<a href="https://kyzylorda-news.kz/">Kyzylorda-news.kz.</a>&nbsp;Сәуір айында Шиелі ауданындағы спорт саласында бірқатар қуанышты жаңалықтар орын алуда. Сол жаңалықтардың бірі ретінде Шиелі кентінде ашылған "Барыс" спорт кешенінің ашылуын айтуға болады.Жеке кәсіпкер Жанболат Серікболсынұлының демеушілігімен ашылған спорт кешенінде 320-дан астам бала спорттың 6 түрінен тәлім алуда. Атап айтарлығы үйірмелердің барлығы балалар үшін толықтай тегін қызмет етеді."Игі істің басына – жақсы келер қасына" демекші, спорт кешенінің ашылу салтанатына аудан әкімі Нұржан Сәбитұлы да арнайы қатысып, жеке кәсіпкер Жанболат Серікболсынұлына шынайы алғысын білдірді. Сондай-ақ, спорт кешенінде тәлім алатын жас жеткіншектер болашақта әлем чемпиондары атансын деген ақжарма тілегін білдірді.Мұнан соң, аудан басшысы Жанболат Серікболсынұлының әкесі Серікболсын Жұртшыбайұлын еске алуға арналған қазақша күрестен жасөспірімдер арасындағы турнирдің финалдық кездесулерін тамашалап, жеңімпаздарға арнайы жүлделер табыстады.Айта кетейік, ҚР Президентінің Жолдауынан туындайтын міндеттер қатарында халықты, оның ішінде ең алдымен балаларды дене шынықтырумен және бұқаралық спортпен айналысуға белсенді тарту, сондай-ақ спорт секцияларын ашу және балалар үйірмелерінің қызметін қалпына келтіру міндеті қойылғаны белгілі. Осы орайда Шиелі ауданындағы ашылған спорт кешені халықты бұқаралық спортпен шұғылдануына жағдай жасайтыны сөзсіз.<img src="https://knadmin.beoblood.kz/uploads/340612601_2371332656367628_6301583744566926619_n_ab80647fda.jpg" alt="340612601_2371332656367628_6301583744566926619_n.jpg"><img src="https://knadmin.beoblood.kz/uploads/340025513_904728390745975_5037075963071939316_n_5a97bcc7b7.jpg" alt="340025513_904728390745975_5037075963071939316_n.jpg">

Шиелі ауданында игі істер жалғасын тапты

<a href="https://kyzylorda-news.kz/">Kyzylorda-news.kz.</a> Асылы, &nbsp;әрбір &nbsp;ұстаз &nbsp;ақ &nbsp;тілеулі &nbsp;ана &nbsp;тәрізді. &nbsp;Ақ &nbsp;пен &nbsp;қара &nbsp;деп &nbsp;қарамай, &nbsp;барлық &nbsp;баланың &nbsp;бойынан &nbsp;жақсылық &nbsp;іздейтін &nbsp;ізгі ниет &nbsp;иесі. &nbsp;Бұлақ &nbsp;көрсе &nbsp;көзін &nbsp;ашып, &nbsp;шәкірті &nbsp;өзінен &nbsp;асып &nbsp;түссе &nbsp;көңілі &nbsp;толып, &nbsp;бар &nbsp;ғұмырын &nbsp;балаға &nbsp;арнаған &nbsp;қарапайым да қайсар &nbsp;жандар, &nbsp;елдің &nbsp;ұйытқысы &nbsp;ұстаздар. Аққұм ауылындағы А.Бисенов атындағы №38 орта мектептегі үздік педагогтардың бірі, қазақ тілі мен әдебиеті пәнінің мұғалімі Жанар Шілдебаева да талай шәкірттің қанатын қатайтып, саналы білім берген білікті маман.&nbsp;Қазіргі заманғы білім беру жүйесінің негізгі мақсаты – бәсекеге қабілетті маман дайындау. Мектеп – оқу-білімге үйрететін орта болса, оның жүрегі – мұғалім. Білікті, білімді, ұлағатты ұстаз атану, осы қасиетті ұғымды қастерлеп, қадір тұту, арындай таза ұстау – әр мұғалімнің борышы деп білеміз. Ізденімпаз мұғалімнің шығармашылығындағы ерекше тұс – оның сабақты түрлендіріп, тұлғаның жүрегіне жол таба білуінде. Білім &nbsp;берудегі &nbsp;педагогикалық &nbsp; ұстанымның &nbsp;негізгі &nbsp;мәні – оқушылардың ой-өрісін &nbsp;жан-жақты &nbsp;дамыту, &nbsp;оларға &nbsp;қазіргі &nbsp;заман &nbsp;талабына &nbsp;сай &nbsp;білім &nbsp;беру &nbsp;және &nbsp;тәрбиелеу. Оқушыны &nbsp;жан-жақты дамыту дегеніміз, баланың жан дүниесін, рухани &nbsp;өсуін, &nbsp;қабілеті &nbsp;мен &nbsp;дарынының &nbsp;өрістеуі, &nbsp;парасатты &nbsp;ой &nbsp;мен &nbsp;адамгершілік көзқарасының &nbsp;қалыптасуы &nbsp;деген сөз. &nbsp;<blockquote>«Мен бүгінгі таңда білім беру саласында 28 жылдай еңбек етіп келемін. Күн сайын алдымда отырған шәкірттеріме зер сала қараймын. Алға үмітпен талпынған олардың алдында менің де ұстаз ретінде үлкен жауапкершілігім бар екенін іштей сезінемін. Сондықтан менің өзіме қояр талабым, алдыма қойған мақсатым жоғары болуы тиіс, өйткені сол жарқыраған шамшырақты дер кезінде байқап, дер кезінде жаға білу – менің ұстаздық парызым. Сыныптағы балалардың бірі зерек те алғыр, бірі енжар, бірі баяу, бірі тым пысық. Ал менің бәріне беретін білімімнің мазмұны мен қоятын талабым бірдей де, олардың мұны қабылдауы түрліше» деген Жанар Төлешбайқызы осы салаға келгеніне еш өкінбейтінін, керісінше еліміздің келешек азаматтарын тәрбиелеу зор мақтаныш екенін айтады.</blockquote>Жанар Шілдебаева өз мамандығын сүйетін, әр оқушының болашағына үлкен жауапкершілікпен қарайтын, өзі де үнемі ізденіс, даму үстінде жүретін жанның басты мақсаты – білімді ұрпақ қалыптастыру. Кейіпкерімізбен тілдескенде өзі айтқандай мамандығына деген ерекше ықыласын, сүйіспеншілігін байқай түстік. Ол жаңашыл ұстаз ретінде заман ағымына сай шәкірттерін жан-жақты дамыған, өмірге реалистік тұрғыдан қарайтын, терең біліммен қаруланған тұлға ретінде қалыптастыруды көздейді. Ұстаздың саладағы жетістіктері де аз емес. Ұстаздық еңбек жолында «Ы.Алтынсарин» төсбелгісінің иегері атанған. Қазақстан Республикасы Білім және ғылым министрлігінің Құрмет грамотасымен, «Жылдың үздік мұғалімі» төсбелгісімен марапатталған. Сондай-ақ «Мәртебелі ұстаз – ел мерейінде» облыс әкімінің 833 400 теңге көлемінде қаржылай сыйақысын жеңіп алған. Облыстық «Үздік қысқа мерзімді жоспар-2023» байқауында жүлделі 1 орынды, «Үздік қоғамдық – гуманитарлық бағыттағы пәндердің бірлестік жетекшісі-2022» &nbsp;облыстық байқауының &nbsp; аудандық кезеңінде 2 орынды, «Үздік авторлық бағдарлама-2023» байқауында 2 орынды, «Білім» педагогикалық шығармашылық орталығы және «Ustudy» аймақтық тестілеу орталығы ұйымдастырған &nbsp; «Шығармашыл педагог-2022» ІІ Республикалық олимпиадаға қатысып, &nbsp;І дәрежелі дипломды иеленген. Мұнан бөлек жалпы білім беретін мектептердің 8-11 сынып оқушылары арасында өткізілген облыстық «А.Байтұрсынов оқулары» байқауында &nbsp;9 оқушысы Гүлзира &nbsp;Шәкір 1 орын, облыстық байқауда алғыс хатпен марапатталса, жалпы білім беретін мектептердің &nbsp; 5-6 сынып оқушылары арасында &nbsp;өткен пәндік олимпиадада қазақ тілі мен әдебиеті пәні бойынша 6 сынып оқушысы Инабат Абайқызы &nbsp;2 орынды, жалпы білім беретін мектептердің 7-11 сынып оқушылары арасында өткізілген республикалық «Жарқын болашақ» олимпиадасының аудандық кезеңінде &nbsp;«Білгірлер бәйгесі» бөлімі бойынша оқушысы Гүлзира Шәкір II орынды, жалпы &nbsp;орта білім беретін мектеп оқушылары &nbsp;арасында &nbsp;қазақ тілі пәні бойынша өткен Республикалық «Болашақ» зияткерлік байқауында 9 сынып оқушылары &nbsp;Думан Жандосұлы, Жасмин Еркенова, Динара Дастан, 6 сынып оқушылары Абайқызы Инабат, &nbsp;Ібанқызы Жасмин &nbsp;І орындармен &nbsp;марапатталды.&nbsp;«Ана тілі – халық болып жасалғаннан бері жан дүниесінің бір айнасы, өсіп-өніп, түрлене беретін мәңгі құламайтын бәйтерегі» деп Жүсіпбек Аймауытов айтпақшы, тіл – өлшеусіз қазына, өрісі кең әлем. Туған тіл туралы қанша толғақты ой қозғасақ та шегіне жетіп, тауыспасымыз анық. Бұл өз алдына бөлек әңгіме. Расымен, қазақ тілі мен әдебиеті – баланың жүрегіне бойлай еніп, оның рухани өрісін болжай алатын пән. Қазақ тілі мен әдебиетін оқытудағы мақсат – бала қиялын қияға өрлетер ғажайып ертегілер, шыншыл да сыншыл аңыз-әңгімелер, ерлікті дәріптеген батырлар жыры, шынайы махаббатты мұрат еткен әсерлі ғашықтық жырлар, өткір де өміршең шешендік сөздер арқылы халқымыздың рухани құндылықтарын бойына сіңірген, ертеңгі еліміздің тізгінін ұстайтын жас жеткіншекті тәрбиелеу. Әрине жастар әдеби шығармаларды оқу арқылы халқының арманы мен қиялын, өткені мен бүгінгі өмірін таниды. Сүйікті кейіпкерлердің арасындағы достығы мен сүйіспеншілінен, патриоттығы мен еңбеккорлығынан, адалдығы мен адамгершілік қасиеттерінен үлгі алып, жақсысына жаны сүйсініп, жаманынан жиреніп, өзінше ой түйіп, жан-жақты іздене біледі. Ал біз әңгімемізге арқау еткен Аққұмдағы мектептің үздік мұғалімнің шынайы жүрегінен шыққан тәлімді сөздері мен жауапкершілік жүгінің ауыр екенін сезінген ұстаздық болмысына қайран қалып, еріксіз басыңды иесің.&nbsp;Біздің түйетініміз егер мұғалім нағыз өз ісінің шебері, мамандығына аса жауапкершілікпен қараса, осы ұлы тұлғалар айтқандай асыл сөздерге лайық бола білсе, онда оның шәкірті де тегін болмасы анық. Ал білім бар жерде өрлеу де бар, өсу де бар, жетілу мен кемелдену үрдісі де толастамақ емес. Ендеше біздің бүгінгі мақаламызға арқау болған қайраткер атындағы алтын ұядан талантты, талапты шәкірттер мен озық ойлы азаматтар тәрбиеленіп шыға берсін демекпіз.

