<a href="https://kyzylorda-news.kz/">Kyzylorda-news.kz.</a>&nbsp; Жақсылық Үшкемпіров атындағы елорданың Жекпе-жек сарайында екі күн бойы қоян-қолтық ұрысының жанкүйерлері еліміздің кіл мықты спортшыларының қызықты өнерін тамашалады.&nbsp;Бұл турнир Қорғаныс министрлігі мен Бүкілқазақстандық қоян-қолтық ұрыс қауымдастығының қолдауымен бесінші рет өткізіліп отыр. Қорғаныс министрінің кубогы үшін тартысты сайысқа бұл жолы елдегі күштік құрылымдардан 15 команда құрамында 160-тан аса спортшысы қатысып, бағын сынады.Жарыс қорытындысына келсек, қоян-қолтық ұрыстан жалпы командалық есепте Қорғаныс министрлігі Орталық спорт клубының командасы үздік деп танылса, екінші орын Ішкі істер министрлігінің өкілдеріне, ал үшінші орын Қорғаныс министрлігінің спортшыларына бұйырды.&nbsp;Ерлер арасындағы жеке есепте жеңіс тұғырынан көрінгендер: 57 келіге дейінгі салмақта Асхат Жылысбеков (ІІМ), 62 келіге дейін – Бауыржан Сұлтанов (Қорғаныс министрлігі), 67 келіге дейін – Бауыржан Асылбеков (Мемлекеттік күзет қызметі), 73 келіге дейін – Тимур Серікұлы (ҚМ Орталық спорт клубы), 80 келіге дейін – Айдын Төлепбаев (ІІМ), 88 келіге дейін – Ілияс Мұхамәдиев (Ұлттық қауіпсіздік комитеті), 97 келіге дейін – Еламан Қуатов (Қорғаныс министрлігі), 97 келіден жоғары – Жеңіс Ердәулет (Мемлекеттік күзет қызметі).Әйелдер арасында 52 келіге дейін Аян Тұрсын (ҚМ Орталық спорт клубы), 65 келіге дейін – Сора Рахмонова (ҚМ Орталық спорт клубы), 75 келіден жоғары – Саида Хасенова (ІІМ) жеңіске жетті.&nbsp;Турнир қорытындысы бойынша «Үздік техникасы үшін» номинациясы Ілияс Мұхамәдиевке (Ұлттық қауіпсіздік комитеті), «Жеңіске деген жігері үшін» – Арман Әбетановқа (ҚР Қаржы мониторингі агенттігі) табысталды. Аталған шараны ұйымдастыруға қосқан үлесі үшін бокстан Олимпиада ойындарының күміс жүлдегері Василий Левит те атап өтілді.Жабылу рәсімі барысында Қорғаныс министрі генерал-полковник Руслан Жақсылықов әскери қызметшілер мен құқық тәртібін сақтаушылардың жауынгерлік даярлығындағы қоян-қолтық ұрыстың маңызды екенін атап өтті. Ол турнирдің жеңімпаздары мен жүлдегерлерін құттықтап, жарыстың барлық қатысушыларына алғысын білдірді, жаңа жеңістер мен табыстарға қол жеткізу үшін табандылық тіледі.&nbsp;Командалық есепте жеңімпаздар мен жүлдегерлер Қорғаныс министрінің атынан кубоктар алып, ал сайыс чемпиондары мен жүлдегерлері медальдармен, грамоталармен және ақшалай сыйлықтармен марапатталды.Біліктілік нормативтеріне сәйкес жеңімпаздарға «Қазақстан Республикасының спорт шебері» атағы берілетін болады.<figure class="image"><img src="https://knadmin.beoblood.kz/uploads/316953128_641551554335646_7378417789809612989_n_74fe295a0e.jpg" alt="316953128_641551554335646_7378417789809612989_n.jpg"></figure>&nbsp;<figure class="image"><img src="https://knadmin.beoblood.kz/uploads/317902275_641551517668983_7444793116337322113_n_d222a1af8b.jpg" alt="317902275_641551517668983_7444793116337322113_n.jpg"></figure>

Орталық спорт клубының командасы қоян-қолтық ұрыстан Қорғаныс министрінің кубогын иеленді

