<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде &nbsp;жас ғалымдардың ғылыми-зерттеу жұмысын жүргізуге арналған ректор грантына конкурс ұйымдастырылды. Байқауға университет бойынша 22 жоба ұсынылып, оның ішінде 6 жас ғалымның жобасы үздік деп танылды.Конкурс талабына сәйкес, білім ордасының 40 &nbsp;жасқа дейінгі ғалымдары мен 1, 2 курс докторанттары жаңа зерттеулерін ұсынды.&nbsp;Айталық, жас ғалым, аға оқытушы Дархан Орынбеков заманауи Arduino технологиясымен «Smart ботаникалық бақ» жасақтамақ.<blockquote>– &nbsp;«Smart ботаникалық бақ» – әлемдік және жергілікті бірегей флора туралы қазіргі заманғы деректерді қамтитын жоба. &nbsp; &nbsp; &nbsp; &nbsp; Arduino – арнайы білімі жоқ, бірақ қызығушылығы жоғары қолданушыға арналған автоматика және робототехника салаларындағы әртүрлі электронды құрылғыларды жасауға арналған құрал. &nbsp;Arduino бөлшегі &nbsp;датчиктерден сигнал қабылдап, құрылғыларды басқара алады. Ол автономды режимде немесе компьютермен бірге жұмыс істейді.&nbsp;Бақта өсімдік топырағына ылғалдылықты анықтайтын датчик қойылады. Сол датчик көрсеткіштері арқылы автоматты түрде суару қосылады. Өсімдіктердің суару жүйесі автоматтандырылған. 24 сағатта бір рет 10-15 минут суарылады. Ол өсімдіктің түріне де байланысты, – деді грант иегері Дархан Даниярұлы.</blockquote>Ал, университеттегі «Археология және этнография» орталығының ғылыми қызметкері, PhD Ислам Құрманиязов Ежелгі Асанас, Қышқала, Арал-асар ескерткіштерінен табылған остеологиялық материалдарды ғылыми талдау және аймақтық ортағасырлар кезеңіндегі жануарлар әлемі мен өсімдіктер дүниесін зерттеу жұмысын қолға алғалы отыр.&nbsp;Сондай-ақ, «Мәдениеттану» мамандығы бойынша философия докторы Жарқынбек Әбікенов оңтүстік өңір тұрғындарының коммуникациялық мәдениетіндегі үдерістерді зерттеу жұмысымен айналыспақ. Ғалым Қызылорда, Түркістан, Жамбыл, Жетісу, Алматы облыстары мен Алматы, Шымкент қаласы тұрғындарының коммуникациялық дағдыларын басты назарға алуды жоспарлауда.Гранттық жобаларды іріктеуде жоба тақырыбының маңыздылығына, ашықтығына, өзектелігіне ерекше басымдық берілді. Қазақ халық педагогикасындағы дене шынықтыру дәстүрлерін терең зерттеп, студенттерді патриоттық тәрбиелеу жұмысы туралы PhD Талант Бимахановтың жобасы да конкурста қолдау тапты.Ал, педагогика ғылымдарының магистрі, аға оқытушы Ербол Бекіш XIX ғасырдың екінші жартысы мен XX ғасырдың басындағы қазақтың рухани және зайырлы интеллигенциясының ағартушылық-педагогикалық қызметін зерттемек.&nbsp;Сондай-ақ, конкурс барысында тіл мәселесі де назардан тыс қалмады. Бастауыш, орта және жоғары мектеп мұғалімдеріне арналған психологиялық-педагогикалық терминдердің үш тілде глоссарийін әзірлеу туралы Жанна Ізтілеуованың жобасы да қолдауға ие болды.Жобалары үздік деп танылған ғалымдар осы жылдың желтоқсан айына дейін зерттеу жүргізіп, республикалық және халықаралық ғылыми басылымдарға мақалалар жариялайды. Оларға осы жұмыстарды жүргізу үшін жалпы қаржы көлемі 10 млн теңгелік сертификаттар табысталды.&nbsp;Айта кетейік, 2021 жылы жалпы қаржы көлемі 10 млн теңгелік 4 жоба университеттің грантын иеленген болатын. Жас ғалымдарға арналған бұл конкурс дәстүрлі түрде жалғасын тауып келеді.&nbsp; Университеттің ғалымдарға деген қолдауы зерттеушілердің ғылымға деген қызығушылығын арттырып, жаңа жобалардың ашылуына жол ашпақ.<figure class="image"><img src="https://knadmin.beoblood.kz/uploads/durys_26_26f333c436.JPG" alt="дурыс (26).JPG"></figure> &nbsp;

