<a href="https://kyzylorda-news.kz/">Kyzylorda-news.kz.</a> &nbsp;Қармақшы ауданы, Тәйімбет&nbsp;Көмекбаев ауылдық округіндегі №185 мектепте ата-аналардың «Тәрбие отбасынан басталады» атты кездесу кеші өтті.Иә, адамзат қоғамының ең басты бейнесі – отбасы. Отбасы – бала тәрбиесінің ең алғашқы ұжымы. Отбасының басты қазығы, алтын тіреу діңгегі – бала. Отбасы – шағын мемлекет, қоғамның негізі болып табылады. Қоғамды құратын азамат атаулы отбасында өсіп өрбиді, тұлға болып қалыптасады.Еліміздің ертеңгі ұстар жастарымыздың тәрбиесіне аса мән беру – біздің мақсатымыз деп ойлаймын. «Тәрбие отбасына басталады» деп халық даналығы бекер айтпаған. Отбасының қоғамдағы мақсаты: баланы дамытып қана қоймай, оны өмірге дайындап, рухани жағынан жеткізіп, тұлға ретінде қалыптастыру.Осы орайда, «Тәрбие отбасынан басталады» атты тақырыпта сала мамандарын тарта отырып Қармақшы ауданы, Тәйімбет&nbsp;Көмекбаев ауылдық округінің №185 мектебінде ата-аналарының қатысуымен кездесу өткізілді.Кездесуге аудандық білім бөлімінің әдіскері А.Тоқшылықова, АПб-нің ЖПҚб-нің ЮПт қызмет аға инспекторы полиция майоры Г.Исмайлова, Әйелдерді зорлық-зомбылықтың қорғау тобының инспекторы полиция капитаны А.Касимова қатысты.Кездесуде отбасындағы әйелдерге және жасөспірімдерге қатысты тұрмыстық зорлық-зомбылықтың алдын алу, жолын кесу жөнінде құқықтық кеңестер беріліп және де жалпы отбасындағы құндылықтар бойынша түсіндірме жұмыстары жүргізілді. Кездесу соңында әйелдер тарапынан өздерін толғандырған сұрақтарына керек мағлұматтармен жауаптарын алды.&nbsp;

Қармақшыда тәрбиеге байланысты жиналыс өтті

Kyzylorda-news.kz. Нәзіктік пен сұлулықтың символы саналатын, көктемнің шуақты мерекесі 8 наурыз - Халықаралық әйелдер күніне орай облыс әкімінің орынбасары Нұрымбет Сақтағанов ғасыр жасаған аналардың отбасыларына барып, аймақ басшысы Нұрлыбек Машбекұлы Нәлібаевтың ыстық ықыласы мен мерекелік сый - сияпатын жеткізді.Еліміздің толағай табыстары мен Сыр өлкесінің қол жеткен жетістіктерінің барлығында бір қолымен бесік, екінші қолымен әлемді тербеткен аналардың еңбегі зор. Кездесулер барысында ақ жаулықты аналар құрмет көрсеткен аймақ басшысына ризашылығын білдіріп, баталарын берді.Айта кету керек, қасиетті Жер-ана бусанып, күн шуағына бөленетін көктемнің көрікті мерекесінде аталған шаралар аймақ бойынша жалғасын тауып, аудан әкімдері арқылы жүзеге асырылуда.<img src="https://knadmin.beoblood.kz/uploads/FB_IMG_1678266545105_3aa3721d4a.jpg" alt="FB_IMG_1678266545105.jpg"><img src="https://knadmin.beoblood.kz/uploads/FB_IMG_1678266526471_03395910de.jpg" alt="FB_IMG_1678266526471.jpg"><img src="https://knadmin.beoblood.kz/uploads/FB_IMG_1678266243509_3f25f8c8f2.jpg" alt="FB_IMG_1678266243509.jpg">

Нұрымбет Сақтағанов ғасыр жасаған аналарға аймақ басшысының мерекелік құттықтауын жеткізді

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының қоғамдық даму басқармасының басшысы Алмасбек Есмаханов аймақтың саяси-экономикалық, әлеуметтік дамуына ерекше үлес қосып жүрген, азаматтық қоғамның бір тірегіне айналып, белсенділігімен, мемлекеттік мүдде жолында маңызды шешімдерге тікелей араласатын әйел-аналарды 8 наурыз – Халықаралық әйелдер мерекесімен құттықтап, облыс әкімінің алғысы мен сый-сияпатын табыс етті.<blockquote>«Біздің бүгінгі кездесуімізге азаматтық қоғамның дамуына үлесін қосып жүрген үкіметтік емес ұйымдардың мүшелері, бұқаралық ақпарат құралдарының өкілдері, медиа саласының мамандары, қоғамның дамуына жұмыс жасап жүрген нәзік жандылар жиналып отыр. Алдымен, сіздерді шұғылалы көктемнің ең шуақты мерекесі «8 наурыз – Халықаралық әйелдер күнімен» құттықтаймын. Ұлттық болмысымызда сіңген ең асыл қасиеттеріміздің бірі – Анаға деген құрмет. Адамға өмір сыйлап, тіршілік нәрін беретін, жаратылыс атаулыны жандандыратын көктемде осындай керемет мерекенің келуі де бір ғанибет. Сондықтан, дәл бұл күн ғана емес, жылдың әр күнінде сіздерге деген құрметіміз бен алғысымыз шексіз», - деді басқарма басшысы.</blockquote>Мерекелік кеште «Ақмеші ақшамы» газетінің бас редакторы С.Биқожа, «Көкжиек» қоғамдық қорының төрайымы А.Турбаева, Сыр елінің аяулы ақын қызы Қ.Есімсейітова, Қорқыт ата атындағы Қызылорда университетінің профессоры, педагогика ғылымдарының кандидаты Р.Игенбаева және т.б. әйел-аналар ыстық ықыластарын айтып, құрмет көрсеткен басқарма басшылығына шексіз ризашылығын білдірді.Шара соңы өнерпаздардың ән кешіне ұласты.

