<a href="https://kyzylorda-news.kz/">Kyzylorda-news.kz.</a> Отбасы – киелі ұғым, ол әрбір адам баласының кішігірім отаны. Отбасы – өмірдің мағынасы, мәні мен сәні. Жалпы, қазағымыз қашан да отбасы беріктігі мен шаңырақтың шайқалмауын жоғары қойған. Босағаның берік, керегенің кең, шаңырақтың биік болуын іргелі елдіктің негізі деп ұққан. Ата-бабаларымыз отау құрса, өле-өлгенше бір шаңырақта өмір сүрген. Тіпті ол кездері, болашақ жарын бұрын соңды көрмей, ата-анасы құда түсіп үйлендіретін де болған.Ал енді, әркім өз қалауымен, сүйген адамына қосылуға толық еркіндік берілген қазіргі қоғамда ажырасушылар қатары жыл өткен сайын көбейген үстіне көбейіп барады. Осыдан бірнеше жыл бұрын әрбір төртінші ерлі-зайыпты екі жаққа кететін болса, қазір әрбір екінші немесе үшінші жұп ажырасады екен. Бұл адам жанын түршіктіретін, болашағымызды бұлыңғыр ететін дүние.Өмір болған соң, шыны-аяқ сылдырламайтын отбасы жоққа тән. Мұндайды қазақы менталитет жұртқа дабыра қылмай, отбасы-ошақ қасындағыны сыртқа шығармайтын. Қазір отбасындағы кикілжіңнің құқық қорғау қызметкерлерінің көмегінсіз шешілетіні кемде-кем.Себебі, ерлі-зайыптыны бір-бірінен бездіретін, ажырасудың ауылын сездіретін себептердің бірі-ащы суға құмарлық, жеңіл жүріс сынды аты да, заты да қорқынышты әдеттер. Қазір тіпті еркекті былай қойып, араққа салынған әйелдер де отбасының берекесін қашыруда. Ұйытқы болар ана, тәрбие берер әке зиян әдеттерімен өз бастарының күйін күйттеп жүрген отбасында қандай ұрпақ өсіп-өнеді?&nbsp; Тәжірибемнен байқағаным, некені бұзуға арызданатындардың көбісі жастар және 80-90 пайызының кәмелет жасқа толмаған бір немесе бірнеше балалары бар. &nbsp;Ажырасушылардың әрқайсысы әрқалай себептерді алға тартады. Бірі күйеуін кінәләса, енді бірі әйелін кінәләйді. Жараса алмадық, мінезіміз үйлеспеді дейтіндер де бар. Енді бірі күйеуім ішеді, жұмыс істемейді дейді.Ертеректе аталарымыз бен әжелеріміз жоқшылық пен тоқшылықты көрсе де, ажырасу туралы ойламаған. Себебі, қазақта ажырасу деген ұғым ешқашан болмаған. Текті қазақтың тәрбиесі оған жол бермеді. Ал бүгінде қалай? Аға буын көрген қиындықтың біреуін бастан кешпеген жастар қит етсе, ажырасуға асығады. Сонда баяғы махаббат қайда? Ата-ананың абыройы қайда? Екі ортада көздері жасқа, жүректері мұң-шерге толы тірі жетімдерді кім аямақ?Балалар – қоғамымыздың ең әлсіз және қорғансыз бөлігі және олар құқықсыз болуға тиіс емес. Әрбір сәбидің құқығы қорғалуы тиіс. Біздің топырағымызда туған кез келген сәби – қазақстандық. Және мемлекет оны қамқорлығына алуға тиіс. Мен ажырасуға қарсымын, жастарды отбасы құндылығы, ажырасудың қасірет екендігі рухында тәрбиелеу керек, өйткені, оның салдарынан, ең алдымен, балалар зардап шегеді. "Әкесі қой баға білмегеннің баласы қозы баға білмейді". Бала тәрбиесі – тек ананың емес, ата-ананың екеуінің де міндеті. Бауырында балалары қалған жалғызбасты әйел мен соқа басы сопайған ер-азаматтың артуы қоғамның алаңдауына негіз болатын-ақ себеп.Некені бұзу туралы азаматтық істі қараған кезде судьяның алдында тұрған міндет ерлі-зайыптыларды ажырату емес, керісінше татуластыруға, бір сөзбен айтқанда заңды некені сақтап қалуға негізделеді. Ерлі-зайыптыларға ашу-үстінде асығыс шешім қабылдамасы үшін заң аясында ойлануға мерзім беріледі. Райынан қайтпауға бел буып келген кейбір жандарға судьяның шеберлігі мен парасаттылығының арқасында бейбіт шешімге келіп, табысып кеткендері де жоқ емес.Статистикалық мәліметке сәйкес, Арал аудандық сотында ағымдағы жылдың 9 айында неке бұзу туралы 92 талап арыз қаралса, соның 60-ы қанағаттандырылған, ал 22-і ерлі-зайыптылардың татуласуларына байланысты өндірістен тоқтатылған.