<a href="https://kyzylorda-news.kz/">Kyzylorda-news.kz</a> Қызылордада медициналық білім беру мен денсаулық сақтау саласындағы өзекті мәселелерді талқылауға арналған халықаралық деңгейдегі ғылыми-тәжірибелік конференция басталды.Іс-шараға Қазақстан Республикасы Денсаулық сақтау министрлігінің өкілдерімен қатар, Латвия, Беларусь, Түркия, Өзбекстан, Қырғызстан, Әзербайжан және Тәжікстан елдеріндегі медициналық оқу орындары мен ұйымдардың өкілдері қатысуда.Конференцияның ашылу салтанатында облыс әкімінің бірінші орынбасары Данияр Жаналинов, партияның облыстық филиалының төрағасы Жандос Базартай, ҚР Денсаулық сақтау министрлігінің Ғылым және адами ресурстарды дамыту департаментінің «Мейіргер ісін дамыту» басқармасының басшысы Гүлмира Алмагамбетова, Y-PEER өңірлік үйлестірушісі Хе Надежда, Білім беру қорының президенті, «Global Sapa» халықаралық академиясының құрылтайшысы Тілектес Шингужинова сөз сөйлеп, конференция жұмысына сәттілік тіледі.Медицина саласындағы заманауи технологиялар мен емдеу-диагностикалық әдістердің қарқынды дамуы кәсіби диалогты нығайтуды, білім беру үдерісін жаңғыртуды және халықаралық тәжірибе алмасуды талап етеді. Осыған байланысты конференция медициналық колледждер арасындағы байланысты күшейтуге, студенттердің ғылыми-зерттеу қызметіне қатысуын арттыруға және олардың кәсіби дамуына қолайлы жағдай жасауға бағытталған.Конференция аясында медициналық колледж студенттері практикалық дағдыларды меңгерумен қатар, ғылыми ойлау қабілетін дамытып, инновациялық тәсілдерді игеріп, халықаралық тәжірибемен танысу мүмкіндігіне ие болады.Жиында партияның облыстық филиалының төрағасы Жандос Базартай сөз сөйлеп, «AMANAT» партиясының Қызылорда облыстық филиалының бастамасымен медициналық бағыттағы студенттер мен жас мамандарды тарту арқылы елімізде медициналық еріктілердің бірыңғай ұлттық желісін қалыптастыруды көздейтін «AMANAT HEALTH» жобасын іске асыру жоспарланып отырғанын жеткізді.<blockquote>«Жобаның басты ерекшелігі – «қос деңгейлі тәлімгерлік» моделінің енгізілуі. Бұл ретте партияның «Жастар Рухы» жастар қанаты ұйымдастырушылық және инфрақұрылымдық қолдау көрсетсе, медициналық оқу орындары еріктілерді кәсіби даярлау мен әдістемелік сүйемелдеуді жүзеге асырады. Нәтижесінде біз еріктілер қатарын кеңейтіп қана қоймай, тәжірибелі, жауапкершілігі жоғары жас мамандардың жаңа буынын қалыптастыруға мүмкіндік аламыз. Ертең конференция аясында партияның «Жастар Рухы» жастар қанаты мен Қазақстан Республикасы Денсаулық сақтау министрлігі арасында екіжақты меморандумға қол қою жоспарланып отыр», – деді ол.</blockquote>Айта кету керек, қазіргі таңда партияның «Жастар Рухы» жастар қанатының облыстық филиалы 109 желісі арқылы халыққа бағытталған еріктілік көмекті жүйелі түрде ұйымдастырып, қоғаммен тиімді кері байланыс орнатып келеді. «AMANAT HEALTH» жобасы бұл жұмысты жаңа деңгейге көтеріп, оның әлеуметтік маңызын одан әрі арттыра түседі.Жоба іске қосылғанда шалғай елді мекендерде дәрігерге дейінгі көмектің сапасын жақсартуға ықпал етіп қана қоймай, жастар үшін әлеуметтік өсудің тиімді тетігін қалыптастыруға мүмкіндік береді.

