<a href="https://kyzylorda-news.kz/">Kyzylorda-news.kz.</a> Қызылорда облыстық мәслихатының кезекті V сессиясында нақтыланған бюджет 601,3 млрд. теңге көлемінде бекітілді. Сессияға ҚР Парламенті Сенатының депутаттары Руслан Рүстемов пен Ақмарал Әлназарова, Мәжіліс депутаты Мұрат Ергешбаев қатысты.Сессияда сөз сөйлеген облыс әкімі Нұрлыбек Нәлібаев биыл бюджет көлемі 53,9 пайызға артқанын айтып, оның ұлғаюына атсалысқан депутаттар мен сала басшыларына алғыс білдірді.<blockquote>«Өздеріңізге белгілі, облыс бюджетінде айтарлықтай өсім бар. Қазір облыс бюджеті 596,2 млрд. теңгеге жетті. Бұл былтырғы бюджет көлемімен салыстырғанда 208,9 млрд.теңгеге, яғни 53,9 пайызға артық. Бүгінгі сессияда бекітілген жағдайда облыс бюджеті 601,3 млрд. теңгеге жетеді. Бұл өткен жылдың бекітілген бюджетінен 55,3 пайызға көп. Бюджеттің ұлғаюына қызылордалық Парламент депутаттарының және сала басшыларының үлесі зор», - деді аймақ басшысы.</blockquote>Бюджет қаржысының тиімділігін арттыру үшін облыстық мәслихаттың экономика, әлеуметтік және құқықтық мәселелер жөніндегі тұрақты комиссиясы төрағасының басшылығымен құрамына мүдделі облыстық басқармалар өкілдері енген жұмыс тобы құрылды. Жұмыс тобы мамыр айында 2023 жылға білім саласына бөлінген бюджет қаржысына зерделеу жұмыстарын жүргізді. Қорытындысында ауқымды қаржы үнемдеуге мүмкіндік туды.Атап айтқанда, облыстың білім беру ұйымдарына бөлінген қаржының бюджеттік заңнама нормаларына сәйкестігі зерделеніп, нәтижесінде жоспардан тыс қаралған қаржы, яғни, 12,9 млрд. теңге облыстық бюджетке қайтарылды. Бұдан бөлек, балалар мен жасөспірімдерге арналған шығармашылық үйірмелер мен спорт секцияларын жан басына қаржыландыру бағдарламасын іске асыру үшін 2023 жылға 7,1 млрд. теңге бюджетте бекітілді. 2022-2023 жылдары тексеру органдары бағдарлама барысына бақылау жасады. Заңдылықтарға өзгерістер енгізілуіне сәйкес бала саны 35 пайызға дейін қысқарып, 3,8 млрд. теңге бюджетке кері қайтарылды.Үнемделген қаржы аймақтың бірінші кезектегі мәселелерін шешуге жұмсалмақ.Сессияда Парламент депутаттары Ақмарал Әлназарова мен Мұрат Ергешбаев сөз сөйледі.Күн тәртібінде сала басшылары атқарылған жұмыстарын баяндап, бірқатар бағдарламалық құжатқа өзгерістер енгізілді.<figure class="image"><img src="https://knadmin.beoblood.kz/uploads/365165840_592062056448376_880529070856574630_n_19045ba54b.jpg" alt="365165840_592062056448376_880529070856574630_n.jpg"></figure>&nbsp;<figure class="image"><img src="https://knadmin.beoblood.kz/uploads/366822135_591992109788704_5222415604604277776_n_46ab594a19.jpg" alt="366822135_591992109788704_5222415604604277776_n.jpg"></figure>

