<a href="https://kyzylorda-news.kz/">Kyzylorda-news.kz.</a> Ел Президенті Қасым-Жомарт Кемелұлы Тоқаев Жолдауында кәсіпкерлік саласын дамыту мен бизнес идеяларды қолдау шаралары артып, мемлекет бизнеске көмек көрсету ісін жалғастыра беретінін айтқан болатын. Бұл бағытта өңірде атқарылып жатқан жұмыстар ауқымды. Соңғы кездері аралдықтардың дені кәсіпкерлікке бетбұрып келеді. Әсіресе, жастар жағы өздерінің тың идеяларын жүзеге асыруда. Өнім өндіру түрімен қоса бөлшек сауда да дамығандығын айта кеткен жөн. Бүгін біз кәсіпкер Сымбат Темірболатованың жаңа кәсібі туралы сөз қозғамақпыз.&nbsp;2023 жылдың І жартыжылдығына Арал ауданында тіркелген шағын және орта кәсіпкерлік субъектілері саны 6599 бірлікті құрап,өткен жылғы есепті кезеңмен салыстырғанда 38,4 пайызға өсім алған. Расында бұл деректердің ақиқаттығына көзіміз де жетіп жүр. Өйткені соңғы жылдары ауданда кәсіпкерлік нысандары көптеп бой көтеруде. Өз кезегінде зәулім ғимараттар қаланың ажарын айшықтап қана қоймай бәсекелестік ортада халық қажетіне жарап тұр.&nbsp;Бала кезден кәсіпкерлер отбасында өмірге келіп, кәсіптің қыр-сырын түсініп өскен Сымбат Саламатқызы да осы бір саланың дамуына тамшыдай үлес қосты. Ол жақында өзінің шағын маркетін ашты.&nbsp;<blockquote>– Ес білгелі саудамен айналысып келемін. Ата-анам кәсіптен нәпақа тапқан жандар. Атам мен енем де кәсіпкерлер болды. Сондықтан заңгерлік мамандықты меңгеріп, жоғары оқу орынын тәмәмдасам да кәсіпті таңдадым. Біздің жаңа шағын маркет қаланың шеткері аймағында орналасқан. Сондықтан халыққа қажеттілігі оңай, әрі тиімді бағада болсын деген ниетпен осы кәсіпті бастадық. Қазір мұнда азық-түлікпен қоса тұрмысқа қажетті заттардың сан-алуан түрін әкеліп толтырудамыз, - деді Сымбат Саламатқызы.&nbsp;</blockquote>Қай істің де бастауы оңай емес. Сымбат та кәсібін қолға алу үшін өз қаражатымен қоса мемлекет тарынан кәсіпкерлерге берілетін жеңілдетілген несие алғандығын айтады.&nbsp;<blockquote>– Қазір мемлекет кәсіпкерлерді жақсы қолдап жатыр. Түрлі қайтарымсыз гранттар, пайыздық мөлшерлемесі аз несие, түрлі бағдарламалар әзірлеуде. Мұның бәрі кәсіп ашамын деген адамға үлкен қолдау. Мен де 6 пайыздық мөлшерлемемен жеңілдетілген несие алдым. Әр істе бір тәуекел керек. Осы арқылы кәсібім өрге домлайтынына сенімдімін, - дейді кәсіпкер.&nbsp;</blockquote>Тірліктің көзін тауып, тіршілік еткен адамның нәпақасы мол болары анық. Сымбат жолдасы Нұртуған екеуі 5 баласын өмірге әкеліп, тәрбиелеп отырған көпбалалы ата-ана. Олар осындай табанды еңбекқорлығының арқасында өзгелерге үлгі болуды көздейді. Беркелі кәсіп болсын деген тілегіміз бар.

Аралда тағы бір сауда орыны ашылды

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев ауданға қарасты Н.Ілиясов, Шіркейлі және Қоғалыкөл ауылындағы мектептерге барып, жаңа оқу жылына дайындық барысын көрді.Елді мекендердегі №44, 129, 132 орта мектеп қызметкерлері ағымдағы жөндеу жұмыстарын жүргізіп, 2023-2024 оқу жылына дайындық жүргізуде.Аудан басшысы білім ошақтарындағы шағын орталықтарды, асхана, спортзал, кабинеттерді аралап, мектептерде жаңа оқу жылында оқушыларды қабылдауда еш кедергі болмау керектігін атады. Әсіресе, балалар қауіпсізді ұдайы назарда болуын мектеп директорларының назарына салды. Сонымен қатар, жылу қазандықтарын көріп, бұған қатысты да мәселе туындамау керектігін ескертті.