Болашақ медицина мамандары Қызылордада бас қосты

<a href="https://kyzylorda-news.kz/">Kyzylorda-news.kz</a> Астана қаласында Халықаралық «Regional Ecological Summit Expo 2026» жасыл технологиялар және тұрақты шешімдер көрмесі жұмысын бастады.22–24 сәуір аралығында өтетін көрме жұмысына Қызылорда облысынан бірқатар кәсіпорын өз жобаларын ұсынуда. Атап айтқанда: «СРТ» ЖШС-нің неміс технологиясы бойынша шыны бөтелкелерін қайта өңдеу және кәдеге жарату жобасы, «With You» ЖШС-нің қатты тұрмыстық қалдықтарды сұрыптау және өңдеу жобасы, «РемПласт» ЖШС-нің қағаз және картон өңдеу жобасы, «Смарт Раббер» ЖШС-нің ескі автокөлік шиналарын қайта өңдеу арқылы резеңке ұнтақ, резеңке гранулят (спорт, балалар алаңдарына арналған жабындар) және ауыл шаруашылығына арналған жер асты суару түтіктерін өндіру жобалары.Аталған жобалар шыны бөтелке, қағаз, резеңке, пластик қалдықтарын сұрыптауға, қайта өңдеуге, дайын өнім шығаруға және экологиялық ахуалды жақсартуға бағытталған бірегей өндірістер болып табылады.Сонымен қатар, аймағымыздың цифрландыру бағыты бойынша студенттер жасанды интеллект технологияларын пайдалана отырып, стартап жобаларын ұсынуда.Асылжан Абдуллаев рентген суреттері арқылы өкпе қатерлі ісігін ерте сатысында анықтауға арналған жасанды интеллект жобасын таныстырды. Жүйе онкологияны 3 минут ішінде 94,1% дәлдікпен анықтап, дәрігерлерге диагностика жасауға көмектеседі.Нұрдәулет Дүзенов деректерге негізделген шешімдер қабылдауға мүмкіндік беретін агробизнеске арналған AgriX интеллектуалды платформасын ұсынды. Жүйе ауа райы жағдайларын, топырақ сипаттамаларын және спутниктік деректерді талдай отырып, оңтайлы дақылдарды ұсынады, өнімділікті болжайды және шығындарды азайтады.Ербол Садибеков мал шаруашылығын басқаруға арналған аппараттық және бағдарламалық жасақтаманы біріктіретін Zhailym платформасын таныстырды. Бұл жоба Қазақстанның қатаң климаты мен шалғай жайылымдарына арнайы бейімделген. Өзіндік байланыс желісі және 25–30 шақырым радиуста жұмыс істейтін жеке байланыс бекеті арқылы мал шаруашылығын толық бақылауға мүмкіндік беретін автономды экожүйе болып табылады. Жобаның басты мақсаты – мал ұрлығының алдын алу, мал басын жоғалтпау және жайылымды тиімді пайдалану.Атап өту қажет, көрме аясында бірнеше мемлекет қатысқан павильон аумағындағы Қазақстан Республикасының көрмесінде Сыр еліндегі маңызды жобалар таныстырылды. Олар: Көкарал бөгетін биіктету, Арал теңізінің құрғаған ұлтанына «e-seed» инновациялық әдісімен сексеуіл егу, сондай-ақ «Seven Rivers Technologies» ЖШС-нің заманауи зауыты жобасы.Аталған көрме Қазақстан, Армения, Грузия, Қырғызстан, Моңғолия, Тәжікстан, Түрікменстан, Өзбекстан президенттері мен басқа да мәртебелі меймандарға таныстырылды.Экспозициялар орнықты экожүйені сақтауға, қоршаған ортаны қорғау саласында ынтымақтастық орнатуға, экологиялық мәселелерді шешуге және Арал өңірін қайта қалпына келтіруге бағытталған.Көрме әлемнің 30 елінен келген 240-тан астам қатысушы мен халықаралық серіктестердің басын қосты. 120-дан астам павильонда озық бастамалар мен жаңа жобалар ұсынылды.<img src="https://knadmin.beoblood.kz/uploads/FB_IMG_1776940365798_1684278822.jpg" alt="FB_IMG_1776940365798.jpg">

Халықарлық көрмеде Арал өңірін қайта қалпына келтіру мәселесін талқылады

<a href="https://kyzylorda-news.kz/">Kyzylorda-news.kz</a> 2025 жылы Қазалы ауданында «Ауыл – Ел бесігі» жобасы аясында елді мекендердің инфрақұрылымын дамытуға, тұрғындардың өмір сүру сапасын арттыруға бағытталған бірқатар маңызды жобалар табысты жүзеге асырылды. Жоба шеңберінде ауылдардың инженерлік желілері жаңартылып, әлеуметтік нысандар салынып, жолдар жөндеуден өтті.Атап айтқанда, Қожабақы ауылында электр желілерін қайта жаңғырту жұмыстары толық аяқталды. Жалпы құны 442,8 млн теңгені құрайтын бұл жоба ауыл тұрғындарын сапалы әрі тұрақты электр энергиясымен қамтамасыз етуге мүмкіндік берді. Қазалы қаласы мен Әйтеке би кенті аралығында орналасқан тұрғын үйлер мен нысандардың электр қуатына деген сұранысын арттыру мақсатында жаңа қосалқы станса құрылысы басталды. Бұл жобаға 2025 жылға республикалық бюджеттен 378,2 млн теңге қаржы бөлініп, қазіргі таңда құрылыс жұмыстары жүргізілуде. Жалпы жоба құны – 1 млрд 417 млн теңге. Жоба толық іске қосылған кезде өңірдегі электрмен қамту сапасы айтарлықтай жақсарады.Жол инфрақұрылымын дамыту бағытында да ауқымды жұмыстар атқарылды. Елді мекендердің көшелерін күрделі және орташа жөндеуге 776,7 млн теңге бөлініп, нәтижесінде 14 көше жаңартылды, оның ішінде Әйтеке би кентінде – 11 көше, Басықара ауылында – 1 көше, Жалаңтөс батыр ауылында – 2 көше жөндеуден өтті. Бұл жұмыстар тұрғындардың қатынау қолайлылығын арттырып, ауыл ішіндегі қозғалысты жеңілдетті.<img src="https://knadmin.beoblood.kz/uploads/Auyl_el_besigi_azaly_2ba38c7259.jpg" alt="Ауыл ел бесігі Қазалы.jpg">Әлеуметтік нысандар құрылысы да назардан тыс қалған жоқ. Майдакөл ауылында 100 орындық жаңа клубтың құрылысы жүргізіліп, пайдалануға берілді. Бекарыстан би ауылында заманауи спорт кешені ел игілігіне табысталса, Әйтеке би кентіндегі «Қазалы мәдени-демалыс кешені» мен Қожабақы ауылында спорт кешенінің құрылысы қарқынды жүргізілуде.Бұл нысандар ауыл тұрғындарының мәдени-спорттық өмірін жандандырып, жастардың бос уақытын тиімді өткізуіне жағдай жасайды.Денсаулық сақтау саласында да оң өзгерістер бар. Жоба аясында Әйтеке би кентіндегі «Болат жолы» дәрігерлік амбулаториясына және Бекарыстан би ауылындағы амбулаторияға күрделі жөндеу жұмыстары жүргізілді. Жалпы құны 185,2 млн теңгені құрайтын бұл жұмыстар медициналық қызмет сапасын арттырып, тұрғындарға қолайлы жағдай жасауға бағытталған.Жалпы алғанда, «Ауыл – Ел бесігі» жобасы Қазалы ауданында ауылдардың инфрақұрылымын жаңғыртып, халықтың әл-ауқатын жақсартуға нақты үлес қосты.<img src="https://knadmin.beoblood.kz/uploads/Auyl_el_besigi_azaly_3_0e6205bb57.jpg" alt="Ауыл ел бесігі Қазалы 3.jpg">

