<a href="https://kyzylorda-news.kz/">Kyzylorda-news.kz.</a> Депортация латынша deportatio – «қуғындау», «көшіру» деген мағынаны білдіреді. Халықтар депортациясын белгілі бір ұлт өкілдерінің, белгілі бір іс-әрекеттеріне байланысты елден қуылуы деп түсіну қажет. Ал, шетел тіліне енген сөздер сөздігінде «депортация» – қылмыстық және әкімшілік жаза ретінде мемлекеттен қуылу, көшіру, жер аудару деп көрсетілген.&nbsp;1920-1950 жылдары тұрғындарды күштеп көшіру – сталиндік қуғын-сүргіннің негізгі құрамдас бір бөлігіне айналды. Жалпы, КСРО-да депортацияға ұшырағандардың саны 1920 жылдан 1949 жылға дейін 3,2 миллион адамға жетті. КСРО-да ең көп орын алған жаппай қуғын-сүргіндік көші-қондардың бірнеше түрлері қолданылды. Этностың белгілері бойынша депортация «жазаланған халықтар», «шекараларды тазалау»,«сенімсіз халықтар» делінді. Әлеуметтік-таптық белгілері бойынша депортация 1934 жылға дейінгі кулақтарды жер аудару кезінде келгендерді арнайы көшірілгендер (спецпереселенцы) деп атады. Саяси мүдде негізіндегі 1934-1944 жылдары көшірілгендерді «еңбек қоныстарындағылар» деп атады. 1944 жылдан бастап «арнайы қоныс аударылғандар» деген атау қолданылды. Киелі де, қасиетті Қазалы топырағы тағдыр тәлкегімен Қазақстан аумағына жер аударған әртүрлі этнос өкілдерінің құтты қонысына айналған қасиетті мекен. 1 мамыр – Қазақстан халқы бірлігі күні қарсаңында өңірде тұрақтап, тамырын жайып, өмір сүріп жатқан бірқатар ұлт өкілдерімен тілдескен едік.Мереке ескерусіз қалмайдыРесейдің Алатайский аймағы, Бийск қаласынан Байқоңыр қаласына көшіп келіп, 2000 жылдан бастап Қазалы топырағына қоныс тепкен Советова Алеся Андреевна орыс халқының өкілі, бүгінде қазақ отбасының келіні.<blockquote>«Жалпы, Қазалыдағы орыстардың дені қазақ тілін өте сауатты меңгерген. Бүгінде араласатын ортам да қазақ. Мұнда көшіп келгенде 10 жаста екенмін. Қазақ тілін тез меңгеріп кеттім десем қателеспеймін. Алғаш келгенде ауызекі тілді ғана білсем, қазір еркін сөйлеймін. Сондықтан болар, мұндағылар атым мен тегім орыс болса да, менің қазақшама таңданыс білдірмейді. Себебі, нағыз қазақы ортада өскен соң, қазақи тәрбиені, құндылықтарды бойыма сіңірдім. Бұл ретте, анамның, нағашыларымның септігі көп тиді. Соның арқасында, бүгінде қазақ жігітіне тұрмысқа шығып, бір үйдің түтінін түтетіп, келін атанып отырған жайым бар. Балаларым да, қазақша тәрбиеленіп, қазақ тілінде білім алып жатыр. Өзімнің орыс ұлтынан екенімді ешқашан ұмытқан емеспін. Десек те, бүгінде өмірім өзім өсіп-өнген өңірмен өріліп жатқан соң, өзімді қазақтан алыс санамаймын. Себебі, мен жанымда жүрген жандарды, ұлтқа бөлмей, бәрін тең туыс көремін. Олар да, мені жатқа балаған емес. Барлығымыз жиі басымызды қосып, әр мерекені ескерусіз қалдырмауды әдетке айналдырғанбыз. Осының өзі бейтбітшіліктің көрінісі емес пе? Осындай бақты бағалай білсек екен. Өзара тату болып, достығымызға сызат түсірмей, бәріміз бір болайық дегім келеді», - дейді Алеся Советова.</blockquote>Сыйласаң – сыйлы боларсың&nbsp;Ұлы Отан соғысы жылдарында қуғын-сүргінге ұшырағандар санатында корей халқы да бар екендігін тарихтан білеміз. Сол жылдары Ресейдің Приморск өлкесінен Қазақстанға Қазалының байырғы тұрғыны саналатын Тен әулеті депортацияланған еді. Бүгінде ұрпақ сабақтастығын жалғаған әулеттің қызы Ким Елена Владимировна үшін туған топырағы тұмарына айналған.<blockquote>«Мен Қазалы қаласында туып-өстім. Әке-шешем де осы өңірдің байырғы тұрғындары. Киелі мекенде туылып, көңілі даладай қазақ жұртының ортасында өсіп-өнгеніме қуанбасам, еш өкінген емеспін. Қазақылықтың қаймағы бұзылмаған өлкенің тұрғындары біздің басқа ұлт өкілі екендігімізге қарамастан жылы шырай танытатын. Мұны біз ешқашан ұмытпаймыз. Ал, оларға деген біздің сыйластығымыз риясыз болуы шарт. Үлкендеріміз де: «Қазақ халқына деген сыйластықтарың риясыз болсын» деп жиі айтатын. Сол өсиетті өскелең ұрпаққа да аманат еткіміз келеді. Тек қазаққа емес, адамзаттың бәріне сыйластығымыз болса екен. «Сыйласаң – сыйлы боларсың» демекші, жарастық орнағанда ғана бәрі жақсы болмақ. Соны бәріміз естен шығармауымыз керек. Жер бетінде өмір сүріп жатқан тегі ме, тілі басқа ұлттардың, тілегі бір болса екен деп, Жаратқаннан тілеймін. Бірлігіміз берік, әрі бекем болғай», - дейді Елена Ким.</blockquote>Туған жерден жырақтамаймынҚазалымен тағдырын тоғыстырған этнос өкілдерінің арасында өзбек ұлты да бар. Тарихи отанына көшпей, өз өмірлерін туған жерімен байланыстырып, тамырын тереңге жайған отбасының ұрпағы қазалылық – Баймұратов Фархат Абдимуратұлы туған жерін жұмағына балайды.<blockquote>«Тарихи тұрғыдан алғанда, қазақ пен өзбек халқының тілі ғана емес, діні мен ділі, мәдени құндылықтары да ұқсас. Тамыры тереңде жатқан рухани байланыс тіпті бауырластыққа айналды. Оған бүгінде қалыптасқан қарым-қатынас дәлел. Түріміз бен тіліміз бөлек демесек, жанымыз бір. Олай болатын себебі де жоқ емес. Қасиетті Қазалы қаласында күні бүгінге дейін бірнеше буын өмір сүріп, әлі де жасап келеміз. Біз сол буынның жалғасымыз. Күнделікті тірлігіміз қазақ ортамен байланысты болған соң, солармен біте қайнасып өмір сүрудеміз. Тіпті, жергілікті жұрттан жыраққа кетсең, жаның жабырқап сала береді. Бұл өлке біздің туған жеріміз, оны ештеңемен айырбастау мүмкін емес. Тарихи отанымыз басқа болғанымен, бұл – біздің екінші үйіміз. Тамырымыз тереңге жайылған өлкеден бізден кейінгі буын да, ұрпақтар сабақтастығын жалғай береді деп сенемін. Бір шаңырақ астында тату-тәтті өмір сүріп жатқан барша ұлттың тұтастығы нығая берсін деп тілеймін», - дейді Фархат Баймұратов.</blockquote>