Сырдария ауданының әкімі мектептердің жаңа оқу жылына дайындығын көрді

<a href="https://kyzylorda-news.kz/">Kyzylorda-news.kz.</a> «Халық тану» халықаралық қоғамдық комитеті Қазақстан экономикасын дамытуға белсенді қатысатын немесе қатысуды жоспарлап отырған, Қазақстан Республикасының, сондай-ақ басқа да елдердің барлық салалық бағыттарындағы мамандар мен заңды тұлғаларды анықтау және ел халқының тануы мақсатында «Үздік» атағын береді. «Халық тану» үздік мамандарға, кәсіпорындардың басшыларына – экономиканың жеке, мемлекеттік және қоғамдық секторына «Үздіктерді» халықтық дауыс беру арқылы іріктеу жолымен, ұйымдастырушының <a href="https://pomogvsem.kz/">сайтында</a> беріледі.&nbsp;«Халық тану» 3 номинация бойынша беріледі:«2023 жылдың үздік мемлекеттік органы» (министрліктер,әкімдіктер, департаменттер, басқармалар, бөлімдер – - Қазақстан халқы үшін өз қызметімен және жұмысымен жергілікті жерлерде толық берілгендік пен жауапкершілікті растаған мемлекеттік органдар;«2023 жылдың үздік кәсіпорны» - ҚР және шет елдер экономикасының барлық салаларындағы коммерциялық құрылымдардың ішінен ;«Үздік маман 2023 жылдың « – Қазақстанның дамуына қосқан үлесі үшін ҚР және шет елдердің экономиканың барлық салаларының коммерциялық, &nbsp;мемлекеттік, қоғамдық құрылымдарынан.«Халық тануға» қатысу үшін өтінімдер бере алады:– өзін - өзі ұсынған жеке тұлғалар; - мемлекеттік, қоғамдық және коммерциялық мекемелер мен кәсіпорындардың басшылары. «Халық тану» өткізу мерзімі:2023 жылғы 11 шілдеден 26 қарашаға дейін-халықаралық деңгейдегі «Үздіктерге» халықтық дауыс беру.Қатысуға өтінімдерді қабылдау (кандидаттарды ұсыну)&nbsp;2023 жылғы 11 шілдеден 26 қарашаға дейін жүргізіледі. &nbsp;Өтініш парағын алу үшін ХҚК ұйымдастырушысына Instagram парағына жазылу керек: @pomog_vsem_kz және сол жерде өтініш парағына сұрау қалдыру керек.&nbsp;Үміткерлерді бағалау кезінде Қазақстан экономикасының дамуына қосқан үлесі, жетістіктері туралы жарияланған мақалалары және «Үздік» атағына маманның немесе ұйымның қызметін көрсететін басқа да сипаттамалар ескерілетін болады.Лауреаттарды марапаттау 2023 жылдың 15 желтоқсанында Алматы қаласында Тәуелсіздік күніне арналған іс-шаралар барысында салтанатты жағдайда өтеді. «Халық тану» жеңімпаздары туралы ақпарат бұқаралық ақпарат құралдарында, әлеуметтік желілерде және мемлекеттік органдардың сайттарында жарияланады.«Халық тану» туралы толық ақпаратпен және ережелерімен ұйымдастырушының сайтындағы «Халық тану» бөлімінде танысуға болады.