Қазалылықтар «Ауыл – ел бесігі» жобасының игілігін көруде

<a href="https://kyzylorda-news.kz/">Kyzylorda-news.kz</a> Қызылорда облыстық мәслихатындағы «AMANAT» партиясы депутаттық фракциясының отырысы өтіп, өңірдегі өзекті мәселелер жан-жақты талқыланды.Жиынға облыс әкімінің бірінші орынбасары Данияр Жаналинов, фракция жетекшісі Жорабек Нұрымбетов, партияның облыстық филиалының төрағасы Жандос Базартай, сондай-ақ басқарма басшылары мен жауапты сала өкілдері қатысты.&nbsp;Күн тәртібінде партияның сайлауалды бағдарламасын іске асыру, партиялық жобалардың нәтижелері және депутаттық қызметтің тиімділігін арттыру мәселелері қаралды.Отырыста «AMANAT» партиясының 2023–2027 жылдарға арналған «Халықпен бірге!» сайлауалды бағдарламасының өңірлік Жол картасының орындалу барысы кеңінен сөз болды. Бұл бағытта облыс әкімінің бірінші орынбасары Данияр Жаналинов баяндама жасап, атқарылған жұмыстар мен алдағы міндеттерді атап өтті.Сонымен қатар, «Ауыл аманаты» және «Жер аманаты» жобаларының жүзеге асырылу нәтижелері туралы облыстық ауыл шаруашылығы және жер қатынастары басқармасы басшысының орынбасары Рысбек Шайхиев хабарлама жасады. Ал «Қарызсыз қоғам» жобасының өңірдегі жүзеге асу барысын жоба өкілі Балдырған Мәмен, «Цифрлық қоғам» жобасы аясында партияның облыстық филиалының саяси жұмыстар бөлімінің басшысы Гаухар Исмаилова таныстырды.Фракция отырысында депутаттар тарапынан мемлекеттік органдарға жолданған сауалдардың сапасы мен орындалу деңгейі, тұрғындардан түскен талап-тілектердің жүзеге асырылуы, сондай-ақ халық алдындағы есептік кездесулерді ұйымдастыру мәселелері де жан-жақты талқыланды.Жиын барысында фракция жетекшісі Жорабек Нұрымбетов, партияның облыстық филиалының төрағасы Жандос Базартай және фракция мүшелері күн тәртібінде көтерілген мәселелер бойынша жауапты орган басшыларына нақты сауалдарын қойып, өзекті ұсыныстарын ортаға салды.Жиын қорытындысы бойынша бірқатар нақты ұсыныстар хаттамаға енгізілді. Атап айтқанда, депутаттық сауалдардың орындалуына тұрақты мониторинг жүргізуді күшейту, Жол картасында көзделген іс-шаралардың уақытылы әрі сапалы орындалуын қамтамасыз ету мақсатында жауапты мемлекеттік органдар жұмысының тиімділігін арттыру ұсынылды.Сондай-ақ, партияның облыстық филиалы жанындағы партиялық бақылау комиссиялары мен қоғамдық кеңестерге Жол картасының орындалуына тұрақты бақылау жүргізіп, анықталған мәселелер бойынша нақты ұсыныстар енгізу арқылы партиялық бақылауды күшейту тапсырылды.Жалпы, фракция отырысында көтерілген мәселелер өңірдің әлеуметтік-экономикалық дамуына серпін беріп, халықтың әл-ауқатын арттыруға бағытталған нақты қадамдар ретінде айқындалды.<img src="https://knadmin.beoblood.kz/uploads/Frakcziya_otyrysy_Amanat_2_473ce8793d.jpg" alt="Фракция отырысы Аманат 2.jpg">

Фракция отырысында өзекті мәселелер қаралды

<a href="https://kyzylorda-news.kz/">Kyzylorda-news.kz</a> 8 сәуірде Астанада цифрлық ортадағы алаяқтыққа қарсы іс-қимылға арналған салалық алаң – AntiFraud Forum Kazakhstan шарасы өтеді.Оған банктердің топ-менеджерлері, қаржы технологиясы компанияларының, реттеуші органдардың өкілдері және киберқауіпсіздік сарапшылары қатысады. Талқыланатын негізгі тақырыптар – қаржы институттарының шабуылдарға төзімділігі, антифрод-технологияларды енгізу және салааралық ынтымақтастықты дамыту.Қатысушылар нақты кейстерді, тәуекелдерді басқару тәсілдерін, сондай-ақ күмәнді операцияларды анықтауда деректер мен талдаудың рөлін қарастырады.Бизнес пен мемлекет арасындағы өзара іс-қимылға және алаяқтыққа қарсы бірыңғай жүйе қалыптастыруға ерекше назар аударылады.Аталған алаң қаржы қызметтеріне деген сенімді арттыруға және тұтынушыларды қорғауға бағытталған нақты шешімдерді әзірлеуге мүмкіндік береді.Фото: fingramota.kz

