23 тамыз - Құрылтай сайлауы күні Медицина саласына үлес қосқан Артықовтар әулеті №335 сайлау учаскесіне келіп дауыс берді.Бұл әулеттің медицина саласындағы еңбек жолы 1930 жылдан бастау алады.Содан бері бірнеше буын өкілдері ақ халатты абзал жандар қатарында қызмет етіп, ел денсаулығын сақтау ісіне өз үлестерін қосып келеді. Бүгінде әулеттен 10-нан астам дәрігер шығып, олардың әрқайсысы медицина саласында абыройлы еңбек етіп жүр.Сайлау күні Артықовтар әулетінің мүшелері азаматтық белсенділіктерін танытып, елдің болашағына қатысты маңызды таңдауға өз үлестерін қосты.<blockquote>«Біздің әулет үшін елге қызмет ету ұрпақтан-ұрпаққа жалғасқан дәстүр. Бүгінгі таңдауды да еліміздің болашағы үшін маңызды қадам деп білеміз», – дейді әулет өкілдері.</blockquote>

Дәрігерлер әулеті таңдау жасап, дауыс берді

Құрылтай сайлауы өткен күні Жаңақорған ауданында 3 сәби дүние есігін ашты. Оның ішінде 1 ұл және 2 қыз бала бар.Қазіргі уақытта жаңа босанған аналар мен нәрестелердің жағдайы жақсы. Оларға дәрігерлер тарапынан қажетті медициналық көмек көрсетіліп, тиісті бақылау жүргізілуде.Жаңа туған сәбилердің өмірі ұзақ, дені сау, болашағы жарқын болсын!Айта кету керек, Құрылтай сайлауында аудандық ауруханада ем алып жатқан науқастардың дауыс беруіне барлық жағдай жасалған. Арнайы ұйымдастырылған тәртіппен науқастар сайлауға қатысып, өз таңдауларын жасауға мүмкіндік алуда.

Жаңақорғанда Құрылтай сайлауы күні 3 сәби дүниеге келді

Қармақшы ауданында Құрылтай сайлауында алғаш рет дауыс беретін жастар үшін ерекше әрі есте қаларлық сәттер орын алды. Кәмелет жасына толып, алғаш рет сайлау учаскесіне келген жас азаматтар өздерінің алғашқы азаматтық таңдауын жасады.Олардың қатарында студенттер, жас мамандар, жұмысшы жастар және әртүрлі салада еңбек етіп жүрген азаматтар бар.Алғаш рет дауыс берген жастардың арасында сайлау учаскесіне достарымен, отбасымен және құрдастарымен бірге келгендер де болды. Олардың белсенділігі жастардың қоғамдық өмірге деген қызығушылығының артып келе жатқанын көрсетті.Кейбір жас сайлаушылар үшін бұл күн ерекше естелікке айналды. Алғашқы дауыс беру сәтін олар суретке түсіріп, әлеуметтік желілерде бөлісті.

Жастардың алғашқы таңдауы – ел болашағына жасалған маңызды қадам 

Қазақ күресінен спорт шебері, спорт саласының ардагері Берікқазы Әуесбаев Жалағаш кентіндегі №132 сайлау учаскесіне келіп, Құрылтай сайлауында өз таңдауын жасады.Ұлттық спортты дамытуға және өскелең ұрпақты отансүйгіштікке тәрбиелеуге елеулі үлес қосқан ардагер де маңызды қоғамдық-саяси науқанға белсенді қатысты.&nbsp;Спорт саласында талай жыл еңбек етіп, жас буынға бағыт-бағдар берген Берікқазы Әуесбаев үшін елдің болашағы мен ұрпақ тәрбиесі қашанда маңызды.Оның пайымынша, мемлекеттің ертеңі бүгінгі қоғамның бірлігіне, азаматтардың белсенділігіне және ел тағдырына деген жауапкершілігіне тікелей байланысты.«Елдің ертеңі бүгінгі ұрпақтың қолында. Әсіресе жастардың білімді, тәрбиелі, отансүйгіш болып қалыптасуы мемлекетіміздің болашағы үшін аса маңызды. Біз спортта шәкірттерімізге жеңіске жетудің жолын ғана емес, тәртіп пен жауапкершілікті, ел намысын биік қоюды үйреттік. Осы құндылықтар қоғамның барлық саласында орнығуы қажет», – дейді спорт ардагері.Берікқазы Әуесбаевтың азаматтық белсенділігі елдік іске бейжай қарамайтын, қоғамның дамуына өз үлесін қосуды маңызды санайтын азаматтардың ұстанымын айқындайды.

