<a href="https://kyzylorda-news.kz/">Kyzylorda-news.kz</a> &nbsp;Мектептерде тегін және жеңілдікпен тамақтандыруға 93 ұйымға 27 мың түскі ас таратылды.Осы жылдың 1 қыркүйегінен бастап еліміздің барлық өңірінде "Әлеуметтік әмиян" шеңберінде оқушылар тегін және жеңілдікпен тамақтанатын болды, деп хабарлайды <a href="https://kyn.kz/35931/1-yrk-yeuten-bastap-o-ushylar-mektepte-tegin-tama-tanatyn-boldy">KYN.KZ</a> ақпарат агенттігі.Үкімет хабарламасында елімізде азаматтардың жекелеген санаттарын дәрі-дәрмекпен қамтамасыз ету, мектептерде тегін және жеңілдікпен тамақтандыру 2023 жылдың соңынан бері пилоттық режимде іске асырылып жатқаны жазылған.Сонымен қатар дәрі-дәрмекпен қамтамасыз ету бойынша 43 ұйым қосылып, 30 мың рецепт іске асырылған. Мектептерде тегін және жеңілдікпен тамақтандыруға 93 ұйымға 27 мың түскі ас таратылды. "Әлеуметтік әмиянды" әзірлеушілер аталған пилоттық жобаның сәтті тәжірибесін таратуға ниетті.<blockquote>"Әлеуметтік әмиян" азаматтардың EGOV қосымшасында мемлекет тарапынан көрсетілетін барлық қолдау құралдары мен шараларын жинақтау арқылы азаматтарға мемлекеттік қолдау шараларын алуды жеңілдету үшін жасалған. Аталған жоба арқылы мемлекеттік көмек алу және оның жүргізілу тарихын қадағалау ыңғайлы. Ваучерлер жекелендірілген түрде жазылады, бұл кез келген заңсыз тіркеулердің мүмкіндігін шектейді. Жыл соңына дейін аталған өнім еліміздің барлық азаматтарына ыстық тамақ пен дәрі-дәрмек бойынша қолжетімді болады деп жоспарланып отыр", – деді BTS Digital ЖШС бас директоры Нұртай Әбілғалиев.</blockquote>Жоба шеңберінде сонымен қатар бірнеше шара бойынша пилоттық жобаны іске қосу қосымша пысықталып жатыр. Оларға:- ақшалай қаражатты монетизациялау;- ерекше қажеттілігі бар адамдарға техникалық оңалту құралдарын сатып алу;- халықтың әлеуметтік осал топтарына ӘМАТ тізбесінен азық-түлік сатып алуда атаулы көмек көрсету;- әлеуметтік осал санаттағы тұтынушылар үшін тауарлы газға ваучерлер мен ЖЖМ бағасының өсуін өтеу үшін ваучерлер ұсыну жатады.Сурет: gdemoideti.ru

