<a href="https://kyzylorda-news.kz/">Kyzylorda-news.kz.</a> Қызылорда тұрғыны алаяқтық қылмысын ашқан тергеушіге алғыс айтты.Қызылорда облысы Полиция департаменті бастығына қала тұрғыны тергеушіге алғысын білдіріп хат қалдырған болатын.Жаз айында жәбірленуші Алматы облысындағы жоғарғы оқу орындарының біріне оқуға түсіріп беремін деп алдаған күдікті азаматқа 3,3 млн. теңгеден астам ақшасын берген. Ол осы оқиға бойынша Тасбөгет полиция бөліміне арызданған болатын.Қызылорда қаласы полиция басқармасының Тасбөгет полиция бөлімінің тергеушісі Барысбек Талғатұлы қылмыстық іс бойынша тергеп-тексеру амалдарын жүргізіп, кәсібилігінің арқасында жедел түрде алаяқтық жолымен алынған қаражаттарын жәбірленушіге толықтай қайтарылды.<blockquote>«Сізге осы алғысымды жолдай отырып, қылмысты ашуға бар күш-жігерлерін салып, жедел іздестіру іс-шараларын тиімді нәтижемен ұйымдастырған тәртіп сақшысын марапаттауыңызды сұраймын», - деп жазылған келген хатта.</blockquote>Айта кетейік, қызылордалық тәртіп сақшылары құқық бұзушылықтарға қарсы тұрып, азаматтардың құқығын қорғап қана қоймай, әрдайым көмекке мұқтаж жандарға заң шеңберінде көмек көрсетіп, қоғамның тыныштығын сақтап келеді.<figure class="image"><img src="https://knadmin.beoblood.kz/uploads/policziya_a303fc34a0.jpeg" alt="полиция.jpeg"></figure>

Қызылордалық алаяқтық қылмысын ашқан тергеушіге алғыс айтты

<a href="https://kyzylorda-news.kz/">Kyzylorda-news.kz.</a>&nbsp; Елімізде әлеуметтік кәсіпкерлікті дамыту мақсатында биылғы жылдан бастап әлеуметтік кәсіпкерлік субъектілерінің реестрі жүргізіліп жатыр.Реестрді жүргізу үшін Үкіметпен арнайы қағида қабылданған. Қағидаға сәйкес бұл электрондық дерекқорға ірі кәсіпкерлік субъектілерін қоспағанда дара кәсіпкерлер мен заңды тұлғалар 4 санатта енгізіледі. Атап айтқанда:Бірінші санатқа – халықтың әлеуметтік осал санаттарын жұмыспен қамту мәселелерін шешетін кәсіпкерлер (олардың кәсіпорындарындағы осы санаттағы қызметкерлердің үлесінің жалпы санының кемінде 51%-н құрауы тиіс);Екінші санатқа – халықтың әлеуметтік осал топтарындағы кәсіпкерлер;Үшінші санатқа – халықтың әлеуметтік осал топтарына қызмет көрсететін немесе оларға арнап тауарлар өндіретін кәсіпкерлер;Төртінші санатқа – экология, білім, мәдениет, өнер және т.б. мәселелерін шешумен айналысатын кәсіпкерлер жатқызылады.Реестрге енгізілген кәсіпкерлерге қаржылық, мүліктік, инфрақұрылымдық, институционалдық және ақпараттық қолдау, салықтық жеңілдіктер секілді мемлекеттік қолдау шаралары көрсетіледі.Мәселен, ерекше қажеттіліктері бар қызметкерлер саны 51% құрайтын ұйымдар корпоративтік табыс, әлеуметтік және жер салықтарынан босатылады, мүлік салығын есептеу кезінде жеңілдіктерге ие болады.Сонымен қатар, барлық салық төлеушілер үшін, тіпті әлеуметтік кәсіпкерлер болып табылмайтындар үшін келесі жеңілдіктер қарастырылған:- мүлікті (коммерциялық емес және әлеуметтік ұйымдарға) өтеусіз беру немесе қайырымдылық көмек көрсету кезінде құнына салық салынатын табыс мөлшері 4%-ға дейін төмендетіледі;-мүгедектігі бар адамдарға төленген жалақының 2 еселенген мөлшеріне және мүгедектігі бар адамдарға төленетін жалақыдан және басқа да төлемдерден әлеуметтік салық сомасынан 50%-ға салық жүктемесі төмендетілді;- мүгедектігі бар адамдар жеке табыс салығын төлеуден босатылды (күнтізбелік жылға 882 еселенген АЕК немесе 2,4 млн теңге шегінде).Кәсіпкерлерді реестрге енгізу үшін Қағидаға сәйкес тоқсан сайын хабарландыру беріліп, арнаулы комиссияның қарауына енгізу үшін құжаттар қабылданады.Толық ақпаратты Қызылорда облыстық кәсіпкерлік және өнеркәсіп басқармасы және Қызылорда облыстық кәсіпкерлер палатасы арқылы алуға болады. Байланыс телефондары: 8 (7242) 60-54-08, 40-02-02, 40-09-81

Әлеуметтік кәсіпкерлікпен айналысқыңыз келе ме?

