<a href="https://kyzylorda-news.kz/">Kyzylorda-news.kz.</a> Жуырда кәсіпкерлерді қолдаудан жалықпай келе жатқан «Атамекен» палатасының ұйымдастыруымен "Бір ауыл – бір өнім" жобасын аудандағы кәсіпкер әйелдерге түсіндіру аясында семинар өткен болатын. Мұнда көптеген аралдық нәзік жандылар өздерінің өнімдерін ұсынып, бастаған кәсіптері туралы түсіндіріп берді.&nbsp;Осы шара барысында қойылған көрмеде Қызылорда облысы кәсіпкерлер палатасының директоры Пирмұхаммед Сыздықов, облыстық іскер әйелдер кеңесінің төрайымы Наталья Мишукова, Қызылорда облысы кәсіпкерлер палатасының қаржылай емес қолдау бөлімінің басшысы Әсел Алушаеваның ерекше бағасына ие болған өнімдердің бірі Сексеуіл кентінде жасалып жатқан шұжық.Осы кәсіптің иесі – кент тұрғыны Шарбану Мамытова. Шарбану бүгінде бір шаңырақтың келіні, 4 баланың анасы. Мектеп бітірген соң Ақтөбе қаласындағы Темір жол колледжін бітіріп, кәсіби мамандық алып шығады. Бірақ мамандық бойынша қызмет жасамағанымен, үй шаруасында жүріп жаңа жұмыстың көзін табады. Осылайша бүгінгі уақытта ол шұжық жасаумен айналысып, өз тұтынушыларының көңілінен шығып отыр.&nbsp;<blockquote>– Кез келген дүниені бастау үшін белгілі бір себеп болады екен. Бірде дүкеннен сатып алған колбасаның ішінен шыққан нәрсені көріп, оның таза еместігіне күмән туды. Осылайша отбасымызбен үзілді-кесілді шұжық тұтынудан бас тарттық. Бірақ қазір барлығы дамыған уақыт қой. Іnstagram желісінде отырып, шұжық, ет, сүт өнімдерін табиғи жолмен жасайтын әдісті көзім шалып қалды. Осылайша Ақтөбе қаласынан соны үйреніп қайттым. Десе де мұны кәсіп көзіне айналдырам деген ой мүлде болмады. Бірақ үй жағдайында өзім дайындап, тұтынып жүрдік. Одан дәм татқан туыстар, жақындар, достар оң бағасын беріп, «Керемет дүние жасапсың. Неге осыны кәсіпке айналдырмайсың. Қолдан келетін жұмысты жақсы кәсіп етуге болады ғой» деген пікірлерін білдірді. Осылайша қызығушылығым артып, талап қылдым. Оның үстіне мемлекеттің кәсіпкерлерге жасап жатқан жағдайы, қолдауы да ерекше емес пе?! Кәсіпкерлер палатасы арқылы "Бастау Бизнес" жобасы арқылы оқып, арнайы сертификат алып, қайтарымсыз грантқа қол жеткіздім. Соның нәтижесінде өз жұмысымды ары қарай дөңгелетіп алып кетуге зор мүмкіндік туды, – дейді Шарбану Тәуекелқызы.</blockquote>Иә, бүгінде тың кәсіптің көзін тауып, соны дамыту жолында тынымсыз еңбек етіп жүрген Шарбану өз тұтынушыларының да қарасы көбейіп келе жатқанын айтты. Жылқы мен сиыр етінен жасалатын шұжықтың құрамы да табиғи тазалығымен ерекшеленеді. Тұз бен бұрыштың қоспасынан әзірленетін өнімнің сұранысқа енуінің өзі сол табиғи тазалығынан екені сөзсіз.Алдағы уақытта өз өнімін нарықтық ауқымын кеңейтуді ойлаған кәсіпкер шұжықтардың барынша тез арада қолданылғанын қамтамасыз етуді қалайды. Себебі арнайы химиялық құрамның болмауына байланысты, ұзақ уақыт сақтауға қолайсыздығын да жасырмады. Тағы айта кететін жағдай, Шарбану Мамытова бұл бағыттағы жұмыстармен тоқтап қалуды көздемейді. Алдағы уақытта орталықтан ет, сүт, қойдың құйрығынан жасалатын өзге де өнімдерді әзірлейтін арнайы цех ашуды көздейді.Иә, қазірде кәсіпкердің өзі айтқандай мемлекет тарапынан қолдау өте жоғары. Осы мүмкіндікті пайдаланып, бренд қалыптастырып жатса, ауданнан тек балық пен тұздан да өзге өнімнің шығатынын жаһан жұртшылығы да жақсы танып, білер еді дейміз.<figure class="image"><img src="https://knadmin.beoblood.kz/uploads/a0c18c7f_6896_46b2_b38b_bd35dce4f155_4116767e9b.jpg" alt="a0c18c7f-6896-46b2-b38b-bd35dce4f155.jpg"></figure>

Қайтарымсыз грант алған сексеуілдік келіншек шұжық шығарып жатыр

<a href="https://kyzylorda-news.kz/ru">Kyzylorda-news.kz.</a> Ұлтымыздың, сондай-ақ мемлекеттің ең басты байлығы, ерекше белгісі, бөлінбес бөлшегі болып табылатын қазақ тілін тек білу ғана емес, көздің қарашығындай сақтай және дамыта отырып, оны ұрпақтың келесі буынына жеткізу – әр азаматтың қасиетті парызы. Ал мемлекеттік тілдің заңды мәртебесіне лайық қызмет етуін ең алдымен атқарушы билік, мемлекеттік қызметшілер қамтамасыз етуі керек. Бұл жалпы жұртшылық осынау игі істен қалыс қалуы керек деген сөз емес. Халықаралық «Қазақ тілі» қоғамының аудандық филиалы өз маңына тіл жанашырларын, белсенді азаматтарды топтастыра отырып, мемлекетік тілдің қоғамдық өмірдің барлық саласында кеңінен қолдануын бақылауға алып, тілбұзарлықпен күресуде.Қай жерде болмасын ең алдымен көрнекі ақпарат көзге түседі, осы шындық болмысты бейнелеудің жоғарғы қалпы ойлауға, сондай-ақ мінез-құлықты қалыптастыратын, өзгертетін психологияға әсер етеді. Көрнекі ақпараттың қазақ тілінде анық, қатесіз, көз тартарлық болуы кентке көрік беріп, адамдардың назарын өзіне аударып қана қоймайды, таңбалық қызмет арқылы ойды білдіреді, оның материалдың тірегі болып табылады. Тіл тазалығы – ар тазалығы екенін еске салып ай сайын осындай жүргізілген түсіндіру жұмыстары нәтижесін беріп келеді. Кент орталығындағы Көшербаев көшесінде ораласқан «Эльнұр» сауда дүкенінің жарнамасында жазылған «Я – Жосалы» деген деген үлкен жазу «Мен – Жосалы» деп өзгертілді. Сондай-ақ маңдайшадағы қисайған, түсіп қалған әріптер қайта жаңаланып ілінді. Халықаралық «Қазақ тілі» қоғамдық бірлестігі аудандық филиалының төрағасы Гүлжауһар Раева, аудандық мәдениет және спорт бөлімінің маманы Бауыржан Қайырбаев, аудандық кәсіпкерлік, өнеркәсіп және туризм бөлімі қызметкері және тіл жанашырларымен бірлесіп, «Қазақстан Республикасындағы Тіл туралы» Заңының 21-бап талаптарына сәйкес кәсіпкерлік нысандарға жарнамалардың талапқа сай жасалуына, маңдайшалардың әріптері түскен, қате жазылған жазуларға ақпараттық түсіндірме жұмыстары жүргізілген рейд жасалды. Бірқатар нысандарды аралап дәмхана, мейрамхана, дүкендер мен тағы басқа жалға берілетін ғимараттардың сыртқы келбетіне көңіл аударылып, ғимарат иелеріне бірқатар ескертпе жұмыстары жүргізілді.&nbsp;<blockquote>«Біз мемлекеттік мәртебеге ие тіліміздің тазалығын сақтауға тиіспіз. Сондықтан қоғамда осындай күнделікті кедесетін көрнекіліктердің сауатты, дұрыс жазылуын қадағалау, тілге сақшылық көзқараста болу әрқайсымыздың азаматтық міндетіміз деп ойлаймын. Көрнекі ақпараттағы заңдылықты сақтамау, қателік көзге бадырайып көрініп тұрады. Бірақ көп адам соған мән бере бермейді. Біздің әрқайсымыз тіл күрескері болуымыз керек», – дейді аудандық мәдениет және спорт бөлімінің маманы Бауыржан Қайырбаев.&nbsp;</blockquote>Ал тіл жанашыры Асқар Дәулетбаев: «Шынар ана» жолаушылар тасымалдау мекемесі автобустарының есігінде «вход», «выход» деп жазылған. Оны «кіру», «шығу» деп өзгертуге болады ғой. Күнделікті адамдар көп жиналатын орындарда тілімізге деген құрмет әрбір қазақ азаматының өзіне байланысты. &nbsp;Мынадай теріс пікір бар. Үлкен қалаларда, солтүстік облыстарға қарағанда бізде шүкіршілік дейді. Олай болмайды. Сөйлеу тіліміз де, көрнекі ақпарат та таза қазақ тілінде болуы керек. Бұл – тәрбие, жастардың елжанды болуына әсер етеді. Алдымен өзімізді түзейік, содан кейін басқаларды да түзейміз» деген пікірді өзгелерге насихаттап жүр.Рейд барысында түрлі меншіктегі мекемелердің атауы болмаса, басқа көп қателік көрінген жоқ, бұл да үнемі жүргізіліп отырған жұмыстың нәтижесі. Меншік иелеріне орысша, басқа да шетел тіліндегі атауларға үйір болмау жөнінде ескертілді.

