<a href="https://kyzylorda-news.kz/">Kyzylorda-news.kz.</a> Жалағаш ауданы әкімдігінің қолдауымен «Жалын» жастар сыйлығын табыстау қорытынды кеші өткізілді. Жиынға білім, ғылым, медицина, ауылшаруашылығы және кәсіпкерлік, өнер мен спорт, басқа да салаларда аудан абыройын асырып жүрген жастар жиналды.Жалағаш жастарының басын қосқан бұл жиынға Жалағаш ауданы әкімі Асқарбек Есжанов арнайы қатысып, аудан көлемінде жастарды қолдауға арналған жаңа мүмкіндіктерге тоқталып өтті.<blockquote>«Қай кезде де біз аудан жастарынан креативті дүниелерді күтеміз. Жастар - ар мен намыстың, өр рухтың символы. Жастарға сенім артатын бірден-бір халық қазақ. Ауданда жастарды қолдау бағытында бірқатар жобалар жүзеге асырылып келеді. Біз жастардың әлеуметтік жобаларын әрдайым қолдауға дайынбыз», - деді аудан басшысы Асқарбек Есжанов.</blockquote>Бүгінгі шарада аудан әлеуетін көтеруде, тәуелсіздіктің баянды болуы жолында жастардың қолға алған ілкімді істері аға буынның ой-пікірне арқау болды. Демек, аудан жастары алдыңғы буынды өзіне бағдаршам деп тануының арқасында қолға алған жобаларының жемісін көріп жатыр. Оған дәлел, Жалағаш жастары барлық саладан облыс көлемінде үздіктер қатарында. Осы тұрғыда аудан әкімі Асқарбек Есжанов «Жалын» жастар сыйлығын және 100 000 теңге қаржылай сертификатты өз саласының үздігі атанып жүрген 10 жасқа табыстады және белсенділік танытып жүрген ауылшаруашылық, кәсіпкерлік салаларындағы бірқатар жастарды марапаттады. Дәстүрге айналған аталмыш марапат жастардың белсенді жұмыс жасауына ерекше қарқын беріп келеді.Жастар жиыны барысында жас кәсіпкерлердің арнайы көрмесі қойылды. Көрмеге қолөнер шеберлері, жас өнертапқыштар және жаңа бизнес-идеяларды дамыту мақсатындағы шағын грант иегерлері қатысты. Жиын соңында аймақ өнерпаздары патриоттық әндер шырқап, кешті қорытындылады.Айта кетейік, аудан халқының 23 пайызын аудан жастары құрайды. Волонтерлік қызмет көрсету бойынша «Jalyndy jas» еріктілер мектебінің жұмысы жыл санап өз маңыздылығын көрсетіп келеді. Оған дәлел бүгінгі күнге дейін еріктілер Азаматтық бастамаларды қолдау орталығының бастамашыл топтарды және еріктілерді қолдауға арналған шағын гранттарын жеңіп алу арқылы аудан жастары 3 Coworking орталығы, 3 спорттық үйірме, 2 көшеге қоқыс жәшіктерін, ерекше балаларды қолдау бағытында 2 мекемеге материалдық демеушілік, ауылды көркейту үшін 2 ауылға жаңа жоба және 1 отбасыға баспана табыстады. 2022 жылдың 8 айында еріктілер 6 млн 135 мың теңге қаржыны құрайтын 16 жоба жеңіп алды.Шығармашыл жастардың қатарын арттыру бағытында биыл 200 орындық Оқушылар үйі мен 50 орындық Өнер мектебі пайдалануға берілсе, жақын арада Жалағаш кентінде дене шынықтыру сауықтыру кешені пайдалануға берілмекші. &nbsp;<img src="https://knadmin.beoblood.kz/uploads/12_cf0a8c8e18.jpg" alt="12.jpg"><img src="https://knadmin.beoblood.kz/uploads/15_e97bd6dc6a.jpg" alt="15.jpg"><img src="https://knadmin.beoblood.kz/uploads/11_a6b522d1d3.jpg" alt="11.jpg">

