<a href="https://kyzylorda-news.kz/">Kyzylorda-news.kz</a> &nbsp;“Счастливая жизнь” лагеріндегі ұзартылған күн тобында оқып жүрген 8 жастағы Арсений&nbsp;11 шілде күні ерекше күтімді қажет ететін балаларға арналған әткеншектен құлап қайтыс болды.&nbsp;Бұл туралы&nbsp;<a href="https://stan.kz/12-kun-komada-zhatti-oskemendegi-lagerde-8-zhastagi-bal-403960/">Stan.kz</a>&nbsp;ақпарат агенттігі хабарлайды.Арсенийдің әкесі қайғылы жағдайдың қалай болғанын әлеуметтік желідегі парақшасында айтып берді.<blockquote>“Арсений 11 шілде күні “Счастливая жизнь” лагерінде тәрбиешінің қарауынсыз&nbsp;ерекше күтімді қажет ететін балаларға арналған әткеншекке отырған. Ол әткеншектен құлап, ауыр&nbsp;жарақаттар алды. Салдарынан 12 күн комада жатып, жүрегі тоқтап қалды. Балам қараусыз қалған. Әткеншек те қирап тұр, балаларға ойнауға болмайды. Лагерьді таңдағанда&nbsp;мұқият болыңыз, лецензиясын қараңыз, қалай жұмыс істейтінін. Балаларыңызға абай болыңыз, қараусыз қалдырмаңыз. Бұл істің қараусыз қалғанын қаламаймын. Өйткені менің ұлымның орнында басқа бала болуы мүмкін. Бұған дейін бір қыз қолын сындырған еді”, –&nbsp;дейді қайтыс болған баланың әкесі.</blockquote>Оның айтуынша, аталмыш орталық әлеуметтік желіге жарнама беріп, балаларды қабылдап жатқан көрінеді.<blockquote>“Бұл әткеншектен бірнеше бала құлап, зардап шеккенін білеміз. Әткеншек ерекше күтімді қажет ететін балаларға арналған, ол өте ауыр және оның жан-жағы қоршалмаған. Болған жағдайдан кейін “Счастливая жизнь” орталығы әлі жұмыс істеп тұр. Олар желіге балаларды қабылдайтыны туралы жарнама берген екен. Ертең ата-аналар прокуратураға барып шағым түсірмек. Өйткені болған жағдайға қатысты іс қозғалған жоқ. Қоғам болған оқиғаның мән-жайы мен тәрбиешілердің жауапсыздығы туралы білсін, осы орталықтың және басқа да жекеменшік орталықтардың лецензиясын тексерсін. Көптеген ата-ана бұл әткеншекті алып тастауға келіседі деп ойлаймын”, –&nbsp;дейді олар.&nbsp;</blockquote>Фото: Видеодан скрин

"12 күн комада жатты": Өскемендегі лагерьде 8 жастағы бала әткеншектен құлап мерт болды

<a href="https://kyzylorda-news.kz/">Kyzylorda-news.kz</a> Қазақстан уран өндіру бойынша әлемдік көшбасшылардың бірі. Қазақстанда ядролық отын өндірісі жолға қойылған. Өз басым Қазақстан неліктен атом энергиясын өндіруде әлі де көшбасшы емес екені мен үшін жұмбақ күйінде қалып отыр.Заманауи атом электр станциясы сенімді және экологиялық таза&nbsp;деп есептеймін. &nbsp;Бұл қоршаған ортаға мыңдаған тонна ластаушы заттарды шығаратын жылу электр орталығы емес. &nbsp;Бұл күндіз&nbsp;ғана жұмыс істеп, түнгі уақытта істен шығатын&nbsp;күн батареясы да емес. Атом электр станциясы әрқашан жұмыс істейді және ондаған жылдар бойы жұмыс істеуге қабілетті! &nbsp;Тұрақты даму үшін біз экономикамыздың берік негізін қамтамасыз етуіміз керек. Ал ядролық генерация біздің өнеркәсібіміз бен қалаларымызды қуатпен қамтамасыз етіп қана қоймайды. Ол жаңа жұмыс орындарын және жоғары технологияларды дамытуды, білім мен ғылым саласындағы жаңа бағыттарды, жаңа әлеуметтік лифттерді қамтамасыз етеді. &nbsp;Атом электр станциясы – үлкен қадам!Сарыхулов М.Н,Қазақстан Республикасы Энергетика министрлігі Ядролық физика институтының операторы

Атом электр станциясы қажет пе?