Қармақшыда рейд жүргізілді

<a href="https://kyzylorda-news.kz/ru">Kyzylorda-news.kz.</a> Арал ауданының әкімі Серік Сермағамбетов Қамыстыбас және Аралқұм ауылдық округтерінде ауыл тұрғындарымен кездесті. Алдымен Қамыстыбас ауылында болған аудан басшысы жыл басынан бері өңірдегі атқарылған жұмыстар легін баяндап, биылға жоспарланған басқа да ауқымды жобаларға тоқталды.<blockquote>&nbsp;«Ауданға инвестиция тарту көлемі жыл сайын артып келеді. Былтырғы жылдың сәйкес кезеңімен салыстырғанда аудан бюджеті екі есеге артып, биыл 18,4 млрд теңгеге көбейді. Ауданымызда газ тарту жұмыстары да лайықты жалғасын табуда. 2022 жылы Сексеуіл кентінде газ жеткізу құбырының және кварталішілік газ тарату желілерінің құрылысы басталып, биыл жыл соңына дейін аяқтау жоспарланып отыр. Көп күтпей-ақ, өздеріңізде де көгілдір отынмен қамтамасыз ету үшін құны 56 миллион теңге болатын жоба жасалуда. Келесі жылы бюджеттен қаржы тарту жұмыстарын атқаратын боламыз. Ауылдарыңызда «Ауыл Аманаты» жобасы аясында 79,6 млн теңгеге 10 жоба ұсынылып отыр екен. Бұл өте тиімді. Халық осындай жобалардың игілігін көру қажет. Елге болсын деген азаматтарды ауылды көркейтуге атсалысуға тартып, жобалар жасау керек. Оған бізден әрдайым қолдау болады», – деп, кәсіпкерлікпен айналысамын деушілерге жан-жақты демеудің бар екендігін айтты.</blockquote>Мұнан бөлек, өңіріміздегі үлкен туристік аймақ болып саналатын Қамыстыбас ауылында биыл көркейту-көгалдандыру жұмыстары өз жалғасын тауып, көл орналасқан орынға автожол жүргізу үшін жоба ұсынылып, келесі жылы бастау алатынын да жеткізді. Жағымды жаңалықтардың куәсі болған ауыл тұрғындары да жасалған жұмыстарға оң бағасын берді. Аудан басшысымен кездесу барысында ауылдағы мәселелерді де сөз еткен қамыстыбастықтар жасөспірім жастарға арналған денешынықтыру-сауықтыру кешенінің қазіргі жағдайы көңіл алаңдатынын тілге тиек етті. Серік Сағитжанұлы бұл мәселеге қатысты бүгінде сот процесі жүргізіліп, мердігерге мәжбүрлі түрде орындауға шешім шыққандығын және бұл жұмыс өз жалғасын табатынын айтты.Мұнан соң, аудан басшысы елді мекен маңында орналасқан «Аққұмшық» жағажайына барып, ондағы туризмді дамыту мен жазғы шомылу кезеңіндегі қауіпсіздік мәселесін бағамдады. Жағажай бойында жаз мезгілінде кәсіппен айналысатын жандармен кездесіп, тазалық мәселесіне баса мән беруді және демалуға келген тұрғындарға алдағы уақытта тиісті түрде жағдай жасау қажеттігін жеткізді. Құтқарушы қызметкерлерге де көл басында үнемі қадағалау жұмыстарын жүргізіп отыруды баса айтты.Сапар барысында аудан басшысы «Тоқбай» көлінің жанында орналастырылған тұрғындардың егістік алқабымен танысты. Бүгінде 10 гектар аумақтың 5 гектарына бау-бақша өнімдері егілуде. «Әліп» шаруа қожалығының төрағасы Әлиев Рахымжан егін алқабын тыңайту жұмыстарын көрсетіп, өнімнің бітік шығуы үшін жасалып жатқан жұмыстардың барысымен таныстырды. Аудан басшысы жердің құнарлылығы жоғары екенін ескере отырып, халықты өз өнімімізбен қамтамасыз ету үшін алдағы уақытта көкөніс дақылдарын да егуді ұсынды.Аудан әкімінің сапары одан әрі Аралқұм ауылдық округінде жалғасты. Серік Сағитжанұлы тұрғындарға ауданымыздағы жағымды жаңалықтың бірі қала аумағында темір жол үстінен өтетін аспалы көпір құрылысының басталғанын айтып, қуанышпен бөлісті. Одан соң, биыл өңірімізде атқарылып жатқан тың жобалар мен алдағы міндеттерге тоқталды. Аралқұм ауылына балалар ойын алаңын салу мәселесі де оң шешімін тауып, аудандық бюджетке өтінім тапсырылғанын жеткізді. «Елді мекенге қарасты Мойнақ ауылына шахталық құдық қазу жұмыстары да биыл демеушілік есебінен бастау алмақ» деп жағымды жаңалықтың жаршысы болды.

