<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде Халықаралық педагогикалық білім беру академиясының корреспондент мүшесі, педагогика ғылымдарының кандидаты, академиялық профессор Пажарбек Сапарходжаевтың 70 жасқа толуына арналған салтанатты Ғылыми Кеңес өтті.Ғылыми кеңесте университеттің Басқарма Төрағасы-Ректоры Бейбіткүл Кәрімова профессордың білім саласына қосқан үлесін ерекше атап өтті.Жиынға облыстық мәслихат депутаты, университеттің құрметті ректоры, техника ғылымдарының докторы Қылышбай Бисенов, Қызылорда қалалық мәслихатының хатшысы Ибадулла Құттықожаев, Ы.Алтынсарин атындағы Ұлттық білім академиясының Тілдерді оқытудың мазмұны мен әдістері зертханасының бас ғылыми қызметкері, педагогика ғылымдарының кандидаты Әкімжан Әбдықалықұлы Сайлыбаев, зиялы қауым өкілдері және университеттің Ғылыми Кеңес мүшелері қатысты.Пажарбек Ыбырайұлы университетте 1993-1996 жылдары «Жалпы физика және физиканы оқыту әдістемесі» кафедрасының аға оқытушысы қызметін атқарды. 1996-1997 жылдары «Физика-математика» факультеті деканының орынбасары, 1997-1999 жылдары «Физика» кафедрасының меңгерушісі, 1999-2008 жылдары Қорқыт Ата атындағы Қызылорда мемлекеттік университеті жанындағы Қазақ-түрік лицейінің директоры, 2008-2012 жылдары «Жалпы физика» кафедрасының меңгерушісі болып еңбек етті. 2012 жылдың 1 кыркүйегінен бастап «Физика және математика» кафедрасының академиялық профессоры қызметін атқаруда.Профессордың 90-нан аса ғылыми-әдістемелік еңбегі отандық және шет елдік беделді басылымдарында жарық көрді. «Электродинамика», «Физика мұғалімінің кәсіптік дайындығын көтерудегі әдістемелік есептер жүйесінің рөлі» және т.б. көмекші оқу құралдарының авторы.Ғалымның еңбектері ескеріліп, 1997 жылы «ҚР білім беру ісінің үздігі» төсбелгісі, 2002 жылы ҚР білім және ғылым министрлігінің құрмет грамотасымен, 2013 жылы Университеттің 75 жылдық мерекелік медалімен, 2014 жылы «Ы.Алтынсарин» төсбелгісімен, 2017 жылы «Қазақстан Республикасының ғылымын дамытуға сіңірген еңбегі үшін» төсбелгісімен, Қорқыт Ата атындағы «Алтын медалімен», 2018 жылы «Қызылорда қаласына 200 жыл» мерекелік медалімен, Қызылорда облысы басшылығының құрмет грамотасымен, Қызылорда қаласының әкімінің құрмет грамотасымен марапатталды.<img src="https://knadmin.beoblood.kz/uploads/315834181_627827965753406_7381878628527307177_n_79f0107e1d.jpg" alt="315834181_627827965753406_7381878628527307177_n.jpg">

Профессор Пажарбек Сапарходжаев – 70 жаста 

<a href="https://kyzylorda-news.kz/">Kyzylorda-news.kz.</a> 2022 жылғы 24-25 қараша аралығында Қызылорда облысында "Қыс-2022" республикалық командалық-штабтық оқу-жаттығу өтеді.Оқу-жаттығудың негізгі мақсаты - қыс кезеңінде болуы мүмкін төтенше жағдайлар кезінде басшы құрамның басқару, шешім қабылдау, азаматтық қорғау органдарымен өзара әрекет ету, авариялық-құтқару жұмыстарына күш-құралдарды дайындыққа келтіру, жергілікті азаматтық қорғау қызметтерінің дайындығын тексеру, өзара іс-қимылдарды пысықтау.Республикалық оқу-жаттығудың жедел штабы ҚР ТЖМ Вице-министрі М.Күлдіковтің басшылығымен Қостанай облысында жұмыс атқарады.Қызылорда облысы ТЖД Төтенше жағдайларды жою бөлімі &nbsp;<figure class="media"><div data-oembed-url="https://youtu.be/0PWX1UDV1CY"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/0PWX1UDV1CY" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылорда облысында "Қыс-2022" республикалық командалық-штабтық оқу-жаттығу өтеді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында биылғы жылдың 24-25 қараша күндері қысқы оқу-жаттығулардың өткізілуіне байланысты электр сиреналары қосылады. Бұл туралы Қызылорда облыстық төтенше жағдайлар департаментінің баспасөз қызметі хабарлады.<blockquote>2022 жылғы 24-25 қараша аралығында Қазақстан Республикасы Төтенше жағдайлар министрлігі «Қыс-2022» республикалық командалық-штабтық оқу-жаттығуын өткізеді. Жаттығу «Қысқы кезең жағдайында төтенше жағдайлардың алдын алу және оларды жою жөніндегі іс-қимылдарға азаматтық қорғаудың мемлекеттік жүйесінің басқару органдары мен күштерін даярлау» тақырыбы бойынша өтеді. Аталған шараға байланысты қарашаның 24-25 күндері электр сиреналары қосылатын болады. Сіздерден үрейге берілмеуді және тыныштықты сақтауыңызды сұраймыз», - делінген департаменттің хабарламасында.&nbsp;</blockquote>Айта кетейік, бұған дейін Шиелі ауданында «Қыс-2022» республикалық командалық-штабтық оқу-жаттығу өткізілетінін хабарлаған болатынбыз.&nbsp;Еске сала кетейік, Қазақстан Республикасы Төтенше жағдайлар министрлігінің ұйымдастыру нұсқауына және Қызылорда облысы әкімінің билығы жылдың 16 қарашадағы нұсқауына сәйкес, 24-25 қараша аралығында аймақта «Қыс-2022» республикалық командалық-штабтық оқу-жаттығуы өткізіледі. Оқу-жаттығудың облыстық штабы 24 қарашада Қазалы ауданы, Әйтеке би кентінде құрылады. &nbsp;

