<a href="https://kyzylorda-news.kz/">Kyzylorda-news.kz.</a>&nbsp; Ұлттық дәстүрімізде қыз-келіншектердің бойындағы ісмерлікті қашанда жоғары баға¬лайды. Анасының қызына іс тігуді, кесте тоқуды үйретіп, оны бойына сіңіріп тәрбиелеу – ұлт құндылығы, әрі қанымызға сіңген қасиет.Тереңөзектік көпбалалы ана Қарлығаш Әкімжанова мамандығы заңгер болғанымен, сүйікті ісі тігін тігумен айналысқанына бес жылдай болды. Үлкен анасының бойынан іскерлікті көріп өскен қаршадай қыз бүгінде он саусағынан өнер тамған тігінші. Сара апаның кезінде ауданға белгілі тігінші болғанын жұрт жақсы біледі. Ал қазір кейуана тігіншілік өнерді үйренген қызы Қарлығаштың бет алысына қуанып қана қоймай, оны табыс көзіне айналдырған қызының кәсібіне тілекші болып отыр. Ал, Қарлығашты өмірдің өзі кәсіптің жаңа түрін меңгеруге үйретті десек артық айтқандық болмас.Қарлығашқа 5 балаға ана болу бақыты бұйырды. Ол Алланың бергенін көпсінбей, кездескен қиыншылыққа төтеп беруді жастайынан үйренген. Жас ананың екі бірдей баласы мүмкіндігі шектеулі болғаны жанына қатты батады. Дегенмен, өмірдің өзі күрес екенін құлағына құйып өскен ана түбі жақсылық болатынына сеніммен қарап, қайсарлық танытумен келеді.Мекеменің берген азғантай жалақысы мен жәрдемақы балаларының тамағы мен киім-кешегіне жеткенімен, кезінде баспанасының болмауы және балаларының еміне қаржының жетіспеуі «жаңа кәсіп түрін меңгеру керек» деген ойға жетелейді. Өз еркімен мекемедегі жұмысын тастап, кәсіпкерлікке ден қою үшін ізденеді.Нәтижелі жұмыспен қамту және жаппай кәсіпкерлікті дамыту бағдарламасына сәйке қайтарымсыз грант алған. Алдымен бағдарламаның бірінші бағыты аясында қысқа мерзімді курстан өткен болашақ кәсіпкер бизнес-жоспар әзірлеп, оны қорғап, кәсібін қаржыландырады.<blockquote>– Қазір Аллаға шүкір, көрген қиыншылықтар артта қалып келеді. Мемлекеттің жұмыссыздарға көрсетіп жатқан көмегіне рақмет. Қайтарымсыз грант алып, кәсібімді бастауға мүмкіндік алдым. Құрбым Света Әбілдаева қолынан келетін тігіншілікті үйретті. Түрлі үлгідегі оюды ойып, оны матаға жапсырып тігу, өнердің сан алуан түрін меңгертуге барын салды. Жанына ертіп жүріп, көрпеше көктеуді, тігін машинкасын жүргізуді үйретті. Қазір бесаспап болуыма себепші болған құрбыма айтар алғысым шексіз, – дейді тігінші Қарлығаш Алтынбекқызы.</blockquote>«Джаноми» электр машинасымен көрпешенің оюын қиыстыра тіге¬тін келіншектің кәсібіне сұраныс бар. Көздің жауын алатын керемет көрпешелерге тапсырыс беруге асығатындардың қатары да қалың. Кейде күні-түні жұмыс істеуге тура келеді екен. Қарлығаштың бір күнде 1 көр¬пеше мен жастық тыс тігіп шығуына мүмкіндігі келеді.Осы күні тігіншілік, қолөнер шеберлігімен айналысу бүгінгі заманның ең табысты бизнесінің бірі десек қателеспейсіз. Себебі, қазақы нақыштағы бұйымдарға, әсіресе, көрпешелерге, жастықтарға, жапқыштарға деген сұраныс бар. 3D үлгісіндегі заманауи көрпешеге де тапсырыс қабылдайды. Қыз жасауын тіккенде сыртынан қаптайтын сәнді қапшықтарымен қоса дайындап беруге де болатынын тілге тиек етті бізбен әңгімесінде шебер тігінші.Дайын өнім, яғни бір көрпеше 15-25 мың теңгеге бағаланады. Көр¬пешелердің құны матасына, ұзындығына, ою-өрнектің түріне және жұмыс көлеміне қарай өлшенеді.<blockquote>– Қазір көрпешелер қымбат матадан тігіледі. Астары да сапалы матадан жасалады. Мақтасын бөзге емес, сапалы болуы үшін сәтенге көктейміз. Ал тысы осындай керемет ою-өрнекті болады. Оюдың үлгілеріне салып, қошқармүйіз, ботамойын, толқын, жануарлар мен құстардың бейнесін оямыз. Тапсырыс берушінің талғамына қарай тігіп беремін, – дейді шағын кәсіп иесі.</blockquote>Қарлығаш ұзақ жыл баспана кезегінде тұрып, 2014 жылы кенттен көпқабатты тұрғын үйден 3 бөлемелі пәтер алуымен қуанышқа бөленді. Қуанышы еселене түсіп, балапандарының да дертіне дауа табылып, білікті дәрігерлердің арқасында тиісті ем-домын алуға мүмкіндік алды. Қазір көзге көрінген перзенттерінің болашағы үшін күндіз-түні маңдай терін төгіп, тігіншілікпен айналысуда.«Әль-Ғани» жеке кәсіпкерлік нысанның иесі ретінде болашақта кәсібін кеңейтуді армандайтын тігінші өзі секілді қыз-келіншектерді жұмыспен қамтығысы келеді. Ол үшін мемлекет тарапынан берілетін кәсіпкерлерді қолдау грантына қол жеткізуі керек екенін біледі.Нұрымжан, Әлімжан, Думан, Құрманәлі, Әль-Ғани есімді ұлдарды өсіріп-тәрбиелеп отырған ана кәсібіне қолдау білдіріп, қолы қалт етсе көмектесуге асығатын жұбайы Дінмұхамедпен тату-тәтті отбасына айналған. Ерлі-зайыптылар отбасылық кәсіптің дамуына білек сыбана кіріскен.Иә, екі қолға бір жұмыс таба алмай отырғанды көріп жүрміз. Сондықтан Қарлығаштың үлгілі ісін көпшілікке көрсетуді жөн көрдік. Себебі, ол білмегенді үйреніп, ісмерлікпен қоса іскерлікті қолға алған жасы кәсіпкерге айналды. Алдағы уақытта еңбегі еселеніп, кәсібінің мол табысына кенелуіне тілектеспіз.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Қарлығаш Әкімжанова: Қайтарымсыз грант алып, кәсібімді бастауға мүмкіндік алдым