Қазақстанда қаржылық алаяқтыққа қарсы форум өтеді 

<a href="https://kyzylorda-news.kz/">Kyzylorda-news.kz</a> Бүгін Ұлттық кітап күні облыс әкімі Нұрлыбек Нәлібаев, кәсіпкер- меценат Эдуард Огай, Қазақстанның Еңбек Ері Абзал Ералиев, , құқық қорғау органдарының басшылары, зиялы қауым өкілдерінің қатысуымен еліміздегі үшінші Президенттік кітапхананың іргетасын қалау рәсімі өтті.Аймақ басшысы жиналған жұртшылықты 23 сәуір – Ұлттық кітап күнімен, кітапханашылардың кәсіби мерекесімен және жаңа кітапхана құрылысының басталуымен құттықтады.<blockquote>«Өздеріңізге белгілі, Мемлекет басшымыз өткен жылы аймағымызға жұмыс сапарымен келгенде Астана мен Алматы қалаларындағыдай тәулік бойы қызмет көрсететін үшінші Президенттік кітапхананың Қызылорда қаласында ашылатынын жеткізген болатын. Жерлестеріміз бұл бастаманы зор қуанышпен қабылдады.Бүгін Өздеріңізбен бірге аймағымыз үшін маңызды жобалардың бірі – білім мен мәдениеттің алтын діңгегіне айналатын Президенттік кітапхананың капсуласын салу рәсімінде бас қостық.Маңызды жобаны жүзеге асыруға демеушілік көрсеткен елімізге белгілі кәсіпкер-меценат Огай Эдуард Викторовичке барша Сыр жұртшылығының атынан шынайы алғысымды, зор ризашылығымды білдіремін.Демеушілікпен 20 млрд. теңгеге салынатын, аумағы 13 мың шаршы метр, сәулетті, жаңа кітапхана заманауи талаптарға сай болады. Ғимаратта оқу, конференц, басылым, архив пен сирек қорға арналған залдар, электрондық кітапхана, әлем әдебиеті бөлімі мен өнер галереялары, көрме, коворкинг орталықтары, қалпына келтіру шеберханасы қарастырылған.Бұл – халықтың рухани дамуына, кітап оқу мәдениетін жаңа деңгейге көтеруге бағытталған Президентіміздің қолдауы.Жаңа нысан тек кітаптар жиналған жер емес, ұлтымыздың тарихын, мәдениеті мен өркениетін дәріптейтін, жерлестеріміздің рухани тынысын ашатын тәрбие мен тағылым үйі болмақ! Жаңа кітапхананың құрылысы сәтті аяқталып, ел игілігіне қызмет етіп, ұлт руханияты мен білімінің өркендеуіне үлес қосуына тілектеспін», – деді Нұрлыбек Машбекұлы.</blockquote>Рәсімде Эдуард Викторович, Қазақстан Жазушылар және Журналистер одағының мүшесі Шәкизада Әбдікәрімов сөз сөйледі.Айта кету керек, 2022 жылдан бері өңірде 22 мәдениет нысаны жаңадан салынып, ел игілігіне берілді. Барлық ауданда «Руханият орталықтары» ашылды. Облыстың бас шаһарында «Өнер орталығы», «Анаға тағзым», «Отбасы орталығы», «Оқушылар сарайы» бой көтерді.<img src="https://knadmin.beoblood.kz/uploads/748171d7_74e3_481c_b31b_afd3435ff144_570c643864.jpg" alt="библиотека.jpg">Былтыр Қызылорданың астана болғанына 100 жыл толуына орай облыстық тарихи-өлкетану музейінің, Ассамблеяның 30 жылдығына орай «Қазатомөнеркәсіп» компаниясының қолдауымен «Достық үйінің» жаңа ғимараты салынды.<img src="https://knadmin.beoblood.kz/uploads/yzylordada_elimizdegi_shinshi_Prezidenttik_kitaphanany_irgetasy_alandy2_35ed7164e0.jpg" alt="Қызылордада еліміздегі үшінші Президенттік кітапхананың іргетасы қаланды2.jpg">Кейінгі жылдары «Сыр жұлдыздары» академиясы, Жалағаш, Жаңақорған, Шиелі аудандарында «Өнер мектебі» мен «Оқушылар үйі» іске қосылды.<img src="https://knadmin.beoblood.kz/uploads/yzylordada_elimizdegi_shinshi_Prezidenttik_kitaphanany_irgetasy_alandy3_8e0126a20c.jpg" alt="Қызылордада еліміздегі үшінші Президенттік кітапхананың іргетасы қаланды3.jpg">Фото: Қызылорда облысы әкімінің баспасөз қызметі

