<a href="https://kyzylorda-news.kz/">Kyzylorda-news.kz.</a> Атлантикалық циклон жырасының әсерінен Қазақстанның басым бөлігіне жауын-шашын түседі, деп хабарлайды Қазгидромет.Еліміздің оңтүстігінде жаңбыр, кей уақыттарда қатты жаңбыр жауады. Тек еліміздің батысы атмосфералық жоғары қысым аумағында болғандықтан жауын-шашынсыз ауа райы сақталады.Қазақстан бойынша желдің күшеюі, солтүстік, батыс, шығыс, орталығында – жаяу бұрқасын, көктайғақ, оңтүстік, батыс, орталығында - тұман, Түркістан облысының күндіз таулы аудандарында найзағай күтіледі.

Жұма күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Төтенше жағдайлардың алдын алу және оларды жою, сондай-ақ азаматтық қорғаудың басқару органдарын, күштері мен құралдарын көктемгі кезеңге дайындау іс-қимылдарына азаматтық қорғаудың мемлекеттік жүйесін одан әрі жетілдіру мақсатында 2023 жылғы 2 наурыз күні «Көктем-2023» республикалық командалық-штабтық оқу-жаттығуы өткізілді. Осындай оқу-жаттығудың облыстық кезеңі Шиелі ауданында ұйымдастырылды.Оқу-жаттығу барысында жергілікті уақытпен 07.00-де «Дабыл-1001» сигналы түсті. Оқу-жаттығуды бақылау мақсатында Шиелі ауданының азаматтық қорғау қызметтерінің және шұғыл әрекет ету жасақтарының күш-құралдарының әзірлігін Шиелі ауданының әкімі Нұржан Ахатов &nbsp;және Қызылорда облысының Төтенше жағдайлар департаментінің бастығының орынбасары азаматтық қорғау полковнигі Ибрагимов Нұрсұлтан Жаңабайұлы қарап, тексерді. Оқу-жаттығуға 180 жеке құрам және 60 бірлік техника жұмылдырылды. Сонымен қатар оқу-жаттығуға азаматтық қорғаудың облыстық қызметтерінің өкілдері де қатысты.Жылжымалы басқару пункті арқылы «Көктем-2023» РКШОЖ &nbsp; басшылығының штабымен және Төтенше жағдайлар министрлігімен &nbsp;телефон байланысы және &nbsp;бейнеконференц байланысы ұйымдастырылды.Мұндай оқу-жаттығу Қызылорда облысының барлық аудандарында және Қызылорда қаласында өткізілді. Жалпы облыс бойынша оқу-жаттығуға барлығы 1933 жеке құрам мен 535 бірлік техника жұмылдырылды. &nbsp; <img src="https://knadmin.beoblood.kz/uploads/IMG_20230302_WA_0338_c5aaef6594.jpg" alt="IMG-20230302-WA0338.jpg"><img src="https://knadmin.beoblood.kz/uploads/IMG_20230302_WA_0341_5f05cffd3d.jpg" alt="IMG-20230302-WA0341.jpg"><img src="https://knadmin.beoblood.kz/uploads/IMG_20230302_WA_0340_766c4453ba.jpg" alt="IMG-20230302-WA0340.jpg">

Қызылордада «Көктем - 2023» республикалық командалық-штабтық оқу –жаттығуы өткізілді