Қызылорда облысында электр сиреналары қосылады

<a href="https://kyzylorda-news.kz/">Kyzylorda-news.kz.</a> Кеше «Bookdating» жобасы аясында Әбділда Тәжібаев атындағы Қызылорда облыстық кітапханасында «Бүгінгі оқырман – ертеңгі көшбасшы» атты «Кітап құрттарының» жетекшісі Талғат Меңдібаевпен кездесу өтті.&nbsp;Шараның мақсаты - балалардың оқу мәдениетін қалыптастыру, кітап сүйгіш оқырмандардың бірегей сұхбат алаңын жасау.&nbsp;Аталған шараға облыс орталығындағы № 10 дарынды балаларға арналған облыстық «Білім - инновация» лицей – интернатының оқушылары қатысты.&nbsp;Оқушылармен басқосу барысында олар өздерінің оқыған әдебиеттерінен алған әсерлері жайлы бөлісіп, келген қонаққа өздерін қызықтырған сауалдарын қойып, тұшымды жауаптар алды.Шара барысында Талғат Меңдібаев жастарға әлем және қазақ халықтарының озық шығармаларын оқуға кеңес берді. Сонымен қатар осы күні облыстық кітапханада Мұхтар Әуезовтың туғанына 125 жыл толуына орай «Ұлы тұлға ұлағаты» атты оқырман конференциясы өтті. Конференцияның мақсаты - Мұхтар Әуезовтің өмір жолы, жазушылық қызметі мен шығармашылығынан мағлұмат беру.&nbsp;Шараға Қорқыт ата атындағы Қызылорда университетінің қазақ тілі мен әдебиеті және журналистика кафедрасының доценті Гүлмира Баялиева, №7 мектептің қазақ тілі мен әдебиеті пәнінің мұғалімдері Э.Сұлтанова, Г.Ілиясова, Г.Кенжалиева және Г.Жүсіпбекова қатысты.&nbsp;Қонақтар «Қазақ әдеби тілі және Мұхтар Әуезов», «Әуезов әлемі», «Ұлт мақтанышы», «Әуезов пьесалары» тақырыптарында баяндамаларын оқып, оқырман сұрақтарына жауап берді.Шара соңында «Мұхтар Әуезовтың ғылыми және әдеби – рухани мұрасы»» атты кітап көрмесі оқырмандар назарына ұсынылып, әдеби шолу жасалды.<img src="https://knadmin.beoblood.kz/uploads/316537206_3433910900264847_7830214733349871793_n_4e96ddd31a.jpg" alt="316537206_3433910900264847_7830214733349871793_n.jpg">

