<a href="https://kyzylorda-news.kz/">Kyzylorda-news.kz.&nbsp;</a> Мемлекет басшысы «Қазақстан Республикасының Тұңғыш Президенті – Елбасы туралы» Қазақстан Республикасы Конституциялық заңының күшi жойылды деп тану туралы» Қазақстан Республикасының Конституциялық заңына қол қойды, деп хабарлайды <a href="https://akorda.kz/kz/memleket-basshysy-kazakstan-respublikasynyn-tungysh-prezidenti-elbasy-turaly-kazakstan-respublikasy-konstituciyalyk-zanynyn-kushi-zhoyyldy-dep-tanu-turaly-kazakstan-respublikasynyn-konstituciyalyk-zanyna-kol-koydy-1512142">Ақорда</a>.Конституциялық заңның мәтіні баспасөзде жарияланды.Айта кетейік, бұған дейін 13 қаңтарда ҚР Парламенті палаталарының бірлескен отырысында «ҚР Тұңғыш Президенті – Елбасы туралы» Конституциялық заңның күшi жойылды деп тану туралы» Конституциялық заң <a href="https://www.inform.kz/kz/parlament-elbasy-turaly-kuzhattyn-kushin-zhoyatyn-konstituciyalyk-zandy-kabyldady_a4023081">қабылданған</a> болатын.<blockquote>«Атап айтқанда, Конституцияға енгізілген түзетулерге сәйкес Қазақстан Республикасы Тұңғыш Президентінің мәртебесі мен өкілеттігі Республика Конституциясымен және конституциялық заңмен айқындалады деген норманы көздейтін Конституцияның 46-бабы 4-тармағы алынып тасталды. Осыған орай, құқықтық негіздің жоқ екендігін ескере отырып, бұл заң жобасымен Конституциялық заңның күшін жою көзделеді», - деген еді Мәжілістің заңнама және сот-құқықтық реформа комитетінің төрағасы Арман Қожахметов.</blockquote>

Тұңғыш Президент туралы заңның күші жойылды

<a href="https://kyzylorda-news.kz/">Kyzylorda-news.kz.</a>&nbsp; Бүгін облыстық білім басқармасының басшысы Мейрамбек Шермағанбет жалпы білім беретін пәндер бойынша республикалық олимпиадасының облыстық кезеңінің өткізілу барысымен танысты.Т. Есетов атындағы №264 мектеп-лицей базасында өтіп жатқан білім бәйгесінің облыстық кезеңі жаратылыстану-математика, қоғамдық-гуманитарлық бағыттардағы 13 пән бойынша ұйымдастырылуда. Оған облыс бойынша 426 оқушы қатысып, бақ сынауда.Басқарма басшысы жаратылыстану-математика бағытында өткізілген бүгінгі тестілеу жұмысымен танысып, оқушыларға сәттілік тіледі.<blockquote>«Олимпиаданың өткізілуі мен адалдықты қамтамасыз ету, бақылау мақсатында «Ақмешіт - Адалдық алаңы» жобалық кеңсесінің қызметкері, ата-аналар комитетінің өкілдері шақырылды. Айта кетейін, өткен жылы олимпиаданың облыстық кезеңіне 386 оқушы қатысып, 181 оқушы жүлделі орынға ие болған болатын. Биыл да осы көрсеткішіміз жоғары болады деген сенімдемін. Оқушыларға сәттілік тілеймін», - деді Мейрамбек Зинабдинұлы.</blockquote>Айта кетейік, білім бәсекесі 13-18 ақпан күндері аралығында өтеді. Олимпиаданың өткізілу барысы тікелей эфир арқылы YouTube желісінен қадағаланып, «1 оқушы - 1 компьютер - 1 камера» қағидасы бойынша «Ел үміті» платформасы арқылы жүргізілуде.