«Халық тану» үздіктерді анықтайды

<a href="https://kyzylorda-news.kz/">Kyzylorda-news.kz.</a> «Ақ босаға» әйелдер қоғамдық бірлестігі ҚР Ақпарат және Қоғамдық даму министрлігінің қаржыландыруымен «Азаматтық бастамаларды қолдау» орталығының грантының аясында «Қызылорда облысындағы жұмыссыз мүгедек әйелдерді қоғамға дайындау (психологиялық қолдау, кәсіби бейімдеу және бағдарлау)» жобасын жүзеге асыруда.Бұл жобаның мақсаты - Қызылорда өңіріндегі мүгедектігі бар әйелдерге психологиялық қолдау көрсету, түрлі тренингтер арқылы кәсіби бейімдеу және бағдарлау.&nbsp;Жоба аясындағы міндеттерінің бірі - «Мүмкіндігі шектеулі адамдарға қоғамдастық деңгейінде қолдау көрсету» психологиялық тренингтер ұйымдастыру және кәсіби бағдардан өтіп, жұмысқа тұруларына қолдау көрсету. «Ақ босаға» әйелдер қоғамдық бірлестігі жүзеге асырған бұл жобаға ең күшті және белсенді мүмкіндігі шектеулі әйелдерді өмірге деген құштарлық пен шексіз махаббат біріктіріп отыр. Жобаға Қызылорда қалалық жұмыспен қамту орталығында есепте тұрған жұмыссыз әйелдер қатысуда. Біз өз тарапымыздан жоба аясында түрлі мемлекеттік бағдарламаларға дайындап кәсіптік оқыту курсынан өтуге мүмкіндік жасап, жобаға қатысушылардың өз ісін ашуына қолдау көрсетудеміз – дейді жоба жетекшісі Зейнар Тажиева. Жоба басшылығы осы мәселе бойынша салалық принцип негізінде мемлекеттік органдарға үндеу ұйымдастырды, ұсынымдармен шықты, ол қолдау тауып отыр. Қазір жобаға жұмысымен 20-ға жуық мүмкіндігі шектеулі &nbsp;әйел қамтылып отыр. Жоба аясында қолөнер мамандығын меңгерген 2 әйел жұмысқа орналасып, 3 әйел тігін ЖК «Акмаганбетова Т», ЖК «Алинур» тігін цехында курстан өтуде. Сол жерде жоба қатысушыларына түрлі тренингтер өткізілуде. Сондай-ақ, жоба қатысушылары Қарттар үйіне сыйлыққа ортопедиялық кілемшелер дайындап, бірлескен тренингтер өткізуді жоспарлап отыр.&nbsp;Жобаға қатысушы Күләш Мәлікқызының айтуынша, өңірдегі мүмкіндігі шектеулі жандардың ең өзекті мәселелерінің бірі – қоғамның оларға деген сенімсіздігі, тіпті мүгедектер қоғамының өзіне деген сенімсіздік танытады.&nbsp;<blockquote>«Көп сөзге берілмей, нәтижелі жұмыс істеп жатқанымызды көргенде, адамдардың көзқарасы өзгере бастайды. Мәселен, киізден түрлі бұйымдар жасаймыз, ұлттық камзол тігеміз. Кейбіреулер бізді уақытында дайындап үлгермейді немесе денсаулыңы жарамайды деп бізге тапсырыс беругеқорқады. Осы себепті бізді жұмысқа қабылдамайды немесе жеке кәсібімізді ашуға несие бермейді. Бірақ олар біздің жігерімізді, жаңа білім мен дағдыларды алып ілгері жүргенімізді көргенде, бізге сенеді, бұдан асқан біз үшін мотивация жоқ шығар», - дейді Күләш Мәлікқызы.</blockquote>Жоба аясында ұйымдастырылған психологиялық тренингте өзін - өзі дамыту жане басқаруға арналған мотивациялық жаттығулар жүргізілуде.&nbsp;Тренинг барысында жобаға қатысушылар жобаға дейін және одан кейінгі нәтижелерін талдауда. NARXOZ университетінің профессоры, әлеуметтанушы, халықаралық тренер, PhD доктор Абенова Кулзада Әбдрахманқызы тренер ретінде шақырылды. Жоба бойынша шаралар қараша айына дейін жалғасатын болады.