Қызылордалық оқушылар кітапханада басқосты

<a href="https://kyzylorda-news.kz/">Kyzylorda-news.kz.</a> Қармақшы ауданының прокуроры М.Маханбетжанов жергілікті баспасөз өкілдерімен кездесу өткізіп, «Прокуратура туралы» Конституциялық заңның талаптары, ерекшеліктері мен құқық қорғау саласындағы рөлі жөнінде сұхбаттасу жүргізді.Брифинг нысанында өткізілген бұл кездесуде аудан прокуроры М.Маханбетжанов биылғы жылдың 5 қарашасында Мемлекет Басшысымен қол қойылған «Прокуратура туралы» Конституциялық заңның ерекшеліктеріне тоқталды. Заңда Бас Прокурордың Конституциялық Сотқа Конституция нормаларын түсіндіру мәселелері бойынша, Жоғарғы Сотқа сот практикасын түсіндіру үшін жүгіну құқығы бекітілген.Бас прокуратура, құқықтық статистика және арнайы есепке алу жөніндегі Комитет, құқық қорғау органдары Академиясы, әскери және көлік прокуратурасының органдары, облыстар прокуратурасы және оларға теңестірілген прокуратуралар, аудандық және оларға теңестірілген прокуратуралар кіретін прокуратура жүйесі нақтыланды. Жүйедегі әр буынның негізгі функциялары нақтыланып, заңның жекелеген баптарында бекітілген.Сондай-ақ, жеке нормаға аудандық сатыдан Бас прокуратураға дейінгі прокурорлардың өкілеттіктері енгізілген, онда олардың қандай құқықтары мен міндеттері бар екендігі нақты көрсетілген.Қадағалаудың үш нысаны айқындалды - заңдылықтың сақталуын тексеру, заңдылықтың жай-күйін талдау, күшіне енген актілерді бағалау.Жеке кәсіпкерлікті тексеру тек Президент пен Бас Прокурордың тапсырмасы бойынша тағайындалады.Бас Прокурордың орынбасарлары, Бас әскери және көлік прокурорлары, облыстар мен аудандардың прокурорлары тексеру жүргізу туралы шешімді - өз құқықтарын өз бетінше қорғай алмайтын адамдардың; кәмелетке толмағандардың; адамдардың шектелмеген тобының; еліміздің қауіпсіздігі үшін орны толмас зардаптарды болдырмау үшін, уәкілетті органдар мен лауазымды адамдар тарапынан жеке кәсіпкерлік субъектілерінің қызметіне араласу фактілері бойынша олардың құқықтарын қорғау үшін қабылдайды.Жеке бапта тексерілетін субъектілердің құқықтары мен міндеттері нақтыланған.Заңдылықтың жай-күйін талдауды прокурорлар субъектілерге (объектілерге) бармай, статистикалық деректерді, мәліметтерді, азаматтық, қылмыстық және әкімшілік құқық бұзушылықтар туралы іс материалдарын, сондай-ақ өзге де ақпараттарды зерделеу арқылы жүзеге асырады.Прокуратура күшіне енген актілерді бағалауды - мемлекеттік органдар мен мекемелердің, квазимемлекеттік сектор субъектілерінің, олардың лауазымды адамдарының, меншік нысанына қарамастан өзге де ұйымдардың актілері мен шешімдерін, егер олар өз құқықтарын қорғауды дербес жүзеге асыра алмайтын адамдарға, адамдардың шектелмеген тобына қатысты болса не жария сипатта болса, сондай-ақ сотың үкімдерін, қаулылары мен шешімдерін өзге де актілерін, қылмыстық, азаматтық, әкімшілік істерді зерделеу арқылы жүргізеді.Коституциялық заңмен прокуратура органдары қарайтын өтініштердің тізбесі кеңейтілді.Оларға өз құқықтарын өз бетінше қорғай алмайтын адамдардың, кәмелетке толмағандардың, адамдардың шектелмеген тобының құқықтарын қорғау үшін, егер уәкілетті орган азаматтардың құқықтарын қорғауды қамтамасыз етпесе не уәкілетті орган болмаған жағдайларда, жеке кәсіпкерлік субъектілерінің құқықтарын қорғау үшін, Ұлттық қауіпсіздікке төнетін қатерді болғызбау үшін, адамның өмірі мен денсаулығына зиян келтіруге алып келетін заңдылықтың бұзылу фактілері бойынша, Президент пен Бас Прокурордың тапсырмалары бойынша қаралатын өтініштер жатады.Прокуратура актілері - қадағалау актілеріне, яғни наразылық, санкция, нұсқау, ұсыну, қаулы, ден қою актілеріне өтінішхат, жолданым, өтініш, заңдарды бұзуға жол бермеу туралы түсіндіру және прокуратура органдарының ұйымдастырылуы мен қызметінің мәселелерін реттейтін актілерге бұйрықтар, өкімдер, ережелер, нұсқаулықтар, регламенттер және басқалар жүйелендірілген.Прокурордың қаулы шығару жағдайларының аясы ұлғайып, түрлері мұқият нақтыланды.Іс-әрекеттеріне прокурор наразылық келтіруге құқылы субъектілердің тізбесі кеңейтілді және наразылықты қарау мерзімін үш жұмыс күніне дейін қысқарту мүмкіндігі қарастырылды.Заңды түсіндіретін ден қою актісі жаңа атауға ие болып, заң бұзушылықтарға жол бермеу туралы түсініктеме және құқық бұзушылықтардың алдын алуға және қоғамдық қауіпсіздікті қамтамасыз етуге ғана емес, сонымен бірге дайындалып жатқан заңсыз әрекеттер туралы мәліметтер болған кезде адам мен азаматтың құқықтары мен бостандықтарын қорғауға бағытталған.Меншік нысанына қарамастан прокуратураның Қазақстан Республикасындағы адам құқықтары жөніндегі Уәкілмен, ұйымдармен өзара іс-қимылдарды жасау және оның қызметіне жәрдемдесу туралы новеллалар да маңызды болып табылады.Прокуратура органдарының халықаралық ынтымақтастық саласында, оның ішінде қылмыстық процестен тыс қылмыстық жолмен алынған активтерді қайтару мәселелері жөніндегі құзыретін кеңейтуге, халықаралық арбитражды қоса алғанда, прокуратураның міндеттемелерді сақтауын қамтамасыз етуге ерекше назар аударылған. Кездесу барысында аудан прокуроры Конституциялық заңның жоғарыда аталғандардан басқа да ерекшеліктеріне тоқталды.Брифинг соңында баспасөз өкілдерінің сұрақтарына прокурор тарапынан нақты жауаптар берілді. &nbsp;&nbsp;

