<a href="https://kyzylorda-news.kz/">Kyzylorda-news.kz.</a> &nbsp;ҚР Президентінің 2022 жылғы 3 наурыздағы «Әкімдердің халықпен кездесулерін өткізу туралы» №826 Жарлығына сәйкес Қазалы ауданының әкімі Мұхтар Оразбаевтың ІІІ тоқсандағы халықпен кездесуі жалғасып жатыр.Соған сәйкес бүгін аудан басшысы Аранды және Бозкөл ауылдық округтеріне арнайы барып, тұрғындардың талап-тілектеріне құлақ түрді. Кездесуде Мұхтар Әуесұлы жыл басынан бері ауданда атқарылып жатқан жұмыстарды тілге тиек етіп, алдағы жоспарларымен де бөлісті. Тұрғындар өздерін толғандырған сұрақтарын аудан басшысының назарына ұсынып, шешілу жолдарын сұрады. Атап айтар болсақ, көшелерді асфальттау, қатты отын мәселесі, аяқ су тапшылығы және «Әбдірейім» каналын қазуды жеткізді.<img src="https://knadmin.beoblood.kz/uploads/369745077_3724639051090348_3395287598901023412_n_c70b98f9b3.jpg" alt="369745077_3724639051090348_3395287598901023412_n.jpg">Халықтың көтеріп отырған түйткілдері орынды екенін айтқан Мұхтар Әуесұлы, ұсыныс-пікірлердің ескеріліп, барлығы кезең-кезеңімен шешімін табатынын тілге тиек етті. Сондай-ақ, «Әбдірейім» каналын қазу үшін тиісті жұмыстары жүргізілетінін де қоса кетті. Аудан басшысының Қожабақы ауылына сапары кезінде жеке қабылдауға жазылып, сауал жолдағандар да болды. Қабылдауда кәсіпкерлік, ауыл шаруашылығы және білім саласына қатысты сұрақтар жолданып, аталған бөлім басшыларына тиісті тапсырмалар жүктелді. Бұдан соңғы кездесу Бозкөл ауылдық округінің тұрғындарымен болды. Қ.Ерімбет атындағы №96 орта мектептің ауласында өткен кездесуде аудан басшысы жарты жылдықтағы жағымды жаңалықтармен бөлісіп, шешімін табатын жұмыстарға тоқталып, халық жолдаған сауалдарға да жауап берді.Ашық аспан астындағы кездесуде округ жұрты көптен айтып келе жатқан балабақша жайын көтерді. Сонымен қатар, ауыл шетінен бұлақ қазу мәселесін де ортаға салды. Мұхтар Әуесұлы тұрғындардың талап-тілегі ескерусіз қалмайтындығын, қажетті шаралар бірлесіп атқарылатындығын жеткізді. Сондай-ақ, айтылған ұсыныстарға байланысты жауапты сала басшыларына бірқатар тапсырмалар жүктеді.Жиыннан соң аудан басшысы округтегі білім ошағының жаңа оқу жылына дайындығынан хабар алды. Оған қоса округте жаңадан бой көтеріп жатқан дәрігерлік амбулаторияның құрылысымен де танысты. Құны – 400 млн.теңгеге жуық болатын нысанға жауапты мердігер мекеме – «Болашақ» ЖШС. Мамандармен кездескен аудан басшысы құрылысқа асқан жауапкершілікпен қарап, сапасына мән бере отырып, қазан айында ел игілігіне беру қажет екенін ескертті.