<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық «Жастар ресурстық орталығы» мекемесінің психологы Гүлжайна Ғабитқызы облыстық девиантты мінез-құлықты балаларға арналған мектеп интернатының оқушыларына психологиялық кеңес берді.&nbsp;Оқушылармен өткен жиынға учаскелік полиция қызметкерлері де қатысты.Психолог маман отбасылық зорлық-зомбылықтың алдын алу, суицидке итермелейтін жағдайларды болдырмау, жасөспірімдер арасындағы құқықбұзушылықтың себептері мен салдарлары сынды тақырыптарда профилактикалық түсіндірме жұмыстарын жүргізді. Сонымен қатар ата-анамен қарым-қатынасты реттеу, тұлғааралық байланыс, отбасындағы кикілжіңді болдырмау сынды мәселелер сөз болды. Отбасындағы ата-ананың мінез құлқы – баланың көз алдындағы үлгі, өнеге алатын, оған қарап өсетін ортасы екені де айтылды. Жиында психолог оқушыларға түрлі кеңестер беріп, сұрақтарына жауап берді.&nbsp;Шара барысында оқушылар психолог кеңесіне жүгініп, өз сұраулары бойынша жеке консультация алды.&nbsp; Психолог Гүлжайна Нетбаева әр баланың психологиялық даму ерекшеліктеріне қарай әрқайсысына аталған тақырыптар төңірегінде түрлі кеңестер берді. Сонымен қатар психолог-маман ситуациядан шығу жолдарын ұсынды.<figure class="image image_resized" style="width:75%;"><img src="https://knadmin.beoblood.kz/uploads/317629576_1400485760726079_2197910369900864227_n_aa234fea1b.jpg" alt="317629576_1400485760726079_2197910369900864227_n.jpg"></figure>

Жастар орталығында оқушыларға психологиялық кеңес берілді

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Ахатов кезектілікке сәйкес аудан тұрғындарын жеке сұрақтары бойынша қабылдады. Аудан басшысы халықтың көкейде жүрген мәселелерін тыңдады, деп хабарлайды Шиелі ауданы әкімдігінің баспасөз қызметі.Қабылдауға келген азаматтардың басым бөлігі әлеуметтік көмек сұрады. Сонымен қатар денсаулық сақтау саласына қатысты да түрлі сауалдар болды. Оған қоса, тұрғын үй мәселесін көтергендер де бар. Олар кезектілік мәселесін алға тартты. Сондай-ақ қабылдауға келген тұрғындар тарапынан қоғамдық көлік мәселесі де қозғалды. Тұрғындардың дені &nbsp;қоғамдық көліктердің белгіленген бағытын өзгертуге қатысты сауалдар көтерді. Аталған проблемалар бойынша аудан әкімі заңдылық негізінде шешімін табатынын айтты.Жұмыспен қамту мәселесі бойынша келген азаматтарға бірнеше бос жұмыс орындары ұсынылды. Оларға білімінің сәйкестілігіне қарай жолдама берілетін болды. Ал тұрғын үй кезегіне қатысты сауалмен келген азаматтарға аудан әкімі тұрғын үй беру заң аясында кезек тәртібімен берілетінін баса айтты. Сондай-ақ, әлеуметтік мәселелерге қатысты жауапты сала басшыларына тапсырма етіп жүктеді.<img src="https://knadmin.beoblood.kz/uploads/317355974_1451760142021107_1325215562358453897_n_f86d91aeb4.jpg" alt="317355974_1451760142021107_1325215562358453897_n.jpg">