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы Жаңақорған ауданында тұрғындар мен мекемелердің қауіпсіздігін сақтау, төтенше жағдайлар бөлімі қызметкерлерінің дайындықтарын тексеру мақсатында «Қыс – 2022» республикалық командалық-штабтық оқу-жаттығулары өтті.«Қыс – 2022» республикалық командалық-штабтық оқу-жаттығу жұмыстары бойынша ТЖ орын алған көп қабатты тұрғын үйдегі тұрғындарды қауіпсіз жерге көшіру ұйымдастырылды. Сондай-ақ, оқу-жаттығу жұмыстарына барлық қажетті техникалар мен тиісті сала мамандары, медициналық жедел жәрдем қызметі толық құрамда қатысты.Сонымен қатар, оқу-жаттығу жұмыстары барысында қар құрсауында қалған жолаушылар автокөлігіндегі жолаушылар «Қазақавтожол» ЖШС-нің Жаңақорған ауданындағы 50-ші жол пайдалану бөлімшесіне жылы жерге эвакуацияланып, арнайы бокстарда автокөлікке техникалық көмектер көрсетілді. Іс-шарада әрбір қызметтік топ жетекшісі мен топ мүшелерінен қызметтік міндеттері сұралып, техникалық базалары тексерілді. Құрал-саймандары түгенделді. Оқу-жаттығу барысында апат болған жағдайда бірінші кезекте қажеттілігі туындайтын байланыс саласымен, азық-түлікпен қамтамасыз ететін және барлау-құтқару қызметтерін жүргізетін басты салалардың жұмыстарына ерекше көңіл бөлінді. Осылайша, аудандағы төтенше жағдайлардың алдын алу, төтенше жағдай кезінде адам шығынын болдырмау және төтенше жағдайда ережеге сәйкес дер кезінде іс-қимыл атқаруды дұрыс ұйымдастыру мақсатында өткен оқу-жаттығу жұмыстары сала мамандарын бір пысықтаудан өткізіп алды.Қорыта айтқанда, құтқарушылар қыстың қаһарына толық дайын екендіктерін дәлелдеді. Сала басшыларының айтуынша, биылғы қысқы маусымға дайындық тыңғылықты. &nbsp;<img src="https://knadmin.beoblood.kz/uploads/315710941_3305738483007825_8722125822533864730_n_9dee0bf0ba.jpg" alt="315710941_3305738483007825_8722125822533864730_n.jpg"><img src="https://knadmin.beoblood.kz/uploads/315436313_3305738576341149_5144027122170304581_n_b2048e8d68.jpg" alt="315436313_3305738576341149_5144027122170304581_n.jpg">