Айта кетейік, халықпен кездесулерге аудандық мәслихат төрағасы Ғазиз Әліш, аудандық қоғамдық кеңестің төрағасы Талайлы Бөріқұлақов, аудандық мәслихат депутаттары Күншығар Әбілов пен Райымбек Бөлебаев, аудандық полиция бөлімінің бастығы Асылбай Аңсатов және бірқатар дербес бөлім мен мекеме-кәсіпорын басшылары қатысты.Мұхтар Оразбаевтың тұрғындармен кездесуі шалғайда орналасқан елді мекендерге жалғасын тапты. Аудан басшысы ең әуелі Қызылқұм ауылдық округі халқымен дидарласып, аудан көлеміндегі атқарылып жатқан жүйелі жұмыстарды сөз етті. Оған қоса алдағы мақсат-міндеттермен бөлісіп, алыстағы ағайынның талап-тілектеріне құлақ түрді.№225 орта мектептің ауласындағы кездесуде ауыл жұрты бірінші кезекте жол мәселесі екенін жеткізді. Сосын округ ішіндегі бірқатар көшелерге асфальт төселсе екен деген тілегін айтты.Мұхтар Әуесұлы әрбір ұсыныс үнемі назарда болып, олардың оңтайлы шешілу жолдары қарастырылатынына тоқталды. Бұдан кейін аудан басшысы елді мекендегі жаңадан бой көтеріп жатқан мәдениет ошағы мен дәрігерлік амбулаторияның құрылысын көрді.<img src="https://knadmin.beoblood.kz/uploads/369687394_3724662021088051_789981578481308403_n_5bd552ce00.jpg" alt="369687394_3724662021088051_789981578481308403_n.jpg">Округте құрылысы қарқынды жүріп жатқан 100 орындық клубқа жауапты мердігер – «SCS Инжиниринг» ЖШС. Ал жуырда ғана құрылысы басталған дәрігерлік амбулаторияға жауапты «Аман-Құрылыс» ЖШС. Қос ғимараттың жұмысымен толық танысқан аудан әкімі құрылыс қарқынын жеделдетіп, сапасы қатаң бақылауда болу қажеттігін айтты. Оған қоса белгіленген уақыттан қалдырмай ел игілігіне беруді тапсырды.Мұнан соң аудан әкімі Мұхтар Оразбаев Тасарық ауылдық округіне ат басын бұрды. Аудан басшысы ең әуелі елді мекеннен салынып жатқан орталық саябақтың құрылысын көрді. Жүйелі жұмысты мердігер мекеме – «Сарым Құрылыс» ЖШС атқаруда. Қазіргі таңда саябақтың брусчаткалары басылып, сахнасы тұрғызылып, сырты толық қоршалған. Ендігі әрлеп, сырлау жұмыстары қалып тұр. Бұдан бөлек, мұнда түнгі жарықшамдар жүргізіліп, көрермендерге арналған орындықтар қойылатын болады.Тасарықтағы ағайынмен өткен кездесуде аудан басшысы оңтайлы шешімін тауып келе жатқан жұмыстарды тілге тиек етіп, тұрғындардың мұң-мұқтажын да тыңдады. Елді мекен жұрты жиында жолдың мәселесін көтеріп, түнгі жарықшамдар қажеттігін де жасырмады.Мұхтар Әуесұлы көтерілген мәселелердің барлығы кезең-кезеңімен шешімін табатындығын жеткізіп, жолдарын түсіндіріп өтті. Аталған ауылдардағы басқосуда аудандық қоғамдық кеңестің төрағасы Талайлы Бөріқұлақовта сөз алып, ел-халық ауыз біршілікте болса түйіні тарқатылмайтын түйткіл болмайтынын жеткізді.

