<a href="https://kyzylorda-news.kz/ru">Kyzylorda-news.kz.</a> Қоғамдық кеңес – республикалық және жергілікті деңгейде талқылау мен шешім қабылдау кезінде қоғамдық пікірді ескеріп, ел ішіндегі проблемаларды қозғап, азаматтық қоғамның мүдделерін білдіретін ұлт жоспарына қажетті маңызды институт. Қазақстан Республикасының «Қоғамдық кеңестер туралы» Заңы 2015 жылғы 2 қарашада қабылданды. Аталған кеңес мемлекет қабылдайтын шешімдердің жариялы, ашық болуын қамтамасыз ететін консультативтік-кеңесші, әрі бақылаушы орган.&nbsp;Қоғамдық кеңес мүшелері қоғамдық бастамамен қызмет атқарады, республикалық және жергілікті деңгейде маңызды мәселелерді қозғап, қоғамда өз орны бар шешімдер қабылдап отырады.Қоғамдық кеңестер азаматтық қоғамның мүдделерін білдіре отырып, республикалық және жергілікті деңгейлерде шешімдерді талқылауда жұртшылықтың пікірін ескереді, қоғамдық бақылауды ұйымдастырады, орталық және жергілікті атқарушы органдар мен жергілікті өзін-өзі басқару органдары қызметінің ашықтығын қамтамасыз етеді, орталық және жергілікті атқарушы органдар мен жергілікті өзін-өзі басқару органдарының азаматтық қоғаммен өзара іс-қимыл жасауын дамытады.Заң талаптарына сәйкес мемлекеттік басқарудың республикалық және жергілікті деңгейлеріндегі қоғамдық кеңестердің өкілеттіктері негізінде бекітілген жұмыс жоспары бойынша 2023 жыл басынан бірқатар нақты жұмыстар жүргізіліп келеді. Осы уақытқа дейін аудандық қоғамдық кеңесте 3 отырыс өткізіліп, 23 мәселе қаралды. Нақтылай кетсек, «Аудан әкімінің Қармақшы ауданының 2022 жылғы әлеуметтік-экономикалық дамуы мен алдағы атқарылатын негізгі міндеттері туралы» есебі, аудандық Қоғамдық кеңестің 2022 жылғы атқарылған жұмыстары жайлы, «Қызылорда облысының жер ресурстарын басқару департаменті» РММ-нің «Жер заңнамасының сақталуы туралы» хаты, «Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға) құқығын беру жөніндегі конкурсқа ұсынылатын жер учаскесінің орналасу жобасы және тізіміне» келісім беру туралы, «Азаматтарға арналған үкімет» мемлекеттік корпорациясы» коммерциялық емес акционерлік қоғамының Қызылорда облысы бойынша филиалы Қармақшы аудандық тіркеу және жер кадастры бөлімі мен Қармақшы ауылдық округі әкімдігінде мемлекеттік қызмет көрсетудің жайы талқыға түсті. Сондай-ақ, аудан көлемінде өрт қауіпсіздігін сақтау және тұрмыстық табиғи газды дұрыс пайдалану, &nbsp;газ баллондарын қолдану кезінде сақтық шараларын ұстану, оларға техникалық қызмет көрсету үшін мамандандырылған ұйымдар қызметінің атқарып жатқан жұмыстары, «аудандық мәслихаттың кейбір шешімдерінің күші жойылды деп тану туралы» аудандық мәслихаттың шешім жобасы, &nbsp;«Қармақшы аудандық мәслихатының 2022 жылғы 30 қыркүйектегі №227 «Қармақшы аудандық мәслихатының 2018 жылғы 30 наурыздағы №162 «Қармақшы аудандық мәслихат аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесін бекіту туралы» шешіміне өзгерістер енгізу туралы» шешімін жою туралы» Қармақшы аудандық мәслихатының шешім жобасы, Қармақшы аудандық мәслихатының 2020 жылғы 30 сәуірдегі №323 «Тұрғын үй көмегiн көрсетудің мөлшері мен тәртібін айқындау туралы» шешіміне өзгеріс енгізу туралы» Қармақшы аудандық мәслихатының шешім жобасы, «Қармақшы аудандық мәслихатының 2022 жылғы 23 ақпандағы №137 «Мүгедектер қатарындағы кемтар балаларды жеке оқыту жоспары бойынша үйде оқытуға жұмсаған шығындарын өндіріп алу тәртібі мен мөлшерін айқындау туралы» шешіміне өзгерістер енгізу туралы» Қармақшы аудандық мәслихатының шешім жобасы жайлы пікір білдіріліп, кеңес құрылды.Аудандық қоғамдық кеңесінің құрамына өзгеріс енгізіліп, аудан көлемінде жастар арасында және кәмелетке толмағандар арасында жазғы демалыс кезіндегі қауіпсіздік ережелеріне (Жол қауіпсіздігі. Өрт қауіпсіздігі. Судағы қауіпсіздік ережелері) байланысты атқарылып жатқан жұмыстар, аудандағы мемлекеттік мекемелер мен кәсіпорындар қызметкерлерінің жұмыс уақытын тиімді пайдалану, ішкі еңбек тәртібін сақтау және оны нығайту барысындағы атқарылып жатқан жұмыстар әрдайым басты назарда. Төретам кенті әкімдігі мен Жаңажол ауылдық округі әкімдігінің мемлекеттік қызмет көрсету барысы және жергілікті атқарушы орган ретінде нәтижелі жұмыс жасаудағы есебі, «Қызылорда облысы Қармақшы аудандық мәслихатының 2022 жылғы 21 желтоқсандағы №249 «2023-2025 жылдарға арналған аудандық бюджет туралы» шешіміне өзгерістер мен толықтырулар енгізу туралы» Қармақшы аудандық мәслихатының шешім жобасы, аудандық бюджеттің атқарылуы жайлы жылдық есеп, «Қармақшы аудандық