<a href="https://kyzylorda-news.kz/">Kyzylorda-news.kz.</a> Қызылорда қаласында жастар мен жасөспірімдер арасындағы құқық бұзушылықтың алдын алу үшін қала әкімдігі жанынан құрылған жедел топ әр аумақта, оның ішінде саябақтарда, бірнеше мөлтек аудандар мен ойын-сауық мекемелерінде, көңіл көтеретін орындарда күшейтілген түнгі рейд жұмыстарын жүргізуде.Нәтижесінде, заңды өкілінің қарауынсыз жүрген 5 жасөспірім анықталып, ата-аналарына әкімшілік хаттамалар толтырылды. Естеріңізге сала кетсек, заңды өкілдерінің еріп жүруінсіз балалар мен жасөспірімдер ойын-сауық мекемелерінде тек сағат 22.00-ге дейін, ал көшеде сағат 23.00-ге дейін болуға рұқсат етіледі. Егер, бұл талап сақталмаған жағдайда, кәмелетке толмаған баланы тәрбиелеу немесе білім беру, оның құқықтары мен мүдделерін қорғау жөніндегі міндеттерін орындамағаны үшін Әкімшілік құқық бұзушылық туралы кодекстің 127-бабы бойынша ата-ана жауапкершілікке тартылады. Қала әкімінің орынбасары Жанмұрат Сейілов жетекшілік ететін құрамында қалалық полиция басқармасы, білім бөлімі, қоғамдық даму бөлімінің қызметкерлерінен жасақталған жедел топ қаладағы бірнеше мөлтек аудандар мен көңіл көтеретін орындарды аралап жүр.&nbsp;Сонымен бірге, рейд барысында қалалық қорғаныс істері жөніндегі басқармасының мамандарымен бірге жастарға әскерден жалтарудың қандай жауапкершілікке әкеп соқтыратындығы жөнінде де түсіндірме жұмыстары жүргізілді.&nbsp;Айта кету керек, бұл бағыттағы жұмыстар күнделікті жалғасын табады. Ата-аналардан балаларды беймезгіл уақытта қараусыз қалдырмауды сұраймыз.

Қызылорда қаласында түнгі рейд жұмыстары жүруде

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Берік Сәрменбаев тұрғындарды жеке мәселелері бойынша қабылдаған болатын.Қабылдауға алдын ала жазылған тұрғындар өздерінің толғандырып жүрген тұрғын үй жөндеу үшін көмек, үй салу үшін жер, көшелерді асфальттау, әлеуметтік көмек және тағы да басқа жеке өтініш-тілектерін жеткізе білді. Өз кезегінде аудан тұрғындары көкейтесті мәселелерін ортаға салып, шешілу жолдарын қарастыруды сұрады. Әрине, әрбір адамның өзіндік мәселесі бойынша тиісті іс-шаралар қабылдау – маңызды рөл ойнайды.<blockquote>Желілік кестеге сәйкес, аудан тұрғындарын жеке қабылдау жүргізу алдағы уақытта жалғасын табатын болады. Бұл жолы – бірнеше тұрғынның жеке мәселесін қарадық. Өзектілігіне қарай мәселелердің шешілуіне аса назар аударатын боламыз. Біз қай кезде де, халықтың пікірімен санасамыз. Әрбір сала басшысы өзіне тиісті мәселеге жауапкершілікпен қарайтын болады. Мүкіндігінше қордаланған мәселелерге назар аударып отырамыз. Тұрғындардың әлеуметтік жағдайына байланысты да, өзекті дүниелерді барынша зерделейтін боламыз, – деді аудан әкімі. &nbsp; &nbsp;</blockquote>Тұрғындардың мәселелері бойынша тиісті сала басшыларына тапсырмалар беріліп, бақылауға алынды. &nbsp;

Сырдария ауданының әкімі жеке қабылдау өткізді

Сәкен Сейфуллин ауылында жобалар қарқынды жүзеге асырылуда

<a href="https://kyzylorda-news.kz/">Kyzylorda-news.kz.</a> &nbsp;Мемлекетті құрайтын халық. Сол үшін ең бірінші қарапайым жұртшылықтың мұқтаждығына құлақ асу, өтініштерін орындау басты орында болуы керек. Президент Қасым-Жомарт Тоқаевтың үкіметке жеделдете отырып &nbsp;жаңа жоспар түзу туралы тапсырмасы көптің ойынан шыққан сыңайлы. Айтылған тапсырмалар мүлтіксіз орындалса, халқымыздың әлеуеті де, хал-ахуалы да жақсара түсетіні сөзсіз.Мемлекет басшысының өткен жылғы Жолдауында еліміздің жүзеге асатын реформаларға қатысты бес бағыты белгіленген еді. Бұл бағыттар жөнінде Президент VIII сайланған Парламенттің бірінші сессиясында кеңінен атап өтті. Ел үшін аса маңызды сәтте саяси жаңғыру бағдарламасы ұсынылды. Бастамалар жұрттың шынайы қолдауына ие болып отыр. Сол аралықта ауқымды жұмыс атқарылды. Конституциялық реформа арқылы бүкіл жүйені өзгертетін қадамдар жасалып жатыр. Президент жеті жылға бір рет қана сайланатын болды. Бүкіл сот жүйесіне түбегейлі реформа жасау басталды. Конституциялық Сот құрылды. Сонымен бірге Парламенттің құзыреті мен қызметі қайта қаралды. Депутаттардың рөлі едәуір күшейді. Адамның құқықтары мен бостандықтарын қорғауға қатысты жұмыс жаңаша сипат алды. Азаматтардың саяси өмірге емін-еркін араласуына бағыт ашылды. Реформалар «Күшті Президент – ықпалды Парламент – есеп беретін Үкімет» қағидасына негізделді.&nbsp;Аталған мәселелер жұртшылық тарапынан талай жылдан бері көтеріліп келгені жасырын емес. Конституциялық өзгерістерге сәйкес Президент сайлауы, Сенат, Мәжіліс және мәслихаттар сайлауы өтті. Конституцияға толықтыру және өзгерістер енгізуге қатысты референдумды қосқанда бір жылға жуық уақыттың ішінде өте маңызды 5 саяси науқан өткізілді.Президент осыдан дәл 1 жыл бұрынғы Жолдауында сайлау процесін жетілдіруде де бірқатар батыл бастамалардың қолға алынатынын атап өтті. Біріншіден, сайлауалды үгіт-насихат жұмыстарын онлайн платформада жүргізуге рұқсат берілді. Cондай-ақ сайлау заңнамасына да өзгертулер мен толықтырулар енгізілді. Заңнамадағы жаңа өзгерістер сайлау процесін жетілдіруде сайлаушылардың бірыңғай электрондық базасын құрудың қадамдарын анықтауды көздейді. Бұл рәсім сайлаушылардың екі рет дауыс беру ықтималдығының алдын алып, азаматтардың кез келген учаскеде дауыс беру мүмкіндігі қарастырады. Парламент Мәжілісі мен бірге жергілікті мәслихаттардың ықпалын арттыру – басты назарда. Мәслихаттар облыс әкімдерін тағайындауда соңғы шешімді шығаратын ықпалды институтқа айналды.&nbsp;Дәл қазіргі сәтте ауқымды өзгерістердің мемлекеттен бұрын қарапайым азаматтарға керек екені анық. Президент атап өткендей, реформалардың ауқымын ескерсек, олардан бір ғана жылдың ішінде толайым нәтиже күту бекершілік. Әйтсе де, осы уақыт аралығында бұл реформалардың заңдық негізі қалыптасып, іске асырыла бастағанын ескерсек, олардың нәтижесі халықтың бақуатты өмірі мен тұрмыс сапасын арттырудың алғышартына айналды.Ең бастысы, Мемлекет басшысы елдегі азаматтардың арыз-өтініштерін ескеретін, «тыңдаушы мемлекет» қағидасын дамытып, әлеуметтік мемлекет құруды, баға тұрақсыздығы мен қымбатшылықты, ұлттық валютаның девальвациясын және инфляцияны ауыздықтауды, олигархиялық әділетсіз жүйені жоюды, елдің ішкі қауіпсіздігі мен сыртқы қорғанысын қамал етуді стратегиялық міндеттер ретінде алуы – Қазақстанды тұрақтылық пен бейбітшілікке, экономикалық даму мен гүлденуге алып баратынына кәміл сенеміз.Айнұр ӘЛИ

