<a href="https://kyzylorda-news.kz/">Kyzylorda-news.kz.</a>&nbsp;Қазіргі заманда бірді екі етіп, қолда бар құрал-жабдығымен күн көріп отырған кәсіп иелерін көргенде, ішің жылиды. Таң атысымен күн батып, қас қарайғанша біз бен тебенді жанына серік қылатын етікшілердің тірлігі – нағыз еңбек. Осындай жандардың бірі – кент тұрғыны Амандық Жәкеев.Күндіз-түні көз майын тауыса отырып, қолға алғаныңды қонымды етіп тігіп, оны келістіріп көмкеру ең алдымен үлкен шыдамдылықты, таусылмас төзім мен ептілікті талап ететіні анық. Иә, бұл тұста талғамы биік тұтынушының қас-қабағына қарап, көңілінен шығу оңай шаруа емес. Мұны етікші Амандық Зеңгібайұлы жақсы біледі. Ол кәсібінің ыстық-суығына шыдап, талай жылдан бері еңбек етіп келеді. Өйткені, етікші тырмысып тіршілік еткенге тәңірдің де болысатынына сенімді. Біз бен тебен – серігі. Таң шапағымен таласа тұрып, қас қарайғанша құрал-саймандарын жанына серік қылатын етікшілердікі – нағыз еңбек. Жасыратыны жоқ, етікшілік кәсіпке мұрнын шүйіре қарайтындар бар. «Кедейдің кербезінен сақта» дегендей, екі қолға бір күрек таба алмай отырып, етікші болудан арланатындар аз емес. Бірақ, кейіпкеріміз өз кәсібін нағыз табыстың көзі деп санайды.Амандық Зеңгібайұлы бірнеше жыл бойы Жуантөбе ауылдық округінде колхозда механизатор, одан ауылда құрылысшы болып жұмыс жасайды. Бірақ, тұрғындарды жұмыссыздық шарпып, сабылтқан сонау кезеңдерде ойлана келе, өзінің жаны қалаған кәсіпке бет бұрады. Содан бері осы кәсіпті нәсіп етіп, еңбектеніп келеді.<blockquote>– Алғашында қызығушылық танытып, кейін осы салаға машықтандым. Осылайша, бар өмірімді осы кәсіпке арнап, нәсібімді тау¬ып жүрмін. Оған еш өкінбеймін. Керісінше, екінің бірінің қолынан келе бермейтін тиянақты¬лықты, шеберлікті, шыдамдылықты талап ететін етікші жұмысының қыр-сырын игергенімді мақтан тұтамын, – дейді ол.&nbsp;</blockquote>Оның етікші кәсібін игергеніне 20 жылға жуықтапты. Мұндағы ең арзан қызмет құны 50 теңге болса, жұмыстың қиындығына қарай бағасы да арта береді. Айтуынша, аяқ киім жөндеуге қажетті құрал-жабдықтарға айтарлықтай қаржы жұмсалмайды. Тек әрбір қажетті затты молынан алып қойса, біразға жетеді. Қолындағы бар құрал-саймандарды, тігін машинасы мен станоктарды пайдаланады. Көбі – қолдың жұмысы. Айтқандай, материалдарды да Түркістан қаласынан алып келетін көрінеді.Төзім мен ептілікті талап ететін кәсіп иесіне күніне онға жуық тұтынушы аяқ киімін жөндетуге келеді. Бұл қыс маусымында. Ал, жазда мұнан екі үш есе азаяды екен. «Қол қусырып, қарап отыратын күндеріміз де болады», – дейді ол. Етікші қызметіне мұқтаж болып келген тұтынушыларды әрдайым жылы шыраймен қарсы алып, көңілін табуға тырысады. Ең бастысы, олардыкі – адал еңбек. «Ерінбеген етікші болады, ұялмаған өлеңші болады» деген халық тәмсілі кейіпкеріміз тура Амандық жайында айтылғандай. Өйткені, жоғарыда айтып өткеніміздей етікшілік тек тиянақтылықты ғана емес, аса шыдамдылықты да қажет етеді. Әу баста шебердің ісіне сын айтып, реніш білдіретін «қырсық» тұтынушылар да болған. Иә, етікші болу – еріккеннің емес, тіпті, екінің бірінің қолынан келе бермейтін кәсіп түрі.<blockquote>– Елдің ықыласына бөлену – мен үшін бір ғанибет. Тұтынушы әртүрлі болады. Бірі жөнделген аяқ киімді ұнатса, бірі «мына жері дұрыс тігілмеген, қайта жасап беріңіз деп тұрып алады. Ал, кейбір адамдар жөнделген аяқ киімдерін «мынау менің аяқ киімім бе?» деп таң қалып жатады. Мұндайда тұтынушы¬ның көңілінен шығып жатса, іштей қуанып қаламыз. Ал әлгіндей қырсығып тұрып алатын адамдарға амал жоқ, қайта жасап беріп жатамыз, – дейді ол.&nbsp;</blockquote>Етікшінің айтуынша, қазіргі етіктердің көбі сапасыз. Бұрынғы етіктердің ұлтарағының астында жұп-жұқа қабаттан арнайы жасалған қатты зат болған екен. Ол аяқты майтабан болудан және жағымсыз иіс шығудан сақтайды. Қазіргі сапасыз аяқ киімдер денсаулыққа өте зиян. Себебі, олардың көбі аяққа қонымды келе бермейді. Ұлтарағы, табаны өте жұмсақ аяқ киімдер майтабан, буын ауруларын тудырады. Аяқ киім әдемі көрінуі үшін өндірушілер терінің астына паралон салады екен. Бұл материал ауа өткізбейтін болғандықтан, аяқты терлетіп, түрлі аурулардың тууына себепші болады.Қайсыбір істің де алғашқыда қиындығы болады. Бірақ, сол істі ұршықтай иіріп әкету әрбір адамның ниетіне, талпынысына байланысты. «Арланбаған абзал. «Біз бен тебен ұстау қолдан келмейді» деп, қол қусырып қарап отыруға болмайды». Шебер осыны тілге тиек етті. Жасыратыны жоқ, жұмыссыздық мәселесі қай қоғамда да өзекті. Етікші болуға намыстанып, «одан да жұмыссыз жүргенім жақсы» дейтін адамдарға кейіпкеріміздің ұстанымы ой салары анық. Түсінгендерге, әрине.Тепсе темір үзетін, еңбекке жарамды бола тұра, көшеде көрінгенге алақан жайып, тіленіп жүрген немесе жұмыс жоқ жасайтын деп жұбайының тапқанын «талғажау» ететін кей азаматтар осындай кәсіп иелерінен үлгі алса дейміз. Десе де, кербездік кернеген «кісінің» қолы етікшілікке бара қоюы екіталай. Әйтпесе, бұл кәсіпке жоғары білімнің де қажеті жоқ. Қарапайым ине мен біз осындай қаншама отбасының нәпақасы болып отыр. Етікшілік еленбейтін еңбек болғанымен, қазір Амандық Жәкеев секілді осы кәсіп арқылы өзінің нәпақасын тауып отырғандар көп. Осыған қарап етікшіліктің нағыз еңбекті қажет ететінін білуге болады.

