<a href="https://kyzylorda-news.kz/">Kyzylorda-news.kz.</a>&nbsp; Fingramota.kz жобасы шеңберінде ҚР Қаржы нарығын реттеу және дамыту агенттігі «FinIQteens» қаржылық сауаттылық бойынша жасөспірімдерге арналған танымдық онлайн-шоу мен анимациялық оқыту бейнероликтерінің сериясын іске қосты.Ақшаны үнемдеуді қалай үйренуге болады және қандай қаржы құралдарының көмегімен ақшаны тезірек жинауға болады? Банктер туралы не білуіңіз керек және сақтандыру дегеніміз не? Қаржы пирамидаларын қалай тануға болады және неге интернеттегі бейтаныс адамдарға сенбеу керек?Осы және басқа да көптеген сұрақтарға жауаптарды жеңіл, ойын түрінде және қолжетімді түрде «FinIQteens»-тен таба аласыз!Қаржылық сауаттылық бойынша 10 сериялы онлайн-шоудың барлық шығарылымдары және 14 пен 17 жас аралығындағы балаларға арналған қазақ және орыс тілдеріндегі тақырыптық бейнероликтер YouTube және Aitube танымал бейнехостинг платформаларында орналастырылады.@Fingramotakz әлеуметтік желілеріндегі анонстардан хабардар болып отырыңыз!Онлайн-шоудың барлық шығарылымдары мен оқыту бейнероликтері сайтта «Мультимедиа» бөлімінде орналастырылатынын атап өтеміз.Бізбен бірге қаржылық сауаттылығыңызды арттырыңыз!&nbsp;

Fingramota.kz «FinIQteens» – қаржылық сауаттылық бойынша жасөспірімдерге арналған танымдық онлайн-шоуды іске қосты 

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясының Саяси менеджмент академиясы және партияның Қызылорда облыстық филиалының ұйымдастыруымен «Әйелдердің ел дамуындағы рөлі» атты форум өтті.&nbsp;Қоғамдағы әйелдердің рөлін талқылау және жүйелік мәселелерді шешудің жалпы тәсілдерін әзірлеу мақсатында ұйымдастырылған форумға облысқа қарасты аудандардың ауылдық елді-мекендерінде тұратын әйелдер, үй шаруасындағы және көпбалалы аналар, өзін-өзі жұмыспен қамтығандар, жұмыссыздар, бюджеттік сала қызметкерлері мен кәсіпкерлер, қоғам қайраткерлері қатысты.&nbsp;Форуға «ORDA FM» радиосының директоры Мейрамгүл Мәдәлі модераторлық жасады.&nbsp;Нәзікжандылармен басқосуда ҚР Парламенті Мәжілісінің депутаты, Әлеуметтік-мәдени даму комитетінің мүшесі Тәжмағамбетова Мақпал Мазаққызы іс-шараның маңыздылығына ден қойып, әйелдердің ел дамуында алатын ерекше орындары туралы тоқталып өтті.Пленарлық отырыс барысында «Мансап» жеке мектебінің құрылтайшысы, Қазақстандық үздіксіз білім беру ассоциациясының Қызылорда филиалы директоры, «Бастау» бағдарламасының бизнес-тренері Наталья Мишукова әйелдер кәсіпкерлігін қолдау түрлері туралы айтса, Шиелі ауданы, Ы.Жахаев ауылынан кәсіпкер Ләззат Парменқұлова ауылда мал шаруашылығын дамыту жайын баяндадады. Мұнан соң «Қылыш» ШҚ төрағасы Рахила Смаева ауыл шаруашылығын дамыту туралы, облыстық перинаталдық орталық Бас дәрігерінің стратегиялық даму және ұйымдастыру-әдістемелік жұмыстар бойынша орынбасары Гүлнар Жұмашева қалың көпшілікке Әйелдер миссиясы: бірге салауатты бүгініміз бен болашағымыз үшін» тақырыбын сөз етті. Сондай ақ ҚР Қаржы нарығын реттеу және дамыту агенттігінің Қызылорда қаласындағы өңірлік өкілдер басқармасының бас маманы Мұрат Сарманов қаржылық сауаттылық – отбасы бюджетін жоспарлаудың негізі туралы айтса, комбайнер Гүлмира Медешова, блогер Ақтолқын Серікбай, қол өнер шебері Үржамал Дүйсембиева жетістікке жету жайында түрлі тақырыптарда әңгіме өрбітті.<blockquote>«Өздеріңіз білетіндей «AMANAT» партиясы – Мемлекет басшысы реформаларының қоғамдық тірегі ретінде мемлекеттік отбасылық саясат мақсаттарын, яғни - отбасыларды қолдау, нығайту және қорғау, отбасылар мен олардың мүшелерінің физикалық, зияткерлік, рухани, адамгершілік дамуына ықпал ететін қажетті жағдайлар жасау, ананы, әкені және баланы қорғау жұмыстарын іс жүзінде жүзеге асыруға атсалысуда. Бүгінгі форум соның айқын көрінісі. Форум қатысушылардың ұсыныс -тілектері және шешуді қажет ететін мәселелерді белгілеумен қорытындыланды», - деді&nbsp;облыстық партия филиалының Атқарушы хатшысы Ләйлә Төрешова.</blockquote>Іс-шараның тақырыбы төңірегінде әр салада табысты еңбек етіп жүрген әйелдердің өмірінен алынған түрлі бейнероликтер көрсетіліп, қыз-келіншектерге ерекше көңіл күй сыйлады. Мұнан соң жиын қоғамдағы өзекті мәселелер бойынша сұрақ-жауап айдарымен үйлесім тапты.<figure class="image"><img src="https://knadmin.beoblood.kz/uploads/318185700_524609386371369_561441277715215081_n_a3bc24e76d.jpg" alt="318185700_524609386371369_561441277715215081_n.jpg"></figure><figure class="image"><img src="https://knadmin.beoblood.kz/uploads/317999970_524608609704780_6917747586786159671_n_a3445fd039.jpg" alt="317999970_524608609704780_6917747586786159671_n.jpg"></figure><figure class="image"><img src="https://knadmin.beoblood.kz/uploads/317989229_524608923038082_4745859457172059537_n_cd47a77373.jpg" alt="317989229_524608923038082_4745859457172059537_n.jpg"></figure>