Жалағашта «Жалын» жастар сыйлығы табысталды

<a href="https://kyzylorda-news.kz/">Kyzylorda-news.kz.</a> Бүгін Ә.Тәжібаев атындағы облыстық әмбебап-ғылыми кітапханасы және Қазалы аудандық орталықтандырылған кітапханалар жүйесінің ұйымдастыруымен «Оқитын ұрпақ – ұлт болашағы» атты облыстық семинар өтті.&nbsp;Семинардың мақсаты – кітапхана ісінде инновациялық әдіс-тәсілдерді пайдалана отырып, жас ұрпақты кітап оқуға тарту, кәсіби іс-тәжірибелермен алмасу.Семинарға Әбділда Тәжібаев атындағы облыстық әмбебап-ғылыми кітапханасының қызметкерлері, аудандық, қалалық орталықтандырылған кітапханалар жүйесінің директорлары және аудан кітапханашылары қатысты.&nbsp;Семинарды Ә.Тәжібаев атындағы облыстық әмбебап ғылыми кітапханасы басшысының орынбасары А.Жанғабылова ашып, «Кітапханалар – ақпарат және шығармашылық орталығы»атты баяндама жасады.&nbsp;Кітапхана қызметкерлері «Кітапханадағы жобалар – оқырман тартудың жаңа мүмкіндіктері», «Заманауи кітапхана. Креативті маман. Жаңа Қазақстан», «Кітапхана ақпарат орталығы ретінде: дәстүрлі құндылықтар, инновациялық тәжірибелер»,«Рухани құндылықтарды насихаттаудағы кітапхананың рөлі», Кітапхана – жастар үшін мүмкіндіктер кеңістігі», «Жастарды кітап оқуға ынталандырудағы көпшілік шаралар» тақырыбында ой бөлісіп,өз ұсыныстарын ортаға салды.Семинарға қатысушылар Жалаңтөс батыр ауылдық кітапханасының озық іс-тәжірибелерімен танысты.&nbsp;Шара соңы Қазалы ауданының кітапхана қызметкерлері дайындаған «Бірлік пен бақыт арнасы, Қазалының кітапханасы» әдеби кешке ұласты. Кәсіби басқосулар мамандарға озық тәжірибелермен танысуға, креативті жобаларды жүзеге асыруға, кітапхана ісін дамытуда жаңа идеяларды талқылауға, өзара әріптестік байланыстарды нығайтуға мүмкіндік берді.<figure class="image"><img src="https://knadmin.beoblood.kz/uploads/319072413_3447719562217314_7211796864385468335_n_5d4e239e29.jpg" alt="319072413_3447719562217314_7211796864385468335_n.jpg"></figure>

Қызылордада «Оқитын ұрпақ – ұлт болашағы» атты облыстық семинар өтті

<a href="https://kyzylorda-news.kz/">Kyzylorda-news.kz.</a> Қармақшы ауданы Жосалы кенті әкімі аппаратының мәжіліс залында аудандық Қоғамдық кеңес төрағасы Ә.Құлдүйсеновтың төрағалығымен кеңес отырысы болып өтті. Кеңес отырысына аудандық мәслихат хатшысы Ә.Қошалақов, аудандық қоғамдық кеңес мүшелері, Жосалы кентінің әкімінің орынбасары А.Досмуратов, Қармақшы ауданы бойынша білім бөлімінің басшысы міндетін атқарушы Г.Абдазиева, Қармақшы аудандық полиция бөлімінің бастығының бірінші орынбасары А.Амирбеков, күн тәртібіндегі мәселеге байланысты дербес бөлімдер мен Жосалы кентінің мектеп директорлары, бұқаралық ақпарат құралдары, үкіметтік емес ұйымдар жетекшілері қатысты.Күн тәртібінде 6 мәселе қаралып, талқыланды. Нақтырақ айтсақ, «Қазақстан Республикасында білім беруді дамытудың мемлекеттік бағдарламасына сәйкес оқушыларға сапалы білім беру мен кәсіби мамандықтарға баулудағы Қармақшы аудандық білім беру бөлімінде атқарылып жатқан жұмыстар туралы», «Аудан көлемінде жастар арасында және кәмелетке толмағандар арасындағы қылмыстар мен құқықбұзушылықтар жайлы», Қармақшы аудандық экономика және бюджеттік жоспарлау бөлімінің «Қызылорда облысы Қармақшы аудандық мәслихатының 2021 жылғы 23 желтоқсандағы №113 «2022-2024 жылдарға арналған аудандық бюджет туралы» шешіміне өзгерістер енгізу туралы» аудандық мәслихат шешімінің жобасы жайлы, Қармақшы аудандық экономика және бюджеттік жоспарлау бөлімінің «2023-2025 жылдарға арналған аудандық бюджет туралы» Қармақшы аудандық мәслихат шешімінің жобасы жайлы, «Қызылорда облысы Қармақшы ауданы Төретам кентінің келесі құрамдас бөліктерін қайта атау туралы» Төретам кенті әкімінің шешімі жобасы жайлы, «Қызылорда облысы Қармақшы ауданы Жосалы кентінің келесі құрамдас бөліктерін қайта атау туралы» Жосалы кенті әкімінің шешімі жобасы жайлы.Күн тәртібіндегі мәселеге байланысты тиісі сала басшылары баяндама жасады. Қармақшы ауданы бойынша білім бөлімінің басшысы міндетін атқарушы Г.Абдазиева білім саласында атқарылып жатқан жұмыстардың есебін берді. Аталған мәселе жан-жақты талқыланып, аудандық білім бөліміне қоғамдық кеңес тарапынан тиісті ұсыныстар берілді.Қармақшы аудандық полиция бөлімінің бірінші орынбасары А.Амирбеков аудан көлемінде жастар арасында және кәмелетке толмағандар арасындағы қылмыстар мен құқықбұзушылықтар және олардың алдын-алу мақсатында атқарылып жатқан жұмыстар жайлы хабарлама жасады.Аудандық қоғамдық кеңес қарауына ұсынылған аудандық экономика және бюджеттік жоспарлау бөлімінің «Қызылорда облысы Қармақшы аудандық мәслихатының 2021 жылғы 23 желтоқсандағы №113 «2022-2024 жылдарға арналған аудандық бюджет туралы» шешіміне өзгерістер енгізу туралы» және «2023-2025 жылдарға арналған аудандық бюджет туралы» Қармақшы аудандық мәслихатының шешім жобалары мақұлданды.Сонымен қатар, «Қызылорда облысы Қармақшы ауданы Төретам кентінің келесі құрамдас бөліктерін қайта атау туралы» Төретам кенті әкімінің және «Қызылорда облысы Қармақшы ауданы Жосалы кентінің келесі құрамдас бөліктерін қайта атау туралы» Жосалы кенті әкімінің шешім жобалары мақұлданып, келісім берілді. &nbsp;<img src="https://knadmin.beoblood.kz/uploads/8_7cf3435494.jpg" alt="8.jpg">