мәслихат аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалау Әдістемесін бекіту туралы" Қармақшы аудандық мәслихатының шешім жобасы, «Қармақшы аудандық мәслихатының регламентін бекіту туралы» Қармақшы аудандық мәслихатының шешім жобасы, «Қармақшы аудандық мәслихатының 2021 жылғы 16 ақпанындағы №11 «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Қағидаларын бекіту туралы» шешіміне өзгеріс енгізу туралы» Қармақшы аудандық мәслихатының шешім жобасы, «Қармақшы ауданы жергілікті атқарушы органдарының «Б» корпусы мемлекеттік әкімшілік қызметшілерінің қызметін бағалаудың әдістемесін бекіту туралы» Қызылорда облысы Қармақшы ауданы әкімдігінің 2018 жылғы 13 наурыздағы №673 қаулысының күші жойылды деп тану туралы» Қармақшы ауданы әкімдігінің қаулы жобасы, «Қармақшы ауданы бойынша бөлшек салықтың арнаулы салық режимінің мөлшерлемесін төмендету туралы» Қармақшы аудандық мәслихатының шешім жобасы жайлы мәселелер қаралып, ұсыныс-пікірлер айтылды.Аудандық қоғамдық &nbsp;кеңес отырысында қаралған бірқатар кент, ауылдық округтер мен мекемелердің мемлекеттік қызмет көрсету сапасы жайлы мәселелер бойынша мемлекеттік қызмет істері агенттігінің Қызылорда облысы бойынша департаменті мемлекеттік қызмет көрсету басқармасының басшысы Н.Сүлейменов, мемлекеттік қызмет істері агенттігінің Қызылорда облысы бойынша департаменті мемлекеттік қызмет көрсету басқармасының бас маманы Е.Булебаев «ZOOM» платформасы арқылы онлайн қатысып отырды.Аудандық кеңес отырысында қаралған мәселелер бойынша бірқатар мекемелерге кеңес тарапынан ұсынымдар жасалып, орындалуы бақылауға алынды.Жыл басында аудандық қоғамдық кеңес отырысында ауданымыздың 2022 жылғы әлеуметтік-экономикалық дамуы мен алдағы атқарылатын негізгі міндеттері туралы аудан әкімінің есебі жасалып, жалпы өткен жылы жергілікті атқарушы органдар тарапынан атқарылған бірқатар нәтижелі жұмыстары атап өтіліп, алдағы жылдарға да белгіленген бастамаларды жеткізді. Ол туралы аудан тұрғындарына жан-жақты ақпарат берілді.&nbsp;Кездесу барысында аудан басшысы аудандық қоғамдық кеңеспен бірлесе жұмыс жасап, алдағы уақытта да өзекті мәселелерді көтеруде елеулі үлес қосатындарына сенім білдірді.Кезекті отырыста «Қызылорда облысының жер ресурстарын басқару департаменті» РММ-нің «Жер заңнамасының сақталуы туралы» хатына сәйкес Қызылорда облысының жер ресурстарын басқару департаментінің жердің пайдаланылуы мен қорғалуын мемлекеттік бақылау бөлімінің басшысы М.Тілеуов хабарлама жасап, онда Қызылорда облысының жер ресурстарын басқару департаментімен аймақтағы ауылшаруашылығы мақсатында жер учаскелерін мақсатына сай пайдаланылмаған және ұтымсыз пайдаланған жер учаскелеріне Қазақстан Республикасының Жер заңнамасының талаптарын бұзушылықтарды жою туралы нұсқамалар берілгендігін және уақытылы орындалмаса сот шешімімен мәжбүрлеп алып қойылатындығын атап өтті.&nbsp;Осыған байланысты жергілікті қоғамдастық жиналысына ауылдық округтердегі шаруашылық және шаруа қожалықтарының басшыларын, жер үлесінің егелерін және аудандық ауылшаруашылығы мен жер қатынастары бөлімінің мамандары қатыстыра отырып, осы аталған мәселе жергілікті қауымдастықта талқыланып, жер заңнамасының сақталуына тиісті түсіндірме жұмыстары жүргізілді. Сонымен қатар аудандық ауылшаруашылығы мен жер қатынастары бөліміне жер учаскелеріне немесе оны пайдаланып отырған шаруашылық құрылымдары мен шаруа қожалықтарындағы жерлердің мақсатына сай және тиімді пайдалану жайына үнемі бақылау орнату, тиісті зерделеу жұмыстарын жүргізу жайлы ұсыным берілді.Аудандық қоғамдық кеңесте мемлекеттік мекемелерден келіп түскен 11 нормативтік-құқықтық актілер зерделеніп, келісім берілді.Аудандағы &nbsp;Төретам кенті және Жаңажол ауылдық округі әкімдіктерінің мемлекеттік қызмет көрсету барысы және жергілікті атқарушы орган ретінде нәтижелі жұмыс жасаудағы жұмыс &nbsp;сапасы зерделеніп, қоғамдық кеңес мүшелерімен қоғамдық мониторинг жүргізіліп, тиісті ұсынымдар жасалды. &nbsp;Қазақстан Республикасының ақпарат және қоғамдық даму Министрлігінің 2022 жылғы бекітілген Медиа жоспарына сәйкес, Қармақшы аудандық Қоғамдық кеңесінің 2023 жылы атқарған жұмыстарын бұқаралық ақпарат құралдарында жарықтандыруға байланысты «Facebook» әлеуметтік желісінде, аудандық газетте жарияланып, аудандық мәслихаттың интернет-ресурсында ақпараттандырылып отырылады.Қоғамдық кеңестер халықтың пікірін ілгерілететін және жұртшылыққа қажетті мәселелердің жүзеге асуын қадағалайтын маңызды органға айналып келеді.