1 қыркүйектен бастап оқушылар мектепте тегін тамақтанатын болады

<a href="https://kyzylorda-news.kz/">Kyzylorda-news.kz</a> Қызылордалық Абзал Жамалда 2000-ға жуық кітап қоры бар. Иә, бұл кітаптың барлығы Тасбөгеттік жас жігіттің үйінде сақталған. Арнайы бір бөлме кітапхана іспетті. Кітап сөресі медициналық салаға негізделген. Жазушылардың шығармалары менмұндалап тұр. Әлиасқар Жамалұлының студент кезінен бастап жинаған кітаптары бүгінде ұлы Абзал Жамалға мұра. Ол әкеден балаға қалған қымбат қазынаны әлі де дамытып, отбасылық кітапхана қорын көбейтуді мақсат етеді.<blockquote>&nbsp; &nbsp; – Әлиасқар Жамалұлы 1957 жылы дүниеге келген. Өте білімді кісі болды. Саналы ғұмырын медицина саласына арнады. 1974 жылы Алматы мемлекеттік медицина институтының фармацевтика факультетіне оқуға түсіп, 1979 жылы бітірді. Еңбек жолын Қызылорда қаласында дәріханалар басқармасында инспектор болып бастады. 1980-1981 жылдары облыстық туберкулезге қарсы диспансерінің 61 дәріханасының меңгерушісі қызметін атқарды. Ол жүрген жерінде кітапты насихатады. Жора-жолдастары «Тірі энциклопедия» деп айтушы еді. Жұбайым 1982 жылдан бастап кітап жинауды бастады. Баста жаздырып алып, кейін сатып алады. Тіпті көп кітапты бірден алған кездері де болды. Өзгелер байлықты, дүниені армандаса, ол балаларының білімді болуын, кітаптағы құндылықты сезінуге тәрбиеледі. Жаман болған жоқ, екі қызы жоғары білімді. Медицина саласында жұмыс істейді. Ұлының да жоғары дәрежелі дипломы бар. Ол өз таңдауы, заман ағымы бойынша кәсіпке бет бұрды. Десе де жұмыстан кеш қайтса да кітап оқуға үлкен ден қойып жүр. Әлиасқар ұрпақтарына мұраға құнды кітап қалдырды. Сондай-ақ өзіне ұнаған, әрбір адам оқуға тиіс деген кітапты үйге келген қонаққа сыйлыққа беретін, – дейді жары Фатима Сұлтанова.</blockquote>Біз көзбен көрген кітаптардан бөлек, өзге де кітаптары да бар екен. Олар сөреге сыймай қалған соң өзге бөлмеде жиналып тұр. Екі қыз, бір ұлдың әкесі Әлиасқар Жамалұлы кітапты ғана емес, газет жинағанды да ұнатқан. Ол шаңыраққа келген газет ешқашан жыртылмайды, қоқысқа тасталмайды. Газет бетін парақтап, оқып болған ұл-қыздары газет жинаулы тұрған сөреге жинақтап қоятын көрінеді. Бұл әкенің балаларға көрсеткен өнегесі іспетті.<blockquote>– Әкемнің кітапқа ғана емес, газетке деген қызығушылығы жоғары болатын. Біздің үйде газет аяқтың астында жатпайды, терезеде де ілініп тұрмайды. Бұл – әкемнің бізге берген тәрбиесі. Келген бойда ішін қарап, оқып шығамыз да арнайылап жинақтаймыз. Жылдар бойы сақталған газеттер арнайы бір бөлмеде сақтаулы. Бүгінде бойын ғаламтор билеген жастардың керек дүниесін, қажетті дүниесін кітаптан ғана ала алатынына көзі жететін уақыт келді, – дейді ұлы Абзал.</blockquote><img src="https://knadmin.beoblood.kz/uploads/1_3_1024x683_993d3363ee.jpg" alt="1-3-1024x683.jpg">Кітапхана сөресінде барлық жанрда жазылған туындылар бар. Медициналық, көркем әдебиет, балалар кітабы, түрлі ертегілер, діни кітаптар мен энциклопедия бар. Барлық кітапты екі тілде табу қиынға соқпайды. Құран кітаптың арабша, қазақша нұсқасы тұр.<blockquote>– Әкемнің кітапқа деген қызығушылығы біздің кітапқа деген махаббатымызды ашты. Кітаптың құнын, қасиетін ұқтыра білді. Осында тұрған әр кітап әкемнің қолынан өткен. Ол барлығын да оқыған. Бізге де кітап оқуды жиі айтып, тапсырма ретінде беріп тұратын. Сосын мына кітаптың мына жері қызық, мынау өте жақсы жазылған деп айтатын. Сондай-ақ кітаптардың басым бөлігі медицинаға бағытталған. Оның ішіне үңілсеңіз, бір жерін қызыл түспен, екінші жерін сары түспен белгілеп қояды. Ол белгіленген жерде аурудың емі, одан арылудың тәсілдері, күтіну жолы жазылып тұрады. Бүгінде бұл кітаптың барлығы балаларына қалды. Біз алдағы уақытта бұл кітапты ұстап тұрмай, оқырман тарту, жастарды кітап оқуға баулу мақсатында үйдің ішінен кітапхана ашуды жоспарлап отырмыз. Алдағы уақытта оқитын, қызығушылық танытатын адамдар керек кітабын алып, оқып болған уақытта өткізуді қарастырып жатырмыз. Бұл бір немесе бірнеше баланың зейінін ашып, оны кітап оқуға баулып, қызықтырады деген үміттемін, – дейді Абзал.</blockquote>Әке аманатын арқалаған жас Абзал Әлиасқарұлы Дінмұхамед Қонаевтың кітабын кітапхана қорына сыйға тартты. Мамандар мұнда кітапханада жоқ кітаптар да кездесетінін жасырмады.Кітапханаға барып, өзіңе ұнаған, қызығып оқитын кітапты аралап жүріп алудың өзі адамды ерекше күйге түсіреді. Ал үйдің ішінде тұрған кітап қорын көрудің өзі бақытқа бөлейді екен.Мөлдір САБЫРЖАН