<a href="https://kyzylorda-news.kz/">Kyzylorda-news.kz.</a>&nbsp;Міндетті әлеуметтік медициналық сақтандырудың артықшылықтары қандай, дәрігердің жолдамасынсыз МРТ тексеруден өтуге болады ма, БЖТ қалай төлеуге болады? Осы және басқа да сауалдармен Сырдария ауданының тұрғындары Әлеуметтік медициналық сақтандыру қорының Қызылорда облысы бойынша филиалының өкілдерімен кездесу барысында жүгінді.Филиал директоры Бақыт Исмаханбетовтың басшылығымен Қор мамандары аудан орталығынан шалғай орналасқан Айдарлы, Жетікөл, Амангелді, Бесарық, Қоғалыкөл елді мекендерге барды.Кездесу барысында тұрғындар тарапынан бірқатар сұрақтар қойылды. Мысалы, жыл сайын МӘМС-ға аударымдар мен жарналардың мөлшерлемелері қандай негізде көтеріледі? Қор филиалы директорының айтуынша, жыл сайынғы төлемдер сомасы «Республикалық бюджет туралы» Заңға сәйкес ең төменгі жалақының бекітілген деңгейіне байланысты өзгеріп отырады. 2023 жылы ЕТЖ мөлшері 60 мыңнан 70 мың теңгеге көтерілді. Тиісінше, дербес төлеуші МӘМС-ға ай сайын 3 500 теңге аударады (1 ЕТЖ-нің 5%).Тағы бір сұрақ: жергілікті дәрігердің жолдамасынсыз басқа медициналық ұйымдардың тар мамандарына жүгінуге бола ма, сонымен қатар КТ, МРТ тексерулерінен қалай өтуге болады? Бақыт Исмаханбетовтың айтуынша, егер емхана қажетті медициналық қызметті көрсете алмаса, сіз медициналық сақтандыру қорын жеткізушілер арасынан басқа медициналық ұйымды таңдауға құқылысыз. Аймақта олардың саны 100-ден асады (fms.kz сайтында – Емхананы таңдау таңдаңыз). Ең бастысы - жергілікті дәрігердің негізделген жолдамасы болуы керек.Сондай-ақ, ауыл тұрғындарының көпшілігі бірыңғай жиынтық төлемнің артықшылықтарына қызығушылық танытты. Қор спикері ауыл тұрғындарына БЖТ төлеу тиімді екенін атап өтті. Бірыңғай жиынтық төлем бір айлық есептік көрсеткіш көлемін құрайды. Осы жылы елімізде АЕК мөлшері – 3 450 теңге. Осыған орай, республикалық және облыстық маңызы бар қала тұрғындары ай сайын 3 450 теңгеден, ал басқа елді мекендердің азаматтары 1 725 теңге, яғни 0,5 АЕК. Жалпы БЖТ-ға мыналар кіреді: 10% – жеке табыс салығы; 20% – әлеуметтік аударымдар; 30% – міндетті зейнетақы жарналары; 40% – міндетті медициналық сақтандыруға аударымдар. МӘМС жүйесінде «Сақтандырылған» болу үшін 3 ай қатарынан БЖТ төлем болу керек. Төлем 3 ай енгізілгеннен кейін ғана мәртебе беріледі.Кездесуді қорытындылай келе, облыстық филиалдың директоры Бақыт Исмаханбетов Сырдария ауданында 18 090 тұрғынның 5 271-і сақтандырылмағанын хабарлады. Бұл аудан халқының жалпы санының 28,2% құрайды. МӘМС жүйесінде медициналық қызметтердің толық көлемін алу үшін үнемі «сақтандырылған» мәртебесінде болу қажет.

Медициналық сақтандыру қорының өкілдері шалғай ауылдағы тұрғындармен кездесті

<a href="https://kyzylorda-news.kz/">Kyzylorda-news.kz.</a>&nbsp; Техникалық реттеу және метрология комитетінің Қызылорда облысы бойынша департаментінің 12 айдағы қорытындысы бойынша бақылау және қадағалау функциясына сай 64 мемлекеттік бақылау жүргізілді. Тексеру нәтижесінде, қолдануға жарамсыз 172 дана өлшем құралын пайдалануға тиым салу туралы 18 нұсқама берілген. Бұл туралы Өңірлік коммуникациялар қызметінде өткен брифингте Техникалық реттеу және метрология комитетінің Қызылорда облысы бойынша департаментінің басшысы Бауыржан Қарсақбаев хабарлады.<blockquote>«Біздің департаменттің басты міндеті – экономиканың барлық салалары бойынша өндірістің жүйелі жүргізілуі мен отандық өнімдердің сапалы әрі талапқа сай болуын қамтамасыз ету болып табылады. Жалпы өткен жылы жүргізілген тексеріс барысында 58 заңбұзушылық анықталып, тиісті шаралар қолданылды. Сондай-ақ, жыл көлемінде біздің департаментке техникалық регламент және нормативтік құқықтық талаптарға сәйкес келмейтін бірнеше өтініш келіп түсті. Біз дереу тексеріс жұмыстарын жүргізіп, әкімшілік айыппұл салдық. Бұдан бөлек, департамент құқық қорғау қызметкерлерінің тексеріс жұмыстарына қатысып, өлшем құралдарының талапқа сай пайдалануы бойынша заң бұзушылықтар анықтады. Осы негізде 4 әкімшілік іс қозғалып, заң бұзушылыққа жол берген тұлғаларға жалпы көлемі 1531500 теңге мөлшерінде айыппұл салынды. Жалпы облыс тұрғындарына айтарымыз, қазіргі уақытта жиі кездесіп жүрген автокөлік жанармайы және сұйытылған газды мөлшерден аз құю немесе дүкендердегі өнімдердің салмағына қатысты заңбұзушылық байқасаңыз біздің департаментке хабарласаңыздар», - деді департамент басшысы Бауыржан Қарсақбаев.</blockquote>