«Қыс – 2022» республикалық командалық-штабтық оқу-жаттығу жұмыстары өтті

<a href="https://kyzylorda-news.kz/">Kyzylorda-news.kz.</a> Жалағаш ауданына қарасты Аққұм елді мекенінде ауыл шаруашылығы қарқынды дамыған. Иә, қазір бұл ауылда Сыр салысының өзі өндіріліп барып, экспортқа шығарылады. Себебі мұнда тәулігіне 12-13 тонна күріш ақтайтын алып цех іске қосылған. Осыдан 4-5 жыл бұрын барғанымызда «Бақдәулет – 57» шаруа қожалығының мал шаруашылығы бағытында бірқатар жобаны қолға алғанына қаныққанбыз. Кейін мал басын асылдандыруға ден қойған бұл шаруашылықтың да бүгінде шаруасы ширапты.Осыдан он жыл бұрын жұмысын бастаған шаруашылық бүгінде бірнеше адамды жұмыспен қамтып отыр. Осыдан бірнеше жыл бұрын «Алтын асық» бағдарламасымен Батыс Қазақстан облысынан асыл тұқымды 300 бас ірі құйрықты қой мен 15 бас қошқар алып, қой шаруашылығын дамытуды да қолға алған. Қорадағы уақ малдың тұқымы бөлек екені көрініп-ақ тұр және олардың санында да бүгінде айтарлықтай өсім қалыптасқан.Мұнда төрт түліктің барлық түрі бар. Кез келген кәсіпкер мал шаруашылығы бағытында жұмыс жасамас бұрын алдымен оның жем-шөбін қамдайды. Төрт түлікті түлеткен аққұмдықтар мал азығынан таршылық көрмеудің де қамын қарастырыпты. Мәселен, фермерлік кәсіпорын жұмысымен «Бақдәулет» шаруа қожалығы қатар құрылған еді. 2012 жылы «Аққұм ЛТД» серіктестігінің ізімен жұмысын бастаған шаруашылық бастапқыда 695 гектар алқапқа егін егіп, Жер анадан ырзық-несібесін жинады. Бүгінде шаруашылықтың жер көлемі де ұлғайып, жиын-терім кезінде қамбасы қазынаға кенелуде. Егін саласында сапалы әрі мол өнімге қол жеткізу үшін алдымен техника сапасының жақсы болуы қажеттігі айтпаса да белгілі. Ал мұнда базадағы техникаларды жаңарту жұмыстары 2013 жылдан бері жүзеге асырылып келеді.Асыл тұқымды мал санын арттыруға ден қойған бұл ұжымның ауласында жылқы мен түйе, сиыр мен уақ малдың да қарасы қалың. Ферма бригадирі қазірдің өзінде мұнда 1000-нан аса қой барын айтады.<blockquote>«150 бас ақбас сиыр өсірудеміз. Оның 100-ге жуығы – аналық, қалғаны – баспақ, бұзау, тайынша. Сондай-ақ 54 түйе бар. Оның он шақтысын сауып, шұбатын қалаға жібереміз. Жылқы да ұстаймыз. Қамбар атаның тұқымынан 300 бас бар, олар көбіне қолда емес, жайылымда», – дейді бригадир Әділқадыр Тұрмағанбетов.</blockquote>«Бақдәулет – 57» ШҚ-да бордақылау алаңы, қасапхана жұмысы жолға қойылған. Мұнда күз-қыс айларында 30-40 бас ірі қара сойып сатылады. Ал уақ малды керек еткен тұрғындар тікелей ақшасына алса, жұмысшылар жағы жалақысынан жаздырып алатын көрінеді. Қорада бордақыланған төрт түліктің барлық түрі қоңды, саны да айтарлықтай артқан.<blockquote>«Ферманың өзінде, күріш шаруашылығын қоспағанда 25 адам жұмыс істейді. Бордақысы бар, сауыны бар, бәріне де жұмысшы керек қой. Арық-тұрағын бағуға да көп күш керек. Ветеринар дәрігер ұдайы қадағалап, тиісті екпе жұмыстарын уақытылы жүргізіп отырады. Негізінен жылқыдан басқасының бәрі қыста қораға айналады. 60-70 мың дана жоңышқа жиналып, қосымша табиғи шөп пен жем де шаруашылықтың өзінен дайындалады», – дейді ферма бригадирі.</blockquote>Ветеринар Сейдулла Өрікбаев кейде уақ малда өкпе аурулары болатынын айтады. Жылқыда сақау, сиырда қарасан дейтін ауру ара-тұра кездесіп қалады екен. Кейде жылқылар өзара тебісіп те жараланып жатады. Кесте бойынша екпе салып, төтеннен келер кейбір дерттің алдын алып жүрген шаруашылықта мал шығыны көп болмайтын көрінеді.«Ауылына қарап, азаматын таны» деген халқымыздың даналық сөзі бар. Инвестор «Бақдәулет-57» фермерлік шаруа қожалығының демеушілігімен Аққұм ауылдық округі абаттанып, игілікті істер атқарылып келеді. Бастысы, береке мен бірлік ұялаған ауылдың тірлігі де тындырымды. Шаруашылықтың қаржылай қолдауымен ауылда 40 орындық монша, үлкен сауда орталығы мен спорт кешені бой көтерген. Жаңа нысандар ауыл ажарына әр берумен қатар өңірдің келбетін айшықтауда.Алып кәсіпорындар шоғырланған өңірдің өркендеуі қазір-ақ. Бұл сөзімізге жыл сайын түрлі жобалар жұмысын бастап жатқан Аққұм ауылы дәлел болары анық. Егін және мал шаруашылығын дамытуға ден қойған екі кәсіпорынның өзі қаншама ауыл халқын жұмыспен қамтып отыр. Міне, мемлекеттің аталған саланы қолдауға басымдық беріп отырғаны да сондықтан және оның жемісін аққұмдықтар көріп отыр деп толық айта аламыз.Айтпақшы, шаруашылық ұжымы тек ет бағытында үлкен табысқа кенеліп отыр. Бұйыртса, ірі қараның басқа тұқымын әкеліп, мұнда сүт бағытында да өз жобаларын жүзеге асыруды көздеп отыр. Кәсіпорын көкжиегі кеңейсе, кіріс көзінде де өсім қалыптасары сөзсіз. &nbsp;<img src="https://knadmin.beoblood.kz/uploads/1640082399_siyr_2ffce0282d.jpg" alt="1640082399_siyr.jpg">

