Kyzylorda-news.kz. Қорқыт ата атындағы Қызылорда университетінің 85 жылдығына орай «Ұлттық руханияттың ұлы ордасы» атты салтанатты жиын өтті. Жиынға ҚР Ғылым және жоғары білім министрі Саясат Нұрбек, Қызылорда облысы әкімінің орынбасары Нұрымбет Сақтағанов, ЖОО-ның басшылары, қоғам қайраткерлері мен зиялы қауым өкілдері қатысты.&nbsp;Салтанатты шарада ҚР Ғылым және жоғары білім министрі Саясат Нұрбек Қорқыт ата атындағы Қызылорда университетінің 85 жылдығымен құттықтап, оқу орны еліміздегі білім саласының дамуына елеулі үлес қосқанын жеткізді.Ал облыс әкімінің орынбасары Сақтаған Нұрымбетов батыл бастамалар, тың ізденістер мен кәсіби жетістіктердің арқасында университет отандық жетекші жоғары оқу орындарының арасында лайықты &nbsp;орын алып отырғанын атап айтты.Қорқыт ата атындағы Қызылорда университетінің басқарма төрағасы – ректоры Бейбіткүл Кәрімова бірегей білім ордасы осы кезге дейін мыңдаған шәкірттің жарқын болашағына жолдама бергеніне тоқталды.«Қасиет құндақтаған қара шаңырақ» атты білім ордасының 85 жылдық тарихын баяндайтын бейнероликтен басталған салтанатты жиын «Таным тұмары» атты хореографиялық театрландырылған қойылымға ұласты. Шарада ұлағатты ұстаздар мен ғалымдарға құрмет көрсетіліп, оқу орнының тәуелсіздік жылдарындағы жетістігі баяндалды.Жиында бірқатар профессор-оқытушылар Қазақстан Республикасы Ғылым және жоғары білім министрінің «Құрмет Грамотасы» және Алғыс хаттарымен, Қызылорда облысы әкімінің Құрмет грамотасымен, ҚР ЖОО қауымдастығының «Ахмет Байтұрсынов атындағы Орденімен», Қазақстандық салалық білім және ғылым қызметкерлері кәсіподағының «Білім және ғылым қызметкерлерінің кәсіподағына сіңірген айрықша еңбегі үшін белгісі», «Құрмет грамотасымен» &nbsp;марапатталды.&nbsp;Ал, Қазақстан Республикасы Парламенті Сенатының депутаты, саяси ғылымдар докторы, профессор Мұрат Бақтиярұлына, Екі мәрте Мемлекеттік сыйлықтың иегері, Қазақстанның еңбек сіңірген қайраткері, биология ғылымдарының докторы, профессор Аманкелді Садановқа, &nbsp;Қазақстанның еңбек сіңірген қайраткері, филология ғылымдарының докторы, профессор Бағдат Кәрібозұлына &nbsp;«Қорқыт Ата атындағы Қызылорда университетінің Құрметті профессоры» атағы табысталды.<img src="https://knadmin.beoblood.kz/uploads/FB_IMG_1670082103850_8efc7102c3.jpg" alt="FB_IMG_1670082103850.jpg"><img src="https://knadmin.beoblood.kz/uploads/FB_IMG_1670082118957_87929c35d6.jpg" alt="FB_IMG_1670082118957.jpg"><img src="https://knadmin.beoblood.kz/uploads/FB_IMG_1670082110041_434f79e3fd.jpg" alt="FB_IMG_1670082110041.jpg">&nbsp;<figure class="image"><img src="https://knadmin.beoblood.kz/uploads/FB_IMG_1670082115406_0cfe770e67.jpg" alt="FB_IMG_1670082115406.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1670082123217_d823a0edd2.jpg" alt="FB_IMG_1670082123217.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1670082126010_00673ab81e.jpg" alt="FB_IMG_1670082126010.jpg"></figure>

Қорқыт ата атындағы Қызылорда университетінің 85 жылдығына орай салтанатты жиын өтті

