<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Парламент Сенатының депутаты Наурызбай Байқадамов, облыс прокуроры Ризабек Ожаров, жауапты сала басшылары Арал ауданындағы түйе сүтінен құрғақ ұнтақ шығаратын зауыт құрылысымен танысты.Жоба бастамашысы «Qazaq Camel» ЖШС 392 тонна өнім шығарады деп жоспарлануда. Зауыт құрылысына 3 млрд. теңге қаржы салынған. Оның 1,8 млрд. теңгесі мемлекет қолдауы, яғни жеңілдетілген несие, 1,2 млрд. теңгесі жеке қаражат есебінен. Осы жылдың наурыз айында іске қосылып, 23 адам жұмыспен қамтылады.Негізгі өндірістік ғимараттың құрылысы мен қондырғыларды орнату 90% аяқталған. Қазіргі таңда монтаждау жұмыстары жүргізілуде.<img src="https://knadmin.beoblood.kz/uploads/r_a_nta_s_ti_zauyt_3_b98349e476.jpg" alt="Құрғақ ұнтақ сүті зауыт 3.jpg">Аймақ басшысы осы жерде шаруа қожалықтары және шағын кәсіп иелерімен кездесіп, бастаған істі дамыту, өнім өндіру мен өңдеуді жолға қою мәселелерін талқылады. Бірінші кезекте сапаға мән беріп, өндіріс көлемін ұлғайту қажет екенін атап өтті.Еске салайық, өткен жылдың қорытындысымен өңдеу өнеркәсібі саласында 406,3 млрд.теңгенің өнімі өндіріліп, көрсеткіш 6,4%-ға өсті. Нақты айтсақ, тамақ өнімдерін өндіру 3,4%-ға, мұнай өңдеу өнімдерінің өндірісі 5,2%-ға, жиһаз өнеркәсібі 43,6%-ға, жеңіл өнеркәсіп 12,4%-ға, химия өнеркәсібі 2,7%-ға, құрылыс индустриясы 4,3%-ға, резеңке және пластмасса бұйымдар өндірісі 1,7%-ға артты.<img src="https://knadmin.beoblood.kz/uploads/r_a_nta_s_ti_zauyt_28246b4659.jpg" alt="Құрғақ ұнтақ сүті зауыт.jpg">

Аймақ басшысы түйе сүтінен құрғақ ұнтақ шығаратын зауыт құрылысымен танысты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, ҚР Парламент Сенатының депутаты Наурызбай Байқадамов, облыс прокуроры Ризабек Ожаров,зиялы қауым өкілдері мен ардагерлер Қазалы ауданының Әйтеке би кентіндегі &nbsp;теміржол арқылы өтетін аспалы көпірдің ашылу рәсіміне қатысты.Аймақ басшысы жиналған жұртшылықты құттықтап, жол инфрақұрылымын дамытудағы ауқымды жұмыстарды атап өтті.<img src="https://knadmin.beoblood.kz/uploads/azaly_aspaly_k_pir_3_9945062bbf.jpg" alt="Қазалы аспалы көпір 3.jpg"><blockquote>«Бурабайда өткен Ұлттық құрылтайда Президентіміз Қасым-Жомарт Кемелұлы: «Жер көлемі жөнінен әлемде тоғызыншы орын алатын еліміздің көлік-транзит саласында зор мүмкіндіктері бар. Бұл – айрықша назар аударуды талап ететін стратегиялық бағыт», – деген болатын. Осы мақсатта өңірімізде белсенді жұмыстар атқарылуда. Мемлекет басшымыздың, Үкіметтің ерекше қолдауымен 2022-2025 жылдары 1 600 шақырым автомобиль жолдары мен көшелерді, 30 көпір өткелін салуға, күрделі жөндеуге 150 млрд. теңгеге жуық қаржы бөлінді. Өткен жылдың өзінде жол инфрақұрылымын дамытуға бюджеттен 50 млрд. 605 млн. теңге қаралып, 329 шақырым автомобиль жолдары, көшелер мен көпір өткелдері жөндеуден өтуде. Қазалы вокзалы жанындағы 1,3 млрд теңгеге салынған теміржол үстінен өтетін аспалы көпір – осындай байыпты бастамалардың жалғасы. Бүгін ел игілігіне табысталатын жаяу жүргіншілерге арналған көпірді Әйтеке би кентінің арғы бетінде тұратын 13 мыңнан астам тұрғын қолданады. Бұл өткел арқылы &nbsp;2 мыңнан астам адам күнделікті әрлі-берлі қатынайды. Сондықтан да жұртшылықтың теміржолдан қауіпсіз әрі тез өтуіне тигізер пайдасы ұшан-теңіз. Көпірді сапалы етіп салып, мерзімінде аяқтаған мердігер &nbsp;«ҚазТеміржол Engineering» ЖШС-нің құрылысшыларына алғыс білдіреміз. Қуаныштарыңыз құтты болсын! Жаңа көпір &nbsp;жақсылықтың бастауы болғай!», &nbsp;– деді Нұрлыбек Машбекұлы.</blockquote><img src="https://knadmin.beoblood.kz/uploads/azaly_aspaly_k_pir_2_4b9b44eb19.jpg" alt="Қазалы аспалы көпір 2.jpg">Рәсімде «Құрмет» орденінің иегері, Қазалы ауданының құрметті азаматы, Оразғали Бекбанов бата берді. Теміржол саласында еңбек ететін мамандар мен көпір құрылысын салған мердігер мекеме өкілдері облыс әкімінің Алғыс хатымен марапатталды.<img src="https://knadmin.beoblood.kz/uploads/azaly_aspaly_k_pir_0111af9585.jpg" alt="Қазалы аспалы көпір.jpg">