<a href="https://kyzylorda-news.kz/">Kyzylorda-news.kz.</a> Astana Hub халықаралық IT стартаптар технопаркі мен Қорқыт ата атындағы Қызылорда университетінің ұйымдастыруымен IDEA BATTLE байқауы өтті.Іс-шараның мақсаты – стартаптарды қолдау, ел ішіндегі стартап мәдениетін насихаттау және Қазақстан аймақтарында цифрландыруды дамыту үшін үздік IT идеяларды анықтау.&nbsp;Модератор − Тубекбаев Жанарыс Алтынбекұлы – Astana Hub халықаралық технопаркінің Қызылорда бойынша аймақтық менеджері, лицензияланған модератор.3 минуттық питч форматында инновациялық идеяларды қабылдаған IDEA BATTLE байқауының жүлде қоры 500 000 теңгені құрады. Нұрлан Құлмырзаев, Алмат Қуанышбаев, Бағдат Қадырбеков, Мақсат Мугалов, Ержан Кенжеев аталмыш байқауда төрелік етті. Студенттер мен жастардың қатысуымен өткен бүгінгі байқауда 30 жоба қорғалды.Айта кетейік, Қорқыт Ата атындағы Қызылорда университетінде бес жылдан бері кәсіп ашуға қызығушылығы бар жастар үшін «Кәсіпкерлік орталығы» жұмыс істейді. Орталық жастардың инновациялық және IT саласының жобаларын дамытумен айналысып келеді. Сәйкесінше, биыл алғаш рет Astana Hub халықаралық стартаптар технопаркімен бірлесіп «Startup Orda» атты инкубациялық жоба іске қосылды. &nbsp; &nbsp;<figure class="image"><img src="https://knadmin.beoblood.kz/uploads/318126332_640123871190482_1927141374620755779_n_02cdbf095c.jpg" alt="318126332_640123871190482_1927141374620755779_n.jpg"></figure>