Бір үйде 2000-нан аса кітап бар

<a href="https://kyzylorda-news.kz/">Kyzylorda-news.kz</a> &nbsp;Бүгінгі таңда Қызылорда қаласында халықты баспанамен қамту көрсеткіші артып келеді. Бұған себеп жыл сайын облыс орталығынан көпқабатты үйлердің көптеп бой көтеруі. Жалпы қалада 3 911 пәтерлі 74 көпқабатты тұрғын үйдің құрылысы жүргізілуде.Оның 3 139 пәтерлі 58 тұрғын үйі бюджет есебінен, ал 772 пәтерлі 16 тұрғын үй жеке инвестициялар есебінен салынды. Қызылорда қаласының әкімі Серік Қожаниязов 2024 жылдың бірінші жартыжылдығына қорытынды жасады.<blockquote>– Жыл соңына дейін 7 қабатты 840 пәтерлі 10 үйдің жоба-сметалық құжаттары және сараптама қорытындысын алу күтілуде. Қалада жыл басынан бері 763 пәтер табысталса, 2 500 тұрғын жаңа баспанаға ие болды. Жыл аяғына дейін 1 685 пәтер пайдалануға беріледі. Шаһардағы баспана салу жайы әлі де жалғасатын болады. Жоспарға сәйкес алдағы уақытта тағы 84 пәтерлі жеті қабатты 10 тұрғын үйдің құрылыс жұмыстарын жүргізуге жоба-сметалық құжаттары әзірленуде,- деді Серік Салауатұлы.</blockquote>Фото: Қызылорда облысының Өңірлік коммуникациялар қызметі

Қалада 74 көпқабатты тұрғын үйдің құрылысы жүргізілуде

&nbsp;<a href="https://kyzylorda-news.kz/">Kyzylorda-news.kz</a> &nbsp; Бүгінгі ҚР Премьер-Министрі Олжас Бектеновтің төрағалығымен өткен Үкімет отырысында өрт қаупі жоғары кезеңдегі туындайтын мәселелер талқыланды.Үкімет отырысынан кейінгі арнайы мәжілісте облыс әкімі Нұрлыбек Нәлібаев жауапты тұлғаларға өрт қауіпсіздігін қамтамасыз ету бойынша бірқатар тапсырма берді.<blockquote>«Қызылорда облысы аумағында мемлекеттік орман қоры жерінің жалпы көлемі - 7 млн. гектар. Оның 3,8 млн. гектары - орманды алқаптар. Жыл басынан бері орман қоры жерінің 42,9 гектарында 10 өрт оқиғасы тіркелген. Осы жылғы 15 шілдедегі Үкімет қаулысымен орман мекемелері мен табиғат қорғау ұйымдарына "Кәсіпкерлікті дамыту қоры" арқылы өрт сөндіру техникаларын лизингпен алуға 20 млрд. теңге қаралған. Бұл мақсатқа бюджеттен тиісті қаржы бөлінуде. Алайда, орман өрті азаймаған. Көп жағдайда азаматтар өз қажеттілігін көздеп өрт қояды, малға қолайлы жайылымдық ашып, егістікті қоршауға қада дайындайды. Осындай деректерді ашу үшін өткен жылы 21, биыл 5 жағдай бойынша полиция органдарына материалдар жолданған. Дегенмен, бүгінгі күнге дейін кінәлілер анықталған жоқ. 28 шілде күні Қазалы ауданы "Бозкөл", "Тасарық", "Қызылқұм" ауылдық округтеріне шекаралас "Тайкеткен" учаскесінде қураған қамыс жанған. Болған оқиға туралы мәліметті уақытылы жіберіңіздер. Бұл тапсырма қала және барлық аудан әкімдеріне қатысты», - деді Нұрлыбек Машбекұлы.</blockquote>Аймақ басшысы синоптиктердің болжамы бойынша, алдағы тамыз айында жоғары ауа температурасы сақталатынын, қалыпты құрғақшылық күтілетінін ескертіп, орман және дала өртінің алдын алуды тапсырды. Сондай-ақ, өрт қаупі жоғары кезеңде шалғайдағы елді мекендердегі өрт бекеттерінің жұмысын күшейту қажет.Мәжіліс қорытындысымен Қызылорда қаласы және аудан әкімдеріне мемлекеттік өртке қарсы қызметі жоқ елді мекендердегі өрт сөндіру бекеттерін бейімделген ғимаратпен, қажетті құрал-жабдықтармен жарақтандыру тапсырылды. Облыстық табиғи ресурстар және табиғат пайдалануды реттеу басқармасы орман қоры жерлеріне жаңа минералдық жолақтар жүргізуді, ескі жолақтарды қайта қалпына келтіруді ұйымдастыруы тиіс. Өрт қаупі жоғары кезеңде орман шаруашылығына қарасты өрт сөндіру жасақтары күшейтілген режимде жұмыс жасауы қажет. Облыстық төтенше жағдайлар департаменті теміржол және автокөлік жолдарының бойына жаңа минералдық жолақтар жүргізуді, ескі жолақтарды қайта қалпына келтіруді бақылауға жауапты. Облыстық қоғамдық даму басқармасы төтенше жағдайлар департаментімен бірлесіп, қураған шөпті, қоқысты өртеуде қауіпсіздік талаптарын бұзғаны үшін қолданыстағы жауапкершілік туралы БАҚ-та кеңінен түсіндіруді ұйымдастыруы керек. Ал, облыстық полиция департаменті орман және алқаптарда болған өртке кінәлілерді жауапкершілікке тарту үшін тиісті шараларды қолға алмақ.<img src="https://knadmin.beoblood.kz/uploads/2_7787f4f323.jpg" alt="2.jpg">Фото: Қызылорда облысы әкімінің баспасөз қызметі