Қызылордада еліміздегі үшінші Президенттік кітапхананың іргетасы қаланды

<a href="https://kyzylorda-news.kz/">Kyzylorda-news.kz</a> Әрбір банк кредит бермес бұрын қарыз алушыны бірнеше өлшемдер бойынша бағалайды. Олардың ішіндегі ең маңыздысы: кредиттік рейтинг, скоринг және борыш жүктемесінің коэффициенті (БЖК). Осы өлшемдер сізге кредитті қандай шарттармен мақұлдайтынын анықтайды.Оның қалай жұмыс істейтінін Fingramota.kz-пен бірге қарастырып көрелік.&nbsp;Кредиттік&nbsp;рейтингКредиттік рейтинг - бұл сіздің төлем тәртібіңіз бен қаржылық сенімділігіңізді көрсететін негізгі көрсеткіш. Ол кредиттік тарих негізінде қалыптастырылады және ресімделген қарыздардың саны, төлем мерзімін өткізудің болуы және жиілігі, сондай-ақ міндеттемелерді уақтылы өтеу сияқты факторларды ескереді. Шын мәнісінде, кредиттік рейтинг банктерге тәуекелдерді бағалауға мүмкіндік береді: ол неғұрлым жоғары болса, кредитті мақұлдау ықтималдығы да соғұрлым жоғары болады және банктер сізге кредиттің сомасын және неғұрлым төмен пайыздық мөлшерлемені қоса алғанда, оны барынша тиімді шарттармен ұсына алады.Кредиттік рейтинг төмен болған кезде банктер мен микроқаржы ұйымдары «Кредиттік бюролар және кредиттік тарихты қалыптастыру туралы» Заңға сәйкес қарыз беруден бас тартуға құқылы. Бұдан басқа, ҚР Қаржы нарығын реттеу және дамыту агенттігінің талаптары қаржы ұйымдарын қарыз алушының төлем қабілеттілігін міндетті түрде бағалауға міндеттейді.Қазақстанда әрбір азамат жылына бір рет ақысыз негізде өзінің кредиттік есебін алуға құқылы. Оны бірнеше тәсілдермен: онлайн — eGov.kz порталы немесе Бірінші кредиттік бюроның (1cb.kz) сайты арқылы, сондай-ақ офлайн — Мемлекеттік кредиттік бюроға, Бірінші кредиттік бюроға, ХҚО-ға немесе Қазпошта бөлімшесіне жеке куәлікпен жүгіну арқылы жасауға болады.СкорингСкоринг — қарыз алушыны автоматты түрде бағалау жүйесі. Банк сіздің деректеріңізді талдайды және белгілі бір балл береді, ол неғұрлым жоғары болса, сіз банк алдында сенімді клиент болып көрінесіз. Бұл ретте әрбір банкте оның талабына сай әзірленген жеке компьютерлік бағдарлама бар екенін есте сақтау маңызды, сондықтан ескерілетін көрсеткіштер де өзгеше болуы мүмкін. Бірақ, әдетте, қарыз алушының кірісі мен оның тұрақтылығы, жұмыс орны мен еңбек өтілі, білімі, жасы, отбасы жағдайы, кредиттік тарихы, басқа да кредиттерінің болуы есепке алынады. Көрсеткіштердің әрқайсысы маңызды және қорытынды скорингтік балға әсер етеді, бірақ оның қыр-сыры да бар. Мысалы, оң кредиттік тарих отбасылық жағдайының мәртебесіне қарағанда маңыздырақ, ал кіріс деңгейі білімге қарағанда маңыздырақ. Дегенмен, әрбір фактор өз үлесін қосады және жиынтығында қарыз алушының қорытынды бағасын жақсартуы да, нашарлатуы да мүмкін.Осылайша, скоринг кезінде сіздің қаржылық досьеңізге (сіз қалай төледіңіз, төлем мерзімін өткізу болды ма) талдау жасалып қана қоймай, қазіргі, сондай болашақтағы жағдайыңыз (сіздің қаржылық жағдайыңыз және одан әрі төлей аласыз ба) талданады. Егер тіпті кірісіңіз жоғары болып, жүйе тәуекелді жоғары деп есептесе, кредит беруден бас тарту ықтимал.Скоринг қарыз алушыға жоғары, орташа немесе төмен балл береді. Олар мынаны білдіреді:<ul><li style="text-align:justify;">жоғары — стандартты немесе анағұрлым тиімді шарттар, мысалы, төмендетілген пайыздық мөлшерлеме және кредиттің үлкен сомасы;</li><li style="text-align:justify;">орта — мақұлдайды, бірақ сомасы немесе мерзімі бойынша шектеулермен мақұлдайды;</li><li style="text-align:justify;">төмен — көбіне қарыз беруден бас тартуды білдіреді.</li></ul>Борыш жүктемесінің коэффициенті&nbsp;(БЖК)Бұл банктер мен МҚҰ қарыз алушының қаржылық жағдайын бағалайтын және кредитті мақұлдау немесе одан бас тарту туралы шешім қабылдайтын негізгі көрсеткіштердің бірі. БЖК адамның борыш міндеттемелерін қаншалықты дұрыс атқара алатынын бағалауға көмектеседі: ол неғұрлым жоғары болса, қарыз алушының кредит бойынша уақтылы төлей алмау тәуекелі соғұрлым жоғары болады. Қысқаша айтқанда, БЖК сіз кредиттерге қызмет көрсетуге кірістің қандай үлесін жұмсайтыныңызды көрсетеді.Коэффициент мынадай қарапайым формула бойынша есептеледі: кредиттер бойынша ай сайынғы төлемдер қарыз алушының орташа айлық кірісіне бөлінеді. Есептеу кезінде барлық міндетті төлемдер есепке алынады: ипотека, машинаға кредит, кредиттік карталар бойынша лимиттер, тұтынушылық қарыздар, микрокредиттер. Кіріс соңғы жарты жылдық үшін есепке алынады және ресми және құжаттамалық түрде расталған түсімдерді (шәкіртақы, еңбекақы, зейнетақы, жәрдемақы және т.б.) қамтиды.Мысалы, егер адамның кредиттер бойынша төлемдері 120 000 теңгені, ал кірісі 300 000 теңгені құраса, БЖК 0,4-ке тең болады. Бұл ретте Қазақстанда азаматтар үшін БЖК шекті мәні – 0,5, ай сайынғы төлем ай сайынғы кірістің жартысынан аспауға тиіс.&nbsp;Соңғы 12 айда 90 күннен астам мерзімі өткен қарыздары болған азаматтар үшін БЖК ең жоғары мәні 0,5-тен 0,25-ке дейін төмендейді. Бұл банктер жаңа кредит берген кезде жүктеме ретінде осындай қарыз алушы кірісінің бұрынғы 50%-дың орнына 25%-нан аспайтын соманы ғана есепке ала алатынын білдіреді. Мысалы, кіріс 300 000 теңге болған жағдайда ең жоғары жол берілетін ай сайынғы төлем 150 000-ден 75 000 теңгеге дейін төмендейді.Бұл шектеу дефолттардың қайталануын және шамадан тыс кредит алудың алдын алу үшін енгізіледі.Неліктен кредиттік рейтинг, скоринг және БЖК маңызды?&nbsp;Банктер барлық үш көрсеткішті жиынтықпен қарастырады, сондықтан олардың әрқайсысының тиісті деңгейде болуын қадағалау және біреуінің де төмендеуіне жол бермеу маңызды. Бұл шамамен былай болады: &nbsp;<ul><li style="text-align:justify;">жоғары кредиттік рейтинг және скоринг + тұрақты кіріс + төмен БЖК (борыш жүктемесінің көрсеткіші) – жоғары ықтималдықпен мақұлдау;</li><li style="text-align:justify;">осыған дейінгі мерзімін кешіктірулер – кредиттік рейтингтің және скорингтің төмендеуі;</li><li style="text-align:justify;">жоғары борыш жүктемесі – кіріс жақсы болса да, кредит беруден бас тарту алуы мүмкін;&nbsp;</li><li style="text-align:justify;">төмен скоринг – жүйе кредит беру туралы өтінімді автоматты түрде қабылдамайды.</li></ul>Қарыз алушы үшін қаржылық тәртіптің негізгі қағидалары<ul><li style="text-align:justify;">Кешіктірмей төлеңіз: тіпті қысқа мерзімді кідірістің өзі кредит тарихына кері әсерін тигізуі мүмкін. Оның үстіне, 30 күннен астам мерзім өткен кезде жаңа қарыз алуға шектеулер қолданылады.</li><li style="text-align:justify;">Борыштық жүктемені бақылаңыз: барлық міндеттемелер бойынша ай сайынғы төлемдер жалпы кірістің 30-40%-ынан аспаған дұрыс.</li><li style="text-align:justify;">Кірістер мен шығыстардың есебін жүргізіңіз: бұл шығындардың құрылымын түсінуге және қаржылық іс-қимылды уақтылы түзетуге көмектеседі.</li><li style="text-align:justify;">Қаржылық қауіпсіздік қорын қалыптастырыңыз: жинақтардың болуы мерзімді қарыздарға қажеттілікті төмендетеді және жалпы қаржылық орнықтылықты арттырады.</li><li style="text-align:justify;">Бір мезгілде бірнеше кредитті ресімдемеңіз: кредит алудың жоғары болуы банктер тарапынан сенім деңгейін төмендетеді.</li><li style="text-align:justify;">Шағын кредиттерді мерзімінен бұрын жабуға тырысыңыз:&nbsp;бұл қаржылық жағдайды жеңілдетеді және төлем қабілеттілігін бағалауға оң әсер етеді.</li><li style="text-align:justify;">Кредиттік тарихыңызды үнемі тексеріңіз: тіпті автоматтандырылған жүйелерде де қателіктер болуы мүмкін, оларды дер кезінде анықтау және даулау маңызды.</li><li style="text-align:justify;">Қажеттіліксіз кепілгер ретінде әрекет етпеңіз: мұндай міндеттемелер сіздің борыштық жүктемеңізді бағалау кезінде де ескеріледі.</li><li style="text-align:justify;">Кредиттік өнімдерді саналы түрде пайдаланыңыз: қарыздарды тек нақты қажеттілік кезінде және өзіңіздің қаржылық мүмкіндіктеріңізді ескере отырып алыңыз.</li></ul><figure class="image"><img src="https://knadmin.beoblood.kz/uploads/infographics_1211_14_182f375b67.png" alt="infographics-1211-14.png"></figure>Өзіңізді, ақшаңызды сақтаңыз және Fingramota.kz бірге қаржылық сауаттылығыңызды арттырыңыз!Фото: Fingramota.kz

