<a href="https://kyzylorda-news.kz/">Kyzylorda-news.kz.</a> Белгіленген уақытта мектеп құжаттарын тапсырып үлгермеген жағдайда ата-ана не істеу керек? Бұл сауалға Астана қаласы білім басқармасының басшысы Қасымхан Сенғазиев жауап берді.<blockquote>«Құжаттарды қабылдау 1 сәуір мен 1 тамыз аралығында жүрді. Дегенмен біз түсінеміз, әртүрлі себеппен үлгермей қалған ата-аналар бар. Құжаттар тапсыруда кешіккен ата-аналармен мектептер жанынан комиссия жұмыс істеп жатыр. Құжаттарды қағаз түрінде мектепке барып тапсыруға болады», - деді Қасымхан Сенғазиев Астана қаласы коммуникациялар қызметі алаңында өткен баспасөз мәслихатында.</blockquote>Оның айтуынша, құжаттар «электрондық үкімет» <a href="https://www.inform.kz/kz/www.egov.kz">веб-порталы</a> арқылы қабылданды.Еске сала кетейік, бірінші сыныпқа құжаттарды қабылдау <a href="https://www.inform.kz/kz/birinshi-synypka-kuzhattardy-kabyldau-1-tamyzda-ayaktalady_a3960618">1 тамызда</a> аяқталды.Оқу-ағарту министрлігінің мәліметінше, биыл бірінші сыныпқа қабылдау бойынша 400 мыңнан астам өтініш түсті.Биыл мектепке баратын балалардың 70 пайызы қазақ тілінде білім алуды таңдаған. Қалғандары орыс, ұйғыр және тәжік тілдерінде оқиды.

Мектепке құжат тапсырып үлгермеген жағдайда не істеу керек?

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев кезектілік тәртібімен жазылған азаматтарды қабылдап, оларды толғандырған мәселелерді, ұсыныс-пікірлерін тыңдады. Бүгінгі жеке қабылдауға 14 адам келді.Қабылдауға келген тұрғындардың басым бөлігі тұрғын үй алу, жұмысқа орналасу және инфрақұрылым тарту мәселелерін көтерді. &nbsp; Облыс әкімі азаматтардың мәселелері жіті зерттелетінін, &nbsp;шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар заң аясында түсіндірме беріп, шешу жолдарын ұсынды.Аймақ басшысы мүгедек балаларының ем алуына көмек сұраған 44 жастағы азаматшаның мәселесін шешу &nbsp;үшін 10 күн ішінде ұсыныс әзірлеуді тапсырды.Ал «Бәйтерек» мөлтек ауданының тұрғыны мектеп құрылысының баяулап кеткенін айтып, каналға салынып жатқан көпір мәселесін және №25 бағыттағы автобус жүретін жолды асфальттауды сұрады. Осы сауалдарға жауап берген аймақ басшысы мектеп жоспар бойынша қазан айында, ал көпір құрылысы қыркүйек айының соңында аяқталатынын жеткізді. Мұнан бөлек, «Бәйтерек» шағын ауданындағы жолдарды жөндеу жұмыстарына өткен жылы және биыл &nbsp;барлығы 1 млрд. теңге бөлінгенін айтты.Айта кетейік, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<img src="https://knadmin.beoblood.kz/uploads/368000680_594751176179464_8595351307964510326_n_4de8c65d39.jpg" alt="368000680_594751176179464_8595351307964510326_n.jpg"><img src="https://knadmin.beoblood.kz/uploads/367991587_594750929512822_1067768105837739482_n_fee0ef38c8.jpg" alt="367991587_594750929512822_1067768105837739482_n.jpg">

