<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы Қарулы күштерінің 30 жылдығы аясында Қызылорда гарнизонына қызмет көрсету жөніндегі әскери полиция бөлімшесінің жеке құрамы Қызылорда облыстық тарихи-өлкетану мұражайында болды.Ел тарихын, мәдениетін білу – әрбір азаматтың міндеті. Ал, өткенді білмей болашаққа көз жүгірту мүмкін емес. Мұражай - өткеннің ізін жаңғыртып, тарихтан сыр шертетін негізгі құрал. Ел егемендігі жолындағы&nbsp;азаматтардың ерлігі мәңгі жадымызда жаңғырып тұруы қажет. Міне, осындай тарихи оқиғаларды санамызға сіңіруде мұражайлардың орны ерекше. Осыларды ескере келе, Қызылорда гарнизонына қызмет көрсету жөніндегі әскери полиция бөлімшесінің бастығы әділет капитаны Бақтияр Дәуренқұлов әскери полиция бөлімшенің әскери қызметшілері мен отбасы мүшелерінің тарихи-өлкетану мұражайына саяхат жасауына ұйытқы болды.Іс-шараны ұйымдастырудағы негізгі мақсат әскери қызметшілер мен олардың отбасы мүшелерінің шығармашылық қабілетін жетілдіру, өткен тарихқа деген құрметті қалыптастыру және мұражайдағы бай тарихи жәдігерлермен танысу.<blockquote>«Музейдегі тарихымыздан сыр шертетін тамыры терең түрлі құнды заттар мен өткенді айна қатесіз бейнелеген көріністерден көп ой түйдік. Ішкі жан дүниеміз бен руханиятымыздың дамуына үлкен септігін тигізді. Бабалардың батырлығына, елді қорғаудағы ерліктеріне тәнті болдық», – дейді әділет капитаны Бақтияр Дәуренқұлов.</blockquote>Мұражайдағы қазақ халқының зергерлік, этнографиялық бұйымдарын, екінші дүниежүзілік соғыста қолданылған қару-жарақ түрлері мен Қазақстанның тәуелсіздік жылдарына арналған жәдігерлерін көру арқылы жеке құрамның рухани дамып, патриоттық сезімдері мен таным-түсініктерінің молайып шыққаны анық.<figure class="image"><img src="https://knadmin.beoblood.kz/uploads/318335069_640054371152031_724638350563535621_n_74e71b523e.jpg" alt="318335069_640054371152031_724638350563535621_n.jpg"></figure>&nbsp;<figure class="image"><img src="https://knadmin.beoblood.kz/uploads/318304395_640054484485353_3935903364217061157_n_53b5e63870.jpg" alt="318304395_640054484485353_3935903364217061157_n.jpg"></figure>

Әскерилер тарихи-өлкетану мұражайына саяхат жасады 

<a href="https://kyzylorda-news.kz/">Kyzylorda-news.kz.</a> Бүгінгі күні еліміздің емханаларына 0 - ден 18 жасқа дейінгі (толық 17 жасқа дейінгі) 6,5 миллионнан астам бала тіркелген.Олардың барлығы тегін медициналық көмектің кепілдік берілген көлемі (ТМККК) шеңберінде де, міндетті әлеуметтік медициналық сақтандыру (МӘМС) жүйесінде де мемлекет жарналарын төлейтін азаматтардың жеңілдетілген санаты ретінде медициналық қызметтерге толық қол жеткізе алады.Айта кету керек, жыл сайын емханаға тіркелген балалар саны артып келеді. 2021 жылы емханаларға азырақ – 6,46 миллион бала тіркелген.Сонымен қатар денсаулық сақтау жүйесінің балаларға профилактикалық және медициналық қызметтер көрсетуге арналған шығындары да артып келеді.Бүгінде бір балаға медициналық көмек көрсетуге орта есеппен 65,8 мың теңге жұмсалады. Бұл өткен жылғы шығындардан 11,7 мыңға артық.Жалпы, ағымдағы жылдың өткен 9 айында ғана Қор балаларға 324 млрд теңгеге медициналық қызмет көрсетуді қаржыландырды.Қор мамандарының есептеуі бойынша 2022 жылы осы бағытта қаржыландырудың 33 пайызға өскенін көруге болады.Бұл ретте шығыстардың негізгі үлесін амбулаториялық-емханалық көмек алады (53%). Ағымдағы жылдың 9 айында ол 232 млрд теңгеге көрсетілді.Балаларға тағы қандай қызмет түрлері көрсетілгендігін және осы қызметтерге қанша қаражат жұмсалғанын, біздің кестеден көре аласыз.&nbsp;&nbsp;

ЖСН алған сәттен бастап барлық балалар МӘМС жүйесінде мемлекет есебінен сақтандырылған

