<a href="https://kyzylorda-news.kz/">Kyzylorda-news.kz.</a> Аудан орталығындағы №36 Ә.Тәжібаев атындағы мектеп-лицейі кенттегі ең ірі білім ордаларының бірі. Мұнда білімге құштар, талай бәйгеден суырылып алға шыққан талантты оқушылар білім нәрімен сусындауда. Ұлағатты ұстаздардан сапалы білім мен тәрбие алып жатқан биылғы жылдың мектеп бітірушілері өнегелі істің басынан табылды.Жас түлектер ерте көктемде жылдағы дәстүр бойынша мектеп-лицей ауласына ағаш отырғызуға мұрындық болды. Мектеп-лицейден биылғы оқу жылында ұшқалы тұрған шәкірттер, атап айтқанда 11 сыныбының бітіруші түлектері сынып жетекшісі Палмахова Шолпан Таңатарқызының ұйымдастыруымен ізгі іс-шараға қатысты.Жас түлектерге білім ордасының ауласын көгалдандыруға, "Түлектер аллеясына" ағаштар отырғызуға ата-аналар қолдау білдірді. Түлектер аллеясына осы күні әрбір мектеп түлегі жаңа туя қылқан жапырақты ағаштарын &nbsp;отырғызды. Қолдарына күрек пен шелек алып, жас ағаштарды мәпелеп, тілектерін айтып отырғызған түлектердің ізгі ниеттеріне мектеп-лицей директоры Жанар Төреқұлова да қолдау көрсетті. Мектеп басшысы оқушылармен бірге ағаш отырғызды.<blockquote>«Бір жылдығын ойлаған халық бидай егеді, жүз жылдығын ойлаған халық ағаш егеді, мың жылдығын ойлаған халық саналы ұрпақ тәрбиелейді", – деген қазақта даналық сөз бар. Міне, бүгін мектеп түлектері сынып жетекшілерімен бірге жақсы істің басынан табылды. Жылдағы дәстүрмен мектеп-лицей ауласын жасыл желекпен көгалдандыруға атсалысты. Жас ағаштармен бірге түлектеріміздің де арманы өсіп, асқақтай берсін. Алдағы білім сынағынан жоғары баллмен өтіп, әрқайсысы білім грантын иеленсін», – дейді мектеп-лицей директоры Жанар Төреқұлова.</blockquote>Ұстаздардан білім нәрін алып, алысқа қарап, қанаттанған алтын ұя мектептің түлектеріне, өнегелі істің иелеріне бізде сәттілік тілейміз. &nbsp;

Сырдариялық жас түлектер ағаш отырғызды

<a href="https://kyzylorda-news.kz/">Kyzylorda-news.kz.</a> ҚМДБ-ның Қызылорда облысы бойынша өкілдігінің ұйымдастыруымен «Рамазан қоржыны» акциясы кезекті 100 отбасыға қуаныш сыйлады.Нақтырақ айтар болсақ, қалалық «Құддыс ишан», «Төлен ата» және Талсуат ауылындағы «Ерназар Мақсұм» мешіттері мен Арал ауданында өткен қайырымдылық шараларында тұрмысы төмен, көп балалы жанұяларға азық-түлік қоржындары табысталды.