Жеке кәсіпкерлікті тексеру тек Президент пен Бас Прокурордың тапсырмасы бойынша тағайындалады

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасының Президенті Қасым-Жомарт Тоқаевтың 2022 жылғы 3 наурыздағы «Әкімдердің халықпен кездесулерін өткізу туралы» Жарлығына сәйкес, Жалағаш ауданы әкімі Асқарбек Есжанов ауыл тұрғындарымен кездесіп, ауданның биылғы жылдың 10 айындағы әлеуметтік-экономикалық даму қорытындысы мен 2023 жылғы міндеттері туралы айтты.&nbsp;Халықпен кездесу барысында аудан әкімі ауыл тұрғындарына ауданда атқарылған жұмыстармен таныстырып, тұрғындардың ұсыныс-пікірлерін тыңдады.&nbsp;Ауданда атқарылған іс ауқымды, кезекте тұрған мәселе де жоқ емес. Зерттеу-зерделеу барысында ауданда ең өзекті мәселелер қатарында бірқатар ауылдарда ауыз су жүйесін кеңейту, жол құрылысы, көпірлерді жөндеу, Жалағаш кентіне жақын ауылдарды газдандыру, жарықтандыру мәселесі тұр.Осыған орай аудан басшысы алдымен ауыз судың шешілу түйінін тарқатты. Ауыз су желілері бойынша ауданда 4 жоба жүзеге асуда. Атап айтар болсақ, Аққұм елді мекенінде су тарату жүйесінен аула ішілік су тарату желісін кеңейту, тұтынушыларға су тарату желісінің құрылысы, Жалағаш кентінде Ақтерек-170 га учаскесінің су ұңғымалары және су жинау-тарату кешенінің құрылысы, Жалағаш кентінде Ақтерек-170 га учаскесіндегі инженерлік инфрақұрылымның сумен жабдықтау жүйесінің құрылысы, Мәдениет елді мекенінде су тарату жүйесінен аула ішілік су тарату желісін кеңейту, тұтынушыларға су тарату желісінің құрылысы жүргізілуде. Жалпы аудан тұрғындары 100 пайыз ауыз сумен қамтамасыз етілген.Бұдан бөлек ауданда жол құрылысы бойынша 9 жоба, көпірлерді жөндеу, тұрғын үйлерді күрделі жөндеу, газдандыру, жарықтандыру бойынша 4 жоба, абаттандыру бағытында да бірқатар жобалар жүзеге асырылуда.Аудан әкімінің ауылдарға сапары ертең Аққыр, Жаңаталап, Мақпалкөл, Мәдениет, Мырзабай ахун ауылдарында жалғасады. &nbsp;<img src="https://knadmin.beoblood.kz/uploads/316556446_1589413671510705_8988951332279153899_n_6669593676.jpg" alt="316556446_1589413671510705_8988951332279153899_n.jpg">