«Ауыл Аманаты» жобасы аясында 79,6 млн теңгеге 10 жоба ұсынылды 

<a href="https://kyzylorda-news.kz/ru">Kyzylorda-news.kz.</a> Жаз айының басталуына санаулы күндер қалды. Ауа райында болатын түрлі жағдайды ескертуден жалықпаған Казгидромет ұялы телефонға күн сайын хабарлама жіберуде. Күнделікті келіп түскен ескертуді ашпай-ақ не деп айтатынын білетіндейміз. Оған етіміз де үйреніп кеткен. Ал күн райының құбылмалы жағын кім анықтайды? Бірі-білер, бірі-білмес Қармақшыда «арғы бетте» бір мекеме бар. Әр жауынның «тамшысын санайтын» станцияның атқарып жатқан қызметі қандай? Осыны білмекке Жосалы метеостанция орталығына ат басын бұрдық.Кент сыртында орналасқан бұл мекеме сонау 1931 жылдан бастап жұмыс істейді. Ол кезде Қармақшыда әуежай болған. Сол уақытта қызметі дүркіреп тұрған бұл мекемеге ұшақтар қонып, ауа райын бақылап отырған. Уақыт өте бұл әуежайдың да дәурені өтіп, қазір бөлек нысанға айналған. Біз барған метеостанция шағын контейнерде орналасқан. Ұядай ғана орында бес қызметкер жұмыс істейді. Жетекшісі – Эльмира Әбілдақызы. Біз барған уақытта жұмыс қызып жатыр екен. Бөлмеге кіргеннен есіктің сол жақ қабырғасында ілулі тұрған термометрге ұқсас құралға көзіміз түсті. – Бұл барометр, ауаның қысымын өлшейтін аспап, ішінде сынап бар, – деп бастады әңгімесін Э.Әбілдақызы. Үстел үстіндегі журналына әр аспаптың өлшемін жазып жатыр екен.<blockquote>«Мынаған қарап желдің жылдамдығы мен бағытын білеміз. Бұл – анеморумбометр. Қазір технология жылдам дамып жатыр. Кез келген құрылғыны іске қоссаң күн райын бірден анықтап береді. Бірақ біз электронды көрсеткіш пен даладағы желдің бағытын көрсетіп тұрған аспапқа қарап екеуін салыстырамыз. Сосын барып нақты желдің жылдамдығын анықтаймыз», – деді мекеме қызметкері.</blockquote>Күн райын анықтау үшін даладағы ауа райын өлшейтін аспаптар орналасқан алаңға бардық. Сырт көзге бұл орын кішкене болып көрінгенімен жұмыс ауқымы кең. Азанғы сегізде жұмыс басталғаннан бұл кісілер күн райының құбылысын қалт жібермей, әлсін-әлсін тексеріп, облыс орталығына хабарлап отырады. Айтатындай бар екен. Көлеңкеде орналасқан термометр әлден 24 градус ыстықты көрсетіп тұр. Бұл таңға жуық уақыт еді. Енді түскісін бағамдай беріңіз. Одан кейін тырмаланған жерге орналасқан екі термометрге жақындадық. Ол жердің ыстығын көрсетіп тұр. Бірі – максималды көрсеткіш берсе, екіншісі нақтысын көрсетуде. Әлгі жел бағытын көрсететін «Флюгер» де осында. Көз салып қарағанымызда ұшындағы бағыттағыш батысқа қарап, батыстан соққан баяу жел 4 м/с жылдамдықты көрсетіп тұр. Ал қар мен жаңбыр жауғанда оның экологиялық құрамы мен тазалығы да анықталады. Мұздақ пен қыраудың түскені де осы жерден анықталып орталыққа хабарланады.<blockquote>«Жалпы бізбен төтенше жағдайлар қызметі тығыз байланыста. Оларға жиі ақпарат беріп отырамыз. 112-ден хабарламаны солар таратып отырады. Тіпті Байқоңыр ғарыш айлағындағылар да бізден мәлімет алады. Өйткені зымыран ұшыруға ауа райының қолайлылығы қажет», – деді ол.</blockquote>Қарап отырсақ жұмысы көрінбейтін бұл мамандардың атқарар қызметі мен жауапкершілігі өте жоғары. Сізге келетін хабарламаның түп төркіні осында жатыр.

Жосалыдағы метеостанция мекемесі

<a href="https://kyzylorda-news.kz/ru">Kyzylorda-news.kz.</a> Бәрін айт та, бірін айт. Отбасы болсын, оны асырауда болсын, икемделе білгенге не жетсін. Мамандығың бола тұрса да, кәсіп үйренгенің, білгенің әркімнің өзіне жақсы емес пе? Сол үшін де қазақта "Жігітке жеті өнер де аз" деп тәмсіл еткен. Үйренуден, ізденістен жалықпаған, алға ұмтылған адам ғана өмірде жетістікке жетеді. Уақытын тиімді пайдаланады. Соның жемісін көреді. Жосалы кентінің тұрғыны, аудандық соқырлар қоғамының төрайымы, 3-топ көз мүгедегі Эльмира Үсенова осы талаптан шығып жүрген жаратылысы бөлек жан.1976 жылы дүниеге келген Э.Әбілдақызы орталықтағы №250 мектепте білім алады. Одан соң №105 мектепте тәлімгер болып еңбек жолын бастайды. Мұнан кейін де ұстаздық жолды ұстанып, Көкшетаудағы М.Ғабдуллин атындағы мектепте "Қазақ тілін жетік меңгерту" пәні бойынша сабақ беріп, шәкірттердің талабын ұштауда үлесін қосады. Біліктілік қашан да оқи білу мен жетілуді қажет етеді. Жас маман осындай мақсатты ұстана отырып, "Болашақ" университетінен қазақ тілі мен әдебиеті пәнінің мұғалімі мамандығын алады. Дегенмен, ұстаз боламын деген арман басқа арнаға бұрылып, 1996 жылы аудандық ауа-райын бақылау орталығына 2-санатты техник-метеролог маманы болып тұрақты жұмысқа қабылдана барады. Содан беріде осы мекемеде абыройлы қызмет етіп, елдің алғысына бөленіп келеді. "Талаптыға нұр жауар" демекші, Эльмира 2010 жылдан бастап осы орталықтың басшысы қызметінде.Жалғыз жалақыға қарап отырмай, басқа да кәсіп көзін қарастыруға ерік-жігер, еңбекқорлық керек. Кейіпкеріміздің ізденіс үстіндегі жоспарына 2018 жыл жаңа бір мүмкіндік ашқандай. Себебі "Бизнестің жол картасы – 2020" бизнесті қолдау және дамытудың бірыңғай бағдарламасы оған осындай кереметтей мүмкіндік сыйлады. Осы бағдарлама аясында кәсіпкерлер және кәсіпкерлік бастамасы үшін Қазақстан Республикасы Ұлттық экономика министрлігі және "Атамекен" Қазақстан Республикасы Ұлттық кәсіпкерлер палатасы ұйымдастырған "Бизнес Кеңесші" жобасымен оқу курсын тәмамдап, қолына біліктілігі жөнінде сертификат тиеді. Бұл құжат талап иесінің инновациялық грантқа қатысып, бағын сынауына, көкжиегінің кеңейе түсуіне септігін тигізген-ді. Сөйтіп жас кәсіпкердің жолы болып, 738 мың теңге қаржылай грантқа ие болады.<blockquote>«1993 жылы мектеп бітірдім. Тәлімгер, сондай-ақ қазақ тілі мен әдебиеті пәнінен оқушыларға сабақ бердім. Отбасы жағдайына байланысты Көкшетау қаласына қоныс аудардық. Дегенмен келер жылы ауылға қайта көшіп келіп, аудандық ауа-райын бақылау мекемесіне жұмысқа тұрдым. Тоқыма тоқу мен тігін тігуге деген қызығушылығым осы кезде басталды. Түнгі ауысымға тұрамын. Ұйықтауға, қалғуға болмайды. Бірде басшымыз "Аэропорттың маңайында түйе көп жайылады. Оның жүні жеңіл әрі жылы да жұмсақ келеді. Жүнін сататындар болса, тазалап жуып, иіріп, шұлық тоқуды үйренгенің дұрыс" деп ақылын айтып, ой салды. Ол кезде тұрмыс құрмағанмын. Сондай сәттерде мені қорқып қалады деп анам үнемі қасыма келіп серік болады. Сонда қызы мен анасы түнімен ұйықтамаймыз. Анам ұршық иірсе, мен оны-мұны тоқимын. Осылай жүргенде жолдасымды кездестіріп, тұрмысқа шықтым. Балалы-шағалы болдық. Алғаш тігінге мән берген кезім – кішкентай қызымның қуыршағына көйлек тіккенім есімде. Ол қуыршақ шынын айтсам, әлі күнге дейін үйде сақтаулы. Көлемі шағын келген, бір-бір жарым жастағы бүлдіршіннің пішінімен сай келеді. Тіккен көйлегімнің өзіме ұнағаны соншалықты ине ұстап, іс тігуге деген құмарлығым бұрынғыдан да арта түсті», – дейді бүгінде кәсібін біркісідей үйіріп отырған кейіпкеріміз.</blockquote>Ол қиялындағы бұйымдарды тігумен шектеліп қалмай, дүкен сөрелеріне де біршама заттарын сатылымға шығарып отыруды әдетіне айналдырады.<blockquote>«Көйлек, басқа да заттарым тез өтіп кететін. Тоқыма тоқуды да тастамай, оны да қосымша дамыттым. Заманға сай "Бизнес Кеңесші" мемлекеттік жобасымен тегін оқып, грант жеңімпазы атандым. Ол қаражатқа жоғары сапалы тоқыма жабдығын арнайы Мәскеуден алдырдым. Сантүрлі дүние тоқып, кәдеме жаратып келемін. Белдемше, кеудеше, басқа тағатын бөкебай, шарқаттар тоқыдым. Сол уақыттарда Асқар Қолдабеков ағамыз жетекшілік ететін Соқырлар қоғамына мүшелікке кіріп, жанарымыздың әлсіздігіне қарамастан белсенді еңбек етуге тырыстым. Ағамыз қалаға басшылық қызметке ауысқанда сол кісінің орнына бастауыш ұйымның төрайымы болып қалдым. Қолөнерден ешқашан қол үзген емеспін. Ол бір менің екінші тынысым секілді ғой. Шаршағаныңды басып, өзгеше бір дем береді. Негізгі жұмысыммен қоса, күніне 2-3 көрпеше құрап, көктеп тастау қолдан келетін шаруа. Қызымның артынан апаратын көрпе-көрпешесін өзім дайындап тақтап қойып отырмын», – дейді өмірге құштар сіңліміз.</blockquote>Э.Үсенованың ұзақ жылғы еңбегі елеусіз емес. Ол 2017 жылы Қазақстан Республикасы Энергетика министрлігінің Қазақстан Республикасы Гидрометеорология саласын дамытуға қосқан үлесі үшін құрмет грамотасымен марапатталса, өткен жылы "Қазгидромет" РМК бас директоры Д.Әлімбаеваның "Дүниежүзілік метереология күніне" орай көп жылдық адал еңбегі үшін алғыс хатпен мадақталған. Сонымен қоса, ауданның кәсіпкерлік саласының нығая түсуіне қосқан сүбелі қызметі үшін де облыс әкімінің бірнеше мәрте марапаты мен қаржылай сыйлығына ие болған.