Қазалыда түрлі этнос өкілдері бар

<a href="https://kyzylorda-news.kz/">Kyzylorda-news.kz.</a> Қазалы ауданы көк туымызды көкте желбіреткен айбынды спортшыларға бай. Оның ішінде, бокстан талай чемпиондарды даярлап шығарған үлкен шеберхана десек те болады. Кез келген ірі жарыстарда қоржынды жүлдеге толтырып, мерейімізді үстем ететін – осы спорт түрі. Жақында Францияның Нормандия қаласында өткен бүкіләлемдік гимназиада өтті.Дүбірлі додада аудан, қала ғана емес, ел абыройын арқалап барған былғары қолғап шебері, жерлесіміз – Ақтілек Орынбасар алтыннан алқа тақты. Бүгінгі күні жастар арасында қарсыластарына дес бермей, оқ бойы оза шауып жүрген боксшымен жеке кездесіп, спорттық мансабындағы алдағы жоспарлары жайында аз-кем әңгімелескен болатынбыз.– Ақтілек, ең әуелі спорттың дәл осы түрін таңдауға не әсер еткенін білсек. Жалпы, боксқа қалай келдің?– Менің спорттың бұл түріне келуіме үлкен ағамның септігі тиді. Себебі – ол жастайынан спортпен оның ішінде, күреспен шұғылданатын еді. Соның әсерімен кейін спортқа деген қызығушылығым оянды. Осылайша, 8 жасымда бокспен айналыса бастадым. Сол тұста мені өз шәкірті еткен бапкерім – Жәнібек Аралбаев. Осы азаматтың біліктілігінің арқасында күн-түн демей жаттығу жасап, шыныға түстім. Алтыншы сыныпқа көшкенімде Кызылорда облысындағы Жалаңтөс Баһадүр Сейтқұлұлы атындағы дарынды балаларға арналған спорт мектебіне оқуға түстім. Ал, ол жақтағы жаттықтырушым Асхат Жеңісбеков болды. Осы уақыт ішінде екі бірдей бапкердің еңбегі еш кетпей небары 8 сыныпта облыста өткен халықаралық Жалаңтөс Баһадүр Сейтқұлұлын еске алуға арналған турнирде 44 келі салмақ дәрежесінде өнер көрсетіп, жеңімпаз атандым. Осылайша, спорт шеберіне үміткер атағын алдым.– Францияның Нормандия қаласында өткен гимназиадаға тоқталайық. Дүбірлі додада жеңімпаз болу үшін қанша уақыт жаттығуда болдың?– Кез келген спортшы үнемі жаттығу жасап, бабында жүруі керек. Себебі, рингтегі жағдай дайындықсыз келген былғары қолғап шеберіне қиын болады. Ол қанша жерден атағы айға жетіп тұрған мықты болса да, жұдырықтасу барысында жаттығудың бар не, жоқ екені білінеді. Сондықтан, жаттығудан қол үзбедім. Гимназиадаға баратынымды білгенде өзімді одан әрі шыңдай түстім.Бізді Нормандия қаласына дайындап апарған Қазақстан Республикасының бокстан жастар құрамасының жоғары жаттықтырушысы Ғалымбек Кенжебаев болды. Бапкер қай уақытта спортшыға рух беру қажет екенін жақсы біледі. Сенің шаршы алаңдағы іс-қимылыңа қарап отырып, кеткен қателікті түзеп отырады. Барлық жағынан түсіндіріп, қарсыластың осал тұсын табуға жәрдемдеседі.– Жарыс болған соң қобалжып, жолдан шығып қаламын деген қорқыныш болмады ма?– Қанша дегенмен бүкіләлемдік дода ғой. Әр жердің кіл сен тұр мен атайын үздіктері жиналды. Онда 70 елден 4000 оқушы спорттың 18 түрінен бақтарын сынады. Ал Қазақстаннан ең мықты деген 234 оқушы іріктеліп алынды. Нормандия қаласына жолға шыққанда басты мақсат қандай жағдай болмасын елге жеңіспен оралу болды. Санадағы артық ойлардан арылып, тек озат болуды ойладым. Алаңға шыққаннан қарсыластардан басым түсуді жоспарлап, әлсіз тұстарын іздеумен болдым. Сондықтан ешқандай қорқыныш, үрейге ерік бермедім. Алайда, «Бақ шаба ма, бап шаба ма?» дегендей, екінші ойдың да болғанын жасырмаймын.Ширек финалда Венгрия мемлекетінің спортшысымен кездестім. Ал жартылай финалда румыниялық былғары қолғап шеберінің әлсіз тұсын таптым. Осылайша, финалда украиналық жігітпен қолғап түйістірдім. Алла сәтін салып, ақтық сыннан да сүрінбей өттім.– Әрбір спортшының бала күннен үлгі тұтатын спортшысы болады. Сен кімге еліктеп өстің?– Қазақстанның көк туын көкке желбіретіп, әнұранын шырқатып жүрген боксшылар жеткілікті. Айта берсек көп. Барлығы мықты. Соның ішінде, жас боксшылар үлгі тұтатын былғары қолғап шеберлерінің басында Бекзат Саттарханов ағамыздың тұрғаны белгілі. Ал мен бала күннен екі дүркін Олимпиада чемпионы украиналық Василий Ломаченконың жекпе-жектерін қарап, соған еліктеп өстім. Бұған ешкім ренжи қоймас. Себебі, әрбір спортшының өзіне ұнайтын спорт майталманы болады.– Спорт болған соң жеңіс пен жеңіліс қатар жүреді. Өзің іштей өкінетін, «әттеген-ай» деген кезің болды ма?– Өткенге өкінуге болмас. Бірақ кей тұста «неге бұлай жасамадым?» деген сәттер кездеседі. Осы жылы Черногория мемлекетінің Будва қаласында халықаралық жарыс өтті. Барлығы ойдағыдай басталғанымен ақтық сында сүріндім. Бұған біреуді кінәлаудан аулақпын. Барлығы өз қолымда тұрғандай болды. Бірақ, соңғы тұста күміс жүлдені қанағат қылуға тура келді.– Алдағы жоспарыңмен бөліссең?– Барлық спортшының мақсаты бір. Ол – Әлем, Олимпиадада топ жару. Үздік болып, өзгелерден озат болу. Менде сол жолда аянбай еңбек етемін. Аудан, облыс қана емес мемлекетіміздің намысын әлемдік аренада қорғауға күш саламын. Алдағы уақытта Испания елінде өтетін Әлем Чемпионатына жолдама алып, бұданда жоғары көрсеткішке жеткім келеді. Бүгінгі жоспар ұдайы жаттығуда болып, нәтижесін рингте көрсетіп, жеңімпаз атану. Қазақстанға алтынмен оралып, ел абыройын асқақтату.– Әңгімеңізге рақмет! Жеңісті күндерің көп болсын!

Қазалылық спортшы ел абыройын асқақтатуды көздейді 

<a href="https://kyzylorda-news.kz/">Kyzylorda-news.kz.</a>&nbsp; Ақорданың ресми сайты Мемлекет басшысының қатысуымен өтетін іс-шаралар аңдатпасын жариялады.2 мамыр күні Президент Сыртқы сауда, экономикалық тартымдылық және шетелдегі француз азаматтарының істері жөніндегі министр-делегат, Қазақстан-Франция Үкіметаралық комиссиясының тең төрағасы Оливье Бештті қабылдайды.Кездесу барысында Қасым-Жомарт Тоқаевтың былтыр қараша айында Францияға ресми сапары барысында қол жеткізілген уағдаластықтарды жүзеге асыру мәселелері талқыланады деп жоспарланып отыр.3 мамырда Мемлекет басшысы ФИФА президенті Джанни Инфантиноны қабылдайды.3-4 мамырда Астанаға Қасым-Жомарт Тоқаевтың шақыруымен Тәжікстан Президенті Эмомали Рахмон мемлекеттік сапармен келеді.Екі ел басшылары шағын және кеңейтілген құрамда өтетін келіссөздер барысында Қазақстан мен Тәжікстан арасындағы стратегиялық серіктестікті одан әрі нығайту перспективаларын талқылайды.5 мамырда Президент – Жоғарғы Бас қолбасшы Қасым-Жомарт Тоқаевтың қатысуымен Бүкілармиялық кеңес өтеді.Жиын барысында әскери саланы дамытуға және әскер дайындығына, сондай-ақ Қазақстан армиясын технологиялық тұрғыда жаңғыртуға қатысты мәселелер қарастырылады.