Қызылордалық жас ғалым «Smart ботаникалық бақ» жасамақ

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының кеңесшілері сервистік және ақпараттық қызмет көрсетуден республика көлемінде алғашқы үштікте. Өткен жылы олар 2549 азаматқа 8 мыңнан астам кеңес беріп, тоғыз жүзге жуық кәсіпкерге 949 сервистік қызмет көрсеткен.Қызылорда қаласы мен аудандарда Палата жанынан Кәсіпкерлерге қызмет көрсету орталықтарының құрылғанына биыл – 9 жыл. Барлық орталықта арнайы кеңесшілер жұмыс істейді.<blockquote>«Палата кеңесшілері барлық ауданда және қалада кәсіппен айналысуға ниетті жандарға кеңесін айтып, бағыт-бағдар беріп жатыр. 9 жылда 91 мыңнан астам кеңес беріп, кәсіпкерлерге 13,6 мыңнан астам сервистік қызмет көрсетті. Бұл жердегі сервистік қызмет дегеніміз кәсіпкерлердің бухгалтерлік есептерін тапсыру, бизнес жоспарларын әзірлеп беру, рұқсат құжаттарын алуда сүйемелдеп, келісімшарттарын дайындау тағы да басқалары», – деді Кәсіпкерлер палатасының директоры Пірмұхаммед Сыздықов.</blockquote>Палата кеңесшілерінің жиі көрсететін қызметі бизнес жоспар жасау. Былтыр кеңесшілер жалпы құны 3,4 млрд теңгені құрайтын 448 жобаға жоспар әзірлеп берген.Бизнес өкілдері жүгінетін келесі қызмет түрі – бухгалтерлік, салықтық есептер. Өткен жылы мамандар 186 кәсіпкердің есептерін тапсырды. Сұранысы жоғары қызметтердің үштігін құқықтық мәселелерге қатысты қызметтер түйіндейді. Кәсіпкерлерге қызмет көрсету орталығында 153 кәсіпкер құқықтық құжаттарын жасатқан.<blockquote>«Қазір жылды қорытып, өзге өңірлердегі әріптестерімізбен көрсеткіштерімізді салыстырып жатырмыз. Кеңесшілердің көрсеткен қызметтерінің көрсеткіші бойынша Қызылорда облысы республика көлемінде алғашқы үштікте. Сервистік қызмет бойынша Астана қаласынан кейінгі 2-орындамыз, ақпараттық қызмет бойынша 3-орында», – деді Палата басшысы.</blockquote>Былтыр желтоқсанда «Атамекен» ҰКП барлық өңірдегі кеңесшілерді аттестациядан өткізді. Бұл шарада Қызылорда облысы кәсіпкерлер палатасының кеңесшілері үздік үштіктер сапынан көрінді.Қаржылай емес қолдау қызметтерін алғысы келетін кәсіп ашуға ниетті азаматтар мен кәсіпкерлерді Палата кеңесшілеріне жүгінуге шақырамыз. Кәсіпкерлер палатасының барлық ауданда филиалдары бар. Кәсіпкерлер палатасының байланыс нөмірі 8 /7242/ 40-09-81, 40-02-02.

Қызылорда облысы кәсіпкерлер палатасының кеңесшілері 3,5 мыңға жуық азаматқа қызмет көрсетті

<a href="https://kyzylorda-news.kz/">Kyzylorda-news.kz.</a> Сапасыз білім берген жоғары оқу орындарын қатаң реттеу принципі қолданылады. Бұл туралы ҚР Ғылым және жоғары білім министрі Саясат Нұрбек мәлімдеді, деп хабарлайды <a href="https://www.inform.kz/kz/biyl-15-universitet-tekseriledi-sayasat-nurbek_a4020574">ҚазАқпарат</a>.Ведомствоның кеңейтілген алқа мәжілісінен кейін БАҚ өкілдерінің сауалына жауап берген министр жоғары оқу орындары лицензиясынан тек соттың шешімен айырылатынын баса айтты. Ал Конституцияға сәйкес Үкімет те, атқарушы билік те соттың шешімін өзгерте алмайды.<blockquote>«16 жоғары оқу орны лицензиясынан айырылды. Биыл 15 университет тексеруде тұр. Алайда 2023 жылдан бастап жоғары оқу орындарын мемлекеттік бақылау моделі өзгереді. Осылайша, жаңа реттеу саясаты енгізіледі. Біз бұл мәселені мұқият қарастырамыз. Университетті бұрынғыдай тез жабуға мүмкіндік болмайды. Себебі, заңдағы принцип өзгереді. Бірақ, бұл жұмысты жалғастырамыз. Президент нақты тапсырмалар берді. Оған қатысты саясат өзгерген жоқ. Сапасыз білім берген жоғары оқу орындарын қатаң реттеу принципі қолданылады», - деді Саясат Нұрбек.</blockquote>Айта кетерлігі, Ғылым және жоғары білім министрлігінің мәліметінше, бүгінде 5 жеке университетке қатысты сот процесі жүріп жатыр. &nbsp;