Қызылорда облысының бюджеті 600 млрд. теңгеден асты

Kyzylorda-news.kz. Бұрынғыдай емес бүгінде кәсіп бастауға мемлекет тарапынан біршама мүмкіндіктер қарастырылғаны белгілі. Әр адам өзінің сүйікті ісі арқылы өз кәсібін ашып, әрі қарай жандандыра алады.&nbsp;Ауданда да сұлулық салоны, кондитерлік және нан өнімдері &nbsp;секілді түрлі саланы кәсіпке айналдырып отырған жандар жетерлік. Ас атасы нанды пісіріп, кәсіп қылған жандардың бірі – Ерлыбай Бекеев.&nbsp;<blockquote>– Бүгінде кәсіп бастау үшін көптеген мүмкіндік бар. Қай саланың болмасын қиындығы мен қызығы қатар жүреді емес пе?! Кәсіп бастап, оны алып жүрудің де өзіндік қиындықтары да жетерлік. Мен де бұл кәсіпке келмес бұрын қала базарында тұрмысқа қажетті түрлі ірілі-кішілі заттар сатқан болатынмын. &nbsp;Содан соң араға біршама уақыт салып нан пісіру кәсібіне бет бұра бастадым. Алғаш нанды үй жағдайында пісіріп, шағын кәсібімді бастап жүрдім. Кейін «Бастау бизнес» жобасы арқылы қайтарымсыз грант ұтып алып, нан пісіруге қажетті пеш, миксер сынды түрлі құрылғыларды алып, өз кәсібімді кеңейттім. Күн сайын таң ертемен ыстық нандар қаламыздың дүкен сөрелеріне жөнелтіледі. Міне, осылайша өз кәсібімді ашып, бүгінде несібесін көріп келемін. Осы секілді кәсіп бастаймын деген жандарға үкімет тарапынан қарастырылған көмекке ризамын. Қаншама жастарды жұмыспен қамтып, бизнеске деген сауатын ашып, ел экономикасын дамытып келеді,– дейді кәсіпкер.</blockquote>Сонымен бірге кәсіпкерлік қабілет – адамдардың ерекше таланттылығы. Бүгінгі күні өзіне тән талантының арқасында Жаңатай Зада Бақтымұратқызы да мемлекет қолдауымен өз кәсібін дамытып отыр. «Атамекен» Қазақстан Республикасының Ұлттық кәсіпкерлер палатасы ұйымдастырған «Бастау Бизнес» кәсіпкерлік негіздерін оқып, өз кәсібін жоғары деңгейде жалғастырып келеді. Жалпы, Зада бұл кәсіпке келмес бұрын биология пәні мұғалімі бойынша жоғары оқу орнын бітіріп, 6 айлық практикамен жұмыс істеген. Кейін өзі түрлі тәттілерді дайындап жүріп, сүйікті ісін әрі қарай дамытуға бел байлаған.&nbsp;<blockquote>– Кондитер мамандығы қазіргі уақытта маңызы бар қажетті мамандықтардың бірі. Біздің жұмысымыз арқылы, тұтынушылар вафли, печенье, торт, кекстер, шоколад, сондай-ақ десерт және кондитерлiк басқа да түрлерін ала алады. Қазіргі уақытта адамзат баласы үшін ең маңыздысы – табыс табу. Адал еңбекпен тапқан табыс берекелі болары анық. Мен де өз хоббиімді кәсіпке айналдырып, өз маңдай теріммен табыс тауып келемін. Әрине, өз табысымның да берекетін көріп жүрмін. &nbsp;Қазір 3 адамды жұмыспен қамтып отырмын. Оның екеуі торт пісіріп, қасымда көмектесіп жүрген қыздар болса, енді біреуі “Жақсат” базарында менің тәттілерімді сатумен айналысады. Иә, бүгінгі күні базардағы шағын дүкенім арқылы табыс тауып жатырмын және инстаграм желісіне де тапсырыс берушілер саны күн сайын артып келеді. Ендігі алға қойған мақсатым – нан өнімін ашытқысыз әзірлеу. Яғни, бұл нан адам денсаулығына да пайдалы құнарлы ас болады. Сондай-ақ біз секілді жас кәсіпкерлерді қолдап, мақсатымызға айқын жол бастап беріп жатқан Кәсіпкерлер палатасына алғысымды айтқым келеді. Келешек жастарымызға да үлгі болып, арман-мақсаттарының орындалуына көмек көрсете &nbsp;беріңіздер,–дейді.</blockquote>Расымен де, қазіргі технология шарықтап дамыған заманда кәсіп бастаймын деген әр адамға Үкімет қашанда қолдау береді. Бастысы – ниет. &nbsp;«Еңбектің наны тәтті» демекші, адам өмірі еңбекпен тығыз байланысты. Әр адам адал жолмен еңбек етіп, бар маңдай терін төксе ғана өз жұмысының жемісін көре алады.Ауданымызда да кәсіп көзін ашып, қалың көпшіліктің ризашылығын алып жүрген &nbsp;кәсіпкер қыз-келіншектер жетерлік. Соның бірі – Әлия Қуанышқызы. Қай кезеңде болмасын сәннен қалмаған, сұранысқа ие тәттінің түрі – медовый торт пен лакомка және тағы басқа да нан өнімдерін жасап отыр. Тойларға тапсырыс алып, әр мереке қарсаңында ерекше торт үлгілерін жасап келе жатқанына биыл 6-7 жыл болып қалған. Әлия Махмутова өз кәсібі жөнінде:<blockquote>–Иә, қай жұмыстың болсын жеңілі болмайтыны белгілі. Кондитер саласының да өзіндік қиындықтары болып тұрады. Тек адамда кәсіпке деген шынайы ниет болса, ешбір қиындыққа мойымайды. Менде бұл кәсіпті қолға алмас бұрын қобалжу мен қорқыныш та болды. Жанымда анам ғана болғандықтан, таң атқаннан кеш батқанға дейін торт пісіретінбіз. Осылайша «көз қорқақ, қол батыл» демекші, қолдан келгенше алға ұмтыла бердім. «Атамекен» кәсіпкерлерді қолдау аясынан қайтарымсыз грант жеңіп, өз кәсібімді әрі қарай дамыта бердім. Қазіргі таңда қарамағымда 4 қыз жұмыс істейді. Азанғы уақыттан бастап күніне 80-100-дей медовый торт пен 300-400-дей лакомка істейміз. Ал қалған десерт, кекс және бөлке тәрізді нан өнімдерін тапсырыспен жасаймыз. Торт пісіруге арналған барлық дерлік құрал-жабдықтармен қамтамасыз етілген. Дайын болған нан өнімдерін жолдасым әр түрлі ірі-шағын сауда орталықтарына сатады, – дейді кәсіпкер.</blockquote>«Еңбек деген байлық бар, ерінбеген жетеді» демекші, келешек жас буын тәрбиесіне де адал еңбектің наны қандай боларын ұқтыра білуіміз қажет. Тәтті нан өнімдерін кәсіпке айналдырып, көпшілік сұранысына ие тәтті торттар арқылы мерекелік дастарханнын көркі етіп отырған Нұрбике Жармағанбет те сүйікті ісін кәсіпке айналдырып отырған жайы бар. Расымен де торттарды түрлендіріп безендірудің өзі тапқырлықты қажет ететін жұмыс. Ал мұндай жұмыс кез келген жанның қолынан келе бермесі анық. &nbsp;Осы тұста Нұрбике өз кәсібі жөнінде:–Иә, кондитер мамандығы – бүгінгі сұранысқа ие саланың бірі. Қыз баласы болған соң кішкентайыман торт пісіруге қатты қызығатынмын. &nbsp;Ең алғаш отбасыма тәтт пісіруден басталған болатын. Кондитерлік өнер қыз-келіншектер арасындағы ең ауқымды, бәсекеге толы бизнес деп айтсам да болады. Сөйтіп 2016 жылдан бастап үйде отырып, яғни қолда бар заттармен торттар пісіре бастадым. 2021 жылы «Бастау бизнес» жобасы арқылы қайтарымсыз грант ұтып алып, торт пісіруге қажетті пеш, сапалы миксер секілді керекті заттарымды алып, кәсібімді әрі қарай дамыттым. Қазір халықтың басым бөлігі табиғи өнімдерден істелген торттарды алады. Әртүрлі торт, пирог және барлық десерт түрлерін жасаймын. Бүгінгі күні аудандағы «Арбат» кафесінде кәсібімді кеңейттім. Сонымен бірге қасыма көмекші қыз алып, күнделікті түрлі тәтті тағамдарды ұсынудамыз. Сондай-ақ өзімнің тұрақты сатып алушыларым да бар. Алдағы уақытта кәсіби біліктілігімді дамытып, әлі де кеңейту жоспарда бар,–деді.<blockquote>Дамушы мемлекет болғандықтан кәсіптің қай түріне болмасын қолдау бар. Бұл тұрғыда елімізді әрі қарай да дамыту мақсатында өз кәсібін ашып, қоғам айнасына айнала білген кәсіпкерлерге алғысымыз шексіз.</blockquote>

