<a href="https://kyzylorda-news.kz/">Kyzylorda-news.kz.</a> Былтыр өңірімізде құрғақшылық орын алып облыс бойынша жем-шөп дайындау барысы бірқатар қиындық туғызғаны белгілі. Шаруалар тарапынан және өзге өңірлерден мал азығына сұраныстың артуына байланысты бір бума (пресс) жоңышқа бағасы 1200 теңгеге дейін көтерілгендігі шаруаларды есеңгіретті.Осы орайда, осы келеңсіз жаңдайларды қайтадан болдырмау мақсатында Жаңақорған ауданы әкімі Мұрат Жолкелдіұлы нақты міндет қойды. Аудан басшысының тапсырмасына сәйкес Сыр өңіріндегі Сырдария өзені арқылы суландырылатын жоңышқалық алқаптардың бірінші орымы басталған сәттен аудан орталығы Жаңақорған кентінде арнайы жем-шөп жәрмеңкесі ұйымдастырылды. Аудан әкімдігі мен ауыл шаруашылығы бөлімінің ұйымдастыруымен Жаңақорған кенті, Құрманғазы Сағырбаев көшесінің бойында бірнеше рет жәрмеңке өткізілді.Осы жәрмеңкенің нәтижесінде жоңышқа шөбінің әр бумасы 450 теңгеге, ал табиғи шөптің әр бумасы 300 теңгеге дейін арзандаған. Аудан бойынша 2022-2023 жылғы қысқа түсетін шартты мал басы нақтыланып, 182,7 мың теңге шөп, 36,5 мың тонна сабан және 37,1 мың тонна жем дайындау жоспары бекітілсе, қазіргі уақытта 182,5 мың тонна шөп толығымен дайындалған. Сонымен қатар, 36 мың тонна сабан, 34,5 мың тонна жем жиналды.&nbsp;<blockquote>«Бүгінде, «Сенім» шаруа қожалығында тәулігіне 6 тонна құрама жем дайындау цехы жұмыс жасап тұр. Биылғы жылы жоңышқаның үш орымы мен атыз басындағы және су қашыртқы каналдарының жағасындағы табиғи шөптер түгел орылып, тұтынуға қажеттісінен артығының бәрі жоғарыда келтірілген қолжетімді бағалар негізінде сатылымға шықты. Жем-шөп қажеттілігі бойынша ешқандай мәселе ауданымызда туындап тұрған жоқ», – дейді аудандық ауылшаруашылығы бөлімінің басшысы Талғат Зейдалиев.&nbsp; &nbsp;</blockquote><figure class="image"><img src="https://knadmin.beoblood.kz/uploads/1_504x0_6db34910df.jpg" alt="1-504x0.jpg"></figure>

 Жаңақорған: Мал азығы жеткілікті мөлшерде жиналды

<a href="https://kyzylorda-news.kz/">Kyzylorda-news.kz.</a> Бәсекелестікті қорғау және дамыту агенттігінің Қызылорда облысы бойынша департаменті Қызылорда облысының азық-түлік тауарларының бөлшек сауда нарығына талдау жүргізіу барысында, «Қазына и К» ЖШС сұралған мәліметтерді толық көлемде ұсынбаған.Ақпаратты толық көлемде бермегені үшін департамент Қазақстан Республикасының «Әкімшілік құқық бұзушылық туралы» Кодексінің 162-бабына сәйкес орта кәсіпкерлік субъектісі «Қазына и К» ЖШС-не қатысты әкімшілік іс қозғалып, 360 АЕК мөлшерінде әкімшілік айыппұл салынды.Әкімшілік айыппұл қысқартылған мерзімде төленді. Субъекті көрсетілген айыппұл сомасының 50 пайызын, 7 күн ішінде 551 340 теңге мөлшерінде төлеген.Монополияға қарсы департамент лауазымды адамдарға және субъектілерінің назарына, монополияға қарсы органға белгiленген мерзiмдерде ақпарат бермеу не ақпаратты толық көлемде бермеу, монополияға қарсы органға анық емес және (немесе) жалған ақпарат беру, «Әкімшілік құқық бұзушылық туралы» Қазақстан Республикасы Кодексінің 162-бабында көзделген әкімшілік жауапкершілікке әкеп соғатынын ескертеді.<figure class="image"><img src="https://knadmin.beoblood.kz/uploads/2018112215311491601_bez_imeni_2_700x525_e338a862ae.jpg" alt="2018112215311491601_bez-imeni-2-700x525.jpg"></figure>

Департамент ақпаратты толық көлемде бермеу әкімшілік жауапкершілікке әкелетінін ескертеді

<a href="https://kyzylorda-news.kz/">Kyzylorda-news.kz.</a> Бүгін Астанада «Ұлы дала елі» ортақ брендін иеленуге лайықты компаниялар анықталды. Биыл бренд құқығын пайдалану байқауына 14 компания өтінім білдірді.Жеңімпаздар үш кезеңде сыналды. Бірінші кезеңде өтінімдер қаралды. Екінші кезеңде комиссия мүшелерінің өндіріс орнына барып, компаниялардың қызметін бағалады. Содан кейін онлайн дауыс беру арқылы «Ұлы дала елі» ортақ брендін пайдалану құқығын төрт компания алды. Атап айтқанда:• «Асыл дән LTD» ЖШС (күріш өнімдері); • &nbsp;«МедиДез» ғылыми-өндірістік бірлестігі» ЖШС (эндоскоптар мен бал жабдықтарын зарарсыздандыру үшін дезинфекциялау ерітінділері, медициналық және тамақ өнеркәсібіне арналған дезинфекциялау құралдарын өндіру, тұрмыстық химия өндірісі); • &nbsp;«Ультрастаб-Қазақстан» ЖШС (тоқылған геосинтетикалық бұйымдар өндірісі); • «Сартаев» жеке кәсіпкерлігі (балық өнімдері, тұщы су шаяндарын өсіру).<blockquote>«Біз күріш ақтаумен айналысамыз. «Ұлы дала елі» брендінің жеңімпазы болдық. Осындай республикалық деңгейдегі байқауға бірінші рет қатысып жатырмыз. Бұл – бізге өте үлкен марапат. Бұның барлығы ұжымымыздың арқасында. Үлкен жұмыс жасалды. Соның нәтижесін осындай жетістікке жетіп жатырмыз. Алдағы уақытта бұдан да жоғары байқауларға қатысып, нәтиже көрсетуді мақсат етіп отырмыз. 45 адамды жұмыспен қамтып отырмыз. Өнімнің 60 пайыздан астамын Украина, Тәжікстан, Қырғыстан, Ресей, Түркияға экспортқа шығарамыз. Әлі кеңейткіміз келеді. Сапа біз үшін бірінші орында. Қуаныштымыз. Ұйымдастырып жатқан «Атамекенге», дауыс беріп қолдаған халыққа алғысымызды білдіреміз. Бұл бізге стимул береді», – деді қызылордалық «Асыл дән LTD» ЖШС директоры Нұрлан Алдамжаров.</blockquote>Байқаудың мақсаты – отандық компанияны ынталандыру және экспортқа шығаратын сапасы жоғары өнімдерді «Ұлы дала елі» ортақ брендімен таныстыру, шетелдегі танымалдылығын арттыру. «Ұлы дала елі» ортақ бренді Қазақстанның брендін халықаралық нарыққа шығарып отырған отандық үздік тауар өндірушілерге табысталады.Байқауға қатысушылар келесі критерийлерге сай болуы қажет. - экспорт көлемінің үлесі өнімнің бір түрінің жалпы өндірісі көлемінен 10 пайыздан кем емес; - тауар өндіру, қызмет көрсетуде жергілікті қамту үлесі (кемінде 30 пайыз); - халықаралық бизнес-қоғамдастықтарға мүше болу; - лицензия, рұқсат, патенттердің болуы; - халықаралық марапатар, дипломдардың болуы; - бизнестің әлеуметтік жауапкершілігі бойынша &nbsp;қаржылай емес есептілікті жариялау тәжірибесінің болуы.Өткен жылдардың жеңімпаздары туралы ақпарат <a href="http://www.ulydalaeli.kz/ru/index.html ">мына</a> сілтемеден көре аласыз. &nbsp;Алдағы уақытта «Алтын сапа» сыйлығы мен «Қазақстанның үздік тауары», «Ұлы дала елі» байқауларына қатысқысы келген кәсіпкерлер Қызылорда облысы кәсіпкерлер палатасына хабарласа алады. Байланыс нөмірі 8 /7242/ 40-09-81.<figure class="image"><img src="https://knadmin.beoblood.kz/uploads/9816f1ae_0262_4d41_b093_f1ad830219b6_7c5159b970.jpg" alt="9816f1ae-0262-4d41-b093-f1ad830219b6.jpg"></figure>