Мүмкіндігі шектеусіз жандардың нәтижелі жобасы

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев аудандағы бірқатар құрылыс нысандарын аралап, ғимараттардың жұмыс барысымен танысты.Аудан басшысы ең әуелі Құмжиек ауылдық округіндегі Қ.Күлетов атындағы №92 мектептің күрделі жөндеу жұмыстарын көрді.Мұхтар Әуесұлы жұмысты жаңа оқу жылына дейін толық аяқтау қажет екенін қатаң тапсырып, жұмыстарды жеделдетуді тапсырды.Бұдан соң аудан басшысы Әйтеке би кентіндегі салынып жатқан 250 орындық мектепке аялдады.Өз кезегінде аудан әкімі Мұхтар Оразбаев құрылысқа жауапты мамандарға тоқтаусыз жұмыс жасау қажет екенін ескертті. Сондай-ақ, бірінші кезекте сапаға мән беріп, жұмыс қарқынын күшейтуді жүктеді.Әйтеке би кенті мен Қазалы қаласының арасындағы халықтық әлеуметтік осал топтарға берілетін тұрғын үйлердің құрылысымен де танысқан аудан басшысы мұнда да ең әуелі сапаға қатты мән беру қажет екенін ескертіп, ұдайы бақылауда болатынын айтты.Сонымен қатар, жұмыстардың баяу жүріп жатқанын қатаң сынға алып, жеделдету арқылы құрылысты уақытында аяқтауды тапсырды.

Қазалы: Құрылыс қарқынын жеделдету маңызды

<a href="https://kyzylorda-news.kz/">Kyzylorda-news.kz.</a> Тасқын да, өрт те – табиғаттың жауы. Мұндай аласапыран оқиғалар табиғатта жетерлік. Олар табиғи қалыптасқан тепе-теңдікті бұзып қана қоймай, адам баласының өміріне қауіп төндіреді. Бұл жөнінде және өрттің алдын алу жұмыстары бойынша Өңірлік коммуникациялар қызметінің баспасөз алаңында Облыстық ТЖД бастығының орынбасары Нұрсұлтан Ибрагимов толығырақ тарқатты.<blockquote>«Жергілікті атқарушы органдар, полиция қызметі, орман шаруашылығы мен төтенше жағдайлар қызметімен бірлесіп қала және аудандар бойынша &nbsp;құрамында 64 адам бар 13 мобильді топ &nbsp;құрылды. Қазіргі таңда, мобильді топпен 286 рет рейдтік шаралар жүргізілді. Рейдтік шара барысында және тіркелген оқиғалар бойынша әкімшілік құқық бұзушылық кодексінің 367-бабына сәйкес 6 тұлғаға 241 500 теңге айыппұл салынды. Одан бөлек, түсіндірме жұмыстары тұрақты өткізілуде. Орман қоры жерімен шектесетін елдімекендер, теміржол мен автожол жағалауларында облыс бойынша барлығы 6 867 шақырымға минералды жолақтар жүргізу жоспарланған, оның 5 294 шақырымына жүргізілген, қалған 1 618 шақырымы өрт қауіпті маусымы аяқталғанға дейін жүргізіледі», - деді Нұрсұлтан Жаңабайұлы.</blockquote>Еске сала кетейік, осы жылдың 20 наурызынан бастап Қызылорда облысында өрт қауіпті маусымның басталу күні болып белгіленді.

