<a href="https://kyzylorda-news.kz/">Kyzylorda-news.kz.</a> Қызылорда облыстық тарихи-өлкетану музейінің ұйымдастыруымен Арал аудандық тарихи-өлкетану музейінің филиалы Әбдіжәмил Нұрпейісов музей-үйінде музей қызметкерлері арасында «ҮЗДІК МУЗЕЙ ҚЫЗМЕТКЕРІ– 2022» байқауы өтті.&nbsp;Іс-шараға Арал ауданы әкімінің орынбасары Бержанов Кете-Төлеби Досымжанұлы, Қызылорда облысының мәдениет және спорт басқармасының бөлім басшысы Жанар Нұржақыпова, ҚР білім беру ісінің үздігі, ардагер-ұстаз, өлкетанушы Үргенішбай Қуатов және музей қызметкерлері, тарихшылар қатысты. Танымдық іс-шараны Арал ауданы әкімінің орынбасары Бержанов Кете-Төлеби Досымжанұлы ашып, байқауға қатысушыларға сәттілік тіледі.Байқаудың мақсаты - өзіндік ерекшелігі бар шығармашыл қызметкерлерді анықтау және қолдау, қызметкерлердің кәсіби шеберлігін жетілдіру, ұлттық дәстүрді жаңғырту, дамыту, насихаттау, музей мамандығының рөлін арттыру, бірыңғай мәдени кеңістікті дамыту, өңірлердің мәдени мұрасын таныстыру, қызметкерлердің тәжірибе алмасуына жағдай жасау.Байқауға барлық деңгейдегі музей қызметкерлері қатысып, 3 түрлі сынақ бойынша бақ сынасты. Байқау жоғары деңгейде ұйымдастырылды. Шарты бойынша барлық сынақтан сүрінбей өтіп, қазылар алқасының шешімімен Жалағаш аудандық тарихи-өлкетану музейінің ғылыми қызметкері Қанат Жапақов «Үздік музей қызметкері» болып танылды.Сондай-ақ, байқау ережесі бойынша Ғани Мұратбаев мемориалды музейінің қор сақтаушысы Әлібек Сералы, «Үздік музейлік жоба», С.Айтбаев атындағы көркемсурет галереясының экскурсоводы Тасенова Айжан, «Креативті маман», Шиелі аудандық тарихи-өлкетану музейінің ғылыми қызметкері Әбутегі Бекболат «Рухани құндылықтарды насихаттаушы» номинацияларын өзара бөлісті.&nbsp;Байқауға қатысқан қызметкерлер ақшалай және бағалы сыйлықтармен марапатталды.<figure class="image"><img src="https://knadmin.beoblood.kz/uploads/318245543_1673970636333787_9074945996443479535_n_e703525e8f.jpg" alt="318245543_1673970636333787_9074945996443479535_n.jpg"></figure>&nbsp;<figure class="image"><img src="https://knadmin.beoblood.kz/uploads/317416908_1673970793000438_2287956635839576408_n_efe7bf330b.jpg" alt="317416908_1673970793000438_2287956635839576408_n.jpg"></figure>&nbsp;<figure class="image"><img src="https://knadmin.beoblood.kz/uploads/316811431_1673970586333792_7230353340814630788_n_9a9de9a889.jpg" alt="316811431_1673970586333792_7230353340814630788_n.jpg"></figure>

Қызылордада «Үздік музей қызметкері» анықталды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев халықтың жұмыспен қамтылуы мен табысының төмендігі жөніндегі мәселелерге баса тоқталып, халықтың табысын арттыру бағдарламасын әзірлеуді тапсырған болатын.Осы орайда, Қазақстан Республикасы Үкіметінің қаулысымен «Халықтың табысын арттырудың 2025 жылға дейінгі бағдарламасы» кешенді жоспары бекітілген. Осылайша, ауыл халқының табысын арттыру мақсатында республика бойынша ауқымды жұмыстар атқарылып, қарқынды жүргізілуде.«Халықтың табысын арттырудың 2025 жылға дейінгі бағдарламасы» кешенді жоспарына сәйкес, ауылдық жерлерде жұмыспен қамтуды ұлғайту және еңбек табысын арттыру іс-шаралары айқындалған. Бұл іс-шараларда ауылдың экономикалық көрінісін айқындау үшін жергілікті жерде әр ауланы аралау жолымен жергілікті жердің скринингін жүргізу, ауыл мен ауданның мамандануын, бизнес әлеуетті және кооперациялық бағыттарды айқындау, технологиялық карталарды қалыптастыру және басқа да көптеген шаралар қамтылған.«Ауыл халқының табысын арттыру жөніндегі жобаны масштабтау бойынша шағын кредиттер беру» бюджеттік бағдарламасын іске қосу жоспарланып, Қызылорда облысында аталған пилоттық жобаны жүзеге асыру алдағы 2023 жылы басталады деп күтілуде.&nbsp;Айта кетейік, Қазақстан Республикасы Еңбек және халықты әлеуметтік қорғау министрінің 2022 жылғы 14 шiлдедегi №263 бұйрығы бойынша осы пилоттық жобаны жүзеге асыруға (масштабтауға) микрокредит беру ережесі бекітілді. Нысаналы мақсаты – ауылдық елді мекендерде және шағын қалаларда бизнес жобаларды іске асыру.&nbsp;Облыстық ауыл шаруашылығы және жер қатынастары басқармасының мәліметіне қарағанда, микрокредиттің жылдық сыйақы мөлшерлемесі 2,5 пайыздан аспайды, мерзімі 5 жылға дейін. Ал мал шаруашылығы саласындағы жобалар үшін микрокредит мерзімі – 7 жыл.&nbsp;Осы микрокредиттің ең жоғары сомасы 2,5 мың айлық есептік көрсеткішке дейін (7,6 млн теңге шамасында). Бұған қоса, зәкірлік кооперацияны дамыту үшін 8 мың айлық есептік көрсеткішке дейін, яғни, 24,5 млн теңгеге дейін қаражат несиеге беріледі. Микрокредитті аларда кепілмен қамтамасыз ету талап етіледі және негізгі борыш пен сыйақыны өтеу бойынша жеңілдетілген кезең микрокредит беру мерзімі ұзақтығының 1/3 аспайды (1,5-2,3 жыл).&nbsp;Облыста жобаны масштабтау мақсатында Қызылорда қаласы мен аудандарда жұмыс топтары құрылып, жобаға қатысушы 16 пилоттық округ тізімі айқындалды.&nbsp;Бүгінде облыстық жұмыс тобы аудандарды аралап, түсіндіру жұмыстарын бастап кетті. Барлық 7 аудан мен Қызылорда қаласына қатысты пилоттық ауылдық елді мекендер бойынша жобалар пулы қалыптастырылып, оның ішінде жаңа инновациялық және өңдеу бағытында ұсынылған жобаларға басымдық берілетін болады. &nbsp;<figure class="image"><img src="https://knadmin.beoblood.kz/uploads/2d616aae7387f785661fe9f915c6dc92_d765fe05f4.jpg" alt="2d616aae7387f785661fe9f915c6dc92.jpg"></figure>

