<a href="https://kyzylorda-news.kz/">Kyzylorda-news.kz.</a> Кезекті оқу жылын аяқтаған балалар жазғы демалысқа шықты. Бірі ата-әжесінің ауылына барып аунап-қунап қайтуға асықса, енді бірі басқа қалаға қыдырады. Тынығу лагерьлерінің ашылуын күтетін оқушылар да жоқ емес.Еліміз бойынша 12 мыңға жуық лагерь, оның ішінде 11 мыңнан астам мектеп жанындағы лагерь, 236-ға жуық қала сыртындағы сауықтыру лагерін ашу жоспарланған. Онда 1 млн 600 мыңнан астам бала демалады. Ал биыл облыс бойынша 10 лагерь жұмыс жасайды. Оның ішінде 7 лагерь мемлекеттік, ал қалған 3-уі жеке.Маусымның 2-нен бастап салтанатты түрде жұмысын бастайтын лагерьлерде 7 ауысымда 8890 бала тынықпақ. Сонымен қатар, мектептердің барлығындағы күндізгі тынығу лагеріне 98 мыңға жуық оқушы қамтылады. Бірінші кезекте ата-анасының қамқорлығынсыз қалған, көпбалалы және аз қамтылған отбасылардан шыққан балалар барады.&nbsp; Бұдан басқа 1326 бала «Қазгермұнай», «Қазатомпром», «РЗА» ЖШС, «СКЗ-U», «Гежуба цемент заводы», «Қызылкұм» ЖШС, «Таң ЛТД» ЖШС, «Тілеп» ЖШС басқа да жергілікті меценаттар мен кәсіпкерлердің демеушілігімен облыстан тыс жердегі лагерьлерде демалады. ҚР Оқу-ағарту министрлігі «Қазақстан халқына» қоғамдық қорымен бірлесіп дарынды ауыл балаларының интеллектуалдық, шығармашылық қабілетін жетілдіру және қолдау көрсету үшін биылғы жаз мезгілінде «Жаздық жолдама» әлеуметтік жобасымен облысқа 600 орынға квота бөлген. Алматы қаласындағы «Спутник» балалар сауықтыру лагерінде 320, Жаңақорған ауданындағы облыстық олимпиадалар және қосымша білім беру орталығында 280 оқушы демалады.Жазғы тынығу кезеңінде оқушыларға Сыр өңірінің тарихи орындарына және Астана, &nbsp;Байқоңыр ғарыш айлағы, Шымкент (Ақмешіт &nbsp;үңгірі, Қазығұрт, Домалақ Ана) Тараз, (Айша бибі, Қарахан кесенесі) Сауран, Сығанақ қалашығы мен Түркістан облысының киелі жерлеріне (Отырар,Арыстанбаб кесенесі, Қожа Ахмет Ясауи, Гаухар ана кесенесі), Қорқыт ата ескерткіш, экскурсиялар мен арнайы турлар ұйымдастырылады. Музейлерге 17 300 бала саяхаттайды.Балалардың денсаулығы мен қауіпсіздігі бірінші орында тұратыны белгілі. Денсаулық сақтау министрі Ажар Ғиният санитариялық-эпидемиологиялық қорытындысы жоқ қала сыртындағы лагерлерге бала қабылдауға рұқсат берілмейтінін &nbsp;ескертті.<blockquote>&nbsp;Қала сыртындағы лагерлер санитариялық-эпидемиологиялық талаптарға сәйкестігін растайтын қорытынды алуға міндетті. Тамақ дайындау және тамақтану шарттары мен қауіпсіздігі, су қоймалары мен бассейндерді қоса алғанда, тұру және демалу жағдайлары, ауызсу қауіпсіздігі тексеріледі. Аумақ пен үй-жайлар кеміргіштерге, жәндіктерге, кене және қансорғыштарға қарсы тазартылуы керек. Жазғы лагерьді таңдау кезінде ата-ананың әрекеттері аса маңызды. Министрліктің, сондай-ақ Санитариялық-эпидемиологиялық бақылау комитетінің және оның аумақтық департаменттерінің сайттарындағы қорытынды алған қала сыртындағы лагерлер туралы ақпаратты пайдалануды ұсынамыз. Сұрақтар туындаған жағдайда жедел желі телефонына хабарласуға болады. Қала маңындағы лагерлерде 400-ге жуық медицина қызметкері медициналық көмек көрсетеді, – деді министр.</blockquote>Жазғы демалыста баланың бос уақытын тиімді ұйымдастыруда тиісті мекемелер де қарап қалмайды. Түрлі танымдық және спорттық шаралардан бөлек, үйірмелер жыл бойы жұмыс істейді. Облыстық мәдениет басқармасының берген мәліметтерінше, кішкентайлардың сүйікті мерекесі қызықты кештерге толы болмақ. Айталық, Н.Бекежанов атындағы қазақ академиялық музыкалық драма театрының «Нартай бүлдіршіндері» қуыршақ тобы мен облыстық филармонияның «Әдемі» балалар музыкалық студиясы балаларға арналған спектакльдерді жас көрермендерге ұсынуды жоспарлауда. Сонымен бірге облыстық филармония маусым айында «Жарқын жұма» қайырымдылық жобасын жүзеге асырады. Әр жұма сайын балалар қала мектептерінің күндізгі лагерінде демалатын тұрмысы төмен отбасының, ата-анасының қамқорлығынсыз қалған және мүмкіндігі шектеулі балаларға тегін қойылымдар қояды. Облыс музейлерінде маусым-тамыз айларындағы әр аптаның бейсенбісінде балаларға арналған «Ашық есік» күні жарияланып, «Туған жер – тұнған тарих» тақырыбында тегін экскурсиялар жүргізіледі.Маусым айында аймақ басшысының қолдауымен облыс әкімінің жүлдесіне «Айтыс олимпиадасы» облыстық балалар айтысы өткізіледі. Жалпы облыс мәдениет үйлері мен клубтарында 583 бала мен жасөспірімдерге арналған үйірме жұмыс жасайды, оған 7093 бала қамтылған.Ал облыс кітапханалары «Жазғы кітапхана» жобасын жүзеге асырмақ. Ә.Тәжібаев атындағы облыстық әмбебап ғылыми кітапханасы жанында балалар үшін жұмыс жасайтын сурет салу, «Ісмер» қолөнер, «Еркетай» балалар алаңы, «Алақай» қуыршақ театры үйірмелеріне қатысу тегін ұйымдастырылуда. Сурет салу үйірмесінде сурет салуды, әйнекке құммен сурет салуды, мүсін жасауды үйретеді. Аптасына 2 рет сурет салу мен мүсіндеуге, 2 рет қолөнер бұйымдарын жасауға арналады. «Ісмер» қолөнер үйірмесінде балаларды қағазбен, бисермен, тоқыма, фетра қағазбен жұмыс істеуге үйретеді. «Еркетай» ойын алаңында кітап оқуға келген әрбір бүлдіршінді бір мезгіл сергітіп, ойнауына жағдай жасалған.Облыстық тарихи-өлкетану музейі жанында мектеп жасындағы балалар мен жасөспірімдерге рухани тәрбие беру, өнерге баулу, шығармашылығын дамыту &nbsp;мақсатында «Мирас» жас экскурсоводтар үйірмесі, «Жас өлкетанушы» үйірмесі, С. Айтбаев атындағы көркемсурет галереясында «ИЗО студия» сурет салу үйірмесі, Ғ.Мұратбаевтың мемориалдық музейінде «Музейдегі туған күн» жобасы, аудандық филиалдарда «Жас тарихшылар» үйірмесі жұмыс жасайды. &nbsp;