Спорт саласының ардагері өз таңдауын жасады

<a href="https://kyzylorda-news.kz/">Kyzylorda-news.kz</a> Құрылтай депутаттарын сайлауында дауыс берушілер тізіміне енгізілген 8 млн 240 мың адам таңдау жасады. Бұл туралы Орталық сайлау комиссиясының мүшесі Әсел Жанәбілова айтты, – деп хабарлайды <a href="https://kaz.inform.kz/news/kuriltay-2026-8-mln-nan-astam-saylaushi-dauis-berd-19abdd3a">Қазақпарат.</a>Оның мәліметінше, астананың, облыстардың, республикалық маңызы бар қалалардың аумақтық сайлау комиссиялары ұсынған деректерге сәйкес, сағат 16:00–дегі жағдай бойынша өңірлерде сайлаушылардың дауыс беруге қатысуы мынадай:1. Астана қаласы бойынша — 46,38%.2. Абай облысы бойынша&nbsp;— 71,18%.3. Ақмола облысы бойынша&nbsp;— 73,69%.4. Ақтөбе облысы бойынша&nbsp;— 75,63%.5. Алматы облысы бойынша&nbsp;— 67,23%.6. Атырау облысы бойынша&nbsp;— 63,37%.7. Батыс Қазақстан облысы бойынша&nbsp;— 61,81%.8. Жамбыл облысы бойынша&nbsp;— 69,11%.9. Жетісу облысы бойынша&nbsp;— 77,03%.10. Қарағанды облысы бойынша&nbsp;— 70,91%.11. Қостанай облысы бойынша&nbsp;— 70,09%.12. Қызылорда облысы бойынша&nbsp;— 81,38%.13. Маңғыстау облысы бойынша&nbsp;— 65,86%.14. Павлодар облысы бойынша&nbsp;— 67,06%.15. Солтүстік Қазақстан облысы бойынша&nbsp;— 63,94%.16. Түркістан облысы бойынша&nbsp;— 76,73%.17. Ұлытау облысы бойынша&nbsp;— 64,29%.18. Шығыс Қазақстан облысы бойынша&nbsp;— 79,33%.19. Алматы қаласы бойынша&nbsp;— 36,65%.20. Шымкент қаласы бойынша&nbsp;— 67,92%.<blockquote>— Жалпы, еліміз бойынша сағат 16:00–де 8 240 336 сайлаушы бюллетень алды. Ол тізімге енгізілген азаматтардың 65,37 пайызын құрайды. Сайлаушылардың дауыс беруге қатысуы туралы келесі ақпарат сағат 18:00–де беріледі, — деді ол.</blockquote><img src="https://knadmin.beoblood.kz/uploads/ryltaj_sajlauy_2026_295e1ff11c.jpg" alt="Құрылтай сайлауы-2026.jpg">Сурет: ChatGPT

Құрылтай-2026: 8 млн-нан астам сайлаушы дауыс берді

<a href="https://kyzylorda-news.kz/">Kyzylorda-news.kz</a> Жалағаш ауданы Аққұм ауылындағы №147 сайлау учаскесінде тыл ардагерлері Құрылтай сайлауына қатысып, өз таңдауларын жасады.Тыл ардагерлері бейбіт күннің қадірін, еңбектің бағасын, ел бірлігінің маңызын жақсы білетін ұрпақ. Олар қиын-қыстау кезеңдерді бастан өткеріп, елдің өсіп-өркендеуіне маңдай терімен үлес қосты. Бүгінде сол буынның ел болашағына қатысты маңызды қоғамдық-саяси үдеріске белсенді қатысуы кейінгі ұрпаққа үлкен өнеге. Аққұмдық ардагерлердің пайымынша, мемлекет болашағы ең алдымен елдің тұрақтылығы, бірлігі мен берекесіне байланысты. Ал осы құндылықтарды сақтау бүгінгі ұрпақтың ғана емес, келешек буын алдындағы ортақ жауапкершілік.<blockquote>«Елдің тыныштығы мен берекесінен артық байлық жоқ. Бүгінгі ұрпақтың бейбіт өмір сүріп, білім алып, еңбек етіп, өз болашағын құруы – үлкен бақыт. Сондықтан елдің келешегіне қатысты әрбір маңызды іске өз үлесімізді қосуымыз керек», – дейді тыл ардагерлері.</blockquote>Аға буынның бүгінгі таңдауы ұрпақтар сабақтастығының үлгісі. Олар өз дауыстарын бере отырып, ел ертеңінің жарқын болуына, жас ұрпақтың лайықты болашақ құруына деген сенімдерін білдірді.

Тыл ардагерлері ел болашағы үшін таңдау жасады

<a href="https://kyzylorda-news.kz/">Kyzylorda-news.kz</a> Жаңақорған ауданында дауыс беру науқаны жоғары белсенділікпен өтуде. Аудан тұрғындарымен қатар түрлі этнос өкілдері де ел өміріндегі маңызды саяси науқаннан қалыс қалмай, өз таңдауларын жасауда.Солардың бірі – түрік және неміс ұлтының өкілдері отбасымен бірге сайлау учаскесіне арнайы келіп, азаматтық белсенділік танытып, дауыс берді.