Нұрлыбек Нәлібаев тұрғындарды қабылдады

<a href="https://kyzylorda-news.kz/">Kyzylorda-news.kz.</a> Сыр өңірінің тарихы, мәдениетімен танысу ниетінде Оңтүстік Кореядан жоғары сынып оқушылары мен студенттері келді. Экспедицияға Корей елінің теңіз күштерінің Вице-адмиралы Шин Чанг И, Кореяның тарих және мәдениет орталығының атқарушы директоры Ко Чин Хо, тарих және мәдениет орталығының бас хатшысы Чонг Кенг Вон жетекшілік етті. Қазақ елінің тарихына қызығушылық танытқан 30-ға жуық корей оқушысы мен студенті ең бірінші Достық үйіне келіп, онда этномәдени бірлестіктердің өкілдері, өңірдегі корей халқы батырларының 4, 5-ші ұрпақтары және жастармен кездесті.Қонақтарды Қызылорда облыстық қоғамдық даму басқармасының «Қоғамдық келісім» КММ директорының міндетін атқарушы Фархат Әбдібағдатұлы, өңірлік корей этномәдени бірлестігінің орынбасары Денис Пак қарсы алды. Кездесу модераторы Фархат Әбдібағдатұлы Қызылорда мен Корея арасындағы үлкен дәрежедегі достықты, жан-жақты байланысты сөз етті.<blockquote>«Қасиетті Сыр жері өз отанынан алшақ өмір сүріп жатқан корей халқына алтын бесік бола білді. Корейлер қай кезеңде болмасын аймақтың барлық саласында өзіндік қолтаңбаларын қалдырып келеді. Қазіргі таңда өңірде 7 мыңнан астам корей ұлтының өкілдері бар», - деді&nbsp; Фархат Әбдібағдатұлы.</blockquote><blockquote>«Қиын жылдар кезеңінде қазақ халқының біздің ата-бабаларымызды ыстық ықыласпен қарсы алғанын алғыс сезіммен еске аламыз. Қазақ халқының дархандығының арқасында міне, корейлердің бесінші ұрпағы бірлігі жарасқан, келешегі кемел елде өмір сүріп келеміз. Екі ел арасындағы ынтымақ пен достықтың нәтижесінде игілікке толы ізгі жұмыстар өз жалғасын таба бермек», - деді Денис Пак.</blockquote>Қорқыт Ата атындағы Қызылорда университетінің ректоры Бейбіткүл Каримова киелі оқу ордасының 86 жылдық тарихына тоқталып, Оңтүстік Кореядағы Сеул Ұлттық университетімен мықты байланысты сөз етті.&nbsp;<blockquote>«Корея Парламентінің депутаты У Вон Шиктің қолдауымен екіжақтық байланыс одан әрі нығая түсуде. Жуырда өңірімізде Сеул Ұлттық университетінің ашылу салтанаты өтеді. Бірінші жыл біз университет студенттеріне корей тілін үйретеміз. Осы ретте сіздер тарапынан қолдау көрсетіліп, корей тілін үйрететін ұстаздарды жіберуге ықпал етулеріңізді сұраймыз. Университет студенттері үш жыл қатарынан &nbsp;Қорқыт Ата атындағы Қызылорда, Сеул Ұлттық университеттерінің бағдарламасы бойынша оқу оқиды. Су, жарық үнемдеу және ауылшаруашылығын дамыту бағыттары бойынша жаңа жобалар жүзеге асырылады. Корей халқының мәдениеті мен тарихын дамыту мақсатында жұмысты жандандырмақпыз», - деді Бейбіткүл Каримова.</blockquote>Мұнан соң екі тараптың қарым-қатынасын нығайту және облыстағы ынтымақтастық тарих, мәдениет, білім, әлеуметтік даму мақсатында үшжақты меморандумын жасау үшін Қызылорда облысы қоғамдық даму басқармасының «Қоғамдық келісім» коммуналдық мемлекеттік мекемесімен, «Қазақстан корейлер қауымдастығы» Қызылорда облыстық қоғамдық бірлестігі және Қорқыт Ата атындағы Қызылорда университетімен ынтымақтастық мәселелері талқыланып, бірлескен жобаларды жүзеге асыру туралы келісімге қол қойылды.Алдағы уақытта үшжақты меморандум жасасу нәтижесінде аталған мекемелер ынтымақтастық білім, тарих, мәдениет, жалпы білім алмасу саласындағы жобаларды бірлесіп атқаруға мүдделі.<img src="https://knadmin.beoblood.kz/uploads/IMGL_5215_e825237bd8.JPG" alt="IMGL5215.JPG">

Тарих, мәдениет, білім, әлеуметтік даму мақсатында үшжақты меморандумға қол қойылды