<a href="https://kyzylorda-news.kz/">Kyzylorda-news.kz.</a> Еліміздің келешегі жас ұрпақтың тәрбиесіне тікелей байланысты. Сондықтан Мемлекет басшысы даму бағдарламасында мектепке дейінгі тәрбие беру ісін жандандыруға аса мән беріп отыр. Сол себепті, жыл сайын мемлекеттік және жеке балабақшалардың қатары көбейіп келеді. Алайда, соған сәйкес талабы да күшейіп отыр. Өйткені, балабақша – бүлдіршіндердің екінші үйі. Сондықтан да балабақша ғимараты жаңа үлгіде, жобаға сай салынып, материалдық базасы да толық болуы тиіс. &nbsp; &nbsp;Жалағаш ауданына қарасты Мәдениет ауылындағы №8 «Балауса» бөбекжай-бақшасы осы талаптардың барлығына сай жұмыс істеуде. Аудандық білім бөліміне қарасты бұл тәрбие ошағындағы «Балапан», «Құлыншақ», «Ботақан», «Қарлығаш», «Қызғалдақ» секілді 5 топта 90 бүлдіршін бар. Оларға 18 педагог-тәрбиеші және психолог, әдіскер, логопед, музыка жетекшісі, дене нұсқаушысы қызмет көрсетеді. Барлығы да баланың тілін білетін, көңіл-күйін қас-қабағынан ұғатын білікті, тәжірибелі мамандар. Өткен аптада №8 «Балауса» бөбекжай-бақшасында «Мектеп жасына дейінгі балалардың білім, білік дағдыларын АКТ арқылы дамыту» тақырыбында аудандық семинар-практикум &nbsp;өтті. Семинарды аудандық білім &nbsp;бөліміндегі әдістемелік кабинеттің әдіскері Бекзат Ерназарова ашып, мән-маңызына тоқталды.<blockquote>«Қоғамда күн тәртібінен түспейтін бір мәселе болса, ол – ұрпақ тәрбиесі. Әсіресе, мектеп жасына дейінгі балалардың тәрбиесі бізді қай кезде де толғандыруы тиіс. «Тәрбие – тал бесіктен» деген тәмсіл бекерге айтылған жоқ. Баланың отбасынан кейінгі тәлім алатын ортасы – балабақша. Сондықтан біз балабақшадағы тәрбие беру ісін заман талабына сай сатылап дамытуға тиіспіз. Ол үшін бізге арнайы білімнен бөлек, ұдайы ізденіс пен тәжірибе керек. Бұл семинардың да мақсаты сол», – деді Бекзат Ерназарова.</blockquote>Семинар барысында «Балауса» бөбекжай-балабақшасының дене нұсқаушысы Ермек Жақсылықұлы «Таңғы жаттығу», музыка жетекшісі Ақерке Қалатбек «Робот» биі, «Аспаптар оркестрі» және тәрбиешілер Алтынай Сүгірова «Не дәмді?», Анар Орманова «Үш торай», Айзада Сисенбаева «Тазалықтың достары», Ұлпан Рахметова «Күзгі бақша» деп аталатын көрнекті жұмыстарын көрсетті. Ал, тәрбиеші Қалтай Боданова ата-анамен «Бала тәрбиесі – міндетіміз» атты тренинг жүргізді.<blockquote>«Ата-ананың басты міндеті – балаға тәрбие беру. Жүйелік, функциялық өзгешелік, айырмашылықтары болмаса, балаға тәрбие беру ісінде қай ата-ана да, қай балабақша да бір ғана мақсатты көздейді, ол – баланың бойына өз кезеңімен адами құндылықтарды сіңіру. Біз де осы мақсат жолында еңбек етіп келеміз. Ертең қоғамның бір-бір бөлшегіне айналатын баланың тәрбиесі бүгін өз отбасынан, содан соң балабақшадан басталады. Сондықтан біздің әрқайсымыз тек балалар тәрбиеленетін орталықта қызмет істейміз деп емес, ұлттың ертеңгі көрешегі мен мемлекеттің келешегін қалыптастырып жатырмыз деп ұғынуымыз керек. Расында, бүгінгі заман талабы бізге осындай жауапкершілік жүктеп отыр және тынымсыз еңбегіміздің нәтижесінде сол жауапкершіліктің үдесінен шығып келеміз. Ал, бүгінгі өтіп жатқан семинардың біз үшін, әріптестеріміз үшін маңызы зор. Өйткені, әрбір өткен семинарларда білім-білігімізді толықтырып, біз өзара тәжірибе алмасамыз, – дейді №8 «Балауса» бөбекжай-бақшасы меңгерушісі Лаура Қауқанова.&nbsp;</blockquote>Семинар соңында бағдарлама негізінде педагогтарға аудандық білім бөлімінің сертификаты табысталып, бөбекжай әдіскері Айнұр Жұмабаева аудандық білім бөлімінің арнайы «Алғыс хатымен» марапатталды. &nbsp;<img src="https://knadmin.beoblood.kz/uploads/2_52a03902e9.jpeg" alt="2.jpeg">