Өрт қауіпсіздігі мәселелері талқыланды

&nbsp;<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасының 2015 жылғы 12 қарашадағы № 392 «Мемлекеттік аудит және қаржылық бақылау туралы» Заңының (бұдан әрі – Заң) 37 – бабының 2 - тармағы, 6-1) тармақшасына сәйкес&nbsp;мемлекеттік аудит объектісінің басшысы мүдделерін мемлекеттік аудиттің аудиторлық іс-шаралары қозғаған кәсіпкерлік субъектілерінің және өзге де тұлғалардың анықталған қаржылық бұзушылықтары туралы хабардар етуге міндетті.&nbsp; &nbsp; &nbsp;Қазақстан Республикасы Қаржы министрінің &nbsp;2018 жылғы 19 наурыздағы № 392 «Ішкі мемлекеттік аудит және қаржылық бақылау жүргізу қағидаларын бекіту туралы»&nbsp;бұйрығымен бекітілген қағидалардың&nbsp;101-1 - тармағына сәйкес &nbsp;мемлекеттік аудит объектісінің басшысы аудиторлық есепті алған күннен кейін 2 (екі) жұмыс күні ішінде мемлекеттік аудиттің аудиторлық іс-шаралары мүдделеріне әсер еткен кәсіпкерлік субъектілері мен өзге де тұлғаларды ақпараттық жүйелер және/немесе электрондық пошта, сондай-ақ пошта байланысы арқылы жазбаша түрде анықталған қаржылық бұзушылықтар туралы хабардар етеді.&nbsp; &nbsp;Апелляциялық комиссияға қарсылық берген кезде мемлекеттік аудит объектісі кәсіпкерлік субъектілерінің және өзге де тұлғалардың аудиторлық есепке және/немесе қаржылық есептілік бойынша аудиторлық есепке ескертулерін ескереді.&nbsp; &nbsp; &nbsp;Осыған орай, Қызылорда облысы бойынша ішкі мемлекеттік аудит департаменті жергілікті аудит объектілері болып табылатын мемлекеттік мекемелер мен &nbsp;квазимемлекеттік сектор субъектілеріне жүргізілген аудиторлық іс-шаралар&nbsp;(тексерулер) &nbsp;нәтижелері бойынша &nbsp;анықталған&nbsp;қаржылық бұзушылықтар бойынша тиісті мүдделі тұлғаларды хабардар ету қажеттілігін назарларыңызға жеткізеді.&nbsp;Мұрат Есенбаев,&nbsp;Қызылорда облысы бойынша ішкімемлекеттік аудит департаментініңбөлім басшысы&nbsp;Фото: egemen.kz

