<a href="https://kyzylorda-news.kz/">Kyzylorda-news.kz.</a> Қазақстанда «Еліміздегі колледждердің ТОП-100 студенті» республикалық байқауы аяқталды. Жоба жеңімпаздары еліміздің ірі кәсіпорындарында жұмысқа орналасу мүмкіндігіне ие болады.Бүгін колледждің үздік студенттерін марапаттау рәсіміне ҚР Оқу-ағарту министрі Асхат Аймағамбетов қатысты. Ол студенттерді жеңіспен құттықтап, алдағы кәсіби қызметтеріне табыс тіледі.<blockquote>«Республикалық кезеңде үздік атақ үшін барлық облыстың колледж студенттері таласты. Бүгін колледждің 100 үздік студентін марапаттағалы отырмыз. Олардың барлығы облыстық, республикалық және халықаралық WorldSkills чемпионаттарының, ғылыми конференциялардың, түрлі байқаулардың жеңімпаздары, жобалардың, инновациялық идеялар мен стартап жобалардың авторлары. Сіздерді жеңіспен құттықтап, жеткен жетістіктеріңізбен тоқтап қалмай, алға ұмтылуды, өз ісіңіздің кәсіби маманы атанып, еліміздің дамуына үлес қоса берулеріңізге тілектеспін. Мемлекеттің техникалық және кәсіптік білім беруге ерекше назар аударып отырғанын атап өткім келеді. Мемлекет басшысының тапсырмасы бойынша «Тегін техникалық және кәсіптік білім беру» жобасы жүзеге асырылып жатыр. Жақын арада біз оқуға түскісі келетіндердің барлығын сұранысқа ие мамандықтар бойынша тегін ТжКБ-мен 100% қамтуды жоспарлап отырмыз», - деп атап өтті өз сөзінде ҚР Оқу-ағарту министрі Асхат Аймағамбетов.</blockquote>Колледждердің «ТОП-100» студентін қазақстандықтар 2022 жылғы 1 қараша мен 15 қараша аралығында өткен онлайн дауыс беру арқылы анықтады. Байқау жеңімпаздары мен қатысушылары туралы толық ақпаратты <a href="https://kasipkor.kz/prod/top100/index.php">ресми</a> интернет-ресурсынан білуге болады.Қызылорда облысы бойынша 10 студент бақ сынады. Атап айтсақ:1. Текей батыр Қарпықұлы атындағы жоғары колледжінің «Құрылыс бұйымдары мен конструкцияларын өндіру» мамандығы бойынша студенті Өсербай Мади Жалғасұлы.2. М.Мәметова атындағы Қызылорда педагогикалық жоғары колледжінің «Әлеуметтік-мәдени қызметі және халықтық көркемдік шығармашылығы» мамандығы бойынша студенті Өмірзақ Дидар Серікұлы.3. М.Мәметова атындағы Қызылорда педагогикалық жоғары колледжінің «Мектепке дейінгі тәрбие және оқыту» мамандығы бойынша студенті Әлібек Аймереке Әлібекқызы.4. «Абылай хан» атындағы жоғары колледжінің «Төтенше жағдайда қорғау» мамандығы бойынша студенті Қанибай Асхат Бауыржанұлы.5. М.Мәметова атындағы Қызылорда педагогикалық жоғары колледжінің «Мектепке дейінгі тәрбие және оқыту» мамандығы бойынша студенті Қалдыбай Нұрай Бірлікқызы.6. М.Мәметова атындағы Қызылорда педагогикалық жоғары колледжінің «Мектепке дейінгі тәрбие және оқыту» мамандығы бойынша студенті Серикова Аяжан Айтбайқызы.&nbsp;7. М.Мәметова атындағы Қызылорда педагогикалық жоғары колледжінің «Негізгі орта білім беру» мамандығы бойынша студенті Мустафаева Гүлжан Акимжанқызы.8. М.Мәметова атындағы Қызылорда педагогикалық жоғары колледжінің «Бастауыш білім беру» мамандығы бойынша студенті Мамзада Аружан Айдосқызы.9. М.Мәметова атындағы Қызылорда педагогикалық жоғары колледжінің «Негізгі орта білім беру» мамандығы бойынша студенті Жақсылық Ақбөпе Данабекқызы.10. Қазалы аграрлы -техникалық колледжінің «Автомобиль көлігіне техникалық қызмет көрсету, жөндеу және пайдалану» мамандығы бойынша студенті Ақжолов Рамазан Русланұлы.<figure class="image"><img src="https://knadmin.beoblood.kz/uploads/student_6554359bf5.jpg" alt="студент.jpg"></figure><figure class="image"><img src="https://knadmin.beoblood.kz/uploads/319045067_1363718684401540_308975824783120150_n_9fac0443c9.jpg" alt="319045067_1363718684401540_308975824783120150_n.jpg"></figure><figure class="image"><img src="https://knadmin.beoblood.kz/uploads/320023271_698931984955725_7412909185174244687_n_9015dde8dc.jpg" alt="320023271_698931984955725_7412909185174244687_n.jpg"></figure><figure class="image"><img src="https://knadmin.beoblood.kz/uploads/318794535_3401582856784320_8025216096477083693_n_f71f350cd4.jpg" alt="318794535_3401582856784320_8025216096477083693_n.jpg"></figure><figure class="image"><img src="https://knadmin.beoblood.kz/uploads/319400817_602238228370616_2429383640506387518_n_ead823936e.jpg" alt="319400817_602238228370616_2429383640506387518_n.jpg"></figure><figure class="image"><img src="https://knadmin.beoblood.kz/uploads/320385316_1825305111177742_5652582023407864186_n_bc0235f41a.jpg" alt="320385316_1825305111177742_5652582023407864186_n.jpg"></figure><figure class="image"><img src="https://knadmin.beoblood.kz/uploads/320063327_689165225892485_949262206940543167_n_7cc7105a0b.jpg" alt="320063327_689165225892485_949262206940543167_n.jpg"></figure><figure class="image"><img src="https://knadmin.beoblood.kz/uploads/320215149_5318259018275973_3145796057100754905_n_fd7d1aef2b.jpg" alt="320215149_5318259018275973_3145796057100754905_n.jpg"></figure>

