<a href="https://kyzylorda-news.kz/">Kyzylorda-news.kz.</a> Сырдария ауданында жастардан құралған еңбек жасағы жұмысқа кірісті.&nbsp;Өңірлік коммуникациялар қызметі Сырдария ауданындағы еңбек жасақтарының жұмысымен танысу мақсатында БАҚ өкілдеріне көшпелі брифинг ұйымдастырды.&nbsp;Бүгінде жастар арасындағы жұмыссыздық мәселесін шешу, жастарды еңбекке баулу және NEET санатындағы жастардың санын азайту мақсатында бірнеше ауылдық округтерден жастар бригадалары құрылуда.&nbsp;Көшпелі брифингте БАҚ өкілдері алдымен Сырдария ауданы, А.Тоқмағанбетов ауылдық округінің «Асқар жастары» еңбек бригадасының жұмысымен танысты. Қазіргі таңда бригада мүшелері 6 гектар жерге бақша дақылдарын егуді жоспарлап отыр. Бүгінде жер жырту, берілген аумақты қоршау жұмыстарымен айналысуда. Одан кейін, Айдарлы ауылдық округінің жастар бригадасының жұмыстарын көрді. Айдарлыда 10 жас он гектар жерге бақша дақылдарын егу үшін қоралап арықтау жұмыстарын жүргізген. Олар 7 гектар қауын, 3 гектар картоп егетін болады.&nbsp;Айта кетейік, жастар бригадаларына мемлекеттен уақытша жер беріліп, су айдайтын насос құру, қоршалау, егін науқанына дайындық жұмыстарына қолдау көрсетілуде. Аталған жастар бригадаларында жұмыссыз жастар жұмыс істейді.<img src="https://knadmin.beoblood.kz/uploads/343489142_191199537071477_7720787732528171474_n_2e9a08ea41.jpg" alt="343489142_191199537071477_7720787732528171474_n.jpg"><img src="https://knadmin.beoblood.kz/uploads/343325482_138281782438301_4700369518432364058_n_ae59e90ee1.jpg" alt="343325482_138281782438301_4700369518432364058_n.jpg">

Сырдарияда еңбек жасағы жұмысқа кірісті

<a href="https://kyzylorda-news.kz/">Kyzylorda-news.kz.</a> Биыл жастардың кәсіп бастауына мемлекет тарапынан қолдаулар көрсетілуде. Яғни, 2,5 пайызбен 5 миллионға дейін шағын несие беріледі. Бүгінде бұл бастама облысымызда жүзеге асуда. Мәселен, конкурстық комиссияның екі отырысы өтіп, 36 жоба мақұлданды. Бұл туралы Өңірлік коммуникациялар қызметінің ақпарат алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева мәлімдеді.&nbsp;<blockquote>«Осы конкурс аясында салаға жетекшілік жасайтын комиссия төрағасымен отырыс өткізіліп, 168 млн. теңге жас кәсіпкерлерге бөлінді. Сондай-ақ комиссия отырысының ашықтылығы мен объективтілігін қамтамасыз ету мақсатында байқаушы қатысады. Комиссия мүшелері өзекті, маңызды және бизнес-жобаның өміршеңдігі бойынша несиені мақұлдайды», - деді басқарма басшысының орынбасары Жанар Жұмабекқызы.&nbsp;</blockquote>Брифинг барысында «Аграрлық несие корпорация» АҚ Қызылорда облысы бойынша филиалының директоры Маханбет Тұрмаханов несие алушылардың кәсіпкер болып тіркелуі басты шарт екенін атап өтті.<blockquote>«Несие кәсіпкерлерге 5 жылға, ал мал шаруашылығымен айналысатындарға 7 жылға беріледі. Ескере кететін жайт, борышкердің кепілмен қамтамасыз етуі міндетті. Сондай-ақ несие алушы жеке кәсіпкер болып тіркелуі тиіс. Бұл ретте несие өзінің жеке қарыздарын жабуға, ойын бизнесіне берілмейді. &nbsp;Облысымыздың жас тұрғындары несие алу үшін тиісті құжаттарын «Аграрлық несие корпорациясына» тапсырады. «Аграрлық несие корпорация» АҚ Қызылорда облысы бойынша филиалының құжаттарды тексеру уақыты өтінім түскен күннен бастап 3 жұмыс күнін құрайды. Қажетті қағаздары сәйкес келмеген жағдайда себептерін көрсете отырып кері қайтарады. Ал барлық құжат ережеге сәйкес болса, 15 күн ішінде бағалау жүргізіліп, тиісті жұмыстар біткеннен кейін 3 жұмыс күн ішінде бизнес жобаларды іріктеу жөніндегі комиссияның қарауына жолдайды», - деді Маханбет Тұрмаханов.</blockquote>

Қызылордада жас кәсіпкерлердің 36 жобасы мақұлданды

<a href="https://kyzylorda-news.kz/">Kyzylorda-news.kz.</a> ҚР Мәдениет және спорт вице-министрі Сәрсен Құранбек Сыр өңіріне іс-сапармен келді.&nbsp;Сапар аясында Сәрсен Абайұлы алдымен облыс тұрғындарымен кездесіп, аймақтың спорт саласына қатысты өзекті мәселелерді талқылады. Одан кейін вице-министр БАҚ өкілдеріне арнайы брифинг өткізіп, &nbsp;спорттық инфрақұрылымды дамыту мақсатында жасалып жатқан жұмыстарға тоқталды.<blockquote>«2025 жылға дейін 113 жаңа спорт нысаны салынып, жұмыс істеп тұрған 26 нысан қайта жаңғыртылады. Қызылорда облысында 10 спорттық кешеннің құрылысы жүріп жатыр. Атап айтқанда, Арал ауданы Жақсықылыш және Қамыстыбас ауылдарында дене шынықтыру-сауықтыру кешені, Қазалы ауданында ангар типті спорттық кешені, Шиелі ауданы Шиелі ауылында дене шынықтыру-сауықтыру кешені және тағы басқалары. Аталған нысандардың құрылысын жылдың соңына дейін аяқтау жоспарланған. Жалпы алғанда, спорттық инфрақұрылымды дамыту мақсатында біріншіден, біз еліміздегі барлық спорттық инфрақұрылымға ауқымды түгендеу жүргізу, екіншіден спорт нысандарын санау әдістемесіне өзгерістер енгізу, үшіншіден олардың бірыңғай тізімін қалыптастыру жоспарлануда. Соның нәтижесінде қажеттілігі бар өңірлерде, шалғай ауылдарда аз шығынмен тез салынатын модульдік нысандарды құру жұмыстары жүргізіледі», - деді &nbsp;Сәрсен Абайұлы.</blockquote>Айта кетейік, облыста 10 мыңнан астам бала мен жасөспірім тегін үйірмелер және 6 мыңнан астам секциялармен қамтылған.