Бұрын қазақта ажырасамыз деушілерді ел-жұрт болып бұл мәселені салмақтап, кем-кетікті түзеп отырған. Тәжірибесі аз жастарға ақыл қосып, жас шаңырақты сақтап қалған.Әдетте әрбір жаңа нәрсе естен шыққан ескінің қайта жаңғыруы деп жатады ғой. Сол тұрғыдан алып қарайтын болсақ, қазіргі қолданыстағы медиация заңы сол ұлы дәстүрдің жалғасы деуге болады. Себебі, медиаторлар баяғы билер іспетті, ажырасамыз деген жұбайларға ұлттық дәстүрімізді, әдет-ғұрыптарымызды, ата-бабаларымыздан қалған өсиет сөздерді жастардың санасына сіңіріп, бұзылған отаудың келешегі, ондағы баланың болашағы туралы ой салып, шаңырақты сақтап қалуларына жол сілтеп, неке-отбасылық қарым-қатынастардан туындайтын дауларды шешуде соттарға үлкен көмегін тигізуде.Мысалыға айтар болсақ, Арал ауданы Жақсықылыш елді-мекенінде тұратын бір ерлі-зайыптылар, дәм-тұздары жараспай жеті жылдан бері бір-бірінен бөлек тұрып келген екен. Жуырда заңды некеден ажыраспақшы болып, соттағы құқықтық қызмет көрсету бұрышына жүгінген ерлі-зайыптыға кәсіпқой медиатормен дауды медиация тәртібімен реттеу ұсынылып, татуластыру шаралары жүргізілген. Алғашында олар некені сақтап қалуға мойын бұрмағандарымен, олардың араларындағы баланың келешек өмірі, толыққанды отбасынан тәлім-тәрбие алмаған баланың болашағы туралы медиатормен сөз қозғалғаннан кейін олар райларынан қайтып, араларындағы түсініспеушіліктерді ұмытып қайта табысқан.Негізінен, медиация бітімгершілік пен ымыраластыққа бағытталған тиімді тетік және ол бүгінгі күні дауды шешудің ең озық әдісі болып саналады. Медиация дау-дамайлардың тез әрі тиімді, оңтайлы шешілуіне, адамның моральды түрде шаршамауына, сонымен қатар жанжалдасушы тараптардың келешек өмірлерінде бір-бірлеріне деген кек сақтамауына, кемсітпеуіне, бір-біріне кешірім жасауына зор ықпал тигізетін мүмкіндік. Бүгінде сот жүйесінде медиация институтын дамытуға оның қолданылу аясын кеңейтуге ауқымды шаралар жүргізілуде.&nbsp;Жыл басында Қазақстан Республикасының Жоғарғы Сотымен «Сот жүйесінің жеті түйіні» жобасы өмірге еніп, жеті басым бағдарлама межеленген болатын. Осы жобадағы үшінші түйін етіп белгіленген меже елдегі даулардың санын азайтып, жүктемені төмендетуге, сотқа дейінгі балама әдістердің қолданылу аясын кеңейтуге бағытталған.Осы мақсатта аудан орталығынан татуласу орталығы ашылды. &nbsp;Келешекте болмашы даулар орталықта шешімін тауып, дауды балама жолмен шеше алмағандар ғана сотқа жүгінетін болады.Сондай-ақ, Жоғарғы Сот елімізде отбасы¬лық сот құру жұмыстарын жүргізіп жатыр. Пилоттық жобалар әзірленіп, &nbsp;зерттеу жұмыстары өткізілуде. Бұл соттың құрылуының басты себебі, жылдан жылға ажыра¬сушылар санының көбеюі. Десе де, әлі отбасылық соттың дайын үлгісі қалыптасқан жоқ. Бұл мәселе әлі талқылану сатысында. Отбасылық сот күрделі тетік, өйткені, бүгінгі отбасылық құқық арнайы білім мен дағдыларды қажет етеді. Отбасы мүшелерімен жұмыс істейтіндіктен, бұл істі қарайтын судьялардың ерекше тәжірибесі болуы керек. Сонымен қатар, отбасылық дауларды қарау барысына психологтар, бітімге келтірушілер сынды мамандар тартылуы қажет.Шетелде кәмелеттік жасқа толмағандар мен отбасына қатысты барлық мәселе отбасылық сот арқылы шешімін табады екен. Онда отбасы орталықтары құрылып, некенің бұзылар алдында тараптар бітімге шақырылып, лекциялар курсын тыңдайды, психологпен кездеседі. Жұбайлар ортақ нақты мәмілеге келмейінше, сот шешім шығармайды екен.Отбасын құру – ойланып жасайтын қадам. Дана халқымыздың «Үйлену оңай, үй болу қиын» дейтіні де сондықтан. Жастарды әдепті де саналы етіп тәрбиелеу үшін ең алдымен тәрбие ережелеріне сүйене отырып, ұлттық дәстүрімізді, әдет-ғұрыптарымызды, дінімізді, ата-бабаларымыздан қалған насихат мұраларын жастардың санасына сіңіре білу басты міндетіміз болуы қажет деп санаймын.