Аудандық қоғамдық кеңесінің кезекті отырысы өтті

<a href="https://kyzylorda-news.kz/">Kyzylorda-news.kz.</a> 2023 жылдың 1 қаңтарынан бастап ең төменгі жалақы 70 мың теңге болады, деп хабарлайды <a href="https://www.inform.kz/kz/1-kantardan-en-tomengi-zhalaky-70-myn-tengege-koteriledi_a4011441">ҚазАқпарат</a>.Мәжіліс депутаттарының сауалына жауап берген Премьер-Министр Әлихан Смайылов биыл республикадағы ең төменгі жалақы 60 мың теңгеге жеткенін атап өтеді.<blockquote>«Бұл 1,7 млн жалдамалы жұмысшының ақшалай кірісінің артуына оң ықпалын тигізген болатын. Осы жылы әлеуметтік төлемдерге екі мәрте индексация жасалып, 4,1 млн адам қамтылды. Оның ішінде 2,2 млн зейнеткер бар.2023 жылдың 1 қаңтарынан бастап ең төменгі жалақы мөлшері 70 мың теңгеге дейін қосымша арттырылатын болады», - деді Үкімет басшысы жауабында.</blockquote>Фото: <a href="https://almaty.tv/news/obschestvo/1601-elimizde-ortasha-dgalaky-275-myn-tengeden-asty">almaty.tv</a>&nbsp;&nbsp;