Қазалы ауданының әкімінің халықпен кездесуі жалғасуда

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен кадрлық өзгерістерге орай актив отырысы өтті. Жиында Қызылорда облыстық энергетика және тұрғын үй-коммуналдық шаруашылық &nbsp;басқармасының басшысы таныстырылды.Облыстық бірыңғай конкурстық комиссиясының шешімімен Қызылорда облыстық энергетика және тұрғын үй-коммуналдық шаруашылық басқармасының басшысы лауазымына Ысмағұлов Болатбек Әбдулхайысұлы тағайындалды.Облыс әкімі басқарма басшысын таныстырып, қызметіне сәттілік тіледі.<blockquote>«Болатбек Әбдулхайысұлы – түрлі басшылық лауазымдарда мол тәжірибе жинаған, мемлекеттік қызметте шыңдалған маман. Жаңа басшы тізгінін ұстаған күрмеуі қиын салада Мемлекет басшысы жүктеген және Үкімет бекіткен көрсеткіштерге қол жеткізу үшін ауқымды жұмыстар &nbsp;атқарылуы керек. Алда жылу беру маусымы, биыл жүйелерді жаңғыртуға республикалық бюджеттен 8,2 млрд. теңге бөлінді. Қазір қалада 9 шақырым жылу жүйелері ауыстырылуда. Ендігі кезекте осы бөлінген қаржыны тиімді, уақытылы және сапалы игеруіміз, басталған жобаларды мерзімінде тапсыруымыз керек», – деді облыс әкімі.</blockquote>Актив отырысында облыстық ардагерлер кеңесінің төрағасы Серік Дүйсенбаев сөз алып, басқарма басшысын жаңа қызметімен құттықтады.Болатбек Әбдулхайысұлы 1964 жылы дүниеге келген. Алматы энергетика институтын «Электрмен жабдықтау», Қарағанды экономикалық университетін «Қаржы» мамандықтары бойынша бітірген.Еңбек жолын 1981 жылы Шиелі ауданындағы «Гигант» колхозының механизаторы болып бастаған. 1984-1997 жылдары жеке секторда түрлі лауазымдарда қызмет атқарған.1997-2012 жылдары «Қазпошта» акционерлік қоғамы Шиелі аудандық пошта байланыс торабының бастығы лауазымында еңбек еткен.2012-2022 жылдары Шиелі ауданы әкімінің орынбасары, аудандық экономика және бюджетті жоспарлау бөлімінің сектор меңгерушісі, аудандық мемлекеттік активтер және сатып алу бөлімінің басшысы жауапты қызметтерін абыроймен атқарған.&nbsp;2022 жылдан бастап осы кезге дейін Шиелі ауданы әкімінің орынбасары қызметінде болған.<img src="https://knadmin.beoblood.kz/uploads/369632492_598158262505422_1098664266619742382_n_e63c880934.jpg" alt="369632492_598158262505422_1098664266619742382_n.jpg">Сондай-ақ Қызылорда облыстық жолаушылар көлігі және автомобиль жолдары басқармасының басшысы лауазымына Сыздықов Жәнібек Шәкімбайұлы тағайындалды.Облыс әкімі басқарманың жаңа басшысын таныстырып, қызметіне сәттілік тіледі.<blockquote>«Мемлекет басшысы Қасым-Жомарт Кемелұлы өз Жолдауында 2025 жылға дейін жергілікті маңызы бар жолдардың кемінде 95 пайызын жақсарту туралы тапсырма берді. Бүгінде өңірдегі жергілікті маңызы бар автомобиль жолдарының жақсы және қанағаттанарлық жай-күйі 82 пайызды құрайды. Биыл бұл көрсеткішті 87 пайызға жеткізу үшін 585 шақырым жергілікті маңызы бар автомобиль жолдары мен елді мекендердегі көшелерді жөндеуге бюджеттен 36 млрд. теңге бағытталды. Бөлінген қаржы өткен жылмен салыстырғанда 2,5 есеге артты. Дегенмен, қол жеткізген нәтижелерге тоқмейілсімей, бұл жұмыстарды одан әрі жандандыруымыз керек», – деді аймақ басшысы.</blockquote>Актив отырысында облыстық ардагерлер кеңесінің төрағасы Серік Дүйсенбаев басқарма басшысын жаңа қызметімен құттықтады.Жәнібек Шәкімбайұлы 1987 жылы дүниеге келген. Ол М.Тынышбаев атындағы Қазақ көлік және коммуникациялар академиясын «Құрылыс» мамандығы бойынша бітірген.Еңбек жолын 2008 жылы «Қазавтожол» республикалық мемлекеттік кәсіпорнының Қызылорда облыстық филиалында жол жұмысшысы болып бастаған.2009-2013 жылдары жеке және мемлекеттік жол құрылысы мекемелерінде еңбек еткен. 2013-2023 жылдары «Автомобиль жолдары басқармасы» жауапкершілігі шектеулі серіктестігінің бөлім бастығы, директордың өндіріс жөніндегі орынбасары лауазымдарында болған.2023 жылдың сәуір айынан бастап осы кезге дейін Қызылорда облыстық жолаушылар көлігі және автомобиль жолдары басқармасы басшысының орынбасары қызметін атқарып келді.<img src="https://knadmin.beoblood.kz/uploads/369611011_598159189171996_7603575744045281026_n_39ad84b038.jpg" alt="369611011_598159189171996_7603575744045281026_n.jpg">