Саясат Нұрбек: 16 жоғары оқу орны лицензиясынан айырылды

<a href="https://kyzylorda-news.kz/">Kyzylorda-news.kz.</a>&nbsp; 2023 жылдың 1 қаңтарынан бастап бірқатар әлеуметтік төлем мөлшері көбейді. Нақтырақ айтқанда, ең төменгі зейнетақы мөлшері - 53 076 теңгені құрап, 15 пайызға көбейтілсе, ең төменгі күнкөріс деңгейі – 40 567 теңге болып бекітілді. Ал айлық есептік көрсеткіш – 3 450 теңгені құрады. Сонымен қатар биылғы жылдың 1 қаңтарынан бастап еңбек сіңірген жылдары үшін және жасына байланысты зейнетақы төлемдерінің мөлшері 10,5 пайызға дейін артты. Бұл жөнінде Өңірлік коммуникациялар қызметінде өткен брифингте Еңбек, әлеуметтік қорғау және көші-қон департаментінің Қызылорда облысы бойынша басшысының орынбасары Төреахмет Жолымбетов хабарлады.<blockquote>«Мемлекет басшысының 1 қыркүйектегі Жолдауында зейнетақы жүйесінің тиімділігін арттыру туралы бірқатар заңға өзгерістер енгізген болатын. Соның бірі – биылдан бастап әйелдердің зейнет жасы 61 жас болып бекітілді. Алайда бұл өзгеріс алдағы бес жылға дейін сақталады. Сонымен қатар 1 қаңтардан бастап жасына байланысты жаңадан тағайындалатын зейнетақы төлемдерінің мөлшері 46 айлық есептік көрсеткіштен 55 айлық есептік көрсеткішке дейін көбейді. Осыған сәйкес, жасына байланысты зейнетақы төлемдерінің мөлшерін есептеу екі нұсқамен қаралатын болады. Осылайша, биылдан бастап зейнетақы жүйесіне 10 және одан аз жыл қатысқан немесе еңбек өтілі болмаған жағдайда ең төменгі күнкөріс деңгейінің 60 пайызы мөлшерінде зейнетақы төлемі ұлғайтылды. Жалпы облыс бойынша жасына байланысты зейнетақы алушылардың саны -78 923, ал базалық зейнетақы алушылардың саны – 75 504 адамды құрайды. Сондай-ақ, биыл бала туған кезде отбасына баланың кезегіне байланысты төленетін жәрдемақының екі түрінің де мөлшері де өсті. Атап айтқанда, бірінші, екінші және үшінші бала туылғанда берілетін бір жолғы жәрдемақының мөлшері - 131 100 теңгені құраса, ал төрт және одан да көп балаға - 217 350 теңгеге дейінгі бір реттік жәрдемақы беріледі. Бұдан бөлек, «Алтын алқа», «Күміс алқа» алқаларымен марапатталған немесе бұрын «Батыр ана» атағын алған, «Ана даңқы» орденімен марапатталған көп балалы аналарға төленетін ай сайынғы мемлекеттік жәрдемақылардың мөлшері де арттырылды», - деді департамент басшысының орынбасары Төреахмет Жолымбетов.</blockquote><figure class="image"><img src="https://knadmin.beoblood.kz/uploads/323625190_700291904874394_4595651734390477245_n_cd92bb9392.jpg" alt="323625190_700291904874394_4595651734390477245_n.jpg"></figure>