Ауылдық елді мекендерде бизнес жобаны іске асыруға шағын несиелер беріледі

<a href="https://kyzylorda-news.kz/">Kyzylorda-news.kz.</a>&nbsp; Бүгін Сенаттың жалпы отырысында палатаның Әлеуметтік-мәдени даму және ғылым комитетінің төрағасы қызметіне Нұртөре Жүсіп сайланды, деп хабарлайды <a href="https://www.inform.kz/kz/nurtore-zhusip-senattagy-aleumettik-madeni-damu-zhane-gylym-komitetinin-toragasy-boldy_a4010913">ҚазАқпарат.</a>Нұртөре Байтілесұлы Жүсіп 1961 жылы 29 сәуірде Қызылорда облысы Шиелі ауданы Керделі кентінде дүниеге келген.1984 жылы Киров атындағы Қазақ мемлекеттік университетінің журналистика факультетін бітірген.Еңбек қызметінің бірінші сатысын Павлодар облыстық «Сарыарқа самалы» газеті агроөнеркәсіп бөлімінің журналисі болып бастады. Бұл газетте Көлік және коммуникация бөлімінің меңгерушісі, бас редактордың орынбасары болып жұмыс істеді.1990-1996 жылдары – «Егемен Қазақстан» республикалық газетінің аға тілшісі, Бас редакторының экономикалық мәселелер жөніндегі орынбасары.1996-2002 жылдары – «Жас Алаш», «Ақ жол Қазақстан», «Егемен Қазақстан», «Астана Хабары» газеттерінің бас редакторы.2008-2019 жылдары – «AIQYN» республикалық қоғамдық-саяси күнделікті газетінің бас редакторы.2019 жылғы 12 тамыздағы Қазақстан Республикасы Президентінің Жарлығымен Қазақстан Республикасы Парламенті Сенатының депутаты болып тағайындалды.Фото: senate.parlam.kz

Нұртөре Жүсіп Сенаттағы Әлеуметтік-мәдени даму және ғылым комитетінің төрағасы болды