Қызылордада 100 отбасына «Рамазан қоржыны» берілді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Сыр өңіріне жұмыс сапарымен келген Халықаралық «ТҮРКСОЙ» ұйымының Бас хатшысы Сұлтан Раевпен кездесті.Аймақ басшысы түркі халықтарының мәдениетін дамытуда «ТҮРКСОЙ» халықаралық ұйымының рөлі ерекше екенін атап өтті.<blockquote>«ТҮРКСОЙ» ұйымының бастамасымен түркі әлемінде биылғы 2023 жыл ұлт мәдениеті мен әдебиетінің көрнекті өкілі, жерлесіміз Темірбек Жүргеновтің 125 жылдығына орай «Темірбек Жүргенов жылы» болып жарияланды. Аймақ жұртшылығы, Өз атымнан Сіз басқаратын ұйым ұжымына шын жүректен ризашылығымды білдіремін. Бұл тарихи маңызды шешім түркітілдес елдердің өзара достығы мен ынтымағын, мәдени шығармашылық байланысын арттыра түсетіні сөзсіз. Темірбек Жүргенов – Қазақстан мен Орта Азия елдеріндегі оқу-ағарту, мәдениет пен әдебиет саласының өркендеуіне зор үлес қосқан қайраткер тұлға. Ол қазақ өнерінің дамуына өлшеусіз еңбек сіңіріп, Абай атындағы ұлттық опера және балет театрын құрғанын, Мәскеуде тұңғыш рет қазақ өнері мен әдебиетінің онкүндігінің өтуіне атсалысқанын баршамыз білеміз. Қайраткердің есімін ұлықтау, оны өскелең ұрпаққа насихаттау мақсатында мерейтой аясында Қызылорда облысында да бірқатар маңызды шаралар атқарылуда. Осындай айтулы шараларға қатысуға арнайы уақыт бөліп, қайраткердің туған жері Сыр өңіріне келгеніңіз үшін алғысымды білдіремін», – деді Нұрлыбек Нәлібаев.</blockquote>Өз кезегінде, «ТҮРКСОЙ» ұйымының Бас хатшысы облыс әкіміне ризашылығын жеткізіп, өзара рухани және мәдени ынтымақтастықтың жалғаса беретініне сенім білдірді.Айта кетейік, Сұлтан Раев Қызылорда облысына сапары барысында Темірбек Жүргеновтің жары, Қазақ КСР еңбек сіңірген дәрігері Дәмеш Жүргенова атындағы көшенің ашылуына, «Ұлт руханияты және Темірбек Жүргенов мұрасы: жасампаздығы мен зерттеу кеңістігі» тақырыбында халықаралық ғылыми-практикалық конференциясына қатысып, «Нарком Жүргенов» спектаклін тамашалады. Мұнан бөлек, Қызылорда қаласында өтетін «Жыр арқауы – Жүргенов» атты республикалық жазба ақындар мүшайрасына қатыспақ.

Облыс әкімі халықаралық «ТҮРКСОЙ» ұйымының Бас хатшысымен кездесті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің бітіруші түлектері жұмысқа орналасу бойынша сала мамандарымен кездесті. Жиында алғашқы жұмыс орнын таңдау, жастарға мемлекет тарапынан берілген мүмкіндер туралы айтылды. Бұл туралы университеттің баспасөз қызметі хабарлады.Кездесу барысында Қызылорда облыстық жұмыспен қамтуды үйлестіру және әлеуметтік бағдарламалар басқармасының бөлім басшысы Нұржан Өмірзақов пен қалалық жұмыс пен қамту орталығының бөлім басшысы Абылай Самыратов «Алғашқы жұмыс орны», «Жастар практикасы», «Ұрпақтар сабақтастығы» жобалары мен жастарға арналған жеңілдетілген несие бойынша ақпарат берді.Сонымен қатар, мемлекеттік білім беру тапсырысы және ауыл квотасы негізінде білім алған түлектерге 3 жыл жұмыспен өтеу міндеті туралы білім алушыларға «Қаржы орталығы» АҚ Мониторингілеу департаментінің аға маманы Арман Темірбаев ақпараттық-түсіндірме жұмыстарын жүргізді.Айта кетейік, кездесу ашық диалог форматында өтіп, қатысушылар мамандарға сұрақтарын қойды. Түлектерді жұмысқа орналастыруға арналған мұндай кездесулер Қорқыт ата атындағы Қызылорда университетінде &nbsp; тұрақты түрде жүзеге асып келеді.&nbsp;<figure class="image"><img src="https://knadmin.beoblood.kz/uploads/Whats_App_Image_2023_04_14_at_11_11_00_2_ac35e0f7b8.jpeg" alt="WhatsApp Image 2023-04-14 at 11.11.00 (2).jpeg"></figure>