Білікті ұстаз биік мәртебе

<a href="https://kyzylorda-news.kz/">Kyzylorda-news.kz.</a> Қызылорда облысында орта, орта арнаулы оқу орындарының оқушы, студенттері арасында «Есірткісіз өмір ғажайып...» тақырыбында фотосайыс ұйымдастырылды.Сайыстың негізгі мақсаты - кәмелетке толмағандар арасындағы нашақорлық проблемаларын және қатысушылардың ақпаратты қолжетімді ұсыну арқылы олардың жеке пікірлерін баяндау мүмкіндігін түсіндіру және өскелең ұрпақтың бос уақытын тиімді пайдалануға тарту болып табылады.Байқауға 6-18 жас аралығындағы 200-ден астам жас қатысты. Оның ішінде сайыстың екінші кезеңіне 60 қатысушы өтті. Байқауда қатысушылар өз ойларын шығармашылықпен жеткізе білді, заманауи техниканың мүмкіндіктерін пайдаланып, өз суреттерінде нашақорлық проблемаларын көрсете алды.Сайыс комиссиясының шешіміне сәйкес 25 қатысушы аймақтық жеңімпаз деп танылды.Жүлдегерлер қатарында Арал ауданының №69 орта мектеп оқушысы Еркеназ Қойшанова, Қазалы ауданының №249 орта мектеп-лицей оқущысы Али-Имран Мақсат, Шиелі ауданының №46 орта мектеп-лицей оқушысы Аделя Ақәділ, Қызылорда қаласының №3 орта мектеп-лицей оқушысы Айзере Балтабай, Қызылорда қаласының №271 және №280 орта мектеп оқушылары Жұлдызай Қарғабай және Ұлан Мұханбетәлі, М.Мәметова атындағы Қызылорда жоғары педагогикалық колледж студенттері Зарина Ғалымжан мен Малика Абсатқызы, «ORDA» жоғары гуманитарлық колледжінің студенті Анель Ғалымжанқызы.Жеңімпаздар дипломдармен және сыйлықтармен марапатталады.Динара МАХАНОВА<figure class="image"><img src="https://knadmin.beoblood.kz/uploads/Whats_App_Image_2023_04_09_at_17_44_04_1_fdbf98278a.jpeg" alt="WhatsApp Image 2023-04-09 at 17.44.04 (1).jpeg"></figure>