Бақылау және қадағалау функциясына сай 64 мемлекеттік бақылау жүргізілді

​<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімдігінің қолдауымен, мәдениет және спорт бөлімінің ұйымдастыруымен әжелер ансамбльдерінің облыстық фестивалі өтті.​Қоғамдағы асыл әжелердің, әйел-аналардың мәртебесін арттырып, отбасылық құндылықтарды, қазақтың тұрмыс-салт жырларын, халық әндерін насихаттауды мақсат еткен «Ұлағатты әже» атты фестивальге арнайы қатысқан шаһар басшысы Асылбек Шаменов ұлттық тәрбиедегі қазақ әжесінің рөліне ерекше тоқталып, облыстың түпкір-түпкірінен келген өнер ұжымдарына ризашылығын білдірді.<blockquote>​«Әлімсақтан әжелер – ұлттың ұйытқысы, тәлім мен тәрбиенің тұма бастауы. Сондықтан бұл шараның келіндеріміз бен бойжеткен қыздарымыз үшін өнегесі мол. Ағайын-туманың бірлігін сақтаған, әулеттегі абысын-ажындардың ақылшысы атанған, жас келіндерге жол көрсеткен, немере-шөберелерін құндылықтардың қайнарымен сусындатқан ардақты әжелеріміздің дәл осылай халық алдына шығып, алқалаған әлеуметке бүгінгідей жаһандану дертіне қарсы тұрар қуат-күш сыйлауы - кешегі абзал аналар салып кеткен сара жолдың үзілмегенін, ғасырдан ғасырға мұрагер ұрпақтары арқылы жалғасын таба беретінін байқатса керек», - деген қала әкімі Асылбек Шаменов абзал аналарымызды алда келе жатқан төл мерекелерімен құттықтады.</blockquote>​Сондай-ақ, «Алып анадан туады, тектілік тұқым қуады» демекші, Тәуелсіз Қазақстанның гүлденуіне айрықша үлес қосып, түрлі салада абыройлы еңбек етіп жүрген елімізге белгілі тұлғалардың аналары мен жұбайларына көктемнің шуақты мейрамы қарсаңында арнайы сый-құрмет көрсетті.​Облыс аумағынан 10 әжелер ансамблі қатысып, Ақмешіт аспанын әнге бөлеген өнер мерекесінің нәтижесінде Қызылорда қалалық білім бөлімі жанынан құрылған &nbsp;«Асыл жандар» ансамблі «Көрермендер көзайымы» атанса, Қызылорда қаласы, Асқар Тоқмағамбетов мәдениет Үйі жанынан құрылған «Ұлағат» ансамблі мен Жалағаш ауданы, Мөрәлі Шәменов ауылдық мәдениет үйі жанынан құрылған «Асыл ана» ансамблі 3 орын, Сырдария ауданы, Асқар Тоқмағамбетов мәдениет Үйі жанынан құрылған &nbsp;«Асыл ана» ансамблі 2 орын, Роза Бағланова атындағы Қазалы аудандық мәдениет Үйі жанынан құрылған «Өнеге» ансамблі 1 орын иеленсе, Қармақшы аудандық Шәмшәт Төлепова мәдениет Үйі жанынан құрылған «Ақ әжелер» ансамблі Бас жүлдеге лайық деп танылды. ​Барлық қатысушылар мен жеңімпаздарға арнайы алғыс хаттар мен қаржылай сыйлықтар табысталды.​Айта кетейік, санаулы сәттерден соң А.Тоқмағамбетов атындағы қалалық мәдениет үйінде фестиваль аясында аналар форумы өтеді.<figure class="image"><img src="https://knadmin.beoblood.kz/uploads/334685429_112119245073499_3484704206099220063_n_725e8c0d01.jpg" alt="334685429_112119245073499_3484704206099220063_n.jpg"></figure><figure class="image"><img src="https://knadmin.beoblood.kz/uploads/328695235_491790042975729_8701866316613678753_n_bb6578f53c.jpg" alt="328695235_491790042975729_8701866316613678753_n.jpg"></figure><figure class="image"><img src="https://knadmin.beoblood.kz/uploads/334467418_907197053851017_4823418933537002408_n_e1049af794.jpg" alt="334467418_907197053851017_4823418933537002408_n.jpg"></figure><figure class="image"><img src="https://knadmin.beoblood.kz/uploads/329574698_188865140508074_551158256998224246_n_1de284ad52.jpg" alt="329574698_188865140508074_551158256998224246_n.jpg"></figure>

