<a href="https://kyzylorda-news.kz/">Kyzylorda-news.kz</a>&nbsp; Қызылорда облысы бойынша Экономикалық тергеу департаменті басшысының бұрынғы орынбасары А. Қасымбаев пен кәсіпкер Ж. Сәкенов сотталды.Қызылорда облысы бойынша ЭТД басшысының бұрынғы орынбасары сотталды,&nbsp;деп хабарлайды&nbsp;<a href="http://ulysmedia.kz/">Ulysmedia.kz</a>. Алматы қалалық сотымен Қызылорда облысы бойынша Экономикалық тергеу департаменті басшысының бұрынғы орынбасары А. Қасымбаев пен кәсіпкер Ж. Сәкенов сотталды.10 МИЛЛИОН ТЕҢГЕ ПАРА БЕРУГЕ ИТЕРМЕЛЕГЕН Олар алаяқтыққа оқталғаны және Алматы қаласындағы кәсіпорындарының бірінің директорының қылмыстық ісін тоқтату үшін құқық қорғау органдарының қызметкерлеріне 10 млн теңге сомасында пара беруге итермелегені үшін кінәлі деп танылды.ЕКІ АДАМ 7 ЖЫЛҒА СОТТАЛДЫ Сот үкімімен Қасымбаев пен Сәкенов әрқайсысы мемлекеттік органдар мен квазимемлекеттік сектор субъектілерінде қызмет атқару құқығынан өмір бойына айыра отырып, 7 жылға бас бостандығынан айырылды. Сот үкімі заңды күшіне енді.Фото: informburo.kz

10 миллион теңге пара беруге итермелеген қызылордалық шенеунік сотталды

<a href="https://kyzylorda-news.kz/">Kyzylorda-news.kz</a>&nbsp; Жылыту маусымының басталуына 1 айдай уақыт қалды, алайда 6 облыста дайындық төмен. Премьер-министр Олжас Бектенов Үкімет отырысында дайындығы төмен өңірлер әкімдерін сынады, деп хабарлайды&nbsp;<a href="https://azattyq-ruhy.kz/">Azattyq Rýhy.</a><blockquote>«Жұмыстардың ауқымды бөлігін ең соңғы күндерге қалдыру қалыпты әдетке айналды. Яғни, дұрыс жоспарлау жоқ. Бекітілген жөндеу жұмыстарының кестесін ауыстыра салу, құжат дайындау және отын қорын жинау мерзімдерін сақтамау фактілері жылдан жылға қайталанып келеді. Әркім өз ісіне жауапты қарайтын болса, мұндай келеңсіз жағдайлар орын алмас еді», - деді премьер-министр.</blockquote>Бүгінде Энергетика министрлігі кәсіпорындарға жылыту кезеңіне әзірлік паспорттарын бере бастады. ЖЭО әзірлік паспортын беруден бас тартылған жағдайда сол өңірлерде әкімдердің жетекшілік ететін орынбасарларының тікелей жауапкершілігі қаралады, деп ескертті Үкімет басшысы.<blockquote>«Облыс әкімдеріне осындай осал тұстарға назар аудару туралы бірнеше рет айтылды. Тіпті, жөндеу науқаны кезінде тәуекел тудыруы мүмкін нақты жағдайларды атап көрсетіп, шұғыл шаралар қабылдау қажеттігі туралы тапсырмалар да берілді. Алайда, 3 ай өтті, баяғы жартас – сол жартас, өзгеріс шамалы. Сол өңірлер әлі артта, сол баяғы кешіктіру, кейінге шегеру», - деді Үкімет басшысы.</blockquote>Үкімет басшысы атап өткен дайындығы төмен өңірлер:<ul><li style="text-align:justify;">Қарағанды облысында «Qarmet» компаниясының 2-ші жылу орталығындағы 2-ші қазандықты жөндеу жұмыстары мерзімінде аяқталған жоқ. 1-ші қазандықты күрделі жөндеу сол күйі басталмаған. №7-ші қазандықты жөндеу жұмыстары да бекітілген кестеден кешігіп жатыр.</li><li style="text-align:justify;">Шахтинск тұрғындары да дайындық уақтылы аяқталмай қала ма деп алаңдап отыр. Қалада тендер бойынша және сол күйі басталмай тұрған жұмыстар бар.</li><li style="text-align:justify;">Маңғыстау облысында МАЭК-тің 1-ші жылу электр орталығындағы №4-ші турбинаны күрделі жөндеу жұмыстары әлі жүріп жатыр. Сондай-ақ Комбинаттың 2-ші Жылу орталығында құжаттар уақтылы дайын болмағандықтан, мердігерді анықтау мүмкін болмай отыр.</li><li style="text-align:justify;">Жылу желілерін жаңғырту жұмыстары да баяу. Шығыс Қазақстан және Қостанай облыстарында екі жоба, Абай облысында 1 жоба бойынша бұзып-бөлшектеу жұмыстары ғана жүргізілуде.</li><li style="text-align:justify;">Батыс Қазақстан облысында бір жоба бойынша мердігер ұйым әлі анықталмаған.</li></ul>Үкімет тарапынан бұған дейін МАЭК-ті дамытуға қомақты қаржы бөлінді.<blockquote>«Энергетика министрлігі станцияларға арналған мазутты тым кеш, яғни 15-ші тамызда үлестіріп берді. Логистиканы, қауырт жұмыс барысында туындайтын цистерна мен вагон тапшылығын және басқа да мәселелерді ескеретін болсақ, мазут пен көмір қоры уақтылы дайындалады дегенге сену қиын. Өнеркәсіп және көлік министрліктеріне көмір мен мазут жеткізу бойынша Қазақстан темір жолының және өңірлердің міндеттемелерін орындау мәселелерін қатаң бақылауда ұстауды тапсырамын», - деді Бектенов.</blockquote>Фото: primeminister.kz