Түлектерді жұмыспен қамту – басты назарда

<a href="https://kyzylorda-news.kz/">Kyzylorda-news.kz.</a> Өткен жылы Қызылорда қаласында 11 331 жаңа жұмыс орны ашылды. Оның ішінде 6698 азамат тұрақты жұмысқа орналасты. Бұдан бөлек Мемлекет басшысының 10 мың адамға 100 жаңа жұмыс орнын ашу тапсырмасы аясында 5732 жаңа жұмыс орны ашылды. «Жұмыспен қамтудың өңірлік картасы» шеңберінде 31 жоба арқылы 504 азамат жұмыспен қамтылды. Мүгедектігі бар адамдарды жұмыспен қамту мақсатында 12 мекемеге 26 азамат тұрақты жұмысқа орналасқан.Былтыр ауылдық округтердегі мәдениет және спорт мамандарына отын сатып алып беруге көмек көрсетілді. Мүгедектігі бар адамдарды ай сайын қаржылық көмек көрсеттік. Сонымен қатар ымдау тілі мамандары еңбегіне орай жалақы төленуде. Арнайы тапсырмамен мүгедектігі бар адамдарға &nbsp;көмек &nbsp;көрсетіліп келеді. Үйде тәрбиеленіп және оқытылатын мүгедектігі бар 507 балаға әлеуметтік төлем жүргізілді. Әлеуметтік тұрғыдан осал 225 отбасы ыстық тамақпен қамтылды, – деді қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Кенжегүл Құрақбаева. Басшының сөзіне сүйенсек, былтыр әлеуметтік топтамаға ие болған 1-6 жасқа дейінгі балаларға қосымша төлем ретінде қаржылық көмек көрсетілген.

Қызылордада 225 отбасы ыстық тамақпен қамтылды

<a href="https://kyzylorda-news.kz/">Kyzylorda-news.kz.</a> Бүгін Сыр өңіріне арнайы жұмыс сапарымен келген ҚР Ауыл шаруашылығы министрі Ербол Қарашөкеев ауыл шаруашылығы тауарөндірушілерімен кездесіп, саладағы өзекті мәселелерді талқылады.Облыс әкімі Нұрлыбек Нәлібаев ведомство басшысына Үкімет тарапынан көрсетілген қолдау үшін ризашылығын білдірді.<blockquote>«Соңғы жылдары орын алған су тапшылығына қарамастан Сыр диқандары Мемлекет басшысы мен Үкімет тарапынан көрсетілген қолдаудың арқасында егіннен мол өнім алып, салада өсім динамикасы қалыптасты. Тамақ өнімдерін өңдеу көлемі өткен жылдың қорытындысымен 6,3 пайызға артты.Былтыр ауыл шаруашылығының негізгі қорына 9,9 млрд. теңге инвестиция салынып, 2021 жылмен салыстырғанда 8 пайызға артса, биылғы қаңтар-ақпан айларында өткен жылдың сәйкес кезеңімен салыстырғанда 13,2 есе өсті.Өткен жылы саланы субсидиялауға 11,9 млрд. теңге қаржы бөлінсе, биыл 13,8 млрд. теңге қаралды. Сыр диқандары 195,6 мың гектарға ауыл шаруашылығы дақылдарын егуді жоспарлауда. Оның ішінде негізгі дақыл – күріш көлемі 83,9 мың гектар көлемінде межеленген», – деді аймақ басшысы.</blockquote>Ербол Қарашөкеев биылғы субсидиялау ережелерімен таныстырып, ауыл шаруашылығы жерлерін тиімді пайдалану мәселелерін талқыға салды.Жиынға облыстың ауылшаруашылығы саласының өкілдері, қала және аудан әкімдері бейнеконференция байланысы арқылы қатыстып, өз сұрақтарын қойды. «Абзал и К» ТС бас агрономы А.Алиакбаров, «Ақтөбе и К» ЖШС директоры Н.Іздібаев, «Ақжарма и К» ЖШС бас агрономы Ғ.Ізтілеуов, «Сейтжанов», ШҚ төрағасы Ш.Сейтжанов, «РК Мұнай» ЖШС құрылтайшысы Р.Нұржанова және «Ер-Әлі» шаруа қожалығының төрағасы Ә.Бекжанов ұсыныс-пікірлерін жеткізді.Айта кетейік, ҚР Ауыл шаруашылығы министрі Сыр өңіріне сапары барысында Сырдария ауданы Н.Ілиясов ауылындағы көркейту көгалдандыру, абаттандыру жұмыстарын көріп, республика көлемінде өтетін ауылды дамыту тақырыбындағы семинарға дайындық мәселелерін пысықтады. Жеке қабылдау өткізіп, жергілікті БАҚ өкілдеріне брифинг берді және Қызылорда қаласындағы ауыл шаруашылығы құрылымдары жұмысымен танысты.Өткен жылмен салыстырғанда облыста жалпы егіс көлемін 7,0 мың гектарға, оның ішінде күріш көлемін 5,3 мың гектарға, мал азықтық дақылдарды 2,3 мың гектарға, картоп, көкөніс, бақша көлемін 222 гектарға ұлғайту көзделуде. Вегетация кезеңіне су лимиті белгіленгеннен кейін егіс көлемі нақтыланатын болады.Су тапшылығын ескере отырып, ауыл шаруашылығын әртараптандыру үшін соңғы 2 жылда облыста күріш көлемі 11 мың гектарға дейін қысқартылып, орнына суды аз қажет ететін дақылдар көлемі 17,1 мың гектарға ұлғайтылды. 1,0 мың гектарға су үнемдеу технологиясын қолдану арқылы егін егілсе, биыл 667 гектарға қолданылатын болады. 2030 жылға дейін оның көлемін 17,2 мың гектарға жеткізу жоспарлануда. Биыл Украина ғалымдарымен тәжірибе ретінде демонстрациялық алқапқа әртараптандыру бағытындағы дақылдарды егу қолға алынды. Қазір көктемгі дала жұмыстары мен егін егу науқаны кестеге сай жүруде, диқандар тұқым, тыңайтқыш, техника және жанар-жағармаймен толық қамтылған.<figure class="image"><img src="https://knadmin.beoblood.kz/uploads/341395633_209940868431559_5724575190140212363_n_4b24733ae7.jpg" alt="341395633_209940868431559_5724575190140212363_n.jpg"></figure>&nbsp;<figure class="image"><img src="https://knadmin.beoblood.kz/uploads/341318327_143384901829122_1014767048932270058_n_4f41efb821.jpg" alt="341318327_143384901829122_1014767048932270058_n.jpg"></figure>&nbsp;<figure class="image"><img src="https://knadmin.beoblood.kz/uploads/341324903_722562379614699_5355449967744801095_n_f0b9908b96.jpg" alt="341324903_722562379614699_5355449967744801095_n.jpg"></figure>&nbsp;<figure class="image"><img src="https://knadmin.beoblood.kz/uploads/341276825_624000725758247_5406893597217647061_n_b8b5b7d0c7.jpg" alt="341276825_624000725758247_5406893597217647061_n.jpg"></figure>&nbsp;<figure class="image"><img src="https://knadmin.beoblood.kz/uploads/341395248_1270505900558455_7781455372090417650_n_6f191fd6ee.jpg" alt="341395248_1270505900558455_7781455372090417650_n.jpg"></figure>

