<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында жол инфрақұрылымын, транспорт саласын дамыту өте маңызды. Себебі бұл сала экономиканың негізгі күретамыры саналады. Жол-көлік қатынасы мен инфрақұрылымдық бағытты дамыту мақсатында шалғай елді мекендер назардан тыс қалған емес. Бұл ретте облыс әкімінің тапсырмасы негізінде өңірде кешенді жұмыстар қолға алынған.
Бүгін көлік саласы қызметкерлері кәсіби мерекесі қарсаңында құрмет төрінен көрінді. Салтанатты жиында аймақ басшысы Нұрлыбек Нәлібаевтың арнайы құттықтауын жеткізген облыс әкімінің орынбасары Мархабат Жайымбетов өңірдегі жолаушылар көлігі және жүк тасымалы саласында абыройлы қызмет етіп, ел дамуына сүбелі үлес қосып жүрген сала қызметкерлерін марапаттады. 
Мархабат Жайымбетов сала мамандарының аймақтағы өндіріс орындарының өнімін тасымалдауда, экспортқа шығаруда, халықтың әлеуметтік жағдайын жақсартуға тигізер үлесін тілге тиек етіп, алғаусыз алғысын арнады.
«Көлік саласы қай кезде де еліміздің экономикасы мен өндірісінің барлық буынын байланыстыратын аса маңызды сала болып табылады. Елімізді әлеуметтік-экономикалық дамыту, экономиканы және өнеркәсіптік өндірісті жаңғырту жолында Мемлекет басшысы Қасым-Жомарт Кемелұлы Тоқаевтың алға қойған міндеттерін іске асыруда көлік саласы өте маңызды рөл атқарады», – деді Мархабат Жайымбетов.
Төл мереке тұсында бірқатар қызметкерге «Құрметті автокөлікші», «Үздік автокөлікші» төсбелгілері табысталып, көлік саласындағы 28 қызметкерге облыс әкімінің, Көлік және коммуникация министрінің Құрмет грамоталары мен Алғыс хаттары берілді.
Сала ардагерлеріне де ілтипат көрсетілді. «Еңбек ардагері» медалі ерен еңбегімен көпке үлгі болған Мақсұт Төлегеновке табысталды. Сонымен қатар, бірнеше зейнеткер шипажайға жолдама алды. 
Марапаттау рәсімінде сөз алған облыстық жолаушылар көлігі және автомобиль жолдары басқармасы жанындағы ардагерлер кеңесінің төрағасы Жәнібек Нұрқышұлы әріптестерін төл мерекесімен құттықтап, жүрекжарды лебізін білдірді.
Айта кетейік, биыл облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішін 82 пайызға жеткізу межесі тұр.
Жыл басынан бері ұзындығы 147 шақырымды құрайтын жол желісі жөндеуден өтті. Биыл Қазалы ауданының Қарлан учаскесінде Сырдария өзеніне көпір өткелін салу жобасы басталды. Бұл көпір елді мекендер арасындағы жол қатынасын жақсартып қана қоймай, ауданның инфрақұрылымдық дамуына септігін тигізбек.
Сондай-ақ, облысқа қарасты барлық аудан мен облыс орталығында аса маңызды 12 жоба қарқынды жүргізілуде. Қаланың сол жағалау бөлігін “Батыс Еуропа – Батыс Қытай” магистралды жолға қосу жобасына жергілікті бюджет есебінен 1,7 млрд теңге бөлініп, құрылыс-монтаж жұмыстарының 58 пайызы орындалды.
<img src="https://kyzylorda-news.kz/wp-content/uploads/2022/08/297768891_357544863233431_376327809946648558_n.jpg" alt="" />
<img src="https://kyzylorda-news.kz/wp-content/uploads/2022/08/297695679_357544803233437_6635824989764008131_n.jpg" alt="" />
<img src="https://kyzylorda-news.kz/wp-content/uploads/2022/08/297732773_357544909900093_4704925315636895079_n.jpg" alt="" />
<img src="https://kyzylorda-news.kz/wp-content/uploads/2022/08/297891188_357544813233436_6468407933483811793_n.jpg" alt="" />
<img src="https://kyzylorda-news.kz/wp-content/uploads/2022/08/297780194_357544839900100_4174381095116595964_n.jpg" alt="" />
<img src="https://kyzylorda-news.kz/wp-content/uploads/2022/08/297641304_357544916566759_7694152863788685308_n.jpg" alt="" />
<img src="https://kyzylorda-news.kz/wp-content/uploads/2022/08/297768469_357544886566762_3992487168016892820_n.jpg" alt="" />

