Kyzylorda-news.kz. &nbsp;«Қазгидромет»РМК-сы 19-шы ақпан күнгі ауа райы болжамын жариялады.&nbsp;Кәсіпорынның болжамына қарағанда, 19-шы ақпанда Скандинавия циклонның жырасымен байланысқан атмосфералық фронталды бөліктердің әсерінен Қазақстан Республикасының басым бөлігінде күн құбылмалы болады.Соған байланысты қар жауып, жаяу бұрқасын болады, еліміздің оңтүстік-батысында, оңтүстігінде, оңтүстік-шығысында жауын-шашын қар және жаңбыр жауып, көктайғақ болады. Республика бойынша жел күшейіп, тұман түседі.

Қазидромет 19-шы ақпанның ауа райы болжамын жариялады

<a href="https://kyzylorda-news.kz/">Kyzylorda-news.kz.</a> «Қазақстанды, қазақты достықтың киелі шаңырағына теңесек, түрлі этностар оның алтын арайлы уықтары іспетті».Менің Отаным – тәуелсіз Қазақстан. Алтай мен Атыраудың аралығындағы кең жазираны алып жатқан құтты мекен – менің туған жерім. Тарихтың талай талқысы мен теперішін көріп, «мың өліп, мың тірілген» қазақ халқының өткенін бағамдап, бүгінін ой таразысына салып қарап отырсам, қазағымның басына Жаратқаным қиындығы мен қуанышын қатар бергендей екен. «Бабаларымыз өзгерлердің төріне шығу үшін өзі де меймандарына қақ төрінен орын беріп, құрмет көрсеткен», - деген сөзінің төркіні тереңде жатқандай. Қазақтың қонақжайлығы турасында айтылып та жүр, айтыла да бермек. Бірақ осы бір қасиетті өзі қуғын-сүргінде, небір зұлматты басынан өткеріп жүргенде қалай көрсете алды екен? деген сауал менің көкейімнен кетер емес. Тағдырдың талайымен, кеңестік саясаттың салқынымен қазақтың киелі жеріне ауа көшіп келген, кейбірі тіптен жер аударылып келген, ұлттар мен ұлыстар &nbsp;қазақтың жеріне қалай сіңісіп кетті екен?.. Иә, халқымыз талай тауқыметті бастан өткерді, бірақ өзінің даралығы мен даналығын жоғалтқан жоқ. Сондықтан болар, өзге ұлттарға көрсеткен құрметіміз бен көмегіміз өз елімізге, ұлтымызға несібе мен ырыс болып құйылғаны.1 наурыз – Алғыс айту күні, Қазақстан халықтары ассамблеясының құрылған күні. Бұл – мейірімділік пен ризашылықтың, шексіз құрметтің мерекесі. Осы бір мерекенің күнтізбеге енуі турасында көп ойландым.Алдымен есіме түскені – Мұхтар Мағауиның «Бір атаның балалары» туындысы. Қорғансыз неміс баласын бауырына басып, сұм соғыс жалмап кеткен үш бірдей ұлының ізбасарындай қабылдаған Ахмет атаның жүрегінің қазақтың дарқан даласындай кеңдігі. «Жетім көрсең, жебей жүр» деген халық ұлағатының бір көрінісі. Абай атамыз айтқан адамзаттың бәрін бауырым деп сүюінің дәлелі дер едім. Екінші бір ойға оралғаны – АЛЖИР атты Ақмола лагеріндегі тұтқын әйелдерге құрт лақтырған қазақтар туралы киноның үзіндісі. Өздері ішер асқа жарымай отырса да, қолда барын тұтқындармен бөліскен жергілікті халықтың ықылас-пейілі кімді болса да тебірентпей қоя алмайды. Тұтқындарға тас лақтырды деп мәз болған күзетшілер біліп қалған болса, кішкентай ұл-қыздарды да, олардың ата-анасын да бір оқтың құрбаны етер еді. Жанын шүберекке түйіп, өз бастарын қатерге тіккен қазақтардың бұл әрекеті үлкен ерлік дер едім. Бұлар тек бірнеше мысал ғана. Одан өзге де қолындағы бір үзім наны мен бір уыс дәнін өз балаларының аузынан жырып бөліскен, үйінің төріне шығарып, бауырына басқан қазақ отбасылары қаншама! Неміс, кәріс, шешен,т.б. сияқты ұлттардың қазақ арасына сіңісіп, етене араласып кеткені де қазақтың кеңпейілділігінің арқасы. Осының &nbsp;бәрі – алғыс айтуға тұрарлық қасиет емес пе?! Кейбірі , тіпті, өздерінің тарихи Отандарына көшіп кетсе де, қазағымның осы бір қонақжайлылығы мен кеңпейілділігін сағына еске алып, басын иіп алғысын жаудырып жатқанының да талай куәсы болып жүрміз. Көпұлтты мемлекетіміздің көк Туын желбіретіп, атағын асқақтатып жүрген Илья Ильин, Ислам Байрамуков, Генадий Головкин, Марина Вольнова, Ольга Рыпакова сияқты ұл-қыздарының жеңісі де халқыма айтқан алғыстарының, елімізге деген шексіз сүйіспеншілігінің белгісі ретінде қабылдасақ та болады.«Өз халқын сүйетін адам, өз жұртына жақсылық тілеген кісі өзге халықтарды ашындырмайды, өз ұлтын ешкімге қарсы қоймайды,»- деген Елбасының сөзінің жаны бар. Ынтымағымыз жарасып, қазағым достықтың киелі шаңырағы , ал өзге ұлттар оны ұстап тұрар уығы болып, тату-тәтті өмір сүріп жатырмыз. Керегемізді кеңінен жайып, шаңырағымыз шайқалмай, Мәңгілік Ел атанып, болашаққа сеніммен қадам баса берейік. Қазағым, саған мың алғыс!Мариям ҚОЖАХМЕТОВА,&nbsp; С.Лапин атындағы №261 мектептің 11-сынып оқушысы