Республикалық олимпиаданың облыстық кезеңіне 426 оқушы қатысып жатыр

<a href="https://kyzylorda-news.kz/">Kyzylorda-news.kz.&nbsp;</a> Бүгін Қазақстан Республикасы Президентінің Кеңесшісі Мәлік Отарбаев Қызылорда облысына жұмыс сапарымен келді. Өңірге сапары аясында Мәлік Нұржанұлы бірқатар нысанның жұмысымен танысып, облыс әкімі Нұрлыбек Нәлібаевпен кездесті.Аймақ басшысымен кездесуде облыстың әлеуметік-экономикалық дамуы, оның ішінде ақпараттық саясатты жүзеге асыру мен өзге де әлеуметтік мәселелер талқыланды.Мемлекет басшысының кеңесшісі Қызылорда облысының басты медиахолдингі – «Сыр медиа» ЖШС жұмысымен танысып, БАҚ өкілдерімен кездесті. Журналистермен елдегі саяси, экономикалық, әлеуметтік реформалардың бағыт-бағдары туралы пікір алмасты.Әрі қарай Мәлік Отарбаев Ә.Тәжібаев атындағы облыстық әмбебап ғылыми кітапханасын аралап, шығармашылық және зиялы қауым өкілдерімен пікірлесті.Бұдан әрі Президент кеңесшісі Қорқыт Ата атындағы Қызылорда университеті ғалымдарының ізденістерін, ғылыми-зерттеу жұмыстарын көрді, оқу орны музейін тамашалайды. Мұнан бөлек, кеңесшінің сапар бағдарламасында облыстық «Жастар ресурстық орталығы», «Достық үйі» және облыстық тарихи-өлкетану музейінің жұмысымен танысу бар.Ертең ҚР Президентінің кеңесшісі аудандарды аралап, ауыл тұрғындарымен кездеседі.

ҚР Президентінің Кеңесшісі Мәлік Отарбаев  облыс әкімімен кездесті

<a href="https://kyzylorda-news.kz/">Kyzylorda-news.kz.</a>&nbsp; Өткен аптадан бастап облысымыздың барлық аудандарында білім саласының қызметкерлері мен ата-аналардың «Отбасы - тәрбие бесігі» атты бірлескен көшпелі кеңестері өткізілді. Келелі кеңестің соңғы жиындары бүгін Жаңақорған, Шиелі, Сырдария аудандарында өткізіліп, қорытындыланды.Кеңеске арнайы облыстық білім басқармасының басшысы Мейрамбек Шермағанбет, аудан әкімдері, бала құқықтары жөніндегі өңірлік уәкіл Жапырақ Ұзақбаева, барлық аудан бойынша 1500-ге жуық ата-аналар мен 1000-ға жуық білім саласының қызметкерлері, ардагерлер, құқық қорғау органдардың және салалық бөлімдердің басшылары қатысты.Жиында әр ауданның жасөспірімдер арасындағы құқық бұзушылықтың алдын алу шаралары талқыланды.Кеңейтілген кеңестің күн тәртіптеріне сәйкес, білім бөлімінің басшылары білім беру ұйымдарында құқық бұзушылық пен зорлық-зомбылықтың алдын алу және бала қауіпсіздігін қамтамасыз ету мәселелері туралы айтса, аудандық полиция бөлімі бастықтары кәмелетке толмағандар арасында қылмыс пен құқық бұзушылықтың алдын алу шараларына байланысты хабарламалар жасады. Сонымен қатар әр аудандағы білім саласының ардагерлері бала тәрбиесіндегі ата-ананың рөліне тоқталып, бала құқығы жөніндегі өңірлік уәкіл Ж.Ұзақбаева баланың әлеуметтік қорғалуы туралы кеңесте ойын ортаға салды. Мұнан соң жиындарға арнайы қатысқан облыстық білім басқармасының басшысы М.Шермағанбет білім беру ұйымдарында құқық бұзушылық пен зорлық-зомбылықтың, суицидтің,кибербуллингтің алдын алу, болдырмау және бала қауіпсіздігін қамтамасыз ету бағытындағы бірқатар мәселелерге көтерді.Бірлескен кеңестердің қорытындысы бойынша басқарма басшысы білім бөлімдеріне тәрбие саласын жандандырып, жергілікті жерде жасөспірімдер арасындағы құқық бұзушылықтың алдын алу жұмыстарын күшейтуде бірқатар тапсырмалар берді.<figure class="image"><img src="https://knadmin.beoblood.kz/uploads/331054805_1251989328729940_2922921522777839896_n_40740a513e.jpg" alt="331054805_1251989328729940_2922921522777839896_n.jpg"></figure>