Қызылордада көлік саласының қызметкерлері құрмет төрінен көрінді

<a href="https://kyzylorda-news.kz/">Kyzylorda-news.kz.</a> Байқоңыр ғарыш айлағында «Союз-2.1б» зымыран-тасығышын спутниктер тобымен ұшыру жұмыстары жүріп жатыр, деп хабарлайды ҚазАқпарат.
Спутник 9 тамызында айлақтан ұшырылмақ.
Роскосмос баспасөз қызметінің мәліметінше, «Фрегат» үдеткіш блогы бар «Союз-2.1 б» зымыран тасығышы Иран Ислам Республикасының тапсырысы бойынша «Хайям» Жерді қашықтан зондтау (ЖҚЗ) ғарыш аппаратын орбитаға шығаруы тиіс.
Спутник Роскосмос құрамына кіретін кәсіпорындарда жасалған.
Сондай-ақ топқа Иранның ЖҚЗ спутнигімен бірге ғарышқа Ресейдің жетекші жоғары оқу орындары, коммерциялық компаниялар мен коммерциялық емес ұйымдар ғылыми және технологиялық зерттеулер үшін құрған 16 шағын ғарыш аппараты – ресейлік шағын спутниктер ұшырылады.

Байқоңырдан Иранның спутнигі ұшырылады

<a href="https://kyzylorda-news.kz/">Kyzylorda-news.kz.</a> ҚР Ғылым және жоғары білім министрінің ұлттық бірыңғай тестілеу өткізу тәртібіне өзгерту енгізуді көздейтін бұйрығы бүгін күшіне енеді, деп хабарлайды <a href="https://www.inform.kz/kz/onlayn-formatta-ubt-tapsyru-tartibi-ozgerdi_a3963507">ҚазАқпарат</a>.
Нақтырақ айтсақ, ҰБТ-ға қатысу үшін онлайн форматта берілген өтініштерді қабылдау мерзімі өзгермек.
<blockquote>
 «Күнтізбелік жылдағы 20 желтоқсан мен 6 қаңтар аралығында осы Қағидалардың 3-тармағының 1, 6, 7 және 8-тармақшаларында көрсетілген адамдар үшін, бұл ретте түсушілерге көрсетілген кезеңде бір реттен артық емес өтініш беруге рұқсат етіледі», – деп жазылған бұйрық мәтінінде.
</blockquote>
Демек, аталған кезең аралығында мына санаттағы адамдар ҰБТ тапсыру туралы өтінішті электронды форматта рәсімдей алады:
– 11 және 12 сынып түлектері;
– ақылы негізде күндізгі оқу нысаны бойынша жоғары және жоғары оқу орнынан кейінгі білім ұйымына қабылданған, ҰБТ нәтижелері бойынша шекті балл жинамаған, бейіндік пәндер комбинациясына сәйкес келмейтін ҰБТ нәтижелері бар, күнтізбелік жылы жоғары және жоғары оқу орнынан кейінгі білім ұйымына ақылы негізде одан әрі қабылдау үшін ҰБТ нәтижелері жойылған адамдар;
– шығармашылық дайындықты талап ететін білім беру бағдарламалары тобы бойынша жоғары және жоғары оқу орнынан кейінгі білім ұйымының білім алушылары және ақылы негізде басқа білім беру бағдарламалары топтарына ауысқысы келетіндер;
– ақылы негізде «педагогикалық ғылымдар» білім беру саласындағы білім беру бағдарламалары тобына ауысқысы келетін жоғары және жоғары оқу орнынан кейінгі білім ұйымының білім алушылары. «Күнтізбелік жылдағы 20 ақпан мен 10 наурыз аралығында осы Қағидалардың 3-тармағының 1, 3, 5 және 6-тармақшаларында көрсетілген адамдар үшін, бұл ретте түсушілерге көрсетілген кезеңде бір реттен артық емес өтініш беруге рұқсат етіледі», – деп жазылған құжатта. Яғни, аталған мерзімде:
– 11 және 12 сынып түлектері;
– орта білім беру, техникалық және кәсіптік немесе орта білімнен кейінгі білім беру ұйымдарының өткен жылдардағы бітірушілеріне республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін немесе қалауы бойынша ақылы негізде жоғары және жоғары оқу орнынан кейінгі білім ұйымына оқуға түсушілерге;
– республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін немесе қалауы бойынша ақылы негізде жоғары және жоғары оқу орнынан кейінгі білім ұйымына қабылдау үшін шетелде білім алған орта білім беру ұйымдарының бітірушілеріне, сондай-ақ шетелде оқу орындарын бітірген Қазақстан Республикасының азаматтары болып табылмайтын ұлты қазақ адамдарға;
– ақылы негізде күндізгі оқу нысаны бойынша жоғары және жоғары оқу орнынан кейінгі білім ұйымына қабылданған, ҰБТ нәтижелері бойынша шекті балл жинамаған, бейіндік пәндер комбинациясына сәйкес келмейтін ҰБТ нәтижелері бар, күнтізбелік жылы жоғары және жоғары оқу орнынан кейінгі білім ұйымына ақылы негізде одан әрі қабылдау үшін ҰБТ нәтижелері жойылған адамдарға бір реттен артық емес өтініш беруге рұқсат етіледі.
Ал, 28 сәуір мен 14 мамыр аралығында:
– республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін немесе ақылы негізде жоғары және жоғары оқу орнынан кейінгі білім ұйымына қабылдау үшін немесе қалауы бойынша республикалық бюджет қаражаты есебінен мемлекеттік білім беру тапсырысы бойынша оқу үшін ағымдағы жылғы орта білім беру ұйымдарының бітірушілеріне;
– орта білім беру, техникалық және кәсіптік немесе орта білімнен кейінгі білім беру ұйымдарының өткен жылдардағы бітірушілеріне республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін немесе қалауы бойынша ақылы негізде жоғары және жоғары оқу орнынан кейінгі білім ұйымына оқуға түсушілерге;
– республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін жоғары білімнің қысқартылған оқыту мерзімдерін көздейтін білім беру бағдарламалары бойынша оқуға түсетін техникалық және кәсіптік немесе орта білімнен кейінгі білім беретін түлектерге;
– республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін немесе қалауы бойынша ақылы негізде жоғары және жоғары оқу орнынан кейінгі білім ұйымына қабылдау үшін шетелде білім алған орта білім беру ұйымдарының бітірушілеріне, сондай-ақ шетелде оқу орындарын бітірген Қазақстан Республикасының азаматтары болып табылмайтын ұлты қазақ адамдарға;
– ақылы негізде күндізгі оқу нысаны бойынша жоғары және жоғары оқу орнынан кейінгі білім ұйымына қабылданған, ҰБТ нәтижелері бойынша шекті балл жинамаған, бейіндік пәндер комбинациясына сәйкес келмейтін ҰБТ нәтижелері бар, күнтізбелік жылы жоғары және жоғары оқу орнынан кейінгі білім ұйымына ақылы негізде одан әрі қабылдау үшін ҰБТ нәтижелері жойылған адамдарға бір реттен артық емес электронды форматта өтініш беруге рұқсат етіледі.
Сондай-ақ, 15-30 шілде аралығында:
– республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін немесе ақылы негізде жоғары және жоғары оқу орнынан кейінгі білім ұйымына қабылдау үшін немесе қалауы бойынша республикалық бюджет қаражаты есебінен мемлекеттік білім беру тапсырысы бойынша оқу үшін ағымдағы жылғы орта білім беру ұйымдарының бітірушілеріне;
– орта білім беру, техникалық және кәсіптік немесе орта білімнен кейінгі білім беру ұйымдарының өткен жылдардағы бітірушілеріне республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін немесе қалауы бойынша ақылы негізде жоғары және жоғары оқу орнынан кейінгі білім ұйымына оқуға түсушілерге;
– республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін жоғары білімнің қысқартылған оқыту мерзімдерін көздейтін білім беру бағдарламалары бойынша оқуға түсетін техникалық және кәсіптік немесе орта білімнен кейінгі білім беретін түлектерге;
– республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін немесе қалауы бойынша ақылы негізде жоғары және жоғары оқу орнынан кейінгі білім ұйымына қабылдау үшін шетелде білім алған орта білім беру ұйымдарының бітірушілеріне, сондай-ақ шетелде оқу орындарын бітірген Қазақстан Республикасының азаматтары болып табылмайтын ұлты қазақ адамдарға;
– ақылы негізде күндізгі оқу нысаны бойынша жоғары және жоғары оқу орнынан кейінгі білім ұйымына қабылданған, ҰБТ нәтижелері бойынша шекті балл жинамаған, бейіндік пәндер комбинациясына сәйкес келмейтін ҰБТ нәтижелері бар, күнтізбелік жылы жоғары және жоғары оқу орнынан кейінгі білім ұйымына ақылы негізде одан әрі қабылдау үшін ҰБТ нәтижелері жойылған адамдарға;
– шығармашылық дайындықты талап ететін білім беру бағдарламалары тобы бойынша жоғары және жоғары оқу орнынан кейінгі білім ұйымының білім алушылары және ақылы негізде басқа білім беру бағдарламалары топтарына ауысқысы келетіндерге;
– ақылы негізде «педагогикалық ғылымдар» саласындағы білім беру бағдарламалары тобына ауысқысы келетін жоғары және жоғары оқу орнынан кейінгі білім ұйымының білім алушыларына бір реттен артық емес электронды форматта өтініш беруге рұқсат етіледі.
Талапкер тестілеудің күні мен уақытын өтініш беру кезінде таңдайды.
ҰБТ-ны электронды форматта өткізу мерзімі де өзгертілді: Ол мынадай:
10 қаңтардан 10 ақпанға дейін;
1 наурыздан 31 наурызға дейін;
16 мамырдан 5 шілдеге дейін;
10-20 тамыз аралығында.
Бұйрықта 16 мамыр – 5 шілде және 10-20 тамыз аралығында тест тапсырушылардың бейіндік пәндерді өзгерте алмайтыны айтылған.
Құжат 5 тамыздан бастап күшіне енеді.

