<a href="https://kyzylorda-news.kz/">Kyzylorda-news.kz.</a> Қызылорда облысында Дәурен Шәріпбаев адам құқықтары жөніндегі өкіл болып тағайындалды.Адам құқықтары жөніндегі уәкіл Эльвира Әзімованың өкімімен «Қазақстан Республикасындағы Адам құқықтары жөніндегі уәкіл туралы» Заңға сәйкес бірқатар облыстарда, сондай-ақ Астана, Шымкент қалаларында омбудсменнің өкілдері тағайындалды.Қызылорда облысында 1977 жылы туған Дәурен Шәріпбаев жұмысқа кірісті. ҚазМУ және Азаматтық авиация академиясын бітірген. Прокуратура органдарында, сот жүйесінде, адвокатурада, нотариатта және квазимемлекеттік секторда жұмыс тәжірибесі бар.

Қызылорда облысында адам құқықтары жөніндегі өкіл тағайындалды

<a href="https://kyzylorda-news.kz/">Kyzylorda-news.kz.</a> Елімізде әлеуметтік қолдауға мұқтаж жандардың қасынан табылып, әркез көмек қолын созатын мамандық иелері – әлеуметтік қорғау жүйесі қызметкерлері. Жыл сайын сала қызметкерлері өз кәсіби мерекелерін қазан айының соңғы жексенбісінде атап өтеді.&nbsp;Қазалы ауданының әкімі Мұхтар Оразбаев сала қызметкерлерін төл мерекелерімен құттықтап, құрмет көрсетті.<blockquote>«Әдетте жалғызбасты жандар, көп балалы аналар, аз қамтылған азаматтар, мүгедектер мен жетімдер көмекке мұқтаж. Мұндай адамдар тек материалдық қана емес, сонымен қатар адамзат жылуын, қамқорлығын, жылы сөздерді қажет етеді. Бұл ретте әлеуметтік қызметкерлер, Сіздердің еңбектеріңіз өлшеусіз. Бүгінгі мерекенің атап өтілуі де жанқиярлық еңбектеріңізбен тынымсыз қамқорлық жасап отырған Сіздерге деген шынайы құрметтің белгісі», – деді Мұхтар Әуесұлы.</blockquote>Аудан басшысы сонымен бірге, Қазалыда атқарылып жатқан жұмыстарға тоқталып, бірқатар қызметкерлерді облыс және аудан әкімі, облыстық жұмыспен қамтуды үйлестіру және әлеуметтік бағдарламалар басқармасы басшысының «Алғыс хаттарымен» марапаттады.Салтанатты шарада әлеуметтік қорғау жүйесі саласының ардагері Жаппарберген Жалғасбаев құттықтау сөз сөйлеп, игі тілегін білдірді.Әлеуметтік сала қызметкерлерінің мерейін үстем еткен көңілді кеште өнерпаздар ән-күйден шашу шашып, көпшіліктің көңілін бір серпілтіп тастады.<figure class="image"><img src="https://knadmin.beoblood.kz/uploads/kazaly1_f9a1bcffef.jpg" alt="казалы1.jpg"></figure>