Қызылордалық компания республикалық «Ұлы дала елі» брендінің жеңімпазы атанды

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев Қазалы қаласына арнайы барып, тұрғындармен кездесті.Қалалық мәдениет үйінде өткен басқосуда Мұхтар Әуесұлы алдымен ауданда атқарылып жатқан жұмыстарды қысқаша айтып, алдағы жоспарларымен бөлісті.Кездесу барысында қала тұрғындары тарапынан бірқатар ұсыныс-пікірлер айтылды.&nbsp;Аудан әкімі Мұхтар Оразбаев өз кезегінде тұрғындар тарапынан айтылған ұсыныстардың барлығы орынды екенін айтып, аталған мәселелер бойынша тұрғындарға нақты жауап берді.Халықпен кездесуде аудан прокуроры Дарын Әбіш те сөз сөйлеп, елімізде алғаш рет прокуратура туралы заңға конституциялық мәртебе берілгенін жеткізді.Жиын соңында тұрғындар ауданда жыл көлемінде атқарылған істердің барлығына ризашылықтарын білдіріп, алдағы атқарылатын жұмыстарға сәттілік тіледі.Тұрғындармен кездесуге аудандық мәслихат хатшысы Бақытжан Жарылқап, аудан прокуроры Дарын Әбіш, аудандық полиция бөлімі бастығының бірінші орынбасары Ғани Құрманалиев және бірқатар дербес бөлім мен мекеме-кәсіпорын басшылары қатысты.Басқосудан соң аудан әкімі Мұхтар Оразбаев пен аудан прокуроры Дарын Әбіш бірқатар тұрғындарды жеке мәселелері бойынша қабылдап, сұрақтарына жауап берді.<figure class="image"><img src="https://knadmin.beoblood.kz/uploads/317932544_3531303133757275_4869596068907961574_n_cba3869db6.jpg" alt="317932544_3531303133757275_4869596068907961574_n.jpg"></figure>&nbsp;<figure class="image"><img src="https://knadmin.beoblood.kz/uploads/318241627_3531303723757216_7896948946023509456_n_c7777a8aba.jpg" alt="318241627_3531303723757216_7896948946023509456_n.jpg"></figure>

Аудан әкімі Қазалы қаласының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қазалыда Қазақстан және КСРО халық әртісі, Қазақстанның халық қаһарманы Роза Бағланованың 100 жылдығы аясында «Мырза» халықтық ұлт-аспаптар оркестрінің шығармашылық кеші өтті.&nbsp;Роза Бағланова атындағы аудандық мәдениет орталығында өткен кеште аудан әкімі Мұхтар Оразбаев сөз сөйлеп, ұлттық дәстүріміздің оның ішінде қазақ өнерін жаңғыртуда үлкен үлес қосып жүрген ұлт-аспаптар оркестрінің ұжымына ризашылығын жеткізді.&nbsp;Сонымен қатар, ұжымның алдағы уақыттағы жұмыстарына сәттілік тілеп, бірқатар қызметкерлерді арнайы "Алғыс хаттармен" марапаттады.&nbsp;Мұнан соң аудандық мәдениет және тілдерді дамыту бөлімінің басшысы Болат Жолтаев сөз алып, қазақтың ұлттық өнерін дәріптеп, халықтың көңілінен шығып келе жатқан ұлт-аспаптар оркестрінің өнерпаздарына шынайы тілегін білдірді.Шығармашылық кеште ҚР мәдениет қайраткері, күйші-сазгер Орақ Баубеков, мәдениет саласының ардагері Ерпазыл Жүсіп, ҚР композиторлар одағының мүшесі, ҚР Мәдениет қайраткері Сәукен Әліш және ҚР Мәдениет саласының үздігі Арман Әуезов сынды дара тұлғалар аталған оркестрге дирижерлық етті.Көптің көңілінен шыққан әуезді кеште жиылғандар ұлттық аспаптардан төгілген күмбірлеген күйге қанық болып, ерекше көңіл күймен тарқасты.<figure class="image"><img src="https://knadmin.beoblood.kz/uploads/317751281_3531470610407194_4711253057399475364_n_02ceea5761.jpg" alt="317751281_3531470610407194_4711253057399475364_n.jpg"></figure>