Қызылорда облыстық ауыл әйелдерінің форумы өтті

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен Үкімет отырысында балық шаруашылығын дамыту және Жекешелендірудің 2021-2025 жылдарға арналған кешенді жоспарын орындау мәселелері қаралды.Жиынға министрлер мен селекторлық байланыс арқылы өңір әкімдері қатысты.Экология, геология және табиғи ресурстар министрі Серікқали Брекешев баяндама жасап, өткен жылы сәуірде қабылданған Балық саласын дамыту бағдарламасын іске асырудың нәтижесінде 2030 жылға қарай 270 мың тоннаға дейін балық өсіру, балық өнімдерін ішкі тұтынуды жылына 134 мың тоннаға дейін ұлғайту және импорт көлемін 45 мың тоннадан 25 мың тоннаға дейін азайту жоспарланғанын мәлімдеді.Үкімет басшысы балық шаруашылығы саласына инвестициялар тарту жұмысын күшейту қажет екенін атап өтті.Күн тәртібіндегі екінші мәселе бойынша Премьер-Министрдің орынбасары – қаржы министрі Ерұлан Жамаубаев Кешенді жоспарға 675 мемлекеттік меншік және квазимемлекеттік сектор нысаны енгенін жеткізді.Премьер-Министр объектілердің сату алдындағы дайындық сапасына жеткілікті деңгейде көңіл бөлу керектігін қаперге салып, Кешенді жоспарды толыққанды іске асыру үшін жекешелендіру процесінің ашықтығын арттыруды тапсырды.Селектордан кейін Үкімет басшысының тапсырмаларын орындау бағытында облыс әкімі Нұрлыбек Нәлібаев жиын өткізіп, Қызылорда облысы бойынша жекешелендірудің Кешенді жоспарында көзделген іс-шаралар орындалғанын тілге тиек етті.Облыста балық шаруашылығын дамыту бағытында аймақ басшысы жауапты тұлғаларға көлдерді тұрақты сумен қамтамасыз ету үшін экологиялық су жіберу кезінде суды көлдерге мүмкіндігінше толтыру мақсатында гидротехникалық құрылыстар салу бойынша ұсыныстар енгізу және мемлекеттік қолдау шаралары бойынша табиғат пайдаланушыларға түсіндірме жұмыстарын жүргізу тапсырылды.«Біздің облыс күріштен кейінгі балықпен мақтана алатындай болуы тиіс. Оған барлық мүмкіндіктеріміз бар. Облыста Кіші Арал теңізі және балық шаруашылығына маңызы бар 207 көл бар. Қазіргі таңда Шардарадан төменге көп көлемде 500 м3/сек су түсіп жатыр. Сондықтан, суды көлдерге толтыруға мүмкіндігінше тиімді жұмыс жасауымыз қажет», - деді аймақ басшысы.Жиын соңында Нұрлыбек Нәлібаев қала, аудан әкімдері мен басқарма басшыларына жылдың аяқталуына аз ғана уақыт қалғанын қаперге салып, бюджет қаражатын уақыты әрі сапалы аяқтау керек деді. Бұл ретте "қаржыны игеру қажет екен" деп сапасыз жұмысқа бюджет қаражатын бағыттау дұрыс емес екенін ашып айтты.Облыс әкімі жаңадан салынатын нысандардың құрылысын дұрыс жоспарлау мәселесіне де жете көңіл бөлу қажеттігін жасырмады. Әсіресе, «Жайлы мектеп» ұлттық жоба аясында өңірде салынатын 21 мектептің балаларға ыңғайлы және тұрғындарға қолайлы болуы керектігін аудан әкімдері жеткілікті деңгейде мән беруі тиіс деді.Айта кетейік, балық қорын сақтау және оны жасанды өсімін молайту жолымен қайта жаңғырту мақсатында жыл сайын Қамыстыбас балық питомнигінде 15 млн. дана балық шабағы өсіріліп, Кіші Арал теңізімен су айдындарына жіберілуде.Облыстық бюджет есебінен Арал қаяз балығының генофондын сақтау үшін жыл сайын күріш алқаптарынан 10 мың дана шабағы құтқарылып, Сырдария өзені мен көлдерге жіберілуде.Биыл 8,2 млн. дана балық шабағы құтқарылып, су айдындарына жіберілді.<figure class="image"><img src="https://knadmin.beoblood.kz/uploads/akimat_1_cf21d87e93.jpg" alt="акимат 1.jpg"></figure><figure class="image"><img src="https://knadmin.beoblood.kz/uploads/akimat4_9dea76cbc8.jpg" alt="акимат4.jpg"></figure>

Нұрлыбек Нәлібаев: Суды көлдерге толтыруға мүмкіндігінше тиімді жұмыс жасауымыз қажет