№8 «Балауса» бөбекжай-бақшасында ұрпақ тәрбиесі аясында семинар-практикум өтті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев өз жолдауында жастардың «Жас кәсіпкер» бизнес-бастамасын дамыту бағдарламасын жүзеге асыратындығын атап көрсеткен болатын. Осы ретте, кәсіпкерлік саланы дамыту барысында өңірде жас кәсіпкерлерге деген қолдау артып келеді. Себебі, бүгінде кәсіп бастаймын деген болашақ кәсіпкерлерге, оның ішінде жастарға мемлекет тарапынан мүмкіндіктер көп. Тек, сол мүмкіндікті нақты жоспармен ұтымды пайдалана білсең жеткілікті.&nbsp;Жаңадан кәсібін бастаған азаматтар үшін қайтарымсыз қаржы ретінде үкіметтен бөлінген 1 млн 225 мың теңгені өзінің мақсатына тиімді пайдалана білген азаматтар Жаңақорған ауданында да бар. Солардың бірі – фотостудия саласының маманы Сұлтанмұрат Бейбітұлы. Ашылғанына алты ай болған студияның жұмысы жүйелі, сұраныста жоғары.&nbsp;<blockquote>«Фотостудия ашпай тұрып, ең бірінші фотогроф болып жұмыс істедім. 2013 жылдан бері көпшілік жиындарда фото түсірдім. Кейін, Ай-Ару студиясына жұмысқа кірдім. Негізі бұл салаға қызығушылығымды арттырған Мұрат ағам болатын. Ол кісі Қызылорда қаласында үлкен студияда жұмыс жасады. Қасында жүріп, өзімнің қалауымдағы кәсіп екендігіне көзім жетті. Қазір өзім жеке студия аштым. Әрине, басында қиын болды. Алайда, адам алдына мақсат қойса, шын ниетімен еңбек етсе, біз алмайтын асу, бағындырмайтын қамал жоқ екен. Қаражат жағының өзі бір үлкен мәселе. Қазір техниканың дамыған заманы. Алайда осы салада жүрген мамандардан кеңес алып , аяққа тұрып келемін», – дейді жас кәсіпкер.</blockquote>Бүгінде жас кәсіпкер аудан әлеуетінің артуына үлес қосып отыр. Өйткені фотостудия 5 аудан тұрғынын тұрақты жұмыспен қамтыған. Ұжымдастарының барлығы жастар, мақсаттары ортақ. Жұмысын маусым айында бастаған S_studio_production студиясы осы жаңашыл жастардың тынбай еңбек етудің, ізденістің арқасында аз ғана уақыт ішінде ауданда үлкен сұранысқа ие болған.&nbsp;Сұлтанмұрат Бейбітұлы келешекке де ауқымды жоспарын құрып қойыпты. Бес жылда жеке атауы қалыптасқан, үлкен студияларының санын көбейтуді және республикалық деңгейде дамытып, соңғы үлгідегі техникамен қамтамасыз етуді ниет еткен. Сондай-ақ, жас кәсіпкер өзімен қоса қызметкерлерін шет елдерге біліктілігін артыруға іс-сапарға жіберуді мақсат етіпті. Әрине, бұл жоспарлар іске асу үшін студия қызу еңбекке бүгіннен кірісіп кеткен.Кәсіпкердің сөзінше, еліміздің жастары ең бірінші тәуекелшіл болуы қажет.&nbsp;<blockquote>«Кәсіпкерге қолдауды алдымен мемлекет беріп отыр. Соны тиімді, ұтымды пайдалана білсеңіз, жақсы өмір сүруге болады. Қазір бәсекелестік заманы. Әр тұтынушының талғамы биік. Жаңа технология дамыған заманда білім аламын дегенге білім, үйренемін дегенге курстың да түр-түрін табуға болады. Онлайн да, оффлайн жүйесінде де өзіңізді дамыта аласыз. Сондықтан кез-келген кәсіпті бастап жатқан жастарға айтарым, білім алыңыз, дамыңыз, бір орында тоқтап қалмаңыз дегім келеді», – дейді Сұлтанмұрат Бейбітұлы.</blockquote>Айта кетейік, биыл Жаңақорған ауданында 6 223 шағын және орта кәсіпкерлік нысаны тіркелген. Оның ішінде, 329 - заңды тұлға, 6569 - шаруа қожалығы, 3325 - жеке кәсіпкер. Жалпы, тұрақты жұмыс істеп тұрған кәсіпкерлік субъектілерінің саны – 5956 бірлікті құрап отыр. Ауданда көбінесе сауда үйлері, азық-түлік және тұрмыстық қызмет көрсету орындары белсенді жұмыс істейді. &nbsp;<figure class="image"><img src="https://knadmin.beoblood.kz/uploads/fotostudiya_ebda0f47dd.jpg" alt="fotostudiya.jpg"></figure>