Мейірімділік пен ризашылық мерекесі

<a href="https://ru.freepik.com/">ФОТО</a><a href="https://kyzylorda-news.kz/">Kyzylorda-news.kz.</a> Егер пәтер алуды жоспарлап жүрсеңіз және хабарландыру немесе риэлтор арқылы бірнешеуін тауып қойған болсаңыз, оларды барып қарағанда не нәрсеге мән беру керек?&nbsp;Маңызды сұрақтардың бірі - аудан таңдау. Қаланың әр бөлігіндегі пәтерлер бағасын ғана емес, сіздің өмір сүру салтыңызды және нақты жердің ерекшеліктерін де ескеру керек.1. Көлік қолжетімділігі. Қала ортасына дейін және сіз жиі баратын, мысалға, жұмысыңызға дейін жету ыңғайлы ма? Қоғамдық көлік дамыған ба және кептеліс жиі бола ма?2. Экология. Үйге жақын жерде саябақ бар ма? Өндірістік мекеме орналасқан ба?3. Инфрақұрылым. Жақын жерде ірі сауда орталықтары, спорттық орталықтар, супермаркеттер, кафе, балабақша және мектептер бар ма?Сондай-ақ, мына нәрселерге аса мән беру керек:1. Қабаттар саны- Бірінші қабат. Пәтер бірінші қабатта болса, жертөледен ылғалдылық сезілуі, даладағы иістер мен дыбыстар естілуі мүмкін және ұрылардан қорғайтын қосымша қауіпсіздік шаралары қажет болуы мүмкін. Сондықтан егер бірінші қабаттан пәтер алатын болсаңыз, аудан, жертөле және аула таза болуы керек; - Соңғы қабат. Соңғы қабатта төбеден су ағуы мүмкін. Сондықтан төбені соңғы рет қашан жөндегенін біліп алыңыз және қабырғаларды тексеріңіз. Егер бұрыннан су аққан болса, қабырғалар көгерген немесе су іздері болуы мүмкін. Сондай-ақ әдетте, соңғы қабаттардағы су қысымы әлсіз келеді. Мысалы, ыстық су дұрыс ақпауы мүмкін. Сондықтан оны да тексеріп көрген дұрыс.2. Жарық түсетін жақ- Оңтүстік. Жылы жақ. Егер бөлме гүлдері көп болса, аквариум болса, бұл жақ ыңғайлы;- Солтүстік. Бөлмелердің жартылай қараңғы болғанын ұнатсаңыз, осы жақ тиімді;- Шығыс-батыс. Күн шыққанда және батқанда барлық жарық пәтерге түседі.3. Бір қабаттағы пәтер саныБір қабатта пәтердің төртеуден артық болмағаны жақсы. Әйтпесе, шулы және тар болуы мүмкін.4. Лифт пен қабырғаПәтер қабырғасының лифт шахтасымен шектесіп тұрғаны жаман. Дауыстар естілуі мүмкін және кейде пәтерде лифт қозғалысы сезіледі.5. Бұрышта орналасқан пәтерБұрышта орналасқан пәтер - бұл қабырғасы көпқабатты үйдің сыртқы қабырғасы болып та саналатын пәтер. Мұндай пәтердің кемшілігі - оның қыста суық, жазда өте ыстық болуында. Бұл жер сыртқы ортаның әсерін қарқынды сезеді. Сондай-ақ температуралардың өзгерісі қабырғаның көгеріп кетуіне ықпал етеді.Пәтер жайғасымы бойынша әркімнің талғамы әртүрлі. Бірақ ескеру керек жалпы нәрселер бар:- Егер екі бөлмелі пәтер болса, бөлмелердің бөлек болғаны жақсы; - Бір бөлмелі пәтер жарық болуы керек; - Егер бір бөлме өтпелі болса, бұл баласы бар отбасыға ыңғайсыздық тудыруы мүмкін. &nbsp; - Дәретхана мен жуынатын жердің бөлек болғаны ыңғайлы. Ал бірге орналасқаны кеңістік үнемдеуге мүмкіндік береді. - Мамандардың айтуынша, отбасылы адамдар үшін ең ыңғайлысы - үлкен екі бөлмесі бар пәтерге қарағанда үш кішкентай бөлмесі бар пәтер.Үйді күндіз қарау керек. Пәтердің қаншалықты жарық екенін сол кезде ғана байқай аласыз. Кешкі уақытта үйдің немесе ауланың кемшіліктерін байқамай қалуыңыз мүмкін. Үйдің барлық кемшіліктерін суретке түсіріп жүріңіз. Суреттер арқылы барлық көрген үйлеріңізді бір-бірімен салыстыра аласыз. Себебі үйді бірінші көргенде қандай да бір әсер қалады. Бірақ бірнеше күннен кейін осы әсерлер жоғалады. Сол кезде суреттерге қарап, оны объективті түрде бағалай аласыз. Терезеден көрінетін көрініске мән беріңіз. Мүмкін, сіздің балаларыңыз болса, сіз үшін олардың балалар алаңында ойнап жүргенін терезеден көріп тұру маңызды шығар.<a href="https://massaget.kz/layfstayl/zhadnama/78618/">massaget.kz</a>