Аралда түрлі нан өнімдерін кәсіпке айналдырған жандар көп

<a href="https://kyzylorda-news.kz/">Kyzylorda-news.kz.</a> Қазақстан Республикасы тұрғындарының өмір сапасын жақсарту мақсатында &nbsp;«Цифрлық Қазақстан» мемлекеттік бағдарламасы енгізілді. Қазіргі таңда рсепублика бойынша бағдарлама шеңберінде ауқымды жұмыстар атқарылуда. Бұл Жаңа Қазақстанның ақпараттық-технологиялар дәуіріндегі жылдам хабар алудың тетігі. Осыған байланысты қазіргі күні көптеген құжаттамалар электронды форматқа көшті. Қағазбастылық азайып келеді.&nbsp;1963 жылы Калифорния штатында дүниеге келген, үлкен компаниялардың ақпараттық қауіпсіздігін бұзып жарған Кевин Митник деген атақты хакер бар. Осы сабазыңыз он екі жасында әлеуметтік инженерияға әуестеніп, кейін қиын деген қорғанысты бұзатын «шабуылшыға» айналыпты. Алғашқы тәжірибесінде-ақ телефон желілерін бұзу арқылы тегін сөйлесуге қол жеткізген оған одан әрі телефондар желісі мен АТС-ті талқандау қиын шаруа болмай қалады. Ол мұнымен де тоқтамай Нокиа, Моторола, Фуджиситу, Сименс сынды іргелі компанияларға ауыз сала бастап, ақыры ісі әшкере болған. Оның осындай ақпараттық шабуылын арқау еткен «Бұзу» деген кинофильм де түсірілген екен. Бүкіл жүйені бұзып, шығынға батырған шабуылшыны біз неге мысал еттік? Оның заңсыз әрекетін дәріптейін деген ойымыз жоқ әлбетте. Тек алпауыт елдердің ақпараттық технологиясының өткен ғасырда-ақ алға озып кеткені қызықтырады әрі ойландырады. Ал біз осы көштің қай тұсында келе жатырмыз?Еліміз жаппай сандық жүйеге көшуге бет алғаны белгілі. Президент «Цифрлық Қазақстан» жобасын мәлімдегеннен кейін-ақ, бұл салаға баса назар аударыла бастады. Мамандар бұл жеделдік пен уақытты үнемдеуге жол ашатынын алға тартты. Құжат даярлау, білім, денсаулық саласында озық технологияларды енгізу арқылы жұмыс өнімділігін арттыру көзделіп жатыр. Әрине, бұл бағытта біраз өзгеріс бар деуге болады. Алайда, бұл еліміздегі ІТ саласының мәселесі біржола шешілді деген сөз емес. Себебі, біздің ең басты мәселеміз әлі де тысқары қалып келе жатқан секілді. Бізге алдымен осы ақпараттық жүйелерді жасайтын кадрларды даярлау мәселесін шешу керек.&nbsp;Бүгінде ақпараттық технология өмірімізге түгелдей енді. Мәселен, қолыңыздағы телефон арқылы билетке тапсырыс беру, үйде отырып-ақ құжаттарды дайындау– бәрі-бәрі жаңа технологияның жаңалығы. Ақыр соңы ас үйдегі тоңазытқыш та осы ІТ-ға тәуелді болып жатыр. Одан бөлек, ауыл шаруашылығы мен индустриялық жобаларды да жаңа жүйемен жасақтап, өнімділікті арттыру көзделіп отыр. Ендеше алдағы он жылдықта мамандықтардың тең жартысы түгелдей өзгереді деген пікір негізсіз емес. Осы өзгеріске біз де бейімделуіміз қажет. Мемлекет мүмкіндік жасап, қыруар қаржы бөліп, сандық жүйені орнатып жатқанымен ІТ мамандар әлі де кемшін тұсымыздың көп екенін айтады. Мәселен, сайт жасаушы мамандарға деген сұраныс жоғары. Алайда, елімізде сұраныс толықтай өтелмей отыр. Одан бөлек, сапалы сайт жасайтындар да өте аз. Сондықтан ішкі нарықты Ресей мен Украинаның компаниялары жаулап жатыр. Өзара бәсекелестік жоқтың қасы десек те болады. Бұл ойымызды аралдық жас ІТ маман Данияр Тәжімбет те қуаттайды. Ол бүгінде графикалық дизайн, сайт жасау бойынша жұмыс істеп жүр. Айтуынша, бұл саланы таңдаған адам табыссыз қалмайды. Тек ерінбей еңбек ету керек. Ол «Жас проджект» жобасына қатысып, компьютерлік және ақпараттық сауаттылыққа үйрету бойынша грант жеңіп алып, қала тұрғындарына жаңа саланы үйреткен. «Өзге елдерге қарап, бізде әлі де толықтыратын тұстар бар екенін жасыра алмаймын. Қарапайым компьютердің бағдарламаларын дұрыс қолдана алмайтын адамдар да бар. Сондықтан болашағымызды өз қолымызда ұстағымыз келсе, жаңа саланы жан-жақты жаппай игеруіміз керек» деп есептейді.&nbsp;Елімізде ІТ саласында жетіспейтін мамандар саны мыңдап саналады екен. Алайда, тас лақтырсаң тиетін заңгер мен есепшіге жұмыс тауып бере алмай отырмыз. Сондықтан әлгі айтылған мәселені шешу мектептен басталу қажет секілді. Оқушылардың қызығушылығын арт тырып, ауыл-аймақта ақпараттандыру жұмыстарын қолға алу қажет. Шынын айтайық, кейбіреулер мұндай саланың бар екенінен де бейхабар ғой. Бұл болашақ табысты сала екені айтып түсіндірілсе, бағытын өзгертуі де мүмкін. Табыс демек ші, технологияламен айналысушы азаматтардың ай лығы бүгінде мұнайшылардан да асып түседі. Егер сұранысқа сай маман болсаңыз, өзгелер жылдап жүріп алатын ақшаны бір сайт жасау арқылы қалтаңызға түсіруге болады.&nbsp;Қазіргі таңда жаңа технологияның жілігін шаққан мамандар бір бағытты бүге-шүгесіне дейін үйренген сауатты технологтардың аз екенін айтады. «Цифрлық Қазақстан» мемлекеттік бағдарламасы жобасы бойынша 2021 жылы ақпараттық-коммуникациялық технологиялар саласында елде 182 мың адам жұмыс істеуі керек екен. Ал алдымызға бұл саланың табысы жалпы ішкі өнімнің 4,9 пайызын құрауы тиіс деген мақсат қойылып отыр. Алайда, әлгіндей кемшіліктер жойылмаса, бұл межеге жетуіміз екіталай секілді.&nbsp;Бүгінгі қоғам бармақпен басқарылатын заманға айналды. Кез келген мәселе саусақ ұшында сырғанап жатыр. Дәуірлер қозғалысын дәл осы қолдың саласымен көрсетіп берсе болатындай. Алайда, сол саусақты басқаратын адамның миы екенін ұмытпау керек. Ал мидың қорегі білім екені айтпаса да түсінікті.

«Цифрлық Қазақстан» бағдарламасы уақыт үнемдеуді көздейді 

Адам құқығын қамтамасыз ету басты назарда

<a href="https://kyzylorda-news.kz/">Kyzylorda-news.kz.</a> Қызылорда облысында индустрияландыру аясында құны 607,7 млрд. теңгені құрайтын 34 жоба жүзеге асырылуда. Нәтижесінде 6,3 мың жаңа жұмыс орны ашылмақ. Бұл туралы облыс әкімі Нұрлыбек Нәлібаев Қызылорда облыстық мәслихатының кезекті V сессиясында хабарлады.<blockquote>«Биыл жылына 1500 тонна құс етін өндіретін құс фабрикасы, бие сүтін өңдейтін цех, әк және құрғақ құрылыс қоспаларын өндіру зауыты іске қосылады. Бұл ел тұрмысын жақсартуға айрықша септігін тигізеді.Былтырғы қазан айынан бері өңдеуші өнеркәсіпке серпін беретін шыны зауытында жұмыс жүргізілуде. Өткен жылы зауыт елімізді 32 мың тоннадан астам өніммен қамтамасыз етті. Биылғы 6 айда 6,2 млн. шаршы метр шыны өндірілді. Зауыт өнімі еліміздің аймақтарына, Өзбекстан, Қырғызстан, Тәжікстан және Ресейге экспортталуда», - деді аймақ басшысы.</blockquote>Айта кетейік, шыны зауыты айналасына шағын және орта кәсіпкерлік белдеуін құру үшін «Хорн» неміс компаниясының технологияларын тартып, жылына 120 млн. дана шыны бұйымдарын шығаратын зауыт жобасы жүзеге аспақ. Импортты алмастыру бағытындағы жоба халықаралық стандарттарға сай түрлі шыны ыдыстарды өндіруге, шыны бұйымдарын ТМД елдеріне кеңінен экспорттауға жол ашады.Ірі жобалардың бірі — «Шалқия» кен орнында тау-кен байыту комбинатының құрылысы биыл басталады. Құны 235 млрд. теңге болатын жоба бойынша Еуропалық Даму және Қайта Құру Банкі платформасында тендер өткізілуде.<figure class="image"><img src="https://knadmin.beoblood.kz/uploads/365250101_591992089788706_6441025997657856024_n_a30f8fc08d.jpg" alt="365250101_591992089788706_6441025997657856024_n.jpg"></figure>