<a href="https://kyzylorda-news.kz/">Kyzylorda-news.kz.</a>&nbsp;Жалағаш ауданына қарасты Бұқарбай батыр ауылының тұрғындары кәсіпкерлік саласына мемлекет тарапынан жасалып жатқан қолдауды ұтымды пайдаланып, жеке кәсіптерін ашуда. Сондықтан да батыр атындағы ауылда жыл сайын салаға қадам басқандардың қатары көбейіп келеді. Осыдан екі жыл бұрын серіктестік құрған елді мекен тұрғыны Еділ Жұмабек те бүгінде бастаған ісінің жемісін көріп отыр.2019 жылы жұмысын бастаған «ARMAN COM» ЖШС бүгінде өз өнімімен тек ауыл халқын ғана емес, жалпы аймақтағы тұтынушыларын қамтамасыз етіп отыр. Уақыт өткен сайын серіктестікте өндірілетін пескоблокқа сұраныстың артуы өнім сапасының сын көтеретінін және бағасы да қалтаға қонымды екенін аңғартып тұр. Жуырда мұндағы қажетті аппараттар қатарын көбейткен Еділ Жұмабек алдағы уақытта кәсіпорынның көкжиегін кеңейтуде басқа да жоспарлары жоқ емес екенін айтады.Кәсіпкер кәсіптің бұл түрін досы Қуаныш Сабыржанұлы екеуі бастағанын айтады. Серіктестік маусымында 6 адамды жұмыспен қамтиды екен. Күн райының салқындығы өнім сапасына тікелей әсер ететіндіктен мұндағы жұмыстар сәуір айында басталып, қазан айының ортасында тоқ-тайтын көрінеді. Өз қаражатымен іс бастаған қос азамат кейін мемлекеттен де қолдау болғанын жасырмайды.<blockquote>«Серіктестікті өз қаражатымызбен құрдық. Кәсіптің бұл түрінде пайда барын түсінгендіктен біз мұның болашағына сендік. Бірінші сұраныс өз ауылымыздан болды. Кейін облыс орталығынан, Қармақшы, Жалағаш, Сырдария, Қазалы аудандарынан тапсырыс көптеп түсе бастады. Әрине, оның барлығын қамтамасыз ету үшін іштегі қажетті аппараттарымыздың саны шектеулі болды. Бұған дейін аудан әкімінің орынбасары болған Ерлан Әмірханұлы серіктестік жұмысымен танысып, мемлекеттік бағдарламаларға қатыссақ, қолдау да мол екенін айтты. Бақ сынауға бел буып, «Бизнестің жол картасы – 2025» мемлекеттік бағдарламасымен 2 млн теңге қайтарымсыз қаражатқа ие болдық. Тиісті қаражатқа мұнда еңбек өнімділігін арттыратын әлі де қажетті аппараттар сатып алдық. Осылайша барлық тапсырысты өз өнімімізбен қамтамасыз етуге мүмкіндік алдық», – дейді кәсіпорын иелері.</blockquote>Бұқарбай батыр атындағы ауылда орналасқан серіктестік пескоблоктың 2 түрін өндіреді. Оның бірі тұрғын үй, сарай, басқа да әлеуметтік нысандар салуға арналса, келесісі қоршау жұмыстарына негізделген. Ал шикізат көзіне келсек, пескоблокқа тек цемент пен қиыршық тастың майдасы пайдаланылады. Іскер азаматтар цементті жергілікті жерден алса, қиыршық тасқа Шиелі ауданына тапсырыс береді екен.Сондай-ақ, мұнда құрылыс жұмыстарына қажетті пескоблоктың да екі түрі өндіріледі. Олардың қалпының өлшемі бірдей болғанымен түсі әрқалай. Оның бояуын арнайы Алматы қаласынан алдырады. Екеуінің бағасында да сәл айырмашылық болатыны сондықтан.Серіктестік құрылғалы мұнда 50-60 мыңға жуық пескоблок өндіріліпті. Қазір кәсіпорындағы қажетті аппараттар санының артқанын ескерсек, алдағы маусымда өнім көлемінде де айтарлықтай өсім болары анық.Күніне 1000-ға жуық пескоблок шығаратын зауыт басшылары енді тасымалдау қызметін де өздері қолға алуға талаптанып отыр. Қазірдің өзінде жүк көлігін сатып алу үшін мемлекеттік бағдарламамен пайыздық үстемақысы төмен несие алуға құжат тапсырып қойған. Қаражат мәселесі шешілген бойда іскер азаматтар жүк көлігін алуға жолға шығатынын айтады.<blockquote>«Бізде кейде «тасымал жағы өздеріңізден болса» деп тапсырыс берушілер де кездеседі. Жүк көлігі болмағаннан кейін біз тапсырыстың бұл түрінен бас тартамыз. Осындай жағдайлар көптеп орын алғаннан кейін тасымал жұмысын жүзеге асыруды да алдағы күннің еншісіне қойып отырмыз. Әрине, оның барлығы қаражатқа келіп тіреледі. Оған әзірге біздің шамамыз келмейді. Мемлекеттік бағдарламаның көмегіне жүгінгеніміз де сондықтан. Бұл жобамыз жүзеге асса, кірісімізді де еселеуге мүмкіндік туады», – дейді серіктестік иелері.</blockquote>Қазір кәсіпорын орналасқан ғимаратты іскер азаматтар жалға алып отыр. Яғни оның егесіне ай сайын 70 мың теңге төлейді екен. Бұл – небәрі 2 жыл бұрын жұмысын бастаған серіктестік үшін үлкен шығын. Өз алдына жеке ғимарат алудың да жобасын олар дайындап қойыпты. Қазір Еділ Жұмабек өз үйінің жанынан 33 сотық жер рәсімдеп қойған. Енді сол маңға серіктестіктің жаңа нысанын салуды күн тәртібіне қойып отыр.&nbsp; &nbsp;<img src="https://knadmin.beoblood.kz/uploads/2_60ad1fa24a.jpg" alt="2.jpg">