Қызылордада әжелер ансамбльдерінің облыстық фестивалі өтті

<a href="https://kyzylorda-news.kz/">Kyzylorda-news.kz.</a>&nbsp;Бүгін «Нұра топтық су құбыры» &nbsp;ШЖҚ РМК &nbsp;«Арал» СЖКБД филиалының директоры лауазымына Шамұратов Нәжмәдин Шәкизадаұлы тағайындалды.Облыс әкімінің бірінші орынбасары Серік Қожаниязов кәсіпорынның жаңа басшысын таныстырып, қызметіне сәттілік тіледі. Нәжмәдин Шәкизадаұлы 1963 жылы Шымкент қаласында дүниеге келген. Жамбыл гидромелиоративтік-құрылыс институтын «Инженер-гидротехник», &nbsp;Әл-Фараби атындағы Қазақ ұлттық университетін «Заңгер» және «Қайнар» университетін «Экономист» мамандықтары &nbsp;бойынша бітірген. Еңбек жолын 1980 жылы Қазалы ауданы №64 жылжымалы механикаландырылған колоннасында экскаватор машинисінің &nbsp;көмекшісі болып бастаған.Республикалық және облыстық деңгейде мемлекеттік органдарға басшылық жасаған. Бүгінге дейін ҚР Индустрия және инфрақұрылымдық даму министрлігі Қызылорда облысы бойынша көліктік бақылау инспекциясының басшысы қызметін атқарған.Айта кетейік, «Арал» салынып жатқан кәсіпорындардың бірыңғай дирекциясының филиалы – Қызылорда облысына қарасты 190 елді мекенді &nbsp;немесе 462,47 мың халықты ауыз сумен қамтамасыз ететін бірыңғай оператор. Оның ішінде 328 356 тұрғыны бар 130 елді мекен «Арал – Сарыбұлақ», «Октябрь», «Жиделі», «Байқожа», «Талап» және «Сырдария» топтық су құбырлары, 134 116 тұрғыны бар 60 елді мекен Қармақшы, Жалағаш, Сырдария, Шиелі аудандарындағы және Қызылорда қаласындағы оқшау су жүйелері арқылы ауыз сумен қамтамасыз етіледі.

«Арал» СЖКБД филиалының директоры тағайындалды

<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімі Нұрлыбек Нәлібаев ҚР Ұлттық қауіпсіздік комитеті Төрағасының кубогіне арналған «Қазақстан Республикасы Ұлттық қауіпсіздік комитеті Барысы» қазақ күресінен республикалық турнирінің ашылу рәсіміне қатысты.Аймақ басшысы турнирдің Сыр өңірінен бастау алуы аймақ үшін үлкен абырой екенін атап өтті.«Балуан Шолақ, Қажымұқан, Иманжүсіп бабаларымыздың ізі қалған Сыр жерінде батырлар сабақтастығы үзілген емес. «Қазақстан барысы-2022» турнирінде жеңімпаз атанған жерлесіміз Мақсат Исағабылов «Қазақстан барысы» жүлдесін үшінші рет туған жерге әкелді. Өткен жылы грек-рим күресінен Сербияның Белград қаласында өткен Әлем чемпионатында Ұлттық құрама сапында жерлесіміз Айдос Сұлтанғали қола жүлдені олжалады. Осынша жетістік күш-қуаттың ғана көрсеткіші емес, ол – ұлттық рухтың көрінісі. Спортшыларымыздың дайындығы, жеңіске деген жігері арқасында өткен жыл Сыр спорты үшін нәтижелі әрі табысты болды. Аймақ спортшылары Қазақстан Республикасы чемпионаты мен кубоктарында 1 078 медаль жеңіп алса, Әлем және Азия чемпионаты мен кубоктарынан 218 медальға қол жеткізді. Осылайша Сыр спортшылары соңғы бес жылдықтағы рекордты жаңартты», - деді Н.Нәлібаев.Сондай-ақ, турнирге қатысушыларды ҚР ҰҚК Қызылорда облысы және Байқоңыр қаласы бойынша департаментінің бастығы Болат Қалмырзаев құттықтады.Айта кетейік, өңірде спорт инфрақұрылымын дамытуға ерекше мән берілген. Қазіргі таңда облыс бойынша 10 денешынықтыру және спорт кешенінің құрылысы жүргізілуде. Бұдан бөлек, биыл облыс орталығынан құны 6,9 млрд. теңгені құрайтын көпсалалы спорт кешенінің құрылысын бастау жоспарлануда.Бастамашыл азаматтар көптеген жаңа нысанның құрылысын жүргізуде, алдағы уақытта да ауқымды жоспарлар бар. Жергілікті «Қайсар» футбол клубы үшін заманауи жабық стадион салу жұмыстары демеуші есебінен атқарылуда. «Балалар жылында» демеушілер көмегімен 1,6 млрд. теңгенің 80 спорт-ойын алаңы балдырғандарға тарту етілді.&nbsp;Турнирге 24 командаға жасақталған 120-дан аса дарабоз палуан қатысуда. Кеше спортшылар жарысқа тіркеліп, жеребе тартты және этноауыл көрмесіне барып, ұлттық спорт ойындарынан сайысқа қатысты. Бүгін командалық жарыстар өткізілді. Ал, ертең «ҚР ҰҚК Барысы» мен түйе палуандардың жекпе-жектері ұйымдастырылмақ.<figure class="image"><img src="https://knadmin.beoblood.kz/uploads/334286275_795594015413826_1201613195830707674_n_f391224818.jpg" alt="334286275_795594015413826_1201613195830707674_n.jpg"></figure><figure class="image"><img src="https://knadmin.beoblood.kz/uploads/334075935_939176133923089_2407036708506337004_n_129ba1e8d4.jpg" alt="334075935_939176133923089_2407036708506337004_n.jpg"></figure><figure class="image"><img src="https://knadmin.beoblood.kz/uploads/334277731_144720618478519_4636641091475715726_n_fba0353694.jpg" alt="334277731_144720618478519_4636641091475715726_n.jpg"></figure><figure class="image"><img src="https://knadmin.beoblood.kz/uploads/333875239_723538936109620_1856057259801770802_n_af50ec9d27.jpg" alt="333875239_723538936109620_1856057259801770802_n.jpg"></figure><figure class="image"><img src="https://knadmin.beoblood.kz/uploads/334424330_1264974434227198_5349262277532638662_n_b35b4a10b3.jpg" alt="334424330_1264974434227198_5349262277532638662_n.jpg"></figure>