<a href="https://kyzylorda-news.kz/">Kyzylorda-news.kz</a> &nbsp;Қармақшы ауданының әлеуметтік-экономикалық жағдайы жыл сайын өркендеп, дамып келеді. Оған басты дәлел – аудан бюджетінің ұлғаюы болып отыр. Мәселен, биыл Қармақшы ауданының бюджеті 17 млрд 177 млн теңгені құрап, өткен жылмен салыстырғанда 18,4 пайызға артқан. Оның ішіндегі ауданның өз кірісі 15,8 пайызға өсіп, белгіленген жоспар 118,7 пайызға орындалған. Бұл туралы бүгін Өңірлік коммуникациялар қызметінің ақпарат алаңында Қармақшы ауданының әкімі Жандос Еркінбек мәлімдеді.<blockquote>– Қармақшы ауданында биылғы жылдың қаңтар-маусым айларында макроэкономикалық көрсеткіштерінің барлығында оң көрсеткіштер қалыптасқан. Атап айтқанда, өнеркәсіп өнімі көлемінің индексі 100,3 пайызды, негізгі қорға салынған инвестиция көлемінің индексі 143,0 пайызға орындалса, құрылыс жұмыстары көлемінің индексі 129,1 пайызды құрап отыр. Өздеріңіз білесіздер, Қармақшы ауданы ауыл шаруашылығына негізделген аймаққа жатады. Сондықтан, микроэкономикалық көрсеткіштердің басым бөлігі ауыл шаруашылығы саласындағы жетістіктерге байланысты. Биыл ауданда жалпы көлемі 25 231 гектар жерге егіс егілді. Оның ішінде күріштің көлемі 13 270 гектарды құрайды. Сырдария өзеніндегі су көлемінің азаюына байланысты өткен жылмен салыстырғанда күріш көлемі 500 гектарға қысқарды. Облыс әкімінің «Тұрғындардың өзін-өзі әлеуметтік маңызы көкөніс және бақша өнімдерімен қамтамасыз етуін қалыптастыру» туралы тапсырмасы негізінде 408 гектар бақшалық жерлер дайындалып, 930 отбасыға бөлінді. Сонымен қатар, су үнемдеу технологияларын пайдалану бойынша жаңбырлатып суару тәсілімен 45 гектар жоңышқа, 13 гектар көкөніс-бақша дақылдары егілді, – деді Жандос Еркінбекұлы.</blockquote>Фото: Өңірлік коммуникациялар қызметі