Асқарбек Есжанов: Ауыз су желілері бойынша 4 жоба жүзеге асуда

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес аудан әкімінің қараша айындағы ауылдық округтердегі халықпен кездесулері жалғасуда.Бүгін аудан әкімі Мұхтар Оразбаев Өркендеу, Бірлік және Аранды ауылдық округінің тұрғындарымен кездесіп, ұсыныс-пікірлерін тыңдады.Басқосуларда Мұхтар Әуесұлыалдымен ауданымызда атқарылған жұмыстарға қысқаша тоқталып, қол жеткізген жетістіктер мен алдағы мақсат-міндеттерді тілге тиек етті.Сонымен қатар, 20 қарашада өткен кезектен тыс Президент сайлауына біркісідей қатысқан ауыл халқына алғысын айтып, ризашылығын білдірді.Кезек ұсыныстарға берілгенде Жанкентауылдық ардагерлер кеңесінің төрағасы Өткелбай Жолмырзаев өз ой-пікірлерін айтып, республикалық тарихи ескерткіштердің қатарына кіретін Жанкент шаһары мен ауыл арасындағы жолдың екі бетін көгалдандыру, көшені асфальттау және елді мекендегі аяқ су мәселесін көтерді.Бірлік ауылдық клубында өткен кездесуде де тұрғындар бірқатар мәселелерді аудан басшысының назарына жеткізді. Атап айтар болсақ, елді мекендегі электр желілері мен бағаналарын жаңалау, ауылға электрик штатын бөлу, ұялы байланыс желісін дұрыстау, Қазалыдан «Kaspi bank»бөлімшесін ашу және тағы басқа мәселелер жөнінде ұсыныс айтты.Тұрғындармен кездесуден соң аудан әкімі Мұхтар Оразбаев Бірлік ауылында жаңадан салынған әкімдік ғимаратының ашылу салтанатына қатысып, халықтың қуанышына ортақтасты.Аудан басшысы мұнан соң Қожабақы ауылына ат басын бұрып, ауылдық мәдениет үйінде тұрғындармен кездесті.Кездесуде ауылдық ардагерлер кеңесінің төрағасы Тілек Махамашов елді мекенде атқарылып жатқан жұмыстарға байланысты аудан басшыларына алғысын айтса, өзге тұрғындар М.Еселбаева мен Б.Өтепов көшесін асфальттау, қаңғыбас иттерді аулау, ақылы қоғамдық жұмысқа орналасудың заңдылықтарын сұрады.Тұрғындардың көтерген мәселесіне байланысты аудан әкімі Мұхтар Оразбаев жауап беріп, айтылған ұсыныстардың барлығын рет-ретімен шешу үшін жүйелі жұмыс жүргізілетіндігін тілге тиек етті.Халықпен кездесулерде аудан прокуроры Дарын Әбіш те сөз сөйлеп, елімізде алғаш рет прокуратура туралы заңға конституциялық мәртебе берілгенін жеткізді.Тұрғындармен кездесулерге аудандық мәслихат хатшысы Бақытжан Жарылқап, аудан прокуроры Дарын Әбіш, аудандық полиция бөлімінің бастығы Болат Кабизов, аудандық мәслихат депутаты Әбдуәли Рахметов, аудандық қоғамдық кеңес төрағасы Талайлы Бөріқұлақов және бірқатар дербес бөлім мен мекеме-кәсіпорын басшылары қатысты.Кездесулерден соң аудан әкімі Мұхтар Оразбаев пен аудан прокуроры Дарын Әбіш, аудандық полиция бөлімінің бастығы Болат Кабизовтұрғындарды жеке мәселелері бойынша қабылдап, ұсыныс-пікірлерін тыңдады.<img src="https://knadmin.beoblood.kz/uploads/316549455_3519689648251957_5341227554135572404_n_7541af8a6b.jpg" alt="316549455_3519689648251957_5341227554135572404_n.jpg"><img src="https://knadmin.beoblood.kz/uploads/316218481_3519690058251916_1653366571688745594_n_13c15fbdf5.jpg" alt="316218481_3519690058251916_1653366571688745594_n.jpg"><img src="https://knadmin.beoblood.kz/uploads/315950166_3519689624918626_8201610874958280398_n_1805615965.jpg" alt="315950166_3519689624918626_8201610874958280398_n.jpg">

