<a href="https://kyzylorda-news.kz/">Kyzylorda-news.kz.</a> Қазақстан Республикасының бәсекелестікті қорғау саласындағы заңнамасын бұзушылықтардың алдын алу жөніндегі шаралар жүйесі монополияға қарсы комплаенс болып табылады.Монополияға қарсы комплаенсті енгізу үшін нарық субъектісі (субъектілері) монополияға қарсы комплаенс актілерін: &nbsp; &nbsp; &nbsp;1) тиісті тауар нарығындағы нарық субъектісінің (субъектілерінің) саясатын және адал бәсекелестік қағидаларын көздейтін сыртқы актіні; &nbsp; &nbsp; &nbsp;2) Қазақстан Республикасының бәсекелестікті қорғау саласындағы заңнамасын бұзушылықтарды жасау тәуекелдерін бағалау әдістерін, тәсілдерін, нарық субъектісінің (субъектілерінің) тәуекелдерді басқару жөніндегі жұмыстарды ұйымдастыруы тәртібін көздейтін, монополияға қарсы орган бекітетін әдістемелік ұсынымдарға сәйкес әзірленетін ішкі актіні қабылдауға құқылы.Нарық субъектісі (субъектілері) монополияға қарсы органға монополияға қарсы комплаенстің сыртқы актісінің жобасын Қазақстан Республикасының бәсекелестікті қорғау саласындағы заңнамасының нормаларына оның сәйкестігін анықтау үшін жіберуге құқылы, ол монополияға қарсы комплаенстің сыртқы актісінің жобасы келіп түскен кезден бастап бір ай ішінде қаралуға жатады.Монополияға қарсы орган қараған монополияға қарсы комплаенстің сыртқы актісінің жобасы Қазақстан Республикасының бәсекелестікті қорғау саласындағы заңнамасының нормаларына оның сәйкестігі анықталған жағдайда нақты нарық субъектісіне (нақты нарық субъектілеріне) қатысты немесе нақты жағдайға қолданылатын Қазақстан Республикасының бәсекелестікті қорғау саласындағы заңнамасын түсіндіру актісі болып табылады.Монополияға қарсы комплаенстің ішкі актісін әзірлеу және ендіру жөніндегі әдістемелік ұсынымдарда: 1) монополияға қарсы комплаенстің ішкі актісін әзірлеу және ендіру кезеңдері; 2) монополияға қарсы комплаенстің ішкі актісін әзірлеу және ендіру жөніндегі іс-шаралардың мазмұны; 3) нарық субъектісінің қызметімен байланысты монополияға қарсы комплаенс-тәуекелдерге бағалау жүргізу әдісі (әдістері); 4) монополияға қарсы комплаенс-тәуекелдерді ішкі бақылау жүйесін құру; 5) монополияға қарсы комплаенстің ішкі актісінің жұмыс істеу тиімділігіне бағалау жүргізу әдісі (әдістері); 6) монополияға қарсы комплаенстің ішкі актісін әзірлеу және ендіру жөніндегі өзге де ережелер көзделеді. Нарық субъектісінде тиімді жұмыс істейтін монополияға қарсы комплаенстің ішкі актісінің болуы Қазақстан Республикасының бәсекелестікті қорғау саласындағы заңнамасын бұзушылықтар туралы істерді қарау кезінде ескеріледі.Н.Жупарбеков Қазақстан Республикасы Бәсекелестікті&nbsp; қорғау және дамыту агенттігінің Қызылорда&nbsp; облысы бойынша департаменті&nbsp; Бәсекелестікті дамыту бөлімі&nbsp;

Монополияға қарсы комплаенс бағаны төмендетеді және адал бәсекелестікті қалыптастырады

<a href="https://kyzylorda-news.kz/">Kyzylorda-news.kz.</a> Монополияға қарсы орган, егер мұндай құру бәсекелестікті шектеуге әкелетін болса, өз қызметін Қазақстан Республикасының аумағында жүзеге асыратын мемлекеттік кәсіпорынды, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғаны және онымен үлестес тұлғаны құруға келісім беруден бас тартады.&nbsp;Мемлекет кәсіпкерлік қызметке: - мемлекеттің ұлттық қауіпсіздігін, қорғаныс қабілетін немесе қоғам мүдделерін қорғауды қамтамасыз етудің өзге мүмкіндігі болмаған; - мемлекеттік меншіктегі стратегиялық объектілер пайдаланылған және күтіп-ұсталған; - мемлекеттік монополияға жатқызылған салалардағы қызмет жүзеге асырылған; - тиісті тауар нарығында бәсекелестік болмаған не оның даму деңгейі төмен болған; - қызметті бұрын құрылған мемлекеттік кәсіпорындар, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғалар және олармен үлестес тұлғалар жүзеге асыратын жағдайлардақатысады.Мемлекеттің кәсіпкерлік қызметке қатысуы: 1) мемлекеттік кәсіпорындар (мемлекеттік кәсіпкерлік) құру; 2) заңды тұлғалардың жарғылық капиталдарына тікелей немесе жанама қатысу арқылы жүзеге асырылады. Өз қызметін Қазақстан Республикасының аумағында жүзеге асыратын мемлекеттік кәсіпорындарды, акцияларының (жарғылық капиталға қатысу үлестерiнiң) елу пайыздан астамы мемлекетке тиесілі заңды тұлғаларды және олармен үлестес тұлғаларды құру монополияға қарсы органның келісімімен жүзеге асырылады.Мемлекеттік кәсіпорындардың, акцияларының (жарғылық капиталға қатысу үлестерінің) елу пайыздан астамы мемлекетке тиесілі заңды тұлғалардың және олармен үлестес тұлғалардың жүзеге асыратын қызмет түрлерін құруды, кеңейтуді және (немесе) өзгертуді көздейтін құқықтық актілердің жобалары монополияға қарсы органмен міндетті түрде келісуге жатады. Жоғарыдағы аталған жағдайларда өз қызметін Қазақстан Республикасының аумағында жүзеге асыратын мемлекеттік кәсіпорынды, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғаны және олармен үлестес тұлғаларды құру туралы шешім қабылдайтын орган монополияға қарсы органға негіздейтін материалдарды ұсына отырып, монополияға қарсы орган белгілеген нысан бойынша мұндай құру туралы өтінішхат ұсынады.Өтінішхат келіп түскен кезден бастап күнтізбелік алпыс күн ішінде монополияға қарсы орган: 1) өз қызметін Қазақстан Республикасының аумағында жүзеге асыратын мемлекеттік кәсіпорынды, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғаны және онымен үлестес тұлғаны құру болжанатын тауар нарықтарын зерттеп-тексеруге: 2) осы тауар нарықтарындағы бәсекелестіктің даму деңгейі туралы, оның ішінде мемлекеттік кәсіпорынның, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғаның және онымен үлестес тұлғаның осы тауар нарығында болу мерзімі туралы қорытынды дайындауға; 3) өтінішхатты ұсынған органға негізделген шешім жіберуге міндетті.Монополияға қарсы орган, егер мұндай құру бәсекелестікті шектеуге әкелетін болса, өз қызметін Қазақстан Республикасының аумағында жүзеге асыратын мемлекеттік кәсіпорынды, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғаны және онымен үлестес тұлғаны құруға келісім беруден бас тартады.&nbsp;Өз қызметін Қазақстан Республикасының аумағында жүзеге асыратын мемлекеттік кәсіпорындардың, акцияларының (жарғылық капиталға қатысу үлестерінің) елу пайыздан астамы мемлекетке тиесілі заңды тұлғалардың және олармен үлестес тұлғалардың жүзеге асыратын қызмет түрлерін монополияға қарсы органның келісімінсіз құруға, кеңейтуге және (немесе) өзгертуге тыйым салынады және бұл Қазақстан Республикасының заңдарында белгіленген жауаптылыққа алып келеді.Ғ. Ермағанбетов Қазақстан Республикасы Бәсекелестікті&nbsp; қорғау және дамыту агенттігінің Қызылорда&nbsp; облысы бойынша департаменті&nbsp; Бәсекелестікті дамыту бөлімі&nbsp; &nbsp;&nbsp;