Қазалы ауданында теміржол арқылы өтетін аспалы көпір пайдалануға берілді

<a href="https://kyzylorda-news.kz/">Kyzylorda-news.kz</a> Өмір – қайталанбас сый, ал жастық шақ – сол сыйдың ең асыл сәті. Бірақ осы мөлдір тазалықты «жалған жұмақтың» көлеңкесі – есірткі індеті лайлауда. Бұл жай ғана химиялық зат емес, ол – адамның еркіндігін, ар-намысы мен ертеңін жұтып қоятын тұңғиық.Неліктен біз қауіпке бас тігеміз? Бір сәттік еліктеудің арты мәңгілік азапқа айналатынын сезіне бермейміз. Есірткі алдымен сенің асқақ арманыңды, сосын анаңның үмітін, соңында адамдық қасиетіңді өлтіреді. Санасы уланған жас – қоғамның тірі өлігі. Бізге рухы сергек, ойы ұшқыр, дені сау жасампаз ұрпақ қана керек.Меніңше, нағыз еркіндік – ешқандай тәуелділікке бас имеу. Шынайы бақыт химиялық елесте емес, спорттағы жеңісте, білімдегі биікте және жақындарыңның күлкісінде. Біз бабалар аманатын арқалаған ұрпақпыз, сондықтан тағдырымызды көк түтінге байлауға құқығымыз жоқ.Ей, замандас! Өміріңнің тізгінін уға ұстатпа. Өзіңді сүй, еліңді қадірле! Есірткіге жоқ деп айту бұл нағыз ерлік пен ұлы жеңіс. Болашағың бүгінгі таңдауыңнан басталады. Нұрлы жолды таңда! Ертеңің үшін жауапты болу сенің парызың. Жарық әлемнің қызығын бүлдірме, биікке қанат қақ!Аружан Рысжанова,С.Әлжіков атындағы №144 орта мектеп9-сынып оқушысы&nbsp;Фото: автордікі

Ессіздік есігін жап: Болашағың өз қолыңда!

<a href="https://kyzylorda-news.kz/">Kyzylorda-news.kz</a> Қашан екені белгісіз, әлемнің не қатты жарық емес,не қатты қараңғы емес бір түбегінде “Алтын қамал” патшалығы болыпты. Ол патшалықта өтірік, алдап соғу сынды бейәдеп істер атымен болмапты. Көршілес патшалықтар бұл патшалыққа қызығада қызғанада қарайды екен.Патшалықта қайғысы бар адам атымен жоқ екен,күнде жиын күнде той. Бірақ кенеттен патшалық тұрғындары қуаныштың не екенін ұмытып, барлығы қайғы мен мұңға салынып кетіпті.Патша халықтың бұл қылығын түсіне алмай күн сайын әлемнің түкпірінен түрлі түрлі дәрігерлерді алдыртып, зерттеулер жүргізеді екен, бірақ барлығы нәтижесіз, адамдар қуанбақ түгілі күлмей қалыпты. Басы қатқан патша уәзірлерін жинап жиналыс жасап, уәзірлеріне мұңын шағыпты.“Жиналыс аяқталды” дегені сол еді кенет бір қарт патшалыққа баса көктеп кіріп “Таптым, таптым” – деп айқайлай жөнеледі. Бейбақты түсінбеген патша демін алуына уақыт беріп, жөн сұраса кетеді.Бейбақ патшаға көрші патшалықтан жіберілген жолаушыны,және оның нарықта ерекше ақ ұнтақ сататынын мәлімдейді. Патша дереу жолаушыны елден қуып, ұнтақтың көзін жояды. Солай елде бақытшылық орнайды.Қадірхан Ибрагим,С.Әлжіков атындағы №144 орта мектептің 9-сынып оқушысы&nbsp;Фото: e-history.kz