Қармақшылық кәсіпкер мемлекеттен қолдау тапты

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімдігінің мәжіліс залында облыс әкімінің орынбасары Сактағанов Нұрымбет Аманұлының төрағалығымен облыс тұрғындарына жарақат алу және жазатайым оқиғалар, оның ішінде жол көлік апаты кезіндегі медициналық көмек көрсету туралы үйлестіру кеңесі болып өтті.Өздеріңізге мәлім күтілетін өмір сүру ұзақтығын орташа 75 жасқа дейін ұлғайтуға тікелей әсер ететін көрсеткіштердің бірі - жол көлік оқиғалары кезінде болатын жарақаттар мен өлім-жітім санын азайту болып саналады. Бұл көрсеткішке барлық бағынысты мекемелердің жүйелі жұмысының нәтижесінде қол жеткізетініміз белгілі.Кеңеске облыстық денсаулық сақтау басқармасының басшысы Искаков Олжас Ермекұлы, облыстық полиция департаментінің, облыстық жолаушылар көлігі және автомобиль жолдары басқармасының, білім басқармасының басшылары және қала, аудан әкімдерінің орынбасарлары қатысты.Жиында алдымен 2023 жылдың 3 айының қорытындысымен, облыс тұрғындарына жарақат алу және жазатайым оқиғалар, оның ішінде жол көлік апаты кезіндегі медициналық көмек көрсету бойынша атқарылған іс-шаралар туралы аймақтың бас дәрігері Олжас Ермекұлы баяндады.&nbsp;Одан соң &nbsp;жол көлік оқиғаларын азайту бойынша жүргізілген жұмыс барысы туралы облыстық полиция департаментінің жергілікті полиция қызметі басшысының орынбасары Майрихов Даурен Мырзалыұлы баяндаса, жол көлік оқиғаларын азайту бойынша 2023 жылдың 3 айында атқарылған іс-шаралары юойынша облыстық жолаушылар көлігі және автомобиль жолдары басқармасы басшысының орынбасары Сыздықов Жәнібек Шәкімбайұлы, Шиелі ауданы бойынша жол көлік оқиғалары бойынша Шиелі ауданы әкімінің орынбасары Ысмағұлов Болат Әбдулхайысұлы баяндады.Атқарылған жұмыстар легімен мұқият танысқан Нұрымбет Аманұлы облыс тұрғындарына жарақат алу және жазатайым оқиғалар, оның ішінде жол көлік апаты кезіндегі медициналық көмек көрсету бағытындағы үйлестіру кеңесін қорытындылай келе, облыс бойынша травматолог дәрігерлерінің кадр тапшылығын төмендету мақсатында қажетті мамандардың жұмысқа тартылуын пысықтауды, жол көлік оқиғалары кезінде полиция қызметкерлері арасында алғашқы медициналық көмек көрсету бойынша тәжірибелік семинар сабақтар ұйымдастырылуын тапсыра келе, Ұлттық Жобаны жүзеге асыруды қамтамасыз ету үшін, облыс тұрғындарының денсаулық жағдайын мен әлеуетін нығайту мақсатында барлығымыз бірлесіп жұмыс атқаруымыз қажет екендігін атап өтті.Осы ретте барша облыс тұрғындарын жол көлік апатынан сақтануға шақырамыз!

Қызылордада жол көлік апаты кезіндегі медициналық көмек көрсету жөнінде үйлестіру кеңесі өтті

