<a href="https://kyzylorda-news.kz/">Kyzylorda-news.kz.</a>&nbsp; Бүгін «Қоғамдық келісім» КММ және №198 Ж.Нұрманов атындағы мектебінің ұйымдастыруымен 1 наурыз – Алғыс айту күніне арналған «Бірлігіміз – әралуандықта» атты кездесу өткізілді.Бүгінде Ұлы Дала төрінде, бір шаңырақтың астында 100-ден астам, ал Алаштың анасына айналған Сыр өңірінде 35 этнос өкілдері тату-тәтті өмір сүруде. Олар мемлекетіміздің өсіп-өркендеуіне, бәсекеге қабілетті 30 елдің қатарына енуіне аянбай еңбек етуде. Бұл – бабалардан өсиет болып қалған, халқымызға қасиет болып қонған береке – бірлігіміз бен тарих табыстырған ортақ тағдырымыздың жемісі. Алғыс айту күні – қазақстандық патриотизмнің, бірлік пен достықтың жарқын мерекесі. Ең алдымен, елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған бейбітшілік пен келісім саясатының салтанатты күні. Еңселі ел, іргелі мемлекет атануы, бірлік, келісім және өзара қолдау қағидаттарына негізделген Қазақстан халқы Ассамблеясының рөлі ерекше.Кездесуге облыстық қоғамдық даму басқармасының «Қоғамдық келісім» КММ бөлім басшысы Мұхтар Ибраев, «Қазақстандағы орыс қауымдастығы» ҚБ облыстық филиалының жетекшісі, облыстық Қазақстан халқы ассамблеясы жанындағы ақпараттық-түсіндіру тобының мүшесі Владимир Толоконников, кәсіби медиатор, ақпараттық-түсіндіру тобының мүшесі Жақсыбай Жакеев, «Ассамблея жастары» ұйымының жетекшісі Елизавета Есмаева және №198 Ж.Нұрманов атындағы мектеп ұжымы мен жоғарғы сынып оқушылары қатысты.Ақпараттық-түсіндіру тобының мүшелері «Бірлігіміз – әралуандықта» тақырыбында ой өрбітіп, бүгінде елімізде этносаралық тату-тәтті қарым-қатынас пен қоғамдық келісімнің қазақстандық өзіндік үлгісі жайында және жалпы адами құндылықтарға негізделген рухани-адамгершілік дағдыларды қалыптастыру мәселелерін назарда ұстау бағытында сөз қозғады.Кездесу соңы мерекелік концертке жалғасты.<figure class="image"><img src="https://knadmin.beoblood.kz/uploads/333333860_747755316785987_4880971038758756993_n_cfa42b6097.jpg" alt="333333860_747755316785987_4880971038758756993_n.jpg"></figure>&nbsp;<figure class="image"><img src="https://knadmin.beoblood.kz/uploads/334179528_871385730588250_5018436116255253793_n_fb970250ce.jpg" alt="334179528_871385730588250_5018436116255253793_n.jpg"></figure>&nbsp;<figure class="image"><img src="https://knadmin.beoblood.kz/uploads/333237713_751023243049424_7014459093060430289_n_b92e8f459a.jpg" alt="333237713_751023243049424_7014459093060430289_n.jpg"></figure>