Биыл 12 мыңға жуық лагерь жұмыс істейді

<a href="https://kyzylorda-news.kz/">Kyzylorda-news.kz.</a> Шиелі аудандық мәслихат төрағасымен жүздесіп, әңгімелесуге ықылас білдірдік. Бұл сұхбат алдын ала дайындықсыз еркін форматта өтті. Кейіпкеріміз ашық диалогқа дайын екенін аңғартты.– Айтбай Насриддинұлы, жасыратыны жоқ, кейде мәслихат депутатымен, сала басшыларымен жүздесу үшін бірнеше «баспалдақты» басып, бітпейтін бюрократияны бастан кешеміз. Сізбен кездесудің бір ерекшелігі – кабинетіңізге ашық жол таба алғандығымыз. Жалпы бүгінгі күннің депутаты қандай болуы керек?– Мемлекет басшысы Қасым-Жомарт Тоқаев тілге тиек еткендей «Халық үніне құлақ асатын мемлекет» болу үшін азаматтармен тығыз қарым-қатынас орнатуды, бәріне ашық болуды құп көретіндердің бірімін. Сол себепті мен сұхбат беруден, ашық әңгімеден бас тартпаймын. Еліміздегі демократиялық құндылықтардың, қоғамды толғандыратын мәселелердің дер кезінде шешімін тауып, жүзеге асуы жергілікті жерде сайланған депутаттардың құзыретімен тығыз байланысты. Бұл қызметтің өзгермейтін ұстанымы – халыққа, туған елге адал қызмет етіп, өзіңе сенім артқан сайлаушының үмітін ақтау. Халық қалаулылары аты айтып тұрғандай, әлеуметпен тығыз байланыста болып, олардың сұранысы мен мұқтаждарын зерттеп, мәслихатта ұсыныстар енгізіп, шешу жолдарын таба алу қажет.– 19 наурызда елімізде Мәжіліс және мәслихат депутаттарының кезектен тыс сайлауы өтті. Аудандық мәслихат депутаттарының мандат алғанына да 3 айдың жүзі болды. Осы аралықта қандай тындырымды тірліктер атқарылды?– Аудандық мәслихаттың VІІІ шақырылымы өз жұмысын 2023 жылдың 30 наурызынан бастады. Заңдылыққа сәйкес шақырылған 1 сессияда ұйымдастыру мәселелері қаралып, мәслихат төрағасын, тұрақты комиссиялар құрамы мен төрағаларын сайлады. Депуттар өздері сайланған округтерде халықпен танысу жұмыстарын жүргізіп, сайлаушыларды қабылдау орындары мен уақыт кестесі ресми сайтқа жүктеліп, жариялы жұмыс атқаруды бастады. Жаңа құрамның құрылғанына көп болмаса да жұмыс қарқыны жаман емес.– Орайы келгенде сұрай кеткен жөн, дауысқа түскен депуттардың қаншасы партиямен келді? Мажоритарлы жүйе бойынша ше?– Қазіргі сайлаудың бірден-бір ерекшелігі – аралас сайлау жүйесі бойынша өткізіліп, ұйымдастырылу. Бір мандат арқылы сайлануға кез келген тұлға Қазақстан Заңына сәйкес талаптар бойынша үміткер ретінде қатысуға мүмкіндік алды. Мәжіліс деңгейінде 30 процент болса, облыс деңгейінде 50-50, ал аудан, қала деңгейінде 100 процент мажоритарлық жүйемен сайланады. Біздің аудан бойынша 15 депутат 100 процент мажоритарлық жүйемен сайланды. Осы 15 депутаттың 13-і «Аманат» партиясының, қалған екеуі «Ауыл» партиясының мүшесі.– Жалпы биылғы мәслихат құрамының бұған дейінгі шақырылымдардан өзгеше тұсы бар ма?– Алдыңғы VII шақырылым депутаттары партиялық тізіммен сайланса, VIII шақырылған аудандық мәслихаттың депутаттық корпусы жоғарыда айтқанымдай халық сайлаған. Жаңа құрам сенім үдесінен шығуға әзір. Барлық депутаттардың белсенділігі жоғары, мәслихатқа келіп түскен, әрбір мәселеге жіті қарап, жүйелі жұмысты атқаруда. 15 депутат түгел жоғары білімді. Депутаттар мұғалім, экономист, инженер, энергетик, технолог, дәрігер, ауыл шаруашылық саласы бойынша жұмыс істейтін, өз ісінің білікті мамандары. Аудандық мәслихаттың әрбір депутатының өзіндік ұстанымы, тұғыр-тұлғасы, мемлекетте және төңіректе болып жатқан құбылыстарға көзқарасы, болжамы мен пайымы бар. Депуттар сайлаушыларды қабылдап, олармен кездесулер өткізіп, толғандыратын ортақ маңызды мәселелерді талқылап, ұсыныстар мен шағымдарды тиісті органдарға жолдап, уақытылы орындалуын бақылау жасауды назардан тыс қалдырмайды. Бұл – басты мақсат. Қазір мәслихат жұмысында халықпен бірлесіп атқаратын шаруалар ауқымы кеңеюде. Игілікті істердің жүзеге асуы арқасында депутаттардың да мәртебесі көтеріледі деген ойдамын. Олардың белсенділігін, біліктілігін анықтайтын – халық. Сондықтан халық аманатын орындау жолында бар күш-жігерімізді сарп етіп, аянбай жұмыс істей береміз.– Әр сессия алдында тұрақты комиссиялардың бірлескен отырысы өтеді. Бүгінде аудандық мәслихат құрамында қанша тұрақты комиссия бар? Олардың жұмысында қай бағытқа басымдық берілген?– Заңдылыққа сәйкес шақырылған аудандық мәслихаттың әлеуметтік және экономикалық мәселелер жөніндегі тұрақты комиссиясының құрамы құрылып, төрағалары бекітіліп, өз жұмыстарын атқаруда. Қазіргі таңда мәслихат депутаттары, Қоғамдық кеңес мүшелері, баспасөз өкілінен келісіммен уақытша екі комиссия құрылған. Олардың біреуі кезекті 3 сессияда өткізілген ауданның, кент, 22 ауылдық округтің 2022 жылға бюджеттерінің атқарылуы мен Керделі ауыл әкімінің есебі шешімінің жобасын дайындаса, екінші уақытша комиссия алдағы болатын кезекті сессияға ұсынылған мәселе «ҚР сәулет, қала құрылы және құрылыс қызметі туралы» ҚР Заңына сәйкес Шиелі ауданы аумағында құрылыс салу тәртібі, жүргізіліп жатқан құрылыстар, объектілердің сапасы және архитектуралық келбетін жақсартудың жайы және елді мекендерді абаттандыру туралы 2021 жылғы 13 тамызда қабылданған аудандық мәслихаттың №10/4 шешімінің орындалу барысымен жұмыс істеуде.– Күні бүгінге дейін қанша кезектен тыс сессия өтті? Нендей мәселелер көтеріліп жатыр?– Есепті мерзім ішінде аудандық мәслихаттың кезекті 2, кезектен тыс 1 сессиясы өткізілді. Барлығы 65 өзекті мәселені анықтады. Сессиясының алғашқы мәселелері «2023-2025 жылдарға арналған аудандық бюджет туралы» шешіміне өзгерістер мен толықтырулар енгізу, аудандық мәслихаттың Регламенті бекітіліп, жұмыс жоспарына өзгеріс жасалып, әлеуметтік және жер комиссиясының құрамын бекіту болды. Кезекті сессияда 2022 жылғы аудандық бюджет және кент, 22 ауылдық округтердің бюджеттерінің атқарылуы мен Керделі ауыл әкімінің есебі тыңдалды.– Қазір қоғам, заман, уақыт та өзгеруде. Әсіресе әлеуметтік желінің қарыштап тұрған кезі. Бүгінде аудандық мәслихат депутаттарының белсенділігіне берер бағаңыз қандай?– Белсенділігі жоғары. Мәселен, өзімнің де әлеуметтік желіде парақшам бар. Аудандық мәслихат аппаратының да парақшасы бар. Тұрақты түрде жүргізіліп отырады. Біз ол жерде атқарылып жатқан ілкімді істерді жариялап, халықтың пікіріне құлақ асып, сәйкесінше саралап отырамыз.– Бұдан бөлек баспасөзпен жұмыс істеу деңгейі қалай жүріп жатыр?– Өз басым мен БАҚ өкілдерін қолдаймын, құрметтеймін. Оның бірден-бір дәлелі – мына сізбен ашық әңгіме алаңында отырғаным. Әр кезеңде де өз сайлаушыларының мүдделерін іске асыру мақсатында көтерілген көп мәселелердің орындалуы алдағы уақыттың еншісінде. Жетістіктер мен атқарылған істер туралы баспасөз беттеріне жарияланып, халықтың хабардар болып отырғаны өте орынды іс. Баспасөз бен әлеуметтік желілерді ашықтық пен бүкпесіз жариялылық позициясын қолдап, жұмысты әрі қарай жалғастыра береміз.– Әңгімеңізге рақмет!