Қызылордада IDEA BATTLE байқауы өтті

<a href="https://kyzylorda-news.kz/">Kyzylorda-news.kz.</a>&nbsp;Қазақ халқының асыл өнеріне бар ғұмырын арнаған мәдениет майталманы, киелі өнер иесі, танымал сазгер әрі қаншама төл туындының авторы Құлахмет Нәлтаевтың шығармашылығына арналған «Саз серісі» атты тақырыпта өрбіген мазмұнды кеш киелі Жаңақорған ауданы Аққорған жерінде өтті.Құлахмет Нәлтаев оркестр орындауында керемет туындылармен Қазақстанның түкпір-түкпірін аралап, өнерін көрсетті. Дирижерлікті меңгерген шебердің өз құпиясы да бар. Айтуынша, адам үнемі ізденіспен қатар еңбекқорлық қасиет те қажет.Кеште Бахытгүл Тасхожаеваның орындауындағы «Қызыл орамал» әні көрерменнің көзайымына айналса, «Түгіскен маршы» атты туындысы ауыл тұрғындарының әнұраны іспеттес.Сексенге жуық ән жазып, бірнеше күйді өмірге әкелген Жаңақорған аудандық ұлт аспаптар оркестрінің дирижері, аудандық хордың жетекшісі, сазгер, күйші Құлахмет Нәлтаевтың төл туындылары Сыр жұртына кеңінен танымал. Әлі де жазары көп сазгердің шәкірттері, ізінен ерген іні-қарындастары осы күні қазақ өнерінің шыңына қадам басып, кейбірі ән әлемін мойындатып келеді. Міне, осындай ұстазға құрмет көрсеткен Түгіскен ауылдық клуб үйі ұжымы «Әлшекей» өнер мектебі мен «Түгіскен балалар мектебі» және «Бесарық өнер мектебінің» ұстаздарының басын бір арнада тоғыстырды.Сан өнердің саңлағына арналған бұл кеш шағын қойылыммен басталып, соңы Құлахмет Нәлтаевтың дирижерлық етуімен Құрманғазының «Адай» күйімен жалғасын тапты. Одан әрі ұлылардан қалған ұлттық мұраны өлтірмей, оны ұрпақтан ұрпаққа жеткізу жолында аянбай тер төгіп келе жатқан ұстаздың өзі Әлшекейдің «Отарбасын», Бәден Айсыновтың «Егемен Қазақстан», «Наурыз» және өзінің жүрекжарды «Жеңіс» туындысын орындаса, оркестрдің сүйемелдеуімен Құралай Әлиева «Ауылым», «Жайнайбер жастар» әнін көрерменге ұсынып, Олжас Ормаханов «Айттым сәлем, Қаламқасты» нақышына келтіріп орындады.Жөргегі жырдан, әлемі әннен, сұлулығы сазбен өрілген, өнегелі өмірі көпке үлгі жанға бұл күні алыстан ат терлетіп, ұлағатты жолын көрсетіп келген қонақтар қатарында Құлахмет ағамыздың өмірдегі ұстазы, сексеннің сеңгіріне шыққан ардагер ағамыз Зинабдин Шермағамбетов, сырдың тұмса таланты Сауран Елеуов, сыр сүлейлерінің сарқыты, ақын әрі кеш иесінің айнымас досы Серік Ыдырысов, аудандық ардагерлер кеңесі төрағасының орынбасары Пахмадин Айнақожаев және Мадияр Ахметов, Қалдыбай Қошбарбаев, Талғат Байбатыров, Ермаханбет Ибрагимов, Ермағамбет Құлымбетов, ауыл ақсақалдары мен ауыл әкімі Серік Туғанбаевтар болды. Олар кеш иесіне жылы лебіздерін қоса жеткізді.Алғаш болып сөз алған ауданның құрметті азаматы, ардагер Зинабдин Шермағамбетов:<blockquote>«Ауылдан, соның ішінде шәкірттерімнің арасынан осындай ардақты азаматтың шыққанына көкірегімде үнемі мақтаныш сезімі ұялайды. Өнер атты жолды таңдаған Құлахмет жастайынан өнер өрісін кеңейтуді көздеді және осы мақсатына жетті. Оған дәлел, осы қазір сахна төрінде орындалған жан тебірентер әндері мен күйлері. Жалпы, адам баласының жан жақты, өнерлі болғаны, алға ұмтылғаны дұрыс. Ал адамның жан дүниесін ақтару үшін оған ән айтқызу керек, сонда ғана оның өнерді – құдіретті күш, адамның жан серігі, рухани байлығы деп бағалағанын түсінесің. Түптеп келгенде қандағы өнерге деген тектілік шәкіртімді мәдениет саласына алып келді. Мен осыған қуанамын», – деді ұстаз.</blockquote>Облысқа белгілі суырып салма ақын, талай аламанда топ жарған ақтаңгер Серік Ыдырысовтың да жүрекжарды тілегі көпті толқытты.<blockquote>«Ұстаздан шәкірт озса игі» демекші, осындай рухани кештің өтуіне мұрындық болған Нәлтаевтың шәкірті, Бахытгүл Тасхожаеваны әңгімеге тарттық. – Өнер жолы – ауыр жол. Оны жүріп өту ерік-жігері мықты, еңбекқор, мақсатына адал адамдардың ғана қолынан келеді. Міне, осы айтылған қиындықты еңсерген Құлахмет ұстазымды «өнерді өмір деп таныған өнер майталманы» деп толықтай айта аламын. Ағайдың соқпағы көп жолда тума талантымен танылып қана қоймай, артыңда өшпестей із қалдырып жатқанының өзі нағыз бақыт», – деді ол.</blockquote>Расында, оркестрде жиырмаға жуық адам болса бас домбыра, прима, виоленчель, тіпті сазсырнай мен сылдырмақтың тұтас әуенін үйлестіріп нотаға түсіруде кәсібилік аздық етеді. Оған түйсіктің алғырлығы мен сезімнің ұшқырлығы да қажет.&nbsp; &nbsp;<img src="https://knadmin.beoblood.kz/uploads/318427057_2361496633999728_8441817975821723404_n_4caaa31c37.jpg" alt="318427057_2361496633999728_8441817975821723404_n.jpg">