Тәрбие саласының бірлескен көшпелі кеңесі қорытындыланды

<a href="https://kyzylorda-news.kz/">Kyzylorda-news.kz.</a> Бүгін «Тағзым» алаңында батырлық пен қайсарлықтың үлгісін көрсетіп, қаһармандық танытқан, өздерінің Отан алдындағы парызына адал болған, Ауған соғысында қаза тапқан жауынгерлерді еске алу шарасы өтті.Шара барысында облыс әкімінің орынбасары Мархабат Жайымбетов, облыстық ардагерлер кеңесінің төрағасы Серік Дүйсенбаев және «Ерлік» үйлестіру кеңесінің төрағасы Қайраддин Баймаханов сөз алып, азаматтық борышын өтеу жолында қапыда қаза болған жауынгерлердің жарқын бейнесі ұрпақ жадында жаңғырып, ерліктің үлгісі болып қала беретінін атап өтті.Шара барысында батырлар рухына бас иіп, 1 минут үнсіздікпен еске алынды. Гүл шоқтары қойылып, құран бағышталды.<figure class="image"><img src="https://knadmin.beoblood.kz/uploads/image_15_02_23_11_46_d25c41f3dc.jpeg" alt="image-15-02-23-11-46.jpeg"></figure><figure class="image"><img src="https://knadmin.beoblood.kz/uploads/image_15_02_23_11_46_4_6a97312872.jpeg" alt="image-15-02-23-11-46-4.jpeg"></figure>

Кеңес әскерінің Ауған жерінен шығарылғанына 34 жыл толды

<a href="https://kyzylorda-news.kz/">Kyzylorda-news.kz. </a>Қызылорда облысының кәсіпкерлер палатасы Қызылорда қаласындағы «Әйелдер кәсіпкерлігін дамыту орталығының» 2021-2025 жылдарға арналған Ұлттық кәсіпкерлікті дамыту жобасы шеңберінде «Мен кәсіпкер» құралын пайдалана отырып, шағын және орта бизнес субъектілеріне және кәсіпкерлік бастамасы бар жеке тұлғаларға қызмет көрсетуге Қазақстан Республикасы азаматтарынан іріктеуге өтініш қабылдау басталғандығын хабарлайды.Міндеттері:&nbsp;• «Мен кәсіпкер» құралының шеңберінде қызмет алушылардың қажеттіліктерін зерделеу және қажет көмекті анықтау; • Кәсіпкер әйелдердің тәлімгерге қажеттілігін анықтау, Орталық аппаратқа өтінімді қалыптастырып жолдау; • Орталыққа жүгінген қызмет алушыларға кеңес беру, ең өзекті мәселелерін және қажеттіліктерін анықтау және сұраныстарын қалыптастыру. Сұраныстарға сәйкес мәліметтер қорын жүргізу; • Кәсіпкерлердің оқуға қажеттіліктерін анықтау, оқыту тақырыптары бойынша сұраныстарды жинақтау, оқытуға өтінімдерді қалыптастыру және Орталық аппаратқа жолдау; • «Бір ауыл – бір өнім» жобасын жүзеге асыруға атсалысу, Бренд-комитеттерінің жұмысына қатысу; • Құжаттарды дайындау (ақпараттық мақалалар, анықтамалар және басқа құжаттар); • Есептерді құрастыру және ұсыну; • Қызметтерді сатып алуға атсалысу.