Кредиттік рейтинг, скоринг және борыш жүктемесінің коэффициенті деген не?

<a href="https://kyzylorda-news.kz/">Kyzylorda-news.kz</a> Кеше Қармақшы ауданындағы «Руханият» орталығында 23 сәуір – Ұлттық кітап күніне орай «Ұлттық кітап – ұрпақ аманаты» атты тағылымды шара ұйымдастырылды.Шараның шымылдығы «Балалар әдебиеті – рухани тәрбие бастауы» атты кітап көрмесімен басталып, ұлттық құндылықтарды дәріптейтін құнды еңбектер ұсынылды.Сонымен қатар фестиваль «Жырмен өрілген кітап әлемі» атты поэтикалық марафонмен жалғасып, мектеп оқушылары әдебиетке деген сүйіспеншіліктерін жыр арқылы жеткізді.Мерекелік шарада аудан әкімінің орынбасары Диас Молдабаев құттықтау сөз сөйлеп: «Қазіргі таңда бұл бағытқа мемлекет мән беріп, қоғам тарапынан ерекше назар аударылып келеді. Өйткені осы құндылығымыздың өзегінде халқымыздың бар болмысы, мәдениеті, салт-дәстүрі, тарихы жатыр. Бұл күн шын мәнінде ұлтымыздың ұлы мерекесіне айналып жатса, біздің халық ретінде өркениет төріне шыққанымызды білдіреді. Сондықтан адамзаттың ақыл-ойы хатталған асыл мұрамызды кеңінен насихаттау - біздің парызымыз»,- деп атап өтті.Шара барысында кітапхана саласының қызметкерлері мен белсенді оқырмандарына аудан әкімінің «Құттықтауы» табысталып, олардың еңбегі жоғары бағаланды. Сондай-ақ «Кітапханаға кітап сыйла» акциясы аясында кітапхана қорына жаңа кітаптар табысталып, игі дәстүр жалғасын тапты.<img src="https://knadmin.beoblood.kz/uploads/ltty_kitap_rpa_amanaty_1_160a50bfeb.jpg" alt="«Ұлттық кітап – ұрпақ аманаты»1.jpg">Тағылымды шарада аудандық қоғамдық кеңес төрағасы Әбдірахман Құлдүйсенов, «Ұлт бірлігі» қоғамдық бірлестігінің төрағасы Шегебай Құндақбаев және Жосалы кенті ардагерлер кеңесінің төрағасы Ерболат Ұзақбаев сөз алып, кітаптың ұлт тәрбиесіндегі маңызын атап өтті.Мазмұнды кеште белсенді оқушылар ақын өлеңдерін оқыса, аудан өнерпаздары әсем әнмен әрледі.Фестиваль одан әрі мәжіліс залында «Жаңа буын – жаңа жыр» атты ерекше поэзия кешімен жалғасын тапты. Кеш барысында аудандық ардагерлер кеңесі төрағасының орынбасары Кенжебек Таңбаев сөз сөйлеп, жастарға ақ батасын берді. Кемел келешекке жетелер жас буын өкілдері өз шығармаларын оқып, көрерменге ерекше әсер сыйлап, жыр мен ән үндескен рухани кештің мәнін арттыра түсті.Бүгінде ауданымызда 456 мыңға жуық кітап қоры тұрғындарға қызмет етуде. Сондай-ақ облыс әкімі және аудан басшысының қолдауымен қазіргі таңда «Түнгі кітапхана» жобасы іске қосылып, оқырмандарға қолайлы жағдай жасалып келеді.Фото: Қармақшы ауданы әкімінің баспасөз қызметі