Қызылордада «Есірткісіз  өмір  ғажайып...» тақырыбында фотосайыс ұйымдастырылды

<a href="https://kyzylorda-news.kz/">Kyzylorda-news.kz.</a> Ер бала – отбасының тірегі, елінің қорғаны. Мықты қорғаны болмаған елдің болашағы да бұлыңғыр. Ал намыс туын желбіретіп, мемлекеттің айбынын көтеретін ол – әскер. Ол елдің бетке ұстар айбары. Өрекпігеннің мысын басар қаруы. Халқының қорғаны, тәуелсіздіктің күзетшісі. Әскер – кеудесі от жүректі жастардан құралады. Ал біздің жастарымыз Отан қорғау ісіне дайын ба? Бұл жайында Қармақшы ауданы бойынша қорғаныс істері жөніндегі бөлімнің басшысы, майор Дастан Байдәулетовпен аз-кем әңгімелескен едік.– Дастан Әмірханұлы, жаңа қызметке келгеніңізге де көп бола қойған жоқ. Көпшілік білетіндей, әскери қызметкердің еңбек жолы өңірлерге жиі ауысып тұратымен белгілі. Өзіңіз бен өмір жолыңызбен кеңірек таныстырып өтсеңіз…– Жалпы біз, әскери қызметшілер еңбек жолымыз бір орында шектеліп қалмайды, өңірден-өңірге жиі ауысып тұрамыз. Өзімнің өмір жолымды айта кетсем, 1996-1999 жылдары Қазақстан Республикасы Қорғаныс Министрлігінің Кадет корпусын тәмәмдағанмын. Содан кейін 2004 жылға дейін бірнеше &nbsp;әскери бөлімдерде бөлімше сержантынан, рота сержантына дейінгі лауазымында болдым. 2004 жылдан бастап осы уақытқа дейін жергілікті әскери басқару органында &nbsp;қызмет атқарып келемін.– Қазір көктемгі науқан. Әскерге шақыру жұмыстары қалай жүргізілуде? Ауданға қойылған талаптың нәтижесі қандай?– Әскерге шақыру жұмысы – жер¬гілікті атқару органдары көмегімен атқарылады. Дәрігер, медициналық жабдықтар, көлік, полиция қызметімен &nbsp;қамтамасыз етілген. Дәрігердің барлығы да – білікті сала маманы. Барлығы өз ісінің шебері. &nbsp;Қазіргі уақытта жергілікті атқару органдарының ұйымдастыруымен көктемгі мерзімді әскери қызметке шақыру жұмысы жалғасын табуда.&nbsp;– Әскердің жүгі жеңіл емес. Осы орайда Қармақшының жастары қан¬шалықты әскери қызметте жүр?– Еліміздің аймақтарында әскери қызметте жүрген қармақшылық сарбаздар баршылық. Қазақстан Республикасы Ұлттық Қауіпсіздік Комитетінің шекара қызметіне де азаматтарымыз аттандырылды. Қыста 16-ға толған жасөспірімдердің әскерге тіркеу жұмысы жүргізілсе, 2 рет – күзгі, көктемгі әскерге шақыру комиссиясы ұйымдастырылады. Негізінен жастарда – салмақ жетіспеушілігі, май табан, жүйке жүйесінің әлсіздігі сияқты ауру түрлері кездеседі. Комиссиядан өтуіне бөлімде барлық жағдай жасалған. Жалпы, Қазақстан Республикасы Қа¬ру¬лы күштерінде немесе басқа да әскери құралымдарда қызмет ету үшін денсаулық жағдайы талаптарына сәйкес өте алмай қалған азаматтар үшін емделуге 3 айдан 1 жылға дейінгі мерзім беріледі. Емделгеннен кейін аталған азаматтар қайта медициналық тексерістен өтіп, егер жараса әскерге жіберіледі.&nbsp; Өткен жылы мерзімді әскери қызметке шақырылғандар саны – 88 адамды құраса, 2023 жылдың &nbsp;1 наурызынан &nbsp;бастап бүгінгі күнге дейін шақырылғандар саны – 19 адам.– Отан алдындағы азаматтық борышын өтеуге жастардың көзқарасы қандай? Әскерге баруға не кедергі?– Әр бала әрқалай. &nbsp;Бір бөлігі – әскерге баруға қызығып, ниет білдірсе, екінші бөлігі – немқұрайлық танытып жатады. Әскерге құлқы жоқ жастармен учаскелік инспектор етене жұмыс істеуде. Үйіне барып, ата-аналарымен сұқбат жүргізіп, түсініктеме алуда. Жалтарғандардың дені әлеуметтік жағдай мен жұмыссыздықты алға тартады. Бірі – несиесі барын айтса, бірі – ата-анасына қарап отырғанын себеп қылады. Ал енді бірде ата-анасы асырап отқан баласын әскерге жібергісі келмейтінін ашық айтады. Негізі балалардың әскерден жалтаруына басты себеп – жұмыссыздық. Күнкөріс қамымен де сыртта жүргені көп. Одан бөлек жалтарғандардың арасынан жауапкершіліктің жоқтығы да анық байқалады. Бүгінде &nbsp;«әскер» десе ат-тонын ала қашатындар жетерлік. Неге? Жасыратыны жоқ, қазір әлеуметтік желі мен телеарнадан түрлі жаңалықтар бірінен соң бірі тарап жатыр. &nbsp; Ал, ата-ана үшін әскер әлемі осынысымен қорқынышты болып тұр. Егер әскерге барудан жалтарған жағдайда оларды құқық қорғау органдарымен біріге отырып іздестіру жұмыстары жүргізіледі. Алайда, қандай жағдай болмасын әскерге шақырылған уақытта міндетті түрде келуі тиіс. Заң бәріне ортақ. Қазақстан Республикасы &nbsp;Қылмыстық Кодексі бо¬йынша азаматтың «мен әскерге бармаймын, азаматтық борышымды өтемеймін» деген арызы түссе, 387-бап бабына 1-ші, 2-ші тармақтарына сәйкес шара қолданылады. Өз уақытында келмеген жағдайда әкімшілік кодекс бойынша 647, 648, 649 баптарға сәйкес айыппұл салынады.– Әскерге шақырудан қандай азаматтардың кейінге қалуға мүмкіндігі бар?&nbsp;Қазақстан Республикасының 2012 жылғы 16 ақпандағы әскери қызмет және әскери қызметшілердің мәртебесі туралы №561 Заңының 35-бабы мынадай себептермен беріледі. Отбасы жағдайы бойынша, денсаулық, оқуды әрі қарай жалғастыру, басқа да себептермен кейінге қалдыра алады. Әйтсе де әр себеп құжаттармен расталу тиіс.&nbsp;– Қазіргі жастың психологиялық, моральдық деңгейі қандай? Бұл әскерге баруға қаншалықты әсер етеді?&nbsp;– Жастардың психологиялық-моральдық деңгейі төмен болғандықтан, әскер қатарына баруға кері әсерін тигізіп жатады. Ондай азаматтармен психолог мамандары жұмыс жүргізіп жатыр.– Жасөспірімдерге әскери-патриоттық тәрбие беру бойынша қандай шаралар ұйымдастырылуда?– Ауданда «Жас сарбаз» әскери-патриоттық ұйым ашылды. Төрағасы – Ерсін Шерепетов есімді азамат. Ол қазіргі таңда білім беру органдарында ерлік сабақтары жүргізілуде. Әскери мерзімін өтеп келген азаматтар да білім беру орындарында кездесулер өткізіп жатыр.– Жастарымызға әскери мамандық иесі атану үшін қандай кеңес берер едіңіз?– Жастарымызға әскери мамандық иесі атану үшін жоғары әскери білім беретін оқу орындарында әртүрлі мамандықпен білім алуы қажет. Сондай-ақ мерзімді әскери қызмет өтеген соң, сол әскери бөлімде келісімшартпен қызмет етуге болады. Мерзімді әскери қызмет өткерген соң, Қазақстан Республикасының барлық жоғары оқу орындарына әскери кафедраға грант негізінде білім алуына мүмкіндік бар.– Уақыт бөліп, әңгімелескеніңізге рақмет!

Қармақшылық жас өрендер әскерге барудан қалыс қалмайды

<a href="https://kyzylorda-news.kz/">Kyzylorda-news.kz.</a> Осыдан жеті жыл бұрын Қармақшы ауданында мейірім орталығы ашылған-ды. Былайғы жұрт оны «Пернеш әжейдің» дүкені деп атап кеткен. Әлеуметтік аз қамтылған отбасыларға қолдау көрсету мақсатында ашылған дүкен бүгінде көптің алғысына бөленіп жүр. Қайырымдылық жасауға ниеті бар тұрғындар осы мейірім орталығына қолынан келгенше көмек қолын созуда.Дүкен киім-кешек, аяқ киім, балаларға арналған ойыншықтар, тағы басқа бір-екі қолданыстан шығып қалған, пайдаға асатын заттарды қабылдайды. Қазір уақыт көшімен сән үлгісі де жылдам өзгеруде. Мәселен, биыл алған киіміңіз келесі жылы сәннен шығып, киюге жарамай қалып жатады. Бұрындары ескі киімді ауылдағы туыс-тумаға жіберу деген жақсы үрдіс бар-тын. Ол да қазір қалып бара жатқандай. Берген киімің қоқысқа кетіп, рәсуа болып жатқан жайы бар. Мұндайда мейірім орталығына әкелсеңіз, жағдайы төмен, әлеуметтік аз қамтылған отбасыларға тегін таратылады.Әлеуметтік дүкеннің басты мақсаты – қолдан келгенше көмек қажет ететіндерге қол ұшын созу, жәрдемдесу. Бұрын тұтынуда болғанымен сапасы тәуір дүниелерді адамдарға тарту етеді. «Ысырап болмасын» деп орталыққа әкеліп жататындар аз емес. Қағазы үзілмеген жаңа киімдер де өткізеді.– Бұл орталықты 2016 жылдың мамырында аштым. Әуеліде мешіттегі көмекке арналған заттарды алып, мұқтаж жандарға таратып жүрдім. Кейін арнайы орталық ашуды жөн көріп, аудан әкімдігіне жүгіндім. Ондағылар менің ұсынысымды бірден қолдап, мекеме тауып берді. Қазір «Мейірім орталығы» өз жұмысын толықтай атқарып, елдің игілігі үшін қызмет етуде, – дейді ол бар ықыласымен.Бұл күнде Пернегүл Әбіләкімқызы кейде қолға түскен затты өзі алып кетіп, үйді-үйге таратып береді. Бұл орталыққа өз көмегін берушілер қатарында ел ағалары, мектеп мұғалімдері, оқушылармен қатар қарапайым тұрғындар да бар. Орталық жұмысын атқарып бастағалы талай көмек көрсетіліп, бірнеше қызықты оқиғалар да болған.<blockquote>«Бірде бір үйден зат алып кетуге барғанымда үй иесі компьютерді де алуымды ұсынды. Құрылғы аз-маз ескірсе керек. Біреуге жарап қалар деген оймен ала кеттім. Екінші күні бір әйел келіп, әлгі компьютерді алуға рұқсат сұрады. «Орталықтағы барлық заттар сіздер үшін. Қалаған затыңызды ала беруіңізге болады» дедім. Ол қуанып, компьютерді алып кетті. Бір-екі күн өткен соң жұмысқа келе жатқанымда толып тұрған кішкентай балаларды көрдім. Мектеп оқушылары болса керек, бір-бір сөмкелерін арқалап алған. Не үшін күтіп тұрғандарын сұрағанымда: «Апа, сіз компьютер таратып жатыр деп естідік. Бізге де беріңізші» дейді. Жүзіме күлкі үйіріп, балаларға мән-жайды түсіндірдім», – дейді кейіпкеріміз күлімсіреп.</blockquote>Кең пейіл жанның жәрдемдесіп жүрген барша аудан тұрғындарына алғысы шексіз. Қоңырау шалса киім-кешекті әкеліп, таратып беруге қай мекеменің болса да басшысы көлік тауып беруге даяр. Қарапайым тұрғындардың өзі де орталыққа киім, жиһаз бен ыдыс-аяқ әкеліп, сөрелерді толтыруда.<blockquote>«Әлеуметтік дүкеннің қызметі аудан жұртшылығына бес саусақтай аян. Жеті жыл ішінде көпбалалы аналар мен әлжуаз отбасылар және оқушыларға киім таратып, алғысына бөлендік. Олардың қуанышын көру мен үшін үлкен бақыт. Мұндағы киімдер бір-екі рет киілгені болмаса таза, су жаңасы да бар. Арасында әртүрлі заттар келеді. Бір жылдары істейтін компьютерге дейін әкеп тастаған. Сарайда құр жатқаннан өзгеге пайдаға ассын дегені шығар. Әйтеуір мұнда қалмайды. Қазір енді денсаулығыма байланысты дүкенге көп келіп жүргенім жоқ. Өзім болмаған соң «дүкен жабылып қалған ба?» деп сұраушылар көп. Мені іздеген жандарға мейірім орталығы жұмыс істеп тұрғанын айтқым келеді. Дүкеннің мекенжайы Қорқыт ата көшесіндегі сол бұрынғы балалар интернаты болған ғимарат. Киім өткізушілер болса сол жаққа апаруларын сұраймын», дейді Пернегүл апа.</blockquote>«Адам өз өмірінің қожасы, сондықтан өз бағытын өзі жасауы керек» деп ұлы ойшыл әл-Фараби айтқандай, талай жыл темір жолда темірдей тәртіппен қызмет еткен Пернегүл Әбіләкімқызы бұл күнде мейірімі мол қызметте. Еңбегіне ақы алмайды, тегін атқарады. Қолда барын аямаған, жәрдем беруден аянбаған кейіпкерімізді бүгінде тұрғындар танып қалған. Жеке басының емес, елдің мүддесін жоғары қойған апамызға Алла қуат берсін.