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университенің білім алушылары ҚР Ғылым және жоғары білім министрі Саясат Нұрбекпен кездесті.Қазіргі таңда оқу орнында 1490 студент &nbsp;жұмылдырылған 22 жастар ұйымы жұмыс жасайды. Биыл &nbsp;білім алушылардың қатысуымен 873 мәдени іс-шара ұйымдастырылды.Оқу орны білім және ғылым саласында ғана емес, спортта да ауқымды жетістіктерге жетіп келеді. Университетте 9-Әлем чемпионатының, 27-Азия чемпионатының, 120-Қазақстан чемпионатының жеңімпазы мен жүлдегері бар. Қазіргі таңда университетіміздің спортшы студенттері арасында 7-Халықаралық дәрежедегі спорт шебері, 32-Қазақстан Республикасының спорт шебері, 56-Қазақстан Республикасының спорт шеберлігіне үміткер, 33-Қазақстан Республикасының Ұлттық құрама командасының мүшелері білім алады.Жалпы Қорқыт ата атындағы Қызылорда университетінде білім алушыларға арналған 10 оқу корпусы, «Сейхун» спорттық кешені, 4 студенттік жатақхана, Ғалымдар үйі, Әскери кафедраның әскери-тактикалық полигоны бар.Кездесу барысында белсенді жастар министр Саясат Нұрбекпен пікір алмасып, естелік суретке түсті.Айта кетейік, Сыр еліне жұмыс сапарымен келген ҚР Ғылым және жоғары білім министрі Саясат Нұрбекпен бірге Қорқыт ата университетінің 85 жылдық мерейтойына арналған кездесулерге <a href="https://kyzylorda-news.kz/kogam/khyzylorda-khr-ghylym-zhaene-zhoghary-bilim-ministri-sayasat-nurbek-okhytushy-ghalymdarmen-kezdesti-03-12-2022">қатысты.</a><figure class="image"><img src="https://knadmin.beoblood.kz/uploads/317509815_149726047811599_8763147106441174999_n_9b04371143.jpg" alt="317509815_149726047811599_8763147106441174999_n.jpg"></figure>

Министр Саясат Нұрбек көшбасшы жастармен кездесті

Kyzylorda-news. kz. Қазгидромет синоптиктері 4 желтоқсан, жексенбіге арналған ауа райы болжамын жариялады.Атмосфералық фронттардың әсерінен шығыста, орталықта, солтүстікте және оңтүстік-шығыстың таулы аймақтарында қар жауады.Ал Қазақстанның батыс аумағы антициклон ықпалында болады. Соның салдарынан көбіне жауын-шашынсыз ауа райы күтіледі.Республика бойынша кей жерлерде жел күшейеді, солтүстікте, шығыста, орталықта жаяу бұрқасын соғады.Батыста, оңтүстікте, орталықта және таулы аймақтарда тұман түседі.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес Қармақшы ауданы әкімі Әділбек Ерсұлтановтың кент ауылдық округтерде 10 айдың қорытындысы бойынша халықпен кездесулері Төретам кенті мен Ақай ауылында жалғасын тапты.&nbsp;Аудан басшысының алғашқы іс-сапары алдымен Ақай ауылдық округінде өтті. Ауыл халқымен өткен кездесуде аудан әкімі жыл басынан бері өңірдегі атқарылған жұмыстар барысын саралап, алдағы мақсат-міндеттермен бөлісті.Ақай ауылы бойынша «Ауыл ел бесігі» бағдарламасы аясында 2023 жылға Қазбек би, Баймаханов, Құдайбердиев көшелеріне асфальт төсеу жұмыстарына қажетті қаржысын бөлу қолдау тапқандығын және сонымен қатар елді мекенде «Рипсы» күріш таяқшалары өндірісі, жылыжай ашу, кондитер өнімдерін шығару сияқты өнеркәсіп саласындағы жобаларды мемлекеттік бағдарламалар шеңберінде іске асыру жұмыстары жүргізілуде екендігін айтты.Сондай-ақ Ақай ауылдық округі әкімі ауылдың әл-ауқаты, тұрмыстық деңгейі, шағын және орта кәсіпкерлік, ауылішілік абаттандыру бағытындағы атқарылған ағымдағы жұмыстар жөнін баяндап, ауыл тұрғындары аудан әкіміне көкейде жүрген өтініш –тілектерін жеткізу үшін жеке қабылдауға жазылды.Мұнан кейін халықпен көшпелі кездесу Төретам кентінде жалғасты.&nbsp;Аудан әкімі Ә.Ерсұлтанов биылғы жылы Төретам кентінде «Светофор» сауда орталығы, «Гелиос» жанармай құю бекеті, сонымен қатар бірқатар сауда нысандары іске қосылса, қосымша елді мекендерді аяқ сумен қамтамасыз ету мақсатында аяқ су ұңғымаларын орнату жобаларын жүзеге асыру үшін 24 су ұңғымасын қазу қажеттілігі туындап, оның 3 су ұңғымасын Төретам кентінен қазу жоспарлануда екендігін айтты.Сонымен бірге Төретам кентінің тұрғындары тарапынан үнемі көтеріліп келген санитарлық тазалық мәселесіне тоқталды. Осы мәселелерді шешу үшін биылғы жылы көп қабатты тұрғын үй аулаларындағы септиктерді тазалауға және жөндеу жұмыстарына қаржы қаралып, мемлекеттік сатып алу арқылы жұмыстар атқарылып жатқандығы айтылды. Төретам кенті әкімі өз кезегінде атқарылған жұмыстарды баяндады.Кент тұрғындары тарапынан жаңадан су қабылдайтын құрылғы салу, жайылым мәселесі, қоғамдық жұмысқа орналасу сынды сауалдар қойылды.&nbsp;Аудан әкімі барлық қойылған сауалдар мен өтініш тілектер заң аясында түсіндіріліп, кезең-кезеңімен шешімін табатынын және әр тұрғын сауалы басты назарда болатынын жеткізді.Сонымен қатар Әділбек Бөрібайұлы ауыл- аймаққа арнайы барған іс-сапары кезінде бірқатар құрылысы жүргізіліп жатқан нысандарды аралап,сала басшыларымен бірге мердігер мекемелерге құрылыс жұмыстарының сапалы жүргізілуіне және уақытылы ел игілігіне берілу керектігін басты айтты. &nbsp;<img src="https://knadmin.beoblood.kz/uploads/318123802_2231139040390323_4587848464082507718_n_ba1c95dc31.jpg" alt="318123802_2231139040390323_4587848464082507718_n.jpg"><img src="https://knadmin.beoblood.kz/uploads/318080158_2231139323723628_8844495128424375875_n_9f6701a18e.jpg" alt="318080158_2231139323723628_8844495128424375875_n.jpg">