«ТОП-100 студент»: Жеңімпаздар жұмысқа орналасуға мүмкіндік алады

<a href="https://kyzylorda-news.kz/">Kyzylorda-news.kz.</a> Павлодар қаласында 2-9 желтоқсан аралығында бокстан ерлер арасындағы Қазақстан чемпионаты өтті. Биылғы ел біріншілігінде 216 боксшы 13 салмақ дәрежесінде сынға түскен болатын.&nbsp;Байрақты бәсекеде Сыр өңірінің спортшысы да бақ сынады. Қызылордалық 54 келідегі Алтынбек Нұрсұлтан ересектер арасындағы Қазақстан Республикасының чемпионы атанды.2003 жылы туған жас боксшы Алтынбек Нұрсұлтан бүгінде Қорқыт Ата атындағы Қызылорда университетінің студенті. Сондай-ақ Халықаралық деңгейдегі спорт шебері.&nbsp;Нұрсұлтан Қуанышбекұлының осы кезге дейін жеткен жетісвтіктері ауыз толтырып айтарлықтай. Атап айтсақ, ол 2019 жылы жасөспірімдер арасында Қазақстан чемпионы атағын иеленген. Сонымен қатар сол жылы жасөспірімдер арасында Азияның күміс жүлдегері атанған. Боксшы өткен жылы бокстан жастар арасында Қазақстан чемпионы атанса, осы жылы Дубай қаласында өткен бокстан жастар арасындағы Азия чемпионы болды. Сондай-ақ өткен жылы ересектер арасында өткен Қазақстанның қола жүлдегері және басқа да халықаралық турнирлердің жеңімпазы атағына ие болды.Боксшының әлі де алар асулары алда, Сыр жұртшылығы жас спортшыға сенім артады.Сонымен қатар бұл Қазақстан біріншілігінде Жаңақорған ауданының №7 ОРМБЖ спорт мектебінің бокстан аудан құрама командасының аға жаттықтырушысы Абайхан Дінмұхамед «ҮЗДІК ТӨРЕШІ» атанды.<figure class="image"><img src="https://knadmin.beoblood.kz/uploads/319042597_3252040131729389_4108622024548245314_n_1d994f516b.jpg" alt="319042597_3252040131729389_4108622024548245314_n.jpg"></figure>

Сыр өңірінің жас боксшысы ересектер арасындағы ҚР чемпионы атанды

<a href="https://kyzylorda-news.kz/">Kyzylorda-news.kz.</a> Еліміздің солтүстігінде, шығысында, оңтүстігінде және оңтүстік-шығысында атмосфералық фронтальды бөліктердің өтуімен қар жауады, деп хабарлайды Қазгидромет.Қазақстанның батысына, солтүстік-батысына, орталығына ауқымды антициклон әсер етеді, соның әсерінен жауын-шашынсыз ауа райы болжанады.Еліміздің оңтүстігінде, оңтүстік-шығысында, шығысында, солтүстігінде желдің күшеюі, солтүстікте, шығыста, оңтүстікте жаяу бұрқасын, еліміздің солтүстік-батысында, оңтүстігінде, оңтүстік-шығысында тұман күтіледі.