Қызылордада «ҚР Ұлттық қауіпсіздік комитеті барысы» республикалық турнир өтуде

<a href="https://kyzylorda-news.kz/">Kyzylorda-news.kz.</a>&nbsp; 2023 жылдың 1 қаңтарынан бастап Әлеуметтік медициналық сақтандыру қоры стоматологиялық қызмет көрсету үшін стоматологиялық клиникалармен тікелей келісімшарттар жасай бастады. Бұрын шарт &nbsp;емханалар арқылы жасалып келді. Бұл пациенттерге әсер ете ме, Қормен жұмыс жасайтын клиникаларды қалай табуға болады, тісті емдеуге жолдама керек пе – осы және өзге де өзекті сұрақтарға "ӘМСҚ" КЕАҚ Қызылорда облысы бойынша филиалының директоры Бақыт Исмаханбетов жауап берді.Биыл МӘМС есебінен стоматологиялық қызмет көрсету бойынша не өзгерді?&nbsp;Стоматологиялық көмек көрсету процесінде еш өзгеріс жоқ, пациенттер &nbsp; бұрынғыдай медициналық көмек алады. Тек келісімшартқа отыру әдісі яғни шарт жасасу жағы өзгерді. Бұған дейін стоматологиялық клиникалар өзара шартқа отыру арқылы қосалқы мердігер ретінде медициналық қызмет көрсетсе, 1 қаңтардан бастап Қор көрсетілген қызметтер көлемін бақылап, сапасына мониторинг жасау үшін &nbsp;тікелей осы клиникалармен шартқа отырды. &nbsp; Демек енді стоматологиялық клиникалар өздерінің қанша қызмет көрсеткенін және Қормен келісімшарт бойынша қанша қызмет көрсететінін өз бетінше қадағалап отыру керек. Бұрын бұнымен артылған жүктемеге қарамастан пациенттің тіркелген емханасы айналысып келді. Салдарынан пациент алмаған медициналық қызметті алды деп жазатын жағдайлар кездеседі. Қор &nbsp;сарапшылары бұны мониторинг жасаған кезде медициналық құжаттардан анықтады.Қазір стоматологиялық көмекті кімдер ала алады?&nbsp;&nbsp;МӘМС жүйесіндегі немесе ТМККК шеңберіндегі стоматологиялық қызметтер барлығына емес, халықтың жекелеген әлеуметтік осал санаттарына ғана қолжетімді. Мысалы, жоспарлы стоматологиялық көмекті тек балалар мен жүкті әйелдер ғана ала алады. Қатты ауырсыну кезінде азаматтардың 10 санаты, оның ішінде балалар мен жүкті әйелдер, зейнеткерлер, мүгедектігі бар адамдар және оларға күтім жасайтын жұмыс істемейтін адамдар, оның ішінде мүгедектігі бар немесе бірінші топтағы мүгедектігі бар балалар, әлеуметтік маңызы бар және жұқпалы аурулары бар пациенттер, көп балалы аналар, атаулы әлеуметтік көмек алушылар және басқалар шұғыл көмек ала алады. &nbsp;&nbsp;Стоматологиялық қызметтерді алу кезінде белгілі бір медициналық ұйымға тіркелу маңызды ма және стоматологиялық клиникалар "өз" емханаларына тіркелуді талап ете ала ма? &nbsp;Жоқ, талап ете алмайды. Қазір біз әлеуметтік желілерде стоматологиялық клиникалардың хабарламаларын көріп отырмыз. Олардың айтуынша, Қор &nbsp;қаржыландыруды қысқартып, қызметтер шектеулі мөлшерде немесе стоматологиялық клиникада тек белгілі бір емханаға тіркелген азаматтардың санатына ғана көрсетілетін болады. Әйтпесе ақылы негізде көмек алу ұсынылады. &nbsp;Бұл ақпарат шындыққа жанаспайтынын айту керек.