Басқарма басшысы азаматтық қоғам өкілдерін мерекемен құттықтады

<a href="https://kyzylorda-news.kz/">Kyzylorda-news.kz.</a> Жаңақорған ауданында өнім өндіру ісі, шағын кәсіпкерлік көкжиегі қарқын ала бастады. Әсіресе, 2023 жаңалық көп. Кір сабын, құрылыс заттары мен тұрмысқа қажетті басқа да тауарлар шығара бастады. Кент &nbsp;тұрғыны &nbsp;Шолпан Сүлейменова Қызылорда қаласында «Қазақстанның үздік тауары – 2022» өңірлік көрме-байқауында назарға ілікті.«Қазақстанның үздік тауары» көрме-байқауы Президенттің Жарлығымен 2006 жылдан бастап елімізде жыл сайын өңірлік және республикалық деңгейде ұйымдастырылып келеді. Дәстүрлі шара биыл үш номинация бойынша өтті. Біздің «Мейрамбек» ЖК-нің әжетхана қағазының өзгелердің өнімінен еш кемдігі жоқ деп, көптің ықыласы ауды.Белгілі кәсіп иесі Шолпанды Сыр жұрты, жаңақорғандықтар жақсы таниды. Бұған дейін кәсіпкер тойтабаққа арналған кәдесыйға түрлі әшекейлер жасап, арнайы стакандарды дизайнмен әрлейтінін еді. Одан бөлек, футболкаларға сурет салып, жазу жазатын, қосымша есік алдына жылыжай егіп, қияр өсіруді қолға алыпты. Енді ауданда алғашқы болып қағаз ісін қолға алды.Уақыт оздырмай «Атамекен» Қызылорда облыстық кәсіпкерлер палатасы Жаңақорған ауданы бойынша директоры Асылжан Жолдасбековке хабарласып, мән-жайды сұрап, кәсіпкер шеберханасына жол жүрдік. Бізді Шолпан апай күтіп алып, шағын цехқа жол бастады.<blockquote>«Әзірге өнімді өзіміздің дүкен сөрелерінен табуға болады. Экспорт жағына бара алмай жатырмыз, себебі, тапсырыс қабылдауға толықтай дайын болуымыз керек. Бұйырса, күзден бастап тапсырыс қабылдап, мекемелермен келісім-шартқа отыратын боламыз. Біздің мақсат аудан көлемін қамтып қою ғана емес, аймақ нарығына жол тарту. Біз бастаған кәсіп әлі облыста қолға алынбаған екен. Сондықтан уақыт күттірмей етек-жеңімізді жиып, іске кірісетін боламыз» деді кәсіп иесі.</blockquote>Иә, Сыр өңірінде әжетхана қағазын шығаратын бизнес жоқ, сондықтан мүмкіндік бар кезде өнімді экспорттау керек. Айтпақшы, өнімнің атауы – «Жаңақорған» деп аталады. Өзге сауда нүктесінде де өзіміздің өнім екенін бірден біле қоясыз.<blockquote>«Былтыр «Атамекен» кәсіпкерлік палатасы арқылы 6 проценттік несие арқылы 5 млн қаржы алып, екі құрылғыны әкеліп орнаттық. Қағаз шикізаты Шымкенттен келетін болса, сыртқы қабатын Алматыдан алдыртамыз, дизайны өзімізден. Қазір қарамағымда 5 жұмысшы бар, өзіме қолғанат болып, қай кәсіп болмасын алып жүрген балаларымның қолдауымен, солардың ынта-жігерімен осы кәсіпке тәуекел еттік. Қазір тұтынушылар сапасына мән береді. Әрине, бізде шикізатты алар кезде қағаздың қатты немесе жұмсақтығына мән береміз. Сапасы бірінші кезекте, біздің өнім 2-ші класты өнім. Сапасы жақсы, жұмсақ, түсі ақ, ең бастысы тез жыртылмайды. Ал, бірінші класты түрі тек салфетка, үй жағдайындағы қағаздарға арналады. Алла қаласа, бұл өнімді де өнідіреміз, екінші мақсатымыз, макулатура шығару. Бұл жобаны биыл болмаса да, келер жылы жүзеге асыруға тырысамыз. Бұл кәсіпке қосымша дем беру үшін биыл инновациялық жоба грантына ұсындық, егер мақұлданып, 5 млн қаржыны жеңіп алсақ, онда жұмысты еселейтін боламыз» &nbsp;дейді ол.</blockquote>Айта кететіні, жылыжай қияры қыста нарыққа шығады, дәмі керемет. Өйткені, өнімге ешқандай дәрі берілмейді, таза өнім өздігінен пісіп, түр-келбеті мен дәмін ұстап қалады екен. Қыс басталсын, оны да зерделейтін боламыз.Осылайша Шолпан Сүлейменованың тірлігі көпке үлгі. Бір емес, төрт кәсіпті серік етіп, нәпақа тауып отырған жанның ісіне сүйсінбеске болмас.

Жаңақорғанда әжетхана қағазы өндіріледі

<a href="https://kyzylorda-news.kz/">Kyzylorda-news.kz.</a>Өткен жексенбіде облыс әкімі Нұрлыбек Нәлібаев «Қайсар» футбол клубының маусымашар ойынын тамашалады және Батыржан Шалғынбаев атындағы футзалдан республикалық турнирдің жабылу салтанатына қатысты деп хабарлайды облыс әкімінің баспасөз қызметі.Еске салсақ, 5 наурызда Орталық стадионда биылғы жылдың алғашқы ойыны «Қайсар»-«Қызылжар» командаларының арасында өтті. Ойын «0:1» есебімен аяқталды.Аймақ басшысы «Евразия» спорт кешенінде өткен жауынгер-интернационалист Батыржан Шалғынбаевты еске алуға арналған футзалдан дәстүрлі республикалық турнирге қатысушыларды құттықтады. Байрақты бәсекенің өскелең ұрпаққа салауатты өмір салтын насихаттауда зор маңызға ие болғанын атап өтті.<blockquote>– Мемлекет басшысы Қасым-Жомарт Кемелұлы өз Жолдауында «…Бұқаралық спортты дамыту пирамидаға айналуы қажет. Оның басына чемпиондар шықса, соның негізінде біз сау әрі саналы ұрпақты, мықты ұлтты қалыптастырамыз» деген болатын. Сіздер Президенттің парасатты бастамасын қолдап, бұқаралық спортты дамытуға үлес қосудасыздар.</blockquote><blockquote>Өңірде спорт инфрақұрылымын дамытуға ерекше мән берілуде. Қазіргі таңда облыс бойынша 10 денешынықтыру және спорт кешенінің құрылысы жүргізілуде. Бұдан бөлек, биыл облыс орталығынан құны 6,9 млрд теңге болатын көпсалалы спорт кешенінің құрылысын бастау жоспарлануда. Алдағы уақытта жергілікті «Қайсар» футбол клубы үшін заманауи жабық стадион салу жұмыстары демеуші есебінен жүзеге асырылады. Былтыр «Балалар жылы» аясында демеушілер көмегімен 1,6 млрд теңгеге 80 спорт-ойын алаңы балдырғандарымызға тарту етілді. Бұл халықтың спортпен шұғылдануына, саламатты өмір салтын ұстануына мүмкіндік береді, – деді облыс басшысы.</blockquote>Айта кетейік, 4 наурызда «Евразия» спорт кешенінде жауынгер-интернационалист Батыржан Шалғынбаевты еске алуға арналған футзалдан республикалық турнирдің ашылу салтанаты өтті. Биыл 27-ші мәрте ұйымдастырылған турнирге көршілес Өзбекстаннан және еліміздің 6 облысынан 32 команда, 640 спортшы қатысты.&nbsp;