Шиелі ауданының әкімі тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz.</a> Бүгін Мәдениет және өнерді дамыту орталығында Жалағаш аудан әкімі Асқарбек Есжанов Қазақстан Республикасының Президенті Қасым-Жомарт Тоқаевтың 2022 жылғы 3 наурыздағы «Әкімдердің халықпен кездесулерін өткізу туралы» Жарлығына сәйкес, Жалағаш кенті тұрғындарына биылғы жылы атқарылған жұмыстарды баяндап, алдағы міндеттерге тоқталды.Аудан басшысының айтуынша, Жалағаш кентінде «Ақтерек» учаскесінің су ұңғымалары және су жинау-тарату кешенінің құрылысы, инженерлік инфрақұрылымның сумен жабдықтау жүйесінің құрылысы, дене шынықтыру-сауықтыру кешенінің құрылысы жүргізілуде. Конститутция, Н.Әпрезов көшелері орташа жөндеуден өткен. Жалағаш кентіндегі көпқабатты 5 тұрғын үйге күрделі жөндеу жұмыстары жасалса, Мәдениет және өнерді дамыту орталығы, аудандық қаржы бөлімі, «Ақмаржан», «Күншуақ» және №19 санаториялық бөбекжайы, Қ.Қазантаев атындағы мәдениет үйіне газдандыру жұмыстары жүргізілген. Кенттегі Қазыбек би көшесі жарықтандырылып, «Ақтерек» учаскесі электр желілерімен жабдықталған.Сондай-ақ, биыл кентте демеушілер есебінен балалар ойын алаңдары пайдалануға берілді. Ал, Ғ.Мұратбаев көшесінде Жалағаш кентіндегі балалар ойын алаңы салынуда.2023 жылы Мысық би, А.Бектібаев, І.Нұркенов, И.Панфилов, М.Шәменов көшелері күрделі жөндеуден өтсе, Қ.Сәтбаев, Е.Құрманбаев, ПМК-9, Ә.Нұрғалиев, Шоңбай ақын, Сәрке батыр көшелерінде тас төсеу жұмыстары жүргізіледі. Өмірбай шешен көшесінің Н.Мырзалиев пен Қалыбаев көшелерінің аралығы ашылып, тас төселетін болады. Келесі жылы М.Байтөреев, А.Ізтелеуова, Бұқарбай батыр көшесінің шығыс бөлігі, Б.Алтынбаев, А.Байсопақов, С.Сейфуллин, М.Мәметова көшелеріне жөндеу жұмыстарын жүргізуге жобалау сметалық құжат әзірленеді.Аудандық бюджеттен Тоғанас батыр, Б.Сопбеков, А.Бисенов көшелері жарықтандырылады. Биыл бағаналар орнатылса, келесі жылы электр сымдары жүргізіліп, жарықшамдар орнатылады. Жалағаш кентін аяқ сумен қамтамасыз ету үшін 3 жерге насостар қойылады.Тұрғындар үшін тағы бір қуанышты жаңалық Жалағаш кентіндегі теміржол арқылы өтетін жаяу жүргіншілерге арналған аспалы көпір құрылысының мемлекеттік сатып алу конкурсы өтуде. Келесі жылы құрылыс жұмыстары басталатын болады.Аудан әкімінің Жалағаш кенті тұрғындарымен кездесу барысында Қартаңбай Алмұратов Б.Сопбеков көшесінің архитектурасы туралы ұсыныс білдірсе, Бақытбек Жүргенбаев кадр мәселесінің өзекті екенін айтты. Кент тұрғыны, медицина саласының ардагері Қанымкүл Шаханова аудан әкімінің жұмысына оң бағасын білдіріп, алдағы жұмысына сәттілік тіледі. Ал теміржол саласының ардагері Үрліхан Әбдіғаппарова кенттегі жасөспірімдер арасындағы қоғамдық тәртіп бұзушылық туралы, Базарбай Наурызбаев Ақсу жолына газель көлігін жүргізу туралы, Айдос Еспанов ауданның бюджеті, кәсіпкерлік саласы, кәріз жүйесіне қатысты сұрақтар қойды.Асқарбек Есжанов барлық сұрақ қоюшыларға заңдылыққа сәйкес жауап берді. Тиісті бөлім, мекеме басшыларына нақты тапсырма беріп, өзінің тікелей бақылауында болатынын айтты. Кадр мәселесіне қатысты сұраққа ұсынысты зерттеп зерделейтінін, жасөспірімдер арасындағы құқық бұзушылыққа қатысты сұраққа аудандық полиция бөлімінің бастығы Талғат Лекеровке аудан көлемінде құқық бұзушылықтың орын алмауын қатаң бақылауға алуды тапсырды. Ақсу ауылына газель көлігін жүргізу мәселесіне қатысты сұраққа аудан әкімдігінің құзырына кірмейтінін, дегенмен жеке кәсіпкерге өтініш айтып, мәселені шешу бағытында жұмыстар жүргізілетінін айтты. Ал бірқатар тұрғындардың көкейіндегі негізгі мәселе мал жайылымы, кенттегі тазалық жұмыстарына қатысты әрбір адам тазалықты өзінен бастау керек екендігін, сыртқа қоқыс тастамай, арнайы мекемемен келісім-шартқа отырып, қоқыс жәшігін қойдыру қажеттігін айтты.Кәріз жүйесі туралы сұраққа аудан әкімі Асқарбек Есжанов кәріз жүйесі тек қана медициналық мекемелерге ғана емес, орталықтандырылған кәріз жүйесін аудан тұрғындары да пайдалану үшін жұмыстар жүргізіліп жатқандығын айтты. &nbsp;<img src="https://knadmin.beoblood.kz/uploads/14_91901bcb35.jpg" alt="14.jpg"><img src="https://knadmin.beoblood.kz/uploads/15_ce0fb37a43.jpg" alt="15.jpg"><img src="https://knadmin.beoblood.kz/uploads/12_9c6d2e4c97.jpg" alt="12.jpg">