Тексеру барысында аудит объектісін орындауға міндетті

<a href="https://kyzylorda-news.kz/">Kyzylorda-news.kz</a> &nbsp;Оқиға Өзбекстанның Ташкент қаласында болған. Өзбекстанда бір түнде бүтін отбасы мүшесі түгел өртенді, – деп хабарлайды <a href="https://kyn.kz/35925/inisi-zine-aryzdy-aytarma-an-a-asy-men-zhe-gesin-sh-balasymen-rtep-zhibergen?fbclid=IwY2xjawEVbvFleHRuA2FlbQIxMQABHT5Z1LTOQykXMoNhqcpX3MBiYOvzT2tAIzDeG1LPoOLtiYLXN7MZ-7tJ9g_aem_e_7DusZAW9YmZ9KxCUGOfA">KYN.KZ тілшісі</a> zamon.uz сайтына сілтеме жасап.&nbsp; Оқиға қайтарылмаған қарызға байланысты әдейі ұйымдастырылған қастандық болып шықты.Оқиға Өзбекстанның Ташкент қаласында болған. 26 шілде күні таңғы 6:19-да өрт туралы хабар тараған. Өрт сөндірушілер үй ішінен 1991 жылы туған ер адамның, 1999 жылы туған әйел кісінің және 3 баланың мәйітін тапты.Алдын ала мәлімет бойынша, күдікті 1995 жылғы ер адам. Ол қаза болған үй иесінің інісі болып шықты. Оның айтуынша, араларында ақшаға қатысты кикілжің болған. Ағасы 30 жастағы інісінің қарызын қайтармаған. Інісі сол себепті осындай жауыздыққа барған.Фото: usolie-citi.ru