Қазалыда әлеуметтік қорғау жүйесі қызметкерлерінің күні атап өтілді

<a href="https://kyzylorda-news.kz/">Kyzylorda-news.kz.</a> Сырдария ауданындағы Қоғалыкөл ауылында «Балалар жылы» аясында баланың шығармашылығын, ой-өрісін, қабілетін дамыту бағытындағы облыстық суретшілер байқауы өтті. Сән және қолтаңбалы өнер шебері, КСРО және Қазақстан Суретшілер одағының мүшесі Ләтипа Қожықованың 130 жылдығы аясында Қоғалыкөл ауылдық клубының ұйымдастыруымен өткен «Өмірі үлгілі – өнері өнеге» байқауына 9 қылқалам шебері қатысты.Облыстық байқауда 8-14 жас аралығындағы балалар өзара бақ сынады. Екі кезең бойынша шеберлік байқасқан суретшілер қатарында қоғалыкөлдік Әсет Қуаныш, қармақшылық Дильназ Тынышбекова, шиелілік Айбек Насихат, Айзере Құралбаева, жалағаштық Айнұр Құдайқұл, Салауат Ібайділда, ақжармалық Асылжан Әлайдар, қызылордалық Жандос Мұхтаров, аманкелділік Ақнұр Базарбай бар. Алғашқы кезеңде суретшілер өнер шебері Ләтипа Қожықованың портретін салды. Ал еркін тақырыпта салынған суретте олардың шығармашылық әлеуеті сан қырынан байқалды. Суретшілердің туындыларына аудандық мәдениет үйінің мәдени ұйымдастырушысы Әбдірайым Тоқаяқов, №44 орта мектептің көркем еңбек пәнінің мұғалімдері Ләззат Бакирова мен Жанкерім Қосжанова әділ бағасын берді.Негізінен, қазақты біртуар суретшісі Ләтипа Қожықованың бойында сан қырлы өнер ұштасқан. Қоғалыкөл ауылында дүниеге келген дара тұлға суретші, сән үлгісінің шебер тігіншісі атанған. Дарын иесі суретшілік шеберлігімен қазақ драма театрында және Абай атындағы мемлекеттік опера және балет театрында еңбек етіп жүрген кезінен ерекше көзге түседі. Ол 1936 жылы Мәскеу қаласында өткен қазақ әдебиеті мен өнерінің алғашқы онкүндігіне, қазақ опералары киімдерінің авторы ретінде қатысады. Өнер қайраткерінің мемлекет тапсырысымен тіккен костюмі АҚШ-тың бұрынғы президенті Франклин Рузвельтке сый ретінде берілген. Жерлесіміз, данқты тұлғаның жүзден аса туындысы Мәскеу, Санкт-Петербург, Алматы, Будапешт, Вашингтон музейлерінде сақтаулы тұр.<blockquote>«Артынан өшпес із қалдырған Ләтипа Қожықованы еске алуға арналған облыстық байқаудың балалар шығырмашылығын өсіруге өзіндік үлесі зор. «Балалар жылы» аясында ерекше өнер иесінің есімін жаңғыртып, оның өмір жолын кеңінен насихаттауды мақсат етіп қойған жерлестері жарады. Бірнеше сағатқа созылған сурет байқауында айрықша мәнге ие бірқатар туынды жарыққа шыққанына қуаныштымыз. Жас суретшілердің өнерін жоғары бағалаймыз«, – деді қазылар алқасының төрағасы Әбдірайым Тоқаяқов.</blockquote>Қоғалыкөлдік дарын иесі дәріптелген байқау қорытындысы бойынша жүлделі ІІІ орынды қоғалыкөлдік Әсет Қуаныш пен қармақшылық Дильназ Тынышбекова, ІІ орынды шиелілік Айзере Құралбаева, І орынды аманкелділік Ақнұр Базарбай иеленді. Өз кезегінде барлық жүлдегер мен қатысушыға арнайы диплом мен бағалы сыйлық берілді.<img src="https://knadmin.beoblood.kz/uploads/7_93eacab5e1.jpg" alt="7.jpg"> &nbsp;

Сырдария ауданында облыстық суретшілер байқауы өтті

<a href="https://kyzylorda-news.kz/">Kyzylorda-news.kz.</a> Қызылордада Достық үйінде Корея Республикасы Парламентінің депутаты, Хон Бом До қорының директоры У Вон Сик басқарған делегацияның қатысуымен конференция өтті.Ең бірінші делегация мүшелері бірлік пен келісім шаңырағында облыстық корей этносының мәдени күніне әзірленген сурет және корей асханасының көрмесімен танысты.Конференцияның модераторы облыс әкімінің орынбасары Нұрымбет Сақтағанов екі ел арасындағы дипломатиялық қарым-қатынастың нәтижесінде саяси және экономикалық, тарихи, мәдени, білім және басқа да бағыттағы қыруар шаруалардың атқарылғандығын алға тартты.<blockquote>«Қазақстан мен Кореяның дипломатиялық қарым-қатынасы 1992 жылы орнатылды және биыл осы маңызды оқиғаға 30 жыл толады. Баршаңызды салтанатты күнмен құттықтауға рұқсат етіңіздер. Корея Республикасы үшін Қазақстан сенімді серіктес болып табылады. Екі ел арасында саясат, экономика, мәдениет сияқты барлық салалардағы ынтымақтастық үнемі нығайып келеді. Бүгінде Қазақстанда 300-ден астам корей компаниялары жұмыс істейді. Олар тұрғын үйлер мен жолдар салады, кен орындарын игереді», - деді Нұрымбет Сақтағанов.</blockquote>Конференцияда Корея Республикасы Парламентінің депутаты У Вон Сик Қазақстан басқа мемлекеттермен ашықтық пен белсенді ынтымақтастықтың арқасында Орталық Азияда ең жылдам қарқынмен өсіп келе жатқанын атап өтті.<blockquote>«Корей халқы Қазақстанды бейбітшілікті ту еткен ел ретінде біледі. Әсіресе жастарымыздың қазақ елінің тарихы мен мәдениетіне деген қызығушылығы орасан зор. Осы ретте екі ел арасындағы достық одан әрі тереңдей түседі деген үміттемін. Барлық бағыттар мен келіссөздер одан әр жанданып, дами түседі деген ойдамын», - деді У Вон Сик.</blockquote>Мазмұнды жиында «Қазақстан кәрістер қауымдастығының» төрағасы Юрий Шин, Қызылорда корей этномәдени бірлестігінің жетекшісі Елена Ким және бірлестіктің ардагері Юрий Ким сөз сөйлеп, кешегі тарихи байланыстар бүгінде өзінің маңыздылығын жоймай, жаңа заман талабына сай орнап, дамып келетіндігін атап өтті.Осыдан 85 жыл бұрын Сыр өңіріне Қиыр шығыстан жер аударылған корей этносының өкілдері барлық замана ауыртпалығын еңсеруге еселі еңбегімен өз үлестерін қоса білді. Олар тағдыр теперішіне ұшыраған сәтте құшағын ашып, бауырына басқан жергілікті қазақ халқымен біте қайнасып, ынтымақта өмір сүріп, әр салада еңбек етіп, ел дамуына елеулі үлесін қосып келеді.<figure class="image"><img src="https://knadmin.beoblood.kz/uploads/Bezymyannyj_2a0d6fdcc6.jpg" alt="Безымянный.jpg"></figure>