Президенттің қатысуымен Бүкілармиялық кеңес өтеді

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменовтың Мемлекет басшысының тапсырмасына сәйкес, тұрғын үй коммуналдық шаруашылығын жаңғырту, жылдар бойы қордаланған инфрақұрылым мәселесін шешу және отандық өндірісті дамытуға қатысты қала аумағында жүзеге асырылып жатқан ілкімді істердің жұмыс сапасын қадағалау сапары жалғасуда.&nbsp;Шаһар басшысы алдымен Бәйтерек тұрғын ауданына барып, Қызылжарма каналы арқылы Бәйтерек ықшам ауданына өтетін көпір құрылысының жұмысын зерделеді. Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жеңісбек Файзуллаев, жауапты мердігер компания «Стандарт Ойл» ЖШС-нің директоры А.Ертаев жұмыс барысы туралы егжей-тегжейлі баяндап, ұзындығы 47, ені 10 метр болатын көпірдің сапалы әрі уақытылы ел игілігіне табысталатынын айтты. Мердігердің сөзіне сенсек, Қызылжарма каналын асып өтетін көпірмен тамыз айынан бастап автокөліктер жүйіткитін болады.Қала әкімі бастаған топ ары қарай Қорқыт ата тұрғын ауданына ат басын бұрып, Күлтегін көшесіне жүргізіліп жатқан орташа жол жөндеу жұмыстарын көрді. Бір шақырымнан асатын көшеде жұмыс қарқыны ширақ. Өйткені, мердігер мекеме «Қызылорда-Траст» ЖШС директоры Н.Көшеков маусым айына үлгертуіміз керек дейді.Халықтың өмір сүру сапасын жақсартуда елді мекендерді сапалы ауыз сумен және табиғи көгілдір отынмен қамтамасыз ету мәселесі күн тәртібінен түскен емес. Осы ретте, қазіргі уақытта Сыр өңірінің барлық аудан орталықтары көгілдір отынмен қамтылып, ендігі кезекте елдімекендерге газ тарту жұмыстары жүзеге асырылуда.Сондай игі істің бірін Қосшыңырау ауылдық округінен көруге болады. Қала әкімі аталмыш ауылдық округке табиғи газ қосу жұмысы сапасын бақылау үшін арнайы барды. Абай, Досан ауылдары игілігін көретін газ тарту жұмыстарының құны 662,7 млн. теңге. Ел асыға күткен шаруаны желтоқсан айынан кешіктірмей сапалы орындау міндеті мердігер компания «Ремстрой» ЖШС-не тиесілі.Өз кезегінде шаһар басшысы Асылбек Шаменов «Кез-келген адамның, әулеттің берекесі – үйінде маздаған отынан, жылы ошағынан. Туған елдің төрінде халық игілігі үшін жасалып жатқан жаңалықты берекелі қылу тікелей сіздерге байланысты» деді.Мұнан соң қала әкімі Қызылжарма ауылдық округіндегі Ә.Сайлыбаев көшесінде жүргізіліп жатқан орташа жол жөндеу жұмысын бағамдады. Наурыз айында басталған ұзындығы жарты шақырымға жуық көшеде жасалатын тиісті жұмыстар, мамыр айында толық аяқталады деп күтілуде. Мердігер мекеме «Орда Автодор» ЖШС.Сондай-ақ, Титов тұрғын ауданындағы Жанкент көшесінің тұрғындары да маусым айынан бастап жаяу жүргіншілер жолының игілігін көрмек. 1 шақырымға жуық тротуар құрылысын жүргізу «Қызылорда жолдары» ЖШС-не сеніп тапсырылған.Инфрақұрылымды реттеу мәселесінде қаланың шет аймақтары көбірек қамтылғанын дәлелдейтін және бір көрініс Шанхай тұрғын ауданындағы 8-наурыз көшесіндегі орташа жол жөндеу жұмыстары. Бұл көшені де «Қызылорда жолдары» ЖШС өз міндетіне алған. Айта кетейік, дәл осы тұрғын ауданда жалпы құны 253,9 млн теңгеге 18 көше жөнделетін болады. Қала әкімі Асылбек Шаменов сапар соңында қызылордалықтардың игілігі үшін қыруар қаржыға жасалып жатқан шаруалардан кемшілік болмауы қажет екенін айтып, шаһар аумағындағы барлық әлеуметтік нысандар мен тұрғын үй құрылысы, жол жөндеу жұмыстарына күнделікті бақылау жүргізіп отыру жөнінде жауапты бөлім басшыларына нақты тапсырмалар жүктеді.

Қызылорда қаласында инфрақұрылым қарқынды дамуда

<a href="https://kyzylorda-news.kz/">Kyzylorda-news.kz.</a> Соңғы жылдары ауданда құрылыс қарқын алып, қазалылықтар мекендеген өлке дамып, қадамы қарыштап келеді. Сондай қарқынды нысанның бірі Ғалымбек Баймаханов басшылық ететін ақхалатты абзал жандарға табысталып, қызыл лентасы қиылған еді. Бүгінде жергілікті жердің ғана емес, шет ауылдар игілігі үшін де аянбай еңбек етіп келе жатқан аудандық емхананың басшысымен әңгіме өрбіткен едік.– Ғалымбек Құрманбайұлы, қоныстарыңыз жайлы болсын. Әңгімемізді жаңа емхананың құрылымынан бастасақ. Яғни, қазіргі емхананың бұрынғыдан қандай артықшылығы бар және заман талабына сай ма?– Бүгінде Қазалының 56 мың тұрғынына аудандық кеңес беру диагностикалық емханасында тар буынды 59 дәрігер және 126 орта буынды медицина қызметкерлері адал еңбек етіп келеді. Жаңа ғимарат талапқа сай салынған және әр тар буынды дәрігерлер кабинеті толық заманауи медициналық құралдармен жабдықталған. Дәлірек айтсақ, заман талабына сай.Сондай-ақ, стандартқа сәйкес, әр дәрігер өз мейіркештерімен және құрал жабдықтарымен бөлек орналастырылған. Бұл науқастың дәрігермен емін-еркін сөйлесіп, шағымын қысылмай айтуына мүмкіндік береді.– Бүгінде емхананың ауқымы кеңейген соң, басқа да қандай маман, бөлімдер қызмет етіп жатыр?– Жаңа ғимаратта амбулаториялық-хирургиялық орталық ашылды. Онда көптеген оталар жасалуда. Атап айтқанда, бүкіл зиянсыз ісік бездерінен биопсия алынып, тексеруге жіберіледі. Басқа да, атерома, липома, бүкіл іріңді ісіктер, флегмона мен панарицы және "вросший ног" сынды оталар сәтті тәмамдалуда.– Емханаға заман талабына сай бірнеше қондырғылар әкелініп, бүгінде тұрғындар игілігі үшін жұмыс жасап жатыр. Осы қондырғылар жайында толығырақ айтып өтсеңіз…– Жоғарыда атағандай, ғимарат жаңа, заманауи құрылғылармен, әр тар буынды дәрігерлер кабинетінде қамтылған. Толықтыра кетсек, рентген аппараты – медоника, флюрография – ПроСкан-2000, маммография – РЕНТГЕНПРОМ «МАММО-РП», УЗИ эксперткласс – SIUI, ФГДС – PENTAX, ЭЭГ – MITSAR, лор комбаин – Shammed XU2 extreme сынды құрылғылар. Басқа да, көз аппараты – TOPCON CT-800 мен аудиометрия (кереңдікті алдын-ала тексеру) – OtoRead және КТГ (кардиотокография) – EDAN F3 сияқты шетел құрылғылармен жабдықталған.– Маман мәшһүр болуы үшін белгілі бір жерден тәжірибе алмасып, білімін одан әрі жетілдіреді. Ондайды өзге қалалардан естіп те көріп жүрміз. Сіздерде осындай үрдіс қалыптасқан ба?– Әлгінде ғана еңсерген аты жаман аурудың шағында, карантиндік режимге байланысты біршама дәрігерлердің білім жетілдіруін онлайн форматта оқыттық. Сол үрдіске ыңғайлана келе, бүгінде қашықтықтан да білім алып, сауатымыздың аумағын кеңейтуді тоқтатпай келеміз.Соның да септігінен аудандық емхана дәрігерлерінің санаттылығын процентпен өлшер болсақ, көрсеткіш дәрежесі өте жоғары деп айта аламын. Дәлірек айтсақ, жоғары санатты – 50%, бірінші санатты – 30%, екінші санатты – 20%-ті құрайды.– Кез келген Қазақстан Республикасы азаматына медициналық органда ем-дом алу тегін болады. Алайда, ақылы қызмет түрі де жоқ емес. Осы орайда емханада қандай қызметтер ақылы және тегін?– Орталық емхананың тар буынды дәрігерлері халыққа кешенді медициналық ақпараттық жүйе арқылы қызмет көрсетеді. Яғни, әр науқасты өз аймақ дәрігері кешенді медициналық ақпараттық жүйесі арқылы компьютерге тіркеп, емханадан тегін қызмет алуға толық мүмкіндіктері болады. Мұнда 18 жасқа толмаған балалар мен жүкті әйелдерге тегін өткізуге жеңілдік берілген.Ал, ақылы қызмет жайына тоқталар болсақ, ол халықтың декреттелген топтарына, мұғалімдер, тәрбиешілер, су бөлімі, жеке кәсіпкерлер, Ф 075 медициналық анықтама, Ф 076 қару-жарақ анықтама, Ф073 жүргізуші анықтама сынды топтарға көрсетіледі.– Алдағы уақытқа құрған жоспарыңыз бен жаңашыл бастамаларыңызбен бөліссеңіз…– Болашаққа құрған жоспар көп. Бірақ, ең бірінші, мақсат ол – халыққа салауатты өмір салтын кеңінен насихаттауды әрі қарай жалғастыру мен елге адал қызмет ету. Онан соң, заманауи аппараттарды тереңірек зерттеп білу мен мамандар білімін жетілдіру және тәжірибесін молайту.– Ашық әңгімеңіз үшін рахмет!