Сұлтанмұрат Бейбітұлы: Жас кәсіпкерлерге қолдау көп

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық қорғаныс істері жөніндегі департаментінде жемқорлық пен қылмыстың алдын-алу мақсатында облыстық қорғаныс істері жөніндегі департаментінің, басқармасы мен бөлімдерінің басшылық құрамы қатысқан конференция өтті.Департамент мәжіліс залында өткен іс-шараға Қызылорда гарнизонына қызмет көрсету жөніндегі әскери полиция бөлімшесінің бастығы әділет капитаны Бақтияр Дәуренқұлов пен Қызылорда облыстық қорғаныс істері жөніндегі департаменті бастығының бірінші орынбасары полковник Ержан Қуанышбаев жетекшілік етті.Конференция өткізудегі мақсат – әскери қызметшілер арасында Қазақстан Республикасының «Сыбайлас жемқорлыққа қарсы іс-қимыл туралы» Заңының қағидаларын қатаң сақтау мен қызметтік этиканы ұстау және құқықтық сауаттылық пен мәдениетті дамыту.Атап айтсақ, 2022 жылдың қараша айында Қызылорда гарнизонына қызмет көрсету жөніндегі әскери полиция бөлімшесінің офицерлері Қызылорда облысының қорғаныс істері жөніндегі департаменті, басқармасы және бөлімдерінің жеке құрамымен «Қазақстан Республикасының сыбайлас жемқорлыққа қарсы саясатының 2022-2026 жылдарға арналған тұжырымдамасы» аясында әскери қызметшілер арасында сыбайлас жемқорлық деректерін алдын алу және мүлде болдырмау мақсатында бірнеше конференциялар ұйымдастырған болатын. Қазақстан Республикасының «Әкімшілік құқық бұзушылық туралы» Кодексінде көзделген талаптар, сыбайлас жемқорлық қылмыстар мен Қазақстан Республикасының Қылмыстық кодексіндегі және әкімшілік сыбайлас жемқорлық құқық бұзушылықтар үшін әкімшілік, қылмыстық жауапкершілік пен жаза туралы насихаттар жүргізілді.<blockquote>«Әскери қызметшілердің сыбайлас жемқорлық тәуекелдері мен мемлекеттік қызметке нұқсан келтіретін тәртіптік теріс қылықтарын болдырмау басты мақсатымыз. Мемлекеттік саясаттың тиімділігін арттыруға бағытталған осы іспетті іс-шаралар бәрімізден сыбайлас жемқорлық пен құқық бұзушылықтарға қарсы және ісімізге адал болуды талап етеді», - деді Қызылорда гарнизонына қызмет көрсету жөніндегі әскери полиция бөлімшесінің бастығы әділет капитаны Бақтияр Дәуренқұлов.&nbsp;</blockquote>Қызылорда гарнизонында әскери бөлімдер мен мекемелерде сыбайлас жемқорлықтың алдын алуға бағытталған бағдарламаларды жүзеге асыруда көптеген іс-шаралар жүргізіліп келеді.

Қызылорда гарнизоны жемқорлыққа қарсы 

<a href="https://kyzylorda-news.kz/">Kyzylorda-news.kz.</a>&nbsp; Арал аудандық полиция бөлімінде қызметіне адал болып, аянбай қызмет еткен полиция қызметкерлері марапатталды.Арал аудандық полиция бөлімі бастығының міндетін атқарушы полиция полковнигі Шүкіров Қуанышбек Сәнтайұлы ҚР ІІМ-нің құзырымен ІІІ-дәрежелі «Мінсіз қызметі үшін» медалін бөлімнің әкімшілік полиция бөлімшесінің әкімшілік практика тобының инспекторы полиция капитаны Сүлейменов Нұрлан Байтақұлына, Қызылорда ОПД-ті бастығының бұйрығы негізінде «Полиция лейтенанты» кезекті арнаулы атағының офицерлік погонын бөлімнің әкімшілік полиция бөлімшесінің қызметтік және азаматтық қару айналымын бақылау тобының инспекторы полиция аға сержанты Тобажанов Самат Күшікбайұлына табыстады.&nbsp;<blockquote>«Біз бұл қызметте ортақ іс жасаймыз - қоғамның, мемлекеттің қауіпсіздігін қамтамасыз етеміз, азаматтарымыздың құқықтары мен заңды мүдделерін қорғаймыз», - деп сөз алған полиция полковнигі Қуанышбек Сәнтайұлы марапат иелеріне бөлімнің жас қызметкерлеріне үлгі боларлықтай атқарып жүрген қызметтеріне сәттілік тіледі.&nbsp;</blockquote>Сонымен қатар қызметтік міндеттеріне адалдықпен қарап, өздерінің кәсіби шеберліктерінің арқасында халықаралық іздеуде жүрген тұлғаны ұстап, бөлімге жеткізіп белсенділік танытқандары үшін бөлімнің учаскелік полиция инспекторы полиция капитаны Жолтай Бақытжан Ерғалиұлын және ювеналды полиция тобының учаскелік полиция инспекторы полиция капитаны Қалмағамбетов Аян Жұматайұлын бөлімнің Алғыс хатымен марапаттады.<blockquote>«Қоғамдық тыныштық пен қауіпсіздікті қамтамасыз етуге қосқан үлесімді ескеріп бөлімнің марапатын алғаныма қуаныштымын. Марапат жауапкершілікті арттыру үшін беріледі, ел тыныштығын қорғаудағы қызметімді адал атқаратыныма сенім білдіремін», - дейді полиция капитаны Бақытжан Ерғалиұлы.</blockquote><figure class="image"><img src="https://knadmin.beoblood.kz/uploads/318344022_619193249981251_6191364602046133697_n_998a4e402f.jpg" alt="318344022_619193249981251_6191364602046133697_n.jpg"></figure>&nbsp;<figure class="image"><img src="https://knadmin.beoblood.kz/uploads/318348456_619193349981241_795050258534631556_n_20ed87f71c.jpg" alt="318348456_619193349981241_795050258534631556_n.jpg"></figure>