<a href="https://kyzylorda-news.kz/">Kyzylorda-news.kz.</a> «Назарбаев Зияткерлік мектебі оқушысына ұсынылатын 100 кітап» жобасы аясында қызылордалық зияткерлер өзара сайысқа түсіп, Мұхтар Әуезовтың «Қараш-қараш оқиғасы» повесі бойынша білімдерін тексерді.&nbsp;Іс-шара барысында оқушылар «Кешкі асқа кіммен барғыңыз келеді?» әдісі арқылы кейіпкерлердің еңбек ету, жігерлілік, ар-намыс, адалдық, өз мақсатына жете білу секілді жақсы қасиеттерін өздеріне үлгі ету арқылы, қазақ халқының басына төнген түрлі қиындықтарды талқылап, шығармалар бойынша алған әсерлерімен бөлісті.&nbsp;Нәтижесінде &nbsp;9 «С» сынып оқушысы Аида Тұрсынбекова барлық сұрақтарға дұрыс жауап беріп, І орынды иеленді. &nbsp;7 «А» сынып оқушысы Мардан &nbsp;Русланұлы ІІ орын, 9 «С» сыныбының 3 оқушысы Баянсұлу &nbsp;Ермекқызы, Жания &nbsp;Усенгазина, Айым &nbsp;Нұржан және 9 «А» сынып оқушысы Нұрсила Әмірбекқызы ІІІ орын иемденді.Сондай-ақ, оқырмандар «Ұлы Дала ақындары» жобасы аясында Әбіш Кекілбаевтың «Шыңырау» повесі мен «Бәйгеторы» әңгімесі бойынша сайысқа түсті. Оқушылар шөл даланы мекен еткен елдің мейірін қандырып, шыңырау құдық қазып берген бейнетқор Еңсептің жанкешті өмірін, өңірге аты танылған &nbsp;Бәйгеторының жарақаттан соң иесіне керексіз болып қалуы, аттың аянышты халін талқылады.&nbsp; Онлайн форматта өткізілген тестілеу нәтижесі бойынша 9 «С» сынып оқушысы Мереке Мұрсал І орын, 9 «А» сынып оқушысы Нұрсила Әмірбекқызы &nbsp;ІІ орын, Балнұр Жақсыбай мен Мухсина Базарбай ІІІ орынды өзара бөлісті.<figure class="image"><img src="https://knadmin.beoblood.kz/uploads/318154879_3262327717430473_8684227275548045890_n_d24bb63dc8.jpg" alt="318154879_3262327717430473_8684227275548045890_n.jpg"></figure>

Қызылорда: Назарбаев Зияткерлік мектебінде кітап оқыдан сайыс өтті

<a href="https://kyzylorda-news.kz/">Kyzylorda-news.kz.</a> Байқоңыр қалалық пробация қызметі мен «Жастар ресурстық орталығы» Байқоңыр қалалық бөлімінің ұйымдастыруымен ұлттық спорт түрлерінен сайыс өтті. Бұл туралы Қызылорда облысы бойынша Қылмыстық-атқару жүйесі департаментінің баспасөз қызметі хабарлады. &nbsp;Спорттық шараға қатысушылар қол күресі, асық ату, гір тасын көтеру және арқан тартудан сынға түсті.&nbsp;Сотталғандар арасында спорт түрлерін насихаттау және оларды спортқа баулу мақсатында өткізілген шараға 15 сотталған қатысты.&nbsp;Гір тасын көтеру жарысында 32 келі гір тасын 60 рет көтеріп, шашасына шаң жұқтырмаған С. есімді есептегі азамат &nbsp;басқа қатысушылардан оза шауып, І орынды иеленді. Спорттық жарыс одан әрі қыза түсті. Білектің мықтылығын сынайтын спорт түрі қол күрестен де 10 азамат қатысып, «Күш атасын танымас» демекші, нағыз білектіні анықтар бұл сайыста қатысушылар жеңіске жету жолында табандылық танытты. Сайыс қорытындысымен І орынды Т есімді сотталған алса, ІІ және ІІІ орынды Е және Ж. есімді азаматтар бөлісті. «Арқан тартудан» қатысушылар 2 командаға бөлініп, күші мығым «Қыран» командасы жеңіске жетті. Айтулы додада мықтыны анықтау өте қиынға түсті. Себебі, бұл жарысқа сотталғандар &nbsp;тыңғылықты дайындалып келгендерін көрсетті.Қызықты да тартысты өткен спорттық шараның әділ өтуіне аудандық Жастар ресустық орталығының мамандары қазылық етті. Жарыс нәтижесімен &nbsp; жеңімпаздар дипломмен, бағалы сыйлықтармен марапатталды.<blockquote>«Пробация есебіндегі азаматтармен түрлі деңгейлердегі спорттық жарыстарды жүйелі түрде ұйымдастырып &nbsp;тұрамыз. Бүгінгі шараға қатысушылардың барлығы да белсенділік танытып, өздерінің спортқа деген оң көзқарастарын көрсете білді.Салауатты өмір салтын ұстануға &nbsp;бағытталған игі шаралар да алдағы уақытта да өз жалғасын табатын болады» - деді Байқоңыр қалалық пробация қызметі бастығының міндетін атқарушы әділет капитаны Е.Жақсылықов.</blockquote><figure class="image"><img src="https://knadmin.beoblood.kz/uploads/Whats_App_Image_2022_12_06_at_10_51_20_b62a09c09c.jpeg" alt="WhatsApp Image 2022-12-06 at 10.51.20.jpeg"></figure>