Құлахмет Нәлтаевтың «Саз серісі» атты шығармашылық кеші өтті

<a href="https://kyzylorda-news.kz/">Kyzylorda-news.kz.</a> Қызылорда облыстық «Жастар ресурстық орталығы» мекемесінің психологы Гүлжайна Нетбаеваның ұйымдастыруымен 3 желтоқсан — Халықаралық мүгедектер күні қарсаңында облыстық №6 есту қабілеті бұзылған балалардың арнайы (түзету) мектеп-интернатының оқушыларына арт-терапия өткізілді.&nbsp;Оқушылар алдымен Жастар ресурстық орталығының жұмысымен, орталық ғимаратымен танысып, түрлі мағлұматтар алды. Бұдан кейін орталық қызметкері, талантты кескіндемеші А.Абдрашеваның сүйемелдеуімен акварель көмегімен &nbsp;арнайы дайындалған композицияны салып, шығармашылық эксперимент жасады. Оқушылар арт-терапия барысында сурдолог-педагогтың көмегіне жүгініп, орталық мамандарымен кері байланыс орнатты.&nbsp;Терапия барысында суреттермен танысып, бояғышты таңдап, жұмысын жетілдіре отырып, эстетикалық талғамын шыңдады. Шара соңында оқушылар ұйымдастырушыларға сурдолог көмегімен алғыстарын айтып, естелік суретке түсті.Айта кетейік, психолог Гүлжайна Нетбаева жасөспірімдермен, жастармен үздіксіз жұмыс жасап келеді. Психолог-маман бұған дейін Қызылорда облыстық девиантты мінез-құлықты балаларға арналған мектеп интернатының оқушыларына психологиялық кеңес берген <a href="https://kyzylorda-news.kz/kogam/zhastar-ortalyghynda-okhushylargha-psihologiyalykh-kenges-berildi-30-11-2022">болатын</a>.&nbsp;<figure class="image"><img src="https://knadmin.beoblood.kz/uploads/318796650_1407171303390858_812441692934669010_n_f9d3014bcf.jpg" alt="318796650_1407171303390858_812441692934669010_n.jpg"></figure>

Қызылордалық оқушыларға арт-терапия өткізілді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Сыр еліне жұмыс сапарымен келген Қазақстан Республикасының Әділет вице-министрі Бекболат Молдабековпен кездесті.Вице-министр ұлттық заңнаманы қалыптастыру және дамыту шеңберіндегі жұмыстардың маңыздылығына тоқталды. Мұнан бөлек, өңірде зияткерлік меншік құқығын қорғау, жылжымайтын мүлікке құқықтарды мемлекеттік тіркеу саласындағы қызметтер сәтті түрде жүзеге асқанын тілге тиек етті.Әділет министрлігі 119 нөмірі бойынша тегін тәулік бойы құқықтық ақпараттық кеңес береді.Биыл «Адвокаттық қызмет және заң көмегі туралы» Заңға өзгерістер енгізіліп, тегін заң көмегін алатын азаматтардың қатары артты. Осы жылдың 11 айында Қызылорда облысында 5 мыңға жуық азаматқа тегін заң көмегі көрсетілген.Кездесу соңында алдағы уақытта бірлескен жұмыстарды атқару мәселесі пысықталды.Айта кетейік, Бекболат Молдабеков Достық үйінде Қызылорда облысының тұрғындары және қоғамдастық өкілдерімен <a href="https://kyzylorda-news.kz/kogam/khr-aedilet-vice-ministri-khyzylorda-oblysyna-zhumys-saparymen-keldi-07-12-2022">кездесу</a> өткізді. Кездесуде Констиутцияда көрсетілген жаңа Заңның талаптары айтылып, тұрғындар өзекті мәселелерін ортаға салды. Сонымен қатар іс сапар барысында вице-министр аймақтың тілшілеріне сұхбат беріп, Конституцияға енгізілген өзгерістерді баяндап өтті.&nbsp; &nbsp;<figure class="image"><img src="https://knadmin.beoblood.kz/uploads/318869632_1682681258794046_7076135572917356020_n_63cb2e4c8f.jpg" alt="318869632_1682681258794046_7076135572917356020_n.jpg"></figure>