1 қаңтардан ең төменгі жалақы 70 мың теңгеге көтеріледі

<a href="https://kyzylorda-news.kz/">Kyzylorda-news.kz.</a> Сыр өңірінде «InnoFest» Qyzylorda фестивалі өтеді. Бұл туралы бүгін Өңірлік коммуникациялар қызметінің баспасөз алаңында өткен брифингте Қызылорда облыс әкімі аппаратының цифрлық технологиялар бөлімінің басшысы Сәбит Ибадулла хабарлады.Қызылорда облысы әкімінің қолдауымен 2022 жылдың 17-18 желтоқсан күндері «InnoFest» Qyzylorda фестивалін өткізу жоспарлануда. «InnoFest» Qyzylorda шарасының мақсаты – 24 сағат ішінде идеядан прототипке дейін &nbsp;«SmartCity», «Контент&amp;Медиа», «Кино&amp;Видео» бағыттары бойынша инновациялық жобаларды жасау.<blockquote>«Бұл фестиваль жаңа перспективалы инновациялық IT жобаларды анықтауға, жаңа жоба жасауға идеясы бар, бірақ оны жүзеге асыруға ресурстары жеткіліксіз қатысушыларға мүмкіндік береді. Қатысушы өз жобасын іске асыру үшін команда жинау мүмкіндігіне ие болады. Фестиваль форматы бойынша бір тәулік ішінде командалық жұмыс нәтижесінде тек идея болған жоба прототипке айналады», - дейді Цифрлық технологиялар бөлім басшысы Сәбит Ибадулла.&nbsp;</blockquote>Фестивальдің жүлде қоры – 3 000 000 теңге. Сондай-ақ үздік жобаларды таныстырған оқушыларға Қорқыт Ата атындағы Қызылорда университеті және «Болашақ» университеті ректорының білім гранттары табысталатын болады.<blockquote>«Биылғы жылы өтетін «InnoFest» Qyzylorda фестивалінің серіктестері - «Нұрсұлтан Назарбаев Қоры», «Қорқыт Ата атындағы Қызылорда Университеті», «Болашақ» университеті, «Мағжан және К» ЖШС, «Транстелеком» АҚ, «Қазақтелеком» АҚ, «Ғылым қоры» АҚ және басқа да компаниялар. Фестиваль серіктестерімен қатысушыларға бағалы сыйлықтар ұсынылатын болады. Фестивальге тіркелу және толық ақпарат innofest.kz сайтында, сондай-ақ қатысушы сертификаты Smart Qyzylorda мобильді қосымшасында онлайн түрде беріледі», - дейді Сәбит Ибадулла.&nbsp;</blockquote>Биыл аталған фестивальге 400-ден аса жас қатысуға ние білдірген.&nbsp;<blockquote>«Өңірімізде инновациялық жобаларды қолдау мақсатында жыл сайын ауқымды жобалар өткізіліп отырады. Соның бірі - «InnoFest» Qyzylorda фестивалі. Жалпы қала және аудан жастары «InnoFest» Qyzylorda жобасына ерекше қызығушылық танытуда. Биыл аталған жоба аясында қатысуға ниетті жастар саны 400-ден асып отыр. Былтыр жобаға қатысушы жастар да жоғары деңгейде жобаларын қорғап шыққан болатын. Соның ішінде ерекше көзге түскен сырдариялық оқушы анимациялық сурет салу арқылы тың идеяны жүзеге асырып, жүлдеге ие болды. Сондай-ақ жеңімпаздар арасында танымал блогер әрі тиктокер Азамат Тұрсынбай қазақша контент қалыптастыру бағытында тың идеяны іске асырып, бүгінде жастар арасында өте танымал блогерлердің бірі болды. Жалпы фестивальге қатысушыларға сәттілік тілеймін! Сонымен қатар жобаға демеуші болған облыс әкіміне алғыс айтамыз», - деді Қорқыт ата атындағы Қызылорда университетінің Рекрутинг және мансап басқармасының басшысы Жандос Оразмаханов.</blockquote>Өткен жылғы фестивальде 1500-ге жуық қатысушы мен 200-ге жуық команда тіркелген. Фестивальге облыс жастарынан басқа Нұр-Сұлтан, Шымкент, Байқоңыр қалаларынан және Түркістан облысынан қатысушылар да қатысты. Былтыр жүлде қоры 2 400 000 теңгені құрады. Фестиваль қорытындысы бойынша әр секциядан 3 команда жеңіске лайық деп танылған болатын. Әр жеңімпаз командаға І орын - 300 000 теңге, ІІ орын - 200 000 теңге, ІІІ орын - 100 000 теңге сертификаттары табысталды. Сонымен қатар, Қорқыт Ата атындағы Қызылорда университеті ректорының грантын 4 қатысушы, «Болашақ» университеті ректорының грантын 4 қатысушы иеленді. Екі командаға Нұрсұлтан Назарбаев қоры атынан бағалы сыйлықтар және 2 командаға «Болашақ» университеті атынан 50 000 теңгеден сертификат берілді.

Сыр өңірінде «InnoFest» Qyzylorda фестивалі өтеді

<a href="https://kyzylorda-news.kz/">Kyzylorda-news.kz.</a>&nbsp; Қазгидромет 10-12 желтоқсан күндеріне ауа райы болжамын жариялады.Синоптиктердің болжамынша, Қазақстан аумағының басым бөлігінде атмосфералық ағымдардың өтуінен ауа райы құбылмалы болады, қар жауады.Тек еліміздің батысы, оңтүстігі мен орталығында күн ашық болады деп болжанып отыр.Республиканың солтүстік-батысында, солтүстігінде, шығысында бұрқасындатып, жел күшейеді, оңтүстік және оңтүстік-шығыста тұман түседі.Батыс Қазақстанда ауа температурасы түнде -7-20 градустан -5-15 градусқа дейін, солтүстік-батыста -18-30 градустан 12-22 градусқа дейін, солтүстікте -17-30 градустан -10-26 градусқа дейін, орталықта -20-30 градустан -18-28 градусқа дейін, еліміздің шығысында -15-35 градустан -12-25 градусқа дейін, оңтүстікте -10-30 градустан -7-20 градусқа дейін жоғарылайды.Елдің оңтүстік-шығысында түнде -12-25 градус аяз күтілуде.