1 наурыз – Алғыс айту күніне арналған кездесу өтті

<a href="https://kyzylorda-news.kz/">Kyzylorda-news.kz.</a> Бүгін ҚР Энергетика вице-министрі Асхат Хасенов Қызылорда облысының тұрғындарымен кездесті.&nbsp;Кездесу барысында вице-министр аймақтағы кен орындарының жұмысы мен мұнай өндірудегі жалпы көрсеткіштерге тоқталды. Еліміз бойынша Қызылорда облысы мұнай өндіруден 5-ші өңір. Тиісінше, өндірілген мұнайдың 4,8 пайызы ел үлесіне тиесілі. Алайда өңірдегі кен орындарында мұнай өндірудің жыл сайынғы табиғи төмендеуі байқалады. Сол себепті Энергетика министрлігі мен Ұлттық экономика және қаржы министрлігі бірлесіп жер қойнауын пайдаланушыларды қолдау және кен орындарының өмірлік циклін ұзарту мақсатында қайта инвестициялау мәселесін пысықтауда. Сондай-ақ, мемлекеттік теңгерімдегі газдың алынатын қоры шамамен 39 млрд.текше метрді құрайды. Оның 80 пайызы бос газ болып табылады. Дегенмен, оны өндіру экономикалық тұрғыда тиімсіз. Осы орайда вице-министр жер қойнауын пайдаланушыларды газ өндіру мен қайта өңдеу көлемін ұлғайтуға, сондай-ақ газ сатып алудың жаңа формуласы әзірленетіндігін атап өтті.<blockquote>«Бүгінде Қызылорда облысының газдандыру деңгейі 70 пайызды құрайды. Сәйкесінше, 584 мың адам табиғи газбен қамтамасыз етілген. Биыл Энергетика министрлігінің бюджеттік бағдарламасы аясында 13 жоба іске асырылмақ. &nbsp;Бұл жобалардың ішінде Қызылорда облысы да қамтылған. Жалпы осы жылы Сыр өңіріндегі Төретам, Ақай, Бірлік, Қыраш, Жайылма, Еңбекші, Абай, Досан, Шалхия, Құттықожа, Кейден және Жиделіарық елдімекендеріне газ желілері жүргізіледі. Осыған сәйкес, шамамен 33 мың адам табиғи газға қол жеткізетін болады. &nbsp;Ал сұйытылған газға келетін болсақ, өңірде 6 газ толтыру станциясы және 178 автомобильге газ құю станциясы бар. Биыл «Сұйытылған мұнай газының айналымын реттеу процестерінің реинжинирингі мәселелері бойынша» Заң қабылданады деп күтілуде», - деді вице-министр Асхат Хасенов.&nbsp;</blockquote>Кездесу барысында облыс тұрғындары өздерінің сұрақтарын қойып, ұсыныс-пікірлерін жеткізді. Жиыннан кейін вице-министр БАҚ өкілдеріне арнайы брифинг өткізді.<figure class="image"><img src="https://knadmin.beoblood.kz/uploads/333906752_720090796430137_3400221237932207080_n_5ab1e91477.jpg" alt="333906752_720090796430137_3400221237932207080_n.jpg"></figure>

ҚР Энергетика вице-министрі Қызылорда облысының тұрғындарымен  кездесті

<a href="https://kyzylorda-news.kz/">Kyzylorda-news.kz.</a> &nbsp;Дүниежүзілік Азаматтық қорғаныс күні шеңберінде 2023 жылғы 1 наурызда сағат 9.00-ден 12.00-ге дейін азаматтық қорғаудың құлақтандыру жүйесіне республикалық тексеру жүргізіледі, деп хабарлайды Төтенше жағдайлар министрлігінің баспасөз қызметі.1 наурыз Дүниежүзілік Азаматтық қорғаныс күні аясында сағат 09:00-ден 12:00-ге дейін азаматтық қорғаудың ескерту жүйесіне республикалық тексеру жүргізу жоспарланып отыр.«Төтенше жағдайлар туралы халықты құлақтандыру және хабардар ету тұрғындарды табиғи құбылыстардың әртүрлі факторларының әсерінен болатын апаттың немесе жойқын әсердің теріс салдарынан қорғауға мүмкіндік беретін негізгі қауіпсіздік шарасы саналады. Құлақтандыру жүйесін тексеру барысында электр сиреналарын және сиреналық-сөйлеу құрылғыларын (дауыс зорайтқыштарды) қысқа мерзімге қосу, сондай-ақ теледидар және радиоарналарының эфирін ұстап алуды жүзеге асыру, интернет-ресурстар мен мобильді қосымшаларда ақпаратты орналастыру көзделеді», делінген хабарламада.«Баршаның назарына!» дыбыстық сигналы - бұл қауіп төнген немесе төтенше жағдай туындаған кезде барлық шұғыл хабарламаларды берудің алдында халықтың назарын аудару үшін берілетін ескерту сигналы.Дыбыстық сигналды естіген кезде теледидарлар мен радиоқабылдағыштарды қосу керек, Интернет-ресурстардағы және мобильді қосымшалардағы ақпаратты оқып шығу қажет.Сонымен қатар қауіпті өндірістік объектілер мен гидротехникалық құрылыстардағы жергілікті құлақтандыру жүйелерінің жарамдылығы тексерілетін болады.