Аудан әкімі Жалағаш кентінің даму жоспарымен бөлісті

Kyzylorda-news.kz. Бүгін ҚР Премьер-Министрі Әлихан Смайыловтың төрағалығымен өткен Үкімет отырысында «Жайлы мектеп» ұлттық жобасын іске асыру мен көші-қон саясатын жүргізу мәселелері қаралды.Оқу-ағарту министрі Асхат Аймағамбетов Ұлттық жоба мектеп инфрақұрылымын жаңғырту үшін әзірленгенін айтты. Оның аясында 842 мың оқушыға арналған жаңа форматтағы оқу орындарының ауқымды құрылысы көзделген. Жоба шеңберінде Қызылорда өңірінде 15100 орынға арналған жаңа 21 мектеп салынады.Жаңа мектептер қажетті оқу жабдықтарымен, түрлі пәндік кабинеттермен, бейнебақылау және дыбыстық хабарлау жүйелерімен, балаларға арналған жеке сөрелермен толық жабдықталатын болады. Ғимараттары ауылда да, қалада да бірыңғай стандарт бойынша салынады.Премьер-Министр 2023-2025 жылдары елімізде 401 жайлы мектеп салу жоспарланғанын айтты және Оқу-ағарту министрлігіне мүдделі мемлекеттік органдармен және әкімдіктермен бірлесіп, жобадағы іс-шаралардың уақытылы орындалуын қамтамасыз етуді тапсырды. Жиында елге келген қандастарға қолдау көрсету мен жұмыс күшінің тапшылығы бар солтүстік өңірлерге қоныс аудару мәселесі де талқыланды.Үкімет тапсырмаларын орындау бойынша Нұрлыбек Машбекұлы жиын өткізіп, жауапты сала басшыларына жобада көзделген мектептердің сапалы әрі ыңғайлы болуына баса назар аудару қажет екенін алға тартты.- Мемлекет басшысы ауылдық елді-мекендерді дамытуға жеткілікті деңгейде мән беруді тапсырды. Бұл ретте ауылдық аймақтарды дамытудың 2023-2027 жылдарға арналған тұжырымдамасын бекіту туралы Жарлыққа қол қойды. Біз Президент тапсырмасы аясында ауылды көркейтудің бірнеше сатылы жоспарына сай жұмыс жүргізуге тиіспіз. Ауыл халқына ең бірінші кезекте қажетті инфрақұрылымды тарту яғни газ, ауыз су, жарық, жол мәселесі, әлеуметтік бағытта мектеп, амбулатория нысандарын салу - бірінші кезекте шешімін табуы тиіс. Ал, "Жайлы мектеп" жобасы аясында өңірде 21 мектеп салынады. Оның 8-і Қызылорда қаласында, қалғандары – ауылдық елді мекендерде. Мектеп құрылысын салар уақытта ең әуелі орналасқан орнына ерекше мән беру керек, міндетті түрде халыққа қолайлы және балаларға ыңғайлы болуы тиіс. Денсаулық сақтау саласында жаңадан бой көтеретін 27 нысанды салу кезінде де, жердің халыққа қолайлы жағын қарастыруымыз қажет. Құрылыс басқармасы қала, аудан әкімдіктерімен бірлесіп, тиімді шешім қабылдаңыздар,- деді.Жиын барысында Нұрлыбек Нәлібаев қысқы маусым кезінде тұрғындар тарапынан жиі көтерілетін көмір мәселесіне тоқталып, әрбір ауданда және қалада орналасқан көмір қоймаларында қордың жеткілікті болуын қамтамасыз етуді, жылу және жарық мәселесінде ақауларды болдырмау қажеттігін ескертті. Қызылорда қаласындағы Арай 3 мөлтек ауданындағы ауыз су сапасына қатысты жиі шағым түсетінін алға тартып, бұл мәселенің түпкілікті шешімін табу қажет екенін тілге тиек етті.Тіршілікті қамтамасыз ету салаларындағы мәселелер ұдайы бақылауда болады және бұл бағыттағы жұмыстарды үйлестіру салаға жетекшілік ететін орынбасары М.Жайымбетовке жүктелді.<img src="https://knadmin.beoblood.kz/uploads/FB_IMG_1669714598719_06c0993d6e.jpg" alt="FB_IMG_1669714598719.jpg"><img src="https://knadmin.beoblood.kz/uploads/FB_IMG_1669714608904_5b05f4a2dc.jpg" alt="FB_IMG_1669714608904.jpg"><img src="https://knadmin.beoblood.kz/uploads/FB_IMG_1669714603147_11dbe13609.jpg" alt="FB_IMG_1669714603147.jpg">