Олжас Бектенов жылыту маусымына дайындығы төмен өңірлерді атады

<a href="https://kyzylorda-news.kz/">Kyzylorda-news.kz</a>&nbsp; Заңгер Молдахан Әділетхан Жамбыл облысында алты адам қаза тапқан жол апатына қатысты ойын айтты, - деп хабарлайды <a href="https://dalanews.kz/">Dalanews.kz</a>.Заңгер жол апатына кінәлі – Тойота Альфард жүргізушілері екенін атап өтті.<blockquote>«Альфард, минивен айдайтындар Қызылордадан Астанаға барады, Астанадан бері үйіне, ауылына қарай қайтады. Үйіне келіп, талып ұйықтайды. Адам дәл солай өмір сүре берсе миы «өшіп» қалады. Қанша мықты болсаң да, жас болсаң да, қаншама энергетикалық сусын ішсең де ұйықтап кетесің. Сол минивендерге отыратын халық, қалай қорықпайсыздар? Оның үстіне ұзақ жол жүрсеңіздер «Альфардқа» отырмаңыздар.Полиция қызметкерлерінің көлігінде ескертетін жарық (мигалка) жанып келе жатыр, ол өзінің жолағында сағатына 90 шақырыммен келе жатады. «Альфард» қарсы жолаққа шығып кетеді, бірақ өзі ұйықтап кеткен. Егер жүргізуші ұйықтап кетпеген болса қарсы жолаққа шықпас еді, себебі полицейді көріп тұр. Қарапайым халыққа айтарым, полиция болмаса тасжолда қырылып қаласыздар», - дейді заңгер.</blockquote>Молдахан Әділетхан көп жүргізуші тасжолда асқан жылдамдықпен жүретінін айтады.<blockquote>«Полиция жаман» деген түсінік дұрыс емес. Полиция болмаса көшеде емін-еркін жүре алмайсың. Көлігіңді қойсаң оны тонап кетеді, көшеде кетіп бара жатсаң әлдекімдер ұрып-соғып, телефоныңды алып кетеді. Үйіңде тыныш жата алмайсың, сыртқа шығып кетсең қылмыскерлер әйеліңді зорлап кетеді. Полиция болмаса басқа да қылмыстар көбейеді. Полиция халықтың тыныштығын ойлап, күзетеді. Полиция болмаса бейберекет жағдай болады, 90-жылдарға ораламыз. Қазір бір жағдай болса не істейсіз? Ештеңе істей алмайсыз, ең бірінші кезекте 102-ге хабарласасыз. Олар келіп, көмектеседі», - дейді Молдахан Әділетхан.</blockquote>Еске салайық, Жамбыл облысындағы жантүршігерлік жол апатынан кейін қазақстандықтар Жамбыл облысындағы жантүршігерлік жол апатынан кейін Тойота Альфард маркалы автокөліктеріне қарсы шыққан болатын.&nbsp;Коллаж: <a href="https://dalanews.kz/">Dalanews.kz</a>.