Бақытжан Жолтай: Ел тыныштығын қорғаудағы қызметімді адал атқарамын

<a href="https://kyzylorda-news.kz/">Kyzylorda-news.kz.</a> Ұшқыр ой мен есепті талап ететін, ойнасаң қызығына тоймайтын ата-бабаларымыз қалдырған ойындардың бірі – тоғызқұмалақ. Жалпы, тоғызқұмалақ – шахмат, &nbsp;дойбы ойындары сияқты адамнан шыдамдылықты, салқынқандылықты, &nbsp;терең және логикалық ойлауды қажет ететін ақыл-ой спорты. Сондай-ақ, бұл ойынның басқа ойлау ойындарынан бір ерекшелігі, &nbsp; тең ойын өте сирек кездеседі. Елімізде соңғы жылдары тоғызқұмалақ ойыны қарқынды дамып, бұл ойынды ойнайтын азаматтар, әсіресе жастардың қатары едәуір артқан. Әрине, бұл ойынды жай ғана ойын емес, ақыл-ойды ширататын таптырмас құрал деуге болады.Осы орайда Жаңақорған ауданында осы тоғызқұмалақтан биікті бағындырған, кәсіби түрде айналысатын азаматтар баршылық. Солардың бірі – 25 жастағы аудан тұрғыны Ермұхаммед Әлайдар.&nbsp;Ол аудан орталығындағы №51 мектепті бітірген соң колледжде оқып, экономист мамандығы бойынша білім алды. Өзі мектепте есепке жүйрік, математиканы үздік меңгергенімен ерекшеленіп, ұстаздарының үмітін ақтады. Мамандығынан бұрын бала жастан жүрегі қалаған тоғызқұмалақ ойынына бет бұрған ол кейін Шымкенттегі көп салалы гуманитарлы университетке оқуға түсіп, денешынықтыру факультетін тәмамдады.&nbsp;Тоғызқұмалақтан алғаш 2014 жылы Қазақстан чемпионатында үшінші орын алып, спорт шеберлігіне үміткерлікке өтті. 2019 жылы Оралда өткен Қазақстан чемпионатында спорт шебері, Көкшетауда өткен Азия чемпионаьында Күміс және қола жүлдегері атанды.&nbsp;Ал, кеше 22-28 қарашада өткен Әлем чемпионатында халықаралық дәрежедегі спорт шебері атанды.&nbsp;<blockquote>«Мен тоғызқұмалақ ойынына алтыншы сыныпта оқып жүргенімде келдім. Бұл ойын нағыз баспен ойланып, қиялмен қорытып, дұрыс шешім таба білуге үйрететін үлгілі тәсіл болып табылады. Спорт мектебінде бұл бөлімнің жаттықтырушысы Қасым ағайымыз ерінбей-талмай сайыс сырын түсіндіріп, дараларды анықтауға көп күш-жігерін арнады. Дұрыс сараптау жасап, бізді үлкен деңгейдегі сайыстарға қатыстырып отырды. Біз де ұстаз еңбегін ақтай алғанымызды мақтаныш етеміз», – дейді ол.&nbsp;</blockquote>Сайысқа әлемнің 20 елінен спортшылар қатысыпты. Олардың қатарында Колумбия, Чехия, Моңғолия, Америка да бар. Ермұхаммедтің жеңісі – бұл ауданның мерейі, екіншіден Жаңақорғандағы №7 олдимпиадалық резервтік спорт мектебінің жемісі.&nbsp;Ермұхаммед қазірде аудандық спорт мектебінде тоқызқұмалақ бөлімінде жаттықтырушы. Ұстазы Қасым Шертайұлы зейнетке шыққанда орнына өзін тағайындап кеткен болатын. Ол ағалар аманатын адалдықпен жалғап, туған жердің намысты ұл-қыздарын төл спортымызға баулуда табанды тер төгіп келеді.&nbsp;«Менің алдымда тоғыз жастан бастап таңдап алған шәкірттерімнің қатары қырыққа жуықтады. Жалпы, үміткерлерді қабылдауда жақсы оқиды, нашар оқиды деген көзқарас болмау керек. Тілін тапса баланың бәрі дарынды. Сәби санасы әлі ашылмаған тылсым әлем, оған қозғау салып, жүрегіне қызығушылық ұялата алсақ талай дарынның көзі ашылары күмәнсіз», – дейді &nbsp;Ермұхаммед Әлайдар. &nbsp;<img src="https://knadmin.beoblood.kz/uploads/317739863_845500886490458_142414109238142729_n_ec0e766643.jpg" alt="317739863_845500886490458_142414109238142729_n.jpg">

Жаңақорғандық жас спортшы әлем чемпионатында халықаралық дәрежедегі спорт шебері атанды