Жаңару жолындағы алғашқы қадам

<a href="https://kyzylorda-news.kz/">Kyzylorda-news.kz.</a> Бүгінгі таңда қоғамның алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу. Бұл мәселе қазіргі таңда күрделі мәселелердің біріне айналып отыр.&nbsp;Қызылорда облысының Полиция департаментімен бұл бағытта &nbsp;жүйелі &nbsp;түрде алдын алу шаралары жүргізілуде.&nbsp;Жыл басынан ювеналды полиция бөліністерінің қызметкерлерімен барлығы 2322 құқық бұзушы ішкі істер органдарына жеткізілсе, оның ішінде 94 кәмелетке толмаған бейімдеу орталығына жатқызылды, 11 &nbsp;жасөспірім қылмыс жасағандары үшін ұсталды. Сондай-ақ түнгі уақытта заңды өкілінсіз тұрғын жайдан тыс жерде жүрген 1252 кәмелетке толмағандардың заңды өкілдері әкімшілік жауапкершілікке тартылды.&nbsp;Қызылорда облысындағы қоғамдық орындар мен көшелерде, түнгі клубтарда, кафе-барлар мен мейрамханаларда мектеп оқушыларының түнгі жүрістерін ырықтау, бей-берекеттіліктің алдын алу, олар тарапынан түн мезгілдерінде орын алатын құқық бұзушылықпен қылмыстың алдын алу мақсатында күнделікті кешкі сағат 22:00-ден бастап рейдтік &nbsp;шаралар жүргізілуде.&nbsp;&nbsp;Әрбір рейдтер бойынша ата-аналар мен жасөспірімдер арасында түсіндіру жұмыстары жүргізіліп, топтасып жасалған құқық бұзушылықтың зардаптары, оның жауапкершілігі туралы түсіндіріліп келеді.&nbsp;Облыс көлемінде кәмелетке толмағандар арасындағы криминогенді жағдай, жасөспірімнің барлық құқық бұзушылық мәселелеріне тосқауыл қою, басқа да құқық қорғау органдарымен, бала тәрбиесіне қатысты да, жауапты құзырлы мекемелермен бірлесіп атқарар жұмыстар мен тағы басқа мәселелерге ерекше көңіл аударылуда.&nbsp;Балалардың тәрбиесімен айналыспай, ата-аналық міндеттерін дәлелсіз себептермен орындамайтын 2 &nbsp;ата-ананы сот құзырымен ата-аналық құқығынан айырылса, 4 ата-ананың ата-аналық құқығы шектелді. 3 кәмелетке толмағандар Облыстық девиантты мінез-құлықты балаларға арналған мектеп-интернатына орналастырылды.Балалардың қауіпсіздігі – бірінші орында. &nbsp;Олардың қауіпсіздігіне тек тиісті мекемелер ғана емес, тұтас қоғам жауапты болу керек. Сонда ғана бүлдіршіндер мен жасөспірімдердің қауіпсіздігін қамтамасыз етуге болады.&nbsp;Тек полиция күшімен кәмелеттік жасқа толмағандардың және оларға қарсы жасалатын қылмыстарды тыю мүмкін емес. Сол себептен, бала тәрбиесіне мүдделі органдармен бірігіп балалар мен ата-аналарға түсіндірме жұмыстарын жүргізу оң нәтиже беретіні анық.Қазіргі уақытта жасөспірімдер арасындағы құқық бұзушылықтардың алдын &nbsp;алу мақсатында &nbsp;ұйымдастырылған рейдтер өз жалғасын табуда.Іс-шара барысында ІІО-ның қызметкерлері, денсаулық сақтау, үкіметтік емес, білім беру ұйымдарының өкілдерін және бұқаралық ақпарат құралдарын тарта отырып, сағат 22:00-ден 06:00-ге дейін кәмелетке толмағандар түнгі уақытта заңды өкілдерінің еріп жүруінсіз ойын-сауық мекемелерінде болу деректерін, сондай-ақ, сағат 23:00-ден &nbsp;06:00-ге дейін заңды өкілдерінің еріп жүруінсіз тұрғын жайдан тыс жерде болуы, кәмелетке толмағандардың қадағалаусыз және панасыз қалу деректерін анықтау мақсатында рейдтер ұйымдастырылып келеді. &nbsp;Күнделікті &nbsp;полиция қызметкерлері &nbsp;компьютерлік клубтар мен дүкендерді, ойын сауық орындарын &nbsp;тексеріп отыр. &nbsp; Бұл жұмыстарды облыс бойынша 100-ге жуық &nbsp;ювеналды инспекторлар атқаруда. &nbsp;Олармен соңғы үш күн ішінде &nbsp;170-тен астам құқық &nbsp;бұзушылық анықталды. &nbsp;Мәселен, облыс орталығының өзінде сәуір айының басынан кәмелетке толмағандар арасында қылмыс пен құқық бұзушылықтың алдын алу мақсатында ішкі істер органдарына 110 жасөспірім жеткізіліп, Қазақстан Республикасы Әкімшілік құқық бұзушылық туралы кодексінің 442-бабына сәйкес (Кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы) заңды өкілдері мен ата – аналарына 110 әкімшілік хаттама толтырылды. Кәмелетке толмағандарды бейімдеу орталығына &nbsp;18 жасөспірім &nbsp;орналастырылды.&nbsp; Сонымен қатар, облысымыздағы жасөспірімдер мен жастардың құқықтық мәдениетін көтеру, оларға құқықтық тәрбие беру үшін ішкі істер органдарының қызметкерлері және басқа да мүдделі органдарының өкілдерімен бірлесе отырып оқу орындарында 337 дәрістер, 51 кездесулер ұйымдастырылды. &nbsp; &nbsp;Іс-шара барысы &nbsp;жергілікті телеарнада, &nbsp;баспа беттерінде және интернет-ресурстарында кеңінен жариялануда.&nbsp; Алдын алу бағытында жүргізіліп жатқан бұл шаралар &nbsp;алдағы уақытта да жалғаспақ. &nbsp;<figure class="image image_resized" style="width:75%;"><img src="https://knadmin.beoblood.kz/uploads/image_14_04_23_11_01_d019b266c1.jpeg" alt="image-14-04-23-11-01.jpeg"></figure><figure class="image image_resized" style="width:75%;"><img src="https://knadmin.beoblood.kz/uploads/image_14_04_23_11_01_2_cdb671d22f.jpeg" alt="image-14-04-23-11-01-2.jpeg"></figure>