Жалағаштық шаруалар мал шаруашылығын түлетіп отыр

<a href="https://kyzylorda-news.kz/">Kyzylorda-news.kz.</a> Қызылорда облысындағы автомобиль жолдарын қысқы кезеңге дайындау бағытында қажетті жұмыстар жүргізілуде. Аймақта жергілікті маңызы бар автомобиль жолдары бойынша қыс мезгілінде күтіп ұстауға 92,7 млн. теңге қаржы қаралған. Бұл туралы бүгін Өңірлік коммуникациялар қызметінде өткен баспасөз мәслихатында Қызылорда облыстық жолаушылар көлігі және автомобиль жолдары басқармасы басшысының орынбасары Ерқыран Жалғасбаев мәлімдеді. &nbsp;<blockquote>«Қазіргі таңда жауапты мердігер мекемелермен 96 техника дайындыққа келтірілді. Қар тазалағыш 26 автогрейдер, трактор, бульдозер, 55 инженерлік техника кран, погрузчик, самосвал, экскаватор, 15 эвакуациялық &nbsp;техника бар. Тайғаққа қарсы себілетін материалдар бойынша тиісті мердігер мекеме «Арал Соль» ЖШС-мен келісім шарт жасалды. Инертті материалдардың жоспары 3 мың 100 тонна, яғни, 692 тонна тұз, 2408 тонна құм қажет болса, қазіргі таңда 1750 тоннасы дайын тұр», - дейді Ерқыран Жалғасбаев.</blockquote>Оның айтуынша, қыс мезгілінде жергілікті жолдарға 422 дана жол белгілері әзірленіп орнатылған.<blockquote>«Жергілікті маңызы бар жолдардың бойында қар басу қаупі бар 4 учаске анықталды. Оның жалпы ұзындығы 31 шақырымды құрайды. Сонымен қатар, қыс мезгілінде жергілікті жолдарға 422 дана жол белгілері әзірленіп орнатылды», - деді Ерқыран Ертілеуұлы.</blockquote>Брифингте «ҚазАвтожол» АҚ ҰҚ Қызылорда облыстық филиалы директорының орынбасары Шанжархан Мырзабай автожолдарды қысқы күтіп ұстау жұмыстарына 64 жол-құрылыс техникалары мен автокөлік құралдары толығымен дайын тұрғанын айтты.<blockquote>«2022-2023 жылдары қысқы кезеңде көлік құралдарының үздіксіз және қауіпсіз жүруін қамтамасыз ету үшін жол-құрылыс техникалары мен автокөлік құралдары, өндірістік базалар мен жылыту пункттері де жөнделіп, дайын тұр. Қыс мезгіліне 9 дана өндірістік база, 9 дана – химреагенттерді сақтау қоймасы, 9 дана жылыну пункті жұмысын бастады. Сондай-ақ жолдардың бойына 354 дана уақытша ескерту жол белгілері қойылған. Қыс мезгілінде филиалда тәулік бойы кезекшілік орнатылып, арнайы операторлар жұмыс істеуде», - деді «ҚазАвтожол» АҚ ҰҚ Қызылорда облыстық филиалы директорының орынбасары Шанжархан Мырзабай.</blockquote>Айта кету керек, облыс көлемінен өтетін республикалық маңыздағы автожолдардың ұзындығы 1 014,5 шақырымды құрайды.<figure class="image"><img src="https://knadmin.beoblood.kz/uploads/316545654_1673235273071978_5952875151504875195_n_2335aa954d.jpg" alt="316545654_1673235273071978_5952875151504875195_n.jpg"></figure>