Жамбылдағы жол апаты? "Альфардтың" жүргізушісі ұйықтап кеткен

<a href="https://kyzylorda-news.kz/">Kyzylorda-news.kz</a> &nbsp;Кеше орталық алаңда партияның қалалық филиалы мен «Жастар рухы» Жастар қанатының және қалалық дене тәрбиесі, спорт және туризм бөлімінің бірлесіп ұйымдастыруымен «Ұлттық мұра» партиялық жобасы аясында «Спорт күніне» орай асық атудан сайыс өтті.Шараға партияның облыстық филиалының төрағасы Алмасбек Есмаханов,Атқарушы хатшы Ләйлә Төрешова қатысып, қатысушыларға жылы лебіздерін білдірді.<blockquote>«Асық ату - ұлтымыздың төл ойынының бірі. Осы орайда партияның «Ұлттық мұра» жобасы аясында ұйымдастырылып отырған сайысымызда өздеріңізді көргеніме қуаныштымын. Бұндай сайыстар алдағы уақытта да ұйымдастырылатын болады. Бүгінді додаға қатысушыларға сәттілік тілеймін»,-деді партия филиалының төрағасы.</blockquote>Қазақ халқының ұлттық ойындарының көбі табиғи заттармен ойнауға негізделген. Күн көрісі мал шаруашылығына негізделгендіктен қазақ халқының ұлттық ойындары да осыған икемделген. Сондықтан асық ойындары ұлт ойындарының ішіндегі арыдан келе жатқан көнелерінің бірі болып табылады. Асық ойыны адамның жүйке жүйелерін шыңдап, оларды дәлдікке, ептілікке, ұстамдылыққа тәрбиелейді.Шарада оқ бойы оза шапқан спортшыларды партияның қалалық филиалының Атқарушы хатшысы Гүлшат Исақызы мен «Қажымұқан» спорт клубының директоры Марат Тілеуұлы марапаттап, бағалы сыйлықтар, «Алғыс хат», медальдар табыстады.

Спорт күніне орай асық атудан сайыс ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; Қаржылық мониторинг агенттігінің Қызылорда облысы бойынша департамент қызметкерлері жедел іздестіру іс-шараларын өткізу барасында заңсыз ойын ұйымдастырумен айналысқан азаматтардың жолын кесті.1994 жылы туылған азаматтар наурыз айында &nbsp;қала орталығынан пәтерді жалға алып, интернет желісімен интернет-казино қызметін жүзеге асыратын «Superomatic» бағдарламалық қамтылым көмегімен интернет-казино құмар ойындарын іске қосып, бәс тігу арқылы ойыншыларға құмар ойын ойнатқан.Тергеу барысында 8 дана жүйелік блоктар, 8 дана компьютер мониторы, 1 дана бейнетіркеуіш, 1 дана модем, 6 дана ұялы телефондар және кассадан жалпы сомасы 23 000 теңге тәркіленді.&nbsp;Қазақстан Республикасының ойын бизнесі туралы заңнамасында белгіленген орындардан тыс құмар ойындарын ұйымдастырып және өткізіп, заңсыз ойын бизнесiн ұйымдастырып қылмыстық құқық бұзушылық жасағаны үшін қос азаматқа ҚК-нің 307-бабы 2-бөлігі 2)-тармағымен мүлкін тәркілеусіз 2 (екі) жыл 6 (алты) ай мерзімге бас бостандығын шектеу және 100 сағат мәжбүрлі еңбекке тарту &nbsp;жазасы тағайындалды.Фото: пресс-служба МВД КР