<a href="https://kyzylorda-news.kz/">Kyzylorda-news.kz.</a> 1 қыркүйектен бастап елордада арнаулы орта білім беру саласында жаңа жүйе іске қосылады. Бұл туралы Астана қаласы білім басқармасының басшысы Қасымхан Сенғазиев толығырақ айтып берді.<blockquote>«Биыл алғаш рет колледждерде 10-11 сынып оқушыларына арналған эксперименттік білім беру бағдарламалары бойынша қабылдау жүргізілді. Нәтижесінде 270 оқушы қабылданды. Олар 1,5 жылдан кейін білім туралы аттестатпен қатар жұмыс біліктілігі бар диплом алып шығады», - деді Қасымхан Сенғазиев Астана қаласы коммуникациялар қызметі алаңында өткен баспасөз мәслихатында.</blockquote>Білім басқармасы басшысының мәліметінше, елордада 33 колледж бар. Онда 75 мамандық және 122 біліктілік бойынша кадр даярланады. Биыл елорда колледждерінде оқуға 11 937 өтініш тсүкен.Айта кетейік, бүгін елордада жаңа оқу жылына дайындық барысы пысықталды. Қалалық білім басқармасының басшысы білім беру ұйымдары <a href="https://www.inform.kz/kz/elorda-mektepteri-100-beynebakylau-kameralary-zhane-turniketpen-kamtylgan_a4101755">қауіпсіздік құралдарымен</a> толық қамтылған деп сендірді.

Оқушыларға аттестатпен қатар жұмыс біліктілігі дипломы беріледі

<a href="https://aikyn.kz/247257/35-gradus-ystyk-bolady-seuir-ayyna-arnalgan-aua-rayy-bolzhamy">ФОТО</a><a href="https://kyzylorda-news.kz/">Kyzylorda-news.kz.</a> 16-18 тамызда Қазақстанның көп бөлігінде біртіндеп ауа температурасы жоғарылайды, деп хабарлайды «Қазгидромет» РМҚ.Синоптиктердің болжамы бойынша, атмосфералық фронталдық бөліктер өтетін кезде Қазақстанның көп бөлігінде құбылмалы ауа райы сақталады: күн күркіреп, жаңбыр жауып, жел күшейеді. Елдің тек солтүстік, орталық және оңтүстігінде ғана жауын-шашын түспейді. Республиканың көп бөлігінде термометр бағаны біртіндеп көтеріле береді.

Қазақстанда алдағы үш күнде ауа температурасы жоғарылайды

<a href="https://aikyn.kz/191140/tutynushy-kukygy-nege-zhii-buzylady">ФОТО</a><a href="https://kyzylorda-news.kz/">Kyzylorda-news.kz.</a> Биыл аймақта тұтынушылардың құқығы бұзылу дерегі өткен жылмен салыстырғанда 7,6 пайызға артқан.&nbsp;Жалпы, 7 ай көлемінде 199 өтініш келіп түскен. Келген шағымдардың басым бөлігі бөлшек сауда саласына қатысты. Дегенмен, өтініштердің барлығы есепке алынып, тұтынушылардың қаражаттары қайтарылып, құқықтары заңмен қорғалды. Бұл жөнінде Өңірлік коммуникациялар қызметінің баспасөз алаңында Қызылорда облысы бойынша Сауда және тұтынушылардың құқықтарын қорғау департаментінің басшысы Ерқасым Сүлейменов тереңірек тарқатты.<blockquote>«Жалпы тұтынушыларға барлығы 3,1 миллион теңгенің қаражаты қайтарылуына ықпал жасалды. Сонымен қатар, «Тұтынушылардың құқықтарын қорғау туралы» ҚР Заңының жобасына ілеспе «ҚР кейбір заңнамалық актілеріне тұтынушылардың құқықтарын қорғау &nbsp;мәселелері бойынша өзгерістер мен толықтырулар енгізу туралы» Заң жобасы әзірленді. Қазіргі таңда Заң жобасы мәжіліске жолданды», - деді Ерқасым Жайбергенұлы.</blockquote>Айта кетейік, жаңа Заң жобасы тұтынушылардың құқықтарын қорғау жөніндегі Омбудсмен институтын енгізуді ұсынумен ерекшеленеді.&nbsp;