Онлайн форматта ҰБТ тапсыру тәртібі өзгерді

<a href="https://kyzylorda-news.kz/">Kyzylorda-news.kz.</a>&nbsp;Бүгін Әйтеке би кентінде кіші футболдан аудандық жарыс басталды. Аталған доп додасы Қ.Сәтбаев атындағы №216 мектепті әр жылдары бітірген азаматтардың ұйымдастыруымен «Мектебім – Ақмешіттей қасиетті, сенен алдым өнеге мен өсиетті» атты ауқымды шара аясында өтіп отыр.
«Туған жерге тағзым» аясында ұйымдастырылған шараға аудан әкімі Мұхтар Оразбаев, аудандық мәслихат хатшысы Бақытжан Жарылқап арнайы қатысты.
Турнирдің ашылу салтанатында Мұхтар Әуесұлы құттықтау сөз сөйлеп, мазмұнды шараның елдің ауызбіршілігі мен берекесін сақтауда маңызы зор екенін атап өтті.
<blockquote>
 «Жалпы қазақы қаймағы бұзылмаған, бір-бірімен тату-тәтті, ынтымағы мен берекесі жарасқан жерде тұратын тұрғындардың бірлігі бекем, тірлігі тиянақты болады. Оған бүгін біздің көзіміз анық жеткендей. Атақты академик Қ.Сәтбаев атындағы мектепте білім алып, еліміздің өсіп-өркендеуіне лайықты үлес қосқан азаматтар туған жерге жиналып, ұлағатты шара ұйымдастыруда», – деді аудан басшысы.
</blockquote>
Мұнан соң спорт саласының ардагері, Қазақстан Республикасының еңбек сіңірген спорт қайраткері Қуанған Бәкен сөз сөйлеп, жарысқа қатысушыларға сәттілік тіледі.
Айта кетейік, «Туған жерге тағзым» акциясы аясындағы «Мектебім – Ақмешіттей қасиетті, сенен алдым өнеге мен өсиетті» атты шараның негізгі бөлігі ертең өтеді.
<img src="https://kyzylorda-news.kz/wp-content/uploads/2022/08/296055617_3423288207892102_4579225170283454154_n.jpg" alt="" />
<img src="https://kyzylorda-news.kz/wp-content/uploads/2022/08/sport.jpg" alt="" />