Ақ ұнтақтың қарғысы

<a href="https://kyzylorda-news.kz/">Kyzylorda-news.kz</a> 2026&nbsp;жылғы қаңтардан бастап Қазақстанда міндетті автосақтандыру жүйесіндегі өзгерістер күшіне енеді. Түзетулер алғаш рет сақтандыру шартын жасасқан жүргізушілерге (автомобиль және мотоцикл иелеріне), сондай - ақ аймақтық коэффициенттерді жаңарту арқылы барлық автокөлік иелеріне әсер етеді.&nbsp;Сақтандыру&nbsp;полисінің құнына және автокөлік жүргізушілерінің бюджетіне қалай әсер ететінін Fingramota.kz-пен қарастырайық.Полистің құны: базалық мөлшерлеме&nbsp;Көлік құралдары иелерінің азаматтық-құқықтық жауапкершілігін міндетті сақтандыру шартының базалық құны 2026 жылы шамамен 8&nbsp;217 теңгені құрайды. Құнның өсуі 2026 жылғы 1 қаңтардан бастап 4&nbsp;325 теңге мөлшерінде белгіленген айлық есептік көрсеткіштің (АЕК) ұлғаюына байланысты.Базалық құн бастапқы шама болып табылатынын, ал полистің қорытынды құны түзету коэффициенттерін қолдана отырып, оның ішінде мыналарды ескере отырып қалыптастырылатынын ескеру қажет:<ul><li style="text-align:justify;">көлік құралын тіркеу аймағы;</li><li style="text-align:justify;">жүргізушінің жасы және өтілі;</li><li style="text-align:justify;">көліктің түрі;</li><li style="text-align:justify;">сақтандырылушының кінәсінен сақтандыру жағдайларының болуы.</li></ul>Түзету&nbsp;коэффициенттері2026 жылғы 1 қаңтардан бастап әрбір өңірдің шығындылығы статистикасын ескере отырып қалыптастырылған түзету коэффициенттерінің жаңартылған мәндері қолданылады.Апаты жоғары өңірлерде сақтандыру қымбатырақ болады. Жекелеген өңірлерде сол деңгейде қалады. Бұл базалық құны бірдей болса да, әр түрлі өңірлердегі сақтандыру әр түрлі болады дегенді білдіреді.Рульге жаңа отырған адамдар: сақтандыру құны қолжетімді боладыМаңызды өзгерістердің бірі автосақтандыруды алғаш рет ресімдеген жүргізушілер үшін сақтандыру шарттарын қайта қарау болады. 2026 жылдан бастап жаңа сақтанушылар үшін тарифтік мөлшерлемелерді төмендету көзделген.Бұл шара рульге алғаш отырғандар үшін полисті ресімдеу кезіндегі кедергілерді азайтуға бағытталған. Бұл тәсіл сақтандыру мәдениетін дамытуға, жолдардағы жауапкершілікті арттыруға және міндетті сақтандырудың қолжетімділігін арттыруға ықпал етеді.Сақтандыру шартын рәсімдеу кезінде нені ескеру керек?1. Сақтандырушының лицензиясы. Сақтандыру компаниясының ҚР Қаржы нарығын реттеу және дамыту агенттігі берген жарамды лицензиясы бар екеніне көз жеткізіңіз.2. Сақтандыру жағдайының шарттары. Шартта нақты көрсетілуі тиіс: қандай жағдайларда төлем жасалады, қандай тәуекелдер қамтылады және қайсысы қамтылмайды.3. Сақтандыру сомасы мен лимиттері. Полис бойынша ең жоғарғы төлем мөлшерін тексеріңіз.4. Бонус-малус коэффициенттері (міндетті сақтандыру үшін). Сізге қандай сақтандыру класы қолданылатынын және ЖКО немесе өзге де факторлар тарифке қалай әсер еткенін біліңіз.5. Құжаттар мен өтініш беру тәртібі. Сақтандыру жағдайы туындаған кезде қандай құжаттар қажет, қанша мерзім ішінде хабарлау керек, залал қалай бағаланады және даулы жағдайларда қайда жүгіну керектігін нақтылап алыңыз.6. Мәліметтерді тексеру. Шартқа қол қоймас бұрын енгізілген барлық деректердің дұрыс екеніне көз жеткізіңіз. Мысалы, көлікті қолданатын өңір мен пайдалану ерекшеліктері дұрыс көрсетілген бе. Егер жалған немесе қате деректер берілсе, сақтандыру төлемі төленбеуі мүмкін.Fingramota.kz&nbsp;автокөлік&nbsp;жүргізушілеріне мынадай&nbsp;кеңес&nbsp;береді:&nbsp;<ul><li style="text-align:justify;">бір компанияға бағдарланбай, әр түрлі сақтандырушылардың ұсыныстарын салыстыру;</li><li style="text-align:justify;">шығыстарды жоспарлау кезінде өңірлік коэффициенттерді ескеру;</li><li style="text-align:justify;">полистің шарттарын мұқият оқып шығу, әсіресе бірінші ресімдеу кезінде.</li></ul>Міндетті&nbsp;автосақтандыру&nbsp;– бұл формалды жағдай емес, бұл&nbsp;көлік&nbsp;құралдары иелерін үшінші тұлғалар алдында қаржылық қорғаудың маңызды құралы. Ол жол қозғалысының басқа қатысушыларына келтірілген залал үшін жауапкершілікті қамтамасыз етеді,&nbsp;жол-көлік оқиғасы&nbsp;болған жағдайда өз қалтасынан үлкен шығындарды болдырмауға көмектеседі.<img src="https://knadmin.beoblood.kz/uploads/Fingramota_avtosa_tandyru_28d42c984c.jpg" alt="Финграмота автосақтандыру.jpg">Фото: fingramota.kz