Аудан әкімі Жанкент, Бірлік және Қожабақы ауылының тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласында «ҚазМұнайГаз» ұлттық компаниясы АҚ өкілдері бөлшек инвесторлармен кездесті. Жиын «Астана» халықаралық қаржы орталығының биржасы (Astana International Exchange, AIX) мен Қазақстан қор биржасына (KASE) шыққан ҚМГ-нің жергілікті IPO-сын жан-жақты және кеңінен таныстыру мақсатында ұйымдастырылған роудшоу шеңберінде өтті.Кездесуде спикерлер ретінде «Самұрық-Қазына» АҚ активтерін жекешелендіру және қайта құрылымдау департаментінің аға менеджері Дамир Мамытов, «ҚазМұнайГаз» АҚ қаржы департаментінің аға маманы Нұрдаулет Нұрыш, «SkyBridge Invest» АҚ инвестициялық банкинг департаментінің бас менеджері Нургуль Амирханова, «Фридом Финанс» АҚ-ның Қызылорда қаласындағы филиалдың өңірлік директоры Берік Сыдық сөз сөйледі.Роудшоу барысында Қазақстан Республикасының халқына ҚМГ қызметі, инвестициялық тартымдылық факторлары және компанияның дивиденд бойынша саясаты туралы толық ақпарат, сондай-ақ IPO шеңберінде акцияларды ұсыну шарттары мен оларды сатып алуға өтінім беру рәсімі туралы мәлімет берілді.14-25 қараша аралығында «ҚазМұнайГаз» ҰҚ АҚ роудшоуының шеңберінде бөлшек инвесторлармен кездесулер 17 облыс орталықтарында және республикалық маңызы бар қалаларда өтеді: Алматы, Астана, Шымкент, Атырау, Түркістан, Қарағанды, Ақтөбе, Жезқазған, Көкшетау, Қонаев, Петропавл, Талдықорған, Тараз, Өскемен, Орал, Семей, Ақтау, Қызылорда, Қостанай және Павлодар. Роудшоу кестесімен ҚМГ веб-сайтында танысуға болады.2022 жылы 7 қарашада «Самұрық-Қазына» АҚ және Қазақстанның мұнай-газ саласының көшбасшысы «ҚазМұнайГаз» ҰҚ АҚ акцияларын бастапқы жария ұсынатынын растады, оның барысында Қор ҚМГ-нің өзіне тиесілі 90,42 % акцияларынан компанияның 30 505 974 жай акциясын сатады. Осылайша, IPO шеңберінде ұсынылған акциялар көлемі ҚМГ-нің жарияланған барлық акциясының жалпы санының 5%-на дейін жетеді.ҚМГ ІРО-сы Қазақстан Республикасының Үкіметі бекіткен жекешелендірудің 2021-2025 жылдарға арналған Кешенді жоспарын жүзеге асыру барысында өткізіліп жатыр. ҚМГ-нің IPO-ға шығарылған бір жай акциясының құны - 8 406 тенге.&nbsp;Инвесторлардың өтінімдерін қабылдау 2022 жылы 9 қарашада Астана уақыты бойынша сағат 12:00-де басталды және институционалды инвесторлар үшін 2022 жылы 30 қарашада сағат 18:00-де, ал бөлшек инвесторлар үшін 2022 жылы 2 желтоқсанда Астана уақыты бойынша сағат 15:00-де аяқталады. &nbsp;<img src="https://knadmin.beoblood.kz/uploads/315762160_1315087622585765_3477378628881444603_n_18fd37d11c.jpg" alt="315762160_1315087622585765_3477378628881444603_n.jpg">

Қызылорда: «ҚазМұнайГаз» ұлттық компаниясы өкілдері бөлшек инвесторлармен кездесті

<a href="https://kyzylorda-news.kz/">Kyzylorda-news.kz.</a>&nbsp;Жыл сайын бүкіл әлемде «1 желтоқсан — Дүниежүзілік ЖИТС-пен күрес» күніне орай халықты қауіпті кеселден сақтануға шақыратын түрлі акциялар мен семинарлар, ауқымды жобалар мен шаралар өткізіледі.&nbsp;Республиканың тұтас халқының, әсіресе жастар арасында СПИД және ВИЧ инфекцияларын жұқтырудың алдын алу мәселелері бойынша барлық мүдделі тараптар өздеріне жүктелген жүйелі жұмыстарын жүргізіп келеді. Осы мақсатта, Қызылорда облыстық «Жастар ресурстық орталығы» КММ-нің психологы Г.Нетбаева «ORDA» жоғары колледжінің студенттеріне «АИТВ/ЖИТС және ЖЖБИ болдырмаудың алдын алу» тақырыбындағы қауіпті дертпен күрес жөнінде ақпараттық-түсіндірме жұмыстарын жүргізді.Бұл кесел, әсіресе, жастар арасында кеңінен таралғандықтан, әр өңірде жауапты мамандар жастарға, жеткіншектерге, студеттерге арнайы семинарлар мен түрлі акциялар ұйымдастырып, психологиялық-моральдық көмек көрсетсе, дерттің таралуына тоқтау болары сөзсіз. Мамандар бүгінгі шарада жастарға кеселден келетін қауіпті түсіндіріп қана қоймай, түрлі сұрақтар қою арқылы, жеткіншектермен еркін форматта ой-пікір алмасты.&nbsp;Сонымен қатар Қызылорда көпсалалы «Ұлағат Қызылорда» колледж студенттеріне Дүниежүзілік ЖИТС-пен күрес күніне арналған «Тендік уақыты» тақырыбында іс-шара өткізілді.Студенттер арасында салааралық мекемелердің қатысуымен АИТВ/ЖИТС-инфекциясы туралы жалпы ұғым, оның шығу тарихы, жұқтыру көзі, жұқпа жолдары, клиникасы, диагностикасы, антиретровирустық терапиясының қажеттілігі жайлы жан-жақты видеоролик, презентация көрсетіліп сақтану шаралары бойынша түсіндірме жұмыстары жүргізілді.Сонымен қатар, және АИТВ/ЖИТС-тің әлемдегі, республикадағы және облыс аумағындағы эпидемиологиялық ахуалы осы індетпен өмір сурушілер жайлары айтылды. АИТВ-инфекциясын анықтаудағы, антиретровирустық терапия тағайындаудағы соңғы жаңалықтар, тұрғындардың 90 пайызы өз статусын білуге тиістілігі, сілекейлік жедел тест қою әдісі қазіргі уақыт талабы туралы айтылды. Кездесу қызу сұрақ-жауап ретінде берілген сұрақтарға қанағаттанарлық толық жауаптармен белсенді түрде талқыланып жүргізілді.<img src="https://knadmin.beoblood.kz/uploads/316682279_1395558231218832_8857416487036347568_n_7e51382ce4.jpg" alt="316682279_1395558231218832_8857416487036347568_n.jpg">