ҚР Мәдениет және спорт вице-министрі Сәрсен Құранбек Қызылорда облысына іс-сапармен келді

<a href="https://kyzylorda-news.kz/">Kyzylorda-news.kz.</a> 27 сәуірде елімізде жел күшейіп, оңтүстікте шаңды дауыл тұрады, деп хабарлайды Қазгидромет.Атмосфералық фронталды бөліктердің өтуіне орай республикамыздың батысында жаңбыр жауады. Республика бойынша желдің күшейеді. ҚР-ның оңтүстігінде, оңтүстік-батысында жел шаңды дауыл тұрып, Маңғыстау облысында тұман түседі.

Бейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Полиомиелит – бұл вирус тудыратын жұқпалы ауру. Бұл жүйке жүйесіне әсер етеді және бірнеше сағат ішінде жалпы сал ауруына әкелуі мүмкін. Вирус адамнан адамға, негізінен, фекальды, ауыз қуысы, сирек жағдайда инфекцияның қандай да бір қарапайым тасымалдаушысы (мысалы, ластанған су немесе тамақ) арқылы таралады және ішекте көбейеді. Алғашқы белгілері – қызба, шаршау, бас ауруы, құсу, мойынның қатаюы және аяқ-қолдың ауыруы.&nbsp;Инфекцияның 200 жағдайының бірінде қайтымсыз сал ауруы (көбінесе аяқтар) өршиді. Осындай сал ауруына шалдыққан адамдардың 5-10 пайызы тыныс алу бұлшықеттерінің салдануына байланысты қайтыс болады. Полиомиелит негізінен 5 жасқа дейінгі балаларға әсер етеді. &nbsp;&nbsp;Полиомиелиттің емі жоқ, оның тек алдын алуға болады. Полиомиелиттің алдын алудың негізгі әдісі – вакцинация. Бірнеше рет берілген полиомиелитке қарсы вакцина баланы өмір бойы қорғай алады.Балаларға профилактикалық егу вакцинаның екі түрімен жүргізіледі: 2, 3, 4, 18 айлық жасында аралас вакциналар құрамындағы белсенді емес полиомиелит вакцинасы, 12(15) айлық жасында ауыз арқылы тамызатын полиомиелит вакцинасы. Полиомиелитке қарсы вакциналар балаларды қорғайды, олардың ағзасын полиовируспен күресуге дайындайды. Қолданылатын вакциналар тиімді және қауіпсіз.&nbsp;Қызылорда облысы бойынша ағымдағы кезеңде полиомиелитке қарсы профилактикалық егулермен қамту жұмыстары Дүниежүзілік денсаулық сақтау ұйымының ұсынымдарына сәйкес жүргізілуде. Егер полиомиелитке және басқа да вакцинамен басқарылатын инфекцияларға қарсы егулер уақтылы жүргізілмесе, онда инфекцияны жұқтыру және тарату ықтималдығы жоғары.Көп жағдайда вакцина адамдарда дене температурасының жоғарылауы, вакцина салынған жерде ауырсыну мен қызару, іштің ауыруы түрінде болмашы және қысқа мерзімді көрініс тудырады.«Полиомиелитті жұқтырған жағдайда ауру сал ауруына әкелуі мүмкін, баланың өмір бойы мүгедек болып қалу қаупі бар, ауру асқынған жағдайда тіпті өлімге әкеледі.&nbsp;Сондықтан баланың денсаулығы мен өмірін қауіпті жұқпалы аурулардан және олардың зардаптарынан сақтау мақсатында Қазақстан Республикасының Ұлттық профилактикалық егу күнтізбесі шеңберінде профилактикалық егулерді уақтылы алуды ұсынамыз», - дейді Қызылорда облысының санитариялық-эпидемиологиялық бақылау департаментінің басшысы Динара Жанабергенова.

Полиомелитке қарсы екпе алудың маңызы қандай?

Қасиетті мекенде білім ордасын тұрғызу қай кезде қолға алынды

<a href="https://kyzylorda-news.kz/">Kyzylorda-news.kz.</a> Қызылорда облысында биыл біршама медициналық нысанның құрылысы басталады. Бұл туралы облыстық денсаулық сақтау басқармасының басшысы Олжас Ысқақов Өңірлік коммуникациялар қызметінің баспасөз алаңында өткен брифингте хабарлады.&nbsp;Денсаулық сақтау саласы үшін халыққа сапалы медициналық қызмет көрсету - басты басымдық. Бұл ретте «Ауылдық денсаулық сақтауды жаңғырту» ұлттық жоба аясында ауылдық инфрақұрылымды дамытуда жалпы құны - 9,7 млрд. теңге болатын 27 нысан, атап айтқанда, 24 дәрігерлік амбулатория, 2 фельдшерлік-акушерлік бекет, 1 медициналық бекеттің құрылыстары басталды.<blockquote>«Қазіргі таңда құны 6,5 млрд. теңге болатын 15 дәрігерлік амбулатория құрылысын жүргізуге республикалық бюджет есебінен- 5,7 млрд. теңге бөлінді. Атап айтқанда, бұл медициналық нысандар Арал аудандағы Бөген, Қызылжар, Қазалы ауданынан Каукей, Абай, Бозкөл, Қармақшы ауданы бойынша Дүр Оңғар, Тұрмағанбет, Ақжар, Жалағаш ауданынан Есет батыр, Мырзабай, Сырдария ауданынан Н. Ілиясов, Шиелі ауданы бойынша Досбол би, Бала би, Бұланбай бауы, Жаңақорған ауданындағы Қаратөбе ауылдарынан салынады. Ал, Арал ауданы Көктем елді мекенінен бой көтеретін медициналық бекет құрылысына ағымдағы жылдың республикалық бюджетіне түзетулер енгізуде, құрылысқа 96,4 млн. теңге қаржы қаралу жоспарланған. Бүгінгі күні, «Қызылорда қаласында бір ауысымда 100 келушіге арналған емханасы бар 300 төсек орнына арналған көпбейінді аурухана құрылысы басталды. Жобаның құны - 36,4 млрд. теңгені құрайды», - дейді Олжас Ысқақов.&nbsp;</blockquote>Біраз уақыттан бері аймақтағы онкологиялық орталықтың толыққанды медициналық көмек көрсетуге мүмкіндік бермей отырғандығы, оның ішінде палаталардың тарлығы, ота жасау және жансақтау бөлімшесі, рентген және эндоскопиялық бөлмелерінің тапшылығы мәселе ретінде көтеріліп жүр.&nbsp;<blockquote>«Құрылыс жұмыстары аяқталғанға дейін басқарма облыс әкімдігінің келісуімен науқастарға жағдай жасау үшін облыстық жұқпалы аурулар ауруханасының модулдік бөлімшесі ғимаратын материалдық-техникалық жабдықтарымен бірге облыстық онкология орталығына беру мақсатында тиісті жұмыстар жүргізілуде. Аймақ басшысының қолдауымен салаға бөлініп отырған қаржыландыруы облыстың денсаулық сақтау саласының жұмысын айрықша ілгерілетуде. Саланың игі істері алдағы уақытта да өңір халқының игілігіне айнала бермек», - деді басқарма басшысы.</blockquote>