Жігер сыйлаған жанкүйерлер

<a href="https://kyzylorda-news.kz/">Kyzylorda-news.kz.</a> Бала тәрбиесінде үйдегі ата-анадан бөлек, бөбекжай балабақшаның да маңызы бары белгілі. Әр үйдің бір-бір еркесін бетінен қақпай өсіріп, тәрбиелік тағылым беретіні, тілазар сәбиден тәртіпті бала қалыптастыратыны рас. Балабақшадан алған өнеге баланың алдағы кезеңінің баспалдағы десек артық болмас.Тасбөгет кентіндегі «Күләнда» балабақшасында 3-5 жас аралығындағы балалар тәрбиеленеді. Олардың тәртіпке бас иіп, тәрбиелі, өнерлі, білімді болуына мұндағы әрбір маманның сіңірген еңбегі зор.Мұнда әрбір баланың қабілетіне қарай түрлі үйірмелерге қатысып, шыңдалып шығуына бар мүмкіндік жасалған. Ал олардың икемі мен қабілетін бағамдай білу тәрбиешілерге жүктелген. Балабақшадағы әр бүлдіршінге өз баласындай қамқорлық танытып, өнерлерін шыңдап жүрген сондай маман ретінде Эльмира Бекниязова мен Арайлым Ботабекованы &nbsp;айтуға болады.Кейіпкерлеріміз бөбекжай балабақшадағы «Күләнда» би орталығының жетекшілері. Мұндағы әрбір шара, мерекелік кеш талапты мамандармен талантты бүлдіршіндердің қатысуынсыз өтпек емес. Сондықтан өнерлі балалардың қарым-қабілетін шыңдауда Эльмира мен Арайлымның үлесі орасан.<blockquote>«Бала – өмірдің қызығы деп бекер айтпаған ғой. Арайлым екеуміздің балабақша саласында жүргенімізге 10 жылға жуық уақыт болды. Осы уақыт ішінде бүлдіршіндердің жан дүниесін, көзқарасын тани алатындай тәжірибе алдық. Олармен өткізген әрбір уақыттан ләззат алуға болады. Оны осы саланың ыстық-суығына төзіп жүрген жандар жақсы біледі. Сол сияқты балабақшамызда &nbsp;өнерлі балалар жетерлік. Көпшілігі кішкентай бала деп бұған аса мән бермеуі мүмкін. Дегенмен тереңіне үңіле білсең небір талантты жастардың ең алғашқы қадамы балабақшадан басталғанын байқайсыз. Бүгінде балабақшамызда «Күләнда» би орталығы жұмыс істейді. Оған 4-5 жас аралығындағы балалар іріктеп алынған. Түрлі бағыттағы биді үйретеміз. Әрине оңай шаруа емес. Бірақ еңбегіміз жеміссіз деуге болмайды. Талай мәрте түрлі деңгейдегі байқауларда жеңімпаз атанып жүрміз», – дейді би тобының жетекшісі Эльмира Жеткергенқызы.</blockquote>Қазіргі таңда мемлекетіміз балалар шығармашылығын дамытуға баса мән беріп келеді. Бұл ретте түрлі үйірмелер ашылып дарынды балаларды танытуға барынша мүмкіндік жасалуда. Ал мектеп жасына дейінгі бүлдіршіндердің талантын тану үшін түрлі байқаулар өткізу дәстүрге айналып келеді. Жуырда осы бағытта «Jas Daryn» жобасы аясында өткізілген халықаралық фестивальде «Күләнда» би тобы жүлделі І орынды жеңіп алды. Ал оның жетекшілеріне «Үздік жетекші» номинациясы берілді.Жеңіске жету жолында уақытпен санаспай жанын сала жұмыс істеген би жетекшілерінің еңбегі осылай жанған. Себебі олардың еңбек жолындағы жеңісі де, жемісі де бүлдіршіндердің бағындырған белесімен бағаланады.

Балабақшадағы бір күн

<a href="https://kyzylorda-news.kz/ru/">Kyzylorda-news.kz</a>. 1881 жылы англиялық дәрігер Джеймс Бланделл ауырлық күші арқылы қан құятын жабдық ойлап тауып, әйелге жәрдемдеседі. Осылайша тарихтағы алғашқы қан құю процесі сәтті орындалып шыққан. Бұл технология адамзат үшін денсаулық сақтау саласында ұлы төңкеріс тудырды.Қан адам ағзасының маңызды компоненті. Түрлі жағдайда көп қан жоғалту – адам өмірі үшін қауіпті. Осындай сәтте тіршілік нәріне бір тамшы қанымен өмір сыйлаушы донорлар көмекке келеді. Статистикаға сүйенсек, жыл сайын 200 мыңнан астам қазақстандық қан тапсырады екен. Соның ішінде 18 мыңға жуығы үш және одан да көп рет қан тапсырушылар қатарында.Мұндай жұмыс миллиондаған адамның өмірін құтқарумен қатар көптеген науқастың өмір сапасын арттыруға мүмкіндік береді. Сол себепті өтеусіз донорлар мен еріктілер, түрлі ұйымдар ел ішінде донорлықтың дамуына ерекше үлес қосып жатқанын мойындауымыз керек.Донор болу – өзгеге өмір сыйлау бақыты. Ауыр хәлде азаптанып, жаны қиналғанға қол ұшын созу арқылы әрі қарай өмір сүруге мүмкіндік беруден артық қуаныш бар ма?! Донор болудың өзге де пайдасы жоқ емес. Адам денесінде 5 литр қан бар болса, соның 500 миллиграмын алғанда, ол сол көрсеткішке азаяды. Берілген қанды қалпына келтірмегенмен, жаңа жасушалар пайда болып, қайтадан толығады, яғни адам ағзасы өздігінен жаңарады. Дәрігер-трансфузиолог Гүлнәр Әлібекқызы «Орталықта күніне шамамен 30-40 адам қан тапсырады. Жасы 18-ден асқан әрбір азамат алдын-ала тексеруден өткеннен кейін донор бола алады. Ал қан тапсыру үшін алдымен дәрігердің қарауынан өтуі тиіс. Себебі оның денсаулығы жақсы болуы шарт. Ешқандай диспансерлік есепте тұрмайтын, созылмалы аурулары жоқ азамат қана донор болып қан тапсыра алады. Бұдан басқа қан тапсырар алдында да бірқатар дайындық бар. Бір күн бұрын майлы тамақ жемеу, соңғы екі күн ішінде ішімдік ішпеу, түнде жақсы тынығып ұйықтап келу қажет. Әрбір донордан 450 мл көлемінде қан алынады», – дейді маман.Облыстық «Жастар ресурстық орталығының» жанынан құрылған «Волонтерлар фронт офисінің» еріктілері облыстық қан орталығына барып, донор болуда. Дәрігерлердің сөзінше, қан тапсырушылар қатары әдеттегіге қарағанда 2-3 есе артқан. Тиісінше медицина ұйымдары уақытылы қан компонентерімен қамтамасыз етілуде.