Бақытты шаңырақ – берекелі қоғамның және мемлекеттің мызғымас тірегі

<a href="https://kyzylorda-news.kz/">Kyzylorda-news.kz.</a> Жалағаш кентінің орталық алаңын абаттандыру жұмыстары басталды. Қазіргі таңда төсеніш орналыстырылатын орынды тегістеу жұмыстары жүргізілуде.<img src="https://knadmin.beoblood.kz/uploads/365796267_1754979921620745_3868180178703937222_n_1fc5c45591.jpg" alt="365796267_1754979921620745_3868180178703937222_n.jpg">

Жалағаштағы орталық алаң абаттандырылуда

<a href="https://kyzylorda-news.kz/">Kyzylorda-news.kz.</a> Жалағашта спорт саласында серпін қалыптасуы заңдылық, иә, бұл сөзімізді біржақты пікір дерсіз, бірақ бүгінгі шарада сала ардагерлерінің сөзіне құлақ түрген мен осындай шешімге келдім. Ешқандай жалғандық жоқ, барды бар, жоқты жоқ деп таза сөйледі. Саланың дамуы жолында еткен еңбек, төккен тер, осы жолда көрген қиыншылықтар, бәрі-бәрі сала ардагерлерінің естеліктеріне арқау болды. Рас, қазір спорт саласын дамытамын, осы жолда тер төгемін деген азамат болса, барлық жағдай қарастырылған. Ал өткен шаққа көз жүгіртсек, осынша қиындықты еңсеріп, жас өрендерден чемпион шығарған аға буынға алғаусыз алғыстан басқа айтарымыз жоқ. Міне, бізде спорт саласының дамуы заңдылық дегенім де осы еді. Бастысы, із бар, сол ізбен келе жатқан жастарымыз да жетерлік. Ал мұндай еңбек барда өңір спортында серпін қалыптасуы заңдылық.Аудан әкімінің міндетін атқарушы Арнұр Нұрмағанбетов мереке қарсаңында жалағаштық спортшылардың басын қосты. Аудан әкімдігінде өткен мерекелік кездесуде барша спортшыларды төл мерекесімен құттықтаған Арнұр Әлібекұлы салада ел мерейін үстем етуге бағытталған жұмыстарына сәттілік тілеп, мемлекет тарапынан салаға қолдау басым екенін жасырмады.&nbsp; – Қазақстан Республикасының Спорт күні мерекесімен шын жүректен құттықтаймын! 2003 жылдан бастап тамыз айының үшінші жексенбісінде атап өтілетін бұл мереке тек спортшылар мен жаттықтырушылар ғана емес, дене тәрбиесі мен спортты насихаттайтын барша қазақстандықтар үшін ерекше мереке. Халқымыз ежелден денсаулықтың қадірін жете түсініп, оны басты байлыққа балаған. «Спорт – денсаулық кепілі» қағидасын берік ұстанған мемлекетіміз халқының ойы сергек, дені сау болуы үшін қолда бар мүмкіндіктің бәрін жасауда. Білімді, тәрбиелі әрі дені сау ұрпақ – ұлттың ең қымбат байлығы. Олай болса, балалар мен жас-өспірімдердің оқумен қатар, өнер үйреніп, спортпен шұғылданып, жан-жақты жетілуіне қолайлы жағдай жасау – мемлекет алдындағы стратегиялық басым бағыт. Сол себепті Мемлекет басшысы Қасым-Жомарт Тоқаев өзінің Президент ретіндегі алғашқы Жолдауында бұқаралық спортты дамыту мәселесіне басты назар аударған бо-латын. Президенттің осы тапсырмасы аясында әзірленген «Дене шынықтыру мен бұқаралық спортты дамыту жөніндегі 2020-2025 жылдарға арналған кешенді жоспар» бойынша ауданда да біршама жұмыстар атқарылды, – деді аудан әкімінің міндетін атқарушы Арнұр Нұрмағанбетов. Айта кетейік, бүгінгі таңда ауданда дене шынықтыру және спортпен жүйелі түрде шұғылданушылар қатары 13 500 адамға жетіп отыр. Бұл аудан халқының 38 пайызын құрайды. Қазіргі таңда ауданда спорттың әр түрімен айналысатын 150 &nbsp;арнайы орын, спорт залдар мен алаңдар жұмыс істейді. Балалар мен жасөспірімдерді, аудан тұрғындарын спортқа тарту бағытында 178 спорт маманы еңбек етуде. Аудандағы екі спорт мектебінде 1 592 бала өзі қалаған спорт түрімен айналысуда.