<a href="https://sputnik.kz/20230201/4-protsenttik-avtokredittin-elektrondy-kezegi-iske-qosylady-31637197.html">Фото</a><a href="https://kyzylorda-news.kz/">Kyzylorda-news.kz.</a> Жеңілдетілген автокредиттің электронды кезегі 6 ақпанда іске қосылады. Бұл туралы өнеркәсіпті дамыту қорының басқарушы директоры Ғалымжан Әди мәлімдеді.Электронды кезек үшін арнайы autonesie.kz сайты әзірленді. Порталды алдымен пилоттық жоба ретінде сынап көреді. Өтінімдерді қабылдау 6 ақпан күні сағат 10:00-де басталады. Компьютерге NCALayer бағдарламасын ортанып алған жөн. Себебі электронды цифрлық қолтаңбаны қою керек болады. Сайтта өтінішті орындау барысын бақылап отыруға мүмкіндік болады.<blockquote>"Қазіргі кезде револьверлік қаржының көлемі 7,6 миллиард теңгені құрап отыр. Ал несиенің шекті көлемі 10 миллион теңге. Сондықтан платформа қосылғанда 760 адам тіркеле алады. Адам саны соған жақындаған кезде платформа автоматты түрде жабылады және өтінім қабылдамайды", - деді Ғалымжан Әди.</blockquote>Ақпан айында тіркелуге үлгермеген адамдар келесі айда өтініш жібере алады.<blockquote>"Келесі айда қайтарылған ақшаның көлемі, шамамен, 100 адамға жетеді. Сондықтан платформа ай сайын ашылған кезде 100-ден астам орын болады", - деп атап өтті Ғалымжан Әди.</blockquote><a href="https://sputnik.kz/20230201/4-protsenttik-avtokredittin-elektrondy-kezegi-iske-qosylady-31637197.html">Sputnik Қазақстан</a>

4 проценттік автокредиттің электронды кезегі іске қосылады

<a href="https://kyzylorda-news.kz/">Kyzylorda-news.kz.</a> 2023 жылдың 31 қаңтарында өңірлік құрылыс ассоциациясы алаңында ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының міндетін атқарушы Ернар Мақажанов осы саладағы кәсіпкелермен арнайы кездесті.Жиын барысында құрылыс саласындағы проблемалық мәселелер, оның ішінде нысан құрылысы бітпей жатып, тұрғындардың арыз-шағымдары негізінде құзырлы мекемелер тарапынан жүргізілетін тексерістер қаншалықты заңды екендігі туралы сұрақтарға Ернар Мақажанов толық әрі жанжақты жауап берді.Сонымен қатар, бизнес-қоғамдастықты толғандыратын өзекті мәселелер бойынша ашық және сындарлы талқылаулар өткізілетінін, шенеуніктер тарапынан адал бизнесті дамытуға әкімшілік кедергілер немесе сыбайлас жемқорлық фактілері анықталған жағдайда олардың жолын кесу бойынша шаралар күшейтілетін атап өтті.Осы орайда, сыбайлас жемқорлықтың алдын алу үшін өңір кәсіпкерлерін ашық диалог пен өзара іс-қимылға шақырды.Департамент басшысы әр аптаның сәрсенбісінде сағат 15:00-де «Атамекен» өңірлік кәсіпкерлер палатасында кәсіпкерлердің әрқайсысын тыңдауға және нақты мәселелерді шешуге көмектесуге дайын екендігін жеткізді.

