<a href="https://kyzylorda-news.kz/">Kyzylorda-news.kz.</a> 28 сәуір күні еліміздің басым бөлігінде жел күшейеді, деп хабарлайды Қазгидромет.Кәсіпорын таратқан деректерге қарағанда, атмосфералық фронталды бөліктердің өтуімен республиканың оңтүстігінде, солтүстігінде найзағай ойнап, жаңбыр жауады. Қазақстан бойынша жел күшейіп, еліміздің оңтүстік-шығысында шаңды дауыл тұрады, солтүстігінде, оңтүстік-батысында тұман түседі.

28 сәуірге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда облысына арнайы жұмыс сапарымен келген ҚР Оқу-ағарту министрі Ғани Бейсембаев облыс әкімі Нұрлыбек Нәлібаевпен бірге Жаңақорған, Шиелі аудандарында білім беру нысандарының жұмысымен танысты. Білім саласындағы сыбайлас жемқорлыққа қарсы күрес жөнінде мәжіліс өткізді.Алдымен ведомство басшысы Жаңақорған ауданындағы «Талдысу» облыстық олимпиадалар және қосымша білім беру орталығының жұмысымен танысып, осында білім алып жатқан «Сыр дарыны» академиясының оқушыларымен кездесті. 320 орындық орталықта 55 қызметкер бар, нысан 2011 жылы пайдалануға берілген.М.Көкенов атындағы мәдениет үйінде білім саласындағы сыбайлас жемқорлықтың алдын алу бойынша мәжіліс &nbsp;өтті. Оған Қызылорда қаласы мен барлық аудандардың әкiмдерi және білім беру ұйымдарының басшылары онлайн форматта қатысты. Мәжілісте білім саласындағы сыбайлас жемқорлықтың алдын алу және тәуекелдерін болдырмау туралы екі мәселе қаралды.Күн тәртібіндегі мәселелер бойынша облыстық білім басқармасының басшысы Мейрамбек Шермағанбет, Сыбайлас жемқорлыққа қарсы іс-қимыл агенттігі облыс бойынша департаменті басшысының бірінші орынбасары Асылхан Ашиков, Оқу-ағарту министрлігі білім саласындағы сапаны қамтамасыз ету комитетінің төрағасы Ернұр Дәуенов бейнебайланыс арқылы хабарлама жасады.Жиынды қорытындылаған ҚР Оқу-ағарту министрі Ғани Бейсембаев талқыланған мәселелер бойынша өз пікірін білдіріп, Сыр өңірінде атқарылған жұмыстарға оң баға бердi. "Министрлік білім алушылардың білім сапасы бойынша мониторинг жүргізген болатын. Мониторинг қорытындысымен Қызылорда облысы &nbsp;республикада бірінші орынға шықты", &nbsp;— деп атап өтті министр.Мұнан бөлек, Ғани Бейсембаев Жаңақорған кентіндегі № 110 мектеп-лицейін аралап, мектеп ұжымына жаңа автобустың кілтін табыстады. Айта кетейік, Қызылорда облысы әкімінің қолдауымен аймақтағы ауыл мектептері 30 жаңа автобуспен толығады. Бұл балаларды мектепке және үйлеріне қауіпсіз тасымалдауды қамтамасыз етуге мүмкіндік береді. Көліктер 20 және 40 орынға шақталған. Мектеп автобустарының техникалық сипаттамалары барлық талаптарға сәйкес келеді. Қауіпсіздік белдіктері, апатты жағдай туындағандағы шығу жолы, жылдамдық шектегіштер мен сәйкестендіру белгілері бар, автобуста бала қалған жағдайда белгі беретін жүйемен жабдықталған.Әрі қарай министр Шиелі ауданындағы Ы.Алтынсарин атындағы № 219 орта мектепке барып, білім саласында атқарылып жатқан жұмыстармен танысты. Мектеп ғимаратын аралап, асханасы мен спорт зал ішіндегі спорт үйірмелерінің жетістіктерін тамашалады. Мектеп музейін, кітапханасын және демеушілер есебінен жабдықталған акт залын аралап көрді. Білім ошағында Жаңақорған, Шиелі аудандарының педагог-шебер, зерттеуші ұстаздарымен кездесу ұйымдастырылып, саланың өзекті мәселелерді талқыланды.<img src="https://knadmin.beoblood.kz/uploads/FB_IMG_1682608676459_4803bbffa1.jpg" alt="FB_IMG_1682608676459.jpg"><img src="https://knadmin.beoblood.kz/uploads/FB_IMG_1682608696493_9700d892a5.jpg" alt="FB_IMG_1682608696493.jpg"><img src="https://knadmin.beoblood.kz/uploads/FB_IMG_1682608682558_176860cdb3.jpg" alt="FB_IMG_1682608682558.jpg"><img src="https://knadmin.beoblood.kz/uploads/FB_IMG_1682608692697_df56781933.jpg" alt="FB_IMG_1682608692697.jpg"><img src="https://knadmin.beoblood.kz/uploads/FB_IMG_1682608685923_dfc194f27b.jpg" alt="FB_IMG_1682608685923.jpg"><img src="https://knadmin.beoblood.kz/uploads/FB_IMG_1682608689767_ba09024800.jpg" alt="FB_IMG_1682608689767.jpg"><img src="https://knadmin.beoblood.kz/uploads/FB_IMG_1682608705149_55cce0d9b9.jpg" alt="FB_IMG_1682608705149.jpg"><img src="https://knadmin.beoblood.kz/uploads/FB_IMG_1682608669987_1f6bdcb70f.jpg" alt="FB_IMG_1682608669987.jpg">