 10 лайфхак: Үй аларда нені ескеру керек?

<a href="https://kyzylorda-news.kz/">Kyzylorda-news.kz.</a> Премьер-Министрдің орынбасары Алтай Көлгінов білім беру ұйымдарында қауіпсіздікті қамтамасыз ету мәселесі бойынша кеңес өткізді. Оған министрлердің және барлық өңір әкімдерінің орынбасарлары қатысты, деп хабарлайды <a href="https://primeminister.kz/kz/news/arnayy-kzet-dabyl-tymeleri-zhne-turniketter-mektepterde-auipsizdik-zhyesi-ksheytilmek-23084">primeminister.kz</a>.Оқу-ағарту бірінші вице-министрі Шолпан Каринова білім беру ұйымдарында қауіпсіздікті қамтамасыз ету жөніндегі жағдай туралы, 2022 жылы білім беру нысандарын терроризмге қарсы қорғау нұсқаулығы туралы, білім беру ұйымдарында пайдалану үшін шектелген тыйым салынған заттардың тізімін бекіту жөнінде баяндады. Мысалы, Алматы, Қостанай, Түркістан, Ұлытау, Жетісу, Абай облыстарында бейнебақылау жүйесінің талапқа сай келмеуі анықталды.Солтүстік Қазақстан, Қостанай, Түркістан облыстарының ірі қалаларында мамандандырылған күзет қызметімен келісімшарт жасалмаған. Барлық оқу орындары қауіпсіздіктің кешенді жүйесімен қамтамасыз етілуі тексеріледі.Сондай-ақ Оқу-ағарту министрлігі балаларды зорлық-зомбылықтан қорғау, суицидтің алдын алу және балалар құқығын қамтамасыз ету, оның ішінде Қауіпсіздік жүйесін ұйымдастыру жөніндегі кешенді жоспардың жобасын әзірлеуде. Оған 20-ға жуық мемлекеттік орган мен өңірлер жұмылдырылған. Негізгі мәселе қауіпсіздік саласындағы қызметтерді сатып алу үшін жергілікті әкімдіктерден қаржыландырудың аздығы.Ішкі істер министрінің орынбасары Игорь Лепеха білім беру ұйымдарында қауіпсіздікті қамтамасыз ету жөніндегі ішкі істер органдарының жұмысы және лауазымды тұлғалардың күзет қызметі мен жауапкершілігіне қойылатын талаптарды күшейту жөніндегі шаралар туралы хабарлады. Петропавл қаласындағы №4 орта мектепте болған оқиғаға қатысты тексеру барысында нысанда турникет пен мамандандырылған күзеттің жоқтығы анықталғанын атап өтті. 15 мектеппен бейнебақылау жүйелерін жедел басқару орталықтарына қосу туралы шарттар жасалған. Оның ішінде №4 орта мектебінің шарты 2022 жылдың 12 желтоқсанында аяқталғаны анықталды. Қаражат бөлінгенімен, мектептер келісімшарттар жасамаған. Қазіргі уақытта лауазымды тұлғалардың жауапкершілігі қарастырылуда.Вице-премьер Алтай Көлгінов оқушылардың қауіпсіздігін қамтамасыз ету мәселесінің өзектілігін атап өтті.<blockquote>«Білім беру ұйымдарында техникалық жарақтандыру және лицензияланған күзет мәселелері бойынша жергілікті атқарушы органдардың жұмысында айтарлықтай кемшіліктер мен олқылықтар бар. Мұның барлығын келесі оқу жылының басына дейін түзету қажет. Білім беру ұйымдарында қауіпсіздікті қамтамасыз ету бойынша шаралар қабылданбаған жағдайда қатаң жауапкершілікке тартатын боламыз», — деді Алтай Көлгінов.</blockquote>Кеңес қорытындысы бойынша жауапты мемлекеттік органдарға оқу жылы басталғанға дейін білім беру ұйымдарын дабыл түймелерімен, турникеттермен, лицензияланған күзетпен жарақтандыру және ішкі істер органдарының жедел басқару орталықтарына қосылған бейнебақылау жүйелерін орнату жұмыстарын аяқтау тапсырылды. ҚР Оқу-ағарту министрлігі Балаларды қорғау жөніндегі кешенді жоспардың жобасына психологиялық қызметтердің, олардың кадрлық құрамының және тағы басқасының қызметін күшейту мәселелерін енгізуі керек. ҚР ІІМ ҚР ТЖМ-мен бірлесіп білім беру ұйымдарында қауіпсіздік талаптарын сақтау бойынша мониторинг жүргізуге тиіс.