Автосақтандыру: 2026 жылдан бастап жүргізушілер үшін не өзгереді?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, облыс прокуроры Ризабек Ожаров, зиялы қауым өкілдері мен ардагерлер Қазалы ауданы Бекарыстан би ауылындағы дене шынықтыру-сауықтыру кешенінің ашылу рәсіміне қатысты.​Салтанатты жиында аймақ басшысы спорт саласын өркендетуде, жұртшылықты салауатты өмір салтына ынталандыруда атқарылған жұмыстарға тоқталды.<img src="https://knadmin.beoblood.kz/uploads/Dene_shyny_tyru_kesheni_Bekarystan_bi_2_49bb808891.jpg" alt="Дене шынықтыру кешені Бекарыстан би 2.jpg"><blockquote>«Кеше ғана Сыр елінің бас шаһарында өткен құрылтай отырысында ел тарихына алтын әріппен жазылатын, келешек ұрпақ айта жүретін маңызды шешімдер қабылданды. Бұл шешімдер еліміздің саяси, әлеуметтік, және экономикалық дамуына серпін беріп, халқымыздың болашаққа деген сенімін арттырып, ұлт бірлігін нығайтуда маңызды қадам болатыны сөзсіз. Мемлекет басшымыздың ерекше қолдауы баршамызды жаңа жетістіктерге жетелейді, еселенген жауапкершілік жүктейді. Президентіміздің ауылды дамыту, аймақтардың әлеуетін арттыру, тұрғындардың өмір сапасын жақсарту, оларды елдегі саяси-экономикалық процестерге белсене қатыстыру жөніндегі бастамалары стратегиялық маңызға ие. Аймағымызда тұрғындардың бұқаралық, кәсіби спортпен шұғылдануына барлық жағдай жасалуда. 2022 жылдан бері 24 спорт нысаны, атап айтқанда, Орталық стадион, Теннис, Инклюзивті спорт орталықтары, 21 спорт кешені салынды. Биыл «Ауыл – ел бесігі» бағдарламасы аясында елді мекендерде тағы 4 спорт кешені ашылады. Міне, бүгін 429 млн. теңгеге бой көтерген сол кешеннің бірін Өздеріңізбен бірге &nbsp;ел игілігіне табыстаймыз. Ауыл спортын одан әрі дамытуға бағытталған жаңа нысан баршаңызға құтты болғай!», - деді Н.Нәлібаев.</blockquote>Рәсімде ауданның әлеуметтік-экономикалық дамуына үлес қосқан аға буын мен сала қызметкерлері, ғимаратты &nbsp;сапалы етіп салған мердігер мекеме өкілдері облыс әкімінің Алғыс хатымен марапатталды. Еңбек ардагері Болат Сәдуов бата берді.Мемлекет басшысы аймақтарда спорт инфрақұрылымын дамытып, стадиондар мен спорт кешендерін салуды тапсырғаны белгілі.<img src="https://knadmin.beoblood.kz/uploads/Dene_shyny_tyru_kesheni_Bekarystan_bi_3_c7aa3ff364.jpg" alt="Дене шынықтыру кешені Бекарыстан би 3.jpg">Бүгінде облыс орталығындағы ірі жобалардың бірі - аумағы 25 мың шаршы метр болатын «Қызылорда Арена» көпбейінді спорт кешенінің құрылысы. «Самұрық Қазына Траст» қорымен бірлесіп «Теннис орталығы», 11 мың орындық жаңа стадион, балалар мен жасөспірімдерге арналған «Сыр жұлдыздары» шығармашылық-инновациялық академиясы, «Қазақстан халқына» қорының қолдауымен Шиелі, Жалағаш аудандарында жаңа спорт кешендері, Инклюзивті спорт орталығы ел игілігіне табысталды. Қазақстан футбол федерациясының қолдауымен Қызылорда қаласындағы Ғ.Мұратбаев атындағы стадионның қосалқы алаңы мен Жалағаш ауданының орталық стадионы күрделі жөндеуден өтті. Жергілікті кәсіпкерлердің демеушілігімен орнатылған 80 спорт-ойын алаңы ел игілігіне қызмет етуде.