ҚР Оқу-ағарту министрі Сыр өңіріндегі білім беру нысандарын аралады 

<a href="https://kyzylorda-news.kz/">Kyzylorda-news.kz.</a>&nbsp; Тереңөзектік Анна Быстрякованың отбасы 30 жылдан бері бал арасын бағумен әуесқойлық тұрғыда айналысуда. Бірнеше жылдар ішінде ағасы Петр Гаврилович омарташылықтың қыр-сырын тереңнен үйренген. Ол ауданда өрт сөндіру бөлімінде қызмет атқарып, соңғы екі жылдан бері зейнеткерлікке шығып, бал арасын асырауды кәсіпке айналдырған екен. Денсаулыққа пайдалы, әрі табыс көзі саналатын отбасылық бизнесті дамыту үшін ара отбасыларын көбейту керек болған. Сондықтан Анна мемлекет тарапынан кәсіпкерлікті қолдауға байланысты берілетін жеңілдетілген пайызбен несие алған көрінеді.Мүмкіндігі шектеулі жан Анна Быстрякова алдымен «Даму» кәсіпкерлікті дамыту қорының «Ісін жаңа бастаған кәсіпкер» курсы бойынша қашықтан оқып, сертификат алған. Сонан соң мамандардың көмегімен бизнес-жоспар дайындап, «Ауыл шаруашылығын қаржылай қолдау» қоры арқылы 4 млн 950 мың теңге қаржыны иемдені. 5 жыл мерзімге 6 пайызбен алған несиенің арқасында Быстряковтар отбасы қазір бал ара отбасын 55-ке жеткізе білді. Жаз бойы олардың күтімін жасап, балдың бірнеше түрін өндірді.<blockquote>– Ата-анам қарапайым кісілер еді. Әкем Гаврил Иванович пен анам Зоя Николаевна 12 баланы өсіп-жетілдіргені баршаға мәлім. Бауырларымның жартысын ата-анам асырап алған. Отбасымызда неміс, өзбек, қазақ ұлтының өкілдері бар екені мақтанышпен айта аламыз. Бәрімізді бала кезімізден еңбексүйгіштікке тәрбиелеп, қара жұмыстан қашпауға үйреткен ата-анамызға дән ризамыз. Қазір бауырларымызбен тату-тәтті үлкен шаңырақтың астында өмір сүріп келеміз. Ал омарташылықты ағама үйреткен Тереңөзектің байырғы тұрғыны Владимир Кархалевтің еңбегі еренсен. Ол өмір бойы осы кәсіппен айналысуда. Жасы егде тартса да, бал арасын асырап, оны әжептәуір бизнес түріне айналдыра білген, – дейді бізбен әңгімесінде жеке кәсіпкер Анна Быстрякова.</blockquote>Ұлты орыс болса да қазақ тіліне судай Анна Гавриловнаның жасы 55-те. Анна бұрын ауданда мейрамханада аспазшы болып жұмыс жасаған. Аннаның шебер аспаз, әрі жауапкершілігі зор, тапсырылған жұмысты ыждағатпен атқаратын маман екенін көзіміз көрген еді. Осыдан 30 жылдай бұрын мектеп қабырғасында оныншы сыныпты бітірген кезімізде мектеп біздерді ауылшаруашылық еңбегіне баулу мақсатында Ресейдің Астрахань облысына апарғаны есімізде. Оқушыларға ас дайындауға жанымызға еріп барған аспазшы Анна Гавриловна болатын. Балалардың күн сайын сапалы, әрі құнарлы тамақтануына таңсәріден тұрып ас әзірлеген аспазшының еңбексүйгіштігіне дән риза едік. Қызанақтың отағынан түске таман келетін 100 шақты баланың алдынан дәмді ас әзірлеп, бес мезгіл ас-суын беруде еш жалықпаған аспаздың еңбегі адалдығын көрдік. Ерте тұрып, кеш жататын аспаз:<blockquote>– Иә, есімде екі жыл қатарынан ауданнан Астарханьға барған оқушылармен еріп, астарын дайындау үшін барғаным рас. Ол кезде әрине, жас едік, мемлекет қайда жіберсе, сонда ұшатынбыз. Қазір де денсаулығымның сыр бергеніне қарамастан еңбек етуден қашпайтыным тағы бар. Қазіргі уақытта қол қусырып отыруға болмайды. Күш-қуатым барда мемлекет берген жеңілдікті пайдаланып, кәсіпкер атандым, жеңілдетілген пайызбен несие алдым. Кәсібін бастаймын дейтіндерге мамандардан көмек те, қамқорлық та баршылық. Тек ізденіп, жалықпай, еңбек етсең жетіп жатыр. Табысқа да жетесің, еңбегіңнің қайтарымы да болады, – дейді омарташы Анна Гавриловна.</blockquote>Бүгінде Анна жаз бойғы еңбектің жемісін көріп отыр. Дегенмен омарташының жұмысы мұнымен тоқтады деуге келмейді Жұмыс жетеді. Бал ара отбасылары қыста ұйқыға кетсе де, олардың күтіміне аса мұқият болу керек. Негізінен карпаттық түрлерін өсіретін омарташы балара балын, балауыз, ара желімі, тозаңы және басқа да балара өнімдерін алып үлгірді. Омарташы жинап алған балара өнімі таза табиғи, әрі азық-түлік ретінде, медицина саласында да үлкен сұранысқа ие болғандықтан оған деген сұраныс тоқтап қалмайтынына сенімді.Бал арасын баптау жыл бойы жүргізілетінін айтқан кәсіпкер «омарташылар қыста демалады деген бекер сөз» дейді. Себебі, көктемде шығатын араларға жаңа жәшіктер дайындау, қыстан аман алып қалу үшін жылы жерге орналастыру, қымтауға көрпелер әзірлеу т.б барлығы қолмен атқарылатындықтан бір сәтке дамылдау мүмкін емес. Бал арасының арасында әлсіздер қыстан шықпай қалады. Сондықтан үнемі олардың жағдайын бақылап тұру керектігін айтады.<blockquote>– Салмағы 100 миллиграмм, түсі сұр реңді, бейбітсүйгіш, әрі тыныш жәндіктердің асырап бағу оңай емес. Жәшіктерді арқалап қай жер гүлдесе сонда апарып жайып алуға шаршамау керек. Әрине, күш-жігерің мықты болса, еткен еңбегіңнің жемісін көресің. Бастысы пайдалы өнім, әрі табыс көзі. Сондықтан кепілге мүлкімді қойып, кәсіппен айналысуға бел буғаныма өкінбеймін, – дейді мүмкіндігі шектеулі жан Анна Быстрякова. &nbsp;</blockquote>