Бізге осы мәселе бойынша көптеген шағым келіп түсті. Қор оларды қарап, &nbsp;пациенттердің құқығын қорғау бойынша тиісті шаралар қабылдайды. &nbsp;Стоматологиялық қызметтерді алу үшін емханадан жолдама алу керек пе?Емханадан жолдама керек емес. Ең бастысы, пациент МӘМС немесе ТМККК аясында стоматологиялық көмек алушылардың санаттарының біріне кіруі керек және медициналық көрсеткіштері болуы тиіс. &nbsp;&nbsp;МӘМС есебінен стоматологиялық қызметтерді алу үшін сақтандыру мәртебесі қажет пе?Егер медициналық қызмет МӘМС тізіміне кірсе, мысалы жоспарлы медкөмек алу үшін сақтандыру мәртебесі міндетті түрде керек. Егер қызмет ТМККК тізімінде болса, мысалы, қатты ауырсыну болса, онда мәртебе қажет емес және медициналық қызмет тегін көрсетіледі. Пациенттер барлық медициналық қызмет түрлерін тек медициналық көрсеткіштер бойынша ғана ала алады. &nbsp;Сондай-ақ, жоспарлы стоматологиялық көмек алушылар балалар мен жүкті әйелдер екенін атап өткен жөн. Балалар – мемлекет жарна төлейтін азаматтардың бірінші жеңілдік санаты. &nbsp;Сонымен бірге жұмыс істемейтін жүкті әйелдер де жеңілдік санатына кіреді. &nbsp;МӘМС есебінен қандай стоматологиялық қызметтерді алуға болады?Негізі көрсетілетін медициналық қызметтердің тізбесі ауқымды. Кәсіби тілмен айтқанда, стоматологиялық клиникалар амбулаториялық деңгейде консультациялық-диагностикалық қызметтер мен манипуляциялар ұсынады. Мұнда пломбалау, тісті жұлу және жансыздандыру қызметтерін алуға болады. &nbsp; Сондай-ақ МӘМС аясында жақ-бет аймағының туа біткен патологиясы бар балаларға амбулаториялық деңгейде ортодонтиялық пластина орнатылады.Егер пациенттердің стационарлық жағдайда стоматологиялық көмек алуға көрсеткіштері болса, онда ол ауруларды диагностикалау және емдеу хаттамаларына және Қазақстан Республикасында стоматологиялық көмек көрсетуді ұйымдастыру стандартына сәйкес көрсетілетін болады (Ескерту: ҚР ДСМ 2016 жылғы 12 желтоқсандағы No 1053 бұйрығы).&nbsp; &nbsp; Стоматологиялық клиниканы өздігінен таңдауға бола &nbsp;ма?Иә, болады. Тек бұл клиника Әлеуметтік медициналық сақтандыру қорының жеткізушісі болып табылатындығын анықтаған жөн. Жеткізушілердің тізімін fms.kz ресми сайтынан көруге болады немесе клиниканың өзінен сұрау керек. &nbsp;Қазір емханаларда стоматологиялық көмек қарастырылған ба және оған кім жүгіне алады?Тиісті жабдықтары мен мамандары бар емханаларда стоматологиялық көмек алуға болады. Мұнда тек осы емханаға тіркелген азаматтар ғана емес, басқа жерде тіркелген азаматтар да көмек ала алады. Ол үшін тіркеу бөлімі арқылы қабылдауға жазылу керек.Егер пациентке МӘМС есебінен стоматологиялық қызмет көрсетуден бас тартса немесе толық көлемде медициналық көмек көрсетілмесе не істеу керек? &nbsp;Бұл жағдайда сіз осы клиниканың пациенттерді қолдау қызметіне хабарласуыңыз керек немесе Qoldau 24/7 мобильді қосымшасы немесе 1406 &nbsp;нөмірі арқылы Медициналық сақтандыру қорына хабарласуыңыз керек. &nbsp;<figure class="image"><img src="https://knadmin.beoblood.kz/uploads/Stomatologiya_2023_kaz_4d88239ec1.jpg" alt="Стоматология 2023 каз.jpg"></figure>