Ертең Қазақстан бойынша дабыл қағылады

<a href="https://kyzylorda-news.kz/">Kyzylorda-news.kz.</a> Бүгін облыстық білім басқармасының басшысы Мейрамбек Шермағанбет М.Мәметова атындағы Қызылорда педагогикалық жоғары колледжінің ұйымдастыруымен №10 дарынды балаларға арналған «Білім-инновация» лицей-интернатында өткізілген «Кәсіби құзыреттілік: Білім. Инновация. Тәжірибе» тақырыбындағы дипломалды практика машықтанушыларының сабағына қатысты.Сабақты жобалау және құрастыру, педагогикалық мақсатқа жету үшін алған білімін саралау, талдау мақсатында өткізілген шеберлік сағатта педагогикалық колледждің үздік 5 бітіруші түлектері мектеп-интернаттың 65 оқушысына әр түрлі тақырыпта шеберлік сабағын өткізді. Сондай-ақ, 7, 9 сынып оқушыларының белсенділігін арттыруда геймификация тәсілдері арқылы әдістемілік ринг ұйымдастырылды.Үздік студенттердің сабағына арнайы қатысқан басқарма басшысы өткізілген сабақтарға оң бағасын беріп, бітіруші түлектерге сәттілік тіледі.«Жаңашыл әдіс-тәсілдермен өткізген үздік студенттердің сабақтары шығармашылық, кәсіби құзіреттілік тұрғысынан жан-жақты талданып, машықтанушылар болашақ маман ретінде өз деңгейлерін жақсы көрсете білді. Болашақ ұстаздарымыздың келешегінен мол үміт күтіп, үлкен белестерді бағындырарына сенімім мол», - деді Мейрамбек Зинабдинұлы.Жиын соңында тәжірибе барысында машықтанушыларға жетекшілік жасап, олардың кәсіби қалыптасуына үлес қосқан әдіскер-оқытушылар, шараны ұйымдастырушы колледж оқытушылары «Сабақ. Зерттеу. Тәжірибе» тақырыбындағы ұсыныс-пікір алаңында бас қосты. Сондай-ақ, әдіскер-оқытушылар баяндамаларын оқып, шығармашылық қабілеттері мен кәсіби құзіреттіліктерін көрсетіп, өзара тәжірибе алмасты.<figure class="image"><img src="https://knadmin.beoblood.kz/uploads/332076600_967591884650504_5316008018780424896_n_b45579c213.jpg" alt="332076600_967591884650504_5316008018780424896_n.jpg"></figure>

Мейрамбек Шермағанбет дипломалды практика машықтанушыларының сабағына қатысты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев «Құрмет» орденінің иегері, Жаңақорған ауданының Құрметті азаматы Бақыт Нұртазаевты 70 жас мерейтойымен құттықтады.Жиында аймақ басшысы Бақыт Әбдіғаппарұлының облыстың ауыл шаруашылығы саласының дамуына, оның ішінде негізгі дақыл – күріштің жаңа сорттарын Сыр топырағына әкеліп, оларды жерсіндіруге зор үлес қосқанын атап өтіп, мерейтой иесіне ризашылығын білдірді.<blockquote>«Қазақ қай кезде де «өнеге жақсы болса, өріс кеңейеді» деген даналы сөзге бас иген. Соның бір көрінісі аймағымыздың әлеуметтік-экономикалық, мәдени-рухани дамуына ерекше үлес қосқан азаматтарды ардақтап, осындай құрмет көрсету шараларын өткізу дәстүрге айналды. Мәнді де мағыналы ғұмыр кешіп, кіндігі байланған еліне адал қызмет етіп, зор абыройға, сый-құрметке бөленген салиқалы аға буынның арасынан Бақыт Әбдіғаппарұлының тұлғалық келбеті, адами болмысы бәрімізге белгілі. «Түгіскен», «Қарауылтөбе», «ІІІ Интернационал» ауылдарындағы тұқым шаруашылықтарының материалдық-техникалық базасын нығайтып, күріштің жаңа сұрыптарын әкеліп, будандастыруға тың серпін бердіңіз. Сол жылдарға дейін өңірде күріштің тек «Ақмаржан» сорты өсетін. Ресейдегі маңдайалды күріш институтымен тәжірибе алмасу арқасында «Лидер» және «Янтарь» сорттары Сырдың егін даласында жайқалып, мол өнім бере бастады. Күріштің осы сұрыптары әлі күнге дейін өсіріліп, республиканың 90 пайыз қажеттілігін өтеуде», - деді Нұрлыбек Машбекұлы.</blockquote>Сыр елінің, облыс орталығының, күріш шаруашылығының өркендеуіне қосқан ерекше үлесі үшін Бақыт Нұртазаевқа Қызылорда облысының «Құрмет» грамотасы табысталды.Мерейтой иесін Жалағаш және Қармақшы аудандарының құрметті азаматы, «Құрмет» орденінің иегері Шахизат Төребаев, Жалағаш ауданы мен Қызылорда қаласының құрметті азаматы, «Құрмет» орденінің иегері Қожахмет Баймаханов, Арал және Қазалы аудандарының құрметті азаматы, «Құрмет» орденінің иегері Болатбек Пұсырманов құттықтады.Бақыт Нұртазаев 1953 жылы Жаңақорған ауданы, Қыраш ауылында дүниеге келген. Еңбек жолын 1974 жылы аудандық «ПМК-34» жылжымалы-механикалық колоннасында мастерліктен бастаған. Біраз жыл осы мекемеде прораб, бөлім басшысы болып, аға инженерлікке дейін көтерілді. Осы аралықта «ПМК-34» мекемесінің қатысуымен ауданда 18 мың гектар жер инженерлік жүйеге келтірілген.1976 жылы 20 млн. текше метр су сиятын «Бесарық» плотинасы, 1981 жылы 10 млн. текше метр су жинайтын «Жиделі» қоймасы салынған болатын.1995-1996 жылдары «Қыркеңсе» өндірістік кооперативінің төрағасы, 1996-1999 жылдары Жаңақорған ауданы әкімінің бірінші орынбасары, 1999-2004 жылдары Қызылорда облысы әкімінің орынбасары қызметтерін абыроймен атқарды. Облыстың өндірісі, шаруашылығы тұралап қалғанда, кеңестік үлгідегі кеңшарлар мен ұжым¬шарлардың жаңа моделін қалыптастыруда, мемлекеттік бағдарламалардың өңірде сәтті жүзеге асуына атсалысты.<figure class="image"><img src="https://knadmin.beoblood.kz/uploads/331516098_769246581208817_6204804751798496626_n_f35f9b7af2.jpg" alt="331516098_769246581208817_6204804751798496626_n.jpg"></figure><figure class="image"><img src="https://knadmin.beoblood.kz/uploads/332307350_507327158265785_8178497396006968476_n_f95b8f8247.jpg" alt="332307350_507327158265785_8178497396006968476_n.jpg"></figure><figure class="image"><img src="https://knadmin.beoblood.kz/uploads/331718084_875236250439957_5759755709818739231_n_431fe52fdc.jpg" alt="331718084_875236250439957_5759755709818739231_n.jpg"></figure>