10 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысы полиция департаментінің бастығы Мұхтар Қожабаев ардагерлермен кездесу өтккізді.<blockquote>«Алдыңғы толқынның әрбір өнегелі сөзі, тағылымды еңбектері кейінгі жастарға үлгі. &nbsp;Ардагерлерге деген құрметіміз де ерекше. &nbsp;Ұзақ жылдар &nbsp;бойы абыройлы еңбек етіп, зейнеткерлікке шыққан тәжірибелі маман-ардагерлермен кездесулерден жастардың алар өнегесі мол. Бұл орайда бүгін ішкі істер органдарының ардагерлерімен кездестім. Бүгінгі кездесуде ардагерлер түрлі мәселелер бойынша ойларын ортаға салды. Ардагерлерге ризашылығымды білдіріп, өңір тұрғындарының қауіпсіздігін қамтамасыз ету жолында &nbsp;әрқашан кеңесуге дайын екендігімді жеткіздім. Полицейлер Ардагерлер кеңесінің мүшелеріне әрдайым қамқорлық танытып, қандай да бір туындаған мәселелерін шешіп беруде белсенді жұмыстар атқаруда. Бұған қоса ардагерлер еңбек жолын енді бастаған жас қызметкерлермен жиі кездесіп, ақыл-кеңестерін айтып, өз тәжірибелерімен бөлісуде», - дейді департамент бастығы Мұхтар Қожабаев.</blockquote>Айта кетейік, қазіргі уақытта Сыр өңірінде 13 бастауыш ардагерлер ұйымы бар. Бұл ұйымдарда 2700 зейнеткер есепте тұрса, оның 125 әйелдер.&nbsp;Қазіргі таңда ішкі істер органдарында Ұлы Отан соғысы ардагерлеріне теңестірілген 2 ардагер бар. Төртеуі Ұлы Отан соғысы жылдарындағы тыл ардагерлері, 19 ардагер мүгедек, 16 ардагер қызмет бабында жарақат алғандар. Ал 25-і Ауған соғысының ардагерлері.<figure class="image"><img src="https://knadmin.beoblood.kz/uploads/319076686_5866299586746169_2214928046579107298_n_53fabaf0f1.jpg" alt="319076686_5866299586746169_2214928046579107298_n.jpg"></figure>

Мұхтар Қожабаев ішкі істер органдарының ардагерлерімен кездесті

<a href="https://kyzylorda-news.kz/">Kyzylorda-news.kz.</a> Шаһар басшысы Асылбек Шаменов үлкен жүректі ұстаз, «Білім беру ісінің үздігі», «Ерен еңбегі үшін» медалінің иегері Күлзия Оспанованы қабылдап, мерейлі 70 жасымен құттықтады.​Еңбек жолын ұстаздықтан бастап, кейін №4 С.Сейфуллин атындағы орта мектеп директоры, Қызылорда қалалық білім бөлімі меңгерушісінің орынбасары, облыстық мұғалімдердің кәсіби шеберлігін арттыру институтының директоры, қалалық білім бөлімінің басшысы, №233 орта мектеп директоры қызметтерін атқарған Күлзия Оспанова өнегелі өмір жолында біліктілігі мен адамгершілік қасиеттерімен даралана білді.​Өзіне жүктелген міндеттерді абыроймен атқара жүріп, шебер ұйымдастырушылық қабілетін көрсеткен Күлзия Жұмағалиқызы жинаған мол тәжірибесін, әдістемелік жұмыстарды облыстың барлық мектептеріне енгізумен айналысты. Қызылорда қалалық білім бөліміне басшы болған жылдары қала мектептеріндегі оқу-тәрбие жұмыстарын жандандырып, жүйеге келтірді.​Көп жылғы білім саласындағы атқарған еңбегі еленіп, «Білім беру ісінің үздігі», «Ерен еңбегі үшін», «Тәуелсіздіктің 10» және «20 жылдық» мерекелік төсбелгілерімен марапатталды.<blockquote>​ «Алты Алаштың баласы бас қосқан жерде төрдегі орын ұстаздыкі» деп ақын Мағжан Жұмабаев айтпақшы, ұрпақ тәрбиесі қашанда ұстазға байланысты. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Білім көшін жылжытып келе жатқан ұстаздар қауымына әрқашан құрметім ерекше» деген қала әкімі Асылбек Шаменов Күлзия Оспанованың ұлағатты өмір жолы көпке үлгі екендігін жеткізді. Өз кезегінде мерейтой иесі үлкенге лайық құрмет көрсеткен қала басшысына алғысын білдірді.</blockquote><figure class="image"><img src="https://knadmin.beoblood.kz/uploads/317991564_3252069508393118_8005197812302180851_n_69409e903e.jpg" alt="317991564_3252069508393118_8005197812302180851_n.jpg"></figure>&nbsp;<figure class="image"><img src="https://knadmin.beoblood.kz/uploads/319159382_3252067088393360_359895876270173283_n_048f7acb93.jpg" alt="319159382_3252067088393360_359895876270173283_n.jpg"></figure>&nbsp;