Қазалыда «Мырза» ұлт-аспаптар оркестрінің шығармашылық кеші өтті

<a href="https://kyzylorda-news.kz/">Kyzylorda-news.kz.</a>&nbsp;Бүгін ҚР Әділет вице-министрі Бекболат Молдабеков Қызылорда облысына жұмыс сапарымен келді. Іс сапар барысында вице-министр алдымен аймақтың тілшілеріне сұхбат беріп, Конституцияға енгізілген өзгерістерді баяндап өтті.&nbsp;Жалпы Әділет органдары ұлттық заңнаманы қалыптастыруға және дамытуға, халыққа заң қызметтерін тиімді ұсынуға, зияткерлік меншік құқықтарын қорғауға, атқарушылық іс жүргізуге, сот-сараптамалық қызметті жүзеге асыруға қатысады. Осы ретте қазақстандықтар көптен күткен өзгерістерінің бірі – Конституциялық Сот туралы арнайы Заң күшіне енген болатын. Осыған сәйкес, Конституциялық сот өз қызметін 2023 жылдың 1 қаңтарынан бастайтын болады. Сонымен қатар вице-министр «Нотариат туралы» Заңға қабылдаған түзетулерге сәйкес, жылжымайтын мүлік пен мәмілені рәсімдеу барысы жеңілдейтінін хабарлады. Яғни, азаматтар мүлкі орналасқан жеріне бармай-ақ республика бойынша кез келген нотариуста рәсімдеуге мүмкіндігі бар.&nbsp;Өз кезегінде вице-министр Бекболат Молдабеков Қызылорда облысының халқымен кездесу өткізді. Кездесуде Констиутцияда көрсетілген жаңа Заңның талаптары айтылып, тұрғындар өзекті мәселелерін ортаға салды.<figure class="image"><img src="https://knadmin.beoblood.kz/uploads/318538113_1682681265460712_7919519447548734154_n_c9dc8bcd78.jpg" alt="318538113_1682681265460712_7919519447548734154_n.jpg"></figure>