Қызылорда облысында 34 индустриялық жоба жүзеге асырылуда

Kyzylorda-news.kz. Президент Қасым-Жомарт Тоқаевты «Мен сайлауалды сөздерімде ауылды өркендету ісіне баса назар аудардым. Бүгінде Қазақстан халқының 40 пайызға жуығы ауылда тұрады. «Ауыл – ел бесігі» деп халқымыз бекер айтқан жоқ. Сондықтан ауылдағы жағдайды жақсарта алмасақ, бәрімізге сын.Сол үшін мен бүгін ауылды дамыту мәселесі туралы Жарлыққа қол қоямын. Осы құжат арқылы Үкіметке ауылды дамытудың 5 жылға арналған нақты жоспарын әзірлеуді тапсырамын. Бұл менің жаңа президенттік мерзімдегі бірінші Жарлығым болады. Үкімет ауылды дамытуға арналған барлық жобаны жүйелі түрде реттеп, жи-нақтауға тиіс. Содан кейін мақсатты түр¬де тиімді жұмыс жүргіземіз, – деген болатын.Қырға мойын бұрсаңыз тіршілігі тұрақты, еңбегі ырғақты ағайынды көресіз. Шөбі шүйгін, жері жайлы мекеннің бүгінде жағдайы қалыпты. Сондай елдің бірі – Қосаман ауылдық округі. Орталығы – Қосаман. Округке &nbsp;Ақеспе қарайды. Теңіз бен жерді қатар емген Қосаманда жергілікті атқарушы органдарының басты қызметі Президентіміз Қасым-Жомарт Кемелұлы Тоқаевтың кезекті Жолдауынан туындайтын мәселелерді және бағдарламаларды іске асыру негізінде ауылдың әлеуметтік-экономикалық дамуына, білім берудің, денсаулық сақтаудың, ауыл шаруашылығын дамыту мемлекеттік бағдарламалардың орындалуы басты назарда ұстау болса, бұл үдеден ауыл әкімі Әлібек Ізбасаров ұдайы шығып келеді.Ауыл әкімдерінің құзыреттілігін нығайту үшін жергілікті өзін-өзі басқару және ауылдық аймақтарды дамыту бағыттары бойынша ауылдық округ әкімінің аппараты жергілікті мекеме басшыларымен және қауымдастық кеңестерімен, яғни ауыл тұрғындарымен бірлесіп түрлі сала бойынша халыққа қызмет көрсетіп келеді. Жыл көлемінде ауыл әкімшілігі, мектеп, клуб, медпункт, ветпункт ұжымдарымен бірлесіп қайырымдылық акциялары кезінде қамқорлықты қажет ететін отбасыларға ақшалай, заттай түрлі көмектер көрсетуде елмен бірге етене жұмыс жүргізген. Біз елдегі әр саланың тынысы мен тіршілігін, қалыпты жұмысы мен көрсеткіштерін білмекке ауылдық округ әкімі Ә.Ізбасаровпен тілдестік. 2005 жылы құрылған Қосаман ауылдық округі аудан орталығынан 120 шақырым қашықтықта орналасқан киелі мекен. Киелі деуіміздің себебі бұл ауыл осы маңда өмір сүрген Қосаман бабаның есімімен аталады. Тұрғызылған кесенесінің өзі тарихтан сыр тартатын көне жәдігердің құнды нысан екенін бірі білсе, бірі білмес. Сондай-ақ сіз бен біз тұтынатын сапалы әрі алтын суымыздың бастауы осы өңірден. Еліміз бойынша теңдессіз тіршілік нәрі пайда болатын өңір ендеше қасиетті емей немене?! Хош... Түгін тартсаң майы шығатын шұрайлы жердің көк майса алқабы бүгінде ауыл халқына тұтастай нәр. Иен даланың иірімінде, тағдырлы теңіздің солтүстік бүйіріне орын тепкен өлке жайында айтпағымыз әлі алда. Жер көлемі жағынан 10 144 гектар алқапты алып жатқан ауылда қазіргі таңда 120-дан астам түтін бар. Оның 70-тейі Қосаманда болса, қалғаны Ақеспе ауылына қарайды. Мыңның үстінде халқы бар. Барлығы да экономикалық белсенді халық санатында. Өйткені әрқайсысының өз тіршілігі бар. Жұмыссыз ретінде тіркелген 6 азамат демесеңіз, олардың өзі бүгінде өз тіршіліктерімен айналысып, ел қатарлы өмір кешуде. Әлеуметтік нысандар да бұл елдің қалыпты өмірінің кепіліне айналған. Себебі ауыл халқының көпшілігі 1 орта және 1 негізгі мектепте жұмыс жасайды. Одан бөлек 2 ФАП, 2 ауылдық клуб, 1 ветпункт, 2 кітапхана және «Нұра топтық су құбыры» РМК, «Арал» СЖКБД филиалының №1 су айдау станциясы жұмыс жасайды. Бұл мекемелерде жұмыс істейтін жұмысшылардың қатарында осы елдің азаматтары бар. Бүгінде ауыл халқының өзін-өзі жұмыспен қамтуына, кәсіппен айналысып, шағын және орта бизнес субъектілерінің санын арттыруға жұмыс жасау ауыл әкімі Ә.Ізбасаровтың ізгі ұстанымына айналған. Өйткені кәсіп бар жерде береке барын ел жете ұғынған. – Қазіргі таңда Қосаман ауылдық округінде 8 шаруа &nbsp;қожалығы және 41 жеке кәсіпкер тіркелген. Сонымен қатар округте кәсіпкерлікті дамыту бағытында қосымша шаралар қолға алынып, жұмыстар жасалуда. Ауылдық округ бойынша 2 азық-түлік дүкені, 1 қоғамдық монша жұмыс жасауда. Кәсіпкерлікті дамыту менің басты ұстанымдарының бірі десем болады. Сол үшін де округ бойынша жыл басынан бастап түрлі қаржы ұйымдарына жобалар ұсынылып, қолдау күтілуде. Бұл жұмыстар бұған дейін де қолға алынып келеді.Мәселен, 2023 жылы округте кәсіпкерлікті дамыту мақсатында «Бастау-Бизнес» бағдарламасымен 3 азамат &nbsp;оқып, қайтарымсыз қаржы алуға тиісті жұмыстар жүргізілуде. Қазіргі таңда кәсіп ашуға ниетті азаматтар тізімі жасақталды. Сонымен бірге алдағы уақытта «Ауыл аманаты» жобасы аясында төмендетілген пайызбен несие алуға ниетті азаматтарға құжат тапсыруға сүйемелдеу жұмыстары жүргізілуде. Жоғарыда айтып өткендей, бұған дейін кәсіпкерлікті дамыту бойынша округте 4 адам «Бизнес Бастау» арқылы қайтарымсыз несиеге қол жеткізіп, кәсіптерін бастады. Оның ішінде қоғамдық монша, тігін цехы, кондитерлік өнімдер шығару жобалары бастау алды, – дейді ауылдық округ әкімі Ә.