Арнайы күзет, дабыл түймелері, турникеттер: Ел мектептерінде қауіпсіздік қалай күшейтіледі

<a href="https://kyzylorda-news.kz/">Kyzylorda-news.kz.</a> 2023 жылы «Болашақ» бағдарламасы бойынша 555 стипендия бөлінеді, деп хабарлайды <a href="https://kaz.zakon.kz/6020893-biyl-bolasha-badarlamasy-boyynsha-555-stipendiya-blned.html">Zakon.kz</a>.Бұл туралы мемлекеттік кеңесші Ерлан Қариннің төрағалығымен шетелде кадрлар даярлау жөніндегі республикалық комиссияның кезекті отырысында айтылды.2023 жылы «Болашақ» бағдарламасы бойынша барлығы 555 стипендия, оның ішінде магистратураға 395, резидентура және докторантураға 50, тағылымдамадан өтуге 110 стипендия бөлінді.Отырыста шетелде тағылымдамадан өту үшін «Болашақ» стипендиясын тағайындау мәселесі де қаралды. Комиссия шешіміне сәйкес 25 азаматқа стипендия берілді.Айта кету керек, «Болашақ» бағдарламасының стипендиясын алуға құжат тапсыру биылғы қыркүйек айына дейін жалғасады.

Биыл «Болашақ» бағдарламасы бойынша 555 стипендия бөлінеді

<a href="https://kyzylorda-news.kz/">Kyzylorda-news.kz.</a> Қыз бен ұл өсіп келеді. Отбасында көбірек еркіндік береміз. Тіпті киімдерін 2-3 жасынан бастап өздері таңдайды. Іштей жаратпай тұрсам да қарсылық білдірмеуге тырысамын. Талғамын өздері қалыптастырғанын қалаймыз.Соңғы өткен референдум мен сайлауда отбасымызбен: атам, жолдасым, балалармен бірге толық бардық.Алғашқы барғанымызда балалар қайда, не үшін бара жатқанымызды, сайлау жәшігінің не екенін сұрап, парақты салғанда атасы мен әкесінің жанында қарап тұрды. Кейін сайлау учаскесі болған балабақшаның жанынан өткен сайын "ооо, мынау біз барған жер ғой, қағаз салған" дейді.Екінші ел басшысын таңдайтын сайлауда барлығын түсініп барды. Олар үшін таңсық болған жоқ. Тіпті біз түсіндірмесек те өздерін қалай ұстау керек екенін жақсы білді.Бұның барлығын не үшін жасап жүрміз? Өмірлеріндегі кез келген шешімді өздері таңдай алатынына жас күнінен көздерін жеткізгіміз келеді. Үлкен өмірге аяқ басқанда ештеңе жат болмаса екен дейміз және алдағы уақытта өмір салты, сапасы өздерінің таңдауларына тікелей байланысты болатынын қазірден ұғынғанын қалаймыз.Әуелі Алла, наурызда өтетін сайлауда да осы дәстүрлі ұстанымымызбен, бірге барамыз деп үміттенеміз.Балдырған МАМЕН

Сайлауда дәстүрлі ұстанымызбен бірге барамыз

<a href="https://kyzylorda-news.kz/">Kyzylorda-news.kz.</a> Отанымыз Қазақстанның гүлденіп, жаңа қарқын алуына әрбір азаматы мүдделі болса, келешек ұрпаққа жасаған ең үлкен аманаты болатыны анық.Елімізде жақында болатын Мәжіліс пен мәслихаттар сайлауында халық қалаулысы атанып, халыққа адал қызмет етуге талаптанып отырған азаматтарға сәттілік тілеймін!Әрбір сайлаудан үлкен үміт күтетініміз белгілі. Сайлауда отбасы мүшелерімен толықтай қатысып, өз таңдауымызды жасау парызымыз. Осы посты оқып отырған Отандастарымды сайлауға белсенді қатысып, азаматтық танытуға шақырамын!Нұрлыбек АХАТАЕВ