Қызылорда: Екі басқармаға жаңа басшы тағайындалды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев «QazaqGaz» ҰК» АҚ Басқарма төрағасы Санжар Жаркешевпен, «ҚазТрансГаз Аймақ» акционерлік қоғамының басқарма төрағасы Бауыржан Асқаровпен кездесіп, аймақтың энергетика саласындағы өзекті мәселелерін талқылады.Алдымен аймақ басшысы Бауыржан Бекзатханұлын «ҚазТрансГаз Аймақ» акционерлік қоғамының Басқарма төрағасы лауазымына тағайындалуымен құттықтап, қызметіне сәттілік тіледі.&nbsp;<blockquote>«Қазір елді мекендерді «көгілдір отынмен» қамту бағытындағы жұмыстар қарқынды жүргізілуде. &nbsp;Өңірдің газдандыру деңгейі 72 пайызға жетті. Биыл газдандыру бойынша 26 жобаны жүзеге асыруға бюджеттен 8,6 млрд.теңге қаржы бөлінген. 10 жобаны жыл соңына дейін аяқтау жоспарлануда. Нәтижесінде 12 елді мекен тұрғындары табиғи газ тұтыну мүмкіндігіне ие болады. «QazaqGaz» ұлттық компаниясының өңірдің әлеуметтік-экономикалық дамуына қосқан үлесін де атап өткен жөн. Компанияның инвестициялық бағдарламасы аясында 25 млрд. теңгеге 4 аудан орталығы, яғни Арал қаласы мен Әйтеке би, Шиелі, Жаңақорған кенттері, Байқоңыр қаласы және басқа да елді мекендер газдандырылып, бүгінде халық игілігін көруде», – деді Нұрлыбек Машбекұлы.</blockquote>Дегенмен, газдандыру саласында шұғыл шешуді қажет ететін бірқатар түйткілдер бар. Кездесу барысында коммуналдық меншіктегі газбен жабдықтау нысандарын пайдаланушы ұйымдардың теңгеріміне беру, компания филиалының аудандарда апаттық-диспетчерлік қызметін құру, тұтынушылардың қарызын азайту және Қызылорда қаласындағы қуаттылығы 240 МВт құрайтын жаңа бу-газ қондырғысының құрылысы мәселелері талқыланды. Аймақ басшысы олардың шешім табуы аймағымыздың әлеуметтік-экономикалық дамуына оң әсерін тигізетінін атап айтты.

Аймақ басшысы «QazaqGaz» АҚ басшысымен энергетика саласының мәселелерін талқылады