&nbsp; – Қай заманда да спорт бейбітшіліктің, туысқандық пен достықтың елшісі іспетті болған. Сонау Қажымұқан бабамыздан бастау алатын қазақ спорты бүгінде әлемдік деңгейге көтерілді. Еліміз тәуелсіздік алғалы спортшы саңлақтарымыз қазақ халқының намысын қорғап, жер бетінде қазақ деген халықтың бар екенін паш етіп, оның ұл-қыздарының теңдессіз күш-қуатын, қабілет-қарымын дүниежүзіне мойындатып келеді. Аудан спортшылары да республика көлемінде ғана емес, халықаралық деңгейде де мақтанарлық нәтижелерге қол жеткізіп, аудан абыройын асқақтатуда. Осы жолда еткен еселі еңбектеріңіз бар, бүгінгі мерекемен сіздерді тағы да құттықтай отырып, отбастарыңызға амандық, дендеріңізге саулық, жұмыста-рыңызға сәттілік тілеймін, – деді Арнұр Әлібекұлы. Биыл І жартыжылдықта спортшыларымыз республикалық және халықаралық жарыстарға қатысып, ел чемпионаттарында 7 алтын, 2 күміс, 1 қола медалға ие болса, облыстық жарыстарда 22 алтын, 13 күміс, 20 қола медал қоржынға салған. Алғашқы алты айда І разрядты спортшылар саны 9, спорт шеберлері 8, спорт шеберіне үміткерлер 27-ге жетті. Мұндай жетістіктер өз алдына, келелі кездесуде аудан әкімінің міндетін атқарушы саладағы тағы бір жағымды жаңалықпен бөлісті. Ол осы аптада Алтай бөктерінен жеткен ақжолтай хабарға қатысты екен. Қаракөз қарындасымыздың жеткен жетістігіне қуанбаған халық жоқ, бәріміз өре тұра өзі бұл жиында болмаса да қошемет көр-сеткеніміз сондықтан еді. &nbsp;&nbsp; – Осы кездесуімізде жағымды жаңалықпен бөлісе кетсем, «Наркескен» спорт клубының «Тоғызқұмалақ» бөлімінің жаттықтырушысы, Халықаралық дәрежедегі спорт шебері &nbsp;Кенже-бекова Ақерке Батырбекқызы Монғолияның Баян-Өлгей қаласында 9 елден 200-ден астам спортшы қатысқан тоғызқұмалақтан өткен VI Азия чемпионатында алтын жүлде иегері атанды. Жеңіс құтты болсын! Осындай толағай табыстарда жаттықтырушылардың да маңдай тері мен табанды еңбегінің қолтаңбасы жатқанын айта кеткім келеді, – деді Арнұр Нұрмағанбетов. Мұнан кейін кезек марапаттау рәсіміне де келіп жетті. Бірқатар спортшы облыс және аудан әкімдерінің алғыс хатымен марапатталса, сала ардагерлеріне аудан әкімінің Құттықтауы табысталды. Мұнан кейін ардагерлер спорт саласында еткен еңбектері хақында естеліктер айтып, ізін басқан бүгінгі буыннан ағалық ақылын аямады. Олар біздің буынға қалай ақыл айтса да жарасады, шама-шарқынша салада еңбек етті, аудан спортын алға сүйреді, осы жолда тер төкті. Саналы ғұмырын спортқа сарп еттті, әлі де спорттан қол үзген емес, ауданда ардагерлер арасында мұндай сайыстарда қазыналы қарттарымыз төбе көрсетіп жатады. Осындай шаралардан тыс қалмауының өзі бізге үлгі. Арнұр Әлібекұлының сала ардагерлерінің еңбегіне ерекше тоқталуы да сондықтан.&nbsp; – Ауданда салауатты өмір салтын халыққа насихаттап, спорттық жарыстарға белсене қатысып, жас ұрпаққа үлгі көрсетіп жүрген аға буын өкілдерімен біз мақтанамыз. Олай дейтінім, Садық Алиев ағамыз бастаған ардагерлер кеңесінің ұйымдастыруымен жылда спорттық шаралар, балық аулаудан жарыстар, спартакиадалар өткізілуде. Осы маңызды шараларға ардагерлер де атсалысып келеді. Осы спорт саласының бүгінгі жеткен жетістіктерінде ерекше қолтаңбасы бар, жас ұрпаққа үлгі болып жүрген ардагер спортшыларымыз аман болсын, – деді ол. Келелі жиында сала ардагерлері Сұлтан Бекжанов пен Қуандық Ахметов ағаларымыз сөз сөйлеп, бүгінгі құрмет үшін алғыс білдірді.&nbsp; – Бұл тек аудан спортшыларына және ардагерлеріне ғана көрсетілген құр¬мет емес, жалпы қазақ спортына көрсетілген құрмет деп білемін. Өзім осы салада ұзақ жылдар еңбек еттім. Әлі де спорттан қол үзбеймін. Осындай құрмет үшін алғыс білдіремін. Сондай-ақ ізімізді басып келе жатқан жастарға айтарым, тек спортқа адал болыңыздар. Спортқа адал маманнан, бапкерден ел мерейін үстем етер чемпиондар қалыптасады. Елдің мерейін байрақты бәсекелерде үстем ететін жастарды қалыптастыратын сіздерсіздер. Осы жолда жасап жатқан жұмыстарыңыз жемісті болсын, – деді сала ардагері, аудан спортында өзіндік қолтаңбасы бар Сұлан ағамыз.&nbsp; Мұнан кейін Қуандық Ахметов ағамыз да көрсетілген құрметке алғыс білдіріп, бірқатар ұсынысын ортаға салды. Ол сала ардагерлеріне ауданның құрметті азаматы атағы берілсе дейді, сондай-ақ аудан спорты жайында және салаға серпін берген азаматтардың өнегелі өмір жолы хақында кітаптар жарыққа шықса деген тағы бір тілегін жасырмады. Арнұр Әлібекұлы бұл ұсыныстарды аудан әкімі Асқарбек Есжановтың қолдайтынын айтып, алдағы уақытта тиісті жобалар қолға алынатынын жеткізді.