Аймақ басшысы Бақыт Нұртазаевты мерейтойымен құттықтады

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Премьер-Министрі Әлихан Смайыловтың төрағалығымен өткен Үкімет отырысында су тасқынының алдын алуға дайындық және халыққа онкологиялық көмек көрсету мәселелері талқыланды.Үкімет басшысы «Көктем-2023» республикалық оқу-жаттығу шаралары шеңберінде тасқын қаупі туындаған жағдайда нақты іс-қимыл алгоритмін пысықтауды, жарылғыш заттар мен инертті материалдардың қажетті қорын дайындап, хабарландыру жүйелерінің дайындығын тексеруді тапсырды.Үкімет отырысынан соң облыс әкімі Нұрлыбек Нәлібаев ҚР Премьер-Министрі берген тапсырмаларды пысықтау мақсатында жиын өткізіп, облыс аумағында мұз жүру басталғанын атап өтті.<blockquote>«Облыс аумағында мұз жүре бастады. Жаңақорған Шиелі аудандарының аумағы мұздан толықтай тазарып, бүгінгі күні Сырдария ауданы Айдарлы елді мекені тұсында сең жүруде. Солтүстік аудандар мен Қызылорда қаласы тұсында өзен бетінде толықтай мұз тұр, орташа қалыңдығы 32-43 см құрайды. Қазіргі таңда дайындық шараларын күшейтіп, барлық қажетті қорлардың болуын қамтамасыз ету керек», - деді аймақ басшысы.</blockquote>Жиында Арал-Сырдария бассейндік инспекциясы басшысының міндетін атқарушы, «Қазсушар» РМК және «Қазгидромет» Қызылорда филиалының директорлары Сырдария өзеніндегі су жағдайы мен оны қауіпсіз өткізуді қамтамасыз ету жұмыстарының барысын баяндады.Талқылаудан соң Нұрлыбек Машбекұлы Қызылорда қаласы мен аудан әкімдеріне өзен бойындағы қауіпті учаскелерге бақылауды күшейтіп, өзен арнасындағы мұз жүру процесін қадағалауды және материалдық-техникалық, жанар-жағармай қорларын қажетті көлемде жасақтауды тапсырды. Ал, аумақтық жауапты мекемелер облыс көлемінде су тасқынының алдын алу үшін авариялық-құтқару қызметтері мен күш-құралдардың дайындығын үнемі әзірлікте ұстауы тиіс. Оларға мониторинг жұмыстарын жалғастыру және облыс аумағына мол су жіберілген жағдайда оны қауіпсіз өткізу шараларын ұйымдастыру жүктелді.Күн тәртібіндегі екінші мәселе тұрғындар үшін аса өзекті екенін атап өткен облыс әкімі Нұрлыбек Нәлібаев облыстық құрылыс басқармасына халыққа онкологиялық көмек көрсету үшін биыл Қызылорда қаласында салынатын бір ауысымда 100 келушіге арналған емханасы, онкологиялық бөлімшесі бар 300 орындық көп бейінді аурухана құрылысын сапалы жүргізуді тапсырды.Облыстық денсаулық сақтау басқармасына осы бағыттағы жұмыстарды қатаң бақылауға алып, сапалы әрі мерзімінде орындалуын қамтамасыз ету жөнінде міндет қойылды. Атап айтқанда, облыстық онкология орталығынан ашылған ахуалдық орталықтың жұмысын жетілдіріп, науқастарды оңалту және психологиялық қолдау кабинеттерінің санын арттыру керек. Сонымен қатар бастапқы медициналық-санитариялық көмек көрсететін онколог дәрігерлер тапшылығының алдын алу үшін облыс әкімінің гранты арқылы мамандарды резидентурада даярлауға ұсыныс енгізу бойынша тапсырма берілді.<figure class="image"><img src="https://knadmin.beoblood.kz/uploads/333837207_1394550054633620_2057928844185822250_n_56e4b299a2.jpg" alt="333837207_1394550054633620_2057928844185822250_n.jpg"></figure>&nbsp;<figure class="image"><img src="https://knadmin.beoblood.kz/uploads/333798427_1867142110313018_5644335393844118535_n_0bc8bb503b.jpg" alt="333798427_1867142110313018_5644335393844118535_n.jpg"></figure>