Нұрлыбек Нәлібаев ҚР Әділет вице-министрімен кездесті

<a href="https://kyzylorda-news.kz/">Kyzylorda-news.kz.</a> Сырдария &nbsp;ауданы көлемінде «Автобус» жедел-профилактикалық іс-шарасы басталды.Аудан бойынша жолаушылар мен жүктерді тасымалдауды жүзеге асыратын жүргізушілер арасында көлікті тәртіпті арттыру мақсатында ағымдағы жылдың жылғы 5-11 желтоқсан аралығында республикалық «Автобус» жедел-профилактикалық іс-шарасы жүргізілуде. Аталған іс-шарада бірқатар тәртіп бұзушылықтың алды-алу жүргізіледі.Іс-шара барысында автокөлік қозғалысының ықтимал жасырын бағыттарын анықтау, оның ішінде, заңсыз жолаушылар тасымалымен айналысатын жеңіл такси автокөліктері бойынша құқық бұзушылықтарды анықтау бойынша Көліктік бақылау инспекциясы өкілдері қатарынан мобильді топтар құрады. Сонымен бірге рейс алдында жүргізушіні медициналық қарау, олардың еңбек және демалыс режимін сақтауына және сапарға шығатын автокөліктерді міндетті түрде техникалық тексеруге ерекше назар аударылатын болады.Айта кетейік, «Автобус» жедел-профилактикалық іс-шарасының маңызы &nbsp;зор. Жүргізушілердің жол ережесін сақтауда ескерілетін мәселелер назардан тыс қалмайды. Жолаушыларды тасымалдау үшін автобус жүргізушілерге қойылатын талап жоғары. Сондықтан аудан бойынша автобус жүргізетін жандар &nbsp;іс-шара өту барысында керекті ақпаратты &nbsp;сала мамандарынан алуға болады.<figure class="image"><img src="https://knadmin.beoblood.kz/uploads/avtobus_d42e4efbdb.jpg" alt="автобус.jpg"></figure>

Сырдария ауданында «Автобус» жедел-профилактикалық іс-шарасы жүріп жатыр

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Кемелұлы Тоқаевтың қатысуымен «Алтын сапа» және «Парыз» республикалық конкурсы жеңімпаздарын салтанатты марапаттау рәсімі өтті.Президент келесі жылдан бастап «Парыз» байқауының жеңімпаздарын анықтау кезінде қосымша талаптар болатынын атап өтті. Оның айтуынша, бұл – ерекше қажеттіліктері бар азаматтар үшін қолжетімді орта қалыптастыруға үлес қосу. Бұл – мемлекетіміз бен бизнестің азаматтарымыз алдындағы ортақ борышы.Биыл байқауға Қызылорда облысы бойынша 33 кәсіпорын өтінім берді. Конкурс нәтижесінде «Үздік әлеуметтік жауапты кәсіпорын» номинациясымен қызылордалық «Жаңажол» ЖШС марапатталды.Орынбасар Төлепов басшылық ететін кәсіпорынның негізгі бағыттары - күріш өсіру және ішінара мал шаруашылығы. Соңғы 20 жылдан бері күріштің өнімділігі тұрақты болып, облыста алдыңғы қатардағы шаруашылықтардың біріне айналды. Бүгінде шаруашылықта 400-ден астам маман жұмыспен қамтылған.Ал, «Еңбекті қорғау саласындағы үздік кәсіпорын» номинациясы бойынша «Торғай-Петролеум» АҚ лауреат атанды. Облыс экономикасына елеулі үлес қосып, жұмысшылардың еңбек құқықтарын қорғау, еңбек жағдайын жақсартуда орнықты жұмыстармен алдыңғы қатардан көрінуде.Шикі мұнай мен ілеспе газды өндірумен айналысатын кәсіпорында 458 адам жұмыс жасайды. Елорда төріндегі салтанатты шарада компанияның Бас директоры Қайрат Арынғазиевке табыстады.Тағы бір қызылордалық кәсіпорын «Экологияға қосқан үлесі үшін» номинациясын иеленді. "Номад Солар" ЖШС марапат мінберінен көрінді. Бұл кәсіпорын жаңартылатын көздерден электр энергиясын өндірумен айналысады. Қуаттылығы 28 МВт күн электр станциясы облыстағы ең ірі станциялардың бірі. Кәсіпорын басшысы Плезан Пьерр Елорда төрінде марапат мінберінен көрінді.Айта кетейік, республикалық конкурсқа Қызылорда өңірінің кәсіпорындары 2008 жылдан бері белсенді түрді қатысып келеді.<figure class="image"><img src="https://knadmin.beoblood.kz/uploads/2713a206_88fa_474e_9c92_39f59abb6ea4_0316529ccc.jpg" alt="2713a206-88fa-474e-9c92-39f59abb6ea4.jpg"></figure>