Ізбасаров.Ауыл шаруашылығы бұл елдің негізгі ата кәсібі десек, мал басын еселеп арттыру ауыл халқының әл-ауқатына тікелей әсер етеді. Мыңғырған малы бар ауылды кім бай ауыл деп айтпас. Сондықтан төрт түлігі сай өңірді түтіні түзу деуге негіз жоқ емес. Сандарды сөйлетсек, ауылдық округ бойынша 2023 жылдың 1 шілдесіне түсетін мал басының жалпы саны 7 мыңға жуықтайды. Оның ішінде мүйізді ірі қара – 852 бас, уақ мал – 1 271 бас, жылқы – 2 679 бас болса, түйе 2 081 басты құрайды. Биылғы жылдың тиісті мезгілдерінде мал басын бірдейлендіру жұмыстары толық жүргізіліп, тиісті дерекқорларға енгізілген. Сонымен қатар мүйізді ірі қара тұқымын асылдандыру бойынша жұмыстар күн тәртібінен түскен емес. Осы орайда, биылғы жылы 2 бас бұқа алынды. Теңіз қолтығында тіршілік кешкен ауыл үшін балық шаруашылығы әсте алыс емес. Бұл кәсіпке әсіресе ақеспеліктер пейіл. Ауылдың азаматтары ара-тұра теңіз бетіне шығып, ау салып, жылым майлайды. Сондықтан бұл ауылда теңіз тіршілігіне бейім азаматтар тұрады деуге болады. Қазіргі таңда Ақеспе елді мекенінде 2 балық қабылдайтын тоңазытқыш цехы жұмыс жасауда.Осы кезге дейін халықты қос бүйірден қысып, құлақ кесті халге түсірген байланыс құрылғысының жоқтығы еді. Бүгінде бұл мәселе де өз шешімін тауып келеді. Қазір Қосаман ауылдық округінде 158 телефон нүктесі жұмыс істейді. Халықтың 100 пайызы отандық «Отау ТВ» спутниктік телехабармен қамтылған. Сонымен бірге тұрғындар «KCell» ұялы байланыс операторы қызметін пайдалануда. Ал округте интернет жылдамдығы өте төмен болғандықтан, қазіргі таңда ЖК «Ырыс» арқылы тұрғын үйлеріне «Транстелеком» АҚ-ның қызметін орнату бағытында жұмыстар жүргізілуде.Әңгіме барысында ауыл әкімі ауылдық округ бойынша атқарылған жұмыстарды тағы бір мәрте тілге тиек етті.&nbsp; – Үстіміздегі жылы аудандық бюджеттен Ақеспе елді мекенінде электр желісін жаңарту мақсатында 6 млн 272 мың теңгеге тиісті жұмыстар атқарылды. Қазіргі таңда округ халқының саны артып келеді. Осыған байланысты округте балабақша ашу бойынша сұраныс бар. Ауыл халқының сұранысына орай, үстіміздегі жылы Қосаман елді мекенінде жеке кәсіпкердің бастамасымен 40 орындық балабақша ашу жоспарлануда. Округке қарасты Ақеспе елді мекенінде халық арасында «Ыстық су» аталған демалыс орны қызмет жасауда. Жүргізілген зерттеулер нәтижесінде арнайы экспедиция көмегімен 1986 жылы ашылған аталмыш бұлақтан -62˚ су шыққан. Қазіргі таңда бұл шипалы суға елдің түкпір-түкпірінен ем қабылдауға адамдар ағылып келуде. Бүгінгі күні ыстық бұлақ маңында арнайы демалыс орны қызмет етіп келеді. Демалыс аймағын заман талабына сай жабдықтау және тынығушыларға (емделушілерге) сапалы қызмет көрсету бойынша талап жоғары.Осы орынның туристтік әлеуетін арттыру басты мақсаттың бірі. Қазіргі таңда аталмыш аймақта электр желісі мен ауызсу жүргізілген болса, ендігі маңызды мәселе – жол қатынасы болып тұр. Осыған орай, аудандық бюджеттен Ақеспе елді мекеніне кіреберіс (3 шақырым) және елді мекендегі «Ыстық су» бұлағына барар (6 шақырым) автомобиль жолының құрылысының ЖСҚ әзірлеуге тиісті қаржы қаралып, жұмыстар жүргізілуде, – дейді Қосаман ауылдық округ әкімі Ә.Ізбасаров. Иә, бұл аталмыш демалыс орнында кәсіп жасауға ниетті азаматтардың да бар екенін айта кеткен жөн. Айталық, осы жылы «Ыстық су» маңына тынығушыларға қызмет көрсету мақсатында &nbsp;ЖК «Сақтағанов» құны 5,0 млн теңге болатын жобасын әзірлеуде. Мұндай бастамалардың септігі елді мекенге тиіп, кәсіпкерлік көкжиегі кеңейіп, халықтың әл-ауқатын арттыруға сеп болып жатса нұр үстіне нұр емес пе?!Ел болған соң, тіршілік болған соң кейде төтенше жағдайлардың орын алып тұратыны белгілі. Жердің шалғайлығына байланысты мұндай жағдай орын ала қалған кезде аудан орталығынан көмек келуі қиындау. Осы мәселені ескеріп, 2022 жылы ауылдық округте ерікті өрт сөндіру жасағы қоғамдық бірлестігі құрылып, мемлекеттік тіркеуден өткен болатын. Биылғы жылы аудан әкімі С.Сермағамбетовтің қолдауымен ауылдық округке 1 дана өрт сөндіру техникасы табысталған.Қай уақытта да жақсы іс жан семіртеді ғой. Мұндайда елдің бірлігі, ағайынның өзара ымыраластығы үлкен істерге сеп болады. Ауыл әкімі осындай жұмыстардың да үйлестірушісі. Жас болған соң тындырымды іс жүргізуге пейіл Әлібек елдің бірлікте жұмыс істеуін басты орынға қояды. Елдегі ауызбіршіліктің үлгісіндей болған елеулі істі сөз еткен ауыл әкімі:<blockquote>– «Төртеу түгел болса төбедегі келеді» деген қанатты қағидаға сүйеніп, ауыл ақсақалдарының ақыл-кеңесін алып, ауылымыздың ауызбіршілігі мен ынтымағын артыру мақсатында тұрғындар тарапынан да жұмыстар атқарылуда. Соның бірі Қосаман ауылының тұрғыны, мүмкіндігі шектеулі жанға алыс-жақындағы ағайын болып тұрғын үй тұрғызып, пайдалануға берілді. Бұл ауылымыздағы жұмыла атқарылған жұмыстардың бірқатары, – дейді.&nbsp;</blockquote>&nbsp;