 Мемлекет қолдауына ие болған омарташы

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Қазақстан халқы ассамблеясының ХХХІІ сессиясында бірліктің табысты мемлекет құруда алар орны зор екенін тағы да еске салды. Сондай-ақ ұлтаралық келісім ел тәуелсіздігі мен тұтастығы секілді мызғымас құндылықтармен қатар тұруы тиіс екенін айтты. Осы орайда қызылордалық делегацияның қатарында болған Елена Рыбина өз пікірін білдірді.&nbsp;<blockquote>«Жылда бірлік мерекесі қарсаңында Қазақстан халқы Ассамблеясының сессиясын өткізу дәстүрге айналған. Бұл жолы да еліміздің мыңдаған этнос өкілі бейбітшілік пен келісім сарайында бас қосып, ел дамуы үшін маңызды ұсыныстар талқыланды. Біз «бірлік пен тұрақтылық болмаса, саяси-экономикалық реформалар жүзеге аспайды» дейміз. Әрине, бұл – дұрыс пайым. Бірақ бірлік дегеніміз мақсатымызға апаратын жол ғана емес. Бұл – мемлекеттілігіміздің ең басты тірегінің бірі. Мен бұған дейін де айттым: еліміздің тәуелсіздігі және аумақтық тұтастығы бәрінен қымбат. Ел бірлігі осы мызғымас құндылықтармен қатар тұруға тиіс. Сонымен қатар ол татулық пен келісім тек саясатта емес, қоғамда, үйде, ұжымда, жалпы, барлық жерде дәріптелуі қажет. Бұл жалаң ұран емес, әр азаматтың күнделікті ұстанымы мен күнделікті дәстүріне айналу керек екенін айтты.&nbsp; Бейбітшілікті бұзу және кез-келген арандатудың жолын кесу туралы да сөз болды. Әсіресе геосаяси жағдайда ғаламтор кеңістігінде фейк ақпараттарды ажырата біліп, ұлттық алауыздықты болдырмау басты &nbsp;бағыттарының біріне айналып отыр.&nbsp; Мемлекеттік тіл мәселесі де күн тәртібінен түспеді. Өзің қазақстандықпын деп санайтын әрбір азамат қазақ тілін білу міндетті. Мемлекеттік тілде сөйлеп, жаза алатын адам өзінің азаматтық жауапкершілігін көрсетеді. Қазақ тілінің қолдану аясын кеңейту үшін тілге деген сұранысты арттырып, оны білім-ғылым жаңалықтары мен жетістіктеріне жол ашатын құралға айналдыруымыз қажет.&nbsp; «Ынтымақтың түбі — игілік, тірлік түбі — бірлік» демекші, сессия әрбір қатысушыға мақсат-міндеттерді айқындап, жаңа жоспар құруға сеп болды. Ортақ Отанымыз — Қазақстанның табысты келешегі үшін еңбек ету жолында ынтымақтастықта жұмыс жасауға тиіспіз», - дейді Елена Рыбина.</blockquote>