Қармақшы аудандық қоғамдық кеңесінде жыл басынан бері 23 мәселе қаралған

<a href="https://kyzylorda-news.kz/ru">Kyzylorda-news.kz.</a> Жалағаш ауданына қарасты қазіргі Қара иірім разъездінде кезекші болып еңбек ететін Ердібек Ақмырзаұлы салаға серпін берген білікті мамандардың бірі. Еселі еңбегінің арқасында абыройы артып, еңбегі еленіп те келеді. Қанша жылдан бері саланың ыстық-суығына төзіп, қиындығына қарамастан жауапкершілікпен жұмысын жасайтын Ердібек ағамыз өзінен кейінгі жастарға да тәжірибесімен бөлісіп отырады. Біз барғанда ағамыз да жұмыс орнынан табыла кетті.&nbsp;1960 жылы Жалағаш кентінде өмірге келген Ердібек, 1967 жылы Дәуімбай елді мекеніндегі №202 мектептің табалдырығын аттап, 1977 жылы жақсы деген бағамен бітіріп шығады. 1978 жылы Отан алдындағы борышын өтеу үшін әскер қатарына шақырту алады. Чехославакияда әскери борышын абыроймен өткеріп, 1980 жылы ауылға оралады.&nbsp;– Әскерден келген соң екі қолға бір күрек тауып, еңбек етуді жөн көрдім. Қандай жұмыс жасасам деп көп ойланбадым. Себебі кішкентайымнан көргенім шойын жолдың бойы, отбасымызда әкеміз Қалыбай Құдайбергенов теміржол саласында абыроймен еңбек етті. Оған қоса атам Тоқмырза мен апам Саракүл де осы саланың ардагерлері. Міне сол кісілердің жолын қуып, менде ойланбастан теміржол саласына келдім. Теміржол еліміздің экономикасының күретамыры дегенге толықтай келісемін. Өйткені теміржол барған аймақ дереу гүлденіп, жайнап шыға келеді. Бірақ сондай нәтиженің артында үлкен маңдай тер мен еңбек жатады. Ал адам ішінен соған дайын болмаса, ол нағыз теміржолшы бола алмайды. Сондықтан осындай кәсіпті қыстың қырауы, жаздың аптабы демей абыроймен атқарып келе жатқан әріптестерімнің еңбегіне тек қана табыс тілеймін, – дейді Ердібек Маханбетов.1981 жылы жұбайы Гүлсім апамызбен отау құрған сала майталманы қазіргі таңда 5 бала өсіріп, үлгілі отбасылардың бірі болып отыр. Жігітке жеті өнерде аз дегендей, Ердібек ағамыз жұмыспен қоса өздерінің отбасылық кәсіптерін де дөңгелентіп отыр. Кентте «Алихан» деген атаумен қоғамдық монша, шаштараз сынды әлеуметтік маңызы бар сервистік орталығы жұмыс жасап тұр. Әке орнын басқан Ерді¬бектің теміржолда еңбек еткеніне биыл 42 жыл болыпты. Қаңтар айында ағамыз зейнеткерлікке шығатын көрінеді. Әріптестері «Иә, қуанарымызды, не мұңаярымызды білмейміз» дейді күліп. Әрине осындай білікті де жауапкершілігі мол маманнан қай сала болса да айырылғысы келмейтіні рас. Бірақ Ердібек ағамыз ендігі жол жастарда, 40 жылда жиған тәжірибемді жастармен бөлісуге, үйретуге қашанда дайынмын дейді. Елге сыйлы, ұжымдастарына қадірлі азамат біліктілігімен еленген. Еселі еңбегінің арқасында бірнеше алғыс хаттармен қоса, сала үздігі деген медалімен марапатталған.&nbsp;– Мен бақытты адаммын. Өйткені өзім қалаған мамандықпен жұмыс жасадым. Бала кезде теміржолшы болуды армандайтынмын. Осы салада қызмет еттім, тер төктім, Аллаға шүкір. Бүгінгі кәсіби мереке қарсаңында барлық теміржолшыларды төл мерекесімен тағы да құттықтаймын, – деп барлық әріптестеріне алғысын жеткізді теміржолшы Ердібек Ақмырзаұлы.