Айтбай Жандабеков: Жаңа құрам сенім үдесінен шығуға әзір

Шаруасы шираған Аманкелді ауылы

<a href="https://kyzylorda-news.kz/">Kyzylorda-news.kz.</a> Жақында ғана Қызылорда облысының «Жас құтқарушы» клубтарының (үйірме) арасында облыстық слет өткізілді. Аталған слетке қала және аудандар арасында өткен сайыста үздік шыққан командалар қатысты.&nbsp;Слет қорытындысы бойынша Жаңақорған ауданы білім бөліміне қарасты №167 орта мектептің оқушылары 3 орынды иеленді.Осы орайда бүгін слет жүлдегерлері дипломмен, медальдармен және бөлім бастығының Алғыс хаттарымен, бағалы сыйлықтармен марапатталды.Сонымен қатар жазғы демалыс күндері суға шомылу маусымы кезінде судағы қауіпсіздік ережелерін қатаң сақтау мақсатында үгіт-насихат жұмыстары жүргізілді.Сонымен қатар, бүгін тағы бір оқу жылы аяқталып, мектеп бітірушілер мен оқу жылын аяқтаған балалар үшін «Соңғы қоңырау» соғылуда.Жаңақорған ауданының әкімі Мұрат Жолкелдіұлы Тілеуімбетов кент орталығындағы №286 орта мектебінде болып, 1 маусым - Халықаралық балаларды қорғау мерекесі күні «Сыңғырла, соңғы қоңырау» атты шараның куәсі болды.Аудан әкімі ұстаздар мен оқушыларды, ата-аналарды соңғы қоңырау мерекесімен құттықтай отырып түлектерге алдағы ҰБТ сынағынан сүрінбей өтіп жоғары деңгейден көріне берулеріне тілектес екендігін жеткізді. Сонымен қатар, бұл күн оқушыларға ғана емес, олардың ата-аналарына, сонымен бірге бір жылдық қажырлы еңбекті қорытындылайтын мұғалімдер үшін де үлкен мереке екендігін атап өтті. Қымбатты да, қадірлі ұстаздар қауымын осынау ауыртпашылығы мен жауапкершілігі мол кәсіпті атқарып жүргендеріңізге алғысын білдірді.<figure class="image"><img src="https://knadmin.beoblood.kz/uploads/350792799_627713892611852_7967663642674097223_n_3fc1566104.jpg" alt="350792799_627713892611852_7967663642674097223_n.jpg"></figure>