Бекарыстан би ауылында дене шынықтыру-сауықтыру кешені ашылды

<a href="https://kyzylorda-news.kz/">Kyzylorda-news.kz</a> Қазақстан Республикасы Ішкі істер министрлігінің Есірткі қылмысына қарсы іс-қимыл комитетінің төрағасы Мейірхан Данияр Мейірханұлы Қызылорда облысына жұмыс сапарымен келді.Сапар аясында Комитет төрағасы Қызылорда облысы Полиция департаментінің Есірткі қылмысына қарсы іс-қимыл басқармасының жеке құрамымен кездесу өткізді. Кездесу барысында өңірдегі жедел жағдай, ағымдағы кезеңдегі қызмет нәтижелері, сондай-ақ күшейтілген бақылау мен жүйелі тәсілді талап ететін проблемалық мәселелер тыңдалды.Сонымен қатар, ағымдағы жылға арналған басым міндеттер мен жұмыстың негізгі бағыттары айқындалды.&nbsp;Атап айтқанда, есірткі қылмысына қарсы іс-қимылды күшейтуге бағытталған төмендегі бағыттар бойынша нақты тапсырмалар берілді:<ul><li style="text-align:justify;">есірткі құралдарының заңсыз айналымы арналарының жолын кесу;</li><li style="text-align:justify;">синтетикалық есірткілер мен интернет арқылы таратуға қарсы жұмысты күшейту;</li><li style="text-align:justify;">жедел-іздестіру іс-шараларының тиімділігін арттыру;</li><li style="text-align:justify;">профилактикалық шараларды және ведомствоаралық өзара іс-қимылды жандандыру.</li></ul>Кездесу барысында қатаң тәртіпті сақтаудың, әрбір қызметкердің жеке жауапкершілігінің және нәтижеге бағытталған жұмыстың маңыздылығы ерекше атап өтілді. Сондай-ақ, есірткі қылмысына қарсы күресте талдамалық жұмысты күшейту, заманауи әдістер мен цифрлық технологияларды енгізу, қызметкерлердің кәсіби даярлық деңгейін арттыру қажеттігіне назар аударылды.Кездесу қорытындысы бойынша өңірде құқықтық тәртіпті нығайтуға және есірткі қылмысына қарсы іс-қимыл бөлімшелерінің қызмет тиімділігін арттыруға бағытталған нақты тапсырмалар берілді.Фото: polisia.kz

Данияр Мейірханұлы Қызылорда облысына жұмыс сапарымен келді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Байқоңыр қаласы әкімшілігінің басшысы Константин Бусыгин, облыс прокуроры Ризабек Ожаров, зиялы қауым өкілдері, ардагерлердің қатысуымен Байқоңыр қаласындағы 250 пәтерлік 5 тұрғын үйді табыстау рәсімі өтті.Рәсімде аймақ басшысы жаңа қоныс иелерін құттықтап, өңірдегі құрылыс, әсіресе, тұрғын үй құрылысының қарқынын атап өтті.<img src="https://knadmin.beoblood.kz/uploads/Baj_o_yr_j_kiltin_tabystau_3_46cdf571ae.jpg" alt="Байқоңыр үй кілтін табыстау 3.jpg"><blockquote>«Кеше өткен Ұлттық құрылтайда Мемлекет басшымыз Қасым-Жомарт Кемелұлы: «Соңғы жылдары Қызылорда облысы заман талабына сай өсіп-өркендеп жатыр» деп, Cыр өңірінде атқарылған жұмыстарға оң бағасын берді. Ұлттық құрылтайдың осыдан 100 жыл бұрын Алаш қайраткерлерінің бастамасымен қазақ атауы қайтарылған Қызылорда қаласында өтуі тарихи мәнге ие. Мемлекет басшымыздың, Үкіметтің қолдауымен аймағымыз қарқынды құрылыс алаңына айналды. 2022 жылдан бері 200-ге жуық әлеуметтік нысан салынып, ел игілігіне берілген. Тұрғындарды баспанамен қамтамасыз етуге бағытталған мемлекеттік әлеуметтік саясат нәтижелі іске асуда. Қармақшы ауданында 2023-2024 жылдары 2 млрд. 848 млн. теңгеге 207 пәтерлік 103 тұрғын үй сатып алынып, кезекте тұрған азаматтарға берілді. Өткен жылдың соңында Жосалы кентіндегі 50 пәтерлік 25 жаңа тұрғын үйдің кілтін табыстадық. Бірнеше жыл бұрын басталған, мердігердің салғырттығынан құрылысы тоқтап қалған Байқоңыр қаласындағы 50 пәтерлік 5 тұрғын үйдің құрылысын аяқтау үшін облыстық бюджеттен 2 млрд. 433 млн. теңге қаржы бөлінді. Бүгін сол жұмыс толық бітіп, пәтерлердің кілтін өздеріңізге беруге жиналдық. Жаңа қоныс – игіліктің бастауы. Баспаналарыңыздың іргетасы берік, қабырғасы мығым, әр отбасының шаңырағы татулық пен берекеге толы болғай!», – деді Н.Нәлібаев.</blockquote>Жиында аймағымыздың әлеуметтік-экономикалық дамуына үлес қосқан азаматтар Қызылорда облысының Құрмет грамотасымен, Қармақшы ауданының, Байқоңыр қаласының өркендеуіне еңбегі сіңген ардагерлер, тұрғын үйлерді салған мердігер мекеме қызметкерлері облыс әкімінің Алғыс хатымен марапатталды. Константин Бусыгин сөз сөйлеп, ізгі тілегін жеткізді.Еске салайық, Президенттің, Үкіметтің қолдауымен, Қызылорда облысының әкімдігі Байқоңыр қаласы әкімшілігімен бірлесіп, қаланың, оған іргелес орналасқан Төретам мен Ақай елді мекендерінің әлеуметтік-экономикалық дамуына айрықша мән беріп келеді.Қазіргі таңда Байқоңыр қаласында ауқымды инфрақұрылымдық жобалар іске асырылуда. Көпқабатты тұрғын үйлер газға қосылды. Мемлекеттік бағдарламамен 50 пәтерлік бес тұрғын үй салынып, жаңа шағын аудан құрылды. Қаланың 95 шақырым су құбыры мен 85 шақырым кәріз желілері қайта жаңғыртылуда. Тұрғындардың бұқаралық спортпен шұғылдануына қажетті дене шынықтыру кешені бой көтеріп келеді.Мемлекет басшысының тікелей бастамасымен құрылған «Қазақстан халқына» қоғамдық қорымен тығыз әріптестік байланыс орнатылып, бірлескен жобалар қолға алынған. Қор 12 млрд. 851 млн. теңгеге әлеуметтік маңызды жобаларды жүзеге асыруда.<img src="https://knadmin.beoblood.kz/uploads/Baj_o_yr_j_kiltin_tabystau_2_e6c7943110.jpg" alt="Байқоңыр үй кілтін табыстау 2.jpg">