Қызылордалық жастар донор болуда белсенді

<a href="https://kyzylorda-news.kz/ru/">Kyzylorda-news.kz</a>. Қала әкімдігіне су жаңа фотоаппараттың енді алынған кезі. Заманауи үлгідегі штативі бар құрылғы көздің жауын алады. Мұндай дүниенің бағасы арзан болмайтыны белгілі, екінің біріне бұйыра бермейтін құрылғының құны шарықтап тұрған уақыт. Сол фотоаппаратпен қала әкімнің қимылын қалт жібермей таспаға басу жас фототілші Нұрболатқа жүктелген. Оңай жұмыс емес. Бірақ жас маман қорабынан енді шыққан жақын «досын» қолға асып, әрі-бері жүгіріп жүр.Маңызды шара жалғасып, әкім-қаралар нысандарды аралап келеді. Сондай бір асығыс сәтті сырт еткізіп, өзге операторлар сынды штативін арқаға асқан Нұрболаттың фотоаппараты жерге құлап түспесі бар ма?! Қас қылғандай қала әкімінің дәл алдына шашылған... Қайтпек керек?! Әкімнен бастап бәрі оқыс оқиғаға аңтарылып қалыпты. Енді бірі шашылған құрылғыны құрастырмақ болып жерге иілген сәтте... Әңгімені осы жерден тоқтата тұралық…Бұл бүгінде нағыз маманға айналған Нұрболаттың он жыл бұрынғы бейнесі еді. Араға талай жыл салып, талай тәжірибеден өткен хас маманның қазіргі қызметі тым бөлек. Қашанда ширақ, өзінен бұрын суреттері сөйлеп тұратын фототілші Нұрболат Нұржаубай пандемия кезіндегі еңбегі үшін «Халық алғысын» иеленді. Суреттері мақалаға әр беріп, газет бетін әп-сәтте түрлендіріп жіберетін әріптестің қызық пен қиындыққа толы қызмет жолын асықпай әңгімелейік.Ең бірінші фотографМектепте оқып жүріп суретке түсірем деп ойламаса да сурет салуды жақсы көрді. Еңбек сабағына ерекше қызығып, гипстен жасаған елтаңбасы облыс бойынша бас бәйгені алған сәтте де болашағын фотоаппаратпен байланыстыра қоймаған. Кейін тәртібі жақсы оқушы Қызылорда агротехникалық колледжінің «компьютерді жөндеу техникалары» мамандығына өз қалауымен оқуға түсті. Мектепке әкелінген компьютерді алғаш көргенде техникаға деген қызығушылығым оянды дейді өзі. Қазір кез келген адамның қолынан табылатын компьютер ол тұста тек мекемелерде болатын, соған сай қат дүниенің тілін білетін маманның аз болуы да заңды құбылыс еді. Колледж қабырғасындағы үш жыл үш күндей зулап, &nbsp;техниканың барлық функциясын үйренген Нұрболат оқу орнын бітірісімен Белкөл әкімшілігіне іс-тәжірибеден өтуге бел байлады. Ол кез теңгенің құны бар уақыт. Сосын ғой жас маманның айына алатын алты мың теңгесі үйіне де, өзіне де жетіп артылып жүргені. Үш мың теңгесін үйге беріп, үш мыңын өзі жұмсайды. Еңбегі өнімді, өзі көңілді…Арада бір жыл өткен соң қала әкімдігінің ақпараттық талдау бөліміне жұмысқа орналасқан. Бұл уақытта жас маманның беталысы бұрынғыдан өзгерек... Шаруаның алды-артын ертерек қамдайды, бәріне үлгереді, жұмысы да бұрынғыдай жеңіл емес, күн сайын жаңа жауапкершілік артып жүрген кез. Бағына орай сол уақытта қала әкімдігінің баспасөз қызметінде фото және бейнеоператор бөлімі ашылды. Телеарна қызметкерлерін шақыртпай, жылдам ақпарат тарату үшін әкімдік осы бастаманы қолға алған. Мұндай жауапты қызметке маман іздеген сәтте бәрінің аузына алдымен Нұрболат түсті. «Бітер істің басына, жақсы келер қасына» дегендей жас маман да әкімдіктің жаңа ұсынысынан бас тартпай, компьютерді қоя тұрып, бейнекамераны жақын тарта бастайды. Сырт көзге бейнетаспаға түсіріп, суретті шығарып беру оңай көрінуі мүмкін. Шындап келгенде олай емес, оператор қызметіне үйрену үшін бір жыл уақыт керек болды дейді Нұрболаттың өзі.Қала әкімдігінен қауырт басталған қызмет арада біраз жыл өткен соң нағыз шығармашылықтың ортасы «Сыр медиада» жалғасты. Бірақ фотограф қала әкімдігінен байланысын үзген емес. Ауық-ауық журналиспен бірге ірі жиындарда төбе көрсетіп, маңызды сәттерді таспаға басып қоя береді. Бірақ ең маңыздысы ол емес. Көпшілік Нұрболат Нұржаубайдың қала әкімдігіндегі ең бірінші фотограф екенін біле бермейді. Ал бұл фототілші үшін ең әдемі естелік екені сөзсіз. Сол үшін де болар фотограф әлі күнге қолы қалт етсе қаланың көркем бейнесін суретке түсіруге құмар. Ықыласпен жасалған дүние болған соң, қала тақырыбындағы суретін көрген адам да таңдай қақпай кетпейтіні бар…Суреттері сөйлеп тұр«Сыр медиа» орталығы сырттай үнсіз көрінгенмен, іштей ақпараттар үздіксіз жаңарып, қызу қайнап жататын орта. Аймақ халқы үшін апта сайын ақпарат тарататын төрт газетке де Нұрболаттың суреттері басылады. Қиындығы сол, қай &nbsp;редакцияға сурет керек болса да Нұрболатқа қолқа салады. Кейде журналистердің шарасы мен сұхбаты бір-біріне қат-қабат келіп, фототілшінің фотоаппараты кімді, нені түсіретінінен жаңылысып та жатады. Бірақ сырбаз суретші ондай сәтте асып-саспайды. Бір орында байыз таппайтын журналиске шараның да, сұхбат кейіпкерінің де суретін табыстап, өзі әрмен қарай кезекті түсірілімге кете береді. Кейде қаланы қойып, аудан мен ауылды нысанаға алады. Сосын апта айналып өтпейінше «Сыр медиа» газеттері су жаңа суреттермен толығып тұрады. Таң қаласыз, таңдай қағасыз содан. Осыдан соң фототілшінің еңбегін қалай бағаламайсыз?! &nbsp; &nbsp;&nbsp;Нұрболаттың кәсіби фототілшіге айналуына ықпал еткен адамның бірі ‒ Болат Омарәлиев. Талай тау тұлғаларды таспаға басқан Болат ағаның жас маманға үйреткені көп. Бірде Болат ағаның жаяу жүргінші жолында өтіп бара жатқан «ақылды» итті суретке түсіргенін естіген Нұрболат та сондай жағдайға тап келеді. Талай жылдар адамның досына айналған кәдімгі ит көшені кесіп өтпей, дәл жолақпен кетіп барады. Қайталана бермейтін сәт екенін фототілішінің де іші сезіп тұр. Қас-қағым сәтті фотоаппартқа енді ала бергенде, көлік артына келесі бір жолаушының қинала тоқтамасы бар ма?! Сонда барып көше жиегіне рұқсатсыз тоқтағанын түсінді. Амал бар ма, «ақылды» ит те сол сәт жаяу жүргіншілер жолынан өтіп кеткен... «Кейде осылай қас-қағым сәттер көз алдыңнан жылдап өтіп кетеді», ‒ дейді фототілші.Бір қызығы, фотографтарда арнайы жоспар болмайды. Журналист тәрізді «ертең ана тақырыпты, бүгін мына тақырыпты қаузаймын» деп теңселіп жүрмейді. Тек маңызды сәттерде нені нысанаға алу керегін біледі. Фототілшіге соның өзі жеткілікті. Тақырып басында Нұрболаттың «Халық алғысын» алғанын айттық. Екінің біріне берілмейтін марапат десе, фототілшінің карантин кезінде дамылсыз жұмыс істегені еске түседі. Жұрт қашықтан қызмет етіп, үйде отырып үріккенде фотограф аурухана мен блок-бекеттердің арасында жүрді. Онда қорқыныш болмады емес, болды. Тіпті үйіндегі кішкентай ат ұстарына ауру жұқпасын деп, жұмыстан қайтар уақытта қолын қайта-қайта жуып, қорғанып жүрді. Бірақ жұмыс жауапкершілігін өзгеге артпады. Кейде блок-бекеттен өте алмай тұрған халықпен бірге қиналды. Енді бірде дәрігерлердің тоңып жүріп, жүгіре қызмет еткенін көріп жігерленді. Келесі сәтте дертпен арпалысқан науқасты көріп жаны түршікті. Сонда да азаматқа лайық болмысымен сыртқа сыр білдірмей, күндіз-түні тарихи сәттерді таспаға түсіре берді. Елдің қиындықпен қалай күресіп жатқанын бір ауыз сөз айтпастан, айна-қатесіз басылым беттеріне ұсынды. Оның суреттері сөйлеп те, әлемге ортақ қиындықты сездіртіп те тұрды... &nbsp;&nbsp;Бүгінде фототілшінің талай жылғы жинағында он мыңдаған сурет бар. Мақала басында әкім алдына құлаған фотоаппарат жайлы айтқан едік, енді осы жерде аяқтаудың орайы кеп тұр. Бәрі аңтарылып тұрғанда, әкім ғана тыныштықты бұзып: «Ақшаң көп пе?», ‒ деді сонда. Құрылғының қаншалықты қымбат екенін астарлап айтқаны ғой. Сол сәт маманды ерекше ширатты, есейтті. Фотоаппарат та жөнделді. Содан кейін Нұрболат қызметінде өрескел қате жіберген емес.