Малын өрісті еткен ауыл

<a href="https://kyzylorda-news.kz/">Kyzylorda-news.kz.</a> Сыр өңірінің қарқынды дамуы жолында әлемдегі озық тәжірибелер терең зерттеліп, жан-жақпен әріптестік байланыс кеңейтілуде. Бұл туралы облыс әкімі Нұрлыбек Нәлібаев Қызылорда облыстық мәслихатының кезекті V сессиясында хабарлады.<blockquote>«Өнеркәсіп өндірісінің 70%-ға жуық үлесін алатын тау-кен секторында 2013 жылдан бері мұнай өндіру 6,5 млн. тоннаға азайғаны белгілі. Суланған және сарқылған ұңғымаларда мұнай өндіру көлемін арттыру бойынша жаңа технологиялар жасайтын қытайлық «Джепетто» компаниясымен бірлескен жұмыстар басталды. Аталған компанияның өкілдігі Қызылорда қаласында ашылды. Мамандардың мәліметіне қарағанда, жаңа технологиялардың көмегімен мұнай өндіру көлемін 20 пайызға дейін арттыруға болады», - деді аймақ басшысы.</blockquote>Өткен айда Қытай Халық Республикасына жұмыс сапары кезінде облыс әкімі мамандарды тегін оқыту бойынша Меморандумға қол қойды. Мұнан бөлек, мамыр айында облыс делегациясы Корея Республикасының Сеул, Тэджон қалаларына және Чоллабук-до провинциясына барды. Осы сапарда Кореяның жетекші жоғарғы оқу орындарының Президенттері және өңір басшыларымен екіжақты ынтымақтастықты дамыту туралы Меморандумдар жасалды.Өткен жылы жұмысын бастаған Қызылорда шыны зауыты айналасына шағын және орта кәсіпкерлік белдеуін құру мақсаты айқындалған. Осы ретте «Хорн» неміс компаниясының технологияларын тарта отырып, қуаттылығы жылына 120 млн. дана шыны бұйымдарын шығаратын зауыт жобасы жүзеге асырылмақ. Импортты алмастыру бағытындағы жоба шеңберінде халықаралық стандарттарға сай түрлі шыны ыдыстар өндіру, шыны бұйымдарын ТМД елдеріне кеңінен экспорттау көзделуде. Қазір зауыт өнімдері отандық нарықта сатылып, Өзбекстан, Қырғызстан, Тәжікстан және Ресейге экспортталуда.<figure class="image"><img src="https://knadmin.beoblood.kz/uploads/364800869_591978446456737_7241246410198144760_n_af30a761c0.jpg" alt="364800869_591978446456737_7241246410198144760_n.jpg"></figure>&nbsp;<figure class="image"><img src="https://knadmin.beoblood.kz/uploads/364808661_591978396456742_2155425936265428699_n_b693fcbc7f.jpg" alt="364808661_591978396456742_2155425936265428699_n.jpg"></figure>

Жан-жақты әріптестікке кең жол ашылды

<a href="https://kyzylorda-news.kz/">Kyzylorda-news.kz.</a> «Дипломмен – ауылға!» бағдарламасы аясында ауылға келген жастардың қатары жыл санап артып келеді. Өйткені, мемлекет тарапынан ауылға барып жұмыс істеуге және тұруға ниет білдірген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға әлеуметтік қолдау шаралары қарастырылған. Бұл бағдарлама жұмыс іздеген жастарға да, ауылдық жердегі кадр тапшылығын жолға қоюға да тиімді болды.Ел келешегі өскелең ұрпақ екендігі даусыз. Жастарға қолдау көрсету мемлекеттің мызғымас қағидасынан айналғалы бері қай салада болмасын жастардың білім алуына, жұмыс жасауына айтарлықтай қолдау көрсетіліп келеді. Бұдан дейін де жас мамандар әлеуетін арттыру және олардың тұрақты жұмысқа орналасуын қамтамасыз ету, ауылдарға жастары тарту мақсатында 2009 жылдан бері «Дипломмен ауылға» бағдарламасы &nbsp;қолданысқа енгізілген болатын. Арал ауданында «Дипломмен ауылға» бағдарламасының игілігін көріп отырған жас мамандар аз емес. Олар өз мамандығы бойынша жұмысқа орналасумен қатар мемлекет тарапынан берілетін жәрдемақыға немесе баспанаға ие болады.&nbsp;"Дипломмен ауылға!" бағдарламасы бойынша 2023 жылы ауылдық елді мекендерге жұмыс істеуге және тұруға келген мамандарға бір жолғы көтерме жәрдемақы алуға 11730,0 мың теңге қаржы бөлініп 34 маманға әлеуметтік қолдау шаралары ұсынылды.Тұрғын үй сатып алуға бюджеттік кредит рәсімдеуге 12 маманға 62100,0 мың теңге қаржы бөлініп, қаржылық жоспарға сәйкес бюджеттік кредит ұсыну маусым айына жоспарланған. Олар қым қуыт қала тірлігінен бір сәтте қол үзіп, өз болашағын ауылмен байланыстырды. Ауылдан бақытын тауып, отбасын құрып тұрақтап қалғандар қаншама.&nbsp;Әрине, &nbsp;дипломды жас маманның арманы өзі меңгерген мамандық бойынша жұмысқа орналасу екендігі даусыз. Декек те, іздегенге сұраған деп мамандық бойынша жұмыс табу оңай шаруа емес. Алайда, «Дипломмен ауылға» бағдармасының арқасында өз мамандығы бойынша жұмысқа орналасып, бүгінде сол ауылға сіңісіп кеткен Мәулен Албатыров ауылды таңдағанына еш өкінбейді.<blockquote>–Мен қалада туып, қалада өстім. 2015 жылы Қорқыт ата атындағы Қызылорда мемлекеттік университетін бітірген Аралға келдім. Ондағы ойым осында жұмыс тауып, туған жерге қызмет қылу еді. Алғашында мамандығым бойынша ұзақ уақытқа дейін жұмыс таппай жүрдім. Сонан соң Ерімбетжаға ауылына психолог маман керек екендігін естіп, көп ойланбастан ауылға тартып отырдым. Бастапқыда бөтен орта, жат жер үйренісу оңай болған жоқ. Бірақ, ауыл халқы жайдары ғой шіркін! Бірі үйіне жатқызып төрден орын ұсынды, бірі қонақ етіп құрмет көрсетті. Бас аяғы бір жылдың өзінде ауылдың бір тұрғынына айналып кеттім. Онан соң «Дипломмен ауылға» бағдарламасы арқылы мемлекеттен біржолғы жәрдемақы ақы алды. Бұл маған үлкен көмек болды, - деген Мәулен өзінің ауылға келіп қызмет қылғандығына дән риза екендігін жеткізді.&nbsp;</blockquote>Бүгінде Мәуленнің ауылдан кеткісі жоқ. Осында өзінің жеке кәсібін ашып, тұрақтап қалуды ойлап жүр.&nbsp;Ал, Анар &nbsp;Еңсепова болса &nbsp;туған жерге қызмет ету келген жас маман. Ол 2012 жылы жоғары оқу орнын бітірген соң туған ауылы Ақпайға келіп балабақшаға тәрбиеші болып орналасқан.&nbsp;<blockquote>–Қалада да жұмыс жасауға мүмкінді болмады емес болды. Бірақ, мені туған ауылым өзіне тартып тұрды. Өткені мектеп бітірген соң оқуға түспей тұрып-ақ болашақта ауылға келіп жас маман атанып, жұмыс жасауды армандайтынмын. Оқу бітірген соң көп ойланбастан ауылға тартып отырдым. 2016 жылы «Дипломмен ауылға» бағдарламасы арқылы ауылдан тұрғын үй алдым, - дейді Анар.&nbsp;</blockquote>Анар ауылда жұмыс жасаумен қатар осында тұрмысқа шықты. Қазіргі таңда отбасында 3 бала тәрбиелеп отырған бақытты ана. &nbsp; Осылайша, аралдық жастар жыл сайын «Дипломмен ауылға» бағдарламасының шарапатын көріп, ауылдағы кадр тапшылығын оңтайлы шешуге үлес қосып, әрі өздері де тұрақты жұмысқа орналасып келеді. Бұл батыл қадам көп жастарға үлгі болуы тиіс .