ҚР Әділет вице-министрі Қызылорда облысына жұмыс сапарымен келді

<a href="https://kyzylorda-news.kz/">Kyzylorda-news.kz.</a> 5 қыркүйекте МӘМС - ға бір жыл бұрын жарналарды төлеудің жаңа тетігі енгізілді. Оны «сақтандырылған» мәртебесі бар, сондай – ақ жүйеге ешқашан төлем жасамаған немесе оны жүйесіз жасаған барлық дербес төлеушілер пайдалана алады. Бұл қалай жұмыс істейді және төлеушілерге қандай нюанстарды білу керек? Осы және басқа да сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап береді.Бүгінгі күнге дейін медициналық сақтандыруға жарналарды ешқашан төлемеген немесе жүйелі түрде төлемеген, соның салдарынан сақтандыру мәртебесінен айырылған дербес төлеушілерге оны қалпына келтіру үшін өткізіп алған айлар үшін, тіпті өткен жылға да жарналарды төлеу қажет болды. Енді оларда балама әдіс пайда болды-алдағы 12 ай үшін төлем жасау және өткен кезеңді төлемей, сақтандырылу мәртебесін алу.<blockquote>«Өңірдің шамамен 135 мың тұрғыны медициналық сақтандыру жүйесінен тыс қалып отыр. Бұл оларға жоспарлы және жоғары технологиялық медициналық көмекке, аурулардың алдын алуға және медициналық диагностикалауға қол жеткізуді қиындатады. Президент сақтандырылмаған азаматтарды МӘМС жүйесіне тарту бойынша шұғыл шаралар қабылдау қажеттілігі туралы бірнеше рет айтқан. Біз жаңа төлем механизмі бұған ықпал етеді деп санаймыз», - ӘМСҚ облыстық филиалының директоры Бақыт Исмаханбетов атап өтті.</blockquote>Бұл іс жүзінде қалай жұмыс істейді және төлеушілерде қандай сұрақтар туындауы мүмкін?&nbsp;- Соңғы 12 айда менде МӘМС жарналары төленді, мәртебем сақтандырылған. Алдағы жылға жарна төлеуім міндетті ме, әлде оларды ай сайын төлей аламын ба?Сіз жарналарды өзіңізге ыңғайлы түрде төлей аласыз-ай сайын, тоқсан сайын жүйелі түрде төлеуді жалғастыра аласыз немесе 12 айға бірден төлей аласыз.- Егер мен МӘМС-ке жарналарды ешқашан төлемеген болсам, яғни &nbsp;менде бірде-бір төлем жоқ, сәйкесінше мәртебе де жоқ. Осы мүмкіндікті пайдаланып, алдағы 12 айға төлем жасай &nbsp;аламын ба, әлде алдыңғы төленбеген кезеңді өтеуім керек пе?Жоқ. Бұл норма сіз сияқты төлеушілерге жүйеге «ауыртпалықсыз» кіруге көмектесуді мақсат етеді. Сіз сақтандыру мәртебесін ағымдағы айға және алдағы 12 айға жарналарды төлеу арқылы 3 жұмыс күні ішінде ала аласыз.- Егер мен МӘМС жарналарын кезең-кезеңмен төлесем, бірақ төленбеген кезеңдер бар, соның салдарынан қазіргі кезде мен сақтандырылмағанмын, мен жарналарды бір жыл бұрын төлеп, мәртебе ала аламын ба, немесе маған алдымен бұрын төленбеген айларды жабу қажет бола ма?Сізде екі нұсқа бар. Біріншісі, барлық өткізіп алған кезеңдерді өтеу, әлдеқайда аз сомамен айналып өту және әрі қарай сақтандыру мәртебесінде қалу үшін МӘМС-ке ай сайын төлем жасаңыз. Немесе екінші, өткен кезеңді төлемей, бір жыл бұрын жарналарды төлеңіз.- Егер мен осы жылдың қыркүйегінен бастап жаңа төлем әдісін қолдануды ұйғарсам, онда мен жарналарды қай кезеңге төлеуім керек-2023 жылдың тамызына дейін?Олай емес. Заң нормасында төлемдер болашақ кезеңдер үшін жасалуы керек деп көрсетілген. Қыркүйек ағымдағы кезең болып саналады. Тиісінше, бір жылға мәртебе алу үшін сіз жарналарды 2022 жылдың қазанынан 2023 жылдың қыркүйегіне дейін төлеуіңіз керек. Егер сіз 2023 жылдың қыркүйегінен тамызына дейін төлесеңіз, сізге мәртебе берілмейді, өйткені ағымдағы ай төлемге кірмейді. Тиісінше, жүйе тек 11 айға төлемді ескереді.- Мен болашақ 12 ай үшін төлем жасадым, маған 2023 жылдың қыркүйегіне дейін мәртебе берілді. Егер мен осыдан кейін жарна төлеуді тоқтатсам, мәртебем сақталына ма?БЖТ төлеушілерден басқа төлеушілердің барлық санаттарында сақтандыру мәртебесі МӘМС-ға соңғы төлем төленгеннен кейін 3 ай бойы сақталады. Соңғы төлем 2023 жылдың қыркүйегінде болды делік, демек сақтандырылудың шартты мәртебесі 23 жылдың желтоқсанына дейін сақталады. Бірақ сіз осы кезеңде сіздің қарызыңыз жинақталатынын түсінуіңіз керек, оны болашақта мәртебеңізді сақтау үшін өтеу керек.- Егер мен төлем жасауды тоқтатсам, біраз уақыт менің мәртебем, яғни 3 ай бойы сақталды, содан кейін жойылды-мен өткен айлар үшін қарызды төлеуім керек пе, әлде бір жыл бұрын мәртебені тағы «сатып ала» аламын ба?Егер Сіз жарналарды бір жыл бұрын төлесеңіз, онда өткен кезеңдегі берешек ескерілмейді. Бірақ бұл жерде мәртебе тек болашақ кезеңге тағайындалғанын ескеру керек. Мәртебені қазір алу үшін сізге МӘМС-ға ағымдағы ай үшін де ақы төлеу қажет.- Жыл сайын АЕК және ЕТЖ мөлшері өзгеріп отырады, соңғысына дербес төлеушілер үшін медициналық сақтандыру жарналарының мөлшері байланысты болады. Келесі жылы ең төменгі жалақыны 70 мың теңгеге дейін ұлғайту туралы жарияланды. Тиісінше, МӘМС жарналарының мөлшері өзгеруі керек. Мен осы өзгерістерді ескере отырып төлем жасауым керек пе немесе қазіргі ставкалар бойынша төлей аламын ба?Төлемдердің мөлшері белгілі бір қаржы кезеңінен бастап, әдетте 1 қаңтардан бастап белгіленеді. Қазіргі уақытта дербес төлеушілер 60 мың теңгенің 5% - ын төлейді, бұл 3 мың теңге. Тиісінше, егер сіз осы жылы жарналарды төлейтін болсаңыз, келесі жылды ескере отырып, сіз жарналардың қолданыстағы мөлшеріне назар аударасыз. Егер сіз 2021 жылы өткізіп алған айларды төлегіңіз келсе, онда сіз 2 125 теңгеден төлейтін боласыз, өйткені сол кезде ЕТЖ мөлшері 42 500 теңге деңгейінде бекітілген болатын. Егер сіз МӘМС-ға жарналарды 2023 жылдан бастап төлейтін болсаңыз, онда жарналардың мөлшері басқа болуы мүмкін.- Егер мен бір жыл бұрын МӘМС-ға жарналарды төлеп, содан кейін жеңілдікті санатқа көшсем, төленген сомадан айырманы қайтара аламын ба?Жоқ, бұл төлемдерді қайтаруға болмайды, өйткені олар артық немесе қате төленген деп саналмайды. Алайда, әр жағдайды жеке қарастыруға болады. Мүмкін, адам бір кезеңде жарналарды екі рет төлеген немесе төлем жасау кезінде қандай да бір қате жіберген, мысалы, ЖСН-ді дұрыс көрсетпеген шығар. Мұндай жағдайларда «Азаматтарға арналған үкімет» мемлекеттік корпорациясына өтініш жазып, қаражатты қайтару үшін растайтын құжаттарды қоса беруге болады.- Егер мен жеңілдік санатында болсам, содан кейін одан шықсам-маған міндетті түрде бір жыл бұрынға жарна төлеу керек пе немесе ай сайын төлем жасай аламын ба?МӘМС-ға жарналар төлеу міндеті халыққа заңмен бекітілген, бірақ төлем әдісін адам өзі анықтайды. Бұл жағдайда бірнеше нұсқа болуы мүмкін.Бірінші. Егер сіз бір жылдан астам уақыт бойы үздіксіз жеңілдік санатында болсаңыз және мемлекет сіз үшін шегерім жасаған болса, жеңілдік мәртебесінен шыққаннан кейін сіз үнемі төлемдер жасап, сақтана аласыз.Екінші. Егер сіздің жеңілдік мәртебеңіз бір жылдан аз уақыт ішінде белсенді болса және оған кіргенге дейін төленбеген айлар болса, сіз дереу мәртебені алу үшін қарызды төлеп, үнемі аударымдар жасауды жалғастыра аласыз немесе ағымдағы ай мен келесі 12 айдағы жарналарды төлей аласыз. Егер сіз жарналарды келесі жылға ғана төлейтін болсаңыз, онда сіз бірден емес, келесі айдан бастап ғана мәртебеге ие боласыз.- Егер мен БЖТ төлеушімін және қыркүйек айында жарналар төлеген болсам, мен де бір жылға мәртебе ала аламын ба?Бұл механизм тек тәуелсіз төлеушілер үшін қарастырылған. Сіз төлеушілердің осы санатына оңай ауыса аласыз, содан кейін бір жылдағы мәртебе сізге қолжетімді болады. Егер сіз БЖТ төлеуші санатында қалғыңыз келсе, болашақ кезеңдерге төлемдер жасай аласыз, бірақ тек осы жылдың соңына дейін.Неліктен? Біріншіден, келесі жылдан бастап бірыңғай жиынтық төлем мөлшері өзгеруі мүмкін. Екіншіден, азаматтардың кейбір санаттары БЖТ төлеушілерден шығарылады. Бухгалтерлік есеп немесе аудит, сақтандыру қызметі саласында және құқық, әділет және сот төрелігі саласында консультациялық, маркетингтік қызметтер көрсететіндер.Бүгінгі таңда Салық кодексінің 774-бабына сәйкес, бірыңғай жиынтық төлемді шетелдік азаматтар, жұмыскерлер, жеке кәсіпкерлер, жеке практикамен айналысатын адамдар, азаматтық-құқықтық сипаттағы шарттар бойынша жұмыскерлер, сондай-ақ коммерциялық жылжымайтын мүлікті жалға беретіндер төлей алмайды.Тағы не білу маңызды?&nbsp;Төлемдердің болуы және бір жылға мәртебе беру туралы ақпаратты сақтандыру мәртебесін тексеретін тәсілдермен алуға болады. Qoldau 24/7 мобильді қосымшасы немесе Telegram SaqtandyrýBot арқылы.Төлемдер мен мәртебе туралы ресми құжатты мемлекеттік қызметтер арқылы eGov.kz электрондық үкімет порталынан алуға болады «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну».&nbsp;Сіз 12 айға төлемдерді бірден жасай алмайсыз, өйткені жүйе әр ай үшін төлемді бөлек оқиды.&nbsp;Жарналарды төлеу кезінде қателіктер жіберілмегеніне көз жеткізу керек. Әйтпесе, төлем жүйеге кірмейді және сізге мәртебе берілмейді. Енгізілген ЖСН, төлем кезеңінің және төлем енгізілетін жылдың дұрыстығын қайта тексеріңіз. Егер бір айда қате жіберілсе немесе екі рет төленсе, қате төленген төлемді «Азаматтарға арналған үкімет» мемлекеттік корпорациясына өтініш жазу арқылы қайтаруға болады.МӘМС жарналарын екінші деңгейдегі кез келген банк, банктердің мобильді қосымшалары, жылдам төлем терминалдары және «Қазпошта» филиалдары арқылы төлеуге болады.Егер сізде медициналық көмек көрсету сапасына қатысты сұрақтарыңыз болса, сіз оларды өз емханаңыздағы Пациенттерді қолдау қызметіне қоя аласыз. Егер жағдайды сол жерде шешу мүмкін болмаса, онда өзіңізге ыңғайлы байланыс арнасы арқылы Әлеуметтік медициналық сақтандыру қорына жүгінуге болады: fms.kz ресми сайты, 1406 байланыс орталығы, Telegram-дағы SaqtandyryBot және Qoldau 24/7 мобильді қосымшасы.&nbsp;Дәл осындай құралдар сақтандырылу мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР egov.kz электрондық үкіметінің сайтындағы «Денсаулық сақтау» бөлімінде «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы біле аласыз.<figure class="image"><img src="https://knadmin.beoblood.kz/uploads/Oplata_samoplatelshhika_kaz_db9c7e5244.jpg" alt="Оплата самоплательщика каз.jpg"></figure>