Этнос өкілдері де сайлауға белсенді қатысуда

<a href="https://kyzylorda-news.kz/">Kyzylorda-news.kz</a> Арал қаласындағы №292 мектепте орналасқан №46 сайлау учаскесінде қазақы дәстүр қайта жаңғырып, ұлттық құндылықтар ұлықталды.Саяси шара барысында халқымыздың ежелден келе жатқан тағылымды дәстүрлерінің бірі — «тұсаукесер» рәсімі ұйымдастырылды. Ұлттық салт-дәстүрді дәріптеген бұл көрініс сайлауға келген тұрғындардың ерекше ықыласына бөленіп, көпшілікке көтеріңкі көңіл-күй сыйлады.Тұсаукесер — баланың алғашқы қадамына ақ жол тілеп, оның болашағына ізгі ниет білдіретін тәрбиелік мәні зор дәстүр. Осындай ұлттық салттарды жаңғырту — атадан балаға жалғасқан асыл мұраларымызды дәріптеудің жарқын үлгісі.Сайлау күнінің елдік мәнін ұлттық құндылықтармен сабақтастырған бұл шара тұрғындарға ерекше әсер қалдырды.

Сайлау учаскесінде ұлттық дәстүр ұлықталды

<a href="https://kyzylorda-news.kz/">Kyzylorda-news.kz</a> Арал ауданы Шижаға ауылындағы №57 орта мектебіндегі №26 сайлау учаскесіне бір мезетте ауылдағы алтын құрсақты батыр аналар келіп, дауыс берді.“Алтын, күміс” алқа иегерлері атанған көп балалы аналар сайлау науханында еліміздің ертеңі үшін өз таңдауларын жасап, Құрылтай сайлауында белсенділік танытты.

Батыр аналар таңдау жасады

<a href="https://kyzylorda-news.kz/">Kyzylorda-news.kz</a> Бүгін Қызылорда өңірінің тұрғындары үшін әдеттегі жексенбі емес. Аймақ халқы ел үшін маңызы бар республикалық Құрылтай сайлауында өз таңдауларын жасап, азаматтық белсенділік танытуда.Облыстағы 386 сайлау учаскесінде тізімге сай тіркелген азаматтар бюллетень алып, дауыс беруде. Олардың қатарында 18 жасқа толып, тұңғыш рет науқанға жастар да бар.Олар бірінші рет бюллетень алып, өз таңдауларын жасап көрді.<blockquote>– Дауыс беруді үлкен жауапкершілік деп қараймын. Еліміздің өркендеуі, мемлекет үшін маңызды істерді жастар бізден бірінші жүруіміз керек. Бір топ жастар болып өз таңдауымызды жасауға келдік,– дейді жас тұрғын.</blockquote>Еске салайық, Құрылтай сайлауы күні облыс бойынша 500 591 азамат дауыс беруге құқылы. Облыста 386 сайлау учаскесі жұмыс істейді. Мұнда 2720 комиссия мүшелері қызмет атқарады.

Қызылордада 18 жастағы 10 519 азамат бірінші рет дауыс беруге мүмкіндік алды

<a href="https://kyzylorda-news.kz/">Kyzylorda-news.kz</a> Бүгін еліміздің қоғамдық-саяси өміріндегі маңызды күндердің бірі. Құрылтай сайлауына қатысу – әр азаматтың ел болашағына деген жауапкершілігін танытатын маңызды қадам. Осындай айтулы сәтте «Қайсар» көгалдағы хоккей клубының спортшылары да ел өміріндегі маңызды мәселелерден сырт қалмай, өздерінің азаматтық белсенділіктерін көрсетті.Кәсіби спортпен айналысып, ел намысын халықаралық және республикалық деңгейдегі жарыстарда қорғап жүрген спортшылар үшін Отан ұғымының орны ерекше.&nbsp;Олар спорт алаңында жеңіс үшін тер төгіп қана қоймай, қоғам өміріне белсенді араласу арқылы да ел дамуына өз үлестерін қосып келеді.&nbsp;Бүгінгі сайлау күні «Қайсар» клубының спортшыларының өз таңдауын жасауы – осы азаматтық жауапкершіліктің айқын көрінісі.

Ел болашағына бейжай қарамайтын спортшылар: «Қайсар» клубының азаматтық таңдауы 

<a href="https://kyzylorda-news.kz/">Kyzylorda-news.kz</a> Елімізде өтіп жатқан Құрылтай депутаттарының сайлауында дауыс берудің сағат 16.00-дегі алдын ала қорытындысы жарияланды.Сыр өңірінде сайлаушылардың 81,38 пайызы дауыс беруге қатысты.Айта кетейік, Қызылорда облысында сайлаушылар тізіміне 500 591 азамат енгізілген. Өңірде 386 сайлау учаскесі жұмыс істеп жатыр. Дауыс беру сағат 20.00-ге дейін жалғасады.<img src="https://knadmin.beoblood.kz/uploads/Dauys_beru_c2e45c7473.jpeg" alt="Дауыс беру.jpeg">Сурет: ҚР ОСК

Қазақстан және Қызылорда облысының жаңалықтары