шаруашылығымен түбегейлі айналыспаса да, ауыл тұрғындары бақша өнімдерін базардан сатып алған жоқ. Тың жерлердің көбісі игеріліп, бидай, қызылша, жүгері, күнбағыс та егілді.&nbsp;Әрине, бүгінде Қызылқұм қойнауында мыңғырған мал да, алқаптарында жайқалған бақша да жоқ. Алайда, аққырлықтар қол қусырып қарап отыруды жөн көрмейді. Тырбанып шама-шарқынша тіршілік етіп жатыр. Қорасына мал ұстап, ауласына бау-бақша салып отырғандар да бар. Көбі ет пен сүтті және бақша өнімдерін базардан алмайды, керісінше, ара-тұра болса да адал еңбекпен тапқандарын сатып, пұл қылады.&nbsp;Ауыл әкімі Жаңабек Матаевтың айтуынша, аққырлықтар алдағы жылдары аяқсудан тапшылық көрмейді. Ауыл айналасындағы «Қаратабан», «Әшірбек», «Арпаңыз» секілді шабындықтарды толығымен су басқан. Демек, мал шаруашылығымен айналысып отырған бұл шалғайдағы ауыл биыл қысқы мал азығын алыстан арбаламай, аталған шабындықтардан қам жасаған. Табанына ылғал барса, айтып отырған үш шабындықты да ну қамыс басады және ондағы шөп бүкіл ауылға жетеді. Тек жалқаулыққа жеңілмей, орағыңды оңтайлы ұстай алсаң болғаны. Келер жылы да тұрғындар аяқсу жарап тұрса, су тапшылығына байланысты бірер жыл үзіліп қалған бақша салу үрдісін жалғастырмақ ниетте. Егінші жылда арманда. Ауыл сыртына және ауласына көкөністер мен майда дақылдар егіп, мол өнім алатын аққырлықтарға тек аяқ су мәселесі шешілсе болғаны, егін шаруашылығында ешкімнің кеңесіне, көмегіне мұқтаж емес.&nbsp; Сондай-ақ, келер жылы дарияның табанынан қашық жатқан Қаракеткен мен Жаңаталап ауылдарынан су ұңғымаларын бұрғылау жұмыстары басталмақ. Нәтижесінде, жер асты суларын пайдалану арқылы егістікке және шабындық жерлерге су апаруға мүмкіндік туады. Ал, бау-бақша егетін Аққыр ауылы үшін келер жылдан бастап қуаты жоғары су тартатын электрлі насостар іске қосылады. &nbsp;Ауыл әкімі биыл оңтүстік коллекторға дейін электр бағаналарын жүргізуге байланысты облыстық табиғи ресурстар және табиғат пайдалануды реттеу басқармасы арқылы су айдайтын 1 дана электронасос және 1 дана дизельдік су айдау насосы алынғанын айтады. Жаздың ортасына таяу аяқ су азайған жағдайда, екі насос та іске қосылатынын және ол екі құрылғы бір ауылдың халқын аяқ сумен толық қамтамасыз етуге күші жетеді екен. Сонымен бірге биыл ауыл орталығындағы Адис Ахетов көшесі күрделі жөндеуден өткен. Аудандық бюджеттен 31,5 миллион теңге қаржы бөлінген жол құрылысы «Құрылыс-Көлік компаниясы» ЖШС арқылы жүзеге асып, 5 ай мерзімде пайдалануға беріліпті. Яғни межелі уақытында аяқталып, халық игілігін көріп отыр. Сондай-ақ жоғарыда айттық, тұрғындарды ауылдағы тозығы жеткен футбол алаңының қайта жаңартылғаны да қуантты. Аудандық бюджеттен 6 млн 676 мың теңге қаржы бөлініп, мердігер «Байсакалова.А» ЖК жұмысын жүргізген спорт алаңында қазірде ауыл балалары доп теуіп жүр. Жаз мезгілінде ауылдық клубтың мәдени іс-шаралары да осы жаңа алаңда өтетін болған. Ауылдық жерлерде балалардың бос уақыты ойын алаңқайларында және футбол алаңдарында өтеді. Ескірген футбол алаңын қайта жаңғырту тек балалардың ғана емес, ата-аналардың да көкейінде жүрген сауал еді. Ол да шешімін тауыпты.