Ерінбеген етікші тебеннен теңге табады

<a href="https://kyzylorda-news.kz/">Kyzylorda-news.kz.</a>&nbsp;«Еңбекпен ғана ісің өнеді, тер төккен еңбек өз жемісін береді, еңбек қана қиындықты жеңеді» деген тәмсіл бар қазекеңде. Барлық байыпты бастама мен тындырымды тірлік адам қолымен жасалатыны жасырын емес. Иә, Тәуелсіздік біздің қоғамға еңбек еркіндігін сыйлады. Бұрынғы кеңес заманындағыдай мәжбүрлеп жұмыс істеу жоқ. Әркім қандай кәсіппен шұғылданамын десе де өз еркі, қалауы біледі. Бүгінгі таңда шағын және орта кәсіпкерлікті дамытуды қолға алуда. Осы орайда ауыл тұрғындарының кәсіп ашуға деген құлшынысы артқаны көңілге қуаныш ұялатады.Қазіргі таңда ауыл тұрғындары ішінде мақсатын айқындап, қадамын нықтап кәсіпкерлікке бет бұрғандардың қатары артып келеді. Бүгінгі мемлекет жасаған қолдаудан қанаттанып, өз ісін алға бастырып, өркендететіп отырған жандар заман талабына сай қоғамның ағысымен ілесіп келеді. Еңбек етіп табыс тауып, жетістікке жетудің жолын кәсіпкерлік деп білгені адамдардың масылдық көзқарастан арылғаны деп түсінеміз.Халқымыз төрт түліктің ішінде жылқы мен қойға ерекше мән берген. Дүние жүзінде ең көп тараған малдың бірі – қой. Себебі қой табиғаттың түрлі сынағына шыдамды келеді. Бір жағы қазақтың ішсе – асы, кисе – кимі, тұтынса – бұйымы бола білгендіктен қорасын сайлап, жем-шөбін дайындап, күтімі мен бабын ерекше жасап отырады. Мысалы, жер бетінде мал жеуге келетін өсімдік пен шөптің санын ғалымдар 800-дей дейді. Соның 520-сын қой жейді екен. Осының өзінен қой өсірудің қолайлы екені көрініп тұрғандықтан қазақ осы қасиеттерін өз тұрмысына жақсы пайдалана білген. Сондықтан болар қой шаруашылығы қазақтың көшпелі шаруашылығының негізі болып табылады. Бұрындары кең-байтақ жердің шөбі мен суын қой өсіріп, тиімді пайдалана білген. Сол себепті мал бағудың өзіндік тәсілдері бар. Онымен айналысқан ел малдың қасиетін, кемшіліктерін жете білген. Дегенмен бүгінгі күні төрт түліктің ішінде қой бағудың машақаты мол деп көбісі ат-тонын ала қашады. Ал ата кәсіпті ауыр көрмей, шаруасын өргізіп, өз ісін өрбітіп отырған кейіпкеріміз Сайфурхан қой өсірудің қыр-сырын қанық біледі. Демек «Еңбек еткенге бақыт басын иеді» деген тәмсілді Ботабай ауылының тұрғыны «Өлеңді-2» шаруа қожалығының төрағасы Сайфурхан Омархановқа айтсақ жарасады. Кейіпкеріміздің әкесі де қой өсірумен айналысқан азамат екен.<blockquote>«Мені әкем еңбек жолында жігеріңді жоғалтпа» деп адал еңбекке тәрбиеледі. Содан болар ауылдың қара жұмысына шынығып, еңбекпен есейдік. Бұл қой бағу қажырлы қайратты адам үшін берекелі кәсіп болғандықтан, кәсіппен айналысуға бел будым. Мемлекет жұмыссыз жастарды қолдап, кәсіп ашуына ықпал жасап жатқандығын естіп, мен де көп ойланбай өз кәсібімді ашуды қолға алдым», – дейді Сайфурхан.</blockquote>Кейіпкеріміз «Сырдария-1» қаржылай қолдау қорынан жиырма миллион теңге алған. Әрине, ата кәсіп қой шаруашылығын жандандыру мен санын арттыру мақсатында. Содан алған ақшаға 600 бас аналық пен қошқар қылшық жүнді құйрықты және «Еділбай» тұқымдас қойларымен қораны толтырады.<blockquote>«Қазақта «мал өсірсең, қой өсір, өнімі оның көл көсір» деген жақсы сөз бар. Менде жастайымнан қой бағып өскендіктен, қой малының қасиетіне қанықпын. Сондықтан оны зор ықылас, асқан шеберлік, еңбекқорлық пен күтіп-баптауды жақсы білемін», – дейді ол.&nbsp;</blockquote>Көбінесе ет бағытындағы қазақ қойының денсаулығы күшті, тез ет алғыш, табиғаттың ыстық-суығына көнбіс келеді. «Бабын тапсаң, барын беретін» төбеде аталған тұқымдас қой алғашқы жылда-ақ төлін молынан берген. Қазіргі қыс мезгілінде қой бағу ауыр жұмыс, оны бала-шағаға тапсыруға болмайды. Қойшылар тәжірибелі, күшті, төзімді, көзі қырағы, құлағы сақ, дауысы зор, қолы қуатты, малды шашыратпай, жоғалтпай, қасқырды, ит құсты жолатпай баққанның арқасында қыстан да қысылмай шығады. Бүгінде нәтижесі жаман емес, мал басын 1500 басқа жеткізген. Дала төсінде мал баға жүріп қиындығын еңсерген еңбекқор осы күні пайдасын көріп отырғанына дән риза. Сонымен қойды қыста далада бағу, қар астында қалған шөпті жегізу қойдың табиғатына қайшы емес, қайта оның шыңдалып, денсаулығы мықты болуына себі тиеді екен.Біле-білгенге қойдың берекесі көп. Сатсаң лезде өте қояды. Еті жеңіл болып келеді. Әсіресе, жүні қырқылмаған марқа қозының еті ауруға ем. Сүті құнарлы әрі майлы. Бағдарлама игілігін көріп, кәсібін өркендеткен шаруа алдағы уақытта шопан¬ ата тұқымдасының санын бес отарға жеткізуді жоспарлап отыр. Қойшының бір күнін күйіттеп, тіршілігімен танысқан біз де шаруасының шалқуын тілеп, кері қайттық.