Қазақ-корей қарым-қатынасына 30 жыл

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Жергілікті билік – халыққа барынша жақын болу керек» деген пәрменін орындаған әкімдік қызметкерлері халық үніне құлақ түруде. Осы орайда Шиелі ауданының әкімі Нұржан Ахатов кент және ауыл тұрғындарымен кездесіп, есеп беру жұмыстарын жүргізді. Есептік кездесуде біршама тұрғынның мұң-мұқтажы тыңдалып, оң шешімі табылды.&nbsp;Бейсенбі күні Шиелі ауданының әкімі Нұржан Ахатов Сұлутөбе ауылдық округінің мәдениет үйінде ІV тоқсандағы халықпен кездесу есебін өткізді. Кездесу барысында әкім аудан көлемінде атқарылып жатқан жұмыстарды және алдағы жоспарларды жеткізді. Содан кейін дәстүрге сай сұрақ-жауап кезеңіне өтті. Тұрғыгдар тарапынан ескі мектеп мәселесі, ауылдарды мейлінше абаттандыру, ұры-қарыларға тосқауыл қою, тозығы жеткен трансформаторларды ауыстыру бойынша мәселелер көтерілді.Сұлутөбе ауылындағы 24 көшенің 12-сі асфальтталған. 7 көшеге жарық жүргізілген. Дегенмен мәселелер де жоқ емес. Сұлутөбе ауылына қарасты Бірінші май ауылына абаттандыру, тал егу жұмыстары жүргізіліп, қоршалса деген ұсыныс та айтылды. Аудан әкімі тұрғындар тарапынан айтылған ұсыныс-пікірлер алдағы уақытта шешімін табатынын жеткізді.Кездесу белгіленген кестеге сай Майлытоғай ауылдық округінде өтті. Ауыл тұрғындары аудан көлемінде атқарылған жұмыстарды тыңдап, алдағы жоспарлардан хабардар болды. Мұнда тұрғындардың отынның ортасында отырғандығы, үйінен шыға қалса сексеуілге соқтығысатыны сөз етілді. Алайда сексеуіл Қызыл кітапқа енгендіктен оны кесуге болмайды. Ал рұқсатсыз кескен немесе сатқан адам айыппұл арқалайды. Отын мәселесін көтерген ауыл тұрғындарына аудан басшысы Нұржан Ахатов «Шиелі орман және жануарлар дүниесін қорғау жөніндегі мемлекеттік мекемесі» КММ мамандарымен келісіп, сынған, қураған сексеуілді пайдалануға рұқсат берілетіндігін жеткізді.Одан кейін аудан әкімі Нұржан Ахатов Тартоғай мен Тұрсынбай датқа елді мекеннің халқымен кездесті. Халықтың талап тілектерін тыңдады. Нұржан Ахатов аудан көлемінде атқарылып жатқан жұмыстарды баяндап, жоспарлармен бөлісті. Тұрғындар сауалына жауап берді.Аудан әкімінің жұма күнгі кездесуі Жаңатұрмыс ауылдық округінен басталды. Осы кезге дейін аталған ¬ауылда көшелерге жөндеу жұмыстары, балалар ойын алаңы, жаңа мектеп салу сынды мәселелер тұрғындар тарапынан айтылған болатын. Нәтижесінде ұзындығы 1,8 шақырымды құрайтын А.Қазыбаев пен Т.Нәлібаев көшелеріне ағымдағы жөндеу жұмыстарына аудандық бюджеттен 21,0 млн теңге бөлінген. Жөндеу жұмыстары қараша айында толық аяқталады. Сонымен қатар ауылда балалар спорт ойын алаңын «Авангард ППС» ЖШС салуда. Көлемі 900 шаршы метрді құрайды. Жаңатұрмыстағы мектептің тозығы жеткен. Себебі ол 1965 жылы салынған. 100 орындық мектепте бүгінгі таңда 226 бала білім алуда. Мектепте спорт зал, асхана, акт зал жоқ. Соған байланысты елді мекеннен 250 орындық №207 мектептің құрылысына 762 млн теңге қаржы қаралды. Осы жылы оның 180 млн теңгесі бөлініп, құрылыс жұмыстары басталған. Сонымен қатар ауылдағы медициналық пунктке дәрігер бөлу штаты шешіліп, арнайы білікті санаттағы дәрігер жұмыс істеуде.Ал бүгінгі күні мұндағы негізгі мәселе – жер. Аудан басшысы жер заңнамасы аясында бұл мәселе шешіліп, Президент тапсырмасы бойынша пайдаланылмай жатқан жерді ауыл тұрғындарының пайдалануына беру үшін мемлекет меншігіне алынатынын жеткізді.