ҚР Ауыл шаруашылығы министрі қызылордалық шаруалармен кездесті

<a href="https://kyzylorda-news.kz/">Kyzylorda-news.kz.</a> Қызылордада түзеу мекемесінен 16 сотталған жазасының өтелмеген бөлігі неғұрлым жеңіл жаза түріне ауыстырылып мекемеден босап шықты.Қызылорда облысы бойынша ҚАЖ департаментінің №37 мекемесінде 150-ден астам сотталған жазасын өтеуде. Жыл басынан мекемеге сот үкімімен 40-тан астам сотталған жаза мерзімін өтеуге жіберілсе, 52 сотталған мекемеден босатылды. Олардың ішінде бірі шартты түрде мерзімінен бұрын босатылса, жазасының өтелмеген бөлігін неғұрлым жеңіл жаза түріне ауыстыру арқылы, енді бірі мерзімінің соңымен босатылып жатыр.<blockquote>«ҚР ҚК-нің 73-бабына сәйкес, жазасының өтелмеген бөлігін неғұрлым жеңіл жаза түріне ауыстыру туралы Қызылорда қалалық №2 сотына жыл басынан 49 өтінішхат жолданған. Сот қаулысымен он алты сотталғанның жазасының өтелмеген бөлігін неғұрлым жеңіл жаза түріне ауыстырылып, мекемеден босатылған. ҚР ҚПК-нің 472 бабының 4 тармағына сәйкес мекемеге қабылданған әрбір сотталған туралы сотқа хабарлама жіберіледі. Сондай-ақ сотталғандардың жеке істері зерделеніп, олардың ішінде жеке куәліксіз келген сотталғандар анықталған жағдайда, соттан және тергеу изоляторы мен мекемелерге жеке куәліктерінің түпнұсқасын сұрату хаттарын жолдаймыз. Жыл басынан 8 сотталғанның жеке куәліктерін қалпына келтіру жұмыстары жүргізілді», – дейді әділет капитаны Мерей Табылғанова.</blockquote>