Салада елеулі еңбек еткен

<a href="https://kyzylorda-news.kz/ru">Kyzylorda-news.kz.</a> ҚР Оқу-ағарту министрлігінің орта білім комитеті 1-сыныпқа құжаттарды қабылдау бір аптадан соң яғни 2023 жылдың 1 тамызында аяқталатынын ескертеді.Өтініш беріп үлгермегендер құжаттарды Еgov.kz электронды үкімет веб-порталы және жергілікті атқарушы органдардың ақпараттық жүйелері арқылы тапсыра алады.Бірінші сыныпқа балалар 6 жастан бастап ата-анасының немесе баланың заңды өкілінің өтініші негізінде қабылданады. Сондай-ақ денсаулық жағдайы туралы құжаттар (026/у-3 нысаны және 065/у) және 3х4 өлшемді 2 фотосурет қоса беріледі.Айта кетейік, құжаттарды қабылдау 1 сәуірден басталып, 4 айда 350 453 өтініш түсті, бірінші сыныпқа қабылданған балалардың 71,2%, қазақ тілінде оқытатын мектептерді таңдаған.Алдын ала болжам бойынша, жаңа оқу жылында 410 мыңнан астам бала бірінші сыныпқа барады деп күтілуде.

Бірінші сыныпқа қабылдау тамыздың бірінде аяқталады

<a href="https://kyzylorda-news.kz/ru">Kyzylorda-news.kz.</a> Қай саланың жұмысын алып қарасақ та өзіне тән ерекшелігі мен жауапкершілігі болады. Әсіресе халықпен тікелей жұмыс істейтін қызметкерлерге артылар жүк ауыр. Өйткені олар елдің сенім үдесінен шығуға және екі ортадағы байланысты нығайтуға әркез тырысып жүреді. Қоғам үшін ең маңызды рөл атқаратын мамандардың бірі ішкі істер саласының қызметкерлері деп айтуға болады. Тәртіп сақшылары қоғамдық тұрақтылықты қалыптастыруға күш салып қана қоймай, халықтың қорғаны қызметін де атқарады.Аудан тұрғындарының амандығы мен &nbsp;тыныштығы үшін күні-түні аянбай қызмет ететін сала қызметкерлерінің бір күні қалай өтетінін біз білеміз бе? Осы сұраққа жауап алу мақсатында тәртіп сақшыларының біркүндік жұмысын бірге атқаруды жөн көрдік. Аудандық полиция бөлімінде жұмыс уақыты ерте басталды. Таң атысымен ғимарат ішінде тіршілік қайнап жатыр, сірә үйреншікті жағдай болар, ұйқысын аша алмай, маужырап жүрген ешкім байқалмады. Қызметкерлер таңғы сағат 7.00-де кезекші бөлімнен қару алады екен. Содан кейін бүгінгі жұмыс күнінің мін¬деттері мен тапсырмалары беріліп, сағат жеті жарым шамасында саптық жиын басталды. Жиында міндетті бөліністерін айқындаған полиция қызметкерлері дереу жұмыстарына кірісіп кетті.&nbsp;Бұл жолы әріптесім Созақбаев Ерлан екеуміз АПБ Жергілікті полиция бөлімшесіне қарасты патрульдік полиция тобының қызмет инспекторы Нұрлыбек Жолдастың біркүндік кезекшілігіне түсіппіз. Орда бұзар жаста тұрған жігіттің бұл жұмыста келе жатқанына 7 жылдан асыпты. Өз ісіне деген жауапкершіліктің қандай боларын ол жақсы біледі. Қысқасы, бұл саладағы жұмыстың барлығы оған бес саусағындай таныс. Бізде полиция қызметкерінің формасын киіп, аға лейтенант Нұрлыбектың «Нива» маркалы жұмыс көлігіне отыра кеттік. Әрине қобалжу бар. Полиция қызмет-кері дереу бізден қауіпсіздік белдігін тағуды талап етті. «Бүгін менің әріптесім екенсіз, сол себепті тәртіпті әуелі өзімізден бастағанымыз жөн», деген қызметкердің бір ауыз сөзі біз үшін жауапкершілікті одан бетер еселегендей болды.&nbsp;Көлігіміз кент орталығына жол тартты. Дәуімбай елді мекенінде көлік саны аз ба, ереже бұзғандар кездесер емес. Әрине қуантарлық жағдай. Осы сәтті пайдаланып, полиция инспекторын әңгімеге тартуды жөн көрдік. Нұрекеңнің айтуынша, қазір кентте көлік саны көбейген. Сол себепті жол жүру ережесі жиі бұзылып жататын көрінеді. «Біздің негізгі мақсат – тек айыппұл салумен шектелмей, жүргізушілерге түсіндірме жұмыстарын жасап, мейлінше олардың қауіпсіздігіне жұмыс жасау» деп түйді ол әңгімесін. Әріптесімнен көп сөздің емес, істің адамы екені көрінді. Кент орталығындағы базар маңына тұрақтап, кейіпкерім көлік қозғалысын реттеуге кірісіп кетті. Көлік қозғалысын реттеуде полицейлердің рөлі зор. Өйткені базар маңында таңертең көлік саны көбейеді, көлік жүрісі қиындай түседі. Сол сәтте көлік жүргізушінің жол белгі талабын орындамай тұрғанын байқап қалса керек. Қолындағы арнайы аппаратпен “Вольфсваген” автокөлігін тізгіндеген &nbsp;азаматтың сәл аялдауын сұрады. Осылайша жұмысымыз одан әрі қыза түсті. Амандасып, өзін таныстырған Нұрлыбек көлік иесінен көлік құжаттарын көрсетуді талап етті, құжаттары түгел екен, инспектор қолына планшетін алып, хаттама толтыра бастады. Хаттаманы толтырып болған соң, көлік иесімен белгі тұрған жерге барып, түсіндірме жұмысын жүргізді.&nbsp;Стадион алдындағы айналма жолдан өте бергенде тағы да “Вольфсваген” маркалы көлік назарымызға ілікті, бірақ түсі бөлек екен. Автокөліктегі дыбыс күшейткішпен көлікке оң қапталға аялдауды талап етті. Жүргізуші де дереу талапты орындап, көлік қозғалтқышын сөндірді. Дәл жоғарыдағыдай реттілікпен құжаттарын сұрады. Құжаттары түгел. Бір айыбы көлік жүргізушісі қауіпсіздік белдігін тақпаған, оған қоса көліктің жарық шамын жақпаған. Әрине заң бәріне ортақ, көлік иесіне заң талабын сақтай отырып, 2 хаттама толтырылып, ескерту жасалды. Түсіндірме жұмыстарын да назардан қалдырмады.Араға 30 минут сала Дәуімбай елді мекеніне өтетін «тесік көпірден» өткенімізде “LADA” автокөлігінің ережені бұзып келе жатқанын байқадық. Біз де қырағылана бастадық па, жан-жақтағы көліктердің барлығын көзбен сүзгіден өткізіп келеміз. Әріптесім көлік тізгіндеген азаматқа оң қапталға тоқтауды талап етті. Тәртіп бұзған көлік иесіне “Қауіпсіздік өзіңіз үшін, сондықтан белдік тағып жүруді қаперден шығармаңыз” деп ауызша да, жазбаша да ескерту жасалды. Нұрлыбектің айтуынша, жалпы жол қауіпсіздігін қамтамасыз етуге Жалағашта 3 полицей қызмет етеді. Күніне жүгенсіз көлік жүргізушілерге 10-нан аса айыппұл салынатынын айтады. Демек, көлік жүргізушілер тарапынан жол ережесін сақтауға әлі де құлықсыздық басым деген сөз.&nbsp;– Мен бала кезден полиция қызметкері боламын деп армандайтынмын. Тек ар-мандап қана қоймай, осы маман иесі атануды мақсат еттім. Оқуымды бітіргесін «Кім боламын?» деп көп ойланбадым, дереу осы салаға жұмысқа орналастым. Жаман емес, шүкір, қызығы мен шыжығы мол жауапты қызмет атқарудамын. Қызметте жүрген соң жұмыс барысында қойылған талаптарды уақытында орындауға міндеттіміз. Өйткені бұл – адам өмірі мен қауіпсіздігіне жауап беретін қызмет саласы. Сол себепті полицей қызметкері дене дайындығымен қатар психологиялық дайындықта жүруі қажет. Қызмет болған соң, әртүрлі оқыс оқиғалар, яғни көлік апаты, адам өлімі секілді жайттар орын алып жатады, – дейді полицей Нұлыбек Жолдас.Әрине мұндай өте жауапты қызметке төзу оңай шаруа емес. Себебі полицейлер де адам баласы. Оларда да жүрек бар екенін естен шығармағанымыз абзал. Қарбаласы мол біркүндік жұмыс күні аяқталғасын, қызметтік қару қайтадан кезекші бөлімге тапсырылды. &nbsp;Сырттай қарағанда форма киіп жүретін қызмет болып көрінгенімен, жоғарыда айтып өткеніміздей, бұл қызмет – жауапкершілігі мол жұмыс. Ең басты міндеттері – адам өмірі, тұрғындар қауіпсіздігі. «Қауіпсіз ортаны қалыптастыруда тек полиция қызметкерлері ғана жауапты» деген түсініктен арылып, қоғам болып сол жауапкершілікті сезінуіміз қажет деп санаймын.