<a href="https://kyzylorda-news.kz/ru">Kyzylorda-news.kz.</a> Көп жасаған қария – сарқылмайтын дария. Әлбетте жасы үлкен кісілерді сыйлап, оларды қымбат қазынаға теңеп жатамыз. &nbsp;Осы орайда Қармақшы ауданында жасы 90-нан асқан кәсіпкер Шынар Махмутовамен тілдескен едік.&nbsp;Редакциядан келгенімізді білдірген соң, кейіпкеріміз әңгімесін бастап та кетті. «Жас емеспіз, көздің көруі нашарлап барады. Кезінде папамыз (жұбайын айтады) шығарған газетті оқи алмай, арманда боп отырмын» деп балаша қуанды барғанымызда. Әшекей тастармен көмкерілген қамзол, басына таққан жаулығы сондай жарасымды. Құдды қонаққа баратын қыздай құлпырып отыр. Салпыншақ сырғасы, сүйріктей саусақтарына киген сақинасы көздің жауын алады. Рас, әже деуге қимайсыз. 90 жаста деп кім айтады? Келбетінде бір мін жоқ. Әдемі қартаю деген осы шығар, сірә. Бұл есімді қармақшылықтарға таныстырудың өзі артық. «Аллаға шүкір» дейді екі сөзінің бірінде Қармақшы ауданының Құрметті азаматы, Ғасыр кәсіпкері Шынар Махмутова.Әңгімесіне құлақ түрсек өткен ғасырдың отызыншы жылдары дүниеге келген Шынар Әбдікәрімқызының балалық шағы алаңсыз ойын, шат-шадыман көңілмен өтпеген. Қазақтың қаймақтары ұсталып, елді ашаршылық жайлаған сол 1932 жылы шыр етіп келген сәбиіне ата-анасы Шынар деп жақсылықты меңзейтін есімді қойған. Содан бері жылжып жылдар, тізіліп күндер өтіп барады. Соғыс жылдары мектеп қабырғасында жүрсе, одан кейінгі қиын кезеңде еңбекке араласқан. Небәрі 15 жастағы бойжеткен майданнан Жеңіспен оралған, ұзын бойлы, аққұба, жүзінен мейірім төгілген Сапабек әкемізбен тұз-дәмі жарасып, жанұя құрады. Аудандық тұтынушылар одағына сатушы болып орналасқан жас келінге қызметті үйрену, балаларын тәрбиелеу оңай болған жоқ. Сатушы мамандығы сырттай қарағанда қарапайым көрінгенімен жауапкершілігі мен бейнеті едәуір екенін ол жұмыс істей келе сезінді. Шілденің қайнап тұрған күнінде де, қаһарлы қыстың суығында да талап бір – халыққа қалтқысыз қызмет ету. Еңбеккеш жас осы қиындықтарды бірте-бірте бағындырып, қойма меңгерушісі, кондитер және тігін цехының және ұлттық шеберхана меңгерушісі болып абыройлы еңбек етті. Аудандық көпшілік тамақтандыру кәсіпорнын ұзақ жыл басқарды. Ұжым мүшелерімен ой бөлісіп, олардың ұсыныстарына мән берді. Үлкен қалаларда қолға алына бастаған жаңалықтарды үйреніп, оны іс барысында қолданып отыруды дағдыға айналдырды. Ертелі кеш тынбай ізденген еңбегі зая кеткен жоқ. «Қармақшы» мейрамханасы жоспарлы тапсырманы асыра орындап, сол кезде аудан экономикасының нығаюына өзіндік үлес қосты. Ұжымның жоғары табысқа жетуіне мұндағы жұмысшы-қызметкерлердің ауызбіршілігі де әсер етті. Мейрамхана директоры Шынар Махмутова үлкенге құрметпен, кішіге ізетпен қарауды, келушілерге ойдағыдай қызмет көрсетілуін ерекше қадағалағанын үлкендер жиі айтып отырады. Елбасы Нұрсұлтан Назарбаевқа 3 мәрте, көкке ұшқан ғарышкерлерге сан мәрте, ауданға атбасын бұрған бар зиялы қауымға ас ұсынып, алғысын алған. Дастарқан мәзірі, оның жайылуы, қонақты қарсы алуы секілді жұмыстардың өз ережелері бар. Ал, ол қатаң сақталуы тиіс. Осының бәрі табысқа жетудің негізін қалауға көмектескен тәрізді. Бірнеше мәрте аудандық, облыстық ауыспалы Қызыл Туды жеңіп алып, аудан ғана емес, облыс көлемінде көш бастаған сәттер аз болған жоқ. Талай жас Ш.Әбдікәрімқызы басқарған ұжымнан қызмет көрсету түрін игеріп, осы саланың маманы болып жетілген. Саудада табан аудармай ширек ғасыр еңбек еткен ол атақ-даңқ іздемеді. Әріптесіне, құрбысына, ағайын-туысына қолұшын беруден аянбады.<blockquote>«Жақындарымыз үйленіп, 2-3-тен бала сүйіп, баспана алғанша біздің үйде тұрақтайтын. Қайбір жылдары бұл шаңырақта 32 жанға дейін тұрды. Көңіліміздің кеңдігі шығар, біреуіне қабақ шытпаппыз. Жайлы болған соң ба олар да өз үйлеріндей сезінетін. Барды өздері асып, түсіріп ішіп-жейтін. Әр адам өз несібесімен, ырзығымен келеді. Қонақ күтуді, ағайынмен сыйласуды, көпшіл болуды қиынсынбау керек. Қазанымыз ешқашан оттан түспеген. Жас болсын, бас болсын, елдің нары болсын, қарты болсын шай қайнаулы, дастарқан жаюлы бізде. Келіндерім де соған үйренген», – дейді үйінен кісі үзілмейтін апамыз.</blockquote>Меншіктің түрі өзгеріп, халық нарыққа бейімделе бастаған кезде Шынар апамыз кәсіппен айналысуға бет бұрған. Өзі қыр-сырын білетін тамақтану бағытында «Ақмаржан» атты дәмхана ашты. Үлкен жолдың бойына орналасқан бұл жерге келушілердің көпшілігі жолаушылар еді. Сөзшең, қызмет көрсету мәдениетін жетік меңгерген көшбасшы кәсіпкер күні кешеге дейін қым-қуыт шаруадан бойын аулақ салмады. Саналы ғұмырын туған жерінің гүлденуіне, ауданымыздың экономикалық және әлеуметтік дамуына қомақты үлес қосуға арнаған жанға 2000 жылы «Ғасыр кәсіпкері», 2003 жылы «Қармақшы ауданының Құрметті азаматы» атағы берілді. Өз өмірін мәнді де мағыналы өткізіп келе жатқан анамыз бүгінде тоқсанға таяған. Жұбайы, белгілі журналист, ұзақ жыл аудандық газетте жұмыс істеген, өмірден ерте кеткен Сапабек Махмутов әкеміз екеуі тәрбиелеген жеті баласынан 70 немере мен шөбере сүйіп, айналып-толғанып отыр. Балаларының бәрі жоғары білімді. Шолпаны – Байқоңыр қаласында, Мұқамбетқали мен Айымкүлі, Гүлфарасы – Алматы қаласында, ал Розасы Таразда тұрады.Сырлы сұқбаттан соң қонақ бөлме төріндегі құнды мұралармен таныстыра бастады. 40-50 жыл бұрынғы журналдар, газет қиындылары, суреттер бәрі де сол қалпы сақталыпты. Құрмет грамоталарының санына жете алмайсың. Ортасында медальдары ілінген костюмы. Тұтас бір қабырғаны алып тұрған кілемшеде жеті баласынан тараған немере, шөберелердің есімі жазылған. Құдды музеймен пара-пар. Таныстырып тұрып, Сапабек әкеміздің суретіне ұзақ қарады. Ұзақ қарады да толқыды. «Сұлу жігіт еді ғой» деп көз жасын сығымдағанынан сыңарын сағынғанын сезіндік. «50 жыл отасқанда папамыз екеуміз (Сапабек Махмутовты айтады) бір бет жыртысып, бір-бірімізге қатты сөз айтып көрмедік. Үнемі мені күлдіріп, көңілдендіріп жүретін» деп еске алды.Журналдардың бірінен Айзахан Бижанова деп қолтаңба қойған мына бір естелікті оқып қалдық. «Шынар жеңгеміздің бесаспап аспаз екенін айтайық. Ол тамақтың жиырма жеті түрін дайындаушы еді ғой. Ренжіген кезін көрмеппіз. Үйіне түн ортасына барсаң да тамағын демде дайын қып, алдыңа әкеліп тұрғаны. Ағамыз марқұм: «үстіне көп тауар кетпесін деп, бір жарым метр бойы бар Шынарды таңдап алдым» деп жұртты күлдіріп отыратын» делінген.Алланың берген қуаты шығар. Кешеге дейін халыққа қызметін көрсетіп келген апамыз бірер жылдың бедерінде жанын күтіп, денсаулығына қарап, балаларының жанында, құтты шаңырағында.Біз әңгімелесіп жатқанда қазы-қартасын турап, құрт-майы мен қаймағын, балын, ыстық қою шайын дастарқанға әкеліп үлгерген немере келіні Бақыт: «Осындай тұлғаның келіні болғанымды мақтаныш етемін. Әжеміз ортамызда отырса өзімізді берік қорғанымыз бардай сезінеміз» дейді. Шайдан соң Шынар апа жимиып қана күліп, қолымызды қаттырақ қысты. Алақанымызды жайған бізге ақ батасын жаудырып шығарып салды.Қадірлі қария атану да үлкен бақыт. Қарттықтың шуақты сәтін сезініп, айтулы асыл қасиеттерін бойына сіңірген ата-әжелеріміздің қоғамдағы рөлі қашанда зор болып қала бермек.