<a href="https://kyzylorda-news.kz/">Kyzylorda-news.kz.</a> «Қызылорда облысының мемлекеттік архиві» мекемесі «Байқоңыр қалалық архиві» филиалының ұйымдастыруымен «Істер номенклатурасын құрастыру тәртібі» тақырыбында семинар өткізілді.Семинарға «Инфракос» ШЖҚ РМК-нің, «Азаматтарға арналған үкімет» МК КЕ АҚ Қызылорда облысы бойынша филиалының Байқоңыр қалалық бөлімінің (Халыққа қызмет көрсету орталығы, Жылжымайтын мүлік орталығы), «Байқоңырбаланс» мемлекеттік мекемесінің, «Ғарыш-инфрақұрылым» мекемесінің, академик С.Жиенқұлов атындағы Байқоңыр жоғары колледжінің және Жұмыспен қамту орталығының қызметкерлері қатысты.&nbsp;Семинар барысында Байқоңыр қалалық архив филиалының қойма меңгерушісі Қ.Қазбекова ҚР Мәдениет және спорт министрінің міндетін атқарушының 2017 жылғы 29 қыркүйектегі №263 бұйрығымен бекітілген Сақтау мерзімдерін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесін» басшылыққа ала отырып, істер номенклатурасын құрастыру тәртібі туралы түсіндіріп өтті.Семинар соңында қатысушылар өзара пікір алмасып, архив қоймасына экскурсия жасады.<figure class="image"><img src="https://knadmin.beoblood.kz/uploads/318454225_1219512415271556_5321794108543964466_n_d24e94519e.jpg" alt="318454225_1219512415271556_5321794108543964466_n.jpg"></figure>

Қызылордада «Істер номенклатурасын құрастыру тәртібі» тақырыбында семинар өтті

<a href="https://kyzylorda-news.kz/">Kyzylorda-news.kz.</a> Қазіргі заман қыз бала тәрбиесіне ерекше мән беруді қажет етеді. Қыз баланы тәрбиелеу – ұлтты тәрбиелеу деген сөз. Отбасы – қоғамның бір бөлшегі. Ал отбасының алтын қазығы – әйел адам. Тәрбиелі қыз өсіру – елінің салиқалы ұрпағын тәрбиелеу. Біздің ұлтымыздың санасының қалыптасуына, тәрбиелі болуына, саналы ұрпақ болуына осы қыздардың үлесі зор.Атап айтқанда, 2022 жылдың желтоқсан айының 2 жұлдызында Жосалы кентіндегі №12 аграрлы-техникалық колледжінің студенттерімен «Қыз тәрбиесі – ұлт болашағы» атты тақырыбында кездесу өткізілді.Сонымен қатар, бөлімшесінің ЖПҚб-нің Әйелдерді зорлық-зомбылықтан қорғау тобының инспекторы полиция капитаны А.Касимова кездесуді ашып, сөз кезегін сала мамандарына берілді.Жиынның мақсаты қыздар қауымымен сырласа отырып, олардың тәрбиесіне көңіл бөлу, эстетикалық тәрбие беру, оларға салт – дәстүрді үйрету, олармен пікірлесе отырып, өздерін мазалап жүрген сұрақтары болса, соған жауап табу, еркін өз ойларын ашып айтуға баулу. Сонымен қатар, қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тәрбиелеу, ұлтжанды, қамқор болуға, ізгілікке, достықты қастерлей білуге тәрбиелеу және де отансүйгіштік сезімдерге баулу.Сонымен қатар жалпы қоғамда аналардың рөлі қандай, әйелдерге қарсы жасалатын қылмыстардың өсім алуы, отбасындағы әйелдерге қатысты тұрмыстық зорлық-зомбылық тақырыбы, әйелдерге қатысты зорлық-зомбылықтың алдын алу, жолын кесу, бостандықтары мен заңды мүдделерін қорғау, жалпы отбасындағы құндылықтар жөнінде әңгімелер қозғалып, ұсыныс пікірлер тыңдалды. &nbsp;<img src="https://knadmin.beoblood.kz/uploads/317851867_630154672194161_3079322313733568671_n_817f0ad8da.jpg" alt="317851867_630154672194161_3079322313733568671_n.jpg">