Қызылордалық фотографтың жинағында он мыңдаған сурет бар 

<a href="https://kyzylorda-news.kz/">Kyzylorda-news.kz.</a> Қызылорда қаласында «Атадан мұра» қоғамдық қорының ұйымдастыруымен ІІІ Республикалық «Ұлы дала ұрпақтары» байқауында оза шауып, Алматы қаласына жолдама алып, бас жүлдені қанжығасына байлап келген Жаңақорған аудандық «Заңғар» интеллектуалды мектебінің биші қыздары ерекше өнерімен көзге түсіп, дара шықты.Аталмыш топ небәрі бір жылдың ішінде тыңғылықты дайындықтың нәтижесінде бірнеше байқауда бақ сынап, жеңіс тұғырынан көрініп келеді. Байқау – балалар өнерінің шыңдалар тұсы. Жыл бойы ұстаздың сіңірген еңбегі мен баланың жинаған рухани қорының кеңінен танылып, сараланар тұсы. Өзге замандастарымен үзеңгі қағыстырып, шыңдалу арқылы тәжірибе жинау. Иі қанып, толықтай бойына сіңірген бір шығарма арқылы бар көркемдік пен табиғаттың берген дарынын көрсетуге үлкен мүмкіндік әрі зор жауапкершілік. «Заңғар» мектебінің балауса қыздарын өнерге баулып, би өнерінің қыр-сырын үйретіп жүрген ұстаз Идрис Несібелі Өмірзаққызы би өнері мамандығын тәмамдап, ұстаздық етуді мұрат етіпті.&nbsp;<blockquote>«Қыркүйек айынан бастап би үйірмесін жүргізіп келемін. Бір емес бірнеше топпен жұмыс жасаймын. Оның ішінде бірінші сынып оқушыларынан осы он қызды таңдап алып, тыңғылықты жұмыс жасап, «Айбике» тобын құрдық. Енді міне түрлі байқауларға қатысып жатырмыз. Жетістікке жету үшін көп еңбек қажет. Сондықтан баланың өнерін дамытып, талабын ұштау ұстаздың міндеті. Мен бұл жауапкершілікті жүрегіммен сезінемін. Өзімнің қыздарыма да бар білгенімді үйретіп, үнемі ізденіп отырамын. Соның нәтижесінде дүбірлі додада оқ бойы озық шығып, биіктен көріндік. Енді атаулы байқаудың супер финалы шілде айында Түркістан қаласында өтеді. Бұл үлкен жауапкершілік. Сондықтан да, дайындықты бастадық» дейді жетекші Несібелі.</blockquote>Бір қуантарлығы, қандай байқау болсын, барлығына да ұлттық биді дайындайды екен. Жетекшінің сөзінше, қазақтың ұлттық биі өте ауқымды, қимылдары ерекше екен.<blockquote>«Қазақтың халықтық би өнері ерте заманнан қалыптасқан, халқымыздың аса бай ауыз әдебиетімен, ән-күйлерімен, дәстүрлі тұрмыс- салтымен біте қайнасып келе жатқан ел мұрасы деуге болады. Қазақ биі тұнып тұрған әсемдікті бейнелейді. Әсіресе қазақ қыздарының билері ерекше сипатқа ие. Қарап отырсақ қазақ халқы әуенге, ырғаққа, әсемдікке өте бейім халық. Сондықтан да, қазақтың ұлттық биі арқылы көп нәрсені түсіндіруге болады, мағынасы терең. Мысалы, Алматы қаласына дайындап алып барған «Соқыртеке» деген бидің ортасында ойын бар. Біз өзге топтардан ерекшелеген де осы тұсымыз» &nbsp;деп алдағы қорытынды кезеңге де күрделі ұлттық би дайындап жатқанын тілге тиек етті.</blockquote>