Елена Рыбина: Ел бірлігі - мемлекеттігіміздің басты тірегі 

<a href="https://kyzylorda-news.kz/">Kyzylorda-news.kz.</a> Жылжымалы медициналық кешендер (ЖМК) ауруларды ерте анықтауға ықпал етеді. Жалағаш ауданында ЖМК мамандары биыл 100-ге жуық науқасты алғашқы диспансерлік есепке алды. Жылжымалы медициналық кешендер қалай жұмыс істейді? Бұл туралы Әлеуметтік медициналық сақтандыру қорының Қызылорда облысы бойынша филиалы ұйымдастыруымен Таң ауылында өткен баспасөз туры біздің материалда.Таң ауылы аудан орталығынан 25 шақырым жерде орналасқан. Бұл елді мекенде 1 287 адам тұрады. Таңертеңнен бастап пациенттерді қабылдау дәрігерлік амбулаторияда және жылжымалы медициналық кешенде жүргізілді. Бұл күні 100-ге жуық ауыл тұрғыны дәрігерлік кеңес алды. Олардың қатарында Жеңіскүл Шүйішбаева да бар. 60 жастағы әйел «созылмалы бронхит» ауруы бойынша диспансерлік есепте тұр.<blockquote>«Жүрек мазалайды. Кардиолог кеңес берді, зертханалық және диагностикалық тексерулерге жіберді, содан кейін күндізгі стационарда ем аламын. Уақытша жұмыс істемеймін, МӘМС-да сақтандырылғанмын, дербес төлеуші ретінде ай сайын жарна аударамын», - дейді Жеңіскүл Шүйішбаева.</blockquote>Пациенттерді терапевт, офтальмолог, оториноларинголог, гинеколог, хирург, кардиолог, невропатолог, стоматолог, эндокринолог, психолог, фтизиатр, рентген зертханашысы және басқа мамандар қабылдайды. Жылжымалы медициналық кешендердің арқасында ең шалғай елді мекендердің тұрғындары кардиограмма, УДЗ, скринингтік тексерулерден өтіп, сонымен қатар дәрігерлерден кеңес және ауруханаға жатқызуға, жеке медициналық мекемелерде емделуге жолдамалар ала алады.<blockquote>«Жыл басынан бері жылжымалы медициналық кешенде ауданның 2 мыңға жуық адам дәрігерлерден кеңес алды, оның ішінде 100-ге жуық ауыл тұрғынынан алғаш рет аурулар анықталды. Жүрек-қан тамыр, эндокриндік аурулар, глаукома және басқалар. Балалардың арасында көбінесе темір тапшылығы анемиясы анықталады», - деді Жалағаш аудандық ауруханасы бас дәрігерінің орынбасары Индира Орынбасарова.</blockquote>Жалағаш ауданында 16 ауылдық округ бар. Мұнда медициналық қызметтерді аудандық аурухана, 12 дәрігерлік амбулатория, 2 фельдшерлік бекет, 2 медициналық бекет көрсетеді. Ауданның 32 677 тұрғыны емханаға тіркелген. Барлық ауыл тұрғындарын қамту үшін жылжымалы медициналық кешен жыл сайын ауданның әрбір ауылдық округіне 5-6 рет барады. Осы мақсатқа Әлеуметтік медициналық сақтандыру қорының филиалы 63,5 млн теңге қаражат бөлді.Жалпы, 2023 жылы ЖМК өңірінде 550,8 млн. теңге сомасына 285 308 қызмет көрсету жоспарлануда.<figure class="image"><img src="https://knadmin.beoblood.kz/uploads/zhalagash_tan_9_24b40c5ac0.jpeg" alt="жалагаш тан 9.jpeg"></figure>&nbsp;<figure class="image"><img src="https://knadmin.beoblood.kz/uploads/zhalagash_tan_7_9a1db4a8ef.jpeg" alt="жалагаш тан 7.jpeg"></figure>&nbsp;<figure class="image"><img src="https://knadmin.beoblood.kz/uploads/zhalagash_tan_2_229b6ba857.jpeg" alt="жалагаш тан 2.jpeg"></figure>