Су тасқынының алдын алу мәселелері талқыланды

&nbsp;<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Су ресурстары комитеті төрағасының орынбасары лауазымына тағайындалған Сейілбек Нұрымбетовті құттықтап, жаңа қызметінде сәттілік тіледі. Осы уақытқа дейін Сейілбек Серғазыұлы 2020 жылдың қыркүйек айынан бастап Су ресурстары комитетнің Су ресурстарын пайдалануды реттеу және қорғау жөніндегі Арал-Сырдария бассейндік инспекциясының басшысы қызметін атқарып келген.<blockquote>«Сейілбек Серғазыұлы өз саласының білікті маманы ретінде мемлекеттік қызметте абыроймен еңбек етіп, қызметте сатылап өскен тәжірибелі кадр. Ресейдің алдыңғы қатарлы университетін бітірген, су ресурстары саласында терең білімі мен тәжірибесі бар мықты маман. Соңғы жылдары бассейн аумағында орын алған су тапшылығы кезеңінде лимиттерді белгілеу, су ресурстарын тиімді пайдалану, реттеу және экологиялық жағдайды жақсарту және 2022-2023 жылдар аралғындағы мол суды апатсыз өткізу барысында Сейілбек Серғазыұлының басшылығымен инспекция тарапынан ұтымды ұсыныстар беріліп, нәтижесінде оң шешімдер қабылданды. Халықаралық Аралды құтқару қоры мен мемлекетаралық су шаруашылығын үйлестіру комиссиясының шешімдерін орындау және жүзеге асыруда табанды іс-әрекеттер жасады», - деді аймақ басшысы.</blockquote>Аймақ дамуы жолындағы еселі еңбегі үшін Сейілбек Нұрымбетовке Қызылорда облысының Құрмет грамотасы табысталды.Су шаруашылығы саласының майталман ардагері Әділхан Қарлыханов Сейілбек Нұрымбетовті құттықтап, мол табыс тіледі.Өз кезегінде, Сейілбек Серғазыұлы әріптестеріне алғыс білдіріп, алдағы уақытта да туған жерге қызмет етуге әзір екенін атап өтті.