«Ұлттық кітап – ұрпақ аманаты»

<a href="https://kyzylorda-news.kz/">Kyzylorda-news.kz</a> Шиелі ауданының “Руханият” орталығында 23 сәуір – Ұлттық кітап күні мен Кітапханашылар мерекесіне орай «РУХАНИ ӘЛЕМ» атты ашық аспан астында мәдени шара өтті.Ашық аспан астындағы мәдени шара барысында аудан әкімінің орынбасары Болатбек Ысмағұлов сөз сөйлеп, кітап – адамзаттың рухани байлығының алтын қазығы, ұлттың ой-санасын қалыптастыратын басты құндылық екенін атап өтті. Сондай-ақ ,аудан әкімінің орынбасары кітапханашылар қауымының еңбегіне жоғары баға беріп, олардың қоғамдағы ағартушылық рөлі айрықша екенін жеткізді.Сонымен қатар, салаға сүбелі үлес қосып жүрген бірқатар кітапхана қызметкерлері мен белсенді оқырмандар аудан әкімінің Алғыс хатымен марапатталды.<img src="https://knadmin.beoblood.kz/uploads/Kitap_pen_ruhaniyat_ly_tal_an_k_ni1_86bbcbcfa0.jpg" alt="Кітап пен руханият ұлықталған күні1.jpg">

Кітап пен руханият ұлықталған күні

<a href="https://kyzylorda-news.kz/">Kyzylorda-news.kz</a> Арал ауданында руханият пен білімнің ордасына айналған тағылымды шара өтті.23 сәуір – Ұлттық кітап және кітапханашылар күні аясында "Кітап шоу – 2026" кітап фестивалі жоғары деңгейде ұйымдастырылды.Ауқымды іс-шараға Арал аудандық мәслихатының және партия филиалының төрағасы Төрахметов Базарбай Шөменұлы мен партия филиалының Атқарушы хатшысы Қанатов Талғат Мырзағұлұлы, ауданның зиялы қауым өкілдері, ақын-жазушылар, кітапхана саласының ардагерлері және кітапсүйер оқырмандар қатысып, рухани құндылықтарды дәріптеген мазмұнды басқосу болды.Фестиваль аясында «Кітап – мәңгілік мұра» атты көрме ұйымдастырылып, жаңа әдебиеттер көпшілік назарына ұсынылды. Сонымен қатар, «Жасанды интеллект және кітапхана» атты заманауи кеңістік алаңы жасақталып, оқырмандарға жаңа форматтағы танымдық дүниелер мен интеллектуалды ойындар ұсынылды. Бұл – дәстүр мен жаңашылдықтың үйлесім тапқан көрінісі болды.<img src="https://knadmin.beoblood.kz/uploads/1776920298_20_ab4e3c466e.jpg" alt="Кітап Арал">Мерекелік шараның екінші кезеңі "Әлемнің кілті – кітапта, ал кілт иесі – кітапханашы" атты әсерлі кешпен жалғасын тауып, қатысушыларға ерекше көңіл-күй сыйлады.Фестиваль барысында кітапхана қызметкерлерінің еңбегі лайықты бағаланып, үздік кітапханашылар марапатталды. Бұл – олардың қоғамдағы маңызды рөлін айқындайтын және кәсіби еңбегіне көрсетілген құрметтің нақты көрінісі."Кітап шоу – 2026" фестивалі – оқырман мен кітапты табыстырған, рухани жаңғыруға серпін берген маңызды мәдени оқиға болды. Бұл күн кітапсүйер қауым үшін әсерлі естелікке айналды.

"Кітап шоу – 2026" кітап фестивалі өтті

<a href="https://kyzylorda-news.kz/">Kyzylorda-news.kz</a> «Руханият» орталығында аудан әкімі Берік Сәрменбаевтың, партия ардагерлерінің, бастауыш партия ұйымы мүшелерінің қатысуымен Ұлттық кітап және кітапханашылар күніне орай «Кітап – ұлттың рухани тірегі» атты мерекелік іс-шара өтті.Іс-шара барысында рухани құндылықтарды насихаттауға бағытталған түрлі танымдық іс-шаралар ұйымдастырылды. Кітап көрмелері, ұлттық әдебиет пен әлемдік классиканың жауһарларына арналған бұрыштар және кітап керуені көпшілік назарына ұсынылды.<img src="https://knadmin.beoblood.kz/uploads/2_Kitap_ltty_ruhani_tiregi_atty_merekelik_is_shara_tti_6c486f76f2.jpg" alt="2«Кітап – ұлттың рухани тірегі» атты мерекелік іс-шара өтті.jpg">Аудан басшысы тұрғындар мен оқырмандарды «Ұлттық кітап күнімен» құттықтап, кітаптың баға жетпес байлық екенін атап өтіп, бұл күннің рухани-танымдық маңызына тоқталды.<blockquote>– Кітап – ғасырлар бойы ұрпақтан-ұрпаққа жалғасып келе жатқан рухани қазына, баға жетпес байлық. Бұл күн – кітаптың қоғамдағы рөлін дәріптеп, білім мен парасатты биікке көтеретін айтулы мереке. Бүгінде Мемлекет басшысы Қасым-Жомарт Кемелұлы Тоқаевтың бастамасымен «Ұлттық кітап күні» аталып өтуде. Президентіміз: «Біз, ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз. Озық ойлы ұлт болудың төте жолы – кітап оқу», – деп ерекше атап өтті. Бүгінде ауданда 17 кітапхана жүйесі және білім ошақтарында кітапханалар бар. Аталған кітап қорларын сақтау және халыққа жеткізуде 50-ден астам кітапханашы аянбай қызмет етіп келеді. Жыл сайын кітап қорлары жаңартылып, кітапхана жұмысы заманауи техникалармен толықтырылуда. «Коворкинг» орталығы, тегін интернет желісі және аудио-видео құрылғылар пайдаланушылардың электрондық ақпараттық ресурстармен жұмыс істеуіне мүмкіндік беруде. Осындай жұмыстардың нәтижесінде жергілікті оқырмандардың белсенділігі, жас ұрпақтың кітапқа деген қызығушылығы жыл санап артуда. «Кітап – алтын қазына» десек, сол қазынаны оқырмандарға жеткізіп жүрген кітапханашыларға алғысымыз шексіз, – деді Берік Әбдіғаппарұлы.</blockquote><img src="https://knadmin.beoblood.kz/uploads/Kitap_ltty_ruhani_tiregi_atty_merekelik_is_shara_tti1_4fb6649d64.jpg" alt="«Кітап – ұлттың рухани тірегі» атты мерекелік іс-шара өтті1.jpg">Салтанатты жиын соңында кітапханашылар мен белсенді оқырмандарға кітап оқу мәдениетін дәріптеу жолындағы еңбектері үшін аудан әкімінің «Алғыс хаты», Қазақстандық салалық кәсіподақтың Құрмет грамотасы, облыстық салалық кәсіподақтың «Алғыс хаты» табысталып, сый-құрмет көрсетілді. Сондай-ақ, Ұлттық кітап күніне орай аудан әкімдігінің атынан аудандық орталықтандырылған кітапханалар жүйесіне LED-экран мен дыбыс күшейткіш аппаратурасы сыйға берілді. Іс-шара соңы аудан өнерпаздарының мерекелік концертіне ұласты.