Қызылордада 16 сотталған түзеу мекемесінен босап шықты

<a href="https://kyzylorda-news.kz/">Kyzylorda-news.kz.</a> Қызылорда қаласының ҚАЖ қызметкерлерінің &nbsp;өз қызметтік міндеттерін адал атқаруға психологиялық әзірлігі болмаса, жұмыс барысында толымды нәтижелер күту қиын.&nbsp;Қаладағы №68 мемлекеттік мекемесінің кадр саясат тобы жеке құрамның &nbsp;моральдық-психологиялық жағынан мықты болуын қамтамасыз ету &nbsp;мақсатында әртүрлі іс-шаралар ұйымдастырады.&nbsp;Жуырда жұмысқа &nbsp;қабылданған жас мамандарды &nbsp;қызметтік &nbsp;жаңа жағдайларға кәсіби тұрғыдан және әлеуметтік-психологиялық бейімделуіне көмек көрсету үшін Жастар ресурстық орталығының психолог маманы &nbsp;Гүлжайна Ғабитқызы арнайы шақыртылды.&nbsp;Шара барысында алдымен «Сәлемдесу» тренингі өтті.&nbsp;Мақсаты - жеке басын &nbsp;таныстырып, бойындағы жағымды қасиетін айтуға үйрету. Бұл ойында олар өз-өздеріне деген сенімділігін арттырып, тұлғалық қасиеттерін дамытты. Одан кейін «Құбыр» «Жемістер» жинау ойындарын ойнап шықты.Қызметкерлер барлық ойындарға белсене қатысып, эмоционалдық тұрғыдан сергіп қалды.<blockquote>«Мұнан бөлек, қызметкерлердің қызмет атқару барысындағы психикалық күйін мойындау немесе жоққа шығаруға мүмкіндік беретін және жүйке жүйесінің тұрақтылығын, шыдамдылығын анықтап, оларды жеке-жеке қабылдап, кеңес беру жұмыстарын жүргізді», – деді кадр саясат тобының аға инспекторы, әділет капитаны М.Тұрымбетов.</blockquote>

Қызылорадада ҚАЖ қызметкерлері  психологиялық тренингке қатысты

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда облыстық филиалы алаңында партияның «Ауыл аманаты» жобасын іске асырудың жолдары талқыланды.Жиынға партия Хатшысы Эльдар Жұмағазиев, облыс әкімінің орынбасары Нұрымбет Сақтағанов және пилоттық ауылдық округтер әкімдері мен тиісті сала басшылары қатысты.«Ауыл аманаты» жобасы негізінен халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске барынша тарту, азық-түлік қауіпсіздігін және азаматтардың өмір сүру сапасын жақсартуға байланысты мәселелерді шешуге бағытталған.«Ауыл аманаты» жобасы қатысушыларға 2,5% ғана құрайтын төмендетілген сыйақы ставкасы бойынша шағын несие беруді көздейді. Жоба аясында &nbsp;2023 жылға Қызылорда облысына 3,0 млрд. теңге қаржы бөлініп отыр.Барлық ауылдық округтері бойынша скрининг жұмыстары жүріп жатыр. Нәтижесінде қазіргі таңда жобаға қатысатын 25 пилоттық ауылдық округтер айқындалды. Айқындалған ауылдық округтер бойынша халық саны 47 676 адамды құрайды, оның ішінде жұмыссыздар саны 872 адам.Бүгінгі күнге өңірде 5 бағыт бойынша 600 жобалар пулы қалыптастырылды. Атап айтсақ, ауыл шаруашылығы кооперациясын дамыту (ауыл шаруашылығы кооперативтері негізгі (техника, мал) және айналым қаражатын сатып алуға) – 653,8 млн. теңгеге 28 жоба; ауыл шаруашылығы тауарларын өндіру, өңдеу және қайта өңдеу (ет, сүт өндірісі) – 655,5 млн. теңгеге 18 жоба; өсімдік шаруашылығын дамыту (жылыжайлар, картоп, көкөніс, бақша дақылдарын өндіру) – 308,0 млн. теңгеге 55 жоба; мал шаруашылығын дамыту (мал басын ұлғайту, бордақылау және өнім алу үшін) 1 227,9 млн. теңгеге 360 жоба және өзге бағыттағы 139 бизнес жобаларға - 154,8 млн. теңгеге қаралып отыр.Осы жобаларды іске асыру нәтижесінде, аталған ауылдық округтер бойынша 636 жаңа жұмыс орындары ашылады. 3580 бас мал сатып алып, сүт және ет өндірісін 3 пайызға арттыру жоспарланып отыр. Сонымен қатар, жұмыссыздар санын 35 пайызға дейін азайту және ауыл халқының орташа табысын 15-20 пайызға арттыру көзделуде.Кездесу барысында Партия Хатшысы өзекті бизнес-жобалардың тізбесін және жеңілдікті кредиттер алу тетіктерін пысықтауды, сондай-ақ жергілікті тұрғындарға түсіндіру жұмысын жүргізуді тапсырды.Партия Хатшысы өңірдегі сапары барысында Сырдария ауданына қарасты Амангелді ауылдық округінде болып, жергілікті тұрғындарға жобаның маңыздылығын түсіндіріп, олардың ұсыныс -пікірлерін тыңдады.<img src="https://knadmin.beoblood.kz/uploads/c12e0d7e_645d_4d62_8dd9_5fb560b769d3_db488b173a.jpg" alt="c12e0d7e-645d-4d62-8dd9-5fb560b769d3.jpg">&nbsp;&nbsp;&nbsp;&nbsp;