Сейілбек Нұрымбетов жаңа қызметке тағайындалды 

<a href="https://kyzylorda-news.kz/">Kyzylorda-news.kz.</a> Қазіргі қоғамда адамдар бойындағы имандылық бір-біріне деген сыйластық, жастардың үлкендерге деген құрмет көрсетуі мен үлкендердің кішіге ізет көрсетуі және әдептілік пен арлылық қасиеттерден көрініс береді.Дін– халықты имандылыққа, ізгілікке тәрбиелеп келе жатқан үлкен өркениет. Біз бұрынғы жетпіс жыл бойы қандай жағдайда өмір сүрдік. Діннен, адамның ең қажет нәрсесінен өзімізді өзіміз айырып тастағандай күйге ұшырадық. Кеңес дәуіріндегі саясаттың әсері десек те, жүрегінде иманы бар адам діни таным, сенімін сақтап қалып жатты. Оны ата-аналарымыздан, кейбір қариялардан көрдік те. Осы тұрғыдан жаңаша тәрбиені қолға алу- өте маңызды және қажетті. Алаш арысы Жүсіпбек Аймауытов 1926 жылы шыққан «Тәрбие» деген мақаласы, «Рұм халқын мықты қылған – тәрбие, Ескендір хакімді данышпан қылған – Сократтың тәрбиесі, Нейронды залым қылған да – Аристотельдің қате тәрбиесі дегендей.&nbsp;Исламда отбасы құрудағы негізгі мақсаттардың бірі- өмірге ұрпақ әкелу, иманды ізгі ұрпақ тәрбиелеу. Әрбір жеке тұлғаның бойында адамгершілік, парасаттылық, әдептілікті дарыту ата бабамыздың негізі міндеті болған. Хадисте бұл тұрғысында «Балаға әкенің берер ең жақсы сыйы – ол тәрбие» дейді. Балаға көңіл аудару, өскенде жаны ізгілікке толы мұсылман, қоғамға пайдалы азамат етіп қалыптастыру – үлкен сауапты істің бірі болып табылады. Әкенің бала алдындағы жауапкершілігі мен жақсы тәрбие беруі &nbsp;міндетті болып саналған.Сондықтан пайғамбарымыз Мұхаммед (с.а.у) ата-аналарға: «Балаға бір мәрте көңіл бөліп, тәрбие беру- бір сағ көлемінде садақа бергеннен де жақсы», «Кімде-кім жылаған баланы жұбатса, Аллаһ тағала жаннатта оған қалағанынша сый-сияпат береді»- деп, балаға көңіл бөлудің сауап жағынан да артықшылығын ұқтырған.Шығыс халықтарында айтылатын «Бала қымбат болса, баланың тәрбиесі одан да қымбат» деген нақыл сөздің мәні терең. Сөз жоқ, ұрпақ тәрбиесіне, ұлттың келешегіне ата-ана жауапты. Сондай-ақ баланың тар ойлы, жетесіз болып өсуіне, парықсыз қылық танытуына тәрбиешіні кінәланған тегін емес. Тіпті «Бала істеген жауыздықтың жазасын тәрбиеші көтерсін» деген Иран елінің мәтелі де осыдан туған. Сол себепті ұрпағының өзінен оза туғанын қалаған &nbsp;халқымыз бала тәрбиесіне үлкен жауапкершілікпен қараған.Бірақ өкініштісі, соңғы жылдары қазақ қоғамында да ұлттық тәрбие жүйесі қағажу көріп, тәрбиелік ырғағы бұзылып, бала тәрбиесінің тым нашарлап кеткені белгілі. Оған есірткі мен құмар ойындар, ішкілік, мектеп оқушылары арасындағы электоронды темекіге әуестер, жасөспірімдер арасындағы бұзақылықтар мен қылмыстың өршіп кетуі дәлел. Оған себептер де аз емес. Көбіне үй ішіндегі күйбең тіршіліктен шешенің қолының босамауы, жұмысбастылықтан әкенің уақыт таппауы т.б. Қазіргі уақытта теледидарлардағы кино мен мультфильмдердің көбі атыс-шабыс, төбелес, қирату, ұру, сындыру, күш көрсетуге негізделгендіктен бұл да себеп болады.Осы орайда, тәрбие кең көлемдігімен, тым ерте қолға алынуымен ерекшеленеді. Онда баланы жастайынан имандылыққа тәрбиелеу, үлкендерді құрметтеу, ысырапқа бармау, бұзақылық жасамау, өтірік пен ұрлықтан аулақ жүру секілді адамгершілік қасиеттермен қоса жас кезінен мәдениеттілікке, әдептілікке, дұрыс сөйлеуге баулу. Дене тәрбиесі, дұрыс киіну, дұрыс тамақтану, тазалық – бәрі қамтылған.&nbsp;Тәрбиелі ұрпақ – ата-ананың мақтанышы, елдің ертеңі болмақ. Кез келген халықтың болашағы, оның өміршеңдігі рухани қайнардан сусындаған, ұлттық рухы кемел, жақсы тәрбиеленген ұрпақтың қолында. Егер ұлт өз болашағын аманат етіп тапсыратын текті, саналы ұрпақ өсіре алмаса, оның келешегі бұлыңғыр болмақ. Ендеше, әрбір ата-ана бала тәрбиесіне көп көңіл бөліп, оның бос уақытын тиімді ұйымдастыра отырып, сапалы білім мен саналы тәрбие берген жағдайда елін, жерін сүйетін, болашақ елдің ұрпағы қалыптасады.Лаура Орынбаева, «Дін мәселелерін зерттеу орталығы» КММ-нің маманы