Інісі өзіне қарызды қайтармаған ағасы мен жеңгесін үш баласымен өртеп жіберген

<a href="https://kyzylorda-news.kz/">Kyzylorda-news.kz</a>&nbsp; Сейсенбі, 30 шілдеде Қызылордада Қазақстанда атом электр станциясын салу мәселесі бойынша жария талқылау өтті.ҮЕҰ өңірлік Альянсы мен облыстық Қоғамдық кеңес ұйымдастырған іс-шараға мемлекеттік мекемелердің, қоғамдық кеңестің, үкіметтік емес ұйымдардың өкілдері, қоғам қайраткерлері, еңбек ардагерлері, экологтар, саяси партиялардың, бұқаралық ақпарат құралдарының өкілдері, облыс тұрғындары қатысты.Талқыланатын тақырып бойынша кездесуде ҚР Энергетика министрлігінің, "ҚР Ұлттық ядролық орталығы" РМК, "Қазақстандық атом электр станциялары" ЖШС, "Ядролық физика институты" РМК өкілдері сөз сөйледі. Олар атом электр станцияларын салудың артықшылықтары, жұмы спринциптері және атом станцияларының қоршаған ортаға және адамдардың денсаулығына әсер етудеңгейі туралы айтты. Сондай-ақ, мамандар Қазақстанның атом энергетикасын дамытудағы техникалық аспектілері, әлеуеті және АЭС салу кезіндегі елдің даму перспективалары туралы егжей-тегжейлі хабардар етті.Талқылау барысында қатысушылар өздерін толғандыратын сұрақтар қойды. Олар бірінші кезекте АЭС қауіпсіздігіне, оны пайдалануға, жобаны қаржыландыруға, кадрлар даярлауға, сондай-ақ қазіргі жағдайға және отандық энергетикалық кешеннің даму болжамына қатысты болды. Облыс ардагерлері мен қоғам белсенділері жобаны іске асыру кезінде барлық кезеңдерде ашықтықты, шешім қабылдауға жұртшылықтың кеңінен қатысуын қамтамасыз ету маңызды екенін атап өтті.Кездесу қорытындысы бойынша қатысушылар АЭС құрылысының маңыздылығын атап өтіп, оның елдің одан әрі әлеуметтік-экономикалық дамуы үшін, оның ішінде энергетикалық кешенді ұлғайту, адамдардың өмір сүру сапасын арттыру үшін маңыздылығын атап өтті. Қызылордалықтардың пікірінше ауқымды жоба туралы жұртшылықты кеңінен хабардар ету қажет. Оны жүзеге асыруда барлық қазақстандықтарды қолдау маңызды.Сенаторлар кеңесінің мүшесі, саяси ғылымдарының докторы, профессор Мұрат Бақтиярұлы:&nbsp;«Елімізде атом электр стансасын салу мәселесі көптен бері көтеріліп келеді. Мен Қазақстан Республикасы Президентінің осы мәселе бойынша референдум өткізу туралы бастамасын толық қолдаймын. Бұл дұрыс, өйткені мұндай маңызды міндетті шешу үшін халықтың пікірі қажет. Мен көптеген елдерде болдым, қазір республикамызда атом электр станциясын салу қажет екеніне көзім жетті. Біріншіден, Қазақстанда электр қуатының тапшылығы артып келеді. Біз уран өндіруден әлемде бірінші орындамыз. Ал бұл саланы одан әрі дамытуда бізде қиындықтар болмайды деп ойлаймын.Екіншіден, жаңа энергетикалық жоба ғылыми-техникалық прогреске серпін береді. Үшіншіден, көптеген жетекші елдерде атом электр станциялары бар, соның ішінде Еуропа, Қытай, Ресей, АҚШ, Жапония. Ал Қазақстан да әлемдік державаларға ілесе отырып, заман талабын асай болуы керек. Тағы бірмәселе атом электр станцияларын кім және қайда салады. Бұл мәселелерде әлемдік тәжірибені қолдану маңызды. Халқымыз референдумда еліміз үшін соншалықты маңызды әрі қажетті атом электр станциясының құрылысын қолдайды деп ойлаймын».<blockquote>И.Әбдікәрімов атындағы Қызылорда аграрлық-техникалық жоғары колледжінің директоры Бақытжан Әбдікәрімов:&nbsp;«Бүгін отырысқа қатысушылар ең маңызды үш тақырып – АЭС салу қажеттілігі, оның қауіпсіздігі және халыққа АЭС қандай пайда әкелетінін талқылады. Қауіпсіздік туралы айтқанда, қауіпсіздік шаралары сақталмаған Чернобыль АЭС-індегі қайғылы оқиға жұртшылықтың санасын да күшейе түскеніанық. Осыған қарамастан, бүгінде Украинада бес атом электр станциясы жұмыс істейді. Ал Жапонияда Фукусима атом электр станциясындағы апатқа қарамастан, адамдар атом энергиясынан бас тартқан жоқ, қазір бұл елде 21 реактор жұмыс істейді. Бүгінгі таңда әлемнің 18 елі 57 ГВт электр энергиясын өндіреді. Қазір энергияға үлкен қажеттілік бар. Атом электр станциялары жаңа қуат, зор қуат көзі екені анық. Жердің байлығын, қазынасын халық игілігіне жұмсауымыз керек. Сондықтан біз өз елімізде атом электр станциясын салуға тиіспіз».</blockquote>Ұйымдастырушылардың айтуынша, жобаны одан әрі ілгерілетуде барлық айтылған пікірлер мен ұсыныстар ескерілетін болады. Еске салайық, биылғы жылдың маусым айында Мемлекет басшысы референдумның осы күзде өтетінін мәлімдеген болатын. Мемлекет басшысы атап өткендей, біздің елімізде шын мәнінде атом энергетикасын дамыту үшін зор мүмкіндіктер бар. Оларды дұрыс және тиімді пайдалану маңызды. Бұл мәселе бойынша түпкілікті шешімді халық қабылдайды.