Қызылорда: Зейнетақы мен жәрдемақы мөлшері өсті

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысынан ҚР Парламенті Сенатының депутаттығына 3 кандидат тіркелді. Бұл туралы Өңірлік коммуникациялар қызметінің ақпараттық алаңында өткен брифингте облыстық сайлау комиссиясының төрағасы Ғалым Баймырзаев мәлімдеді.Үміткерлердің арасында мемлекеттік кәсіпорынның қызметкері - мәслихат депутаты, саяси және мемлекеттік қызметші бар. Олардың орташа жасы шамамен - 54.<blockquote>- Өңірден «Қазсушаруашылығы» республикалық мемлекеттік мекеменің Қызылорда облысы бойынша филиалының директоры Жорабек Нұрымбетов пен облыстық мәдениет және спорт басқармасының басшысы Руслан Рүстемов және Қызылорда қаласының әкімі Асылбек Шәменов тіркелді. ҚР Парламенті Сенаты депуттарының сайлауы 14 қаңтар күні өтеді. Сондай-ақ Сенатқа кімнің баратынын, облыстағы 147 мәслихат депутаты дауыс беру арқылы таңдауларын жасайды. Бүгінде облыстық сайлау комиссиясына өтініштер мен шағымдар келіп түскен жоқ,- деді Ғалым Қонақбайұлы.</blockquote>Айта кетейік,сайлау алдындағы үгіт жұмыстары 13 қаңтар сағат 00.00-ге дейін жалғасады. Сәйкесінше, 13 қаңтар тыныштық күні.

ҚР Парламенті сенатының депутаттығына 3 кандидат тіркелді

<a href="https://kyzylorda-news.kz/">Kyzylorda-news.kz.</a> Қызылорда қалалық жұмыспен қамту, әлеуметтік бағдарламалар және азаматтық хал актілерін тіркеу бөлімі мекенжайын ауыстырды.&nbsp;<blockquote>«Қызылорда қалалық жұмыспен қамту, әлеуметтік бағдарламалар және азаматтық хал актілерін тіркеу бөлімі» КММ және «Қызылорда қаласының жұмыспен қамту орталығы» КММ-сі 2023 жылдың 4 қаңтарынан бастап бір терезе қағидатына сәйкес мемлекеттік көрсетілетін қызметтердің қолжетімділігін арттыру мақсатында Қызылорда қаласы, Ғ. Мұратбаев көшесі №1 Д (Халыққа қызмет көрсету орталығына қарама қарсы) мекен-жайында бір жерден қызмет көрсететінді», - делінген хабарламада.&nbsp;</blockquote>

Хабарландыру: Бөлім мекенжайын ауыстырды

<a href="https://kyzylorda-news.kz/">Kyzylorda-news.kz.</a> Синоптиктер 7-9 қаңтарға арналған ауа райы болжамын ұсынды.Метеорологтар мәліметі бойынша, Атлант циклоны және онымен байланысты атмосфералық фронттар елдің барлық аумағында тұрақсыз ауа райы режимін сақтай отырып, шығысқа қарай баяу ығысуын жалғастырады. Қазақстанның шығысында қалың қар жауады, ал оңтүстігінде жаңбыр мен қар, таулы аймақтарда қатты жауын-шашын болады.Республиканың барлық аумағында бұрқасын, көктайғақ құбылыстары, батыста және оңтүстікте тұман күтіледі.<blockquote>«Бірақ 7 қаңтарда суық арктикалық антициклон елдің батысынан ауыса бастайды, онымен жауын-шашынның біртіндеп тоқтауы және батыста, содан кейін елдің қалған бөлігінде ауа температурасының күрт төмендеуі күтіледі. Термометр бағандары төмендейді: батыста, елдің орталығында 20-28 градус аязға дейін, солтүстік-батыста, республиканың солтүстігінде 25-33 градус аязға дейін, шығыста 5-13 градус аязға дейін, ал елдің оңтүстігінде 0-10 градус аязға дейін», - делінген хабарламада.</blockquote>

Алдағы демалыс күндеріне арналған ауа райы болжамы жарияланды

<a href="https://kyzylorda-news.kz/">Kyzylorda-news.kz.</a> Ғылым және жоғары білім министрі Саясат Нұрбек министрліктің кеңейтілген алқа отырысында 2025 жылдан бастап елімізде оқу ақысы қымбаттайтынын мәлімдеді, деп хабарлайды <a href="https://stan.kz/kazakstanda-aldagi-zhildari-oku-akisi-kimbattaydi-375765/">Stan.kz</a>.<blockquote>«Бюджеттегі тиісті қаржы көлемін ескеру керек. Біз біртіндеп грант құнын арттырамыз. Себебі, жоғары оқу орындары стипендия мен оқытушылардың жалақысын өсіруге мүмкіндік берілуге тиіс. Екіншіден, барлық студенттің халықаралық цифрлық кітапханаларға тегін қосылуына жағдай жасау қажет. Бұл білім алу үшін маңызды», - деді министр.</blockquote>Бұнымен қоса, Саясат Нұрбек өткен жылы үш университет Times Higher Education рейтингіне енгенін, шетелде қазақстандық жоғары оқу орнының 3 филиалы ашылғанын атап өтті.