Құрылыс саласындағы өзекті мәселелер талқыланды

<a href="https://kyzylorda-news.kz/">Kyzylorda-news.kz.</a> Зоология институтының және Жәңгір хан атындағы Батыс-Қазақстан аграрлық-техникалық университетінің өкілдері ақбөкендерді ғылыми зерттеудің мақсаттары мен міндеттерін түсіндірді.Биылғы жылы орман шаруашылығы және жануарлар дүниесі комитеті ғылыми ұйымдармен бірлесіп ақбөкендер популяциясына ғылыми зерттеу жүргізуді жоспарлаған.Жабайы жануарлардың аңшылық түрі – ақбөкенді пайдалануға ұзақ уақыт тыйым салынғандықтан, қоғамда оның жойылып қаупі туралы қате пікір қалыптасқан. Алайда табиғат қорғау қызметкерлері мен халықтың қолдауының арқасында, қазіргі таңда киік саны қалпына келді деп айтуға болады. Ақбөкендердің әлемдік популяциясының 90- дан астамы біздің елімізде шоғырланған.Киік саны 2003 жылы 21 мың басты құраса, 2022 жылы 1 млн. 318 мыңға жеткен. Бұл КазКРС кезеңінде ең көп бас (1 млн. 200 мың) деп тіркелген көрсеткіштен асып түседі.Айта кету керек, ақбөкендердің саны елік, қабан, марал, бұлан және басқа да тұяқты жануарлардың аңшылық түрлерінің жалпы санынан 186767 бас) 7 есе көп. Мысалы, ақбөкеннен кейінгі екінші орындағы жануар-елік саны 95597 басты құрайды. Бұл тұяқты жыл сайынғы аң аулау объектісі болып табылады.<blockquote>«Қазіргі уақытта Жәңгір хан атындағы Батыс Қазақстан аграрлық-техникалық университетінің ғалымдары экологиялық резерв жинақтау, сонымен қатар ақбөкендерді қолға үйретіп, оны республикамыздың мал шаруашылығы мәдениетіне енгізу тәсілдерін пысықтау үшін мамандандырылған питомниктерді ұйымдастыру жұмыстары жүргізілуде. Осындай жұмысты Зоология институтымен де жүргізу жоспарлануда», - деп атап өтті Орман шаруашылығы және жануарлар дүниесі комитеті төрағасының орынбасары Андрей Ким.</blockquote>Осыған байланысты биологиялық негіздемеде популяциялардың ветеринариялық және физиологиялық жай-күйін зерделеу, популяцияның даму болжамдары, таралу аймағы мен көші-қон жолдарын нақтылау, ақбөкендердің азықтық базасын зерделеу, ауыл шаруашылығымен бәсекелестікті төмендету жөнінде ұсыныстар әзірлеу үшін ғылыми мақсатта аталмыш жануарлдарды табиғи ортасынан алу көзделген. Ол үшін киіктердің төлдерін жартылай ерікті жағдайда (вольерде) ұстау көзделген.

Ақбөкенді қалай сақтап қаламыз?

Фото ашық дереккөзден&nbsp;<a href="https://kyzylorda-news.kz/">Kyzylorda-news.kz.</a>&nbsp; Биыл 3 наурыздан бастап қарызын өтей алмай жүрген жеке тұлағалар «Қазақстан Республикасы азаматтарының төлем қабілеттілігін қалпына келтіру және банкроттығы туралы» заңға сәйкес өтініш бере алады. Бұл заң 3 рәсім арқылы орындалады. Бұл туралы Өңірлік коммуникациялар қызметінде өткен брифингте Қызылорда облысы бойынша Мемлекеттік кірістер департаменті басшысының орынбасары Қуанышбек Бекшин хабарлады.<blockquote>«Өздеріңізге белгілі, 2022 жылдың 30 желтоқсанында Мемлекет басшысы «ҚР азаматтарының төлем қабілеттілігін қалпына келтіру және банкроттығы туралы» заңға қол қойды. Бұл заң наурыз айында күшіне енетін болады. Аталған заңда 3 түрлі &nbsp;рәсім бекітілген. &nbsp;Атап айтқанда, соттан тыс банкроттық, сот арқылы банкроттық және төлем қабілеттілігін қалпына келтіру. Бірінші, соттан тыс банкроттық – жеке тұлағалардың барлық екінші деңгейлі банктер мен микроқаржы ұйымдарында және коллекторлық агенттіктерінде &nbsp;қарыздары болса ғана жүзеге асырылады. Тиісінше, азаматтар мынадай &nbsp;талаптарды орындауы міндетті. Бірінші, азаматтардың қарызы – 1600 АЕК-тен яғни, 5,52 млн.теңгеден аспауы тиіс. Екінші, жеке тұлға өз қарызын 12 ай бойы өтемеген болуы керек. Сонымен қатар азаматтардың банк және қаржы ұйымдары алдындағы берешектері 5 жыл қатарынан төленбей келсе &nbsp;негізгі шарттар қолданылмайды. Соттан тыс банкроттық рәсімі «электрондық үкімет» порталында жүргізіледі. Содан кейін ақпараттық жүйе арқылы борышкердің критерийлерге сәйкестігі мемлекеттік органдардың деректерімен автоматты түрде салыстырылады», &nbsp;- деді департамент басшысының орынбасары Қуанышбек Бекшин.</blockquote>Екінші рәсім – сот банкроттығы. Мұнда жеке тұлғалардың барлық қарызы 1600 АЕК-тен астам яғни, 5 млн 520 мың теңге көлемінде болуы шарт.&nbsp;<blockquote>«Бұл рәсімнің шарттары – жеке тұлғаның барлық банктер, микроқаржы ұйымдары, жеке және заңды тұлғалар алдындағы келісім шарт негізіндегі қарыздары, мемлекет алдындағы салықтар мен міндетті төлемдердер бойынша қарызы ескеріледі. Осы рәсім барысында жеке тұлғаның атында мүліктер анықталған жағдайда берешектерді өтеу үшін аукционға сатуға шығарылады. Егер де жеке тұлғаның жалғыз тұрғын-үйі банк кепілінде болса, онда банк аталған мүлікті алып қоюға толық құқылы. Сот банкроттық рәсімінің мерзімі - 6 ай, және 6 айға ұзарту мүмкіндігі қарастырылған», - деді «Оңалту және банкроттық» бөлімі басшысының міндетін атқарушы Әліби Жанкелдин</blockquote>