<a href="https://kyzylorda-news.kz/">Kyzylorda-news.kz.</a> Қазгидромет ауа райына байланысты бірнеше өңірде дауылды ескерту жариялады.Синоптиктердің болжамы бойынша, 24 тамызда Астанада найзағай жарқылдайды. Күндіз бұршақ жаууы мүмкін. Оңтүстік-батыстан соғатын жел солтүстікке ауысады, күндіз екпіні 15-20 м/с болады. Алматыда жоғары өрт қаупі сақталады. Шымкентте 24-25 тамызда төтенше өрт қаупі бар. 24 тамызда күндіз Абай облысының батысында, солтүстігінде найзағай ойнайды. Оңтүстік-шығыстан жел соғады, екпіні – 15-20 м/с. Күндіз облыстың басым бөлігінде 35 градусқа дейін қатты ыстық күтіледі. Өрт қаупі әлі де жоғары. Ақмола облысында күн күркірейді. Түнде батыста, солтүстікте, күндіз орталықта, облыстың шығысында қатты жаңбыр жауады. Күндіз облыстың батысында, солтүстігінде, шығысында бұршақ жауады. Оңтүстік-батыстан соғатын жел облыстың батысында, солтүстігінде, шығысында солтүстікке ауысады, екпіні – 15-20 м/с. Облыстың батысы мен оңтүстігінде жоғары өрт қаупі сақталады.Қызылорда облысының орталығында шаңды дауыл соғады. 24-26 тамызда облыстың басым бөлігінде төтенше өрт қаупі сақталады.

24 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Берік Сәрменбаев Қалжан ахун ауылына барып, елді мекенде жүргізіліп жатқан газдандыру жұмыстарын көрді. Мердігер мекеме өкілдерімен кездесіп, жұмысты сапалы атқаруды және мерзімінде аяқтауды назарға салды.Ауданға қарасты Қалжан ахун, С.Сейфуллин, А.Тоқмағамбетов және Шаған ауылдарын газдандыру үшін 2023-2025 жылдарға республикалық бюджеттен қаржыландыруға бюджеттік өтінім ұсынылған. Соған орай, биыл "Ауыл – ел бесігі" бағдарламасы аясында Қалжан ахун ауылына газ жүргізуге 330 млн теңге қаржы бөлінді. Елді мекенде газ құбырларын жүргізу сәуір айынан басталды. Құрылыс монтаждау жұмыстарын "Ремстрой" ЖШС жүргізуде.Сонымен қатар, аудан әкімі елді мекенде фельдшерлік-акушерлік бекетке жүргізіліп жатқан күрделі жөндеу жұмыстарымен де танысты. Бүгінде жөндеу жұмыстары аяқталып қалған.Аудан басшысы мердігер мекеме өкілімен сөйлесіп, ескертулер айтты, мерзімінде орындалуын бақылауда ұстауды сала басшыларына тапсырды.

Қалжан ахун ауылын газдандыру жұмыстары жүргізілуде

<a href="https://kyzylorda-news.kz/">Kyzylorda-news.kz.</a> &nbsp;Қорқыт ата атындағы Қызылорда университетіне Гонконг білім беру университетінің делегациясы жұмыс сапарымен келді.&nbsp;Шетелдік оқу орнының өкілдері университеттің Басқарма төрағасы – Ректоры Бейбіткүл Кәрімовамен кездесіп, өзара тиімді ынтымақтастықты дамыту мәселелерін талқылады. Кездесуде білім сапасын арттыру, тәжірибе алмасу бойынша ұсыныстар айтылды. Атап айтсақ, бірлескен зерттеулер ұйымдастыру, оқытушы-профессорлардың біліктілігін арттыру бойынша қысқа мерзімді курстар оқыту, білім алушылардың алмасып оқуы жайлы екіжақты келісім мәселелері қарастырылды.Жиынға Гонконг білім беру университетінің интернационалдандыру жөніндегі проректоры, қауымдастырылған профессор Ло Синг Кай, жоғары оқу орнынан кейінгі білім беру деканатының меңгерушісі Тереза Пун, магистратура деканатының сыртқы және жаһандық байланыстар жөніндегі бас маманы Файе Ванг, постдокторант Артем Задорожный және университеттің проректорлары, құрылым басшылары, профессор-оқытушылар қатысты.&nbsp;Сонымен қатар, Гонконг білім беру университетінің интернационалдандыру жөніндегі проректоры, қауымдастырылған профессор Ло Синг Кай, постдокторант Артем Задорожный оқу ордамыздың білім алушыларына «Беделді шетелдік басылымдарда ағылшын тілінде мақалалар жариялау» атты дәріс жүргізді.&nbsp; &nbsp;