Ардагер-ұстаз Күлзия Оспанова - 70 жаста

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экология департаментімен мемлекеттік қызмет көрсету сапасын арттыру мақсатында биылғы жылдың 11 айының қорытындысы бойынша көрсетілген мемлекеттік қызметтерге талдау жұмыстары жүргізілді.Талдау нәтижесіне сәйкес департаментпен биылғы жылдың 11 айында экологиялық рұқсат алу үшін 135 жобалық құжаттамалар қаралса, оның 88-не экологиялық рұқсат беріліп, 47-і өтінім кері қайтарылған. Осы ретте, мемлекеттік экологиялық сараптама нәтижесімен рұқсат өтінімдерін кері қайтаруға негіз болған ескертпелер негізінен табиғат пайдаланушылар мен қоршаған ортаны қорғау саласындағы жобалаушы кәсіпорындар тарапынан методикалық нұсқаулықтардың, ережелердің, экологиялық талаптардың сақталмауынан екендігі анықталды. Осылайша талдау барысында мемлекеттік экологиялық сараптама жүргізу кезінде жобалық құжаттамаларға рұқсат берілмеу себептері анықталып, оған негіз болған жиі қайталанатын ескертпелердің тізімі жасақталды.Олар негізінен қоршаған ортаға эмиссиялар нормативтерін айқындау әдістемесін дұрыс қолданбауы, әдістеменің 18 тармағына сәйкес көмірсутектер саласындағы уәкілетті орган берген шикі газды жағуға арналған рұқсаттың болмауы, эмиссиялар нормативтерін айқындау кезінде жобамен белгіленген көрсеткіштердің шектерінде соңғы 2-3 жыл үшін жабдықтың іс жүзіндегі жүктемесінің есепке алынбауы, майланған топырақтың пайда болуын шектемеу, қоғамдық тыңдаулардың өткізілмеуі және т.б. экологиялық талаптардың сақталмауы болып табылады.Осы ретте, мемлекеттік қызмет көрсету сапасын арттыру мақсатында қоршаған ортаға әсер ететін немесе әсер етуі мүмкін шаруашылық қызметтің қоршаған ортаға әсерін бағалау барысында жоғарыда аталған кемшіліктерді ескеру қажет екендігін қоршаған орта саласындағы жобалаушы кәсіпорындардың және табиғат пайдаланушылардың назарына саламыз.Сонымен қатар департамент алдағы уақытта жоғарыда аталған кемшіліктердің орын алмауын қамтамасыз ету мақсатында қоршаған орта саласындағы жобалаушы кәсіпорындар мен табиғат пайдаланушыларға экологиялық білім беру мен ағарту, кадрлардың біліктілігін арттыру мен оларды қайта даярлау жөніндегі іс-шараларды жүзеге асыруды ұсынады.<figure class="image"><img src="https://knadmin.beoblood.kz/uploads/319215793_875468740138256_6664362611034769059_n_14b14bd6f0.jpg" alt="319215793_875468740138256_6664362611034769059_n.jpg"></figure>

Қызылорда облысы бойынша экология департаментінде талдау жұмыстары жүргізілді

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экология департаменті жергілікті бұқаралық ақпарат құралдарымен қатысуымен пресс-тур өткізді.&nbsp;Баспасөз-туры барысында экология департаменті мемлекеттік экологиялық бақылау бөлімінің бас маманы Н.Нұрмаханов тұрмыстық қатты қалдықтар полигонындағы сұрыптау, қалдықтарды көму және тағы басқа жұмыстарымен таныстырды.&nbsp;Атап айтсақ, бүгінгі күні облыста 145 полигонға жер учаскелері белгіленсе, оның 7-і ғана, яғни, 5 пайыз ғана экологиялық талаптарға сай сәйкестендірілген.ҚР Президентінің 2013 жылғы 30 мамырдағы №577 Жарлығымен бекітілген &nbsp;ҚР «Жасыл экономикаға» көшу жөніндегі Тұжырымдамасына сәйкес 2030 жылға қарай, тұрмыстық қатты қалдықтардың &nbsp;сұрыпталып, өңделу &nbsp;үлесін 40 пайызға дейін жеткізу қажет және 95 пайыз тұрмыстық қатты қалдықтарды &nbsp;орналастыру &nbsp;обьектілерінің &nbsp;экологиялық талаптар мен санитарлық қағидаларға сәйкестендіру қарастырылған.&nbsp;Облыс бойынша барлығы 145 полигон құрылысы үшін жер учаскелері бөлініп, полигондарды экологиялық және санитариялық талаптарға сәйкестендіру бағытында кезең-кезеңмен шаралар жүргізілуде. &nbsp;Соңғы 3 жылда облыста жаңадан 2 тұрмыстық қатты қалдықтар полигондарының (Қызылорда, Арал қалалары) құрылысы жүргізіліп, қолданысқа &nbsp;берілген.&nbsp;Биылғы жылы 3 ауданда, атап айтқанда Жалағаш, Сырдария және Шиелі аудандарында жаңа полигондардың құрылысы бойынша жобалық-сметалық құжаттамалары әзірленіп қазіргі уақытта жобалық құжаттамалары мемлекеттік сараптамадан өткізілуде. Полигондардың құрлыстары 2023-2025 жылдарға жоспарланып отыр.&nbsp;Бүгінгі &nbsp; таңда &nbsp;облыс аумағындығы &nbsp;түрлі &nbsp;қалдықтарды &nbsp;тасымалдау, сұрыптау жинақтау, қайта &nbsp;өңдеу және &nbsp;жою &nbsp;саласында 15-тен аса кіші және &nbsp;орта кәсіпкерлік &nbsp;субьектілері &nbsp;жұмыс &nbsp;жасайды. Жалпы облыс тұрғындарының 70,8 пайыз тұрмыстық қатты қалдықтарды тасымалдау қызметімен қамтамасыз етілген.<img src="https://knadmin.beoblood.kz/uploads/IMG_20221208_204253_494_23e249177d.jpg" alt="IMG_20221208_204253_494.jpg">