Қармақшылық ғасыр кәсіпкері 

<a href="https://kyzylorda-news.kz/ru">Kyzylorda-news.kz.</a> «Әділетті мемлекет» құру тұжы¬рым¬дамасының алғы шарты – дұрыс әрі әділ шешім шығаратын сот жүйесін қалыптастыру. Бұл ретте елімізде азаматтардың құқықтары мен бостандығын қам-тамасыз ету жұмыстары жыл санап жетілдіріліп келеді. Қара қылды қақ жаратын әділ сот төрелігін жолға қою мақсатында ауқымды жұмыстар атқарылып жатыр. Сот – әділ, әрі бейбіт жолды көрсететін алтын көпір болуы керек. Осы орайда Қармақшы аудандық сот төрағасы Қуаныш Мыхановпен әңгімелескен едік.&nbsp; – Қай, қызметтің болмасын өз жауапкершілігі бар. Ал, сот саласындағылар адам тағдырына жауапты. Мойынға әділеттің қамытын киген саланың бүгінгі көрінісі қандай? Ел сенімі қаншалықты ақталып жүр?&nbsp;– Қазіргі кезде сот процестері барынша ашық және халыққа қолжетімді. Кез келген адам тікелей не заманауи технологияларды пайдаланып сотқа арыздана алады, азаматтардың өз құқықтарын сотта қорғауына кедергі жоқ. Көпшіліктің көкейінде жүрген мәселелердің бірі – сот төрелігінің әділдігі. Құқықтық мемлекеттердің бәрінде адам тағдырының шешілер жері де, жаза атаулының кесілер жері де – сот. Адам мен оның өмірінен қымбат құндылық жоқ. Біздің Ата заңымызда да, дәл осылай жазылған. Сондықтан сот төрелігін жүргізетін судьялардың, бабалар тілімен айтсақ, бүгінгі заман билерінің бұра тартуға да, жаза басуға да құқы жоқ. Оны абыроймен орындау үшін ешкімге жалтақтамай, жалбақтамай, тек заң мен арға ғана бағынып, бар білім-білігімізбен халыққа адал қызмет етуіміз қажет. Қазіргі кезде соттың жұмысы баршаға мәлім. Заман ағымына сай әр азамат электронды түрде сотқа арызын ұсынып, оның қозғалысын кедергісіз бақылай алады. Соттың ашықтығы мен жариялылығын қамтамасыз ететін жүйедегі жаңа өзгерістер қоғамның сот қызметіне деген сенімін арттырып келеді. Бұл мәселеге Мемлекет басшысының да ұдайы көңіл бөліп отыруы судьяларға үлкен жауапкершілік жүктейді.Аудандық соттың атқарған жұмысына келер болсақ, азаматтық істер бойынша 2022 жылдан осы жылға 11 іс қалдықта қалған. 2023 жылдың І тоқсанында әртүрлі нысандағы барлығы 148 арыз, 3 іс түсіп, соның ішінде 100 арыз бойынша азаматтық іс қозғалып, 12 сот бұйрығы, 40 шешім шығарылып, эксаумақтық соттылығы бойынша – 1 іс, соттылықпен – 4 іс жолданса, медиация тәртібімен – 20 іс тоқтатылып, 13 іс қараусыз қалдырылып есептік кезеңде &nbsp;барлығы 90 іс аяқталған. 2023 жылдың І тоқсанында өткен жылдан 2 іс қалдықта қалып, 20 адамға қатысты 14 қылмыстық іс түсіп, 18 адамға қатысты 13 қылмыстық іс аяқталып, 7 адамға қатысты 3 қылмыстық іс сәуір &nbsp;айына қалдыққа қалған. Аудандық сотта 2023 жылдың 3 айында 124-құқық бұзушыға қатысты 124-әкімшілік іс түсіп, 3-құқық бұзушыға қатысты 3-әкімшілік ісі мәні бойынша жолданса, 120 құқық бұзушыға қатысты 120-әкімшілік іс аяқталып, 1-іс &nbsp;2022 жылдан &nbsp;қалдыққа қалған. Барлық істерді 2022 жылдың 3 айымен салыстырғанда қылмыстық істер 4 іске, азаматтық істер 11-ге көбейсе, әкімшілік істер 10 іске азайған.– Сот жүйесіне байланысты қандай өзгерістер бар?– Мемлекет басшысы «Қазақстан Республикасының сот жүйесі мен судьяларының мәртебесі туралы» Қазақстан Республикасының Конституциялық заңына өзгерістер мен толықтырулар енгізу туралы» Қазақстан Республикасының Конституциялық Заңына және «Қазақстан Республикасының кейбір заңнамалық актілеріне процестік заңнаманы жетілдіру және сот жүйесін реформалау мәселелері бойынша өзгерістер мен толықтырулар енгізу туралы» Заңға қол қойды.Қабылданған түзетулер Жоғары Сот Кеңесінің анық кадрлық функциялары бар толыққанды институт ретіндегі мәртебесін одан әрі нығайтуға бағытталған. Осы заңнамалық шаралар Кеңес соңғы жылдары осы бағытта іске асырып жатқан іс-шаралардың жалғасы болып табылады. Заңнамалық түзетулермен Жоғары Сот Кеңесіне судьялыққа кандидаттарды даярлау, олардың біліктілігін арттыру, шекті жасты ұзарту, жұмыс істеп жүрген судьялардың өкілеттіктерін тоқтата тұру және тоқтату бірқатар мәселелері берілді. Атап айтқанда, 2024 жылғы 15 шілдеден бастап кеңеске судьяларды қайта даярлау және біліктілігін арттыру мәселелерімен айналысатын сот төрелігі Академиясы берілетін болады. Сондай-ақ судьяларға мәселелер бойынша Жоғары Сот Кеңесіне тікелей жүгіну құқығы берілді. Сонымен қатар, Қазақстан Республикасы Президентінің «Қазақстан Республикасының Сот әкімшілігінің кейбір мәселелері туралы» 2023 жылғы 19 қаңтардағы №106 Жарлығына сәйкес «Қызылорда облысы бойынша Соттар әкімшісі» атауы – «Қазақстан Республикасы Сот әкімшілігінің Қызылорда облысы бойынша департаменті» болып өзгертілді.Жарлық негізінде Қазақстан Республикасының Сот әкімшілігі басшысының бұйрығымен Қызылорда облысы бойынша департаментінің басшысы болып Сағатбек Сүлеймен тағайындалды. Қазақстан Республикасының Сот әкімшілігі басшысының бұйрығымен Қызылорда облысы бойынша департаментінің басшысының орынбасары болып Мөлдір &nbsp;Асанова тағайындалды. Ал Қармақшы аудандық сот әкімшісінің басшысы болып Ербол Мәтжанов тағайындалды.– Қос тарап даулы мәселелерді медиациялық жолмен шешіп, бейбіт келісімге келетін жағдайлар жиі кездесе ме? Осы жолмен қанша мәселе өз шешімін тапты?