Іріктеуге қатысушыларға қойылатын талаптар:• заңгерлік немесе экономикалық жоғары білімнің болуы; • Кәсіпкерлікті қолдау және/немесе консультациялық қызметтер көрсету саласында және/немесе мемлекеттік бағдарламаларды іске асыру саласында кемінде 1 (бір) жыл жұмыс тәжірибесінің болуы; • Нормативтік құқықтық актілерді (ҚР Кәсіпкерлік Кодексі, "Қазақстан Республикасының Ұлттық Кәсіпкерлер палатасы туралы" ҚР Заңы және т. б.), сондай-ақ кәсіпкерлік қызметті реттейтін нормативтік құқықтық актілерді білу; • Бизнесті қолдау саласындағы мемлекеттік бағдарламаларды білу; • Сатып алуды жүзеге асыру тәртібін білу; • Мемлекеттік және орыс тілдерін меңгерген, іскерлік хат алмасу және келіссөздер жүргізу; • Дербес компьютермен толық жұмыс жасай білу, Internet, Microsoft Office – Word тәжірибелі пайдаланушысы; міндетті: сенімді Excel пайдаланушысы (Жиынтық кестелер, формулалар, сүзгілер, графиктер, диаграммалар); • Facebook, Instagram, "WhatsApp Messenger", "Telegram Messenger" әлеуметтік желілері мен мобильді қосымшаларын белсенді пайдалану;Іріктеуге қатысушылардың артықшылықтары: әйелдер қауымдастықтарында және үкіметтік емес ұйымдарда жұмыс тәжірибесінің болуы, іс-шараларды, форумдар мен конференцияларды ұйымдастыруда жұмыс істеу дағдылары, әлеуметтік желілер маркетингінде (SMM) тәжірибенің болуы.Қажетті құжаттар тізімі: • жеке куәліктің көшірмесі; • 2-Қосымшаға сәйкес нысан бойынша менеджер-кеңесшісі ретінде іріктеуге қатысуға өтінім; • "2021-2025 жылдарға арналған кәсіпкерлікті дамыту жөніндегі Ұлттық жоба" шеңберінде менеджер-кеңесшісін іріктеу тәртібіне 3-Қосымшаға сәйкес нысан бойынша ізденушінің сауалнамасы; • еңбек қызметін растайтын құжаттың көшірмесі (еңбек кітапшасы/еңбек шарты және/немесе техникалық ерекшелігі бар өтеулі қызмет көрсету шарты; • жоғары білім туралы дипломның көшірмесі;Өтінім нысанын, сауалнаманы және іріктеуге қатысу шарттарын (қаржылық емес қолдау шаралары туралы Ережеге сәйкес) Қызылорда облысы Кәсіпкерлер палатасының келесі мекен-жайы бойынша ақпарат алуға болады: Қызылорда қаласы, Қорқыт ата көшесі, №123, тел. 8 /7242/400981, &nbsp;қағаз жеткізгіште немесе электрондық пошта арқылы сұрау салу бойынша электрондық түрде n-finsupport.kzo@atameken.kz поштасына жіберуге болады, ӨКП-дағы байланыс тұлғалары: - Алушаева Асель Гайдуллаевна - кәсіпкерлікті қаржылай емес қолдау бөлімінің басшысы: 8 (7242) 400981,400202. - Шоникова Салтанат Болатбековна - кәсіпкерлікті қаржылай емес қолдау бөлімінің сарапшысы: 8 (7242) 400981,400202.Өтінімдер 2023 жылғы 22 ақпан сағат 18.00-ге дейін қабылданады.<figure class="image"><img src="https://knadmin.beoblood.kz/uploads/2_az_5944fae3b8.jpg" alt="2-қаз.jpg"></figure><figure class="image"><img src="https://knadmin.beoblood.kz/uploads/3_az_fdc298b672.jpg" alt="3-қаз.jpg"></figure><figure class="image"><img src="https://knadmin.beoblood.kz/uploads/4_az_f55dd94b30.jpg" alt="4-қаз.jpg"></figure>