Қызылордада пробация есебіндегі азаматтар арасында спорттық жарыс өтті

<a href="https://kyzylorda-news.kz/">Kyzylorda-news.kz.</a> Шиелі ауданының әкімі 6 желтоқсан - Прокуратура күніне орай, аталған орган қызметкерлерін кәсіби мерекемен құттықтады.&nbsp;Құрметті прокуратура органдарының қызметкерлері мен ардагерлері! Сіздерді 6 желтоқсанда атап өтілетін кәсіби мерекелеріңізбен шын жүректен құттықтаймын!Биыл Қазақстан прокуратурасының құрылғанына – 31 жыл толып отыр. Яғни, 1991 жылдың 6 желтоқсанында, ел тәуелсіздігімен қоса Қазақстан прокуратурасының да негізі қаланған болатын. Тәуелсіздікпен бірге прокуратура органдары да өзінің қалыптасу жолдарынан өтті. Жыл өткен сайын прокуратураның беделі еселеп өсіп, оның әлеуметтік маңыздылығы артта түсті. Мемлекет басшысы қойып отырған маңызды міндеттерді орындай отырып, прокуратура заңдылық пен құқықтық тәртіпті қамтамасыз етудегі мемлекеттің сенімді тірегіне айналды.Мемлекет басшысы Қасым-Жомарт Тоқаев прокуратура органдарының құзіретін күшейтіп, ықпалын арттыру мақсатында «Прокуратура туралы» Қазақстан Республикасының Конституциялық заңына қол қойған болатын. Аталған заңның көмегімен прокуратура органдары азаматтардың құқықтары мен бостандықтарын, бизнес, қоғам және мемлекеттік мүдделерді қорғауға мүмкіндік алып отыр.Қызылорда облыстық прокуратурасының тарихына назар аударатын болсақ, 1938 жылы облыс болып құрылғанға дейін уездік-қалалық, учаскелік прокуратуралар ғана жұмыс істеп келген. Уездік-қалалық прокуратурада прокурордан басқа екі техникалық қызметші жұмыс жасап, елдегі заңдылықты қалың көпшілікке түсіндіру, анықтама, тергеу, іздестіру, саяси басқарма секілді жергілікті органдарға қадағалау жұмыстарын жүргізіп отырған.Тәуелсіздік жылдарында Шиелі аудандық прокуратурасы көптеген игі істердің басында болып, өзге жандардың құқығына қол сұққан, ар-намысын қорлаған тұлғалардың бостандығын шектеу шараларында айтарлықтай нәтиже көрсете білді.&nbsp;Ауданның тұңғыш прокуроры қызметін 1953-1955 жылдары Ә.Мәмбетов атқарса, осындай абыройлы да жауапты қызметті әр жылдары А.Сапарбеков, И.Сеитов, П.Әбдірахманов, А.Тұрғанбаев, Б.Ерғалиев, Б.Сыздықов, Ж.Жұмашев, Б.Аралбаев, Ә.Абдуллаев, И.Махшатов, А.Аймағанбетов, Н.Серікбаев, И.Төлегенов, О.Монтаев, Х.Жұмағұлова, Ә.Зейнулла, Н.Дүйсенбаев сынды азаматтар атқарып, елдің қауіпсіздігі мен игілігі үшін жасаған еңбектері ел есінде қалды.Бүгінде Шиелі аудандық прокуратурасы жергілікті тұрғындардың талап-тілегін қанағаттандырып, орын алған заңсыздықтардың жолын кесуде талмай еңбек етіп келеді.Құрметті прокуратура саласының қызметкерлері! Ауданымыздағы қоғамдық-саяси және әлеуметтік-экономикалық жағдайдың тұрақтылығын сақтау көбінесе сіздердің жұмыстарыңыздың түбегейлі бағдарына байланысты екендігін де атап өтпеуге болмайды. Сіздерді төл мерекелеріңізбен құттықтай отырып, Тәуелсіз еліміздің прокуратура саласындағы жауапты қызметтеріңізге жеміс, әрқашан биік тұғыр тілеймін! Әрдайым дендеріңіз сау, шаңырақтарыңыз шаттыққа, береке-бірлікке толы болсын!

Нұржан Ахатов: Аудандық прокуратура заңсыздықтардың жолын кесуде талмай еңбек етіп келеді

<a href="https://kyzylorda-news.kz/">Kyzylorda-news.kz.</a> Бүгін 6 желтоқсан - Прокуратура күні. Аталған күнге орай Қызылорда облыстық прокуратурасында салтанатты жиын өтті.Шарада Қызылорда облысының әкімі Нұрлыбек Нәлібаев пен облыс прокуроры Нұрлан Бижанов прокуратура қызметкерлерінің кәсіби мерекесінде сала ардагерлері мен қызметкерлерді кәсіби мерекесімен құттықтап, ақжарма тілегін арнады. Басқосуға құқық қорғау органдарының басшылары қатысты.&nbsp;Нұрлыбек Нәлібаев елімізде заңдылық пен құқықтық тәртіптің сақталуын қадағалау және қоғамдағы тұрақтылықты қамтамасыз етуде прокурорлардың еңбегі ерекше екенін тілге тиек етті.&nbsp;<blockquote>«Қоғамға қызмет - уақыт шектеуіне бағынбайды. Бүгінде прокуратурадағы әрбір қызметкер Мемлекет басшысы айқындап берген маңызды міндеттерді мінсіз атқарып, заңдылық пен құқықтық тәртіпті қамтамасыз етуде мемлекеттің сенімді тірегіне айналды. Салада қызмет атқаратын әрбір азамат абыройлы міндеттің салмағын санамен, ауырлығымен армен, өлшемін өремен сезіне біліп, қоғамға қалтқысыз қызмет етуде»,- деді Нұрлыбек Нәлібаев.</blockquote>Шара барысында құттықтау сөз сөйлеген облыс прокуроры Нұрлан Бижанов прокуратура органдарының атқарған жұмыстарын баяндады және биыл жаңадан қабылданған Қазақстан Республикасының «Прокуратура туралы» Конституциялық заңының маңыздылығы мен ерекшелектерін атап өтті. Келер жылдан бастап прокуратура органдарының құзыреттері кеңейіп жаңа жүйеде жұмыс істеуді бастайды.Салтанатты жиында бірнеше қызметкерге Бас Прокурордың алғыс хаты, үздік прокурор төсбелгісі және сыныптық шендер тапсырылды. Жиынға қатысқан ардагерлерде құттықтау сөз сөйлеп, барлық қатысушыларды құттықтап алғыстарын айтты. Прокуратура саласының ардагерлеріне де ерекше құрмет көрсетіліп, кәдесый рәсімі жасалды.&nbsp;Мерекелік басқосуда сала үздіктеріне төсбелгі тағылып, арнайы Алғыс хаттар ұсынылды.<figure class="image"><img src="https://knadmin.beoblood.kz/uploads/akimat4_4808c6102d.jpeg" alt="акимат4.jpeg"></figure><figure class="image"><img src="https://knadmin.beoblood.kz/uploads/318078445_484352603799608_6243019676164120131_n_eb545b2f0a.jpg" alt="318078445_484352603799608_6243019676164120131_n.jpg"></figure><figure class="image"><img src="https://knadmin.beoblood.kz/uploads/318660929_484352550466280_3022289548664461004_n_316403a0e8.jpg" alt="318660929_484352550466280_3022289548664461004_n.jpg"></figure><figure class="image"><img src="https://knadmin.beoblood.kz/uploads/317614468_484352763799592_7134793212761818903_n_ee43dade77.jpg" alt="317614468_484352763799592_7134793212761818903_n.jpg"></figure>