«Ауылдық денсаулық сақтауды жаңғырту»: Қызылордада 27 медициналық нысанның құрылысы басталады

&nbsp;<a href="https://kyzylorda-news.kz/">Kyzylorda-news.kz.</a> «Білім саласының үздігі», 2019 жылғы «Дарын» номинациясының иегері, саналы ғұмырын білім саласына арнап, бүгінде бейнетінің зейнетін көріп отырған ардақты жан Ләззат Палымбетовамен сұхбат құрдық. Ләззат апай зейнетке шықса да, қоғам өмірінен бір сәтке қалыс қалмаған. Ардақты ана, аяулы ұстаз Ләззат Әуезханқызымен болған шағын сұхбатымызды назарыңызға ұсынамыз.– Ләззат Әуезханқызы, бірден өзіңізден, қызметіңізден бастасақ.– Мен 1960 жылы Оңтүстік Қазақстан облысында дүниеге келгенмін. Кейін Сыр өңіріне қоныс аударып, Шіркейлі ауылында мектеп қабырғасын тәмамдадым. Кейін Қызылорда қаласындағы Н.В.Гоголь атындағы педагогикалық институтты физика-математика мамандығы бойынша оқып, білімімді жалғастырдым. Алғашқы білім жолымды №129 мектепте мұғалім болып бастадым. Кейін отбасы құрып, бала тәрбиесімен біраз жыл демалыста болдым. Араға алты жыл салып, қызметке қайта оралдым. Алғашқыда оқушылар үйінің директоры болып, кейіннен аудандық білім бөлімінде бас маман қызметтеріне дейін көтерілдім. 2004 жылдан бастап №35 мектепте директор болып жұмыс атқардым. Бұл менің қажырлы жұмыс жасаған жылдарым болды. 2011 жылдан бастап екі жыл Қалжан ахун ауылдық округіндегі №126 мектепте, 2013 жылдан бастап Қызылдихан ауылдық округіндегі білім ордасы №131 мектепте директор болдым. Осы жерден биылдан бастап зейнет демалысына шықтым.– Ел ертеңі шәкірт тәрбиелеу жолында ұзақ жыл еңбек еттіңіз. Шәкірттеріңіз бүгінде ұстаздан озып, биік белестерден көрінуде. Үздік шәкірттеріңіз туралы айта кетсеңіз.– Баланы мен жалғыз тәрбиелемеймін. Оның ата-анасы берген білімі бар, өзге ұстаздардың еңбегі орасан. Десек те, үздік шәкірт дегеніңізде, менің есіме Досжан Елеусінов деген оқушым түсіп отыр. Ол сондай білімді, әрі тоғызқұмалақшы. Және бір мақтан тұтарлығы, Досжан біздің аудан бойынша тұңғыш рет «Болашақ» бағдарламасы аясында шетелде білім алған. Өзі мектепті үздік аяқтап, Қазақ-Британ университетіне оқуға түсті. Қазір елордада мұнай-газ саласында жұмыс жасайды. Дәл қазіргі уақытта келісімшартпен Данияда жұмыс жүргізіп жатыр екен. Өмірге деген көзқарасы бөлек, алға қойған мақсаты айқын жігіттің әлі талай белесті бағындыратынына сеніміміз мол.– Ел Тәуелсіздігіне, Қазақстан Республикасының азаматы, өз елінің ұлтжанды перзенті ретінде қандай үлес қостым деп ойлайсыз?– Мен мынадай нәрсе жасап, еңбек сіңірдім деуден аулақпын. Білім саласында ұзақ жыл еңбек еттік. Қызметте болған жылдарымызда білім саласын, мектеп өмірін жандандыруға, жас ұрпақтың саналы білім алуына ықпал етуге тырыстық. Нәтижесін де көрдік. 2008 жылдары №35 И.Тоқтыбаев атындағы мектепке «лицей» дәрежесіне көшіру туралы жұмыстар жүргіздік. Бір жылда бес бірдей «Алтын белгі» иегерін бітірткен жылдар да болды. Мұның бәрі ел үшін, халық үшін, келешек ұрпақтың жарқын келбеті үшін жасалған дүниелер деп білемін. Десек те, бұлар жалыз менің еңбегім емес. Бетке ұстар, үлгі тұтар ұстаздарымыз болды. Жаңашыл жас мамандарымыз болды. Есесіне, маңдай тер елеусіз қалмады. Министрліктің Құрмет грамотасын, әр жылдары облыс, аудан әкімдерінің алғыс хатына ие болдық. Ерен еңбектің үлгісін көрсеткеніміз үшін бір іссапармен де, демалысқа да шетелдерге жіберді. Бұның бәрі мәртебе. Десек те, атқарылған жұмыстың барлығы ұжымның бірлесе жасаған еңбегі. Жастар, шәкірттеріміз сәлем беріп, ауылдастарымыз құрметтеп тұрса, бұл да менің қоғамға пайдалы адам болғаным ғой деп марқайып қалып жатамын. Азды көпті осындай еңбегіміз бар. Алда әлі де қосар үлесіміз мол деп ойлаймын.– Сіздің ойыңызша, Тәуелсіздігіміз тұғырлы болып, егемендігіміз мәңгілік болуы үшін не істеу керек?– «Бірлік бар жерде – тірлік бар» деген ұстанымды жадында сақтаған дана халқымыз біртұтастық пен ауызбіршілікті – бірлігі бекем мемлекеттің негізі деп санаған. М.М.Сперанский: «Қазақтар шөлейтте өсетін балтамен ұрып сындыра алмайтын сексеуіл ағашы сияқты. Сексеуілді тек бір-біріне ұрып сындыруға болады. Қазақтарды да бір-біріне айдап салып, әлсіретіп барып бастарына құлдықтың қамытын кигізе аламыз» деген тұжырымға келген. Бірақ біздің дана халқымызтарих қойнауынан талай теперішті көрсе де, бірлік пен ынтымақты бәрінен биік қойып, жетімі мен жесірін жылатпай, өзге ұлттарды да өз бауырына басқан. «Сыйлағанға құшақ ашар дос, Жау болғанға қиып түсер қылыш» болған қазақтүрлі ұлт пен ұлысты бір шаңырақ астына жинап, тату тірліктің үлгісін көрсетіп келеді. Бұл туралы Қасым-Жомарт Кемелұлы өз Жолдауында «Біз қашанда алауыздыққа қарсы тұра білген елміз. Қоғамдағы бірлік пен келісімді көздің қарашығындай сақтауымыз керек» деді. «Бірлік бар жерде – тірлік бар» деген.Бізді осы Тәуелсіздікті алып берген де, одан әрі елдің елдігін нығайтатытын да &nbsp;– бірлік, татулық, бір жағадан бас, бір жеңнен қол шығарып жұмылған жұдырықтай әрекет ету деп ойлаймын. Алдағы уақытта мемлекетіміз одан әрі дамып, бәсекеге қабілетті озық елдер қатарына қосылуды көздейді. Бұл тұста, бейбітшілік пен ауызбішілікті қолдаған елдің ертеңі жарқын болатыны сөзсіз. Және білім мен ғылым саласына аса көңіл қойылу керек деп ойлаймын. Дарынды, білімді жастарымыз жетерлік. Соларға жеткілікті жағдай жасалса, өз елімізді дамытуға тарта білсек, өндіріс, ауылшаруашылығы сынды маңызды салаларды дамытсақ, бізден мықты ел болмайды деп ойлаймын.– Аудан халқына қандай жүрекжарды тілек арнайсыз?– Шекарамыз бар, ұлттық құндылықтарымыз бен еліміздің елдігінің көрінісі мемлекеттік рәміздеріміз бар. Төл теңгеміз бар. Егемен елміз. Аллаға Шүкір! Ендігі тілек – сол Тәуелсіздіктің баянды болуы. Ел аман, жұрт тыныш болса екен деймін. Ұрпағымыз мың жасап, мылтық даусын естімесе екен. Теледидардан кей елдердегі жойқын сұрапылды көріп, көңіліме қаяу түседі. Ондайдан Алла сақтасын. Ел-жұртымыз аман, бейбітшілік заман болсын.– Әдемі әңгімеңізге рақмет.&nbsp;&nbsp;&nbsp;