Қызылордада 145 қоқыс полигонына жер учаскелері белгіленген

<a href="https://kyzylorda-news.kz/">Kyzylorda-news.kz.</a>&nbsp; Қызылордада Ауыл шаруашылығы министрлігі шығарған қағидадағы олқылықтың салдарынан сотқа тартылған кәсіпкерлер процесте жеңді. Кәсіпкерлер палатасының заңгерлері сотта ауыл шаруашылығымен айналысатын 10 кәсіпкердің құқығын қорғап, 53,3 млн теңгесін сақтап қалды.Осы жылдың ақпанында Ауыл шаруашылығы министрлігінің қателігінен қызылордалық кәсіпкерлер субсидияны қайтаруға мәжбүр болғанын жаздық.Ауыл шаруашылығы министрі 2020 жылдың 17 шілдесінде «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы» бұйрық қабылдап, «Ауыл шаруашылығы малдарының азығына жұмсалған шығындар құнын арзандату» деген қолдау шарасын енгізеді.Аталған құжатты басшылыққа алған аймақтың бірқатар кәсіпкері субсидия алады. Өткен жылдың қазанында кәсіпкерлер облыстық ауыл шаруашылығы басқармасынан «Сіздің шаруашылықта субсидияланған мал басының сақталуын қамтамасыз ету бойынша міндеттемелерді сақтамағаны анықталып отыр» деген хат алады. Әрі қарай басқарма субсидия қаржысын бюджетке қайтаруды талап етеді.Басқарманың «міндеттемені сақтамады» дегені мынадан туындап отыр. Ауыл шаруашылығы министрлігі әзірлеген қағиданың қазақша нұсқасында кәсіпкерге «Субсидияланған аналық мал басының ағымдағы жыл бойы сақталуын қамтамасыз ету» міндеттелген. Ал қағиданың орыс тіліндегі нұсқасында – «в течение года» (жыл бойы) деп жазылып, сәйкессіздік орын алған. Палатаға жүгінген кәсіпкерлер ереженің қазақ тіліндегі нұсқасын басшылыққа алғанын айтты. &nbsp;Шаруашылық иелері 2020 жылы қолданыста болған қағидаға сәйкес, «сол ағымдағы 2020 жылы» мал басын сатпай ұстап отырған. Тек келесі, яғни 2021 жылы ғана мал басын жаңарту және жақсарту мақсатында бір бөлігін сатып, оның орнына басқа мал алған.Содан 10 шаруа биыл Кәсіпкерлер палатасынанқұқығын қорғауды сұрап, өтініш білдірді. Олардан ауыл шаруашылығы басқармасы жалпы көлемі 53,3 млн теңгені бюджетке қайтаруды талап еткен.<blockquote>«Мәселені шешу үшін бірінші Ауыл шаруашылығы министрлігінен түсіндірме сұрадық. Өкінішке қарай, министрлік «қағиданың орыс тіліндегі нұсқасын қолданыңыздар» деп жауап берді. Заңгерлер өзге де нормативтік-құқықтық құжаттарды жан-жақты зерттеді. Нәтижесінде біздің заңгерлер осындай даулы жағдайлар болса, мәселенің кәсіпкерлердің мүддесіне шешілетінін анықтап, сотта шаруалардың құқығын қорғап шықты», – дейді Қызылорда облысы кәсіпкерлер палатасының директоры Пірмұхаммед Сыздықов.</blockquote>Осылайша, Кәсіпкерлер палатасының заңгерлері «ағымдағы жыл» сөзіне бола тығырыққа тірелген 10 кәсіпкердің құқығын қорғап қалды. Шаруалар мемлекеттік қолдау ретінде алған 53,3 млн теңгені бюджетке қайтармайтын болды.Кәсіпкерлер палатасы құқығы бұзылған кәсіпкерлер болса, Палатаға хабарласуын сұрайды.Мекенжайымыз:Қызылорда қаласы, Қорқыт ата, 123 үй «Бизнеске арналған Үкімет» ғимаратының 3-қабаты. Байланыс телефоны 8 /7242/ 40-09-81. &nbsp;