Жаңақорғандық бүлдіршіндер жеңіс тұғырында

<a href="https://kyzylorda-news.kz/">Kyzylorda-news.kz.</a> Жаңақорған аудандық төл басылымы – «Жаңақорған тынысының» 90 жылдығына орай аудан орталығындағы Адырбек Сопыбеков атындағы кітапханада аудандағы ардагер журналистер, көп жылдар газетпен қарым-қатынасын үзбей, тұрақты авторы болып келе жатқан тұлғалар бас қосып, шығармашылық кеш болып өтті.Жиынды ашқан аудандық Мәдениет және спорт бөлімінің басшысы Әбілқайыр Сыздықов оқырманға күнделікті ақпаратты жеткізіп отыруда байыпты сараптама, нақты тұжырымға ғана сүйенетін баспасөздің маңызына тоқталып, тоқсан жылдық тарихы бар төл басылымның беттерінде таңбаланған өміршең тарихтың өнегелік маңызына тоқталды. Секунд сайын жаңаланып отыратын сайттардан газетті айрықшалайтын басымдықтарға тоқталып, газеттің биылғы атаулы мерейтойына мән дарытатын маңызды жобаларды ортаға салды. Келесі кезекте оқырмандар экраннан газеттің шежіресіне арналған бейнесюжетті тамашалады.Бүгінгі жиынның қонағы, ҚР Ақпарат саласының үздігі, Қазақ журналистикасының қайраткері, аудандық «Ардагерлер мерейі» газетінің бас редакторы Пахмаддин Айнақожаев сөз алып, өз өмір жолы туралы айта келе әріптестері туралы еске алды. Газеттің қай кезеңде де зияткерлік сананы қалыптастырушы, қоғамдық көзқарасты тудырып отыратын қуатына тоқталды. Газеттің әр жылдары редакторы болып, оған жаңа леп, жаңа тыныс әкелген тұлғалар Айдархан Бибасаров, Алмас Бекжігітов, Қаныбек Әбдуов, Нұрлат Байкенже сынды редакторлардың еңбектеріне тоқталды.Сол сияқты руханият жанашырлары қатарында Еуразия ассоцациясының тарихи мұраларды насихаттау қоғамының құрметті мүшесі, Жаңақорған ауданының құрметті азаматы, зейнеткер-тарихшы Шайдарбек Әшімұлы, ауылшаруашылығы саласында бірнеше рет аудандық, облыстық жарыстардың чемпионы, кезінде аудандық кеңестің депутаты болған, газетіміздің қазір де тұрақты авторы, қосүйеңкілік қаламгер Мұсабек Қалмұратовтар да өз кезегінде мазмұнды естеліктерімен бөлісті. Одан әрі ардагер журналист Ерубай Қалдыбек сөз алып, өзінің төл басылымда 2000 жылдардан бастап фототілші қызметін атқарған жылдар бедеріндегі суреттер шежіресі мен газет тігінділерін архивінде сақтап келе жатқандығын айтты.Ардагер журналистермен кездесуде оқырмандар қатарында кент орталығындағы білім ошақтарында оқитын, келешекте тілші боламын деп талаптанып жүрген шәкірттер кезекпе-кезек сауалдарын қойды. Олар өздері таңдаған мамандығының болашағы тұрғысында ой қозғады. Қазіргідей аудиторияның түрліше коммуникациялық арналарға көшуі қоғамның баспа басылымдарына қызығушылығын төмендетпей ме деген сауалын қойып, газет пен телерадионың жағдайына алаңдайтындарын да жасырмады. Оларға берген жауабымыз, мәселе халыққа ұсынылатын контенттің сапасына байланысты. Мәселен, өркениетті озық мемлекеттердің өзінде газет өмір сүріп келеді. Тіпті элиталық газеттерге сұраныс басым. Зиялы қауым өкілдері таңғы және кешкі стол басында басылымдардың жаңа нөмірін парақтап отырмаса бойына ас батпайтындай. Өйткені оның әлеуметтік желідегі қадағаланбайтын ақпарат тасқынынан айырмашылығы, авторлық сараптамалар, нақты деректерге жүгінген журналистік зерттеулер маңызды. Бүгінде баспа басылымдары әлі де негізгі ақпарат көзі болып отыр. Газет оқуға деген қызығушылық неғұрлым ересек кісілер арасында әлі де жойылған жоқ.Сондай-ақ, күн сайын теледидар алдында отырып, төрткүл дүниенің жаңалығына құлақ түретіндер де осы жастағылар. Сондықтан бұл екеуінің тынысы жалғаса берері анық. Бүгінде отандық ақпараттық контенттің бәсекеге қабілеттігі мен сапасын арттыруға барлық жағдайлар қарастырылуда. Ақпараттық Доктрина жобасы әзірленіп, жан-жақты талқылауға ұсынылды. Президент тапсырмасына орай дайындалған Доктринаның мақсаты – ақпараттық кеңістікті, отандық медианы қолдау және ақпаратқа қолжетімділікті арттыру болып отыр. Ақпараттық кеңістікте ұлттық құндылықтарды ұлықтайтын бұл құжат жалпыұлттық және әлеуметтік дүниетанымның тұтас жүйесін қалыптастыруға жол ашады, саланы сапалық деңгейге көтеретін болады. Мықты медианы қалыптастыруда медиа тұтыну мәдениеті де маңызды.Осы орайда жергілікті жерде де газет оқырмандарының жетпіс пайызға жуығын зиялы қауым өкілдері құрайтыны көп жайтты аңғартады. Зиялы қауым өкілдері дегеніміз – мұғалім, дәрігер, руханият саласының өкілдері. Сондықтан алдағы уақытта БАҚ құралдары өкілдері де өз жұмыстарын одан әрі ширатып, қоғамның алдында жүретін көшбасшы тұлғаларға айналуы тиіс. Біз жас оқырмандармен осындай ой-тілектерімізді бөлістік.