Қызылордада жастарға СПИД дертінің қауіптілігі түсіндірілді

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданында «Қыс-2022» республикалық командалық-штабтық оқу-жаттығу өткізіледі.&nbsp;Қазақстан Республикасы Төтенше жағдайлар министрлігінің ұйымдастыру нұсқауына және Қызылорда облысы әкімінің билығы жылдың 16 қарашадағы нұсқауына сәйкес, 24-25 қараша аралығында аймақта «Қыс-2022» республикалық командалық-штабтық оқу-жаттығуы өткізіледі. Оқу-жаттығудың &nbsp;облыстық штабы 24 қарашада Қазалы ауданы, Әйтеке би кентінде құрылады. Оқу-жаттығудың аудандық штабы 24 қарашада Шиелі ауданы, Шиелі кентінде құрылады.«Қыс-2022» республикалық командалық-штабтық оқу-жаттығуның биылғы тақырыбы «Қысқы кезеңдегі жағдайларда төтенше жағдайлардың алдын алу және жою жөніндегі іс-қимылдарға азаматтық қорғаудың мемлекеттік жүйесінің басқару органдары мен күштерін дайындау» деп аталады.Оқу-жаттығуға дайындық және оны өткізу барысында біріншіден, қыс кезеңінде төтенше жағдай қаупі және туындауы кезіне арналған міндеттерді орындауға азаматтық қорғау мемлекеттік жүйесінің жұмыс істеу режимін жоғары дайындық режиміне ауыстыру тексеріледі. Екіншіден, қысқы кезең жағдайындағы төтенше жағдайларды жоюға АҚМЖ және халықтың әзірлігі мен мүмкіндігі деңгейін арттыру, үшіншіден, көлік магистральдары мен тыныс-тіршілікті қамтамасыз ету объектілерінің жұмыс істеуі бұзылған жағдайда өздеріне бағынысты күштерді басқару бойынша азаматтық қорғау мемлекеттік жүйесінің салалық және аумақтық кіші жүйелердің жұмысында үйлесімділікті жетілдіру ісі, төртіншіден, азаматтық қорғау мемлекеттік жүйесінің барлық деңгейдегі жедел кезекшілікті ұйымдастыруын, құлақтандыру мен байланыс жүйелерінің әзірлігін, болжам және диспетчерлік қызметтердің жұмысын, мониторинг жүргізуін, материалдық-техникалық қордың, азық-түлік және медициналық резервтердің құрылуы көрсетіледі. Сондай-ақ төтенше жағдайлардың алдын алу және оларды жою жөніндегі комиссияның, азаматтық қорғау қызметтері мен құралымдары жедел штабтарының жұмысы мен қысқы кезеңдегі төтенше жағдайлар ден қоюға азаматтық қорғау қызметтері мен құралымдарының әзірлігі тексерілетін болады.<img src="https://knadmin.beoblood.kz/uploads/316423644_1447219405808514_6924145025253945729_n_9011268e46.jpg" alt="316423644_1447219405808514_6924145025253945729_n.jpg">

«Қыс-2022»: Шиеліде республикалық командалық-штабтық оқу-жаттығу өткізіледі

<a href="https://kyzylorda-news.kz/">Kyzylorda-news.kz.</a>&nbsp;Атмосфералық ауа ағындарының өтуіне байланысты Қазақстан Республикасының басым бөлігінде құбылмалы ауа райы сақталады. Жаңбыр мен қар түрінде жауын-шашын, шығысында - қар жауады, деп хабарлайды Қазгидромет.Республика бойынша тұман, көктайғақ, облыстың батысында, шығысында, оңтүстік-шығысында жел күшеюі, Қазақстан Республикасының шығысында, солтүстік-батысында жаяу бұрқасын күтіледі.