2023 жылы МӘМС есебінен стоматологиялық көмекті қалай алуға болады?

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы кәсіпкерлер палатасының бастамасымен аймақтағы тауарөндіруші кәсіпкерлер «ALBARAKAT Sauda» компаниясы қызметімен танысты.Кәсіпкерлер палатасының директоры Пірмұхаммед Сыздықов биыл өңірде «Бір ауыл – бір өнім» жобасы басталатынын, жоба аясында жергілікті өнім шығаруға басымдық берілетінін атап өтті. Ол үшін әдістемелік те, қаржылай да көмек көрсететін мемлекеттік қолдау тетіктері бар.Қызылорда қаласында орналасқан «ALBARAKAT Sauda» компаниясы 2014 жылдан бастап қызмет жасауда. Негізгі қызмет саласы - тамақ өнімдерінің &nbsp;дистрибуциясы.Бүгінде компанияның көмегімен өнім өндіретін кәсіпкерлер өз өнімдерін нарыққа шығарып, өткізуге тамаша мүмкіндік алып жатыр.Бүгінгі таңда республика бойынша «Керемет-Ет» фарштары мен жартылай дайын өнімдерін, «Жаннұр», «Дос» маркалы сүт өнімдерін, «ЗЕРЕ», «МирСлад» сауда белгісімен тіркелген өнімдерді, «Қазалы» конфетін таратумен айналысады.Қызылорда қаласы және өңірлер бойынша 1600-ден астам тұрақты клиенттік базасы, сондай-ақ тағам өнімдеріне арналған арнайы жабдықталған қоймалары бар.Кездесуде компания директоры Ардақ Нұрымбетова жергілікті тауарөндірушілердің өнімдерін Қызылорда облысында ғана емес, өзге өңірлерде де кеңінен таратуға болатынын, ол үшін кәсіпкерлерге көмек көрсетуге әзір екенін &nbsp;жеткізді.Жалпы осы тақырыпқа қатысты сұрақ туындаған жағдайда Қызылорда облысы кәсіпкерлер палатасына хабарласа аласыздар. Байланыс нөмірі 8 /7242/ 40-09-81. Жауапты маман Алма Пірманова. &nbsp;<figure class="image"><img src="https://knadmin.beoblood.kz/uploads/ad8af9c6_30cd_4953_9811_07d9f02bf074_e6d8b16b60.jpg" alt="ad8af9c6-30cd-4953-9811-07d9f02bf074.jpg"></figure>&nbsp;<figure class="image"><img src="https://knadmin.beoblood.kz/uploads/0abb6f0f_6174_4938_a879_e8e32967859b_ec0f940062.jpg" alt="0abb6f0f-6174-4938-a879-e8e32967859b.jpg"></figure>

 Дистрибьютерлік компания жергілікті тауарөндірушілермен жұмыс істеуге әзір

<a href="https://kyzylorda-news.kz/">Kyzylorda-news.kz.</a>&nbsp; Құрметті облыс тұрғындары! Бүгінен бастап кезекші Халыққа қызмет көрсету орталығы Астана көшесі 46 мекен-жайындағы №2 Цифрлық кеңсеболып өзгерді.&nbsp;Аталған Цифрлық ХҚО аптаның дүйсенбі мен жұма күндері таңертең сағат 9:00-ден сағат 20:00-ге дейін үзіліссіз, сенбі күні сағат таңертең 9:00-ден түскі 13:00-ге дейін қызмет көрсетеді.Ал, Ғ.Мұратбаев көшесі 2Е мекен-жайындағы №1 ХҚО 5 күндік жұмыс тәртібіне көшті.Жұмыс күндері таңғы сағат 9:00-ден кешкі 18:00-дейін үзіліссіз жұмыс істейді. Сенбі мен жексенбі күндері – демалыс. &nbsp;

Кезекші ХҚО-ның мекен-жайы өзгерді

<a href="https://kyzylorda-news.kz/">Kyzylorda-news.kz.</a> Жалпыұлттық социал-демократиялық партиясының тізімі бойынша кандидат Ажар Сағындықова мәдениет қызметкерлері, зиялы қауым өкілдері және жастармен кездесу өткізді. Іс-шара С.Торайғыров атындағы Павлодар облыстық әмбебап ғылыми кітапханасында ұйымдастырылды.Бүгінде мәдениет мәселелеріне жеткілікті көңіл бөлінбейді. Кітапханашылар, мұрағатшылар, әртістер, мұражай қызметкерлері бюджет саласы өкілдерінің арасында ең төменгі жалақы алып отыр. Бұл ретте, партияның сайлауалды бағдарламасында мәдениетке ерекше көңіл бөлінген. ЖСДП балалар мен жастардың бұқаралық спорты мен мәдени бос уақытын тегін дамыту арқылы толыққанды мәдени, шығармашылық және спорттық тұлғаны дамытуды қамтамасыз ету қажет деп санайды.Бұдан бөлек, кандидат партияның сайлауалды бағдарламасының өзге де басым бағыттарын баяндады.<blockquote>– Қазақстанда билік халыққа тиесілі болуы қажет. Еліміз жалпыхалықтық гүлдеу үшін қажетті барлық алғышарттарға ие. Бірақ, өкінішке қарай, олигархат пен жемқорлық тамырының тереңге кеткені сон­шалық, мемлекетіміздің дамуына қатысты эко­номикалық және әлеуметтік күн тәртібінде тұрған көптеген жүйелі мәселе ушығып отыр. Еліміздің барлық дерлік бағыттағы дамуы бойынша біз шенеу­ніктердің жарқын болашаққа қатысты бітпейтін уәделеріне толы әдемі саяси баяндамаларын көріп отырмыз. Жылдар өтеді, уәде етілген уақыт таяғанда бастапқы бағыттан бас тартуға түрлі сылтаулар табылады. Қарапайым азаматтар болса, жыл сайын кедейлене түсуде, еліміздің ағымдағы даму деңгейі және 2022 жылдың қорытындысы бойынша 25 пайыздық азық-түлік инфляциясы осының тікелей айғағы. Мақсатымыз – халықтың әл-ауқаты деңгейін арттыру. Бұл – партияның Парламент Мәжілісінің сайлауына түсудегі басты себептерінің бірі. Қазіргі жағдайдан мемлекетіміз тек социал-демократия идеясы арқылы шыға алатынына сенеміз. Әлеуметтік тәртіп түбегейлі қайта қарастырылуы қажет. Бүгінде біз қоғам, бизнес және мемлекетті тепе-теңдік жағдайына қайтаруымыз керек. Біз әр шешім азаматтарымыздың игілігіне жұмыс істеп, пайдасына асырылатын әлеуметтік-жауапты тәртіпті орната алатынымызға сенеміз, – деді ол.</blockquote>