Жеке тұлғалардың банкроттығы туралы заң 3 рәсім бойынша жүзеге асады

<a href="https://kyzylorda-news.kz/">Kyzylorda-news.kz.</a>&nbsp; Қазгидромет 1 ақпанда болатын қауіпті метеорологиялық құбылыстарға болжау консультациясын жариялады.ҚР солтүстік, шығыс аймақтарына Солтүстік циклон жырасының әсер етуіне байланысты қар жауып, тұман болады. Республикамыздың оңтүстік аймақтарында атмосфералық фронтальды бөліктердің өтуімен жауын-шашын (қар, жаңбыр) кей уақыттарда қатты жауады.Еліміздің оңтүстігінде, оңтүстік-шығысында жел күшейіп, тұман, көктайғақ күтіледі.

1 ақпанға арналған ауа райы болжамы

Kyzylorda-news.kz. &nbsp;Президентіміздің қоғамдық тірегі мен елдегі басты саяси күш ретінде небір тарихи кезеңді бастан өткеріп келе жатқан «AMANAT» партиясы ел алдында өзіне үлкен міндеттер жүктеп, оларды жүзеге асыруға жұмыс жасап келеді.Атауын ғана емес барлық қызметін толық трансформациялаудан өткізген саяси ұйымның облыстағы филиалы да алға қойылған міндеттерді белсенді іске асыруда.Әрине, ең бір кезек күттірмейтін жұмыстардың бірі ол тұрғындармен үйлесімді байланыс орнатып, олардың өтініш тілектерінің шешілуіне ықпал ету. Осы орайда партия айнасы болып табылатын қоғамдық қабылдау бөлмелеріне 2021-2022 жылдары азаматтардан 8005 өтініш келіп түсіп, оның 64% оң шешілді. 2803 мәселе бойынша нақты кеңестер берілді.Сонымен бірге қоғамдық қабылдау бөлмелерінің жұмысы проактивті форматқа көшіп, қызмет көрсетуге бағытталған тәсілдер енгізілді. Атап айтсақ, партия филиалы жанынан түрлі сала өкілдерін қамтитын мобильді топтар құрылып, қабылдау жұмыстары шалғай елді мекендерде жүргізіліп келеді. Есепті кезеңде шалғай елді мекендерде 35 мобильді қабылдаулар өтіп, Оның 2-не республикалық мобильді топ өкілдері қатысты. Қабылдаулар барысында 579 өтініш тіркеліп, 307-оң шешілді, 235 өтініш иесіне түсіндірме жұмыстары жүргізілді.Партияның ядросы болып табылатын бастауыш ұйымдар жұмысы жетілдірілуде. Қоғамдық қабылдау қызметімен тұрғындарды кеңінен қамту мақсатында 500-ден жоғары партия мүшелері бар ірі 10 бастауыш ұйым базасында қоғамдық қабылдау бөлмелері ашылды. Биылтырдан бастап партиялық жарнаның 20 пайызы &nbsp;бастауыш ұйымдардың партиялық жобаларды жүзеге асыруына қайтарылып, олардың белсенді жұмыс жасауларына септігін тигізуде.Партия филиалдары жанындағы қоғамдық кеңестердің саны мен құрамы жаңарып, отырыстар ашық форматқа көшті. Есепті кезеңде қоғамдық кеңестердің 585 отырысы өтіп, оларда көтерілген проблеммалық мәселелерді шешу мен алдын алу жөнінде кеңестер шешімімен 1639 түрлі бағыттағы ұсыныстар тиісті органдардың назарына ұсынылды. Кеңестердің отырысында Жол карталарының орындалмау қаупі бар шараларына да ерекше басымдық берілді. Осындай жұмыстар нәтижесінде Сайлауалды бағдарламаның есепті мерзімде 97 пайызы орындалды. &nbsp;Партиялық бақылау комиссияларымен әлеуметтік нысандар құрылысы мен қоғамда резонанс тудырған мәселелерге 258 мониторинг жұмыстары жүргізілді. Қазір комиссия өз қызметінде шұғыл әрекет ету жұмыстарын басшылыққа алуда.