Қармақшыда қайырымдылық қызмет көрсететін орталық бар

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысының Жарлығын іске асыру үшін Үкімет Ауылдық аумақтарды дамытудың 2023-2027 жылдарға арналған тұжырымдамасын бекітті. ҚР Премьер-Министрі Әлихан Смайылов тиісті <a href="https://primeminister.kz/kz/news/auyldyk-zherlerde-turmys-dengeyi-zhaksarady-ukimet-auyldyk-aumaktardy-damytu-tuzhyrymdamasyn-bekitti-23651">қаулыға</a> қол қойды, деп хабарлайды <a href="https://www.inform.kz/kz/ukimet-2023-2027-zhyldarga-auyldy-aumaktardy-damytu-tuzhyrymdamasyn-bekitti_a4054988">ҚазАқпарат</a>.Тұжырымдама ауылдық аумақтардың географиялық ерекшеліктері мен артықшылықтарын ескере отырып, олардың әлеуметтік-экономикалық әлеуетін аша түсуге бағытталған. Оның аясында ауыл тұрғындарының табысы мен тұрмыс сапасын арттыру бойынша түрлі шаралар қарастырылған. Айта кетейік, Қасым-Жомарт Тоқаев 2022 жылғы қараша айында ҚР Президенті лауазымына кіріскеннен кейін осы Тұжырымдаманы әзірлеу туралы Жарлыққа қол қойды.<img class="image_resized" style="width:733.325px;" src="https://www.inform.kz/radmin/fotofiles/2023/04/10/2304100848014802g.jpg" alt="photo" loading="lazy">Құжатта «Ауыл – Ел бесігі» жобасы аясында республика бойынша ауыл тұрғындарының 90% өмір сүріп жатқан даму әлеуеті жоғары 3,5 мың ауылдық елді мекенді (АЕМ) кешенді жаңғыртуға баса назар аударылған. Мұндай елді мекендер адамдардың еңбек етіп, өмір сүруіне қолайлы жағдайлар жасау есебінен экономикалық өсудің жаңа нүктелеріне айналады.Негізгі мақсаттардың бірі – ауылдық елді мекендердегі әлеуметтік, инженерлік және көлік инфрақұрылымын дамыту. Атап айтқанда, жаңа мектептер мен медициналық нысандар салынып, сумен және электрмен үздіксіз жабдықталады, кең жолақты интернет және ғарыштық байланысы тартылады, ауыл жолдарының сапасы жақсарып, кітапхана, клуб, музей және кинотеатр, спорт ғимараттары сияқты мәдени нысандар салынады, халыққа қызмет көрсету орталықтары ашылады.Тұрғын үй құрылысын жандандыру үшін жаңа жер учаскелеріне инженерлік коммуникацияларды жүргізу жұмыстары жалғасады. Бұл ретте ауылдық елді мекендерде өз қызметкерлеріне үй салып берген жұмыс берушілердің шығындары жалпы алаңы 100 шаршы метрден аспайтын үй құнының 50% мөлшерінде субсидияланатын болады.<img class="image_resized" style="width:733.325px;" src="https://www.inform.kz/radmin/fotofiles/2023/04/10/2304100848024239g.jpg" alt="photo" loading="lazy">Ауылдық жерлердегі қоғамдық қауіпсіздікті күшейту үшін заманауи учаскелік полиция пункттерін салу, аудан орталықтарында бейнебақылау жүйесін енгізу, ауылдарда жаяу жүргіншілер жолдары мен мал айдау аймақтарын белгілеу, шомылуға рұқсат етілген және жабдықталған орындар құру бойынша жұмыстар жүргізіледі.Оған қоса шекаралас ауылдық елді мекендерді дамытуға ерекше назар аударылатын болады. Атап айтқанда, инфрақұрылымды жаңарту мен негізгі қызметтерді қамтамасыз етудің арқасында халықтың елді мекендерден көшуін азайту, адамдардың өмір сүруіне қолайлы жағдай жасау және жалпы шекара маңындағы аудандардың экономикалық дамуына жаңа серпін беру жоспарланып отыр. Ал еңбек тапшылығы бар өңірлердің шекаралас ауылдық округтер тұрғындарының жалақысына үстемеақы қосу мүмкіндігі қаралатын болады.<img class="image_resized" style="width:733.325px;" src="https://www.inform.kz/radmin/fotofiles/2023/04/10/2304100848034646g.jpg" alt="photo" loading="lazy">Сонымен қатар тұжырымдама аясында топырақ құнарын жақсарту, ауыл шаруашылығы жерлерін ұтымды пайдалануға бақылауды күшейту, жаңа суармалы учаскелерді айналымға енгізу, су қоймаларын реконструкциялау және салу, өнімділікті арттыру, дақылдарды әртараптандыру және т.б. бойынша жүйелі шаралар көзделген.Ауыл тұрғындарының табысын арттыру мәселесін агроөнеркәсіп өндірісін жандандыру, кәсіпкерлікті және ауыл шаруашылығы кооперациясын дамыту арқылы шешу жоспарланып отыр. Осылайша, шағын шаруашылықтарды біріктіру және ауыл шаруашылығы кооперативтерін ұйымдастыру фермерлерге тұқым, тыңайтқыш, жанар-жағармай материалдары, жем-шөп, агротехникалық және ветеринариялық қызметтер шығындарын қысқартуға, жер учаскелерін, ауыл шаруашылығы техникасын, ирригациялық және дренаждық жүйелерді бірлесіп пайдалану есебінен өндірілген өнім көлемін арттыруға, сондай-ақ делдалдарсыз тұрақты түрде тауар өткізіп отыруға мүмкіндік береді.<img class="image_resized" style="width:733.325px;" src="https://www.inform.kz/radmin/fotofiles/2023/04/10/2304100848057448g.jpg" alt="photo" loading="lazy">Жалпы мұндай тәсіл бизнес-ортаны дамытуға және ауылда нарық, көлік және логистика инфрақұрылымын қалыптастыруға ықпал етпек. Сонымен қатар қызмет бағыттарын кеңейту есебінен жаңа жұмыс орындары ашылып, жас кадрлардың тұрақтап қалуына жағдай жасалады.«Ауыл аманаты» жобасы осындай құралдардың бірі болмақ, оның аясында жеке қосалқы шаруашылықтарға жылдық 2,5% мөлшерлеме бойынша жеңілдікпен шағын несие беру, сервистік-өткізу кооперативтерін қалыптастыру, техника, жабдық лизингі және т.б. қамтамасыз етілмек. Сондай-ақ ауылда азық-түліктің негізгі түрлері бойынша импортты алмастыратын инвестициялық жобаларды қолдау жоспарланып отыр. Атап айтқанда, Солтүстік Қазақстан облысының агроөнеркәсіп кешеніндегі инвестициялық жобаларды қаржыландыру бойынша тәжірибесі қолданылмақ.<img class="image_resized" style="width:733.325px;" src="https://www.inform.kz/radmin/fotofiles/2023/04/10/2304100848065601g.jpg" alt="photo" loading="lazy">Ауылдық аумақтарды дамытудың 2023-2027 жылдарға арналған тұжырымдамасы басқа да бірқатар іс-шараны көздейді, оның ішінде ауыл тұрғындарын жергілікті өзін-өзі басқаруға тарту, жан-жақты мемлекеттік қолдау көрсету, туризмді дамыту, экспортты ынталандыру, экологиялық қауіпсіздікті қамтамасыз ету және т.б. бар. Бұл туралы толығырақ Тұжырымдаманың өзінен оқуға болады.Оны іске асыру нәтижесінде табысы ең төменгі күнкөріс деңгейінен аз ауыл халқының үлесі 5,8% дейін, ал ауылдық жерлерде жұмыссыздық деңгейі 4,2% дейін төмендейді деп күтілуде. Сонымен қатар ауылдық елді мекендер сумен 100, интернетпен 97% қамтылады, сондай-ақ нормативтік жағдайы жақсы жергілікті жолдардың үлесі 95% жеткізілмек. Ауылдық жерлерде 655 денсаулық сақтау нысаны, 183 мектеп және 100 спорт ғимараты пайдалануға беріледі. 650 мәдениет нысаны салынып, жөндеуден өткізіледі.<img class="image_resized" style="width:733.325px;" src="https://www.inform.kz/radmin/fotofiles/2023/04/10/2304100848085437g.jpg" alt="photo" loading="lazy">Анықтама: Ұлттық статистика бюросының мәліметі бойынша, 2023 жылдың басында республикада 6 295 ауылдық елді мекен бар, онда ел халқының 38,2% немесе 7,5 млн адам тұрады.