Отандастарымды сайлауға белсенді қатысуға шақырамын

<a href="https://kyzylorda-news.kz/">Kyzylorda-news.kz.</a> Оқу-ағарту министрлігі мектептерде оқу жылының аяқталуы мен емтихандарды өткізу мерзімі туралы бұйрықтың жобасын қоғамдық талқылауға шығарды, деп хабарлайды <a href="https://sputnik.kz/20230217/oqu-zhylynyn-ayaqtaluy-men-emtikhan-merzimderi-zhariyalandy-32219404.html">Sputnik Қазақстан</a>.Қазіргі жоспарға сәйкес, 2022-2023 оқу жылы барлық мектепте 31 мамырда аяқталады. 2-13 маусым аралығында 9 (10) сыныптар үшін қорытынды емтихандар ұйымдастырылса, 5-19 маусым күндері 11 (12) сынып оқушылары мемлекеттік емтихандарын тапсырады. Бұйрық жобасында қорытынды аттестаттаудың мерзімдері де көрсетілген.- 9 (10)-сынып оқушылары үшін: қазақ/орыс тілі және өзбек/ұйғыр/тәжік тілінде білім беретін мектептер үшін ана тілі (оқыту тілі) бойынша эссе нысанында жазбаша емтихан, гуманитарлық цикл пәндерін тереңдетіп оқытатын мектеп білім алушылары үшін жазбаша жұмыс (мақала, әңгіме, эссе) – 2023 жылғы 2 маусым;- математика (алгебра) бойынша жазбаша емтихан (бақылау жұмысы) – 2023 жылғы 6 маусым;- орыс/ өзбек/ ұйғыр/ тәжік тілінде оқытатын сыныптарда қазақ тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) және қазақ тілінде оқытатын сыныптарда орыс тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) – 2023 жылғы 9 маусым;- таңдау пәні бойынша жазбаша емтихан (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатика) – 2023 жылғы 13 маусым;- 11 (12) сынып оқушылары үшін: қазақ/орыс тілі бойынша және өзбек/ұйғыр/тәжік тілінде білім беретін мектептер/сыныптар үшін ана тілі (оқыту тілі) бойынша жазбаша емтихан – 2023 жылғы 5 маусым;- алгебра және анализ бастамалары бойынша жазбаша емтихан – 2023 жылғы 8 маусым;- Қазақстан тарихы бойынша ауызша емтихан – 2023 жылғы 12 маусым;- орыс/өзбек/ұйғыр/тәжік тілдерінде оқытатын мектептерде/сыныптарда қазақ тілі мен әдебиетінен және қазақ тілінде оқытатын мектептерде/сыныптарда орыс тілі мен әдебиетінен жазбаша емтихан – 2023 жылғы 15 маусым;- таңдау пәні бойынша жазбаша емтихан (физика, химия, биология, география, геометрия, дүниежүзілік тарих, құқық негіздері, әдебиет (оқыту тілі бойынша), шет тілі (ағылшын/француз/неміс), информатика) – 2023 жылғы 19 маусым.Бұйрықтың жобасы 2 наурызға дейін қоғамдық талқылаудан өтеді. Құжатпен <a href="https://legalacts.egov.kz/npa/view?id=14410880">мына жерде</a> танысуға болады.Айта кетері, кешеден бері пікір қалдырған адамдар аз емес. Көбісі оқу жылын 31 мамырға дейін ұзартуға қарсы. Ата-аналар бұрынғы 25 мамырды қайтаруды талап етіп отыр.