Қармақшы ауданы әкімі Әділбек Ерсұлтановтың халықпен кездесулері Төретам кенті мен Ақай ауылында жалғасты

<a href="https://kyzylorda-news.kz/">Kyzylorda-news.kz.</a> Бүгін ҚР Ғылым және жоғары білім министрі Нұрбек Саясат Сыр өңірінің халқымен кездесті.Басқосуда өңірлік жоғары оқу орындарын жаңғыртуға және ондағы білім беру әлеуетін арттырудағы негізгі басымдықтар айтылды. Сондай-ақ, нарыққа қажетті мамандарды даярлауда тиімді бағдарламалар әзірленіп, жас ғалымдарды қолдауға бағытталан бастамалар жүзеге асатынын хабарлады. Мәселен, бүгінде техникалық мамандықтар бойынша мемлекеттік білім беру тапсырысын 70 пайызға дейін квоталау қарастырылуда. Бұл еліміздегі кадр тапшылығын азайтуға септігін тигізбек.Сонымен қатар, министр еліміздегі демографиялық өсудің қарқыны жоғарлағанын, бұл өз кезегінде оқу орындарының жетіспеушілігіне әкелетінін сөз етті. Тиісінше, елімізде оқу орындарының санын көбейтумен қатар білім сапасын жоғарлату басты міндет екенін жеткізді. Кездесу соныңда облыс тұрғындары өзекті сауалдарын қойып, өз мәселелерін ортаға салды.&nbsp;Айта кетейік, министр Қорқыт ата атындағы Қызылорда университетінің «Open space» заманауи үлгідегі кітапхана жұмысымен танысып, білім, ғылым, өнер, спорт саласындағы озат студенттермен кездеседі. Мұнан кейін университеттің 85 жылдығына арналған салтанатты шараға қатысады. &nbsp;<img src="https://knadmin.beoblood.kz/uploads/317871931_1679849682410537_6788588966566256216_n_467015c044.jpg" alt="317871931_1679849682410537_6788588966566256216_n.jpg">