Ажар Сағындықова: Қазақстанда билік халыққа тиесілі болуы қажет

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев аймақтың Қоғамдың кеңесінің отырысына қатысып, 2022 жылдың қорытындылары мен алдағы уақыттағы міндеттері туралы баяндама жасады.Аймақ басшысы өз сөзінде Қоғамдық кеңестер азаматтық қоғамның мүдделерін білдіретін, жұртшылықтың пікірін айтатын, атқарушы органдардың ашықтығын қамтамасыз етуге жәрдемдесетін белді және әлеуетті институтқа айналғанын атап өтті.<blockquote>«Мемлекет басшысы Қасым-Жомарт Кемелұлы Тоқаевтың, Үкімет деңгейіндегі жан-жақты қолдаудың және бірлескен жұмыстардың нәтижесінде Сыр елінде тың жобалар жүзеге асып, ауқымды инвестициялар тартылды. Тіректі салаларда серпінді қадамдар жасалды.Облысымыз 2022 жылдың қорытындысымен әлеуметтік-экономикалық дамудың макрокөрсеткіштері бойынша республика өңірлері арасында жоғары орындарға көтерілді. Инвестиция тарту қарқыны бойынша республика көлемінде бірінші орынға шықты. Өткен жылы атқарылған жұмыстардың нәтижесінде инвестиция көлемі 2021 жылмен салыстырғанда 100,6 млрд. теңгеге артты.Мемлекет басшысының тапсырмасына сәйкес Жалпыұлттық бірыңғай жобалар пулы қалыптасып, оған құны 877 млрд. теңгені құрайтын 30 жоба енгізілді. Өткен жылы құны 5,1 млрд. теңге болатын 4 жоба іске қосылса, биыл құны 13,4 млрд.теңгені құрайтын 9 жобаның іске қосылуы жоспарлануда», - деді Н.Нәлібаев.</blockquote>Аймақ басшысы шетелдік инвесторларды тарту бойынша жүйелі жұмыстар жүргізілетінін айтты. Инвестиция тарту, тұрғын үй салу, инфрақұрылымды дамыту және әлеуметтік салада көптеген жобалар жүзеге асты. Мәселен, түрік инвесторлармен бірге жаңа жылу электр орталығы мен томат пастасын өндіретін ірі зауыт салынбақ. Мемлекет басшысы Қасым-Жомарт Кемелұлы Тоқаевтың Өзбекстан Республикасына ресми сапары аясында көршілес елдің негізгі өндірістік орталықтарының бірі – Науаи облысымен бірлескен Жол картасына қол қойылды.Сөзінің қорытындысында облыс әкімі алдағы Мәжіліс және барлық деңгейдегі мәслихат депуттарын сайлауда азаматтық қоғам өкілдеріне зор сенім артылатынын айтты. Халықтың ынтымағы мен бірлігіне селкеу түспеуі үшін күш-жігер біріктіруге, маңызды кезеңде шет қалмай, тарихи таңдау жасауға шақырды.Жиында қоғамдық кеңес мүшелері бірқатар өзекті мәселе көтеріп, ұсыныс-пікірлерін ортаға салды. Атап айтқанда, өңірде жыраулық дәстүрді дәріптейтін музей салу, мүмкіндігі шектеулі жандарға қоғамдық көлікпен жүруге жеңілдік қарастыру, ауылдық елді мекендерді қаржыландыру және өз кәсібін бастайтын азаматтарды несиелендіру шарттарын оңтайландыру жөнінде ұсыныстар айтылды. Аймақ басшысы барлық ұсыныстар мұқият зерттеліп, бюджет мүмкіндігі мен заңнама талабына сәйкес тиімді шешім қарастырылатынын жеткізді.<figure class="image"><img src="https://knadmin.beoblood.kz/uploads/333999216_879580679799152_4745530635310952523_n_5365128c66.jpg" alt="333999216_879580679799152_4745530635310952523_n.jpg"></figure>&nbsp;<figure class="image"><img src="https://knadmin.beoblood.kz/uploads/334071255_805319750945243_92797285681381229_n_9097e67cef.jpg" alt="334071255_805319750945243_92797285681381229_n.jpg"></figure>

Қазақстан және Қызылорда облысының жаңалықтары