Қора толы қойы бар кәсіпкер

<a href="https://kyzylorda-news.kz/">Kyzylorda-news.kz.</a>&nbsp;Қазалы қаласының тұрғыны, жас ана Жадыра Маханбетжанова жуырда ғана тігін шеберханасын ашып, кәсібін бастап кетті. Бүгінде он саусағынан өнер тамған келіншек тапсырыс қабылдап, тұтынушы талғамынан шығып жүр.Арал ауданының, Қызылжар ауылында дүниеге келген Жадыра Бақытжанқызы қазалылық Жақыпбек Қаласовпен шаңырақ көтеріп, келін атанғанына да алты жылдан асқан. Бүгінде жарымен бірге өмірге Жансая, Нұрсая және Бексұлтан есімді бүлдіршіндерді әкеліп, тәрбиелеп отыр. Балаларының алды мектеп табалдырығын аттаса, кішілері балабақшаға барады.Мектеп бітірген соң жоғары білім алған Жадыра Бақытжанқызы мамандығына сәйкес жұмыс табыла қоймағанымен, үйде қарап отырмады. Ол іздене келе жолдасы Жақыпбек секілді кәсіпкерлікке бет бұруды жөн көрді. Көп ойланбастан тігін шеберханасын ашуға ниет етті. Себебі әжелері Күнқияш пен Патшагүлден бойына дарыған қолөнерге деген бейімділігі бар еді. Бұл екі кейуананың ісмерлігі туралы Қызылжар халқы жақсы біледі. Жадыра осы кісілерге тартса керек, қолынан іс тігудің түр-түрі келеді. Көз тартар құрақ құрап, үлкен-кішіге шақ етіп киім де тігеді. Әсіресе оның қолынан шыққан көрпе-жастық, сәбидің жатын орыны, есім жазылған балалар төсегі көпшіліктің сұранысына ие. Қос қызына арнап тіккен көйлектері де көздің жауын алады. Қыз-келіншектерге арнайы дайындаған тюрбан мен орамалдарынан да шебердің әсемдікке, әдемілікке жаны құмар екендігі аңғарылады.<blockquote>«Тігін тігуге икемім бұрыннан бар. «Арман» оқу орталығынан арнайы курс оқып, «Тігін өндірісі» мамандығын алып шықтым. Төртінші дәрежелі «Тігіп пішу» біліктілігін қосып берді. Бұдан кейін бизнес жоспарымды дайындап, тиісті мамандар алдында қорғадым. Нәтижесінде мемлекет тарапынан 252 500 теңге қайтарымсыз қаржыға қол жеткіздім. Осы ақшаға шеберханаға қажетті құрал-жабдық – бірізді тігін машинасы, оверлок, үтік, сызығыш алдым», – дейді жас кәсіпкер.</blockquote>Алдағы жоспарымен бөліскен Жадыра Бақытжанқызы кәсібінің ілгері дамуы үшін тынбай еңбек ететіндігін тілге тиек етті. Бүгінде құрақ, оюлы көрпелерге жиі тапсырыс түседі екен. Келешекте қыз жасауын қолға алып, жұмыс көлемін кеңейтуді ойлайды.

Қайтарымсыз қаржы арқылы кәсіп бастады

Қармақшыда «Дипломмен ауылға» бағдарламасы бойынша 55 маман жеңілдетілген несие алған

<a href="https://kyzylorda-news.kz/ru">Kyzylorda-news.kz.</a> Оқу жылы аяқталысымен мектеп оқушылары жазғы тынығу лагерьлеріне баруға асығатыны белгілі. Осы орайда, балалардың жазғы демалысын тиімді өткізу мақсатында Қызылорда облысында 9 лагерь жұмыс істейді. Оның 7-і мемлекеттік болса, қалған 2-і жеке меншіктегі лагерь. Қазіргі таңда бұл лагерьлерде 5 мыңға жуық бала жазғы демалысын өткізіп жатыр. Бұл туралы Қызылорда облысының өңірлік коммуникациялар қызметінің ұйымдастыруымен өткен баспасөз турында облыстық білім басқармасының тәрбие жұмыстары бойынша бөлімінің басшысы Бектұр Қали мәлімдеді.<blockquote>-Облыстағы лагерьлер 7 ауысым бойы 8 мыңнан астам баланы қабылдайды деп жоспарлануда. Жазғы тынығу лагерьлерінде балалардың демалысын көңілді әрі пайдалы өткізу үшін әртүрлі үйірмелер мен интелектуалды сайыстар ұйымдастырылады. Сонымен қатар оқушыларға салауатты өмір салтын насихаттау мақсатында түрлі бағыттағы спорттық жарыстар да күнделікті өткізіліп тұрады. Бұдан бөлек, өңірдегі білім беру ұйымдарының жанынан күндізгі тынығу лагерьлерінің жұмысы ұйымдастырылды. Бүгінде онда 96 мыңға жуық оқушы қатысуда. Жалпы жазғы тынығу лагерьлеріне бірінші кезекте ата-анасының қамқорлығынсыз қалған, көп балалы және аз қамтылған отбасыларынан шыққан балалар қамтылады. Ол үшін біз арнаайы тізім жасақтаймыз. Ал 1200 бала жергілікті жердегі меценаттар мен кәсіпкерлердің демеушілігімен облыстан тыс жердегі жазғы тынығу лагерьлеріне баруға жолдама алды, - деді Бектұр Қали.</blockquote>Бүгінде Сырдария ауданындағы «Жалын» сауықтыру лагерьне 700-ге жуық бала барады деп жоспарлануда. Оның ішінде әлеуметтік жағдайы төмен отбасынан шыққан 581 бала аталмыш лагерьде жазғы демалысын өткізетін болады. Жалпы бұл лагерь 7 ауысым бойы балаларды қабылдайды.<blockquote>-Біздің лагерьде балалардың жазғы демалысын тиімді өткізу мақсатында арнайы іс-шаралар жоспары бекітілген. Осы бағдарламаға сәйкес, оқушыларды зияткерлік және спорттық бағытта күнделікті дамытып отырамыз. Одан бөлек, ұлттық спорттық ойындар ойнатылып, балалар арасында дебат ұйымдастырылып тұрады. Сондай-ақ, лагерьде бес мезгіл тамақ, арнайы жатын-орын, ойын алаңқайлары, асхана, медициналық пунк қарастырылған. Жалпы лагерьде 8 тәрбиеші жұмыс істейді, - деді «Жалын» тынығу лагерінің директоры Миримхан Момбаева.</blockquote>