Сырдариялық ұстаз елдік мүддені жоғары қояды

<a href="https://kyzylorda-news.kz/">Kyzylorda-news.kz.</a>&nbsp; Тереңөзек кентінде құс шаруашылығымен айналысып, кәсібінен береке тауып отырған азамат бар. Ердос Мейрамбекұлы 1992 жылдың төлі. Жоғарғы білімді азамат Алматы қаласындағы еліміздің ең ірі оқу орны әл-Фараби атындағы Қазақ ұлттық университетін тәмамдаған. Арманы асқақ, мақсаты анық жігіт үлкен қалада білім алып, тәжірибе толықтырғанымен «Ер – туған жерге» деген тәмсілді ұмытпай, ат басын туған жерге бұрған.Ердос алғашқы кәсібін 2017 жылы ашты. Тұрғындардың сұранысына сай қоғамдық монша ашты. Кәсіппен шұғылдануына мемлекет тарапынан қолдау тапты. Түрлі бағдарламалар арқылы қайтарымсыз грант алып, қаржысын кәсіпкерлікке салды.2018 жылдан бастап құс өсіруді қолға алған ол құстарға ерекше күтім мен уақыт қажет екенін айтады. Құс шаруашылығы – ауыл шаруашылығының ең жаңа әрі ең қарқынды дамып келе жатқан саласы. Адам ағзасына қажетті нәруызды алуда құс жұмыртқасы мен етінің маңызы ерекше. Қауырсыны тұрмыс қажеттілігін өтесе, саңғырығы – сапалы тыңайтқыш.&nbsp;<blockquote>– Мемлекетіміз кәсіппен айналысам дегендерге ұдайы қолдау көрсетеді. 2019 жылы жастардың кәсіппен айналысуына берілетін мемлекеттік грант 505 мың теңгеге қол жеткіздім. Ол қаржыға инкубатор сатып алып, жұмысты жандандыра бастадық. Кейін осындай мемлекеттік бағдарламаларды жібермей қарап отыратын болдым. Түрлі конкурстарға қатысып, нәтижесінде 2020 жылы «Бизнестің жол картасы – 2025» бизнесті қолдау мен дамытудың мемлекеттік бағдарламасы шеңберінде жаңа бизнес-идеяларды іске асыруға арналған грант негізінде қайтарымды көлемді қаржыны жеңіп алдық. Ол ақшаға кәсіпті үлкейтуге септігін тигізетін, бір дегенде 500-1000 балапан басып шығаратын инкубатор алдық. Қазір шаруа біршама жолға қойылды, – дейді өз кәсібін жетік меңгерген Ердос Мейрамбекұлы.</blockquote>Қазіргі таңда 2000-дай балапан өсіріп отырған кәсіп иесі тауықтың қазақы тауықтан өзге түрлерін өсіріп, көбейтуді қолға алған. Жұмыртқаны шет елдерден алғызып, күтімін жасап, көбейтіп, жұмыртқа мен құс етін арнайы мамандардың рұқсатымен ірі сауда орталықтарына өткізеді.&nbsp;Чехиядан арнайы тауық жұмыртқаларын алдырған кәсіпкер қазіргі таңда ломан браун, леггорн, кобб 500 деп аталатын тауық түрлерін өсіріп отыр. Алғашқы екеуі өнімді, тез көбейгіш қасиетке ие болса, кейінгісі ет бағытындағы құс саналады.<blockquote>– Жұмыртқалағыш және етті бағытта өсірілетін тауықтың тұқымдары бар. Қай шаруаның да оңайы жоқ. Десек те, дәл осы құс түрінің арнайы күтімі бар. Таңнан кеш батқанша бір адамның басы-қасында жүруін талап ететін жұмыс. Оған бізде арнайы маман бар, – дейді жеке кәсібі айналасында жалпы 4 адамды жұмыспен қамтып отырған Ердос Бақторазов.</blockquote>Ердос алғашқы ашқан кәсібі монша қызметімен қатар қазір құс өсіруді меңгерген. Аудандағы «Керемет» моншасының жұмысын жандандырып, тұрғындарға керемет жай жасап жүрген кәсіпкер құс етімен, жұмыртқамен дүкендерді қамтамасыз етеді. Сондай-ақ Ердос кенттен құрылыс заттары дүкенін де ашты. Дүкеннен тұрғындардың құрылысқа қажетті заттарды тиімді бағамен сатып алуына мүмкіндік жасаған.Өз шаруасын дөңгелетіп, кәсіптен береке тапқан Ердос Мейрамбекұлы – «Бір қолың бергенді, екінші қолың білмесін» дейтін Атымтай Жомарт жан. Ол үнемі қайырымдылық іс-шараларға атсалысып, елдің батасын алып жүреді.Түрлі кәсіптің басын құрап, өз ауласында отырып-ақ әртүрлі шаруаны шыр айналдырған Ердос еңбексүйгіштігінің арқасында табысқа кенеліп отыр. Екі қолға бір жұмыс таба алмай отырған азаматтарға жас кәсіпкердің ізденгіштігі мен еңбекқорлығы үлгі болса игі. &nbsp;