ҚР Ғылым және жоғары білім министрі Нұрбек Саясат Сыр өңірінің халқымен кездесті

<a href="https://kyzylorda-news.kz/">Kyzylorda-news.kz.</a> Қызылордадағы №112 орта мектебінде «Сан түлекті самғатқан алтын ұя» тақырыбындағы мектептің 70 жылдығына арналған рухани-танымдық кеш өтті.Рухани-танымдық кештің мақсаты - Сыр елі білім саласының дамуы мен өркендеуінде өзіндік қолтаңбасы бар, іргетасы сонау 1952 жылы қаланған білім ордасының 70 жылдағы қол жеткізген табыстары мен жетістіктерін жұртшылықпен бөлісу. Оқу орны тарихының жарқын беттерін насихаттау арқылы жас ұрпақ бойында өздері білім алып жатқан мектебі үшін мақтаныш сезімдерін қалыптастыру. Әр кезеңдерде мектепке еңбегі сіңген ардагер ұстаздарға, табысты түлектерге құрмет көрсету.&nbsp;Аймақ тарихымен сабақтас шежірелі білім шаңырағы - №112 орта мектебінің алғашқы іргетасының қалануы ертеректен бастау алған. 1950 жылы - оқу бөлімінің қаулысына сәйкес Ташкент темір жол мектебі Қызылорда қаласындағы білім ошағы ретінде пайдалануға ұсынылады. Екі жыл уақытты артқа қалдырып 1952 жылдың 2 желтоқсанында 520 оқушы қабылданып, оларға &nbsp;24 мұғалім білім берген. Осы кезеңде білім ордасының жандануына қызмет қылған Нағима Абдулқызы өмір жолының 26 жылында мектепке басшылық етті.Мерекелік шара бағдарламасы үш блокты қамтыды. Бірінші блок жылдармен жаңаланған білім мекені деп аталды.&nbsp;«Жылдармен жаңаланған мектеп» - мектептің тарихына, жетістіктеріне арналған фотоальманах, танымдық көрме ұйымдастырылып, «Оқуға құштар мектеп» жобасы аясында «Білімнің бәрі кітапта» атты оқырмандар &nbsp;сағаты; «Дебат клубы» жобасы бойынша ашық алаң: «Жеке меншік мектептің болғаны дұрыс па?»; «Мектеп театры» жобасы негізінде оқушылар театры қойылымы: «Ертегілер еліне саяхат»; «Мектеп парламентарийі» жобасы аясындағы «Aqyl-battle» мектеп тарихына негізделген интеллектуалдық сайыс жүргізілді.Іс -шараны қалалық кәсіподақ ұйымының төрайымы Әлімбетова Орынша Міржақыпқызы ашып беріп, мектеп ұжымына арнайы құттықтау хат табыстады. Мерекелік бағдарламада алтын ұя мектебіне арнаған әсерлі шәкірттер арнауы, мектеп тарихынан сыр шертетін бейнеролик көрсетіліп, концерттік бағдарлама ұйымдастырылды. &nbsp;Арнайы шақырылған мектептің ардагер ұстаздары, қонақтар, әр жылдағы мектеп түлектерінің құттықтауы мен естеліктері мерекеге ерекше сипат берді. Сонымен қатар бірнеше ұстаз марапатқа ие болды.&nbsp;<figure class="image"><img src="https://knadmin.beoblood.kz/uploads/ab8d8812_2a5b_48a1_a4ff_b35dee945164_512851ea7e.jpg" alt="ab8d8812-2a5b-48a1-a4ff-b35dee945164.jpg"></figure>

Білім ордасына 70 жыл толды

<a href="https://kyzylorda-news.kz/">Kyzylorda-news.kz.</a> Облыс әкімінің орынбасары Нұрымбет Сақтағановтың төрағалығымен облыс әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өткізілді.Күн тәртібінде жетім, ата-ана қамқорлығынсыз қалған балалардың жағдайы, облыстық жастар ресурстық орталығының жұмысы, кәмелетке толмағандармен жасалған және оларға қарсы жасалған қылмыстар туралы, суицид профилактикасы, «тәуекел тобындағы» балалар мен жасөспірімдерге көмек көрсетудің бірлескен жұмыстары қаралды.Отырыста облыстық білім басқармасы басшысының орынбасары Б. Бердаулетов жетім, ата-ана қамқорлығынсыз қалған балалардың тұрғын үймен қамтамасыз ету проблемаларына тоқталды. Бұған қоса, суицид профилактикасы, «тәуекел тобындағы» балалар мен жасөспірімдерге көмек көрсетудің бірлескен жұмыстары туралы да тілге тиек етті. Бұл мәселе бойынша облыстық денсаулық сақтау басқармасының басшысы С. Пазилов та баяндама жасады.Сондай-ақ облыстық қоғамдық даму басқармасының басшысы М.Қазбекова жастар ресурстық орталығының атқарылған жұмыстары мен алға қойған міндеттерін айтты. Сонымен қатар, ОПД, Жергілікті полиция қызметі басқарамасының бастығы, полиция полковнигі Б. Ибраев 10 айда кәмелетке толмағандармен жасалған және оларға қарсы жасалған қылмыстар туралы баяндады.Комиссия отырысында қатысушылардың ұсыныс-пікірлері тыңдалып, кәмелетке толмағандардың істері және олардың құқықтарын қорғау жөніндегі комиссия төрағаларының суицид, қылмыс, зорлық-зомбылық бойынша атқарған жұмыстарының есептері тыңдалды. Комиссия жұмыстарын үйлестіруді күшейту жөнінде тапсырмалар берілді. &nbsp;<img src="https://knadmin.beoblood.kz/uploads/13645305_1148067655245531_4092116390954143045_n_e7b6f141eb.jpg" alt="13645305_1148067655245531_4092116390954143045_n.jpg">