Үкімет отырысында «Жайлы мектеп» ұлттық жобасын іске асыру мәселелері қаралды

<a href="https://kyzylorda-news.kz/">Kyzylorda-news.kz.</a> Бүгін Қазақстан халқы Ассамблеясының Этножурналистика саласындағы «Шаңырақ» республикалық шығармашылық байқауының жеңімпаздарын марапаттау рәсімі өтті. Байқауда қызылордалық журналист Нұрлан Жақыпбек марапатталды, Бұл туралы Қазақстан халқы Ассамблеясының баспасөз қызметі хабарлады.Байқаудың мақсаты – дарынды журналистерді анықтап, олардың қоғамдық келісім мен бірлікті нығайтуға және қазақстандық этножурналистика саласын дамытуға қосқан үлесі үшін ынталандыру.Байқау барысында Қазақстан халқы Ассамблеясының қызметін жариялап, беделін арттыратын, қоғамдық келісім мен жалпыұлттық бірлік саласындағы мемлекеттік саясатты кеңінен насихаттайтын, мемлекеттік тілдің қызмет аясын кеңейтуге және жас ұрпақты қазақстандық патриотизм рухында тәрбиелеуге бағытталған үздік авторлар іріктелді.Салтанатты шарада республикалық «Хабар 24» телеарнасының Қызылордадағы меншікті тілшісі, Қызылорда облыстық Қазақстан халқы ассамблеясының жанындағы Журналистер мен сарапшылар клубының мүшесі Жақыпбеков Нұрлан Жаңақұлұлы жүлделі II орынды иеленді. Мәртебелі марапатыңыз құтты болсын! Биік белестерге жете беріңіз!<figure class="image"><img src="https://knadmin.beoblood.kz/uploads/317363974_3368218176830672_5997214118382917926_n_30582b18fa.jpg" alt="317363974_3368218176830672_5997214118382917926_n.jpg"></figure><figure class="image image_resized" style="width:75%;"><img src="https://knadmin.beoblood.kz/uploads/316834757_3368218086830681_8316667523185528258_n_8ddc46461e.jpg" alt="316834757_3368218086830681_8316667523185528258_n.jpg"></figure>

Этножурналистика саласындағы «Шаңырақ» байқауының үздіктері анықталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 1-31 желтоқсан аралығында «Киік» кең ауқымды табиғатты қорғау акциясы өткізіледі. Шара күшейтілген режимде құқық қорғау органдарының тікелей қатысуымен жүргізіледі. Бұл жөнінде Өңірлік коммуникациялар қызметінде өткен брифингте «Охотзоопром ӨБ» РМҚК-ның Қызылорда өңірлік филиалының басшысы Расул Маханов хабарлады.Акцияның негізгі мақсаты – киіктерге рұқсатсыз броконьерлік жасауға және басқа да жануарларды заңсыз аулаудың алдын алуға бағытталады.&nbsp;<blockquote>«Өздеріңізге белгілі, киік аңы жойылып кету қауіпі төнген жануарлар қатарына кіреді. Жалпы қыс мезгілінде киіктер біздің облыс аумағында көбейеді. Сол себепті, бір ай көлемінде киіктерді және табиғатты қорғау жұмыстары күшейтілген түрде жүргізілетін болады. Аталмыш шара еліміздің 12 облысында да ұйымдастырылады. Атап айтқанда, Ақмола, Ақтөбе, Атырау, Жамбыл, Батыс Қазақстан, Шығыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстарының аумақтарында жүргізілетін болады. Биыл жүргізілген арнайы санақтың нәтижесінде, елімізде қоныстанған киік саны 1 млн 318 мың басқа көбейген. Ал біздің аймақтың солтүстік-шығыс беткейіндегі қарақұм деп аталатын далалық аумағына былтыр 30 мыңға жуық киік қоныстанған», - деді Расул Маханов.</blockquote>«Киік» кең ауқымды акция барысында Қызылорда-Ақтөбе, Қызылорда-Жезқазған және Қызылорда-Түркістан бағытындағы жолдарға мобильдік топтар мен арнайы бекеттер жұмыс істейтін болады.Айта кетейік, «Охотзоопром» ӨБ» РМҚК Кызылорда өңірлік филиалы қызметкерлерімен табиғатты қорғау шаралары бойынша заң бұзушылық деректерін анықтау мақсатында рейдтік жұмыстарын жүргізілді. Мәселен, Қызылорда облыстық полиция департаментінің ЖПҚ ТҚПб-нің қызметкерлерімен - 34 бірлескен рейдтік іс-шаралар, Қызылорда облыстық Орман шаруашылығы және жануарлар дүниесі аумақтық испекциясының мамандарымен – 19 бірлескен іс-шаралар атқарылды.&nbsp;<figure class="image"><img src="https://knadmin.beoblood.kz/uploads/317479141_1676831719379000_7291394080111672177_n_2e7fb28d51.jpg" alt="317479141_1676831719379000_7291394080111672177_n.jpg"></figure>