Спортшылар құрмет төрінде

<a href="https://kyzylorda-news.kz/">Kyzylorda-news.kz.</a> Бүгін мереке қарсаңында аудан әкімдігінде спортшылар бас қосқанын айттық. Аудан әкімінің міндетін атқарушы Арнұр Нұрмағанбетов шама-шарқынша оларға құрмет көрсетті. Сала ардагерлері мен спортшыларды марапаттады. Сөз кезегі сала ардагерлеріне келгенде Сұлтан Бекжанов ағамыз Өмірбек Кәлменовтың есімін ерекше атап өтті. Естуімізше, Өмірбек отызды енді еңсерген бапкер екен, небары 33 жасында спортшы ардагерлер естелігіне арқау болатындай не тындырды, салаға қандай еңбек сіңірді? Шыны керек, шара бітісімен осы сауалдардың түйінін тарқатуға асықтық.Өмірбек Кәлменов бүгінде аудандық №13 олимпиадалық резервтің мамандандырылған балалар және жасөспірімдер мектебінде жаттық-тырушы болып жұмыс жасайды. 2008 жылы алғаш еңбек жолын бастаған бозбала бүгінде салада 15 жылдық тәжірибесі бар білікті бапкер.&nbsp; Дзюдодан жастайынан топ жарып жүрген Өмекеңнен тәжірибелі жаттықтырушының қалыптасуы да заңдылық. Мектеп жасынан салада үлкен белестерді бағындырған бапкердің бүгінде шәкірттері де дүбірлі додаларда топ жарып, аудан, облыс, қалаберді ел мерейін үстем етуде. Алайда оған кейіпкеріміз тоқмейілсуден ада. Керісінше шәкірттерін шыңдап, одан да жоғары биіктерден көрінуіне тер төгіп жүр.&nbsp; – Бапкер болу – баланың ісі емес, керісінше сол балалардан мықты спортшы қалыптастыру. Алдыңдағы шәкірттеріңнің барлығы бірдей емес, бірі спорттың айла-тәсілдерін тез қағып алса, енді бірі енжар келеді. Бірақ спортқа селқос қарайтын шәкіртіңнен үміт үзу қиянатпен бірдей. Негізгі міндетімізге адал болу үшін олардың барлығын спортқа епті етуге күш саламыз. Артық айтып не қылайын, қазір шәкірттерімнің алды халықаралық, әлемдік додаларда жүлделі орындардан бой көрсетіп келеді. Шәкірттеріммен мақтанамын, жеңісіне марқаямын, бірақ тоқмейілсуге тағы болмайды, Сыр спортына, оның ішінде аудан спортының алға басуына тамшыдай болса да үлес қоссам, сол менің салаға сіңірген еңбегім, адалдығым деп білемін. Алдағы уақытта да үлкен жарыстар күтіп тұр. Бұйыртса, ол додаларда бірнеше шәкіртім бақ сынайды, қазір алдағы жарыстарға қызу дайындық үстіндеміз, қалғанын уақыт көрсетеді, – дейді Өмірбек Кәлменов. Білікті бапкер – Қазақстан республикасының спорт шебері. Өзі де уақытында республикалық турнирлерде топ жарып, халықаралық жарыстарда дзюдодан байрағымызды желбіреткен. Бүгінде оның шәкірттері ізін басып, үлкен додаларда топ жарып жүр. 2016 жылы шәкірті Тынарбай Тілеген Сарыағаш қаласында өткен ел біріншілігінде қоржынға қола салса, 2019 жылы Тараз қаласындағы Қазақстан чемпионатында қарсылас шақ келтірмепті. Дәл осы додада тағы бір шәкірті Жаныс Бекарыс үздік үштікті түйіндеген.&nbsp; Әлгі Тынарбай Тілеген кейін Тайпейде өткен Азия чемпионатында ел қоржынына алтын салды. Жалпы, бұл спортшының жетістігін толық жазар болсақ, бір еңбекке жүк болары анық. Ал 2021 жылы Орал қаласындағы жас¬тар ойындарында Әсел Бейсенбай қоржынға қола салған. Былтыр тағы бір шәкірті Нұрсұлтан Серік ел чем-пионатында қола жүлдеге ие болса, тағы бір шәкірті Темірболат Ерсұлтан мен Альбина Смайыл Талдықорғандағы жазғы ойындарында үздік үштікті түйіндеген.&nbsp; Өмекеңнің үлкен додаларда топ жарып жүрген басқа да шәкірттері жетерлік, қарап отырсақ, шағын ауданнан осынша спортшы шығарудың артында үлкен еңбек жатыр. Оған төзімі мықты, тәжірибесі мол бапкер ғана еңбек ететіні сөзсіз. Бұл сөзімізге білікті бапкердің салаға сіңірген еңбегі дәлел.