Нұрлыбек Нәлібаев облыстық прокуратура қызметкерлерін құттықтады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев елдегі жұмыссыздық деңгейін төмендетіп, жоғары оқу орындарының, колледждердің түлектерін, білімі жоқ жастарды тұрақты жұмысқа орналастыру мәселесіне басымдықпен назар аударуда. Әрине, бүгінде мемлекеттің басты мәселелерінің бірі жұмыссыздық деңгейін төмендету болып отыр. Әсіресе, жастар арасындағы жұмыссыздықты бір жолға қою күн тәртібінде тұр.&nbsp;Дегенмен бұл тұста мемлекет қол қусырып отырған жоқ. Халық арасындағы жұмыссыздықты азайту, қазақстандықтардың әл-ауқатын арттыру, әлеуметтік жағдайды реттеу бағытында түрлі бағдарламалар жұмыс істеп тұр. Қайтарымсыз грант, төмен пайыздағы несиелер шағын және орта кәсіппен айналысамын деушілерге қолдау болса, мемлекеттік мекемелерден өтетін жастар тәжірибесі, алғашқы жұмыс орны сынды жобалар жастардың қоғамда өз орнын табуға септігін тигізуде.Айта кетейік, 2018 жылдан бастап &nbsp;жұмыс берушілерге Электрондық еңбек биржасы арқылы жұмыссыздарды таңдау құқығы берілді. Мәселен, бос жұмыс орындары туралы мәліметтер электронды еңбек биржасы ақпараттық жүйесі арқылы қолжетімді түрде ұсынылады. Ал болжанатын жұмыс орындары туралы мәліметтер «Жұмыс орындарын құрудың интеграциялық картасы» ақпараттық жүйесі арқылы қалыптастырылады.Осы орайда, Жалағаш ауданында жұмыссыз азаматтар үшін бос жұмыс орындарының жәрмеңкесі өтті. Жәрмеңкеге келгендердің басым бөлігі &nbsp;аудандағы шартты түрде жазасын өтеп жатқан азаматтар мен пробация есебіндегілер болса, ауылдық жерлерден келгенден мен жастар да табылды. Аудандық жұмыспен қамту орталығының басшысы ұсынылатын бос жұмыс орындарын таныстырып өтіп, жұмыссыз жастарға да тиімді бағдарламалардың барын айтып, сол бағдарламалардың аясында атқарылған жұмыстарға да тоқталды.<blockquote>«Биыл 30 қарашаға дейін аудан жастары арасында жұмыссыздықты төмендету мақсатында бірқатар жұмыс атқарылды. Мәселен, жыл басынан бері халықты жұмыспен қамту орталығына 1 500-ден аса жас жұмыс іздеуші ретінде тіркелсе, оның 905-і жұмыспен қамтудың белсенді шараларымен қамтылды. Әлеуметтік жұмыс орындарына 7, жастар практикасымен 201, қоғамдық жұмысқа 220, ұрпақтар келісімімен 4, алғашқы жұмыс орнымен 16 жас жіберілді. Ал 162 жас мемлекеттік грантқа қол жеткізді. Ал қысқа мерзімді оқумен 5 адам қамтылса, мемлекеттік қолдау шараларынсыз тұрақты жұмысқа 290 жас орналасты. NEET санатындағы жұмыссыз жастардың санын азайту мақсатында жастар практикасына биылдан бастап қатысушылардың жалақысы 76 575 теңгеден 91 890 теңгеге дейін, ұлғайса, бұл шараға 29 жасқа толмаған, соңғы 3 жылда жоғары және арнаулы орта оқу орындарын бітірген және еңбек өтілі жоқ түлектер қатыса алады. 30 қарашаға дейін 201 адам жолданып, жоспар 103 пайызға орындалды», – деді орталық директоры.</blockquote> «Алғашқы жұмыс орны» жобасы 29 жасқа толмаған, жұмыс тәжірибесі жоқ жастар, оның ішінде NEET санатындағы жастарға алған кәсібіне, мамандығына сәйкес жұмыс орындарын құруды көздейді. Жалақы көлемі 61 260 теңгеден 91 890 теңгеге дейін, ал қатысу мерзімі 12-ден 18 айға дейін ұлғайған. Жұмыс беруші жобаға қатысу мерзімі аяқталғаннан кейін жұмыссызды кемінде он екі ай мерзімге тұрақты жұмысқа орналастыруға міндетті. 30 қарашаға дейін ауданда аталған жобамен 16 адам жолданып, жоспар 133,3 пайызға орындалған екен.«Ұрпақтар келісім-шарты» жобасына да 2 жыл ішінде оқуын аяқтаған және 29 жасқа толмаған білім беру ұйымдары түлектері қатыса алады екен. Аталған жоба шеңберінде жұмысқа орналасқан адамға зейнеткерлік жасқа жетуге кемінде 6 ай қалған тәлімгер тағайындалады. Жалақы көлемі 61 260 теңгеден 91 890 теңгеге дейін артқан, қатысу мерзімі де тиісінше 6 айға дейін. Жұмыс беруші жобаға қатысу мерзімі аяқталғаннан кейін жұмыссызды Еңбек кодексінің 38 бабына сәйкес, тәлімгердің бос жұмыс орнына немесе басқа бос орынға ауыстыруға міндетті. Жоғарыда аталған субсидияланатын жұмыс орындар уақытша сипатта болады және бұл орындарға орналасқан адамның еңбек қызметінің кезеңі оның еңбек өтіліне есептеледі. Орталық директоры биыл аталған жобамен 30 қарашаға дейін ауданда 5 адам жолданып, жоспар 100 пайызға орындалғанын айтады. &nbsp;<img src="https://knadmin.beoblood.kz/uploads/6_3b28381e46.jpg" alt="6.jpg">