23 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысы бойынша «Әйелдер күштері Альянсы» ҚБ үкіметтік емес ұйымы құрылды. Қазір әлемдегі өзекті мәселелердің қатарында нәзік жандардың мәселесі де бар. Тұрмыстық зорлық-зомбылық, құқықтық сауатсыздық титықтатқан тағдырлар жетерлік. Осы орайда дөңгелек үстел форматында өткен кездесуге облыстық, қалалық мәслихат депутаттары, әйел мекеме басшылары қатысты. Бұл туралы ұйымының аймақтағы төрағасы <a href="https://www.facebook.com/ibragim.aida">Аида Абибуллаева</a> әлеуметтік желідегі жеке парақшасында жазды.&nbsp;Жиын барысында Қызылорда облысы бойынша Саясаткер әйелдер клубының төрайымы Рахима Ахметова, Қызылорда қаласындағы Әйелдер саяси көшбасшылығы мектебіне жауапты қалалық мәслихат депутаты Айгүл Мұсабаева жаңа жобалардың негізгі мақсаттарына тоқталып, оның бағытын, жұмыс істеу механизмі мен артықшылықтарын түсіндіріп өтті.&nbsp;<blockquote>«Әйелдер саяси көшбасшылығы мектебі әйелдерді басқару дағдылары мен бәсекеге қабілеттілікке бағыттау, әйелдерді еліміздің саяси өміріне атсалысуға дайындау, белсенділіктерін арттыруға қолдауға бағытталады. &nbsp;Мектептің &nbsp;алғашқы &nbsp;сабағы &nbsp;ағымдағы &nbsp;жылдың желтоқсан &nbsp;айының 5-іне жоспарланды. Қызылорда қаласында өңірлік оқу орталығында 30 &nbsp;сағаттық &nbsp;оффлайн форматта өткізіледі деп белгіледік. Сондай-ақ, Саясаткер әйелдер клубы да өзінің жұмысын жандандыратын болады: құрамы, мақсаттары мен міндеттері анықталып, жоспарлары қайта қаралып, бекітілді», - деді «Әйелдер күштері Альянсы» ұйымының аймақтағы төрағасы Аида Абибуллаева.</blockquote>Қазіргі таңда облыстық мемлекеттік органдарында басшылық лауазымдардағы тұлғалардың тек 5%-ы -әйелдер, облыстық мәслихаттың 33 депутатының 8-і ғана - әйелдер.<blockquote>«Әкімдік лауазымда екеу ғана келіншек бар, олар да ауыл әкімдері (Қармақшы ауданының екі ауылының әкімі), мәслихат хатшыларынан қыз-келіншектер біреу-ақ (Жалағаш ауданы). &nbsp;Белгіленген талапқа сәйкес, әйелдердің басшылық және шешім қабылдаушы лауазымдарға ұсынылуы 30% дан кем болмау керек. Сонымен қатар, ірі компаниялардың директорлар кеңестерінде, басқармаларында әйелдердің өкілдігін арттыру қажет. Сол үшін резервте саяси сауатты, белсенді, жоғары білікті әйелдер мамандары болуы керек», - деді Аида Ибрагимқызы.&nbsp;</blockquote>Айта кетейік «Әйелдер күштері Альянсының» &nbsp;мақсаты әйелдер құқығын қорғауға жұмыс жасау, әйелдер мен балаларға қарсы зорлық-зомбылықтың барлық түрлеріне қарсы күресті ұйымдастыру, әйелдердің экономикалық мүмкіндіктерін күшейту, осал санаттағы әйелдердің әлеуметтік мәселелерін шешуге атсалысу, әйелдер мен балалар денсаулығын сақтауға және нығайтуға жұмыс жасау, әйелдерді шешім қабылдау деңгейіне жеткізу, әйел және отбасы мәртебесін көтеруге жұмыс жасау.&nbsp;Осы мақсаттарды басшылыққа ала отырып «Әйелдер күштері Альянсы» жұмысы аясында 3 үлкен жоба жұмыс істейді.«Саясаткер-әйелдер клубы»«Әйелдердің саяси көшбасшылық мектебі»«Жас көшбасшылар мектебі»Әйелдердің жағдайын жақсартуға арналған ұйым 2022-2023 жылдарға арналған жол картасын бекітіп, 10 бағыт бойынша жұмыс жүргізіледі.Қоғамдық бірлестік жол карта негізінде тұрмыстық зорлық-зомбылықтың алдын алу, оларға психологиялық және заңгерлік көмек көрсету, әлеуметтік кәсіпкерлікті дамыту, осал санаттағы әйелдердің әлеуметтік мәселесін шешу, денсаулығын нығайту, әйелдердің қоғамдағы шешім қабылдау деңгейін көтеру, мәдениеті мен цифрлық сауаттылығын секілді бастамаларды жүзеге асыруды межелеп отыр.<img src="https://knadmin.beoblood.kz/uploads/316175495_2655403311261470_7419901723074317654_n_90541b1bc2.jpg" alt="316175495_2655403311261470_7419901723074317654_n.jpg">

Қазақстан және Қызылорда облысының жаңалықтары