Қызылордада 1252 жасөспірімнің заңды өкілдері әкімшілік жауапкершілікке тартылды

<a href="https://kyzylorda-news.kz/">Kyzylorda-news.kz.</a> &nbsp;Жаңақорған ауданында көлеңкелі экономиканың түрі аз емес. Атап айтсақ, салық пен кедендік алымдардан жалтарудан бөлек жалған шот-фактура жасау, астыртын ойын бизнесі, қаржы пирамидасы сынды сан алуан түрлері кездесіп жатады. Осы мәселе төңірегінде жауапты мамандар бас қосып, ұсыныстарын ортаға салып, тақырыпты жан-жақты талқылады.Президент Қасым-Жомарт Тоқаев: «Сауда саласында тәртіп орнату өте маңызды. Көлеңкелі экономиканың ең жоғары деңгейлерінің бірі осы салада. Алыпсатарлық фактілері, тапшылықты қолдан жасау – заңсыздықтардың толық тізімі мұнымен шектелмейді. Мұның бәрі тауарлардың құнына үстемеленіп, азаматтар төлеп жатыр», – деді Президент.Дерек көздерінде, «көлеңкелі экономиканың» салдарынан елде 2022 жылы бюджетке 617 млрд теңге көлемінде шығын келді. Санда бар, санатта жоқ қаржы айналымына тосқауыл қойылмаса, 2025 жылы мемлекет қазынасы 1,2 трлн теңгеден қағылуы мүмкін. Бұл қаржыға жүздеген әлеуметтік нысандар салып, мыңдаған шақырым жолды жөндеуге болар еді. Бірақ мүдделі топтар қалтаға басуға дағдылы.Ақпараттарға сүйенсек, облыстағы шағын кәсіпкерліктің дамуы, саны жөнінен біздің аудан алдыңғы орында екен. Онда бөлшек сауда көлемі неге тым төмен? Бұл – біздің ауданда нөлдік көрсеткішпен есеп тапсыратындар азаймай тұрғандығын көрсетеді емес пе? Мәселен, үлкен сауда орындары сауда айналымын аз мөлшерде көрсетеді. Атап айтсақ, «Заңғар», «Бекере», «Ғани», «Қара Бура», «Магнит» және т.б ірі-ірі сауда орынына арнайы барып, мән-жайға терең қанығу үшін асықпай әрбір дүкен саудасын зерделеуге тырыстым. Бір ғана Хорасан ата көшесінде көлікке қызмет көрсететін орындар, автобөлшек сататын магазиндер, азық-түлік және құрылыс заттарын сататын сауда үйлері, кофе мен мейрамхана және т.б кәсіпкерлік нысандар бар. Тіпті кенттегі кәсібкерлік субъектілерінің басым бөлігі осы көшеде секілді. Бірақ бұл нысандардан кассалық аппаратты табу қиын. Міне, көлеңкелі экономика осыдан қалыптасады.Бірақ кәсіпкерлер табысты жасырып, салыққа болмашы қаржы төлеп отырғаны анық. Біз соған көз жеткізе түстік. Біз бақылаған «Ғани» сауда орнында бар-жоғы 10 минуттың ішінде 3 кассада 10 адам сауда жасады. Оның әр қайсысы кемінде 5 мың теңгеге сауда істеді дейік. Сонда 10 минутттың ішінде жоқ дегенде 50 мың теңге сауда болды. Бір сағатта 60 минут десек, 300 мың теңге. Бір күнде 12 сағат жұмыс жасады дейік, сонда (12×300=3600000) 3 млн теңгеге сауда болды деген сөз. Мейлі 2 млн теңгенің саудасын жасасын. Ал, қолдағы бар дерекке сүйенсек, бұл сауда орны 6 айға 10 млн теңге салық төледі. Енді, өзіңіз болжай беріңіз, біздің еліміздегі экономикалық ахуалдың жайын. Бұл бір ғана емес, барлық кәсіпкерлік нысандар оңай олжаға осылай әрекет етуді әдет қылды. Президент бизнесті тексеруге мораторий жариялады. Өте дұрыс шешім, байыпты бастама.Көлеңкелі экономиканың көлемін төмендету – ел алдында тұрған маңызды міндеттің бірі. Яғни әлдекімнің қалтасына түсіп жатқан жасырын табысты анықтап, мемлекет қоржынына түсіру маңызды мәселе. Осы ретте, ауданымыздағы кәсіпкерлердің жай-күйін білу мақсатында аудандық кәсіпкерлік, өнеркәсіп және туризм бөлімінің басшысы Қаржыбек Тәжібайұлымен тілдесуді жөн көрдік.– Облыс бойынша кәсіпкері ең көп біздің аудан. Өзге өңірлерде бізге қарағанда әлдеқайда аз. Солай бола тұра, олардағы кәсіпкерлік нысандардың басым көпшілігі «ЖШС» болып тіркелген әрі табыс көзін жасырмайды. Бір ғана мысал, бізде ірі-ірі сауда орындары болғанымен халқы шамалас Қазалы, Шиелі ауданынан бөлшек сауданың көлемі көп емес. Неге? Себебі сауда үйлері кассалық аппаратты қолданбайды, әрі тұрғындар да оны талап ете бермейді. Көлеңкелі экономика деңгейінің артуынан экономиканы құлдырап, елдің келешегіне кері әсер ете¬ді. Біздің ауданымыз «Береке», Заңғар-1», «Заңғар-2» «Ғани», «Қарабура», «Магнит» ірі сауда үйлері бар. Бұлар¬дың барлығы да жеке кәсіпкерлер ре¬тінде тіркеліп, алты айда бір рет қана есеп тапсырады. Сондағысы 6 айда 10 млн теңге көлемінде қаржы құяды. Егер осы сауда орталықтарының бар¬лығы жеке кәсіпкерліктен «ЖШС-ға» өтсе, ай сайын есеп беріп, салық төлейтін еді. Әрі қызметкерлерінің әлеуметтік төлемдер (зейнетақы және медициналық сақтандыруға қоры) жүргізеді. Бұл – жұмыс берушіге де, жұмысшыларға да өте тиімді. Осы бағытта кәсіпкерлер арасында түсіндірме жұмысын жүргізудеміз. Одан басқа қолдан келетін шара жоқ. Өйткені, 2023 жылдың қаңтарына дейін мараторий жарияланды. Осыны негізге алған кәсіпкерлер өздеріне оңтайлы шешімді оңынан пайдалануда. Енді 2023 жылдан бастап мараторий аяқталады. Сол кезде барып салықтың көлемі артып, ауданның бюджеті нығая түседі, – деп көкейіндегіні көпке жария етті.