Қызылорда: Жолдарды қыс мезгілінде күтіп ұстауға 92,7 млн. теңге қаржы бөлінген 

<a href="https://kyzylorda-news.kz/">Kyzylorda-news.kz.</a> Бүгін Қазалыда «Қыс-2022» республикалық командалық-штабтық оқу-жаттығулары өткізілді.Оқу жаттығу жиынына облыстық төтенше жағдайлар департаменті бастығының орынбасары подполковник Бекболат Әбдіқадыров пен аудан әкімінің орынбасары Күнтілес Назымбеков арнайы қатысты.Оқу жаттығулар қысқы уақытта ықтимал болатын төтенше жағдайларды жою бойынша азаматтық қорғаныс құрылымы мен қызметтерінің даярлығын тексеру мен жетілдіру мақсатында ұйымдастырылды.Жаттығу барысында жасақ жетекшілерінің өзіне жүктелген функционалдық міндеттері тыңдалып, тиісті тапсырмалар берілді.Сонымен қатар, «Қыс-2022» оқу-жаттығу аясында төтенше жағдайларды жою бойынша іс-әрекеттерді пысықтауға арнайы-тактикалық жаттығулар, авариялық-құтқару қызметтерімен және азаматтық қорғау құрамаларымен практикалық әрекеттер өткізілді.Айта кетейік, оқу-жаттығуға барлығы 74 техника мен 200-ге жуық адам жұмылдырылды. Оқу-жаттығудың негізгі мақсаты - қыс кезеңінде болуы мүмкін төтенше жағдайлар кезінде басшы құрамның басқару, шешім қабылдау, азаматтық қорғау органдарымен өзара әрекет ету, авариялық-құтқару жұмыстарына күш-құралдарды дайындыққа келтіру, жергілікті азаматтық қорғау қызметтерінің дайындығын тексеру, өзара іс-қимылдарды пысықтау.&nbsp;<figure class="image"><img src="https://knadmin.beoblood.kz/uploads/316427556_3520910538129868_6980505374007781628_n_5cc42af0ff.jpg" alt="316427556_3520910538129868_6980505374007781628_n.jpg"></figure>&nbsp;<figure class="image"><img src="https://knadmin.beoblood.kz/uploads/316935545_3520910521463203_7905097440322015255_n_470f366e13.jpg" alt="316935545_3520910521463203_7905097440322015255_n.jpg"></figure>&nbsp;<figure class="image"><img src="https://knadmin.beoblood.kz/uploads/316421407_3520910534796535_5583868710793150088_n_53568ff06a.jpg" alt="316421407_3520910534796535_5583868710793150088_n.jpg"></figure>&nbsp;<figure class="image"><img src="https://knadmin.beoblood.kz/uploads/316835473_3520910654796523_6228101919038586510_n_2846a12a96.jpg" alt="316835473_3520910654796523_6228101919038586510_n.jpg"></figure>&nbsp;<figure class="image"><img src="https://knadmin.beoblood.kz/uploads/316684652_3520910664796522_5863385213544803074_n_8e396c46e3.jpg" alt="316684652_3520910664796522_5863385213544803074_n.jpg"></figure>

Қазалыда «Қыс-2022» оқу жаттығу жиыны өткізілді

<a href="https://kyzylorda-news.kz/">Kyzylorda-news.kz.</a> Қызылорда облысында биылғы жылдың 10 айында тұтынушылар құқықтарының бұзылуы туралы 286 өтініш келіп түсті. Бұл туралы Өңірлік коммуникациялар қызметінің баспасөз алаңында өткен брифингте Қызылорда облыстық тұтынушылардың құқықтарын қорғау департаментінің басшысы Ерқасым Сүлейменов хабарлады.&nbsp;<blockquote>«Салалар бойынша жүргізілген талдауда 174 өтініштің бөлшек сауда саласына келетіндігі анықталды. Яғни, өтініштердің 61 пайызы сапасыз тауарды айырбастаудан, қайтарудан бас тарту бағытында болып отыр. Өтініштерді заңға сәйкес қарау қорытындысымен 209 өтініш қанағаттандырылды, ал 32 өтініш бойынша түсіндірме жұмыстары жүргізіліп, 45 өтініш басқа мемлекеттік органдарға жолданды. Нәтижесінде тұтынушыларға барлығы 3,4 млн. теңгенің қаражаты қайтарылуына ықпал жасадық», - дейді Ерқасым Сүлейменов.</blockquote>Есепті кезеңде департамент жанындағы тұтынушылардың құқықтарын қорғау сұрақтары бойынша үйлестіру комиссиясының төрт отырысы өткізілген. Онда Қазақстан Республикасы Сауда және интеграция министрлігінің Тұтынушылардың құқықтарын қорғау комитетінің тапсырысы негізінде әзірленген социологиялық зерттеулер нәтижесінде анықталған тұтынушылардың проблемалық мәселелері, «Тұтынушылардың құқықтарын қорғау туралы» және «Қазақстан Республикасының кейбір заңнамалық актілеріне тұтынушылардың құқықтарын қорғау мәселелері бойынша өзгерістер мен толықтырулар енгізу туралы» Қазақстан Республикасы Заң жобалары, сонымен қатар тұтынушының қызмет көрсетуші энергиямен жабдықтаушы ұйымды жаңа энергиямен жабдықтаушы ұйымға ауыстыру және электр энергиясын тұтыну көлемдеріне қарай сараланған тарифтері, электр желілерінде жоғары кернеулі қуаты орын алуынан тұтынушылардың үйлеріндегі тұрмыстық электр құралдарының күйіп кету мәселелері талқыланды.&nbsp;<blockquote>«Алдағы уақытта аталған жұмыстар өз жалғасын табады. Сонымен қатар, Үкіметтің заң жобалау жұмыстарының 2022 жылға арналған жоспарында «Тұтынушылардың құқықтарын қорғау туралы» Қазақстан Республикасы Заңының жобасын және оған ілеспе «Қазақстан Республикасының кейбір заңнамалық актілеріне тұтынушылардың құқықтарын қорғау мәселелері бойынша өзгерістер мен толықтырулар енгізу туралы» заң жобасын әзірлеу көзделген. Бұл ретте уәкілетті органмен Заң жобалары әзірленіп, тиісті мекемелермен бірге талқылануда», - дейді департамент басшысы.</blockquote>Айта кетейік, &nbsp;қорыта келе департамент тұтынушылардың құқықтарын қорғау саласында құқығы бұзылған тұтынушыларға заңдылық тұрғысынан тегін кеңестер беруге, сатушыларға наразылықтарды дайындауға, сотқа талап арыздар әзірлеуге әрдайым көмек беруге дайындығын жеткізеді.&nbsp; &nbsp;