Студент жастармен «Қыз тәрбиесі – ұлт болашағы» атты кездесу өтті

<a href="https://kyzylorda-news.kz/">Kyzylorda-news.kz.</a> Мәжілісте бекітілген күн тәртібіне сәйкес Жалағаш ауданы бюджетінің 11 ай қорытындысымен атқарылуы мен жыл қорытындысымен болжамды игерілуі және бюджетке түсетін түсімдердің орындалуы, аудан бойынша кәсіпкерлікті дамыту бағытында атқарылған жұмыстар, аудан бойынша 2021-2025 жылдарға арналған кәсіпкерлікті дамыту жөніндегі Ұлттық жобаның орындалуы, аудан бойынша дене шынықтыру және спорт саласында атқарылған жұмыстар қаралды.Мәжілістің күн тәртібіндегі бірінші мәселе бойынша аудандық қаржы бөлімі басшысының міндетін атқарушы Анар Құрманәлиева аудан бюджетінің атқарылуы туралы баяндаса, қосымша хабарламашы Жалағаш ауданы бойынша Мемлекеттік кірістер басқармасының басшысы Руслан Байғазиев аудан бойынша бюджетке түсетін түсімдердің орындалуы туралы айтты.Асқарбек Темірбекұлы Жалағаш ауданы бойынша Мемлекеттік кірістер басқармасының басшысы Руслан Байғазиевқа жыл аяғына дейін жоспарланған салық түсімдерінің толық орындалуын, кент және ауылдық округ әкімдері орындалмай тұрған салық төлемдерінің толық бюджетке түсуін қамтамасыз етуді қатаң тапсырды.Келесі кезекте, мәжілісте бекітілген күн тәртібіне сәйкес аудандық кәсіпкерлік, өнеркәсіп және туризм бөлімінің басшысы Ғабит Ербол аудан бойынша жаппай кәсіпкерлікті дамыту бағытында атқарылған жұмыстар мен алдағы міндеттер туралы баяндады.Биылғы жылдың 10 айында аудан бойынша 3023 шағын және орта кәсіпкерлік субъектілері тіркеліп, 2845 немесе 94,1 пайызы нақты жұмыс тұр. Бұл өткен жылмен салыстырмалы түрде 120,2 пайызға орындалып отыр.Негізгі каптиалға тартылған инвестиция көлемі биыл 10 айда 2 млрд 394,2 млн теңгені құрап, өткен жылдың тиісті кезеңімен салыстырғанда 100,5 пайызды құрап отыр.Дегенмен аудан әкімі Асқарбек Темірбекұлы кәсіпкерлік саласын дамыту мақсатында әлі күнге дейін орындалмаған тапсырмалар бар екендігін атап өтті.<blockquote>«Кәсіпкерлік саласын дамыту жұмыстарына бастамашы мен емес, Сіз болуыңыз қажет екендігін ескерткен болатынмын. Ауданда өңдеу өнеркәсібін дамыту мақсатында кәсіпкерлерге бұл саланың тиімділігі мен артықшылығын түсіндіру жұмыстарын жүргізу; несие алудың қадамдық жолдарын әзірлеп, кент және ауылдық округ әкімдеріне беру; кәсіпкерлік субъектілері аз және несие алу жоспарлары төмен ауылдарға түсіндірме жұмыстарын тұрақты түрде жүргізу тапсырылды. Дегенмен әлі де нәтиже көңіл көншітерлік емес», - деді аудан басшысы.</blockquote>Жалпы кәсіпкерлікті дамыту бағытында кент және ауылдық округі әкімдерінің атқарып жатқан жұмыстары жеткіліксіз екендігін де тілге тиек етіп, 10 желтоқсанға дейін уақыт берді. Кәсіпкерлік саласы бойынша арнайы жиналыс өткізетінін де айтты.Мәжілістің үшінші мәселесі аудан бойынша биылғы жылы 2420 жаңа жұмыс орнын ашу жоспарланған, ағымдағы жылдың 1 желтоқсанына 1982 жаңа жұмыс орындары ашылды. Бұл туралы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Қанат Бөлембаев мәлімдеді.Аудан басшысы ауданның мәліметі облыстық тиісті басқарманың мәліметімен сәйкес келмейтіндігін, жыл қорытындысымен кәсіпкерлікті дамыту жөніндегі ұлттық жоба аясында аудан бойынша бекітілген жоспардың толығымен орындалуын қамтамасыз ету қажеттігін айтып, 3 күн ішінде нақты атқарылатын жұмыстарды баяндауын тапсырды.Күн тәртібіндегі төртінші мәселе бойынша аудандық дене шынықтыру және спорт бөлімінің басшысы Еркебұлан Жамалатов баяндады. Биылғы жылдың 11 айында 156 спорттық материалдық-техникалық база тіркелген. Ауданда дене шынықтыру және спортпен жүйелі түрде шұғылданушылар қатары 38 пайыз немесе 13501 адамды құрап отыр. Биылғы жылдың 11 айында ауданда барлығы 87 спорттық іс-шара өткізіліп, 14221 тұрғын тартылды. Облыстық бюджет есебінен кентте жаттығу және стритбол алаңы пайдалануға берілсе, кентте дене шынықтыру-сауықтыру кешенінің құрылысы жүргізілуде.Аудан басшысы бассейннің жұмысын сынға алып, жабық бассейннің тұрақты жұмыс жасауын, келушілерге заңда белгіленген нормаларға сәйкес қызмет көрсетуін қадағалауды тапсырды.Күн тәртібіндегі мәселелерден бөлек Асқарбек Есжанов білім беру мекемелеріне арнайы тексеру жүргізіп, кемшіліктерді қалпына келтіруді, білім ошақтарындағы балалардың қауіпсіздігін пысықтауды білім бөлімінің басшысына, мектеп директорларына қатаң тапсырды.Мереке күндері халыққа қызмет көрсететін мекемелердің, оның ішінде төтенше жағдай, ауыз су, электр жүйесі, газбен қамту, ғаламтор желісінің жұмысында үзіліс болмауын, төтенше жағдайлар орын алғанда арнайы тұрғындар үшін жедел желі телефонымен қамтамасыз етуді тапсырды. &nbsp;<img src="https://knadmin.beoblood.kz/uploads/318491359_1599071973878208_8465728599944582646_n_66a1748b84.jpg" alt="318491359_1599071973878208_8465728599944582646_n.jpg"><img src="https://knadmin.beoblood.kz/uploads/318412295_1599071910544881_7187983885178218545_n_d3ad504dbf.jpg" alt="318412295_1599071910544881_7187983885178218545_n.jpg"><img src="https://knadmin.beoblood.kz/uploads/318482638_1599071773878228_6847724133607595400_n_bd847d1518.jpg" alt="318482638_1599071773878228_6847724133607595400_n.jpg">