Мемлекеттің кәсіпкерлік қызметке қатысуының негіздері

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің басшысы Ерлан Теңізбайұлы мен қалалық кәсіподақ комитетінің төрағасы Орынша Міржақыпқызы С.Толыбеков атындағы №3 ІТ мектеп-лицей ұжымымен кезектен тыс пед кеңес өткізді. Жиынның басты мақсаты үш ауысым үш ауысымды мектеп мәселесін жою.Жалпы 2022-2023 оқу жылында мектепте 3 ауысымда 67 сынып кешенімен 1991 оқушы білім алуда. Мектеп құрамында барлығы 185 мұғалім, соның 168-і қазіргі таңда сабақ беретін сағатпен қамтылған. Педагог қызметкерлердің санаттары бойынша Педагог-шебер – 1; Педагог-зерттеуші – 60; Педагог-сарапшы-50; Педагог-модератор – 25; Педагог – 43. Жоғары санатты – 1 мұғалім; І санатты – 1 мұғалім; ІІ санатты – 5 мұғалім.Педагогикалық кеңесте мектеп директоры Ляззат Утегенқызы атқарылған жұмыстар мен мектептің даму жоспары жайында баяндама жасады.Жалпы білім беретін пәндер бойынша пәндік олимпиада бойынша 2022-2023 оқу жылында 22 оқушы жүлделі орынға ие болып, қала мектептері арасында «Ең үздік олимпиадалық команда» номинациясы бойынша ІІ орынды иеленген. 5-6 сыныптардан қатысқан барлық 14 оқушы жүлделі орынға ие болды.Жалпы білім беретін пәндер бойынша ғылыми жоба конкурсының облыстық кезеңінде 11 оқушы жүлдегер атанса, екі жыл қатарынан ғылыми жоба конкурсының республикалық кезеңінде екі оқушы (физика -2022 жыл және информатика-2023 пәндері бойынша ІІІ орынды) иеленуі осы бағыттағы жұмыстың жүйелі, нәтижелі екенін көрсетеді. Биылғы оқу жылында информатика секциясы бойынша Әнуарбек Димаш республикалық ғылыми жоба конкурсында ІІІ орынды иеленді. Сонымен қатар,әр түрлі конкурстар мен байқаулардың республикалық кезеңінде былтырғы оқу жылында 6 оқушы жеңімпаз атанса, биылғы оқу жылында 2 оқушы жеңімпаз атанды. Атап өтетін болсақ, «Мен репортермін» республикалық байқауында 8 В сынып оқушысы Оңалова Жансая І орынды иеленсе, “Буктрейлер” республикалық байқауынан 10 В сынып оқушысы Жұматай Азат І орынды иеленді.«КазРобоспорт-2022» байқауының облыстық кезеңінде 8 сынып оқушылары Файзуллин Арман, Жалғас Мансұр І орынды, «Хакатон» ІТ идеялар байқауында да мұғалімдер мен оқушылар қатысып,ІІ орын және 300 мың теңге сыйақы жеңіп алды.&nbsp;Халықаралық «ФЛЕКС» конкурсына қатысып,Министрліктің қолдауымен Қазақстанда білім алмасу бағларламасы бойынша 10 сынып окушысы Балғабаева Аянат АҚШ-та 1 жыл тегін білім алу грантына ие болды.11 сынып оқушысы Есенбаева Жанель Халықаралық Әл-Фараби олимпиадасына қатысып, жүлделі ІІІ орынды иеленіп,Әл-Фараби атындағы қазақ ұлттық университетінің 100 пайыздық грантын жеңіп алды.&nbsp;11 сынып оқушылары Орынбай Дінмұхаммед және Алданазар Ақерке Қазақстан инженерлік университеті ұйымдастырған ағылшын тілі мен география пәні бойынша пәндік олимпиадаға қатысып, Димаш 100 пайыздық грант иеленсе, Ақерке 30 пайыздық грантты иеленді.&nbsp;Ұстаздардың да осы оқу жылында алған жетістіктері біршама. Қала дегейінде 15 мұғалім, облыстық деңгейде 10 мұғалім жүлдегер атанды. «Гуманитарлық бағыттағы үздік бірлестік жетекшісі -2022» конкурсында Байманова Анар Манасовна облыстық деңгейде І орын,Пирмаганбетова Асел Шаймағанбетқызы «Мектеп парламенті»байқауының облыстық деңгейде І орын,”Өрлеу” БАҰО ұйымдастырған «Педагогикалық идеялар фестивалі» конкурсынан 4 мұғалім облыстық деңгейде,ал 2 мұғалім республикалық деңгейде жүлдегер атанды. 2 мұғалім “Болашақ” бағдарламасы бойынша Мнажев Берік пен Ердібек Маржан АҚШ-та тегін білім алуда.&nbsp;Сонымен қатар жиында мұғалімдердің сағат жүктемесі мәселесі талқыланды. Ерлан Теңізбайұлы мектеп ұстаздарымен кері байланыс жасап,ұсыныс-пікірлерін білдірді. С.Толыбеков атындағы 3 ІТ мектеп-лицейіне қосымша 375 орындық бастауыш сыныпқа арналған қосымша құрылыс жұмыстарының жүргізіліп жатқанын айта кету керек.