Ғалымбек Баймаханов: Басты мақсат – халыққа салауатты өмір салтын кеңінен насихаттау

<a href="https://kyzylorda-news.kz/">Kyzylorda-news.kz.</a> Бала кезінен ілім іздеп, мықты маман атану жолында елімізден тыс жерде оқып, туған елге қызмет етуді алдына мақсат еткен жастардың бірегейі – Ғалымжан Қойшиев. Білімді агроном мамандығын меңгерген жас маман. Ғалымжан өз қалауымен Ресейде білім алды. Оқырмандар назарына жас маманның білім алған оқу орны мен мамандығы туралы, мамандық таңдау алдында тұрған талапкерлерге бағыт-бағдар беру мақсатында өрбіген сұхбатты ұсынамыз.– Ғалымжан, алғашқы сұрақ – туған жер, білім алған алтын ұя мектебіңіз, маман болып қалыптасуыңызға ықпал еткен оқу орны туралы айтсаңыз?– Менің балалық шағым – туған ауылым Нағи Ілиясов ауылында өкені баршаған аян. Өздеріңізге белгілі, біздің ауыл республикаға өзінің қалаға бергісіз көркімен, еңбек адамдарымен белгілі елді мекен. Кеңес Одағының Батыры атындағы ауылымды қай жерде жүрсем де сағынамын. Оның ыстық топырағы мен үшін қымбат. Елді мекендегі №132 Т.Айтбаев атындағы орта мектептің ұстаздарынан тәлім-тәрбие алып, жаңа өмірге қатарыммен бірге қанаттандым. 9-сыныпты бітірген соң Қызылорда қаласындағы «Болашақ» колледжінің «Жол қозғалысын ұйымдастыру» мамандығы бойынша білім алдым. Колледжді бітірген соң, 2016 жылы Ресейдің Брянск қаласындағы аграрлы университетке оқуға түсу бақыты бұйырды. Университет қабырғасында 4 жыл оқып, агроном мамандығын алған едім. Ауылымыздың негізгі кәсібі ауыл шаруашылығы саласы болғандықтан мамандығым арқылы елге қызмет ету – негізгі мақсатыма айналды.Негізінен, туған жерге қызмет ету ер азаматтың борышы деп білемін. Мамандығым арқылы ауыл-аймақтың дамуына үлесімді қоссам деген мақсатым айқын.&nbsp;Брянск қаласы – Ресей Федерациясына қарасты облыс орталығы екенін білеміз. Көп қазақтың баласына бұйыра бермейтін мұндай оқу орында білім алу қаншалықты қиын әрі қызықты болды?– Университетте көптеген елдерден келіп, түрлі ұлт өкілдері білім алады. Оқу орнында студенттерге білім беру сапасы өте жоғары дәрежеде жүргізіледі. Материалдық-техникалық базасы да мықтап жасақталған. Әрбір маманды тәжірибеден өткізу үшін де жағдай жасалған. Зертханалық жұмыстарды да жүргізуге толық мүмкіндік бар. Оқуда аса бір қиыншылық болды деп айта алмаймын. Негізінен, оқытушылар тарапынан өзге елдің студенттеріне соншалықты көп тапсырма берілмейді. Бұл өз кезегінде өз бетінше ізденуге уақыттың мол екенін білдіреді деген сөз. Мысалы, тіл үйрену курстарына қатысуға болады, ол үшін ақы төлемейсіз. Менің ойымша алдына мақсат қойып, сабағын жақсы оқыған студентке ештеңе кедергі бола алмайды, мейлі ол басқа мемлекет болсын, бастысы білімге деген құштарлық басым болуы керек. Біз секілді ауылдан келген жастарға шет елде оқу мүмкіндігі болса, оны пайдаланудан қорықпай, батылдық танытқаны жөн. Бұл бір жағынан жастардың тіл үйренуіне берілген мүмкіндік болса, екінші жағынан сол елдің мәдениетін, білімін алып, адамның рухани дамуына, жетістікке жетуіне ықпал жасайды.– Ауыл шаруашылығы дамыған Брянск қаласының біздің Сыр елімен ұқсастығы бар ма?– Ресейдің батысында орналасқан Брянск қаласы өзінің керемет тарихи ескерткіштерімен, храмдарымен ерекшеленетін қала. Аталған қалада 400 мыңға жуық халық тұрады. Сыр елінің табиғатымен салыстырғанда мүлдем басқа. Ауа ылғалдылығында, күн райында өзгешелік бар. Ылғалды және орманды жері көп аймақ десе де болады. Сонымен қатар, біздің елде егістік алқаптары қолдап, канал арқылы суғарылса, онда егістік бірыңғай жаңбыр арқылы суғарылады. Сондықтан, Қызылода облысының климатына бейімделген ауыл шаруашылығы дақылдары ол жақта егіл-мейді.– Өзің оқыған оқу орнында жерлестерің болды ма? Ұлтымыздың мәдениетін, салт-дәстүрін дәріптеуге мүмкіндік болды ма?– Оқуға түскен жылы университетте екі ғана қазақ баласы оқыдық. Сонан кейінгі жылдары Қазақстаннан келген студенттер қатары көбейе түсті. Ұлттық мереке Наурыз мерекесінде басымызды қосып, наурыз көже пісіріп, өзімізше атап өтетінбіз. Мемлекеттік туымызды биікке көтеріп, Гимнді орындап, елге деген сағынышымызды білдіретінбіз. Қазақы конақжайлығымыз туралы айтып, өзге ұлт өкілдеріне ұлттық менталитет, патриотизм туралы, салт-дәстүр туралы жиі айтатынбыз.Меніңше, жас кезіңде ел танып, жер көру – үлкен қуаныш. Сондықтан жас түлектер сырт елде оқудан қашпау керек. Мүмкіндік болса Еуропада, АҚШ-та білім алғанға не жетсін. Себебі ол елде білім сапасы әлдеқайда жоғары, әрі мүмкіндік өте мол.– Бүгінде қолыңда дипломың бар бір мамандық иесі ретінде өзіңді не ойландырады, алдыңда қандай мақсат бар?– Алдыма қойған жоспарым жеткілікті. Ол құпия болып қала берсін. Сондай-ақ мені қазіргі жастардың жұмыссыздық мәселесі мен мамандық таңдауға бей-жай қарайтыны ойлантады. Себебі дұрыс таңдалмаған мамандық болашақта адамды өз ісіне ықылассыздықпен қарауға итермелейді. Еш уақытта кісінің айтуымен емес, өз жүрегіңіз қалаған мамандықты таңдауға кеңес беремін. Ішкі түйсікке сеніңіз, ол ешқашан алдамайды.– Әңгімеңізге рақмет.&nbsp;&nbsp;