 Қызылордада АЭС салу мәселесі бойынша жария талқылау өтті

<a href="https://kyzylorda-news.kz/">Kyzylorda-news.kz</a>&nbsp; Бүгінгі ҚР Премьер-Министрі Олжас Бектеновтің төрағалығымен өткен Үкімет отырысында жолдағы қауіпсіздік мәселелері қаралды.Үкімет отырысынан кейінгі арнайы мәжілісте облыс әкімі Нұрлыбек Нәлібаев қоғамдық қауіпсіздікті және жол қауіпсіздігін сақтаудағы мәселелерге тоқталды.<blockquote>«Өткен жылы полиция департаментінің материалдық-техникалық базасын жабдықтауға облыстық бюджеттен 3,3 млрд. теңге бөлінді. Биыл жергілікті бюджеттен тағы 2,1 млрд. теңге берілді. Оның ішінде полиция инспекторларына 18 қызметтік автокөлік табысталды. Алдағы уақытта бюджетті нақтылау барысында тағы да қосымша қаржы бөлу бойынша жұмыстар жүргізілуде. Қызылорда қаласы аумағына 100 бейнебақылау камерасы мен 10 «Сергек» қондырғысы орнатылды. Бұдан бөлек, 10 «Ekin Patrol G2» және 21 «Vuewo» мобильді кешені жұмыс жасауда. Дегенмен, Қызылорда қаласында жол-көлік оқиғалары 120-ға, қайтыс болғандар саны 5-еуге, жарақат алғандар саны 150-ге артқан. Биылғы 6 айда 58 жаяу жүргіншілерді көлік қағу жағдайы тіркелген. Бұл көрсеткіш өткен жылғы осы кезеңмен салыстырғанда 77,5 пайызға өскен. Жүргізушілерге қатаң талап қойып, полиция қызметкерлерінің жұмысын күшейту қажет. Тұрғындар қауіпсіздігі басты назарда болуы тиіс», - деді аймақ басшысы.</blockquote>Жол-көлік оқиғаларының саны өскен Қызылорда қаласы, Арал, Қазалы, Жалағаш, Сырдария, Жаңақорған аудандарында жағдайды қатаң бақылауға алып, жергілікті полиция бөлімдері профилактикалық шараларды күшейтуі керек.Жиын қорытындысымен жолдар мен көшелерге жол белгілерін орнатып, тозығы жеткендерін жаңарту, «Батыс Еуропа - Батыс Қытай» автодәлізі бойындағы елді мекендер тұрғындарына малды қараусыз қалдырмау жөнінде түсіндірме жұмысын күшейту тапсырылды. Автомобиль жолдары мен көшелерді салу, жаңғырту, жөндеу және күтіп-ұстау жұмыстарының сапасын қатаң бақылауға алу қажет. Қызылорда облыстық полиция департаменті авариялық қауіпті учаскелерді анықтап, рейдтерді тұрақты ұйымдастыруға жауапты болмақ. «ҚазАвтоЖол» Ұлттық компаниясы» АҚ облыстық филиалы «Батыс Еуропа - Батыс Қытай» автодәлізі бойындағы жол белгілерін бір апта ішінде қалпына келтіруі тиіс.<img src="https://knadmin.beoblood.kz/uploads/3_69bd627b43.jpg" alt="3.jpg"><img src="https://knadmin.beoblood.kz/uploads/5_b8047b945d.jpg" alt="5.jpg">Фото: Қызылорда облысы әкімінің баспасөз қызметі

 Жолдағы қауіпсіздік мәселелері талқыланды

<a href="https://kyzylorda-news.kz/">Kyzylorda-news.kz</a>&nbsp; &nbsp;Ата-ана үшін де, балалар үшін де жазғы демалыстың орны ерекше. Жадыраған жаз келсе, бүлдіршіндеріміз асыр салып ойнап, алаңсыз демалады. Бұл әрине көңіл қуантады. Дегенмен балалар қауіпсіздігін басты назарда ұстауымыз керек. Бұл мақсатта жауапты мамандар жүйелі жұмыстар атқаруда. Полиция Департаменті Жергілік полиция басқармасы бастығының орынбасары Рауан Әлдешов атқарылып жатқан жұмыстарды облыстың бас ақпарат алаңында баяндап берді.&nbsp;<blockquote>– Қазіргі таңда әрбір адамның өмірде толыққанды тұлға болып қалыптасуында құқықтық тәрбиенің алар орны ерекше. Жасөспірімдер арасындағы және оларға қарсы жасалған қылмыстар қоғамның өзекті мәселелерінің бірі болып отыр. Осы мақсатта, облыстық білім, денсаулық сақтау басқармаларымен бірлескен «2024-2025 жылдарға арналған жоспары жасалып, жүзеге асырылуда. Оқушылардың құқықтық сауаттылығын арттыру бағытында, мемлекеттік және мемлекеттік емес қоғамдық ұйымдармен бірлескен жұмыстар ұйымдастырылды. Жүргізіліп жатқан жұмыстарға қарамастан, балалардың денсаулығы мен өміріне қауіп өте жоғары болып тұр. Ата-аналарды ережеге салғырт қарамауға шақырамыз. Бала денсаулығы бәрінен маңызды”,- деді Рауан Қырымұлы.</blockquote>Фото: Қызылорда облысының Өңірлік коммуникациялар қызметі