Жандос Еркінбек: Ауданның барлық саласында өсім бар

<a href="https://kyzylorda-news.kz/">Kyzylorda-news.kz</a> 29 шілдеде Парижде өтіп жатқан 2024 жылғы Олимпиада ойындарында қазақстандық спортшылар сайысқа түседі, деп хабарлайды El.kzақпарат агенттігі.Олардың жарыс кестесінің уақыты Олимпиада ойындарының сайтында көрсетілген.12:00. Әйелдер. Жеке қылыш. 1/32 финал. Айгерім Сарыбай - Чайма Бенадуда (Алжир)12:15. Оқ ату. Микст. Пневматикалық тапанша. 10 метр. Іріктеу. Никита Чирюкин, Ирина Юнусметова12:30. Академиялық есу. Ерлер. Жартылай финал E/F 1. Владислав Яковлев12:30. Оқу ату. Әйелдер. Пневматикалық винтовка. 10 метр. Финал Александра Ле13:00. Дзюдо. Ерлер. 1/16 финал. 73 келі. Данияр Шамшаев - Муроджон Юлдошев (Өзбекстан)13:16 Садақ ату. Ерлер. 1/8 финал. Ильфат Абдуллин, Дәулеткелді Жаңбырбай, Александр Еременко. Қазақстан - Италия14:13 Жүзу. Әйелдер. Шалқалау жүзу. 100 метр. Іріктеу. Ксения Игнатова15:00 Теннис18:40 Бадминтон. Ерлер. Дмитрий Панарин - Брайан Янг (Канада) (18:40-тан ертерек емес)23:00. Үстел теннисі. Ерлер. Кирилл Герасименко00:04. Бокс. Ерлер. 1/8 финал. 63,5 келі Мұхаммедсабыр Базарбайұлы - Лай Чу Ен (Тайбэй)Жарыстардың басталу уақыты өзгеруі мүмкін. Спортшылар жарыстың басында да, күні бойы басқа уақытта ойын көрсетуі ықтимал.Айта кетсек, қазақстандық спортшылар Олимпиада ойындарында спорттың 25 түрінен сынға түседі. Еліміздің атынан 80 спортшы 92 жолдама жеңіп алған болатын.

Париж-2024: Бүгін ел спортшыларынан кімдер жарысқа шығады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте елді мекендерді көркейту, абаттандыру мәселелері талқыланды.Аймақ басшысы облыс орталығы мен барлық аудандағы атқарылған жұмыстарға күнделікті бақылауды күшейтуді тапсырды.Қазіргі демалыс маусымында көпшілік орындардың келушілерге ыңғайлы әрі жайлы, ең бастысы, таза болғаны өте маңызды. Тазалық мәселесінде тұрғындарға жүктелетін жауапкершілікті де ұмытпау керек. Көше бойының, тұрғын үй аулалары мен ойын алаңдарының, жалпы қоршаған ортаның жинақылығы тиісті мекемелерге ғана емес барлығымызға керек екенін естен шығармау қажет.Айта кетейік, биыл қала көшелерін, көпқабатты тұрғын үй аулаларын абаттандыру үшін облыстық бюджеттен 12,7 млрд. теңге қаралды. «Қорқыт Ата» әуежайының аумағын көркейту, қала, кент пен ауылдық округтердің 75 көшесіне жарық бағаналарын орнату, 59 көшеге жаяу жүргіншілер жолын салу жоспарланған. Құрылысы өткен жылы бастау алған 19 көпқабатты тұрғын үйдің ауласындағы жұмыстарды аяқтау үшін 237 млн. теңге бөлінген. Тағы 25 көпқабатты тұрғын үйдің ауласындағы ойын алаңдарын күрделі жөндеу үшін облыстық бюджеттен 1 млрд. теңге қаралған. Бұған қоса 215,8 млн. теңгеге 4 көппәтерлі тұрғын үйдің ауласы жөнделуде.Облыс орталығына 10 заманауи аялдама салу үшін 52,5 млн. теңге қаралып, толығымен орнатылды. «Халық қатысатын бюджет» бағдарламасы шеңберінде 332,6 млн. теңгеге көшелерге науа тарту, орталық зиратты қоршау, көппәтерлі үйлерді абаттандыру қолға алынды. Қаланы көгалдандыру үшін құрылған «Жасыл Қызылорда» коммуналдық мемлекеттік мекемесіне биыл 702,2 млн. теңге қаржы берілді. Бұл жұмыстар толық аяқталғанда, тұрғындар үшін қолайлы орта қалыптасады, жолаушылар және жаяу жүргіншілер қауіпсіздігі қамтамасыз етіледі.Жиында жауапты мекеме басшылары атқарылған жұмыстарды баяндады. Көркейту-көгалдандыру, абаттандыру жұмыстарын бағамдаған аймақ басшысы барлық істі сапалы атқарып, мерзімінде аяқтауды тапсырды.<img src="https://knadmin.beoblood.kz/uploads/2_b1dd3d8e2c.jpg" alt="2.jpg"><img src="https://knadmin.beoblood.kz/uploads/3_138ca0d182.jpg" alt="3.jpg">Фото: Қызылорда облысы әкімінің баспасөз қызметі