 Агроном мамандығын меңгерген сырдариялық жас маман Ресейде білім алды 

<a href="https://kyzylorda-news.kz/">Kyzylorda-news.kz.</a> Қазір мемлекет тарапынан білім саласына қарқынды қолдау бар. Әлбетте, дамыған елдер қатарынан табылуды көздейтін кез келген ел алдымен бұл салада серпін қалыптастырғысы келеді. Қазақстан да тәуелсіздік алған жылдардан бері аталған саланы әсте назардан тыс қалдырған емес. Мұндай қарқынды қолдау жалағаштық ұстаздарға шабыт береді. Оны аудандағы педагогтардың жұмыс нәтижесінен аңғару оңай.Жалпы Жалағаш ауданында білім саласының даму қарқыны жоғары, түлектердің 11 жылда жиған білімі таразыға тартылатын жыл сайынғы ҰБТ нәтижесі де көңіл көншітеді. Негізінен еліміздің өркендеуі білім беру ісінің ілгерілеуіне тікелей байланысты. Жалағаш ауданының білім саласы жылдар бойы облыс бойынша жоғары көрсеткішке ие болып келеді. Биыл да мектеп бітіруші түлектер жаңа ережеге сай ұлттық тест тапсыруды бастап кеткен. Жуырда ғана білім бөлімі мәлім еткендей, облыс бойынша 8048 түлектің 7044-і ҰБТ тапсыруға өтінім беріп, 10 қаңтардан 10 ақпанға дейін ұлттық бірыңғай тестілеу жұмыстары жүргізілгенҚаңтардағы ҰБТ-ға жоғары оқу орындарына шартты түрде қабылданған студенттер, шығармашылық дайындықты талап ететін БББТ-дан басқа білім беру бағдарламалары тобына ауысуға ниет білдірген ЖОО білім алушылары, ақылы негізде «Педагогикалық ғылымдар» білім беру саласына ауысуға ниет білдірушілер, сондай-ақ қалауы бойынша ЖОО ақылы негізде оқуға қабылданғысы келетін мектеп түлектері қатысқан. Тіркелу кезінде тест тапсырушылар емтихан орнын, күнін және уақытын өздері таңдапты.Айта кету керек, 2023 жылы ҰБТ-да тестілеу форматы өзгеріссіз қалған. Қазақстан тарихы бойынша тестілеуге қатысушылар 20 тапсырманы, оқу сауаттылығы бойынша 15, математикалық сауаттылық бойынша 15 және екі бейіндік пән бойынша 35 тапсырманы орындайды. Барлығы – 120 сұрақ. &nbsp;Ең жоғары балл – 140. Тестілеудің жалпы уақыты – 4 сағат, яғни 240 минут. Сондай-ақ ерекше білім беру қажеттіліктері бар балалар үшін қосымша 40 минуттық уақыт сақталады. Сонымен қатар бір ерекшелік жауап нұсқаларының азаюы болып отыр. Бір дұрыс жауабы бар тест тапсырмаларында нұсқалар саны бестен төртке дейін, бір немесе бірнеше дұрыс жауаптары бар тест тапсырмаларында үш дұрыс жауаптан көп емес, яғни сегізден алтыға дейін азайған.&nbsp;Қаңтардағы ҰБТ-дан бастап «Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім беру бағдарламаларының топтарына түсуге ниет білдірушілер ҰБТ-ны «Мате-матика-Информатика» комбинациясы бойынша тапсырған. Ең бастысы, тестілеу кезінде калькулятор, Менделеев және тұздар ерігіштігі кестелері барлық талапкер үшін компьютер экрандарында қолжетімді. Бұның өзі сын сағатта сынып қалмай, уақытты үнемдеп, тез есептеу тәсілдерін білетін түлектерге мүмкіндік болмақ. Сондай-ақ ҰБТ қатысушыларына өздерімен қалам, су және шоколад алып келуге рұқсат. 2021 жылы Жалағаш ауданында 321 түлек мектеп бітіріп, оның 296-сы ұлттық сынамаға қатысқан. Орташа балл 82-ні құрады. Оның ішінде 273 түлек жоғары оқу орындарына түсіп, өз мамандығы бойынша білім алуда. 39 «Алтын белгі», 18 «Үздік аттестат» иегері де сол жылы анықталған. Ал былтыр аудан бойынша жеті мыңнан астам білім алушы, оның ішінде 358-і түлек болса, «Алтын белгіге» 24, «Үздік аттестатқа» 31 оқушы үміткер болды. Оның 312-сі ҰБТ-ға қатысты. Орташа балл – 81,2. Ал 239 түлек мемлекеттік грант иегері атанды. Әрине бұл бір аудан үшін төмен көрсеткіш емес.&nbsp;Ұлттық бірыңғай тестілеуге қатысқандар ішінде ең көп үміткері бар Т.Жүргенов атындағы №123 мектеп-лицейі мен Әл-Фараби атындағы №201 мектеп-лицейі болса, ең аз түлек Жаңадария ауылындағы №203 орта мектептен. Биыл ауданда 7 128 оқушы болса, соның ішінде 682 бүлдіршін 1 сыныпқа қабылданған. Ауданда 20 мектеп, 1 кешкі мектеп, 37 мектепке дейінгі ұйым, яғни 10 мемлекеттік, 21 жеке балабақша, 6 шағын орталық, 3 қосымша білім беру ұйымы, 2 арнаулы білім беру ұйымы жас ұрпақтың санасына білім сіңіріп, бойына тәрбие дарыту бағытында жұмыс істеп келеді. Мектепке дейінгі тәрбие және оқытумен 3 жастан 6 жасқа дейінгі &nbsp;балалар 100 пайыз &nbsp;қамтылған. Қазіргі &nbsp;таңда 1-6 жастағы балалардың қамтылуы – 68,2 пайыз. Алдағы &nbsp;міндет – 1 жастан 3 &nbsp;жасқа &nbsp;дейінгі &nbsp;балалардың &nbsp;балабақшамен қамтылуын арттыру. Балабақшалардағы 297 педагогтың 52,5 пайызының біліктілігі мектепке дейінгі тәрбие мен оқытуға сәйкес келеді. 2021 &nbsp;жылы &nbsp;бұл көрсеткіш 40 пайызды құраған.&nbsp;Бүгінгі заман – басқалардан білекпен емес, біліммен озатын заман. Иә, расымен заман бұрынғыдай емес, білім саласындағы оқу үрдісі де, білім беру критерийлері де, барлығы өзгерді. Қазір жан-жақты, жаңашыл, үнемі ізденіс үстінде болсаң, еңбегіңнің жемісін көресің. Шүкір, біздің аудан білікті ұстаз, білімді шәкірттерден кенде емес. Ұстаздар қауымы барынша балаларды ынталандыруға, әрбір сабағын жаңаша, қызықты идеямен өткізуге талпынады. Өйткені оқушыны жалықтырып алмауды ойлайды. Түрлі білім додаларында жеңіске жетіп жүрген оқушылар да бар. Олар жетістікке жеткен сайын ауданымыздың мерейі асып, ұстаздардың қызметіне деген ынтасы, жауапкершілігі арта түседі. Осы оқу жылында аудан бойынша ҰБТ тапсыруға ниет білдірген түлектер саны 350-ден асады. Олардың барлығы қазіргі таңда қызу дайындық үстінде. Биыл да түлектер ұлттық сынамадан сүрінбей өтіп, аудан мерейін асқақтатады деп сенеміз. Мемлекеттің білім саласына жасап жатқан қолдауына, әсіресе осы балалардың ыстық тамақпен қамтылуы үшін жасаған қамқорлығына аудандағы ата-аналар дән риза. Үшінші тоқсаннан бастап аймақтағы барлық бастауыш сынып оқушыларына тегін ыстық тамақ беріліп келеді. Бұл жаңалық ата-аналарды да, балаларды да қуантты.&nbsp;Естеріңізде болса, Ел Президенті Қасым-Жомарт Тоқаев 2029 жылға дейінгі сайлауалды бағдарламасында 1-4 сынып оқушыларын 100 пайыз ыстық тамақпен қамтамасыз ететінін айтқан. Президенттің бұл бастамасы өз кезегінде балалардың денсаулығына, жақсы дамуына, оқу үлгерімін және әл-ауқатын жақсартуына оң әсерін тигізетіні сөзсіз. Жалпы аймақта белгіленген санаттағы 33061 бала былтыр ыстық тамақпен қамтамасыз етілсе, биыл 9 қаңтардан бастап 55 901 оқушыға тегін ыстық тамақ берілуде. Жаңа оқу жылына дайындық барысын пысықтау кейбір ата-аналарға қиындық туғызатыны анық. Балалар бір сыныптан бір сыныпқа көшіп, есейгендеріне қуанса, ата-ана сол балаларының киім-кешегі мен оқу құралдарын түгендейді, осы жолда аянып қалмайды. Әсіресе көпбалалы үйде осындай мәселенің жыл сайын қайталанатынын тағы ескеріңіз. Ал балалардың күнделікті мектепке алып кететін тиын-тебенін қайда қоясыз? Иә, бұл да таңсық жағдай емес. Өйткені ата-аналардың айтатын шағымының бірі осы болатын. Қымбатшылық тіпті мектеп асханасында сатылатын балалар тағамдарына дейін келді. Бір балаға бір бәліш жеуі үшін күніне ең аз дегенде 250 теңге кетеді.&nbsp;Бүгінгі таңда аудан бойынша бастауыш сыныптарда оқитын 4019 бала бюджет есебінен бір мезгіл ыстық тамақпен қамтылған. Аудандық білім бөлімі тарапынан асхана жұмыстары, балалардың теңгерімді тамақтануы бақылауға алынған. Ауданда ҰБТ көрсеткіші бойынша жыл сайын орташа және жоғары балл көрсеткішінің жақсарып келе жатқанын айттық. Биыл да түлектердің дайындық қарқыны жаман емес. Ал осы қалыптасқан оң нәтижеде аудандағы барлық білім ошағының, ондағы ұлағатты ұстаздардың үлкен еңбегі бар. Мұны ешкім жоққа шығара қоймас. Рас, ауыл мен аудан орталығындағы мектептердегі білім сапасына қатысты үлкен айырмашылық, ҰБТ көрсеткіші бойынша да мектептердегі білім сапасының көңіл көншітпейтін жағдайлары бұрын болған. Ал қазір мүлде басқа. Бәсекеге қабілетті ұрпақ қалыптастыруда барлық білім беру ұйымы, ондағы ұлағатты ұстаздар қажырлы еңбек етіп жатыр және оның нәтижесін барлығымыз көріп келеміз. Тіпті ауыл мен аудан орталығындағы мектептердің де арасында бұрынғыдай білім сапасына қатысты алшақтық жоқ. Мектеп түлектерінің 90-95 пайызы ЖОО-ға мемлекеттік грантпен оқуға түскен ауылдар бар. Міне, бұл ауданда білім сапасында серпін барын аңғартады. Осы жолда ұлағатты ұстаздар қажырлы еңбек етуде. Білім беру ұйымдарының барлығы бейнебақылау жүйелерімен қамтылған. 20 мектепте барлығы 343 бейнебақылау камерасы орнатылған. Оның 217-сі &nbsp;– ішкі, 126-сы &nbsp;– сыртқы камералар.Биыл 2 мектепке, яғни №116 және №122 орта мектепке бейнебақылау орнатуға қаржы қаралған еді. Сонымен қатар кент орталығындағы 5 мектепке турникет орнатылды, 15 мектепке дабыл түймесін орнатуға облыстық бюджеттен қаржы бөлініп, тиісті жұмыстар жасалды.