Бақыт Исмаханбетов: Өңірдің шамамен 135 мың тұрғыны медициналық сақтандыру жүйесінен тыс қалып отыр

<a href="https://kyzylorda-news.kz/">Kyzylorda-news.kz.</a> Әлем елдерінің жаһандануы барысында өзіміздің ұлттық мәдениетімізді, ұлттық дәстүрді, атадан балаға табысталатын асыл мұраларымызды сақтап қалу маңызды. Елдің мәңгілік болуы мәдени, рухани құндылықтардың ұрпақтан ұрпаққа ұласып, сабақтасуында. Сондықтан бірінші кезекте өркениетке ұмтылған дамушы және дамыған елдер өз мәдениетіне мән береді.Осы орайда, біздің елімізде де мәдени салаға жақсы бетбұрыс жасалып жатыр. Өңірдің өзінде көптеген елді мекенге заманауи үлгідегі клубтар салынды және олар өте жоғары деңгейде жұмыс істеп, жетістіктерге қол жеткізіп келеді. Солардың бірі – Жалағаш ауданына қарасты Аққұм ауылдық клубы.Қырық үш жылдық тарихы бар ауылдық клуб 2012 жылы қайта салынып, пайдалануға берілген. Қазірде мұнда 15 адам жұмыс істейді. Клуб жанында көркемсөз, ән, би, қолөнер, домбыра үйірмелері бар және ардагерлер хор ұжымы құрылған. Соның ішінде «Айгөлек» би үйірмесін ерекше атап өтуге болады. Ауылдық клуб үйіне 2018 жылы «Балет және ұлттық би өнерін дамыту және қолдау қоры» демеушілігімен би залы толық жабдықталыпты. Қазірде би маманы Қуаныш Арайлым «Балауса», «Бал-бала» деп аталатын 2 топтан құралған «Айгөлек» би үйірмесіне жетекшілік етіп, оқушыларға бекзада өнердің қыр-сырын үйретіп келеді. Үйірмедегі 20 бала республикалық, облыстық, аудандық байқауларға қатысып жүлделі орындар иеленіп жүр. Атап айтсақ, «Балауса» би тобы «Amanat music» II Халықаралық конкурс фестивальінің облыстық 1-ші кезеңіне қатысып, «Ұлттық би» номинациясын алған және сол жылы аудандық «Мың бұралған бишілер» атты би байқауынан жүлделі II орын иеленген. «Балауса» би тобы республикалық «Дала сазы» және «Біз біргеміз» атты балалар өнер байқауларында Бас жүлде иеленді. Сондай-ақ, «Сыр сұлуы» атты аудандық би байқауынан I орын, V Республикалық «Жарық жұлдыз» атты республикалық балалар өнер байқауында Бас жүлдені жеңіп алды. «Біз бақытты баламыз» атты Республикалық байқаудан «Балауса» би тобы III орын алды. «Балауса» би өңірлік ХҮІІ жастар Дельфийлік ойындарынан облысқа жолдама алды. XIII «Ботақан» телефестивальінің аудандық кезеңіне қатысып, облысқа жолдама алды. 2022 жылы «Бал бала» би тобы республикалық «Жас жұлдыз» байқауына қатысып, Бас жүлде иеленсе, «Балауса» би тобы «Би – өнердің өрнегі» атты аудандық бишілер байқауынан жүлделі I орынмен марапатталды. Республикалық «JasSTAR» балалар байқауының іріктеу турынан III орын иеленді. Би топтарының репертуарында «Жаңа күн», «Қазақ биі», «Домбыра», «Тойбастар», «Брови», «Флешмоб», «Андижан полькасы», «Аққу», «Қойылым», Патриоттық флешмобтар және тағы басқа билер бар.Сонымен бірге, «Көңілді ноталар» ән үйірмесі де біршама баланы ән әлемінде әлдилеп келеді. Әнге әуес, жырға құмар бала елжанды азамат болып қалыптасады. Ән үйірмесіне қатысатын 14 өнерпаз ауылдық клубта өткізілетін барлық шараларға белсене ат салысып, өнерлерін көрсетіп жүр. Үйірме жетекшісі Айгүл Тұрабаева кәсіби маман. Ал, кәсіби мамандар жетекшілік еткен қайсыбір салада да жетістік болуы заңдылық.Республикалық «Өнер әлемі» конкурсынан ән жанры бойынша Ибрагим Арайлым 1 орын, «Тағзым саған, Ұлы Жеңіс» атты онлайн ән бауқауынан Қуаныш Арайлым 3 орын алса, республикалық «Біз біргеміз» атты балалар өнер байқауынан Ізбасар Аяулым және Алмас Айдос Бас жүлде иеленді. Ал V Республикалық «Жарық жұлдыз» атты балалар өнер байқауында Өміртай Мерей, Ізбасар Аяулым жүлделі I орын алды.«Тәуелсіз елім Қазақстаным» патриоттық ән байқауынан Ібан Жасмин III орын, «Тәуелсіздік – маңдайдағы бағым бұл» атты республикалық байқаудан Ізбасар Аяулым мен Халел Ақнұр I орын иеленді. «Біз бақытты баламыз» атты республикалық байқаудан Ізбасар аяулым II орын иеленді.Біздің бабаларымыздан қалған ұлттық құндылығымыз бен жауһарымыз, қымбат қазынамыздың бірі – асыл сөз. Сөз өнерін қазақтай құрметтеген, дәріптеген халық жоқ. Сондықтан сол бабалар қалдырған асыл мұрамызды сақтап қалу біздің міндетіміз. Осы орайда, Аққұм ауылдық клубындағы «Сырлы сөз» көркем сөз оқу үйірмесінің жұмысын айтуға әбден болады. Жиырма жылдан бері жұмыс істеп келе жатқан үйірмеде бүгінде 14 оқушы бар. Үйірме мүшелері аудандық, облыстық, республикалық байқауларға қатысып жүлделі орындар иеленіп келеді. Атап айтсақ, Бақберген Нұрай, Қосым Нұрлы, Әбілқасым Ақбота, Алмабек Гүлсезім, Нұрбол Қарақат, Қосым Нұрдәулет, Ибрагим Арайлым, Жандосұлы Думан, Сәкен Аягөз, Айтуған Данияр, Ибрагим Арайлым, Ержігіт Дамира, Айтжан Мерейлім, Сабыр Аяулым, Алдияр Жарқынай, Алпысбай Аяулым секілді өнерлі өрендер аудандық, облыстық, республикалық Абай, Мұқағали оқулары және түрлі мүшәйралардан бас жүлде мен І орынды иленген.Қолөнер біздің ұлтымызда бағзыдан бар. Көшпелі тұрмыс кешкен бабаларымыздың артына қалдырған құнды мұраларының бірі осы қолөнер және ол күні бүгінге дейін ұрпақтан-ұрпаққа жалғасып келе жатыр. Ауылдық клубтағы «Ақмаржан» қолөнер үйірмесі 2013 жылы құрылған. Үйірме жетекшісі Рысмахан Аида оқушыларды қолөнерге баулып, оның қыр-сырын үйретіп жүр. Клуб үйінде өткізілген келіндер сайысы, әжелер сайысы, ұжымаралық сайыстарда қолөнер шеберлері өздері дайындаған бұйымдарын үйірмеге тарту етіпті және сол бұйымдармен қолөнер бөлмесі жабдықталған. Үйірме мүшелері Әбілқасым Мақпал, Нұрматова Ақбаян, Қайсаева Мөлдір, Сүлейменова Базаркүл, Тұрсынова Назгүл, Қосым Нұрым, Қосым Нұрдаулет, Қауынбай Динара, Халел Ақгүл, Қадырбек Инабат секілді жас қолөнершілер аудандық, облыстық, республикалық байқауларда өздерінің жұмыстарымен көпшілікті таңғалдырып, жүлделі орындар иеленіп жүр.Қай кезде де халқымыз ардагерлер институтын іске қосып, оны ұлттық тәрбиенің бір тетігіне айналдырып отырған және бұл қазіргі біздің қоғамға аса қажет. Міне, Аққұм ауылдық клубындағы «Қазына» ардагерлер хор ұжымы өз миссиясын мүлтіксіз атқарып келеді. Құрылғаннан бастап ардагерлер аудандық мәдени шараларға және облыстық аудандық байқауларға белсене қатысып, жүлделі орындарға ие болып келеді. «Қарты бар ел – қазналы ел» атты шежірешілер байқауында Байділда Сәрсенов қатысып, жүлделі ІІ орынды иеленсе, «Қартын қадірлеген ел ардақты» атты ардагерлер байқауында «Қазына» хор ұжымы қатысып Бас жүлде және «Қарты бардың қазынасы мол» атты республикалық байқауда жүлделі ІІ орын, «Қартын қадірлеген ел ардақты» аудандық байқауда ардагерлер жүлделі ІІІ орын, республикалық «Өз жұлдызыңды жақ» атты байқауда ардагерлер хор ұжымы Бас жүлде және ардагерлерден құрылған трио тобы жүлделі І орынмен марапатталды. «Бата – бірлік бастауы» атты аудандық байқауда Байділда Сәрсенов «Парасатты қария» номинациясымен марапатталды. «Қарттарын қадірлеген ел ардақты» атты аудандық байқауда «Қазына» хор ұжымы жүлделі ІІ орын, осы байқаудың облыстық кезеңінде Айтмаханов Арыстан жүлделі ІІІ орын иеленді. «Сөздің ең ұлысы – тарих» атты облыстық шежірешілер байқауында Байділда Сәрсенов жүлделі І орын иеленді.Хор ұжымының ән қоржынында «Арыс жағасында», «Гүлдерайым», «Ақтамақ», «Айқаракөз», «Атамекен», «Қызылорда вальсі», «Шәмші әндерінен попури», «Бипыл», «Дударай» секілді әндер бар және ол әндер аудан, облыстағы үлкен сахналардан әуелетіп шырқалып, тыңдарманын тамсандырып келе жатыр.Аққұм ауылдық клубы ҚР Мәдениет және спорт министрлігінің ұйымдастыруымен өткен «Рухани қазына – 2020» республикалық байқауында «Үздік ауылдық мәдениет Үйі» номинациясы бойынша жеңімпаз атанған.<blockquote>«Мәдениет – өркениеттің бастауы. Сондықтан біздің ойымыздағы елдік мүдденің басында осы мәдениетімізді өркендету жұмыстары тұруы тиіс және біз ұжым болып сол мақсатта тынымсыз еңбек етіп келе жатырмыз. Біз мәдениетіміздің өркендеуіне қызмет етсек, мәдениет ұлт руханиятына қызмет етеді.Ауылдық клубтар талай өнерпаздарды тәрбиелеп шығарды. Бүгінде республикаға танымал өнер өкілдерінің көбі ең алғаш осындай ауылдық клубтардан бойындағы өнерін шыңдаған. Ауыл клубында тек іс шара ғана өтпейді, көптеген өнерпаздарды өнерге баулып жатырмыз. Жыл сайын ауылдағы мәдениет ошағының тынысы кеңейіп, мазмұнды, мәнді, ұлт мәдениетін өркендету жолында игілікті жұмыстар атқарып келеміз», – дейді «Аққұм ауылдық клубы» КМҚК басшысы Гүлжайна Айтжанқызы. &nbsp;</blockquote><img src="https://knadmin.beoblood.kz/uploads/dsc4374_1024x683_2e9cdaaab7.jpg" alt="dsc4374-1024x683.jpg">