Ауыл жастары кәсіпкерлікке бет бұрған

<a href="https://kyzylorda-news.kz/">Kyzylorda-news.kz.</a> Қазалыда «Жетістік жолдары: әйелдер белсенділігінің қоғамдағы рөлі» атты аудандық әйелдер форумы өтті.&nbsp;Роза Бағланова атындағы аудандық мәдениет орталығында өткен шара алдымен кәсіпкер аналармен қолөнер шеберлерінің қолдан жасалған туындыларының көрмесімен бастау алды.&nbsp;Мұнан соң, әжелер ансамблі қазақтың халық әндерін қормен орындап, форумға келген қонақтарға ерекше көңіл-күй сыйлады.Тағылымы мол шараға аудан әкімі Мұхтар Оразбаев төрағалық етіп, аудандық форумға қатысушы қонақтарды таныстырып өтті.&nbsp;Сондай-ақ, отбасылық және ұлттық құндылықтар дәріптеле түсетін аталмыш форумның маңызына тоқталды.&nbsp;Аудан басшысынан кейін, облыстық әйелдер кеңесінің төрайымы Райкүл Байназарова сөз алып, игілікті істердің басында ер азаматтармен бірге жауапты қызметтер атқарып жүрген нәзік жандылардың қоғамдағы рөлі жайында айтып өтті.&nbsp;Сондай-ақ, Қазалы ауданының құрметті азаматы, ардагер-ұстаз Құралай Бекжанова, «Атамекен» кәсіпкерлер палатасы жанындағы Іскер әйелдер бірлестігінің төрайымы Наталья Мишукова және бүгінгі таңда еңбегі елге сіңген еңбекқор аналар сөз сөйлеп, ұсыныс-пікірлерін жеткізді.&nbsp;Сонымен қатар аудандық әйелдер кеңесінің төрайымы Роза Асанова ауданда әйелдер істері және отбасылық-демографиялық саясатты жүзеге асыру, отбасындағы тәрбие рөлін арттыру бағытында жыл басынан бері атқарылған жұмыстар жайында хабарлама жасады.Форум барысында бірқатар аналарға аудан әкімі Мұхтар Оразбаевтың «Алғыс хаты» мен «Өнегелі ана», «Ұрпақ жанашыры», «Қайсар жан» сынды түрлі номинациялар табысталды. Ал, «Евразия Пресс» ЖШС аудандық бөлімшесінің меңгерушісі Гүлсім Аймағамбетова «Қазақстанның Алтын кітабы» медалімен марапатталды.Ұлттық құндылықтарды дәріптеп, түрлі кәсіпте еңбек етіп жүрген аналарға облыстық әйелдер кеңесінің төрайымы Райкүл Байназаровада шынайы ризашылығын білдіріп, арнайы «Алғыс хаттарын» табыстады.Шара соңында «Орамалды Ханшайым» сәндік орамалдар желісінің негізін қалаушы, жеке кәсіпкер Сыздықова Динараның сән көрсетілімі ұсынылып, аудан өнерпаздарының концерттік бағдарламасына ұласты.<figure class="image"><img src="https://knadmin.beoblood.kz/uploads/318444808_3532127277008194_1439850242305646637_n_b4a788563c.jpg" alt="318444808_3532127277008194_1439850242305646637_n.jpg"></figure>&nbsp;<figure class="image"><img src="https://knadmin.beoblood.kz/uploads/318429489_3532127177008204_9186934311308622714_n_10503c4919.jpg" alt="318429489_3532127177008204_9186934311308622714_n.jpg"></figure>&nbsp;<figure class="image"><img src="https://knadmin.beoblood.kz/uploads/318423270_3532127067008215_3116982561254209472_n_e75ce3ee12.jpg" alt="318423270_3532127067008215_3116982561254209472_n.jpg"></figure>