Қоғам тыныштығын күзеткен

<a href="https://kyzylorda-news.kz/ru">Kyzylorda-news.kz.</a> Бүгін Қызылорда облыстық партия филиалының қоғамдық қабылдау бөлмесінде денсаулық сақтау саласы бойынша тақырыптық қабылдау өткізілді.Қабылдауды облыстық денсаулық сақтау басқармасының бөлім басшысы Төлегенова Айгүл Асылбекқызы, Қызылорда қалалық Орталық емхана бас дәрігерінің орынбасары Есалиева Гүлдана Жанғабылқызы, №2 емхана бас дәрігерлерінің орынбасарлары Алмағанбетов Қуанышбек Жұбергенұлы мен Нұрмағанбет Айдана Набиқызы жүргізді.Қабылдауға келген тұрғындар кәмелетке толмаған балаларын мүгедектікке шығару заңдылығы, стационарлық ем қабылдау жайында және басқа қалаларға ем алуға жолдама алу мәселелері бойынша кеңес сұрап келді.Генетикалық потологиясы бар баланың анасына мүгедектікке шығарудың заңдылықтарын, яғни баланың бойындағы диагноздар түрлі бағытта екендігін және бұндай жағдайда заңнама бойынша мүгедектікке шығару мүмкін еместігі түсіндірілді.&nbsp;Одан бөлек, туа біткен гидроцефалия диагнозы қойылған науқастың анасына түсіндірме жұмыстары жүргізіліп, қызының қайтадан толық тексерілуден өтіп, Талсуат оңалту орталығына стационарлық ем қабылдауға жатқызу керектігі айтылды.