Оқу жылының аяқталуы мен емтихандар мерзімі жарияланды

<a href="https://kyzylorda-news.kz/">Kyzylorda-news.kz.</a> Әскерде болған жауынгер биыл ҰБТ тапсырмай-ақ жоғары оқу орнына түсе алады, деп хабарлайды <a href="https://stan.kz/askerde-bolgan-zhauinger-ybt-siz-zhoo-na-tuse-aladi-377847/">Stan.kz</a>.Қазір Отан алдындағы борышын өтеп жүрген жауынгерлерден өтініш қабылданып жатыр. Ниет еткендер жазда әскерден оралған бойда таңдаған білім ордасына барып, тек спорттық жаттығулардан ғана сынақ тапсырса жеткілікті.Ақтөбедегі артиллерия және ракета бөлімінде әскери борышын өтеп жүрген тоғыз жауынгер ҰБТ-сіз жоғары оқу орнына түсуге өтініш білдірген. Қазір олар медициналық тексеруден өтіп жатыр. Көбісі Алматыдағы құрлық әскерлерінің әскери институтын таңдаса, екі-үш жігіт ұшқыштар даярлайтын институтқа түсуді құп көріпті.<blockquote>«Бізге айтқаны спорт жағынан дайындалу. Содан қабылдайды. Өтсеңдер, әрі қарай оқуға түсіп оқи бересіңдер деді. Бізге Астанаға, Алматыға немесе Ақтөбедегі ұшқыштар оқуына таңдау берді. Мен алыс болмасын деп Алматыны таңдадым», – дейді қатардағы жауынгер Арман Қожақынов.</blockquote>Бұрын сарбаздар оқуға түсерде тест тапсырып, ҰБТ-ның ұпайын есептеп жүретін. Әскери комиссариатындағылар да осы сынақты алып тастағаны жақсы болды дейді. Өтініш білдіргендері әскери борышын өтеген бойда таңдаған оқу орнына тура тартады екен.<blockquote>«Алдағы тамыз айына таман оқуға сол жаққа барады. Сол жерде сұхбат жүргізілгеннен кейін әскери оқу орнына қабылданады. Бұлар қазір алты ай мерзімді әскери қызметін өткерген ҚР қарулы күштер қатарындағы әскери борышын өтеп жатқан ер азаматтар», – деді Ақтөбе облысы қорғаныс істері жөніндегі департамент бастығының орынбасары Мейрамбек Сақып.</blockquote>ҰБТ-сіз ЖОО-на түсу әскерден қашып-пысып жүрген жігіттердің санын азайтатына әскерилер сенімді. Тек денсаулығы жақсы болса болғаны. Дәрігерлер бұрынғыдай майтабандар азайып, сезімдіктен ақ қағаз алатындар қазір жоқтың қасы дейді. Есесіне аллергияның кесірінен әскерге алынбайтындар көбейіпті.<blockquote>«Аллергиясы барлар көп. Бронхиалды астма, алллергия, ортопедиялық &nbsp;аллергия. Бұйрық бойынша, егер бронхиалды астма, демікпе анықталатын болса, ол әскерге жарамсыз болады», – дейді дәрігер Гүлжан Нұрғазиева.</blockquote>Қазір аймақтардағы қорғаныс істері жөніндегі департаменттегілер көктемгі шақыртуға дайындалып жатыр. Елімізде биыл 35 мың жігіт әскерге алынуы тиіс. Әр облыстан 2500-3000 бозбала Отан алдындағы борышын өтеуге аттанады.

Әскерде болған жауынгерлер ҰБТ-сыз ЖОО-на түсе алады

<a href="https://kyzylorda-news.kz/">Kyzylorda-news.kz.</a> Наурыз айында елімізде үлкен серпіліс болғалы тұр. Оның басты себебі – сайлау науқаны. Мәжіліс депутаттарының кезектен тыс сайлауы мен мәслихат депутаттарын да сайлауы өткізілмек. Бұл еліміздің дамуына елеулі үлес қосатын азаматтар келеді деген сөз. Шыны керек, сайлауға қатысты халықтың пікірі көп жағдайда негативті. «Бәрі алдын ала шешіліп қойылған» деп қаңқу сөз айтатындар аз емес. Алайда бәріміз бір ауыздан сайлауға барып, өз кандидатымызға дауыс беру арқылы сайлаудың әділ өтуін қадағалай алатынымызды ұмытпайық.«Бұл ән бұрынғы әннен өзгерек» демекші, биыл мәжіліс депутаттарын сайлау ерекше болғалы тұр. Өйткені мәжіліс депутаттарының 70 пайызы партиялық тізіммен, 30 пайызы бір мандаттық жүйемен сайланады. Сондай-ақ, облыстық маслихат депутаттарының 50 пайызы партиялық тізім бойынша, 50 пайызы бір мандаттық жүйе тәртібімен сайланып, ауылдық және қалалық мәслихаттарының депуттары бір маңдаттық жүйе бойынша сайланатын болып бекітілді. Бұған қоса, саяси партиялардың тіркеуден өту тәртібі жеңілдетілді. Нақтырақ айтсақ, олардың сайлау қорытындысымен Мәжіліске өту шегі 7 пайыздан 5 пайызға төмендеді. Депутаттық мандаттардың 30 пайызын әйелдерге, жастарға және ерекше қажеттілігі бар азаматтарға беру заңмен белгіленді. Бұл өте қуантарлық жайт. Жастардың билікке келуі еліміздің іргесі мықты болады деген сөз. Тек жөргегінен жорғалаған жағымпаз жастар емес, білімді, батыл, намысшыл, өз тілін, өз ұлтын құрметтейтін жастар келсін деп тілейміз. Қазақ халқы, желбуаз сөздер мен құрғақ уәделерден шаршады. Сондықтан билікке істің адамдары келеді деп сенеміз. Алдағы сайлау нағыз тұлғалардың текетіресі болғай. Барлығымыз, сайлауға дауыс беруді азаматтық борыш ретінде қабылдап, Қазақстан алпауыт елге айналуына нық қадам жасайық!Азамат АБИМОЛДА