Лаура Орынбаева: Имандылық ілімі – тәрбиенің тұнығы

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеп-тексеру департаменті көрiнеу жалған есепке алу-бақылау маркаларын өткiзу мақсатында иемдену, пайдалану немесе өткізу дерегін анықтады.Қармақшы ауданында тұратын 2 азамат екі мекен жайда сыйымдылығы 0,5 литрлік 2647 дана, 0,2 литрлік 889 дана және 1 литрлік 840 дана арақ өнімдерін сақтаған. Аталған азаматтар жалған есепке алу-бақылау маркалары жапсырылған алкоголь өнімдерін тергеумен анықталмаған тұлғалардан төмен бағада сатып алып, пайда табу мақсатында үстіне ақша қосып сату барысында ұсталды.Аталған факт бойынша Қазақстан Республикасы &nbsp;Қылмыстық кодексінің &nbsp;233-бабының 2-бөлігінде қаралған қылмыстық құқық бұзушылық белгілерімен сотқа дейінгі тергеп-тексеру басталып, тергеу әрекеттері жүргізілуде.Оқиға орнынан қарап тексеру барысында жалпы саны 4376 дана арақ өнімі алынып, тиісті сараптамалар тағайындалды. &nbsp;

Қызылордада заңсыз сақталған арақ өнімдері тәркіленді 

<a href="https://kyzylorda-news.kz/">Kyzylorda-news.kz.</a> Өткен жылдың қарашасынан бері Қызылорда облысы кәсіпкерлер палатасының жанынан құрылған салалық комитеттердің 26 отырысы өтіп, онда бизнес өкілдерінің 43 мәселесі қаралды. Оның бірқатары шешілді.Қазір Қызылорда облысының кәсіпкерлер палатасында тұрақты 5 салалық комитет жұмыс істейді.Олар: өнеркәсіп, агроөнеркәсіп кешені, адами капиталды дамыту және бизнестің әлеуметтіксаясаты, сауда, қызмет көрсету және туризм, құрылыс комитеті.Салалық комитет бизнес субъектілерінің міндеттері мен мәселелерін шешу үшін мемлекеттік және өзге де ұйымдармен бірлескен іс-қимыл жасауды, яғни анықталған проблема бойынша оны шешу тетіктерін қарап, кәсіпкерлердің мүддесін қорғау, оларды қолдауды көздейді.<blockquote>«Әр комитеттің 13-тен 26-ға дейін мүшесі бар. Барлығы –кәсіпкерлер. Комитеттің төрағаларын мүшелері дауыс беру арқылы анықтады. Соңғы 4 айда осы комиттердің 26 отырысы өтіп, өзекті 43 мәселені қарадық. Мектеп асханалары, балабақшаға мемлекеттік тапсырыс орналастыруға, бос ғимараттарды кәсіпкерлерге сенімгерлік басқаруға беруге байланысты және өзге де проблемаларды жергілікті атқарушы органдармен бірге көтеріп, талқылағанның арқасында дер кезінде тиімді шеше алдық», – дейді Кәсіпкерлер палатасының директоры Пірмұхаммед Сыздықов.</blockquote>Қазір 5 салалық комитетте 104 мүше бар. Комитет мүшелері енді подкомитет құру жұмыстарын ұйымдастырып жатыр.Салалық комитет басшылары: - Өнеркәсіп комитетінің төрағасы – Жаңабай Бекішев, «Квант» ҚМЗ» ЖШС директоры, Өңірлік кеңес мүшесі; - Агроөнеркәсіп кешені комитетінің төрағасы – Нұрлан Іздібаев, «Ақтөбе және К» ЖШС директоры, Өңірлік кеңес мүшесі; - Құрылыс комитетінің төрағасы – Манарбек Еспенбетов, «ПромСтройСервис Е» ЖШС директоры, облыстағы құрылысшылар қауымдастығының төрағасы, Өңірлік кеңес мүшесі; - Сауда, қызмет көрсету және туризм комитетінің төрайымы – Ақмарал Әбдіразақова, облыстағы қоғамдық тамақтандыру және қызмет көрсету саласы қауымдастығының төрайымы; - Адами капиталды дамыту және бизнестің әлеуметтік саясаты комитетінің төрағасы – Әнуар Дәуленбаев, академик С.А. Жиенқұлов атындағы Байқоңыр жоғары колледжінің директоры, Өңірлік кеңес мүшесі.Салалық комитетке қатысты ұсыныс-пікір, сұрақтарыңыз болса Қызылорда облысының кәсіпкерлер палатасына 8 /7242/ 40-09-81 байланыс нөмірі арқылы хабарласа аласыздар. &nbsp;