Қазалыда кіші футболдан турнир басталды

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облыстық қоғамдық даму басқармасының «Қоғамдық келісім» КММ-нің ұйымдастыруымен Медиация күніне орай облыстық мамандандырылған күзет қызметі басқармасында «Медиация – дау шешудің ең тиімді жолы» тақырыбында кездесу шарасы болып өтті.
Шараға облыстық ҚХА жанындағы медиаторлар кеңесінің төрайымы, кәсіби тренер-медиатор Ләззат Бақтыбаева, облыстық қоғамдық даму басқармасының «Қоғамдық келісім» КММ бөлім басшысы, медиация кабинетінің үйлестірушісі Ш.Абдраманова қатысып, өңірдегі медиация саласы мен қоғамдық келісімді сақтау жайында сөз сөйледі.
<blockquote>
 «Медиация – әлем елдерінің тәжірибесінде қалыптасқан институт, заманауи демократиялық қоғамның бір көрінісі. Келіспеушіліктің санатын анықтаудан бастап, медиатор таңдау, татуласу рәсімдерін өткізу мен келісім шарт жасауға дейінгі тиісті қызметтер көрсету арқылы келіспеушіліктердің тез және сапалы шешілуін қамтамасыз етеді. Медиацияның тетіктерін ұтымды пайдалана білсек, қызметте, қоғамда орын алатын дауларды екі тарапқа да оңтайлы реттесек, ішкі бірлікті бекемдей аламыз,- деді Ләззат Бақтыбаева.
</blockquote>
Қоғамдағы медиацияның рөлі мен тиімді тұстары жайлы сөз еткен Ш.Абдраманова кез-келген дауды сотқа дейін медиаторлар көмегімен шешу жолдарын айта кетті.
Кездесу соңында қызметкерлер тақырып бойынша сұрақтарын қойып, пікіралмасумен жалғасты.
<img src="https://kyzylorda-news.kz/wp-content/uploads/2022/08/297841445_3272061646446326_476347910607946239_n.jpg" alt="" />

Қызылордада медиация күніне орай кездесу өтті

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданының прокуроры қызметін атқарған Бақытжан Мырзабаев Қызылорда облысы прокурорының орынбасары болып тағайындалды.
Мырзабаев Бақытжан Әбдіжаппарұлы 10.03.1978 жылы дүниеге келген.
1996-2000 жылдары Қазақ құқықтану және халықаралық қатынастар институттың заңгер мамандығын алған.
2003 жылдан бастап Қызылорда облыстық прокуратура органдарында қызметін бастаған.
2006-2008 ж.ж. – Қызылорда қаласы прокурорының аға көмекшісі қызметін атқарған.
2008-2009 ж.ж. – Қызылорда қалалық прокуратурасының бөлім бастығы қызметін атқарған.
2010-2013 ж.ж. – Қызылорда облыстық прокуратурасының басқарма бастығының орынбасары қызметін атқарған.
2014-2017 ж.ж. – Қармақшы ауданының прокуроры қызметін атқарған.
2017 жылдан бастап қазіргі уақытқа дейін Қазалы ауданының прокуроры қызметін атқарады
<img src="https://kyzylorda-news.kz/wp-content/uploads/2022/08/bakytzhan.jpg" alt="" />

Қызылорда облысы прокурорының орынбасары тағайындалды

<a href="https://kyzylorda-news.kz/">Kyzylorda-news.kz.</a>&nbsp;Бүгін Шиелі ауданында Бала би баба атындағы қазақ күресінен жасөспірімдер арасында өтетін республикалық турнирдің ашылу салтанаты өтті.
Еліміздің 10 облысынан 200-ден астам жас палуан қатысатын турнирдің салтанатты рәсімінде аудан әкімі Нұржан Ахатов сөз сөйлеп, балғын палуандарға сәттілік тіледі.
<blockquote>
 «Бүгінде ауданда қазақ күресімен 1000-ға жуық палуандар мен жаттықтырушылар жұмыс жасауда. Ауданымызда жас спортшыларды қолдау мақсатында жыл сайын республикалық деңгейде турнирлер өткізіліп келеді. Спорттық сайыстардың жүйелі ұйымдастырылуының нәтижесінде аудан спортшылары Қазақстан чемпионаттарында, азия, және әлем біріншіліктерінде ел намысын асқақтатуда. Бүгінгі спорттық шараның ұйымдастырылуына бастамашыл болып, демеушілік көрсетіп жүрген Шиелі ауданның «Құрметті азаматы» Әлімқұлов Темірхан Мәлікұлына және барлық команда жетекшілеріне алғысымызды білдіремін. Қазақ күресінен Бала би атындағы жасөспірімдер арасында өткізіліп отырған Республикалық турнирді ашық деп жариялаймын», – деді аудан басшысы.
</blockquote>
Айта кетейік, Бала би бабамыздың құрметіне арналып, республикалық деңгейде өтіп жатқан турнир ауданда 11-ші мәрте өткізілуде.
Сондай-ақ, биылғы жылы спортшыларымызға қолайлы жағдай жасап, бұқаралық және кәсіби спортты одан әрі дамыту мақсатында аймақ басшысы Нұрлыбек Машбекұлы Нәлібаевтың қолдауымен бюджеттен барлығы 1 млрд.теңгеге жуық қаражат бөлінген.
Жаңадан Шиелі кентінен заманауи талаптарға сәйкес 180 орындық спорт сауықтыру кешенінің құрылысы бастау алып, Көкшоқы мөлтек ауданында спорт кешенінің және Балаби ауылындағы спорт мектебінің ғимаратына күрделі жөндеу жұмыстары жүргізілуде.
<img src="https://kyzylorda-news.kz/wp-content/uploads/2022/08/297646523_1367113033819152_6135195300076633920_n.jpg" alt="" />
<img src="https://kyzylorda-news.kz/wp-content/uploads/2022/08/297807733_1367110673819388_9160031847683633718_n.jpg" alt="" />