Қызылорда қалалық білім бөлімінің басшысы С.Толыбеков атындағы №3 ІТ мектеп-лицей ұжымымен кездесті

<a href="https://kyzylorda-news.kz/">Kyzylorda-news.kz.</a>&nbsp; Тауар нарықтарындағы бәсекелестіктің жай-күйін талдау бәсекелестік деңгейін айқындау, үстем немесе монополиялық жағдайға ие нарық субъектілерін анықтау, бәсекелестікті қорғау мен дамытуға, монополистік қызметтің алдын алуға, шектеуге және жолын кесуге бағытталған шаралар кешенін әзірлеу мақсатында, оның ішінде: - экономикалық шоғырлануды реттеу; - бәсекелестікке қарсы келісімдер мен келісілген әрекеттердің, үстем немесе монополиялық жағдайды теріс пайдаланудың белгілерін қарау кезінде нарық субъектісінің үстем үлесін айқындау; - мемлекеттің кәсіпкерлік ортаға қатысуының орындылығын белгілеу жағдайларында жүргізіледі.Бәсекелестіктің жай-күйіне талдау жүргізу үшін тауар нарықтарын іріктеуді жүзеге асырудың мақсаттары:бәсекелестіктің жай-күйіне талдау жүргізу үшін тауар нарықтарын іріктеудің басымдылығын айқындау және бәсекелестікті қорғау және дамыту, оның ішінде монополистік қызметтің алдын алу және жолын кесу бойынша жүргізілетін жұмыстың тиімділігін арттыру болып табылады. Тауар нарықтарындағы бәсекелестіктің жай-күйін талдау 8 кезеңнен тұрады: 1) тауарлардың өзара алмастырылу өлшемшарттарын айқындау; Нақ сол бір тауар нарығында айналатын, алмастырушысы немесе бірін-бірі өзара алмастыру тауарлары жоқ тауарды бірін-бірі өзара алмастыру өлшемшарттарын айқындау рәсімі: тауардың атауын айқындау,сатып алушының таңдауын айқындайтын тауардың қасиеттерін және осы тауар үшін әлеуетті бірін-бірі өзара алмастыратын болып табылатын тауарларды айқындау, бірін-бірі өзара алмастыратын тауарларды айқындауды қамтиды. 2) тауар нарығының шекараларын айқындау; Тауар нарығының шекаралары, егер оны осы аумақтан тысқары жерлерде сатып алу экономикалық, технологиялық және басқа да себептер бойынша орынсыз болса, тұтынушылар тауарды немесе бiрiн-бiрi өзара алмастыратын тауарды сатып алатын аумақты айқындайды. 3) тауар нарығын зерттеудің уақыт аралығын айқындау; Тауар нарығын зерттеудің уақыт аралығы зерттеу мақсатына, тауар нарығының ерекшеліктеріне және ақпаратқа қол жеткізуге байланысты айқындалады. 4) тауар нарығында жұмыс істейтін нарық субъектілерінің құрамын айқындау; Тауар нарығында жұмыс істейтін нарық субъектілерінің құрамына белгілі бір уақыт аралығы шегінде оның шекараларында қаралатын тауарды өткізетін барлық нарық субъектілері кіреді. 5) тауар нарығының көлемі мен нарық субъектілерінің үлестерін есептеу; Қаралатын нарық шекара шегіндегі уақыттың белгілі бір кезеңіндегі тауар нарығы көлемінің есебі (бұдан әрі – тауар нарығының жалпы көлемі) тауарды немесе бірін-бірі өзара алмастыратын тауарларды әкелу мен әкету көлемдерін ескере отырып, нарық субъектілерінің тауарды немесе бірін-бірі өзара алмастыратын тауарларды заттай немесе құндық көрсеткіштерде өткізу сомасы ретінде айқындалады. 6) тауар нарығындағы бәсекелестік ортаның жай-күйін бағалау; Нарықтың шоғырлану коэффициенті, нарық шоғырлануының индексі айқындалады. 7) тауар нарығына кіру тосқауылдарын айқындау; Тауар нарығында қызметті бастауға нарық субъектілеріне кедергі келтіретін немесе қиындық тудыратын және шектейтін мән-жайлар немесе іс-әрекеттер айқындалады. 8) тауар нарығындағы бәсекелестіктің жай-күйіне жүргізілген талдау нәтижелері бойынша қорытындыда көрсетілетін тұжырымдар бөлімінде жалпы ережелер, зерттеудің уақыт аралығы, тауар нарығының шекарасы, қаралып отырған тауар нарығында жұмыс істейтін нарық субъектілерінің құрамы, нарықтың көлемі және нарық субъектілерінің үлесі, нарық шоғырлануының деңгейі, нарыққа кіру тосқауылдары, тауар нарығында бәсекелестіктің жай-күйін бағалау, қаралып отырған тауар нарығында бәсекелестікті дамыту жөніндегі ұсынымдарқамтылады.Д. Тлепбаева Қазақстан Республикасы &nbsp;Бәсекелестікті&nbsp; қорғау және дамыту агенттігінің Қызылорда&nbsp; облысы бойынша департаменті&nbsp; Бәсекелестікті дамыту бөлімі&nbsp; &nbsp;