Ерқасым Сүлейменов: Тұтынушыларға 3,4 млн. теңгенің қаражаты қайтарылады

<a href="https://kyzylorda-news.kz/">Kyzylorda-news.kz.</a> Қызылорда қалалық білім бөлімінің ұйымдастыруымен №171 Ғани Мұратбаев атындағы орта мектепте «Құзыреттілікке бағытталған білім –жаратылыстану бағытында» тақырыбында ашық есік күнінің ашылуы өтті.Жаңартылған білім беру бағдарламасы аясында оқу процесін жоспарлау және ұйымдастыру дағдыларын қалыптастыру мақсатында өткен шарада мұғалімдер өз біліктіліктерімен бөлісті. Шараға қатысқан ұстаздар қауымы білім мазмұнының жаңаруымен қатар, оқытудың әдіс-тәсілдері мен әртүрлі құралдарын қолданудың тиімділігін арттыруды, шығармашылыққа бейім, құзыретті және бәсекеге қабілетті тұлға қалыптастыруды үйреніп, әріптестер арасында тәжірибе алмасты.№171 орта мектептің директоры Бекзат Ибраев және қалалық білім бөлімінен химия, биология, география әдістемелік бірлестігінің жетекші маманы Нұрқанат Ақылбайұлы кездесуде сөз алып, маңызды кездесуге сәттілік тіледі.Ашық есік күнінде биология пәні мұғалімі Анар Рүстемова «Биология сабағында «Word wall» платформасын пайдалану» тақырыбында сабақ көрсетті. Ал химия пәні мұғалімі Гулайна Жакупова «Flippity» платформасын химия сабағында қолдану» тақырыбында тәжірибесімен бөлісті. Сонымен қатар химия пәні мұғалімі Мөлдір Медетова да «Phet» интербелсенді симуляторын қолдану» тақырыбында өзінің педагогикалық әдіс-тәсілдерімен бөліссе, география пәнінің мұғалімі Рсалды Смагулова «География сабағында «Flippity» платформасын қолдана отырып, шаблондармен жұмыс істеу» тақырыбында сөз сөйлеп, педагогикалық тәжірибесімен бөлісті. Кездесуде сондай-ақ әріптес ұстаздар «Әр ұстаз − бір әлем» тақырыбындағы Зарипа Сматуллаеваның тренингіне қатысты. &nbsp;<img src="https://knadmin.beoblood.kz/uploads/316549268_1254986205229485_2677266912895810411_n_1a83ad9cf1.jpg" alt="316549268_1254986205229485_2677266912895810411_n.jpg"><img src="https://knadmin.beoblood.kz/uploads/316311225_1254986298562809_6976931863769263312_n_d237990c93.jpg" alt="316311225_1254986298562809_6976931863769263312_n.jpg"><img src="https://knadmin.beoblood.kz/uploads/316937642_1332954637534069_1480721079043099861_n_32b12a014a.jpg" alt="316937642_1332954637534069_1480721079043099861_n.jpg"><img src="https://knadmin.beoblood.kz/uploads/316272266_1254986388562800_4142633735638122818_n_26bf701aaf.jpg" alt="316272266_1254986388562800_4142633735638122818_n.jpg">

«Құзыреттілікке бағытталған білім – жаратылыстану бағытында» тақырыбында ашық есік күні өтті