Қазалыда аудандық әйелдер форумы өтті

<a href="https://kyzylorda-news.kz/">Kyzylorda-news.kz.</a> Шиелі ауданы әкімі Нұржан Ахатовтың төрағалығымен мәжіліс отырысы өтті. Жиынның күн тәртібінде негізгі 3 мәселе және қосымша 2 мәселе қаралды.Атап айтар болсақ, негізгі мәселелер қатарында ауыз суды халыққа жеткізу және сапасы, Тұран және Керделі ауылдық округтерінің әлеуметтік экономикалық даму көрсеткіштері және алдағы атқарылатын жұмыстары тақырыптары қозғалды. Ал қосымша қаралған мәселелер 2022 жылдың 11 айының қорытындысы бойынша қаржы игерімі мен 2023 жылдың I жарты жылдығына баспасөзге жазылу жөнінде болды.Жаз айларында туындайтын ауыз су тапшылығын жою үшін екінші магистраль құбыры тартылуда. Ауыз судың халыққа жеткізілуі мен сапасы жөнінде «Жиделі топтық су құбыры» РМК Шиелі аудандық филиалының директоры Асылбек Сәрсенбаев баяндама жасады.<blockquote>«Жиделі топтық су құбыры» өндірістік бөлімшесі Шиелі кенті мен Шиелі ауданының 22 елді мекенінің – 14 841 үйін, Шиелі кенті бойынша - 6 362, елді мекендер бойынша – 8 479 тұтынушыға, ал &nbsp;«Шиелі ауданының оқшау сумен жабдықтау жүйелерін пайдаланушы» &nbsp;өндірістік бөлімшесі - 7 елді мекендерді ауыз сумен қамтамасыз етеді. Атап айтқанда, Бірлестік, М. Шоқай, 1 Мамыр, Майлытоғай, Тартоғай, Ботабай, Сұлутөбе, Бұланбай бауы бойынша барлық тұтынушылар саны - 8 240 тұтынушы, 1 326 абонент ауыз су тұтынады. ауыз су беріледі. Ауыз су тұтынушыларды 24 сағат ауыз сумен қамтамасыз ету мақсатында елді мекендердегі су мұнараларын түнгі мезгілге толтыру арқылы елді мекенге су беріледі», - дейді Асылбек Сәрсенбаев.</blockquote>Сондай-ақ, Асылбек Сәрсенбаев ауыз су тапшлығын болдырмас үшін &nbsp;Ақмая елді мекеніне баратын d-225 мм ПЭ құбырына, Шиелі кенті, Тоқтаров көшесіне баратын құбыр бойына, № 3 су көтеру насос станциясынан Бидайкөл елді мекені насос станциясындағы су қоймасына баратын d-140 мм ПЭ құбырына су тарату (повыситель) қондырғы насостары орнатылғанын айтты. Мұнан бөлек жаз айларында туындайтын тапшылықты түгелдей жою үшін Сүттіқұдықтан келетін екінші магистраль құбыры құрылысының аяқталу қажет екені белгілі болды. Тіпті құбыр құрылысын жүргізетін мекемеде анықталып, жұмыстарды бастап кеткен.&nbsp;Ал, Тұран ауылдық округінің әлеуметтік экономикалық даму көрсеткіштері және алдағы атқарылатын жұмыстары туралы баяндаған ауылдық округ әкімі Болат Баймағанбетов биыл аудандық бюджет қаражаты есебінен елді мекендегі К.Мақұлбеков көшесі бойына балалардың қауіпсіздігін қамтамасыз ету мақсатында көше жарық шамдары мен жаяу жүргіншілер жолы салынғанын айтты.&nbsp;Сондай-ақ, ауыл тұрғындарының аудан әкімінің есепті кездесуі кезіндегі ұсынысына сәйкес «Парманқұл Халфе» ауылдық мешітіне демеушіліктер көмегімен көгілдір оты кіргізіліп, пайдалану берілген. Мұнан өзге елді мекенде орналасқан көпір өткеліне ауыл кәсіпкері Е.Райсовтың демеушілігімен жөндеу жұмыстары жүргізілсе, елді мекен бойынша тұрмысы төмен, асыраушысынан айырылған 2 отбасына ауыл әкімі мен ардагерлер кеңесінің төрағасы Б.Құлахметовтің демеушіліктерімен көгілдір оты кіргізілген. Аудан әкімінің халықпен кездесуінде Ш.Уалиханов көшесі тұрғындары айтқан электр бағандарын ауыстырып беру мәселесі ескерусіз қалмай, аудандық КРЭК мекемесімен бірлесіп көше бойындағы жарамсыз бағандар ауыстырылған. Ең қуаныштысы ауылдағы Н.Қорғанбаев және Н.Қылышбаев көшелеріне асфальт төсеп, орташа жөндеу жұмыстары жүргізу үшін - «Ауыл ел бесігі» бағдарламасы бойынша Ұлттық Қордан 36 млн. 728 мың теңге қаражат бөлініп, мемлекеттік сатып алу заңына сәйкес ашық конкурс жарияланған.Биыл Керделі ауылдық округінің келбетін келісті, көшелерін тақтайдай тегіс ету үшін көптеген жұмыстар атқарылған.&nbsp; Нәтижесінде, 15 көшеге орташа жөндеу жұмыстары жүргізіліп, Н.Бекежанов көшесіндегі ескі трансформатор астырылуда.&nbsp; Бір қызығы, елді мекен бойынша 265 отбасының тұрғын үйлері жаңадан соғылып, ауыл бойынша тұрғын үйлердің &nbsp;50,4 % пайыздан астамы &nbsp;жаңарып отыр.&nbsp;Ауылдық округ әкімі Ғалымжан Ыхановтың айтуынша, ауылда тұрғындар санының көбеюіне байланысты елді мекеннің бас жоспарын әзірлеп, берілетін жерлерге инфрақұрылым жүргізілу мәселесі туындап отырған көрінеді. Сондай-ақ, алдағы жылға М.Әуезов, А.Құнанбаев, Н.Бекежанов, М.Қалдыбаев көшелерінің бойынан жаяу жүргіншілер жолын салу қажеттілігі туындаған. Мұнан өзге жиында ауыл маңында орналасқан қоқыс полигонын жауып, өзге орынға көшіру кектігі де айтылды.&nbsp;Ауыл әкімінің баяндамасын тыңдаған аудан әкімі Нұржан Ахатов ақын Нартай Бекежанов ауылының аймақтағы үлгілі ауыл атануына барлық мүмкіндік бар екендігін. Сондықтан Нұржан Сәбитұлы ауыл әкіміне тиісті жұмыстарды күшейтуді тапсырды. Жиын соңында аудандық қаржы бөлімінің басшысы Қанат Рахманбердіұлы 2022 жылдың 11 айдың қорытындысы мен қаржының игерімі туралы, ал 2023 жылдың I жарты жылдығына баспасөзге жазылу жөнінде ішкі саясат бөлімінің басшысы Жібек Баймұратова баяндама жасады.&nbsp;<figure class="image"><img src="https://knadmin.beoblood.kz/uploads/Ahatov_b3cf71ca98.jpg" alt="Ахатов.jpg"></figure><figure class="image"><img src="https://knadmin.beoblood.kz/uploads/318527957_1458481784682276_1892832233580861853_n_713f386968.jpg" alt="318527957_1458481784682276_1892832233580861853_n.jpg"></figure>