Кәмелетке толмағандардың істері және олардың құқықтарын қорғау жөнінде жиын өтті

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Нұрлыбек Нәлібаев Сыр еліне жұмыс сапарымен келген ҚР Ғылым және жоғары білім министрі Саясат Нұрбекпен бірге Қорқыт ата университетінің 85 жылдық мерейтойына арналған кездесулерге қатысты.Алдымен облыс әкімі мен министр университеттің №5 оқу ғимаратында оқытушы-ғалым, профессорлармен кездесіп, оқу орнының ғылыми-инновациялық жетістіктерімен танысты.Нұрлыбек Нәлібаев 85 жылдық тамырлы тарихы бар университеттің кәсіби маман даярлаудағы әлеуеті зор екенін тілге тиек етіп, ғылымға бетбұрыс жасаған жастарға әрдайым қолдау болатынын жеткізді.<blockquote>«Бүгінгі күні өңіріміздің маңдайалды университеті еліміз үшін сұранысқа сай мамандардың мыңдаған легін даярлап, ұлттық кадрлар қалыптастыруда. Білім ордасының түлектері егемен еліміздің түкпір-түкпірінде сан-салалы қызметте абыройлы еңбек етуде. Олардың арасында мемлекет және қоғам қайраткерлері, ҚР Парламентінің депутаттары, Қазақстанның Еңбек Ері, Мемлекеттік сыйлықтың лауреаттары, ғалымдар, өнер және мәдениет майталмандары, ғылым мен спорт саңлақтары, ірі бизнес өкілдері бар. Жас ғалымдардың ғылыми әлеуетін арттыру мақсатында археологиялық және аграрлық сала жобалары қолдау тауып келеді. Келешекте бюджет есебінен қаржыландырылатын экономика салалары бойынша мамандық санын көбейтуді жоспарлап отырмыз. Аграрлық аймақтан өндірісті өңірге айналған Сыр елінің игі мақсаттарды жүзеге асырып, өсу жолында университет инновациялық дамудың драйверіне айналуы қажет», - деді Нұрлыбек Нәлібаев.</blockquote>Басқосу барысында министр Саясат Нұрбек жоғары оқу орындарында маман даярлау ерекшеліктерімен бөлісіп, келешекте өңірлік университеттерді қолдау аясы кеңейіп, ғылыми мүмкіндіктерді дамыту мәселелерін қозғады.Кездесуден кейін облыс әкімі мен министрмен бірге «Жоғары білімге қолжетімділікті кеңейту: болашағы мен мүмкіндіктері», «Өңірлік университеттер – 2032: адами капитал және ғылым» атты форсайт-сессияларға қатысты. Әрі қарай «Физика-химиялық талдау әдістері инженерлік бейіндегі» зертхана жұмысымен танысып, жас ғалымдармен пікірлесті.Айта кетейік, министр Сыр еліне сапары барысында тұрғындармен кездесу өткізіп, өзекті сауалдарға жауап берді. Сондай-ақ, «Open spaсе» заманауи үлгідегі кітапханамен және сирек кітаптар қорымен танысып, білім, ғылым, өнер, спорт саласындағы жеңімпаз жастармен кездеседі. Мұнан кейін университеттің 85 жылдығына арналған салтанатты жиынға қатысады.Еске салайық, соңғы 3 жылда аймақтың әлеуметтік-экономикалық дамуын айқындайтын, өңірге қажетті мамандықтар бойынша халықтың әлеуметтік осал топтарынан шыққан студенттерге 360 облыс әкімінің гранты тағайындалды. Бөлінген гранттардың 216-сы Қорқыт ата атындағы Қызылорда университетіне берілді.<img src="https://knadmin.beoblood.kz/uploads/318099373_443029178018332_309449513842309748_n_549d09464b.jpg" alt="318099373_443029178018332_309449513842309748_n.jpg"><img src="https://knadmin.beoblood.kz/uploads/317841730_443029144685002_6252665858865045913_n_6af2e396b1.jpg" alt="317841730_443029144685002_6252665858865045913_n.jpg"><img src="https://knadmin.beoblood.kz/uploads/317727297_443029314684985_2843256586679655039_n_0d4f950626.jpg" alt="317727297_443029314684985_2843256586679655039_n.jpg">

Қызылорда: ҚР Ғылым және жоғары білім министрі Саясат Нұрбек оқытушы-ғалымдармен кездесті