Тереңөзекте жас кәсіпкер қайтарымсыз грант алып үш кәсіпті қатар жүргізуде 

<a href="https://kyzylorda-news.kz/ru/">Kyzylorda-news.kz</a>. Қазақстан тәуелсіздігін алған тұста 1992 жылы елдің қорғаныс әлеуетін қамтамасыз ету үшін Қарулы Күштерді құруға кірістік. Ал оның ішінде елдің тұтастығы мен қорғанын күшейтетін әскерилердің бейбіт және соғыс уақытындағы медициналық қалқаны – әскери медицинаны қалыптастыру қажет болды.Мақсат біреу. Орындалар нысан көп болды. Мәселен, әскердің жауынгерлік қабілетін қамтамасыз ету үшін әскери қызметшілердің, яғни офицерлер, сержанттар, сарбаздардың өмірі мен денсаулығын сақтау. Оны нығайту. Әскери медицинаны қазіргі заман талабына сай дамыту, оның ішінде азаматтық денсаулық сақтау жүйесімен терезесін тепе-тең етіп, олармен жалпы интеграциялану, өзара әрекеттесуді күшейтуі тағы бар. Ал бұлардың барлығын жүзеге асыратын – әскери дәрігерлер мен орта буынды медбикелер. Жалпы әскери дәрігер деген кім?Олар – бейбіт өмірде, соғыс уақытында, елге қауіп төніп төтенше жағдай туындаған жағдайда, біріншіден әскери адам ретінде иығына қару асынып, өзін, қасындағы жауынгерді және науқастарды жау оғынан қорғай жүріп, басын қатерге, кеудесін оққа тосады. Қолына дәрігерлік сөмкесін алып, дереу жетіп сарбаздардың қасында бірінші болып табылатын, жарақатқа көмек беретін маман.Қазіргі әскери медицина халқымыздың дәстүрлі медицинасымен, яки қазақ емшілігі немесе қазақ шипагерлігімен байланысты. Әлемдік өркениетте денсаулықты сақтау жөніндегі алғашқы мәліметтер Шығыстың, Мысырдың, Қытайдың, Гректің, Тибеттің, яғни Гиппократ, Аристотель, Ибн Сина, Корнелий Цельс, әл-Фараби сияқты ғалым-философтардың ежелгі қолжазбаларында көбірек ұшырасады. Тарихи таныммен зерделесек, қазақ шипагерлігінің тамыры тереңде жатыр. Ол – халқымыздың ататегін құрайтын сақтар, ғұндар, аландар, қаңлылар, үйсіндерден және одан да ерте заманнан бастау алады. Соғыста жараланған Сақ сарбаздарының жарасын таңатын емшілерді «жарықшы, қарықшы, таңғышы» деп атағаны тарихи деректерде кездеседі. Ал XV ғасырда Әз-Жәнібек ханның бас дәрігері болған ғұлама шипагер Өтейбойдақ Тілеуқабылұлының «Шипагерлік баян» атты медициналық энциклопедиясы әскери медицинаның түп кітабы деуге болады.Әскери медицинаның XIX ғасырдың екінші жартысы мен XX ғасыр басында өзіндік бастау алуы көрнекті мемлекет және қоғам қайраткерлері, алғашқы әскери дәрігерлер – Санжар Асфендияров, Халел Досмұхамедұлы, Әли Көтібаров, қазақтың тұңғыш фельдшер-дәрігері Жәкула Күшікұлы сынды тұлғалардың ерен еңбектерімен тығыз байланысты. Бұл саланың әрі қарайғы қарыштап дамуы мен тәжірибе жинақтауы Ұлы Отан соғысының сұрапыл жылдарындағы 2000-ға жуық қазақстандық әскери дәрігерлер мен мейірбикелердің жанкешті қызметтері, елімізге соғыс аймақтарынан көшірілген эвакогоспитальдердің келуімен астасады. Атап айтсақ, мемлекеттің облыстары мен аудандарына Кеңес Одағының соғыс өрті шапшыған басқа аумақтарынан 34 100 төсек-орындық 72 эвакогоспиталь көшіріліп, нәтижесінде 151 407 жарақаттанған офицерлер мен сарбаздар ем алып, оның 70 процентке жуығы қайта сапқа тұрғызылған.Осы соғыста адамзат үшін өз ғұмырын сарп етіп, артындағы ұрпағына өшпес ерліктің үлгісі мен теңдесі жоқ мол тәжірибе қалдырған академик Б.Атшабаров, И.Қарақұлов, медицина ғалымдары С.Қарынбаев, А.Терлікбаев, Р.Мақашева, А.Чокин, Е.Азарова, К.Макашев, Р.Самариндерді, Алматы медициналық институтының студенті болып соғысқа аттанған қазақтың батыр қызы Мәншүк Маметованы атап өткен жөн.Кеңес Одағы кезінде Ауғанстан Республикасындағы әскери қақтығыстарға, бертін келе таулы Қарабах, Тәжік-Ауған шекарасындағы және басқа да елдерде болған локальді қақтығыстарға қатысқан қазақстандық әскери-дәрігер офицерлердің тәжірибелерімен толығып, әскери медицина бүгінгі келбетін қалыптастырды. Тәуелсіздік алған жылдан бастап, осы күнге дейін әскери медицина бірнеше рет өтпелі кезеңдерді басынан кешіріп, ұйымдастырушылық-штаттық құрылымы түрлі өзгерістерге ұшырады. Осы тұста, Кеңес Үкіметі кезінде біздің аумақта қызметін атқарып жатқан көптеген басқа ұлт өкілдері, яғни әскери дәрігерлер мен орта буынды медициналық қызметкерлер өз еліне қайтып, әскери емдеу мекемелері босап қараусыз қалды. Елде өте жіті кадрлық дефицит қалыптасты. Осы кезеңдегі қиыншылықтар мен дүрбелеңдерді жеңіп, жоғарыда аталған міндеттемелерді орындау тек офицерлердің мойнында ауыр жүк болып қалды. Бұл көштің басында ендігі қазақстандық әскери медицинаның бағыт-бағдарын айқындап, заман талабына сай дамып-жетілуінде, болашақ мамандарды даярлау мен тәрбиелеу ісінің басы-қасында медицина қызметінің генерал-майоры Т.