Заңсыз ойын ұйымдастырған қос қызылордалық сотталды

<a href="https://kyzylorda-news.kz/">Kyzylorda-news.kz</a> Бұл туралы Илья Ильин <a href="https://www.youtube.com/watch?v=errLIn5sndE">Рахым Ошақбаевқа </a>берген сұхбатында айтып берді.<blockquote>"Алмас – менің досым. 14 жастан бастап бірге жаттыға бастадық. Кейін ол менің командама қосылды. Артынша құрамасынан кетті. Мені алғашқылардың бірі болып қолдаған да Алмас еді. 10 жыл араққа салынып кетті. Сөздерінің жаны бар, өкпесін де білемін. Біз оны тауып алып, қазір ем алып жатыр. Федерация да қолдау көрсетіп жатыр. Оған мен емес, саған халық көмек көрсетіп жатыр, қазір емделмесең кеш болады деп түсіндірдім", – &nbsp;дейді Илья Ильин.</blockquote>Ильин қазір досының ем алып жатқанын айтты.<blockquote>"Мен досымды ешқашан тастамаймын. Ол 5 ай емделуі керек. Арақты тастаса жақсы болар еді. Біз оны аяққа тұрғыздық. Оның қоғамға үлес қосқанын қалаймыз. Емнің алғашқы кезеңі аяқталды. Алдағы уақытта мен онымен сұхбат жүргіземін. Алайда берген сұхбатының 50%-ы жалған ақпарат", – деп қосты спортшы.</blockquote>Бұған дейін Азия чемпионы Алмаз Өтешов "Уақыт көрсетеді" подкастында қиын кезеңдерді бастан өткергенін айтқан еді. Оның қазір күзетші болып жұмыс істейтіні белгілі болды.&nbsp;Фотоколлаж: Azattyq Rýhy / Әбілқасым Есентаев

 «Досымды ешқашан тастамаймын»: Илья Ильин Алмас Өтешевті  ауруханаға жатқызды

<a href="https://kyzylorda-news.kz/">Kyzylorda-news.kz</a>&nbsp; «Aray city mall», «Ажар», «Жібек жолы» сауда орталықтарында «Денсаулық аралы» акциясы өтті. Ұйымдастырушы – Әлеуметтік медициналық сақтандыру қорының Қызылорда облысы бойынша филиалы.Шара барысында №1 және №3 қалалық емхана мамандары қауіп факторлары мен ауруларды бастапқы кезеңде анықтау мақсатында тұрғындарға консультациялық-диагностикалық қызмет көрсетті. Дәрігерлер қан қысымын, бойын, салмағын, қандағы қант пен холестерин деңгейін өлшеп, кеңес берді.Әлеуметтік медициналық сақтандыру қоры филиалының мамандары сұрақтарға жауап беріп, сақтандыру мәртебесін қалай алуға болатынын, медициналық сақтандырудың қандай артықшылықтары бар екенін түсіндірді. Сондай-ақ тұрғындарға МӘМС жүйесі туралы ақпараттық буклеттер таратылды.Профилактикалық тексерулерді қаржыландыру Әлеуметтік медициналық сақтандыру қорының қаражаты есебінен жүзеге асырылатыны, сондықтан скринингтерден өту үшін МӘМС жүйесінде «сақтандырылған» мәртебесінің болуы қажет екендігі атап өтілді.<img src="https://knadmin.beoblood.kz/uploads/Zhibek_zholy_3_4f7656c454.jpg" alt="Жибек жолы 3.jpg"><img src="https://knadmin.beoblood.kz/uploads/Zhibek_zholy_4_12908d27c8.jpg" alt="Жибек жолы 4.jpg"><img src="https://knadmin.beoblood.kz/uploads/Araj_siti_1_ac0951f601.jpg" alt="Арай сити 1.jpg">