Бос жұмыс орындары жәрмеңкесі өтті

<a href="https://kyzylorda-news.kz/">Kyzylorda-news.kz.</a> Жалпы, тәуелсіздік жылдарында мемлекетіміз жастарды қолдауға басымдық беріп, осы бағытта көптеген іс-шараны жүзеге асырып келеді. Әсіресе, соңғы уақытта ел жастарына көңіл бөлу, оларды барынша жан-жақты қолдау ісі қоғамда ерекше қарқын алды. Мұның басты айғағы ретінде мемлекет басшысы Қасым-Жомарт Тоқаев жолдауларында жастарға қатысты мәселелерді басымдықпен талқылауын айтуға болады.Осы орайда, Жаңақорған ауданында «Үздік әлеуметтік жобалар» байқауы өз мәресіне жетті. Қоғамдағы әлеуметтік мәселелерді мәдениетпен, экологиямен, сондай-ақ, спортпен де тығыз байланыста тарқататын тың идеяларды ұсына алған бірнеше үміткердің ішінен 3 бірдей жоба авторы жеңімпаз атанды.Аудандық ішкі саясат және жастар ресурстық орталығының ұйытқы болуымен өткен сайыста қатысушылардың әлеуметтік және қоғамдық маңызы бар мәселелерді нақты анықтай алғандықтары, жобаны зерттеуге қажет біліммен, дағдымен қаруланып келгендіктері байқалды. Олардың топтық жұмыс негізінде ұйымдастырушылық, зерттеушілік қабілеттерінің жоғарылығы тапсырмаға жауапкершілікпен қарап, жеткен нәтижелеріне өзіндік баға беруімен ерекшеленетіні ескерілді.Үкіметтік емес ұйымдар арасындағы ең белді байқаулардың бірі саналатын үздік әлеуметтік жоба аясында ұйымдастырылған сайыста қоғам үшін өзектілігі мен маңызы жоғары жобалар сарапқа түсті. Таңдалған әрбір тақырып пен үміткерлердің қорғаған жобасы қоршаған орта үшін көкейтесті, адамзат үшін күрделі болып табылатындығына көз жеткіздік. Нәтижесінде Нұрмахан Әлімбетов, Нұрбол Бакиров және Азамат Ергештің жобалары жоғары бағаланып, үздік деп танылды.«Өркениетті өлке» қоғамдық қоры атынан келген Нұрмахан Әлімбетов «Цифрлы Қазақстан Мобильді кинотеатр» жобасын көпшілікке таныстырды. Жобаның негізгі мақсаты ауданда цивилизацияланған және қолжетімді демалыс орындарын, соның ішінде заманауи кинолардың көрсетілімін ұйымдастыру арқылы жастар арасында мәдениетті қалыптастыру, нәтижесінде отбасылық қарым-қатынасты нығайту болса, «Жалынды жастар» жастар қоғамдық бірлестігі атынан келген Нұрбол Бакировтың жобасы «Мейірім. Шуақ. Шапағат» атты әлеуметтік маңызы бар қадамдарға негізделді. Мақсаты қоғамдағы әлеуметтік жағдайы аз қамтылған отбасыларды қолдап, олардың өмір сүруіне талпыныс жасауға жол көрсету. Тағы бір ерекшелігі мемлекеттік жастар саясатын жүзеге асырудың тармағы ретінде ауыл жастарының, жастар ұйымдарының тұрақты дамуы үшін жағдайлар жасау, өзара ісқимыл және ынтымақтастық жүйесін жетілдіру, қалыптастыру, қолдау көрсету негізінде қоғамның әлеуметтік маңызы бар мәселелерін шешудегі олардың рөлін күшейту болып табылады екен.Тағы бір үздік жобалардың қатарынан көрінген «Жаңарған Жаңақорған Жастары» қоғамдық қоры атынан мектеп оқушыларына арналған «UMTYLYS» жобасын таныстырған Азамат Ергеш өз бағытынының ерекшелегімен дараланды. Жобаның мақсаты оқушылардың тұлға ретінде қалыптасуына жұмыс жасап, олардың бойына рухани құндылықтарды сіңіруге негізделген. Ал міндеті кітап оқу арқылы жан-жақты ойланып, өз саласын тауып, көшбасшы болуына жол нұсқау нәтижесінде ортамызда патриот, жанашыр, мәдениетті, үміт артуға лайық жастарды қалыптастыру. Бағыты «Руханият», «IQ», «Спорт» және «Мамандық» атты бағыттан тұратын 4 саланы қамтитын жоба осындай жанжақты ізденгендігімен байқау жеңімпазы атанды.<blockquote>«Негізі әлеуметтік жоба қоғамдағы әртүрлі қауымдастықтардың қажеттіліктерін анықтап, әлеуметтік қызмет аясында туындаған мәселелерді шешуге мүмкіндік береді. Сіздер осы мақсатта алтын уаққыттарыңызды бөліп қоғам үшін нәтижелі жұмыс атқаруға кірістіңіздер. Нәтижесі жаман емес. Демек, бүгін жеңімпаз атанған жобалар болашақта әлеуметтік қызмет аясында туындаған мәселелерді шешуге мүмкіндік береді дегенге сенеміз», – деді ішкі саясат бөлімінің басшысы Әбілқайыр Сыздықов.</blockquote>Жалпы, бұл байқауда жастардың қоғамдық өмірге белсене араласып, өз болашақтарына бейжай қарамайтынын байқадық. Бұл дегеніміз еліміздегі жастар қоғамның басты қозғаушы күшіне айналды деген сөз. &nbsp;<img src="https://knadmin.beoblood.kz/uploads/3_82ae56427b.jpg" alt="3.jpg">