<a href="https://kyzylorda-news.kz/">Kyzylorda-news.kz.</a> Мемлекеттің тұрақты дамуының негізі – бәсекеге қабілетті, жан-жақты дамыған жастар буыны десек болады. Олардың білімге, ғылымға, жаңашылдыққа және тың идеяларға ұмтылысы елдің өркендеуіне себепші болады. Осы орайда бүгін Қармақшы ауданы әкімінің орынбасары Жұлдызхан Ерқосаевтың қатысуымен аудандық жастар форумы өтті.Форумда сөз алған аудан әкімінің орынбасары мемлекеттің тұрақты дамуының негізі, қозғаушы күші – бәсекеге қабілетті жастар. Елдің ертеңгі егесі, ұлттың болашағы, мемлекеттің арқа сүйер тірегі жастарды қолдау – ел ертеңі мен ұлт тағдырына қатысты басым бағыттардың бірі екендігін айтып, жастарды мемлекеттік бағдарламалар бойынша жастар тәжірибесі мен қоғамдық және маусымдық жұмыстарға тарту, шағын гранттарға, кәсіпкерлік бағыты бойынша қайтарымсыз гранттарға қатыстыру тұрғысынан ауданымызда атқарылып жатқан жұмыстарға тоқталып өтіп, қашанда ел сенімін ақтап, тәуелсіздігіміз бен болашағымызды баянды ету жолындағы жастар бастамасына сәттілік тіледі.Сонымен қатар ауданымыздағы жастар саясатының жүзеге асуына аянбай тер-төгіп, бар күш-жігерімен еңбек етіп жүрген жастарды облыс әкімінің орынбасары және қоғамдық даму басқармасы мен аудан әкімінің алғыс хаттарымен марапаттап, жастар арасында әр сала бойынша қызмет жасаған жыл үздіктеріне, арнайы номинациялар табыстады.Сондай-ақ іс-шара барысында мемлекеттен қайтарымсыз несие алып, өз кәсіптерін кеңейтіп отырған бірқатар жас кәсіпкерлер тауарларының көрмесі ұйымдастырылып, көрермен назарына ұсынылды. &nbsp;<img src="https://knadmin.beoblood.kz/uploads/316218836_2224781271026100_9175437132907797635_n_6985f44750.jpg" alt="316218836_2224781271026100_9175437132907797635_n.jpg"><img src="https://knadmin.beoblood.kz/uploads/316196564_2224781567692737_3327812649860302704_n_755607a2c7.jpg" alt="316196564_2224781567692737_3327812649860302704_n.jpg"><img src="https://knadmin.beoblood.kz/uploads/316235810_2224781371026090_682522342842785686_n_88b96065ea.jpg" alt="316235810_2224781371026090_682522342842785686_n.jpg"><img src="https://knadmin.beoblood.kz/uploads/316129065_2224781694359391_471765441074063312_n_d3d4a9daee.jpg" alt="316129065_2224781694359391_471765441074063312_n.jpg">

Қармақшыда жастар форумы өтті

<a href="https://kyzylorda-news.kz/ru/">Kyzylorda-news.kz</a>. Бүгінде Қызылорда облысында жылу беру маусымына қажетті 176 мың тонна көмірдің 96 пайызы, яғни 169 мың тоннасы жеткізілді.&nbsp;Қазіргі таңда қала және барлық аудандардағы көмір қоймаларында 7 мың тоннаға жуық қатты отын қоры бар. Сондай-ақ, күні кеше облысқа 29 вагон көмір жеткізілсе, бүгін 14 вагон қатты отын әкелінді. Сондай-ақ, облыс тұрғындары арнайы мобильді және арнайы қосымша арқылы көмірге тапсырыс беріп, үйлеріне алдыруда. Бүгін Өңірлік коммуникациялар қызметінің ұйымдастыруымен өткен көшпелі брифингте облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов БАҚ өкілдеріне көмір қоры туралы мәлімдеме жасады.<blockquote>«Бүгін қаладағы Белкөл станциясында «Kazkom» ЖШС-не 14 вагон Шұбаркөл маркалы көмір қоры әкелініп, кезек реттілігімен облыс тұрғындарына сатылуда. Одан бөлек, ай соңына дейін қосымша 45 вагон қатты отын қоры жеткізіледі деп күтілуде. Бізге жеткізілетін көмір көбінесе Шұбаркөл және Қаражыра кен орындарынан әкелінеді. Жалпы облысты көмірмен толықтай қамтамасыз ету әкімдіктің тікелей бақылауында екенін айтқым келеді. Сондай-ақ, көмір бағасы 14 800 теңгемен 19 мың теңге аралығында тұрғындарға сатылуда. Айта кетейін, тұрғындар арасында кезекке дүрбелең тудырмас үшін арнайы мобильді қосымша арқылы көмірге тапсырыс беріп, алдыруға болады», - деді басқарма басшысы Руслан Нұрмағанбетов.</blockquote><figure class="image"><img src="https://knadmin.beoblood.kz/uploads/316805619_1673186066410232_4107025116101349323_n_8d871bd9f6.jpg" alt="316805619_1673186066410232_4107025116101349323_n.jpg"></figure>