Жаңақорғанда жас құтқарушылар марапатталды

<a href="https://kyzylorda-news.kz/">Kyzylorda-news.kz.</a> Балалар мерекесі қарсаңында Жалағаш ауданының әкімі Асқарбек Темірбекұлы ардагерлермен бірге тірек-қозғалыс аппараты бұзылған ерекше жағдайдағы балаларға арналған күндізгі стационар орталығының лентасын қиып, жаңадан ашылған орталық қызметін пайдаланушы балалармен пікір алмасты.Ата-аналарға орталықта балалар үшін қолайлы жағдайлар жасалғанын жеткізіп, бүлдіршіндердің сауығып кетуіне тілектес екенін айтты. Орталық 1,5 жастан 18 жасқа дейінгі балаларға қызмет көрсетеді.Жас түлектерге артар сенім молБиыл алғаш рет 1 маусымда еліміздің барлық оқушылары Халықаралық балаларды қорғау күнімен қатар соңғы қоңырау мерекесін атап өтуде. Бүгін аудан әкімі Асқарбек Темірбекұлы Ш.Ермағанбетова атындағы №246 орта мектептің соңғы қоңырау салтанатына қатысып, мектеп түлектеріне сәттілік тіледі. Аудан әкімі білім бәйгесінде оқушыларымыздың жыл сайын үздіктер қатарынан түспей келе жатқанын сөзге тиек етіп, осы жылы да сенім үдесінен шығатынына сенім білдірді. Ш. Ермағанбетова атындағы №246 орта мектепте 400 оқушы білім алуда. 2023 жылы 19 оқушы мектеп түлегі атанды.<img src="https://knadmin.beoblood.kz/uploads/350794493_205490795728113_493507738599025311_n_439b7e7a43.jpg" alt="350794493_205490795728113_493507738599025311_n.jpg">656 оқушыға жазғы тынығу лагеріне жолдама берілдіАудан әкімі Асқарбек Темірбекұлының қатысуымен 1 маусым - Халықаралық балаларды қорғау күніне арналған мерекелік шара өтті.Алдымен Асқарбек Темірбекұлы орталық алаңда бүлдіршіндердің қолөнер көрмесімен танысып, ғылым мен білімге бағыт алған жас ғалымдардың жобаларын тыңдады. Балық балаларға аудан әкімі өзінің жүрек жарды ақтілегін білдірді.Сондай-ақ, мерекелік концертте аудан тұрғындарын 1 маусым - Халықаралық балаларды қорғау күнімен құттықтап, 656 оқушыға жазғы тынығу легерлеріне жолдама берді.<blockquote>«Бала әрбір ата-ананың бақыты. Осы бүлдіршіндеріміз сапалы білім алып, еркін өмір сүруі үшін біздер еңбектенеміз. Балалар үшін мықты болып, балалар үшін ерлікке барамыз. Себебі ертеңгі елдің егелері, болашағы осы сәбилеріміз», - деді аудан әкімі.</blockquote><img src="https://knadmin.beoblood.kz/uploads/350321958_749658870283800_8098994479412420948_n_03b4fb6a76.jpg" alt="350321958_749658870283800_8098994479412420948_n.jpg">

Жалағашта ерекше балаларға арналған оңалту орталығы ашылды

<a href="https://kyzylorda-news.kz/">Kyzylorda-news.kz.</a> 4 маусым – ҚР Мемлекеттік рәміздер күні қарсаңында Жастар орталығының ұйымдастыруымен «Мемлекеттік рәміздер — ұлт мақтанышы» атты патриоттық шарасы өтті.&nbsp;Жастардың бойында патриоттық тәрбиені сіңіріп, отансүйгіштікке баулу, ұлттық нақыштарды дәріптеп, мемлекеттік рәміздерге құрмет көрсету мақсатында ұйымдастырылған шара Мемлекеттік Тудың ортаға келу рәсімімен басталды. «Жас сарбаз» жастар мен жасөспірімдер ұйымының тәрбиеленушілері саптық шеру жасап, шара қатысушылары мемлекеттік әнұранды бірге орындады.&nbsp;Шараға арнайы қатысқан қоғамдық даму басқармасының басшысы Алмасбек Есмаханов жалынды жастарды, кеш қонақтарын айтулы мерекемен құттықтап, көрме жұмысына сәттілік тіледі.&nbsp;Жиында сөз алған кәсіпкерлік және өнеркәсіп басқармасының басшысы Ансат Исатай жас кәсіпкерлердің бастамасына қолдау білдіріп, жұмысын жандандыруға бағыт-бағдар берді. Алдағы уақытта бірлесе жұмыс жасауға шақырыр, қолдау білдіретінін жеткізді.&nbsp;Жергілікті жас кәсіпкерлер өздері қолдан жасаған ұлттық нақыштағы қолөнер бұйымдарын көрермен назарына ұсынып, оң бағасын алды. Патриоттық шараға бірқатар басқарма басшылары, қоғам белсенділері, азаматтық қоғам өкілдері мен жалынды жастар қатысып, мазмұнды шараның мәнін айшықтай түсті.&nbsp;Шараға арнайы қатысқан облыстық «Атамекен» кәсіпкерлер палатасының директоры Пірмұхаммед Айтбайұлы кәсібін енді бастаған жастарға мемлекеттік бағдарламалар мен қолдаулар жөнінде жан-жақты мағлұмат беріп, кәсіп бастауға арналған субсидия мен жеңілдетілген несие, мемлекеттік қайтарымсыз гранттарға тоқталып өтті.&nbsp;Сонымен қатар, шараға қонақ болған Әйелдер істері және отбасылық демографиялық саясат жөніндегі облыстық комиссия хатшысы, облыс әкімі аппаратының бас инспекторы Қаламқас Каримова, облыстық маслихат депутаты, «Сыр елі облыстық әйелдер кеңесі» ҮЕҰ-ның төрайымы Райкүл Байназарова, Қызылорда облысының және «Ақмешіт-Сырдария» мешітінің бас имамы Болатбек Абуов және бірқатар қоғам белсенділері жас кәсіпкерлердің жұмысына сәттілік тілеп, қазақы құндылықтарды, ұлттық нақыштарды дәріптеп жүрген жастарға жұмыстарының жандана беруін тіледі.&nbsp;Шара барысында ҚР Төтенше жағдайлар министрлігінің ардагері Ғани Байменов бейбіт заман мен жарқын болашақта, елдік пен еркіндікте өмір сүріп жатқан жастарға ақ батасын беріп, барлық бастамалардың оң болуын тіледі.