Қызылордалық кәсіпорындар үздіктер қатарында

<a href="https://kyzylorda-news.kz/">Kyzylorda-news.kz.</a>&nbsp;Қазіргі таңда қоғамдық көлік қызметіне қатысты тұрғындар тарапынан қойылатын сауалдардың саны артқан. Мәселені шешу мақсатында бүгін қала әкімінің тапсырмасымен қоғамдық көлік тасымалдау қызметіне бақылау жұмыстары жүргізілді.Тексеру барысында бірнеше жеке тасымалдаушыларға қарасты бағыттар бойынша қала тұрғындарынан сын-пікірлер айтылды. Аялдамаларда автобустарын күткен қала тұрғындарының басым көпшілігі &nbsp;№10, 12, 15, 16, 31 бағыттағы қоғамдық көліктерге шағымдарын жеткізіп, таңертең, кешкі мезгілдерде автобустарда ине шаншыр орынның болмайтындығын, оған көліктердің уақытылы жүріп-тұрмауы себеп болатынын, көліктердің кешкі мезгілде ерте тоқтайтындығы туралы мәселелерін айтты.Қоғамдық көліктерге бақылау шаралары күнделікті жалғасын табатын болады. Бұл өз кезегінде мәселенің түйінін тарқатуға септігін тигізеді.Жалпы, Қызылордалықтардың қоғамдық көлікке деген сұранысын қанағаттандыру және көлік қатынасын дамыту мақсатында тиісті жұмыстар жүргізілуде.&nbsp;Айта кету керек, шара барысында жолаушылардан «Қызылорда" автобус паркі» ЖШС -іне қарасты 1, 11, 14, 17, 18, 19, 20 бағыттарға қатысты шағымдар түспеді.<figure class="image"><img src="https://knadmin.beoblood.kz/uploads/317752612_3250528478547221_1898456417853944915_n_8436d491ca.jpg" alt="317752612_3250528478547221_1898456417853944915_n.jpg"></figure>

Қызылордада қоғамдық көлік қызметіне талап күшейтілді

<a href="https://kyzylorda-news.kz/">Kyzylorda-news.kz.</a>&nbsp;Қазақстанның басым бөлігінде бұрынғыша ауқымды антициклон әсер етеді. Соның әсерінен жауын-шашынсыз ауа күтіледі, деп хабарлайды Қазгидромет.Тек елдің солтүстігінде, оңтүстігінде, оңтүстік-шығысында атмосфералық фронтальды бөлімдердің өтуімен қар жауады. Оңтүстік-шығыстың таулы аймақтарында - қалың қар, оңтүстігінде, оңтүстік-шығысында жел күшейеді.Оңтүстігінде-көктайғақ, елдің солтүстік-батысында, солтүстігінде, оңтүстігінде, оңтүстік-шығысында – тұман түседі.