&nbsp;<blockquote>«Ауыл шаруашылығы жерлердің басымдығы негізге алынып, жыл басынан бері 15 тұрғыннан жалпы көлемі 7 520 гектар жер телімі мемлекет меншігіне қайтарылды. Ауданда Еңбекші, Жаңатұрмыс, Ақтоған ауылдық округтерінде егістік және жайылымдық жер мәселелері бар. Туындаған мәселелерге қатысты түсіндірме жұмыстары жүргізілуде. Атап айтқанда Еңбекші ауылдық округіндегі орналасқан көлемі 500 гектар жайылымдық жер учаскесі жыл соңына дейін елді мекеннің жайылымына қайтарылатын болады», – деді аудан әкімі.</blockquote>Аудан әкімінің ауыл халқымен кезекті кездесуі Ы.Жақаев ауылында жалғасты. Алмалы, Еңбекші, Ә.Тәжібаев, Ақмая, Ы.Жақаев, Бала би, Байсын ауылдарында және Шиелі кентіндегі барлығы 36,2 шақырым көшеге орташа жөндеу жұмыстарын жүргізуге аудандық бюджеттен 629,6 млн теңге бөлініп, тиісті жұмыстар атқарылуда. Ауыл тұрғындары әлгі есептік кездесуде ыза суды кетіру үшін Жансейт елді мекенінің жанынан өтетін қашыртқыны қазу мәселесін көтерген болатын. Тиісінше бұл мәселе «Қазсушар» шаруашылық жүргізу кәсіпорнының қарауына ұсынылған. Соттың шешімі нақты теңгерімге алынған. Қызылорда облысының табиғи ресурстар және табиғат пайдалануды реттеу басқарамасына өткізіліп, тиісті құжаттарды рәсімдеу жыл соңына дейін сұралмақ. Сонымен қатар ауылдағы тозығы жеткен трансформатор мәселесі де оң шешімін тапқан. Яғни, ағымдағы жылы жергілікті бюджеттен 3,5 млн теңге жаңа трансформатор сатып алу конкурсынан жеңімпаз атанып, қараша айында орнату жоспарланып отыр.Жалпы құны 498,5 млн теңгені құрайтын Бидайкөл және Әбділдә Тәжібаев елді мекендеріне кіре-беріс көпірлерінің құрылыс-жұмыстары жүргізілуде. Көп ұзамай ел игілігіне берілмек. Аудан әкімі Нұржан Ахатов Бидайкөл ауылының тұрғындарымен кездесуінде осылай деді. Бәйтерек ауылдық округіндегі М.Шоқай көшесіне 300 метр жаяу жүргіншілер жолын орнату мәселесі қаралып жатыр. Нақтырақ айтқанда, аудандық экономикалық, бюджеттік жоспарлау бөліміне 5,5 млн теңгеге жоба сметалық құжаттары өткізілген. Л-1 каналына темір бұғат орнату мәселесі шешілмек. Сондай-ақ, Бидайкөл мен Бала би ауылының көшелерін жарықтандыру, жолдарын жөндеу келесі жылдан бастап қолға алынады.&nbsp;Ал тұрғындар тарапынан ауылға 4 трансформатор керек екендігі айтылды. Мұнымен қоса Бидайкөл ауылының тұрғыны М.Салқынбаев Бірлік көшесіне жаяу жүргіншілер жолы салынса деген ұсынысын жеткізді. Сонымен қатар Р.Айымбетов ауылдағы Нұрсейітов пен Абай көшесіне жол жүргізу керектігін сөз етті. Кездесу соңында аудан әкімі Нұржан Ахатов әрбір тұрғынның талап-тілектері ескерілетінін, шешімін таппаған мәселелер қаражатқа байланысты кезең-кезеңімен жүзеге асырылатынына уәде берді.Аудан әкімінің келесі кездесуі Қарғалы ауылында өтті. Елді мекен тұрғындары аяқ су жеткізетін «Қорасан 1» мекемесі Күркіреуік каналының ескі арнасын бітеу керек екендігін айтқан еді. Қазіргі таңда 1 450 метрге қазу жұмыстары жүргізіліп жатыр. Сондай-ақ ауылды әлеуметтік азық-түлікпен қамтамасыз ету бағытында жеңілдетілген бағамен 20 қап ұн ауыл халқына ұсынылды. Алдағы уақытта өзге де азық-түлік өнімдерін жеткізу бағытында кәсіпкерлермен келіссөз жүргізілуде. Сонымен қатар 2023 жылы жаңа амбулатория бой көтермек. Ал кешегі кездесуде қарғалылықтар 6 көшеге жол салуды сұрады. <img src="https://knadmin.beoblood.kz/uploads/4_e35f364168.jpg" alt="4.jpg"><img src="https://knadmin.beoblood.kz/uploads/5_44299d0b17.jpg" alt="5.jpg"><img src="https://knadmin.beoblood.kz/uploads/6_9ee97b0d94.jpg" alt="6.jpg"><img src="https://knadmin.beoblood.kz/uploads/3_70d8299763.jpg" alt="3.jpg">