Қызылорда қаласындағы сауда орталықтарында денсаулық акциясы өтті

<a href="https://kyzylorda-news.kz/">Kyzylorda-news.kz</a> Діни некеге ата-аналарының немесе заңды өкілдерінің келісімі керек.Абай Бегейдің 16 жастағы қызының некесі мешітте қиылуына қатысты ҚМДБ-ның Маңғыстау облысы бойынша өкілдігі мәлімдеме жасады, деп хабарлайды&nbsp;<a href="http://sn.kz/">Skifnews.kz&nbsp;</a>ақпарат порталы.<blockquote>“Ақтау қаласында кәмелет жасқа толмаған қыздың некесіне қатысты әлеуметтік желіде тараған ақпаратқа қатысты Қазақстан мұсылмандары діни басқармасының Маңғыстау облысы бойынша өкілдігі төмендегіні мәлімдейді: Неке қию рәсімі мешітте болмағаны анықталды. Мешіт имамдары кәмелет жасқа толмаған қыздың некесін қимаған. Мешітке келіп, құлшылық үйін аралауға, ауласында суретке түсуге шектеу қойылмайды. Жастардың мешітке келіп, естелікке суретке түскені белгілі болды. Қазақстан мұсылмандары діни басқармасының қабылдаған «Мешіт имамдарының неке қию тәртібі» құжатына сәйкес отбасы құрғысы келетін азаматтар әуелі АХАТ бөлімі арқылы заңды некеге отыруы тиіс. Нике қию рәсіміне болашақ ерлі-зайыптылардың ата-анасы немесе олардың заңды өкілдері қатысуы міндетті. Діни некеге ата-аналарының немесе заңды өкілдерінің келісімі керек. Олай болмаған жағдайда мешітте діни неке қиылмайды”,- делінген мәлімдемеде.</blockquote>Естеріңізге сала кетейік, Абай Бегейдің 16 жастағы қызы тұрмысқа шығып, желіні шулатқан еді.&nbsp;Фото: symbatabaikyzy инстграм парақшасынан