Тауар нарығындағы бәсекелестіктің жай-күйіне талдау жүргізіледі

<a href="https://kyzylorda-news.kz/">Kyzylorda-news.kz.</a> Жалағаш ауданының қоғамдық даму бөлімінің әлеуметтік тапсырысы аясында «Темірқазық» қоғамдық бірлестігі мен жастар ресурстық орталығының ұйымдастыруымен Жаңадария, Аламесек, Еңбек, Аққұм, Бұқарбай батыр ауылдық округтерінде «Мүмкіндіктер алаңы» кеңес беру іс-шарасы өткізілді.Іс-шараның мақсаты - қазіргі таңдағы жастар арасындағы жұмыссыздық деңгейін төмендету, кәсіпкерлікті дамыту және жастардың сұранысындағы қажеттіліктерді қамтамасыз ету. Іс-шараға халықты жұмыспен қамту орталығының маманы Ж.Талапберген, кәсіпкерлік, өнеркәсіп және туризм бөлімінің маманы О.Камаладин және жастар ресурстық орталығының директоры Н.Амандық қатысты. Кеңес барысында сала мамандары қабылдау өткізіп, жастардың көкейіндегі сауалдарды тыңдап, мемлекеттік бағдарламалар мен мүмкіндіктер жайлы кеңінен баяндады.Жалағаш ауданының қоғамдық даму бөлімінің әлеуметтік тапсырысы аясында «Темірқазық» қоғамдық бірлестігі мен жастар ресурстық орталығының ұйымдастыруымен өткен «Мүмкіндіктер алаңы» кеңес беру іс-шарасы Қаракеткен, М.Шаменов, Ақсу, Таң ауылдық округтері және Далдабай елді мекенінде жалғасын тапты. Іс-шараға халықты жұмыспен қамту орталығының маманы Ж.Талапберген, кәсіпкерлік, өнеркәсіп және туризм бөлімінің маманы О.Камаладин және жастар ресурстық орталығының директоры Н.Амандық қатысты. Кездесу барысында сала мамандары қабылдау өткізді. Сонымен қатар жастардың көкейіндегі сауалдарды тыңдап, оларға тұщымды жауап берді.&nbsp;

Жалағашта кәсіпкерлік жайында жастарға кеңес берілді

<a href="https://kyzylorda-news.kz/">Kyzylorda-news.kz.</a> Қызылордалық полицейлер өрттің алдын алып, қала тұрғындары мен Өзбекстан Республикасының бес азаматын құтқарды.19 сәуір күні сағат 10:59 шамасында Қызылорда қалалық полиция басқармасының жедел «102» арнасына қала аумағында жеке үйдің бірінде өрт шыққандығы туралы хабарлама түсті. &nbsp; &nbsp; &nbsp; &nbsp;Полиция қызметкерлері жедел қызметтерге хабарласып, оқиға орнына жетіп, тұрғын үйден зардап шекендерді шығару мақсатында шұғыл әрекетке көшеді. &nbsp;Полицейлер оқиға орнына жеткенде тілсіз жау күш алып, үйдің ішін қою түтін басқан. Түтін арасынан жол тапқан полицейлер үй ішін тексеріп, бөлмелердің бірінен 73 және 69 жастағы қала тұрғындарын және жұмыс істеуге келген 5 Өзбекстан Республикасының азаматын эвакуациялап, адамдарды құтқару жұмыстарын шебер ұйымдастырған. Құтқарылған азаматтардың өміріне еш қауіп төніп тұрған жоқ.<blockquote>«Бірі қалмай сыртқа шығарылғанына көзіміз жеткенше үйге кіріп, түтінге оранған бөлмелерді қайта-қайта тексердік», - дейді полиция қызметкерлері.&nbsp;</blockquote>Осылайша, полицейлердің батыл шешімі адам шығынының алдын алды. Бастарын қатерге тіккен Қызылорда қалалық полиция басқармасының учаскелік полиция инспекторлары полиция капитаны Бауыржан Тобағабылов пен полиция лейтенанты Жандос Мәлік нағыз азаматтықтың үлгісін көрсетті.<blockquote>«Қандай жағдай болмасын бірінші кезекте халыққа көмектесу міндетіміз. Бұл әрекетімізді ерлік немесе батырлық деп санамаймыз. Менің орнымдағы &nbsp;әрбір полиция қызметкері болса солай жасар еді. Бастысы адамның өмірін арашалап қалдық», - дейді учаскелік полиция инспекторы Бауыржан Тобағабылов.</blockquote>​Қазіргі таңда мамандар өрттің шығу себебін анықтауда. Антына адалдық танытқан қайсар полицейлер марапатқа ұсынылады.