Әрбір нысаналы топтарды қамтитын партиялық жобалар аясында да тиісті жұмыстар атқарылып келеді. Соның ішінде тұрғындар үшін тиімді де өзекті жоба «Жер аманаты» жобасы шеңберінде заңсыз немесе пайдаланылмай бос жатқан &nbsp;157 мың гектар жер мемлекет меншігіне қайтарылды. Алда бұл жерлердің интерактивті картасы дайындалып, заң аясында әділетті түрде мақсатты пайдаланушыларға беру жұмыстары жүріп жатыр.Ауыл тұрғындарының тұрмысын арттыруға бағытталған Үкімет пен партияның «Ауыл аманаты» ортақ жобасы аясында 142 ауыл әкімі мен жоба жұмысын үйлестіретін партияның аумақтық 11 Атқарушы хатшылары арнайы оқудан өтті. Облыстың 15 ауылында тұрғындарға жобаны таныстыру мақсатында семинарлар өткізді. Бұл жоба ауылдағы ағайынның кәсіппен айналып, тұрмысын арттыруына бағытталып отыр.Жалпы бұл партия филиалымен атқарылған жұмыстардың бір ғана бөлігі. Негізгі жұмыстар аймақтық және аумақтық партия филиалының әлеуметтік желілердегі ресми парақшалары мен БАҚ беттерінен кеңінен танысып отыруға болады.&nbsp; <img src="https://knadmin.beoblood.kz/uploads/IMG_20230131_WA_0025_2459333e96.jpg" alt="IMG-20230131-WA0025.jpg">

«AMANAT»: Жүйелі жұмыстар атқарылды

<a href="https://kyzylorda-news.kz/">Kyzylorda-news.kz.</a> Ұлттық экономика министрі Әлібек Қуантыров 1Ұлттық қор – балаларға1 жобасы қалай жүзеге асырылатынын айтты, деп хабарлайды <a href="https://sputnik.kz/">Sputnik Қазақстан</a>.Ол бағдарлама 2024 жылдан бастап іске асырылатынын атап өтті. Бала 18 жасқа толғанға дейін олардың арнайы шотына Ұлттық қордың инвестициялық кірісінің 50%-і түсіп тұрады. Бүгінде министрліктің есебі бойынша жобаға 6,5 млн бала қатысады.<blockquote>"Егер Ұлттық қордың инвестициялық кірісі теріс мәнде қалыптасса, не болады? Біз осы мәселені де талқыладық. Сол себепті біз тек бір жылдың ғана кірісін алмаймыз. 18 жылдағы орташа жылдық табысты аламыз. Өйткені ол әрқашан оң мәнде қалыптасады. Бала он сегіз жасқа толғаннан кейін алатын ақшаға салық салынбайды", - деді Қуантыров үкімет кулуарында.</blockquote>Сондай-ақ егер қазақстандық бала азаматтығын өзгертсе, ол Ұлттық қордың табысынан жиналған ақшасын ала алмайды. Оның шотындағы қаражат қалған балалар арасында қайта бөлінеді.<blockquote>"Бала шетелге шыға алады. Егер ол азаматтығын өзгертпесе, ақша сол күйі сақталады. Егер басқа азаматтық алса, онда шотындағы қаржы оған берілмейді", - деп түсіндірді министр.</blockquote>