Жазғы лагерьлер 7 ауысым бойы 8 мыңнан астам баланы қабылдайды

<a href="https://kyzylorda-news.kz/ru">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өткен актив отырысында әріптестері облыс әкімінің орынбасары қызметін атқарған Балмейір Сансызбайұлын құрметпен шығарып салды.Аймақ басшысы Балмейір Сансызбайұлы оқуға түсуіне байланысты лауазымынан өз еркімен босатылғанын айтты. Әріптесіне тындырымды жұмыстар мен ілкімді жобалардың жүзеге асырылуына өз үлесін қосқаны үшін алғысын білдірді.<blockquote>«Балмейір Сансызбайұлы аз уақыттың ішінде аймақ дамуы жолында аянбай еңбек етті. Тіршіліктің негізгі күретамырына айналған облыстық және аудандық маңызы бар автомобиль жолдарын жақсартуға 36 млрд. теңге қаржы бөлініп, ұзындығы 570 шақырым көшелер мен автомобиль жолдарына жөндеу жұмыстары жүргізілуде. Демеушілер есебінен облыстық маңызы бар автомобиль жолдары бойында орналасқан 3 көпірді, Қызылорда қаласындағы 3 көшені кеңейту мен 2 көпірді күрделі жөндеу үшін 300 млн. теңгеге жоба-сметалық құжаттардың әзірленуіне атсалысты. Бірінші кезекте облыс орталығындағы "Қожа Ахмет Яссауи көшесін Ә. Бөкейхан көшесінен Әйтеке би көшесіне дейін қайта жаңғырту" жобасының құжаттарын әзірлеуге керек қаржыны бюджеттен тыс көздер (демеушілер есебінен) арқылы шешуге өз үлесін қосты. Аталған жұмыстарды үйлестіру арқылы өңірдің инфрақұрылымдық әлеуетін дамытуда Балмейір Сансызбайұлының еңбегі бар», - деді облыс әкімі.</blockquote>Балмейір Сансызбайұлына атқарған еңбегі үшін Сыр жұртшылығы атынан Қызылорда облысының Құрмет грамотасы табысталды.Облыстық Қоғамдық кеңес төрағасы Әрiп Хожбанов Балмейір Сансызбайұлына жылы лебізiн бiлдiрiп, сәттілiк тiледi.Өз кезегінде, облыс әкімінің бұрынғы орынбасары аймақ басшысына сенім білдіргені үшін алғысын айтты.<figure class="image"><img src="https://knadmin.beoblood.kz/uploads/363405809_583802210607694_5985294600796769557_n_03b99cd754.jpg" alt="363405809_583802210607694_5985294600796769557_n.jpg"></figure>