Аққұм ауылдық клубының ауқымы кең

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қазақстанда халықаралық және пилоттық мектептер оқу жылының басталу және аяқталу уақытын өздігімен белгілеуді сұрап отыр, деп хабарлайды Оқу-ағарту министрлігінің баспасөз қызметі.&nbsp;<blockquote>«Бұл мектептердің басшылары бұған дейін Оқу-ағарту министрлігіне осындай өтінішпен жүгінген болатын. Бұл жалпы білім беретін мектептерге қатысы жоқ екенін еске сала кетейік. Себебі онда оқу мерзімі өзгеріссіз қалады», - деп түсіндірді министрліктен.</blockquote>Ұсыныста халықаралық және бірқатар пилоттық жекеменшік мектептің өкілдері қысқы каникул мерзімін, сондай-ақ оқу жылының басталу және аяқталу мерзімін дербес реттеуге мүмкіндік беруді сұраған. Мәселен, ЖРВИ (жіті респираторлық вирусты инфекциялар) ауруы өршіп, аяздар күшейетін қысқы мезгілде оқушылар көбірек демалып, оның орнына жазда ұзағырақ оқиды. Яғни оқу жылын 1 қыркүйекте емес, 20 тамызда бастау ұсынылады.ҚР Оқу-ағарту министрлігі Орта білім комитетінің төрағасы Гүлмира Кәрімованың айтуынша, халықаралық мектептерге қойылатын жеке талаптар мен нормалар қазірдің өзінде бар.<blockquote>«Сол себепті академиялық еркіндік шеңберінде шешім қабылдау – бұл бұрыннан бар тәжірибе. Кейбір халықаралық және пилоттық жекеменшік мектептер оқу жылын өз бетінше 20 тамызда бастайтынын білеміз. Бірақ олар оны жазғы мектеп немесе дайындық кезеңі деп атайды, алайда олар сол кезден бастап бағдарлама бойынша оқиды. Осы күндер есебінен олар қыста балаларға екі аптаға ұзағырақ демалыс береді.36 апталық оқу жылы қандай болмасын, міндетті демалыс күндерінің саны және оқу жылының басталуы мен аяқталуының жалпы мерзімдері әлі де халықаралық мектептер үшін әрекет етеді. Ал жалпы тәсілдер шеңберінде жекеменшік және халықаралық мектептердің өздері мерзімдерді реттеу мүмкіндігін қарастыруға болады. Бұл ұсыныс қоғамдық талқылауға шығарылды. Қалған мектептің барлығы үшін оқу жылының басталу және аяқталу мерзімі өзгеріссіз қалады», - деді Гүлмира Кәрімова.</blockquote>