Қызылорда: Мемлекеттік рәміздер — ұлт мақтанышы

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаев бүгінде қарқынды дамып келе жатқан Шиелі ауданында жұмыс сапарымен болды.Өңір экономикасында өсім барАлдымен облыс әкімінің төрағалығымен аудан әкімдігінде Шиелі ауданының әлеуметтік-экономикалық дамуы жөніндегі кеңейтілген мәжіліс өтті. Онда ауданға қарасты кент және ауылдық округтердің әлеуметтік-экономикалық ахуалы мен алдағы даму жоспарлары қаралды. Оған барлық құқық қорғау органдарының басшылары, облыстық басқармалар мен аудандық бөлiм басшылары, ауылдық округ әкiмдерi қатысты.Ауданда ауыл шаруашылығы, өнім өңдеу, кәсіпкерлік, т.б салалардың дамуына жағдай оңтайландырылған.<blockquote>«2022 жылдың қорытындысымен аудандар мен Қызылорда қаласы бөлінісіндегі негізгі макроэкономикалық көрсеткіштер рейтингінде Шиелі ауданы 3-ші орынға тұрақтап, дамудың оң көрсеткішін көрсетті. Өнеркәсіп кәсіпорындары 69,3 млрд теңгенің өнімін өндіріп, 2021 жылмен салыстырғанда 14,7 процентке артқан. Негізгі капиталға салынған инвестициялар көлемі 36,1 млрд теңге болды. Бұл 2021 жылмен салыстырғанда 176,3 процентті құрады. Биылғы қаңтар-сәуір айларында 21,2 млрд теңгенің өнімі өндіріліп, 9,4 млрд теңге инвестиция салынған», – деді аймақ басшысы.</blockquote>Мәжілісте аудан әкімі Нұржан Ахатов жыл басынан бері атқарылған жұмыстар мен алдағы жоспарлар туралы баяндады. Аудан әкімі әлеуметтік саланы дамытуға, экономикалық өсуді қамтамасыз етуге, әлеуметтік мәселелерді шешуге бағытталған жұмыстар қарқынды жүргізіліп, нәтижесінде аудан экономикасында тұрақты өсім қалыптасқанын айтты.<blockquote>«Атап айтқанда, ауданымызда өнеркәсіп өнімдерін өндіру 102,1 процентке артып, 21,2 млрд теңгені құрады. Оның ішінде, өңдеу өнеркәсібі 102,9 процентке артып, 8 млрд 549 млн теңгенің өнімдері өндірілген. Негізгі капиталға тартылған инвестицияның көлемі 9,5 млрд теңгені құрап, 2,5 есеге артты. Ал 2023 жылдың 4 айында ауыл шаруашылығы саласы бойынша 3 млрд 995 млн теңгенің өнімі өндіріліп, тиісті кезеңімен салыстырғанда 101,5 процентке артты. Қазіргі таңда құрылыс жұмыстарының жүру қарқыны 8,9 есеге артып, көлемі 1,2 млрд теңгеге орындалған. Өздеріңізге хабардар еткендей, 2023 жылғы аудан бюджеті 10 млрд 754 млн теңге болып бекітілген болатын. Дегенмен де бізді қуантатыны нақтыланған аудан бюджеті жыл басында бекітілген бюджетпен салыстырғанда 2 млрд 169 млн теңгеге ұлғайып, 12 млрд 923 млн теңгені құрап отыр. Тұрғындардың өзін-өзі азық-түлікпен қамтамасыз ету, азық-түлік тауарларының бағасын тұрақтандыру мақсатында биыл жоспардан тыс 1520 гектар қосымша жер дайындалып, 1390 отбасына үлестірілді. Оның ішінде 400 гектар жерге тамшылатып суару арқылы егілу жұмыстары жүргізілуде. «Ауыл Аманаты» бағдарламасын іске асыру мақсатында Өзіңіздің тапсырмаңызға сәйкес, аудан бойынша құны 3 млрд теңгені құрайтын 652 жоба әзірленіп, бүгінгі таңда құжаттары дайын 1,3 млрд теңгенің 318 жобасы ұсынылып отыр. Өткен жылдан бастап Мемлекет басшысының тапсырмасына сәйкес әзірленген Жалпыұлттық жобалар аясында, биыл ауданда 24,8 млрд теңгенің 5 ірі инвестициялық жобалары іске асырылуда. Нәтижесінде, құрылыс жұмыстарын жүргізу үшін уақытша 452 адам жұмысқа тартылып, жобалар толық іске қосылған кезде 320 адам тұрақты жұмыспен қамтылатын болады», – деді аудан басшысы.</blockquote>Ауылға қолдау қашанда қажетНұрлыбек Машбекұлы аудан әкіміне бірқатар міндеттер жүктеді. Жұмыстың негізгі бағыты халықтың тұрмыс-тіршілігін жақсартуға, өмір сүру сапасын арттыруға арналуы тиіс екенін жеткізді. «Ауыл – ел бесігі» бағдарламасы бастау алғалы Ақтоған ауылдық округіне қарасты Досбол би, Жиделіарық, Жөлек, Телікөл ауылдық округіне қарасты Тәжібаев елді мекендеріне мүлде қаржы қаралмапты. Ауылдық аумақтарды дамыту тұжырымдамасына сәйкес 2025 жылы спутникті ауылдарды қаржыландыру тоқтауы мүмкін.&nbsp;Жоғарыда аталған ауылдар спутникті және тіректі елді мекендер тізімінде бола тұра, мемлекеттің мүмкіндіктерін дер кезінде пайдаланбаған.«Ауыл аманаты» жобасына Алмалы, Қарғалы және Иіркөл ауылдық округтері ғана қатысқан. Аймақ басшысы мемлекеттік бағдарламалар мен ұлттық жобалардың ауылды дамыту мақсатын көздегенін, әр ауылдың мүмкіндіктері мен өркендеу жолы, түйткілді мәселелері үнемі бақылау мен қадағалауда екенін айтты. Елді мекендерге қаржы тартудың тиімді тетіктерін табу әкімдердің іскерлігі мен жұмыстың көзін таба білуіне байланысты.Аймақ басшысы ауылдық округ әкімдеріне өзіне жүктелген міндетке адал болуды, қарамағындағы ауылдың болашағына жанашырлық танытуды тапсырды. Жұмыс қарқынын бүгінгіден де күшейтіп, елді мекендерді дамытуға бағытталған тиімді жобаларды ұсыну қажеттігін еске салды. Мұнан бөлек, аудан әкімі Нұржан Ахатовқа экономиканың тірегі – кәсіпкерлікті қолдау, тұрғындар мен жастар арасындағы жұмыссыздықты азайту туралы тапсырмалар берілді. Кәсіп бастауға бастама көтерген азаматтардың әкімдік тарапынан қолдау табуы өте маңызды. Сондай-ақ жазғы демалыста балалардың қауіпсіздігін бақылау, қылмыс пен күрес назардан тыс қалмауы керек.Ендігі жерде жыл қорытындысымен төмен көрсеткіш көрсеткен ауыл әкімдеріне қатысты кадрлық шешім қабылданады. Тиісінше жоғары нәтижеге жеткен әкімдерге ынталандыру шаралары қарастырылады. Сондықтан әрбір әкім елді мекендегі жұмыссыздар санын азайтуға, жаңа жұмыс орындарын құруға, табыс көзін арттыруға баса мән беруі керек.Облыс әкімі аудандағы қылмыстардың ашылу деңгейі төмен екенін айтты. Осы көрсеткішті талдап, кейбір елді мекендердегі ахуалға қатысты тапсырмалар жүктеді. Қоғамдық және ардагерлер кеңестерінде жағдай жан-жақты талқыланып, әділ баға берілуі тиіс. Ауылдардағы қылмысты болдырмау және алдын алу үшін құқық қорғау органдарымен бірлескен жұмыстар үздіксіз жүргізілуі керек.Тұрғындар тілегіне құлақ түрдіОблыс әкімі жеке кездесуге бармас бұрын, Тағзым алаңында аудан ардагерлерімен дидарласты. Біраз мәселелердің басын қайырып, аудандық мәдениет үйіне қарай бет алды. Аймақ басшысының қабылдауына түрлі әлеуметтік санаттағы адамдар келді. Олардың қатарында басым көпшілігі көпбалалы аналар. Алыс елді мекендерден арнайы келген азаматтар да болды. Өтініштерді саралай келгенде, тұрғын үй, жұмысқа орналасу, денсаулық пен білім саласына қатысты мәселелерді көтерді.&nbsp;«Тек әкімге ғана айтамын» деп келген 50-ден астам тұрғынның өтінішін облыс әкімі мәселеге қатысты басқарма басшыларымен, салаға жауапты мамандармен бірге тыңдады. Жоғарыда айтқандай, олардың көпшілігі көпбалалы аналар. Оған мүгедектігі бар жандар және жұмыссыз жүрген азаматтарды қосыңыз. Аудан тұрғындарын алаңдатқан мәселе жоқ емес. Кездесуге келген көпшілік тұрғын үй алу жолдарын сұрап, денсаулық жағдайына байланысты медициналық көмекке мұқтаж екенін айтып, көкейтесті сауалдарын жолдады. Сәйкесінше облыс әкімі әлеуметтік мәселе көтерген тұрғындарға нақты жауап беріп, тиісті сала басшыларына тапсырма берді.Жеке қабылдауға келген зейнеткер, көпбалалы ана Бейбіт Жундабекова бір емес, бірнеше мәселені арқалай келген. Өзімен жеке тілдескенімізде кезінде үйінің өрт құшқанын айтып, ешкімнің көмек қолын созбағанын жеткізді. Әңгіме барысында байқағанымыздай тұрмысы төмен отбасыдан шыққан екен. «Кезінде әке-шешеммен 2 бөлмелі қоржын тамда тұрғанбыз» деп ашына айтты. Бүгінде немересі онкоголиялық дертпен ауырады. Осыған дейін 4 рет ота жасатыпты. Ішек құрылысының дұрыс болмауына байланысты жасанды ішекпен жүреді. Сонымен қатар 3 баласы екі қолға бір күрек таппай отыр. Б.Жундабекова білім саласына да көңілі толмайтынын жасырмады. Кейіпкеріміздің қызы 15 жыл ұстаздық жолында еңбек еткен. Заңға сәйкес еңбек демалысына шығып, өзге аймаққа көшкен. Соған байланысты еңбек айырысу ақысы мен «Зейнетақы қорындағы» ақшасын ала алмай келеді.&nbsp;<blockquote>«Облыстық білім басқармасының басшысы М.Шермағанбетке де шықтық, ол еңбек инспекторына барыңыз деп жөн сілтеді», – дейді кент тұрғыны.&nbsp;</blockquote>Осы мәселелер оң шешімін тапса деген ниетте. Келесіде өзін мазалаған мәселе бойынша көпбалалы ана Жадыра Көпебаева мүгедектігі бар баласын емдетуге қол ұшын беруді сұрай кірді. 23 жасар баласы диализге шалдыққан. Бар мақсаты – ұлын қалайда емдету. Оны айықтыру үшін біраз дәрігерге қаралған. Ең өкініштісі, аудандық аурухананың қызметіне де жүгінген. Бірақ еш нәтиже болмапты. Осының бір жолын тауып, баласының еміне шипа іздеп облыс әкіміне мұң-мұқтажын тікелей жолдады. Облыс әкімі көпбалалы ананың мұң-мұқтажын, жанайқайын тыңдай отырып, ақыл-кеңес берді. Әкім салаға жауапты мамандарға емнің не себепті оң нәтиже бермегенін бүге-шігесіне дейін анықтауды тапсырды.Айта кеткен жөн, бір топ аналар көтерген мәселелердің басым бөлігі денсаулық сақтау саласына байланысты болды. Соның ішінде емдеуге квота алу, кепілдік берілген тегін дәрі-дәрмекпен дер кезінде қамтамасыз ету, мүгедек балаларды оңалту орталықтарына жіберудегі туындайтын қиындықтар мәселелерін көтерді. Нұрлыбек Нәлібаев облыстық денсаулық сақтау басқармасы мен жұмыспен қамтуды үйлестіру және әлеуметтік бағдарламалар басшыларына айтылған әрбір мәселені жеке зерделеп, тиісті шешімдер қабылдауды тапсырды.Алдына келген әр тұрғынды байыппен тыңдап, пайымды жауабын берген, қажет жерінде кент және аудан әкімдеріне, басқарма басшыларына мәселені реттеуді тапсырған аймақ басшысына халық та риза болып тарқасты.