Білікті бапкер

<a href="https://kyzylorda-news.kz/">Kyzylorda-news.kz.</a> Спорт – мемлекеттің мәртебесін, ұлттың намысын айқындайтын, халықтың жанкүйерлік рухын көтеретін, деннің саулығын нығайтатын көрсеткіш. Сондықтан соңғы жылдары еліміз спортты дамытуға айрықша көңіл бөлуде. Мәселен, елімізде спорт күні үлкен дәрежеде атап өтілуде. Бұл күні еліміздің түкпір-түкпірінде әр сала бойынша спорттық жарыстар өткізіліп, халықты салауатты өмір салтына тарту мақсатында түрлі шаралар өткізіледі. Иә, жыл сайын тамыз айының үшінші жексенбісін спорт күні ретінде халық асыға күтеді.&nbsp; Бір қуантарлығы, сол жұмыстардың нәтижесі болар, ауданда соңғы жылдары спорт саласы қарқынды дамып келеді. Мұның дәлелі спортшыларымыз облыстық, республикалық, қалаберді халықаралық додаларда үздік нәтижелерді көрсетіп жүр. Бұл ретте үйірмелер мен спорт мектептері спорттың алға қадам басуына, жастардың бос уақытын тиімді пайдалануына себепкер болып отыр. Сол себепті өңірдегі спорт-тың дамуына, бұқаралық спорт қозғалысын кеңейтуге, спорттағы жетістіктерді ынталандыруға бағытталған жұмыстардың мән-жайы, спортшылардың алдағы додаларға дайындығы барысымен танысу мақсатында аудандық №13 олимпиадалық резервтің мамандандырылған балалар және жасөспірімдер мектебіне бардық. Бізді мектептің әдіскері Есқара Сералиев күтіп алып, ұжымның тыныс-тіршілігімен дереу бізбен бөлісе кетті. Сөйтсек, тек спорт, жаттығу деп мақтанудан шорқақ үлкен ұжымның соңғы жартыжылдағы жетістіктері ауыз толтырып айтарлықтай екен. Тәрбиеленушілері спорттың 12 түрінен де додаларға қатысып, жүлдесіз қайтпаған. Әрине бұл дегеніміз үлкен еңбек, төккен маңдай тер десек, ешкім қарсы болмасы анық. Сөйтіп біз мектептің алған жеңістеріне жеке-жеке қызығушылық танытып, Есағаны сұрақтың астына алдық. Мұндай қызығушылық танытқанымыз да оңды, өйткені бұрын-соңды ауданда естімеген спорт түрлерінен жас спортшыларымыз жеңіс төрінен көрініп жүр екен. Мәселен, Дінмұхамед Сұмағұл есімді жас спортшы найза лақтырудан Алматы қаласында өткен ел біріншілігінде жүлделі 3 орынды иеленіпті. Жеңістен хабардар болмақ түгілі, бүгінгі күнге дейін ауданымызда мұндай спорт тү¬рінен үйірме барынан хабарсыз біз үшін бұл жетістік үлкен жаңалық болды. – Өзімнің бұл салада еңбек еткеніме біраз жыл болды. Шама-шарқымша аудан спортын дамытуға жұмыс жасап келеміз. Алдағы уақытта да осы мақсатқа бар күш-жігерімізді, қарым-қабілетімізді жұмсай береміз. Еткен еңбегімізге сай жетістіктеріміз де баршылық. Жаттықтырушылардың тынбай төккен терінің арқасында, аудан жастары үлкен додаларда топ жарып жүр. Жалпы, Жалағаш – қазір облыста күрес спортынан танымал аудан. Тек аймақта ғана емес, байрақты бәсекелерде де дәл осы спорт түрінен талай рет бағымыз жанды. Атап айтар болсақ, ауданымыздың соңғы жартыжылдық қорытындысы бойынша облыстық рейтингте 21 спорт мектеп арасында алдыңғы қатарда. Нақтырақ тоқталсам, Тараз қаласында өткен ҚР VI жазғы спартакиадада дзюдодан Әділбек Берікұлы 1 орынды қанжығасына байласа, қарындасымыз Әсел Бисенбай жүлделі 3 орынды иеленді. Сондай-ақ өздеріңіз естіген боларсыздар, белбеу күресінен әлем біріншілігінде батыр қызымыз Арайлым Оразбай атой салып, бас жүлдені жеңіп алды. Жақында Жаңақорған ауданында өткен белбеу күресінен 2003-2005 жылдардағы жастар арасынан ел біріншілігінде Қайрат Ақберен 1 орынды, Азамат Алихан 3 орынды месе тұтты. Самбо күресінен Әлбина Смаил Алматы қаласында өткен ел біріншілігінде жүлделі 3 орынды жеңіп келді. Міне, бұл жетістіктер тек 6 айдың қорытындысы. Алда әлі талай жарыстар бар, бүгінде спорт¬шыларымыз қызу дайындық үстінде, – дейді Есқара Темурұлы. Иә, ауданымыз қашаннан күрес спортынан ілгері екені баршамызға белгілі. Аудан жұртына айтарлықтай таңсық емес спорт түрлері де бар, мысалы, ауыр атлетика, жеңіл атлетика, доп ойындары, таеквандо сынды спорт түрлерінен де мектеп тәр-биеленушілерінің біраз жетістіктері бар көрінеді.&nbsp; Соңғы 6 айда ауыр атлетикадан 17 жасқа дейінгі ел біріншілігінде Нұрсезім Абатқызы 1 орынды жеңсе, Нұрсыйла Берікбол жүлделі 2 орынды иемденген, ал 23 жасқа дейінгі спортшылар арасынан Мәди Пернебекұлы жүлделі 3 орынға ие болған. &nbsp;Сондай-ақ бокстан ҚР-ның батыс аймақтық біріншілікте Нұрәділ Нұрсұлтан 3 орынды жеңіп алса, таеквондодан ел біріншілігінде Нұрдәулет Серікұлы жүлделі 3 орынды қанжығаға байлаған. Өңірімізде жеңіл атлетикадан да жас спортшыларымыз аудан абыройын байрақты бәсекелерде абыройын асқақтатып жүр. Мысалы, Балнұр Қалнияз Алматы қаласында өткен ҚР-ның чемпионатында жүлделі 2 орынды жеңіп алған.&nbsp; Соңғы жылдары воллейболшы қыздарымыз да жеңіс тұғырын бермей жүр. Атап айтсақ, Ақпейіл Маратқызы мен Назым Қанибай Өскемен қаласында өткен жасөспірімдер арасында өткен ел біріншілігінде бас жүлдені жеңіп, облыс абыройын қорғап келген. Ұлттық ойынымыз тоғызқұмалақтан Жалағаш ауданы бұрыннан жақсы нәтижелер көрсетіп жүргені жұртшылыққа мәлім. Сол аға-апаларының жолын қуған бүгінгі жастар талай додада топ жарып, дәстүрлі спорт түрінің дамуына елеулі үлес қосуда. Мәселен, Мәдина Әлібек Тараз қаласында өткен жастар арасындағы ел чемпионатында жүлделі 2 орынды иеленген.&nbsp; Міне, тізіп жаза берсең, спорт мектебінің жетістіктері жетерлік. Әрине спортшы-ларымыздың бұл жеңістері жастарға ерекше құлшыныс берері анық. Сондықтан болар ауданымызда балаларын спортқа беруге ниеттілердің қатары едәуір артқан. Спорт мектебінің филиалдары тек аудан орталығында ғана емес, шалғай ауылдарда да орна¬ласқан. Мәселен, Таң, Аққұм, М.Шәменов, Ақсу ауылдарында спорт үйірмелері жұмыс жасайды. Бұл дегеніміз ауыл балаларына деген үлкен мүмкіндік екені сөзсіз. Спорттың тәртібі бойынша спорт мектебі балаларды 5 жастан бастап қабылдайды. Әрине оларды бірден спорттың қиын түріне қабылдай салмайды. Спорттық мектеп болғасын жас жеткіншектердің спортқа деген қызығушылығын ояту мақсатында ең бірінші оңай ойын түрлеріне алады. Содан кейін ыңғайына қарай, өздерінің таңдауы бойынша бейімділігін байқап, басқа спортқа икемдейтін көрінеді. Жаттықтырушылар баланың ең бірінші спортқа ынтасын оятып, қызықтыруға баса мән береді. Ол үшін мектептің арнайы біліктіліктен өткен жаттықтырушылары жұмыс істеп, балаға барлық жағдайды туғызады.&nbsp; Иә, 1 пайыз талант пен 99 пайыз төгілген тер ғана табысқа қол жеткізуге жол ашады. Жалпы, адамның бойында туабіткен қандай да бір іске деген қабілеті болады, оны қолданса, дарындылығы байқалады, әрі қарай дамып, жетілдірсе, талантқа айналады. Дамытпаса, бойындағы қабілет жұмбақ түрінде қалып қояды. Спорт та, спортшы да сол сияқты. Спорттың кез келген түріне деген бірінші бойда қызығушылық керек. Ал оны әрі қарай дамыту спортшының өз қолында. Бұл жаттықтырушылардың ата-ана мен балаға беретін ең маңызды кеңестері. Алдағы уақытта спорт мектебінің жоспары өте көп. Ең бастысы, мектептің техникалық базасы жақсы. «Мектебімізге қазіргі заманауи тұрғыда салынған спорт кешені беріліп жатса, үлкен демеу болар еді» деп ұсынысын да жеткізіп қойды мектеп қызметкері. Бұқаралық спортты дамыту, сондай-ақ дене шынықтырумен және спортпен шұғылданатындардың санын арттыру мақсатында №13 олимпиадалық резервтің мамандандырылған балалар және жасөспірімдер мектебінің еңбегіне осылайша тәнті болдық.