Қызылорданың кәсіпкерлер палатасы «Мен кәсіпкер» жобасына маман іздейді

<a href="https://kyzylorda-news.kz/">Kyzylorda-news.kz.</a> Мемлекеттік қызметшілердің тәртіптік жауапкершілігі және қызметтік әдеп мәселелері жөніндегі заңнаманы жетілдіру мақсатында ҚР Президентінің 2022 жылғы 22 ақпандағы Жарлығымен ҚР Мемлекеттік қызметшілердің Әдеп кодексінің жаңа редакциясы бекітілген болатын.Қоғамда болып &nbsp;жатқан өзгерістер мен күнделікті өмірдегі жекелеген факторлар мемлекеттік басқару жүйесін жаңаша ұйымдастыру қажет екендігін ұғындырып отыр. Мемлекеттік басқаруды жаңаша ұйымдастыру –Жаңа Қазақстанды қалыптастыру жолындағы басты фактор болып табылады.Осыған байланысты қоғамның мемлекеттік органдарға деген сенім деңгейін арттырып, халықпен кері байланысты жақсарту бағытында жұмыстар атқарылуда.&nbsp;Осы тұрғыдан Әдеп кодексі қызметтік әдеп нормаларын дұрыс түсінуде және қолдануда ерекше маңызға ие. Мемлекеттік қызметшілердің қызметтік әдебі алты қағидатқа негізделген.Олар – адал ниеттілік, адалдық, әділдік, ашықтық, сыпайылық және клиентке бағдарланушылық. Мемлекеттік қызметшілер мемлекеттік қызметтің негізгі тұтынушысы саналатын халықтың талабына барынша икемді, жұртшылықпен жұмыс істеуге дайын болуы және өз жұмысының ашықтығын қамтамасыз етуі тиіс.Егер бұрынғы Әдеп кодексінде мемлекеттік қызметшілерге қойылатын моральдық-адамгершілік талаптар мен олардың мінез-құлқының негізгі қағидаттары бірге қаралып келген болса, жаңа редакцияда бұл олқылықтар жойылып, мемлекеттік қызметшіге қойылатын әдеп талаптары мемлекеттік қызметшінің қызметтік әдебіне қатысы жоқ ережелерден бөлек, өз алдына жеке қарастырылып отыр.&nbsp; Жаңа Әдеп кодексі ең алдымен қызметтік әдеп стандарттарын белгілеуге бағытталған және мемлекеттік қызметшілердің бойында моральдық-адамгершілік қасиеттерді орнықтырудың негізі болып табылады.&nbsp;Жалпы алғанда, негізгі өзгерістер осы бағыттарда болып отыр. Кодекске енгізілген түзетулер сервистік, ашық және халық үшін қолжетімді мемлекеттік аппараттың қалыптасуына ықпал етеді деп күтілуде.Әдеп кодексі халықтың мемлекеттік органдарға сенімін нығайтуға, мемлекеттік қызметте өзара қарым-қатынастың жоғары мәдениетін қалыптастыруға және мемлекеттік қызметшілердің әдепсіз мінез-құлық жағдайларының алдын алуға бағытталған. Бүгінгі күні мемлекеттік қызметшілердің әдебі мен мінез-құлықтарына үлкен мән берілуде. &nbsp;&nbsp;Сондықтан, мемлекеттік қызметте үлкен жетістіктерді бағындыруды көздеген әрбір мемлекеттік қызметші Әдеп кодексін және «Қазақстан Республикасының мемлекеттік қызметі туралы», «Сыбайлас жемқорлыққа қарсы іс-қимыл туралы» Заңдарының талаптарын сақтап, мемлекеттік қызметті адал атқаруы қажет.&nbsp;Б.Пшанов,Қызылорда облысы бойынша тексеру комиссиясының әдеп жөніндегі уәкілі&nbsp; &nbsp;

  Мемлекеттік қызметкердің әдеп сақтауы басты құндылық

<a href="https://kyzylorda-news.kz/">Kyzylorda-news.kz.</a> Мемлекет басшысының тапсырмасы бойынша 2023 жыл елімізде ауыл тұрғындарының тұрмыс сапасын жақсартуға арналды.Әлеуметтік медициналық сақтандыру қорының Қызылорда облысы бойынша филиалы және облыстық денсаулық сақтау басқармасының бастамасымен, бастапқы медициналық-санитарлық көмек көрсететін медициналық ұйымдардың өкілдерінің қатысуымен өткен кеңейтілген жұмыс мәжілісі барысында ауыл медицинасының өзекті мәселелері қаралды.&nbsp;Күн тәртібінде өңірде «Ауылдық денсаулық сақтауды жаңғырту» ұлттық жобасын іске асыру, ауыл тұрғындары қатарындағы тұрғындардың қосымша нысаналы топтары үшін скринингтік зерттеулері, стационарлық және стационарды алмастыратын жағдайларда ауыл тұрғындарына мамандандырылған медициналық көмектердің орындалған көлемдері, сондай-ақ БМСК ұйымдарында консультациялық-диагностикалық қызметтер, профилактикалық тексерулердің жүргізу мәселелері қаралды.Жоғарыда аталған тақырыптар бойынша Қор филиалының мамандары: медициналық көмекті жоспарлау, орындалуын талдау және болжау бөлімінің басшысы Данияр Нұрымжанов, медициналық көмектің сапасын бақылау және шарт міндеттерін мониторингтеу бөлімінің басшысы Гүлнар Кенжебаева, ақпараттық технологиялар жөніндегі бас сарапшы Азамат Сқақов баяндады.Әлеуметтік медициналық сақтандыру қоры медициналық қызметтерді стратегиялық сатып алушы болып табылатыны баса айтылды. Медициналық қызметтерді сатып алуды, төлеуді және мониторингті дайындау сатысында МӘМС-дың активтерінің ұтымды, тиімді пайдаланылуына бақылау жүргізеді.Басты мақсат – пациенттің мүддесі үшін медициналық қызметтердің қолжетімділігі мен сапасын арттыру.<figure class="image"><img src="https://knadmin.beoblood.kz/uploads/2_6b874d7226.jpeg" alt="2.jpeg"></figure>