Қазақстан алпауыт елге айналуына нық қадам жасайық

<a href="https://pixabay.com/ru/">ФОТО</a><a href="https://kyzylorda-news.kz/">Kyzylorda-news.kz.</a> Бала дүниеге келген соң соған сай қажеттіліктері көп болатыны түсінікті. Осы орайда маңызды мәселенің бірі - декретке байланысты төлем алу. 2023 жылы декреттік төлемдер қалай өзгереді және максималды декреттік төлем мөлшері қандай?Декретке шықпас бұрын әрбір әйел адам білуі қажет ақпараттар бар. Алдымен egov.kz сайтындағы мәліметтерге сүйеніп, осы сұрақтарға жауап беріп көрейік.Еңбек демалысының қандай түрлері бар?Еңбек Кодексінің 99 бабы бойынша, жүкті, босанған, жаңа туған баланы асырап алған әйелдерге еңбек демалыстары беріледі. Оған жүктілікке, босануға байланысты демалыс,&nbsp;жаңа туған баланы асырап алғандарға арналған демалыс,&nbsp;бала үш жасқа толғанға дейін оның күтіміне байланысты жалақы сақталмайтын демалыс түрлері жатады.Босанған әйелдерге қандай жәрдемақы беріледі?Босанған әйелдерге берілетін жәрдемақының түрлері бар. Оған мына жәрдемақы түрлері жатады:- Жұмыс істейтін босанған әйелдерге жүктілігі және босанғанына байланысты табысынан айырылған соң әлеуметтік төлем беріледі. Сонымен қатар, бір жасқа толғанға дейін жасалатын бала күтіміне байланысты әлеуметік жәрдемақы төленеді.- Жұмыс істемейтін әйелдерге бір жасқа толғанға дейін жасалатын бала күтіміне байланысты әлеуметік жәрдемақы төленеді.Төлем қанша рет жасалады?Жүкті, босанған, жаңа туған баланы асырап алған әйел табысынан айырылса, әлеуметтiк төлем бір рет, ал бала бiр жасқа толғанға дейiн оның күтiмiне байланысты табысынан айырылса, әлеуметтiк төлем ай сайын төленеді.&nbsp;Бала туғанда берілетін бір реттік жәрдемақы мөлшері қандай?Бала туғанда берілетін бір реттік жәрдемақы:· &nbsp; &nbsp; &nbsp; &nbsp; бір, екі және үшінші балаға – 38 АЕК – 131 мың теңге;· &nbsp; &nbsp; &nbsp; &nbsp; төрт және одан көп балаға – 63 АЕК – 217 350 теңге.&nbsp;Әйел адам&nbsp;егіз&nbsp;немесе&nbsp;үшем&nbsp;босанса, жәрдемақы әр сәбиге бөлек төленеді.&nbsp;Бала күтіміне берілетін жәрдемақылар2022 жылдан бастап бала күтіміне берілетін жәрдемақы&nbsp;бір жастан бір жарым жасқа&nbsp;дейін ұлғайтылады.&nbsp;Бала күтіміне берілетін жәрдемақы мөлшері:· &nbsp; &nbsp; &nbsp; &nbsp; бірінші балаға &nbsp;– 5,76 АЕК немесе 19 872 теңге;· &nbsp; &nbsp; &nbsp; &nbsp; екінші балаға – 6,81 АЕК немесе 23 495 теңге;· &nbsp; &nbsp; &nbsp; &nbsp; үшінші балаға – 7,85 АЕК немесе 27 083 теңге;· &nbsp; &nbsp; &nbsp; &nbsp; төртінші және одан көп балаға – 8,9 АЕК немесе 30 705 теңге.Төлем қалай есептеледі?Бұл үшін бірнеше шарт орындалуы тиіс. Маман санамалап берген шарттар:Бірінші - босануға дейінгі жәрдемақыны есептеу формуласы. Кейінгі 12 айдағы табыс бойынша есептеледі: 12 × 4,2 - 10 пайыз (зейнетақы). Екінші - ай сайынғы бала күтіміне байланысты жəрдемақыны есептеу формуласы. Кейінгі 24 айдағы жалпы табыс бойынша есептеледі: 24 × 0,4 - 10 пайыз (зейнетақы). &nbsp;&nbsp;Әлеуметтік төлемді қалай көбейтуге болады?Егер сіз жұмыс істемейтін болсаңыз, жеке кәсіп ашу арқылы, жеке кәсіпкер ретінде тіркелу арқылы ғана әлеуметтік төлем жасай аласыз. Себебі жеке тұлғалар өз атынан әлеуметтік төлемдер жасай алмайды. Оны тек сіз үшін жұмыс беруші жасай алады. Сондықтан егер сіз үйден торт, самса пісіріп сатып отсаңыз немесе инстаграмда СММ, таргетолог болып жасап жүрсеңіз, кәсібіңізді заңдастырып алу арқылы әлеуметтік төлемдер жасай аласыз.Басқа&nbsp;адамның жеке кәсібінде жұмысшы ретінде тіркеліп те, жіберіп отыруға болады.&nbsp;Бірақ ескертетін бір жайт жалдамалы жұмысшы ретінде шығын көбірек болады.Егер сіз белгілі бір жерде жұмыс істеп, айлығыңыз белгілі бір межеге жетпесе, жеке кәсіпті тіркеу арқылы қалған жетіспей тұрған соманы толықтыруыңызға болады.Бірнеше жерден декреттік төлем алу заңды ма?Бұл сұрақты заңгер Айгүл Болтаеваға қойдық.&nbsp;"Бірнеше жерден декреттік төлем алу заңды. Бастысы, әр жұмыс жасаған жеріңізде жұмыс беруші әлеуметтік төлемдерді уақытылы және дұрыс төлеп тұрса болғаны. Сондай-ақ негізгі жұмыстан бөлек кәсібіңізді заңдастырып, ИП ашып, әлеуметтік төлемдер жасап, ол жақтан да декреттік төлем алудың заңға қайшылығы жоқ. Тек ескеретін бір жайт - кей мемлекеттік қызметкерлердің өз атына ИП ашуына рұқсат жоқ", - деді заңгер.Максималды декреттік төлем мөлшері қандай?2023 жылдың 1 қаңтарынан бастап максималды декреттік төлем мөлшері 1 852 200 теңге болады. Бухгалтер Айсақызы Әсем бұл максималды соманы алу үшін жалақыңыз қанша болу керегін айтты.<blockquote>"Ең төменгі жалақы – 70 000 теңге. Декреттік төлем есептелетін максималды жалақы 7 ЕТЖ &nbsp;- 70 000 *7= 490 000 теңге.&nbsp;Жұмыс істейтін жүкті әйел жүктіліктің 30-аптасында декреттік декмалысқа шығады, ал декреттік төлем соңғы 12 айдағы &nbsp;жұмыс беруші төлейтін әлеуметтік төлем бойынша есептеледі, яғни:Соңғы 12 айдағы жалақыңыздың қосындысы &nbsp;– 5 880 000 теңге болуы керек. Арифметикалық ортасы – 5 880 000/12= 490 000 теңге (декреттік төлем осы сома бойынша есептеледі).&nbsp;Декреттік демалыс босанғанға дейін 70 күн , босанғаннан кейін 56 күн, барлығы – 126 күн.126/30 = 4,2 (коэффициент)490 000 теңге*4,2 = 2 058 000 теңге2 058 000 теңге – 10 % = 1 852 200 теңге", - деп есептеді Айсақызы Әсем.&nbsp;</blockquote>Маман бұл бір жұмыс орнынан ала алатын максималды сома екенін ескертті.<blockquote>"Егер қосымша ИП болса ол жактан да 1 852 200 теңге ала алады, алайда кәсібі заңды болуы керек және табысы ай сайын 490 000 теңгеден &nbsp;кем болмауы керек. Бұл ИП өзінің атында болса ғана. Ал егер ИП-ға жұмысшы болып тіркелсеңіз, өзіңіздің жұмысыңыз бен ИП-дағы жұмыс уақыты әртүрлі болуы керек. Сол секілді бірнеше жерде жұмыс істейсіз, олардың бәрінен декретке шығуды шештіңіз. Әр жұмысқа бөлек науқастық құжат өткізіледі, әрқайсысынан бөлек есептелінеді, 2 жердегі жұмыс уақыты 1 уақытқа сәйкес келмеуі керек. Яғни, бір жұмыс орнында сағат 09.00 - 18.00 аралығында жұмыс жасасыңыз, келесі жұмыста кешкі ауысымда болуыңыз керек", - деді маман.</blockquote><a href="https://massaget.kz/layfstayl/zhadnama/78602/">massaget.kz</a>