Чемпиондарды шыңдаған спорт мектебі

<a href="https://kyzylorda-news.kz/">Kyzylorda-news.kz.</a> Бүгін &nbsp;Жалағаш ауданының әкімі Асқарбек Есжанов Есет батыр ауылындағы дәрігерлік амбулаторияның іргетасын қалау рәсіміне қатысты. Ауыл тұрғындары үшін маңызды нысан құрылысын бастауға аудандық мәслихат және қоғамдық кеңес төрағалары, ауыл ақсақалдары мен медицина саласының ардагерлері қатысты.Ауыл ақсақалы Сақтап Медетов ауыл халқы мен құрметті қонақтарға ақ батасын беріп, ел игілігі жолында еңбек етіп жүрген азаматтардың жұмысына сәттілік тіледі.«Ауылда денсаулық сақтауды жаңғырту» пилоттық ұлттық жобасы аясында салынып жатқан дәрігерлік амбулаторияның құрылысы ү.ж қараша айында аяқталады. Құрылыс аумағы 728,4 шаршы метрді құрайтын нысан 20 төсек орынға арналған.Биылғы жылы ауданда денсаулық сақтау саласы бойынша республикалық бюджеттен 752,8 млн. теңге бөлініп, Мырзабай ахун және Есет батыр ауылдарында жаңа дәрігерлік амбулаторияның құрылысы басталды.<img src="https://knadmin.beoblood.kz/uploads/363982070_1755310344921036_3460129549364203140_n_2848131c21.jpg" alt="363982070_1755310344921036_3460129549364203140_n.jpg">

Есет батыр ауылында дәрігерлік амбулаторияның іргетасы қаланды

Аралда егістік көлемі артты

<a href="https://kyzylorda-news.kz/">Kyzylorda-news.kz.</a> Қызылорда қалалық полиция басқармасының ювеналды полиция бөлімшесінің инспекторлары жасөспірімдер арасындағы құқық бұзушылықтың &nbsp;алдын алу &nbsp;мақсатында &nbsp;түнгі уақытта жасөспірімдердің ойын-сауық мекемелерінде заңды өкілдерінің еріп жүруінсіз және тұрғын - жайдан тыс жерлерде болған жасөспірімдерді анықтау бағытында &nbsp;рейдтік іс-шаралар ұйымдастырды.&nbsp;Атап айтқанда, есепті мерзімде ІІО-на қадағалаусыз, қараусыз, қаңғыбастыққа салынып жүрген, әр түрлі құқық бұзушылық деректері бойынша &nbsp;7 ай қорытындысымен жалпы 3227 әкімшілік хаттама толтырылды.Кәмелетке толмағандарды бейімдеу орталығына 201 кәмелетке толмағандар тапсырылған.ҚР ӘҚБтК-нің 127 - бабы, яғни ата-ананың немесе басқа да заңды өкілдердің балаларды тәрбиелеу және оқыту жөніндегі міндеттерді орындамаған 50 азаматқа сот құзырымен әкімшілік шаралар көрілді.Түнгі уақытта 23.00-ден кейін заңды өкілінсіз тұрғын жайдан тыс жерде болған 2058, жасөспірім анықталып, &nbsp;олардың заңды өкілдеріне тиісті әкімшілік шара көрілсе, кәмелетке толмағандардың түнгі уақытта ойын-сауық мекемелерінде болуына жол бергені үшін 74 құжат әкімшілік сотқа жолданып, &nbsp;сот құзырымен тиісті шара көрілді.Ортақ пайдаланылатын орындарды ластау үшін ҚР ӘҚБтК-нің 434-2 бабымен 682 әкімшілік хаттама рәсімделді. &nbsp; &nbsp; &nbsp; &nbsp; &nbsp;​ Сонымен қатар, балалардың тәрбиесімен айналыспай, ата-аналық міндеттерін дәлелсіз себептермен орындамайтын 3 ата-ана сот құзырымен ата-аналық құқығынан шектелсе, 3 ата-ана сот құзырымен ата-аналық құқығынан айрылды.1 жасөспірім Абай облысы, Көкпекті ауданы, Үлкен Бөген ауылында орналасқан «Абай облысының ерекше режимде ұстайтын арнайы мектеп – интернаты» коммуналдық мемлекеттік &nbsp;мекемесіне (бір) жыл мерзімге орналастырылды. &nbsp;Қызылорда қаласы көлемінде жасөспірімдер арасында қылмыс пен құқық бұзушылықтың және жасөспірімдерге қарсы жасалатын қылмыстардың алдын-алу, заңмен тыйым &nbsp;салынған уақыттан кейін қоғамдық орындар мен көшеде, ойын-сауық орындарында бей-берекет жүретін кәмелетке толмағандарға &nbsp;әкімшілік шаралар қолданылуда. Сондай-ақ, кәмелетке толмағандарды құқық бұзушылық пен қылмыс жасауға итермелейтін ересек адамдарды анықтау, полиция органдарының профилактикалық және тізімдік есебінде тұратын кәмелетке толмағандар мен қолайсыз отбасыларын тұрғылықты мекен-жайларынан тексеріп, олармен профилактикалық бағытта жұмыстар жүргізу мақсатында 5 жедел профилактикалық іс-шара өткізілді.​Әрбір ата-ананың назарына, кәмелет жасына жетпеген балаларын қараусыз қалдырмауды, бала тәрбиесімен тұрақты түрде айналысуды ескертеміз. Сондықтан ата-аналар өз балаңыздың өміріне жауапты екеніңізді ұмытпаңыз.