Жылжымалы емханалар ауруларды ерте анықтауға ықпал етеді

<a href="https://kyzylorda-news.kz/">Kyzylorda-news.kz.</a> «AMANAT» партиясы облыстық филиалының ұйымдастырумен Қызылорда қаласына қарасты Қосшыңырау ауылдық округінде көшпелі қабылдау өтті.Қабылдауға партияның облыстық филиалының Атқарушы хатшысы Ләйлә Төрешова және облыстық жұмыспен қамтуды үйлестіру және әлеуметтік бағдарламалар, ауыл шаруашылығы және жер қатынастары, кәсіпкерлік және өнеркәсіп басқармалары мен ҚР Қаржы нарығын реттеу және дамыту агенттігі Қызылорда қаласындағы өңірлік өкілдігі басшылары, облыстық адвокаттар алқасы, қалалық жұмыспен қамту, әлеуметтік бағдарламалар және азаматтық хал актілерін тіркеу, тұрғын үй-коммуналдық шаруашылық, автомобиль жолдары, жолаушылар көлігі бөлімдері басшылары, «Қызылорда» өңірлік инвестициялық орталығы» микроқаржы ұйымы ЖШС-і мен «Бизнеске арналған үкімет» КММ-інің қызметкерлері сонымен қатар фракция мүшелері қатысты.Көшпелі қабылдау аясында ауыл тұрғындарына «Ауыл аманаты» партиялық жобасының мақсат - міндеті мен қаржыландыру бағыттары, несие берудің негізгі шарттары мен несие алу алгоритімі кеңінен түсіндірілді.Кездесу барысында партия филиалының Атқарушы хатшысы Ләйлә Төрешова жобаның негізінен ауылдық жерлердегі халықтың табысын арттыруға бағытталып отырғанын атап өтіп, жасалып отырған мүмкіндікті тиімді пайдалануға шақырды.<blockquote>«Ауыл аманаты» жобасының басты мақсаты – ауыл халқының табысын арттырып, тұрмысын жақсартуға, тұрақты табыс жолына түсуіне бағытталған. Ол үшін жеңілдікпен несие мөлшерлемесі енгізілді, бюджеттен қомақты қаражат бөлінуде. Бұл азматтардың өз бизнесін бастауға немесе бұрыннан бар бизнесті дамытуға жасалып отырған мүмкіндік. Ауыл тұрғындарынан талап етілетін басты нәрсе – бастама көтеру мен жұмыс жасауға деген ұмтылыс», - деді Атқарушы хатшы.</blockquote>Бағдарлама негізінен 2023-2025 жылдарға арналған және несиелер ағымдағы жылдан бастап беріледі. Ауыл тұрғындары 2,5 пайызбен осы несиеден алып, ауылда өз бизнесін дамытуға немесе бірнеше азамат бірігіп, кооператив құрып жұмыс жасауына болады. Биылғы жылға осы жобаны іске асыру үшін Сыр өңіріне 3 млрд теңге қаржы қаралған.Дегенмен аймақ басшысының аталған жобаға сәйкес облысқа бөлінген қаражатты ұлғайту бойынша республикалық органдармен қосымша жұмыс жасауды қолға алуы бағдарламаның іске асырылу аясын кеңейтетін болады. Яғни, жобаға қосымша қаражат бөлініп, оған қатысушы жерлестеріміздің де саны артады.Көшпелі қабылдау барысында ауыл тұрғындары жоба аясында толық ақпарат алып, мұнан соң топ құрамында келген түрлі сала басшыларының қабылдауында болып, өзге де өздерін толғандырған сауалдарға жауап алды.Қабылдау барысында ауыл тұрғындары жайылымдық жерлер, заңгерлік көмек, газдандыру жұмыстары, жұмыссыздық мәселелерін сөз етті.<figure class="image"><img src="https://knadmin.beoblood.kz/uploads/343934953_253077630449600_2436213206840315865_n_83c10d8d6f.jpg" alt="343934953_253077630449600_2436213206840315865_n.jpg"></figure>&nbsp;<figure class="image"><img src="https://knadmin.beoblood.kz/uploads/343969093_187127524154910_326626955651830843_n_c28dd6fc65.jpg" alt="343969093_187127524154910_326626955651830843_n.jpg"></figure>&nbsp;<figure class="image"><img src="https://knadmin.beoblood.kz/uploads/343428125_1405268123347829_996816548018302932_n_154dd04aa9.jpg" alt="343428125_1405268123347829_996816548018302932_n.jpg"></figure>

«AMANAT»: Қосшыңырау ауылдық округінде көшпелі қабылдау өтті

<a href="https://kyzylorda-news.kz/">Kyzylorda-news.kz.</a> Бүгін Жастар ресурстық орталығы мен Қызылорда облысының дін істері басқармасына қарасты Дін мәселелерін зерттеу орталығының бірлесе ұйымдастыруымен дін саласындағы мемлекеттік саясатты іске асыру бойынша «Жастардың бойында рухани құндылықтарды қалыптастыру мәселелері» тақырыбында дөңгелек үстел өтті.&nbsp;Дөңгелек үстелге облыстық Дін мәселелерін зерттеу орталығының маманы, «Сыр дидары» газетінің бас редакторы Сәкен Алдашбаев, Қызылорда қалалық қорғаныс істері жөніндегі басқармасының бастығы А.Чункунов, облыстық білім басқармасының әдіскері Ж.Бексейтова және Қызылорда қаласының жұмыспен қамту орталығының бөлім басшысы Абылай Самыратов арнайы қатысып, жастарға жан-жақты ақпараттық-түсіндірме жұмыстарын жүргізді.Зайырлы еліміздің ұстанымдарын нығайту мен жастарды қоғам құндылықтарына бейімдеу және тұлғалық дамуына жол ашу мақсатында ұйымдастырылған жиынға 60-қа жуық «NEET» санатындағы және пробация есебіндегі жастар мен студенттер қатысты.Дөңгелек үстелде қазіргі қоғамда жастарға берілетін тәрбие тетіктері, отбасылық құндылықтарды сақтау мен адамгершілік ұстанымдарына берік болу мәселелері көтерілді. Патриоттық тәрбие негізінде жастарды азаматтық борышын өтеуге насихаттау, әскери қызметтің қыр-сыры және әскери білім алу мәселелері сөз болды. Әскер қатарына барған жастардың оқуға, жұмысқа орналасуында қарастырылатын жеңілдіктер мен мүмкіндіктер туралы толыққанды ақпараттар берілді. Сонымен қатар, жастарға мемлекет тарапынан берілетін мүмкіндіктер, атап айтқанда 2,5 пайыздық несие алу жолдары мен шарттары, жастарға қойылатын талаптар төңірегінде сала мамандары сөз етті.Аталған мәселелер бүгінде ең өзекті болып, күн тәртібінен түспей тұр. Жұмыссыздың мәселесі, жастар арасындағы қылмыс та көбейіп барады. Сондықтан аталған шаралардан жастар нәтиже шығарса, құба-құп.<figure class="image"><img src="https://knadmin.beoblood.kz/uploads/343661534_751655459874160_7840125927353111881_n_c21441a54a.jpg" alt="343661534_751655459874160_7840125927353111881_n.jpg"></figure>&nbsp;<figure class="image"><img src="https://knadmin.beoblood.kz/uploads/343417950_538372195039237_1069357147036618537_n_b7f6756352.jpg" alt="343417950_538372195039237_1069357147036618537_n.jpg"></figure>