«Ауыл аманаты» жобасының мақсаты ауыл халқының табысын арттыру

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының әкімі Нұрлыбек Нәлібаевтің тікелей тапсырмасына сәйкес, қыс-көктем мезгілдеріндегі дарияда мол су өту кезеңінен кейінгі «Сырдария» өзені бойындағы қорғаныс бөгеттерінің қазіргі жағдайымен танысу мақсатында құрылған облыстық жұмысшы тобы арнайы Сырдария ауданына барған болатын.&nbsp;Жұмысшы топ өкілдері Сырдария ауданына іс-сапары барысында алдағы уақытта күшейту және нығайту жұмыстарын қажет ететін «Шегіртке», «Мақтұмсейіт» және «Аласиыр» учаскескелеріндегі қорғаныс бөгеттерінің жағдайымен танысты.<blockquote>Сыр өңірін жағалай орналасқан «Сырдария» өзені қыс-көктем мезгілінде тосын әрекеттерге баратыны белгілі. Төтенше жағдай орын алмау үшін &nbsp;сақтық іс-шарасын күшейтуге барымызды салуымыз керек. Орасан шығынға ұшырамастан бұрын апаттың алдын алуға мүдделеміз. Оқу-жаттығу барысында арнайы учаскелердің бөгеттерінің қорғанысын күшейткен дұрыс. Алдағы уақытта бірлесіп жұмыс жасау арқылы дарияның ернеуінен аспауын мұқият қадалағанымыз жақсы. Қайткенмен, жергілікті тұрғындардың амандығы – басты назарымызда болады, – деді жұмысшы топ өкілдері.&nbsp;</blockquote>Аталған зерделеу жұмысы барысында туындаған мәселелер талқыланып, &nbsp;сала мамандарының ұсыныстары тыңдалды. &nbsp;