Иә, мемлекеттің қуатты болуында салықтың шешуші рөл атқаратыны белгілі. Қай елде салықтың түрлерін жинау ұтымды, ұтқыр ұйымдастырылса, сол елдің қазынасы толып, әлеуметтік мәселелерді шешуге қауқарлы болады. Осы тұста, экономика ғылымдарының кандидаты Сапарбай Жобаевтың «Елімізде былтыр «көлеңкелі экономи-каның» үлесі 20,23 пайыз болған. Меніңше, «көлеңкедегі нарықта» басым үлеске ие сала – арақ-шарап саудасы. Бұл тізімге бала бағу, көліктік қызмет түрі, репетитор ретінде сабақ беру, құрылыс жасауда көрсетілетін қызмет түрлерін қосуға болады. Осындай қызметтерден салық түспеген соң, мемлекеттік қазына ең кемі 1,4 трлн теңге түсімнен қағылып отыр. Бізде бюджетке салықтан түсетін түсімдер аз. Себебі, бюджеттік шығын-ның жартысы ғана салықтан жабылады. Дүниежүзіндегі 170 мемлекеттің экономикасы салық есебінен «өмір сүріп» отыр. Президент те кезінде «біздің елдің шығыны табысына сай емес» деген еді. Ол үшін «көлеңкедегі экономиканы» есепке алу қажет. Бұған дейін азаматтардың алатын табысына сай салық мөлшері бекітілуі тиіс деген мәселе көтерілген-ді. Мысалы, 20-30 млн айлық алатын адамдардың жеке табыс салығын 15 пайызға көтеру керек. Бұл бастамаға құзырлы органдар да, депутаттар да ешқандай пікір білдірген жоқ. Ал зейнетақы қорынан берілген қаражат елдегі 2 пайызға ие дәулетті адамдардың «оң жамба¬сына тура» келді. Тек жеке тұлғалардың емес, кәсіпорындардың да табыс салығын 20-30 пайыздан 40 пайызға көтеру керек деп есептеймін», – деген сөзінің жаны бар.Осындай «көлеңкелі» эканомиканың салдарынан аса ірі көлемдегі қаржы көздері бақылаудан тыс қалып, ел эканомикасына айтарлықтай қиындық туғызып отырғаны сөзсіз. Яғни, кәсіпкерлік нысандардың салықтан жалтаруы ортақ қазынаның ортайуына әкеледі. Егер әрбір азамат жауапкершілікпен қарап, мемлекет алдындағы міндетке бейқамдық танытпаса игі. Осы ретте, аудан тұрғындары салықтық міндеттерін орындауға қаншалықты ат салысуда. 2022 жылы салықтық төлемдер қалай орындалып жатыр? Бұл сұрақтарға аудандық Мемлекеттік кірістер басқармасының бөлім басшысы Талғат Мұстафаевтан сұрап көрдік.– Жаңақорған ауданы бойынша Мемлекеттік кірістер басқармасымен 2022 жылдың қорытындысы бойынша мемлекеттік бюджеттің жоспары 15066353,8 мың теңге болса, жалпы 18656160,3 мың теңге түсіп, 123,8 пайыз орындалды. Оның ішінде, аудандық бюджетке 2067415,9 мың теңге түсім түсті.Өткен жылдың осы кезеңімен салыстырғанда түсімнің өсу қарқыны 137,1 пайызды құрады. Аудан көлемінде кәсіпкерлік субьектілерімен жүргізілген түсіндірме жұмыстары барысында салық есептілігін 0-дік көрсеткішпен тапсырған 35 салық төлеушіге 2019 жылдың 1,2 жартыжылдығына 17 053,0 мың теңге айналым сомасына қосымша салық есептілігі тапсыртылып, жергілікті бюджетке қосымша 255,8 мың теңге салық түсімдері түсті. Камералдық бақылау бойынша 3 тоқсан 2021 жылы 115 тұлғаға 142748,4 мың теңгеге хабарлау қалыптастырылған. Оның 300,0 мың теңгесі нақты ақшамен өндірілген.Сондай-ақ 3 тоқсан 2023 жылы 115 тұлғаға 2 909 009,0 мың теңгеге хабарлама қалыптастырылып 23 386,0 мың теңге нақты ақшамен төлем жасалған. Ал 76 440,5 мың теңгеге артық ақшаның есебінен өндірілген. Камералдық бақылау бойынша 4 тоқсан 2022 жылы 13 тұлғаға 123 163,4 мың теңгеге хабарлама қалыптастырылды. Оның ішінде 7 тұлғаға 63 714,1 мың теңгеге хабарлама қолмен шығарылды. Алдағы уақытта да, бұл бағытта қосымша кіріс көздерін іздестіру мақсатында жұмыстар жалғасын таба береді. Жаңақорған ауданында 01.10.2022 жылға 676 заңды тұлға, 4 224 дара кәсіпкер және 991 шаруа қожалығы, барлығы 5 891 салық төлеуші тіркеу есебінде тұр. Қазіргі таңда кәсіпкерлік саласына тексеруге рахымшылық бергендігіне байланысты салық есептілігін мерзімінде тапсырмау жағдайы жиілеп кеткен. Бір ғана 1 жартыжылдық 2022 жылы 1438 кәсіпкерлік субьектілеріне хабарлама шығарылған. Яғни тіркелген кәсіпкерлер саны 4157 болса, 34,5 пайызы кеш тапсырған. Сонымен қатар қәзіргі таңда 12.5 көрсеткіші бойынша бір жыл ішінде кірістер бойынша нөлдік немесе бос декларацияны (911.00, 910.00, 912.00, 220.00 СЕН ) ұсынған дара кәсіпкерлер бойынша жұмыстар жүргізілуде. Талдау барысында салық төлеушілердің басым бөлігі кәсіпкерлігін ашқанымен нақты табысы болмағандықтан салық есептілігін 0-дік көрсеткішпен тапсыруға мәжбүр болуда. Алайда салық кодексінің талаптары бойынша 0-дік көрсеткішпен салық есептілігін тапсыруға тиым салынбаған. Осыған байланысты камералдық бақылаумен немесе уәкілетті органдардың мәліметіне сәйкес табысын жасырып отырған салық төлеушілер тізімі алынып бағалау көрсеткіші осы арқылы белгіленсе деген ұсынысымыз жүзеге асса нұр үстіне нұр, – дейді жауапты маман.Дұрыс-ақ, салық түсімі артып, аудандық бюджет толыға берсің. Бірақ одан асыра орындауға мүмкіндік мол ғой! Мәселен, көлік салығын 300 пайызбен орындайтын елді мекендерге мониторинг жүргізіп, жоспарлауы қаншалықты шынайы жүргізілетінін анықтауға болады. Жалпы, салыққа байланысты мәселе көп.Расында, «Көлеңкелі» экономиканың салдарынан аса ірі көлемдегі қаржы көздері бақылаудан тыс қалып, мемлекеттің экономикасына үлкен қауіп төнері сөзсіз. Дамыған елдерде салық жүйесі жолға қойылған, экономикасы тұрақты, Ұлттық қорындағы қаражаты бүгінгі күннің қамы үшін емес, келер ұрпақтың еншісіне деп сақталатынын көреміз. Байыбына барып қарасақ, салық – айналып келгенде өзімізге қайтатын капитал. Көшелердің жарықтандырылуы, құрылыстардың қарқын алуы біз бен сіздің салып отырған салықтан жүзеге асырылады. Бізді мақсат осыны түсіндіру, ұғындыру ғана...