8 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданы әкімі Әділбек Ерсұлтанов «Әкімдердің халықпен кездесулерін өткізу туралы» Қазақстан Республикасы Президентінің 2022 жылғы 3 наурыздағы №826 Жарлығына сәйкес Жосалы кенті тұрғындарымен кездесуі өткізілді.Аудандық Жыраулар үйінде өткен басқосуда алдымен Жосалы кенті әкімі Шыңғыс Сыдықовтың кент бойынша атқарылған жұмыстары назарға ұсынылып, баяндамасы тыңдалды.Аудан әкімі Әділбек Бөрібайұлы Жосалы кенті бойынша тиісінше атқарылған жұмыстар барысын саралап, аудан бойынша бүгінгі күнде жасалған ауқымды ірі жобалар жүйесі мен алдағы атқарылар жұмыс жоспарлары тұрғысында кент тұрғындарымен бөлісті.Ең алдымен ауданның макроэкономикалық көрсеткіштеріне тоқталып, аудан бойынша бірінші кезекте жүзеге асырылуы тиісті және осы уақытқа дейінгі іске асқан жобалар туралы тілге тиек етті.Құрылыс жұмыстары негізінде Байқоңыр қаласындағы 50 пәтерлік 5 тұрғын үй құрылысы, Қуаңдария ауылдық округінде 100 орындық ауылдық клуб үйі, Жосалы кенті, Ақай ауылдық округіндегі дене шынықтыру-сауықтыру кешені, білім саласы бойынша күрделі жөндеуден өткізілген мектептер(№28, №85, №121) және сонымен қатар Төретам кенті мен Ақай ауылында газ жеткізу құбырының және газ тарату желілерінің қазіргі жүргізіліп жатқан құрылысы туралы және Алдашбай Ахун,Т.Көмекбаев, Қармақшы ауылдарындағы су қабылдайтын құрылғыны қайта құру жұмыстары бойынша құрлыс жұмыстарының жүріп жатқандығын сонымен қатар жол мәселесі бойынша Жосалы кентінің 5,8 шақырымды құрайтын, 12 топырақты көшесіне орташа жөндеу жұмыстарын жүргізуге қаржы бөлініп, бүгінгі күні бұл жобалар басталып кеткендігін, оның ішінде Тайшық би, Амангелді көшелеріне орташа жөндеу жұмыстары жүргізілуде екендігін басты айтты.Сондай-ақ, Қараөзек арнасы «Қожатай» учаскесіндегі уақытша су тоспа құрылысының бөгетін қайта қалпына келтіру жұмыстары "Қазсушар" РМК Қызылорда филиал тарапынан жүргізіліп құрлыс жұмыстары аяқталғандығын және алдағы уақытта әлі де өңір экономикасы мен халықтың тұрмыс-тіршілігін арттыруға бағытталған бастамалар жалғасын таба беретінін жеткізді.Кездесу барысында кент тұрғындары тарапынан бірқатар ұсыныс-пікірлер айтылды.&nbsp;Аудан әкімі өз кезегінде тұрғындар тарапынан айтылған ұсыныстардың барлығына заңдылықтар аясында нақты жауаптар берді. &nbsp;<img src="https://knadmin.beoblood.kz/uploads/318438457_2235338279970399_7820133300706825156_n_c26793a56f.jpg" alt="318438457_2235338279970399_7820133300706825156_n.jpg"><img src="https://knadmin.beoblood.kz/uploads/318329973_2235338783303682_2960197495125527291_n_2ec312ee24.jpg" alt="318329973_2235338783303682_2960197495125527291_n.jpg">