Үкімет 2023-2027 жылдарға Ауылды аумақтарды дамыту тұжырымдамасын бекітті

<a href="https://kyzylorda-news.kz/">Kyzylorda-news.kz.</a>&nbsp; Қазгидромет синоптиктері 10 сәуір, дүйсенбіге арналған ауа райы болжамын ұсынды.Атмосфералық фронттарға байланысты Қазақстан аумағының басым бөлігінде тұрақсыз ауа райы сақталады.Жаңбыр жауады. Оңтүстікте таулы аудандарда кей уақытта қатты жаңбыр, түнде Ақмола облысының солтүстігінде жаңбыр және қар жауады.Тек Қазақстанның солтүстігінде, орталығында, шығысында жауын-шашын болмайды.Республика бойынша жел күшейеді, тұман түседі, оңтүстік өңірлерде – найзағай жарқылдайды.Жамбыл облысында бұршақ жаууы ықтимал.Түркістан, Жамбыл облыстарының оңтүстігінде, таулы аудандарында қатты жаңбыр жауады.Жамбыл облысында жел екпіні 30 м/с асады.Түнде Жетсіу облысының орталығында және таулы аудандарында, Батыс Қазақстан облысының солтүстік-батысында, солтүстігінде топырақ бетінде 3 градус үсік жүреді.

10 сәуірде құбылмалы ауа райы сақталады

Кеулімжай Ботабаев: Әрбір білім алушы маңызды

<a href="https://kyzylorda-news.kz/ru/">Kyzylorda-news.kz</a>. Өркениеттер жетістігін бағамдауға да, ұлтты қатарға қосуға да туған жердің мұрасын жете танымай қол жетпесі анық. Оның үстіне өзіңде барды ұқсата алмай, өткеніңді бағамдамасаң өзгенің «қаңсығы» жамау болатыны тағы бар. Сол себепті Сыр елінің рухани қазынасына айналған Қорқыт бабаның мұрасын ұлықтау, қасиетті қобыз аспабын жаңғырту – тек ұлт іргесін бекіту жолындағы құнды қадам емес, әлем назарын қазақ өнеріне аударудың төте әдісі.Бұл бағытта Сыр өңірінде біршама игі бастама қолға алынып, тіпті Қорқыт ата мұрасы ЮНЕСКО-ның материалдық емес мәдени мұралар тізіміне енгізілген. Ізінше аймақ орталығында «Қорқыт сазы» қобызшылар ансамблі құрылып, Қорқыт ата мен қобызды қатар ұлықтауға жол ашылғаны белгілі. Бұл барша түркі жұртының ортақ қуанышына айналды. Осыған орай апта басында ансамбльдің көркемдік жетекшісі, «Мәдениет саласының үздігі» төсбелгісінің иегері, қобызшы Салтанат &nbsp;Пұсырмановамен сұхбаттасудың сәті түсті.– Салтанат Сухамберліқызы, алдымен өзіңіз жетекшілік ететін «Қорқыт сазы» қобызшылар ансамблінің құрылу тарихын айтып өтсеңіз?– Өзіңіз білетіндей, 2018 жылы «Қорқыт ата мұрасы: дастан, аңыз және музыка» атауымен ЮНЕСКО-ның материалдық емес мұралары тізіміне енді. Соған орай Қорқыт ата мұраларын насихаттауға бағытталған 5 жылдық кешенді іс-шаралар жоспары әзірленген болатын. Жоспар аясында 2020 жылы 3 ақпанда Қызылорда облыстық филар¬мониясы жанынан «Қорқыт сазы» қобызшылар ансамблі құрылды. «Қорқыт сазы» ансамблі құрылғалы көптеген концерт ұйымдастырылды. Онлайн шаралар да қалыс қалмады. Тіпті, Қорқыт ата кесенесіне барып, бабаның батасын алу мақсатында фильм-концерт түсіріліп, бейнебаян әзірленді. Бұл – Қорқыт бабаның күйлерін насихаттау мақсатында басталған игі жоба.Бүгінде ансамбльдің құрамында 17 қобызшы, 1 жетігенші, 1 сүйемелдеуші бар. Құрамның білім-білігі де осал емес. Барлығы талантты, ізденімпаз мамандар. Ансамбльдің құрамында Қазақ ұлттық музыка академиясы мен Құрманғазы атындағы Қазақ ұлттық консерваториясының түлектері еңбек етеді.– Ансамбльдің қоржынында қандай шығармалар бар?– Ансамбльдің репертуарында 40-тан астам шығарма бар. Оның ішінде классикалық, дәстүрлі музыка да қамтылған. Алайда басым бөлігі Қорқыт атаның күйлеріне негізделуде. Бүгінгі таңда Қорқыт бабаның 7 күйін репертуарға енгіздік. Алдағы уақытта ансамбль шеберлігін жетілдіріп, шы¬ғарма санын арттыру жоспарда бар.– Ансамбльдің құрылғанына көп болмаса да халықаралық байқауларға қатысып келесіздер. Нәтиже қалай?– «Қорқыт сазы» қобызшылар ансамблінің құрылғанына жыл толмаса да біршама жетістікке жеттік. Халықаралық байқауларда топ жарып, ел абыройын асқақтатуға мүмкіндік туды. Мәселен, Украина елінде өткен «Яскраві таланти осені» байқауында бас жүлдені иеленсек, Лондонда өткен «2020 таланттары» атты фестивальда жеңіс тұғырынан көріндік. Қобыз құдіретін әлем жұртшылығына таныстыру, әсем үнін, өзіндік бояуын нақышына келтіре жеткізуге қобызшылар да барын салып келеді. Аталған жетістіктер ансамбль құрамының табандылығының нәтижесі екені сөзсіз.– Қобызшылар ансамблін Сыр өңірі қалай қабылдады?– «Қорқыт сазы» ансамблі құрылғалы көптеген концерт ұйымдастырылды. Онлайн шаралар да қалыс қалмады. Әрбір концертте тыңдарман ерекше ықылас қойып тыңдап, ұлттық өнерге деген қамқор көңілін білдіріп жатады. Мысалы, жақында «Сарын» атты 1 жылдық есепті концерт өтті. Кешке қызығушылық танытып, тамашалауға келген тұрғындардың санын көріп, ұлттық мұраға бей-жай қарамайтын халықтың көптігіне іштей разы болдық. Тыңдармандардың қошеметі мен ықыласы ерек. Тіпті, Сыр өңірінде осынша көп қобызшының бірігіп, ансамбль құрғанына таңданыс білдіргендер де болды. Шара соңында қарт кісілер батасын беріп, алғаусыз алғысын жаудырып жатты. Қорқыт мұрасын жарыққа шығарып, қобызды насихаттау жолындағы ансамбльдің еңбегін жоғары бағалап, тілеулес көңілін білдірді, ағайын. Себебі қазақ, қобыз – егіз ұғым екені ежелден мәлім. Сондықтан Сыр өңірінің киелі аспапқа деген пейілінің тазалығы, ниетінің биіктігі ықыласынан білініп тұрады. Өнер адамы үшін бұдан асқан қандай баға керек?– Өзіңіз қобызды серік етіп жүрген сала маманысыз. Шығармашылық жаңалығыңызбен бөлісе кетсеңіз?– Бүгінде Қазанғап атындағы Қызылорда музыкалық колледжінде қобыз аспабының оқытушысымын. Ұстаздық жолға түскеніме 30 жылдан астам уақыт болды. Шәкірттерім Тұрмағамбет атындағы халық аспаптар оркестрі, Құрманғазы атындағы Қазақ ұлттық оркестрі, Ақтөбе халық аспаптар оркестрі &nbsp;және Астана филармониясының халық аспаптар оркестрі секілді беделді ұжымдарда қызмет атқаруда. Олардың қобызға деген ынтасы мен талабы зор. Үнемі ізденісте жүреді. 2007 жылдан бастап Тұрмағамбет атындағы халық аспаптар оркестрінде қобызшылар тобының концертмейстері болып жұмыс істедім. «Қорқыт сазы» қобызшылар ансамблі құрылғалы көркемдік жетекші қызметін атқарып келемін.– &nbsp;Ансамбльдің алдағы жоспарымен бөліссеңіз?– Әлемді жайлаған індет салдарынан біршама бастама уақытша кейінге шегеріліп, кейбір концертті онлайн форматта ұйымдастыруға тура келді. Ел аман, жұрт тыныш болса, әлі талай мақсат-міндет бар. Мысалы, 31 наурызда «Көктем лебі» атты кезекті концертті көрермен назарына ұсыну жоспарланған. Концерттік бағдарламада академик Ахмет Жұбанов, Латиф Хамиди сынды қазақтың белгілі композиторларының шығармаларымен қатар, жас сазгерлердің де туындыларын насихаттау ойда бар.– Әңгімеңізге рақмет!