«NEET» санатындағы және пробация есебіндегі жастармен кездесу өтті

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменовтың Мемлекет басшысының тапсырмасына сәйкес, тұрғын үй коммуналдық шаруашылығын жаңғырту, жылдар бойы қордаланған инфрақұрылым мәселесін шешу және отандық өндірісті дамытуға қатысты қала аумағында жүзеге асырылып жатқан ілкімді істердің жұмыс сапасын қадағалау сапары &nbsp;жалғасуда.Шаһар басшысы алдымен Бәйтерек тұрғын ауданына барып, Қызылжарма каналы арқылы Бәйтерек ықшам ауданына өтетін көпір құрылысының жұмысын зерделеді. Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жеңісбек Файзуллаев, жауапты мердігер компания «Стандарт Ойл» &nbsp;ЖШС-нің директоры А.Ертаев жұмыс барысы туралы егжей-тегжейлі баяндап, ұзындығы 47, ені 10 метр болатын көпірдің сапалы әрі уақытылы ел игілігіне табысталатынын айтты. Мердігердің сөзіне сенсек, Қызылжарма каналын асып өтетін көпірмен тамыз айынан бастап автокөліктер жүйіткитін болады.Қала әкімі бастаған топ ары қарай Қорқыт ата тұрғын ауданына ат басын бұрып, Күлтегін көшесіне жүргізіліп жатқан орташа жол жөндеу жұмыстарын көрді. Бір шақырымнан асатын көшеде жұмыс қарқыны ширақ. Өйткені, мердігер мекеме «Қызылорда-Траст» ЖШС директоры Н.Көшеков маусым айына үлгертуіміз керек дейді.Халықтың өмір сүру сапасын жақсартуда елді мекендерді сапалы ауыз сумен және табиғи көгілдір отынмен қамтамасыз ету мәселесі күн тәртібінен түскен емес. Осы ретте, қазіргі уақытта Сыр өңірінің барлық аудан орталықтары көгілдір отынмен қамтылып, ендігі кезекте елдімекендерге газ тарту жұмыстары жүзеге асырылуда.Сондай игі істің бірін Қосшыңырау ауылдық округінен көруге болады. Қала әкімі аталмыш ауылдық округке табиғи газ қосу жұмысы сапасын бақылау үшін арнайы барды. Абай, Досан ауылдары игілігін көретін газ тарту жұмыстарының құны 662,7 млн. теңге. Ел асыға күткен шаруаны желтоқсан айынан кешіктірмей сапалы орындау міндеті мердігер компания «Ремстрой» ЖШС-не тиесілі.Өз кезегінде шаһар басшысы Асылбек Шаменов «Кез-келген адамның, әулеттің берекесі – үйінде маздаған отынан, жылы ошағынан. Туған елдің төрінде халық игілігі үшін жасалып жатқан жаңалықты берекелі қылу тікелей сіздерге байланысты» деді.Мұнан соң қала әкімі Қызылжарма ауылдық округіндегі Ә.Сайлыбаев көшесінде жүргізіліп жатқан орташа жол жөндеу жұмысын бағамдады. Наурыз айында басталған ұзындығы жарты шақырымға жуық көшеде жасалатын тиісті жұмыстар, мамыр айында толық аяқталады деп күтілуде. Мердігер мекеме «Орда Автодор» ЖШС.Сондай-ақ, Титов тұрғын ауданындағы Жанкент көшесінің тұрғындары да маусым айынан бастап жаяу жүргіншілер жолының игілігін көрмек. 1 шақырымға жуық тротуар құрылысын жүргізу «Қызылорда жолдары» ЖШС-не сеніп тапсырылған.Инфрақұрылымды реттеу мәселесінде қаланың шет аймақтары көбірек қамтылғанын дәлелдейтін және бір көрініс Шанхай тұрғын ауданындағы 8-наурыз көшесіндегі орташа жол жөндеу жұмыстары. Бұл көшені де «Қызылорда жолдары» ЖШС өз міндетіне алған. Айта кетейік, дәл осы тұрғын ауданда жалпы құны 253,9 млн теңгеге 18 көше жөнделетін болады. Қала әкімі Асылбек Шаменов сапар соңында қызылордалықтардың игілігі үшін қыруар қаржыға жасалып жатқан шаруалардан кемшілік болмауы қажет екенін айтып, шаһар аумағындағы барлық әлеуметтік нысандар мен тұрғын үй құрылысы, жол жөндеу жұмыстарына күнделікті бақылау жүргізіп отыру жөнінде жауапты бөлім басшыларына нақты тапсырмалар жүктеді.<img src="https://knadmin.beoblood.kz/uploads/343401769_146254628241931_3909160559199690112_n_2088aec40b.jpg" alt="343401769_146254628241931_3909160559199690112_n.jpg">