Жаңақорғанда көлеңкелі кәсіптің күнгей тұстары талқыланды

<a href="https://kyzylorda-news.kz/">Kyzylorda-news.kz.</a> Ауа райы қалыпқа келіп, жердің тоңы жібігеннен Жалағаш ауданында жол құрылысы қайта қарқын алды. Олай болатындай реті де. Себебі бұл ауданда жол сапасына қатысты былтырғы жылдан қалған өтпелі жобалар да жоқ емес еді. Бүгінде мердігер мекеме «Қызылорда жолдары» ЖШС мамандарының аудан орталығындағы Мөрәлі Шәменов көшесінің күрделі жөндеу жұмыстарын қолға алғанына біршама уақыт болды. Қазіргі таңда серіктестік қызметкерлерінің жұмысы қауырт. Біз де Жалағаш ауданында құрылыс жұмыстарының басталғанын естіп, аталған көшеге атбасын бұрып, құрылыс барысымен танысуды жөн көрдік.&nbsp;Қызылорданың желі көтерген шаң қолқаны қапса да, көше құрылысының қарқыны жоғары. Атқарылып жатқан жұмыстарға қарап, көз тойып, көңіл марқаяды. Біз барғанда жол жиектеріне ескертпе белгілері қойылып, ескі асфальтты сүру және жолды тегістеу жұмыстары жүріп жатыр екен. Сүріліп алынған ескі асфальттың ұнтағы да пайдаға асырылады, яғни жолдың екі жағына төселуде. Сонымен қатар жолдың қарсы бағыттарына жаяу жүгіншілерге арналған жол жиектемесі жасалып, тас кеспекше орналастырылады. Бригадирдің айтуынша, жол жиектемесінің ені 1,5 м, ал ұзындығы 2,6 шақырым екен.– Бүгінде арықтардың жан-жағы тегістеліп, көлік жолы кеңейтіліп жатыр. Көріп тұрғаныңыздай, ескі асфальтты толықтай қырып болған соң, жолдың бетіне бірінші топырақ жаямыз. Толықтай топырақпен тегістеліп, бетіне қиыршық тас төселеді. Содан кейін асфальт төсеу жұмыстары жүреді. Жалпы, асфальттың қалыңдығы төселген құм-тасымен есептегенде 15 см, ал асфальттың өзі 7-8 см қалыңдықта болады. Қазір кұм төсеу жұмысына дайындалып жатырмыз, құмды осы жергілікті жерден тасыймыз. Ал асфальт өзіміздің зауыттан, тасты Шиеліден алдырамыз. Жұмыс барысы шүкір, қарқынды. Ешқандай қиындық туғызатындай мәселе жоқ. Сондай-ақ көшенің ортасынан өтіп жатқан арыққа темірден 28 көпір орнатамыз, яғни жаяу жүргіншілердің жүріп тұруы да жеңілдейтін болады. Асфальттау жұмыстары аяқталған соң жол белгілері, жаяу жүргіншілер жолағы міндетті түрде орнатылады. Кеше аудан басшылығы да келіп, жұмыс барысын қадағалап кетті, – дейді бригадир Болат Әліпбаев.Иә, Мөрәлі Шәменов көшесіндегі жұмысшылардың белсенділігі өте жоғары. Мердігер мекеме басшысы да күн райы құбылмай, ешқандай қиындықтар туындамаса, құрылыс жұмыстарын жылдам әрі сапалы аяқтап, жаңа жолды тезірек тұрғындардың игілігіне табыстауға ниетті. Көше құрылысына 50 шақты жұмысшы тартылған. «Мені мен техникадан басқасының бәрі Жалағаштан» деп әзілдеген бригадирдің сөзінен жұмыс-шылар да жергілікті азаматтар екенін байқау қиын емес. Әуел бастан жобаны бекітерде жұмысшылар ауданның жұмыссыз тұрғындарынан тартылатын болып келісілген екен. &nbsp;Көше тұрғындары да жол құрылысының ерте басталып кеткеніне таң қалып, қуанышын жасырмады. Олардың қатарында Жалағаш ауданының тұрғыны Әйгерім Рзағали да бар.– Жасыратыны жоқ, кент орталығында тұрсақ та, соңғы жылдары көшеміздің сапасы төмендеп кеткен еді. Енді міне, көшемізге жаңа асфальт жабындысы төселейін деп жатыр. Көшеміздің ажары кіретін болды. Қуаны-шымызда шек жоқ. Көше тұрғындары атынан алғысымыз шексіз, – дейді кент тұрғыны Әйгерім Рзағали.Жалағаш ауданында соңғы жылдары жол құрылысы қарқын алғанын аңғару қиын емес. Былтыр да бұл бағытта ауқымды жұмыстар атқарылып, 9 жоба жүзеге асқан болатын. Сондай-ақ кенттегі 2 көшеге орташа жөндеу жұмыстары жүргізілген. Биыл да ауданда жол құрылысы бойынша ауқымды жобаларды жүзеге асыру жоспарланған. Соның ішінде жалпы құны 643,6 млн теңгеге аудан орталығындағы М.Шәменов көшесінен бөлек І.Нұркенов, И.Панфилов, Мысық би, А.Бектібаев көшелеріне күрделі жөндеу жұмыстары жүргізілмек. Ал ПМК-09 көшесіне ағымдағы жөндеу жұмыстары жасалады.&nbsp;Біраз уақыттан бері Дәуімбай елді мекені тұрғындарының көтеріп жүрген теміржол арқылы жаяу жүргіншілер өтуге арналған аспалы көпірдің қажеттілігі де оң шешімін тауыпты. Бұл жоба биыл облыстық бюджет есебінен 184,8 млн теңгеге қаржыландырылатын болды. Бүгінде мемлекеттік сатып алу жұмыстарының қорытындысымен мердігер мекеме де анықталған. Осылайша арғы беттегі ағайынның да талап-тілегі ескеріліп жатыр.

Жалағашта жол сапасы жоғары

<a href="https://kyzylorda-news.kz/">Kyzylorda-news.kz.</a> Қалалық орталықтандырылған кітапханалар жүйесіне қарасты А.С.Пушкин атындағы орталық кітапхана мен &nbsp;№17 Қызылжарма ауылдық кітапханаларының ұйымдастыруымен журналист, жазушы Сақтапберген Әлжіковтың өмірі мен шығармашылығына арналған «Сара сөздің семсері» атты әдеби кеш өтті.Сыр халқының &nbsp;ыстық ықыласына бөленген Сақтапберген Әлжіковтің &nbsp; өнегелі өмір &nbsp;жолдарын өскелең &nbsp;ұрпаққа өнеге тұтып, жастардың кітап оқуға деген құлшынысын арттыру мақсатындағы шараны ҚМУ студенті, &nbsp;кітапхана оқырманы Санақұл Бексұлтан &nbsp;С.Әлжіковке &nbsp;«Арнау» өлеңімен ашты.Әдеби кешке Қызылжарма ауылдық округінің тұрғыны, зейнеткер Қожахмет Ыдырысов, республикалық «Әлімсақ» журналының бас редакторы Нұрлан Көбегенұлы, С.Әлжіковтің немересі Жәнібек Орынбасарұлы Әлжіков қатысты.&nbsp;Рухани шарада «Сатира саңлағы» атты кітап көрмесі ұйымдастырылды. Сондай-ақ көрермендерге экраннан Сақтапберген Әлжіковтың өмірі мен шығармашылығына &nbsp;арналған бейнебаян көрсетілді. Қарап отырсақ, сықақ әңгімелері қоғамдағы белең алып отырған кейбір келеңсіз құбылыстарды, адам психологиясындағы, олардың күнделікті қарым-қатынасындағы ерсі қылықтарды сын садағына ілген. Әрбір мәселені сатира тілімен &nbsp;жеткізген.&nbsp;Бүгінгі кеште сықақ әңгімелерінен мәдениет қызметкерлері көрініс көрсетті. &nbsp;Қаламгердің &nbsp;адалдық, адамгершілік, намысшылдық, ержүректік, еңбекқорлық қасиеттердің қоғам дамуы мен адамдар қажеттілігінің нағыз құндылықтары екендігін көркем тілмен бейнелеген очерктері бойынша қойылған қойылымда &nbsp;оқырманға &nbsp;ой салатындай шынайы көрсетілді.&nbsp;Кеш қонақтары сөз алып қаламгердің шығармашылығының қоғамдағы маңыздылығы мен шынайылығы туралы, &nbsp;естеліктер айтты.&nbsp;С.Әлжіковтер әулеті өзінің еңбегімен, білімімен, өнерімен Сыр жеріне танымал. Сақтапберген ағамыз &nbsp;өз оқырманының жанын &nbsp;қыл қаламмен өрнектелген шығармасымен емдесе, немересі Жәнібек &nbsp;адамның тәнін емдеп, халықтың ризашылығына бөленіп жүрген ақ халатты абзал жан.&nbsp;Шара барысында Қызылжарма Мәдениет үйінің қызметкерлері &nbsp;Мирамбек Көшеков &nbsp;«Бір ел болса», &nbsp;Қуаныш Ахметқызы бірнеше әндерді орындап, қатысушыларға әннен шәшу шашты. Аталған кешті қалалық орталықтандырылған кітапханалар жүйесінің директоры Гүлмира Шамсутдинқызы қорытындылады.