Қазақстанда алдағы жылдары оқу ақысы қымбаттайды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысындағы Халыққа көрсету орталығының мамандандырылған бөлімінде өткен жылы 36 мың 98 көлік құжаттары рәсімделген. Қазіргі таңда азаматтар көлік сатып алу және сату кезінде көбіне kaspi.kz қосымшасы арқылы мемлекеттік қызметке тапсырыс береді. Өткен жылы аталған банк қосымшасымен 20 мың 243 көлік құжаттары әзірленген.Мамандандырылған бөлімде 2022 жылы 2 мың 300 адам көлік жүргізу куәлігін алған. Айта кету керек, алғаш рет куәлік алушылар бөлімде алдымен теориялық етихан тапсырып, одан өткен жағдайда ғана практикалық сынаққа жіберіледі.Өткен жылы VIP санатындағы мемлекеттік нөмірлерге де көптеп тапсырыс түскен. Атап айтқанда, осы санаттағы 674 мемлекеттік нөмір рәсімделіп, нәтижесінде қазынаға 179 млн 411 мың теңге табыс түскен. Бөлім мамандарының айтуынша облыс тұрғындары VIP нөмірлер ішінде 077, 707 және 070 нөмірлеріне көп тапсырыс берген.

Мамандандырылған ХҚКО-да өткен жылы 36 мың көлік рәсімделген

<a href="https://kyzylorda-news.kz/">Kyzylorda-news.kz.</a> Қаңтар айының 5-күні, сағат 17:30 шамасында Жаңақорған кенті , З.Байзақов көшесі №42 үй тұрғыны, 61 жастағы азамат Якубов Данияр Курбанович белгісіз бағытқа шығып, қайта оралмаған.Үстінде көк түсті күрте, басында қара қалпақ, сұр түсті шалбар, аяғында қара түсті аяқ киім киген.<blockquote>«Осы белгісіз бағытқа шығып кеткен азаматты іздеп табу мақсатында Жаңақорған ауданының полиция бөлімінің қызметкерлерінен топ құрылып жедел іздестіру амалдары жүргізіліп жатқанын хабарлай отырып, хабар-ошарсыз кету дерегі бойынша қандайда бір мәлімет болған жағдайда, Жаңақорған ауданының полиция бөліміне төмендегі мекен-жай бойынша Жаңақорған кенті, С.Қожанов көшесі # 46, 8/72435/ 24-1-55, 24-1-58 немесе 102 телефондарына хабарласуларыңызды сұраймыз», - делінген аудандық полиция бөлімінің хабарламасында.</blockquote>

Жаңақорғанда 61 жастағы азамат жоғалып кетті 

<a href="https://kyzylorda-news.kz/">Kyzylorda-news.kz.</a> Бокстан ерлер құрамасының бас бапкері болып Мырзағали Айтжанов тағайындалды, деп хабарлады Қазақстанның бокс федерациясы.Мырзағали Айтжанов – Олимпиада ойындарының қола жүлдегері, әлем чемпионы Сәкен Бибосыновтың жеке бапкері.Ол ұлттық құраманы басқарған 2009-2018 жылдар аралығында Қазақстан тарихи жетістіктерге жетті. Лондондағы олимпиада ойындарында Серік Сәпиев чемпион және Вэл Баркер кубогының иегері атанды, Рио-де-Жанейродағы ойындарда Данияр Елеусінов осы жетістікті қайталады.Команда Мырзағали Айтжановпен бірге әлем чемпионаттарында 5 алтын (2013 жылы – 4, 2017 жылы – 1) медаль жеңіп алды.Мырзағали Айтжанов – Халықаралық дәрежедегі спорт шебері, Қазақстанның еңбек сіңірген жаттықтырушысы. 1988 жылы КСРО құрамасымен жасөспірімдер арасындағы Еуропа чемпионатында жеңіске жетті.<a href="https://sputnik.kz/20230106/myrzagali-aytzhanov-bokstan-erler-ulttyq-quramasynyn-bas-bapkeri-boldy-30891947.html">Sputnik</a>