Қызылорда қаласында инфрақұрылым қарқынды дамуда

<a href="https://kyzylorda-news.kz/">Kyzylorda-news.kz.</a> Мемлекет басшысы&nbsp;Қасым-Жомарт Тоқаевтың Қазақстан халқы Ассамблеясының 32-ші сессиясында сөйлеген сөзіне орай Қорқыт Ата атындағы Қызылорда университетінің профессоры, тарих ғылымдарының докторы, Қызылорда облыстық Қазақстан халқы ассамблеясы жанындағы Ғылыми-сарапшылық тобының мүшесі Сәтбай Тастанбек пікір білдірді.Профессор «әрбір азамат бірлікті нығайту үшін қызмет етуі керек» деген пікірде.<blockquote>«Қазақстан халқы ассамблеясының ХХХІІ сессиясы– «Әділетті Қазақстан: бірлік, тұрақтылық, даму» ұранымен өткендіктен ол бүкіл Қазақстан халқын үлкен жауапкершілікке міндеттейді. Президент өз сөзінде: Әрбір азамат бірлікті нығайту үшін қызмет етуі керек. Бұл қызмет ешқашан тоқтамайды, үздіксіз жалғаса береді. Өйткені бірлік болса ғана, тірлік болады. Біз осы мызғымас қағидаға әрдайым адал болуымыз керек. Татулық пен келісімнің ерекше маңызды екенін жұрттың бәрі бірдей сезінбеуі мүмкін. Сол себепті кейде «Ассамблеяның қажеті жоқ» деген ұшқары, яғни күмәнді пікірлер айтылып жатады. Шын мәнінде, Ассамблея – мемлекеттілігіміздің іргесін бекітіп тұрған басты институт-деп ассамблея жұмысына арнайы тоқталып өтті. &nbsp; Әділетті Қазақстанды құруға ассамблея құрылымының мүмкіндіктері мен әлеуеті жеткілікті. Қазіргі таңда өткен 30 жылдықта көптеген мемлекеттік және қоғамдық ұйымдардың қызметіне көп сын айтылуда, оның ішінде ассамблеяның жұмыстарына да көптеген сындар айтылды. Ол орынды да. Сондықтан, алдағы міндет ассамблеяның жұмысын жандандыру, әсіресе медиа кеңістіктегі белсенділігін арттыру қажет. Сонда ғана еліміздің бірлігі мен тұрақтылығын қамтамасыз етуінің күшті тетігіне айналмақ. Қоғамдық пікір оны нақты сезінуі тиіс», - дейді Сәтбай Тастанбек.&nbsp;</blockquote>

Қазақстан халқы ассамблеясының ХХХІІ сессиясы: Әрбір азамат бірлікті нығайту үшін қызмет етуі керек

<a href="https://kyzylorda-news.kz/">Kyzylorda-news.kz.</a> Қармақшы ауданында жеке кәсіпкер кір сабын шығаруда. Ғанибек Серікұлының бұл іспен айналысып жатқанына көп бола қойған жоқ.&nbsp;Соған қарамастан ол ол бүгінде Ақай ауылдық округінде тың кәсіпкерлікті қолға алып, цех ашты. Қазіргі таңда, шағын цехта бір күнде орта есеппен 100-150 данадан өнімдер шығарылып, Ақай ауылы мен Төретам кентіндегі сауда дүкендеріне сатылымға қойылып отыр.Жеке кәсіпкер Ғанибек Серікұлының айтуынша, кір сабын тек кір жуу үшін ғана емес, тұрмыс-тіршілікте де өзіндік пайдасы зор. Кәсіпкердің айтуынша, бұл өнімге деген сұраныс өте жоғары. Кір сабын табиғи және экологиялық таза өнім. Кір сабын өсімдік майлары мен қолдану кезінде оның тұтынушылық қасиеттерін жақсартатын жоғары сапалы арнайы қоспалардан дайындалады. Бұл әр үйде күнделікті қолданатын, тұрмыс-тіршілікке қажетті дүние болып табылады. Кір сабынның құрамы өте оңай. Шикізаттың барлығы қолжетімді. Табиғи таза өнімге тұтынушылардың сұранысы күн өткен сайын артып келеді.&nbsp;Болашақта жеке кәсіпкер өндірісті кеңейтіп, өнім қатарына оның ішінде кір сабынның ұнтақ түрін және иіс сабын мен түрлі сұйық сабын шығаруды жоспарлап отыр. Тиісінше, бірнеше адамды жұмыспен қамтымақ.&nbsp;&nbsp;&nbsp;