– &nbsp;Медиация дегеніміз – делдалдық ету, тараптарының өзара тиімді шешімге жету тәсілі. Медиатор араздасушы екі жақ тараптармен жеке әңгімелесіп барынша әділетті және ұтымды амалдарды қолданады. Медиация рәсімі азаматтық даулар бойынша шарт жасаған күннен бастап күнтізбелік отыз күннен кешіктірмей аяқталуы тиіс. Қажет болған жағдайда, тараптардың өзара шешімі бойынша медиацияны жүргізу мерзімі тағы бір айға ұзартылуы мүмкін. Азаматтар дауды сотқа беріп қойған соң, қайтып алуға болмайды деп ойлайды. Медиацияның ерекшелігі сол, бәлкім ыңғайлылығы да болар дауды соттың қарауында жатқанда да сұратып алып, медиаторлар шешіміне ұсынуға болады. Бұл бір-бірімен соттасып жатыр деген жаман сөзден құтқаратын жол. Ынтымақтаса жасаған жұмыстың көрсеткіші көңіл қуантады. Медиация тәртібімен 2023 жылдың бүгінгі күнге дейін азаматтық істер бойынша 60 медиациялық келісім жасалып, тараптар өзара келісімге келді. Бұл істердің 90 пайызы несие қарыздарын өндіру мәселесі бойынша орын алған.&nbsp;– Бүгінгі қоғамда өзекті мәселелер аттап басқан сайын кезігеді. Қазірде интернет алаяқтығы көбейіп тұр. Осы орайда аудандағы ахуал қандай?– Қазіргі уақытта алаяқтық қылмыстарының көп тараған түрі – ол интернет ресурстары және әлеуметтік желі арқылы жасалған алаяқтық қылмыстары. Әлеуметтік желі арқылы адамдарды тартып, олардан ақша сұрап, халықты алдап, сеніміне кіріп, өздерінің шоттарына ақшаны аудартып алу жағдайлары жетерлік. Оның себебі, адамдар әлеуметтік желіде отырып, ақшаны оңай жолмен табуға болады деп түрлі жағдайға ұрынып жатады. Алаяқтардың жарнамасының дені «смартфон, ноутбук ұтып алдыңыз», «өте төменгі баға», «тек қана осы апта», «тауар саны шектеулі», «сатып алуға асығыңыз» деп басталып, ұтысыңыңызды алып кету үшін жеке мәліметтерді сұрайды. Мұндай күмәнді хабарламаларға мәлімет бермеу қажет. Халыққа ескертетін бір жайт, банк болсын, құқық қорғау органдары болсын, еш уақытта сізге телефонға хабарласып немесе мессенджермен жазып, логин, пароль секілді құпия мәліметті сұрамайды. Тіптен қажет болған жағдайда, банк қызметкері сізге хабарласып, мәселені нақтылау үшін «біздің кез келген бөлімшеге келіп кетіңіз» деп өтінуі мүмкін. Өйткені, телефон арқылы мұндай мәселелер шешілмейді. Осыны ұмытпаған жөн. Аудан бойынша биыл интернет алақтығы бойынша қылмыстық істер тіркеліп, қаралған жоқ.– Сот қашан да халық қорған сұрап баратын жердің бірі. Мұнда туралықтан тайып, әділдіктің арнасын бұруға ешкімнің де хақысы жоқ. Осы ретте судьялардың әдеп кодексі қалай жүзеге асуда?– Конституцияда көрсетілгендей, Қазақстан Республикасында сот төрелігін тек сот &nbsp;қана жүзеге асырады. Судьялар сот төрелігін жүзеге асыру кезінде тәуелсіз және Конституция &nbsp;мен заңға ғана бағынады. Осының барлығы сот жүйесі мен бүгінгінің билеріне деген үлкен құрмет және &nbsp;жанашырлық деп түсінген абзал.&nbsp;– Сотқа, заңға байланысты ақпараттардың ашықтығы, қолжетімділігі қандай деңгейде? Халықпен кері байланыс қаншалықты жиі орнатылады?– Жариялылық, ақпараттың қолжетімділігі мен ашықтығы – сот төрелігін жүзеге асырудағы әлеуметтік бақылау мен азаматтардың сот қорғауына кедергісіз қол жетімділігінің көрінісі. Бүгінгі жаһандану заманында, қоғамға ұсынылатын ақпарттың шынайы болуы, бөгде күштердің бұрмалауынсыз жеткізілуі маңызды. Сол себепті «кері байланыс» орнатушы баспасөз қызметінің маңызы күннен-күнге артуда.Жалпы барлық деңгейдегі соттардың баспасөз қызметі азаматтарға қажетті ақпаратты дер және жеткілікті дәрежеде ұсынады дей келе, жұмыстарына оң баға беруге тұрарлық.Халықпен тығыз байланыста болу мақсатында Инстаграм, фейсбук әлеуметтік желілеріне Smart sot telegram чатының, сот кабинетінің тиімділігі туралы бейнероликтер, мақалалар жарияланып отырады.Әр дүйсенбіде сағат 15.00-ден 17.00-ге дейін сот төрағасы жеке азаматтарды қабылдау өткізеді. Ал, ақпараттандыру мәселесіне тоқталсақ, жыл басынан бері «Бәйтерек» газеті мен жергілікті «Қармақшы таңы» газетіне 15, &nbsp;интернет ресурсына 15 мақалалар жарық көрді.– Қоғамда келеңсіздіктер, әкімшілік құқық бұзушылықтар, қылмыс орын алмас үшін, олардың алдын алу үшін қаншалықты жиі брифинг пен дөңгелек үстелдер ұйымдастырасыздар?– Қазақстан Республикасы Жоғарғы Сотының жыл сайынғы бекітілген жоспарларға сәйкес судьялар мен кеңсе қызметкерлері құқық қорғау органдарының, жергілікті атқарушы &nbsp;органдарының және мемлекеттік органдардың қатысуымен 2023 жылдың 4 айында 2 дөңгелек үстел, 10 семинар сабақ және сот әкімшісі қызметкерлерінің медиа жоспарға сәйкес 15 газет бетіне, 15 интернет ресурсына мақалалар жарияланды.– Сот жүйесіндегі сыбайлас жемқорлыққа қарсы қандай іс-қимылдар жүргізіліп жатыр?– Аудандық сот жүйесіндегі сыбайлас жемқорлыққа қарсы жариялылық, ашықтық қағидаттарына бағытталған жұмыс күшейтілуде. Сот органдарының сервистері мен қызметтерінің цифрландыру көлемі ұлғайтылуда.– Халықтың құқықтық санасы мен мәдениетін қалыптастырып, құқықтық сауаттылығын арттыратын жобалар жүзеге асып жатыр ма? Нәтиже қандай?– Аталмыш бағытта тек сот саласына қамтылған арнайы жобалар жоқ. Алайда жалпыұлттық бағдарламалар мен тұжырымдамалар қабылданып, іске асырылуда.&nbsp;– Уақыт бөліп, әңгімелескеніңізге рақмет!