Гонконг білім беру университетімен халықаралық байланыс нығая түспек

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлік және өнеркәсіп басқармасының ұйымдастырумен аймақтағы кәсіпкерлер арасында ашық конкурс өткізеді.Конкурстың мақсаты - Кәсіпкерлікті дамыту жөніндегі 2021-2025 жылдарға арналған ұлттық жоба шеңберінде кәсіпкерлерге мемлекеттік гранттар беру.Конкурсқа қатысу үшін өтінімдер <a href="https://kezekte.kz/kk/">kezekte.kz</a> субсидиялаудың ақпараттық жүйесінің веб-порталы арқылы электронды түрде жүргізіледі.Конкурсқа қатысу үшін үміткерлер бекітілген нысан бойынша электрондық өтінімді және толық конкурстық құжаттар топтамасын ұсынады.&nbsp;Айта кетейік, құжаттарды ұсыну ҚР Үкіметінің 31.12.2019 жылғы №1060 қаулысымен бекітілген 2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде жаңа бизнес-идеяларды іске асыруға мемлекеттік гранттар беру қағидаларына сәйкес жүзеге асырылады.&nbsp;Өтінімдер 2023 жылдың 4-8 қыркүйек аралығында қабылданды. Көрсетілген мерзім өткеннен кейін келіп түскен өтінімдер қабылданбайды. Осы хабарландырумен және конкурстық құжаттама өңірлік үйлестірушінің <a href="https://www.gov.kz/memleket/entities/kyzylorda-kasipkerlik/press/events/details/21318?lang=kk">ресми сайтында</a> жарияланған. Байланыс телефоны: +7 (7242) 60-54-08, электрондық пошта upp@korda.gov.kz.

Кәсіпкерлер арасында ашық конкурс өтеді

<a href="https://kyzylorda-news.kz/">Kyzylorda-news.kz.</a> Бүгін ҚР Ұлттық экономика министрлігі Табиғи монополияларды реттеу комитетінің облыс бойынша департаментінің бастамасымен «Қызылорда электр тарату тораптары компаниясы» АҚ-ның жаңғыртылған және қайта қалпына келтірілген нысандарының жұмысымен танысу мақсатында арнайы баспасөз туры өтті.Баспасөз сапарына облыстық, қалалық мәслихаттағы «AMANAT» партиясы депутаттық фракция мүшелері М.Нәлібаев, Н.Амитов, Н.Бақытбекұлы, Ж.Нұрымбетов, А.Рахметов және Н.Тұрғанбаев қатысты.Шара барысында өңірдің электр желісінің 2023-2024ж жылыту маусымына дайындығын қамтамасыз ететін біршама жұмыстар таныстырылып, қала ішіндегі қайта қалпына келтірілген бірнеше нысандардың жұмыстары зерделенді.Басқосуда Фракция мүшелері тарапынан электр жабдықтарының сенімділігі мен жұмысқа қабілеттілігін жақсартуға, тозуын азайтуға және көрсетілетін қызметтердің сапасын арттыруға байланысты бірқатар ұсыныстар айтылды.

Электр желілерінің жай-күйі пысықталды

<a href="https://kyzylorda-news.kz/">Kyzylorda-news.kz.</a> Бүгін ҚР Парламенті Мәжілісінің депутаты, «AMANAT» партиясы Фракциясының мүшесі Мархабат Жайымбетов Төретам кенті мен Ақай ауылдық округіндегі газдандыру жұмыстарымен танысты.Фракция мүшесі М.Жайымбетов газдандыру жұмыстарымен танысу барысында Төретам кенті мен Ақай ауылы ақсақалдарының ұсыныстарын тыңдап, сұрақтарына жауап берді.Сонымен бірге, мердігер мекемелерінің жұмыстарын қатаң бақылауға алуға тапсырылды.Төретам кентіндегі газ құбырының жалпы ұзындығы – 97,179 км. Бүгінгі күнге 72,9 (75,0%) км. газ құбыры тартылды.Ақай ауылдық округіндегі газдандыру бойынша құрылыс-монтаж жұмыстары 95% пайызға аяқталды.