Қызылордада тұтынушылардың құқығы жиі бұзылады

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданындағы Көшеней Рүстембеков атындағы жыраулар үйінде аудан әкімі Жандос Еркінбекұлының төрағалығымен аудандағы жасөспірімдер арасындағы құқық бұзушылықтардың алдын алу туралы барлық сала мамандары мен жоғары сынып оқушылары ата-аналарының кеңейтілген мәжілісі өтті.Жиынға аудандық мәслихат төрағасы бастаған депутаттар, аудан прокуроры, қоғамдық кеңес мүшелері, аудан ардагерлері мен құзырлы орган қызметкерлері, білім саласы мамандары қатысты.Мәжілісте көтерілген басты мәселе аудандағы кәмелет жасқа толмаған жасөспірімдер арасындағы топтық төбелестердің толастамауы болды.Мәжіліс қорытындысымен аудан басшысы білім және полиция бөлімі басшылығына ауданда болған келеңсіз оқиғаға қатысты рейдтік бақылау жұмыстарын күшейту жөнінде нақты тапсырмалар берді.

Топтық төбелеске байланысты кеңейтілген мәжіліс өтті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетіне Корея Республикасы Шинхан университетінің өкілдері жұмыс сапарымен келді.&nbsp;Делегация мүшелері – Шинхан университеті Ғылыми-зерттеу орталығының директоры Ким Чжонгкью, Зерттеу орталығы бөлімінің басшысы Ли Янгкей Қорқыт ата атындағы Қызылорда университетінің Басқарма төрағасы – Ректорының міндетін атқарушы, Әлеуметтік және тәрбие жұмыстары жөніндегі проректор Жандос Базартаймен және құрылым басшылары, профессор-оқытушылармен кездесті.&nbsp; Кездесуде экология, электр энергетикасы, ауыл шаруашылығы салалары бойынша жаңа жобаны жүзеге асыру талқыланды. &nbsp;Алдағы уақытта бірлескен білім беру бағдарламаларын оқыту, материалдық-техникалық базаны нығайту бойынша жұмыстар атқарылатын болады.&nbsp;Жиында Корея Республикасы Шинхан университетінің Өнеркәсіптік және академиялық ғылыми-зерттеу қызметінің ынтымақтастық қоры мен Қорқыт ата атындағы Қызылорда университеті арасындағы өзара түсіністік туралы меморандумға қол қойылды.Университеттің Басқарма төрағасы – Ректорының міндетін атқарушы, Әлеуметтік және тәрбие жұмыстары жөніндегі проректор Жандос Базартай білім ордасының академиялық және ғылыми әлеуеті, стратегиялық даму барысымен таныстырды.&nbsp;Кездесу барысында университеттердің екі жақты келісімшарты негізінде «Kazakhstan – Republic of Korea joint Laborаtory for E³ convergence technology &amp; Carbon Neutral Support» қазақ-корей біріккен ғылыми зерттеу зертханасының ресми ашылуы болды.&nbsp; Қонақтар «Физика-химиялық талдау әдістері» инженерлік бейіндегі зертханамен, ҚР еңбек сіңірген гидротехнигі М.Нәлібаев атындағы су шаруашылығы музейімен танысты. Сонымен қатар, Корей халқының ұлттық қаһарманы Хон Бом До мемориалына барып, тағзым етті. Айта кету керек, 2023 жылдың мамыр айында университеттің басшылығы бастаған арнайы делегация Оңтүстік Кореяның бірқатар жетекші ЖОО-ларында, сонын қатарында Шинхан университетінде болып, кездесу нәтижесінде өзара ынтымақтастық келісімге келген болатын. Кері байланыс ретінде, 5 шілдеде Шинхан университетінің Президенті Кан Сон Чжон (Kang Seong Jong) бастаған арнайы делегация Қорқыт ата университетінде болып, зерттеу және білім беру саласындағы бірлескен ғылыми-зерттеу жобаларын әзірлеу, біліммен, тәжірибемен және басқа да тиісті ақпаратпен алмасу мақсатында екі жақты меморандумға қол қойылған болатын.