«Дипломмен – ауылға»: Бағдарламаның жастарға берері мол 

<a href="https://kyzylorda-news.kz/">Kyzylorda-news.kz.</a> Отбасы банкі депозитті сату қызметінің тоқтатылатынын мәлімдеді, деп хабарлайды банктің ресми <a href="https://hcsbk.kz/news/publications/otbasy-bankinde-depozitterdi-tabystau-tek-tuys-andar-arasynda-ana-olzhetimdi-bolady/">сайты</a>.Ресми мәліметке сәйкес, 2023 жылдың 21 тамызынан бастап Отбасы банкінде депозитті сату қызметі қолжетімсіз болады.&nbsp;<blockquote>"Бірақ депозиттерді туысқандарға табыстау қызметі сақталып қалады. Оны тек банк бөлімшелерінде ғана емес, "Otbasy bank" мобильді қосымшасында онлайн режимінде де жасауға болады. Қызметке 5-10 минут уақыт кетеді", - дейді банк менеджерлері.</blockquote>&nbsp;Туысқандардың санатына әйелі-күйеуі, ата-анасы, балалары, асырап алушылар, асырап алынғандар, бір ата-анадан немесе әртүрлі ата-анадан туған аға-інілері мен апа-сіңлілері, атасы, әжесі, немерелері, ата-анасының бір ата-анадан немесе әртүрлі ата-анадан туған аға-інілері мен апа-сіңлілері, немере ағалары және ата-әжелері, немере ағалар, апалар мен нағашылар, немере ағалар және жиендер кіреді.Айта кетер жайт, "Otbasy bank" мобильді қосымшасында онлайн режимінде депозитті тек тікелей туыстарға – жұбайы, ата-анасы, балалары, асырап алушылары (асырап алынғандар), туған аға-інілері мен апа-сіңлілері арасында ғана табыстауға болады.<blockquote>"Бір жақсысы, банк бөлімшелерінде туыстық қатынасы жоқ, бірақ ортақ туыстары бар адамдар арасында депозиттерді табыстауға болады. Мысалы, салымшы бір мәміле аясында жарының ағасына өз депозитін табыстай алады. Ол үшін неке (ерлі-зайыптылық туралы куәлік) және туыстық қатынасты растайтын құжаттар (туу туралы куәліктер, тегі мен әкесінің атының толық сәйкес келуі кезінде тегінің өзгергенін растайтын құжат – операция жеке басын куәландыратын құжат қажет", - деп атап көрсетті мамандар.</blockquote>

Отбасы банкі депозитті сату қызметін тоқтатады

<a href="https://kyzylorda-news.kz/">Kyzylorda-news.kz.</a>&nbsp; Mycar.kz енді Қызылордада ашылмақ. Франшизаны ұсыну құқығы Prim Motors тобына кіретін Turan Auto Kz компаниясына берілді. Автокөлік нарығында 10 жылдық тәжірибесі бар бұл компания Қызылордадағы Chery, Haval, Tank және Changan брендтерін ұсынған Astana Motors-тың серіктесі.Mycar франшизалық автоорталығының ресми ашылуы 2023 жылдың қараша айына жоспарланып отыр. Қазір құрылыс жұмыстары жүргізілуде.Бұл серіктестіктің арқасында клиенттер Mycar.kz экожүйесінің барлық қызметтеріне жүгіне алады. Мәселен, мұнда заңды және техникалық жағынан тексеріліп, сату алдындағы дайындықтан өткенжүрілген автокөліктерін тиімді сатуға немесе сатып алуға, айырбастауға, сондай-ақ автокредит алуға мүмкіндіктер қарастырылған.Франшизалық орталықтың негізгі бизнес бағыты толыққанды автоорталықты іске қосып, Mycar.kz экожүйесінің барлық өнімдерін қамтуды көздейді. Атап айтқанда,жүрілген автокөліктерді қабылдау және сату, қызметкерлерді оқыту, маркетингтік ілгерілету, Mycar Finance қаржылық өнімдеріне, Mycar Pro-ға қолжеткізу, автокөлік орталығының барлық ішкі процестерін автоматтандыру сияқты дәлелденген бизнес-процестерді жүзеге асыра алады.Одан бөлек, алдын ала мақұлдауға мүмкіндік беретін Mycredit платформасында әртүрлі автокредиттік ұсыныстарды онлайн салыстыру және ең жақсы нұсқаны таңдау мүмкіндігі тағы бар.<img src="https://knadmin.beoblood.kz/uploads/Whats_App_Image_2023_08_14_at_15_27_43_1_5db084580d.jpeg" alt="WhatsApp Image 2023-08-14 at 15.27.43 (1).jpeg"><blockquote>«Қазақстандық компаниямен үшінші франшизалық келісімге қол қойып, біз үшін нарығы маңызды Қызылорда облысына келіп жатырмыз. Прогрессивтілік пен тұтынушыға бағдар беру әрқашан Mycar.kz-тің өзекті әрі ерекше қасиеті болып қала береді. Қызылордадағы Mycar.kz франшизасы жұмысының арқасында жүрілген автокөліктерді сатып алу әлдеқайда жылдам, ыңғайлы және қауіпсіз болмақ. Бұл жүрілгенавтокөліктер нарығының ашық болуына мүмкіндік беретініне сенімдіміз», - деді Mycar.kz бизнесті дамыту жөніндегі директоры Тимур Григорьев.</blockquote><figure class="image"><img src="https://knadmin.beoblood.kz/uploads/8ff1b8bb_223e_4567_8f39_b1025659d48a_acba347d15.jpg" alt="8ff1b8bb-223e-4567-8f39-b1025659d48a.jpg"></figure>Бүгінде Қазақстанда Mycar.kz-тің алты автоорталығы табысты жұмыс істейді. (Оның екеуі Алматыда, бір-бірден Астана мен Шымкент, ал Орал мен Ақтау қалаларында франшиза бойынша жұмыс істейді).Mycar.kz қосымшасында барлық бренд өнімдері онлайн режимінде қолжетімді. Мұнда сіз ресми автоорталықтан немесе жеке тұлғалардың хабарландырулары арасынан нарықтағы автокөлікті таңдай аласыз. &nbsp;Сондай-ақ сервистік қызметке жазыла аласыз және автокөлікті классифайд (онлайн жарнама витринасы) арқылы сата аласыз. Одан бөлек, Mycredit платформасының арқасында автокредитке алдын ала мақұлдауды да алуға болады.Бір ғана өтініш беру арқылы клиент платформаға қосылған барлық банктер мен микроқаржы ұйымдарынан автокредит бойынша түрлі нұсқаларды таңдай алады. Сол себептен ұсыныстарды салыстыруға және кредитке автокөлік сатып алудың ең жақсы шарттарын таңдауға мүмкіндік бар.Бүгінде Mycredit платформасында ірі қаржы институттары Halyk Bank, Банк ЦентрКредит, Freedom Bank, Еуразиялық банктен сондай-ақ Mycar Finance және Sapa Digital Finance микрокредиттікқаржы ұйымдарынан автокредит алуға болады. Бұл серіктестердің тізімі алдағы уақытта әлі де кеңейіп, жаңа мүшелермен толықтырылады.<blockquote>«Біз жүрілген автокөліктерді сатудың қаншалықты қарқынды дамып келе жатқанын көріп отырмыз және Mycar.kz-пен ынтымақтастығымыз қолданыстағы қызметтерге тамаша қосымша болады. Сондықтан клиенттеріміз үшін автокөліктерді сатып алуды одан да қолайлы және тиімді ететініне сенеміз», - деді «TURAN AUTO KZ» ЖШС директоры Ернар Пірім.&nbsp;</blockquote><img src="https://knadmin.beoblood.kz/uploads/Whats_App_Image_2023_08_14_at_15_27_44_1_bb1aee1c5d.jpeg" alt="WhatsApp Image 2023-08-14 at 15.27.44 (1).jpeg">Толық ақпарат алу үшін қосымшаны жүктеп алыңыз немесе&nbsp;<a href="https://mycar.kz/?utm_source=media&amp;utm_campaign=kyzylordanews">Mycar.kz</a> сілтемесі бойынша өтіңіз.Ал өзіңіздің автоорталығыңызды ашуға <a href="https://mycar.kz/franchise?utm_source=media&amp;utm_campaign=kyzylordanews">сілтеме</a> &nbsp;бойынша өтініш бере аласыз.