Төретам кенті мен Ақай ауылдық округі табиғи газға қосылады

<a href="https://kyzylorda-news.kz/">Kyzylorda-news.kz.</a> Білім беру маусымы басталуға жақын. Сол себепті білім ұйымдарында да жылу беру маусымына дайындық басталды. Қыстан қысылмай шығуға жауапты мамандар қам-қарекет жасауда. Бұл туралы Өңірлік коммуникациялар қызметінің баспасөз алаңында облыстық энергетика және тұрғын үй-коммуналдық шаруашылық басқарма басшысының орынбасары Ерлан Жоламанов айтты.<blockquote>«Облыс бойынша алдағы жылу беру маусымына дайындық жұмыстары бекітілген іс-шара жоспарына сәйкес жүргізілуде. Облыста 1067 әлеуметтік нысан бар, оның ішінде 532 білім беру нысаны. Білім беру нысандарының жылу беру маусымына дайындығы 95% пайызды құрайды. Биыл 12 қазандықты жаңғырту жұмыстары жүргізілуде. Оның ішінде, 11 білім беру нысанының қазандығы сыртқа шығарылады», - деді Ерлан Ералыұлы.</blockquote>Жалпы, 532 мемлекеттік білім беру ұйымының 77-сі жылумен қамтамасыз ету бойынша орталықтандырылған, автономды газ – 100, автономды сұйық отын – 199, автономды қатты отын – 124. &nbsp;Биыл жылу маусымын толық қамтуға білім саласына 3,8 миллиард теңге қаржы бөлінген. Оның 1,8 миллиард теңгесі қаңтар-сәуір айларында жұмсалды.&nbsp;<blockquote>«Жылу маусымының екінші кезеңіне 11097 тонна қатты және 7676 тонна сұйық отын қажет. Бүгінгі күні барлық білім беру мекемелерімен қатты және сұйық отынды жеткізу бойынша келісімшарттар жасалған. Қатты отын тамыз айынан бастап бекітілген кесте бойынша жеткізілуде. Ал, сұйық отын білім беру нысандарының резервуарларының көлеміне сәйкес бекітілген кесте бойынша жеткізілетін болады. Одан бөлек, жылу маусымына дайындық жұмыстарын жүргізуге 216,1 миллион теңгеге қосымша қаржы бөлінді», - деді облыстық білім басқармасының бөлім басшысы Бақыт Дүйсенов.</blockquote><img src="https://knadmin.beoblood.kz/uploads/Bezymyannyj_f0102dd9b9.jpg" alt="Безымянный.jpg">

Қызылордада білім ұйымдары жылу беру маусымына дайын

<a href="https://kyzylorda-news.kz/">Kyzylorda-news.kz.</a> Бүгін ҚР Парламенті Мәжілісіндегі «AMANAT» партиясы фракциясының мүшелері М.Жайымбетов пен М.Абенов Қармақшы ауданында болды.Халық қалаулылары ең алдымен "Жалағаш Жосалы" автомобиль жолының қираған учаскелерін күрделі жөндеу жұмыстарын аралаудан бастады. 2023 жылдың 7 наурызында Сырдария өзенінен көп мөлшерде су өтуіне байланысты, келген су өзен арнасынан тасып облыстық маңызы бар "Жосалы - Жалағаш" автомобиль жолының 31,1км-гі көпірді, су өткізгіш құбырларды және асфальт қабаттарын су шайып бірнеше жерден бұзылған болатын. Жол бойындағы елді мекен тұрғындарын дер кезінде көлік қатынасымен қамтамасыз ету мақсатында ағымдағы жылдың 26 маусымында мердігер мекеме анықталып, құрылыс жұмыстарын бастап кетті. Құрылыс алаңында қазіргі уақытта 20 адам 13 техника жұмыс жасауда. Бұзылған көпірдің 16 дана плитасы қайта қалпына келтірілген. Жұмыстың аяқталу уақыты ағымдағы жылдың қыркүйек айы екендігін ескере отырып мәжіліс депутаттары мердігер мекеме өкіліне құрылысты сапалы әрі мерзімінде орындалу керектігін тапсырды.