Жаңақорған ауданы: «Үздік әлеуметтік жобалар» байқауы өз мәресіне жетті

<a href="https://kyzylorda-news.kz/">Kyzylorda-news.kz.</a> Балықшылар мұз үстіне шығатын уақытты тағатсыздана күтеді. Бірақ қыс кезіндегі балық аулаудың біршама қауіптілігі бар екендігін ұмытпау керек. Мұз үстіне шығу - әрқашан да қауіпті іс. Шиелі ауданының Төтенше жағдайлар бөлімі балық аулаушылардың назарына жасалған, негізгі мұздағы қауіпсіздік ережелерін ұсынады.Мұзда адамның болуының негізгі қауіпсіз жағдайлары мыналар:- ұсынылған салмаққа мұз қалыңдығының сәйкес келуі;- бір адам үшін қауіпсіз мұздың қалыңдығы 7 см-ден кем болмауы керек;- жаяу өткел үшін қауіпсіз мұздың қалыңдығы 15 см және одан артық болуы керек;- автокөліктің өтуі үшін қауіпсіз мұздың қалыңдығы 30 см-ден кем болмауы керек;- судың температурасы 2-3°С кезде адамның суда 5-10 минут болуы оның өмірі мен денсаулығы үшін аса қауіпті.Мұз үстіндегі қозғалыс ережесі:- Мұз үстіне шығу тек тәуліктің жарық кезінде болуы керек;- Су айдынына шығар алдында мұздың мықтылығын тексеріңіз. Кәсіпқой балық аулаушыларға арналған жерлерде, тұрақты мұз қалыңдығын өлшеу жүргізіледі. Ол жеті сантиметрден кем болмауы керек;- Балық аулау орнына мұз үстімен жүргенде, қар басқан жерлерден аулақ жүріңіз;- Мұз үсті мөлдір болуы керек. Сүт түстес борпылдақ мұз беті қауіпті болады. Мұз бетімен жылжығанда оның түсіне назар аударыңыз. Неғұрлым мұз ашық түсті болса, ол соғұрлым қалың.Балық аулау барысында:- Мұз бетінде кішкентай алаңда көп топ болып жиналмаңыздар;- Шектеулі жерде көп ойықтар жасамаңыз;- Егер де сіз мұз астына түсіп кетсеңіз, үрейленбеуге тырысыңыз. Алдымен мұз бетіне бір аяғыңызды шығарыңыз, содан кейін екіншісін. Барлық денеңізбен мұз бетіне шыққанда, ақырындап қауіпсіз жерге сырғанаңыз. Киіміңізді ауыстыру үшін мүмкіндігінше су айдыннан тезірек кетіңіз.Құтқарушылардың көмегі қажет болған жағдайда 101, 112 телефон нөмірлеріне хабарласыңыз.&nbsp;<figure class="image"><img src="https://knadmin.beoblood.kz/uploads/4_F98_DDA_2_4_FE_1_4_C0_D_BA_5_F_A09_CD_91_DA_700_5b07e44bc4.jpeg" alt="4F98DDA2-4FE1-4C0D-BA5F-A09CD91DA700.jpeg"></figure>