Шиелі ауданының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> ҚМДБ-ның Қызылорда облысы бойынша өкілдігі, қалалық «Айтбай» мешіті, Жастар ісі секторының ұйымдастыруымен «Имам Науауидың 40 хадис жинағынан» интеллектуалдық жарыс өтті.Білім додасында алғы сөз алған Қызылорда қаласының бас имамы Марат Үркімбаев жиылған жамағатқа хадис жаттап, амал етудің маңызы мен сауабын түсіндіріп, сайыскерлерге сәттілік тіледі.Қызылорда қаласы мешіттерінің жамағатынан құралған 10 команда жарыс ережесіне бойынша 40 хадистің қазақша мағынасын жатқа айтты.Сайыс соңында Қызылорда облысының бас имамы Болатбек Ұласқанұлы қатысушыларды Мәуліт айымен құттықтап, аталған шараның маңыздылығына тоқталып өтті. Бұдан кейін жарыс жеңімпаздарын қомақты сыйлықтармен марапаттап, өзге қатысушыларға алғыс хат табыстады.Байқау нәтижесі бойынша жүлделі І-орынды Қызылорда облыстық «Ақмешіт-Сырдария» орталық мешітінің шәкірттері қанжығаларына байлады. Жүлдегерлерге 70 000 теңге көліміндегі қаржылай сертификат табысталып, марапатталды. Ал байдаудың жүлделі ІІ орнын «Төлена ата» мешітінің шәкірттері иеленіп, 50 000 теңге қаржылай сыйлыққа ие болды. Сондай-ақ ІІІ орын мінберінен «Нұр» мешітінің шәкірттері көрінді. Жеңімпаздарға 30 000 теңгелік сертификат табысталды.<img src="https://knadmin.beoblood.kz/uploads/1_23f489468f.jpg" alt="1.jpg">

Қызылордада шәкірттер 40 хадисті жатқа айтудан жарысты

<a href="https://kyzylorda-news.kz/">Kyzylorda-news.kz.</a> 1 қарашада Қазақстан аумағының басым бөлігінде атомосфералық фронттардың әсерінен құбылмалы күн райы сақталады, деп хабарлайды Қазгидромет.Біраз өңірде жауын-шашын болады. Республика бойынша тұман, көктайғақ, желдің күшеюі болжанады,