Шиеліде ауыз судың екінші магистраль құбыры тартылуда

<a href="https://kyzylorda-news.kz/">Kyzylorda-news.kz.</a>&nbsp; Жақсылық Үшкемпіров атындағы елорданың Жекпе-жек сарайында екі күн бойы қоян-қолтық ұрысының жанкүйерлері еліміздің кіл мықты спортшыларының қызықты өнерін тамашалады.&nbsp;Бұл турнир Қорғаныс министрлігі мен Бүкілқазақстандық қоян-қолтық ұрыс қауымдастығының қолдауымен бесінші рет өткізіліп отыр. Қорғаныс министрінің кубогы үшін тартысты сайысқа бұл жолы елдегі күштік құрылымдардан 15 команда құрамында 160-тан аса спортшысы қатысып, бағын сынады.Жарыс қорытындысына келсек, қоян-қолтық ұрыстан жалпы командалық есепте Қорғаныс министрлігі Орталық спорт клубының командасы үздік деп танылса, екінші орын Ішкі істер министрлігінің өкілдеріне, ал үшінші орын Қорғаныс министрлігінің спортшыларына бұйырды.&nbsp;Ерлер арасындағы жеке есепте жеңіс тұғырынан көрінгендер: 57 келіге дейінгі салмақта Асхат Жылысбеков (ІІМ), 62 келіге дейін – Бауыржан Сұлтанов (Қорғаныс министрлігі), 67 келіге дейін – Бауыржан Асылбеков (Мемлекеттік күзет қызметі), 73 келіге дейін – Тимур Серікұлы (ҚМ Орталық спорт клубы), 80 келіге дейін – Айдын Төлепбаев (ІІМ), 88 келіге дейін – Ілияс Мұхамәдиев (Ұлттық қауіпсіздік комитеті), 97 келіге дейін – Еламан Қуатов (Қорғаныс министрлігі), 97 келіден жоғары – Жеңіс Ердәулет (Мемлекеттік күзет қызметі).Әйелдер арасында 52 келіге дейін Аян Тұрсын (ҚМ Орталық спорт клубы), 65 келіге дейін – Сора Рахмонова (ҚМ Орталық спорт клубы), 75 келіден жоғары – Саида Хасенова (ІІМ) жеңіске жетті.&nbsp;Турнир қорытындысы бойынша «Үздік техникасы үшін» номинациясы Ілияс Мұхамәдиевке (Ұлттық қауіпсіздік комитеті), «Жеңіске деген жігері үшін» – Арман Әбетановқа (ҚР Қаржы мониторингі агенттігі) табысталды. Аталған шараны ұйымдастыруға қосқан үлесі үшін бокстан Олимпиада ойындарының күміс жүлдегері Василий Левит те атап өтілді.Жабылу рәсімі барысында Қорғаныс министрі генерал-полковник Руслан Жақсылықов әскери қызметшілер мен құқық тәртібін сақтаушылардың жауынгерлік даярлығындағы қоян-қолтық ұрыстың маңызды екенін атап өтті. Ол турнирдің жеңімпаздары мен жүлдегерлерін құттықтап, жарыстың барлық қатысушыларына алғысын білдірді, жаңа жеңістер мен табыстарға қол жеткізу үшін табандылық тіледі.&nbsp;Командалық есепте жеңімпаздар мен жүлдегерлер Қорғаныс министрінің атынан кубоктар алып, ал сайыс чемпиондары мен жүлдегерлері медальдармен, грамоталармен және ақшалай сыйлықтармен марапатталды.Біліктілік нормативтеріне сәйкес жеңімпаздарға «Қазақстан Республикасының спорт шебері» атағы берілетін болады.<figure class="image"><img src="https://knadmin.beoblood.kz/uploads/316953128_641551554335646_7378417789809612989_n_74fe295a0e.jpg" alt="316953128_641551554335646_7378417789809612989_n.jpg"></figure>&nbsp;<figure class="image"><img src="https://knadmin.beoblood.kz/uploads/317902275_641551517668983_7444793116337322113_n_d222a1af8b.jpg" alt="317902275_641551517668983_7444793116337322113_n.jpg"></figure>

Орталық спорт клубының командасы қоян-қолтық ұрыстан Қорғаныс министрінің кубогын иеленді

<a href="https://kyzylorda-news.kz/">Kyzylorda-news.kz.</a> Astana Hub халықаралық IT стартаптар технопаркі мен Қорқыт ата атындағы Қызылорда университетінің ұйымдастыруымен IDEA BATTLE байқауы өтті.Іс-шараның мақсаты – стартаптарды қолдау, ел ішіндегі стартап мәдениетін насихаттау және Қазақстан аймақтарында цифрландыруды дамыту үшін үздік IT идеяларды анықтау.&nbsp;Модератор − Тубекбаев Жанарыс Алтынбекұлы – Astana Hub халықаралық технопаркінің Қызылорда бойынша аймақтық менеджері, лицензияланған модератор.3 минуттық питч форматында инновациялық идеяларды қабылдаған IDEA BATTLE байқауының жүлде қоры 500 000 теңгені құрады. Нұрлан Құлмырзаев, Алмат Қуанышбаев, Бағдат Қадырбеков, Мақсат Мугалов, Ержан Кенжеев аталмыш байқауда төрелік етті. Студенттер мен жастардың қатысуымен өткен бүгінгі байқауда 30 жоба қорғалды.Айта кетейік, Қорқыт Ата атындағы Қызылорда университетінде бес жылдан бері кәсіп ашуға қызығушылығы бар жастар үшін «Кәсіпкерлік орталығы» жұмыс істейді. Орталық жастардың инновациялық және IT саласының жобаларын дамытумен айналысып келеді. Сәйкесінше, биыл алғаш рет Astana Hub халықаралық стартаптар технопаркімен бірлесіп «Startup Orda» атты инкубациялық жоба іске қосылды. &nbsp; &nbsp;<figure class="image"><img src="https://knadmin.beoblood.kz/uploads/318126332_640123871190482_1927141374620755779_n_02cdbf095c.jpg" alt="318126332_640123871190482_1927141374620755779_n.jpg"></figure>