Жалағаш ауданы: Салада серпін бар

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысындағы конго-қырым геморрагиялық қызбасының алдын-алу шаралары &nbsp;және «Ана мен бала өлімінің деңгейін төмендету бойынша атқарылып жатқан жұмыстар» барысы бүгін «AMANAT» партиясының облыстық филиалы жанындағы Білім және денсаулық сақтау мәселелері жөніндегі Қоғамдық кеңестің отырысында қаралды.Жиынды кеңес төрағасы Нұридин Амитов ашып, күн тәртібіндегі мәселелер бойынша өңірімізде атқарылуы тиіс біршама жұмыстарға тоқталып өтті.Отырысқа ұсынылған мәселелер бойынша облыстық санитарлық-эпидемиологиялық бақылау департаменті басшысының орынбасары Әлия Әбдікаимова, ветеренария басқармасының бөлім басшысы Марат Ойнаров және Төтенше жағдайлар департаменті басшысының орынбасары, полковник Нұрсұлтан Ибрагимов, денсаулық сақтау басқармасы басшысының орынбасары Жанкелді Шайымбетов хабарлама жасап, кеңес мүшелері тарапынан жолданған сауалдарға жауаптар берді.Мәселен, Қызылорда облысы Конго-Қырым геморрагиялық қызбасы бойынша табиғи ошақ болып табылады. Өңірде КҚГҚ-нан қолайсыз 106 елді мекен бар. Өткен жылы облыста КҚГҚ мен &nbsp;50 күдікті жағдай тіркеліп, оның 20-сы нақтыланды. 6 жағдай өлім-жітіммен аяқталып, 14 науқас қанағаттанарлық жағдайда үйіне шығарылған. Облыстық санитарлық-эпидемиологиялық бақылау департаменті басшысының орынбасары Әлия Әбдікаимованың айтуынша кене шағу жағдайлары былтырғымен салыстырғанда биыл жоғарылап отыр. Былтыр өңірде осы кезеңде 98 жағдай тіркелсе, жыл басынан 126 кене шағу жағдайлары тіркелген. Өсу көрсеткіші 32,3 пайызды құрайды. Мұнан бөлек, Әлия Әбдікаимова жыл сайын Конго-Қырым геморрагиялық қызбасының табиғи ошақтарында профилактикалық превентивтік шаралар жүргізіліп отыратынын, үстіміздегі жылы КҚГҚ-нан қолайсыз 106 елді мекен тіркелгенін, облыс бойынша 238 елді мекен болса, нақты кезеңде олардың 154-і зоолого-паразитологиялық зерттеулермен қамтылғандығын атап өтті. &nbsp;Күн тәртібіндегі екінші мәселеге тоқталар болсақ, өңірде ағымдағы жылдың бірінші тоқсанында 4777 нәресте дүниеге келген. Туу көрсеткіші өткен жылдың осы кезеңімен салыстырғанда 5 пайызға төмендеген. Ана өлімі жағдайы тіркелмеген. 1 жасқа дейінгі нәрестелердің шетінеу көрсеткіші де өткен жылдың 1 тоқсанымен салыстырғанда 47 пайызға төмендеген.&nbsp;Жалпы туылған нәрестелерге жасалған скринингтік тексеру нәтижелері бойынша облыстық денсаулық сақтау басқармасы басшысының орынбасары Жакелді Шайымбетов атап өтті.&nbsp;Оның айтуынша жаңа туылған 4777 нәрестеге 100% &nbsp;неонаталды скрининг тексеруден өткен. &nbsp; Оларға &nbsp;фенилаланин және бірінші рет тиреотропты гормон тексерісі жүргізіліп, нәрестелерде фенилкетонурия ауруы анықталмағандығын жеткізді. &nbsp;Сонымен қатар облыста ерте жастағы балаларда есту қабілетінің ауруын анықтау үшін 22 емдеу алдын-алу ұйымдары тежеліп туындаған отоакустикалық эмиссия құрылғыларымен қамтамасыз етілген, оның ішінде 2 құрылғы Облыстық перинаталдық орталықта, 7 құрылғы аудандық ауруханалардың босану бөлімшелерінде және 13-і МСАК ұйымында екендігін тілге тиек етті.&nbsp;Жиында ұсынылып қаралған мәселелер бойынша кеңес мүшелері нақты ұсыныстарымен бөлісіп, ана мен бала денсаулығын жақсарту. Оларға көрсетілетін ем-дом сапасы және Конго-Қырым геморрагиялық қызбасының алдын-алу бағытындағы жұмыстарды күшейту қажеттігін сөз етті.<figure class="image"><img src="https://knadmin.beoblood.kz/uploads/00fa2dda_e597_46e2_b32a_da66bcec66d5_a2aa57b37d.jpg" alt="00fa2dda-e597-46e2-b32a-da66bcec66d5.jpg"></figure>&nbsp;<figure class="image"><img src="https://knadmin.beoblood.kz/uploads/2e1350f6_caef_4aca_861b_a89338dba2b0_a85427c2c1.jpg" alt="2e1350f6-caef-4aca-861b-a89338dba2b0.jpg"></figure>