Нұрлыбек Нәлібаев Балмейір Сансызбайұлына алғыс айтты

<a href="https://kyzylorda-news.kz/">Kyzylorda-news.kz.</a>&nbsp;Құрманқазының кіндік қаны тамған жер Қазалы топырағы болса да, алды-артына қаратпайтын жастық жалын өзге өңірлердің өмір көшіне ерте ілестірді. Оның негізгі себебі, бала кезден-ақ сурет салу мен қолөнерге деген ерекше қабілетінен болса керек.Құрманқазы Қадыров 1959 жылы Жаңақазалы поселкесінде дүниеге келді. Орта мектепті бітіру бойына суретшілікке қоса домбыра, гитара, пианино аспаптарында еркін ойнай беретін талантты жас¬ты сол кезге тән сурет мұғалімінің тапшылығына байланысты мектеп директоры осы пәннің мұғалімі болуға көндірді. Бірер жыл ұстаздық еткен ол білімін әрі қарай шыңдауды жөн көрді.1981 жылы Ленинград қаласындағы И.Е.Репин атындағы кескіндеме және сәулет институтының академиялық сурет, 1983-1985 жылдары В.А.Серов атындағы көркемсурет училищесінің кескіндеме бөлімінде дәріс алады. 1989 жылы сол қаладағы қала құрылысы және сәулет өнері мектебінің сәулет бөлімін бітірген.Құрманқазы Алматының Абай атындағы Қазақ ұлттық университетінің көркемсурет және бейнелеу өнері факультетін де үздік тәмамдаған. Сол кезден бері Алматы облысының Еңбекшіқазақ ауданында қала құрылысы және сәулет бөлімінде сәулетші, жетекші сәулетші, Есік қаласында жетекші сәулетші-дизайнер болып қызмет атқарды.Қазақ халқының табиғатпен біте қайнасқан болмысында ерте заманнан-ақ ағаштан, темірден, сүйектен, тастан, теріден және тағы басқа табиғи материалдардан сәндік бұйымдар жасау дәстүрі болған. Оған байтақ өңірдің әр түкпірінде көне заманнан ескерткіш күйінде біздің дәуірімізге жеткен оба тас¬тар, тарихи ескерткіштер, жүздеген жылдар бұрын жасалған бағалы да қарапайым тұрмыстық заттар дәлел бола алады. Ел арасынан шыққан қолөнер шеберлері туындыларын өздері өмір кешкен тұстағы салт-дәстүр, наным-сенімге, сол қоғамның талабына сәйкес табиғат үндестігімен байланыстыра отырып, халықтың талғамына сай таңдай қақтырарлықтай шеберлікпен жасай білген. Содан да мұндай дүние ғасырлар өтсе де өз құнын жоймай, ұрпақтан-ұрпаққа жетіп отырған.Жерлесіміз Құрманқазы Қадыровтың шығарма¬шылығында да ұлтымыздың төл өнерімен әдемі үндестік таба білген, өзіне ғана тән болмысы, табиғи сипаты бар. Ұлттың өмір салтын, рухани дүниесін, мәдениетін, ауыздығымен алысқан ат тұяғының дүбірімен кең даланы еркін жайлаған ата-бабалар тірлігін нанымды жеткізе білген.Атап айтсақ, «Шопан ата» шығармасының атауы қой түлігінің пірі – Шопан атамен байланыстырылады. Терінің бетіне ойылып салынған жайылған қойлар, жүгіріп ойнаған бала, аспандағы ай мен күн, ағаш жақтауындағы ою, тартылған қайыс жіптер, киіз үйдің керегесі, тірлігі мал шаруашылығымен астасып жатқан ауыл келбеті суретшінің ой ұшқырлығын көрсетіп тұр. «Алтын сақа» асықты жілікті, «Шежіре» шығармасы ортан жілік пен омыртқаны байланыстыру арқылы жасалған жұмыстар. Боялған терідегі петроглифтер, байланған қайыс жіптер, шегеленген асықтар салт-дәстүрімізден, шежіремізден сыр шертеді.Қазақстан Республикасы Суретшілер және Дизайнерлер Одағының мүшесі Құрманқазы Қадыровтың сүйекті қолданып салған «Жамбас», «Жауырын», «Омпа», «Өткел», «Таразы», «Ақ жол», «Үш биші», «Қызыл елік» тағы басқа шығармаларының мақсаты – жас ұрпаққа атадан балаға беріліп келе жатқан төрт түлікке қатысты ата кәсіпті таныстырып, олардың қадір-қасиетін дәріптеу, иісі аңқыған шынайы қазақылықты санасына сіңіру.Майлы бояумен кескінделген «Дәулеткерейдің күйі», «Толғақ», «Туған жер» полотналары, жоғарыда аталған және одан өзге алпысқа жуық суреттері философиялық және тәрбиелік маңызы зор жаңа ағымдағы шығармалар.1998 жылдан бері жиырмадан аса түрлі деңгейдегі көрмелері өткізілді. Соның ішінде Есік қаласындағы жеке көрмесі, 2003 жылы Еуразиялық журналистер форумы, Еуразиялық парламенттік форум, 2004 жылы Астана қаласындағы «Адам және оның өнері», Талдықорған қаласындағы көрмесі, 2005 жылы Еуразиялық кино әртістері күндеріне арналған, 2006 жылы Еуразиялық журналистер форумы, 2007 жылы төртінші Еуразиялық кино артистері күндеріндегі көрме оның суретшілік өнерін көпшілікке кеңінен танытып, абыройын асырды.Құрманқазы 2015 жылдың 15 қарашасы мен 20 желтоқсан аралығында Біріккен Араб Әмірліктерінің астанасы Абу-Даби қаласында Әмірліктің бұрынғы шейхы Зайд ұрпақтарының ұйымдастыруымен өткен Халықаралық көрмеге арнайы шақыртумен қатысып, онда қазақ қолөнерінің ерекшелігін насихаттап, сертификат иеленіп қайтты.Талантты жерлесіміз ҚР Дизайнерлер Одағының ескерткіш медалімен марапатталған, «Қазақстан Республикасы мәдениет саласының үздігі». Бейнелеу өнерінің шебері ретінде оның бірқатар туындылары Қазақстандағы және шетелдік жинақтарда сақтаулы.Киелі ұлттық өнерді насихаттау жолында төккен тердің, сіңірген еңбектің еленуі – оның лайықты бағалануымен құнды. Жуырда ғана ел Тәуелсіздігінің 28 жылдығына орай «Қазақстанның Дизайнерлер Одағы» РМҚ Алматы облыстық филиалының директоры Құрманқазы Қайролұлы Қадыровке елдің мәдени дамуына, халықтар арасындағы достық пен ынтымақтастықты нығайтуға қосқан үлесі үшін ҚР Президентінің Жарлығымен «Құрмет» орденінің табысталуы осының айқын айғағы десек жарасар еді.

Әмірлікті мойындатқан қазалылық қолөнер шебері

<a href="https://kyzylorda-news.kz/ru">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өткен актив отырысында облыс әкімінің жаңа орынбасары тағайындалды.Қазақстан Республикасы Президенті Әкімшілігінің келісімі және облыс әкімінің өкімімен 2022 жылдың шілдесінен бері Қызылорда облысының білім басқармасы басшысының қызметін атқарып келген Шермағанбет Мейрамбек Зинабдинұлы меритократия қағидатына сәйкес облыс әкімінің орынбасары лауазымына тағайындалды.<blockquote>«Мейрамбек Зинабдинұлы аймақтың әлеуметтік-экономикалық ахуалымен етене таныс, мемлекеттік қызметтің барлық сатысынан өткен. Басқарушылық лауазымдарда мол тәжірибе жинаған әлеуеті жоғары кадр. Мейрамбек Зинабдинұлы жұмыспен қамту, денсаулық сақтау, білім, ветеринария басқармаларына жетекшілік жасайтын болады. Осы ретте, Мейрамбек Зинабдинұлына жетекшілік ететін салалары бойынша тиісті жұмыстарды жүйелі түрде жүргізуді тапсырамын», - деді аймақ басшысы.</blockquote>Облыстық қоғамдық кеңес төрағасы Әріп Хожбанов Мейрамбек Зинабдинұлын құттықтап, жаңа қызметінде сәттілік тіледі.Мейрамбек Шермағанбет 1972 жылы дүниеге келген. Қорқыт Ата атындағы Қызылорда мемлекеттік университетін «Тарих», «Экономика», Қожа Ахмет Яссауи атындағы Халықаралық Қазақ-түрік университетін «Құқықтану» мамандықтары бойынша бітірген. Педагогика ғылымдарының кандидаты.Еңбек жолын 1994 жылы Жаңақорған ауданындағы № 239 орта мектебінің тарих пәнінің мұғалімі болып бастаған. 1995-2004 жылдары мектеп директорының тәрбие ісі жөніндегі орынбасары, Жаңақорған ауданы әкімі аппаратының бөлім басшысы, аппарат басшысы лауазымдарында еңбек етті.2004-2016 жылдары Қызылорда облысы әкімі аппараты басшысының орынбасары, облыстық білім беру, тілдерді дамыту жөніндегі басқармаларының басшысы, Қызылорда облысы бойынша білім саласындағы бақылау департаментінің басшысы жауапты қызметтерін абыроймен атқарған. 2016-2021 жылдары Ақтөбе облысы Қобда ауданының әкімі, Ақтөбе облысы әкімінің орынбасары болған.2022 жылдың шілде айынан осы кезге дейін Қызылорда облыстық білім басқармасының басшысы қызметін атқарып келді.<figure class="image"><img src="https://knadmin.beoblood.kz/uploads/363740882_1498957787526365_3280074609135939345_n_c7ace88c91.jpg" alt="363740882_1498957787526365_3280074609135939345_n.jpg"></figure>