Ауыл медицинасының мәселелері қаралды

<a href="https://kyzylorda-news.kz/">Kyzylorda-news.kz. </a>Қызылорда қаласы Абай атындағы үш тілде оқытатын мектептің көп жылдық тарихы бар. Ашылғанына 104 жыл болған мектеп көпшілік арасында «Мұрагер» атауымен кеңінен таныс.&nbsp;Қазіргі таңда бұл мектепте 4200-ге жуық оқушы білім алуда. Оқушылардың саны жыл санап артуына байланысты мектеп жанынан 550 орындық қосымша ғимараттың құрылысы жүргізілуде.&nbsp;<figure class="image"><img src="https://knadmin.beoblood.kz/uploads/mektep_d8acea7a4e.jpg" alt="мектеп.jpg"></figure>Дарынды балаларға арналған мамандандырылған сыныптары бар мектеп қай кезде де үздіктер қатарында. Мектеп оқушылары білімнен өзге қоғамдық жұмыстарда да белсенділік танытып келеді. Білім алушылар спорт саласында да облыстық, республикалық, халықаралық турнирлерде бой көрсетіп, тек мектептің емес, елдің намысын қорғап жүр. Сонымен қатар өнер додаларында топ жарып жүрген шәкірттер де мектеп мақтанышына айналған.&nbsp;Атап айтар болсақ, мектептің 10-сынып оқушысы Бибарыс Махсұт «Атадан мұра» қоғамдық қорының бүлдіршіндер, мектеп оқушылары мен жасөспірімдер арасында ұйымдастырылған «Ұлы дала ұрпағы» республикалық байқауында «Аспапта ойнау» номинациясы бойынша үздік өнер көрсетіп, бас жүлдеге ие болды.&nbsp;<figure class="image image_resized" style="width:100%;"><img src="https://knadmin.beoblood.kz/uploads/zhenimpaz_99c9199b61.jpg" alt="женимпаз.jpg"></figure><blockquote>«Сайысқа біршама уақыт дайындалдым. Өз жас ерекшелігім бойынша додаға түсіп, қатарластарымнан оза шауып, байқаудың бас жүлдесін қанжығаға байладым. Нәтижесінде Түркістан облысында ұйымдастырылатын халықаралық байқауға, яғни, суперфиналға жолдама алдым», - дейді Бибарыс Сұлтан. &nbsp;</blockquote><figure class="image image_resized" style="width:100%;"><img src="https://knadmin.beoblood.kz/uploads/Whats_App_Image_2023_02_13_at_11_30_58_36c41703ee.jpeg" alt="WhatsApp Image 2023-02-13 at 11.30.58.jpeg"></figure>Ақпан айының алғашқы онкүндігінде Біріккен Араб Әмірліктерінің Фуджейра қаласында таеквондодан халықаралық турнир өткен болатын. Аталған жарыста Абай атындағы мектептің 8-сынып оқушылары Нұрперзент Саматұлы мен &nbsp;Тоғжан Қазнабек те қатысып, ел намысын қорғап келді. Сайыстан жүлдемен оралған қос спортшыны мектеп директоры Жаннат Садвакасова оқушылармен бірге күтіп алды. Балаларға алғыс білдірген мектеп директоры алдағы уақытта да тек биік шыңдарды бағындыруға тілектестік білдірді.&nbsp;<figure class="image"><img src="https://knadmin.beoblood.kz/uploads/Whats_App_Image_2023_02_13_at_11_30_57_1_58da559a55.jpeg" alt="WhatsApp Image 2023-02-13 at 11.30.57 (1).jpeg"></figure>Айта кетейік, Нұрперзент Саматұлы сайыста 37 келі салмақ дәрежесінде күш сынасып, І орынды иеленді. Жас спортшы қарсыластарын шаң қаптырып, өзгелерден оқ бойы озық тұрды. Сондай-ақ қыздар арасында 52 салмақ дәрежесінде өнер көрсеткен 8-сынып оқушысы Тоғжан Қазнабек ІІІ орынды қанжығасына байлады. Еліміздің көк байрағын желбіреткен қос спортшы мектептің ғана емес, елдің намысын қорғап келді.Мектеп оқушылары мектептен тыс қоғамда орын алып жатқан мәселелерге де немқұрайлы қарамайтынын аңғартты. Мәселен, мектеп оқушылары Түркия мен Сирия мемлекетіндегі жер сілкінісінен зардап шеккендерге қаржылай көмек көрсетуді де қолға алған.