Демалыс күндеріне арналған ауа райы болжамы жарияланды

<a href="https://kyzylorda-news.kz/">Kyzylorda-news.kz.</a> Қызылорда облысында Балалар жылына орай «Дүниетану» мультсериалы дайындалды. Бұл туралы бүгін Өңірлік коммуникациялар қызметінде өткен брифингте Қорқыт Ата атындағы Қызылорда университетінің докторанты Сымбат Абдрахманова мәлімдеді.&nbsp;БҰҰ балалар қорының ұлттық тренері, психолог, «Қазақстандағы 100 жаңа есім» жобасының жеңімпазы, Қорқыт Ата атындағы Қызылорда университетінің докторанты Сымбат Абдрахманова мен Қорқыт Ата атындағы Қызылорда университетінің профессоры, педагогика ғылымдарының докторы Шарбан Майгельдиева ғылыми жетекшілігімен дайындалған «Дүниетану» атты жаңа анимациялық әдістемелік құрал таныстырылды.&nbsp;«Қазақстандағы 100 жаңа есім» жобасының жеңімпазы Сымбат Абдрахманова педагог-психолог қана емес, бірнеше тілді меңгерген аудармашы. Ол баланың ақыл-ойын, танымдық әрекетін дамытуға арналған мультфильмдер дайындаумен айналысады.<blockquote>«Мультсериал 10 бөлімнен тұрады. Анимациядағы әр тақырып мектептегі 4-сыныптың «Дүниетану» пәнінен алынған. Бұл құрал Қызылорда қаласының мектептерінде арнайы апробациядан өткен. Мультфильм ютуб желісіне ашық қолданыс үшін салынды. Еліміздің кез-келген тұрғыны мультфильмді қолдана алады. «Дүниетану» мультсериалы жас ұрпақтың бәсекелік қабілетін арттырып, өмірлік дағдыларын дамытып, прагматикалық көзқарасын қалыптастырады. Мультфильм балаларға түсінікті тілмен және түрлі-түсті бояулармен дайындалған», - дейді Сымбат Абдрахманова.</blockquote>Сымбат Нұртазақызы Абдрахманова «Рухани жаңғыру» бағдарламасы аясында өткізілген «Қазақстандағы 100 жаңа есім» жобасының жеңімпазы. 2017 жылы желтоқсан айында Елбасы Н.Ә.Назарбаев жоба жеңімпаздарымен кездесті.&nbsp;«Қазақстандағы 100 жаңа есім» жобасының мақсаты – табысқа жеткен тұлғаларды таныту, олардың өмір жолын, жетістігін үлгі ету. &nbsp;Биыл жобаға 5 жыл толды. Сымбат Абдрахманова бірнеше тілді меңгерумен қатар, қаржы талап етпейтін жобаларды жүзеге асыру, балалар психологиясын зерттеуге байланысты шетелдік басылымдарға мақалалар жазып, түрлі семинарлар өткізеді. Еуропа психологтар қауымдастығының мүшесі, БҰҰ балалар қорының ұлттық тренері.Айта кетейік, осы уақытқа дейін «Қазақстандағы 100 жаңа есім» жобасының жеңімпазы Сымбат Абдрахманова 20 аса қазақ тілінде мультфильмдерді әзірлеген.&nbsp;