Салтанат Пұсырманова: Сыр өңірі мен қобыз – егіз ұғым

<a href="https://kyzylorda-news.kz/ru/">Kyzylorda-news.kz</a>. Бүгінде медицина әлдеқайда алға жылжығанмен, халық еміне жүгінушілер көп. Соның ішінде емдеудің ерекше тәсілі – айкунемен айығуды құп көретін жерлестеріміз аз емес. Жақында Ресейде патенттелген осы айрықша гимнастиканың сырына &nbsp;үңілген едік. Өңірде алғашқылардың бірі болып &nbsp;айкуне орталығының жұмысын жолға қойған Тұмар Темірбекқызымен сұхбатта толығырақ айталық.– Алдымен айкуненің тарихына тоқталсаңыз…– Айкуне – қазақтың ежелгі гимнастикасы. Кез келген адам оны үйде немесе кеңседе отырып жасай алады. Нәтижесінде бұлшық етке күш түсіп, қан айналымы қалпына келеді, тән сауығады, ой жинақталады. Мәселен, ежелгі түркі халқы жауынгерлерінің жағдайына ерекше көңіл бөлген. Соның ішінде атты әскерге деген талап күшті болған. Себебі атта дұрыс отырмайтындардың ұзақ сапар кезінде белі, омыртқасы ауырсынған. Сол кезеңде жауынгерлік гимнастикаға көп көңіл бөлінген. 1998 жылға дейін біздің бұл туралы хабарымыз болмады. Тек сол жылы Абай Баймағамбетовтың оны ресми медициналық жаттығу ретінде патенттеуі реинкарнацияға ұшырауына себепші болды. Абай Баймағамбетов 1998 жылы айкуненің алты жаттығуын ойлап тауып, оны ел ішінде жарнамалауға күш салған. Бірақ қолдау таппағандықтан үш айдан соң Ресейге бағыт алады. Осылайша уақыт өте Новосібірдің ҒЗИ-ы айкунені медициналық жаттығу ретінде мойындайды. Ал 2002-2003 жылдары Мәскеуде патент алады. 2005 жылы Санкт-Петербург мемлекеттік педиатрлық медициналық университетінде айкунені медицинаға енгізу қадамы ойластырылды. Ленинград және Санкт-Петербургта оны ЛФК жаттығулары ретінде қабылдайды. Бүгінде айкуне орталықтары Мәскеу, Омбы, Махачкала, Днепропетровск, Қазан, Минск, Симферополь, Челнах қалаларында бар. Франция, Беларусь, Германия және Үндістан халқы одан хабардар. Қазақстанның бірнеше облысында аталған орталықтар жұмыс істеуде. Мен де арнайы оқытудан өткен соң біздің облыстан осы орталықты аштым. Қарқын жаман емес, осы уақытқа дейін орталыққа 1500-ден астам адам жүгініп, қажетті көмек алды.– Гимнастиканың мыңдаған түрі бар. Солардың ішінде айкуненің ерекшелігі неде?– Сабақта денені дұрыс қалыптастыруға ғана емес, омыртқа мен омыртқа арасындағы жарық, остеохондроз, кеуде, бел ауруымен күресеміз. Сонымен қатар бұл жаттығулар есту, көру, тыныс алу мүшелерін жақсартады.Айкуненің әрбір жаттығуы қазақ руларының таңбасына ұқсас және сол рудың атымен аталады. Мұнда екі мыңнан астам тірек қимыл түрлері бар. Олар атқа отыру, малдас құрудың өзі талай ауруға ем екенін растайды.– Көбіне қандай жаттығулар жасалады?– Жаттығу әр бұлшық етті қозғалтуға арналған. Өте баяу жасалады. Бірінші омыртқа бұлшық етіне қысым түсіріледі. Сосын омыртқаны барынша созады. Екі жауырынды бір-біріне айқастыруға тырысамыз. Миды да іске қосу керек. Себебі, жаттығуды ой-санамен сезініп орындау маңызды. Нұсқаушының бақылауы &nbsp;қажет. Әр жаттығудан кейінгі статика, тыныштық күйі 3-10 минутқа дейін созылады. Бұл да спорт секілді, үздіксіз жаттығуды талап етеді. Негізінен күніне 20 минутты гимнастикаға арнауды әдетке айналдырған дұрыс. Гимнастика қатерлі ісік, созылмалы, жұқпалы ауруы бар адамдарға ұсынылмайды.– Үшінші сабақтан соң нәтиже байқалатынын естідік. Қаншалықты рас?– Неліктен адамдарда омыртқа жарығы протрузиясы және сол секілді проблемалар пайда болады? Себебі басым бөлігі үзіліссіз, бір орында ешбір қозғалыссыз отырып жұмыс істейді. Омыртқаға зақым келеді, ол дене бітімінде айқын байқала бастайды. Ал айкуне осы мәселелермен күреседі. Курстың үшінші күнінде адамның халі жақсарып, бойын тік ұстай бастайды. Көру қабілеті, көңіл-күйі жақсарады. Бұлшық еттерді қозғалту барысында сіңірлер созылады. Жаттығудың арқасында тыныс алатын кеуде бұлшық еті кеңейеді. Денеге оттегі барады. Диафрагма кеңейеді, әрі қан айналым жақсарады, жасарасыз. Бір сөзбен айтқанда, оң өзгерістерге қадам бастайсыз.– Айкуне жан тыныштығының кілті ме?– “Айкуне” сөзі ай шуақ шашса, күн жылу береді деген мағынада ай мен күн сөзінің қосындысынан алынған. Бұл жаттығуларды орындау барысында ішкі жан дүниеге үңіле аласыз, тыныштыққа бой алдырасыз. Сондықтан болар, айкунені жан тыныштығының кілті деп айтуға толық негіз бар.– Сұхбатыңызға рахмет! &nbsp;