Байқоңыр тұрғындарына 250 пәтерлік 5 тұрғын үй табыстады

<a href="https://kyzylorda-news.kz/">Kyzylorda-news.kz</a> Көлік министрі Нұрлан Сауранбаев жаңа халықаралық әуе бағыттарын қалпына келтіру және ашу жоспарларын жариялады. Бұл туралы<a href="https://stan.kz/kazakstanda-2026-zhili-zhana-halikaralik-aue-bagittari-429173/"> Stan.kz</a> ақпарат агенттігі хабарлайды.&nbsp;Министр үкімет отырысында 2026 жылы жаңа халықаралық әуе бағыттарын қалпына келтіру және ашу, сондай-ақ Вена, Токио, Рим, Абу-Даби, Эр-Рияд, Даммам, Ларнака, Амман, Шанхай, Қашқар, Варшава және басқа да бағыттарға ұшу жиілігін арттыру жоспары жүзеге асырылып жатқанын мәлімдеді.Сонымен қатар әуе транзитінің мүмкіндіктерін кеңейту үшін реактивті отын шығынын азайту шаралары жүзеге асырылып жатыр. Қазір Қазмұнайгаз-Аэро барлық әуежайға қол жеткізіп отыр.<blockquote>“Қазақстан әуежайларына жүк тасымалдаушыларды тарту үшін біз Fedex (АҚШ), UPS (АҚШ), Cargolux (Люксембург), DHL (Германия) және Lufthansa Cargo (Германия) сияқты ірі халықаралық әуекомпанияларымен жұмыс істеп жатырмыз. Жалпы алғанда, салада оң үрдістер байқалады: жүк өңдеу артып келеді”, – деді Нұрлан Сауранбаев.</blockquote>Оның айтуынша, өткен жылы 1 736 000 тонна жүк өңделді, бұл – аймақтағы ең жоғары көрсеткіш.Фото: Нұрболат Нұржаубай