Қызылордада «Дүниетану» жаңа анимациялық әдістемелік құрал таныстырылды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының Полиция департаментінде &nbsp;Консультативтік &nbsp;- кеңесші органның &nbsp;отырысы &nbsp;өтті.&nbsp;Кеңес отырысына Консультативтік – кеңесші органның төрағасы &nbsp;Қызылорда облысының құрметті азаматы Ерманов Нұрмұрат Наятұлы және Кеңес мүшелері, Полиция департаментінің басшылығы қатысты. Қалалық және аудандық полиция бөлімдерінің басшылары өз кезегінде бейнеконференция режимінде байланысқа шықты. &nbsp; &nbsp;&nbsp;Бүгінгі отырыстың күн тәртібінде Қызылорда облысының Полиция департаменті жанынан құрылған Консультативтік-кеңесші органның мүшелерін тағайындау &nbsp; мәселесі қаралды. &nbsp;Кеңес төрағасы &nbsp;Ерманов Нұрмұрат Наятұлы &nbsp;Консультативтік –кеңесші органның мүшелерін ашық дауыс беру арқылы қабылдауды ұсынды. &nbsp;Ашық дауыс беру арқылы &nbsp;өңіріміздің сыйлы да абыройлы азаматтары Кеңес мүшелері болып тағайындалды. Нәтижесімен ресми түрде Консультативтік – кеңесші органның төрағасы &nbsp;болып Ерманов Нұрмұрат Наятұлы қайта тағайындалса, мүшелері болып «AMANAT» партиясы Қызылорда қалалық филиалының Атқарушы хатшысы Абдрахманов Шәріп Ақбарұлы, Қызылорда облыстық «Qyzylorda» телеарнасы директорының орынбасары Қасымова Айсұлу Жұмабайқызы, «Қазақстандағы орыс қауымдастығы» қоғамдық бірлестігінің Қызылорда филиалының төрағасы Толоконников Владимир Петрович, Қызылорда облысы Полиция департаменті Ардагерлер кеңесінің төрағасы Тұңғышбай Серікбол Қуатбайұлы, «Қызылорда облысы кәсіподақтар орталығы» аумақтық кәсіподақтар бірлестігінің төрағасы, облыстық мәслихаттағы «AMANAT» партиясы депутаттық фракциясының мүшесі &nbsp;Нәлібаев Мақсұт Ыбырайханұлы, Қазақстан Республикасының Ішкі істер министрлігі Ішкі істер органдарының Құрметті ардагері, ҚР Журналистер одағының мүшесі Шаймағамбетов Әмірбек Бердібекұлы, Қызылорда қалалық мәслихатының депутаты, қоғам белсендісі Мұсаев Ерлан Нұрланұлы, «Самұрық» инновациялық идеяларды дамыту орталығы» қоғамдық қорының директоры Тұсмағамбетов Жандос Бектайұлы сайланды. &nbsp; &nbsp;&nbsp;Департамент бастығы Мұхтар Аманқұлұлы сөз алып, жаңадан тағайындалған Кеңес мүшелеріне алғысын білдіріп, алдағы уақытта қоғамдық қауіпсіздікті қамтамасыз ету жолындағы біріккен жұмыстың нәтижелі болатынына сенім білдірді.&nbsp;<blockquote>«Қазіргі таңда еліміздің ішкі қауіпсіздігінің сақталуы аса маңызды болып отыр. Бұл тек қана полицияның емес, барлығымыз бірлесе атқарар іс екендігі белгілі. Міне, осы тұрғыдан ішкі істер органдарына Сіздердің көмектеріңіз қажет. Біз Сіздерді полиция мен елдің арасындағы алтын көпір ретінде танимыз. Жаңадан тағайындалған Кеңес мүшелеріне алғысымды білдіріп, алдағы уақытта қоғамдық қауіпсіздікті қамтамасыз ету жолындағы біріккен жұмыстың нәтижелі болатынына сенім білдіремін» - деп атап өтті департамент бастығы Мұхтар Аманқұлұлы.&nbsp;</blockquote>Сонымен қатар, Кеңес мүшелері тарапынан полицияның жұмысын жақсарту, полицияны халыққа жақындату және халықтың сенімін арттыру, полиция қызметінің өзекті мәселелері туралы халықты жан-жақты және шынайы ақпараттандыру, полиция қызметін жетілдіру бойынша ұсыныстар енгізілді.&nbsp;Кеңес соңында төраға Нұрмұрат Наятұлы жыл бойы атқарылған жұмыстарды, қол жеткізілген көрсеткіштерді саралап, отырысты қорытындылады. &nbsp;&nbsp;<figure class="image"><img src="https://knadmin.beoblood.kz/uploads/318105400_155727693862216_7980113120862269896_n_6699292659.jpg" alt="318105400_155727693862216_7980113120862269896_n.jpg"></figure>

Қызылорда облысының полиция департаментінде Консультативтік  - кеңесші органның отырысы өтті

<a href="https://kyzylorda-news.kz/">Kyzylorda-news.kz.</a> Қызылорда облыстық қоғамдық даму басқармасының ұйымдастыруымен сыбайлас жемқорлықтың алдын алу мәселелері және оған қарсы мәдениетті қалыптастыру бағыты бойынша Сыр өңірінің қадірлі азаматы, мемлекет және қоғам қайраткері Төребаев Шахизат Хамитұлымен кездесу өтті.Басқосуға зиялы қауым өкілдерімен бірге бірқатар басқармаларда жұмыс жасайтын мемлекеттік қызметкерлер қатысты. Шакизат Төребаев өмір жолында мемлекеттік қызметте сатылап өсіп, түрлі жауапты қызметтерді атқарған азамат. Сондықтан да, сындарлы да қиын сәтте мемлекеттік қызметте абыройлы болудың, жауапты саладағы жауапкершілік салмағын саралаудың маңыздылығын жиналған көпшілікке айтып берді. Келелі кездесуде жаңа дамудың қарсаңында тұрған Қазақстанның мемлекеттік саясатының негізгі басымдықтарының бірі сыбайлас жемқорлықпен жалпыұлттық негізде күресуді тоқтатпауды, оның тамырына балта шабу қажеттігі айтылды. Әрине, бұл үшін азаматтық қоғамның, әрбір адамның үлес қосуы өте маңызды.Айта кету керек, жыл басынан бері аймақта халық арасында сыбайлас жемқорлыққа қарсы нормаларды түсіндіру бағытында барлығы 25 шара ұйымдастырылды. Мұнан бөлек, діни бірлестіктер және өзге де этнос өкілдерімен 6 шара, жастар арасында сыбайлас жемқорлыққа қарсы мәдениетті қалыптастыру бойынша түрлі форматтағы 18 шара және мемлекеттік қызметшілердің зиялы қауым өкілдерімен 3 кездесуі өткізілді.Сондай-ақ, баспа БАҚ-та «Антикор», «Тура биде туған жоқ», «Жемқорлықпен бірге күресеміз» тақырыптарында арнайы айдарлар ашылған. Аталмыш айдарлар аясында тұрақты материалдар жариялануда.<img src="https://knadmin.beoblood.kz/uploads/318724872_1265107817380619_795572143182933948_n_a005bcad48.jpg" alt="318724872_1265107817380619_795572143182933948_n.jpg">