Денсаулық сақтау саласы бойынша тақырыптық қабылдау өтті

<a href="https://kyzylorda-news.kz/ru">Kyzylorda-news.kz.</a> Құран Кәрімде айтылған қасиетті төрт айдың бірі – мұхаррам. Мұхаррам мұсылман жыл санауының алғашқы айы саналады, "қасиетті", "тыйым салынған" деген мағыналарды білдіреді. Алла елшісі мұхаррамды "Алланың айы" деп сипаттаған. Осы мұхаррам айының оныншы жұлдызы "Ашура күні" деп аталады.<a href="https://sputnik.kz/20230726/ashura-kuni-zhaqyndap-qaldy-oraza-ustau-mindet-pe-37018945.html">Sputnik Қазақстанның</a> хабарлауынша "Ашура" араб тілінде он деген санды білдіретін "ашара" сөзінен шыққан. Кейбір ғалымдар ашура күнінің атауын Алла Тағаланың пайғамбарымыздың үмметіне он түрлі ерекше уақытты сыйлауымен байланыстырып, соның оныншысы ашура екенін айтқан.Адам пайғамбардың жаратылуы, жұмаққа кіруі және жұмақтан шығарылған соң тәубесінің қабыл болуы, Нұх пайғамбардың топан судан құтылуы, Жүніс пайғамбардың балықтың қарнынан шығуы, Ибраһим пайғамбардың отқа жанбауы, Жақып пайғамбардың ұлы Жүсіппен қауышуы, Жүсіп пайғамбардың құдықтан шығуы, Аюб пайғамбардың дерттен құтылуы сияқты елеулі оқиғалар осы Ашура күні болған деседі.<h3 style="margin-left:0px;">Ашура күні қашан?</h3>2023 жылы Ашура күні 28 шілдеге, қасиетті жұмаға тұспа-тұс келіп тұр.<h3 style="margin-left:0px;">Ашура күні ораза ұстауға бола ма?</h3>Ашура күні мұсылманға ораза ұстау міндет емес, нәпіл оразалардан саналады.Пайғамбарымыз алғаш Мәдина қаласына келгенде Рамазан айының оразасы парыз болмаған шақта қаладағы яһудилердің мұхаррамның оны күні ораза ұстайтынын көріп, олардан бұл оразаның себебін сұрайды. Сонда олар: "Бұл біз үшін айтулы күн. Нақ осы күні Алла Тағала Мұса пайғамбар мен қауымын озбыр Перғауыннан құтқарған", – деп жауап береді. Сонда Пайғамбар: "Олай болса Мұсаға сендерден гөрі мен жақынмын", – деп, мұсылмандарға осы күні ораза тұтуға бұйырады. Бірақ кейінірек Рамазан оразасы парыз етілген соң: "Қалаған адам тұтсын, қаламаған адам аузын ашсын", – деп адамның өз еркіне қалдырады.Десе де бұл күні ораза ұстаған мұсылман үлкен сауапқа ие болады. Әрі ауыз бекіткен жанның өткен жылғы күнәлары кешіріледі.Алла елшісі "Рамазан оразасынан кейінгі ең абзал ораза – Алланың айы мұхаррам айында тұтылған ораза", – деген.Осыған байланысты ханафи мәзһабында ашура оразасын ұстау – сүннет, ал оған алдыңғы (тоғызыншы), не кейінгі (он бірінші) күнді қосып тұту – мұстахап деп пәтуа берілген. Яғни 27 және 28 шілде немесе 28 және 29 шілде күндері ораза ұстау құпталған амал саналады.<h3 style="margin-left:0px;">Ашура күні тағы қандай амалдар орындалады?</h3>Ашура күні пенде бұрынғы жасаған күнә-қателіктері үшін Алладан кешірім сұрап, тәубе еткені жөн.Адам ата мен Хауа ана тыйым салынған жемістен жеген соң, тәубе етеді. Алла Тағала ол турасында қасиетті Құранда: "Сонда Адам (оған Алланың сәлемі болсын) Раббысынан сөздер үйренді де, жалбарынып тәубе етті. Раббы оның тәубесін қабылдады. Өйткені Ол тәубені өте қабылдаушы, ерекше мейірімді", – деп айтқан. Ғалымдарымыз Адам пайғамбардың тәубесінің қабыл болған күн осы Ашура күні екенін айтқан.Сонымен қатар бұл күні мұқтаждарға садақа берген абзал. Өйткені Ашура күні берілген садақаның сауабы мол.Бұған қоса Ашура күні отбасы мүшелеріне, ағайын-туысқа ерекше көңіл бөліп, қуаныш сыйлау маңызды. Пайғамбарымыз: "Кімде-кім ашура күні әйел, бала-шағасына кеңшілік жасаса, Алла оған жыл бойы кеңшілік жасайды", – деген."Кеңшілік жасау" дегенде дәмді тамақ әзірлеу, сыйлық беру сияқты сауапты істерді меңзеген. Ғалымдарымыз Ашура күнінде отбасына кеңшілік жасауды мұстахап амалға жатқызады.Сондай-ақ Ашура күні кедей адамдарды қуантып, ең кемі он адамға сәлем берген абзал.Ашура күні ізгі амалдарды орындап, жақсылық жасаудың сауабы қаншалықты мол болса, тыйым етілген істі жасаудың да күнәсі ауыр. Алла Тағала қасиетті Құранда: "Бұл айларда өздеріңе зұлымдық етпеңдер...", – деп айтқан.

Ашура күні ораза ұстауға бола ма?