<a href="https://kyzylorda-news.kz/">Kyzylorda-news.kz.</a> Қазақстанда жыл басынан бері 18 мыңнан астам адамды интернет арқылы алдап кеткен. Олар 15 миллиард теңгеден айырылды. Осы уақытқа дейін барлық қылмыстың 16-18 проценті ғана ашылған. Себебі интернет алаяқтардың көбісі шетелде отырады. Оларды жазаға тарту оңай шаруа емес.&nbsp;Онлайн саудада алаяқтар аз емесІшкі істер министрлігінің мәліметіне сәйкес, биыл интернет-алаяқтықтың басым бөлігі онлайн сауда саласында жасалған. Ондайда алаяқтар сатылатын тауардың ақшасын жібереміз дейді де, банк картасының нөмірін және басқа да деректерді сұрайды. Аңқау адамдар ақшаны тезірек аламыз деп, бәрін айтып қояды. Артынан есепшоттағы ақшаның жоғалғанын, тіпті, өз атына кредиттің қалай рәсімделгенін білмей қалады.Сосын белгілі бір тауар үшін алдын ала төлем сұрайтын алаяқтар да болады. Олар хабарландыруға тауардың әдемі суреттерін салып, тапсырыс берушілерді күтеді. Ал алдын ала төлемді алғасын ұшты-күйлі жоғалады. Мәселен, биыл Алматыда 30 жастағы жігіт ұсталды. Ол доңғалақ пен дискті көтерме бағамен сатамын деп, интернетте жар салған. Тіпті, тауарды тікелей қоймадан арзан бағамен жеткізіп беруге уәде еткен. Бірақ алдын ала төлем жасауды талап еткен. Сөйтіп, ондаған адамды 15 миллион теңгеге алдап кетті.Интернетте жоқ пәтерді жалға беретін алаяқтар да бар. Олар да алдын ала төлем сұрайды. Бірақ ешқандай пәтері жоқ. Интернетте "сапалы жиһаз жасайтын" алаяқтар да кездеседі.Жалпы, жыл басынан бері тауарларды онлайн сатумен жасалған алаяқтық қылмыстардың саны 6 мыңнан асты. Бұл барлық қылмыстың 30 процентін құрайды.40 миллион теңгені "қауіпсіз есепшотқа" салып жібердіБүгінде банк немесе құқық қорғау органдары қызметкерлерінің атынан қоңырау шалатын алаяқтар көбейіп кетті. Ондай қылмыстар екінші орында тұр, барлығы 3 мыңнан астам алаяқтық жасалды.Ішкі істер министрлігінің криминалдық полиция департаментінің киберқылмысқа қарсы күрес орталығының бастығы Жандос Сүйінбайдың айтуынша, банк қызметкері немесе тергеуші болып хабарласатын алаяқтар абоненттік нөмірді ауыстыруға арналған арнайы сервистерді пайдаланады. Соның арқасында шетелден қоңырау шалып тұрса да, жергілікті нөмір болып көрінеді.<blockquote>"Алаяқтар шоттағы күдікті операциялар немесе біреудің кредит алуға тырысып жатқанын хабарлайды. Өздерін полиция немесе прокуратура қызметкері ретінде таныстырып, банктің арам пиғылды қызметкерлерін ұстау бойынша арнайы операция өткізіп жатырмыз дейді де, адамдарды есепшоттағы ақшаны "қауіпсіз шотқа" аударуға көндіреді. Одан кейін барлық ақшаны ұрлап алады", - дейді Сүйінбай.</blockquote>Осындай алаяқтарға алданған кейбір адамдар пәтерін де, көлігін де кепілге қойып, кредит рәсімдеп жатады. Мәселен, Петропавл қаласында тұратын бір келіншекке қоңырау шалған адам өзін "Халық банк" қызметкері ретінде таныстырған. Ол әйелдің атынан біреу 4 миллион теңге кредит рәсімдейін деп жатқанын және осы заңсыз операцияны шұғыл тоқтату қажеттігін айтқан.