Қызылордада «Киік» табиғатты қорғау акциясы өтеді

<a href="https://kyzylorda-news.kz/">Kyzylorda-news.kz.</a>&nbsp;Бүгін «Әйелдерге қатысты тұрмыстық зорлық-зомбылықсыз 16 күн» акциясы аясында отбасылық құндылықтарды насихаттау мақсатында М.Мәметова атындағы Қызылорда педагогикалық жоғары колледжінің студенттерімен жиын өткізілді.&nbsp;Кездесуде жасөспірімдерге қатысты зорлық-зомбылықтың алдын алу мақсатында мағлұматтар беріліп, отбасындағы әйелдерге қатысты тұрмыстық зорлық-зомбылық алдын алу, жолын кесу және де жалпы отбасындағы құндылықтар бойынша түсіндірме жұмыстары жүргізілді.&nbsp;<blockquote>«Бүгінде барша әлем елдерінде белең алған тұрмыстық заң бұзушылық біздің елімізде де өзекті мәселелердің бірі болып келеді. Тұрмыста жапа шегетіндер негізінен әйел адамдар болғандықтан, негізгі мақсат әйелдерге қатысты зорлық-зомбылықтың алдын алу, бала мен ананы қорғау, отбасының қоғамдағы рөлінің нығаюы үшін қолданылатын шаралармен тұрғындарды таныстыру. Әйелдерге, қыз балаларға қатысты құқық бұзушылық, оның ішінде зорлық зомбылық фактілеріне тап болсаңыз, куәгер болсаңыз, сіз өзіңіз тұратын мекенжайыңызға қарасты учаскелік пунктіне немесе дереу сенім телефоны «102» арнасына хабарласа аласыз», - деді Қызылорда қаласы Полиция басқармасы ювеналды полиция бөлімінің учаскелік полиция инспекторы, полиция аға лейтенанты Рахымжан Жұмаділдаев.&nbsp;</blockquote>Қатысушыларды психологиялық қолдау мақсатында колледж психологы Н.Жүрсінбек семинар-тренинг жүргізді. Семинарымыз «Құбыр ойыны», «Үй, адам, ағаш» деп аталатын жаттығулармен қорытындыланды. Кездесу соңында студенттер тарапынан өздерін толғандырған сұрақтар қойылып, арнайы дайындалған флешмобты тамашалады.<img src="https://knadmin.beoblood.kz/uploads/316814752_1329083264567773_86098901355559881_n_fbad1aea17.jpg" alt="316814752_1329083264567773_86098901355559881_n.jpg">

Рахымжан Жұмаділдаев: Мақсат - әйелдерге қатысты зорлық-зомбылықтың алдын алу

Kyzylorda-news.kz. &nbsp;А.Тоқмағамбетов атындағы мәдениет үйінде өткен жиынға келген халыққа атқарылған жұмыстар мен алдағы жоспарлар жайы арнайы әзірленген ақпараттық слайдтар арқылы таныстырылды.​Жыл бедерінде ауқымды шаруалар атқарылды. Барлық салада ілгерілеушілік бар, оны экономикалық көрсеткіштердің өсімінен байқауға болады. Әлеуметтің әлеуеті де айтарлықтай артып, тұрмыс-тіршілік түзеле бастады.​Дегенмен, қала халқын пәтер кезегі мен шет аймақтағы жаяу жүргіншілер жолдарының жай-күйі алаңдатады. Сұрақ-жауап форматындағы кездесуде әңгіме барысы осы бағытта өрбіді. ​Биыл қалада жол құрылысы қарқын алды. Яғни, 3,1 млрд. теңгеге 51 көшеге орташа жол жөндеу жұмыстары жүргізіліп, асфальт төселді. Жаяу жүргіншілер жолдары мен жарықтандыру қатар жүріп, тұрғындардың талап-тілектері орындалды. &nbsp;​Облыс әкімінің тікелей қолдауымен үлкен сыйымдылықтағы жаңа 150 дана автобустың қазір 82-сі келіп, қалаішілік бағыттарға қосылды. Осылайша қоғамдық көлік қатынасы жақсара бастады. Жоспар бойынша қалған автобустар жыл соңына дейін облыс орталығына жеткізіледі.​Қала халқын көгілдір отынмен қамтуда маңызды шаралар қолға алынды. Атап айтар болсақ, Ақсуат ауылдық округіне жыл соңына дейін көгілдір отын беріледі. Басталған жобадағы жұмыстар бүгінде қарқынды жүргізілуде. Сонымен қатар, келер жылы Қосшыңырау елді мекенінде де газдандыру жобасы басталады. Оған республикалық бюджеттен қомақты қаржы қаралып отыр.​«Балалар жылы» аясында аймақ басшысының бастамасымен, кәсіпкерлердің өз қаражаты есебінен қала көлемінде 50 ойын және спорттық алаңы салынды. Бұл бағыттағы жұмыстар келер жылы да жалғасын табатын болады.​Биыл облыстық бюджеттен бөлінген 1 млрд. 285 млн. теңгеге 90 пәтерлі 2 көпқабатты тұрғын үй көпбалалы отбасыларға табысталды. Ал, жыл аяғына дейін сол жағалаудан 50 пәтерлі арендалық 1 тұрғын үй беріліп, СПМК-70 тұрғын ауданынан құны 7 млрд. 472 млн. теңгеге 50 пәтерлі 10 тұрғын үйдің құрылысы аяқталады.​Келер жылы сол жағалаудан 84 пәтерлі 7 қабатты 6 тұрғын үйдің салынуы жоспарланып отыр. Жобаның құны – 10 млрд. теңге. Оған қоса, қазан айынан бастау алған 8 млрд. 510 млн. теңгеге 470 пәтерлі 10 тұрғын үйдің құрылысы жүргізілуде. Бұл үйлер де келер жылы халық игілігіне беріледі.​«Жайлы мектеп» жобасы аясында 2023-2025 жылдар аралығында қаладан 8 мектептің құрылысын жүргізу жоспарда бар. Қазіргі таңда, мектептің орындары белгіленіп, тиісті құжаттары рәсімделуде.​Келер жылы қала және қалаға қарасты елді мекендердің көшелерін жөндеу, ауыз су мен кәріз су жүйелерін жаңғырту, инженерлік-коммуникациялық инфрақұрылымды дамыту секілді жұмыстарға республика мен облыстық бюджеттен 5,6 млрд. теңгенің жобалары қолдау тапты.​Бұл кездесуде өзекті &nbsp;мәселелер бүкпесіз ашық айтылды. Барлық ұсыныс хаттамаға енгізілді. Жүздесуден кейін шаһар басшысы Асылбек Шаменов тұрғындарды жеке мәселелері бойынша қабылдады. Қабылдауға келгендердің талап-тілектері тыңдалып, оларға нақты жауаптар берілді.&nbsp;<img src="https://knadmin.beoblood.kz/uploads/FB_IMG_1669711618550_cd3e97dce6.jpg" alt="FB_IMG_1669711618550.jpg"><img src="https://knadmin.beoblood.kz/uploads/FB_IMG_1669711615139_abe71dfb24.jpg" alt="FB_IMG_1669711615139.jpg">