Тұмар Темірбекқызы: Қызылордадаға ерекше гимнастика түрін әкелдік

<a href="https://kyzylorda-news.kz/ru/">Kyzylorda-news.kz</a>. «Qosyl Qyzylorda Jastar» орталығында «Сыбайлас жемқорлық- қоғам дерті» тақырыбында кездесу өтті. Аталған шара жең ұшынан жалғасқан жемқорлыққа тұсау салуды өселең ұрпақтан бастап, қолға алуға бағытталған. Шараның жас толқынға әсері зор. Өйткені, жастар жас шыбық тәрізді, қалай исең солай өседі.Жастардың бойында елжандылық, отаншылдық, адалдық қасиеттерін шыңдау мақсатында ұйымдастырылған кездесуге ҚР сыбайлас жемқорлыққа қарсы іс-қимыл агенттігінің Қызылорда облысы бойынша департаментінің превенция басқармасының бас маманы Жанар Жалғасбайқызымен Syr Jastary орталығы директорының орынбасары Ерлан Мырзалыұлы, орталық қызметкерлері және жастар қатысты. Басқосуда сыбайлас жемқорлықты әлеуметтік феномен ретінде қарасытыру, сыбайлас жемқорлықтың тарихи түп-тамырлары мен күрделену жолы, сыбайлас жемқорлықпен қазіргі таңда күресу мен алдын алу жолдары, сыбайлас жемқорлыққа қарсы мәдениетті қалыптастыру және заңдарға енгізілген соңғы өзгерістер туралы түсіндірмелер жасады.<blockquote>«Жастардың білімді, салауатты, рухты болуы маңызды. Сонда ғана олар алдынан шыққан кедергілерді жеңе алады. Бойында сыбайлас жемқорлыққа мәдениет қалыптасады. Біз үшін ешқашан ерте де, кеш те емес. Жастардың бойында жат әдетке қатысты иммунитетті осы кезден бастап қалыптастырғанымыз жөн. Сонда ғана осы толқынның бойында осындай қоғамның жегі құрты болмайды. Әлбетте, әрбір шараның бір берері бар», – деді Жанар Жалғасбайқызы.</blockquote>Мамандар қатысушылардың сұрақтары мен ұсыныстарына жауап берілді. Бүгінгі жастың көзқарасы қалыптасқан, арман-мақсаты айқын. Сондықтан, талантты жастардың тау биікті еңсеріп, жарқын болашаққа басқан әрбір қадамы мемлекет мүддесімен тығыз байланыста болары анық.&nbsp;