Шиеліде қазақ күресінен жасөспірімдер арасындағы республикалық турнир басталды

<a href="https://kyzylorda-news.kz/">Kyzylorda-news.kz.</a> Қызылорда облысында әлеуметтік көмекті қажет ететін 31 312 балаға «Мектепке жол» қайырымдылық акциясы аясында Міндетті оқу қоры есебінен бір реттік көмек беріледі деп жоспарлануда. Сонымен қатар жоғарыда аталған санатқа кірмейтін балаларға демеушілер есебінен көмек көрсетілетін болады. Бұл туралы Өңірлік коммуникациялар қызметінде өткен брифингте облыстық білім басқармасы басшысының орынбасары Бағдат Бердаулетов хабарлады.
<blockquote>
 «Бұл көмекті атаулы әлеуметтік көмек алатын отбасылардың балалары және жетім балалар мен ата-анасының қамқорлығынсыз қалған балалар мен айлық күн көріс көрсеткіші төмен отбасылар алады. Ол үшін ата-аналар құжаттарын білім ұйымдарына ұсынуы керек. «Мектепке жол» жалпы республикалық қайырымдылық акциясы тамыздың 1-нен бастап қыркүйек айының 30-на дейін жалғасады. Бүгінгі таңда ата-аналар білім беру ұйымдарына өз өтініштерін тапсыруда. Айта кетейін, жоғарыда аталған санаттарға кірмейтін балаларға демеушілік есебінен көмек көрсетілетін болады», – деді Бағдат Камбозұлы.
</blockquote>
Басқарма басшысының орынбасары сонымен қатар аймағымыздағы ірі өндірістік компанияларға, шағын және орта бизнес ұйымдарына осы акцияға қатысу туралы өтініш жолданып, ат салысуға шақырылып жатқандығын айтты.
Айта кетейік, бүгінде облысымызда әлеуметтік көмекті қажет ететін 31 312 отбасы бар. Оның ішінде, атаулы көмек алатын отбасылардың саны – 12 748, күн көріс көрсеткіші төмен отбасылар – 15 377, ал жетім және ата-ана қамқорлығынсыз балалардың саны – 593. Сонымен қатар білім беру ұйымының алқалы басқару органы айқындаған 2594 балалар бар.
<img src="https://kyzylorda-news.kz/wp-content/uploads/2022/08/bagdat.jpg" alt="" />