1 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Елдің тыныштығы мен халықтың қауіпсіздігін қамтамасыз ететін полиция қызметкерлерінің жүктемесі көп, міндеті де ауыр. Сол себепті «полиция қызметкері – халықтың қорғаны» десек, еш қателеспейміз. Тұрғындардың амандығы мен тыныштығы үшін күні-түні аянбай қызмет ететін сала қызметкерлерінің бір күні қалай өтетінін біз білеміз бе? Осы сұраққа жауап алу мақсатында тәртіп сақшыларының біркүндік жұмысын бірге атқаруды жөн көрдік.Жұмыс уақыты ерте басталадыЖалағаш аудандық полиция бөлімінде жұмыс уақыты ерте басталды. Таң атысымен ғимарат ішінде тіршілік қайнап жатыр, сірә үйреншікті жағдай болар, ұйқысын аша алмай, маужырап жүрген ешкім байқалмады. Қызметкерлер таңғы сағат 7.00-де кезекші бөлімнен қару алады екен. Содан кейін бүгінгі жұмыс күнінің міндеттері мен тапсырмалары беріліп, сағат жеті жарым шамасында саптық жиын басталды. Жиында міндетті бөліністерін айқындаған полиция қызметкерлері дереу жұмыстарына кірісіп кетті.Бұл жолы әріптесім Ерлан Созақбаев екеуміз АПБ Жергілікті полиция бөлімшесіне қарасты патрульдік полиция тобының қызмет инспекторы Нұрлыбек Жолдастың біркүндік кезекшілігіне түсіппіз. Орда бұзар жаста тұрған жігіттің бұл жұмыста келе жатқанына 7 жылдан асыпты. Өз ісіне деген жауапкершіліктің қандай боларын ол жақсы біледі. Қысқасы, бұл саладағы жұмыстың барлығы оған бес саусағындай таныс.Бізде полиция қызметкерінің формасын киіп, аға лейтенант Нұрлыбектың «Нива» маркалы жұмыс көлігіне отыра кеттік. Әрине қобалжу бар. Полиция қызметкері дереу бізден қауіпсіздік белдігін тағуды талап етті. «Бүгін менің әріптесім екенсіз, сол себепті тәртіпті әуелі өзімізден бастағанымыз жөн», деген қызметкердің бір ауыз сөзі біз үшін жауапкершілікті одан бетер еселегендей болды.Көлігіміз кент орталығына жол тартты. Дәуімбай елді мекенінде көлік саны аз ба, ереже бұзғандар кездесер емес. Әрине қуантарлық жағдай. Осы сәтті пайдаланып, полиция инспекторын әңгімеге тартуды жөн көрдік.Полицейдің айтуынша, қазір кентте көлік саны көбейген. Сол себепті жол жүру ережесі жиі бұзылып жататын көрінеді. «Біздің негізгі мақсат – тек айыппұл салумен шектелмей, жүргізушілерге түсіндірме жұмыстарын жасап, мейлінше олардың қауіпсіздігіне жұмыс жасау» деп түйді ол әңгімесін. Әріптесімнен көп сөздің емес, істің адамы екені көрінді.Көлік қозғалысын реттеуде полицейлердің рөлі зорКент орталығындағы базар маңына тұрақтап, кейіпкерім көлік қозғалысын реттеуге кірісіп кетті. Көлік қозғалысын реттеуде полицейлердің рөлі зор. Өйткені базар маңында таңертең көлік саны көбейеді, көлік жүрісі қиындай түседі. Сол сәтте көлік жүргізушінің жол белгі талабын орындамай тұрғанын байқап қалса керек. Қолындағы арнайы аппаратпен «Вольфсваген» автокөлігін тізгіндеген азаматтың сәл аялдауын сұрады. Осылайша жұмысымыз одан әрі қыза түсті. Амандасып, өзін таныстырған Нұрлыбек көлік иесінен көлік құжаттарын көрсетуді талап етті, құжаттары түгел екен, инспектор қолына планшетін алып, хаттама толтыра бастады. Хаттаманы толтырып болған соң, көлік иесімен белгі тұрған жерге барып, түсіндірме жұмысын жүргізді.