Қармақшы ауданы әкімі Жосалы кенті тұрғындарымен кездесті

<a href="https://kyzylorda-news.kz/">Kyzylorda-news.kz.</a> Отыз екі тістің адам денсаулығы үшін үлкен рөл атқаратынын дәрігерлер айтып келеді. Ал жапондарда «тісі түгел адам – ең бай адам» деген түсінік қалыптасыпты. Расында тіс – адам ағзасының маңызды бөлігі. Экологиялық тепе-теңдіктің бұзылуынан, күнделікті тұтынатын тағамдарымыздағы түрлі жасанды, зиянды қоспалардың зардабынан туындаған тіс ауруының да түрі көбейген. Қысқасы, қазірде тісі ауырмайтын адам аз. Кішкентай баладан, қолына таяқ ұстаған қарияға дейін тіс дәрігерінің есігін күзетіп, ұзынсонар кезекте тұрады.Жалпы, Жалағаш ауданында бірнеше тіс емханасы жұмыс істейді. Бірақ, таяуда солардың қатары тағы да бір медициналық нысанмен толықты. Аудан орталығында «Нариман-ДЕНТ» деп аталатын жаңа тіс емханасы ашылып, бүгінде өңір тұрғындары тісін емдеуде.Тұрғындар жаңа нысанның ашылғанына қуанса, ақсақалдар халыққа қызмет көрсетуге талап қылған жас дәрігерге алғысын жаудырып, батасын беруде. «Нариман-ДЕНТ» тіс емханасы қажетті заманауи медициналық құрылғылармен жабдықталған. Соның ішінде зақымдалған тістің түбіріндегі жүйке талшықтарын көріп, ауруды анықтайтын заманауи рентген аппаратын айырықша атап айтуға болады.Аталған тіс емханасы қызметкерлерінің айтуынша, аудандағы тіс емханаларында рентген аппараты жоқ екен. Сол себепті бұрын дәрігерлер тісін емдетуге келген науқастардың қызыл иегіндегі зақымы күрделілеу болса, алдымен облыс орталығына рентгенге түсіп келуге жібереді екен. Енді бұдан былай тіс жұлдыру немесе емдету үшін науқастар екі ортаға сабылмайтын болды.<blockquote>«Біздің басты мақсатымыз халыққа сапалы стаматологиялық қызмет көрсету. Яғни біз үшін адамның денсаулығы алдыңғы орында. Мен бұл жұмысты бастарда көп ойландым. Себебі біздің мамандығымызда адам денсаулығының, тіпті өмірінің жауапкершілігі бар. Бұл ең алдымен жан тазалығын, адалдықты, білімді, біліктілікті, сақтықты талап етеді. Алайда мамандығым тіс дәрігері болған соң көп ойланып тәуекелге бардым. Біздің емханада ауырған тістерді жұлады, түрлі әдістер арқылы емшаралар жасайды және ұзақ жылдық кепілдікпен жасанды тіс салады. Сонымен бірге біз науқастарға тіс күтімі және ауыз қуысының саулығын сақтау жөнінде ақысыз, яғни тегін кеңес береміз. Айта кету керек, кез келген кәсіп иесі әлеуметтік немесе спорттық, медициналық нысандарды ашқанда жұмыссыздық санын азайтуды да қаперінен шығармауы тиіс. Мен әзірге кесімді жалақыға жұмыс істейтін бір медбике және бір техникалық қызметкер алып отырмын. Жұмысты жеке қаржыммен бастадым, алдағы уақытта мемлекеттен қолдау болса, емханамызды ұлғайтып, қызметкер санын 10 адамға көбейтуді мақсат етіп отырмын», – дейді «Нариман-ДЕНТ» емханасының тіс дәрігері Біржан Смайылов.</blockquote>Айта кетейік, Біржан Смайылов Қызылорда қаласындағы медициналық колледждің тіс емдеу ісі бөлімін және Алматы қаласындағы Қаныш Сәтбаев атындағы технологиялық университетін бітірген. Медициналық мамандығы бойынша бес жыл жұмыс өтілі бар тәжірибелі, білікті маман. &nbsp;<img src="https://knadmin.beoblood.kz/uploads/Whats_App_Image_2022_12_07_at_19_09_33_8c17ca5c9a.jpeg" alt="WhatsApp Image 2022-12-07 at 19.09.33.jpeg">

Жалағаш: Тіс дәрігері жекеменшік емхана ашты

<a href="https://kyzylorda-news.kz/">Kyzylorda-news.kz.</a> Жоғары сынып оқушыларының басты мақсаты ҰБТ-дан жоғары балл жинап, өздері қалаған мамандық бойынша ЖОО-ға түсу екені белгілі. Бірақ оқушылар үлкен өмірге қадам басарда қателесіп, бағыт-бағдарды қажет етіп жататыны бар. Ал сондай маңызды сәтте оқушыға бағыт беру үлкендердің міндеті және парызы болып табылады.Осы орайда, 2022 жылдың желтоқсан айының 7-ші жұлдызында Шекер Ермағанбетова атындағы №246 орта мектебінде Қорқыт Ата атындағы Қызылорда университеті мамандарымен кездесу болып өтті.Кездесуге аудан мектептерінің 11 сынып түлектері қатысып, мамандықты таңдаудың ерекшеліктері туралы консультациялар алды.Сондай-ақ , орта білім беру ұйымдарының, отбасылардың, техникалық және кәсіптік, жоғары және немесе жоғары оқу орнынан кейінгі білім беру ұйымдарының өкілдерінің қатысуымен өткізілді.Кеңес беру барысында білім алушыны техникалық және кәсіптік, жоғары және немесе жоғары оқу орнынан кейінгі білім беру ұйымына қабылдау ережелерімен таныстырылып, ҚР барлық ЖОО бойынша оқуға түсуге қатысты кеңестер және грант алуға мүмкіндік беретін инновациялық жобалар туралы ақпараттар берілді. &nbsp;<img src="https://knadmin.beoblood.kz/uploads/318557950_820014279289739_6266203380800943484_n_336e0fb9f5.jpg" alt="318557950_820014279289739_6266203380800943484_n.jpg"><img src="https://knadmin.beoblood.kz/uploads/318428727_820014195956414_986397446798775565_n_1a7bc9a13b.jpg" alt="318428727_820014195956414_986397446798775565_n.jpg">

Қазақстан және Қызылорда облысының жаңалықтары