Нұрмағамбетов болды. &nbsp;Олардың қатарында Қармақшы ауданынан шыққан азаматтарымыз бар екенін мақтанышпен айтамыз. Туған жердің перзенттері жоғарғы білікті дәрігерлер, медицина қызметінің полковниктері Е.Ермағамбетов, Қ.Сейтимов, медицина қызметінің подполковнигі С.Қалдашов, медицина қызметінің майоры Д.Қалдашов, медицина қызметінің капитаны Б.Тілегендер әскери медицина саласының сайыпқырандары. Әскери медицина басшылығымен Біріккен Ұлттар Ұйымының миссиясына екінші дәрежедегі әскери госпиталь жасақтап жіберу жұмыстары қызу жүргізілуде. Осы орайда, Ливан Республикасына 2019 жылы Біріккен Ұлттар Ұйымының миссиясына тарихымызда алғашқы әскери дәрігер болып қатысқан Қазақстанның «100 жаңа есімі» жобасының жеңімпазы, медицина ғылымының магистрі, медицина қызметінің подполковнигі Саулет Мүкарапұлының атқарған еңбегі жастарға үлгі екенін тілге тиек еткен жөн.Қазіргі таңда әскери медицина – әскери қызметшілердің заңнамаларға сәйкес денсаулықтарының қорғалуымен сәйкес медициналық көмекті алу құқығын жүзеге асыру бойынша жалпы медицина мен азаматтық денсаулық сақтаудың бірден-бір бөлігіне айналды. Қазақстан Республикасы Қарулы Күштерінің медициналық қызметінің алдына қойған осы тапсырмаларын жүзеге асыруы үшін Бас әскери-медициналық басқарма құрылып, оның қарамағына әскери-емдеу және әскери-медициналық бөлімшелер, яки әскери госпитальдар, лазареттер, емханалар бағындырылды. Осы аталған мекемелердің қызметін ұйымдастыру, жүргізу, бағыттау, бақылау, заман талабына сай азаматтық денсаулық сақтау жүйесімен өзара әрекеттестікті қалыптастыру арқылы өзгерістерді енгізу, олардың өміршең болуын қадағалау осы жерлестеріміздің атқарып жатқан жұмыстары. Жыл сайын осы әскери емдеу-мекемелерінде 20 мыңға жуық науқас стационарлық ем алады. Олар тек әскери қызметшілер ғана емес, олардың ішінде отбасы мүшелері, әскери зейнеткерлер мен қарапайым елдің тұрғындары бар. Олар елде енгізілген тегін медициналық көмектің кепілді көлемі шеңберінде және міндетті әлеуметтік медициналық сақтандыру жүйесінде медициналық нарықта бәсекеге қабілетті әскери-емдеу мекемелердің тұтынушысы бола алады.<img src="https://knadmin.beoblood.kz/uploads/614a3c59ef63732db45e70d3fe3a1b70_f65261174e.jpeg" alt="614a3c59ef63732db45e70d3fe3a1b70.jpeg">2016 жылдан бері Қорғаныс министрлігі өз есебінен қаржыландыру арқылы Ақтөбе қаласындағы Кеңес Одағының батыры Талғат Бегельдинов атындағы Әуе қорғаныс Күштері Әскери институты негізінде М.Оспанов атындағы Ақтөбе мемелкеттік медициналық университетімен Меморандум жасау арқылы болашақ әскери дәрігерлерді оқытып шығаруда. Олар жоғары білім беру бағдарламалары бойынша бакалавриатта – 5 жыл оқып «медицина қызметінің лейтенанты», әрі қарай интернатурада – 1 жыл оқып «медицина қызметінің аға лейтенанты» әскери шендеріне, «жалпы тәжірибелі дәрігер» біліктілігіне ие болады. Жыл сайын Ресей Федерациясы мен Армения Республикасындағы әскери медициналық оқу орындарына да елден жастарды оқуға қабылдап, Қорғаныс министрлігі есебінен қаржыландыру арқылы бакалавриатқа – 6 жыл білім алуға бағыттауда.Оқуға қабылдану үшін ниет білдірген әрбір 23 жас және оған дейінгі жас жеткіншек әскери басқарудың жергілікті органдары (әскери комиссариаттар) арқылы өтініш білдіріп, осы аталған Әуе қорғаныс Күштері Әскери институтына келіп, арнайы сынақтардан өтуі қажет. Оқу орнына қабылданып, курсант статусына ие болған жағдайда, барлық оқу жылдары, жатын жерлері, азық-түлік және киім-кешекпен қамтамасыз етілуі, жол-көлік жүруі тегін. Толық мемлекеттің қарауында болады. Сонымен қатар, еліміздің медициналық жоғарғы оқу орындарын бітіріп, әскери кафедраларда білім бағдарламаларын игеріп, «запастағы медицина қызметінің лейтенанты» әскери шенін алған дәрігерлер де 32 жарым жасқа дейін өз еріктерімен Қарулы Күштер қатарына әскерге шақырылу арқылы қосылып, әскери дәрігер бола алады. Мемлекет басшылығының қолдауы нәтижесінде жылдан жылға әскери қызметшілердің, онымен қоса, әскери дәрігерлердің бастапқы кезеңдерге қарағанда әлеуметтік жағдайлары біршама түзеліп, тұрғын үймен қамтамасыз етілу мәселелері толық шешіліп, әскери медицинаның жалпы келбеті мен әскери дәрігерлердің абыройы жоғарылап келеді.Иә, елеулі жылдар көлемінде біршама жұмыстар атқарылып, әскери медицинаның айбыны артып, әлеуеті жоғарылады. Әскери медицина қызметкерлері жауынгерлеріміздің денсаулығын сақтау мен нығайтуда «сенімді сақшы» деген атқа әбден лайық.