Қызылордада 3 ата-ана құқығынан айырылды

<a href="https://kyzylorda-news.kz/">Kyzylorda-news.kz.</a> 12 тамыз - Халықаралық жастар күні аясында Қалалық Қоғамдық Даму Бөлімінің Qosyl Qyzylorda Jastar Ortalygy мен облыстық “Еңбек мобильділігі орталығы” КММ-нің Қызылорда қаласы бойынша филиалы “Мансап” орталығы “Мүмкіндіктер алаңы” жобасы аясында бос жұмыс орындарының жәрмеңкесін өткізді.”ARAY CITY MALL” сауда үйінің алдында өткен жұмыссыз азаматтарға арналған шараға 20 мекемеден 172 бос жұмыс орындары ұсынылды.Шараға 200-ге жуық қала тұрғындары қатысып, жұмыс беруішлердегі бос жұмыс орындары бойынша әңгімелесу жұмыстары жүргізілді. Жәрмеңке барысында 35 азаматқа бос жұмыс орындарына орналасуға жолдамалар берілді.

Бос жұмыс орындарының жәрмеңкесі өтті

<a href="https://kyzylorda-news.kz/">Kyzylorda-news.kz.</a> Жылу маусымында тұрғындарды қатты отын қорымен қамтамасыз ету мақсатында тамыз айының бірінен бастап қала әкімдігімен көмір тасымалдаушы жеке кәсіпкерлер «KHAS COM» және «Қарымсақовпен» меморандум жасалынды.Қызылорда қаласына қажет етілетін қатты отын көлемі шамамен&nbsp; 85 000 тоннаны құрайды. Алайда, қала аумағындағы көмір тасымалдаушы жеке кәсіпкерлер &nbsp;бұл мөлшерді артығымен, яғни жылу беру маусымы кезеңінде барлығы 90 000 тонна көмір әкелуді жоспарлап отыр. &nbsp;Қазіргі уақытта, «KHAS COM» жеке кәсіпкерлігінде 265 вагон, яғни 18 285 тонна «Шұбаркөл» көмірінің қоры бар. Ал, «Қарымсақов» жеке кәсіпкерінде 1 вагон 69 тонна көмір қор бар.Көмір отынын &nbsp;тапшылығын болдырмау мақсатында қала әкімдігі тарапынан тұрақты түрде қадағалау жұмыстары жүргізілуде.

Қоймада көмір қоры жеткілікті

<a href="https://kyzylorda-news.kz/">Kyzylorda-news.kz.</a> «AMANAT» партиясы жанындағы «Экономика, кәсіпкерлік және аграрлық сектор мәселелері жөніндегі аймақтық кеңесі отырысы өтіп, онда аймақтың Сайлауалды бағдарламасының Жол картасында көрсетілген &nbsp;өнеркәсіп пен кәсіпкерліктің даму бағыты бойынша біршама мәселелер қаралып, талқыланды.Жиынға аймақтық кеңес төрағасы Б,Махашов, облыстық &nbsp;кәсіпкерлік және өнеркәсіп басқармасы, ауыл шаруашылық және жер қатынастары басқармалары, «Байқоңыр» әлеуметтік-кәсіпкерлік корпорациясы» акционерлік қоғамы мен өңірлік кәсіпкерлер палатасының басшылары және кеңес мүшелері қатыстырылды.Отырыстың күн тәртібіне сәйкес аймақтық &nbsp;Жол картада көрсетілген индикаторлардың &nbsp;бүгінгі күнге дейін орындалуы, кәсіпкерлік саласындағы өзекті мәселелер жайлы ұсыныстар және &nbsp;"Ауыл аманаты" партиялық жобасының іске асырылу барысы қаралды.Мәжілісте көтерілген мәселелерге сәйкес тиісті сала өкілдері хабарламалар жасап, кеңес мүшелері тарапынан түскен сауалдарға жауап берді. Сондай-ақ кеңес отырысына қатысушылар тарапынан ұсыныстар айтылып, хаттамаға енгізілді.

Қазақстан және Қызылорда облысының жаңалықтары