Нұрлыбек Нәлібаев: Көпшілік орындар таза, тұрғындарға жайлы болуы тиіс 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ҚР Парламенті Мәжілісінің депутаты Мұрат Ергешбаевпен бірге Қызылорда қаласы Жаппасбай батыр көшесіндегі қайта жаңғырту жұмыстарын көрді. Бас мердігер «УАД» ЖШС 3,3 шақырымдық 4 жолақты көшеге жаяу жүргіншілер жолын салып, жарықшамдар орнатады. Мамыр айында басталған жұмыс қазан айына дейін жалғаспақ.Облыс әкімі жаңғырту жұмыстарының ең басты талабы сапа мен мерзім екенін қаперге салды. Барлық жұмысты жоспарға сай орындап, межелі уақытта пайдалануға беруді тапсырды.Айта кетейік, биыл қала көшелерін, көпқабатты тұрғын үй аулаларын абаттандыру үшін облыстық бюджеттен 12,7 млрд. теңге қаралды. «Қорқыт Ата» әуежайының аумағын көркейту, қала, кент пен ауылдық округтердің 75 көшесіне жарық бағаналарын орнату, 59 көшеге жаяу жүргіншілер жолын салу жоспарланған.<img src="https://knadmin.beoblood.kz/uploads/6_9f378ff5cf.jpg" alt="6.jpg"><img src="https://knadmin.beoblood.kz/uploads/7_cb69ef75d6.jpg" alt="7.jpg"><img src="https://knadmin.beoblood.kz/uploads/8_76219f4c50.jpg" alt="8.jpg">Фото: Облыс әкімінің баспасөз қызметі

Аймақ басшысы қайта жаңғырту жұмыстарымен танысты

<a href="https://kyzylorda-news.kz/">Kyzylorda-news.kz</a> Ақтөбелік кәсіпкер Әнуар Ақмырзаұлы Олимпиада чемпионы Елдос Сметовке құны 100 миллион теңге болатын 100 жылқы сыйлады деп хабарлайды <a href="https://massaget.kz/basty-zhaalytar-438/112730/?fbclid=IwY2xjawET_VFleHRuA2FlbQIxMQABHcOA-__DpUBLH8HUgNRhIrUSl-DY3_wNpFQJGilIPgfPP0UnugL2SdaZRA_aem__xIw2yfKIyzsrX8R9-rsag">Massaget.kz</a>&nbsp;<blockquote>"Елдосты жақын танымаймын, бірақ сырттай бақылап отырмын. Ол Олимпиадада қола алды, күміс алды, "алтын да алсын" деп тілекші болған ағаларының бірімін. Еліміздің көк байрағын желбіреткені үшін, бақытты сәт сыйлағаны үшін 100 жылқыны бердім. Таңертең видеомен сөйлесіп, өзіне айттым", - дейді ол.</blockquote>Фото: msports.kz