&nbsp;<figure class="image"><img src="https://knadmin.beoblood.kz/uploads/Bezymyannyj_7f45a7b9ca.jpg" alt="Безымянный.jpg"></figure><blockquote>«Алдағы сенбі күні қайырымдылық кешін ұйымдастырмақпыз. Кешке Қызылорда қаласындағы Назарбаев Зияткерлік мектебі, №125 High school және Абай атындағы мектеп-гимназия атсалысатын болады. Қайырымдылық кештің билеттері сатылымға шықты. Кештен түскен қаражатты Түркия мен Сирия еліндегі жер сілкінісі кезінде зардап шеккен балаларға көмек ретінде жіберетін боламыз», - 11 сынып оқушысы Ерке Шазында.</blockquote>Мектеп оқушылары өзге мектептермен байланыс орнатып, тығыз қарым-қатынаста жұмыс жасап келеді. Жоғарғы сынып оқушылары жуырда ғана қаладағы №5 мектеп-интернаттың білім алушыларымен кездескен болатын. &nbsp;<blockquote>«Біз №5 мектеп-интернатқа барудағы мақсатымыз оқушыларға дебат ойынын кеңінен таныстыру болатын. Себебі дебат ойыны мұндағы оқушылардың сөйлеу мәнерін қалыптастыруға, моторикасын дамытуға көмектеседі. Біз алғашқы қадамды бастадық. Сонымен қатар мектептің өзін-өзі басқару құрылымымен таныстық. Алдағы уақытта байланысты үзбейтін боламыз», - деді 11 сынып оқушысы Асылжан Кеңшілік.&nbsp;</blockquote>Мектептегі дебат фракциясының министрі Асылжан Жетестің айтуынша, дебат ойындары мектеп оқушыларының әрбіріне қажет екенін баса айтты.&nbsp;<blockquote>«Дебат - өз ойын өзгелерге толық жеткізу. Сол арқылы өзіңе назар аудартып, қоғамға өз үніңді қоса аласың. №5 мектеп-интернатқа барғанымызда байқағаным, балалар дебат ойынына аса қызығушылық танытты. Ойын арқылы өз ойларын ортаға салды. Біздің жұымысымыз нәтижелі болғанына қуандым», - дейді 9 сынып оқушысы Асылжан Жетес.&nbsp;</blockquote>Мектептің 9-сынып оқушысы Нұрдәулет Нұрлан мектеп-интернаттағы оқушыларды ерекше балалар, олардың қабілеті зор екенін атап өтті.<blockquote>«Біз мектеп оқушыларымен кездесу кезінде олардың дебат ойынына қызығушылығы артқанын байқадық. Оқушыларға ойынының бастапқы базасын үйреттік. Ойынның негізгі мақсаты мен негізгі бөліктеріне тоқталып өттік. Түсінікті болу үшін өзіміз дебат ұйымдастырдық. Өзіміздің келтірген аргументтерімізді оқушыларға сұрақ ретінде қойдық. Сұрақ-жауап арқылы балалар ойынға араласып, қызықты, әрі тиімді уақыт өткіздік», - дейді Нұрдәулет Нұрлан.&nbsp;</blockquote>Осы орайда жоғарғы сынып оқушысы Ерке Шазында мектеп Парламентінің құрылымы директорға, орынбасарларға және мұғалімге оқушылардың ұсыныстарын жеткізу сынды жұмыстармен айналысып, олардың мектептен алшақтамауына, өз үйіндей көруге мүмкіндік беріп жатқанын айтты.Мектептегі өзін-өзі басқару құрылымының мүшелері өз істеріне тиянақты, ұқыпты екенін байқадық. Олардың әрқайсысы мұғалім мен оқушы арасындағы байланысты нығайтуға атсалысып, білім алушының мектепте өз ойын ашық білдіруіне жағдай жасауға септігін тигізуде.Динара МАХАНОВАСуретті түсірген: Нұрболат НҰРЖАУБАЙ<figure class="media"><div data-oembed-url="https://www.youtube.com/watch?v=xpczAp3ahg4"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/xpczAp3ahg4" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure><figure class="media"><div data-oembed-url="https://www.youtube.com/watch?v=cy1wVQ75Q-0"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/cy1wVQ75Q-0" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Үш тілде оқытатын мектептің жетістігі