Қызылордада ауыл шаруашылығымен айналысатын 10 кәсіпкердің құқығы қорғалды 

<a href="https://kyzylorda-news.kz/">Kyzylorda-news.kz.</a>&nbsp;Арал аудандық Аналар кеңесiнiң мүшелерi биылғы жылдың қорытынды кездесуін ɵткiзiп, кеңестің атқарған жұмыстары бойынша талдау жасады.Келер жылға кеңестің алға қойған жоспарын талқылады. Кездесуге қатысушы аналар, қыз-келіншектер, жалпы кеңес мүшелері қазiргi уақытта ɵзектi болып табылатын зорлық-зомбылық, отбасы мəселелерiне байланысты орамды ойларын айтып, ұсыныс-пікірлерімен бөлісті.&nbsp;Айта кету керек, Арал аудандық Аналар кеңесi &nbsp;жұмысын өткен жылдың наурыз айында бастады. Осы уақытқа дейiн аналар кеңесінің ұйымдастыруымен 24 түрлi іс-шара, 18 кездесу, 12 қайырымдылық шара, 8 оқыту семинар өткізілді. Сонымен қатар 10 əйел адамға мамандардың қатысуымен психологиялық кеңес берілді.&nbsp;Биылғы жылы облыстық деңгейде Арал ауданындағы аналарға арналған екi форум өтті. Осы ретте Арал аудандық аналар кеңесiнiң тɵрайымы, облыстық мəслихат депутаты Лаура Ибраимова барша аналар кеңесiнiң мүшелерiне отбасы құндылықтарын насихаттау мен оны қалыптастыру жолындағы үлестері үшін ризашылығын бiлдiрді.Айта кетейік, бұған дейін ауданда «Сенімен Болашақ» республикалық қоғамдық бірлестігімен «Саналы ұрпақ – ұлт болашағы» атты облыстық ата-аналар форумы өткен болатын.&nbsp;<figure class="image"><img src="https://knadmin.beoblood.kz/uploads/318215634_3376754929310330_6321132335973324127_n_b25761adf1.jpg" alt="318215634_3376754929310330_6321132335973324127_n.jpg"></figure>

Арал аудандық Аналар кеңесі жылды нәтижелі қорытындылады

<a href="https://kyzylorda-news.kz/">Kyzylorda-news.kz.</a>&nbsp; Бас Прокурор Берік Асыловтың төрағалығымен жер саласындағы заңдылықты сақтау, сондай-ақ медициналық бұйымдарды сатып алу мәселелері жөнінде алқа отырысы өтті.Алқа жұмысына Парламент Мәжілісінің депутаттары, ауыл шаруашылығы, экология, геология және табиғи ресурстар министрліктерінің басшылары және басқа да мүдделі тұлғалар қатысты.Бірінші мәселе бойынша Бас Прокурор ағымдағы жылы прокурорлар мемлекетке қолданылмаған 1,5 млн га жер қайтарылғанын атап өтті.Ауыл шаруашылығы министрлігімен бірлесіп, қоғамдық жайылымдардың тапшылығы 29 млн га 8 млн га дейін қысқартылды. Солтүстік Қазақстан, Ақмола және Алматы облыстарында 11 мың үлескерге 500 мың га астам жер қайтарылды.Тексерістер олигополиялардың қолдануындағы ең жақсы және құнарлы ауылшаруашылық жерлерін, жайылымдар мен коммерциялық учаскелерді анықтады. Бүгінгі таңда олардан мемлекет пайдасына 145 мың гектар жер тәркіленді.Тексеріс қорытындысы бойынша 56 қылмыстық іс қозғалды, 9 кінәлі адам сотталды.Тексеру нәтижелері бойынша Шымкент, Ақмола, Атырау, Алматы және Түркістан облыстары әкімдіктерінің Жер қатынастары және ауыл шаруашылығы бойынша басқармаларының лауазымды тұлғаларына, сондай-ақ Шығыс Қазақстан, Батыс Қазақстан, Солтүстік Қазақстан, Маңғыстау және Қызылорда облыстарының жеке жер пайдаланушыларына қатысты 56 қылмыстық іс қозғалды.Бүгінгі күні қылмыс жасаған 9 адам сотталды. Мыласы, Солтүстік Қазақстан облысында 800 үлескерлердің жер телімдерін асыра пайдаланып, алаяқтық жасаған кәсіпорын басшысы 6 жылға бас бостандығынан айырылды.Берік Асылов уәкілетті органдардың жайылым жерлерін оң басқарудың, ірі жер телімдердің бір қолға шоғырлануына жол бермеу және үлестік жерлерге бақылауды күшейтудің, оның ішінде кез келген заңсыз схемаларды болдырмау жұмысының маңыздылығына назар аударды. Ауыл шаруашылығы министрлігіне нақты іс-шаралар жоспарын дайындау арқылы заң бұзушылықтарды жою туралы талаптар қойылды.Екінші мәселе бойынша «Дәрілік заттар мен медициналық бұйымдарды сараптау ұлттық орталығының» қызметі тексерісінің нәтижелері талқыланды.Прокурорлық тексеріс кезінде бюджет қаражатын жымқыру және жоғары бағамен сапасыз медициналық техниканы сатып алу фактілері анықталды.Мәселен, Ақтөбе облысындағы медициналық орталық жылжымалы шұғыл медициналық көмек кешенін (жедел жәрдем) кедендік құнынан 4 есе артық бағамен сатып алынған. Нарықтық бағасы 16,6 млн теңге болса, орталыққа 72,9 млн теңге жұмсалған.Осындай сызбалар Алматы қаласында, Ақмола, Атырау, Қарағанды, Қостанай, ШҚО, БҚО, Жамбыл және Павлодар облыстарында орын алған.Тексеріс нәтижелері бойынша прокуратура заң бұзушылықтарын жою туралы 208 ұсыну енгізді, 405 адам тәртіптік және әкімшілік жауаптылыққа тартылды, 15 сотқа дейінгі тергеп-тексеру басталды.Қадағалау ведомствосының басшысы медициналық бұйымдарға бағаны қалыптастырудың ашықтығын қамтамасыз ету, сыбайлас жемқорлық факторларын болдырмау қажеттігін атап өтті.Кәсіпкерлердің өтінімдерін қабылдау процесін автоматтандыру, медициналық бұйымдарды сараптау тетігін қайта қарау, медициналық жабдықтарды қадағалау жүйесін енгізу ұсынылды.Алқа жұмысының қорытындысы бойынша Бас Прокурор облыс прокурорларына мемлекетке келтірілген залалды өтеуге қол жеткізуді және жымқыру мен билікті асыра пайдалану жасаған адамдар үшін қылмыстық жазаның бұлтартпастығы қағидатын қамтамасыз етуді тапсырды.<figure class="image"><img src="https://knadmin.beoblood.kz/uploads/9565c915_274d_4560_8dff_7bf9fa2ee991_1fba827f1d.jpg" alt="9565c915-274d-4560-8dff-7bf9fa2ee991.jpg"></figure>&nbsp;<figure class="image"><img src="https://knadmin.beoblood.kz/uploads/205792ce_c570_4007_823d_8f7115266712_fe85e5f34d.jpg" alt="205792ce-c570-4007-823d-8f7115266712.jpg"></figure>&nbsp;<figure class="image"><img src="https://knadmin.beoblood.kz/uploads/d78f7725_f1a2_4570_b3a0_1b1aa30d6d46_6a88f383e3.jpg" alt="d78f7725-f1a2-4570-b3a0-1b1aa30d6d46.jpg"></figure>