Неке қиылмайды: Абай Бегейдің қызына қатысты ҚМБД мәлімдеме жасады

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Нұрлыбек Нәлібаевтың қатысуымен «Digital Kazakstan: Жаңа замандағы білім беру» тақырыбында өткен облыстық педагогикалық тамыз кеңесінде аймақ ұстаздарына көрсетілген қолдаулар мен білім саласын дамытуға бағытталған нақты қадамдар сөз болды.<blockquote>«Мұғалімдерді әлеуметтік көтермелеу мәселесі назардан тыс қалмайды. Ел Президенті Қасым-Жомарт Кемелұлы халықаралық пәндік олимпиадалардың жеңімпаздарына бірреттік қаржылай сыйақы тағайындады. Балалардың ұстаздарын да моральдық, материалдық тұрғыдан ынталандырды. Біз де өз тарапымыздан дарынды балаларды қолдауды лайықты деңгейде жалғастырамыз.Өңіріміз соңғы төрт жылда ҰБТ-ның орташа балл көрсеткішімен республикада алғашқы үштікте болған. Биыл жиырма өңірдің ішінен оза шауып, бірінші орынға шықты.Бұл – аймақ ұстаздары мен түлектердің күн-түн демей, аянбай еткен еңбегінің нәтижесінде қол жеткізген жетістігі. Алдағы жылдары да бағындырған межеден түспеу үшін нақты жұмыстар жалғасын табады.Осы сәтті пайдаланып, барша Сыр ұстаздарына шынайы алғысымды білдіргім келеді. Педагог мәртебесін жоғарылату және шығармашыл мұғалімдерді қолдау бағытында бірқатар шара атқарылды. «Үздік педагог» республикалық конкурсынан 2023 жылы 5 педагог жеңімпаз атанып, әрқайсысы 3 млн теңге көлемінде грант иеленсе, жыл қорытындысымен 5 «Үздік педагогке» 1 млн теңге көлемінде бірреттік сыйақы берілді. Облыстық білім басқармасына экономика және қаржы басқармасымен бірлесіп, дарынды шәкірттер мен олардың ұстаздарын қаржылай қолдауды жалғастыру үшін тиісті ұсыныс енгізуді тапсырамын», – деді Н.Нәлібаев.</blockquote>Биылғы Алаш қайраткерлері Жүсіпбек Аймауытовтың 135, Бейімбет Майлиннің, Ілияс Жансүгіровтің, Сәкен Сейфуллиннің, Тұрар Рысқұловтың, Сұлтанбек Қожановтың 130 жылдығына арналған іс-шаралар балалардың рухани танымын тереңдетуге жол ашады. Аймақ басшысы облыстық білім басқармасына мәдениет, спорт, қоғамдық даму басқармаларымен бірлесіп, жаңа оқу жылынан бастап танымдық іс-шараларды нәтижелі әрі балаларға лайық етіп ұйымдастыру міндетін жүктеді.

ҰБТ: Қызылорда облысы бірінші орынға шықты

<a href="https://kyzylorda-news.kz/">Kyzylorda-news.kz</a>&nbsp; «Digital Kazakstan: Жаңа замандағы білім беру» тақырыбында өткен тамыз кеңесінде білім саласындағы құрылыс қарқыны мен алдағы міндеттер талқыланды.Аймақ басшысы Нұрлыбек Нәлібаевтың айтуынша, өткен жылы облыс орталығындағы 4 мектептің орын тапшылығы мәселесі 1 850 оқушыға арналған қосымша ғимарат салу арқылы шешімін тапты. Бюджетке салмақ салмай, қаржы үнемделді. 1 170 орындық 4 мектеп, жыл басында 550 орындық 2 мектеп ел игілігіне табысталды. Алдағы уақытта жаңадан 14 мектеп және 4 мектепке қосымша құрылыс салынып, пайдалануға беріледі.«Жайлы мектеп» ұлттық жобасы аясында 21 мектеп, «Білім беру инфрақұрылымын қолдау» қоры арқылы дарынды балаларға арналған 400 орындық физика-математика бағытындағы мектеп-интернат, Шиелі ауданында 100 орындық және Жаңақорған ауданында жергілікті бюджет есебінен 150 орындық мектептер салынуда. Аталған білім беру нысандары жақын күндері табысталады.Арал ауданы Тоқабай ауылындағы апатты мектеп және Ақшатау ауылындағы бастауыш мектептің жаңа ғимараты жеке инвесторлардың демеушілігімен бой көтерді.Бұдан бөлек, «Білім беру инфрақұрылымын қолдау» қоры, жергілікті бюджет есебінен Шиелі, Жаңақорған, Қармақшы аудандарындағы, Қызылорда қаласындағы білім ошақтары жанынан оқу ғимараты, асхана, спорт залы сияқты қосымша құрылыстар жүргізілуде.Жеткіншектерді қосымша біліммен қамту үлесін арттыру мақсатында «ҚазГерМұнай» компаниясының демеушілігімен 350 орындық заманауи Оқушылар сарайы, жергілікті бюджет есебінен Жаңақорған ауданында 200 орындық Оқушылар үйі және 50 орындық Өнер мектебі салынып, ел игілігіне табысталмақ. Сол жағалауда «Саутс Ойл» компаниясының демеушілігімен музыкалық колледж ғимараты салынуда. Балалар мен жасөспірімдердің шығармашылығын шыңдау мақсатында биыл облыс орталығынан «Шығармашылық академиясының» іргетасы қаланды.Биыл жергілікті бюджет есебінен 8 мектеп ғимараты күрделі жөнделуде. Білім мазмұнын арттыру мақсатында мектептерді заманауи пәндік кабинеттермен жабдықтауға, бала қауіпсіздігін қамтамасыз ету үшін соңғы үлгідегі бейнекамералар алуға жергілікті бюджеттен 456 млн теңге қаржы бөлініп, 2 016 цифрлық камера орнатылды.Барлық білім беру ұйымдары 100 пайыз қауіпсіздік жүйелерімен қамтылды. Келесі жылға мектеп, балабақша, қосымша білім беру ұйымдарының бейнебақылау жүйесін жаңартуға қосымша қаржы бөлінеді деп жоспарлануда.<img src="https://knadmin.beoblood.kz/uploads/456234068_803581168629796_4349013580318273031_n_38d587b78f.jpg" alt="456234068_803581168629796_4349013580318273031_n.jpg"><img src="https://knadmin.beoblood.kz/uploads/456335591_803581185296461_8107813190451496281_n_8a84ad5d4a.jpg" alt="456335591_803581185296461_8107813190451496281_n.jpg">