<a href="https://baq.kz/ulttyq-qor-balalarga-qordagy-3500-dollardy-qayda-zhumsauga-bolady-297574/">ФОТО</a><a href="https://kyzylorda-news.kz/">Kyzylorda-news.kz.</a> Бұл туралы Қаржы вице-министрі Дәурен Темірбеков мәлімдеді, деп хабарлайды <a href="https://baq.kz/ulttyq-qor-balalarga-qordagy-3500-dollardy-qayda-zhumsauga-bolady-297574/">BAQ.KZ</a>.<blockquote>«Ұлттық қордан балаларға берілетін ақша 2024 жылдың 1 қаңтарынан бастап енгізілетін болады. Қазіргі таңда Қаржы министрлігі тиісті мүдделі мемлекеттік органдармен керекті түзетулерді әзірледі. Бұл түзетулерді осы жұмада Парламентке енгіземіз. Әр балаға берілетін қаржыға жылдық пайыздық мөлшерлеме 2,6 көлемінде болады деп отырмыз. Бұл соманы Ұлттық банкпен бірлесіп бүгінгі таңда қалыптасқан тарихи деректерді ескере отырып жасадық. Нарық жағдайының өзгеруіне қарай бұл көрсеткіштің де өзгеретіні түсінікті. Әзірге жылдық қаражатты 150-160 доллар көлемінде деп белгіледік. Бұдан да көп болуы мүмкін. Оны нарық, инвестициялық табыстың қалыптасуы көрсетеді», - деп түсіндірді вице-министр Сенаттың кулуарында БАҚ өкілдеріне берген сұхбатында.</blockquote>Айтуынша, бағдарлама 2024 жылы іске қосылғанымен, есептік жыл ретінде 2023 саналады. Әзірге ұлттық қордың балаларға беретін қаржысын екі мақсатта жұмсауға рұқсат етіледі деп отыр.<blockquote>«Бала 18 жасқа толған соң қаражат оның жекеменшігі деп есептеліп, оны қалай пайдалану құқығы өзіне беріледі. Оны білім алу мен тұрғын үй сатып алуға жұмсауға рұқсат етіледі. Осы орайда, қаражатты шетелдік оқу орнындағы оқу ақысына қолдануға шектеу қойылмайды. Ал баспананы тек Қазақстан Республикасының аумағынан ғана сатып алуға рұқсат. Баланың шотындағы жинақ сомасы ол 18 жасқа толғанда 3500 доллар шамасында жиналады деп болжануда», - деді Дәурен Темірбеков.&nbsp;</blockquote>

«Ұлттық қор – балаларға»: Қордағы 3500 долларды қайда жұмсауға болады?

<a href="https://kyzylorda-news.kz/">Kyzylorda-news.kz.</a> Бүгін еліміздің басым бөлігінде құбылмалы ауа райы болжанады, деп хабарлайды Қазгидромет.&nbsp;Осыған байланысты қар, республиканың батысында, оңтүстік-батысында, оңтүстігінде, оңтүстік-шығысында жауын-шашын (қар және жаңбыр түрінде), желдің күшейюі, жаяу бұрқасын күтіледі. Республика бойынша тұман, көктайғақ болады.

15 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a>Жалпы білім беретін пәндер бойынша өткізілетін республикалық олимпиаданың желілік кезеңіне Назарбаев Зияткерлік мектептерінің 500-ден астам оқушысы қатысуда.Екі күннен бері жас дарындылар жаратылыстану-математикалық бағыттағы пәндерден білімдерін сарапқа салуда.Сыр өңіріндегі Зияткерлік мектептің намысын қорғаған Ілияс Бөрібай аталмыш байқауда химияның мықтыларымен сайысты:Бұл олимпиаданың екінші жыл қатырынан қатысушысы болып келемін. Жылдан жылға пәнге деген қызығушылығым артып келеді. Химия өзінің алуантүрлілігімен ұнайды. Бір атомның орнын алмастыру арқылы заттың қасиеті өзгере шығатын құбылыстарды зерттеу қызық.16 ақпанда қоғамдық-гуманитарлық бағыттағы пәндер бойынша бақ сынайтын оқушылар үшін бірінші тур басталады.Жүйрік шыққан өрендер наурыз-сәуір айларында өтетін ақтық сайыста «Назарбаев Зияткерлік мектептері» дербес білім беру ұйымының намысын қорғайды.&nbsp;

Қазақстан және Қызылорда облысының жаңалықтары