Облыс әкімінің жаңа орынбасары тағайындалды

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданаралық ауруханасының денсаулық сақтау саласында жеткен жетістігі жетерлік. Халықтың аурушаңдығын азайтып, ауыр дертті дер кезінде дөп басып табуда заманауи жабдықтардың көмегі зор екенін жақсы біледі. Сондықтан қазалылықтарды соңғы үлгідегі жабдықтармен емдеуді қолға алған.Қазір аурухана құрылымындағы бірқатар құрылғы қатары тағы да жаңа дүниемен толыққан. Атап айтқанда, ауыз қуысының ақаулары мен тіс ауруларының салдарын тексеретін Оңтүстік Кореяның «Vatech» компаниясының рентгендік сандық панорамалық аппаратына қол жеткізді.<blockquote>«Оңтүстік Кореяның «Vatech» компаниясы тоқсаныншы жылдардан бері жұмыс істейді. Компания өзінің озық технологияларын енгізуге, пациенттердің денсаулығына қамқорлық жасауға және қоршаған ортаны қорғау мәселелеріне назар аударуға бағытталған. «Vatech» клиенттері өздерінің барлық тілектері ескерілетініне сенімді бола алады. Себебі бұл Vatech-тің теңдесі жоқ қызметінің құпиясы. Рентген диагностикасы бойынша «Vatech» Кореядағы №1 компания. Біз тапсырыс берген рентгендік сандық панорамалық аппараты – адам денсаулығына қамқорлық жасай отырып, инновациялық технологиялық ноу-хауды қолданады. Олардың әзірлеген жабдығы стоматологиядағы дәстүрлі рентгендік диагностика үшін қарапайым және қолжетімді шешім. Эргономикалық дизайн, сенімділік және пайдаланылуы оңай, түсірген суреттердің сапасына теңде жоқ. Құрылғының ерекшеліктері мол. Тіс түбірінде асқыну мен салқын тию әсерінен ісіну болса, тіске тіс кедергі жасағанда дәрігердің нұсқауымен аппарат арқылы анықталады», – дейді лаборант Қайбар Шымберген.</blockquote>Маманның айтуынша, құрылғыға түсіру қызметі ешқандай жас ерекшелігі мен денсаулық жағдайына қарамастан ақылы өткізіледі. «Vatech» компаниясының жабдықтары барлық заманауи талаптар мен қауіпсіздік стандарттарына сәйкес келеді.Осылайша алғашқы медико-санитарлық көмекті модернизациялау және басымдықпен дамыту мен медициналық оңалту жұмыстарын жандандыруда Қазалы ауданаралық ауруханасы бар күш-мүмкіндіктерін жұмсауда.

Қазалы ауданаралық ауруханасы жыл санап заманауи құрылғылармен жабдықталуда

Аралда орман қоры 56 216 гектарға жетті

<a href="https://kyzylorda-news.kz/ru">Kyzylorda-news.kz.</a> &nbsp; Қазгидромет синоптиктері 27 шілде, бейсенбіге арналған ауа райы болжамын жариялады.Атмосфералық фронттардың әсерінен еліміздің басым бөлігінде тұрақсыз ауа райы сақаталады, жаңбыр жауады, найзағай, бұршақ, дауыл соғады.Тек республикамыздың оңтүстігінде, оңтүстік-батысында жауын-шашын жоқ, күн ашық.Республика бойынша жел күшейеді, түнде солтүстікте, солтүстік-батыста тұман болады.Күндіз Түркістан, Алматы, Жетісу, Батыс Қазақстан, Атырау, Маңғыстау, Ақтөбе, Қарағанды, Абай облыстарында, Жетісу, Шығыс Қазақстан облыстарының оңтүстігінде, оңтүстігінде 35-40°С қатты ыстық сақталады.Күндіз Алматы облысының солтүстігінде, орталығында, Маңғыстау облысының оңтүстігінде, Жетісу облысының солтүстігінде, оңтүстігінде, орталығында 42-43°С өте қатты ыстық болады.Солтүстік Қазақстан, Ақмола облыстарында, Атырау облысының шығысында, Қостанай облысының оңтүстігінде өрт қаупі жоғары.Алматы, Түркістан, Жамбыл, Шығыс Қазақстан, Қарағаңды, Маңғыстау, Ұлытау, Жетісу, Абай облыстарында, Қызылорда облысының орталығында, шығысында, Павлодар облысының оңтүстігінде, Ақтөбе облысының оңтүстігінде, Атырау облысының батысында, солтүстігінде, Ақмола облысының оңтүстігінде, батысында төтенше өрт қаупі сақталады. &nbsp;