<blockquote>"Әйел интернет-алаяқтық туралы білген. Бірақ қылмыскер WhatsApp мессенджері арқылы "кредиттің күшін жоятын келісімшарт" жібергеннен кейін сеніп қалған. PDF-сурет нағыз құжат сияқты көрінген, банктің логотипі де болды", - дейді полицейлер.</blockquote>Осылайша, әйел 4 миллион теңгенің заңсыз кредитін тоқтатамын деп ойлаған. Бірақ, шын мәнінде, сол ақшаға кредитті өзі рәсімдеп, алаяққа жібере салған. Алаяқ айтқан "сақтандыру есепшоты" жалған болып шыққан. Ал Павлодар қаласының тұрғыны "банктің қауіпсіз қызметіне" алданып, 40 миллион теңгесін "қауіпсіз шотқа" салып жіберген. Барлық ақша шетелдік банкке аударылып кетті.Сыйлық пен тиімді салымдарға сенбеңіздерИнтернет-алаяқтықтың тағы бір түрі – "сыйлық тарату". Ол кезде алаяқтар адамдарға қоңырау шалып, олардың қымбат сыйлық ұтып алғанын айтады. Сосын оны жеткізу үшін ақы сұрайды. Аңқау адамдар тағы өзінің жеке мәліметтерін айтып қояды да, барлық ақшасынан айырылады.Бұдан бөлек, тиімді салымдарға қатысты жарнамалар кеңінен таралып кеткен. Ол да алаяқтардың ісі. Ондайда букмекерлік ставкамен немесе биржа арқылы қыруар пайда табуға ұсыныс жасалады.Сосын алаяқтар өзін банк қызметкерімін деп таныстырып, теңгемен ашылған депозиттердің мөлшерлемесін көтеруге ұсыныс жасауы мүмкін. Алдымен банк бөлімшесіне шақырады. Бірақ біршама уақыттан кейін "бас маман" хабарласып, депозит мөлшерлемесін көтеру бойынша өтінімді тіркеу қажеттігін жеткізеді. Ол үшін телефонға келген банк кодын айтуды сұрайды.Алаяқтықтан қорғану шараларыТәртіп сақшылары алаяқтықтан қорғану үшін қарапайым қауіпсіздік шараларын сақтауға кеңес беріп отыр. Олар:ЖСН, төлем картасының нөмірін, қосымшаға кіруге арналған парольді, картаның CVV-кодын, картаның қолданылу мерзімін, код сөзді, құпия сұраққа жауапты, сондай-ақ СМС-кодтарды және басқа да дербес ақпаратты ешкімге айтпау;күдікті сайттарда өзіңіз туралы ақпаратты қалдырмау;мессенджерлер арқылы келген фишингтік сілтемелерді ашпау;ұялы телефонға AnyDesk/TeamViewer сияқты қашықтан басқаруға арналған қосымшаларды орнатпау;барлық қолма-қол ақшаны бір картада сақтамау;тауарды алғаннан кейін ғана төлем жасау;ақшаны қауіпсіз шоттарға аударуға қатысты кеңестерге сенбеу;күмәнді шарттар бойынша аударымдар жасамау;қосымшаларды орнату үшін тек App store мен Play market-ті пайдалану;бейтаныс адамдардан келген сілтемеге өтпеу;банкинг қызметінің құпия сөздерін жиі өзгертіп отыру;3D-қорғауды және банктер ұсынатын басқа қауіпсіздік шараларын қолдану;шоттағы ақша қозғалысын жиі тексеріп тұру.Интернет алаяқтық үшін қандай жаза қарастырылғанҚылмыстық кодекстің 190-бабы 2-бөлігінің 4-тармағына сәйкес, ақпараттық жүйені пайдаланушыны алдау немесе оның сенімін теріс пайдалану арқылы жасалған алаяқтық әрекет үшін бірнеше жаза қарастырылған. Сотта біреуі ғана тағайындалады. Олар:4 000 АЕК (12 720 000 теңге) көлемінде айыппұл;айыппұлдың мөлшерінде түзеу жұмыстары;1 000 сағатқа дейінгі қоғамдық жұмыстар;4 жылға дейін бас бостандығынан шектеу;4 жылға дейін бас бостандығынан айыру.Ал қылмыс адамдар тобымен және аса ірі мөлшерде жасалса, бір ғана жаза қолданылады. Ол – 5 жылдан 10 жылға дейін бас бостандығынан айыру.