Бүгін шаһар басшысы Асылбек Шаменов қала тұрғындарымен кездесті

Kyzylorda-news.kz. &nbsp;Қызылордада зорлық-зомбылыққа қарсылық білдіру акциясы жалғасты. Акцияға облыстық «SENIM» Денсаулық сақтау жүйесі жұмыскерлері салалық кәсіподағының белсенділерімен қатар облыстық кәсіподақтардың еңбеккер әйелдер комиссиясы мүшелері үн қосты.Акцияға үн қосу отырысында облыстық кәсіподақтың облыстық филиалы жанындағы әйелдер ісі жөніндегі комиссия мүшесі Гүлжан Абсатова «Әйелдерге қатысты зорлық-зомбылықсыз 16 күн» акциясының өткізілу мақсаты мен оны қолдау шаралары туралы әңгімеледі. Халықаралық еңбек ұйымының «Еңбек саласында зорлық- зомбылық пен алымсақтықты жою туралы» №190 Конвенциясын ратификациялауға жәрдемдесу мен зорлық-зомбылықты жоюдың құқықтық негіздерін нығайту мәселері туралы аумақтық кәсіподақтар бірлестігінің еңбеккер әйелдер ісі жөніндегі комиссия төрайымы Майра Боранбаева сөз қозғады.&nbsp;<blockquote>«2022 жылы акция тақырыбы: "Әйелдер мен қыздарға қатысты зорлық-зомбылықты бірге жояйық!» тақырыбында өтуде. Еңбек заңнамаларын қолдану тәжірибесінде жұмыс берушілер тарапынан әйелдерге қатысты заң талаптарын бұзушылықты еңбек саласындағы зорлық-зомбылық деп қарастыруға болады. Психологиялық қысым жасау, заңды кепілдіктерді орындамау сияқты келеңсіздіктерді болдырмауда, адам құқығы мен еңбек заңнамасының сақталуын, ұжым мүшелерінің әлеуметтік ахуалын қоғамдық бақылауда кәсіподақтар белсенділік танытуымыз қажет» деп пікірін білдірді комиссия төрайымы.&nbsp;</blockquote>&nbsp;Қызылорда қаласы Полициясының әйелдерді зорлық зомбылықтан қорғау тобы инспекторы Алмара Түйешиева аймақта құқық қорғау органдарымен әйелдерді зорлық зомбылықтан қорғау мақсатында атқарылып жатқан жұмыстар барысынан хабардар етті.&nbsp;&nbsp;Отырысқа қатысушылар тұрмыстық зорлық-зомбылық түрлерінің халықаралық жіктемесімен, оның алдын алу себептері мен шараларымен, өзекті мәселелермен және осы бағыттағы заңнаманы реформалау жөніндегі қоғамда қалыптасқан ұсынымдарды талқылады. Кәсіподақ белсенділері зорлық-зомбылыққа қарсылық білдіруге үндеулерін қағаз беттеріне түсіріп, барша ұйымдарды зорлық-зомбылыққа мүлдем төзбеушілік мәдениетін қалыптастыруға шақырды.<img src="https://knadmin.beoblood.kz/uploads/FB_IMG_1669711133234_48d43e5f79.jpg" alt="FB_IMG_1669711133234.jpg">