Қызылордада IDEA BATTLE байқауы өтті

<a href="https://kyzylorda-news.kz/">Kyzylorda-news.kz.</a>&nbsp;Қазақ халқының асыл өнеріне бар ғұмырын арнаған мәдениет майталманы, киелі өнер иесі, танымал сазгер әрі қаншама төл туындының авторы Құлахмет Нәлтаевтың шығармашылығына арналған «Саз серісі» атты тақырыпта өрбіген мазмұнды кеш киелі Жаңақорған ауданы Аққорған жерінде өтті.Құлахмет Нәлтаев оркестр орындауында керемет туындылармен Қазақстанның түкпір-түкпірін аралап, өнерін көрсетті. Дирижерлікті меңгерген шебердің өз құпиясы да бар. Айтуынша, адам үнемі ізденіспен қатар еңбекқорлық қасиет те қажет.Кеште Бахытгүл Тасхожаеваның орындауындағы «Қызыл орамал» әні көрерменнің көзайымына айналса, «Түгіскен маршы» атты туындысы ауыл тұрғындарының әнұраны іспеттес.Сексенге жуық ән жазып, бірнеше күйді өмірге әкелген Жаңақорған аудандық ұлт аспаптар оркестрінің дирижері, аудандық хордың жетекшісі, сазгер, күйші Құлахмет Нәлтаевтың төл туындылары Сыр жұртына кеңінен танымал. Әлі де жазары көп сазгердің шәкірттері, ізінен ерген іні-қарындастары осы күні қазақ өнерінің шыңына қадам басып, кейбірі ән әлемін мойындатып келеді. Міне, осындай ұстазға құрмет көрсеткен Түгіскен ауылдық клуб үйі ұжымы «Әлшекей» өнер мектебі мен «Түгіскен балалар мектебі» және «Бесарық өнер мектебінің» ұстаздарының басын бір арнада тоғыстырды.Сан өнердің саңлағына арналған бұл кеш шағын қойылыммен басталып, соңы Құлахмет Нәлтаевтың дирижерлық етуімен Құрманғазының «Адай» күйімен жалғасын тапты. Одан әрі ұлылардан қалған ұлттық мұраны өлтірмей, оны ұрпақтан ұрпаққа жеткізу жолында аянбай тер төгіп келе жатқан ұстаздың өзі Әлшекейдің «Отарбасын», Бәден Айсыновтың «Егемен Қазақстан», «Наурыз» және өзінің жүрекжарды «Жеңіс» туындысын орындаса, оркестрдің сүйемелдеуімен Құралай Әлиева «Ауылым», «Жайнайбер жастар» әнін көрерменге ұсынып, Олжас Ормаханов «Айттым сәлем, Қаламқасты» нақышына келтіріп орындады.Жөргегі жырдан, әлемі әннен, сұлулығы сазбен өрілген, өнегелі өмірі көпке үлгі жанға бұл күні алыстан ат терлетіп, ұлағатты жолын көрсетіп келген қонақтар қатарында Құлахмет ағамыздың өмірдегі ұстазы, сексеннің сеңгіріне шыққан ардагер ағамыз Зинабдин Шермағамбетов, сырдың тұмса таланты Сауран Елеуов, сыр сүлейлерінің сарқыты, ақын әрі кеш иесінің айнымас досы Серік Ыдырысов, аудандық ардагерлер кеңесі төрағасының орынбасары Пахмадин Айнақожаев және Мадияр Ахметов, Қалдыбай Қошбарбаев, Талғат Байбатыров, Ермаханбет Ибрагимов, Ермағамбет Құлымбетов, ауыл ақсақалдары мен ауыл әкімі Серік Туғанбаевтар болды. Олар кеш иесіне жылы лебіздерін қоса жеткізді.Алғаш болып сөз алған ауданның құрметті азаматы, ардагер Зинабдин Шермағамбетов:<blockquote>«Ауылдан, соның ішінде шәкірттерімнің арасынан осындай ардақты азаматтың шыққанына көкірегімде үнемі мақтаныш сезімі ұялайды. Өнер атты жолды таңдаған Құлахмет жастайынан өнер өрісін кеңейтуді көздеді және осы мақсатына жетті. Оған дәлел, осы қазір сахна төрінде орындалған жан тебірентер әндері мен күйлері. Жалпы, адам баласының жан жақты, өнерлі болғаны, алға ұмтылғаны дұрыс. Ал адамның жан дүниесін ақтару үшін оған ән айтқызу керек, сонда ғана оның өнерді – құдіретті күш, адамның жан серігі, рухани байлығы деп бағалағанын түсінесің. Түптеп келгенде қандағы өнерге деген тектілік шәкіртімді мәдениет саласына алып келді. Мен осыған қуанамын», – деді ұстаз.</blockquote>Облысқа белгілі суырып салма ақын, талай аламанда топ жарған ақтаңгер Серік Ыдырысовтың да жүрекжарды тілегі көпті толқытты.<blockquote>«Ұстаздан шәкірт озса игі» демекші, осындай рухани кештің өтуіне мұрындық болған Нәлтаевтың шәкірті, Бахытгүл Тасхожаеваны әңгімеге тарттық. – Өнер жолы – ауыр жол. Оны жүріп өту ерік-жігері мықты, еңбекқор, мақсатына адал адамдардың ғана қолынан келеді. Міне, осы айтылған қиындықты еңсерген Құлахмет ұстазымды «өнерді өмір деп таныған өнер майталманы» деп толықтай айта аламын. Ағайдың соқпағы көп жолда тума талантымен танылып қана қоймай, артыңда өшпестей із қалдырып жатқанының өзі нағыз бақыт», – деді ол.</blockquote>Расында, оркестрде жиырмаға жуық адам болса бас домбыра, прима, виоленчель, тіпті сазсырнай мен сылдырмақтың тұтас әуенін үйлестіріп нотаға түсіруде кәсібилік аздық етеді. Оған түйсіктің алғырлығы мен сезімнің ұшқырлығы да қажет.&nbsp; &nbsp;<img src="https://knadmin.beoblood.kz/uploads/318427057_2361496633999728_8441817975821723404_n_4caaa31c37.jpg" alt="318427057_2361496633999728_8441817975821723404_n.jpg">