«Жаңақорған тынысы» газетінің 90 жылдығы аталып өтті

<a href="https://kyzylorda-news.kz/">Kyzylorda-news.kz.</a> Жаңақорған ауданында жастарды қолдау мақсатында &nbsp;6 бағыт бойынша жұмыс жүріп жатыр. Кәсіптік бағдарлау, кәсіби оқыту, жұмыспен қамтуды қамтамасыз ету, жастар кәсіпкерлігін дамыту, жастарды әлеуметтендіру мен ұйымдастыру әдістемелік шаралар қамтылған. «Дипломмен – ауылға!», «Серпін», «Баршаға бірдей тегін техникалық және кәсіптік білім беру», «Жас кәсіпкер» бағдарламалары осының жемісі.&nbsp;Ауданда өткен жылы 2633 жас жұмыссыз ретінде тіркелсе, олардың 699 тұрақты жұмыспен қамтылыпты. Аудандық халықты жұмыспен қамту орталығының директоры Жаңабек Тұрлыбековтың айтуынша, аудандағы жұмыссыздық деңгейі жылдан-жылға азайып келеді.<blockquote>«Ағымдағы жылы ауданымызда жастар практикасына-301, қоғамдық жұмыс орындарына – 403 адам, «Бастау бизнес» жобасы бойынша оқуға – 904 адам қатысып, оның – 167-і грант алды. Ал, қысқа мерзімдік курстан -8 жас өтіп, барлығы дерлік жұмысқа орналасты, әлеуметтік жұмыс орындарына -25 адам қамтылды. Бізге тіркелген жастардың барлығына мүмкіндігінше жұмыс көзін тауып беруге жұмыс жасаймыз. Әйсте де, аудан орталығындағы кафе мен дәмхана иелері әрбір жәрмеңкеде қарапайым жұмысшыға сұраныс береді. Соған баратын маман таппаймыз. Бос орын жұмыс жәрмеңкесінде аспазшы, дәнекерлеуші, құрылысшы, көлік жүргізуші және т.б мамандық бойынша сұраныс көп болады. Бірақ ондай жұмыстарға жастар бармайды, тәжірибесі болмаса да бірден жоғары дәрежелі қызмет атқарғысы келеді» дейді Жаңабек Тұрлыбеков.</blockquote>Бұл жөнінде, жастардың пікіріне келсек, болмашы қаржыға бейнеттенуді қаламайтындарын алға тартады. Одан гөрі шетел асып болса да, айына 500 мыңға жуық табыс табуды дұрыс санайды екен. Қандөз ауылының тұрғыны Ержан Мадиярды әңгімеге тартып едік.<blockquote>«Менің екі дипломым бар. Оқуды бітіріп келгеннен кейін жұмысқа орналасайын десем жұмыс жоқ. Қаншама есікті қағып, біраз басшының алдынан өттім. Жұмыстың ыңғайы болмағаннан кейін Ресей еліне қара жұмысқа кеттім. Онда табыс жоғары. Бірақ, ауарайы қатты суық әрі жұмыс ауыр. Екі жыл істеймін деп денсаулығым сыр беріп, елге қайттым. Қазір бір жыл болды жұмыс іздеп жүрмін. Жұмыспен қамту орталығына жұмыссыз ретінде тіркелгенмін, кәсіпкерлік бағытында оқып, сертификат алдым. Алайда, ол грантты алмақ түгілі, тіркеле де алмадым. Қаншама рет бардым. Өз мамандығым бойынша жұмыс табылмаса да, қолымнан келетін кәсіпті бастауға ниеттеніп едім, ол да болмады. Енді қайтадан Ресейге барғалы жатырмын» деді көңілі құлазып.</blockquote>Ал, кент тұрғыны Самат Егембердиев «танысың болмаса тасада қаласың» дегенді алға тартты.<blockquote> «Жасыратын несі бар, жұмысқа тұру бізде үлкен мәселе ғой. Әуелі танысың, сосын қалтаңда қаражатың болу керек. Өзім еңбек пәнінің мұғалімімін. Әлі күнге дейін тұрақты жұмысым жоқ. Жұмыссыздыққа тіркелгенмін. Олар бірнеше рет сауда үйлерінде, тамақтану орындарында жұмыс барын айтты. Алайда, ондай жұмысты істейтін болсам, жоғарғы оқу орнында оқымас едім ғой» дейді қынжыла.&nbsp;</blockquote>Осы тұста, «Атамекен» ұлттық кәсіпкерлер палатасының Жаңақорған аудандық филиалының директоры Асылжан Жолдасбековпен тілдесіп, тұшымды пікірін тыңдағанды жөн көрдік.<blockquote>«Жастардың «екі қолға бір күрек» таппай, қол қусырып жүргені көңілге қаяу салады. Бүгінде мемлекет тарапынан қаншама бағдарламалар қарастырылып жатыр, белгілі бір мамандықты оқытып та жатыр. Меніңше, адамда ниет болу керек. Білемін, ел арасында түрлі көзқарас бар. Шын мұқтаж адам тиісті қаражатты ала алмай, жағдайды орнықтырар мүмкіндікті пайдаланып жатыр деген пікірлер бар. Қазір 400 АЕК яғни 1 225 200 теңге қайтарымсыз грант алып жатыр. Бұл аз ақша емес, кәсіпті дөңгелетіп кетуге әбден болады. Осыған орай, талаптары да қатаңдатылып жатыр. Басым бағытты жастарға беруде. Сондай-ақ, грант алған адамды маниторингтік топ бір жылға дейін қадағаласа, енді үш жылға дейін тексеріп отырады. Осындай өзгерістерден кейін, кім көрінген бұл қаражатты ала бермейді. Негізі, кез келген адам қандай да істі бастауға ниет етіп, бірақ неден бастарын білмей жүрсе, бізге келіп, кеңес алса болады» дейді палата басшысы.&nbsp;</blockquote>Жасыратыны жоқ, бүгінгі жастардың ойлау қабілеті өзгеше. Екі жастың әңгімесіне құлақ түрсек, заманауи техниканың игілігі мен кәсіп дамытудың жолдары туралы түрлі ақпараттарға қанығасыз. Олар қалай ақша табу керектігі мен өзін дамытудың түрлі тәсілдерін меңгерген. Өзгені сөз етпегенде аудандағы кәсіпкерліктің 60 пайызы отыздан аспаған жастарға тиесілі. Мұның өзі жастардың экономикадағы белсенділігін аңғартады. Мұны жастар ресурстық орталығының директоры Наурызбай Орынбасаров та растады.<blockquote>«NEET санатындағы жастарды анықтау мақсатында үйлерді аралау жұмыстарын жүргіздік. Арнайы әзірленген сауалнамаға 15-28 жас аралығындағы 17944 жастың 80,1% (14390 жас) ерікті түрде қамтылды. Бұл аудандар ішіндегі ең жоғары жастар үлесінің камтылу көрсеткіші. Сауалнаманың қорытындысына сәйкес NEET жастары 5,2%-ды (928 жас) құрайтыны анықталды. Өткен жылы 115 жас, жастар тәжірибесіне – 58 жас, тұрақты жұмыспен 21 жас қамтылды. Сондай-ақ жазғы маусымдық егістік жұмыстарына 207 жас тартылған. NEET санатындағы жастарды әлеуметтендіру бойынша «Білгеніңмен бөліс» жобасы аясында тігін, қолөнер курстарына 28 жас тартылды. NEET санатындағы 20 жасқа бүгінгі күні нарықта үлкен маңызға ие болып табылатын СММ дағдылары, Таргет, Мобилография бойынша кең көлемді ақпараттар беріліп, курстар ұйымдастырылды. Сонымен қатар, «Жастар ресурстық орталығы» КММ және аудандық жұмыспен қамту орталығының ұйымдастыруымен «Мүмкіндіктер алаңы» шарасы өтіп, әр түрлі мамандықтар бойынша 14 жас «Жастар тәжірибесі» бойынша бос жұмыстарға жолданса, 25 жасқа «Бастау бизнес» бағдарламасына қатысу бойынша консультация берілсе, тағы 15 жас «ЖанАрай» агроиндустриалды кешеніне экскурсияға аттанып, тәжірибелі кәсіпкермен кездесті. Сонымен қатар аталған категорияға жататын 7 жас «Перспективалық және инновациялық жобалар» байқауына қатысып, кәсіпкерлік бастамаларына қолдау көрсетілді. Жұмыспен қамту орталығына тіркелгендерден бөлек, тіркелмеген жастар бар. Сол себепті де, үй-үйді аралап, мәліметтерді жинақтаудамыз. Негізгі мақсатымыз олардың әлеуметтік статусын анықтап, тізімін жасақтап жатырмыз» дейді Наурызбай Ерікұлы.</blockquote>Сонымен қатар, «Дипломмен ауылға» бағдарламасының іске асырылуы бойынша жүргізілген мониторинг жайлы аудандық ауылшаруашылығы бөлімінің басшысы Талғат Зейдалиевке жолықтық.<blockquote>«Дипломмен ауылға» мемлекеттік бағдарламасы бойынша 2022 жылға тұрғын үй сатып алу мақсатында 126 маманға 578 907,0 мың теңге қаражат қаралды. Бүгінгі таңда 127 маманға бюджеттік несие түрінде тұрғын үй сатып алуға 578 907,0 мың теңге әлеуметтік қолдау шаралары көрсетілді. Оның ішінде білім беру саласына 73 маманға, денсаулық сақтау саласында 38 маманға, мәдениет саласында 2 маманға спорт саласында 5 маманға, агроөнеркәсіп кешені саласындағы 9 маманға тұрғын үй сатып алу үшін несие берілді. Сонымен қатар, 127 маманға 38 900,1 мың теңге көлемінде бір реттік көтерме жәрдемақы төленді. Оның ішінде білім беру саласына 53 маманға, денсаулық сақтау саласында 45 маманға, әлеуметтік қамсыздандыру саласында 1 маманға, мәдениет саласында 5 маманға, спорт саласында 10 маманға, агроөнеркәсіп кешені саласындағы 13 маманға бір жолғы көтерме жәрдемақы төленді. Ал 2023 жылы 108 маманға тұрғын үй сатып алу үшін бюджеттік несие беру жоспарлануда» дейді Талғат Зейдалиев.</blockquote>Иа, ауданымыздағы жастардың жайын бағамдадық. Енді өзге елдердің тәжірибесін де байқап көрейікші. NEET жастар көрсеткіші аз елдерге Норвегия, Жапония, Сингапур мен Люксембургті айтуға болады екен. Аталған елдердің тәжірибесі де тиімді саналады. Мәселен, Жапонияда қажетті дағдыларды дамытуға қолдау бар. Олар жастардың бұл санатын зерттеп, өз-өзін дамыту бағдарламаларын жасайды. Сонымен бірге дамыған елдерде студенттерді жұмыс істеуге университет қабырғасынан бейімдеуді қатты қадағалайды екен. Тіпті, тағылымдамадан өтуге барған жерінде жұмысқа алу, қосымша ақы төлеу жағы да қарастырылған. Байқасаңыз, мұның өзі студентті қанаттандырары хақ. Яғни, баланың білім алуына кішкентайынан инвестиция салуды көздейді емес пе?P.S.: Елдің ертеңін ойлаған кез келген адам жастарға жағдай жасап, олардың білімі мен білігін шыңдап, бос уақытында спорттық және мәдени секцияларға қатысып, тұлға болып қалыптасуына мүмкіндік туғызуы тиіс-ақ. Нәтижесіне уақыт төреші...