Қызылорда: Білім саласында құрылыс қарқынды

<a href="https://kyzylorda-news.kz/">Kyzylorda-news.kz</a>&nbsp; Алдағы қыркүйек айында Қызылорда облысында ауа температурасының орташа айлық көрсеткіші +18,9+21,3 градус болады деп күтілуде. Тиісінше, бұл нормадан 1 градусқа жоғары. Сондай-ақ, өңірде қыркүйек айында жауын-шашын мөлшері аз болып, жиі шаңды дауыл болады деп болжануда. Бұл жөнінде Өңірлік коммуникациялар қызметінің ақпарат алаңында «Қазгидромет» РМК Қызылорда облысы бойынша филиалының инженер-синоптигі Мағжан Сәдуақасов хабарлады.<blockquote>- Қыркүйек айының бірінші онкүндігінде облыста ауа температурасы түнде +16+21 градустан +11+16 градусқа дейін болса, күндіз +35+40 градустан +30+35-қа дейін болады деп болжануда. Ал аймағымыздың солтүстігінде + 25 градусқа дейін төмендейді. Айдың екінші онкүндігінде түнде +4+9 градус, күндіз +20+25 градусқа дейін, облыстың солтүстік бөлігінде +16°С-қа дейін одан әрі төмендеуі күтіледі. Онкүндіктің соңында ауа температурасының төмендеуі болжанады. Үшінші онкүндіктің басында ауа температурасының түнде 0,+5°С дейін, облыстың солтүстігінде үсік 2°С, күндіз +16+21°С дейін төмендеуі күтіледі. Содан кейін ауа температурасының түнде +5+10°С дейін, күндіз +21+26°С дейін жоғарылауы болжануда. Сондай-ақ, жауын-шашынның айлық мөлшері нормадан аз болады деп күтілуде. Жаңбыр, найзағай екінші және үшінші онкүндіктердің басында күтіледі. Шаңды дауыл бірінші онкүндіктің ортасында болуы мүмкін. Жел 15-20 м/с әр онкүндіктің басында деп болжануда,- деді Мағжан Ғалымұлы.</blockquote>Фото: Қызылорда облысының Өңірлік коммуникациялар қызметі

Қыркүйек айында ауа райы қандай болады?