Ұлттық қордан балалардың шотына аударылатын ақшаға салық салынбайды

Фото: freepik<a href="https://kyzylorda-news.kz/">Kyzylorda-news.kz.</a> Елімізде жалпыға бірдей декларациялаудың екінші кезеңі басталды. Осыған сәйкес, биыл мемлекеттік мекеме мен квази мемлекеттік сектордың қызметкерлері және олардың жұбайлары активтер мен міндеттемелері туралы декларациялаудан өтетін болады. Бұл туралы Өңірлік коммуникациялар қызметінде өткен брифингте Қызылорда облысы бойынша Мемлекеттік кірістер департаменті «Өндірістік емес төлемдер» басқармасының басшысы Гүлжамал Шортанбаева хабарлады.<blockquote>«Көлеңкелі экономикаға қарсы тұрудың бір тетігі – жалпыға бірдей декларациялау. Бұл жүйені енгізудегі басты мақсат – жеке тұлғалардың табыстары мен мүліктерін тиімді бақылауға қол жеткізу болып табылады.</blockquote><blockquote>Жалпы бірдей декларациялаудың бірінші кезеңінде жауапты лауазымдағы мемлекеттік қызметшілер, мемлекеттік функцияларды орындауға уәкілеттік берілген азаматтар және оларға теңестірілген тұлғалар мен жұбайлары тапсырды. Ал биылдан бастап мемлекеттік кәсіпорындардың қызметкерлері және олардың жұбайлары декларациялаудан өтетін болады. Декларацияда жеке тұлғаның атындағы барлық мүліктер, бағалы қағаздар мен банк есепшотындағы қолма-қол ақшасы көрсетілуі тиіс. Жеке тұлғалар декларацияны электрондық түрде ұсынуын ынталандыру мақсатында арнайы екі мерзім қарастырылған. Атап айтқанда, 15 шілдеге дейін – қағаз тасымалдағышта, 15 қыркүйектен кешіктірмей – электрондық түрде тапсырылады», - деді Гүлжамал Шортанбаева.</blockquote><figure class="image"><img src="https://knadmin.beoblood.kz/uploads/328552470_875118737050505_5871663288729911673_n_17bc696d15.jpg" alt="328552470_875118737050505_5871663288729911673_n.jpg"></figure>

Жалпыға бірдей декларациялаудың екінші кезеңі басталды

<a href="https://kyzylorda-news.kz/">Kyzylorda-news.kz.</a> LRT-ның құрылысын тоқтатсақ, шығын одан да көп болады. Бұл туралы Мемлекет басшысы Қасым-Жомарт Тоқаевтың төрағалығымен елорданы дамыту мәселелері жөніндегі кеңесте айтты, деп хабарлайды Ақорда.<blockquote>«Қала ішінде адам көп жүретін бағыттарды анықтап, автобустың жиі қатынауын қамтамасыз ету жөнінде нақты тапсырма бердім. Бірақ тұрғындар әлі күнге дейін аялдамада жарты сағат бойы тұруға мәжбүр. Тіпті, кейде жолаушылар автобусқа сыймай жатады.</blockquote><blockquote>Қазір Астанаға 400-ден астам автобус жетіспейді. Алдағы 5 жылда бұл тапшылық 2 есе артуы мүмкін. 400 аялдамада автобус тоқтайтын арнайы орын қарастырылмаған. Ал 300 аялдамада жабық павильон жоқ. Бұл мәселе, әсіресе, қыс кезінде өте өзекті.</blockquote><blockquote>LRT-ға қатысты жұмысты мейлінше тездетіп аяқтау керек. LRT жобасы негізінен қате болды. Бірақ қазіргі таңда басқа амалымыз жоқ, бұл жобаны жүзеге асыруымыз керек. LRT-ның құрылысын тоқтатсақ, шығын одан да көп болады. Ал балама жобалар жоқ.</blockquote><blockquote>Әкімдікке Үкіметпен бірлесіп, Астананың көлік жүйесін дамытуға арналған кешенді бағдарлама әзірлеуді тапсырамын», - деді Қасым-Жомарт Тоқаев.</blockquote>