Жалағаш: Асқарбек Есжановтың төрағалығымен аппараттық мәжіліс өтті

<a href="https://kyzylorda-news.kz/">Kyzylorda-news.kz.</a> Атмосфералық фронттардың әсерінен Қазақстан аумағының басым бөлігінде қар жауады, деп хабарлайды Қазгидромет.Тек еліміздің шығысында, орталығында жауын-шашынсыз ауа райы күтіледі. Ал елдің солтүстік-батысында, оңтүстігінде тұман, оңтүстікте көктайғақ болады.Қызылорда облысында күн бұлтты, ауа температурасы -8 -10 градусты көрсетеді. Желдің жылдамдығы 5-10 м/с.

Сейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысы прокуратурасының басқарма басшысы Батырбек Нұрмағанбетов Өңірлік коммуникациялар қызметінде өткен брифингте алаяқтық қылмысының басым түрлерін атап өтті.&nbsp;Басқарма басшысының айтуынша, алаяқтық қылмысының бірінші сатысында өзін банк қызметкері ретінде таныстырады.&nbsp;<blockquote>«Өзін банк қызметкері ретінде таныстырған белгісіз адам есепшоттан қаражат алғысы келіп немесе несие рәсімдеп жатқандығы туралы жалған айтып, азаматтардың жеке мәліметтерін алу арқылы алаяқтық жасайды. Оған қоса, онлайн несие рәсімдеу үшін азаматтар интернет арқылы жеке мәліметтерін, яғни, аты-жөні, ЖСН, банк картасының деректемелерін ұсынып, несие алу жағдайлары жиілеген. Алаяқтар осы жағдайды пайдаланып, интернет кеңістігінде жалған қызметтер ұсынып, белсенді әрекет етуде. Бұдан сақтану үшін банктің қызу желі телефонына қоңырау шалып тексеру арқылы әрекет ету қажет. Тағы бір ескеретін мән-жай мұндай алаяқтар тәуліктің жұмыстан тыс уақытында не мереке күндері телефон шалуы оның қылмыстық пиғылының бар екенін айқындайды», - дейді Батырбек Нұрмағанбетов.</blockquote>Алаяқтықтың екінші сатысында кезектен тыс жер телімін, жүргізуші куәлігін немесе үй алып беру, әлеуметтік көмек жеңілдіктерін алу үшін уәкілетті органда танысы бар екендігі, белгілі қаражат ұсынса көмек беретіндігін жалған айту алаяқтығы тұр.&nbsp;<blockquote>«Бүгінгі күні алаяқтық қылмысының белең алып отырған түрі, өзін полиция органының қызметкері ретінде таныстырып, баласының қылмыспен ұсталып жатқанын айтып, оның босату үшін қомақты қаражат сұратып, сан соқтыруы. Осы негізде, құқық қорғау органдары қылмыс оқиғасы бойынша босату үшін ешқандай ақша қаражатының талап етпейтінін ескеріп, дереу «102» нөміріне айтып арыз түсіру керектігін түсіндіремін. Айта кетейін, мемлекеттік функцияларды орындауға уәкілеттік берілген адамға пара бергені үшін Қылмыстық кодекстің 367-бабымен сізді қылмыстылық жауапкершілікке тартып, он жылдан он бес жылға дейінгі мерзімге бас бостандығынан айыру көзделген. Сондықтан бәрі заңды жүзінде рәсімделуі тиіс», - дейді басқарма басшысы.</blockquote>Сонымен қатар елімізде азаматтардың интернет дүкендер мен онлайн жеткізу көмегіне, әлеуметтік желідегі ақшаны еселеп көбейтіп беретініне сендіретін парақшаларға жиі жүгінуі себеп болған.&nbsp;<blockquote>«Бұл ретте тапсырыс беру барысында алдын ала қаражат аудармай, алатын затты сол аймақта тұратын таныстарыңызға көруін сұрап, сатушы алаяқ еместігіне көз жеткізу қажет. Сонымен қатар, аталған парақшаның өміршеңдігіне, оған жазылған оңды және теріс пікірлерге ерекше мән беру керек», - дейді Батырбек Нұрмағанбетов.</blockquote><figure class="image"><img src="https://knadmin.beoblood.kz/uploads/318478258_1681289548933217_6772233099389479903_n_8bc1f90d0b.jpg" alt="318478258_1681289548933217_6772233099389479903_n.jpg"></figure>

Қазақстан және Қызылорда облысының жаңалықтары