Фракция мүшесі автомобиль жолының құрылысын зерделеді

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Нұрымбет Сақтағанов Жалағаш ауданы тұрғындарына жеке қабылдау өткізді.Жеке қабылдау барысында тұрғындар тарапынан Аламесек ауылдық округіндегі ішкі көшелерді жөндеу және электрмен қамту желілерін жаңарту, Аудандық аурухана мен емхананы орталықтандырылған кәріз жүйесіне қосу, «Ақтерек» сауықтыру лагеріне күрделі жөндеу жұмыстарын жүргізу, Жалағаш кентінің орталығындағы қоғамдық моншаға газ тарту, «Арысқұм» учаскесіне учаскелік полиция пунктін салу, қызметтік автокөлікпен қамтамасыз ету және штат мәселесі, Таң ауылы, Жаңақоныс елді мекеніндегі ауыз су жүйесі және ауылға кіреберістегі көпірді жөндеу жөнінде мәселелер қозғалды.Сондай-ақ, бір қатар мәселелер оң шешім тапты. Есет батыр ауылындағы 5 көшені күрделі жөндеуден өткізуге 28.12.2022 жылы жалпы құны 545,8 млн. теңге болатын жоба-сметалық құжаттары әзірленіп, 11.05.2023 жылы облыстық жолаушылар көлігі және автомобиль жолдары басқармасына бюджеттік өтінім жолданған.Сонымен қатар, елді мекеннің ішкі 4 көшесін күрделі жөндеуден өткізу үшін жоба-сметалық құжаттарын әзірлеуге аудандық бюджеттен 3,0 млн. теңге қаржы бөлінді. Қазіргі таңда «ТМ ПроектСтрой» ЖШС арқылы әзірленіп, сараптамаға ұсынылды. Алдағы уақытта тиісті басқармаға қаржыландыруға ұсынылатын болады.Есет батыр ауылының тұрғын үй секторының электр тарату желілерінің құрылысына 29.11.2022 жылы жалпы құны 357,0 млн. теңге болатын жоба-сметалық құжаттары демеушілер есебінен әзірленді. 01.12.2022 жылы облыстық құрылыс, сәулет және қала құрылысы басқармасы арқылы ҚР Индустрия және инфрақұрылымдық даму министрлігіне қаржыландыруға ұсынылды.&nbsp;«Ақтерек» сауықтыру лагері 1999 жылы ыңғайластырылып “асар” әдісімен салынып, пайдалануға берілген. Лагерьде бейімделген 4 жатын ғимараты және 80 орынға арналған асхана ғимараты бар.Жазғы демалыс уақыттарын тиімді пайдалану мақсатында 452 бала демалыспен қамтылады. Жазғы демалыс уақытынан басқа мезгілдерде оқушыларды олимпиадаға, ұлттық бірыңғай тестілеуге дайындық жұмыстары ұйымдастырылады.Лагерь ғимаратын жыл бойы пайдаланғандықтан күрделі жөндеу жұмыстарын жүргізу қажет. Облыс әкімі жанындағы кеңес қарауынан қолдау тапқан.Жеке қабылдау барысында көтерілген барлық мәселені назарға алған Нұрымбет Сақтағанов, жауапты басқарма басшыларына тиісті тапсырмалар берді.Қабылдауға құқық бұзушылықтардың алдын алу мен қоғамдық тәртіпті қамтамасыз ету мәселелері бойынша түсіндірме жұмыстарын жүргізетін жұмысшы тобы қатысты.<img src="https://knadmin.beoblood.kz/uploads/370553322_1762172617568142_7412123660287801367_n_064041e575.jpg" alt="370553322_1762172617568142_7412123660287801367_n.jpg">

Қазақстан және Қызылорда облысының жаңалықтары