Төтеншеліктер мұз үстінде балық аулау ережелерін сақтауға шақырды

<a href="https://kyzylorda-news.kz/">Kyzylorda-news.kz.</a> Әйелдерге қатысты зорлық-зомбылық - адам құқықтарын бұзудың ең көп таралған түрі. Зорлық-зомбылық әйелдер мен қыздарды теңдік пен қауіпсіз өмір сүру құқығынан айырады, адамның қадір-қасиетін төмендетеді және негізгі бостандықтарды жүзеге асыру мүмкіндіктерін шектейді. Бүгінде елімізде мұндай құқық бұзушылықтардың жиелегенін әлеуметтік желілерден естіп жүргеніміз белгілі. Дегенмен, бүгінде мемлекет пен қоғам мұндай теріс қылықтардың белең алмауы үшін алдын алу профилактикалық жұмыстарына баса назар аударды.Осы орайда, 2022 жылдың 5 желтоқсанда «Әйелдерге қатысты зорлық-зомбылықсыз 16 күн» акциясы аясында Қармақшы аудандық полиция бөлімінің ЖПҚб-нің Әйелдерді зорлық-зомбылықтан қорғау тобының инспекторы полиция капитаны А.Касимова, «Жастар денсаулық орталығының» психологі Ә.Кетебаева, білім бөлімінің әдіскері А.Тоқшылықова, әйелдер кеңесінің төрайымы Г.Раева, ата-аналар комитетінің төрағасы А.Дәулетбаев және Ювеналды полиция тобының инспекторы полиция капитаны Г.Мухамедьяровтың қатысуымен Жосалы кентінің Ә.Егізбаев атындағы №121 қазақ мектебінде ата-аналармен кездесу өткізілді.Кездесуде жасөспірімдерге қатысты зорлық-зомбылықтың алдын алу мақсатында мағлұматтар беріліп, отбасындағы әйелдерге және жасөспірімдерге қатысты тұрмыстық зорлық-зомбылықтың алдын алу, жолын кесу және де жалпы отбасындағы құндылықтар бойынша түсіндірме жұмыстары жүргізілді.Кездесу соңында ата-аналар тарапынан өздерін толғандырған сұрақтар қойылып, арнайы дайындалған жадынамалар-бетшелер таратылды. &nbsp;<figure class="media"><div data-oembed-url="https://youtu.be/IL8Y00aY4K8"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/IL8Y00aY4K8" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

«Әйелдерге қатысты зорлық-зомбылықсыз 16 күн» науқаны аясында ата-аналармен кездесу өтті

<a href="https://kyzylorda-news.kz/">Kyzylorda-news.kz.</a> Бүгінде жалағаштықтар кәсіптің түр-түрін игеріп, жағдайларын түзеп, өз отбасы ғана емес, аудан экономикасын дамытуға өз үлесін қосуда. Солардың бірі – жеке кәсіп иесі Айдана Ілиясова.&nbsp;Ол бүгінде кондитерлік өнімнің қазір сұранысқа ие болып отырған торт, тәтті тоқаш түрлерін өзінің шағын цехында пісіріп, жергілікті халықтың күнделікті сұранысын қанағаттандырып отыр. &nbsp;Айдананың тәттілеріне тапсырыс беретіндер саны күннен-күнге көбейіп келеді. Себебі ол өз өнімін буы бұрқыраған пештен шыққан қалпында &nbsp;тапсырыс иелерінің дастарханына жеткізеді. Жергілікті тұрғындардың «тәтті іздесең Айданадан ал» дейтіні бекерге емес.&nbsp;<blockquote>«Маған бұл тәтті пісіру бұрыннан таныс. Себебі анам Сәуле Баймағамбетова бұл жағынан менің алғашқы ұстазым десе де болғандай. &nbsp;Алғашқыда өзімнің бітірген қаржыгер мамандығыммен аудандық білім бөлімінде 2010 жылдан 2020 жылға дейін жұмыс жасадым. Менің кәсіпке қызығушылығым 2018 жылы үшінші баламмен декреттік демалыста отырғанда басталды. «Тәтті әлемі» деген Динара Тасыбаеваның кондитерлік цехынан торт пісірудің құпиясын үйрене бастадым. Анамның тәтті пісіретін құрылғысын алдым. Солай алғашқы тапсырыстарды қасыма көмекшіге 1 қыз алып бастап кеттім. Халыққа қолжетімді бағада ұсынып отырдық. Ел де біздің өнімімізді көптеп ала бастады. Осындай жетістіктен кейін маған ой келді «неге кәсібімді кеңейтпеске?» деген. Осылайша жұмыстан біржола шығып, жұмыссыз азаматтар қатарына &nbsp;тіркелдім. &nbsp;2020 жылы төртінші баламды дүниеге әкелген соң үйде баламен 2-3 ай отырдым да, &nbsp;көпбалалы ана есебінде 4 пайыз жеңілдікпен 6 млн теңге несие алдым. &nbsp;Үлкен той кезінде тапсырыстар 200 данаға дейін жасалатын. Әсіресе, мерекелер біздің табысымызды &nbsp;едәуір көбейтіп отырады. &nbsp;Өз кәсібіме әрдайым қуанып, одан жаныма рахат табамын. Әр шаңырақтың той дастарханында өзімнің қиялыммен өрнектеп жасаған өнімдерім тойшыл қауымға әдемі көңіл-күй сыйлап, түрлі тәттіден олар сүйсініп дәм татып тояттап отырса одан асқан бақыт бар ма?, – дейді кәсіпкер.</blockquote>Иә, Айдананың алға қойған мақсаттары көп. Ол әлеуметтік желідегі тәтті дайындайтын &nbsp;үлкен цехтардың жаңалықтарын үнемі бақылап, өзінің күнделікті жұмыс тәжірибесіне енгізіп, үздіксіз ізденіп отырады. Келешекте кәсіпкер мемлекет тарапынан қаржылай қолдау тауып жатса, цех көкжиегін кеңейтіп, бірнеше адамды жұмыспен қамтысам деген жоспары бар. &nbsp;<figure class="image"><img src="https://knadmin.beoblood.kz/uploads/Screenshot_20221206_121515_Instagram_a23d1bab54.jpg" alt="Screenshot_20221206-121515_Instagram.jpg"></figure><figure class="image"><img src="https://knadmin.beoblood.kz/uploads/Screenshot_20221206_121620_Instagram_ea6c84bf2d.jpg" alt="Screenshot_20221206-121620_Instagram.jpg"></figure>

Қазақстан және Қызылорда облысының жаңалықтары