Әскери медицина қызметкерлері қалтқысыз қызмет етуде

<a href="https://kyzylorda-news.kz/">Kyzylorda-news.kz.</a> ​Әдебиет әлемге ортақ. Қабат-қабат тірлігіне қарамастан өлеңге адалдығын – өмірге адалдық деп түсінген қаламгер қыздардың еңбегі айрықша айтылса артықтық етпейді. Шәмшия Жұбатова да қазақ поэзиясында өз аты, өзіндік қолтаңбасы бар ақындардың бірі. Ол Қазақстан Журналистер және Жазушылар Одағының мүшесі. Жерлесіміз Қазалы ауданында дүниеге келген. Қазақ мемлекеттік университетінің журналистика факультетін бітірген.«Ана тілі» газетінде, «Жалын» альманахында қызмет атқарған. Шығармалары «Бастау», «Балауса», «Жетіген», «Жалын» ұжымдық жинақтарына енген. Осыған дейін онға жуық кітабы жарық көрген. Сыр елінің тумасы, Қазыналы Қазалының төл перзенті, жыр жорғасы Шәмшия Жұбатовамен тілдесудің сәті түсті.– Елге танымал жазушы Шерхан Мұртаза “Журналистің жегені жантақ, арқалағаны алтын” дегені бар. Жалпы6 қаламгер болу бала кезгі арманыңыз ба, журналисттік жолды қалай таңдадыңыз?– Дәл айттың, журналист болу бала күнгі қиялым. Сол кезде бұл факультетке түсу үшін ерекше іріктеуден өтесің. Журналистика саласы бүкіл Қазақстан бойынша тек КазГу-де ғана бар еді. Өзгелердей мектептен соң журналистикаға түссем деп армандадым. Мектеп қабырғасында жүріп мақала жаздым. Өлең шығардым. Солардың барлығын жинақтап, 1975 жылы аңсаған оқу орныма түстім. Абитуриент кезде белгілі ақын Есенғали Раушановпен таныстым. Марқұммен кешегі күнге дейін бірге аралас-құралас болдық. Сонымен қатар қатарласым Қасымхан Бегмановтармен өлеңді бірге бастадық. Анам айтатын: “Саған журналист болу неге керек? Ол қиынға соғады. Оданда 2 курстық бухгалтерияға түссейші. Өзіңе оңай болады, таза жерде конторда істейсің” деп.Бірақ тыңдамадым. Қазалыда мектепте жүргенімде Қалжан Нұрмаханов атындағы әдебиет үйірмесі болды. Сол жерде үлкен әдеби мектептен өттік. Ол кезде Молдахмет Қаназ, Рүстем Жанаев, Балтабай Тәжімбетов деген кіл мықтылар арамызда жүрді. Негізі ерте бастан қаламгер ретінде ауылыма танымал болдым. Әкем Нұрсұлтан Жұбатұлының ақындығын көп адам білетін және анама “сенің қызың ақын болады” деп айтатын. Төбесі көкке бір елі жетпей, ол осыны мақтанышпен жеткізу үшін үйге қуанып келетін. Университетке барғаннан кейін әдеби өмірге бет бұрдым. 2-ші курста Фариза апаймен таныстым. Ол маған “Жалын” журналына алғы сөз жазып берген. Менің ақындар арасында танылуым осы алғы сөзден кейін еселеп артты. Осыдан соң күнде әдеби жиын өткізіледі. Онда ортаға шығып өлеңдер оқимыз. Түрлі газет-журналдарға мақала жариялаймыз. Оқу орнын бітіргенше осындай тәжірибеден өттік. Журналист болу адамды білімпаздыққа машықтайды. Бір кішкентай мақала жазу үшін оны жан-жақты зерттеуің керек. Себебі байқаусызда қате шықпау қажет. Шағын болса да мақала әзірлеу үшін көп ақпаратты ақтарып оқитынмын. Ұсынған еңбегіңнен қате кетпес үшін ол материалыма ат үсті қарамай, жауапкершілікпен мән бердім. Бұл болашақта журналист ретінде қалыптасуыма игі әсерін тигізді. Қаламгерлер көп оқып, ізденген жөн. Олар кез келген тақырыпты қаузау қажет. Қазір мұны жастардан байқамаймын. Ылғи асығыс жүреді.Жалпы, кәсіби саламда маңызды мәселерді көтердім. М.Мағауин жайлы зерттедім. Дегенмен журналистикаға қатысы бар кітап жазбадым. Бірақ өлеңдерім басылып, прозалық кітабым шығарылды. Оған өкінішім де жоқ. Өйткені, журналист кез келген адам бола алады. Ал, ақындық өнер санаулыларға қонады.– Оқу орнын бітірген кезде қандай сезімде болдыңыз?– Бұл кезде әрбір адам жұмыс орнын таңдайды. Өмірден өзіңнің орныңды тапсам деген ой мазалайды. Сол кезде Жұбан Молдағалиев Жастар Одағының төрағасы еді. Мені Алматыға алып қаламын дегенімен ол ойы жүзеге аспады. Себебі талап бойынша бізді алыс аймақтарға қазақ тілінде жазатын мамандар тапшы газеттерге жіберетін. Дегенмен, Жұбан ағамыз көп талпынды. Әуелгіде жан-жаққа хабарласты, орталық комитетке де қоңырау шалды. Бірақ одан нәтиже болмады. Бөлініс жасалып қойғандықтан аудандық басылымға баруға тура келді. Сөйтіп журналисттік қадамым аудандық газеттен басталды. Дегенмен әдеби ортаға ерте келгеніммен өте кеш танылдым.– Кез келгеннің қолы жете бермейтін арман қалада өзіңізді қалыптастырдыңыз. Бірақ, неліктен, Атырау облысын таңдадыңыз? Білуімізше, Новобогат ауданындағы «Нарын таңы» газетінде жұмыс істедіңіз. Бұл жағдай қалай өрбіді?– Ол кезде таңдау берілмейді. Жолдама арқылы шеткейдегі аудан, ауылдарға жіберу қатаң бақыланатын. Орталық комитеттің ықпалымен осы жақ маған бұйырды. Атырау облысына келгеніме өкінбеймін. Мұнда нағыз шынайы достарды кезіктірдім. Өзімді журналист ретінде дамыттым. Күні бүгінге дейін “Нарын таңы” газетінен қол үзген жоқпын. Еңбек жолымдағы алғашқы қадамым құтты болды. Мұнда өнер адамына айрықша құрметпен қарады.– Орындалмаған арманыңыз бар ма? Алдыңызға қойған түпкілікті мақсатыңыз қандай?– Пенде болған соң арман таусылмайды, тірлікте қажетті дүниелер көп қой. Мақсаттың барлығы бірден орындалса өмірдің қызығы қалмайтындай, ойда жүрген түпкілікті мүддем бар. Осы 2-3 жылда соны қолға алуды көздеп жүрмін. Тек оны алдын ала айта алмаймын.– Өмірдегі басты ұстанымыңыз…– Өмірде де, өнерде де басты ұстанымым – шынайылық. Шыншыл әрі әділетті болу адамдыққа жатады. Өтірік жазылған дүниеңді оқырман түсініп қояды. Кез келген туындыны жүрекпен жеткізу керек. Сондықтан болар, шынайылығым үшін мені қай жерде болмасын бірден қабылдайды. Шындықты сүйген адам еш уақытта қапы қалмайды. Барлық мақсатына жетіп, мерейі үстем болады деген пікірдемін.– Қиындықтар кездесті ме? Қиналған, қажыған кезде демеу болған не?– Қиындықтар өте көп кезікті. Мұндай қиыншылықтан шығармашылығым алып шықты. Достарымды көбейтті. Індет кезінде көптеген жақын адамдарымнан айрылдым. Осы қайғылар қатты қажытқан кезде еңсемді көтерген де осы әдеби кездесу кештер мен жиындар болатын. Сондай басқосулардан қалмай барып келсем көңілім рахаттанып, өзгеріп шыға келетінмін. Өмірге үмітімді арттырған шығармашылықтың сондай құдіреті бар.– Бүгінгі өнерге деген көзқарасыңыз…– Өз басым жеке пікір білдірер болсам, өнерге көзқарасым түзу. Бізде дарындылар өте көп. Бірақ қазіргі өнер бір ізге түскен жоқ. Оңы мен солын ажырата алмай әбігерге түскен күйде жолайрықта тұр. Отыз жылға созылған мұздақты өмірден соң қайта бастап кету, қайта өз оқырманын табу шамалы абдыратып тастады. Дегенмен, қазір әрқайсысы өзінше қамшы басуда. Үкімет тарапынан қолдау болған сайын ешқайсысы құр қалмауда. Күні кеше Алматыда Әдеби күні өтті. Сонда поэзия жөнінде баяндама жасадым. Әдеби өмірге келген Қасымханның, Зайда Елғондинованың, Есенғали туралы естелік Бауыржан Жақыптың кітапарына пікір айттым. Біздің руханият өміріне қосылған асыл мұра. Кәдімгі қоржын толы қазына екендігін жеткіздім. Жастардың өзіндік орнын айқындап бергендей күй кештім. Қырыққа толған Толқын Қабылша, Ғазиза Әбілда олар жастарға жатпайды. Аға буын өкілінің жаңадан басталған шоғыры деп айттым. Осы жасартып айту дұрыс емес. Тек ғана 20 мен 30 жас аралығындағыларды жастар деуге әбден келеді. Алғашқы кітабы шыққандарды жастарға жатқызамыз. Ал бір-екі кітап жарияланғандарды орта буын өкіліне енген жаңа бір шоғыр деп қабылдау қажет.Қазіргі өнердің жасайтын істері әлі де көп. Біздің қазақ әдебиеті мен мәдениеті автолитарлық жүйенің әсерінен көп көштен артта қалдық. Жоғалтқан мүмкіндікті бүгінгі білім мен ілімнің арқасында қарыштап дамыған заманауи технология және интернет арқылы қысқа мерзім ішінде орнын толтырамыз ба деген тілеуім бар.– Жүрек түкпірін өзгеше тербеп шыққан жаныңызға жақын әрі ыстық өлеңіңіз бар ма?– Ана атанғанда бүкіл адамзатқа ана жүрегімен қарайсың. «Ана жүрек» деген поэмам екі сағатта ұшақпен ұшып бара жатқанымда жазылды. Қызымды ұзатып болған соң достарым шығарып салды. Сол кезде қалай ұшаққа отырдым, солай өлең шыға бастады. Қағаз қаламым ылғи қолымда жүреді. Алматыға жеткен соң компьютермен теріп, Атыраудағы достарыма жібердім. Сөйтсем, оны олар аэропортқа іліп қойыпты. Сонда Атыраудан бір топ адамдар келіп мейрамханада атап өткеніміз есімде. Осы құбылыстан кейін бұл туындым өзіме ерекше ыстық.– Көңілді жайлатар тұшымды әңгімеңізге рахмет.