Арал ауданында мал басында өсім бар

<a href="https://kyzylorda-news.kz/ru">Kyzylorda-news.kz.</a> «AMANAT» партиясы облыстық филиалы жанына құрылған Партиялық бақылау комиссия төрағасының орынбасары Жорабек Нұрымбетов бастаған облыстық және қалалық комиссия мүшелері қаладағы Жанқожа батыр көшесіндегі N5 мекен жайындағы 375 орынға арналған бастауыш оқу ғимаратының құрылысымен танысты.Ағымдағы жылдың сәуір айында басталған құрылыс жұмыстарына бүгінгі таңда партиялық бекет орнатылған.Құрылыс жұмыстарының жүргізу қарқыны өте жоғары деңгейде , бір мезетте 10 бригада жан-жақты жұмыс атқаруда. Пайдаланылып жатқан құрылыс материалдарыда жоғары сапалы. Келісім бойынша 2023жылдың қыркүйек айына тапсыруды көздеуде.Бұл нысанның айта кетер ерекшелігі партияның сайлауалды бағдарламасында нысан құрылысының жүзеге асырылуы 2024 жылы деп енгізілген.<blockquote>- Балаларға жаңа оқу жылына жаңа оқу ғимаратында білім алуына берілген мүмкіндікке біз де өз үлесімізді қосуда сапалы құрылыс материалдарымен салуға тырысып жатырмыз. Алдағы 1 ай 10 күн мерзім ішінде ғимаратты толықтай бітіру үшін ішкі және сыртқы түрлі жұмыстарды бір- біріне кедергі келтірмей атқаратын 10 бригадамен бірлесіп жұмыс жасап, оқу ғимаратының кілтін табыстаймыз. Оған еш кедіргі жоқ, барлық қажетті құрылыс материалдары алынып қойылған, жұмыс жасауға толықтай мүмкіндік бар"-дейді мердігер мекеме "Ахат-ГС" ЖСШ директоры Мырзабай Шалғынбаев.</blockquote>Дегенмен нысан құрылысы аяқталғанша тұрақты партиялық бақылауда тұрады.<figure class="image"><img src="https://knadmin.beoblood.kz/uploads/357473305_675241084641531_7800680041354070911_n_86050bfef3.jpg" alt="357473305_675241084641531_7800680041354070911_n.jpg"></figure>&nbsp;<figure class="image"><img src="https://knadmin.beoblood.kz/uploads/363737257_675241114641528_1197546042200517992_n_e7cb1ae06e.jpg" alt="363737257_675241114641528_1197546042200517992_n.jpg"></figure>

Жаңа оқу жылына жаңа оқу ғимаратының құрылысы аяқталады

<a href="https://kyzylorda-news.kz/ru">Kyzylorda-news.kz.</a> Бүгін аудан әкімі Асқарбек Есжановтың төрағалығымен аппараттық мәжіліс өтті. Аппараттық мәжілісті бастамас бұрын аудан әкімі кадрлық өзгерістерге тоқталды.Қызылорда облысының санитариялық-эпидемиологиялық бақылау департаменті директорының бұйрығымен Аймбетова Гүлзираш Сыдыққызы Жалағаш аудандық санитариялық-эпидемиологиялық бақылау басқармасының басшысы лауазымына тағайындалды.«Қызылорда облысының жұмыспен қамтуды үйлестіру және әлеуметтік бағдарламалар басқармасының «Еңбек мобильділігі орталығы» коммуналдық мемлекеттік мекемесі директорының бұйрығымен Телібаев Ғалымжан Қуанышұлы «Жалағаш ауданының Мансап орталығы» филиалының директоры лауазымына тағайындалды.Жалағаш аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі басшысының бұйрығымен Жанашев Ғалым Ерболұлы Жалағаш аудандық отбасын қолдау орталығының директоры лауазымына тағайындалды.Аудан әкімі жаңа қызметке тағайындалған сала басшыларының жұмысына сәттілік тіледі.Күн тәртібіне сәйкес аудандағы мәдениет саласында атқарылып жатқан жұмыстардың жай-күйі, жылу беру маусымына дайындық барысы және аудан аумағында жол қауіпсіздігін қамтамасыз ету шаралары туралы үш мәселе қаралды.&nbsp;Мәдениет саласында атқарылып жатқан жұмыстардың жай-күйі бойынша аудандық мәдениет және спорт бөлімі, аудандық құрылыс, сәулет және қала құрылысы бөлімімен, аудандық кәсіпкерлік, өнеркәсіп және туризм бөлімімен, кент және ауылдық округі әкімдерімен бірлесіп «Қазақстан Республикасындағы Тіл туралы» Заңының 21-бабына және «Жарнама туралы» Заңының 11-бабына сәйкес заң шеңберінде тиісті мамандардан құралған мониторинг жұмыстарын жүргізу, сала бойынша жүзеге асырылып жатқан үйірмелердің жұмысын жандандыру тапсырылды.&nbsp;Жылу беру маусымына дайындық барысында меншік түріне қарамастан барлық мекеме басшыларына нысандардың жылу беру маусымына дайындық жұмыстарын аяқтауды және қажетті отын қорымен қамтамасыз етуді ағымдағы жылдың 15-ші қыркүйегіне дейін орындауды тапсырды.Барлық әлеуметтік нысандардың басшылары 2023-2024 жылдардағы күзгі-қысқы кезеңдегі жұмысқа әзірлік паспортын алу үшін тиісті құжаттары мен өтініштерін ағымдағы жылдың 28-ші тамызына дейін аудандық тұрғын үй-коммуналдық шаруашылық, жолаушылар көлігі және автомобиль жолдары бөліміне жолданады.&nbsp;Аудан аумағында жол қауіпсіздігін қамтамасыз үшін аудандық полиция бөліміне көлік жүргізушілеріне салынған айыппұлдарды 100 пайызға өндіру, көлік құралын басқаруға құқы жоқ кәмілетке толмаған жүргізушілерді болдырмау мақсатында профилақтикалық іс-шараларды ұйымдастыру, кент ішіне ауыр жүк көліктерін кіргізбеу мақсатында нақты жұмыстар жасау қажеттігі айтылды.Жалағаш кентінің әкіміне Жалағаш кентінде қажетті жерлерге жол белгілерін орнатып, ескірген жол белгілерді қайта қалпына келтіруді қамтамасыз ету тапсырылды.&nbsp;Қосымша ауылдық елді мекендердегі санитарлық тазалықтың жағдайына тоқталған аудан басшысы барлық ауылдық округтерде тазалық жұмыстарын күшейту қажеттігін айтты.&nbsp;Күн тәртібіне ұсынылған барлық мәселелердің орындалуы сала бойынша жауапты орынбасарларға тапсырылып, аудан әкімі тапсырмалардың орындалуын назарда ұстайтынын жеткізді.