"Әр жылқының құны - 1 млн". Ақтөбелік кәсіпкер Елдос Сметовке 100 жылқы сыйлады

<a href="https://kyzylorda-news.kz/">Kyzylorda-news.kz</a> Олар кәмелет жасына толмаған қыздар болып шықты,&nbsp;деп хабарлайды&nbsp;<a href="https://qaz.ulysmedia.kz/news/17931-aktauda-oranyp-avtomatpen-zhurtty-korkytkandar-ustaldy/">Ulysmedia.kz.</a>Полицияның мәліметіТексеру іс-шаралары барысында осы оқиғаға қатысы бар адамдар ұсталып, полицияға жеткізілді. Ақтаудың 15 жастағы тұрғыны 26 шілдеде сағат 22:30 шамасында өзінің 17 жастағы досымен кездесіп, содан кейін ойын-сауық үшін олар "Ақбота" саябағында ойыншық автоматтарын сатып алған. Бейнеконтент жасау үшін олар өздерін әлеуметтік желіге түсірген.Қыздардың ата-аналары жауапқа тартылды.– Жасөспірімдердің заңды өкілдері кәмелетке толмағандардың түнде заңды өкілдерінің еріп жүруінсіз тұрғын үйден тыс болуы, сондай-ақ кәмелетке толмағандарды тәрбиелеу жөніндегі міндеттерді орындамағаны үшін әкімшілік жауапкершілікке тартылды. Профилактикалық әңгіме жүргізілді, қыздар профилактикалық есепке қойылды, - деп хабарлаған Лада.кз басылымына облыстық полиция департаменті.Ақтаудағы оқиғаЕске сала кетейік,&nbsp;Ақтауда никаб киіп, «қаруланған» бойжеткендер жұрттың зәресін ұшырған. Бойжеткендердің бұл әрекеттері әзіл, ал қолына ойыншық қару ұстағаны белгілі болды.Ақтау қаласының Мария есімді тұрғыны (аты оқырманның өтініші бойынша өзгертілген) көргенін айтып берген. 26 шілдеде кешке бойжеткен жұбайымен бірге кафеден үйге жаяу қайтып келе жатқан. Хиджаб киген және қолында автоматтары бар екі бойжеткенді көргенде қорқып қалған.– Біз 5-ші шағын ауданнан 4 шағын ауданға дейінгі жолды кесіп өттік. Толығымен жабық киінген екі ханым жүріп өтіп, осы машиналарды көздей бастады. Жұбайым оларды суретке түсіріп үлгерді: кадрларда бізбен бірге өтіп бара жатқан адамды қалай нысанаға алғанын көруге болады. Олардың әрекеттері күлкіге ұласты. Шынымды айтсам, мен күтпеген жерден қатты қорқып қалдым, өйткені қолдарында ойыншық автомат екенін түсінбедім, - дейді Мария.Ойыншық қару екенін түсінгеннен кейін ғана Мария тынышталған.Фото: Лада.кз

Ақтауда оранып «автоматпен» жұртты қорқытқандар ұсталды

<a href="https://kyzylorda-news.kz/">Kyzylorda-news.kz</a> Қостанайда бес жасар қыздың топтық сексуалдық зорлық-зомбылыққа ұшырағаны туралы жаға ұстатарлық оқиға болды, деп хабарлайды <a href="https://qaz.ulysmedia.kz/kogam/17959-sumdyk-kostanaida-12-13-zhastagy-uldar-5-zhasar-kyzdy-zorlagan/">Ulysmedia.kz</a>Бұл туралы қыздың анасы&nbsp;#НеМолчиKZ&nbsp;ұйымына мәлімдеген.Оқиға 6 шілде күні болған. Анасы қызына велосипед сатып алып, тосынсый жасайды. Көршісі екеуі велосипедті жинап жатқанда, таныс көршінің баласы қызды үйдің артына алып кетеді. Анасы қызының сыртқа шығып кеткенін байқап, іздей бастайды. Кейіннен үсті-басы кір-кір, шашы дода-дода, ойыншық салынған қабын сүйретіп келе жатқан қызын көреді. Қатты қорқып кеткен анасы не болғанын түсінбей, қызына ұрысып тастайды. Алайда бұл әрекеті үшін кейіннен ол қатты өкінген.<blockquote>Қыз тұйықталып, бірден болған оқиға туралы айтпаған. Барлық шындық 20 шілде күні анықталды. Қыз атасына басынан өткен жағдайды түгел айтып береді. Осыдан кейін полицияға арыз берілді. Белгілі болғандай, қызды алыс жерге апарып, &nbsp;зорлық-зомбылық әрекеттерін жасаған. Қарсыласқан және айқайлаған балаға екі бала күш қолданып, таспен самайынан ұрған. Осылайша қыз жантүршігерлік әрекеттердің құрбаны болды, - делінген хабарламада.</blockquote>Агрессорлардың ата-аналары, яғни жасы 8, 12 және 13-тегі ұлдардың ата-аналары, жағдайдың қаншалықты ауыр екенін түсінеді. Полицейлер бірқатар сараптамалар тағайындап, жауап алды. Балалар кінәсін мойындап, тергеуге мемлекеттік адвокат пен мектеп психологы тартылды.Фото: Ашық дереккөз