Қызылордада зорлық-зомбылыққа қарсылық білдіру акциясы жалғасуда 

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша Мемлекеттік кірістер басқармасының ұйымдастыруымен жеке тұлғалардың мүлік, жер және көлік салықтары бойынша берешегін өндіру мәселелері туралы дөңгелек үстел өтті.Дөңгелек үстел басында облыстық Мемлекеттік кірістер департаменті, облыстық Әділет департаменті, Қызылорда қалалық прокуратурасы, әкімшілік полиция басқармасы мен облыстық жеке сот орындаушыларының өңірлік палатасының өкілдері және жеке сот орындаушылары жиналды.Басқосуды Басқарма басшысы Берік Ниеталиев ашып, мерзімінде төленбеген жеке тұлғалардың салық берешектерін өндіру мәселесіне тоқталды.Жиын барысында басқарма басшысының орынбасары Еркебұлан Әбдікеров баяндама жасап, жеке сот орындаушылар тыйым салынған мүлiкті алып қоюды жүргізуге немесе борышкердің тыйым салынған мүлiкті пайдалану жөніндегі құқықтарын шектеуге құқылы екендігін атап өтті.Дөңгелек үстелге жиналғандар ағымдағы жылғы 28 қараша мен 20 желтоқсан аралығында көлік салығы бойынша борышкерлердің берешегін өндіру мақсатында автокөліктерінің қозғалысын шектеп, айыппұл тұрағына қою бойынша бірлескен рейдтер жүргізуге уағдаласты. &nbsp;<figure class="image"><img src="https://knadmin.beoblood.kz/uploads/10_9351672053.jpg" alt="10.jpg"></figure><figure class="image"><img src="https://knadmin.beoblood.kz/uploads/11_a69327f41c.jpg" alt="11.jpg"></figure>

Қызылорда: Көлік салығының берешегін өндіру бойынша бірлескен рейдтер өткізіледі

<a href="https://kyzylorda-news.kz/">Kyzylorda-news.kz.</a> Қармақшы ауданының диқан-механизаторларының биылғы егін жинау маусымындағы еселі еңбегінің жемісін қорытындылауға арналған сабантой мерекесі ауыл шаруашылығы саласының білікті маманы Нұрлан Іздібаев басқаратын «Ақтөбе и К» жауапкершілігі шектеулі серіктестігінде жалғасты.Ақтөбе ауылдық клуб үйінде өткен сабантой мерекесінде алғашқы сөзді алған аудан әкімінің орынбасары Біржан Далабаев пен аудандық мәслихат хатшысы Әділ Қошалақов мерекелік жиынға жиналған жұртшылықты сабантой мерекесімен құттықтап, аудан тұрғындары әлеуетін арттыруда атқарылған игі істерді баяндап, алдағы уақытқа мақсатталған жобаларды саралады. Сонымен қатар шаруашылықтың еңбек ардагерлері Сапарбек Елемесовке, Мырзабек Сұмағұловқа, Мирхан Белесов пен Сейілхан Әбдірахмановқа ауданымыздың бас марапаты – құрмет грамотасын тапсырды.Ал шаруашылық директоры Нұрлан Іздібаев шаруашылықтың диқан-механизаторларының ерте көктемнен бастап, шіліңгір шілденің аптап ыстығында да, қоңыр күздің салқынды күндерінде де аянбай тер төге еткен еңбектеріне ризашылығын білдірді. Өз кезегінде шаруашылық осындай еңбектің арқасында 1 900 гектар егістік алқапқа орналастырған күріштен 136 780 центнер өнім жинап, облыс бойынша «Озат егін шаруашылығы» номинациясы иегері атанды.Жиында Қаршыға Есдәулетов, Аманжол Жакенов, Сұлтанбек Ботабаев, Қуаныш Елдесбаев сынды ардақты ағаларға қазақы дәстүрмен шапан жауып, құрмет көрсетті. Сондай-ақ, шаруашылықта ұзақ жыл еңбек етіп, жастарға үлгі көрсеткен Жұмабек Нұржанов ағамыздың зейнеткерлік демалысқа шығуына байланысты оған да ілтипат жасап, құрметтеді.Салтанатты жиында №109 орта мектеп, «Перизат» балабақшасы мен спорт мектебі ұжымдары да шаруашылықтың алғысына бөленді.Сабантой мерекесі одан әрі шаруашылық директоры Нұрлан Іздібаевтың ұжымда еңбек ететін диқан-механизаторлардың егін жинаудағы еңбектерін еселеуге арналды. Алдымен сахна төріне үздік күріш сушыларын шақырып, оның ішінде өзіне бекітілген 54 гектар күріштік алқаптың әр гектарынан 85,97 центнерден өнім алған №1 егіс бригадасының сушысы Қайрат Отарбаевқа І дәрежелі диплом, сыйлыққа теледидар мен 656 мың теңгенің сертификатын тапсырды. Сонымен бірге ІІ және ІІІ орынға көтерілген диқандарға да сый-құрмет жасалды.Одан әрі жаткашылар арасында 688 гектар күрішті дестелеген №4 егіс бригадасының жаткисті Ғалымжан Жақсылықов І дәрежелі диплом мен сый-сияпат алды. Марапатталушылар қатарында №1 бригада комбайнері Ербол Наурызбаев, тасымалдаушылар арасында №1 бригада МТЗ тракторының жүргізушісі Нұрлан Ақболатов жеңімпаздар көшінен табылып, сый- құрметке ие болды. Ал егін жинау науқанында үздік көрсеткішке қол жеткізген бригадалар арасында өздеріне бекітіліп берілген 486 гектардың әр гектарынан 71,20 центнерден өнім жинаған Болат Мәкенов басшылық ететін №2 егіс бригадасы шаруашылық тағайындаған 2 млн теңгенің сертификатына ие болса, Бақытжан Әбілқайыров, Бақытбек Мұнарбаев, Мейірбек Аманбалаев басшылық ететін бригадалар да сыйлықтан құр қалмады.Мерекелік іс-шарада жоғарыда есімдері аталған үздіктерден басқа егінжай ерлері теледидар, газ плитасы, кір машина, кілем, шаңсорғыш пен қысқа толқынды пеш, шифонер, диван сынды тұрмысқа қажетті үй жабдықтарына ие болды.Тағы бір айта кетерлік жайт, мерекелік жиында ауыл жастары арасында ұлттық спорт ойындарынан жарыс ұйымдастырылды. Нақтысын айтқанда, қазақ күресінен 32 келіден жоғары салмақтағы балғын балуандар белдесуінде Дәулет Тұрақов жеңімпаз атанса, ІІ және ІІІ орындарға Нұрсейіт Төребек пен Ернұр Саятбек көтерілді. 32 келіден төменгілер арасында белдесуде Мақсат Қойтан жеңімпаз болса, ІІ орынды Бағдат Нұрымұлы, ІІІ орынды Мұхаммедәли Русланұлы иемденді.Ал 24 келілік гір тасын 23 рет аспандатқан Нұржан Айтуғанов І орынға, қалған жүлделі орындарға Орынбасар Тәтиев пен Нұржан Нұрланұлы көтерілді. Арқан тартыста ауылдың 1979 жылы туған жігіттері барлығынан басым болып, шаруашылық тағайындаған сыйлыққа ие болды.Мерекелік жиында қонақтар мен шаруашылық еңбеккерлеріне арнап, Ақжар, Ақтөбе ауылы өнерпаздары ән мен жырдан шашу шашса, шаруашылық басшысы Нұрлан Іздібаев өзінің тебіренте салған әсем әнімен мерекелік іс-шараның шымылдығын жапты. &nbsp;<figure class="image"><img src="https://knadmin.beoblood.kz/uploads/7_2ee22fc48d.jpg" alt="7.jpg"></figure>