Табиғи апаттың алдын алу жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Осы жылдың қыркүйек айында Мемлекет басшысының тапсырмасына сәйкес, Президенттік жастар кадр резервіне іріктеудің 3-ші кезеңі басталады. Азаматтарды іріктеу – &nbsp;6 кезеңнен тұрады. Сондай-ақ, Президенттік жастар кадр резервіне жасы 35-тен аспаған, жоғары білімді, кез келген салада жұмыс өтілі бес жылдан кем емес және мемлекеттік тілді еркін меңгерген ҚР азаматтары қатыса алады. Бұл жөнінде Қызылорда облысының Өңірлік коммуникациялар қызметінің ақпарат алаңында ҚР Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңестің төрағасы Ерлеген Мендалиев хабарлады.&nbsp;<blockquote>«Президенттік жастар кадр резервіне қатысу үшін кандидаттар 1-30 қыркүйек аралығында pkrezerv.gov.kz атты арнайы сайтта құжаттарын тіркей алады. Одан кейін мәтіндік және сандық ақпаратпен жұмыс істеу қабілеті бағаланады. Үшінші кезеңде үміткерлердің таңдаған салалық бағыттарына байланысты ситуациялық тапсырмалар беріліп, олардың көзқарасын бағалауға бағытталады. Төртінше кезеңде құзыреттерді бағалау кезеңі деп аталады. Бесінші кезеңде азаматтар арнайы құрылған сарапшылық комиссиясында пікір алмасады. Ал соңғы кезеңде Ұлттық комиссияның отырысы өтіп, Президенттік жастар кадр резервіне үздік 50 кандидат қабылданады. Бұл жиын осы жылдың 25 желтоқсанына дейін өткізіледі деп жоспарлануда. Ерекше атап өтетін жайт, резервтегі адамдар заңнамада белгіленген тәртіппен мемлекеттік саяси лауазымдарға, «А» корпусының лауазымдарына, «Б» корпусының басшылық лауазымдарына тағайындалуы мүмкін. Сондай-ақ, резервте болу мерзімі 3 жылды құрайды», - деді Ерлеген Жәрдемұлы.</blockquote>Баспасөз конференциясы барысында ҚР Президенті жанындағы Мемлекеттік басқару академиясының Қызылорда облысы бойыша филиалының директоры Мұрат Әйтімов аталмыш жобаның маңыздылығына тоқталып, мемлекеттік басқару жүйесінде үздіксіз білімнің қажеттілігін алға тартты.&nbsp;<blockquote>«Жастарды ел игілігіне тарту – бүгінгі күннің маңызды мәселесінің бірі. Осы орайда Ел Президенті мемлекеттік басқару жүйесіне жастарды тарту мақсатында осы жобаға аса назар аударып отыр. Елге өзгеріс әкелетін әрбір жас жарқын болашақтың негізгі тетігі сынды. Сол үшін де жастар Президенттік жастар кадр резервіне қатысу мүмкіндігін жіберіп алмауы керек. Өйткені, бұл жоба үлкен мүмкіндіктерге жол ашады», - деді Мұрат Жолдасбекұлы.&nbsp;</blockquote>

Президенттік жастар кадр резерві: Жаңа мүмкіндікке жол ашады

<a href="https://kyzylorda-news.kz/">Kyzylorda-news.kz.</a> Қызылорда қаласы Төтенше жағдайлар басқармасы, Қызылорда облысы көлік инспекциясы қала аумағындағы су айдындарында адамдардың қауіпсіздігін қамтамасыз ету мақсатында сағат 13:00-ден бастап 20:00-ге дейін түсіндірме жұмыстарын жүргізді.&nbsp;Түсіндірме жұмыстарына Қызылорда облысы Төтенше жағдайлар департаменті “Өрт сөндіру және авариялық-құтқару жұмыстары қызметі” ММ, “Қызылорда еріктілер” қоғамы өкілдері де қатысты. Іс-шара барысында “Батыс Қытай -Батыс Еуропа” тас жолының Сырдария өзеніндегі көпір тұсы, “КОПЭС” саяжайы маңындағы Сырдария өзенінің жағалауы, “ПМК-29” саяжайы тұсындағы Сырдария өзенінің жағалауы, Шіркейлі көпірінің тұсы, Наурыз саяжайының Шіркейлі каналы, Көксу демалыс саяжайы, Сабалақ саяжайындағы “Батыс Қытай - Батыс Еуропа” тас жолындағы көпір тұсы, “Ягодка” саяжайы маңындағы Сырдария өзенінің жағалауы, Белкөл мөлтек ауданындағы көне көпір тұсы, “Р-1” каналының шлюздері маңында су айдындарына демалуға шыққан азаматтарға су айдынындағы қауіпсіздік қағидалары түсіндірілді.