Енді Қызылордада тексерілген автокөліктерді сатып алу мүмкіндігі бар

<a href="https://kyzylorda-news.kz/">Kyzylorda-news.kz.</a>&nbsp; Бүгінде облыста алдағы жылу беру маусымына дайындық жұмыстары қызу жүруде. Әсіресе, тіршілікті қамтамасыз етуші кәсіпорындар мен әлеуметтік маңызы бар нысандардың дайындығы қатаң бақылануда. Тиісінше, биыл облыстағы 20 әлеуметтік нысанның қазандықтарын жаңарту жұмыстары жоспарланды. Аталған жобаға «Ауыл ел бесігі» бағдарламасы аясында республикалық бюджет пен облыстық бюджеттен қаржы бөлініп, қазіргі таңда 10 нысанның қазандықтары жаңартылуда. Бұл жөнінде Қызылорда облысының өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасы басшысының міндетін атқарушы Ерлан Жоламанов хабарлады.<blockquote>–Алдағы жылу беру маусымын тұрақты өткізу мақсатында арнайы жұмыс жоспары жүргізіліп, қажетті шаралар қолға алынды. Облыс бойынша жылу желілерінің жалпы ұзындығы – 208 км. Биыл осы жылу желілеріне техникалық тексеріс жүргізіліп, нәтижесінде тозу деңгейі 47,5 пайыз екені анықталды. Осыған сәйкес, 8,9 шақырым жылу желілерін қайта жаңартуға республикалық бюджеттен 8 жоба қарастырылып, оған 8,2 млрд.теңге бөлінді. Бұдан бөлек, аймағымызда 1067 әлеуметтік нысан бар. Оның 532-і білім беру, 247-і денсаулық сақтау, 288 мәдениет және спорт кешендері. Бұл нысандарға тұрақты түрде жылу беру үшін толық тексерліп, ескірген қазандықтары жаңартылады, – деді Ерлан Ералыұлы.</blockquote>Брифинг барысында облыстағы көмір қоры туралы да айтылды. Ерлан Ералыұлының айтуынша, алдағы жылу беру маусымына өңірге 238 мың тонна көмір қажет болса, бүгінде облысқа 44 мың тоннасы жеткізілді. Қатты отын бағасы 16-21 мың теңге аралығында тұрғындарға сатылады. Жалпы облыс бойынша 41 өңірлік оператор және 11 көмір қоймасы бар.

Жылу беру маусымына дайындық қалай?

<a href="https://kyzylorda-news.kz/">Kyzylorda-news.kz.</a>&nbsp; Жастар – елдің ертеңі, ұлттың үкілеген үміті. Сондықтан жастар саясатына тың өзгерістер мен жаңаша ұғым қалыптасып, түрлі қолдау қажет. Дәстүрлі түрде «12 тамыз – Халықаралық жастар күні» мерекесі биыл да облыс көлемінде түрлі бағытта аталып өтеді. Осы орайда, облыстық жастар орталығының ұйымдастыруымен «Жастармен бірге Open Air» мерекелік кеші өткізілді. Аталған шараға облыстық қоғамдық даму басқармасының басшысы Алмасбек Есмаханов қатысып, сырбойылық жастарды мерекесімен құттықтады.<blockquote>- Жастар – қашанда асқақ арман мен үміт, биік ар мен өр намыстың символы. Қай елдің болмасын басты капиталы халқы десек, соның ішінде жастар – қоғамның жетекші күші ретінде еліміздің дамуы үшін жауапты екені сөзсіз. Сыр елінің жастары қашан да қайсарлығымен, белсенділігі мен жарқын болашаққа ұмтылуға құштарлығы арқылы артылған сенім үдесінен шығып келеді. Қазір елімізде жастар саясатына қатысты барлық мүмкіндік қарастырылған. Оның бір дәлелі – биыл Мемлекеттік жастар саясаты туралы Заңға өзгерістер енгізіліп, жастар санаты 35 жасқа дейін ұзартылды. Сондай-ақ, жергілікті мемлекеттік органдарды бағалау көрсеткішіне «Жастардың даму индексі» қосылып отыр. Мемлекет басшысының «Бізге ешкім сырттан келіп, ештеңе жасап бермейтіні анық, бәрі өз қолымызда» деген сөзі бар. Жастық жалындарыңыз бен күш-жігерлеріңізді аймақтың дамуына, өсіп-өркендеуіне жұмсайтындырыңызға сенемін, - деді Алмасбек Әбілқасымұлы.</blockquote>«Жасында жалықпасаң, қартайғанда тарықпайсың» деген қазақта қанатты сөз бар. Еліміздің керегесі берік, шаңырағы мәңгі болуы үшін қанатын қомдап, туған жерінде еселі еңбек етіп келе жатқан жастар қауымы жетерлік. Іс-шара барысында жаспын деп жасқанбай, кедергілерге қарамай табысты еңбек етіп, жастар саясатына үлес қосқандарға ҚР Қоғамдық және ақпараттық даму министрлігі мен Қызылорда облысы әкімінің алғыс хаттары табысталды.Сондай-ақ, гала-концертте өңірдің өрендері өнер көрсетіп, көрермен көзайымына айналды. Бұған қоса, спорттық сайыстар, «Қарбыз Fest», қыз-келіншектердің кондитерлік өнімдері және жас кәсіпкерлер көрмесі ұйымдастырылды. Іс-шара соңында қаламыздың белгілі жұлдыздары өнер көрсетіп, мерекелік от-шашумен салтанатты кеш қорытындыланды.<figure class="image"><img src="https://knadmin.beoblood.kz/uploads/366965598_1839353293126841_359636423396618707_n_b845d6ef65.jpg" alt="366965598_1839353293126841_359636423396618707_n.jpg"></figure>&nbsp;<figure class="image"><img src="https://knadmin.beoblood.kz/uploads/366977240_1839353303126840_1791333594428431390_n_66ca6e8cdd.jpg" alt="366977240_1839353303126840_1791333594428431390_n.jpg"></figure>&nbsp;<figure class="image"><img src="https://knadmin.beoblood.kz/uploads/366339765_1839353356460168_7863576860264664962_n_536c050c14.jpg" alt="366339765_1839353356460168_7863576860264664962_n.jpg"></figure>

Қазақстан және Қызылорда облысының жаңалықтары