Қостанайда 12-13 жастағы ұлдар 5 жасар қызды зорлаған

<a href="https://kyzylorda-news.kz/">Kyzylorda-news.kz</a> Кез келген ауданның экономикалық дамуына тікелей әсер ететін сала – шағын және орта кәсіпкерлік саласы. Қармақшы ауданында да жыл сайын кәсіпкерлердің саны артып келеді.Бүгінде онда 3 585 кәсіпкер тіркелген. Биыл мемлекеттік және өңірлік бағдарламалар шеңберінде 52 жобаға несие беріліп, 77 азамат қайтарымсыз грант жеңген. Жоспар бойынша жыл аяғына дейін тағы да 109 адамға қайтарымсыз грант берілмек. Бүгін Өңірлік коммуникациялар қызметінің ақпарат алаңында Қармақшы ауданының әкімі Жандос Еркінбек жыл басынан бері ауданда атқарылған жұмыстарды БАҚ өкілдеріне баяндады.<blockquote>– Биыл мемлекеттік бағдарламалар шеңберінде бірқатар жобалар іске қосылып, тағы біразының құрылысы жүргізілуде. Мәселен, жыл басынан бері ауданда өнеркәсіп саласы бойынша 3 жоба, қызмет көрсету және сауда саласында 3 жоба жүзеге асты. Сондай-ақ, жүргізіліп жатқан жобалар нәтижесінде ауданымызда халықтың өмір сүру сапасын арттыруды қамтамасыз ету мен әлеуметтік нысандарды салу, ауыз сумен қамтамасыз ету, электр беру желілерді қайта жаңғырту және газбен қамту мәселелері шешілетін болады. Ең бірінші кезекте, жеке тұрғын үйлері жоқ Жосалы кентінде халықтың әлеуметтік осал топтарына және кезектілікте тұрған азаматтарға 100 пәтер сатып алу жоспарланып отыр. Бүгінгі күні құрылыс жұмыстары жүргізілуде. Төретам және Ақай елді мекенін газбен қамтамасыз ету мақсатында құрылыс-монтаж жұмыстары жүргізілді. Аудан бойынша аса маңыздылығы бар Дүр Оңғар ауылына дейінгі және ауылішілік газ желісінің құрылысына мемлекеттік сатып алу жұмыстары жүргізілуде. Айта кетейін, Дүр Оңғар ауылына газ жеткізілген жағдайда сол аймақтағы басқада 10 елді мекендерін газдандыру жұмыстарына мүмкіндік тудырары айқын. Осы жобалар іске асқанда аудан тұрғындарын газбен қамту үлесі артатын болады. Бұдан бөлек, Жосалы кентінде жаңадан ашылған «Тәуелсіздік» ықшам ауданының үйлеріне газ желілерін жеткізу құрылысы жүргізілуде, – деді Жандос Еркінбек.</blockquote>Қармақшы ауданындағы ең өзекті мәселелердің бірі – тозығы жеткен электр желілері болып отыр. Биыл ауданның 3 елді мекеніне қаржы бөлініп, электр беру желілері қайта жаңғыртылмақ.<blockquote>– Аудандық Қуандария, Ақжар, ІІІ Интернационал, Алдашбай Ахун және Қармақшы ауылдарының электр желілерін қайта жаңғырту бойынша жоба-сметалық құжаттары әзірленіп, бюджеттік өтінім өткізілді. Сонымен қатар, демеушілік қаражат есебінен Дүр Оңғар ауылының электр желілерін қайта жаңғырту бойынша жоба сметалық құжаттары әзірленсе, Тұрмағамбет ауылының электр желілерін қайта жаңғырту бойынша жоба-сметалық құжаттары әзірленуде. Алдағы уақытта кезең кезеңімен жөндеу жұмыстары жүргізілетін болады, – деді Жандос Еркінбекұлы.</blockquote>Фото: Өңірлік коммуникациялар қызметі