Қазақстанда жекеменшік мектептер каникул уақытын өздігімен белгілеуі мүмкін

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қылмыстық-атқару жүйесіне қарасты №68 мемлекеттік мекемесінде мемлекеттік тіл кеңінен насихатталады. &nbsp;Осы орайда, жеке құрам арасында мемлекеттік тілдің қолданыс аясын кеңейту және дамыту үшін мекеменің жас жеке құрам қызметкерлері арасында «Тіл жүйрігі - ең жүйрік» тақырыбында іс-шара өтті.Шараның мақсаты - жас қызметкерлерді тіл тазалығын сақтауға, мәдениетті сөйлеуге баулу, бойларына шешендік өнерді сіңіре отырып, ана тіліне деген сүйіспеншілігін артттыру, мемлекеттік тіл мәртебесін көтеруге атсалысуға шақыру болып табылды.Шара барысында қызметкерлер үш кезең бойынша бақ сынап, мемлекеттік тілдің мерейін үстем етті. &nbsp;Погондағы &nbsp;жас азаматтар, сөз мәйегі мақалдың жалғасын жаңылмай тауып, даналық сөздерден тұщымды ой түйіп, шешендігін танытты. Сонымен қатар викториналық сұрақтарға жылдам жауап берді. Сондай-ақ өз өнерлерін ортаға салды.&nbsp;Қорыта айтқанда барлық қатысушы шараға белсене қатысып, мемлекеттік тілге деген ерекше құрметін білдірді.<blockquote>«Бүгінгі іс-шарада Мұхтар Шахановтың «Рух пен тіл» өлеңін оқыдым. Ұлт патриотының тіл жөніндегі ойларын құптаймын. Тіл мәртебесі – ел мерейі. Тілсіз халықтың, елдің өмір сүруі мүмкін емес. Әлем таныған ел болу үшін &nbsp;Қазақстанның әр азаматы &nbsp;тіліміздің жұлдызын биіктетуіміз керек, яғни ана тілімізді шұбарламай, таза, табиғи мәнерінде сөйлеуіміз керек», - дейді Режим және күзет бөлімінің бақылаушысы Асылжан Әбдішүкір.</blockquote><figure class="image"><img src="https://knadmin.beoblood.kz/uploads/e7392878_41b8_473d_9483_27f4604dce74_1a8e5d9680.jpg" alt="e7392878-41b8-473d-9483-27f4604dce74.jpg"></figure>

Қызылордада жеке құрам тіл мерейін үстем етті

<a href="https://kyzylorda-news.kz/">Kyzylorda-news.kz.</a> Қызылордада «Автобус» іс-шарасының екі күнінде жол қозғалысы ережесін бұзудың 174 дерегі анықталды.ҚР ІІМ-нің нұсқауына сәйкес, облыс көлемінде өтіп жатқан «Автобус» жедел-профилактикалық іс-шарасының 2 күнінде жолаушылар тасымалдауды жүзеге асырушылар тарапынан жол жүрісі қағидаларын бұзудың барлығы 174 дерегі анықталды.Оның ішінде, жолаушыларды, багажды және жүктерді тасымалдау қағидаларын бұзған - 22,тасымалдау кезінде жүргізушілердің еңбек және демалыс режимін бұзған - 1,заңсыз қайта жабдықтаған - 30, рейс алдындағы қарап тексеруден өтпеген - 17, міндетті техникалық байқаудан өтпеген – 18, көлік басқару кезінде ұялы телефон пайдаланған &nbsp;32 жүргізушіге қатысты әкімшілік хаттамалар толтырылды. ҚР-ның міндетті сақтандыру заңнамасын бұзған 8 &nbsp;хаттама &nbsp;толтырылды.Сонымен қатар, облыс бойынша адамдарды тасымалдайтын 78 автобустың жылыту, &nbsp;электр жабдықтары және т.б. жағдайы тексерілді. &nbsp;Айып тұрағына 3 автокөлік қойылып, 5 көліктің мемлекеттік белгілері шешілді.&nbsp;Бұл бағыттағы жұмыстар өз жалғасын табатын болады.Айта кетейік, бұған дейін Қармақшы ауданында «Автобус» жедел-профилактикалық іс-шарасы жалғасып жатқанын <a href="https://kyzylorda-news.kz/kogam/kharmakhshy-audanynda-avtobus-zhedel-profilaktikalykh-is-sharasy-zhalghasuda-07-12-2022">хабарлаған болатынбыз</a>.&nbsp;<figure class="image"><img src="https://knadmin.beoblood.kz/uploads/318475192_680922337020254_3380800530371054232_n_f9d2b58d11.jpg" alt="318475192_680922337020254_3380800530371054232_n.jpg"></figure>