Су айдынындағы қауіпсіздік қағидалары түсіндірілді

<a href="https://kyzylorda-news.kz/">Kyzylorda-news.kz.</a> Көп қабатты тұрғын үйлерде тұрғындарды іс-жүзінде эвакуациялауды пысықтау мен тұрғындарды өрт кезінде әрекет ете білуге үйрету мақсатында Қызылорда қаласы Мерей мөлтек ауданы №1 мекенжайда орналасқан 9 қабатты тұрғын үйде өрт-тактикалық оқу-жаттығу өткізілді.&nbsp;Оқу-жаттығу барысында тұрғындарды эвакуациялау мен өрт кезіндегі алғашқы іс-қимылдар бойынша түсіндірме жұмыстары жүргізілді. Оған Өртке қарсы қызметінен 8 техника, 30 қызметкер жұмылдырылып, жергілікті полиция, жедел жәрдем бригадасы, Қалалық ТЖБ қызметкерлері мен қалалық авариялық қызметтері де қатыстырылды. Құтқару жұмыстары кезінде Газ түтінінен қорғау буыны пәтерлерден 8 тұрғынды (оның ішінде 2 бала, 1 мүмкіндігі шектеулі) құтқарылып, 32 адамды эвакуациялады. Оқу-жаттығу соңында Қызылорда облысы ТЖД “Өрт сөндіру және авариялық-құтқару жұмыстары қызметі” ММ бастығы азаматтық қорғау полковнигі Ә. Баекеев өрт-тактикалық оқу-жаттығуға оң бағасын беріп, тұрғындарға өрт қауіпсіздігі талаптарын қатаң сақтап, қауіпсіздік ережелерін түсіндіріп, балаларды қараусыз қалдырмауға кеңес берді.Өрт қауіпсіздігі ережесін қатаң сақта:Киіміңізге от тигенде жүгірмеңіз. Ол оттың одан сайын өршуіне әкеледі. Одан да киімді жылдам шешуге тырысу керек, болмаса еденге жатып аунау керек. Егер жаныңыздағы адамның киімі жанып жатса, оны өшіру үшін үстіне дымқыл мата жабыңыз.Терезелерді ашып, түтінді шығаруға болмайды. Таза ауа отты өршітеді.Лифтті қолданбаңыз. Өрт кезінде электр тоқтары өшірілетін болғандықтан, өрт кезінде ғимарат толық тоқ көзінен ажыратылғандықтан лифт кез-келген жерде тоқтап қалуы мүмкін.Ауыз-мұрныңызды дымқыл матамен жауып, пәтердегі барлық адамдарды балконға алып шығып, сол жерде құтқарушылардан көмек күтіңіз. Балкон болмаған жағдайда, терезені ашып, сырттағыларға белгі беріңіз. Қорқынышқа бой алдырып, жоғарғы қабаттан секірмеңіз. Себебі бұл сіздің өміріңізге үлкен қауіп төндіреді. Кей жағдайда қайғылы оқиғаға алып келуі мүмкін.

Қызылордада өрт-тактикалық оқу-жаттығу өтті

<a href="https://kyzylorda-news.kz/">Kyzylorda-news.kz.</a> Қызылорда облысы көлемінде 21-23 тамыз аралығында «Құқық тәртібі» жедел-профилактикалық іс-шарасы өткізіледі.Кең ауқымды шараның мақсаты – облыс көлеміндегі жедел жағдайды тұрақтандыру, заңдылықты, құқықтық тәртіпті және қауіпсіздікті қамтамасыз ету бойынша шаралар қабылдау.<blockquote>«Қоғамдық тәртіпті қорғауды күшейту, қылмысқа қарсы іс-қимыл және жол қауіпсіздігін қамтамасыз ету мақсатында жүргізілетін бұл шара облысымыздың барлық аудандарында жүргізілетін болады. Тұрғындарды жедел-алдын алу іс-шарасын өткізуге түсіністікпен қарап, полиция қызметкерлерінің заңды талаптарын орындауға шақырамыз» деді Қызылорда облысы Полиция департаменті бастығының бірінші орынбасары полиция полковнигі Шамшидин Амитов.</blockquote>