Қызылордада сатирик С.Әлжіковке арналған әдеби кеш өтті

<a href="https://kyzylorda-news.kz/">Kyzylorda-news.kz.</a> &nbsp;«Қазақстан – дарынды жастар мекені. Ертең еліміздің абыройын асыратын да – осы талантты ұл-қыздар. Біз олардың өрісін ашып, қарым-қабілетін шыңдау үшін бар мүмкіндікті жасауға тиіспіз» деген еді Ел Президенті Қасым-Жомарт Тоқаев бір сөзінде. Шыны сол, аудан жастарының белсенділігі көңіл серпілтеді.Аудан аумағында жастардың достық қарым-қатынасын ұлғайту, жастардың уақытын тиімді пайдалануды үйлестіру, қоғамның әлсіз топқа деген мейрімділігін көрсете отырып, қоғамдағы теңдікті сақтау, өскелең ұрпаққа тәрбиелік мәні бар құндылықтарды насихаттау, дәстүрлі емес діни жат ағымдарға жастардың, жұмыссыздардың тартылуының алдын алу бағытында біршама жұмыстар атқарылып келеді. Олардың уақытын тиімді пайдалану мақсатында жиі спорттық, мәдени іс-шаралар мен акция, форумдар өткізіліп тұрады. Жастардың патриоттық сезімдерін ояту аясында да үздіксіз арнаулы іс-шаралар жүргізіліп отырады. Ерікті болып, жақсылықта жарысып та жүр. Иә, «Жас келсе, іске», «Әрбір жастық шақ жүйріктікке толы» деген секілді тәмсілдер бекер айтылмаса керекті. Әрдайым болашақтың тұтқасын ұстап, кемел келешектің жаңашыл бастауы болатын – осы жастар.Көпшілікті толғандыратын мәселе бар. Аудандағы жастардың жайы қалай? Олар нендей жұмыспен айналысуда? Сауалға жауап іздеп аудандық Жастар үйіне ат басын тіредік. Нәтиже де көңіл қуантады. 2016 жылдың қараша айынан бастап «Қармақшы аудандық Жастар ресурстық орталығы» коммуналдық мемлекеттік мекемесі құрылып, бүгінде орталыққа Нұржұман Пірназаров басшылық етеді.Жалпы ауданда жалпы халық саны 52500 болса, &nbsp;оның ішінде 14-35 аралығында 16622 жасты құрап, 4025 жасқа ұлғайып жалпы халықтың 31,9% құрап отыр. Оның ішінде 18-34 жас аралығындағы жастардың саны – 12976.<blockquote>«Аудандық Жастар ресурстық орталығының ұйымдастыруымен биылғы І жартыжылдық қорытындысы бойынша әртүрлі бағытта 45 шара ұйымдастырылып 1500 нан аса жас қамтылған болатын. 2022 жылдың қазан айынан бастап Жастар орталығының бейресми атауын «QADAM» жастар ресурстық орталығы деп өзгерттік. Мақсаты – жастардың барлық жаңа, тың, алғашқы қадамдарына осы жастар орталығы себепші болсын деген ниетпен жасалды. Қазіргі уақытта орталық &nbsp;Qadam kenes, Qadam qamqоr, Qadam qoldau жобаларын іске асырылып келеді. Бұл үш бағыт бойынша да біз жастарға жан-жақты кеңес беру, сонымен қоса волонтерлік жұмыстарды қалыптастырамыз. Жастардың бос уақыттарын тиімді ұйымдастыру бойынша да әртүрлі бағыттағы іс-шаралар тұрақты түрде ұйымдастырылып келеді. Алдыға қойған мақсатымыздың бірі – аудан жастарын шағын гранттарға қатыстыру. Республикалық, облыстық, аудандық гранттарға көбірек қатыстырып, кәсіп ашуына ықпал жасау. Қармақшы киелі мекен болғандықтан, аға буын өкілдері мен жастар арасындағы байланыс орнату негізгі мақсатымыздың бірі. Осы байланыс арқылы жастарды еңбекке баулу, патриоттыққа тәрбиелеу. Сонымен қоса жас отбасыларға өнегелі отбасыларды дәріптеп, сыйластықты қалыптастыруға бағытталған іс-шаралар жүргізіліп отырады», дейді орталық басшысы Нұржұман Пірназаров.</blockquote>Жастар қашанда қоғамның қозғаушы күші. Олар өзіндік күш-жігерімен, тың идеясымен болашақтың тұтқасы болып келеді. Біз білетін қазақтың батыры, ақыны, жазушысы да жастайынан әлемге танылды. Олардың арасында ерікті түрде көмек көрсететін белсенді жастардың қатары да артып келеді. Қазіргі таңда ауданда 300 жас ерікті болып тіркелген.Жосалы кенті бойынша 3 еріктілер тобы жұмыс жасайды олар: «Qasietti Qarmaqsmym» еріктілер тобы (140 жас), «Харекет» қоры филиалы (20 жас), автоволонтерлар (15 жас). Төретам кенті және ауылдық округтер – (135 жас).Жастар арасындағы тәртіп те тұрақты түрде бақылануда. Қаңтар-наурыз айлары аралығында көше мен қоғамдық орындарда жасалатын қылмыстардың, сондай ақ адам өмірі мен денсаулығына қол сұғушылықтың алдын алу бағытында аудан әкімдігінің бөлімдері мен құқық қорғау органдары қызметкерлері бірлесескен топ құрылып, түнгі 21.00 – 01.00 аралығында рейдтік іс шаралар ұйымдастырылды. Сондай-ақ пробация есебіндегі жастармен жұмыс та үздіксіз жүргізіліп келеді.<blockquote>«Ашығын айту керек қой. Жас буынды желдетіп тұрған әлеуметтік желі. Уақытын сонымен өлтіріп жатады. Әлеуметтік желіден көрген дүниесін өмірде қайталағысы келеді. Бірден жетістікке жетуді қалайды. Осы желіден көріп алған соң бәсекеге қабілетті бола ма?! Ойлап қараңызшы. Алдыңғы буын айтып жатады ғой маңдай термен еңбек еттік, мақта теріп, күріш ектік деген секілді. Жастар да осы сияқты еңбекпен өсетін болса, ол кезде барлығына дайын болады. Жастардың потенциалы жаман емес. Дей тұра жастарға мүмкіндік өте көп. Бұрын потенциал көп, мүмкіндік аз болса, қазір керісінше мүмкіндік көп, потенциал аздау болып тұр. Яғни жастардың еңбекке бейімділігі төмен», дейді орталық директоры.</blockquote>Ауданымызда 2023 жылдың І тоқсан қорытындысы бойынша пробация қызметінің есебінде тұрған 18-34 жас аралығында 21 жас бар. Осы жылдың қаңтар айында аудандық жастар ресурстық орталығы мен аудандық пробация қызметі арасындағы өзара ықпалдастық пен ынтымақтастық туралы меморандумға қол қойылып түрлі бағыттағы іс-шаралар өткізілуде. Сонымен қатар І тоқсан қортындысы бойынша 4 спорттық шара (ұлттық спорт ойындары), дәстүрлі дін бағытында – 1 кездесу, психологиялық кеңес беру бойынша – 1 кездесу шаралары ұйымдастырылды.Үстіміздегі жылдың ақпан айында Қазақстан Республикасы Еңбек және халықты әлеуметтік қорғау министірлігінен халықтың әлеуметтік статусын құру бойынша ортақ база қалыптастыру мақсатында облыс және аудандар бойынша тізім жіберілген болатын. Атап айтқанда Қармақшы ауданы бойынша аудан бойынша (министірліктен келген тізім) NEET санатындағы 930 жастың тізімі нақтыланып жанжақты зерттелген болатын. Жоғары оқу студенттері – 25, Колледж студентері – 6, Үй шаруасындағылар – 106, Тіркеу орнында тұрмайтыны – 92, Бейресми – 275, Тіркелмеген жұмыссыздар – 93, Қазақстан Республикасы шегінен тыс кеткен – 30, Бас бостандығынан айырылғандар – 1, Статус анықталмаған – 24, Тіркелмеген ЖК – 30, Әскердегі – 1, 35 жастан асқандар – 44, Мүмкіндігі шектеулі – 1, Жұмыстағылар – 202 жас анықталды.Орталық мамандарының айтуынша, мемлекеттік бағдарламалар насихаттау және орталықтың қызметтері бойынша консультациялар бойынша аудандық «Qadam» жастар ресурстық орталығына тікелей келіп кеңес алған 14-35 жас аралығындағы жастар саны – 400. Оның ішінде «Жасыл ел» бағдарламасы бойынша – 10 жас, кәсіпкерлік бағыты – 30 жас, тенис үйірмесіне келушілер – 50 жас, дебат ойындары бойынша – 35 жас, тікелей эфир – 215, «Игротека» жобасы бойынша – 60 жас. Мемлекеттік бағдарламаларды жастар арасында &nbsp;насихаттау мақсатында 25 кездесу өткізілді.16-34 жас аралығындағы аудан жастарын маусымдық жұмыспен қамту мақсатында мемлекеттік бағдарламаның «Жасыл ел» жобасы бойынша жұмыстар жүзеге асырылды. Жалпы мамыр-тамыз айлары аралығында 200 жас маусымдық жұмыспен қамтылды.<blockquote>«Орталыққа келгеніме жарты жылдан асып кетті. Біршама өзгерістер орын алып жатыр. Оны жастардың өзі де бақылап, байқап жүр. Халық та өз бағасын беріп жатыр. Келесі жылы жоғарыда айтып кеткен бағыттар бойынша Qadam kenes, Qadam qamqоr, Qadam quqyq жобалары негізінде жұмыстар жүйелі жүргізіледі. Сонымен қоса «Көшбасшылар мектебін» ашу жоспарда бар. Ауданда белгілі бір жастардың көшбасшысын қалыптастыру керек. Яғни имидж деп айтып жатамыз ғой. Жаңа көшбасшылар шығу керек. Алдағы уақытта осы бағыт негізінде жұмыс істейміз. Мұнан бөлек мемлекеттің жастарға беріп жатқан мол мүмкіндігін пайдаланып, оларды жан-жақты дамыту. Оқыту курстары да көбейетін болады. SMM, мобилография, осы секілді өзге де салалар бойынша оқыту жоспарлануда. Ал аға буынмен, үлгілі отбасылармен кездесу, психологиялық кеңестер беру, пробациялық есепте тұрған жастармен жиналыс үздіксіз жүргізіліп тұрады» дейді ол.</blockquote>Жастар ресурстық орталығының атқарылған жұмыстары орталықтың әлеуметтік парақшаларында тұрақты жарияланып отырады. Фейсбук әлейметтік желісінде барлығы 69 материал жарық көрген. Оның ішінде іс-шараны ақпараттандыру бойынша – 80, ақпараттық-танымдық материалдар –71, видеоролик – 37, тікелей эфир – 10. Оқырмандар саны – 2830.Инстаграм әлеуметтік желісі бойынша барлығы 66 материал жарық көрген. Оның ішінде іс-шараны ақпараттандыру – 75, ақпараттық-танымдық материалдар – 66, видеоролик – 37, тікелей эфир – 10. Оқырмандар саны – 2713.