Бүгін Қызылорда облысына 14 вагон көмір келді

<a href="https://kyzylorda-news.kz/">Kyzylorda-news.kz.</a> Әлеуметтік желілерде және мессенджерлерде «кредиттік рақымшылық» жүргізілді және қарыздардың барлық түрлері есептен шығарылды-мыс деген ақпарат мерзімді түрде таратылуда. Қаржы нарығын реттеу және дамыту агенттігі (бұдан әрі &nbsp;- Агенттік) &nbsp;азаматтарды адастыру және олардың қаржылық жағдайын қиындататын әрекеттерге итермелеу мақсатында таратылатын ақпараттың дәйексіздігі туралы мәлімдейді.Кредиттер бойынша мерзімі өткен берешегі бар азаматтарды қолдау үшін 2021 жылғы қазаннан бастап берешекті реттеудің бірыңғай міндетті тәртібі енгізілгенін атап өтеміз.Кредиттер бойынша мерзімі өткен жағдайда қарыз алушылар банкке немесе микроқаржы ұйымына өтінішпен жүгінуі қажет, онда олардың өтініші қаралады және проблемалық берешекті қайта құрылымдау шарттары ұсынылады.Қарызды қайта құрылымдау шарттары: сыйақы мөлшерлемесін төмендету; төлемді кейінге қалдыру; өтеу әдісін өзгерту; қарыз мерзімін ұлғайту; мерзімі өткен негізгі борышты және (немесе) сыйақыны кешіру, тұрақсыздық айыбын (айыппұл, өсімпұл), қарызға қызмет көрсетуге байланысты комиссиялар мен өзге де төлемдерді жою және т. б. түрінде болуы мүмкін.Егер қарыз алушы қарызды қайта құрылымдау шарттары бойынша кредитормен келісімге келе алмаса, ол кредитордың жауабын алған күннен бастап 15 күн ішінде Агенттікке жүгінуге құқылы. Бұл ретте қарыз алушы банкке немесе МҚҰ-ға өзінің өтінішін растауды және өзара қолайлы шешімге қол жеткізбеуді міндетті түрде ұсынуға тиіс.Берешекті реттеу туралы шешім қарыз алушының қаржылық жай-күйін және оның қаржы ұйымы алдындағы міндеттемелерін орындау жөніндегі мүмкіндіктерін терең талдау негізінде жеке тәртіппен қабылданады.Сонымен бірге Қазақстанда 2004-2009 жылдар аралығында теңгемен ипотекалық қарыз алған қарыз алушыларға көмек көрсету үшін Ипотекалық қарыздарды қайта қаржыландыру бағдарламасын (Бағдарлама) іске асыру жалғасып жатқандығы туралы қосымша хабарлаймыз. Бағдарлама шеңберінде жылдық 3%-дан аспайтын сыйақы мөлшерлемесі бойынша қарыз бойынша негізгі борышты қайта қаржыландыру жүргізіледі.Азаматтар мен бұқаралық ақпарат құралдарынан дәйексіз мәліметтерге сенбеуді және ақпаратты тек ресми және тексерілген дереккөздерден басшылыққа алуды сұраймыз.

Кредиттік рақымшылық және қарыздарды кешіру мәселелері бойынша дәйексіз ақпарат тарап жатыр 

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев Сыр өңіріне жұмыс сапарымен келген «Gepetto» мұнай технологиялары Корпорациясы АҚ-нің директорлар кеңесінің төрағасы және бас атқарушы директоры Цзэн Биньмен кездесті.Басқосу барысында Цзэн Бинь өңір игілігіне бағытталған жоспарлы жобалары туралы баяндап, бірлескен жұмысты бастауға ниетті екенін жеткізді.«Gepetto» мұнай технологиялары корпорациясы» АҚ мұнай және газ кен орындарының дебитін ұлғайту технологияларын әзірлейтін маманданған кәсіпорын.Жыл сайын 1500-ден астам ұңғымаға қызмет көрсетіледі, ал өндіру көлемінің жылдық өсімі 30% кем емес.Қазіргі уақытта компания басшылығы Қызылорда облысында филиал ашуды, Қазақстанның мұнай өндіруші өңірлерінде, яғни Қызылорда, Атырау, Маңғыстау, Батыс Қазақстан, Ақтөбе облыстарында мұнай сервистік қызметтер көрсетуді жоспарлауда.Өз кезегінде компания аймақта жоғары технологиялық әдістерді қолдану есебінен Оңтүстік Торғай бассейнінің сарқылған кен орындарында мұнай өндіру көлемін ұлғайтуды мақсат етті.Цзэн Бинь Сыр өңірінде мұнай және газ кен орындарында қолданылатын химиялық реагенттер шығаратын зауыт салу жоспары бар екенін мәлімдеді. Ортақ жобалар нәтижесінде алғашқы кезде өңірге жаңа 100-ге жуық жұмыс орны құрылмақ.Мүдделі тарап жергілікті жоғарғы оқу орындарымен мамандарды даярлау бағытында да бірлескен жұмыстарға ықпал жасауды сұрады.Кездесу соңында облыс әкімі айтылған мәселелердің шешімін бірлесіп қолға алуға ниетті екенін, зауыт салуға қажетті жұмыстарға әкімдік тарапынан жан-жақты қолдау болатынын тілге тиек етті.<figure class="image"><img src="https://knadmin.beoblood.kz/uploads/316182053_436650771989506_3930714446835461434_n_1e186c1a83.jpg" alt="316182053_436650771989506_3930714446835461434_n.jpg"></figure>

Қазақстан және Қызылорда облысының жаңалықтары