Жалағашта жауапты салалар бойынша негізгі мәселелер қаралды

Жалағаштағы жарқын жобалар ел игілігіне жұмыс жасайды

<a href="https://kyzylorda-news.kz/ru">Kyzylorda-news.kz.</a> &nbsp; Қызылордада «Қорғау» жол қозғалысын бақылау жүйесі пилоттық режимде іске қосылды. Аталған жүйенің көмегімен жолда орын алатын құқық бұзушылықтардың саны азаймақ.&nbsp;«Қорғау» жол қозғалысын бақылау жүйесі автомобиль жолдарында тәртіп пен қауіпсіздікті қамтамасыз ету процестерін автоматтандыру мақсатында мемлекеттік тіркеу нөмірі белгісін тану және жол қозғалыс ережелерін бұзушылықтарын тіркеу автоматтандырылған құрылғыларынан өткен көлік құралдары туралы ақпаратты қабылдау, өңдеу арқылы ақпараттық-коммуникациялық инфрақұрылымды ұйымдастыруға арналған бағдарлама. &nbsp;&nbsp;Жол ережесін бұзған, жалған мемлекеттік номермен жүрген көліктер, айыппұл мен салық төлемеген жүргізушілер, іздеуде жүрген автокөліктер сол жерде белгілі болып, бірден айып тұрағына жіберіледі. Бұл ретте, &nbsp;«Қорғау» &nbsp;жүйесі полицейлерге заңбұзушылықтың алдын алуға мүмкіндік береді. &nbsp; &nbsp;Жүйе іске қосылғалы мәліметі анықталмай өндіріске қабылданбаған 14 шетел автокөлігі анықталып, оларға қатысты 689 мың 500 теңге айыппұлдары жүйеге енгізіліп, өндірілді. Оның ішінде, 10 автокөлікке ҚР ӘҚБтК-нің 785-бабына сәйкес айыппұлдары төленбегені үшін айып алаңына қойылса, 4 автокөлікке қатысты ҚР ӘҚБтК-нің 230-бабының талаптарына сәйкес тиісті әкімшілік хаттаматолтырылып, автокөліктер айып алаңына қойылды.&nbsp;&nbsp;

 Қызылордада «Қорғау» жол қозғалысын бақылау жүйесі  пилоттық режимде іске қосылды

<a href="https://kyzylorda-news.kz/ru">Kyzylorda-news.kz.</a> Қармақшы ауданының тыныс-тіршілігі ауыл шаруашылығына негізделген. Осы жылдың 1 шілдесіне ауыл шаруашылығы өнімдерінің жалпы көлемі 2 млрд. 899,5 млн.теңге болып, өткен жылдың тиісті кезеңімен салыстырғанда 102,1 пайызды құрады.Биыл 26 813 гектар жерге егін егілді. Оның ішінде күріш көлемі 13 770 гектар. Биылғы вегетациялық кезеңге бөлінген су лимитіне және дақылдарды кезектестіру схемасына сәйкес күріш өткен жылмен салыстырғанда 997 гектарға артық егілді. Әртараптандыру дақылдары 2340 гектарға орналастырылды.Жаңажол ауылдық округінде "Жаңажол" ЖШС 5 гектар жерге тамшылатып суару әдісімен алма бағын егіп, 85 пайызы шыққан. Сондай-ақ, аталған шаруашылық жабынды астында егу әдісімен 2 гектар жерге қарбыз екті. Өнім тамыз айында жиналады.Еске салайық, облыс әкімінің тапсырмасына сәйкес аудан экономикасын әртараптандырда шикізаттық емес секторды дамыту, ішкі нарықты отандық тауарлармен толтырумен қатар импорт алмастыру мәселесі қолға алынғанын <a href="https://kyzylorda-news.kz/kogam/kharmakhshylykh-kaesipkerlerding-90-zhobasyna-nesie-112-zhobasyna-grant-berildi-26-07-2023">хабарлаған болатынбыз.</a> Ол үшін индустрияландыру бағдарламасының аясында жүзеге асырылған ірі жобаның бірі Ақтөбе ауылындағы «Қармақшы құс» ЖШС құс фабрикасы биыл іске қосылады деп күтілуде. Сонымен қатар, Жосалы кентіндегі «АНК-Дәулет» ЖШС-ның газоблоктар өндіретін шағын зауытының құрылысы басталды. Жобаның жалпы құны 200 млн теңге. Жоба Өңірлік инвестициялық орталығы арқылы 60 млн теңгеге несиелендірілді. &nbsp;

Қазақстан және Қызылорда облысының жаңалықтары