Бас Прокурор Берік Асыловтың төрағалығымен алқа отырысы өтті

<a href="https://kyzylorda-news.kz/">Kyzylorda-news.kz.</a>&nbsp; Бүгін Арал ауданының әкімі Серік Сермағамбетов «Birge: Taza Qazaqstan» республикалық экологиялық акциясына қатысушыларды марапаттады.&nbsp;<blockquote>«Экологиялық акцияда ғана емес, күз-көктем айларындағы санитарлық тазалау жұмыстарына әр сенбі сайын қала, кент, ауылдық округтер тазалық жұмыстарына белсене ат салысты. Ауданымызды күл-қоқыстан тазартып, жасыл-желектерді күтіп, баптау мен көгалдандырудағы тыңғылықты жұмыстарыңыз үшін баршаңызға шынайы алғысымды білдіремін. Алдағы уақытта да қоршаған орта тазалығына жіті мән беріп, осы бағыттағы жұмыстарды жүйелі түрде жалғастырады деп сенемін» - деді салтанатты шарада аудан әкімі.&nbsp;</blockquote>Жиын барысында туған жер табиғатына жанашырлық танытып, қала тазалығын сақтауға ат салысқан азаматтар ҚР Экология, геология және табиғи ресурстар министрлігінің Құрмет грамотасы мен алғыс хаты және облыс, аудан әкімінің алғыс хаттарымен марапатталды. Аталған марапаттар тазалық жұмыстарының жүргізілуінне айрықша үлес қосқан қоғам белсенділері мен бірқатар мекемелердің шаруашылық меңгерушілеріне және тазалықшыларына табысталды.Айта кетейік, эконауқан аясында жүргізілген жұмыстар нәтижесінде Арал қаласының кіре беріс аймағы, көше бойлары, орталық базар, қоғамдық орындар жол бойындағы ретсіз тасталған күл-қоқыстар мен керексіз заттардан тазартылды. Бірнеше мәрте ағаш отырғызу акциялары өткізілді. Сондай-ақ Бақтыбай батыр көшесінде орналасқан кәсіпкерлік нысандар ретке келтіріліп, жасыл желектер отырғызылды.<figure class="image"><img src="https://knadmin.beoblood.kz/uploads/318754909_3434912686837093_8544446517170810263_n_da14483b33.jpg" alt="318754909_3434912686837093_8544446517170810263_n.jpg"></figure>&nbsp;<figure class="image"><img src="https://knadmin.beoblood.kz/uploads/318310696_3434912586837103_9033008013113802258_n_1dc2b34b24.jpg" alt="318310696_3434912586837103_9033008013113802258_n.jpg"></figure>&nbsp;