Аудан орталығындағы стадион алдында айналма жолдан өте бергенде тағы да «Вольфсваген» маркалы көлік назарымызға ілікті, бірақ түсі бөлек екен. Автокөліктегі дыбыс күшейткішпен көлікке оң қапталға аялдауды талап етті. Жүргізуші де дереу талапты орындап, көлік қозғалтқышын сөндірді. Дәл жоғарыдағыдай реттілікпен құжаттарын сұрады. Құжаттары түгел. Бір айыбы көлік жүргізушісі қауіпсіздік белдігін тақпаған, оған қоса көліктің жарық шамын жақпаған. Әрине заң бәріне ортақ, көлік иесіне заң талабын сақтай отырып, 2 хаттама толтырылып, ескерту жасалды. Түсіндірме жұмыстарын да назардан қалдырмады.Араға 30 минут сала Дәуімбай елді мекеніне өтетін «тесік көпірден» өткенімізде «LADA» автокөлігінің ережені бұзып келе жатқанын байқадық. Біз де қырағылана бастадық па, жан-жақтағы көліктердің барлығын көзбен сүзгіден өткізіп келеміз. Әріптесім көлік тізгіндеген азаматқа оң қапталға тоқтауды талап етті. Тәртіп бұзған көлік иесіне “Қауіпсіздік өзіңіз үшін, сондықтан белдік тағып жүруді қаперден шығармаңыз” деп ауызша да, жазбаша да ескерту жасалды.Нұрлыбек Жолдастың айтуынша, жалпы жол қауіпсіздігін қамтамасыз етуге Жалағашта 3 полицей қызмет етеді. Күніне жүгенсіз көлік жүргізушілерге 10-нан аса айыппұл салынатынын айтады. Демек, көлік жүргізушілер тарапынан жол ережесін сақтауға әлі де құлықсыздық басым деген сөз.<blockquote>«Мен бала кезден полиция қызметкері боламын деп армандайтынмын. Тек армандап қана қоймай, осы маман иесі атануды мақсат еттім. Оқуымды бітіргесін «Кім боламын?» деп көп ойланбадым, дереу осы салаға жұмысқа орналастым. Жаман емес, шүкір, қызығы мен шыжығы мол жауапты қызмет атқарудамын. Қызметте жүрген соң жұмыс барысында қойылған талаптарды уақытында орындауға міндеттіміз. Өйткені бұл – адам өмірі мен қауіпсіздігіне жауап беретін қызмет саласы. Сол себепті полицей қызметкері дене дайындығымен қатар психологиялық дайындықта жүруі қажет. Қызмет болған соң, әртүрлі оқыс оқиғалар, яғни көлік апаты, адам өлімі секілді жайттар орын алып жатады», – дейді полицей Нұрлыбек Жолдас.</blockquote>Түйін: Әрине мұндай өте жауапты қызметке төзу оңай шаруа емес. Себебі полицейлер де адам баласы. Оларда да жүрек бар екенін естен шығармағанымыз абзал. Қарбаласы мол біркүндік жұмыс күні аяқталғасын, қызметтік қару қайтадан кезекші бөлімге тапсырылды. Сырттай қарағанда форма киіп жүретін қызмет болып көрінгенімен, жоғарыда айтып өткеніміздей, бұл қызмет – жауапкершілігі мол жұмыс. Ең басты міндеттері – адам өмірі, тұрғындар қауіпсіздігі. «Қауіпсіз ортаны қалыптастыруда тек полиция қызметкерлері ғана жауапты» деген түсініктен арылып, қоғам болып сол жауапкершілікті сезінуіміз қажет деп санаймын.Жандос Жазкен<img src="https://knadmin.beoblood.kz/uploads/2_3f536df2a8.jpg" alt="2.jpg"><img src="https://knadmin.beoblood.kz/uploads/3_8e9e6cd4f6.jpg" alt="3.jpg"><img src="https://knadmin.beoblood.kz/uploads/4_cb314affad.jpg" alt="4.jpg">