Салалық комитетте қызылордалық кәсіпкерлердің мәселесі қаралып жатыр

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қазынашылық департаменті Мемлекеттік мекемелердің бюджеттік қаржыларының мақсатты жұмсалуын және атқарылуын қадағалап отырады. Өткен жылы «Қазынашылық-Клиент» ақпараттық жүйесі арқылы &nbsp;523879 қаржылық құжат қабылданса, оның 515204-і өңделген. Сәйкесінше, талаптарға сай орындалды. Бұл туралы Өңірлік коммуникациялар қызметінің ақпараттық алаңында өткен брифингте Қызылорда облысы бойынша Қазынашылық департаментінің басшысы Әуезбек Дүйсенбаев мәлімдеді.&nbsp;<blockquote>«Бюджет қаржыларының мақсатты жұмсалуы қадағаланып, олардың атқарылуы және кемшіліктері жөнінде облыстық, қалалық, және аудандық әкімдіктерге ай сайын арнайы хат түрінде барлық және жекелеген мемлекеттік мекемелер бойынша кемшіліктері көрсетіле отырып, тиісті ақпараттар жолданып отырады. Бұған қоса, 2022 жылға бөлінген жалпы қаражат көлемі 99 пайызға орындалды. Сонымен қатар, өткен жылы департаментке жеке және заңды тұлғалардан 29 өтініш түсті. Сәйкесінше, арыз шағымдар қаралып, тиісті жауаптар берілді», - деді Әуезбек Сейткамалұлы.</blockquote>Сондай-ақ, былтыр 817 мемлекеттік мекемеге қызмет көрсетілген. Оның ішінде, 58-і республикалық бюджет, 593 жергілікті бюджет, 146-жергілікті өзін-өзі басқару бюджетінен қаржыландырылатын мемлекеттік мекемелер, 20-сы квазимемлекеттік сектор субьектілері.

«Қазынашылық-Клиент»: Қызылордада 523 мыңнан астам қаржылық құжат қабылданды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Сыр өңіріне жұмыс сапарымен келген ҚР Энергетика вице-министрі Асхат Хасеновпен кездесіп, аймақтағы мұнай, газ, уран өндіру саласының өзекті мәселелерін талқылады.Кездесуде аймақ басшысы Энергетика министрлігіне қосымша ұсынылған өңір үшін маңызы зор газдандыру жобаларына қолдау көрсетуді, «Қазатомөнеркәсіп» акционерлік қоғамының Сыр өңіріне қайырымдылық мақсатқа бағытталған қаржыландыруын ұлғайтуға ықпал етуді сұрады.Өз кезегінде Энергетика министрінің орынбасары алдағы уақытта да өңірдегі жүзеге асырылатын жобалар бойынша бірлесіп жұмыс істеуге мүдделі екенін жеткізді.Айта кетейік, жексенбі күні Асхат Хасенов Жаңақорған ауданындағы «Байкен-U» ЖШС-не тиесілі «Хорасан-2» кенішіне барып, қызметкерлердің тұрмыстық жағдайымен танысты, өндірістік алаңдағы цехтар мен қоймаларды аралады.Энергетика вице-министрі уран өндіруші кәсіпорындармен мәжіліс өткізіп, геологиялық барлау жұмыстары мен газ өндіру мәселелері бойынша кеңеске қатысты, облыстық телеарнаға сұхбат берді.Ертең вице-министр Асхат Хасенов «Достық үйінде» тұрғындар мен коммерциялық емес ұйым өкілдерімен кездесіп, жергілікті БАҚ өкілдеріне брифинг бермек.<figure class="image"><img src="https://knadmin.beoblood.kz/uploads/334102351_880778389890952_1149689195404478222_n_3741787f93.jpg" alt="334102351_880778389890952_1149689195404478222_n.jpg"></figure>

Қазақстан және Қызылорда облысының жаңалықтары