Әділдік – әкімнен, төрелік – халықтан

<a href="https://kyzylorda-news.kz/">Kyzylorda-news.kz.</a> 31 мамыр – ел тарихындағы ең азалы кезеңнің бірін еске алу күні. Осыған орай «Мәңгілік алау» мемориалды кешенінде саяси қуғын-сүргін және ашаршылық құрбандарын еске алуға арналған іс-шара өтті. Онда ауданда қуғын-сүргін құрбандарына арналған ескерткіштің лентасы қиылды.Берері мол іс-шара аудан өнерпаздарының театрландырылған көрінісінен басталды. Еліміздің біртуар азаматтарының айтылмай кеткен ойларын өлеңмен бейнелеген көрініс жиналған жұртшылыққа ерекше әсер қалдырды.&nbsp; Ескерткіш тақтаның ашылу рәсімінде алғашқы сөз аудан әкімі Жандос Еркінбекке беріліп, ол атаулы күннің мәні мен маңызына тоқталды.<blockquote>«Өткен ғасырдағы саяси қуғын-сүргін және ашаршылық мыңдаған, миллиондаған адамның тағдырына таңба салды. Бұл уақытта көршілес елдерден де біздің мекенге түрлі этнос өкілдері күштеп көшірілген болатын. Ал қазір еліміз бейбіт, тыныш кезеңде өмір сүріп жатыр. Біз тарихты ұмытпауымыз керек. Бұл құрбандардың арасында қаншама талантты жандар, біртуар ғалымдар, зиялыларымыз бар. Өткенімізді саралап, оларға әділ баға беру – біздің парызымыз», – деді аудан әкімі.</blockquote>Сондай-ақ, аудан басшысы игілікті істі қолға алып, халқымыздың тарихындағы қасіретті кезеңде жазықсыз жазаланған азаматтардың есімін тарих жадында мәңгі есте қалдыру мақсатында арнайы ескерткіштің орнатылуына үлес қосқан азаматтарға алғысын жеткізді.Ал осындай тағылымды дүниені жасап, архивті ақтарып, тарихты қозғап, өткенге құрмет білдірудің керемет үлгісін көрсеткен Мемлекет және қоғам қайраткері Бекмырза Еламанов және Қармақшы ауданының Құрметті азаматтары Молдахмет Меңлібайұлы мен Ясин Мәлікұлы ізгі лебіздерін білдіріп, естеліктерімен бөлісті. Өткеннен сыр шерткен қонақтар көздеріне жас алып, боздақтар рухына бас иді. Қатысушылар тарихтың қасіретті беттерін ұмытпау, Қазақстанның бостандығы мен тәуелсіздігі үшін қандай құрбандықтың болғанын біліп және есте сақтаудың қаншалықты маңызды екенін атап өтті.Сөз алушылардың барлығы дерлік &nbsp;енді бұдан былай зұлмат болмауын тіледі.Одан соң Саяси қуғын-сүргіннің құрбаны болған бабалар рухына &nbsp;құран бағышталып, Қармақшы елінің жұртшылығы атынан тағзым гүлі қойылып, бір минут үнсіздікпен еске алып, құрмет көрсетті.Аудан жыршылары тарихтың қиын кезеңдерін жырмен жеткізсе, аудан өнерпазы Айжан Қыдырбек «Заман-ай» әнімен қиын кезеңді әсерлі жеткізе білді. Іс-шараға қатысқан жандардың жүзінен өткен қасіретті күндерге, тағдырлы жылдарға, бабалар рухына деген шексіз құрметті көрдік. Ойнаған әрбір әуен де біраз жайттан хабар беріп, жүректерді елжіретті. 200-ден аса боздақтың есімі жазылған ескерткіш тақта – енді аудан төрінде. Өткенге құрметін ұмытпайтын ұлттың ұрпақтары алдағы уақытта да боздақтарын ұлықтай бермек.