Қармақшыдағы жастар орталығының жұмысы жүйелі 

Жаңақорғанда жайылымдық жер өзекті

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінде Темірбек Жүргеновтің 125 жылдығына арналған «Ұлт руханияты жəне Т.Жүргенов мұрасы: жасампаздығы мен зерттелу кеңістігі» атты халықаралық ғылыми-тəжірибелік конференция өтті.Конференцияға отандық және шетелдік ғалымдар, ҚР ҰҒА академиктері, зиялы қауым өкілдері, мемлекет қайраткерлері, сонымен бірге Қызылорда облысы әкімінің орынбасары Нұрымбет Сақтағанов, Халықаралық «TURKSOY» ұйымының бас хатшысы Сұлтан Раев қатысты.Жиында ұлт руханиятының көрнекті өкілі, мемлекет және қоғам қайраткері Темірбек Жүргеновтің тартысқа толы тағдыры, қазақ халқы үшін атқарған еңбегі туралы тың зерттеулер айтылды.&nbsp;<blockquote>«Халықаралық «TURKSOY» ұйымы 2023 жылды түркі әлеміндегі Темірбек Жүргенов жылы деп жариялады. Мерейтой жылы ауқымды шаралар ұйымдастырылып, Анкарада, Астанада Темірбек Жүргенов туралы кітаптардың таныстырылымы өтті. Алдағы уақытта Өзбекстан мен Қызғызстанда ұлт қайраткері туралы іс-шаралар өткізілмек. Биыл Түркияда қазан айында «Нарком Жүргенов» қойылымының премьерасы болады», – деді &nbsp;«TURKSOY» ұйымының бас хатшысы Сұлтан Раев.</blockquote>Конференция барысында Бейбіт Қойшыбаевтың «Комиссар Жүргенов» кітабының тұсаукесері өтті. Романда Темірбек Жүргеновтің өмір жолы, өскен ортасы, ел игілігін көздеген жанқиярлық еңбегі, қуғын-сүргінге түскен отбасының ахуалы суреттелген.Сондай-ақ, Қорқыт ата атындағы Қызылорда университетінің ғылыми кітапханасында «Қазақ руханиятының жарық жұлдызы» тақырыбында арнайы кітап көрмесі ұйымдастырылды.Айта кету керек, жиында ҚР Ұлттық ғылым академиясының академигі, Абай атындағы Қазақ ұлттық педагогикалық университетінің профессоры, тарих ғылымдарының докторы Мәмбет Қойгелдиев, &nbsp;«Арыс» қорының президенті, «Арыс» баспасының директоры, филология ғылымдарының докторы Әнес Ғарифолла, Мемлекет тарихы институты директорының міндетін атқарушы, ҚР Ұлттық кеңесінің мүшесі, тарих ғылымдарының докторы, профессор Бүркітбай Аяған, «Комиссар Жүргенов» кітабының авторы, &nbsp;жазушы, публицист, ғалым, тарих ғылымдарының кандидаты Бейбіт Қойшыбаев, Қ.А. Яcсауи атындағы Халықаралық қазақ-түрік университетінің профессоры, тарих ғылымдарының докторы, алаштанушы Тұрсын Хазіретәлі, Л.Н.Гумилев атындағы Еуразия ұлттық университетінің доценті, филология ғылымдарының кандидаты Бауыржан Иманғалиев, Түркия Республикасы Мугла Сыткы Кочман университетінің профессоры Кенан Коч, «Темірбек Жүргенов» қоғамдық қорының төрағасы Сәби Аңсатов, Қорқыт Ата атындағы Қызылорда университеті, қазақ тілі мен әдебиеті және журналистика кафедрасының доценті, филология ғылымдарының кандидаты Ұлжан Жанбершиева, «Қазақ тілі мен әдебиеті және журналистика» кафедрасының доценті, филология ғылымдарының кандидаты Айман Айтбаева мазмұнды баяндама жасады.<img src="https://knadmin.beoblood.kz/uploads/341154270_610559404305308_8327689960301443472_n_2feb479096.jpg" alt="341154270_610559404305308_8327689960301443472_n.jpg"><img src="https://knadmin.beoblood.kz/uploads/340968195_593844689470418_8578797237820160486_n_bfa1b3571a.jpg" alt="340968195_593844689470418_8578797237820160486_n.jpg"><img src="https://knadmin.beoblood.kz/uploads/340972399_903042084291250_8482636315989784118_n_7f27cdbb8a.jpg" alt="340972399_903042084291250_8482636315989784118_n.jpg">

Қазақстан және Қызылорда облысының жаңалықтары