Алаяқтар картадан ақшаны қалай ұрлайды?

<a href="https://kyzylorda-news.kz/">Kyzylorda-news.kz.</a> 6 желтоқсанда магистратураға білім гранттарын тағайындау конкурсына қатысу үшін құжаттар қабылдау басталады. Ол 12 желтоқсанға дейін жалғасады, деп хабарлайды Stan.kz.Барлығы 8 мыңнан астам адам магистратураға түсу үшін емтихан тапсырды. Олардың 40%-ға жуығы шекті балл жинады. Орташа көрсеткіш – 69 балл. Ең жоғары балл – 127.Кешенді тестілеу өткізу барысында 80 қатысушының нәтижесі жойылды. Оның ішінде 32 оқуға түсуші смартфон, шпаргалка және басқа да тыйым салынған заттарды алып өтуге тырысқаны үшін тест тапсыру мүмкіндігінен айырылды. Кешенді тестілеу кезінде ережелерді бұзғаны үшін аудиториядан 48 адам шығарылып, олардың нәтижелері жойылды.Магистратурада оқуға арналған білім беру гранттары кешенді тестілеу нәтижелері бойынша конкурстық негізде беріледі.Грант конкурсына құжаттарды қабылдау 6-12 желтоқсан аралығында жоо-лардың қабылдау комиссиялары, оның ішінде онлайн виртуалды комиссиялар арқылы жүзеге асырылады. Яғни, болашақ магистранттар құжаттарды дәстүрлі және онлайн форматта тапсыра алады.Конкурсқа қатысу үшін келесі құжаттарды тапсыру қажет: жеке куәліктің көшірмесі, жоғары білімі туралы құжат (диплом және қосымшасы); КТ сертификаты және бар болған жағдайда шет тілін меңгергендігін растайтын халықаралық сертификаттар. 075/у нысанындағы медициналық анықтаманы жоғары оқу орнына түскенде тапсыруға болады.<blockquote>"Құжаттарды тапсыру кезінде оқуға түсуші білім беру бағдарламаларының бір тобын және үш жоғары оқу орнын көрсетеді. Магистратураға білім беру грантын тағайындау конкурсы 15-25 желтоқсан аралығында өтеді. Магистратураға түсушілер 4 мыңға жуық мемлекеттік білім грантына үміткер бола алады", – деді Ұлттық тестілеу орталығының директоры Руслан Емелбаев.</blockquote>Грант иегерлерінің тізімі Ұлттық тестілеу орталығының сайтында және әлеуметтік желілерінде жарияланады. &nbsp;

6 желтоқсанда магистратураға құжат қабылдау басталады

<a href="https://kyzylorda-news.kz/">Kyzylorda-news.kz.</a> Қазақстан Республикасы Президенттінің «Әкімдердің халықпен кездесулерін өткізу туралы» Жарлығын орындау мақсатында Сырдария ауданының әкімі Мұрат Ергешбаев тұрғындарды жеке мәселелері бойынша қабылдады.Жеке қабылдауға келген аудан тұрғындар өтiнiш-тiлектерiн жеке-жеке жеткізіп, мәселелерiнiң оң шешiм табуына ықпал жасауды сұрады.Аудан әкімі тұрғындардың арыз-шағымдары мен өтініштерін тыңдап, сауалдарына жауап берді.Қабылдауға келген азаматтардың дені жұмысқа орналастыру, жол жөндеу жұмыстары, көгілдір отын және жер алу мәселесі бойынша жүгінді. Олардың қатарында әлеуметтік көмек сұрағандарда болды. Сонымен қатар денсаулық сақтау саласына қатысты да түрлі сауалдар болды.&nbsp;Аудан басшысы өтініш берушілердің барлық өтініштері мен ұсыныстарын мұқият тыңдап, ауданның &nbsp;жауапты бөлім, мекеме басшыларына, кент және ауыл әкімдеріне нақты тапсырма беріп, қолданыстағы заңнаманың шеңберінде мәселелерді шешуге көмектесуді тапсырды.&nbsp;Сондай-ақ тұрғындар тарапынан айтылған мәселелердің барлығы өзінің тікелей бақылауында болатындығын және жақын уақыт аралығында заңдылығы бойынша шешімін табатынын жеткізді.<figure class="image"><img src="https://knadmin.beoblood.kz/uploads/318037924_1258461868050036_1914952450968981417_n_ff723f9c0c.jpg" alt="318037924_1258461868050036_1914952450968981417_n.jpg"></figure><figure class="image"><img src="https://knadmin.beoblood.kz/uploads/318067006_1258461828050040_778801877478656724_n_a1bafd1be5.jpg" alt="318067006_1258461828050040_778801877478656724_n.jpg"></figure>

Сырдария ауданының әкімі тұрғындарды қабылдады

<a href="https://kyzylorda-news.kz/">Kyzylorda-news.kz.</a> Қазақстан аймақтарында 3 желтоқсанда болатын қауіпті метеорологиялық құбылыстарға болжау консультациясы жариялады, деп хабарлайды Қазгидромет.Атмосфералық фронтальды бөлімдердің әсерінен шығыста, орталықта, солтүстік-батыста және Алматы облысының таулы аудандарында қар, жаяу бұрқасын сақталады, ҚР қалған аймақтарында жауын-шашынсыз болады.Еліміздің батысында, оңтүстіктің таулы аудандарында, оңтүстік-шығысында тұман күтіледі.Республиканың батысында, солтүстік-батысында, солтүстігінде, оңтүстіктің таулы аудандарында жел күшейеді.

Қазақстан және Қызылорда облысының жаңалықтары