<a href="https://kyzylorda-news.kz/">Kyzylorda-news.kz</a>&nbsp; «Digital Kazakstan: Жаңа замандағы білім беру» тақырыбындағы облыстық педагогикалық тамыз кеңесінде аймақ басшысы Нұрлыбек Нәлібаев оқушыларға әлеуметтік қолдау көрсетілетінін, тәрбие ісіне қоғам болып жұмылу қажеттігін айтты.<blockquote>«Түрлі әлеуметтік санаттағы отбасылардан шыққан балаларды қолдау мақсатында пәрменді шаралар қабылдануда. Жетім және ата-анасының қамқорлығынсыз қалған балаларды тұрғын үймен қамтамасыз ету үшін өткен жылы 100 пәтер, биылғы бірінші жартыжылдықта 127 пәтер берілді.Оларды әлеуметтік қолдау жалғасын табады. Биыл жергілікті бюджеттен жалпыға міндетті оқу қорына 5,2 млрд теңге бөлінді, 87 331 оқушыны ыстық тамақпен қамтамасыз етуге бюджеттен 9 млрд теңге қаржы қаралды (52 264 бастауыш сынып). Бұның барлығы – саламатты, білімді ұрпақ тәрбиелеуге көрсетілген мемлекет қолдауы.Педагог қауымы өздеріне жүктелген мәртебелі міндетті абыроймен алып жүруі керек. Білім беру саласына қойылатын негізгі 2 ғана талап пен міндет бар. Оның бірі – сапалы білім беру, екіншісі – саналы тәрбие беру. Балаларымыздың қауіпсіздігін қамтамасыз ету, тәлімі мен тәрбиесін ұштау басты бағытымыз болуы тиіс.Мектеп – оқушы – ата-ана үштағаны үйлесімділікте жұмыс жасауы қажет. Қазір жастар мен жасөспірімдер арасында зорлық-зомбылық, құқық бұзушылық, қылмыс, суицид, кибербуллинг, топтық төбелес, тағы басқа да келеңсіз жағдайлар жиі кездесуде. Біз өз тарапымыздан кәмелетке толмағандар арасында құқық бұзушылық пен қылмыстың алдын алу бағытында шаралар қабылдап келеміз»,– деді Н.Нәлібаев.</blockquote>Жыл басында облыс әкімдігі облыстық прокуратура, облыстық полиция департаментімен бірлескен «Жол картасын» бекітті. Мамыр айының соңында құқық қорғау органдарының басшылары, ата-аналар мен педагогтер қатысқан, тәрбие саласындағы мәселелер талқыға түскен алқалы жиын өткізілді. Келелі кеңесте бала тәрбиесіне қатысты тұшымды ойлар мен ұсыныстар айтылып, сала басшыларына тиісті тапсырмалар берілді.Облыс әкімі өз сөзінде бала тәрбиесіне қоғам болып жұмылу, ұстаздармен қатар, ақсақалдар алқасының, аналар кеңесінің, қауымдастық мүшелерінің бірлескен шаралар қабылдауы өте маңызды екенін атап өтті.Тамыз кеңесіне қатысушылар Халықаралық «Robotek Grand Tournament – 2024» чемпионатында озық шыққан, республикалық ғылыми жоба конкурсында «Black hole» жобасын цифрлық технология негізінде зерттеп жүлдегер атанған, республикалық «Зерде» зерттеу жобалар конкурсында «Сөйлеу қабілеті бұзылған балаларға жасанды интеллект технологиясымен «Logo master» арқылы көмектесу», республикалық ғылыми жоба конкурсында «Устройство урны для автоматической сортировки отходов» атты жобаларымен бірінші орын алған, «First Championship» республикалық робототехника байқауында «Ұйқыға қарсы көзілдірік, Метрологиялық станция» жобасымен бас жүлде иеленген оқушылардың жетістіктері таныстырылған көрмені тамашалады.<img src="https://knadmin.beoblood.kz/uploads/456127067_803593988628514_4492187948563597424_n_94edeef0b9.jpg" alt="456127067_803593988628514_4492187948563597424_n.jpg"><img src="https://knadmin.beoblood.kz/uploads/456165407_803594025295177_7404465953708020105_n_f90994aa50.jpg" alt="456165407_803594025295177_7404465953708020105_n.jpg">

Қазақстан және Қызылорда облысының жаңалықтары