Қармақшыда қуғын-сүргін құрбандарына арналған ескерткіш ашылды

<a href="https://kyzylorda-news.kz/">Kyzylorda-news.kz.</a>&nbsp; 1 маусым – Халықаралық балаларды қорғау күніне орай Ақжармадағы «Бүлдіршін» бөбекжай бала бақшасында мерекелік іс-шара өтті.Мерекеге орай аудандық мәслихаттың депутаты, «Ақжарма-2» шаруа қожалығының төрағасы Марат Бисенов балдырғандарға базарлық әкелді. Жыл сайын айтулы мерекені асыға күтетін балаларға бұл жолы ел ағасы керемет ойыншықтар мен тәттілер, балмұздақ пен сусындарды молынан әкелді. Сонымен қатар ерекше мультфильм кейіпкерлерінің костюмдерін сыйға тартты.Тәрбиешілер анниматорларға айналып, балаларға ертегі кейіпкерлері ретінде қонаққа келді. Қуаныштан балбұл жайнаған жүздерін көрген шаруашылық төрағасы балаларды ортаға алып, жылы лебізін білдірді.<blockquote>Айналайын, балалар, бүгінгі мерекелерің құтты болсын. Біздің болашағымыз өздеріңсіңдер. Сендердің осындай керемет жерде, бала бақшада тәрбие алып жатқаны қуантады. Тәрбиешілер өздеріңе тақпақ, ән айтуды, би билеуді үйретеді. Өнерлі болып өсіп, мектепке барасыңдар. Сендер қуансаңдар әлем қуанады. Шаттыққа толы, бақытты күндерің ұзағынан болсын. Біздер қолымыздан келгенше көмегімізді көрсетіп, мереке сайын жүздесуге келеміз, – деді аудандық мәслихат депутаты Марат Бисенов.</blockquote>Өз кезегінде бала бақша меңгерушісі Рабиға Баекеева ұжымның атынан алғысын айтып, шаруашылықтың жұмысына сәттілік, мол өнім тіледі.&nbsp;Айту керек, Ақжармадағы "Бүлдіршін" бөбекжай бала бақшасының негізі сонау 1975 жылы қаланған. Қазір мұнда 5 топта 120 бала тәрбиеленуде.«Ботақан», «Балбөбек», «Балдырған», «Балбұлақ», «Балдәурен» тобына біріккен бүлдіршіндерге 11 тәрбиеші, 1 әдіскер, 1 логопед, 1 психолог, 1 музыка жетекшісі мектепке дейінгі тәрбиемен қамтамасыз етуде.&nbsp;

Ақжармалық балаларға базарлық

<a href="https://kyzylorda-news.kz/">Kyzylorda-news.kz.</a> Өздеріңізге белгілі, биыл «Жайлы мектеп» пилоттық ұлттық жобасы аясында Қазалы ауданында 2 мектептің құрылысы басталады. Оның бірі Жанқожа батыр ауылындағы 300 орындық апаттық жағдайдағы №94 мектеп құрылыс болса, екіншісі Әйтеке би кенті мен қала арасындағы 600 орындық мектеп.Жуырда Ұлттық жобаға енгізілген мектептер құрылысының жер учаскелерін нақтылау және орналастыру мәселесі бойынша «Samruk-Kazyna Construction» АҚ Басқарма Төрағасының ұлттық жоба және Өңірлік даму жөніндегі орынбасары, Басқарма мүшесі Саттаров Амангелді Серікұлы, Ұлттық жоба және Өңірлік даму департаменті Құрылыс бөлімінің өңірлік жоба жетекшісі Қонақбаев Ерік Болатұлы мен Ұлттық жобаны іске асыру және Өңірлік даму департаменті Жобалау бөлімінің топ жетекшісі Хами Әнуарбек Орынбасарұлы Қазалы ауданында іс-сапарда болды.Олар білім ордалары бой көтеретін жер учаскелеріне барып, құрылыс жоспарымен танысты.Ел ертеңі – бүгінгі шәкірт. Олардың жайлы жерде, сапалы білім алуы қашанда маңызды. Осыны ескерген басшылық тарап «Жайлы мектеп» пилоттық ұлттық жобасын қолға алды. Алда шәкірттер жанға жайлы білім ордасының табалдырығын аттайтын күн алыс емес.

Қазалы: «Жайлы мектептің» жай-жапсарымен таныстырды

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданының әкімі Жандос Еркінбек 1 маусым – Халықаралық балаларды қорғау күніне орай салтанатты іс-шараға қатысып, балаларды құттықтады.<blockquote>«Бүгінгі жас ұрпақ – еліміздің ертеңгі күнге деген үміті. Балаларымыз лайықты тәрбие алсын, бос уақытын пайдалы өткізсін деген мақсатпен ауданда қаншама ауқымды шаралар атқарылып жатыр, болашақта да жалғасын таба бермек. Елдегі барлық игіліктер де жас буынның кемел келешегі үшін жасалады», – деді аудан басшысы.</blockquote>Сондай-ақ, аудан әкімі мерекелік іс-шара барысында Жосалы кентіндегі №183 мектепке және Төретам кентіндегі №269 мектепке 2 жаңа автобустың кілтін табыстады.Одан соң, орталық алаңда бүлдіршіндерге мерекелік көңіл-күй сыйлау үшін концерттік бағдарлама ұйымдастырылып, 1000-ға жуық балаларға балмұздақтар таратылып, ойын-сауық (батут) құралдары тегін қызмет көрсетті.Айта кеткен жөн, 1925 жылы Швейцарияның Женева қаласында өткен Балалардың денсаулығы мен бейбіт өмір сүруі туралы әлемдік конференцияда атаулы күннің негізі қаланды десе де болады. Неге басқа емес, дәл 1 маусым күнінің таңдалғандығы жайында нақты мәлімет жоқ. Деректердің бірі 1925 жылдың 1 маусым күні Қытайдың АҚШ-тағы бас консулы Сан-Франциско қаласында «Айдаһар - қайық фестивалін» тойлау үшін жетім балаларды жинаған екен деседі. Женевада өткен конференция да 1 маусымда өткен.Екінші дүниежүзілік соғыстың салдарынан жетім қалған балалардың жайын 1949 жылы Парижде өткен әйелдер конгресінде көтерді. Осыған орай, келесі жылы 1950 жылы 1 маусымда алғаш рет мереке ұйымдастырады. Жаңа бастаманы көптеген елдер қолдап, осы күнді балалар мерекесіне айналдырды. Енді бір ресми деректерде Балалар күні алғаш рет 1955 жылдың қазан айында Женевадағы ”Балалардың әл-ауқаты халықаралық бірлігі” ұйымының ықпалымен дүние жүзі бойынша аталып өтті делінеді. 1954 жылы 20 қарашада БҰҰ-ның Бас Ассамблеясында Рубаб Мансурдың тарапынан балалар күнін атап өту бастамасы айтылады. Бұл бастама Бас Ассамблея қолдауымен БҰҰ-ға мүше елдерге ұсынылған.Әлемнің көп елдері 1 маусымды Халықаралық балалар күні деп атап өтетіндігіне қарамастан, кейбір елдерде басқа күндері де мерекеленеді екен. ”Халықаралық балалар күні” Малайзияда қазан айының соңғы сенбісі күні, Оңтүстік Кореяда мен Жапонияда 5 мамыр күні, Сингапурда 1 қазан күні, Түркияда 23 сәуір күні тойланады. Ал Африкада балаларын қорғау күні 16 маусымға белгіленген.<img src="https://knadmin.beoblood.kz/uploads/350948827_799850585039121_1818504028456793735_n_23bb3a9a80.jpg" alt="350948827_799850585039121_1818504028456793735_n.jpg">