«2 миллион теңгеге жуық»: Маман 2023 жылы декреттік төлем қалай төленетінін есептеп берді

<a href="https://kyzylorda-news.kz/">Kyzylorda-news.kz.</a> Сайлауға қатысу – әрбір азаматтың парызы.Парламент Мәжілісінің сайлауы тура Ұлыстың Ұлы күні – Наурыз мейрамының қарсаңында өтеді. Кезектен тыс сайлау 19 наурызға белгіленді. Мәжілістің және мәслихаттардың кезектен тыс сайлауы – конституциялық реформаның жалғасы. Алдағы сайлау қоғамдағы өзгерістердің көрінісі ретінде саяси жүйеміздің одан әрі жаңғыруына зор ықпалын тигізеді.Мәжіліс пен мәслихаттар сайлауы мемлекеттік билік институттарын жаңғырту жұмыстарының қорытынды кезеңі болмақ. Осылайша, «Күшті Президент – ықпалды Парламент – есеп беретін Үкімет» қағидаты толық іске асады. 19 наурыздағы сайлау – Жаңа Қазақстан құрудың басты қадамдарының бірі. Еліміздің болашағы үшін, барлық азаматтарды сайлауға белсенді қатысуға шақырамыз.Ғани БАЙҰЛЫ,Қорқыт ата атындағы Қызылорда университетінің аға оқытушысы

Қазақстан және Қызылорда облысының жаңалықтары