Полицейдің бір күні (ФОТО)

<a href="https://kyzylorda-news.kz/">Kyzylorda-news.kz.</a> 4 қарашада Астана қаласында «Атамекен» ұлттық Кәсіпкерлер палатасының Х Съезі өтеді.Съезде ұлттық Кәсіпкерлер палатасының өткен жылғы қызметінің есебі, реформалауға қатысты қабылданып жатқан шаралар мен өзге де мәселелер талқыланып, қаралады деп жоспарланып отыр.«Атамекенді» трансформациялау шарасы аясында қабылданатын шаралардың бірі – салалық қауымдастықтармен жұмысты, нормативтік құжаттарды сараптауды күшейту, бизнеске арналған қызметтерді цифрландыру.Өңірлік кеңес төрағасы Ерлан Раимов трансформациядан «Атамекенге» қажет емес функциялардың қысқартылып, қалған міндеттерге басымдық берілуін күтетінін жеткізді.<blockquote>«Қазір әлемде жағдай тұрақсыз болып тұр. Бұл бір жағынан біздің еліміз үшін жақсы мүмкіндік. Соны пайдаланып, инвестиция тарту, өндірістер, жаңа жұмыс орындарын ашу секілді маңызды шараларды жүзеге асыруымыз керек. Ал «Атамекеннің» трансформациясы осы шараларды ұйымдастыруда бизнеске сапалы сервистік қызмет көрсеткені маңызды», – дейді Өңірлік кеңес төрағасы Ерлан Раимов.</blockquote>Кеңес төрағасы «Атамекеннің» бастамасымен салық заңнамасының қайта жазылып шығатынын атап өтіп, қазір аталған салаға қатысты ұсыныс беруге кәсіпкерлердің белсенді араласып жатқанын жеткізді. &nbsp; &nbsp;Ерлан Раимов бизнеспен айналысып келе жатқанына отыз жылдан асқанын айта келе, «Атамекеннің» бизнес пен билік арасында диалог алаңын құрып, өте жақсы жүйе қалыптастырғанын атап өтті.<blockquote>«Мүмкін бизнеске енді келген жас кәсіпкерлер онша байқай қоймайтын шығар. Дегенмен осы салада ұзақ жылдан бері жүрген тәжірибелі кәсіпкер ретінде айтарым, саланы қолдауға қатысты қабылданып жатқан шаралар бұрынғы кезбен салыстырғанда жер мен көктей. Бұл жерде «Атамекеннің» рөлі ерекше. Тек осы артықшылықтарды дұрыс қолдануды үйренуіміз керек», – деді Кеңес төрағасы.</blockquote>Съезд қарсаңында Қызылорда облысы кәсіпкерлер палатасы Өңірлік кеңесінде де бұл мәселе жан-жақты талқыланып, ұсыныстар орталық аппаратқа берілді. &nbsp;<figure class="image"><img src="https://knadmin.beoblood.kz/uploads/Bezymyannyj_125b640feb.jpg" alt="Безымянный.jpg"></figure>

Ерлан Раимов: Трансформациядан қажет емес функциялардың қысқартылуын күтеміз

<a href="https://kyzylorda-news.kz/">Kyzylorda-news.kz.</a> Сырдария ауданына қарасты Асқар Тоқмағамбетов ауылында«Жастар бригадасы» құрылады.Жастар - қоғамның қозғаушы күші. Елімізде жастарды жалпы қоғамдық үдерістерге қосу мақсатында ынталандыру шаралары іске асырылып, олардың өзін-өзі жүзеге асыруы үшін мемлекеттік деңгейде жағдай жасалуда. Жақсы жаңалықтардың бірі ауыл жастарын көтеру мақсатында аудан әкімі Мұрат Нәлхожаұлының қолдауымен Асқар Тоқмағамбетов ауылдық округінен жастар бригадасы құрылады.<blockquote>«Бұл жобаның жастарды жұмыспен қамтуда және NEET санатындағы жастарды болдырмау мақсатында атқарар рөлі айрықша болады»,–деді аудан әкімі Мұрат Ергешбаев.</blockquote>Сырдария аудандық жастар ресурстық орталығының ұйымдастыруымен жүйелі жоба қолға алынуда. Ауыл әкімі Ғ.Алданазаровпен кездесіп, жастарға арналған бастамалар бірлесе отырып талқыланды. Оның ішінде егістік жерді дайындау, қоршау т.б жұмыстары ауыл жастары үшін тегін жүргізіледі.Асқар Тоқмағамбетов ауылдық округінен жұмыссыз жастарға 3 гектар жер белгіленіп, ерте көктемнен бастап 10 жас бригада қатарында еңбек етеді. Мұнан соң жұмыссыз жастар картоп, сәбіз, қауын, қарбыз, жүгері, асқабақ т.б дақылдар егетін болады.<figure class="image"><img src="https://knadmin.beoblood.kz/uploads/syrdariya1_d2e751b06f.jpg" alt="сырдария1.jpg"></figure>

Сырдария ауданы: Асқар Тоқмағамбетов ауылында «Жастар бригадасы» құрылады

<a href="https://kyzylorda-news.kz/">Kyzylorda-news.kz.</a> 2022 жылдың 20 қарашасында Қазақстан Республикасы Президентінің сайлауы өтеді.&nbsp;

Қазақстан және Қызылорда облысының жаңалықтары