Шинхан университеті мен Қорқыт ата атындағы Қызылорда университеті бірлескен жобаларды іске асырады

<a href="https://kyzylorda-news.kz/">Kyzylorda-news.kz.</a> Қызылорда қаласында жаңадан салынып жатқан неке сарайының күмбезі өртенді.&nbsp;<blockquote>«Бүгін түскі сағат 12:24-те Қызылорда қаласы, Сұлтан Бейбарыс көшесінің бойында жаңадан салынып жатқан «Неке сарайы» ғимаратының шатыры жануда деп хабарлама түсті. Оқиға орнына 12 қызметкер, 3 бірлік техника шықты», - делінген Қызылорда облыстық төтенше жағдайлар департаментінің хабарламасында.&nbsp;</blockquote>

Қызылордада жаңадан салынып жатқан неке сарайы өртенді

<a href="https://kyzylorda-news.kz/">Kyzylorda-news.kz.</a> Қызылорда қаласында 5-30 тамыз аралығында «Мектепке жол» жалпы республикалық акциясы аясында оқушылардың мектеп формасына арналған жәрмеңке өткізіліп жатыр.&nbsp;Ал аудандарда аталмыш акция 16-21 тамыз аралығында жалғасады. Бұл жәрмеңкеге жергілікті «Ас-Ка» ЖШС, «Ақжүрек мүгедектер қоғамы» ҚБ, «Айша-бибі» тігін цехы және тағы да басқа кәсіпкерлер өз өнімдерін облыс тұрғындарына ұсынбақ ниетте. Жәрмеңкеде мектеп формалары нарық бағасын төмен әрі жоғары сапада сатылымға шығады. Сондай-ақ, әлеуметтік жағдайы төмен отбасыларына да арнайы жеңілдіктер қарастырылған.

Қызылордада мектеп формасына арналған жәрмеңке өтуде

<a href="https://kyzylorda-news.kz/">Kyzylorda-news.kz.</a> 2023 жылдың ІІ тоқсаны бойынша Қызылорда қаласы аумағында 131 өрт оқиғасы тіркелген. Бұл туралы қала әкімдігінің баспасөз орталығында өткен брифингте Қызылорда қаласы Төтенше жағдайлар басқармасы &nbsp;бастығының міндетін атқарушы БақтиярТұрманов толық мәлімет беріп өтті.<blockquote>«Жыл көлемінде жүргізілген профилактикалық жұмыстарға қарамастан қала көлемінде 131 өрт оқиғасы орын алды. Өрттің басым көпшілігі, яғни 52 өрт оқиғасы тұрғын үй секторында, 38 өрт оқиғасы автокөлікте орын алған.Бұдан бөлек, суға шомылу маусымында су айдындарында жазатайым оқиғалар жиі орын алады. Бұл көбіне тұрғындардың тыйым салынған орындарда шомылуынан, су қоймаларының жанында алкоголь ішуінен және балаларды қараусыз қалдыруынан болады. Сондықтан қала тұрғындарын қауіпсіздік ережелеріне басты мән беруге шақырамыз», - деді БақтиярТұрманов.</blockquote>Бұдан бөлек, қалада терезеден құлау дерегі азаймай тұр. Мәселен, биыл балалардың ата-анасының қарауынсыз қалуынан, қорғағыш торлардың дұрыс бекітілмеуінен балалардың терезеден құлау оқиғасының 11 фактісі тіркеліп, әр түрлі жарақатпен емдеу мекесіне жатқызылды.

Қызылорда қаласында биыл 131 өрт оқиғасы тіркелген

<a href="https://kyzylorda-news.kz/">Kyzylorda-news.kz.</a> Ұлттық банк доллар мен рубльдің 16 тамызға арналған бағамын белгіледі.&nbsp;Атап айтқанда, 1 доллар құны – 449,17 теңге, Ресей рублінің орташа сараланған бағамы – 4,58 теңге.15 тамыз кешкі сауда қорытындысы бойынша, доллардың орташа бағамы 0,85 теңгеге қымбаттап, 449,48 теңге болған. <a href="https://kurs.kz/">Kurs.kz</a> мәліметі бойынша, Астанадағы валюта айырбастау орындарында 1 доллар 449– 453 теңгеден сатылып жатыр. Ал Алматыда доллар 451,5 – 454,5 теңге аралығында құбылып тұр.Дәл қазіргі уақытта ақша айырбастау орындарында Ресей валютасын 4,54 – 4,79 аралығында саудаланып жатыр.

Қазақстан және Қызылорда облысының жаңалықтары