Қармақшыда кір сабын шығаратын цех ашылды

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының жастары қашанда ұйымшылдығымен көпшілікке мәлім. Ауданнан шалғайда орналасқан Айдарлы ауылындағы жастардың ұйымшылдығы жұртшылыққа үлгі болып келеді. Ауданда қарқынды түрде жүзеге асырылып келе жатқан жастар бригадасы осы ауылда да ашылды.&nbsp;Аталған жастар бригадасы ауыл халқының игілігі үшін жұмыс жасамақ. &nbsp; &nbsp;Өз кезегінде осы бағытта жасалып жатқан жұмыстар жөнінде Айдарлы ауылының әкімі Айбол Ержанов баяндады.<blockquote>– Айдарлы ауылдық округінің жастары үлкені сөйлесе, кішісі қоштап, туыстық қарым-қатынастығын берік ұстап, түп қазығынан ажырамаған, ауызбіршілігі жарасқан бұрыннан ұйымшыл. Үлкені де, кішісі де еңбекке жақын. Содан болар, төрт түлігін түгелдеп қойып, қалған уақытын жерге арнайды. Бақша егеді, суарады, қориды. Ауылда төрт түлік асырап, бау-бақша егіп, кәсіп жасап, адал еңбегімен нәпақасын ажыратып отырған жандар күзде өнімін алып, артығын сатып, нәпақасын айырады. Ауылда азық-түлік қауіпсіздігін және ауыл тұрғындарын әлеуметтік маңызы бар азық-түлікпен қамтамасыз ету мақсатында биылғы жылы &nbsp;«Жастар бригадасы» үшін 10 гектар жер дайындап беруде. Көктемнің бір күні жылдық азығың демекші, қазіргі уақытта 10 жас дайындалған жерді ауыл әкімдігіне жаңадан алынған СНП-500 насосы арқылы суару жұмыстарын қарқынды жүргізуде. Алдағы уақытта 3 га картоп және 7 га бақша өнімдері егілетін болады. Бұл дегеніміз, жастар арасындағы жұмыссыздық деңгейін азайтып күнделікті өмірде тұтынып жүрген азық-түлік өнімдерінің тапшылығын болдырмауға өз септігін тигізері анық. «Қолы қимылдағанның, аузы қимылдайды» деген осы болар, – деді ауыл әкімі.</blockquote>Туған ауылына сүйіспеншілік танытқан ауыл жастары осы кезге дейін Сәдуақас молда мешітінің жанынан 150 орынды шатыр орналастырған. Аталған шатыр бүгінде халықтың игілігіне жарап тұр. Ерікті жастар өз қаржысына ауылдағы 2 жалғыз басты ананың есік алдын темір шарбақпен қоршаласа, бір жалғыз басты анаға от жағатын және кіре беріс бөлме салып берді. Үш қарияның ауласын тазалау жұмыстарын ұйымдастырған. &nbsp;Жалпы, аудан жастарының еріктілік жұмысқа ат салысуы қуанарлық жағдай. Алдағы уақытта айдарлылық жастар еңбектің жемісін көре бермек. Әрине, ауыл шаруашылығы өнімдерін өндіруге жастар бригадасының қосатын үлесі зор. Ауданнның әлеуметтік-экономикалық әлеуетін арттыру бағытында жастар орасан жұмыстар атқаруда. &nbsp;

Жастар бригадасына 10 гектар жер дайындалды 

<a href="https://kyzylorda-news.kz/">Kyzylorda-news.kz.</a> Қызылорда облыстық қоғамдық даму басқармасының «Қоғамдық келісім» КММ директоры Камалов Бақытжан Жарылқасынұлы бүгін Астана қаласында өткен Қазақстан халқы Ассамблеясының 32-ші сессиясына қатысты. Мекеме басшысы сессия жұмысына қатысты өз пікірін білдірді.&nbsp;<blockquote>«Сессия жұмысына мыңнан аса адам қатысты. Олар "Әділетті Қазақстан: бірлік, тұрақтылық, даму" тақырыбында өз ойларын ортаға салды. Бірінші күні делегаттар мен сарапшылар арасында пікірталастар ұйымдастырылды. Ал екінші күні, яғни бүгін Мемлекет басшысы Қасым-Жомарт Тоқаевтың қатысуымен сессияның пленарлық отырысы болды. Жаңа Қазақстанда Қазақстан халқы Ассамблеясына жаңа міндеттер жүктелді. Қазақстан халқына ортақ ұлттық құндылықтарды қалыптастыру керек! Қазақстан халқы Ассамблеясының XXXII сессиясында осындай бастама көтерілді. Сондай-ақ сессия барысында бірлікті нығайтуға қатысты тапсырмалар жүктелді. Басты міндет - арандатушылық пен сепаратизмнің алдын алу. Ресей-Украина арасындағы жағдай бейбітшіліктің бәрінен қымбат екенін көрсетті. Былтыр қаңтар оқиғасы кезінде де тұрақтылық пен татулықтың қадірін ұғындық. Содан бері саяси жүйе толық жаңғырды. Енді ділге, дінге бөлінбей біртұтас ұлт болып, дамудың даңғыл жолына түсуіміз керек. Бұл ретте Қазақстан халқы Ассамблеясына артылар жүк ауыр. Кезекті 32-сессияның «Әділетті Қазақстан: бірлік, тұрақтылық, даму» деген ұранмен өтуі де содан. Сессия барысында Президент Қазақстан халқы Ассамблеясының қызметіндегі бірқатар басымдықты айқындап берді. Атап айтқанда, Президент бірлігіміз бен татулығымызға сына қаққысы келетін кез келген арандатушылық әрекетке батыл түрде тосқауыл қою, этноәлеуметтік шиеленістің шығу себептерін жою үшін нақты шаралар қабылдау қажет екеніне тоқталды. Сонымен қатар көпмәдениетті ортаны дамытып, барлық азаматтың мемлекеттік тілді меңгеруі үшін жүйелі қадамдар жасау керектігін айтты. Тіл – халықтың жан-дүниесі, рухани негізі мен ел еркіндігін, ұлттың ұлылығын танытатын басты күш, ұлт болмысын ұғындырып, жалпы жұртты төңірегіне топтастырушы, біріктіруші. Сондықтан мемлекеттік тілді білу – өмір талабы, заман сұранысы, қоғам қажеттілігі. Тілді өмірдің барлық саласында қолданып, аясын кеңейту жолында әрбір қазақстандық өзінің азаматтық міндетін атқарғанда ғана ол нәтижелі болатынына күн сайын көз жеткізіліп келеді», - деді Бақытжан Камалов.</blockquote>

Қазақстан және Қызылорда облысының жаңалықтары