Қызылордалық полицейлер тұрғындарды өрттен құтқарды

<a href="https://kyzylorda-news.kz/">Kyzylorda-news.kz.</a> Әр саланың өзіндік қиындығы бар. Жауапкершілігі бір бөлек, ісіне адал болу – әрбір маманның парызы. Ал тергеу қызметінің басқа салаларға қарағанда ар алдындағы жүгі ауыр. Олар ақиқаттың ақ жолынан таймай, бұлтартпайтын айғақтар арқылы қылмыскерлерді құрықтап, істі жан-жақты зерттейді. Осы орайда біз аудандық полиция бөліміндегі қылмыстық істі электронды форматта жүргізетін тергеушілер қызметінің қыр-сырымен танысып қайтқан едік.<blockquote>«Тергеушінің қызметі – жауапты міндет. Ең алғаш оқу орнын аяқтап келгеннен кейін тергеу бөлімінде жүріп, әртүрлі бағыттағы қылмыстық істер бойынша тергеу жүргіздім. Шыңдалып, тәжірибе жинадым. Содан бері ішкі істер органында қызмет атқарып келемін»,– деп әңгімесін бастады Нұрбек Серікұлы.</blockquote>Ол сұқбат барысында өзінің әр іске тыңғылықтылығы мен жауапкершілігі мол қызметкер екенін көрсете білді. Оның өзін ұстауы, сөз саптауы, құқықтық білімі, қызметін баяндауы – мамандығына деген ерекше ықыласын білдіріп тұрғандай еді. Нұрбек Серікұлы 1986 жылы Қармақшы ауданында дүниеге келген. Алғаш &nbsp;№26 мектепке қадам басқан бала 9 сыныптық білім алған соң Қызылорда Заң колледжіне оқуға түседі. Одан соң Алматы қаласындағына Қазақ гуманитарлық Заң университетінде «Заңтану» мамандығы оқиды. 2008-2009 жылдары Ақтау қаласындағы 25744 әскери бөлімінде әскери борышын өтейді. 2012 жылдан бастап ішкі істер органында қызмет жолын бастайды. Содан бертін келе аудандық полиция бөлімінде тергеуші, аға тергеуші қызметтерін атқарады. 2019-2020 жылдары облыстық полиция департаментінде тергеу басқармасында тергеуші &nbsp;болған. Ал биыл &nbsp;сәуірден бастап аудандық полиция бөлімінде анықтау тобының анықтаушысы қызметін атқаруда. Ол қазір қылмыстық іс электронды форматта тергеп-тексерілуде екенін жеткізді. Сонымен қатар, бөлімде екі тергеуші, екі анықтаушы қызмет атқарып келеді.<blockquote>«Алтынгүл Қоңырбаева мен Жандос Бағланбаев тергеуші болса, мен және Руслан Тулепбергенов анықтаушымыз. Қылмыстық істер әрдайым қағаз жүзінде қалыптасып келген. Әртүрлі тергеу әрекеттері, тергеушінің прокурордың және соттың шешімдерімен өзге де процессуалдық құжаттары қағаз түрінде шығарылып бекітілетін. Қылмыстық істің күрделілігі мен көп эпизодтылығы, сот сараптамасының көптігі сотталушылардың, жәбірленушілердің және куәгерлердің санына байланысты процессуалдық құжаттардың көлемі ұлғаятын еді. Бұл өз кезегінде көлемді томдардың пайда болуына ықпал етті. Бүгінгі таңда сотқа дейінгі және сот өндірісіндегі тергеп-тексеру аса ауырлаған. Бұған көптеген қаржы кетсе, уақыт та көп жұмсалатын. Ал қазіргі электронды формат &nbsp;қай жағынан болмасын қолжетімді болып отыр», – дейді ол.</blockquote>Қазақстан Республикасының 2025 жылға дейінгі стратегиялық даму жоспарында қылмыстық сот өндірісі электронды форматқа кезең-кезеңімен көшуде. «Цифрлық Қазақстан» мемлекеттік бағдарламасын іске асыру аясында Бас прокуратура «Сотқа дейінгі тергеп-тексерудің бірыңғай тізімі ақпараттық жүйенің негізінде «Төрелік» сот ақпараттық жүйесімен үйлестірілген «Электрондық қылмыстық іс» модулін әзірледі. Бұл қылмыстық сот өндірісінің барлық кезеңдерін, яғни құқық бұзушылықты тіркеуден бастап сот үкімінің шығарылуына дейін цифрландыруға мүмкіндік береді. Қылмыстық сот ісін электронды жүргізуге ақпараттық технологиялардың енгізілуі оның ашықтығының жоғарылауына, тергеу әрекеттерін санкциялауға қажетті құжаттарды ұсыну мен нәтижелерін алу уақытын айтарлықтай үнемдеуге, сондай-ақ қылмыстық процесс сапасын жақсартуға және жеңілдетуге, қағаз жүзіндегі құжат айналымға кететін шығынды оңтайландыруға алып келді.<blockquote>«Электрондық қылмыстық істің басқа артықшылығы қашықтықтан санкциялау. Енді тергеп қамаққа алынғанды оған бұлтартпау шарасын тағайындау үшін біршама арақашықтыққа апарудың қажеті жоқ. Санкциялау үрдісі бейне-конференция байланыс режимінде өтеді, тиісінше күдіктілерді үлкен арақашықтыққа апарудың қажеттілігі жоғалуда. Бұл уақыт шығындарын қысқартуға, күдіктілердің қашу тәуекелдерін жоюға мүмкіндік береді. Сонымен қатар жанармайға кететін шығынды, жүргізушінің жалақасын және автокөліктің тозуын қысарту жолымен бюджеттік қаражат үнемделеді. Сот өндірісі де «Электронды қылмыстық іс» жүйесінің жағымды жақтары зор. Ол дегеніміз қағазбастылықтан құтылуға, бюджет қаражатын және судьялардың, сот қызметкерлерінің және процеске қатысушылардың уақытын үнемдеумен қатар, істің тергелу мерзімін қысқартуға және процессуалдық қатынастарды болдырмау арқылы сыбайлас жемқорлықтың алдын алуға зор үлесін қосады», – дейді анықтаушы сөз арасында.</blockquote>Иә, мамандардың айтуынша, «Цифрлық Қазақстан» мемлекеттік бағдарламасын іске асыру аясында Қармақшы АПб-де Бас прокуратураның «Сотқа дейінгі тергеп-тексерудің бірыңғай тізілімі» ақпараттық жүйесінің негізінде «Төрелік» сот ақпараттық жүйесімен үйлестірілген «Электрондық қылмыстық іс» модуліне көшіп, аудан көлемінде орын алған құқық бұзушылықтардың тіркелуінен бастап кінәлілерге айыптау актісін шығаруға дейінгі аралық 100 пайыз электронды форматта тергелуде. Бұл өз кезегінде өзінің жемісін беріп, тиімділігін көрсетіп отыр екен. Әрбір қылмыстық істің нәтижесі тергеушінің кәсіби шеберлігіне байланысты екенін айтады Нұрбек Серіков. Әр мамандықтың қиындығы мен қызығы болады. Бірақ полиция қызметкері болу қоғам алдындағы жауапкершілік пен үлкен сенімді қажет етеді. Себебі ел тыныштығы жолында қоғамдық тәртіпті қамтамасыз етіп жүрген тәртіп сақшыларына артылатын жоғары жауапкершілік бар.<blockquote>«Кез келген жағдай мен оқиғаға Бауыржан Момышұлы айтпақшы, ептілік те, ерлік те керек. Біз еліміз үшін әрқашан мемлекетке, халқымызға адал қызмет етуге дайынбыз», – деп әңгімесін аяқтады ол.</blockquote>&nbsp;