Арнайы жұмысшы топ Сырдарияда 

<a href="https://kyzylorda-news.kz/">Kyzylorda-news.kz.</a> Жазасын өтеушілерді мекеме қабырғасында еңбекке тарту белгілі бір кезеңде жүзеге асады. Жазасын өтеушілер еңбек ету арқылы мемлекетке, сот орындаушысына немесе жәбірленушіге берешегін өтеп, ал, ешқандай қарызы жоқ еңбек етуші жалақысының жартысын отбасына жіберіп, қалған бөлігін өз қажеттілігіне жұмсайды. Қылмыстық-атқару жүйесі департаментіне қарасты №60 мекемесінің өндірістік аймағында он төрт кәсіпкер кәсібін ашып, мерзімін өтеуші азаматтарды жұмыспен қамтып отыр.&nbsp;Соның бірі - тігін цехы. Бұл кәсіпорында он сегіз жазасын өтеуші жұмысқа арналған арнайы киімдерді тігуде. Арнайы киімнің негізгі қызметі – қорғаныш. Сондықтан, қосымша қорғаныш қасиеттері бар материалды қолдану арқылы тұтынушының талабына сай жұмыс жүргізуде. Өзінің жеке талғамы бойынша тапсырыс бергісі келетіндер үшін тапсырыс беруші кәсіпорын иесіне өзінің қалауын жеткізіп, қандай мақсатта киетінін айтады. Кәсіпкер тапсырыс берушінің көкейіндегіні дөп басу үшін қоластындағы қызметкеріне киім үлгісін алдымен қағаз бетіне түсіртіп көрсетеді. Дайын болған үлгіге жан бітіру үшін мата мен өнімді таңдау жұмыстары басталады. Кейін құрастырушы жұмысын бастайды. Ол өзінің міндетіне байланысты өлшемдер алады. Киімнің өлшемін алу үшін тапсырыс беруші берген дене бітім өлшемдерін ескереді. Киім үлгісі белгілі болып өлшем алынған киім пішетін еңбек етушіге жіберіледі.Қолмен тігілсе, қолөнерімен айналысатын шеберлердің қолына тапсырылады.Барлық жұмыстар жүргізіліп болғаннан кейін дайын өнім тапсырыс берушінің қолына тапсырылады. Арнайы киім тігу әдісі қарапайым киім тігу әдісінен айтарлықтай ерекшеленбейді. Алайда, аса жауапкершілікті талап етеді.&nbsp;<blockquote>«Жеке кәсіпкерлік цехында тігінші болып еңбек етудемін. Тапсырыстардың түсуіне қарай арнайы киімдер тігеміз. Жалақымыз тындырған ісімізге байланысты тұрақты түрде төленеді. Зейнетақы қорының аударымдары жөнінде де осылай дей аламын. Мұндағы жұмысым өзіме ұнайды. Ұжым мен басшылық арасында түсіністік пен өзара келісім қалыптасқан», - дейді жазасын өтеушілердің бірі.</blockquote>Жұмыспен қамтып отқан кәсіпкер тапсырыстың көптігіне байланысты алдағы уақытта қызметкерлер санын арттыру жоспарда бар екенін айтып, қол астындағы қызметкерлерің еңбегіне ризашылығын білдірді.&nbsp;

ҚАЖД:  Мерзімін өтеуші азаматтар жұмыспен қамтылып отыр

<a href="https://kyzylorda-news.kz/">Kyzylorda-news.kz.</a>&nbsp; Елімізде соңғы уақытта жасөспірімдер арасында келеңсіз жағдайлар көптеп орын алып жатқаны белгілі. Әлеуметтік желіде кәмелеттік жасқа толмаған балалардың төбелесуі, оның соңы қайғылы қазаға әкелуі де жиі көрініс табуда.&nbsp;Осыған орай бүгін Сырдария аудандық жастар ресурстық орталығы мен аудандық полиция бөлімінің ұйымдастыруымен аудандық полиция бөліміне ер балалармен экскурсия ұйымдастырылды. Құқық бұзушылық және топтық төбелестің алдын алу мақсатында өткен іс-шараға Сырдария аудандық аграрлы-техникалық колледж студенттері мен №210 О.Әбілпаттаев атындағы орта мектебінің оқушылары қатысты.Полиция бөліміне жасалған экскурсия барысында құқық бұзушылықтың алдын алу және топтық төбелестің соңы неге әкеп соғатынын және қандай болатындығын жеткізу мақсатында түсіндірме жұмыстары жүргізілді. Колледж және мектеп мұғалімдері оқушылармен бірге еріп жүрді.Аудандық полиция бөлімінің ғимаратында орналасқан уақытша ұстау абақтысы көрсетіліп, студенттер мен оқушыларға қылмыс жасаса соңы неге әкеп соғатыны ескертілді.Мұнан соң Қызылорда қалалық полиция бөлімінің инспектор психологы, полиция капитаны Ақнұр Сапарова арнайы семинар өткізіп, жасөспірімдерді бұзақылықтан бойларын аулақ ұстауға, мейірімді болуға шақырды. Аудандық жастар ресурстық орталығының директоры Нұрман Абдрасилов және АПб-нің ЖПҚб-ның КТІЖ-дегі УПИ-ры полиция лейтенанты Ақдаулет Созақбаев пен полиция аға лейтенанты Әйгерім Коштаева студенттер мен оқушыларға үлкен сенім артылатынын айтып, ата-аналары мен ұстаздарының сөзіне құлақ асудың маңызыдылығын жеткізді.Студенттер мен оқушылар кездесу соңында қандай әсер алғандарын жеткізді. &nbsp;

Қазақстан және Қызылорда облысының жаңалықтары