«Мектепке жол»: Қызылордада 31 мыңнан астам балаға көмек беріледі

<a href="https://kyzylorda-news.kz/">Kyzylorda-news.kz.</a> 12 тамыз – Халықаралық жастар күніне орай облыс көлемінде ауқымды шаралар өткізілмек. Бүгінде аймақ бойынша атаулы датаға орай жастар апталығы жарияланды.
<blockquote>
 «Бүгіннен бастап қала мен барлық аудандарда халықаралық жастар күніне орай өткізілетін іс-шаралар туралы ақпараттандыру жұмыстары жүргізілуде. Апта бойы ұйымдастырылатын мерекелік шаралар әр күні әртүрлі атаумен өткізілетін болады. Атап айтсақ, 5 тамыз – «Жастар апталығының» ашылу күні, 6 тамыз – «Экомәдениетті дамыту күні», 7 тамыз – «Таланттар күні», 8 тамыз – «Еңбек күні», 9 тамыз – «Балаларға қуаныш сыйлау күні», 10 тамыз – «OPEN AIR», 11 тамыз – «Спорт күні», 12 тамыз – «Мүмкіндіктер және инновациялық идеялар күні» болып белгіленді. Бұл атаулы күндердің барлығы жастардың рухани азық алуына және салауатты өмір салтын қалыптастыруға арналған», – деді облыстық «Жастар ресурстық орталығы» КММ директоры Мақсат Дауылбай.
</blockquote>
Сонымен қатар облыстық «Жастар ресурстық орталығының» ұйымдастыруымен «Кинотаим», «ЖазғыFEST», «Бір толқында», «TabooArt», «Мінбер» сынды мәдени-көпшілік іс шаралар өткізіледі.
<blockquote>
 «Халықаралық жастар күні қарсаңында «Жастар рухы» жастар қанаты партиясы жүзеге асырып келе жатқан «Ардагерлерді ардақтайық» бастау алды. Мұнда жастардың қатысуымен Ұлы Отан соғысының ардагерлері мен жалғыз басты қарттарымызға көмек көрсетіледі. Одан бөлек, біздің партиямызда «Кеңес орталығы» жобасы 7-10 тамыз аралығында облыс көлемінде жүргізіледі. Былтыр осы орталықта алты мыңға жуық жас кеңес алған болатын. Осы жылы «Бір толқында» деп аталатын жаңа жоба тұсауын кеседі. Онда жас депутаттар мен жастар арасында еркін форматтағы кездесуі ұйымдастырылады», – деді «Жастар рухы» жастар қанатының Қызылорда облыстық филиалы төрағасының міндетін атқарушы Әсем Бекнұрқызы.
</blockquote>
Қала көлемінде Халықаралық жастар күніне орай өткізілетін негізгі іс шаралар тізбесі жинақталды. Соның бірі – 10-12 тамыз аралығындағы күндер «Ауыл жастары» күні.
<blockquote>
 «Қалаға қарасты кент және ауылдық округтерде мәдени-спорттық шаралар ұйымдастырылады. Сонымен қатар, биылдан бастап қала әкімінің «Самғау» жастар сыйлығы кәсіптік маман иелеріне 10 түрлі бағыт бойынша табысталатын болады. Мұнан өзге мерекелік шаралар толастамайды. Барлық қызылордалық жастарды мерекелерімен құттықтаймын»,- деді «Qosyl» жастар ресурстық орталығының директоры Әліби Басаров.
</blockquote>
<img src="https://kyzylorda-news.kz/wp-content/uploads/2022/08/zhastar.jpg" alt="" />

Әліби Басаров: «Ауыл жастары» күні ұйымдастырылады

<a href="https://kyzylorda-news.kz/">Kyzylorda-news.kz.</a>&nbsp;Бүгін Шиелі ауданында әлеуметтік маңызы бар азық-түлік өнімдерінің жәрмеңкесі өтті.
Жәрмеңкеде «Байқоңыр» ӘКК» АҚ (Өңірлік тұрақтандыру қоры) тарапынан және аудан кәсіпкерлерінің тарапынан барлығы 15 тоннадан астам әлеуметтік маңызы бар азық-түлік тауарлары нарық бағасынан төмен бағада саудаланды.
Атап айтқанда, 1 тоннадан астам ақталған күріш, 1 тонна картоп, 5 тонна 1 сортты ұн, 0,5 тонна қарақұмық жармасы, 2 тонна қант, 1,2 тонна күбағыс майы, 7200 дана жұмыртқа, 1 тонна ет пен 200 кг шұжық, 0,5 тонна балық, 400 литр шұбат, Иіркөл ауылдық округіне 1 тонна қызанақ, Бәйтерек ауылдық округінен 300 кг қызанақ пен 1 тонна қауын тұрғындарға ұсынылды.
Қант 444 теңге, күріштің келісі 175 теңге, құрақұмық жармасы 514 теңге, күнбағыс майы 630 теңге болса, жұмыртқа 29 теңгеден сатылды.
Ет – 1700 теңгеден болса, балық 500 бен 1200 теңге аралығында. Шұжық өнімдері 1500 теңгеден басталса, бірінші сорт ұнның келісі 135 теңгеден, картоп 130 теңгеден сатылды.
Шұбат 950-1000 теңгеден, қызанақ 50-70 теңгеден, ал қауынның келісі 50 теңгеден саудаланып, жәрмеңкеге келушілер ерекше ризашылығын, ұйымдастырушыларға алғысын білдірді.
<img src="https://kyzylorda-news.kz/wp-content/uploads/2022/08/297748543_1367114310485691_267122053541947695_n.jpg" alt="" />
<img src="https://kyzylorda-news.kz/wp-content/uploads/2022/08/kawyn.jpg" alt="" />