Қармақшыда тергеу ісі «Электрондық қылмыстық іс»  модуліне көшкен

<a href="https://kyzylorda-news.kz/">Kyzylorda-news.kz.</a> &nbsp;Ата-бабаларының ізін жалғап, халқының қасиетті сөз өнерін ұрпағына үлгі етіп қалдырған өнегелі әке, белгілі журналист Жұмабек Әбжәмиловтың шығармашылығын насихаттау, өмір жолын ұрпаққа таныту, зерттеп-зерделеу мақсатында Жалағаш ауданында аудандық кітапхана және Халықаралық «Қазақ тілі» қоғамы Жалағаш аудандық филиалының ұйымдастыруымен «Халқы сүйген қаламгер» атты ғылыми жоба байқауы өтті.&nbsp;Жобаға Жалағаш ауданына қарасты білім ошақтарынан 13-16 жас аралығындағы оқушылар қатысты. Олар II кезең бойынша сынға түсті. I кезеңде оқушылар қарымды қаламгердің өмір жолы мен шығармашылығын зерттесе, II кезеңде белгілі журналистке арнаған арнау өлеңдері мен эсселерін оқып, бақ сынады. Шараға қара сөздің қаймағын қалқып, қоғам өмірімен етене араласып, ел аманатын арқалап өткен журналист Жұмабек Әбжәмиловтың көзің көрген, кезінде әріптес, дос-жаран &nbsp;болған жақындары мен туыстары, редакция ардагерлері мен баласы Мансұр келді. Іс-шара барысында елім деп еміренген азамат туралы тың пікірлер &nbsp;мен естеліктер айтылды.&nbsp;Сыр өңірінің руханиятына өзіндік үлес қосқан белгілі азамат, ақын, қаламы қарымды журналист, ауданға қарасты Жаңаталап ауылының тумасы Жұмабек Әбжәмиұлы 1956 жылы 15 маусымда дүниеге келді. 1963 жылы сол ауылда 8 жылдық мектептің табалдырығын аттаған. 1971-1973 жылдары №117 орта мектепте 9-10 сыныпты бітіріп, ауылда жұмысшы болып еңбек еткен. 1974-1976 жылдары аралығында Совет армиясында болды.Әскерден келген сон Алматы қаласындағы Қазақ Мемлекеттік университетінің журналистика факультетін бітірді. Туған жерге оралып, Жалағаш аудандық «Жаңадария», қазіргі «Жалағаш жаршысы» газетіне тілші болып жұмысқа орналасты. 1977 жылдың маусым айынан 1978 жылдың мамыр айына дейін аудандық газетте әдеби қызметкер, 1978-1987 жылдары аралығында аудандық радиохабардың ұйымдастырушысы қызметін атқарды. 1982 жылы СССР Журналистер одағының, 1988 жылдың шілде айынан бастап Совет Одағы Комунистік партиясының мүшесі болды. 1984-1989 жылдары Жалағашта еңбекші хаттары, ауыл шаруашылығы бөлімінің меңгерушісі болып қызмет атқарды. 1989 жылдан өмірінің соңына дейін Жалағаш аудандық газеттің жауапты хатшысы қызметін абыроймен атқарды.Жұмабек &nbsp;Әбжәмилов жары Ақалмаш апай екеуі бір қыз, үш ұл тәрбиелеген. Қазіргі таңда олардан он үш немере бар. Газетте жүріп, радио хабарларды ұйымдастыру жұмыстарының басшысы бола білген Жұмабек Әбжәмилов 1991 жылдың 7 мамырында «Радио күні» дүниеден озды.&nbsp;Тумысынан тұлғасы бөлек, артына елеулі қазына қалдырған қаламгердің шығармашылығына арналған жобада бақ сынаған жастардың барлығыдерлік зерттеу жұмыстарын кең көлемде жүргізгені көрініп-ақ тұр. Алайда білім бәйгесінде үздіктер лайықты бағасын алатыны анық. Рухани ордадағы тағылымды шараға қазылық еткен азаматтардың шешімімен жүлделі І орынды аудан орталығындағы Т.Жүргенов атындағы №123 мектеп-лицейінің 8 сынып оқушысы Мархабай Оралхан алды. Сонымен бірге Ә.Оңалбаев атындағы №117 орта мектептің 8 сынып оқушысы Нұрай Әпір мен З.Жарқынбаев атындағы №202 орта мектептің 8 сынып оқушысы Жаңыл Әбдімәлікқызы ІІ орынды иеленсе, ІІІ орынмен №188 мектептің 7 сынып оқушысы Балнұр Қыпшақбай, Әл-Фараби атындағы №201 мектеп-лицейінің 8 сынып оқушысы Зере Қайрулла, Ш.Ермағанбетова атындағы №246 мектептің 7 сынып оқушысы Дильназ Төлекова марапатталды.&nbsp;Шара соңында жобаға қатысушылар қарымды қаламгердің өнегеге толы өмірі мен өнер жолын кейінгі ұрпақ санасында жаңғыртып, дәріптеу мақсатында аудан мектептерінің біріне немесе аудан орталығындағы көшеге Жұмабек Әбжәмиловтың есімі берілсе, сонымен қатар қаламгердің өмірбаян, өлеңдерін, қолжазбаларын жинақтап, «Халқы сүйген қаламгер» атты кітап шығарылса деген ұсыныстарын білдірді.