Кітап–AMANAT: «Кітап – ұлттың рухани тірегі» атты мерекелік іс-шара өтті

<a href="https://kyzylorda-news.kz/">Kyzylorda-news.kz</a> &nbsp; Биылдан бастап елімізде Мемлекет басшысы Қасым-Жомарт Тоқаевтың бастамасымен Кітапханашылар күнін атап өту тәртібіне өзгеріс енгізіліп, 23 сәуір - Ұлттық кітап және кітапханашылар күні болып белгіленді.Кеше Қазалы ауданында атаулы мерекеге орай «Кітап – көңілдің кілті, ойдың шырағы» атты мерекелік кеш, «Кітап фест - 2026» фестивалі өтті. «Руханият» орталығының алдында өткен шарада аудан әкімінің орынбасары Дәурен Тлеумбетов құттықтау сөз сөйлеп, Президентіміздің, аймақ басшысының қолдауымен өңірдегі руханият саласында атқарылып жатқан жұмыстар жайында айтып өтті.<blockquote>-Бүгінде қасиетті Сыр өңірінде руханият саласының қарқынды дамуына үлкен көңіл бөлініп келеді. 2022 жылдан бері өңірде 22 мәдениет нысаны жаңадан салынып, ел игілігіне берілді. Барлық аудандарда ішінде неке қию залы, кітапхана, музей, архив, жастар сарайы, ардагерлер мен аналар үйі біріктірілген «Руханият орталықтары» ашылды. Облыстың бас шаһарында «Өнер орталығы», «Анаға тағзым», «Отбасы орталығы», «Оқушылар сарайы» бой көтерді. Былтыр Қызылорданың астана болғанына 100 жыл толуына орай облыстық тарихи-өлкетану музейінің, Ассамблеяның 30 жылдығына орай «Достық үйінің» жаңа ғимараты салынды. Кеше ғана облыс орталығы – Қызылорда қаласында жаңа заманауи драма театрының іргетасы қаланып, өңір мәдениетінің дамуына тың серпін беретін үлкен жоба бастау алды. Бұл мәдени нысан алдағы уақытта өнер мен руханияттың жаңа орталығына айналып, шығармашылық ұжымдар мен көрермен қауымның басын қосатын маңызды орын болары сөзсіз. Қазан айында Мемлекет басшымыз Қасым-Жомарт Кемелұлы Сыр өңіріне арнайы жұмыс сапарымен келгенде аймақта атқарылған жұмыстарға оң бағасын беріп, Астана мен Алматы қалаларындағыдай тәулік бойы қызмет көрсететін үшінші Президенттік кітапхана Қызылордада ашылатындығын жеткізді. Жуық арада Президентіміздің бастамасымен жүзеге асатын кітапхананың іргетасы облыс орталығында қаланбақ. Президентіміздің қолдауымен, аймақ басшысының бастамасымен алдағы уақытта да ұлт руханиятын көтеру бағытындағы жүйелі жұмыстар жалғаса бермек, - деді Дәурен Оңғарбайұлы.</blockquote>Мерекелік кеште Дәурен Оңғарбайұлы аудан кітапханаларында таусылмас қазынаның қорғаны болып, ел игілігі жолында жемісті еңбек етіп жүрген бірқатар кітапхана қызметкерлеріне аудан әкімі Алмасбек Есмахановтың «Алғыс хаттарын» табыстады. Сондай-ақ шараға жиылған қонақтармен бірге «Рухани жаңғыру және кітап» атты оқырмандардың қолөнер көрмесін тамашалады.<img src="https://knadmin.beoblood.kz/uploads/ltty_kitap_zh_ne_kitaphanashylar_k_nine_oraj_merekelik_shara_tti1_481a0bada7.jpg" alt="Ұлттық кітап және кітапханашылар күніне орай мерекелік шара өтті1.jpg">Тағылымды шара әрі қарай «Әдебиет өмір айнасы» атты оқырмандардың ашық аспан астындағы оқулар кешіне жалғасты.Айта кетейік, бүгін ауданда атаулы мереке орай кітаптар көрмесі, кітап әлеміндегі интеллектуалды ойындар және «Кітапхана- руханият ордасы» атты мерекелік кештер өткізілді.

Қазақстан және Қызылорда облысының жаңалықтары