Биыл жаңа халықаралық әуе бағыттары ашылады

<a href="https://kyzylorda-news.kz/">Kyzylorda-news.kz</a> Үкімет отырысынан кейін облыс әкімі Нұрлыбек Нәлібаевтың төрағалығымен Мемлекет басшысының ағымдағы жылдың 20 қаңтарда өткен Ұлттық құрылтайдағы тапсырмаларын орындау туралы мәселесі қаралды. Аталған жиыннан соң аудан әкімі Мажит Самитовтың төрағалығымен жиын өтті.Жиынға аудандық мәслихат төрағасы, аудан әкімінің орынбасарлары, кент және ауылдық округ әкімдері, мекеме, бөлім басшылары қатысты.Алдымен жиын ауданда орын алған кадрлық өзгерістерді таныстырудан бастады. Қызылорда облысының табиғи ресурстар және табиғат пайдалануды реттеу басқармасы басшысының бұйрығымен Жаңақорған орман және жануарлар дүниесін қорғау жөніндегі мемлекеттік мекемесінің директоры қызметіне &nbsp;Мажитов Даулет Әбілпейісұлы тағайындалды.&nbsp;Даулет Мажитов 1984 жылы Жаңақорған ауданында дүниеге келген. Еңбек жолын 2004 жылы Жаңақорған аудандық ішкі істер бөлімінде учаскелік инспектор болып бастаған. 2020 жылдың қаңтар айынан бастап &nbsp;Жаңақорған орман және жануарлар дүниесін қорғау жөніндегі мемлекеттік мекемесінде орманшы-инспектор, &nbsp;балық шаруашылығы маманы қызметін атқарып келген.&nbsp;Аудан басшысы жаңа мекеме басшысына табиғатты қорғау, биологиялық әртүрлілікті сақтау және экологиялық қауіпсіздікті қамтамасыз ету жолындағы жауапты қызметіне сәттілік тіледі.Мәжілістің күн тәртібіндегі мәселеге сәйкес, Ұлттық құрылтайда жүктелген міндеттердің, өңір мен ауданның әлеуметтік-экономикалық дамуына бағытталған жұмыстар мен тапсырмалардың мерзімінде, сапалы орындалуын қамтамасыз етуді тапсырылды.&nbsp;Сонымен бірге, күн тәртібінен тыс бірқатар мәселелер қаралды. Атап айтқанда, «Таза Қазақстан» бағдарламасы аясында кенттер мен ауылдық округтердегі тазалық пен абаттандыру жұмыстары, облыс басшылығының жұмыс сапары аясында құрылыс жұмыстарымен таныстырылатын нысандардың дайындығы пысықталды.Жиын қорытындысымен сала орынбасарлары мен жауапты мекеме басшыларына нақты тапсырмалар жүктелді.<img src="https://knadmin.beoblood.kz/uploads/Zha_a_or_an_m_zhilis_2_bb9875ed8a.jpg" alt="Жаңақорған мәжіліс 2.jpg">

Жаңақорған: Кезекті мәжіліс отырысында бірқатар мәселе қаралды

<a href="https://kyzylorda-news.kz/">Kyzylorda-news.kz</a> Қазақстандағы саяси және әлеуметтік реформалардың аясында 2022 жылы Президент Қасым-Жомарт Тоқаевтың бастамасымен құрылған Ұлттық құрылтай – ел болашағына бағытталған маңызды қадамдардың бірі болды. Құрылтайдың мақсаты – халық пен билік арасындағы байланысты нығайту, қоғамдық мәселелерді ашық талқылау және елдегі реформаларды тиімді жүзеге асыруға атсалысу. Бұл бастаманы ақпараттық сүйемелдеу және халыққа түсіндіру жұмыстары оның тиімділігі мен қоғамдағы рөлін арттырады.Ұлттық құрылтай – қоғам үшін жаңа диалог алаңы ретінде маңызды рөл атқарады. Ол қоғамның түрлі топтарын біріктіріп, халықтың үнін тыңдау, олардың пікірлерін ескеріп, елдің болашағына қатысты шешімдерді бірлесіп қабылдау. Бұл бастама Қазақстанның дамуына ықпал ететін әлеуметтік, экономикалық және саяси мәселелерді талқылауға мүмкіндік береді.Қоғамдағы өзекті мәселелерді талқылау арқылы құрылтайдың негізгі міндеті айшықталады. Құрылтай аясында елдің әлеуметтік-экономикалық дамуына қатысты өзекті мәселелер мен ұсыныстар көтеріліп, олардың шешімдері қарастырылады. Халықтың әртүрлі әлеуметтік топтары мен аймақ өкілдері өз пікірлерін ашық айтып, қоғамдағы маңызды өзгерістерге белсенді қатысады. Негізгі міндеттерінің бірі – билік пен қоғам арасындағы байланысты нығайтып, мемлекеттік шешімдер қабылдау процесіне азаматтарды тартуға мүмкіндік беру. Сонымен қатар, Қазақстанның ұзақ мерзімді даму мақсаттарына жету жолдары анықталып, реформаларды жүзеге асыру үшін ұсыныстар қабылдау.Оның табысты жұмыс істеуі үшін ақпараттық тұрғыдан қолдап, қоғамға кеңінен түсіндіру маңызды. Ақпараттық сүйемелдеу арқылы құрылтайдың мақсаты мен міндеттері және қабылданған шешімдер туралы қоғамға нақты әрі түсінікті мәлімет беру қажет. Бұл бағытта мемлекеттік органдар, бұқаралық ақпарат құралдары және қоғамдық ұйымдар белсенді жұмыс атқарып келеді.Бұқаралық ақпарат құралдары, интернет ресурстары және әлеуметтік желілер арқылы құрылтайдың қызметі, талқыланған мәселелер мен қабылданған шешімдер туралы қоғамға дер кезінде ақпарат жеткізу, халықтың құрылтай жұмысы туралы хабардар болуына мүмкіндік береді. Ұлттық құрылтайдың тиімділігін арттыру үшін халықтың ұсыныстарын, пікірлерін жинап, оларды құрылтай аясында қарастыру маңызды. Ақпараттық сүйемелдеу осы пікірлердің жинақталуына және олардың мемлекеттік шешімдер қабылдауға әсер етуіне ықпал етеді. Құрылтай мүшелері де ақпараттық сүйемелдеу арқылы тұрғындармен тұрақты кері байланыс орнату қажет. Бұл халықтың қажеттіліктері мен ұсыныстарының құрылтайда қарастырылуын қамтамасыз етеді.Инабат Итенген,Жас маманШиелі ауданы, Сұлутөбе ауылыФото: Нұрболат Нұржаубай