Жалағаш ауданында ғылыми жоба байқауы өтті

<a href="https://kyzylorda-news.kz/">Kyzylorda-news.kz.</a> Қызылорда облысына биыл «Ауыл аманаты» жобасы бойынша 3 млрд теңге бөлінген. Нәтижесінде 600-ден астам жұмыс орны ашылады деп күтілуде. Бұл туралы Қызылорда облысы кәсіпкерлер палатасының жанындағы Агроөнеркәсіп кешені кеңесінің отырысында облыстық ауыл шаруашылығы және жер қатынастары басқармасы басшысының орынбасары Ғалым Байымбетов айтты.&nbsp;Басқарма өкілі жобаны жүзеге асыруға жауапты сенім білдірген өкілді анықтау үшін мемлекеттік сатып алу саласындағы заң талаптарына сәйкес конкурс өтіп жатқанын жеткізді.<blockquote>«Конкурс жеңімпазы анықталғаннан кейін жұмысты бастап кетпекпіз. Шамамен мамырдың жиырмасынан құжат қабылдана бастайды. Қазір Қызылорда қаласы мен аудандарға қарасты ауылдық округтерді аралап, түсіндірме жұмыстарын жүргізіп жатырмыз. «Ауыл аманатының» аясында 28 кооператив құрылып, 636 жаңа жұмыс орны ашылады, 20 дана ауыл шаруашылығы техникасы алынады деп жоспарлап отырмыз», – деді Ғалым Байымбетов.</blockquote>Сондай-ақ, отырысқа кеңестің төрағасы және мүшелері, «Ақтөбе және К» ЖШС директоры Нұрлан Іздібаев, жауапты мемлекеттік орган және қаржы ұйымдарының өкілдері, сондай-ақ ауыл шаруашылығында қызмет көрсететін кәсіпкерлер қатысты.Сонымен қатар, спикер жақын күндері аудандарда осы жобаға жауапты мемлекеттік органдарды бір жерге шоғырландырып, «бір терезе» қағидасымен қызмет көрсету ұйымдастырылатынын да атап өтті. &nbsp;Ал, кәсіпкерлер жеңілдетілген несие алу үшін жиналатын құжаттарды азайтуды, кепілге қойылатын мүліктің бағалау құнын қайта қарауды сұрады.Айта кету керек, «Ауыл аманаты» жобасы халықтың табысын арттырып, ауыл тұрғындарын аграрлық бизнеске тартуға, азық-түлік қауіпсіздігін, сондай-ақ азаматтардың өмір сүру сапасын жақсартуға бағытталған.Жоба аясында ауыл азаматтарына кәсіп ашу үшін 2,5 пайызбен жеңілдетілген несие беріледі. Мерзімі мал шаруашылығы үшін 7 жыл, өзге бағыттарға 5 жыл. Берілетін ең жоғары сома 2,5 мың айлық есептік көрсеткіш немесе 8,6 млн теңге. Ал кооперацияларға 8 мың АЕК немесе 27,6 млн теңге. &nbsp;Бағдарлама әкімшісі – облыстық ауыл шаруашылығы және жер қатынастары басқармасы.<img src="https://knadmin.beoblood.kz/uploads/Bezymyannyj_d4b9d1b679.jpg" alt="Безымянный.jpg">

Қызылордада «Ауыл аманаты» жобасына құжат қабылдау мамырдың үшінші онкүндігінде басталады