Жаңақорған ауданында 699 жас тұрақты жұмыспен қамтылды

​<a href="https://kyzylorda-news.kz/">Kyzylorda-news.kz.</a> Жақында Қазалы ауданында кәсіпкер әйелдердің бизнес-форумы ұйымдастырылды. Оған аудан бойынша кәсіппен айналысатын 80 бизнес-ханым қатысты.&nbsp;Жоғары деңгейде өткізілген форум жұмысы қыз-келіншектерден құралған бизнес өкілдері ұсынған өнімдер көрмесінен басталды. Көрмеге қолөнер бұйымдары, ұлттық аспаптар мен әшекейлер қойылған.&nbsp;Қазір Қазалы ауданында шағын бизнес субъектілерінің 50 процентке жуығын әйелдер құрайды. Аудан әкімі Мұхтар Оразбаев форумға қатысушыларды мерекемен құттықтап, саланы дамытуда кәсіпкер әйелдердің үлесі орасан екенін тілге тиек етті.&nbsp;Сондай-ақ, форумда облыстық кәсіпкерлік және өнеркәсіп басқармасының өкілі Ботагөз Бектібаева, «Банк Центр Кредит» АҚ Қазалы ауданындағы бөлімше директоры Абылайхан Бәймішев, аудандық әйелдер кеңесінің төрайымы Роза Асанова хабарлама жасап, саланың өзекті мәселелері мен жетістіктері талқыланды. Форум аясында қатысушылар өз бизнестерінің шыңына шығу жолында жеткен жетістіктерін баяндады. «Қазалы кәмпиті» брендін қалыптастырушы, кәсіпкерлік саласының үздігі Фатима Қазбергенова, «Шапағат» мүгедек балаларды сауықтандыру орталығының және «Ханшайым» жеке балабақшасының меңгерушісі Шынаркүл Жеңсікбаева бизнес бастаудың жолында кездесетін түрлі кедергілер туралы айтып, тәжірибелерімен бөлісті.&nbsp;Кәсіпкерлік басқосу соңында ауданда кәсіпкерліктің дамуына үлес қосқан бірқатар іскер қыз-келіншектер аудан әкімінің Алғыс хаттарымен марапатталды. Сонымен қатар, форум қатысушыларына «Шапағат» мүгедек балаларды сауықтандыру орталығының тәрбиеленушілері дайындаған қолөнер бұйымдары тарту етілді.

Қазақстан және Қызылорда облысының жаңалықтары