Ауа райы: Бүгін 43 градусқа дейін аптап ыстық болады

<a href="https://kyzylorda-news.kz/ru">Kyzylorda-news.kz.</a> Президент Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Жолдауында кәсіби маманның қадірін білу керек екенін, еңбекқор адам мемлекетті дамытатынын баса айтты. «Елімізде еңбекқор адам, кәсіби маман ең сыйлы адам болуға тиіс. &nbsp;Осындай азаматтар мемлекетімізді дамытады. Мен Ұлттық құрылтайда және «Жастар рухының» съезінде бұған арнайы тоқталдым. Біз қарапайым еңбек адамына құрмет көрсетуіміз керек. Қандай кәсіппен айналыссаң да, оны сапалы атқару маңызды. Жастар нақты бір мамандықтың қыр-сырын жетік білуге ұмтылғаны жөн. Өз саласының шеберіне әрдайым сұраныс болады. Өскелең ұрпақ Қазақстанда ғана емес, өзге елдерде бәсекеге қабілетті болуы керек. Көрші мемлекеттің азаматтары шетелге барып, жұмыс талғамай еңбек етіп жатыр. Олар біздің елде де өте жақсы табыс тауып жүр. Дәл осындай жандардан үлгі алу керек. Шын мәнінде, ең бастысы – адал еңбек. Біз мұны жете түсінетін ұрпақ тәрбиелеуге тиіспіз. Идеология жұмысында осыған баса мән берген жөн», – деді Қасым-Жомарт Тоқаев. Осы ретте ааралдық еңбек адамы Ақжайық Ізікенұлы туралы сөз қозғамақпыз.Айжарық Ізікенұлы 1963 жылы Сазды сегіз жылдық мектебін бітірген соң, ата кәсібі мал шаруашылығы болған соң, Қазалыдағы ауыл шаруашылық техникумына түсіп, зоотехник мамандығын алып шығады. Сол жылы әскери қатарына алынып, Украинаның Луганск облысында борышын өтеп, 1970 жылы елге оралады. Келуіне сол совхозға кіші мал дәрігері болып орналасады. 1974 жылы "Арал" совхозының №2 фермасына зоотехник болып ауысады. «Тегінде бар, топырағында бар, санасында бар азамат азбайды һәм айнымайды» демекші, 1981 жылы ферма орталығы Күршекке көшкен кезде сол №2 ферма басқарушысы болып тағайындалады. Сол кезден бастап 1997 жылға дейін 16 жыл бойы ферманы басқарып, совхоз тарағанша абыройлы еңбегімен жұртшылық ықыласына бөленген екен. Осы жылдан бастап нарық заманына байланысты "Батыр" шаруа қожалығын ашып, оның төрағасы ретінде күні бүгінге дейін мал басын көбейту, оларды аман сақтау жөнінде өз мамандығы бойынша мол тәжірибесінің арқасында табыстарға жетіп, халықтың ырзық-несібесін молайту мақсатында еңбектенуде. Сол кездерде "Арал" асыл тұқымды қаракөл қой совхозы республикаға танымал «миллионер совхоз» атанғанын білетінбіз. Осы жетістіктерге Айжарық ініміз басқарған ферма да сүбелі үлесін қосқан екен. Төккен маңдай тердің қайтарымы ретінде №2 ферма «Социалистік жарыстың жеңімпазы» болып, бірнеше мәрте ауыспалы Қызыл туға ие болған екен. Әрине бұл еңбек табысы өз-өзінен келмейтіні анық, білікті басшының тынымсыз еңбегінің арқасы десе болады.<blockquote>Айжарық ініміздің ерен еңбегі ескерусіз қалған жоқ. Облыстық ауыл шаруашылығы басқармасынан, аудан басшылығынан алған марапаттарымен қоса басқа сала басшыларынан алған алғыс хаттары мен сыйлықтары да жетерлік. Айжарық Ізікенұлы бірнеше мәрте ауылдық кеңес депутаты болып сайланып, халық қалаулысы ретінде тұрғындардың өтініш, ұсыныс, тілектерін жоғары басшылыққа жеткізіп, оның оң нәтижелері де болған. –Алғашқы басшылықта болған жылдары совхоз директоры Тәлекен Сырымов ағамыз болды. Ол кісі совхозды 25 жыл басқарды. Есімі Одаққа белгілі азамат болатын. Бізге де қоятын талабы қатаң болатын еді және оның қойған талабын мүлтіксіз орындау біздің парызымыз деп түсінуші едік те және солай тапсырманы орындай жүріп, ағадан үйренеріміз көп болған еді. Күндіз-түні ел аралап, шаруашылықтың басынан табылатынбыз. Ол кезде жауын-шашын көп болатын, сол көктемдегі судан тоған жасайтынбыз. Сол тоғандарды бұзылып кетпесін деп қатты бақылауға алатынбыз. Сондай бір сапарда жаңа ГАЗ-66 машинамен елсіз жусандық батпаққа батып, екі күн, екі түн ас-сусыз далаға түнеп, мал ауылға зорға жеткен едік. Бір жылдары қыс қатты болып, көмекке Қостанай облысынан К-700 тракторын алдырған едік. Оларды қажетті жеріне орналастыру, жұмыс кезінде жанында болып, елге, малды ауылға жете алмай далаға қонған кездеріміз де болған. Қыстың қаттылығы сондай, К-700-бен жаңа ғана ашылған жол әп-сәтте қар басып қалатын. Қардың биіктігі сондай, аттылы адам өте алмайтындай еді, – деп өткенді еске алады А.Ізікенұлы.</blockquote>Әрине ауырлықсыз жеңіл болмайды, жоғалтусыз табу болмайды, сабырсыз жеңіс болмайтыны баршаға аян нәрсе ғой. «Өз қосағын тапқан қос жас жұптың өмірді ақ некемен бастауы – мұсылмандық парызы» дегендей, 1973 жылы Мариямкүл Жеткергенқызымен отау құрып, мұсылмандықтың парызын орындады. Мариямкүл отбасын жұмаққа айналдырған, бес перзентін дүниеге әкелген алтын құрсақты ана болған екен. Байқауы жоқ баянсыз өмір бір күні өтер де кетер, көрген қызық, сүрген өмірдің көзді ашып жұмғандай-ақ қысқалығын қайтерсің. Келіп қалар қонағың бардай күтінесің. «Өттің дәурен осылай» деп бір жамбасқа қисая кетесің. Көнсең де, көнбесең де өмірдің заңы осылай» деп ақын Қадыр Мырза Әлі айтқандай, Мариямкүл Жеткергенқызы 1994 жылы науқастан дүниеден өтті. Бұл Айжарық інімізге ауыр соққы болғаны белгілі. Жастайынан қол ұстасып, өмір баспалдағын аттаған адал жарынан айырылу кім-кімге де оңай болмайтыны анық. Алланың үкіміне не шара?! – Алланың артқан жүгін арқалауға көнесің. Оның ішінде балаларымның барлығы жас болатын.