Диқан-механизаторларының еңбегінің жемісін қорытындылауға арналған сабантой мерекесі өтті

<a href="https://kyzylorda-news.kz/">Kyzylorda-news.kz.</a>&nbsp; Медициналық және фармацевтикалық қызметті бақылау комитетінің Қызылорда облысы бойынша департаментінің басшысы Ғалия Байменова облыстық партия филиалының қоғамдық қабылдау бөлмесінде азаматтарды қабылдады.&nbsp;Қабылдау барысында азаматтар дәріханалардағы дәрі-дәрмектер бағасы, дәріхана қызметкерлерінің этика нормаларын сақтауы сонымен қатар аяжандардың санаттары (категория) бойынша мәселе көтерді.&nbsp;Департамент басшысы келушілердің сұрақтары бойынша түсіндірме жұмыстарын жүргізді.&nbsp;<blockquote>«Бағаның шекті мәнін «Дәрі.кз» сайтына кіріп, анықтауға болады. Ешбір дәріхана ҚР ДСМ бұйырығы негізінде бекітілген шекті бағадан асыра алмайды. Егер ондай заң бұзушылықтар анықталған жағдайда 23-40-36 телефон нөміріне хабарласып, департаментке шағымдану мүмкіндігі бар екендігін атап өтті.Ал аяжандардың санаттарына қатысты бөліністер ҚР «Халық денсаулығы және денсаулық сақтау жүйесі» Кодексінде 2020 жылғы 20 желтоқсанда енгізілген өзгерістер негізінде алынып тасталған. Аяжандар тек сертификатталуы міндеттелуіне орай санаттық бөлініс заңда көзделмеген,- деді Қызылорда облысы бойынша департаментінің басшысы Ғалия Байменова.</blockquote><figure class="image"><img src="https://knadmin.beoblood.kz/uploads/316029855_518691616963146_455864590138470756_n_08af6c8dac.jpg" alt="316029855_518691616963146_455864590138470756_n.jpg"></figure>&nbsp;<figure class="image"><img src="https://knadmin.beoblood.kz/uploads/317377934_518691653629809_5774783896201619335_n_8e57504623.jpg" alt="317377934_518691653629809_5774783896201619335_n.jpg"></figure>

Қазақстан және Қызылорда облысының жаңалықтары