Алдашбай ахун ауылы өркендеп келеді

<a href="https://kyzylorda-news.kz/">Kyzylorda-news.kz.</a>&nbsp;Екі қолға бір күрек таппай жүргендер омарташылық кәсібіне үрке қарайды. Оған қызығушылық танытып, омарта жасап араны да мал етіп баққан жан саусақпен санарлық. Үркейтініндей бар-ақ. Өйткені әр араның бабын жасап, балын балдай жинап алу төзімділікті талап етеді. Қазақ топырағында осы кәсіппен жан бағып, өрісін бал шырынды арамен толтырған омарташы – Қармақшы ауданына қарасты ІІІ Интернационал ауылының тұрғыны Булут Исмаиловтың үйіне жол түсті. Кәсіпті көзбен көріп, аралар арасында ұзақ серуендедік.– Басыңа тор қорғанышты киіп ал, – деді ол.– Аға, онсыз болмай ма? – дегеніміз сол еді, – Шағып алса шыбын жаның шырқырайды, – деп қысқа қайырды. Мұндайда сәндеген шашың рөл ойнамайды. Жалма-жан киіп алып, ара құжынаған жаққа беттедік. Қорқыныш болғанымен бір ғана ережені сақтау керек. Ол – ара қонғанда бір орыннан қозғалмау. Содан не керек таң ата қызметіне кіріскен аралар тұрағында әңгіменің тінін тарқаттық.<blockquote>«Осы тұрған әр жәшікте өзінің ұйымы бар. Үш ай науқанда айына 100-120 келіден таза өнім алатын едік. Биыл өнімді аз берді. Анаубір жылдары карантин уақытында балдың пайдасына иек артқандар көбейді ғой. Сол кезеңде тапсырыспен бал дайындадым. Көптеген тұтынушы дертіне шипа етіп, сатып алып жатты. Балдың түрі – араның қандай гүлге жайылғанына қарай. Күн райы жылы, жайлы болса – күзде де бал алу мүмкіндігі бар. Бірақ күзде аралар балды аз, негізінен, күнбағыстан жинайды. Одан алынатын бал ашық сары түсті, иіссіз болады», – дейді Булут Исмайлов.</blockquote>Бір қызығы, бал жинап еңбек еткен араның демалыссыз күн көріп жатқанын байқайсың. Аралар гүлдерден шірне алады, оны ұясына апарғанша өңдеп келеді. Ұядағы жас аралар балды толығымен қайта өңдеп, алты бұрышты ұяшыққа құяды. Оны балауызбен жабады. Осылайша аралар балды өздері 100 процентке өңдеп шығарады. Аралардың ішінде бал жинауға тек ерекше балауыз бездері бар “жұмысшы” аралар ғана қатысады. Ол өзінің “бал сауытына” (артқы екі аяғында болатын арнайы қуыс) өз салмағының жартысындай шірне жинай алады. Олар жинаған шірнесін ұядағы жас араға қалдырып, қайтадан ұшып кетеді. Араның бал жинауы ара ұясының күйіне, ауа райына, өсімдік түріне және оның омартаға қашықтығына, шірненің бөліну дәрежесіне байланысты. Араға не істеу керегін ешкім үйретпейді. Себебі олар пайда бола сала өз қызметін өзі біліп, жұмысын бастап кете алатын қасиетке ие.Омарташы ара шаруашылығымен айналысуды бала кезден армандаған. Еңбеккер азамат кеш те болса осы арманына қол жеткізгені. Бірде ол мемлекет тарапынан қолдауға ие болып, жарты миллион теңге көлемінде қаражатқа қол жеткізеді. Арманына алғаш қадам басып, осы шаруашылықты игеріп әкетеді. Бірақ барлығы оңтайлы жолмен шешіле береді деу қате. Өмір болған соң түрлі кедергі жолыңды кес-кестейтіні айқын. Омарташының айтуынша, бір жылдары егістікті жәндіктерден улағанда түгелдей арасы қырылып қалыпты. Не істерін білмей дал болған ол қайтадан барлығын нөлден бастайды. Тек осындай улау кезеңінде әрлі-берлі көшіп, қоныс аударып отырады. Аралардың жерін ауыстыру да оңай емес екен. Күндіз оларды анда-мында көшіруге тіпті болмайды. Тек түнде ара біткеннің қызметі аяқталып демалғанда, жәшіктің аузын бекітіп барып тасымалдайды. Қазір өз ауласында тұрған аралар үйірі таңмен ілесе қызметтерін атқарып жүр.Булут Исмаиловтың ара шаруашылығын дамытуда алға қойған мақсаты көп. Соның бірі – ауыл маңынан өз иелігіне 15-20 гектардай жер алып, сонда тұрақтану. Басына үй-жай салып, алынған өнімді сол жерде сұрыптау. Екі қолға бір күрек таба алмай жүрген жандарға демеу болу. Егер мұндай мүмкіндік болып жатса, ұлдарын қасына алып, ара шаруашылығының өрісін кеңейту. Тек «мемлекет тарапынан қолдау көрсетілсе болғаны» дейді ол.Омарташы Булут жары Гүлзада екеуі 6 баланы тәрбиелеп, өсірген жарасымды жанұя. 3 ұлы бірдей шаруашылықта механизатор болып еңбек етеді. Ал омарташы, арамен айналысу тиімді кәсіп екенін шегелеп айтады. Себебі бал көнермейтін, тағамдық құнарын ешқашан жоймайтын азық.<img src="https://knadmin.beoblood.kz/uploads/1598096077_ara_1_ba7789ac79.jpg" alt="1598096077_ara-1.jpg">

ІІІ Интернационал ауылының тұрғыны ара балын шығаруда

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ҚАЖ департаментінің № 37 мекемесінде 160-тан астам сотталған жазасын өтеп жатыр. Солардың арасында әйел азаматшалар да бар. Осы азаматшаларды жұмыспен қамту мақсатында мекеме әкімшілігі қала ішіндегі тігін цехына жұмысқа орналастырған. Олар тегін цехында сәнді қазіргі заманға сай көйлектер тігуді қолға алған. Тігін цехында 10 сотталған жұмыс жасайды. Олардың бірі киімдерді пішу, кесумен айналысса, қалғандары тігумен айналысады.<blockquote>– Қазіргі таңда тұтынушылардың киімге деген сұраныс артып келеді. Сұраныстарына сай тігіп беруге тырысамыз. Бостандықта жүргенімде киім тігу курсын оқып алғанмын. Жақсы меңгергендігімнен шығар еш қиындықсыз жұмысқа да қабылдады, айлығым да уақытылы төленеді. Отбасыма да жіберіп отырмын. Жұмыс жасау арқылы ойымыз бөлініп, бостандыққа тезірек шықсақ деген арманымыз бар. Жаза бастым, жаңылдым, жазамды өтеп жатырмын. Жастарға айтарым адал еңбек етіп, ешкімнің ала жібін аттамаңдар дер едім»,- деді сотталған әйел.</blockquote>Мекеменің сотталғандардың еңбегін ұйымдастыру тобының инспекторы әділет лейтенанты Е.Шаметтің айтуынша сотталғанды мекемеге жаза мерзімін өтеуге жібергеннен бастап зерделеу жұмыстары жүргізіледі. Сала мамандары сотталғандарға құқықтары мен міндеттерін, мекеменің ішкі тәртіптерін және психологтың, медицина қызметкерлерінің қабылдауында болады. Орта білімі болмаса кешкі мектепке оқытамыз. Жұмысқа қабілетті сотталғандарды жұмысқа орналастырамыз. Сотталғандарды жұмыспен қамтудағы басты міндет сот үкімі негізінде мемлекет пайдасына, жеке, заңды тұлға пайдасына келтірілген шығындарын өтеу болып табылады дейді мекеме қызметкері.

Қазақстан және Қызылорда облысының жаңалықтары