Кәсіби саламда маңызды мәселерді көтердім 

<a href="https://kyzylorda-news.kz/">Kyzylorda-news.kz.</a> &nbsp;Қызылорда облыстық денсаулық сақтау басқармасының басшысы Олжас Ысқақов аймақта бүгінгі күні дәрі-дәрмек қоры жеткілікті екенін айтты. Басқарма басшысы бұл туралы Өңірлік коммуникациялар қызметінде өткен брифингте мәлімдеді.<blockquote>«Жалпы облыс бойынша емдеу мекемелерінен биылғы жылға 3,1 млрд. теңгеге сұраныс беріліп, 300-ден аса препарат түрлері және ОСМС бойынша 200-ден аса препарат түрлері жеткізілді. Сондай-ақ сирек кездесетін ауру түрлеріне шалдыққан науқастар жергілікті бюджет есебінен 500 млн. теңгеге жуық тегін дәрі-дәрмекпен қамтамасыз етілуде. Биылғы жылы «Қазақстан халқына» қорынан 34 млн. теңгеге 3 науқасты керекті «Цинрайз», «Рисдиплам» препараттармен қамтамасыз ету үшін сұраныс берілді. Алдаға уақытта берілген өтініш бойынша науқастардың препараттармен қамтамасыз етілуі назарда болады», - дейді Олжас Ысқақов.&nbsp;</blockquote>Сонымен қатар биылғы жылы аймақта республика көлеміндегі білікті мамандардың қатысуымен семинар, тәжірибе алмасу және түрлі тақырыптарда мастер класстар өткізілді.&nbsp;<blockquote>«Ағымдағы жылы ҚР Денсаулық сақтау министрлігімен бекітілген штаттан тыс бас мамандарымен, Ұлттық ғылыми онкологиялық орталығының урология, нефрология және бүйрек трансплантациясы бөлімінің меңгерушісі және өңірдің штаттан тыс бас нефролог дәрігерінің қатысуымен семинар сабақ өткізіліп, мастер класс және науқастарға кеңес жүргізілді. Н.Д.Батпенов атындағы ғылыми орталығының, артроскопия және спорттық жарақат бөлімің маманы жоғары санатты травматолог ортопед күрделі 8 ота жасады. Облыстық көпбейінді балалар ауруханасының базасында Қазақстан Республикасы Денсаулық сақтау министрлігінің штаттан тыс республикалық бас ревматолог маманы Мукушева Зәуре Серікпайқызы «Балалар жасындағы аутоиммунды патологияны ерте диагностикалау» тақырыбында ЖТД, ревматолог, педиатр мамандарына семинар өткізіліп, 46 науқасқа кеңес берілумен қатар, 4 балаға буынішілік глюкокортикоидттардың енгізілу тәжірибесін көрсетті. Астана қаласы Ұлттық ғылыми медицина орталығының кардиохирург дәрігері Мынбаев Марат Талғатұлы облыстағы есепте тұратын туа пайда болған ақаумен туылған балаларға кеңес берілді. Онда 62 бала қаралып, 18 бала отаға жіберілді», - дейді басқарма басшысы.</blockquote>Министрліктің бас неонатальды хирургы Асылжан Ерекешов «Туабітті &nbsp;өт шығару жолдарының даму ақауы», «Туабітті асқазан ішек жолдарының даму ақауы» тақырыптарында мастер класс өткізді.&nbsp;Айта кетейік, бұл бағыттағы жұмыстар өз жалғасын табатын болады.

Қазақстан және Қызылорда облысының жаңалықтары