Сыбайлас жемқорлыққа қарсы мәдениетті қалыптастыруға бағытталған кездесу өтті

<a href="https://kyzylorda-news.kz/">Kyzylorda-news.kz.</a> Қызылорда облысы бойынша мемлекеттік кірістер департаментінің өткен жылдың қортындысымен анықталған Үздік салық төлеушілерді марапаттау жиыны өткізілді.&nbsp;Мемлекеттік кірістер органдарының ашықтығы мен сенімін арттыру және кәсіпкерлік қызмет субъектілерін моральдық ынталандыру мақсатында Қазақстан Республикасы Қаржы министрлігі Мемлекеттік кірістер комитеті «Үздік салық төлеуші» және «Үздік сыртқы экономикалық қызметке қатысушы» лауреаттарын Мемлекеттік кірістер комитеті төрағасының биылғы жылдың 16 қарашасындағы №674 бұйрығына сәйкес іріктелді. Нәтижесінде өңіріміздің 5 салық төлеушісі мен 1 сыртқы экономикалық қызметке қатысушы үздік болып анықталды.Қызылорда облысы бойынша мемлекеттік кірістер&nbsp;департамент басшысы Ғани Аманов лауреаттарды құттықтап, диплом табыстады. Үздік салық төлеушілер мен Сыртқы экономикалық қызметтің үздік қатысушыларын атап өтер болсақ:- «Ауыл шаруашылығы өнімін өндірушілер үшін арнаулы салық режимі» номинациясының лауреаты «Қызылдихан» шаруа қожалығы.&nbsp;- «Оңайлатылған декларация негізіндегі арнаулы салық режимі» номинациясының жеңімпазы дара кәсіпкер Нұғманова Баян Нұрланқызы.- «Салық салудың жалпыға бірдей режимі - өндіріс» номинациясының жеңімпазы «Меркур-Стройсервис» жаупкершілігі шектеулі серіктестігі.&nbsp;- «Салық салудың жалпыға бірдей режимі - өндіріс» номинациясының лауреаты «Жаңақорған-Шипажай» акционерлік қоғамы.- «Салық салудың жалпыға бірдей режимі - өндіріс» номинациясының лауреаты «DALATEX» жауапкершілігі &nbsp;шектеулі серіктестігі.- «Сыртқы экономикалық қызметтің үздік қатысушы» номинациясының жеңімпазы «Эль Панда» жауапкершілігі шектеулі серіктестігі.<figure class="image"><img src="https://knadmin.beoblood.kz/uploads/318625476_1323579731729302_1769515130278777839_n_9a1ee1e3b1.jpg" alt="318625476_1323579731729302_1769515130278777839_n.jpg"></figure><figure class="image"><img src="https://knadmin.beoblood.kz/uploads/318533312_1323579701729305_693203120283997651_n_03d6db2029.jpg" alt="318533312_1323579701729305_693203120283997651_n.jpg"></figure><figure class="image"><img src="https://knadmin.beoblood.kz/uploads/318539942_1323579625062646_6196860466376900673_n_bc5de8131b.jpg" alt="318539942_1323579625062646_6196860466376900673_n.jpg"></figure>