Мемлекет басшысы: LRT-ның құрылысын тоқтатсақ, шығын одан да көп болады 

Қазақстандағы қаржылық сауаттылық индексі 2022 жылы 40,2%-ды құрады 

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде &nbsp;Bilim Media Group басшысы Рауан Кенжеханұлы профессор-оқытушылармен кездесіп, Coursera білім беру платформасының курстары студенттерге қазақ тілінде қолжетімді екенін айтты.&nbsp;Coursera – әлемдегі ЖОО арасында ең жиі қолданылатын халықаралық қашықтықтан білім беру платформасы. Бүгінде 200 мемлекетте 110 миллионнан астам адам бұл жүйені тұрақты түрде қолданып келеді.&nbsp;Кездесуде ректордың міндетін атқарушы Майнұр Бөрібаева Қорқыт ата атындағы Қызылорда университетінде 500 білім алушы Coursera лицензиясын пайдалануға өтініш бергенін атап өтті.&nbsp;«Coursera дүниежүзіндегі алдыңғы қатарлы 170 университеттің оқу курстарын бір платформаға жинақтады. Оны осы кезге дейін негізінен оқу бағдарламаларын ағылшын тілінде жүргізетін қазақстандық ЖОО-лар қолданды. Курстардың ЖОО арасында кең қолданылуына кедергі болған басты жағдай – ағылшын тілінде болуы. Қазіргі кезде Coursera-дағы алғашқы 50 курс қазақ тіліне аударылды. Алдағы бір жыл ішінде шамамен 654 курсты қазақ тіліне аудармақпыз. Студенттер емтихан тапсырып, әйгілі оқу орындарының курстарын оқығандығы жөнінде сертификат ала алады», – деді Рауан Кенжеханұлы.Айта кету керек, Қорқыт ата атындағы Қызылорда университетінің білім алушыларына 1 жылға 500 лицензия берілген. Жиында профессор-оқытушылар платформаны білім беру процесінде қолдану мәселелері туралы сұрақтарды талқыға салды.&nbsp; &nbsp;<figure class="image"><img src="https://knadmin.beoblood.kz/uploads/ab9596a6_4db4_429f_8b4e_a4e16f47e60f_0ad1d9b6de.jpg" alt="ab9596a6-4db4-429f-8b4e-a4e16f47e60f.jpg"></figure>&nbsp;<figure class="image"><img src="https://knadmin.beoblood.kz/uploads/e0ed6830_584c_441f_b40c_f94500d45238_84686f384d.jpg" alt="e0ed6830-584c-441f-b40c-f94500d45238.jpg"></figure>

Рауан Кенжеханұлы Coursera білім беру платформасының жаңа мүмкіндіктерімен таныстырды

<a href="https://kyzylorda-news.kz/">Kyzylorda-news.kz.</a>&nbsp; Алтайбек ахунның кесенесі Қоғалыкөл ауылының сол­түс­тігінде 5 шақырымдай жерде орналасқан. Күйдірген қызыл қыштан соғылған.&nbsp;20 ғасырдың ортасында су тасқыны кезінде қабырғасы құлап, қирап қалған. Содан бері оған құзырлы мекемелер назар салмаған, реставрация жасалмаған. Айта кетейік, Алтайбек ахун 1841-1913 жылдары өмір сүрген. Бұхара медресесінде білім алған. Алтайбек ахун ағартушы ғалым Қоңырқожа Қожықтың атасы һәм атақты Қожықовтар әулетінің түп қазығы – бабасы. <img src="https://knadmin.beoblood.kz/uploads/IMG_20230131_152636_488_398f97f258.jpg" alt="IMG_20230131_152636_488.jpg"> Сурет авторы: Нұрболат Нұржаубай

Қазақстан және Қызылорда облысының жаңалықтары