&nbsp;Аққыр ауылынан көптеген мәдениет саласының қайраткерлері шыққан. Көбі елімізге танымал руханият өкілдері. Сол азаматтардың барлығы да өнерге деген алғашқы қадамын ауылдағы ескі клуб үйіндегі үйірмелерден бастаған. Өткен ғасырдың ортасында ауыл клубында аймаққа белгілі оркестр жұмыс істеген. Оның құрамы кәсіби музыканттардан және әр салада қызмет істейтін талантты өнерпаздардан құралған. Оркестр мүшелері зейнет демалысына шықса да әлі күнге дейін ауылдағы жас көркемөнерпаздарға бағыт-бағдар беріп келеді. Өкінішке қарай екі мыңыншы жылдары ескі клуб өртеніп кетті. Ауылдағы іргелі руханият орталығының отқа оранғаны ауыл тұрғындарына ауыр тиді. Содан бері аққырлықтар үшін ауылдық клуб үлкен мәселеге айналды. Жақсы жаңалық естиміз бе деген үмітпен күн сайын ауданға құлақ түріп жүреді. Сол клуб мәселесі келер жылы шешімін табатын болды. Жоба-сметалық құжаты әзірленіп, тиісті орынға жолданған. Тек енді сараптамадан өткеннен соң, ұзамай құрылысы басталмақ. Аққыр – көшелері түзу және жасыл желегі, тал-терегі көп ауыл. Жылда көктем айларында ауылдағы саябақтар мен көше бойына санитарлық-тазалық жұмыстары жүргізіліп, жас көшеттер отырғызылады. Оны күтіп-баптауға аталған ауылдың ынтасы да жоғары, тәжірибесі де жеткілікті.&nbsp;ХХІ ғасырда адамзат баласының ақыл-ой өлшемі тек білім бәсекесінде ғана сыналып жатыр. Мемлекетіміздің басты мақсаты жас ұрпаққа заманға сай сапалы білім беріп, ғылым үйрету және оған мейілінше жағдай жасалып келеді. Соған сәйкес білім саласына, соның ішінде мұғалімдерге қойылатын талап та қатая түсті. Аққыр ауылындағы №188 орта мектеп ұжымы жыл сайын оқу жылын жақсы нәтижемен қорытындылауды дәстүрге айналдырған. Шалғай ауылдағы алтын ұяның бәсекеге қабілетті ұрпақ қалыптастыруда қалдырған қолтаңбасы өз алдына бөлек әңгіме. Бірер жыл бұрын ғана күрделі жөндеуден өткен білім ошағында талапты оқушылар, білікті педагог мамандар бар. Бастысы, әр жылдардағы оқу жылының қорытындысына зер салсаң, мемлекеттің аталған салаға жасаған қолдауында оң нәтиже барын айқын аңғарасың.Мектеп директорының оқу ісі жөніндегі орынбасары Гүлмира Алимова ауыл мектебіндегі материалдық мәселелер жылдан жылға өз кезеңімен шешімін тауып келе жатқанын айтады. Сондай-ақ жыл сайын білім алатын оқушылар қатарында айтарлықтай өсім бар екен.&nbsp;«Аққыр ауылы аудан орталығынан шалғайда орналасқан. Алайда, бұрынғыдай емес, аралықта көлік қатынасы жолға қойылды. Аудан орталығында өтетін шараларға оқушылар да, мұғалімдер де қатысып, тәжірибе алмасуға толық мүмкіндігіміз бар. Одан бөлек, мемлекеттің ауылдық елді мекендерді, соның ішінде білім саласын жақсартуға бағытталған барлық қолдауынан құр қалып жатқанымыз жоқ. Өткен жылдары өзіміз жұмыс жасайтын, шәкірттеріміз білім алатын осы мектепке күрделі жөндеу жұмыстары жүргізілді. Биыл ауылда бір көшеге асфальт төселді. Аудан және облыс орталығынан шалғайда демесеңіз, ауылдың бүгінде екінші тынысы ашылғандай көрінеді өзімізге. Іші-сырты толықтай жаңарып, қажетті заманауи құрал-жабдықтармен жабдықталған мектептегі мұғалімдердің де, оқушылардың да &nbsp;еңселері тіктелді. Осындай үлкен қолдау барда біздің алдымыздағы жауапкершілік те еселенетінін жақсы білеміз. Сондықтан сол жауапкершіліктің, талаптың үдесінен шығып, мектебіміздегі білім сапасын бұрынғыдан да арттыра түсуге күш саламыз», – дейді Гүлмира Алимова.