Білім және денсаулық сақтау мәселелері бойынша  қоғамдық кеңес  отырысы өтті

<a href="https://kyzylorda-news.kz/">Kyzylorda-news.kz.</a> Астана қаласында «Әділетті Қазақстан: бірлік, тұрақтылық, даму» тақырыбында өткен Қазақстан халқы Ассамблеясының 32-ші сессиясына қатысты Қорқыт Ата атындағы Қызылорда университетінің «Философия» кафедрасының аға оқытушысы, философия ғылымдарының кандидаты Апенов Болат Мейрамұлы пікір білдірді.&nbsp;<blockquote>«Еліміздің бас қаласында Қазақстан халқы Ассамблеясының 32 сессиясы өтті. Жиынға Парламент депутаттары, орталық және жергілікті атқарушы органдардың, діни бірлестіктердің басшылары, Қазақстан халқы ассамблеясының мүшелері, республикалық және облыстық этномәдени бірлестіктердің төрағалары, үкіметтік емес ұйымдардың, дипломаттық корпустың, ғылыми, шығармашылық зиялы қауымының, қазақстандық және шетелдік бұқаралық ақпарат құралдарының өкілдері қатысты. «Әділетті Қазақстан: бірлік, тұрақтылық, даму» тақырыбында өз ойларын ортаға салды.&nbsp; Жиынды мемлекет басшысы Қасым-Жомарт Тоқаев ашты. Мемлекет басшысы сессияда «Еліміз жақында Қазақстан халқының бірлігі күнін атап өтеді. Бұл – ырыс-ынтымақты, татулық пен келісімді дәріптейтін мейрам. Қазақстан үшін бұл аса маңызды мереке. Еліміз Бірлік күнін міндетті түрде атап өтуге тиіс. Себебі қасиетті Отанымыздың іргесі бүтін, тұғыры мығым болсын десек, бірлігіміз әрқашан бекем болуы керек. Бұл – анық ақиқат. Ассамблеяның алқалы жиынын жыл сайын ел бірлігі күніне орай өткізу дәстүрге айналды. Бұл сессия – көктем мезгілінде мемлекеттік деңгейде өтетін ең ауқымды іс-шара. Мұнда еліміз үшін өте маңызды ұсыныстар айтылады» деді. Қазақстан халқының бірлігі күні мерекесі бүгінгі таңда бейбіт өмір мен ынтымаққа, ыстық ықылас пен достық ниеттің дәстүрі, асыға күтер мейрамы. Еліміздің басты қорғаушы күші – қоғамдық келісім мен этносаралық үйлесімді – сақтау Қазақ елінің алдында тұрған басты міндет. Қоғамдық келісім мен саяси тұрақтылық – біздің ең маңызды байлығымыз! Бұл жетістікті бағалау, оны сақтау жолында аянбай еңбек ету әрбір Қазақстан азаматының міндеті», - дейді Болат Апенов</blockquote>

Қоғамдық келісім мен саяси тұрақтылық – біздің ең маңызды байлығымыз

<a href="https://kyzylorda-news.kz/">Kyzylorda-news.kz.</a> Өз жөнімен, қарттық жолымен жүрген, әдемі қартая білген, елі, жері, туған ­ауылына адал еңбек еткен қарияларымыздың қатары сиреп жатқаны өкінішті.Сондай абыз ақсақалдардың бірегейі – Н.Бекежанов ауылының &nbsp;тұрғыны Нақып Тыныбеков көкеміз болатын. Ол кісінің дүниеден озғанына отыз бір жыл болса да, оны танитын ауыл тұрғындары «Нәкең жарықтық болғанда ғой» деп отырады. Оның адамгершілік қасиеттері, ел үшін жасаған ерен еңбектері, жақсы сөздері, әдемі айтылған ақылдары халық санасында жатталып қалғандай. Өзінің іскерлігімен, ұқыптылығымен, адал еңбегімен ауыл, аудан тұрғындарының назарына ілігу екенің біріне бұйырмаған бақыт болса керек. Нақып Тыныбеков – 1913 жылы Керделі ауылдық округіне қарасты өңірде шаруа отбасында дүниеге келген. Түркістан жанындағы Қарнақ елді мекеніндегі діни -медреседе білім алып, балалық шағын бос өткізбеген талантты бала Нақып жас кезінен-ақ бойына имандылық нұрын құйып өседі. 1929 жылы он алты жасар Нақып еңбек жолын колхозшылықтан бастайды. Бейбіт өмір ұзаққа созылмай, 1942 жылдың 26 маусымында Ұлы Отан соғысына ол да иығына қару асынып аттанады.1942 жылдың маусым айынан 1943 жылдың сәуір айы аралығында Калинин майданында 114-ші атқыштар бригадасында старшина шенінде соғысады. Бірде неміс фашистері тосыннан шабуыл жасап, қырғын атыс басталады. Қайсар старшина Нақып ерлікпен соғысып, алғы шепке ұмытылып жүріп осы айқаста ауыр жараланып, госпитальда емделіп, соңында соғысқа жарамсыз деп табылып, елге оралады. Соғыс майданынан еңбек майданына қайта оралған Нақып Тыныбеков 1945-1949 жылдары Ақтөбе колхозының басқарма төрағасы, 1949 жылы аудандық ауыл шаруашылығы бөлімінің агрономы қызметтерін атқарады. 1950-1953 жылдары аралығында Орал қаласындағы ауыл шаруашылығы техникумының агрономия бөлімінде оқып білім алады. Бітірген соң Н.Тыныбеков Шиелі МТС-да агроном, 1954-1957 жылдары Молотов және Сталин атындағы колхоздардың бастығы және 1957-1972 жылдары зейнетке шыққанға дейін Коммунизм колхозының бас агрономы болып салиқалы қызмет атқарған. Сондай-ақ ол Коммунизм ауыл ардагерлері кеңесінің төрағасы ретінде көп жыл қоғамдық жұмыс атқарып, ауыл тұрғындарының &nbsp;қошеметіне бөленеді. Аудан және колхоз ауыл шаруашылығын дамытуға &nbsp;қосқан үлесі, сонымен қатар Ұлы Отан соғысындағы ерлігі үшін Н.Тыныбеков 1966 жылы 23 маусымда «Құрмет белгісі» орденімен марапатталады. Оның кеудесіндегі бірінші дәрежелі «Отан Соғысы» ордені, «Жеңіске – 20 жыл» және «Еңбек ардагері» медальдары жарқырап тұратын. Н.Тыныбеков халыққа қызмет етудің жарқын үлгісін көрсетті. Өмірден Н.Бекежанов ауылының қазыналы қарты, абыз қариясы болып өтті. Ол ауылдың әлеуметтік-экономикалық өркендеуіне айрықша еңбек еткен беделді, сыйлы кісі болған. Үнемі абырой биігінен көрініп, ар-намысын кірлетпеген, ел үшін еңбек етуден жалықпаған қайраткер жан Нақып Тыныбек 1992 жылы 16 қыркүйекте дүниеден озады. Оның есімі Н.Бекежанов ауылының «Даңқ тақтасына» жазылған.&nbsp;Ол ана жаққа ештеңе алып кеткен жоқ. Еңбек және Ұлы Отан соғысының ардагері Н.Тыныбектің ауылға сіңірген өлшеусіз еңбегі ескеріліп, ең болмаса ауылдан бір көше атауы беріліп жатса несі айып? Оның өнегелі өмір жолы бүгінгі жастарға, келешек ұрпаққа таптырмас тәрбие үлгісі болып қалар еді. Алда Ұлы Жеңістің 78 жылдығы келе жатыр. Нақып көкеміздің туғанына 110 жыл толыпты. Есімін мәңгі есте қалдыруға лайықты осындай жандар ұмыт болып қалмаса екен. Ауыл тұрғындарының тілегіде осындай көрінеді. Жақсылықтың ерте-кеші жоқ деген.