Қуаныш Мыханов: Азаматтық істер бойынша жыл басынан бері 60 медиациялық келісім жасалды

<a href="https://kyzylorda-news.kz/ru">Kyzylorda-news.kz.</a> Аралда соңғы жылдары кәсіпкерлік көкжиегі кеңейіп келеді. Түрлі нысан бой көтеріп, сапалы қызмет түрлері ұсынылып жүр. Өйткені мемлекет тарапынан кәсіпкерлерге жасалып жатқан қолдау жоғары. Бұл көңіл қуантады. Десе де кәсіпкерлік саласына талай жылдар бұрын бет бұрып, бүгінде аудан халқына түрлі салада сапалы қызмет ұсынып жүрген кәсіпкерлер де бар. Солардың бірі – Айжан Төремұратова.Қым-қуыт тіршіліктен әркім өзіне бұйырған несібесін алып қалуға тырысады. Сол үшін еңбектеніп, тер төгеді. Айжан Бердімұратқызы да – өз еңбегімен балаларын бағып отырған аяулы ана. Ол еңбек жолын сонау 1980 жылдардан бастаған. Алғашында қалалық тұтынушылар қоғамында жұмыс істеген ол 1996 жылдан бастап жеке кәсіпке бет бұрады.&nbsp;<blockquote>&nbsp;Жоғары оқу орнын бітіріп келсем де, мамандығым бойынша жұмыс істеген емеспін. Өйткені мен бір орында отыра алмайтын адаммын. Үнемі қозғалыста, қарбаласта жүріп жұмыс істеген өзіме ұнайды. Кәсібімді ауданға ұн өнімдерін әкеліп сатудан бастадым. Алғаш болып макарон цехын аштым. Бұл бастама маған табыс әкелді. Бұған қоса азық-түлік сататын көтерме сауда дүкенім болды. Бір нәрсемен шектеліп қалуды аса қаламаймын. Әр салада бағымды сынап көргенді жақсы көремін. Сөйтіп наубайхананы іске қостым. Бұларға қосымша ауданға табиғи газ келмей тұрған кездері тұрғындарды газ баллондарымен қамтамасыз еттім, – деген Айжан апа кәсіпкерлік жолдары жайлы әңгімеледі.&nbsp;</blockquote>Бастамалары табыс әкеле бастаған кәсіпкер мұнымен тоқтап қалған жоқ. Бұл кезде ауданда тойхана жетіспеушілігі сезіліп тұрған шақ еді. Болса да шағын болатын. Содан сыйымдылығы жоғары «Сәтті» тойханасын ашады. Заманауи жабдықталған. Іші кең, жайлы қонақ күту орны халықтың көңілінен шықты. Аралдықтар қуанышын осы тойханада тойлауға асық болды. Мейрамхана ісінде тәжірибе жинақтаған кәсіпкер көпшіліктің сұрауы бойынша мешіт жанынан асхана ашты. Бұл да бүгінгі таңда сапалы қызметімен халық игілігіне жұмыс істеп тұр. Бұлардың бәрінде қаншама адам жұмыспен қамтылып отыр.&nbsp;<blockquote>Мен тазалықты, ұқыптылықты, жауапкершілікті жақсы көремін. Жұмысшыларды қабылдарда осыны талап етемін. Өзімді қатал басшымын деп ойламаймын. Көбіне қарапайым жандар жұмыс сұрап келеді. Олардың меселін қайтармауға тырысамын. Не нәрсенің да сапалы болғандығы ұнайды, – деген кәсіпкер өзінің жұмысшыға қояр талаптары туралы айтты.&nbsp;</blockquote>Кәсіпкерлік – бәсекелестік ортасы болғандықтан, халыққа жасалар қызметтің сапасы да жоғары болуы шарт. Айжан апа да мұны ерекше назарда ұстайды. Тұтынушылармен берік қарым-қатынас орнатқан. Тойдан соң міндетті түрде тапсырыс берушімен хабарласып, қызметтің сапасына қояр сыны мен пікірін білуді әдетке айналдырған.&nbsp;<blockquote>&nbsp;Біз халық үшін қызмет етеміз. Сондықтан олардың пікірімен санасуымыз керек. Бізге жұрттың сыны мен жұмысымызға деген көзқарасы маңызды. Бәрін зерделеп отырмасаң, ісің де алға жүрмейді, кәсібің де өнбейді. Талай жылдық тәжірибемде соны ұқтым. Өзгертуге келмейтін қатып қалған баға да жоқ. Кейбір жандардың жағдайына, көңіліне қарап той иесіне тиімді бағада келісімге келіп жатамыз, – деді ол.&nbsp;</blockquote>Табандылықпен 25 жылға жуық кәсіпкерлікпен айналысқан Айжан апа талай адаммен араласып, тұз-дәмдес болды. Көппен араласа жүріп досты да, бәсекелесті де кездестірді. Мұның бәрі – өмір заңдылығы. Өмірден түйгені мол жан ешкімнің көңіліне келіп, көкірек көтеруді қаламайды. Бәрімен жақсы қарым-қатынас орнатады.&nbsp;<blockquote>&nbsp;Менің түсінгенім, ешкімді дұшпан, дос деп ажыратуға болмайды. Көрместей болған адамың бір күні досыңа айналуы, жан досым деп жүрген адамның суып кетуі әбден мүмкін. Өйткені бұл – өмір. Мен намысшыл адаммын. Артыма ізгі амалым мен жақсы атым қалғанын қалаймын. Кәсіппен де бір мол табысқа кенелем деп айналысып жүрген жоқпын. Халықтың сұранысын қанағаттандыратын, бүгінгі бәсекелестікке түсе алатын сапалы дүние жасағым келеді, – дейді кәсіпкер.&nbsp;</blockquote>Айжан Бердімұратқызы алдағы уақытта халық қажетін қамтамасыз ететін үлкен сауда үйін ашуды жоспарлап отыр. Тіпті құрылыс жұмысы да басталып кетті. Адал еңбек етіп, үнемі қарбаласта жүретін жан шаршағанда күш-қуатты қос ұлынан алады. Солардың болашағы жарқын, саналы азамат болуы үшін еңбектің үлгісін, қамқорлықтың тәрбиесін көрсетуді басты мақсат еткен.

Айжан Төремұратова: Аудандағы кәсіпкерлік саласын бәсекеге қабілетті етуге үлес қосу мақсатым

Жетікөлде егіс көлемі артады

<a href="https://kyzylorda-news.kz/">Kyzylorda-news.kz.</a> Бүгін атмосфералық фронттардың әсерінен Қазақстан аумағының басым бөлігінде ауа райының тұрақсыз сипаты сақталады, деп хабарлайды Қазгидромет.Осыған байланысты жаңбыр жауып, найзағай жарқылдайды. Республика бойынша күшті жел, батыста және оңтүстікте – шаңды дауыл соғады.

23 мамырға арналған ауа райы болжамы

<a href="https://kyzylorda-news.kz/ru">Kyzylorda-news.kz.</a> Гүлді баптап өсіру, күтімін жасау екінің бірінің қолынан келетін іс емес. Себебі гүл көп нәрсені ұната бермейді. Тіпті гүл қоятын орынды да алдын ала таңдап алу керек. Суды көп ішпейтінін, салқын жерді ұнатпайтынын жапырағындағы өзгерістен бірден аңғаруға болады. Жалпы гүл өсірудің қияметін мамандардан біледі. Олар тіпті қай гүл аса күтімді қажет етеді, қай гүл көлеңке жерде тұра береді, соның бәрін біліп тұрады. Ал үйдегі қырық шақты гүлден бөлек гүл өсіру ісін кәсіп қылу қиынның қиыны. Одан да өзге кәсіп түрін таңдаған тиімді ме дерсіз. Қай іске де махаббат керек.Қызылордалық Салтанат Қылышбекқызы он жылдан бері гүл өсіру, гүлмен әрлеу, көркемдеу саласында еңбек етеді. Бұл бизнесте сұраныстың жоғары екенін байқаған Салтанат гүл дүкенін ашу мақсатында Кәсіпкерлер палатасынан кеңес алады, «Бастау» жобасын онлайн оқып, бизнесте біліктілігін арттырады. Осылайша «Еңбек» бағдарламасы аясындағы гранттық конкурсқа қатысып, қайтарымсыз қаржыға қол жеткізеді.<blockquote>– «Бастау» жобасын онлайн бітіріп алғаннан кейін жобамды гранттық комиссия алдында қорғадым. Осылайша 555 600 грант ұтып алдым. Бұл кезге дейін Қызылорда қаласының орталығында жұмыс істеп келдім. Арманым гүлдер дүкеннін ашу еді. Оқудың арқасында өз бизнесімді аштым. Қазір «Шұғыла» мөлтек ауданында дүкенім бар. Тұтынушылар риза, қуанышты. Табысым да, шүкір, жақсы, – дейді жас кәсіпкер Салтанат Қылышбекқызы.</blockquote>Кәсіпкер бүгінде «Бастау» жобасында алған біліктілігін бизнесте қолданып, қызмет көрсету сапасын жетілдіре түсуде. Сыйлық түрлерін жоғары талғаммен жасайды. Бұл жерде оның бейнелеу өнері мамандығы бойынша алған кәсіби білімі де көмектесуде.«Шұғыла» мөлтек ауданынан ашылған гүл дүкеніне келушілер қарасы да басым. Әр тұтынушының көңілінен шығу Салтанат үшін де жоғары мәртебе. Қызылордалықтарға кәсіпкер түрлі раушан гүлдерімен қоса, лала, экзотикалық гүлдерді де ұсынуда. Алдағы уақытта үй жағдайында өсірілетін гүл түрлерінің көлемін арттыруды жоспарлауда.<blockquote>– Бүгінде үй жағдайында өсірілетін гүлдерге сұраныс жоғары. Барлығының да талғамы бөлек. Тұтынушылар гүлдің кішісін емес, үлкенін алғысы келеді. Ал ол гүлді өсіру оңай болмасы анық. Әрі қарайғы жұмыс та шаш етектен. Күтімді ерекше қажет ететін гүл түрлері көп. Уақыт тауып, гүлмен сөйлесіп тұрған да артық болмас еді. Тұрғындардың гүлге сұранысы жоғары екенін дүкенді ашқан кезде аңғардым. Болашақта гүл санын көбейту жоспарда бар, – дейді кәсіпкер.</blockquote>Айта кетейік, биыл Қызылорда облысында 2181 азамат «Бастау» жобасы бойынша онлайн біліктілігін жетілдірді. Оқыған азаматтардың 42 пайызының жобасы, нақтырақ айтқанда, жалпы құны 515,9 млн теңгені құрайтын 914 жоба қаржыландырылды. Басым бөлігі «Еңбек» бағдарламасы аясында қайтарымсыз қаржыға ие болған.

Қазақстан және Қызылорда облысының жаңалықтары