Қызылордада «Құқық тәртібі» шарасы өтеді

<a href="https://batys.info/2020/10/22/zhas-spirimder-ylmysy-azajdy-2/">ФОТО</a><a href="https://kyzylorda-news.kz/">Kyzylorda-news.kz.</a> Биыл 7 айдың ішінде жасөспірімдер жасаған қылмыстардың саны 11 пайызға өскен. Бұл туралы Ішкі істер министрлігінде өткен брифингіде Әкімшілік полиция комитетінің ерекше тапсырмалар жөніндегі аға инспекторы Лейла Әліпбаева айтты.<blockquote>«Соңғы бес жылда жасөспрімдермен жасалған қылмыстардың саны жартылай төмендеген. Дегенмен биылғы 7 айдың қорытындысы бойынша олардың саны 11 пайызға өскен. Көбіне жасөспірімдер ұрлық, қарашылық, тонау қылмыстарын жасайды. Мұндай әрекетке баруға негізгі себеп – ата-аналар тарапынан балаларының мінез-құлқына қатысты тиісті бақылаудың болмауы», - деп деректер келтірді Лейла Әліпбаева ведомствоның баспасөз алаңында өткен брифингіде.</blockquote>Спикердің айтуынша, түнгі уақытта ата-аналардың бақылауынсыз көңіл көтеру орындарында жүретін жасөспірімдер жиі анықталады.

Биыл жасөспірімдер жасаған қылмыс саны 11 пайызға өскен

<a href="https://kyzylorda-news.kz/">Kyzylorda-news.kz.</a> «Ақ босаға» әйелдер қоғамдық бірлестігінің &nbsp;«Көп балалы аналар мен жастардың шешім қабылдауға қатысуын қолдау» жобасы Орталық Азияның Еуразия Қорының Еуропалық Одақ қаржыландыратын «Сіздің дауысыңыз маңызды. Технологиялар арқылы шешім қабылдауға азаматтық қатысу» жобасының демеушілік қолдауымен жүзеге асырылуда. Бұл жобаның мақсаты - Қызылорда өңірінің көп балалы аналары мен жастарын жұмылдырып, азаматтық технологияларды пайдалану арқылы шешім қабылдауға қатысуын &nbsp;күшейту болып табылады.Жобаға қатысушы көп балалы аналар мен жастардың арасында 50 белсенді қатысушылары өз дауыстары арқылы еліміздің шешімдерінің қабылдануына қатыса алады. Олар цифрлық сауаттылығы арқылы өз қауымдастықтарының әлеуметтік мәселелері мен қажеттіліктерін анықтап, үкімет пен билікке жеткізу тетіктерін қолданады. Өздеріне керекті ақпараттарды үйден шықпай-ақ алып отырады. Жұмыссыз жастар алған білімдері арқылы онлайн технология арқылы жұмыспен қамтылуы мүмкіндігі артады. Бүгінгі күні жоба аясында мемлекеттік органдармен, бизнес өкілдерімен, үкіметтік емес ұйымдармен &nbsp;ынтымақтастық орнатылып біріккен іс -шаралар ұйымдастыру тәжірибесі қалыптасты. Көп балалы аналар мен жастар қоғамның белсенді мүшелері ретінде цифрлық технологиялар арқылы өз пікірін жеткізуге мүмкіндік алып отыр.&nbsp;Көп балалы аналар мен жастар қауымдастық мүшелері ашылған телеграмм-бот арқылы «Ашық Үкімет» платформасымен жұмыс жасау әдістерін меңгеріп, заңнамалық актілерді, бюджетті талдауға қатысты мәлімет пен &nbsp;мемлекеттік жеңілдіктер туралы ақпараттарды &nbsp;дер кезінде алып отырады. Е-Өтініш, Е-Салық, Е-Лицензия сияқты платформаларда жұмыс жасауды үйренеді. Жастар мен әйелдер арасында азаматтық технологияларға деген қызығушылық жоғары. Қазақстан үкіметі халықпен диалог жүргізуге жағдай жасады, бірақ мұндай ақпараттық науқандар тұрғындарды ақпараттық сауаттандыру үшін өте қажет. Қолданыстағы азаматтық технологияларды ілгерілетуде ҮЕҰ-ға бүгінде ерекше рөл жүктеліп отыр.&nbsp;«Ақ босаға» қоғамдық бірлестігі 2006 жылдан бастап аймағымыздағы отбасы - демографиялық саясат, әйелдер істері, білім беру саласын дамыту, әлеуметтік саладағы мемлекеттік саясатты жүргізуде көптеген жобалардың бастамашысы және орындаушысы болып табылады.&nbsp; &nbsp;

Қазақстан және Қызылорда облысының жаңалықтары