«Автобус»: Екі күнде 170-тен астам дерек тіркелді 

<a href="https://kyzylorda-news.kz/">Kyzylorda-news.kz.</a> Кепілді сақтандыру төлемдері жүйесі қалай жұмыс істейтіні және 2022 жылғы қыркүйектен бастап Қазақстанның сақтандыру нарығында қандай жаңалықтар орын алғаны жөнінде&nbsp;Fingramota.kz-ке «Сақтандыру төлемдеріне кепілдік беру қоры» АҚ-та айтып берді.&nbsp;Көпшілік банк салымдарына Қазақстанның депозиттерге кепілдік беру қорының кепілдіктері қолданылатын біледі. Сол себепті салымшылар өз депозиттері үшін сенімді, бастысы, оның сомасы кепілдік өтемінің ең жоғары сомасынан аспаса болды ұлттық валютада жинақтау салымдары (депозиттер) бойынша 20 млн теңге; ұлттық валютада карточкалар, шоттар және басқа депозиттер бойынша 10 млн теңге; шетел валютасында карточкалар, шоттар және депозиттер бойынша 5 млн теңге.Сақтандыру нарығында да ұқсас жүйе бар. 2003 жылы осы мақсаттар үшін «Сақтандыру төлемдеріне кепілдік беру қоры» АҚ (бұдан әрі – Қор, СТКҚ) құрылды.Қор немен айналысады?&nbsp;Бұл сақтанушыларға сақтандыру төлемдерін жүзеге асыруға кепілдік беретін Қазақстандағы жалғыз ұйым, ол сақтандыру ұйымы мәжбүрлеп таратылған кезде кредиторлардың құқықтары мен заңды мүдделерін қорғауды жүзеге асырады.СТКҚ акционерлік ұйым нысанындағы коммерциялық емес ұйым болып табылады, ол өзінің қызметін салалық заңның және құрылтай құжаттардың негізінде жүзеге асырады. Қордың акционерлері өз қызметтерін сақтандырудың кепілдік берілетін түрлері (сыныптары) шеңберінде жүзеге асыратын сақтандыру ұйымдары болып табылады. Оның қызметін бақылау және қадағалауды ҚР Қаржы нарығын реттеу және дамыту агенттігі жүзеге асырады.Реттеуші Қорда жиналған кепілдік резервтерінің сақталуы мақсатында оларды есепке алу және сенімді қаржы құралдарына инвестициялау бойынша, сондай-ақ тәуекелдерді басқару жүйесіне талаптар белгіледі. Кастодианның тарапынан олардың есебінен кепілді төлемдер жүзеге асырылатын СТКҚ активтерінің нысаналы пайдаланылуына бақылауды күшейтті.2022 жылғы 12 қыркүйекте «Қазақстан Республикасының кейбір заңнамалық актілеріне сақтандыру нарығын және бағалы қағаздар нарығын реттеу мен дамыту, банк қызметі мәселелері бойынша өзгерістер мен толықтырулар енгізу туралы» Қазақстан Республикасының Заңы (бұдан әрі – Заң) күшіне енді, ол Заңмен Қордың қолданыстағы өкілеттіктері кеңейтілді.Сонымен қатар, СТКҚ қызметінің айқындылығын қамтамасыз ету және сақтандыру қызметтерін тұтынушылардың құқықтарын қорғау мақсатында Қорға қаржы ұйымының мәртебесі берілді.Сақтандыру нарығының тұрақтылығын арттыру бойынша дамыған елдердің тәжірибесін алу, экономикалық, сондай-ақ саяси сипаттағы өзгерістерге сезімтал сақтандыру төлемдері жүйесін құру, тәуекелдерді басқарудың барабар жүйесін құру үшін СТКҚ 2022 жылы Full Member of IFIGS (International Forum of Insurance Guarantee Schemes) мәртебесін алды.Сақтандыру ұйымдарының клиенттері үшін қандай өзгерістер болды?Маңызды өзгерістердің ішінде сақтандырудың кепілдік берілген түрлерінің (сыныптарының) тізімін кеңейтуді атап өтуге болады. Кепілдіктер міндетті сақтандырудың барлық сыныптарына қолданылады, бұдан басқа, Мемлекеттік білім беру жинақтау жүйесі (МБЖЖ) шеңберінде өмірді сақтандыру кепілдендірілген әлеуметтік маңызы бар сақтандыру түрлеріне қосылды.Бұған дейін Қазақстанда сақтандыру төлемдеріне кепілдік беру жүйесі міндетті сақтандырудың 3 түрі (көлік құралдары иелерінің азаматтық-құқықтық жауапкершілігін, тасымалдаушының жолаушылар алдындағы азаматтық-құқықтық жауапкершілігін міндетті сақтандыру және туристі міндетті сақтандыру) және аннуитеттік сақтандырудың 2 түрі (қызметкер еңбек (қызметтік) міндеттерін атқарған кезде оны жазатайым оқиғалардан міндетті сақтандыру шеңберіндегі аннуитет және зейнетақы аннуитеті) бойынша сақтандыру төлемдерін жүзеге асыруды көздеген болатын.Сондай-ақ, Заңда Қор реттеуші сақтандыру ұйымын лицензиядан айыру және уақытша әкімшілікті тағайындау туралы шешім қабылдаған күннен бастап кепілдендірілген төлемдерді жүзеге асыру бойынша міндеттемелер жүктейтінін көздейтін өзгерістер енгізілді. Енді тұтынушыларға сақтандыру ұйымын тарату туралы сот шешімін күтудің қажеті жоқ.Мысалы, сіз МБЖЖ немесе зейнетақы аннуитеті шеңберінде сақтандыру өнімін мемлекет субсидиясымен сатып алдыңыз, бірақ шарттың қолданылу мерзімі ішінде сақтандыру ұйымы таратылды. Алаңдаудың қажеті жоқ, өйткені жаңа сақтандырушы таңдалғанға дейін сақтандыру ұйымының аталған сақтандыру түрі бойынша міндеттемелері ауысатын СТКҚ сіздің алдыңызда өз міндеттемелерін орындайды.Мұндай жағдайларға Қордың сақтандыру төлемдеріне кепілдік беру бойынша арнайы резервтері бар. Сақтандыру қызметтерін тұтынушыларға кепілдендірілген төлемдердің үздіксіздігін қамтамасыз ету үшін сақтандыру ұйымының лицензиясынан айырылған жағдайда сақтандыру портфелін беру Қор активтері есебінен жүзеге асырылады.Тағы нені білген жөн?Сондай-ақ, Қор сақтандыру ұйымы таратылған жағдайда ғана емес, сонымен қатар ЖКО бойынша кінәлі тарап анықталмаған немесе оқиға орнынан қашып кеткен кезде жәбірленушінің өміріне немесе денсаулығына ауыр зиян келтірілген кезде де төлем жүргізеді.Бұл ретте Қорға жүгіну бойынша бұрын қолданыста болған талаптар оқиға болған сәттен бастап бір жыл ішінде, сондай-ақ денсаулыққа ауыр зиян келтірілген кезде ғана төлемді жүзеге асыру алып тасталды.Қор моральдық залалды, жіберіп алған пайданы, сақтандыру шарты бойынша айыпақыны және бұрын мәжбүрлеп таратылатын сақтандыру ұйымынан сот тәртібімен өндіріп алынған өзге де шығыстарды өтемейтінін есте ұстаған жөн.Осылайша, сақтандыру нарығында «Сақтандыру төлемдеріне кепілдік беру қоры» АҚ сияқты институттың болуы тұтынушыға кез келген тәуекелдерден, оның ішінде сақтандыру ұйымы лицензиясынан айырған жағдайда өзін қауіпсіз сезінуге мүмкіндік береді.Қордың қызметімен толығырақ сайтынан танысуға болады. Fingramota.kz-пен бірге қаржылық сауаттылығыңызды арттырыңыз!<figure class="image"><img src="https://knadmin.beoblood.kz/uploads/registracija_e6012dd927.jpg" alt="registracija.jpg"></figure>

Қазақстан және Қызылорда облысының жаңалықтары