 Бала қауіпсіздігі бәрінен маңызды

<a href="https://kyzylorda-news.kz/">Kyzylorda-news.kz</a> Танымал тележүргізуші Ләйлә Сұлтанқызы Париж олимпиадасында, дзюдодан алтыннан алқа таққан Елдос Сметовтің жеңісіне орай күтпеген мәлімдеме жасады.Бұл туралы <a href="https://kaz.caravan.kz/">Сaravan.kz</a> медиа порталы хабарлайды.Тележүргізуші өз ойын желідегі парақшасында мәлімдеді.«ЕЛДОС!!! Осыдан кейін “Елдосты шал болды, жастарға орын беру керек, кетсін” дегендер жеке-жеке кешірім сұрау керек деп ойлаймын!»,-деген жазбасын оқып, Елдос осы жолы олимпиадаға қандай ішкі “күреспен” барғанын түсінуге болар. «Бұйырған кетпейді» демекші, Елдосқа біреудің кешірім сұрағаны маңызды емес екені жүзінен-ақ көрініп тұр. Артында ұлына сенген отбасы мен елі тұр. Биіксің! Мықты екеніңді дәлелдедің, Елдос! <a href="https://www.instagram.com/yeldos60kg/">@yeldos60kg</a>Құттықтаймын! Жүлдеміз, жеңісті күндеріміз көп болғай», – деп жазды ол.Фото - Caravan.kz

 "Шал болды, жастарға орын беру керек, кетсін”: Ләйлә Сұлтанқызы олимпиада чемпионы Елдос Сметовке қатысты күтпеген мәлімдеме жасады

<a href="https://kyzylorda-news.kz/">Kyzylorda-news.kz</a> Әнші өзінің алған көлігін көрсетті.Танымал әнші Мөлдір Әуелбекова жаңа көлік сатып алды. Ол бұл жаңалығын бірден Instagram парақшасындағы оқырмандарына хабарлап, таңдауы қандай темір тұлпарға түскенін көрсетті. Бұл туралы <a href="https://aikyn.kz/270528/moldir--uelbekova-20-million-ten-genin--koligin-satyp-aldy">aikyn.kz</a> хабарлады.Эстрада жұлдызы жаңа көлігімен түскен видеосын жариялап, құттықтап жатқан көпшілікке алғысын білдірді."Құттықтағандарға жұғысты болсын", – деп жазды өнер иесі.Белгілі болғандай, әншінің таңдауы Zeekr 001 автокөлігіне түскен. Бұл көлік Қазақстан нарығындағы орташа бағасы – 20 миллион теңге. Желі қолданушылары шоу-бизнес жұлдызын жарыса құттықтап, оған ақ тілегін жолдады.

Мөлдір Әуелбекова 20 миллион теңгенің көлігін сатып алды

<a href="https://kyzylorda-news.kz/">Kyzylorda-news.kz</a> &nbsp;Қазалылық кәсіпкер Орынбасар Бақбергенұлы 2021 жылдан бастап Қызылорда қаласында пластикалық бөтелке шығаратын жеке кәсіпкерден дайын пластикалық бөтелкелерді алып, сатып алу-сату саудасымен айналысып келген.2023 жылы ауыл халқының табысын арттыру мақсатында «Ауыл аманаты» жобасы аясында осы кәсіпті ауданымызда жүзеге асыруды жоспарлап, қажетті құрал-жабдықтарды алуға «Байқоңыр» ӘКК» АҚ арқылы жеңілдетілген несиеге қол жеткізеді.Осылайша Орынбасар Бақбергенұлы пластикалық бөтелкені шығаруға қажетті құрал-жабдықтарын Алматы қаласынан алдыртып, бүгінде өзінің жаңадан бой көтерген ғимаратында ең бірінші сүт өнімдеріне арналған 0.5, 1 және 1.5 литр, ерекше дизайнда, құты қақпағы брондалып жабылатын пластикалық құтыларды шығаруда.Негізгі тұтынушылары: Қазалы, Арал ауданы, Сексеуіл және Төретам кенті.

Қазақстан және Қызылорда облысының жаңалықтары