Ұлттық құрылтай: Пікір мен шешім тоғысқан мінбер

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде Мемлекет басшысының Ұлттық құрылтайдың бесінші отырысында берген тапсырмаларын орындау мәселелері қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысында атап өтілгендей, биыл жаңа теміржол желілерінің құрылысы аяқталады, ал «Қызылорда – Жезқазған» автожолындағы қозғалыс жыл соңына дейін ашылады. «Жезқазған – Сексеуіл» учаскесі жаңғыртылып бітеді. Вокзалдарды реконструкциялау жұмыстары да жалғасады.Автожолдар саласында биыл «Қызылорда – Ақтөбе» төрт жолақты магистралінің құрылысы басталады.Мемлекет басшысы Ұлттық құрылтайда Солтүстік Арал теңізін сақтау және халықаралық су ынтымақтастығын дамытуды одан әрі ілгерілету шараларына қатысты міндеттер белгіледі. Осы жылдың 30 маусымына дейін Солтүстік Арал теңізін сақтаудың екінші кезеңін дайындау аяқталып, жыл соңына дейін қаржыландыру мәселесі, оның ішінде халықаралық ұйымдар есебінен қаржыландыру шешілуі тиіс.Қазіргі таңда Солтүстік Арал теңізінің көлемі 2023 жылдың басындағы 18,4 млрд текше метрден 23 млрд текше метрге дейін артты. Көкарал бөгетін реконструкциялау және су деңгейін 44 метрге дейін көтеруді қамтитын теңізді сақтау жобасының екінші кезеңін әзірлеу аяқталу сатысында. Сонымен қатар, Түркістан және Қызылорда облыстарындағы суару жүйелерін жаңғырту, автоматтандыру бойынша 167 жоба-сметалық құжаттама әзірленуде. Су үнемдеу технологиялары 143,1 мың гектар жерге енгізіліп, шамамен 500 млн текше метр суды үнемдеуге мүмкіндік берді.Үкімет отырысынан кейін өткен мәжілісте осы және өзге де мәселелер бойынша нақты бағыт-бағдар айқындалып, жауапты сала басшыларына тиісті тапсырмалар жүктелді.<blockquote>«Құрылтайдың осыдан 100 жыл бұрын Қазақ елінің астанасы болған, қазақ атауы қайтарылған Қызылорда қаласында өткені тарихи мәнге ие. Бұл – бізге жүктелген жауапкершілік пен зор сенім. Құрылтай отырысында ел тарихына алтын әріппен жазылатын, келешек ұрпақ айта жүретін маңызды шешімдер қабылданды. Бұл шешімдер еліміздің саяси, әлеуметтік, және экономикалық дамуына серпін беріп, халқымыздың болашаққа деген сенімін арттырып, ұлт бірлігін нығайтуда маңызды қадам болатыны сөзсіз. Тағы бір қуанышты жаңалық, Президентіміз 10 жерлесімізді жоғары мемлекеттік наградалармен марапаттады. Құрылтайдың жоғары деңгейде өтуі – әріптестеріміз бен барша Сыр жұртшылығының бекем бірлігінің, ерен еңбегінің жемісі. Алдағы уақытта Мемлекет басшысы берген тапсырмаларды сапалы әрі жүйелі орындауымыз қажет», – деді аймақ басшысы.</blockquote>Мәжіліс соңында Н.Нәлібаев маңызды іс-шараны ұйымдастыру жұмысына, қаланың тазалығына атсалысқан мекемелердің еңбегін айрықша атап өтті. &nbsp;Бірқатар қызметкерлер облыс әкімінің Алғыс хатымен марапатталды.

Қазақстан және Қызылорда облысының жаңалықтары