Қармақшы ауданында өнеркәсіп өндірісі кеңейіп келеді

<a href="https://kyzylorda-news.kz/">Kyzylorda-news.kz</a>&nbsp; &nbsp;Отандық актриса Жұлдызай Дүйсенбиева екінші рет ана атануға қатысты ойын айтып, жан сырын ақтарды. Бұл туралы Stan.kz ақпарат агенттігі хабарлайды.Актриса бірінші жүктілігінің ауыр өткенін айтып, екінші мәрте ана атануға жүрексінетінін жасырмады.<blockquote>“Баланың көп болғаны жақсы ғой. Бірақ қызымды да қайта-қайта сенбей, көтеріп, дүниеге әкелдім. Екінші бала дүниеге келмеу деген нәрсе бізде қозғалды. "Екінші бала керек" деген кез келген отбасыда болады. Бірақ бұл жеке менің отбасымда емес, жан-жағымызда болды. Бұл кезде де менің ойым ғой. Бірінші бала болмайды деген кезде де мен "ажырасайық" дегенмін. Осы жолы да эмоцияға беріліп жазылған нәрсе еді. Бірақ ажырасқан жоқпыз. Қызымды жақсы әкеден айырғым келмейді. Өзім де мұндай жақсы жардан айырылғым келмейді. "Ұрпақсыз жүре бересің ба" деп арамызға іріткі салатындар көп", –&nbsp;деді актриса.”</blockquote>Сондай-ақ актриса күйеуіне екінші әйел алуына рұқсат бергенін айтып, халық арасында тараған қауесетке жауап берді.<blockquote>“Жолдасым екеуміз арамызда бала мәселесі болғандықтан, екінші әйел алуға рұқсат бердім. Егер ұрпақсыз қалып бара жатырмын, екінші әйел аламын десең, мен қарсы емеспін" дедім. Бірақ жолдасым "қой, айналайын" деді. "Керек болса, мен өзім жасаймын, мен айтпасам, демек ол нәрсенің маған керегі жоқ, сен мен үшін шешпе, шешім қабылдама" деді. Сондықтан біз бұл әңгімені қозғамаймыз", – деді әзілкеш.</blockquote>Фото: Подкастан скриншот

"Күйеуіме екінші әйел алуға рұқсат бердім": Жұлдызай Дүйсенбиева екінші рет ана атануға қатысты пікір білдірді

<a href="https://kyzylorda-news.kz/">Kyzylorda-news.kz</a>&nbsp; "AMANAT" партиясының "Құқықтық көмек" жобасы аясында партия алаңында тақырыптық қабылдау ұйымдастырылды.Қабылдауды «Бітім» медиация орталығының кәсіби медиаторы, заңгер Қыдырбек Рашов Жұмағұлұлы жүргізді.Тақырыптық қабылдау барысында тұрғындар алимент мөлшерін есептеу мен өндіріп алу, алаяқтық істерге қатысты мәселелердің шешу жолдарын сұрады.Алимент төлемі бойынша жүгінген тұрғынға алимент мөлшерін есептеу бойынша ажырасқан ерлі-зайыптылар арасында төлем тәртібі мен мөлшері жөнінде келісім жүргізілсе, сол келісімге сай төлем жасалатыны түсіндірілді. Ал, келісім болмаған жағдайда ҚР Неке және отбасы туралы заңнамасындағы ережеге сай жүргізілетіні айтылды.Сондай-ақ алаяқтық іске қатысты партия филиалына жазбаша өтініш білдіріп, тиісті мекемелерге жолданатынын жеткізді.

Қазақстан және Қызылорда облысының жаңалықтары