Аралда тазалық науқанына белсенді атсалысқан азаматтар марапатталды

<a href="https://kyzylorda-news.kz/">Kyzylorda-news.kz.</a> «Әділдік Жолы» республикалық қоғамдық бірлестігі ҚР Сыбайлас жемқорлыққа қарсы агенттігінің қолдауымен елдегі коррупцияға қарсы саясатты жүзеге асыру мақсатында жастарды жұмылдыруға бағытталған «Әділетті Қазақстан – Жастардың тандауы» атты акцияның басталғанын хабарлады.&nbsp;Сыбайлас жемқорлыққа қарсы сұрақтар бойынша тегін кеңес алуға болатын &nbsp;арнайы 1463 колл центрі қосылды, сонымен қатар жастардан хабарламаларды қабылдап, өзекті жаңалықтарды жеткізетін ұйымның әлеуметтік желідегі парақшалары ашылды. &nbsp;Акция аясында ҚР Ғылым және жоғары білім министрлігімен серіктестік жөнінде меморандумға қол қойылып, өз кезегінде ол студент жастарды акцияға жұмылдырып, ЖОО қызметіндегі сыбайлас жемқорлық тәуекелдерін төмендетуге мүмкіндік береді.&nbsp;<blockquote>Іс-шара барысында ҚР Ғылым және жоғары білім министрі Саясат Нұрбек: «Сыбайлас жемқорлыққа қарсы күрестің өзектілігі – оныңкешенді сипатында. Мемлекеттің ғана емес, бүкіл азаматтық қоғамның шоғырландырылған күш-жігері қажет. Сондықтан біз бүгін «Әділдік жолымен» серіктестік жөнінде меморандумға қол қойдық. Меморандумның басты мақсаты жоғары және жоғары оқу орнынан кейінгі білім беру ұйымдарының, ғылыми ұйымдардың студенттері мен қызметкерлерінің құқықтық сауаттылығын арттыру, құқықтық мәдениетін қалыптастыру, құқықтарын, бостандықтары мен заңды мүдделерін қорғау болып табылады».</blockquote><blockquote>Акция ұйымдастырушылары «Әділдік Жолы» РҚБ атынан Ғылым және жоғары білім министріне ашықтығы, акцияны қолдауға және іс жүзінде өзінің Сыбайлас жемқорлыққа қарсы ұстанымын көрсетуге дайын екендігі үшін алғыс білдірді. «Жақында ғана көпшілігіміз Әділетті Қазақстан үшін таңдау жасадық. Енді жастардың бұл арманға жетуіне нақты мүмкіндік бар. Әрбір азамат сыбайлас жемқорлық деңгейін төмендетуге өз үлесін қоса алады, ал біз нақты құралдарды ұсынамыз».</blockquote>Акция бастамашылары, сондай-ақ, сыбайлас жемқорлыққа қарсы үздік идеялар мен жобалар байқауының басталғанын жариялады.Онда әрбір жас сыбайлас жемқорлыққа қарсы күрес туралы өз көзқарасын ұсына алады.Дидар Смағұловтың айтуынша, өтінімдер info@adildik.kz электронды мекен-жайына 2023 жылдың 15 қаңтарына дейін қабылданады. Одан кейін байқау комиссиясы еліміздің әр өңіріндегі үздік жұмыстарды таңдап, бағалы сыйлықтармен марапатталады.Сонымен қатар, кейбір идеялар эксперименттік пилоттық жобалар ретінде жүзеге асырылады, яғни жастар өз ұсыныстарының жүзеге асуын өз көздерімен көре алады.Сөзін қорытындылай келе, «Әділдік жолы» РҚБ атқарушы директоры Дидар Смағұлов барша қазақстандық жастарды осы акцияны жүзеге асыруға белсене атсалысуға шақырды, өйткені Әділетті Қазақстанның қалыптасуы әрбір азаматқа, &nbsp;соның ішінде бірінші кезекте жастарға жастарға байланысты.&nbsp;Айта кетейік, халықаралық сыбайлас жемқорлыққа қарсы күрес күні2004 жылдан бастап жыл сайын 9 желтоқсанда атап өтіледі. БҰҰ Бас Ассамблеясы жариялаған. 2003 жылдың дәл осы күні Мексикада қол қою үшін БҰҰ-ның Сыбайлас жемқорлыққа қарсы конвенциясы ашылды. &nbsp;<figure class="image"><img src="https://knadmin.beoblood.kz/uploads/318480400_1684300948632077_589431027347169880_n_5075173c4c.jpg" alt="318480400_1684300948632077_589431027347169880_n.jpg"></figure>&nbsp;<figure class="image"><img src="https://knadmin.beoblood.kz/uploads/318575148_5565237726858234_7509734943987558915_n_48237201c6.jpg" alt="318575148_5565237726858234_7509734943987558915_n.jpg"></figure>

Қазақстан және Қызылорда облысының жаңалықтары