Оқ пен оттың ортасынан оралған

<a href="https://kyzylorda-news.kz/">Kyzylorda-news.kz.</a> Қорқыт Ата атындағы Қызылорда университетінің «Құқықтану» кафедрасының аға оқытушысы, заң ғылымдарының магистрі Жарекеев Қуаныш Жақсыбайұлы Астана қаласында Қазақстан халқы Ассамблеясының 32-ші сессиясына қатысты. Ол сессиядан соң Ассамблея қызметінде мемлекеттік тілдің қолданыс аясын кеңейту маңызды орынға ие екенін айтты.Бірінші күні делегаттар мен сарапшылар арасында пікірталастар ұйымдастырылды. Ал бүгін Мемлекет басшысы Қасым-Жомарт Тоқаевтың қатысуымен сессияның пленарлық отырысы болды.«Татулық пен келісімнің ерекше маңызды екенін жұрттың бәрі бірдей сезінбеуі мүмкін. Сол себепті кейде «Ассамблеяның қажеті жоқ» деген ұшқары, яғни күмәнді пікірлер айтылып жатады. Шын мәнінде, Ассамблея – мемлекеттілігіміздің іргесін бекітіп тұрған басты институт. Президентіміз Қасым-Жомарт Тоқаевтың сөзінде «Қазақстан халқы Ассамблеясы – бірлігімізді нығайтуға қызмет ететін бірегей құрылым. Ассамблея қасиетті қазақ жерін мекен еткен барша этносты ұйыстырып отыр. Онда еңбек етіп жүрген азаматтарды бірліктің елшісі деуге болады».Бұл сессияның да маңыздылығы осында және сессияның тақырыбы «Әділетті Қазақстан: бірлік, тұрақтылық, даму» - деп айтып өтті.Шындығында, Ассамблея қызметінің арқасында Қазақстанда этностық немесе діни ерекшелігіне қарамастан әрбір азаматтың Конституциямен кепілдік берілген азаматтық құқықтары мен еркіндігі толығымен қолданылатын этносаралық және конфессияаралық келісімнің айрықша үлгісі қалыптасты. Қазақстанның көпэтностық бай кеңістігінде сенім, келісім мен өзара түсіністік үлгісі орнады.Қазақстанның Ел Бірлігі Доктринасы – халықтың, уақыт талабына сәйкес, бірігу қажеттігін түсінуіне негіз. Бұл – бізді қандай күш біріктіреді және біртұтас етеді - соны түсінудің тәсілі. Бұл – болашаққа бірігіп ұмтылудың серпіні.Ел Президенті еліміздегі тіл мәселесіне ерекше көңіл бөліп келеді. Этносаралық қатынастар жүйесінде мемлекеттік тіл ел бірлігін қалыптастырудың маңызды факторы болып танылған. Сондықтан да Ассамблея қызметінде мемлекеттік тілдің қолданыс аясын кеңейту маңызды орынға ие.

Қуаныш Жарекеев: Ассамблея қызметінде мемлекеттік тілдің қолданыс аясын кеңейту маңызды орынға ие

<a href="https://kyzylorda-news.kz/">Kyzylorda-news.kz.</a>&nbsp; Жалпы орта білім беру ұйымдарының 8-11 сынып оқушылары арасында қала әкімінің кубогы үшін өткен «Қызылорда Debat Cup – 2023» Ұлттық пікірсайыс турнирі өз мәресіне жетті. Турнирге қаладағы барлық мектептерден ұшқыр ойлы, тапқыр да талантты жүзден аса оқушы қатысып, 3 кезең бойынша бақ сынады.Шараға арнайы қатысқан қала әкімінің орынбасары Жанмұрат Сейілов турнирден оза шапқан үздік оқушыларды жеңістерімен құттықтап, шәкірт тәрбиелеу жолында бүгінгідей шаралардың маңызы зор екендігін тілге тиек етті.&nbsp;<blockquote>Дебат - тек зияткерлік ойын емес, ол – сыни ойлау дағдыларын қалыптастырып, ақпаратты дұрыс талдауға, командамен бірлесіп жұмыс істеуге, сұрақ қойып, оларға нақты жауап беруге үйрететін білім беру технологиясы. Бүгінгі жеңіс тұғырынан көрінген жеңімпаздарды шын жүректен құттықтай отырып, еңбектеріңізге толағай табыс, ғылым жолындағы бастамаларыңызға сәттілік тілеймін, - деді Жанмұрат Жақсымұратұлы.</blockquote>Турнир қорытындысы бойынша жүлделі ІІІ орынды Абай атындағы үш тілде оқытатын дарынды балаларға арналған мамандандырылған сыныптары бар мектеп иеленсе, ІІ орынды №267 орта мектебі жеңіп алды. Ал, Т.Есетов атындағы №264 мектеп-лицейі «Қызылорда Debat Cup – 2023» Ұлттық пікірсайыс турнирінің жеңімпазы атанды.«Үздік фракция» номинациясымен С.Сейфуллин атындағы №4 ІТ мектеп-лицейі, «Үздік спикер» номинациясымен М.Дүйсенов атындағы №15 мектеп-лицейінің спикері Томирис Ибрагим, «Үздік үйлестіруші» номинациясымен С.Лапин атындағы №261 орта мектебі марапатталды.<figure class="image"><img src="https://knadmin.beoblood.kz/uploads/343399457_755281539370263_2603807190790092224_n_707acdfd88.jpg" alt="343399457_755281539370263_2603807190790092224_n.jpg"></figure>&nbsp;<figure class="image"><img src="https://knadmin.beoblood.kz/uploads/343309217_619169326451910_4776302708785213614_n_5f9e71cb9a.jpg" alt="343309217_619169326451910_4776302708785213614_n.jpg"></figure>

Қазақстан және Қызылорда облысының жаңалықтары