Жанар Жалғасбайқызы: Жастардың білімді, салауатты, рухты болуы маңызды

<a href="https://kyzylorda-news.kz/ru/">Kyzylorda-news.kz</a>. Соңғы жылдары түрлі мемлекеттік бағдарламаның арқасында баспаналы болып, тіпті, қарапайым кезек арқылы жаңа үйге қол жеткізген жандар аз емес. Қызылорда қаласындағы сол жағалаудың жаңа тұрғындары – соның айғағы. Жыл санап жаңа үйлер саны артқан сайын мұнда көшіп келген, баспана кезегі келіп, қолына кілті тигендер қатары көбейіп жатқаны жағымды жайт. Осы орайда сол жағалаудағы көпқабатты жаңа үйлердің бірінде тұратын отбасылар жайлы сөз қозғаймыз.Өнер қуып, ой түзегенӘкеден көрген өнеге мен анадан алған тәлім бала өмірнің іргетасы болмақ. «Ұяда не көрсе, ұшқанда соны ілетіні» де рас. Сол жағалауда тұратын, ән өнерін ұрпақтан-ұрпаққа жеткізіп жүрген Мақсат Мақұлбековтің отбасы – ел сүйсіне қарайтын, көпке үлгілі шаңырақ. Мақсат Қазанғап атындағы музыкалық колледждің «Ән салу» бөлімінде, ҚР еңбек сіңірген әртісі Қаракөз Ақдәулетованың сыныбында оқыған. 2009 жылы аталған өнер ордасын үздік бітіріп, сол жылы музыка өнерінің қарашаңырағы Құрманғазы атындағы Қазақ ұлттық консерваториясына қабылданады. Мұнда ол белгілі ұстаз – Қазақстанның халық әртісі, профессор Ғафиз Есімовтің шәкірті болды. Консерватория қабырғасында жүріп-ақ халықаралық, республикалық вокалистер конкурсының лауреаты атанған Мақсат композиторлар одағының мүшесі А.Райымқұлованың жетекшілігімен «Аңсар» вокалды тобын құрады да сол сәттен бастап оның ән шырқауына, өнер әлеміне енуіне даңғыл жол ашылады. Осылайша өзінің сазды әнімен, күміс көмей дауысымен көптің көңілінен орын ала бастайды.Кәсіби білімін біліктілікпен ұштастыруды жөн санаған азамат 2015 жылы әнші, композитор Медеу Арынбаевтың тәлімгерлігімен «Қазақстан дауысы» жобасының финалына дейін жетіп, үздік өнер көрсетті. Консерваторияны бітірген соң Қазақ мемлекеттік академиялық опера және балет театрына қызметке қабылданған. Мұнда бес жылдай уақыт аралығында опера әртісі ретінде қызмет атқарып, ауқымды рөлдерде Нұржамал Үсенбаева, Венера Алпысбаева, Майра Мұхамедқызы сынды қазақ операсының майталмандарымен бірге бір сахнада өнер көрсеткен.Өнерді өмірінің бір бөлшегі деп білетін ол 2016 жылдан бастап Қызылорда облыстық филармониясы Тұрмағамбет халық аспаптар оркестрінде камералық оркестр солисі қызметін атқарып келеді. Өнер ұжымымен бірге Әзірбайжан, Өзбекстан, Түркия мемлекеттерінде гастрольдік сапарда болып, Сыр елінің, қазақтың классикалық өнерін насихаттауға өз үлесін қосып жүр. Қазіргі таңда өнерпаз азамат Қазанғап атындағы Қызылорда музыкалық колледжінің «Ән салу» бөлімінің І санаттағы ұстазы. Сонымен бірге 2016 жылдан бастап облыстық филармонияда да қызмет атқарып келеді. Жетістіктері де аз емес. Мәселен, 2018 жылы «Қызылорда қаласына – 200 жыл» мерекелік медалімен наградталса, сол жылы Түркия мемлекетіндегі TURKSOY ұйымының «Алғыс хатын» иеленген. 2019 жылы мәдениет саласына сіңірген еңбегі үшін «Қазақ мәдениетінің қайраткері» құрметті атағы берілді. Жоғарыда айтып өткеніміздей, Мақсаттың өнерге келуіне ата-анасының ықпалы бар. Әкесі Нұрлан Мақұлбеков – шаруа адамы. Анасы Карима Шоңғараева да өнерден алыс емес. Қазіргі таңда зейнетке шыққан олар – 3 немеренің ата-әжесі.<blockquote>«Үш ұлымыз бар. Мейіржан №3 гимназияда оқиды. Бос уақытында бокс және футболмен шұғылданады. Оқуда да үздік. Екінші ұлым Мирас – Ordaschool мектебінде 2 сынып оқушысы. Ол да сабақтан тыс кезде таеквандоға қатысады және «Бегімай» өнер орталығында вокалдан білім алып жүр. Әнді, өнерді жақсы көреді. Үшінші ұлымыз Айдар 6 айлық. Жарым екеуміз балалардың бос уақытын дұрыс ұйымдастыруға тырысамыз. Үйірмеге бермес бұрын неге қызығатыны, нені жақсы көретіні маңызды. Еркінен тыс, біздің ізімізді жалғап, өнер жолына түссін деуден аулақпыз», – дейді Мақсат Нұрланұлы.</blockquote>Өнерлі отбасының келіні, Мақсаттың жары Ұлдана Бейсенова – әнші, ұстаз. Ұлдана да Қазанғап атындағы Қызылорда музыкалық жоғары колледжін бітіріп, кейін жоғарғы білімді Алматы қаласындағы Қыздар педагогикалық университетінде жалғастырған. Қазір ол Астрахань консерваториясының 2 курс студенті. Мамандығы – хорда дирижерлау. Кәсіби білімін шыңдап, үздіксіз ізденісте жүруді құп көретін ол оқумен қатар педагогикалық колледжде ұстаздық етуде. Үш ұлдың ата-анасы, бір отбасының ұйытқысы боп жүрген Мақсат пен Ұлдана отбасылық дуэт ретінде талай кештің көркін қыздырып, махаббат пен өнер алаңында қол ұстасып, жұп жазбай келеді.<blockquote>– Өткен жылы ораза айы – мамырда сол жағалаудан үйлі болдық. Қуаны-шымызда шек жоқ. «Нұрлы жер» бағдарламасы бойынша құжат дайындап, ипотека арқылы көпқабатты жаңа үйден 3 бөлмелі пәтерге қол жеткіздік. Үйдің жағдайы жақсы, іші жылы. Ең бастысы берекелі баспана болғай. Үш ұлымыз бен ата-енем, жолдасым үшін жақсы жаңалықтар мен қуанышты хабар алып келетін, құтты шаңырақ болсын деген ниеттеміз, – дейді Ұлдана Бейсенова.</blockquote>Антына адал ақхалаттылар отбасыАдам жанына араша түсіп, қиналғанда шипагер болатын ақхалатты абзал жандардың еңбегі қашан да елеулі. Қандай қиын сәттер мен ауыр жайттар орын алса да дәрігерлер өз ісіне мұқият болып, елеусіз көрінетін кішкентай дүниеге мән беру арқылы адам жанын сақтаудан жалыққан емес. Адамзат пайда болғалы қанша дәуір мен өркениет алмасса да, дәрігерлердің Гиппократ антына адалдығы сол күйінде. Сан қилы қиындығы бар, қыр-сыры көпке мәлім бола бермейтін медицина саласында қызмет етіп, өңір тұрғындарының дені сау, өмірінің салауатты болуына өз үлесін қосып жүрген Қалтаевтар – сол жағалаудағы дәрігерлер отбасы.Мұстафа Қалтаев Шиелі ауданы Досбол би ауылында дүниеге келген. Орта мектепті аяқтаған соң 2010 жылы Қызылорда мемлекеттік жоғары колледжіне емдеу ісі мамандығына оқуға түскен. Білім ордасында жүріп, тағдыр қосқан болашақ жары Айман Ерболатқызымен танысады. Ол аталған колледжді 2016 жылы бітіреді. Осылайша кәсіби ортада білім алған қос дәрігер 2014 жылы шаңырақ құрады. Медицина саласын тәмамдағанмен ізденуден талмаған жұп 2015 жылы шығыстық медицинаны кеңінен зерттей бастайды.Фельдшерлікпен тоқталып қалмай шығыс медицинасын да кәсіби түрде оқып алған Мұстафа мен Айман 2013 жылы қала ішінен отбасылық жеке клиника ашады. Ине салу, алтын ине, хиджама арқылы ағзаны тазарту сынды емдік шараларды жүргізетін «Жадыра Таспамбетова» серіктестігі бүгінде шипа іздеген науқастарды шығыстық тәсілмен емдеуде. Мұстафа Тұтқабайұлының айтуынша, клиниканың атауын әжесі Жадыра Таспамбетованың құрметіне қойған.<blockquote>«Әжем Жадыра Есенәліқызы 32 жасында Социалистік Еңбек Ері атанды. МТЗ-50 маркалы «Белорусь» тракторымен Ыбырай Жахаевтың егіс даласында көктемде күріш себу, дәрі себу, күзде күріш тасу, қыста малшы ауылдарға жем-шөп тасу жұмыстарына белсене араласқан еңбекқор кісі. 1984 жылы «Қазақфильм» кино¬студиясы әжем мен атамның еңбек жолы туралы «Ма¬хаббат тарихы» атты деректі фильм түсірген. Жадыра Таспамбетова жайлы Х.Ерғалиев «Қыз-хисса» поэмасын, М.Айтхожина «Қос ана» поэмасын, М. Күлімбетов «Жоқ, мен ораламын» очеркін жазған. Әжемнің қиындық пен құрметке толы еңбек жолы, тағдырға мойынсұнбаған қайсар мінезі, еткен еңбегі, отбасына төккен мейірімі – ұрпақтарына ғана емес, барша қазақ жастарына үлгі. Ата-әже жолын жалғап, еңбектенуден танбаймыз», – дейді ол.</blockquote>2020 жылы клиника жұмысын өркендетіп отырған жарасымды жұп «Көпбалалы ең жас кәсіпкерлер» атанғанын айту керек. Мұстафаның ата-анасы да – еңбекқор жандар. Әкесі Тұтқабай Кейқуатов пен анасы Гүлжанат Манабаева елдің болашағы – саналы, сапалы ұрпақты қалыптастыруда тынымсыз еңбек етіп, «адамдық дәнін» егуді мақсат еткен ұстаздық жолда. 30 жыл бойы дамылсыз бала тәрбиесімен айналысып келе жатқан ұстаздар бүгінгі таңда Мұзафар, Мұстафа, Әсия, Иманғали, Айзере есімді балаларынан 9 немере сүйіп, үлгі көрсетіп отырған ата-әже.Мұстафа пен Айман да – олардың ізін жалғаған көпбалалы ата-ана.<blockquote>– Шүкір, жолдасым екеуміздің Айбике, Айша, Хадиша, Ұлбике есімді 4 қызымыз бар. «Балалы үй базар» деген сөз бекер емес. Отбасымыздың сәні де, болашаққа жауапкершілік арттыратын мәні де – осы төрт балапанымыз. Қызым Айбике мен Айша екеуі Orda school мектебінде 1 сынып оқушылары. Отбасылық кәсіпті жүргізіп, кәсіби білімді үнемі жетілдіре отырып, қыздарымызға да көбірек уақыт бөлуге, бақытты балалық шағын қамтамасыз етуге тырысамыз. Ең бастысы үлкен әжесі, өзінің ата-әжесі секілді адал қызмет етіп, өзі жақсы көретін ісімен айналысатын бақытты адамдардың қатарынан болса дейміз, – дейді Айман Ибайдулла.</blockquote>Айта кету керек, жас отбасы бүгінгі күні төрт балапанымен бірге сол жағалаудағы жаңа, көпқабатты үйлердің бірінде тұрады. Бұған дейін үйлі болуға ниет еткен екеу «Нұрлы жер» бағдарламасы бойынша құжат дайындауды қолға алған. Арада ұзақ уақыт өтпей көпқабатты үйден 3 бөлмелі пәтерді иеленуі – жас отбасы үшін ғана емес, түгел әулет үшін жағымды жаңалық еді.<blockquote>«Сол кездегі қуанышымызды жеткізе алмаймын. Мақсат қойып, оған қол жеткізе білу жақсы өмірге ұмтылыс сыйлайды. Жаңа жандармен, өзіміз сияқты жас отбасылармен толыққан жаңа шағын ауданнан үйлі болу бізге серпін сыйлап, жаңа бастамаларға жол ашты. Кез келген мақсатқа қол жеткізуге болады. Бастысы ниет те, әрекет те – өзімізден. Соны ұмытпайық», – дейді бұл туралы 4 баланың әкесі, дәрігерлікті кәсіпкерлікпен ұштастырған Мұстафа Қалтаев.</blockquote>Айта кетейік, 2020 жылы облыста барлық қаржыландыру көзінен 1 946 пәтерді құрайтын 98 тұрғын үйдің құрылысы жүргізілген болатын. Ал өткен жылы құрылысы жүргізіліп жатқан 725 пәтерлік 15 көпқабатты тұрғын үйдің кілті табысталады деп жоспарланған. Бұл қаланы толыққанды пайдаланып, халықты қажетті тұрғын үймен қамтамасыз етуде үлкен жаңалық болды. Бүгінгі сол жағалау келбеті – инфрақұрылымы дамыған, өзгеріске бейім, заманауи, өмір сүруге қолайлы қала сипатында. Мысалы, бір жыл ішінде мұнда қаншама жаңа кәсіп ашылып, тың бастамалар көтерілді. Оларға қолдау көрсетіп, тұтынушы ретінде өзіміздің өнімге сұраныс жасайтын да, игіліктерді пайдаланатын да – сол жағалау тұрғындары. Ендеше сол жағалаудағы жаңа үйлер Мақсат Мақұлбеков пен Мұстафа Қалтаевтың отбасына жаңа серпін сыйлағаны сынды жаңа тұрғындарға да оң өзгеріс әкелсін дейміз.

Қазақстан және Қызылорда облысының жаңалықтары