Тағдыр басқа салған соң көнесің, тағы да өмір бір орнында тұрмайтыны да белгілі. Екінші рет Сексеуіл кентінің тұрғыны, өзіммен жастас ұстаз Күнзия Серікбайқызымен бас қостым. Күнзия өзіме де, балаларыма да жайлы болды. Ол балаларға өз анасындай болды. Барлық баланы жеткізді, жетілдірді, бағып-қақты. Барлығын оқытып, қатардан қалдырмай білімімен қоса мамандығын алып беріп, қолдары аузына жететіндей тәрбие берді. Ана сүтімен дарыған жайсаң мінезі ағайын-туыстарды жақындастырып, ошағы оттан түспеген адал жан болатын. Балаларымның асыл анасы Мариямкүл мен балаларымның туған анасындай болған Күнзия екеуі де мен үшін қымбат жандар болатын. Жазмыштан озмыш жоқ. «Ажал айтысатын дау емес, алысатын жау емес, адам істеген қорлық емес, Алланың ісі зорлық емес. Алла пұлсыз жаратады, құнсыз алады» деп Асқар Тоқпанов Ідіріс Ноғайбаев қайтыс болғанда осылай төгіле сөйлеген екен. Сондай-ақ Күнзия Серікбайқызы 2008 жылы ауыр науқастан қайтыс болған еді. Жатқан жері жайлы, топырағы торқа болсын, – деп күрсінген Айжарық бауырымыздың жан дүниесін түсінуге болатындай.«Сөз жоқ, бірінші тәрбиешің де, үлгің де, өнегең де, идеалың да – әкең мен шешең. Әкең қамқоршың болса, анаң жанашырың, құдайдың құдіретімен өмір сыйлаған жан екені белгілі. Айжарық және Мариямкүл мен Күнзиядан, яғни, осы үш қайнардан қанып ішіп, мейірге шөлдемей өскен ұл-қыздары бір-бір шаңырақтың отын маздатып отырған жайсаң жандар. Бүгінде бір әулеттен өсіп-өнген ұлқыздары қоғам дамуы үшін маңызды деген салалардың шылбырын қаққан кәсіби маман. Қай істе болсын әулет атына кір келтірмейтін адал перзент. Кейіпкеріміз осындай ұрпағымен үлкен құрметке бөленіп отыр. Қазақта «Жақсы ұлың болса – қазығың, жақсы келінің болса – азығың» деген ұлағатты сөз бар. Батырбек қара шаңырақтың қазығы болса, ал Айбану сол шаңырақтың тынысын кеңейткен, ұрпақ шашқан отбасының таусылмайтын азығы іспетті. Гректің ұлы ғұламасы Платон «Кімде кімнің үйінде қартайып отырған әке-шешесі немесе ата- әжесі секілді қымбатты «қонағы» болса, ол үйге Құдайдың ол үйге құрметті өкілі келеді деп ойламасын. Егер үйдің иесі оларға дұрыс қарап, қамқорлық жасаса, ата-аналары оның отбасылық құты болып табылады екен» деген. Сол айтқандай, сол үйдің «құты» Айжарық атасы болып табылады. Атасының төсегін қалың салып, жағасын кірлетпей, сүйікті асын уақытылы дайындап беріп отырған Айбану келініне Айжарық атасының сөзімен айтқанда: «Айбану келінім мені алақанына салып бағып отыр» деген сөзі оған берген бағасы деп түсінеміз. «Атаңа не істесең, алдыңа сол келеді» дейді атам қазақ. Сол айтқандай, Айбану келіннің өнегелі ісі басқаларға да үлгі боларлық деп айтуға тұрарлық. «Түбіріне қарай бұтағы, тегіне қарай ұрпағы» демекші, Айбанудың әкесі Қоңырбай Қонысов Бүкілодақтық комсомол сыйлығының лауреаты болғанын білетінбіз. Осындай тектінің теберігі іспетті Айбану осал болсын ба? Қартайғанда сыңарынан айырылған қарияларымыз кездеседі. Қарттарымыздың көңілін кірбің шалмаса екен дейміз.Пайғамбар хадисінде: «Әр уақытта екі адамның біреуі, үш адамның екеуі, төрт адамның үшеуі, қайырлы көкпен бірге болу – ең жоғарғы мәртебелі іс. Серіктестерімен, жамағатпен, ниеттеспен бірге болған адам еш уақытта қор болмайды» деген екен. Сондай-ақ қайырлы көппен болу – адамды танудан басталады. Адамды тану адамдар арасындағы қарым-қатынас, мейірімнен басталады. Мейірімділік – адамның өзге біреуге жылулығын, ізгі ниеті мен лебізін білдіру көрінісі. Көппен бірге болу – адамдар арасындағы сыйластық кішіпейілділік, жанашырлық, ізгі ниет секілді қасиеттерге негізделген. Шын мәнінде, адами қасиеттердің барлығы адамдардың бір-біріне деген қатынасы ең жоғарғы мәртебелі іс екені белгілі. Осы адами қасиеттерді Айжарық Ізікенұлы да бойына сіңіре білген азамат екені айқын. «Бейнет пен зейнет бірге қартаяды» демекші, 2011 жылы зейнетке шықты. Өзінің «Батыр» шаруа қожалығын дөңгелетумен қатар қоғамдық жұмыстардан да тыс қалған жоқ. Ауылдық қоғамдық кеңесінің төрағасы болып бірнеше жылдар еңбек етті. Қазір ауылдық ардагерлер кеңесінің мүшесі ретінде ауылдың өсіп-өркендеуіне, әсіресе тұрғындарға, аз қамтылған отбасыларға қол ұшын беру жұмысын ұйымдастырумен қатар өзіде сол көмекке қолын созғаны бар. Айжарық ініміздің азаматқа лайық жарасымды келбеті, жүріс-тұрысы, тектілігі, айналасына шашатын шуағы, жайсаң мінезіне тәнті болатынымызды онымен құда ретінде жиі кездесіп тұратын болғандықтан білетін болған соң айтып отырмын.Дарабоз жазушы-журналист Шерхан Мұртаза: «Өз пайдаңды ойлама, елдің, ұлттың пайдасын ойла! Өз пайдаң соның ішінде» дегендей, елінің,ауыл тұрғындарының қамын ойлап, әдемі қартаюдың үлгі-өнегесін кейінгі ұрпаққа егіп келе жатқан, адалдықтың эталонындай Айжарық Ізікенұлына зор денсаулық, отбасына амандық тілей отырып, немерелеріңнің шат күлкісіне бөлене бер деген тілегіміз бар. Талай жылын табанды еңбекке арнаған жандардың өнегелі өмір жолы жастарға үлгі. Сондықтан қарапайым еңбек адамдарының тыңғылықты тірлігін көпке таныстыру біздің басты міндетіміз.

Қазақстан және Қызылорда облысының жаңалықтары