Қызылордада үздік салық төлеушілер анықталды

<a href="https://kyzylorda-news.kz/">Kyzylorda-news.kz.</a> Қармақшы аудандық «Жас ұлан» ұйымының ұйымдастыруымен Балалар жылына орай «Ұланымыз ұлы елдің!» атты салтанатты жиыны өтті.Салтанатты жиынға құрметті қонақтар, барлық мектеп тәлімгерлері мен 300-ге тарта жасұландықтар қатысты. 14 мыңға жуық мүшесі бар Қармақшы аудандық «Жас ұлан» ұйымының қатары биылғы оқу жылында оқуда озат, түрлі байқаулардың жеңімпаздары болып жүрген 100 оқушымен толықты.Балалар жылы аясында «Жас ұланның жұлдызды жылы» жылдық акциясына белсене қатысқан жас ұландар республикалық, облыстық «Жас ұлан» ұйымының және аудандық білім бөлімінің дипломдарымен марапатталды.Салтанатты жиынның жоғары дәрежеде өтуіне «AMANAT» партиясы Қармақшы аудандық филиалы қолдау білдіріп, демеушілік жасады.Айта кетейік, 2011 жылдың 6 шілдесінде «Жас Ұлан» балалар мен жасөспірімдер ұйымы республикалық қоғамдық бірлестігі өз жұмысын бастады. Сол жылдың 26 тамыз күні «Жас Ұлан» ұйымының І құрылтайы өтті. Онда жаңа ұйымның алдында тұрған мақсаттары мен міндеттері сараланып, жұмыс жоспары қабылданды, сонымен бірге ресми нышандары бекітілді. Алғашқы күннен ұйымның мақсаты өскелең жас ұрпақтың бойына еліне, жеріне деген патриоттық сезімді қалыптастыру, сапалы білім алу мен өзін-өзі жетілдіруге деген құштарлық, еліміздің тарихына, бүгінгісі мен болашағына жауапкершілікпен қарай білуге тәрбиелеу болып белгіленген болатын және сол бойынша ауқымды жұмыстар атқарылды. &nbsp;<img src="https://knadmin.beoblood.kz/uploads/318593704_1339866793451911_9154440505704145414_n_de351e8c90.jpg" alt="318593704_1339866793451911_9154440505704145414_n.jpg">

Балалар жылына орай «Ұланымыз ұлы елдің!» атты салтанатты жиын өтті

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменовтың төрағалығымен аппарат мәжілісі өтті. Жиынның күн тәртібінде үш мәселе қаралды.Алдымен қалалық құрылыс бөлімінің басшысы Айдын Әнуар хабарлама жасап, салада атқарылған жұмыстар туралы баяндады. ​Биыл қаланың құрылыс саласында ауқымды жұмыстар атқарылды. Газ бен су желілерін тартуда, абаттандыру мен елді мекендерде қажетті құрылыстар, көпқабатты үйлер салуда республика бойынша алдыңғы қатардан көрінді. Бөлінген қаражаттарға жасалған жұмыстар қазірде аяқталу үстінде. Келер жылға да жоспарланған шараларға қатысты жобалар тиянақталды. Дегенмен, шаһар басшысы жауапты сала сапаға аса мән беріп, орындалу мерзімдерін қадағалап отыруы қажет деді. &nbsp;​Биыл қала тұрғындары жылуға ерте қосылды. Алайда, кейбір пәтер иелері жылу температурасының төмендігі жайында мәселе көтеріп, әлеуметтік желілерде жазбалар қалдырды. Осыған байланысты мамандар тексеру жүргізіп, жылудың бірқалыпты беріліп тұрғандығын анықтап, түсіндірме жүргізді. Қазір жылу беру маусымы тұрақты өтуде. Қала әкімі Асылбек Өмірбекұлы жылу беруден кемшіліктер болмауын, күнделікті бақылау жасауды тапсырды.​Сондай-ақ, мәжілісте Қызылөзек ауылдық округінің әкімі Сәкен Әбдіжаппардың жыл басынан бері атқарған жұмыстар мен алдағы міндеттер туралы баяндамасы тыңдалды. Ауылдық округте «Өңірлерді дамыту» бағдарламасы аясында бөлінген 3 млн. 620 мың теңгеге Айнакөл ауылының көшелеріне түнгі жарық бағаналары орнатылған. Бұдан бөлек, үнемделген қаражат есебінен 3,9 млн. теңгеге жарық бағаналары қойылып, жарықтандыру бойынша көтерілген мәселелер толық шешім тапқан.​Алдағы уақытта «Ауыл – ел бесігі» бағдарламасы аясында 6 көшені орташа жөндеу, «Қожақ» автомобиль көпірін күрделі жөндеу, елді мекендерді газдандыру, электр желілерін қайта жаңғырту жұмыстарына жоба-сметалық құжаттарын әзірлеу секілді маңызды міндеттер тұр. Шаһар басшысы ауыл әкіміне тұрғындармен тығыз байланыста болып, талап-ұсыныстары бойынша жұмыс жүргізуді жүктеді. &nbsp; ​Қала әкімі аппараттық мәжілістің қорытындысы бойынша жауапты сала басшыларына бірқатар тапсырмалар берді.<figure class="image"><img src="https://knadmin.beoblood.kz/uploads/318087393_3251288258471243_6420452011336630483_n_cacbffb480.jpg" alt="318087393_3251288258471243_6420452011336630483_n.jpg"></figure>

Қазақстан және Қызылорда облысының жаңалықтары