Құлахмет Нәлтаевтың «Саз серісі» атты шығармашылық кеші өтті

<a href="https://kyzylorda-news.kz/">Kyzylorda-news.kz.</a> Қызылорда облыстық «Жастар ресурстық орталығы» мекемесінің психологы Гүлжайна Нетбаеваның ұйымдастыруымен 3 желтоқсан — Халықаралық мүгедектер күні қарсаңында облыстық №6 есту қабілеті бұзылған балалардың арнайы (түзету) мектеп-интернатының оқушыларына арт-терапия өткізілді.&nbsp;Оқушылар алдымен Жастар ресурстық орталығының жұмысымен, орталық ғимаратымен танысып, түрлі мағлұматтар алды. Бұдан кейін орталық қызметкері, талантты кескіндемеші А.Абдрашеваның сүйемелдеуімен акварель көмегімен &nbsp;арнайы дайындалған композицияны салып, шығармашылық эксперимент жасады. Оқушылар арт-терапия барысында сурдолог-педагогтың көмегіне жүгініп, орталық мамандарымен кері байланыс орнатты.&nbsp;Терапия барысында суреттермен танысып, бояғышты таңдап, жұмысын жетілдіре отырып, эстетикалық талғамын шыңдады. Шара соңында оқушылар ұйымдастырушыларға сурдолог көмегімен алғыстарын айтып, естелік суретке түсті.Айта кетейік, психолог Гүлжайна Нетбаева жасөспірімдермен, жастармен үздіксіз жұмыс жасап келеді. Психолог-маман бұған дейін Қызылорда облыстық девиантты мінез-құлықты балаларға арналған мектеп интернатының оқушыларына психологиялық кеңес берген <a href="https://kyzylorda-news.kz/kogam/zhastar-ortalyghynda-okhushylargha-psihologiyalykh-kenges-berildi-30-11-2022">болатын</a>.&nbsp;<figure class="image"><img src="https://knadmin.beoblood.kz/uploads/318796650_1407171303390858_812441692934669010_n_f9d3014bcf.jpg" alt="318796650_1407171303390858_812441692934669010_n.jpg"></figure>

Қызылордалық оқушыларға арт-терапия өткізілді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Сыр еліне жұмыс сапарымен келген Қазақстан Республикасының Әділет вице-министрі Бекболат Молдабековпен кездесті.Вице-министр ұлттық заңнаманы қалыптастыру және дамыту шеңберіндегі жұмыстардың маңыздылығына тоқталды. Мұнан бөлек, өңірде зияткерлік меншік құқығын қорғау, жылжымайтын мүлікке құқықтарды мемлекеттік тіркеу саласындағы қызметтер сәтті түрде жүзеге асқанын тілге тиек етті.Әділет министрлігі 119 нөмірі бойынша тегін тәулік бойы құқықтық ақпараттық кеңес береді.Биыл «Адвокаттық қызмет және заң көмегі туралы» Заңға өзгерістер енгізіліп, тегін заң көмегін алатын азаматтардың қатары артты. Осы жылдың 11 айында Қызылорда облысында 5 мыңға жуық азаматқа тегін заң көмегі көрсетілген.Кездесу соңында алдағы уақытта бірлескен жұмыстарды атқару мәселесі пысықталды.Айта кетейік, Бекболат Молдабеков Достық үйінде Қызылорда облысының тұрғындары және қоғамдастық өкілдерімен <a href="https://kyzylorda-news.kz/kogam/khr-aedilet-vice-ministri-khyzylorda-oblysyna-zhumys-saparymen-keldi-07-12-2022">кездесу</a> өткізді. Кездесуде Констиутцияда көрсетілген жаңа Заңның талаптары айтылып, тұрғындар өзекті мәселелерін ортаға салды. Сонымен қатар іс сапар барысында вице-министр аймақтың тілшілеріне сұхбат беріп, Конституцияға енгізілген өзгерістерді баяндап өтті.&nbsp; &nbsp;<figure class="image"><img src="https://knadmin.beoblood.kz/uploads/318869632_1682681258794046_7076135572917356020_n_63cb2e4c8f.jpg" alt="318869632_1682681258794046_7076135572917356020_n.jpg"></figure>

Нұрлыбек Нәлібаев ҚР Әділет вице-министрімен кездесті

<a href="https://kyzylorda-news.kz/">Kyzylorda-news.kz.</a> Сырдария &nbsp;ауданы көлемінде «Автобус» жедел-профилактикалық іс-шарасы басталды.Аудан бойынша жолаушылар мен жүктерді тасымалдауды жүзеге асыратын жүргізушілер арасында көлікті тәртіпті арттыру мақсатында ағымдағы жылдың жылғы 5-11 желтоқсан аралығында республикалық «Автобус» жедел-профилактикалық іс-шарасы жүргізілуде. Аталған іс-шарада бірқатар тәртіп бұзушылықтың алды-алу жүргізіледі.Іс-шара барысында автокөлік қозғалысының ықтимал жасырын бағыттарын анықтау, оның ішінде, заңсыз жолаушылар тасымалымен айналысатын жеңіл такси автокөліктері бойынша құқық бұзушылықтарды анықтау бойынша Көліктік бақылау инспекциясы өкілдері қатарынан мобильді топтар құрады. Сонымен бірге рейс алдында жүргізушіні медициналық қарау, олардың еңбек және демалыс режимін сақтауына және сапарға шығатын автокөліктерді міндетті түрде техникалық тексеруге ерекше назар аударылатын болады.Айта кетейік, «Автобус» жедел-профилактикалық іс-шарасының маңызы &nbsp;зор. Жүргізушілердің жол ережесін сақтауда ескерілетін мәселелер назардан тыс қалмайды. Жолаушыларды тасымалдау үшін автобус жүргізушілерге қойылатын талап жоғары. Сондықтан аудан бойынша автобус жүргізетін жандар &nbsp;іс-шара өту барысында керекті ақпаратты &nbsp;сала мамандарынан алуға болады.<figure class="image"><img src="https://knadmin.beoblood.kz/uploads/avtobus_d42e4efbdb.jpg" alt="автобус.jpg"></figure>

Қазақстан және Қызылорда облысының жаңалықтары