Білім саласында ұзақ жылдық тәжірибесі бар білікті педагогтың айтқандарына мектептің әр жылдағы жетістіктерін бір саралап шыққанда көз жеткіздік және ұжымның білім саласында жаңа бағыт қалыптастыруда айтарлықтай үлесі барын аңғардық. Расымен, Аққыр ауылы аудан, облыс орталығынан қашық. Иә, мектеп оқушыларының облыс, болмаса аудан орталығына қатынап, қосымша үйірмелерге қатысуға мүмкіндігі бола бермейді. Солай бола тұра нәтижесі көңіл қуантарлық. Сөзіміз дәлелді болуы үшін, әр жылдары ауыл мектебін бітірген түлектердің мемлекеттік грантпен ЖОО-да білім алу мүмкіндігіне қол жеткізу көрсеткішіне тоқтала кеткеніміз жөн.&nbsp;№188 орта мектеп былтыр жаңа оқу жылын 155 оқушымен бастаған. Оның жетеуі – мектеп бітіруші. Ал ұлттық бірыңғай тестілеу нәтижесі ұлағатты ұстаздардың жемісті еңбек еткенін аңғартады. Мәселен, былтыр бұл мектептен түлеген 7 оқушы да ҰБТ-ға қатысқан. Басым бөлігі педагогикалық бағыттағы мамандықтарды таңдапты. Нәтижесінде, жеті оқушының алтауы еліміздегі маңдайалды жоғары оқу орындарында білім алуға мемлекеттік грант жеңіп алса, біреуі облыс әкімінің грантына ие болыпты. &nbsp;Айта кетейік, биыл Аққырдағы №188 орта мектеп жаңа оқу жылын 167 оқушымен бастаған. Демек, Гүлмира Әбдіразаққызы айтқандай, бала саны жылдан жылға өсіп келе жатыр. Биыл алғаш ауылдағы алтын ұяның табалдырығын 23 бала аттап отыр. Былтыр 1 сыныпқа қабылданған балалар саны 17 болған. Орта мектепте білім алатын оқушының саны артса, мектептің материалдық базасын нығайта түсу талабы туындайды және мұғалімнің жауапкершілігі еселенеді.&nbsp;Аққырдағы 1984 жылы іргетасы қаланған білім ордасы отыз жылдан аса уақыт күрделі жөндеу көрмеген еді. Осыдан 3 жыл бұрын мемлекеттік бағдарлама аясында 200 млн теңгеден астам қаражатпен ескірген нысан қайта жаңарды. Бас мердігер «Корпорация Алем-құрылыс» ЖШС құрылыс жұмыстарын сапалы жүргізіпті. Білім ұясының шатыры жаңартылып, сыртқы қабырғалары замануи материалдармен қапталған, есік-терезелері ауыстырылған. Ғимараттың ішінен дәретхана салынып, су, кәріз жүйелері жүргізілген. Тозығы жеткен электр жүйесі жаңаланған. Ішкі қабырғалары қайта сыланып, жаңа еден төселген. Аулаға брусчатка, асфальт төселіп, абаттандыру жұмыстары жасалған. Мердігер мекеме білім нысанының сыртынан да дәретхана салыпты. Айта кетейік, осы мектеп дәретханасына қатысты жайттар бірер жылдан бері қоғамда пікір туғызып, өзекті мәселеге айналып отыр. Сыртқы есік жанынан мүгедектер арбасы еркін сиятын арнайы пандус орнатылған. Мектеп ғимаратының алдына балалар демалатын жайлы орындықтар да қойылыпты. &nbsp;Бұл мемлекеттің білім саласына деген қамқорлығының, тұрақты қолдауының нәтижесі. Ұлағатты ұстаздардың тынымсыз еңбегі жыл сайын үлкен жетістіктерге бастап келеді.&nbsp;Биыл Аққырдағы орта мектепті 9 бала тәмамдайды. Олардың барлығы бүгінде ұлттық бірыңғай тестілеуде бақ сынауға ниетті. Гүлмира Алимова түлектерден айына екі рет ҰБТ-ға дайындық мақсатында тест алынатынын айтады. Қыркүйек айындағы бірінен кейін бірі өткен осындай жұмыстың өзінде айтарлықтай нәтиже бар байқалыпты. Аққыр ауылындағы орта мектепте жүргізіліп жатқан жүйелі жұмыс бар және соның нәтижесінде жетістіктері де ауыз толтырып айтарлықтай.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; <img src="https://knadmin.beoblood.kz/uploads/2_c59cde5f40.jpg" alt="2.jpg">

Қазақстан және Қызылорда облысының жаңалықтары