Қармақшыда мерекеге орай балаларға 1000-ға жуық балмұздақ таратылды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Шиелі ауданына жұмыс сапары аясында ауданның әлеуметтік-экономикалық дамуы жөнінде кеңейтілген мәжіліс өткізді. Жиында Шиелі ауданына қарасты кент және ауылдық округтердің әлеуметтік-экономикалық ахуалы мен алдағы даму жоспарлары қаралды. Оған барлық құқық қорғау органдарының басшылары, облыстық басқармалар мен аудандық бөлiм басшылары, аудандағы ауылдық округ әкiмдерiқатысты.Шиелі ауданында ауыл шаруашылығы, өнім өңдеу, кәсіпкерлік, т.б салалардың дамуына қолайлы жағдай бар. Ауданға қарасты ауылдар орталыққа, үлкен жолға жақын орналасқан.<blockquote>«2022 жылдың қорытындысымен аудандар мен Қызылорда қаласы бөлінісіндегі негізгі макроэкономикалық көрсеткіштер рейтингінде Шиелі ауданы 3-ші орынға тұрақтап, дамудың оң көрсеткішін көрсетті. Өнеркәсіп кәсіпорындары 69,3 млрд. теңгенің өнімін өндіріп, 2021 жылмен салыстырғанда 14,7 пайызға артқан. Негізгі капиталға салынған инвестициялар көлемі 36,1 млрд. теңге болды. Бұл 2021 жылмен салыстырғанда 176,3 пайызды құрады. Биылғы қаңтар-сәуір айларында 21,2 млрд. теңгенің өнімі өндіріліп, 9,4 млрд. теңге инвестиция салынған», – деді аймақ басшысы.</blockquote>Нұрлыбек Машбекұлы аудан әкіміне бірқатар міндеттер жүктеп, жұмыстың негізгі бағыты халықтың тұрмыс-тіршілігін жақсартуға, өмір сүру сапасын арттыруға арналуы тиіс екенін айтты. «Ауыл – ел бесігі» бағдарламасы бастау алғалы Ақтоған ауылдық округіне қарасты Досбол би, Жиделіарық, Жөлек, Телікөл ауылдық округіне қарасты Тәжібаев елді мекендеріне мүлде қаржы қаралмаған. Ауылдық аумақтарды дамыту тұжырымдамасына сәйкес 2025 жылы спутникті ауылдарды қаржыландыру тоқтауы мүмкін. Жоғарыда аталған ауылдар спутникті және тіректі елді мекендер тізімінде бола тұра, мемлекеттің мүмкіндіктерін дер кезінде пайдаланбаған.«Ауыл аманаты» жобасына да Алмалы, Қарғалы, және Иіркөл ауылдық округтері ғана қатысқан. Аймақ басшысы мемлекеттік бағдарламалар мен ұлттық жобалардың ауылды дамыту мақсатын көздегенін, әр ауылдың мүмкіндіктері мен өркендеу жолы, түйткілді мәселелері үнемі бақылау мен қадағалауда екенін айтты. Елді мекендерге қаржы тартудың тиімді тетіктерін табу әкімдердің іскерлігі мен жұмыстың көзін таба білуіне байланысты.Аймақ басшысы ауылдық округ әкімдеріне өзіне жүктелген міндетке адал болуды, қарамағындағы ауылдың болашағына жанашырлық танытуды тапсырды. Жұмыс қарқынын бүгінгіден де күшейтіп, елді мекендерді дамытуға бағытталған тиімді жобаларды ұсыну қажеттігін еске салды. Мұнан бөлек, аудан әкімі Нұржан Ахатовқа экономиканың тірегі – кәсіпкерлікті қолдау, тұрғындар мен жастар арасындағы жұмыссыздықты азайту туралы тапсырмалар берілді. Кәсіп бастауға бастама көтерген азаматтардың әкімдік тарапынан қолдау табуы өте маңызды. Сондай-ақ жазғы демалыста балалардың қауіпсіздігін бақылау, қылмыспен күрес назардан тыс қалмауы керек.Ендігі жерде жыл қорытындысымен төмен көрсеткіш көрсеткен ауыл әкімдеріне қатысты кадрлық шешім қабылданады.Тиісінше жоғары нәтижеге жеткен әкімдерге ынталандыру шаралары қарастырылады. Сондықтан әрбір әкім елді мекендегі жұмыссыздар санын азайтуға, жаңа жұмыс орындарын құруға, табыс көзін арттыруға баса мән беруі керек.Облыс әкімі аудандағы қылмыстардың ашылу деңгейі төмен екенін айтты. Осы көрсеткішті талдап, кейбір елді мекендердегі ахуалға қатысты тапсырмалар жүктеді. Қоғамдық және ардагерлер кеңестерінде жағдай жан-жақты талқыланып, әділ баға берілуі тиіс. Ауылдардағы қылмысты болдырмау және алдын алу үшін құқық қорғау органдарымен бірлескен жұмыстар үздіксіз жүргізілуі керек.<figure class="image"><img src="https://knadmin.beoblood.kz/uploads/347238395_972805540741614_7625494310266352644_n_d7240e8999.jpg" alt="347238395_972805540741614_7625494310266352644_n.jpg"></figure>

Қазақстан және Қызылорда облысының жаңалықтары