Шиеліде азық-түлік өнімдерінің жәрмеңкесі өтті

<a href="https://kyzylorda-news.kz/">Kyzylorda-news.kz.</a> Аймақ басшысының тікелей тапсырмасына сәйкес, облыс әкімінің орынбасары Мархабат Жайымбетұлының төрағалығымен өткен жиында коммуналдық мекемелердің қалыптасқан қарыздарын жою және алдағы жылу маусымына дайындық барысы талқыланды.
Жиында халық үшін ең маңызды тіршілікті қамтамасыз ету нысандары басшыларының саладағы қазіргі қалыптасқан жағдайды шешу мақсатында негізгі жұмыстары тыңдалды.
Мархабат Жайымбетұлы сала басшыларының жұмысын қатаң сынға алып, бұл бағыттағы жұмыстарды күшейту қажеттігін және жыл басынан бері коммуналдық мекемелердің арасындағы қарыздардың өскенін айтты. Соңғы мәліметтер бойынша, бүгіннің өзінде «Қызылордажылуэлектрорталығы» кәсіпорнына «Қызылорда электр тарату тораптары компаниясы» АҚ, «Қызылорда Су жүйесі» және «Энергосервис», «Дәулетэнерго», серкітестіктерініңберешектері 725 млн. теңгеге көбейген.
Ал, бір ғана «Қызылорда электр тарату тораптары компаниясы» АҚ-на мекемелер 365 млн. теңге қарыз. Облыс әкімінің орынбасары кәсіпорындар арасындағы қарыздарды өтеуге жауапкершілікпен қарап, жедел шешуді және оның алдағы жылу беру маусымын ұйымдастыруда кері әсерін тигізіп, сапалы қызмет көрсетуге тікелей қатысты екендігін атап өтті. Сонымен бірге, туындауы мүмкін мәселелердің алдын алу үшін, жылу беру маусымына дайындық жұмыстарына осы кезден қамдану қажеттігін тапсырды.
<blockquote>
 «Алда ең басты міндет тұр, ол – жылу беру маусымын бірқалыпты өткізу, сондықтан жылу маусымының тұрақты өтуі барлығына сын, әсіресе, нақты нысан бойынша жауапты басшыларға қойылар талап күшейеді», – деді Мархабат Жайымбетов.
</blockquote>
Жиналыс қорытындысымен коммуналдық салада қалыптасқан қарыздарды жою және салаға қатысты басқа да қажетті жұмыстарды сапалы ұйымдастыруға бағытталған нақты тапсырмалар берілді.
<img src="https://kyzylorda-news.kz/wp-content/uploads/2022/08/zhajymbetov.jpg" alt="" />

Басты міндет – халыққа сапалы коммуналдық қызмет көрсетіп, жылу маусымын тұрақты өткізу

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің бірінші орынбасары Серік Қожаниязовтың төрағалығымен облыс прокуратурасымен облыс бойынша полигондар қызметіне жүргізілген талдау нәтижесінде анықталған заң бұзушылықтарды жою мен облыста қалдықтарға арналған полигондар жүйесін дамыту мәселесі бойынша мәжіліс өткізілді.
Мәжіліске облыс прокурорының орынбасары Б. Мырзабаев, Қызылорда қаласының әкімі А. Шаменов, облыс прокурорының аға көмекшісі Т. Бектұрсынов, уәкілетті мемлекеттік органдардың басшылары және селекторлық режимде аудан әкімдерінің орынбасарлары қатысты.
Күн тәртібі бойынша облыс прокурорының аға көмекшісі Т. Бектұрсынов талдау нәтижесімен полигондар қызметінде анықталған заң бұзушылықтарға тоқталып, әзірленген ұсынымдарды атап өтті.
Сондай-ақ, басқарма басшысы М. Құрманбаев облыстағы полигондардың жәй-күйі, Арал ауданының Сексеуіл кентіндегі, Жалағаш, Сырдария және Шиелі аудандарында жүзеге асырылатын сұрыптау кешендері бар полигондардың жобаларына кеңінен тоқталып өтті.
Мәжіліс қорытындысымен Жосалы, Жалағаш, Тереңөзек, Шиелі және Жаңақорған кенттеріндегі полигон қызметі үшін берілген жер учаскелерін қоршап, қалдықтарды қабылдау және күзет–бақылау пункттерін ұйымдастыру, жеке кәсіпкерлік субъектілерін тарту арқылы полигон басында кіші сұрыптау желілері құрылатын болып шешілді.
<img src="https://kyzylorda-news.kz/wp-content/uploads/2022/08/poligon.jpg" alt="" />

Қазақстан және Қызылорда облысының жаңалықтары