Мырзағали Айтжанов бокстан ерлер ұлттық құрамасының бас бапкері болды

<a href="https://kyzylorda-news.kz/">Kyzylorda-news.kz.</a> «Қазақстан халқына» қоғамдық қоры қайғылы қаңтар оқиғалары барысында зардап шеккен 540 адамға жалпы сомасы 2 млрд 112 млн теңгеге қайырымдылық көмек көрсетті, деп хабарлайды <a href="https://www.inform.kz/kz/kazakstan-halkyna-kory-kantar-okigasynan-zardap-shekkenderge-2-mlrd-tengenin-komegin-korsetti_a4020416">ҚазАқпарат</a>.Атап айтқанда:<ul style="list-style-type:disc;"><li>қаза тапқан 19 әскери қызметшінің, ішкі істер және Ұлттық қауіпсіздік органдарының қызметкерлерінің отбасыларына - 133 млн теңге (7 млн теңгеден);</li><li>Ауыр жарақат алған 111 әскери қызметшіге, ішкі істер және Ұлттық қауіпсіздік органдарының қызметкерлеріне - 333 млн теңге (3 млн теңгеден);</li><li>Қаза тапқан әскери қызметшілердің, ішкі істер органдары мен ұлттық қауіпсіздік органдары қызметкерлерінің отбасыларындағы 23 кәмелетке толмаған балаға - 46 млн теңге (әрбір кәмелетке толмаған балаға 2 млн теңгеден);</li><li>қаңтар оқиғаларының кездейсоқ құрбаны болған ҚР 135 азаматының отбасыларына - 945 млн теңге (7 млн теңгеден);</li><li>кездейсоқ құрбан болған Қазақстан Республикасының қаза тапқан азаматтарының отбасыларындағы 101 кәмелетке толмаған балаға - 202 млн теңге (әрбір кәмелетке толмаған балаға 2 млн теңгеден);</li><li>атыс қаруынан зардап шеккен және жәбірленуші деп танылған 138 ауыр жараланған кәмелетке толған азаматтарға - 414 млн теңге (3 млн теңгеден);</li><li>қаңтар оқиғасы кезінде жарақат алған 13 баланың отбасыларына - 39 млн теңге (3 млн теңгеден).</li></ul><a href="https://qazaqstanhalqyna.kz/kk/press/574-qazaqstan-halqyna-qory-qantar-0501-qaz.html">Қор сайтында</a> қайырымдылық көмек алған азаматтардың тізімі жарияланған.Қаза тапқан және ауыр жараланған әскери қызметшілердің, ішкі істер және Ұлттық қауіпсіздік органдары қызметкерлерінің, сондай-ақ қаза тапқандардың отбасыларында қалған кәмелетке толмаған балалардың тізімдерін Қорға осы ведомстволардың орталық аппараттары ұсынды.Бұл ретте Қор қаза тапқан әскери қызметшілердің, ішкі істер және Ұлттық қауіпсіздік органдары қызметкерлерінің отбасыларына; ауыр жараланған әскери қызметшілерге, ішкі істер және Ұлттық қауіпсіздік органдары қызметкерлеріне және жараланған балалардың отбасыларына (кәмелетке толмаған балалар) қайырымдылық көмек көрсетуді толық аяқтады.Кездейсоқ құрбан болған Қазақстан Республикасының қаза тапқан азаматтарының отбасыларындағы кәмелетке толмаған балалардың (2022 жылдың 9 қаңтардағы жағдай бойынша 18 жастан аспаған) тізімдері ҚР қаза тапқан азаматтар бойынша құжаттар жинау барысында қалыптастырылды.Бүгінгі таңда Қор қаңтар айындағы оқиғалардың кездейсоқ құрбаны болған ҚР қаза тапқан азаматтарының 12 отбасына және атыс қаруынан зардап шеккен және жәбірленуші деп танылған 131 ауыр жараланған кәмелетке толған азаматтарға қайырымдылық көмек көрсетуді жалғастыруда.Сонымен қатар, ҚР Бас прокуратурасы облыстардың, республикалық маңызы бар қалалардың және астананың әкімдіктерімен бірлесіп, Қорға атыс қаруынан зардап шеккен ҚР ауыр жарақат алған кәмелетке толған азаматтары бойынша қажетті құжаттарды жинауға көмек көрсетуде. &nbsp;

Қазақстан және Қызылорда облысының жаңалықтары